BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

ប្រធានាធិបតីស្រីលង្កាដែលត្រូវបានបណ្តេញចេញពីតំណែងត្រឡប់មកប្រទេសវិញ បន្ទាប់ពីភៀសខ្លួន

ស្រីលង្កា៖ អតីតប្រធានាធិបតីស្រីលង្កាលោក Gotabaya Rajapaksa ដែលបានភៀសខ្លួនចេញពីប្រទេសកាលពីខែកក្កដា បន្ទាប់ពីក្រុមបាតុកររាប់ម៉ឺននាក់បានសម្រុកចូលលំនៅឋាន និងការិយាល័យរបស់លោកក្នុងការបង្ហាញកំហឹងចំពោះវិបត្តិសេដ្ឋកិច្ចរបស់ប្រទេស បានវិលត្រឡប់មកប្រទេសវិញបន្ទាប់ពីភៀសខ្លួនចេញរយៈពេលប្រាំពីរសប្តាហ៍។ លោក Rajapaksa បានធ្វើដំណើរដោយយន្តហោះចូលមកដល់អាកាសយានដ្ឋានអន្តរជាតិ Bandaranaike ទីក្រុងColombo កាលពីពាក់កណ្តាលអធ្រាត្រថ្ងៃសុក្រពីទីក្រុងបាងកកប្រទេសថៃ។ លោកត្រូវបានស្វាគមន៍ដោយសមាជិកសភាគណបក្សរបស់លោក លោក Rajapaksa បានចាកចេញពីអាកាសយានដ្ឋានក្នុងក្បួនរថយន្ត ដែលមានសន្តិសុខយ៉ាងតឹងរ៉ឹងដោយទាហានប្រដាប់អាវុធ។ កាលពីថ្ងៃទី13 ខែកក្កដា មេដឹកនាំដែលត្រូវបានបណ្តេញចេញ ភរិយា និងអង្គរក្សពីរនាក់របស់លោកបានចាកចេញពីប្រទេស តាមយន្តហោះកងទ័ពអាកាសទៅកាន់ប្រទេសម៉ាល់ឌីវ មុនពេលធ្វើដំណើរទៅកាន់ប្រទេសសិង្ហបុរី ហើយពីរសប្តាហ៍ក្រោយមកលោកបានបន្តដំណើរដោយយន្តហោះទៅកាន់ប្រទេសថៃ។អស់រយៈពេលជាច្រើនខែមកហើយ ប្រទេសស្រីលង្កាបានស្ថិតក្នុងវិបត្តិសេដ្ឋកិច្ចធ្ងន់ធ្ងរបំផុត ដែលបណ្តាលឱ្យមានការតវ៉ាធំ និងកំហឹងជាសាធារណៈមិនធ្លាប់មានពីមុនមក ដែលទីបំផុតបានបង្ខំឱ្យលោក Rajapaksa និងបងប្រុសរបស់លោក ជាអតីតនាយករដ្ឋមន្ត្រីលាលែងពីតំណែង។ ស្ថានភាពនៅក្នុងប្រទេសដែលក្ស័យធនមួយនេះ កាន់តែធ្លាក់ចុះធ្ងន់ធ្ងរដោយកត្តាពិភពលោកដូចជាជំងឺរាតត្បាត និងការវាយលុករបស់រុស្ស៊ីមកលើអ៊ុយក្រែន ប៉ុន្តែមនុស្សជាច្រើនចាត់ទុកគ្រួសាររបស់លោក Rajapaksa ដែលធ្លាប់មានអំណាចជាអ្នកទទួលខុសត្រូវ ចំពោះការគ្រប់គ្រងសេដ្ឋកិច្ចមិនបានត្រឹមត្រូវ និងបានធ្វើឱ្យប្រទេសធ្លាក់ចូលទៅក្នុងវិបត្តិ៕អត្ថបទ៖ ប៊ុនថន

អ៊ីរ៉ង់និយាយថា ខ្លួនបានបញ្ជូនការឆ្លើយតបប្រកបដោយការស្ថាបនាស្ដីពីកិច្ចព្រមព្រៀងនុយក្លេអ៊ែរ តែអាមេរិកទាត់ចោល

