BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

ទីក្រុង Moscow បង្ហាញពីបំណងដែលអាចមានការចរចាជាមួយប្រទេសអ៊ុយក្រែន

រុស្ស៊ី៖ អ្នកនាំពាក្យវិមានក្រឹមឡាំងលោក Dmitry Peskov បានបញ្ជាក់កាលពីថ្ងៃអាទិត្យនៅក្នុងកម្មវិធីទូរទស្សន៍ថា ទីក្រុង Moscow នៅតែត្រៀមខ្លួនជានិច្ចចូលរួមការចរចាជាមួយទីក្រុង Kiev ប៉ុន្តែការបំពេញតាមការទាមទាររបស់រុស្ស៊ីនឹងនៅតែជាប្រធានបទសំខាន់តែមួយគត់លើរបៀបវារៈនេះ។ នៅពេលសួរថា តើរុស្ស៊ីអាចនៅមានការពិភាក្សាណាមួយជាមួយប្រធានាធិបតីអ៊ុយក្រែន Volodimyr Zelensky ទេ លោក Peskov បានឆ្លើយតបថា មែនហើយយើងអាចចរចាថាត្រូវធ្វើបែបណា ដើម្បីបំពេញបានតាមការទាមទាររបស់យើង។ លោក Zelenskyy កាលពីពេលថ្មីៗនេះបានគំរាមបោះបង់ចោលគំនិត នៃការជួបចរចាជាមួយទីក្រុង Moscow ទៅលើចំនួននៃឱកាស។ កាលពីចុងខែសីហាកន្លងទៅ លោកបានលើកឡើងពីតុលាការពិសេស សម្រាប់ចំនួនករណីនៃការប្រព្រឹត្តិបទឧក្រឹត្យរបស់កងវរសេនាធំ Azov នៅក្នុងសាធារណរដ្ឋប្រជាមានិត Donetsk មួយស្ថិតក្នុងចំណោមបន្ទាត់ក្រហមជាច្រើន ដែលនឹងមិនអាចឲ្យមានការចរចាកើតឡើងបាន។ភាគីទាំង២ ពុំបានចូលតុចរចាចាប់តាំងពីការជួបគ្នានៅក្នុងទីក្រុង Istanbul ប្រទេសទួរគីកាលពីចុងខែមីនា។ ទីក្រុង Moscow ធ្លាប់មានសុទិដ្ឋិនិយមអំពីការរំពឹងទុកសម្រាប់កិច្ចព្រមព្រៀងសន្តិភាព ប៉ុន្តែក្រោយមកបានចោទប្រកាន់ទីក្រុង Kiev ពីបទបំផ្លាញការចរចា។ ក្រុមមន្ត្រីរុស្ស៊ីបានព្រមានធ្ងន់ៗថា ការទាមទាររបស់ពួកគេនឹងមានកាន់តែច្រើនទៀត ប្រសិនបើមានការចរចាឡើងវិញ៕អត្ថបទ៖ សុខមាន

លោក Donald Trump ហៅលោក Biden ថាជាសត្រូវរបស់រដ្ឋ

សហរដ្ឋអាមេរិក៖ កាលពីចុងសប្ដាហ៍នេះអតីតប្រធានាធិបតីអាមេរិកលោក Donald Trump បានហៅលោកប្រធានាធិបតី Joe Biden ថាជាសត្រូវរបស់រដ្ឋ ជាការឆ្លើយតបទៅនឹងសុន្ទរកថាបឋមដែលលោក Biden បានហៅក្រុមសាធារណរដ្ឋដែលត្រូវបានរងឥទ្ធិពលពីលោក Trump ថាជាការគំរាមដល់ប្រជាធិបតេយ្យ។ លោក Trump បាននិយាយថា សប្តាហ៍នេះលោក Joe Biden បានមកទីក្រុង Philadelphia នៃរដ្ឋ Pennsylvania ដើម្បីថ្លែងសុន្ទរកថាប្រើភាសាធ្ងន់ៗ ស្អប់ខ្ពើម និងរុញឲ្យមានការបែកបាក់គ្នាដែលមិនធ្លាប់មានប្រធានាធិបតីអាមេរិករូបណាធ្វើ ដោយប្រមាថពលរដ្ឋ ៧៥លាននាក់ជាការគំរាមកំហែងដល់លទ្ធិប្រជាធិបតេយ្យ និងជាសត្រូវរបស់រដ្ឋ។ លោក Biden គឺជាសត្រូវរបស់រដ្ឋ។ ការថ្លែងរបស់លោក Trump បានធ្វើឡើងនៅកម្មវិធីប្រមូលផ្ដុំជាលើកដំបូងរបស់លោក ចាប់តាំងពីថ្ងៃទី៨ ខែសីហា ដែលភ្នាក់ងារ FBI បានចូលឆែកឆេរគេហដ្ឋាន Mar-a-Lago របស់លោក។លោកបានទៅកាន់រដ្ឋ Pennsylvania ដើម្បីធ្វើកម្មវិធីប្រមូលផ្ដុំសម្រាប់ការគាំទ្របេក្ខភាពព្រឹទ្ធសភាលោក Mehmet Oz របស់គណបក្សសាធារណរដ្ឋ និងបេក្ខភាពអភិបាលរដ្ឋគឺលោក Doug Mastriano។ លោក Trump ក៏បានហៅការឆែកឆេររបស់ទីភ្នាក់ងារ FBI នៅគេហដ្ឋាន Mar-a-Lago របស់លោកថា ជាឧទាហរណ៍នៃការគំរាមកំហែងដល់សិទ្ធិសេរីភាពរបស់សហរដ្ឋអាមេរិកផងដែរ៕អត្ថបទ៖ សុខមាន

