BTV NEWS

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតអបអរសាទរ ថ្វាយសម្តេចព្រះវររាជមាតាជាតិខ្មែរ ត្រូវបានសហគមន៍ OB-PS ថ្វាយនូវពានសមាជិកភាពកិត្តិយសជើងឯក “Champions Award”

កម្ពុជា-សហភាពសេដ្ឋកិច្ចអឺរ៉ុប-អាស៊ី (EAEU) ពិនិត្យ និង ពិចារណាលើកិច្ចព្រមព្រៀងពាណិជ្ជកម្មសេរី (FTA)

លោកជំទាវបណ្ឌិត ពេជ ចន្ទមុន្នី ក្រាបបង្គំអបអរសាទរ សម្តេចព្រះមហាក្សត្រី ព្រះវររាជមាតាជាតិខ្មែរ ដែលទទួលបានការថ្វាយ «ពានសមាជិកភាពជើងឯក» ពី OB-PS

ព័ត៌មានសំខាន់ៗ

មនុស្ស ១,១៦២នាក់ស្លាប់ និងរាប់លាននាក់ជម្លៀសខ្លួនចេញពីទឹកជំនន់នៅប៉ាគីស្ថាន

ប៉ាគីស្ថាន៖ យោងតាមតួលេខរបស់រដ្ឋាភិបាលបានឲ្យដឹងថា អ្នកស្លាប់ដោយសារទឹកជំនន់នៅក្នុងប្រទេសប៉ាគីស្ថានបានកើនឡើងដល់ ១,១៦២នាក់ និងរងរបួស ៣,៥៥៤នាក់ ខណៈមនុស្សរាប់លាននាក់ផ្សេងទៀតជម្លៀសខ្លួន។ អគារមន្ទីពេទ្យជិត ៩០០កន្លែងបានខូចខាត ឬបំផ្លាញ បណ្តាលឱ្យមនុស្សរាប់លាននាក់គ្មានលទ្ធភាពទទួលបានសេវាថែទាំសុខភាព និងការព្យាបាល។ អ្នកនាំពាក្យរបស់អគ្គលេខាធិការសហប្រជាជាតិលោក Stéphane Dujarric បាននិយាយថា ទីភ្នាក់ងារជនភៀសខ្លួនរបស់អង្គការសហប្រជាជាតិកំពុងផ្តល់តង់ និងសម្ភារៈជំនួយបន្ទាន់ផ្សេងទៀតពីស្តុកដែលមានស្រាប់នៅក្រុង Quetta និង Peshawar។ សំភារៈទាំងនេះនឹងត្រូវប្រគល់ទៅឱ្យអាជ្ញាធរគ្រប់គ្រងគ្រោះមហន្តរាយជាតិ ដើម្បីជួយដល់ប្រតិបត្តិការសង្គ្រោះរបស់ពួកគេនៅក្នុងតំបន់ដែលរងផលប៉ះពាល់ខ្លាំងបំផុត។ បុគ្គលិករបស់អង្គការ UNHCR ក៏បានផ្តល់ជំនួយដល់ជនភៀសខ្លួននៅតាមភូមិក៏ដូចជាសហគមន៍ ដោយមានសម្ភារៈជំនួយបន្ទាន់រួមមានតង់ ផលិតផលអនាម័យ ចង្ក្រានចម្អិនអាហារ ភួយ អំពូលពន្លឺព្រះអាទិត្យ និងកម្រាលសម្រាប់ដេក។ជាមួយគ្នានេះ បុគ្គលិកអង្គការសុខភាពពិភពលោកបានព្រមានថា ការគំរាមកំហែងផ្នែកសុខភាពសាធារណៈសំខាន់ៗកំពុងប្រឈម ចំពោះប្រជាជនដែលរងផលប៉ះពាល់រួមទាំងហានិភ័យនៃជំងឺ ដូចជាជំងឺគ្រុនចាញ់ និងជំងឺគ្រុនឈាម។ យោងតាមអ្នកនាំពាក្យរបស់អង្គការសហប្រជាជាតិបានឲ្យដឹងថា អង្គការសុខភាពពិភពលោក (WHO) កំពុងធ្វើការយ៉ាងជិតស្និទ្ធជាមួយក្រសួងសុខាភិបាលជាតិ ក្នុងការបង្កើនការតាមដានចំពោះជំងឺរាគរូស ជំងឺអាសន្នរោគ និងជំងឺឆ្លងផ្សេងៗ ហើយក៏កំពុងផ្តល់ឱសថ និងការផ្គត់ផ្គង់វេជ្ជសាស្ត្រសម្រាប់សុខភាព៕អត្ថបទ៖ ប៊ុនថន