អ៊ីរ៉ង់៖ ក្រសួងការបរទេសអ៊ីរ៉ង់និយាយថា ខ្លួនបានបញ្ជូនការឆ្លើយតបទៅកាន់សំណើរបស់អាមេរិក ដែលមានបំណងស្រោចស្រង់កិច្ចព្រមព្រៀងនុយក្លេអ៊ែររបស់ទីក្រុងតេអេរ៉ង់ឆ្នាំ2015 ជាមួយមហាអំណាចពិភពលោក ដោយជំរុញឲ្យមានការរំពឹងទុកជាវិជ្ជមានតិចតួចពីសហរដ្ឋអាមេរិក។ នៅថ្ងៃសុក្រនេះប្រព័ន្ធផ្សព្វផ្សាយរដ្ឋ IRIB បានដកស្រង់សម្ដីរបស់លោក Nasser Kanaani អ្នកនាំពាក្យក្រសួងការបរទេសអ៊ីរ៉ង់ដោយនិយាយថា អត្ថបទដែលត្រូវបានបញ្ជូនដោយអ៊ីរ៉ង់មានមធ្យោបាយប្រកបដោយការស្ថាបនា ដែលមានគោលបំណងសម្រេចជាលើកចុងក្រោយស្ដីពីការចរចា។ ប៉ុន្តែក្រសួងការបរទេសអាមេរិកបានផ្ដល់ការវិនិច្ឆ័យខុសគ្នា។ អ្នកនាំពាក្យក្រសួងការបរទេសអាមេរិកបាននិយាយថា យើងអាចបញ្ជាក់បានថា យើងបានទទួលការឆ្លើយតបរបស់អ៊ីរ៉ង់តាមរយៈសហភាពអឺរ៉ុប។ យើងកំពុងសិក្សា ហើយយើងនឹងឆ្លើយតបវិញតាមរយៈសហភាពអឺរ៉ុប ប៉ុន្តែគួរឲ្យស្ដាយវាមិនមែនជាការឆ្លើយតបប្រកបដោយការស្ថាបនាទេ។សេចក្ដីរាយការណ៍របស់សារព័ត៌មាន IRIB បាននិយាយថា ការឆ្លើយតបរបស់អ៊ីរ៉ង់ត្រូវបានបញ្ជូនទៅកាន់ប្រធានគោលនយោបាយការបរទេសសហភាពអឺរ៉ុបលោក Josep Borrell ដែលកំពុងសម្របសម្រួលការចរចានានា។ ប្រភពដដែលពុំបានផ្ដល់ព័ត៌មានលម្អិតបន្ថែមទៀតទេ៕ អត្ថបទ៖ សុខមាន

អនុប្រធានាធិបតីអាហ្សង់ទីន ពុំបានរងរបួសទេ ក្រោយបុរសម្នាក់យកកាំភ្លើងភ្ជង់លោកស្រីក្នុងចំណោមមនុស្សជាច្រើន

លោកស្រី អនុប្រធានាធិបតី អាហ្សង់ទីន Cristina Fernandez de Kirchner ត្រូវបានគំរាមកំហែងដោយបុរសម្នាក់ប្រដាប់ដោយអាវុធកាលពីល្ងាចថ្ងៃព្រហស្បតិ៍ ជាអ្វីដែលមន្ត្រីមួយរូបក្នុងជួររដ្ឋាភិបាលហៅថា ជាការប៉ុនប៉ងធ្វើឃាត ប៉ុន្តែលោកស្រីពុំបានរងរបួសទេ ព្រោះកាំភ្លើងនោះបាញ់មិនចេញ។ហេតុការណ៍នេះបានកើតឡើង នៅមាត់ច្រក នៃគេហដ្ឋានរបស់លោកស្រី Fernandez de Kirchner នៅ ទីក្រុង Buenos Aires ជាទីដែលក្រុមអ្នកតវ៉ារាប់រយនាក់ បានប្រមូលផ្ដុំគ្នាក្នុងពេលប៉ុន្មានថ្ងៃ ដើម្បីគាំទ្រអតីតប្រធានាធិបតីរូបនេះ ដែលត្រូវស្ថិតក្នុងដំណើរការកាត់ទោសពីបទប្រពឹត្តអំពើពុករលួយ៕ ទស្សនាវីដេអូតាមរយៈ Link: https://t.me/btvnewscambodia/53943

ទីក្រុងមានប្រជាជន ២១លាននាក់ត្រូវបានបិទខ្ទប់ដោយសារជំងឺ Covid-19 ខណៈចិនរក្សាគោលនយោបាយតឹងរ៉ឹង