លោកស្រី ពេជ ចន្ទមុន្នី ប្រកាស និងប្រគល់សេចក្តីសម្រេចបញ្ចូលសមាជិកសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA)ជាង៨០០នាក់

ភ្នំពេញ៖ លោកជំស្រី ពេជ ចន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យលោកស្ម័គ្រចិត្តយុវជនសម្ដេចតេជោ(TYDA) នៅរសៀលថ្ងៃទី០៤ ខែកញ្ញា ឆ្នាំ២០២២ បានប្រកាស និងប្រគល់សេចក្តីសម្រេចបញ្ចូលសមាជិកសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA)ជាង៨០០នាក់បន្ថែមទៀត។ លោកមានប្រសាសន៍ថា TYDA គិតត្រឹមឆ្នាំ២០២២នេះ មានអាយុ ១០ឆ្នាំហើយ និងបានធ្វើសកម្មភាពមនុស្សធម៌ទូទាំងប្រទេស ដែលទទួលបានលទ្ធផលជាក់ស្ដែង គឺព្យាបាលប្រជាពលរដ្ឋប្រមាណ ៣៥ម៉ឺននាក់ ក្នុងនោះអ្នកជំងឺធ្ងន់ធ្ងរជាង៦ពាន់នាក់ត្រូវបានបញ្ជូនមកព្យាបាលបន្តនៅរាជធានីភ្នំពេញ និងអ្នកជំងឺបេះដូងធ្ងន់ធ្ងរចំនួន៥៨នាក់ត្រូវបានវះកាត់ដោយជោគជ័យក្រោមការឧបត្ថម្ភដ៏ថ្លៃថ្លារបស់សម្តេចតេជោហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។ លោកស្រីក៏បានបង្ហាញអារម្មណ៍រីករាយ និងមោទនភាពដែលសមាគមគ្រូពេទ្យសមាជិកយុវជនសម្ដេចតេជោបានវិវត្តន៍ខ្លួនមកដល់ពេលនេះ។ហើយបានចូលរួមសកម្មភាពមនុស្សធម៌ជួយដល់ប្រជាពលរដ្ឋដើម្បីផ្ដល់នូវជីវិតទីពីរ និងស្នាមញញឹម និងការចូលរួមការលះបង់កម្លាំងកាយចិត្តពេលវេលា ប្រកបដោយកាយវិកាមនុស្សធម៌និងគុណធម៌របស់សមាជិកចំពោះប្រជាពលរដ្ឋ។លោកស្រីបានបន្ថែមថា សមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) គឺជាយន្តការបើកច្រក និងផ្ដល់ឱកាសឱ្យសមាជិកសមាជិកាចូលរួមធ្វើសកម្មភាពមនុស្សធម៌នៅទូទាំងប្រទេស ក្រោមការសហការជាមួយដៃគូសហការផ្សេងៗ នឹងមានឱកាសបង្កើតទំនាក់ទំនងល្អចំពោះគ្នាទៅវិញទៅមក។លោកស្រីបានថ្លែងអំណរគុណសមាជិកសមាជិកាសមាគមដែលបានលះបង់ពេលវេលា កម្លាំងកាយចិត្ត ប្រើប្រាស់ចំណេះដឹងជំនាញ និងបទពិសោធន៍ជួយពិនិត្យព្យាបាលជំងឺជូនប្រជាពលរដ្ឋនៅទូទាំងប្រទេស និងសូមថ្លែងអំណរគុណសប្បុរសជន ដែលបាននិងកំពុងឧបត្ថម្ភសម្ភារៈ បរិក្ខា ក្នុងការផ្ដល់លទ្ធភាព និងទ្រទ្រង់សមាគមឱ្យសមាគមមានលទ្ធភាពបន្តបេសកកម្មមនុស្សធម៌បន្ថែមទៀត និងសូមថ្លែងអំណរគុណដៃគូរសហការដែលបានជួយឧបត្ថម្ភគាំទ្រតាមរយៈការចូលរួមដោយផ្ទាល់ក្នុងបេសកកម្មក៏ដូចជាជួយសម្របសម្រួលយកចិត្តទុកដាក់រាល់សកម្មភាពរបស់សមាគម។ សូមបញ្ជាក់ថា នេះគឺជាលើកទី៦ហើយ ដែលសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) បានប្រកាសបញ្ចូលសមាជិក។ដែលធ្វើឲ្យចំណូលសមាជិកសមាគមមកដល់ពេលនេះមានចំនួនជាង ៨ពាន់នាក់៕