ក្រុមអ្នកជំនាញ IAEA ចាប់ផ្តើមត្រួតពិនិត្យរោងចក្រនុយក្លេអ៊ែរ Zaporizhzhia នៅថ្ងៃព្រហស្បតិ៍នេះ

អ៊ុយក្រែន៖ ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិ បាននិយាយកាលពីថ្ងៃពុធថា លោកសង្ឃឹមថានឹងវាយតម្លៃយ៉ាងទូលំទូលាយ អំពីស្ថានភាពនៅរោងចក្រថាមពលនុយក្លេអ៊ែរធំបំផុតរបស់អឺរ៉ុប ប៉ុន្តែបានទទួលស្គាល់ថា បេសកកម្មត្រួតពិនិត្យរោងចក្រដែលរុស្សីកាន់កាប់នៅអ៊ុយក្រែន នឹងពុំមែនគ្មានហានិភ័យនោះទេ។ ក្រុមអ្នកជំនាញមកពីទីភ្នាក់ងារថាមពលអាតូមិកអន្តរជាតិត្រូវបានគេរំពឹងថា ចាប់ផ្តើមត្រួតពិនិត្យរោងចក្រថាមពលនុយក្លេអ៊ែរ Zaporizhzhia នៅភាគអាគ្នេយ៍នៃប្រទេសអ៊ុយក្រែនចាប់ពីថ្ងៃព្រហស្បតិ៍នេះ។ អគ្គនាយកទីភ្នាក់ងារ IAEA លោក Rafael Mariano Grossi បានប្រាប់អ្នកសារព័ត៌មានថា ការត្រួតពិនិត្យនឹងចំណាយពេលពីរ ឬបីថ្ងៃ។ លោក Grossi បានចាត់ទុកដំណើរទស្សនកិច្ចនេះថា ជាបេសកកម្មបច្ចេកទេសក្នុងការវាយតម្លៃស្ថានភាពនៅរោងចក្រនុយក្លេអ៊ែរ។ លោកនិយាយថា លោកត្រូវការសម្ភាសន៍បុគ្គលិករោងចក្រ ហើយទីភ្នាក់ងារ IAEA មានគោលបំណងបង្កើតវត្តមានអចិន្ត្រៃយ៍នៅទីនោះ។ តំណាងរបស់រុស្ស៊ីប្រចាំទីភ្នាក់ងារ IAEA លោក Mikhail Ulyanov បាននិយាយថា ទីក្រុងមូស្គូស្វាគមន៍ចំពោះផែនការរបស់ទីភ្នាក់ងារ IAEA។រោងចក្រដែលរុស្សីចូលកាន់កាប់ប្រឈមនឹងគ្រោះមហន្តរាយ ខណៈការបាញ់ផ្លោងនៅជុំវិញរោងចក្រនេះនៅតែបន្ត ដោយផ្នែកខ្លះត្រូវបានគេរាយការណ៍ថាបានខូចខាត។ ក្រសួងការពារជាតិរុស្ស៊ីនិយាយថា ទាហានអ៊ុយក្រែនបានបាញ់ផ្លោងជុំវិញរោងចក្រកាលពីថ្ងៃអង្គារ និងបានចោទអ៊ុយក្រែនថា បានបន្តបង្កហេតុដើម្បីរារាំងបេសកកម្មរបស់ទីភ្នាក់ងារ IAEA។ ទន្ទឹមនឹងនេះ កងកម្លាំងអ៊ុយក្រែនបានបើកការវាយលុកថ្មីនៅក្នុងទីក្រុង Kherson ដែលកាន់កាប់ដោយរុស្ស៊ីនៅភាគខាងត្បូងនៃប្រទេស។ ក្រសួងការពារជាតិរុស្ស៊ីបានអះអាងកាលពីថ្ងៃពុធថា ការវាយលុកនេះមិនបានជោគជ័យនោះទេ ហើយអ៊ុយក្រែនបានធ្វើឱ្យបាត់បង់ជីវិតបុគ្គលិកយោធាជាង 1,700នាក់៕អត្ថបទ៖ ប៊ុនថន