ចិន៖ អាជ្ញាធរចិនបានរាយការណ៍ថា ប្រទេសចិនបានដាក់ពលរដ្ឋរបស់ខ្លួនរាប់លាននាក់ ឱ្យស្ថិតក្រោមការវិធានការបិទខ្ទប់ជាថ្មីបន្ទាប់ពីការផ្ទុះឡើងជំងឺ COVID-19 ថ្មីៗនេះ ខណៈរដ្ឋាភិបាលនៅតែបន្តគោលនយោបាយតឹងរ៉ឹងរបស់ខ្លួនលើការទប់ស្កាត់វីរុស។ រហូតមកដល់ពេលនេះ ទីក្រុងប៉េកាំងមិនរងផលប៉ះពាល់អ្វីនោះទេ ទោះបីជាការធ្វើដំណើរចូល និងចេញក្រៅរដ្ឋធានីត្រូវបានផ្អាក ហើយពលរដ្ឋត្រូវទទួលការធ្វើតេស្តស្ទើរតែរាល់ថ្ងៃក៏ដោយ។ អាជ្ញាធរចិនបានដាក់ទីក្រុង Chengdu ដែលមានប្រជាជន ២១លាននាក់ស្ថិតក្នុងវិធានការបិទខ្ទប់ បន្ទាប់ពីមានករណីជំងឺ Covid-19 កើនឡើងដែលមានករណីថ្មីចំនួន ១៥៧ករណី ហើយ ៥១ករណីក្នុងចំណោមនេះគ្មានរោគសញ្ញា ប៉ុន្តែគ្មានករណីស្លាប់នោះទេ។ ស្ថិតក្រោមវិធានការនេះមានតែសមាជិកគ្រួសារម្នាក់ប៉ុណ្ណោះ ដែលធ្វើតេស្តអវិជ្ជមានក្នុងរយៈពេល ២៤ម៉ោងត្រូវបានអនុញ្ញាតឲ្យចេញទៅទិញរបស់របរចាំបាច់ក្នុងមួយថ្ងៃ។វិធានការបិទខ្ទប់នេះក៏បានពន្យារពេលការចាប់ផ្តើមឆ្នាំសិក្សាថ្មី ហើយអាជ្ញាធរមិនបានផ្តល់ព័ត៌មានលម្អិតពីការបិទខ្ទប់ ដែលនឹងត្រូវបានគេរំពឹងថានឹងដកចេញវិញនៅពេលណានោះទេ។ វិធានការនេះត្រូវបានណែនាំក្រោមគោលនយោបាយ «គ្មានកូវីដ» របស់ប្រទេសចិនដែលផ្ទុយពីវិធានការរបស់ប្រទេសដទៃទៀត ក្នុងការរស់នៅជាមួយវីរុស តាមរយៈការបន្ធូរបន្ថយវិធានការបន្តិចម្តងៗនៃការរឹតត្បិត ការចាក់វ៉ាក់សាំង ការព្យាបាល និងការដាក់ខ្លួនឱ្យនៅដាច់ដោយឡែកដោយស្ម័គ្រចិត្ត៕អត្ថបទ៖ ប៊ុនថន

អគ្គនាយក IAEA នឹងស្នាក់នៅរោងចក្រនុយក្លេអ៊ែរអ៊ុយក្រែន

អ៊ុយក្រែន៖ ក្រុមអធិការកិច្ចអង្គការសហប្រជាជាតិ បានទៅដល់រោងចក្រថាមពលនុយក្លេអ៊ែរ Zaporizhzhia នៅប្រទេសអ៊ុយក្រែនកាលពីថ្ងៃព្រហស្បតិ៍ ក្នុងបេសកកម្មដើម្បីការពាររោងចក្រពីគ្រោះមហន្តរាយ ដោយបានទៅដល់ទីតាំងនោះក្នុងពេលមានការប្រយុទ្ធគ្នារវាងកងកម្លាំងរុស្ស៊ី និងអ៊ុយក្រែន ដែលបានជំរុញឱ្យមានការបិទម៉ាស៊ីនរ៉េអាក់ទ័រមួយ និងបានបញ្ជាក់ពីកិច្ចការត្រួតពិនិត្យបន្ទាន់។ លោក Rafael Grossi អគ្គនាយកទីភ្នាក់ងារថាមពលអាតូមិកអន្តរជាតិបាននិយាយថា ក្រុមការងាររបស់លោកបានបញ្ចប់ដំណើរត្រួតពិនិត្យលើកដំបូងនៅរោងចក្រនុយក្លេអ៊ែរ ហើយនឹងបង្កើតវត្តមានបន្តនៅទីនេះ។ ដំណើរចុះត្រួតពិនិត្យរបស់គណៈប្រតិភូអ្នកជំនាញចំនួន 14រូបមកពីទីភ្នាក់ងារថាមពលអាតូមិកអន្តរជាតិ បានធ្វើឡើងបន្ទាប់ពីការចរចាជាច្រើនខែដើម្បីឆ្លងកាត់ជួរមុខ និងចូលមកខាងក្នុងរោងចក្រនុយក្លេអ៊ែរធំបំផុតរបស់អឺរ៉ុប។ លោក Grossi បានរាយការណ៍ថា ក្រុមការងាររបស់លោកបានប្រមូលព័ត៌មានសំខាន់ៗ អំពីដំណើរចុះត្រួតពិនិត្យដំបូងរបស់ខ្លួននៅរោងចក្រ ហើយនឹងបន្តការវាយតម្លៃរបស់ខ្លួន។លោកនិយាយនៅក្នុងវីដេអូនៅលើបណ្តាញសង្គម Twitter ថា ក្រុមការងាររបស់លោកនឹងស្នាក់នៅបន្ត ហើយសំខាន់ជាងនេះទៅទៀតយើងកំពុងបង្កើតវត្តមានបន្តនៅរោងចក្រ Zaporizhzhia ដោយក្រុមទីភ្នាក់ងារ IAEA។ រោងចក្រនុយក្លេអ៊ែរ Zaporizhzhia ត្រូវបានចូលកាន់កាប់ដោយកងកម្លាំងរុស្ស៊ី ប៉ុន្តែគ្រប់គ្រងដោយវិស្វករអ៊ុយក្រែនចាប់តាំងពីដើមដំបូងនៃសង្គ្រាមរយៈពេល 6ខែមកនេះ។ អ៊ុយក្រែនបានចោទរុស្ស៊ីថា កំពុងប្រើរោងចក្រនេះជាខែលដើម្បីវាយប្រហារ ខណៈទីក្រុងមូស្គូចោទអ៊ុយក្រែនថា បានបាញ់ដោយមិនប្រុងប្រយ័ត្នមកលើតំបន់រោងចក្រ៕អត្ថបទ៖ ប៊ុនថន