ពលរដ្ឋនៅសាធារណរដ្ឋឆែកប្រមាណ ៧ម៉ឺននាក់ចេញតវ៉ាប្រឆាំងរដ្ឋាភិបាល សហភាពអឺរ៉ុប និង NATO

សាធារណរដ្ឋឆែក៖ ក្រុមអ្នកតវ៉ារាប់ម៉ឺននាក់មកពីគ្រប់និន្នាការនយោបាយ បានតវ៉ាប្រឆាំងនឹងរដ្ឋាភិបាលសាធារណរដ្ឋឆែក សហភាពអឺរ៉ុប និងសម្ព័ន្ធយោធា NATO កាលពីថ្ងៃសៅរ៍។ មនុស្សប្រមាណ ៧ម៉ឺននាក់បានចេញតវ៉ាតាមដងផ្លូវនានានៃរដ្ឋធានីប្រាក់ (Prague) ដោយអំពាវនាវដល់ក្រុមចម្រុះកំពុងកាន់អំណាចឲ្យទប់ការឡើងថ្លៃថាមពល ខណៈបង្ហាញការជំទាស់របស់ពួកគេចំពោះសហភាពអឺរ៉ុប និងអង្គការNATO។ ក្រុមអ្នកតវ៉ាមកពីគ្រប់និន្នាការនយោបាយបាននិយាយថា ប្រទេសនៅអឺរ៉ុបកណ្ដាលមួយនេះគួរតែនៅជាអព្យាក្រឹត្យខាងយោធា និងរក្សាការនាំចូលឧស្ម័នពីរុស្ស៊ី។ក្រុមបាតុករបានទាមទារឲ្យមានការលាលែងពីតំណែង របស់រដ្ឋាភិបាលចម្រុះបច្ចុប្បន្នដែលដឹកនាំដោយលោកនាយករដ្ឋមន្ត្រីអភិរក្សនិយម Petr Fiala។ ពួកគេរិះគន់លើបញ្ហាជាច្រើន រួមទាំងគោលនយោបាយនានាដែលតម្រង់ទិសដោយលោកខាងលិច។ ពួកគេក៏បានថ្កោលទោសរដ្ឋាភិបាលនេះផងដែរ ចំពោះការគាំទ្រដាក់ទណ្ឌកម្មប្រឆាំងនឹងរុស្ស៊ីជុំវិញសង្គ្រាមក្នុងប្រទេសអ៊ុយក្រែន និងបានចោទប្រកាន់ប្រទេសនេះថា មិនអាចទប់ស្កាត់ការហក់ឡើងថ្លៃថាមពលបាន៕អត្ថបទ៖ សុខមាន

មនុស្ស ១០នាក់ស្លាប់ និង ១៥នាក់រងរបួសក្នុងហេតុការណ៍ចាក់សម្លាប់ក្នុង១៣ទីតាំងផ្សេងៗគ្នានៅកាណាដា