កុមារីម្នាក់ស្លាប់ក្នុងតំបន់កាតាឡូនីរបស់អេស្ប៉ាញ ក្រោយដុំទឹកកកដ៏ធំធ្លាក់ចំ

អេស្ប៉ាញ៖ កុមារីអាយុ ២០ខែម្នាក់បានស្លាប់នៅក្នុងតំបន់កាតាឡូនី បន្ទាប់ពីត្រូវបានប៉ះទង្គិចដោយដុំទឹកកកដ៏ធំ ខណៈមានព្យុះខ្លាំងបោកបក់ទូទាំងផ្នែកនានានៃតំបន់ភាគពាយព្យរបស់ប្រទេសអេស្ប៉ាញ បង្កឲ្យមានភ្លៀងខ្លាំងធ្លាក់ដុំទឹកកកធំៗដែលគេមិនធា្លប់ឃើញក្នុងពេល ២ទសវត្សរ៍ និងបណ្ដាលឲ្យមនុស្សរាប់សិបនាក់រងរបួស។ ក្មេងស្រីដែលមិនត្រូវបានគេបញ្ជាក់ឈ្មោះត្រូវបានដុំទឹកកកធ្លាក់ចំ អំឡុងមានព្យុះកាលពីយប់ថ្ងៃអង្គារនៅក្នុងទីក្រុង La Bisbal d’Empordà ក្នុងខេត្ត Girona។ ក្មេងស្រីនេះត្រូវបានបញ្ជូនទៅកាន់មន្ទីរពេទ្យនៅទីក្រុងនេះ ប៉ុន្តែបានស្លាប់ដោយសាររបួសកាលពីព្រឹកថ្ងៃពុធ។ អភិបាលក្រុងលោកស្រី Carme Vall បានប្រាប់ទូរទស្សន៍ជាតិ RTVE របស់អេស្ប៉ាញកាលពីព្រឹកថ្ងៃពុធថា យើងបានជួបករណីគួរឲ្យរន្ធត់នៃក្មេងស្រីតូចម្នាក់ដែលបានស្លាប់ ដោយសារដុំទឹកកកធ្លាក់ចំ។អភិបាលក្រុងរូបនេះបានប្រាប់វិទ្យុ RAC 1 របស់តំបន់កាតាឡាន់ថា មានភ្លៀងធ្លាក់ខ្លាំងដោយមានដុំទឹកកកទំហំ ១១សង់ទីម៉ែត្រជាច្រើនបានធ្លាក់។ ការធ្លាក់ប្រហែល ១០នាទីប៉ុណ្ណោះ ប៉ុន្តែជាពេលវេលា ១០នាទីនៃភាពរន្ធត់។ ការិយាល័យមន្ទីរឧតុនិយមកាតាឡាន់ MeteoCat បាននិយាយថា ដុំទឹកកកមានវិជ្ជមាត្រ ១០សង់ទីម៉ែត្រមួយដុំត្រូវបានប្រទះឃើញនៅក្នុងទីក្រុងនេះ ជាទីដែលក្មេងស្រីរងគ្រោះបានស្លាប់ ដែលធ្វើឲ្យការធ្លាក់ដុំទឹកកកកាលពីថ្ងៃអង្គារ ក្លាយជាដុំទឹកកកធំបំផុតក្នុងតំបន់នេះចាប់តាំងពីឆ្នាំ២០០២ មក៕អត្ថបទ៖ សុខមាន

អគ្គិភ័យដែលឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ សមត្ថកិច្ចគ្រប់គ្រងបានទាំងស្រុងហើយ

ភ្នំពេញ៖ អគ្គិភ័យដែលឆាបឆេះក្លឹបកម្សាន្តឈ្មោះ All Friends PUB នៅម្តុំវង្វង់មូលផ្សារដើមថ្កូវ សង្កាត់ផ្សារដើមថ្លូវ ខណ្ឌចំការមន រាជធានីភ្នំពេញ កម្លាំងអន្តរាគមន៍បង្ការ និងពន្លត់អគ្គិភ័យ បានគ្រប់គ្រងទាំងស្រុងហើយ ខណៈដែលទំហំ នៃការខូតខាត និងមូលហេតុ នៃការឆាបឆេះ មិនទាន់ត្រូវបានសមត្ថកិច្ចបញ្ជាក់នៅឡើយទេ។