ទីក្រុងរបស់រដ្ឋ Mississippi គ្មានទឹកស្អាតទទួលទាន ៤ថ្ងៃជាប់គ្នា ខណៈលោក Biden ចេញការប្រកាសអាសន្ន

សហរដ្ឋអាមេរិក៖ តំបន់បរិច្ចាគថ្មីចំនួន៧ បានបើកនៅក្នុងទីក្រុងរបស់រដ្ឋ Mississippi កាលពីថ្ងៃព្រហស្បតិ៍ ដើម្បីចែកចាយទឹកបរិសុទ្ធដល់ពលរដ្ឋដែលគ្មានទឹកស្អាតប្រើប្រាស់ ចាប់តាំងពីរោងចក្រចម្រុះទឹកស្អាតដែលមានបញ្ហាជាយូររបស់ទីក្រុងនេះ បានខកខានផ្គត់ផ្គង់រយៈពេល ៤ថ្ងៃកន្លងមកនេះ។ ទីក្រុងនេះនិយាយថា ខណៈដែលប្រជាពលរដ្ឋបន្តតម្រង់ជួរនៅទីតាំងទទួលការបរិច្ចាគទឹក និងហាងគ្រឿងទេសក្នុងទីក្រុង Jackson ដើម្បីទទួលបានទឹកសុទ្ធ រោងចក្រទឹកស្អាត O.B. Curtis Water Plant បានកំពុងជួសជុលទាំងយប់។ ភាពស្មុគស្មាញជាច្រើនកើតចេញពីទឹកជំនន់នាពេលថ្មីៗនេះ ដែលបានបណ្ដាលឲ្យបិទរោងចក្រនេះកាលពីយប់ថ្ងៃចន្ទ។ អភិបាលរដ្ឋ Mississippi លោក Tate Reeves បាននិយាយថា សមាជិកសន្តិសុខជាតិ ៦០០នាក់នឹងត្រូវដាក់ពង្រាយ ដើម្បីបង្កើតទីតាំងចែកចាយទឹកថ្មីៗទៀតនៅទូទាំងទីក្រុង និងជុំវិញតំបន់ដែលមានមនុស្សរងផលប៉ះពាល់ប្រមាណ ១៨០,០០០នាក់។វិបត្តិទឹកនៅទីក្រុងរបស់រដ្ឋ Mississippi បានបណ្ដាលឲ្យមនុស្សជាច្រើនគ្មានទឹកស្អាតប្រើប្រាស់ ក្នុងពេលសីតុណ្ហភាពហក់ឡើងខ្ពស់ និងបង្ខំឲ្យមានការឆ្លើយតបបន្ទាន់ពីរដ្ឋ និងសហព័ន្ធ។ បន្ទាប់ពីទឹកជំនន់ប៉ះពាល់ដល់ប្រព័ន្ធទឹកដ៏ផុតស្រួយរបស់ទីក្រុងនេះ លោកប្រធានាធិបតី Joe Biden កាលពីយប់មិញបានចេញការប្រកាសគ្រាអាសន្នក្នុងរដ្ឋ Mississippi ដោយបញ្ជាឲ្យរដ្ឋនេះយកថវិកា ពីទីភ្នាក់ងារគ្រប់គ្រងគ្រាអាសន្នសហព័ន្ធជួយដល់ពលរដ្ឋ។ ក្រុមមន្ត្រីរដ្ឋ និងទីក្រុងនេះបាននិយាយថា ពួកគេមិនច្បាស់ទេថា តើមានមនុស្សប៉ុន្មាននាក់នៃប្រជាពលរដ្ឋចំនួន ១៥០,០០០នាក់របស់ទីក្រុងនេះដែលនៅតែមិនទាន់មានទឹកស្អាតប្រើប្រាស់៕អត្ថបទ៖ សុខមាន

អតីតស្ត្រីទី១ ម៉ាឡេស៊ីជាប់ពន្ធនាគារ ១០ឆ្នាំក្នុងករណីទទួលសំណូក ២៧៩លានដុល្លារអាមេរិក