កាណាដា៖ នគរបាលបាននិយាយថា មនុស្ស ១០នាក់ស្លាប់ និង ១៥នាក់រងរបួសក្នុងការហេតុការណ៍ចាក់សម្លាប់ទាំងកម្រោលនៅក្នុងខេត្ត Saskatchewan ភាគកណ្ដាលរបស់ប្រទេសកាណាដា។ ជនរងគ្រោះត្រូវបានប្រទះឃើញក្នុង ១៣ទីតាំងរួមទាំងនៅក្នុងតំបន់ James Smith Cree Nation និងភូមិ Weldon។ជនសង្ស័យទាំង ២នាក់ដែលនគរបាលបានកំណត់អត្តសញ្ញាណនោះគឺម្នាក់ឈ្មោះ Damien Sanderson អាយុ 31ឆ្នាំ និងម្នាក់ទៀតឈ្មោះ Myles Sanderson វ័យ 30ឆ្នាំកំពុងរត់គេចខ្លួន និងត្រូវគេគិតថាប្រដាប់ដោយអាវុធ និងប្រកបដោយគ្រោះថ្នាក់។ ក្រុមអាជ្ញាធរបានប្រាប់ប្រជាពលរដ្ឋឲ្យទៅកាន់កន្លែងស្នាក់នៅមានសុវត្ថិភាព ក្រោមការប្រុងប្រយ័ត្នពីមនុស្សដ៏គ្រោះថ្នាក់។នគរបាលបាននិយាយថា ជនសង្ស័យទាំង ២នាក់នោះអាចជិះរថយន្តម៉ាក Nissan Rogue ពណ៌ខ្មៅ ដោយព្រមានថា អ្នកណាដែលឃើញបុរសជនសង្ស័យ ២នាក់ ឬរថយន្តនោះត្រូវនៅឲ្យឆ្ងាយ និងទូរស័ព្ទទៅនគរបាលភ្លាម។ កាលពីថ្ងៃអាទិត្យនគរបាលកាណាដាបាននិយាយថា ពួកគេកំពុងតាមប្រមាញ់ជនសង្ស័យទាំង ២នាក់ដែលត្រូវគេជឿថាបានសម្លាប់មនុស្ស ១០នាក់ និងបង្កឲ្យមនុស្ស ១៥នាក់ផ្សេងទៀតរងរបួសក្នុងហេតុការណ៍ចាក់សម្លាប់ដោយកាំបិតក្នុង ១៣ទីតាំងផ្សេងៗគ្នានៅខេត្ត Saskatchewan៕អត្ថបទ៖ សុខមាន

ប្រទេសចិនចោទបក្សកាន់អំណាចរបស់កោះតៃវ៉ាន់ថា ប៉ុនប៉ងបង្កភាពតានតឹង

ចិន៖ ក្រសួងការបរទេសចិនបាននិយាយកាលពីថ្ងៃសុក្រថា គណបក្សកាន់អំណាចរបស់កោះតៃវ៉ាន់កំពុងព្យាយាមបង្កើនភាពតានតឹង បន្ទាប់ពីទីក្រុងតៃប៉ិបានបាញ់ទម្លាក់យានដ្រូនស៊ីវិល មិនស្គាល់អត្តសញ្ញាណមួយគ្រឿងនៅក្នុងសប្តាហ៍នេះ។ អ្នកនាំពាក្យក្រសួងលោក Zhao Lijian បាននិយាយនៅក្នុងសន្និសីទសារព័ត៌មានថា ការប៉ុនប៉ងរបស់គណបក្សប្រជាធិបតេយ្យជឿនលឿនក្នុងការបង្កើនភាពតានតឹងពុំមានន័យអ្វីនោះទេ។ នាយករដ្ឋមន្ត្រីកោះតៃវ៉ាន់លោក Su Tseng-chang បាននិយាយក្នុងការឆ្លើយតបថា ការបាញ់ទម្លាក់យានដ្រូនគឺជាប្រតិកម្មដ៏សមស្របបំផុត បន្ទាប់ពីមានការអត់ធ្មត់ និងការព្រមានម្តងហើយម្តងទៀត៕អត្ថបទ៖ ប៊ុនថន

មនុស្សរាប់ពាន់នាក់ភៀសខ្លួនចេញពីភ្លើងឆេះព្រៃនៅរដ្ឋកាលីហ្វ័រញ៉ា ខណៈរដ្ឋនេះកំពុងទទួលរលកកម្តៅខ្លាំង