អារ៉ាប៊ីសាអ៊ូឌីតរឹបអូសបានថ្នាំញៀនអាហ្វេតាមីនចំនួន ៤៦លានគ្រាប់ដែលលាក់ក្នុងម្សៅ

អារ៉ាប៊ីសាអ៊ូឌីត៖ ក្រុមអាជ្ញាធរនៅក្នុងប្រទេសអារ៉ាប៊ីសាអ៊ូឌីតនិយាយថា ពួកគេរឹបអូសបានថ្នាំញៀនអាហ្វេតាមីនចំនួន ៤៦លានគ្រាប់ដែលត្រូវបានរត់ពន្ធតាមការដឹកជញ្ជូនផលិតផលម្សៅ ដែលជាចំនួនខ្ពស់បំផុតមិនធ្លាប់មានសម្រាប់ព្រះរាជាណាចក្រមួយនេះ។ អគ្គនាយកដ្ឋានត្រួតពិនិត្យគ្រឿងញៀនបាននិយាយថា កងកម្លាំងសន្តិសុខបានតាមដានការដឹកជញ្ជូនតាមនាវា ខណៈនាវានេះបានទៅដល់ផែស្ងួតទីក្រុង Riyadh និងត្រូវបានជញ្ជូនចូលក្នុងឃ្លាំងមួយកន្លែង។ ជនជាតិស៊ីរី ៦នាក់ និងប៉ាគីស្ថាន ២នាក់ត្រូវបានចាប់ខ្លួនក្នុងការឆ្មក់ចូលឆែកឆេរក្នុងឃ្លាំងនោះ។ អគ្គនាយកដ្ឋានត្រួតពិនិត្យគ្រឿងញៀនខាងលើ មិនបានបញ្ជាក់ពីឈ្មោះថ្នាំញៀនអាហ្វេតាមីនទាំងនោះទេ ប៉ុន្តែអារ៉ាប៊ីសាអ៊ូឌីតគឺជាទីផ្សារធំបំផុតសម្រាប់ថ្នាំញៀនទាំងនេះដែលមានឡូហ្គោឈ្មោះ captagon។ Captagon ដែលជាការលាយបញ្ចូលគ្នានៃសាធាតុកាហ្វេអ៊ីន និងសារធាតុបន្ថែមផ្សេងៗទៀតត្រូវគេរាយការណ៍ថា ជាសារធាតុញៀនដ៏ពេញនិយមបំផុតមួយក្នុងចំណោមថ្នាំញៀនជាច្រើន សម្រាប់យុវជនក្នុងតំបន់ឈូងសមុទ្រនេះ។ថ្នាំញៀនប្រភេទនេះក៏ត្រូវបានប្រើប្រាស់ដោយក្រុមអ្នកប្រយុទ្ធក្នុងសង្គ្រាមស៊ីវិលស៊ីរីផងដែរ ដែលគេនិយាយថា វាជួយឲ្យមនុស្សក្លាហានក្នុងប្រយុទ្ធនៅសមរភូមិ។ យោងតាមរបាយការណ៍របស់វិទ្យាស្ថាន New Lines Institute ការជួញដូរសកលលើថ្នាំញៀនប្រភេទ captagon កំពុងកើនឡើងខ្លាំងយ៉ាងឆាប់រហ័ស និងមានតម្លៃប្រមាណ ៥.៧ពាន់លានដុល្លារអាមេរិកកាលពីឆ្នាំមុន។ អគ្គនាយកដ្ឋានត្រួតពិនិត្យគ្រឿងញៀនពុំបាននិយាយថា ថ្នាំញៀនដែលរឹបអូសទាំងនោះមានប្រភពចេញពីណានោះទេ ប៉ុន្តែភាគច្រើននៃថ្នាំញៀនប្រភេទ captagon ដែលត្រូវបានរឹបអូសក្នុងតំបន់ឈូងសមុទ្រ ត្រូវគេជឿថាមានប្រភពចេញពីប្រទេសស៊ីរី និងលីបង់៕អត្ថបទ៖ សុខមាន

អគ្គិភ័យកំពុងឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ យ៉ាងសន្ធោរសន្ធៅ

BREAKING NEWS! នៅខណៈនេះ អគ្គិភ័យកំពុងឆាបឆេះក្លឹបកម្សាន្តឈ្មោះ All Friends PUB យ៉ាងសន្ធោរសន្ធៅ នៅតាមបណ្តោយផ្លូវលេខ ៤៨៤(ម្តុំវង្វង់មូលផ្សារដើមថ្កូវ) សង្កាត់ផ្សារដើមថ្លូវ ខណ្ឌចំការមន រាជធានីភ្នំពេញ។ រថយន្តពន្លត់អគ្គិភ័យជាច្រើនគ្រឿង និងអាជ្ញាធរមូលដ្ឋាន កំពុងអន្តរាគមន៍ពន្លត់ជាបន្តបន្ទាប់។

សហភាពអឺរ៉ុបរឹតត្បិតការធ្វើដំណើរសម្រាប់ពលរដ្ឋរុស្ស៊ី តែពុំចេញបម្រាមពេញលេញលើទិដ្ឋាការធ្វើដំណើរទេ