ម៉ាឡេស៊ី៖ កាលពីថ្ងៃព្រហស្បតិ៍តុលាការម៉ាឡេស៊ីបានកាត់ទោសលោកស្រី Rosmah Mansor ដែលជាភរិយារបស់អតីតនាយករដ្ឋមន្ត្រីលោក Najib Razak ឲ្យជាប់ពន្ធនាគាររយៈពេល ១០ឆ្នាំពីបទស្វែងរក និងទទួលសំណូក ជាថ្នូរសម្រាប់ទទួលបានកិច្ចសន្យាពីរដ្ឋាភិបាល ប៉ុន្មានថ្ងៃបន្ទាប់ពីស្វាមីរបស់លោកស្រីត្រូវបានជាប់ពន្ធនាគារពីបទប្រព្រឹត្តអំពើពុករលួយ។ ប្ដីប្រពន្ធទាំង២ បានក្លាយជាគោលដៅនៃការស៊ើបអង្កេតជាច្រើនករណី ពាក់ព័ន្ធអំពើពុករលួយចាប់តាំងពីការចាញ់ឆ្នោតគួរឲ្យភ្ញាក់ផ្អើលរបស់លោក Najib ក្នុងឆ្នាំ២០១៨ នៅពេលដែលកំហឹងរបស់ក្រុមម្ចាស់ឆ្នោត ជុំវិញរឿងអាស្រូវអំពើពុករលួយរាប់ពាន់លានដុល្លារអាមេរិក បានបញ្ចប់ការកាន់អំណាចរយៈពេល ៩ឆ្នាំរបស់លោក។ ក្រុមព្រះរាជអាជ្ញាបានអះអាងថា លោកស្រីបានស្វែងរកការទទួលសំណូកប្រាក់ចំនួន ១៨៧.៥លានរីងហ្គីត (ringgit) ស្មើនឹង ៤១.៨លានដុល្លារអាមេរិក ប៉ុន្តែលោកស្រីបានច្រានចោលពីការប្រព្រឹត្តខុសនេះដោយនិយាយថា លោកស្រីមិនពេញចិត្តនឹងអ្វីដែលបានកើតឡើងនៅថ្ងៃនេះទេ។ គ្មាននរណាម្នាក់ឃើញខ្ញុំយកប្រាក់នោះទេ គ្មាននរណាម្នាក់ឃើញខ្ញុំរាប់ប្រាក់នោះទេ។ចៅក្រមតុលាការកំពូល Kuala Lumpur លោក Mohamed Zaini Mazlan បាននិយាយថា លោកស្រី Rosmah ក៏នឹងត្រូវបង់ប្រាក់ផាកពិន័យចំនួន ៩៧០លានរីងហ្គីតស្មើនឹង ២១៦.៤៥លានដុល្លារអាមេរិកដែលជាចំនួនច្រើនបំផុតក្នុងប្រវត្តិសាស្ត្ររបស់ម៉ាឡេស៊ី ពាក់ព័ន្ធបទចោទប្រកាន់ទទួលសំណូកចំនួន៣។ អំឡុងការស្រាវជ្រាវឆ្នាំ២០១៨ នគរបាលបានរឹបអូសកាបូបដៃប្រណីតជាង ៥០០ និងគ្រឿងអលង្ការ ១២.០០០ប្រភេទដែលមានតម្លៃ ២៧០លានដុល្លារអាមេរិកពីលោកស្រី Mansor ដែលបានប្រឈមការរិះគន់ជាយូរមកហើយ ចំពោះជីវិតស៊ីវិល័យរបស់លោកស្រី។ លោកស្រីនឹងនៅតែមានសេរីភាពនៅក្រៅឃុំ ដោយរង់ចាំការប្តឹងឧទ្ធរណ៍ទៅតុលាការជាន់ខ្ពស់៕អត្ថបទ៖ សុខមាន

រុស្ស៊ីនិយាយថា អ៊ុយក្រែនគ្រោងប្រើប្រាស់ក្រុមអ្នកជំនាញ IAEA ធ្វើជាខែលមនុស្ស

រុស្ស៊ី៖ ក្រសួងការពារជាតិរុស្ស៊ីបានអះអាងកាលពីថ្ងៃព្រហស្បតិ៍ថា កងកម្លាំងក្រុង Kiev ចង់រឹបអូសរោងចក្រថាមពលនុយក្លេអ៊ែរ Zaporozhye ក្នុងការវាយឆ្មក់ដោយយោធា និងប្រើក្រុមបុគ្គលិកទីភ្នាក់ងារឃ្លាំមើលនុយក្លេអ៊ែររបស់អង្គការសហប្រជាជាតិ ធ្វើជាខែមនុស្សដើម្បីគ្រប់គ្រងលើរោងចក្រនេះ។កាលពីថ្ងៃព្រហស្បតិ៍ដដែលនោះទូរទស្សន៍រដ្ឋរុស្ស៊ី បានចែករំលែកវីដេអូបង្ហាញពីបេសកកម្មរបស់ទីភ្នាក់ងារនុយក្លេអ៊ែរអង្គការសហប្រជាជាតិ កំពុងត្រួតពិនិត្យរោងចក្រថាមពលនុយក្លេអ៊ែរនេះ។ រុស្ស៊ីនៅតែបន្តចោទអ៊ុយក្រែនពីបទដាក់គោលដៅលើតំបន់រោងចក្រនុយក្លេអ៊ែរ Zaporizhzhia ខណៈដែលបេសកកម្មរបស់ទីភ្នាក់ងារថាមពលអាតូមិកអន្តរជាតិហៅកាត់ថា IAEA នៅទីនោះ។ការវាយឆ្មក់បង្កការខូចខាតនេះបានកើតឡើងភ្លាមៗ មុនពេលមនុស្សមួយក្រុមរបស់ក្រុមអ្នកជំនាញ IAEA រួមទាំងប្រមុខអង្គការនេះគឺលោក Rafael Grossi ដែលបានទៅដល់រោងចក្រនេះ។ យោងតាមយោធារុស្ស៊ី ក្រុមវិច្ឆេទករជាច្រើនក្រុមរបស់អ៊ុយក្រែនបានឆ្លងអាងស្តុកទឹកបម្រុង Kakhovka តាមទូលល្បឿនលឿន និងទូកផ្សេងទៀតជិតរោងចក្រនេះនៅព្រឹកព្រលឹម ប៉ុន្តែត្រូវបានស្ទាក់ និងកម្ទេចចោលដោយទាហាន និងកងកម្លាំងសន្តិសុខជាតិរបស់រុស្ស៊ី៕អត្ថបទ៖ សុខមាន