សហរដ្ឋអាមេរិក៖ ភ្លើងឆេះព្រៃក្នុងល្បឿនយ៉ាងលឿននៅភាគខាងជើងរដ្ឋកាលីហ្វ័រញ៉ា បានគំរាមដល់លំនៅឋានរាប់រយខ្នងកាលពីថ្ងៃសុក្រ ហើយអាជ្ញាធរបានបញ្ជាឱ្យពលរដ្ឋយ៉ាងហោចណាស់ 5,000នាក់នៅទូទាំងសហគមន៍ចំនួនបីឱ្យចាកចេញជាបន្ទាន់។ ពលរដ្ឋនៅក្នុងទីប្រជុំជន Weed, Lake Shastina និង Edgewood ក្នុងតំបន់ Siskiyou ត្រូវបានប្រាប់ឱ្យជម្លៀសចេញ បន្ទាប់ពីភ្លើងឆេះព្រៃបានរាលដាលលើផ្ទៃដី 500ហិចតាក្នុងរយៈពេលប្រហែលមួយម៉ោង។ រដ្ឋកាលីហ្វ័រញ៉ាកំពុងកើតមានរលកកម្តៅដ៏យូរ ខណៈសីតុណ្ហភាពឡើងខ្ពស់ ដែលប្រជាពលរដ្ឋត្រូវបានស្នើសុំរយៈពេលបីថ្ងៃជាប់ៗគ្នា ឲ្យសន្សំសំចៃការប្រើប្រាស់ថាមពល។ប្រជាជននៅរដ្ឋកាលីហ្វ័រញ៉ាត្រូវបានស្នើសុំឱ្យកាត់បន្ថយការប្រើប្រាស់ម៉ាស៊ីនត្រជាក់ និងកាត់បន្ថយការប្រើប្រាស់អគ្គិសនីផ្សេងទៀត ដើម្បីការពារការផ្គត់ផ្គង់លើបណ្តាញអគ្គិសនីរបស់រដ្ឋ ដែលអាចនាំឱ្យមានការដាច់ចរន្តអគ្គិសនី។ វាជាថ្ងៃទីបីជាប់ៗគ្នានៃសំណើរបស់ប្រតិបត្តិករបណ្ដាញអគ្គិសនីរបស់រដ្ឋ សម្រាប់ការកាត់បន្ថយការប្រើប្រាស់ដោយស្ម័គ្រចិត្តក្នុងអំឡុងពេលរសៀល និងពេលល្ងាចដើម្បីធ្វើឱ្យមានតុល្យភាពការផ្គត់ផ្គង់ និងតម្រូវការ ខណៈពលរដ្ឋរាប់លាននាក់បានស៊ូទ្រាំក្នុងសីតុណ្ហភាពខ្ពស់៕អត្ថបទ៖ ប៊ុនថន

លោក Zelenskyy សាទរការទប់តម្លៃប្រេងរុស្ស៊ីមិនឲ្យហក់ឡើងរបស់ក្រុមប្រទេស G7

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របានសាទរការសម្រេចរបស់រដ្ឋមន្ត្រីហិរញ្ញវត្ថុ មកពីក្រុមប្រទេសមហាអំណាចឧស្សាហកម្មទាំងប្រាំពីរ ដើម្បីដាក់កម្រិតលើការទប់តម្លៃប្រេងរបស់រុស្ស៊ី។ លោក Zelenskyy បាននិយាយថា នៅពេលដែលយន្តការនេះត្រូវបានអនុវត្ត វានឹងក្លាយជាចំណុចសំខាន់មួយដើម្បីការពារប្រទេសជឿនលឿន និងទីផ្សារថាមពលពីការឈ្លានពានដោយសង្គ្រាមចម្រុះរបស់រុស្ស៊ី។ លោក Zelenskyy និយាយថា ខ្ញុំរំលឹកអ្នកគ្រប់ពេលថា ការការពារអ៊ុយក្រែនគឺជាការការពារអឺរ៉ុបទាំងអស់ ហើយមិនត្រឹមតែពួកយើងប៉ុណ្ណោះទេ ប៉ុន្តែថែមទាំងពិភពប្រជាធិបតេយ្យទាំងមូល។ ការសន្យាកាលពីថ្ងៃសុក្ររបស់រដ្ឋមន្ត្រីហិរញ្ញវត្ថុក្រុមប្រទេស G-7 គឺជាបំណងមួយដើម្បីកំណត់ប្រាក់ចំណូលរបស់វិមានក្រឹមឡាំង និងសមត្ថភាពក្នុងការផ្តល់មូលនិធិសង្គ្រាមនៅអ៊ុយក្រែន ខណៈនឹងកាត់បន្ថយផលប៉ះពាល់ដោយសង្គ្រាមលើតម្លៃថាមពល និងអតិផរណា។ក្រុមរដ្ឋមន្ត្រីបាននិយាយថា ពួកគេនឹងទប់តម្លៃប្រេងហក់ឡើងដោយរារាំងក្រុមហ៊ុនធានារ៉ាប់រង ឬក្រុមហ៊ុនដឹកជញ្ជូនមិនឲ្យជួយរុស្ស៊ីលក់ប្រេងក្នុងតម្លៃលើសពីការកំណត់។ លោក Zelenskyy បានថ្លែងអំណរគុណដល់មេដឹកនាំអឺរ៉ុបសម្រាប់ការគាំទ្ររបស់ពួកគេ និងបានរំលឹកឡើងវិញពីភាពអន្ទះសាក្នុងការចូលជាសមាជិកសហភាពអឺរ៉ុប៕អត្ថបទ៖ ប៊ុនថន