សហភាពអឺរ៉ុប៖ កាលពីថ្ងៃពុធបណ្ដារដ្ឋមន្ត្រីការបរទេសសហភាពអឺរ៉ុប បានផ្អាកកិច្ចព្រមព្រៀងជួយសម្របសម្រួលទិដ្ឋាការឆ្លងដែនជាមួយទីក្រុង Moscow ដែលបង្កការលំបាកដល់ពលរដ្ឋរុស្ស៊ីក្នុងការទទួលបានទិដ្ឋាការធ្វើដំណើរចូលទៅប្លុកមួយនេះ។ ទោះយ៉ាងណាក៏ដោយប្លុកនេះបានខ្វែងគំនិតគ្នាពីការព្រមព្រៀង ចំពោះបម្រាមទិដ្ឋាការធ្វើដំណើរទូលំទូលាយរបស់សហភាពអឺរ៉ុប ដែលត្រូវបានទាមទារដោយចក្រភពអង់គ្លេស និងរដ្ឋមួយចំនួនផ្សេងទៀត។ សហភាពអឺរ៉ុបក៏ត្រូវបានខ្វែងគំនិតគ្នាផងដែរចំពោះការព្រមព្រៀងលើបញ្ហានេះ ស្ដីពីការហាមប្រាមធ្វើដំណើរចូលទាំងស្រុង ហើយក៏បានបន្សល់ទុកនូវភាពមិនច្បាស់លាស់ ជាអ្វីដែលចំណាត់ការជាឯកតោភាគីរបស់ប្រទេសអេស្តូនី ឡាតវី លីទុយអានី ប៉ូឡូញ និងហ្វាំងឡង់ដែលមានព្រំដែនជាប់ប្រទេសរុស្ស៊ី អាចរឹតត្បិតការចូលក្នុងប្រទេសរបស់ពួកគេចំពោះភ្ញៀវទេសចររុស្ស៊ី។ប្រទេសទាំង៥ នេះបានស្វាគមន៍ការផ្អាកកិច្ចព្រមព្រៀងសម្របសម្រួលទិដ្ឋាការឆ្លងដែនរបស់រុស្ស៊ីថា ជាជំហានមួយក្នុងគោលដៅដ៏ត្រឹមត្រូវ ប៉ុន្តែមានប្រទេសចំនួន៤ ក្នុងចំណោមនោះបានបញ្ជាក់ថា នៅមានកិច្ចការជាច្រើនទៀត ដែលត្រូវធ្វើ ដើម្បីកំណត់ច្បាស់លាស់ពីចំនួនទិដ្ឋាការដែលបានចេញ និងការធ្វើដំណើររបស់ជនជាតិរុស្ស៊ីទៅកាន់ប្លុកនេះ ចាប់តាំងពីការវាយលុករបស់ទីក្រុង Moscow ចូលអ៊ុយក្រែនកាលពីថ្ងៃទី២៤ ខែកុម្ភៈ៕អត្ថបទ៖ សុខមាន

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈតាមស្ថានីយនានាទូទាំងប្រទេស ចាប់ពីថ្ងៃទី០១-១០ ខែកញ្ញា ឆ្នាំ២០២២ ដោយប្រេងសាំងធម្មតាមត្រូវលក់តម្លៃ ៤.៧០០រៀល/លីត្រ(តម្លៃដដែល) និងប្រេងម៉ាស៊ូតត្រូវលក់តម្លៃ ៥.៥០០រៀល/លីត្រ(ឡើង៤០០រៀល)។

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី

រុស្ស៊ី៖ ការគោរពវិញ្ញាណក្ខន្ធត្រូវបានធ្វើឡើងនៅទូទាំងពិភពលោកចំពោះលោក Mikhail Gorbachev មេដឹកនាំចុងក្រោយនៃអតីតសហភាពសូវៀតដែលបានទទួលមរណភាពក្នុងវ័យ ៩១ឆ្នាំ។ ក្នុងពេលកាន់អំណាចរបស់លោក Gorbachev បានមើលឃើញកំណែទម្រង់ប្លុកកុំម្មុយនីសមួយនេះ ដែលបានឈានដល់ការដួលរលំជញ្ជាំងប៊ែរឡាំង ការបញ្ចប់សង្គ្រាមត្រជាក់ និងការដួលរលំសហភាពសូវៀត។ ភាពចលាចល និងការលំបាកផ្នែកសេដ្ឋកិច្ចដែលបានកើតឡើងតាមក្រោយ អាចបកស្រាយពីមូលហេតុដែលការលើកសរសើររបស់លោកខាងលិចចំពោះលោក Gorbachev មិនត្រូវបានចែករំលែកឲ្យបានទូលំទូលាយនៅក្នុងប្រទេសរុស្ស៊ី ដែលជាប្រទេសកំណើតរបស់លោក។ លោកប្រធានាធិបតី Vladimir Putin បានផ្ញើលិខិតចូលរួមរំលែកទុក្ខដល់ក្រុមគ្រួសាររបស់លោក Mikhail Gorbachev ខណៈវិមានក្រឹមឡាំងបានសម្ដែងការសោកស្ដាយ ចំពោះមរណភាពនៃមេដឹកនាំចុងក្រោយរបស់អតីតសហភាពសូវៀត។ ប៉ុន្តែមិនបាននិយាយទេថា តើលោក Gorbachev នឹងទទួលបានពិធីបុណ្យផ្លូវរដ្ឋ ឬពិធីគោរពវិញ្ញាណក្ខន្ធលាចុងក្រោយ ដោយអ្នកស្នងតំណែងដែលបានលុបចោលកេរដំណែលរបស់លោក។លោក Vladimir Putin និយាយថា លោក Mikhail Gorbachev មេដឹកនាំចុងក្រោយរបស់សហភាពសូវៀតដែលបានទទួលមរណភាពកាលពីថ្ងៃអង្គារ បានប៉ះពាល់យ៉ាងខ្លាំងលើទិសដៅនៃប្រវត្តិសាស្ត្រ។ ទោះយ៉ាងណាអ្នកនាំពាក្យរបស់លោក Putin បាននិយាយថា លោក Gorbachev មានកំហុសដែលជឿជាក់លើការស្រឡាញ់រាប់អានពីលោកខាងលិច។ សូមរម្លឹកថា លោក Gorbachev បានឡើងកាន់អំណាចក្នុងឆ្នាំ១៩៨៥ មុនសហភាពសូវៀតដួលរលំនៅឆ្នាំ១៩៩១៕អត្ថបទ៖ សុខមាន