ចិនដាក់លក្ខខណ្ឌឲ្យសហរដ្ឋអាមេរិកមុនការចរចា

ចិន៖ អ្នកការទូតចិនបានព្រមានថា សហរដ្ឋអាមេរិកត្រូវតែដោះស្រាយការខូចខាតដែលប្រធានសភារបស់ខ្លួនគឺលោកស្រី Nancy Pelosai បានបង្កឡើងដោយការធ្វើដំណើរទស្សនកិច្ចថ្មីៗនេះទៅកាន់កោះតៃវ៉ាន់ មុនរំពឹងថានឹងមានកិច្ចសហប្រតិបត្តិការណាមួយពីចិន ស្ដីពីបញ្ហាមួយចំនួនពាក់ព័ន្ធនឹងការបម្រែបម្រួលអាកាសធាតុ។ ក្រសួងការបរទេសចិនបាននិយាយក្នុងសេចក្ដីថ្លែងការណ៍មួយកាលពីថ្ងៃពុធថា សហរដ្ឋអាមេរិកគួរតែលុបចោលឥទ្ធិពលអវិជ្ជមាននៃដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់។ នេះគឺជាលក្ខខណ្ឌមិនអាចខ្វះបាននៃកិច្ចសហប្រតិបត្តិការរវាងចិន និងអាមេរិកស្ដីពីបម្រែបម្រួលអាកាសធាតុ។ សេចក្ដីថ្លែងការណ៍នេះទំនងកើតឡើងជាការឆ្លើយតបទៅនឹងបទសម្ភាសន៍មួយ ដែលប្រេសិតពិសេសស្ដីពីបម្រែបម្រួលអាកាសធាតុរបស់ទីក្រុង Washington លោក John Kerry បានប្រាប់សារព័ត៌មាន Financial Times ថា លោកសង្ឃឹមថានឹងបន្តការចរចាឡើងវិញជាមួយចិន មុនកិច្ចប្រជុំកំពូលស្ដីពីបម្រែបម្រួលអាកាសធាតុលើកទី២៧ របស់អង្គការសហប្រជាជាតិនៅខែវិច្ឆិកា។លោក Kerry បានអះអាងថា ចិនដាក់ទោសពិភពលោកដោយការកាត់ផ្ដាច់ទំនាក់ទំនង លើបញ្ហាអាកាសធាតុជាមួយអាមេរិកដោយការបញ្ចប់កិច្ចសហប្រតិបត្តិការ រវាងប្រទេសបញ្ចេញឧស្ម័នផ្ទះកញ្ចក់ធំជាងគេបំផុតទាំង២ របស់ភពផែនដីនេះ៕អត្ថបទ៖ សុខមាន

រុស្ស៊ីនិយាយថា អ៊ុយក្រែនកំពុងព្យាយាមរំខានដល់ទីភ្នាក់ងារ IAEA នៅរោងចក្រថាមពលនុយក្លេអ៊ែរ