អគ្គនាយក IAEA និយាយថា ស្ថានភាពរោងចក្រនុយក្លេអ៊ែរ Zaporizhzhia ធ្វើឱ្យលោកព្រួយបារម្ភខ្លាំង

អ៊ុយក្រែន៖ ប្រធានទីភ្នាក់ងារថាមពលអាតូមិកអន្តរជាតិ (IAEA) បាននិយាយកាលពីថ្ងៃសុក្រថា លោករំពឹងថានឹងបង្កើតរបាយការណ៍ស្តីពីរោងចក្រថាមពលនុយក្លេអ៊ែរ Zaporizhzhia នៅដើមសប្តាហ៍ក្រោយ។ ថ្លែងពីអាកាសយានដ្ឋានក្រុងវីយែនបន្ទាប់ពីវិលត្រលប់មកពីប្រទេសអ៊ុយក្រែនវិញ លោក Rafael Grossi និយាយថា បេសកកម្មរបស់ទីភ្នាក់ងារ IAEA នឹងចេញផ្សាយការរកឃើញចំពោះការវាយតម្លៃភ្លាមៗ ខណៈមានរូបភាពពេញលេញពីស្ថានភាពនៅចុងសប្តាហ៍នេះ ដោយលោកនឹងធ្វើសេចក្តីសង្ខេបជូនដល់ក្រុមប្រឹក្សាសន្តិសុខអង្គការសហប្រជាជាតិនៅថ្ងៃអង្គារ។ លោក Grossi និយាយថា អ្នកជំនាញនុយក្លេអ៊ែរ ៦នាក់ក្នុងចំណោមអ្នកជំនាញ ១៤នាក់របស់ទីភ្នាក់ងារអង្គការសហប្រជាជាតិនៅតែស្ថិតនៅរោងចក្រ Zaporizhzhia ហើយនឹងមានវត្តមានអចិន្ត្រៃយ៍នៅទីនោះ ដោយអ្នកជំនាញរបស់យើង ២នាក់នឹងបន្តការងារនេះ ប៉ុន្តែលោកមិនបានបញ្ជាក់ច្បាស់ថា តើអ្នកជំនាញទាំង ២នាក់នឹងនៅរយៈពេលយូរប៉ុណ្ណានោះទេ។លោកនិយាយថា សកម្មភាព និងប្រតិបត្តិការសឹកកំពុងកើនឡើងនៅក្នុងតំបន់រោងចក្ររបស់ប្រទេស ហើយនេះធ្វើឲ្យលោកព្រួយបារម្ភខ្លាំង។ ក្រសួងការពារជាតិអង់គ្លេសនិយាយកាលពីថ្ងៃសុក្រថា ការបាញ់ផ្លោងបានបន្តនៅក្នុងតំបន់ក្បែររោងចក្រថាមពល ហើយការិយាល័យប្រធានាធិបតីអ៊ុយក្រែនលោក Volodymyr Zelenskyy បាននិយាយថា ការបាញ់ផ្លោងរបស់រុស្ស៊ីបានបំផ្លាញលំនៅឋាន បំពង់បង្ហូរឧស្ម័ន និងហេដ្ឋារចនាសម្ព័ន្ធផ្សេងទៀតនៅក្នុងទីក្រុង Nikopol៕អត្ថបទ៖ ប៊ុនថន

អនុប្រធានាធិបតីអាហ្សង់ទីនបង្ហាញខ្លួនបន្ទាប់ពីការវាយប្រហារ ខណៈមនុស្សរាប់ពាន់នាក់បង្ហាញការគាំទ្រ