សូមប្រជាពលរដ្ឋប្រុងប្រយ័ត្ន...! ជនសង្ស័យប្រុស-ស្រី ២នាក់ ត្រូវឃាត់ខ្លួន ពាក់ព័ន្ធករណីឆបោក ក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស

ភ្នំពេញ៖ កម្លាំងនគរបាលនាយកដ្ឋានព្រហ្មទណ្ឌ ក្រោយទទួលបានសេចក្ដីរាយការណ៍ និងពាក្យបណ្ដឹងរបស់ពលរដ្ឋរងគ្រោះ ធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យប្រុស-ស្រី ២នាក់ ពាក់ព័ន្ធករណីឆបោកក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស។ប្រតិបត្តិការនេះ បានធ្វើឡើងនៅវេលាម៉ោង ០៤ល្ងាចថ្ងៃទី៣០ ខែសីហា ឆ្នាំ២០២២ នៅចំណុចនៅទីតាំងវីងមួយកន្លែង កំពុងធ្វើសកម្មភាពដកលុយ ស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។ ជនសង្ស័យដែលបានឃាត់ខ្លួនទី១៖ ឈ្មោះ N’ CHO MARCEL ភេទប្រុស ជនជាតិ កូដូវ័រ និងទី២៖ឈ្មោះ ដូង ធារី ភេទស្រី ជនជាតិ ខ្មែរ។ជនសង្ស័យបានឆ្លើយសារភាពថា ឈ្មោះ ASIA ភេទប្រុស ជនជាតិ វ៉េណេស៊ុយអេទ្បា រស់នៅក្រៅប្រទេស បានទំនាក់ទំនងទៅជនរងគ្រោះតាមរយៈហ្វេសប៊ុក និងសុំលេខពីជនរងគ្រោះថា ខ្លួនចង់ផ្ញើអីវ៉ាន់ ឬប្រាក់ជាច្រើន ទៅប្រទេសកម្ពុជា ដោយឲ្យជនរងគ្រោះជាអ្នកទទួលអីវ៉ាន់ ឬប្រាក់បញ្ញើនោះ ។ បន្ទាប់មកឈ្មោះ ASIA បានផ្ញើលេខទូរសព្ទ័របស់ជនរងគ្រោះឲ្យទៅឈ្មោះ N’ CHO MARCEL ហើយឲ្យស្រ្តីម្នាក់ដើរតួជា គយ បង្គាប់ឲ្យជនរងគ្រោះផ្ញើប្រាក់បង់ពន្ធដើម្បីយកទំនិញនោះចេញ។ គួរបញ្ជាក់ផងដែរ កាលពីថ្ងៃទីអំឡុង ខែសីហា ឆ្នាំ២០២២ មានគណនីហ្វេសបុកឈ្មោះ PARIMAL បានប្រាប់ថា ខ្លួនជាប់នៅប្រទេសអ៊ុយក្រែន ហើយខ្លួនត្រូវការផ្ញើប្រាក់មកទុកនៅស្រុកខ្មែរ ដើម្បីរកមនុស្សចិត្តល្អជួយរក្សាទុកឲ្យ ហើយឈ្មោះ PARIMAL ធ្វើជាជ្រើសរើសយកជនរងគ្រោះឈ្មោះ ឯក ពិសិដ្ឋ ភេទប្រុស រស់នៅសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។បន្ទាប់មកក៏មានស្រ្តីជនជាតិខ្មែរម្នាក់ អះអាងខ្លួនជាមន្រ្តីគយ ដែលបានឃាត់បខាងលើ ស្ត្រីនោះបញ្ជាក់ទៀតថា ទាល់តែបង់ប្រាក់ពិន័យចំនួន USD ១៧.៥០០$ តាមរយៈវីងលេខទូរស័ព្ទ ទើបអាចទទួលបានកញ្ចប់ប្រាក់ខាងលើ។ ដោយចាញ់ល្បិចកលរបស់ក្រុមឆបោកខាងលើ នៅថ្ងៃទី២៩ ខែសីហា ឆ្នាំ២០២២ ជនរងគ្រោះបានផ្ញើប្រាក់ជាបន្តបន្ទាប់សរុបជាង៩ពាន់ដុល្លារ។ ប៉ុន្តែក្រោយពីផ្ញើប្រាក់រួចជនរងគ្រោះទាក់ទងលែងបាន ចំណែកគណនីហ្វេកបុកឈ្មោះ PARIMAL ក៏មិនអាចទាក់ទងបានទៀត ទើបដឹងថា ចាញ់បោកគេហើយ ប៉ុន្តែនៅថ្ងៃទី៣០ ខែសីហា ឆ្នាំ២០២២ ស្រាប់តែឈ្មោះ PARIMAL បានទាក់ទងមកឲ្យជនរងគ្រោះផ្ញើប្រាក់បន្ថែម៥០០០$ ទៀតនឹងទទួលបានកញ្ចប់ប្រាក់នោះ តែមុនពេលផ្ញើប្រាក់ជនរងគ្រោះបានរាយការណ៍មកនាយកដ្ឋាននគរបាលព្រហ្មទណ្ឌ ដើម្បីជួយអន្តរាគមន៍ទើបឃាត់ខ្លួនជនសង្ស័យបាន ខណៈពេលកំពុងចូលទៅដកប្រាក់នៅទីតាំងវីងមួយកន្លែងស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។បច្ចុប្បន្នជនសង្ស័យទាំង០២នាក់ ត្រូវបានកម្លាំង នាយកដ្ឋាននគរបាលព្រហ្មទណ្ឌ សាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕(ដោយ៖ កុម្ភៈ)