រុស្ស៊ី៖ ក្រសួងការពារជាតិរុស្ស៊ីបានអះអាងកាលពីថ្ងៃពុធថា កងទ័ពអ៊ុយក្រែនបានបាត់បង់យន្តហោះចម្បាំងចំនួន 4គ្រឿង។ ថ្លែងនៅក្នុងសន្និសីទសារព័ត៌មានប្រចាំថ្ងៃ ប្រធានអ្នកនាំពាក្យក្រសួងលោក Igor Konashenkov បាននិយាយថា កងកម្លាំងអ៊ុយក្រែនបានបាត់បង់យន្តហោះ SU-25 ចំនួនពីរគ្រឿង, SU-24 មួយគ្រឿង និង MiG-29 មួយគ្រឿង។ លោក Konashenkov បាននិយាយថា កងកម្លាំងរុស្ស៊ីបានបំផ្លាញរថក្រោះអ៊ុយក្រែនចំនួន 63គ្រឿង, រថយន្តប្រយុទ្ធ 59គ្រឿង, រថពាសដែក 48គ្រឿង, រថយន្តភីកអាប់ចំនួន 14គ្រឿងបំពាក់កាំភ្លើងយន្តធុនធ្ងន់ ហើយកងទ័ពអ៊ុយក្រែនជាង 1,700នាក់បានស្លាប់។ លោកនិយាយថា របបទីក្រុងគីវបន្តការបង្កហេតុក្នុងគោលបំណងរំខានដល់ការងាររបស់ទីភ្នាក់ IAEA និងបង្កើតគ្រោះមហន្តរាយបច្ចេកវិទ្យានៅរោងចក្រថាមពលនុយក្លេអ៊ែរ Zaporizhzhia។ លោកបាននិយាយថា ស្ថានភាពវិទ្យុសកម្មនៅមានលក្ខណៈធម្មតានៅរោងចក្រថាមពលនុយក្លេអ៊ែរ។សេចក្តីថ្លែងការណ៍នេះធ្វើឡើងនៅពេលដែលក្រុមអ្នកត្រួតពិនិត្យ របស់អង្គការសហប្រជាជាតិបានធ្វើដំណើរមកកាន់រោងចក្រថាមពលនុយក្លេអ៊ែរ Zaporizhzhia កាលពីថ្ងៃពុធ ជាបេសកកម្មរងចាំជាយូរមកហើយ ដែលពិភពលោកសង្ឃឹមថានឹងជួយធានាបានថា រោងចក្រដែលចូលគ្រប់គ្រងដោយរុស្ស៊ីមួយនេះ នឹងអាចបញ្ចៀសគ្រោះមហន្តរាយ។ ដោយបញ្ជាក់ពីគ្រោះថ្នាក់ ទីក្រុងគីវ និងទីក្រុងមូស្គូបានចោទប្រកាន់ដាក់គ្នាទៅវិញទៅមក ចំពោះការវាយប្រហារលើតំបន់ជុំវិញរោងចក្រនុយក្លេអ៊ែរធំជាងគេរបស់អឺរ៉ុបមួយនេះ។ ក្រសួងការពារជាតិរុស្ស៊ីបានបញ្ចេញវីដេអូ កងកម្លាំងប្រដាប់អាវុធរុស្ស៊ីកំពុងអនុវត្តការបាញ់មីស៊ីល និងការហោះហើរយន្តហោះ SU-25 ក្នុងអំឡុងពេលប្រតិបត្តិការសឹកពិសេសដែលកំពុងបន្តនៅអ៊ុយក្រែន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មេដឹកនាំប្រឆាំងវ៉េណេស៊ុយអេឡា ធ្វើដំណើរទៅទស្សនកិច្ចសហរដ្ឋអាមេរិក បន្ទាប់ពីពិភាក្សាជាមួយរដ្ឋាភិបាលបណ្ដោះអាសន្ន

ប្រទេសន័រវែសស្វែងរកការហាមឃាត់ការធ្វើពាណិជ្ជកម្មជាមួយនឹងអ្នកតាំងលំនៅឋានអ៊ីស្រា អែលខុសច្បាប់

ជនអន្តោប្រវេសន៍នីហ្សេរីយ៉ាដែលវិលត្រឡប់មកពីអាហ្វ្រិកខាងត្បូង កំពុងប្រឈមនឹងបញ្ហាសេដ្ឋកិច្ច

សម្ដេចពិជ័យសេនា ទៀ បាញ់ ណែនាំដល់ស្ថាប័នពាក់ព័ន្ធឱ្យបន្ដរៀបចំអភិវឌ្ឍន៍តំបន់ប្រវត្តិសាស្ត្រយោធាកម្ពុជា X-16

មេដឹកនាំសហភាពអឺរ៉ុបឯកភាពគ្នាបន្តទណ្ឌកម្មលើប្រទេសរុស្ស៊ីរយៈពេលមួយឆ្នាំទៀត

មន្ត្រីជាន់ខ្ពស់៖ អ៊ីរ៉ង់មិនដកពីការចរចាអំពីបទឈប់បាញ់នៅប្រទេសលីបង់ជាមួយអាមេរិកទេ

WHOនិយាយថា ការផ្ទុះឡើងនៃជំងឺអេបូឡានៅកុងហ្គោបានឆ្លងដល់គ្រូពេទ្យចំនួន ៧៥នាក់ ចាប់តាំងពីខែឧសភាមក

សម្តេចពិជ័យសេនា ទៀ បាញ់ អញ្ជើញជាអធិបតី ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧) នៅខេត្តត្បូងឃ្មុំ

ការវាយប្រហាររបស់អ៊ីស្រាអែលនៅទូទាំងលីបង់បណ្តាលឲ្យមនុស្សយ៉ាងតិច ៤៧នាក់ ស្លាប់ និង ៩៧នាក់រងរបួស

ជនជាតិចិន១៦៤នាក់ពាក់ ព័ន្ធករណី Online Scams ត្រូវបានបណ្ដេញចេញពីកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រធានាធិបតីស្រីលង្កាដែលត្រូវបានបណ្តេញចេញពីតំណែងត្រឡប់មកប្រទេសវិញ បន្ទាប់ពីភៀសខ្លួន

អនុប្រធានាធិបតីអាហ្សង់ទីន ពុំបានរងរបួសទេ ក្រោយបុរសម្នាក់យកកាំភ្លើងភ្ជង់លោកស្រីក្នុងចំណោមមនុស្សជាច្រើន