អាហ្សង់ទីន៖ អនុប្រធានាធិបតីប្រទេសអាហ្សង់ទីនលោកស្រី Cristina Fernández បានបង្ហាញខ្លួនជាសាធារណៈលើកដំបូងកាលពីថ្ងៃសុក្រ ចាប់តាំងពីការប៉ុនប៉ងធ្វើឃាតជាក់ស្តែងដែលលោកស្រីបានទទួលរងកាលពីយប់ថ្ងៃព្រហស្បតិ៍។ដោយដើរចេញពីលំនៅឋាន លោកស្រី Fernández បានស្វាគមន៍អ្នកគាំទ្រដែលកំពុងអបអរលោកស្រី។ មនុស្សរាប់ពាន់នាក់ទៀតបានប្រមូលផ្តុំគ្នានៅទីលាន Plaza de Mayo ជាកន្លែងដែលមេដឹកនាំសហជីព អ្នកនយោបាយ អ្នកតស៊ូមតិសិទ្ធិមនុស្ស និងអ្នកតំណាងវប្បធម៌បានដឹកនាំសកម្មភាពដ៏ធំមួយ។ កាលពីយប់ថ្ងៃព្រហស្បតិ៍ លោកស្រី Fernández បានចុះពីលើរថយន្តរបស់លោកស្រីនៅខាងក្រៅអគារលំនៅឋានរបស់លោកស្រី ហើយបានស្វាគមន៍អ្នកគាំទ្រជាច្រើន ពេលនោះខ្មាន់កាំភ្លើងម្នាក់បានភ្ជង់កាំភ្លើងសំដៅលោកស្រី ស្ទើរតែជិតដល់មុខហើយបានកេះកៃ ប៉ុន្តែគ្រាប់កាំភ្លើងមិនបានផ្ទុះនោះទេ ខណៈកាំភ្លើងនេះមានគ្រាប់ចំនួន ៥គ្រាប់។អាជ្ញាធរតុលាការ និងអនុវត្តច្បាប់កំពុងស៊ើបអង្កេតថា តើពលរដ្ឋប្រេស៊ីលដែលត្រូវបានឃុំខ្លួនជាខ្មាន់កាំភ្លើងតែម្នាក់ឯង ឬថាតើខ្មាន់កាំភ្លើងរូបនេះជាផ្នែកនៃអង្គការធំណាមួយ។ សម្ព័ន្ធមិត្តរបស់លោកស្រី Fernández ដែលធ្លាប់ជាប្រធានាធិបតីអាហ្សង់ទីនពីឆ្នាំ2007-2015 បានអំពាវនាវឱ្យមានការហែក្បួនដើម្បីបង្ហាញពីការគាំទ្ររបស់ពួកគេ និងមិនទទួលយកឧប្បត្តិហេតុបែបនេះ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ជនជាតិចិន១៦៤នាក់ពាក់ ព័ន្ធករណី Online Scams ត្រូវបានបណ្ដេញចេញពីកម្ពុជា

អ៊ីរ៉ង់ចេញនីតិវិធីថ្មីសម្រាប់នាវាដែលស្នើសុំឆ្លងកាត់ច្រកសមុទ្រហ័រមូស

ក្រុមហ៊ួទីនៅយេម៉ែនព្រមានអំពីការឆ្លើយតបទៅនឹងការបង្កើនភាពតានតឹងបន្ថែមទៀតរបស់អ៊ីស្រាអែលនៅលីបង់

កម្មវិធី “បរិច្ចាគឈាម ចងចាំវីរភាព"រំលឹកដល់ការលះបង់របស់សម្ដេចតេជោ និងដើម្បីជួយសង្គ្រោះជីវិត

មេដឹកនាំហេសបូឡាប្តេជ្ញាតស៊ូ ខណៈអ៊ីស្រាអែលនៅតែបន្តវាយប្រហារទៅលើប្រទេសលីបង់ខាងត្បូង

បូលីវី ចុះកិច្ចព្រមព្រៀងជាមួយសហជីពកម្មករក្រោយការតវ៉ាប្រឆាំងរដ្ឋាភិបាលរយៈពេល៥០ថ្ងៃ

អ្នកគាំទ្រកងជីវពលអ៊ីរ៉ាក់ដែលគាំទ្រអ៊ីរ៉ង់ បានទៅប្រមូលផ្តុំគ្នានៅខាងក្រៅស្ថានទូតអ៊ីរ៉ង់ក្នុងទីក្រុង Baghdad

អ៊ីរ៉ង់ នាំចេញប្រេងឆៅចំនួន១៨លានបារ៉ែលក្នុងរយៈពេល ៥ ថ្ងៃកន្លងទៅនេះ

អាមេរិក ប្រកាសការចរចាជុំថ្មីរវាងអ៊ីស្រាអែលនិងលីបង់ក្នុងទីក្រុងវ៉ាស៊ីនតោន នៅសប្តាហ៍ក្រោយ