បណ្ដាញសង្គម

ព័ត៌មានថ្មីៗ

លោក Ramiro Valdes ដែលស្ថិតក្នុងចំណោមឥស្សរជនបដិវត្តន៍នៅរស់ចុងក្រោយរបស់គុយបា បានទទួលមរណភាព

កាកបាទក្រហមកម្ពុជា បើកយុទ្ធនាការបរិច្ចាគឈាមដ៏ធំក្រោមប្រធានបទ «តំណក់ឈាមមនុស្សធម៌! ផ្តល់ឈាមសង្គ្រោះជីវិត»

ក្រសួងការងារ បើកវគ្គបណ្តុះបណ្តាលរយៈពេល ៣ថ្ងៃ ដើម្បីពង្រឹងសមត្ថភាពជនបង្គោលយេនឌ័ររបស់ក្រសួង

ជប៉ុនផ្ដល់ឥណទានសម្បទានប្រមាណ ១៦២.៧ លានដុល្លារអាម៉េរិក ដើម្បីអនុវត្តគម្រោងស្តារឡើងវិញនូវប្រព័ន្ធស្រោចស្រព និងប្រព័ន្ធដោះទឹកភាគនិរតីរាជធានីភ្នំពេញ

រដ្ឋសភាអនុម័តសេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់ ដែលបានធ្វើវិសោធនកម្មចំនួន ១៥ មាត្រា លើច្បាប់ស្តីពីផ្លូវថ្នល់ដើម្បីឆ្លើយតបតាមការអភិវឌ្ឍសង្គម-សេដ្ឋកិច្ច

មន្រ្ដីជំនាញ៖ការសិក្សារំហូរទេសចរជាយុទ្ធសាស្រ្តពីអ្នកជំនាញរួមចំណែកយ៉ាងសំខាន់ក្នុងការអភិវឌ្ឍន៍វិស័យទេសចរណ៍ខេត្តបាត់ដំបង

ភាគីថៃជូនដំណឹងជាផ្លូវការមកកម្ពុជាអំពីការជ្រើសរើសអ្នកផ្សះផ្សាចំនួនពីររូបរួចហើយ ដើម្បីចូលរួមក្នុងយន្តការផ្សះផ្សាដោយបង្ខំ ក្រោមអនុសញ្ញា UNCLOS