ទីក្រុងមានប្រជាជន ២១លាននាក់ត្រូវបានបិទខ្ទប់ដោយសារជំងឺ Covid-19 ខណៈចិនរក្សាគោលនយោបាយតឹងរ៉ឹង

អគ្គនាយក IAEA នឹងស្នាក់នៅរោងចក្រនុយក្លេអ៊ែរអ៊ុយក្រែន

ទីក្រុងរបស់រដ្ឋ Mississippi គ្មានទឹកស្អាតទទួលទាន ៤ថ្ងៃជាប់គ្នា ខណៈលោក Biden ចេញការប្រកាសអាសន្ន

អតីតស្ត្រីទី១ ម៉ាឡេស៊ីជាប់ពន្ធនាគារ ១០ឆ្នាំក្នុងករណីទទួលសំណូក ២៧៩លានដុល្លារអាមេរិក

រុស្ស៊ីនិយាយថា អ៊ុយក្រែនគ្រោងប្រើប្រាស់ក្រុមអ្នកជំនាញ IAEA ធ្វើជាខែលមនុស្ស

ចិនដាក់លក្ខខណ្ឌឲ្យសហរដ្ឋអាមេរិកមុនការចរចា

រុស្ស៊ីនិយាយថា អ៊ុយក្រែនកំពុងព្យាយាមរំខានដល់ទីភ្នាក់ងារ IAEA នៅរោងចក្រថាមពលនុយក្លេអ៊ែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​ស្រីលង្កា​ដែល​ត្រូវបាន​បណ្តេញ​ចេញពី​តំណែង​ត្រឡប់មក​ប្រទេស​វិញ​ បន្ទាប់ពី​ភៀសខ្លួន​

ទីក្រុង​មាន​ប្រជាជន ២១លាន​នាក់​ត្រូវបាន​បិទ​ខ្ទប់​ដោយ​សារជំងឺ ​Covid-19 ខណៈ​ចិន​រក្សា​គោល​នយោបាយ​តឹងរ៉ឹង​

អគ្គនាយក IAEA នឹង​ស្នាក់នៅ​រោងចក្រ​នុយក្លេអ៊ែរ​អ៊ុយ​ក្រែ​ន​

ទីក្រុង​របស់​រដ្ឋ Mississippi គ្មាន​ទឹកស្អាត​ទទួលទាន​ ៤​ថ្ងៃ​ជាប់​គ្នា ខណៈលោក Biden​ ចេញ​ការ​ប្រកាស​អាសន្ន​

អតីត​ស្ត្រី​ទី​១ ​ម៉ាឡេស៊ី​ជាប់ពន្ធនាគារ ​១០​ឆ្នាំ​ក្នុង​ករណី​ទទួល​សំណូក​ ២៧៩​លាន​ដុល្លារ​អាមេរិក

រុស្ស៊ី​និយាយថា អ៊ុយ​ក្រែ​ន​គ្រោង​ប្រើប្រាស់​ក្រុម​អ្នកជំនាញ​ IAEA ធ្វើជា​ខែល​មនុស្ស​

ចិន​ដាក់​លក្ខខណ្ឌ​ឲ្យ​សហរដ្ឋអាមេរិក​មុន​ការចរចា​

រុស្ស៊ី​និយាយថា អ៊ុយ​ក្រែ​ន​កំពុង​ព្យាយាម​រំខាន​ដល់​ទី​ភ្នាក់ងារ IAEA នៅ​រោងចក្រ​ថាមពលនុយក្លេអ៊ែរ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីស្រីលង្កាដែលត្រូវបានបណ្តេញចេញពីតំណែងត្រឡប់មកប្រទេសវិញ បន្ទាប់ពីភៀសខ្លួន

ទីក្រុងមានប្រជាជន ២១លាននាក់ត្រូវបានបិទខ្ទប់ដោយសារជំងឺ Covid-19 ខណៈចិនរក្សាគោលនយោបាយតឹងរ៉ឹង

អគ្គនាយក IAEA នឹងស្នាក់នៅរោងចក្រនុយក្លេអ៊ែរអ៊ុយក្រែន

ទីក្រុងរបស់រដ្ឋ Mississippi គ្មានទឹកស្អាតទទួលទាន ៤ថ្ងៃជាប់គ្នា ខណៈលោក Biden ចេញការប្រកាសអាសន្ន

អតីតស្ត្រីទី១ ម៉ាឡេស៊ីជាប់ពន្ធនាគារ ១០ឆ្នាំក្នុងករណីទទួលសំណូក ២៧៩លានដុល្លារអាមេរិក

រុស្ស៊ីនិយាយថា អ៊ុយក្រែនគ្រោងប្រើប្រាស់ក្រុមអ្នកជំនាញ IAEA ធ្វើជាខែលមនុស្ស

ចិនដាក់លក្ខខណ្ឌឲ្យសហរដ្ឋអាមេរិកមុនការចរចា

រុស្ស៊ីនិយាយថា អ៊ុយក្រែនកំពុងព្យាយាមរំខានដល់ទីភ្នាក់ងារ IAEA នៅរោងចក្រថាមពលនុយក្លេអ៊ែរ