មនុស្សយ៉ាងហោចណាស់៣០នាក់ស្លាប់ នៅជំរំប្រទេសកុងហ្គោដែលបង្ហាញថាជំងឺអេបូឡា អាចរាលដាលយ៉ាងឆាប់រហ័ស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ទីក្រុង Moscow បង្ហាញពីបំណងដែលអាចមានការចរចាជាមួយប្រទេសអ៊ុយក្រែន

លោក Donald Trump ហៅលោក Biden ថាជាសត្រូវរបស់រដ្ឋ

ពលរដ្ឋនៅសាធារណរដ្ឋឆែកប្រមាណ ៧ម៉ឺននាក់ចេញតវ៉ាប្រឆាំងរដ្ឋាភិបាល សហភាពអឺរ៉ុប និង NATO

មនុស្ស ១០នាក់ស្លាប់ និង ១៥នាក់រងរបួសក្នុងហេតុការណ៍ចាក់សម្លាប់ក្នុង១៣ទីតាំងផ្សេងៗគ្នានៅកាណាដា

ប្រទេសចិនចោទបក្សកាន់អំណាចរបស់កោះតៃវ៉ាន់ថា ប៉ុនប៉ងបង្កភាពតានតឹង

មនុស្សរាប់ពាន់នាក់ភៀសខ្លួនចេញពីភ្លើងឆេះព្រៃនៅរដ្ឋកាលីហ្វ័រញ៉ា ខណៈរដ្ឋនេះកំពុងទទួលរលកកម្តៅខ្លាំង

លោក Zelenskyy សាទរការទប់តម្លៃប្រេងរុស្ស៊ីមិនឲ្យហក់ឡើងរបស់ក្រុមប្រទេស G7

អគ្គនាយក IAEA និយាយថា ស្ថានភាពរោងចក្រនុយក្លេអ៊ែរ Zaporizhzhia ធ្វើឱ្យលោកព្រួយបារម្ភខ្លាំង

អនុប្រធានាធិបតីអាហ្សង់ទីនបង្ហាញខ្លួនបន្ទាប់ពីការវាយប្រហារ ខណៈមនុស្សរាប់ពាន់នាក់បង្ហាញការគាំទ្រ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ទីក្រុង Moscow បង្ហាញ​ពី​បំណង​ដែល​អាច​មាន​ការចរចា​ជាមួយ​ប្រទេស​អ៊ុយ​ក្រែ​ន

លោក Donald Trump ហៅ​លោក Biden ​ថា​ជាស​ត្រូវ​របស់​រដ្ឋ​

ពលរដ្ឋ​នៅ​សាធារណរដ្ឋ​ឆែក​ប្រមាណ​ ៧​ម៉ឺន​នាក់​ចេញ​តវ៉ា​ប្រឆាំង​រដ្ឋាភិបាល សហភាព​អឺរ៉ុប និង NATO

ប្រទេស​ចិន​ចោទ​បក្ស​កាន់អំណាច​របស់​កោះ​តៃវ៉ាន់​ថា ​ប៉ុនប៉ង​បង្ក​ភាព​តានតឹង​

លោក Zelenskyy សាទរ​ការ​ទប់​តម្លៃ​ប្រេង​រុស្ស៊ី​មិន​ឲ្យ​ហក់​ឡើង​របស់​ក្រុម​ប្រទេស ​G7

អគ្គនាយក​ IAEA និយាយថា ​ស្ថានភាព​រោងចក្រ​នុយក្លេអ៊ែរ Zaporizhzhia ធ្វើឱ្យ​លោក​ព្រួយបារម្ភ​ខ្លាំង​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ទីក្រុង Moscow បង្ហាញពីបំណងដែលអាចមានការចរចាជាមួយប្រទេសអ៊ុយក្រែន

លោក Donald Trump ហៅលោក Biden ថាជាសត្រូវរបស់រដ្ឋ

ពលរដ្ឋនៅសាធារណរដ្ឋឆែកប្រមាណ ៧ម៉ឺននាក់ចេញតវ៉ាប្រឆាំងរដ្ឋាភិបាល សហភាពអឺរ៉ុប និង NATO

ប្រទេសចិនចោទបក្សកាន់អំណាចរបស់កោះតៃវ៉ាន់ថា ប៉ុនប៉ងបង្កភាពតានតឹង

លោក Zelenskyy សាទរការទប់តម្លៃប្រេងរុស្ស៊ីមិនឲ្យហក់ឡើងរបស់ក្រុមប្រទេស G7

អគ្គនាយក IAEA និយាយថា ស្ថានភាពរោងចក្រនុយក្លេអ៊ែរ Zaporizhzhia ធ្វើឱ្យលោកព្រួយបារម្ភខ្លាំង