បាល់ទាត់ពិភពលោក ២០២៦៖ ជាងកាត់សក់នៅ LA ផ្តល់សេវាកាត់សក់ឥតគិតថ្លៃ ស្វាគមន៍អ្នកគាំទ្របាល់ទាត់

ភ្ញៀវទេសចររាប់ម៉ឺននាក់ទៅលេងកម្សាន្តទឹកដីស្រុកសំឡូត ខេត្តបាត់ដំបង ក្នុងរដូវកាលបៃតង និងជារដូវកាលប្រមូលផលផ្លែឈើ

សហគ្រិនក្នុងស្រុក បង្ហាញក្ដីរីករាយ ខណៈសន្ទុះគាំទ្រផលិតផលខ្មែរពីពលរដ្ឋបន្តមានការកើនឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ១,១៦២នាក់ស្លាប់ និងរាប់លាននាក់ជម្លៀសខ្លួនចេញពីទឹកជំនន់នៅប៉ាគីស្ថាន

ក្រុមអ្នកជំនាញ IAEA ចាប់ផ្តើមត្រួតពិនិត្យរោងចក្រនុយក្លេអ៊ែរ Zaporizhzhia នៅថ្ងៃព្រហស្បតិ៍នេះ

កុមារីម្នាក់ស្លាប់ក្នុងតំបន់កាតាឡូនីរបស់អេស្ប៉ាញ ក្រោយដុំទឹកកកដ៏ធំធ្លាក់ចំ

អារ៉ាប៊ីសាអ៊ូឌីតរឹបអូសបានថ្នាំញៀនអាហ្វេតាមីនចំនួន ៤៦លានគ្រាប់ដែលលាក់ក្នុងម្សៅ

អគ្គិភ័យកំពុងឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ យ៉ាងសន្ធោរសន្ធៅ

សហភាពអឺរ៉ុបរឹតត្បិតការធ្វើដំណើរសម្រាប់ពលរដ្ឋរុស្ស៊ី តែពុំចេញបម្រាមពេញលេញលើទិដ្ឋាការធ្វើដំណើរទេ

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ ១,១៦២​នាក់​ស្លាប់ និង​រាប់លាន​នាក់​ជម្លៀស​ខ្លួន​ចេញពីទឹកជំនន់​នៅ​ប៉ា​គី​ស្ថាន

ក្រុម​អ្នកជំនាញ ​IAEA ចាប់ផ្តើម​ត្រួតពិនិត្យ​រោងចក្រ​នុយក្លេអ៊ែរ Zaporizhzhia នៅ​ថ្ងៃ​ព្រហស្បតិ៍​នេះ

កុមារី​ម្នាក់​ស្លាប់​ក្នុង​តំបន់​កាតា​ឡូ​នី​របស់​អេ​ស្ប៉ា​ញ ក្រោយ​ដុំ​ទឹកកក​ដ៏​ធំ​ធ្លាក់​ចំ​

អារ៉ាប៊ីសាអ៊ូឌីត​រឹបអូស​បាន​ថ្នាំញៀន​អា​ហ្វេ​តា​មីន​ចំនួន ៤៦​លាន​គ្រាប់​ដែល​លាក់​ក្នុង​ម្សៅ​

អគ្គិភ័យកំពុងឆាបឆេះក្លឹបកម្សាន្តមួយកន្លែងនៅម្តុំវង្វង់មូលផ្សារដើមថ្កូវ យ៉ាងសន្ធោរសន្ធៅ

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ពិភពលោក​គោរព​វិញ្ញាណក្ខន្ធ​អតីត​មេដឹកនាំ​សហភាពសូវៀត Gorbachev តែ​មាន​សោកស្ដាយ​តិចតួច​នៅ​រុស្ស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្ស ១,១៦២នាក់ស្លាប់ និងរាប់លាននាក់ជម្លៀសខ្លួនចេញពីទឹកជំនន់នៅប៉ាគីស្ថាន

ក្រុមអ្នកជំនាញ IAEA ចាប់ផ្តើមត្រួតពិនិត្យរោងចក្រនុយក្លេអ៊ែរ Zaporizhzhia នៅថ្ងៃព្រហស្បតិ៍នេះ

កុមារីម្នាក់ស្លាប់ក្នុងតំបន់កាតាឡូនីរបស់អេស្ប៉ាញ ក្រោយដុំទឹកកកដ៏ធំធ្លាក់ចំ

អារ៉ាប៊ីសាអ៊ូឌីតរឹបអូសបានថ្នាំញៀនអាហ្វេតាមីនចំនួន ៤៦លានគ្រាប់ដែលលាក់ក្នុងម្សៅ

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី