BTV NEWS

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

សម្ដេចធិបតី បញ្ជាក់ជាថ្មីជំហររបស់កម្ពុជាបន្តដោះស្រាយបញ្ហាព្រំដែនគោក និងសមុទ្រជាមួយថៃ ដោយសន្ដិវិធី និងច្បាប់អន្តរជាតិ និងបដិសេធជជែករឿងបើកច្រកព្រំដែនគោក

ព័ត៌មានសំខាន់ៗ

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ភ្នំពេញ៖ ក្រសួងពាណិជ្ជកម្មប្រកាសពីតម្លៃលក់រាយប្រេងឥន្ធនៈតាមស្ថានីយនានាទូទាំងប្រទេស ចាប់ពីថ្ងៃទី០១-១០ ខែកញ្ញា ឆ្នាំ២០២២ ដោយប្រេងសាំងធម្មតាមត្រូវលក់តម្លៃ ៤.៧០០រៀល/លីត្រ(តម្លៃដដែល) និងប្រេងម៉ាស៊ូតត្រូវលក់តម្លៃ ៥.៥០០រៀល/លីត្រ(ឡើង៤០០រៀល)។

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី

រុស្ស៊ី៖ ការគោរពវិញ្ញាណក្ខន្ធត្រូវបានធ្វើឡើងនៅទូទាំងពិភពលោកចំពោះលោក Mikhail Gorbachev មេដឹកនាំចុងក្រោយនៃអតីតសហភាពសូវៀតដែលបានទទួលមរណភាពក្នុងវ័យ ៩១ឆ្នាំ។ ក្នុងពេលកាន់អំណាចរបស់លោក Gorbachev បានមើលឃើញកំណែទម្រង់ប្លុកកុំម្មុយនីសមួយនេះ ដែលបានឈានដល់ការដួលរលំជញ្ជាំងប៊ែរឡាំង ការបញ្ចប់សង្គ្រាមត្រជាក់ និងការដួលរលំសហភាពសូវៀត។ ភាពចលាចល និងការលំបាកផ្នែកសេដ្ឋកិច្ចដែលបានកើតឡើងតាមក្រោយ អាចបកស្រាយពីមូលហេតុដែលការលើកសរសើររបស់លោកខាងលិចចំពោះលោក Gorbachev មិនត្រូវបានចែករំលែកឲ្យបានទូលំទូលាយនៅក្នុងប្រទេសរុស្ស៊ី ដែលជាប្រទេសកំណើតរបស់លោក។ លោកប្រធានាធិបតី Vladimir Putin បានផ្ញើលិខិតចូលរួមរំលែកទុក្ខដល់ក្រុមគ្រួសាររបស់លោក Mikhail Gorbachev ខណៈវិមានក្រឹមឡាំងបានសម្ដែងការសោកស្ដាយ ចំពោះមរណភាពនៃមេដឹកនាំចុងក្រោយរបស់អតីតសហភាពសូវៀត។ ប៉ុន្តែមិនបាននិយាយទេថា តើលោក Gorbachev នឹងទទួលបានពិធីបុណ្យផ្លូវរដ្ឋ ឬពិធីគោរពវិញ្ញាណក្ខន្ធលាចុងក្រោយ ដោយអ្នកស្នងតំណែងដែលបានលុបចោលកេរដំណែលរបស់លោក។លោក Vladimir Putin និយាយថា លោក Mikhail Gorbachev មេដឹកនាំចុងក្រោយរបស់សហភាពសូវៀតដែលបានទទួលមរណភាពកាលពីថ្ងៃអង្គារ បានប៉ះពាល់យ៉ាងខ្លាំងលើទិសដៅនៃប្រវត្តិសាស្ត្រ។ ទោះយ៉ាងណាអ្នកនាំពាក្យរបស់លោក Putin បាននិយាយថា លោក Gorbachev មានកំហុសដែលជឿជាក់លើការស្រឡាញ់រាប់អានពីលោកខាងលិច។ សូមរម្លឹកថា លោក Gorbachev បានឡើងកាន់អំណាចក្នុងឆ្នាំ១៩៨៥ មុនសហភាពសូវៀតដួលរលំនៅឆ្នាំ១៩៩១៕អត្ថបទ៖ សុខមាន

សូមប្រជាពលរដ្ឋប្រុងប្រយ័ត្ន...! ជនសង្ស័យប្រុស-ស្រី ២នាក់ ត្រូវឃាត់ខ្លួន ពាក់ព័ន្ធករណីឆបោក ក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស

ភ្នំពេញ៖ កម្លាំងនគរបាលនាយកដ្ឋានព្រហ្មទណ្ឌ ក្រោយទទួលបានសេចក្ដីរាយការណ៍ និងពាក្យបណ្ដឹងរបស់ពលរដ្ឋរងគ្រោះ ធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យប្រុស-ស្រី ២នាក់ ពាក់ព័ន្ធករណីឆបោកក្រោមរូបភាពផ្ញើលុយ ឬសម្ភារៈមានតម្លៃមកពីក្រៅប្រទេស។ប្រតិបត្តិការនេះ បានធ្វើឡើងនៅវេលាម៉ោង ០៤ល្ងាចថ្ងៃទី៣០ ខែសីហា ឆ្នាំ២០២២ នៅចំណុចនៅទីតាំងវីងមួយកន្លែង កំពុងធ្វើសកម្មភាពដកលុយ ស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។ ជនសង្ស័យដែលបានឃាត់ខ្លួនទី១៖ ឈ្មោះ N’ CHO MARCEL ភេទប្រុស ជនជាតិ កូដូវ័រ និងទី២៖ឈ្មោះ ដូង ធារី ភេទស្រី ជនជាតិ ខ្មែរ។ជនសង្ស័យបានឆ្លើយសារភាពថា ឈ្មោះ ASIA ភេទប្រុស ជនជាតិ វ៉េណេស៊ុយអេទ្បា រស់នៅក្រៅប្រទេស បានទំនាក់ទំនងទៅជនរងគ្រោះតាមរយៈហ្វេសប៊ុក និងសុំលេខពីជនរងគ្រោះថា ខ្លួនចង់ផ្ញើអីវ៉ាន់ ឬប្រាក់ជាច្រើន ទៅប្រទេសកម្ពុជា ដោយឲ្យជនរងគ្រោះជាអ្នកទទួលអីវ៉ាន់ ឬប្រាក់បញ្ញើនោះ ។ បន្ទាប់មកឈ្មោះ ASIA បានផ្ញើលេខទូរសព្ទ័របស់ជនរងគ្រោះឲ្យទៅឈ្មោះ N’ CHO MARCEL ហើយឲ្យស្រ្តីម្នាក់ដើរតួជា គយ បង្គាប់ឲ្យជនរងគ្រោះផ្ញើប្រាក់បង់ពន្ធដើម្បីយកទំនិញនោះចេញ។ គួរបញ្ជាក់ផងដែរ កាលពីថ្ងៃទីអំឡុង ខែសីហា ឆ្នាំ២០២២ មានគណនីហ្វេសបុកឈ្មោះ PARIMAL បានប្រាប់ថា ខ្លួនជាប់នៅប្រទេសអ៊ុយក្រែន ហើយខ្លួនត្រូវការផ្ញើប្រាក់មកទុកនៅស្រុកខ្មែរ ដើម្បីរកមនុស្សចិត្តល្អជួយរក្សាទុកឲ្យ ហើយឈ្មោះ PARIMAL ធ្វើជាជ្រើសរើសយកជនរងគ្រោះឈ្មោះ ឯក ពិសិដ្ឋ ភេទប្រុស រស់នៅសង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។បន្ទាប់មកក៏មានស្រ្តីជនជាតិខ្មែរម្នាក់ អះអាងខ្លួនជាមន្រ្តីគយ ដែលបានឃាត់បខាងលើ ស្ត្រីនោះបញ្ជាក់ទៀតថា ទាល់តែបង់ប្រាក់ពិន័យចំនួន USD ១៧.៥០០$ តាមរយៈវីងលេខទូរស័ព្ទ ទើបអាចទទួលបានកញ្ចប់ប្រាក់ខាងលើ។ ដោយចាញ់ល្បិចកលរបស់ក្រុមឆបោកខាងលើ នៅថ្ងៃទី២៩ ខែសីហា ឆ្នាំ២០២២ ជនរងគ្រោះបានផ្ញើប្រាក់ជាបន្តបន្ទាប់សរុបជាង៩ពាន់ដុល្លារ។ ប៉ុន្តែក្រោយពីផ្ញើប្រាក់រួចជនរងគ្រោះទាក់ទងលែងបាន ចំណែកគណនីហ្វេកបុកឈ្មោះ PARIMAL ក៏មិនអាចទាក់ទងបានទៀត ទើបដឹងថា ចាញ់បោកគេហើយ ប៉ុន្តែនៅថ្ងៃទី៣០ ខែសីហា ឆ្នាំ២០២២ ស្រាប់តែឈ្មោះ PARIMAL បានទាក់ទងមកឲ្យជនរងគ្រោះផ្ញើប្រាក់បន្ថែម៥០០០$ ទៀតនឹងទទួលបានកញ្ចប់ប្រាក់នោះ តែមុនពេលផ្ញើប្រាក់ជនរងគ្រោះបានរាយការណ៍មកនាយកដ្ឋាននគរបាលព្រហ្មទណ្ឌ ដើម្បីជួយអន្តរាគមន៍ទើបឃាត់ខ្លួនជនសង្ស័យបាន ខណៈពេលកំពុងចូលទៅដកប្រាក់នៅទីតាំងវីងមួយកន្លែងស្ថិតនៅសង្កាត់វាលវង់ ខណ្ឌ៧មករា រាជធានីភ្នំពេញ។បច្ចុប្បន្នជនសង្ស័យទាំង០២នាក់ ត្រូវបានកម្លាំង នាយកដ្ឋាននគរបាលព្រហ្មទណ្ឌ សាកសួរ និងកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធី៕(ដោយ៖ កុម្ភៈ)

ក្រសួងការពារជាតិកម្ពុជា ទទួលបានអំណោយរថយន្ត និងសម្ភារៈមួយចំនួនធំ ពីក្រសួងការពារជាតិចិន

ភ្នំពេញ៖ នៅព្រឹកថ្ងៃទី១ ខែកញ្ញា ឆ្នាំ២០២២នេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម វ៉ាង វិនធាន ឯកអគ្គរដ្ឋទូត នៃសាធារណរដ្ឋប្រជាមានិតចិន ប្រចាំកម្ពុជា បានអញ្ជើញជាអធិបតីភាព ក្នុងពិធីប្រគល់ និងទទួលរថយន្ត ១៥០គ្រឿង និងសម្ភារៈជាច្រើនទៀត ជាជំនួយឥតសំណងរបស់ក្រសួងការពារជាតិចិន ជូនក្រសួងការពារជាតិកម្ពុជា ដើម្បីប្រើប្រាស់តាមតម្រូវការ ជាពិសេសក្នុងកិច្ចប្រជុំរដ្ឋមន្ត្រីការពារជាតិអាស៊ាន ,រដ្ឋមន្ត្រីការពារជាតិអាស៊ានបូក ដែលកម្ពុជាធ្វើជាម្ចាស់ផ្ទះនាពេលឆាប់ៗខាងមុខនេះ។

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

រុស្ស៊ី៖ លោក Mikhail Gorbachev អតីតមេដឹកនាំសហភាពសូវៀតដែលបានបញ្ចប់សង្គ្រាមត្រជាក់ បានទទួលមរណភាពក្នុងវ័យ ៩១ឆ្នាំ។ លោក Gorbachev ដែលបានឡើងកាន់អំណាចក្នុងឆ្នាំ១៩៨៥ ដោយបើកចំហអតីតសហភាពសូវៀតកាលនោះចំពោះពិភពលោក និងបានដាក់ចេញផែនការធ្វើកំណែទម្រង់ក្នុងប្រទេសរបស់ខ្លួន។ ប៉ុន្តែលោកមិនអាចទប់ស្កាត់ការដួលរលំបន្តិចម្ដងៗនៃសហភាពសូវៀតបាន រហូតដល់ក្លាយជារុស្ស៊ីក្នុងសម័យទំនើបនេះ។ពិធីគោរពវិញ្ញាណក្ខន្ធត្រូវបានធ្វើឡើងនៅទូទាំងពិភពលោក ដោយលោក Antonio Guterres ប្រមុខអង្គការសហប្រជាជាតិបាននិយាយថា លោកបានផ្លាស់ប្ដូរទិសដៅនៃប្រវត្តិសាស្ត្រ។ លោក Guterres បានសរសេរក្នុងសារគោរពវិញ្ញាណក្ខន្ធលើបណ្ដាញ Twitter ថា លោក Mikhail Gorbachev គឺជារដ្ឋបុរសដ៏ល្អក្នុងចំណោមរដ្ឋបុរសជាច្រើន។ ពិភពលោកបានបាត់បង់មេដឹកនាំសកលកំពូល ដែលបានដើរតួនាទីជាពហុភាគីនិយម និងតស៊ូមតិមិនចេះហត់ដើម្បីសន្តិភាព។ មន្ទីរពេទ្យក្នុងទីក្រុង Moscow ជាទីដែលលោកបានទទួលមរណភាពបាននិយាយថា លោកមានជំងឺធ្ងន់ធ្ងរជាយូរមកហើយ។ក្នុងរយៈពេលប៉ុន្មានឆ្នាំថ្មីៗនេះសុខភាពរបស់លោកបានចុះទ្រុឌទ្រោម ហើយលោកបានចេញចូលមន្ទីរពេទ្យច្រើនលើកច្រើនសា។ កាលពីខែមិថុនាសារព័ត៌មានបរទេសបានរាយការណ៍ថា លោកបានចូលសម្រាកព្យាបាលនៅមន្ទីរពេទ្យក្រោយមានជំងឺតម្រងនោម ទោះបីជាមូលហេតុនៃការទទួលមរណភាពរបស់លោក មិនទាន់ត្រូវបានបញ្ជាក់ក៏ដោយ។ យោងតាមសារព័ត៌មាន Reuters អ្នកនាំពាក្យវិមានក្រឹមឡាំងលោក Dmitry Peskov បានប្រាប់ទីភ្នាក់ងារសារព័ត៌មានរុស្ស៊ី Interfax ថា លោកប្រធានាធិបតីរុស្ស៊ី Vladimir Putin បានចូលរួមរំលែកទុក្ខដ៏ក្រៀមក្រំបំផុត ក្រោយការអនិច្ចកម្មរបស់លោក Gorbachev៕អត្ថបទ៖ សុខមាន

អាមេរិកផ្តល់ជំនួយដល់ប៉ាគីស្ថាន ៣០លានដុល្លារ បន្ទាប់ពីទឹកជំនន់បណ្ដាលឲ្យមនុស្ស ១,១៦០នាក់ស្លាប់

សហរដ្ឋអាមេរិក៖ សហរដ្ឋអាមេរិកនឹងផ្តល់ជំនួយបន្ថែមចំនួន ៣០លានដុល្លារតាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) បន្ទាប់ពីអង្គការសហប្រជាជាតិ និងប្រទេសប៉ាគីស្ថានបានអំពាវនាវរកជំនួយសង្គ្រោះបន្ទាន់ចំនួន ១៦០លានដុល្លារដើម្បីជួយប្រជាជនរាប់លាននាក់ ដែលរងផលប៉ះពាល់ដោយទឹកជំនន់បណ្តាលឲ្យមនុស្សជាង ១,១៦០នាក់ស្លាប់ចាប់តាំងពីពាក់កណ្តាលខែមិថុនា។ យោងតាមសេចក្តីថ្លែងការណ៍ចេញផ្សាយ ដោយការិយាល័យអង្គការសហប្រជាជាតិបានឲ្យដឹងថា អគ្គលេខាធិការលោក Antonio Guterres នឹងធ្វើទស្សនកិច្ចទៅកាន់ប្រទេសប៉ាគីស្ថាននៅថ្ងៃទី៩ ខែកញ្ញា ហើយនឹងជួបជាមួយជនរងគ្រោះដោយទឹកជំនន់ដើម្បីបង្ហាញពីសាមគ្គីភាពជាមួយពួកគេ។ ក្រសួងការបរទេសប៉ាគីស្ថាននិយាយថា ទឹកជំនន់បានប៉ះពាល់ដល់ពលរដ្ឋប្រមាណ ៣៣លាននាក់ ហើយបានបណ្តាលឱ្យមនុស្សជាង ១,១៦០នាក់ស្លាប់ និងជាង ១,៦០០នាក់រងរបួស។លំនៅឋានជាង ១លានខ្នងបានខូចខាត ឬត្រូវបានបំផ្លាញទាំងស្រុង ហើយសត្វពាហនៈចំនួន ៧៣៥,០០០ក្បាលជាប្រភពសម្រាប់ការចិញ្ចឹមជីវិត និងអាហារសំខាន់បានបាត់បង់។ យោងតាមការប៉ាន់ប្រមាណបឋមរបស់រដ្ឋាភិបាលបានឲ្យដឹងថា ការបំផ្លាញនេះបណ្តាលឱ្យខូចខាតដល់សេដ្ឋកិច្ចចំនួន ១០ពាន់លានដុល្លារ៕អត្ថបទ៖ ប៊ុនថន

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានជួបជាមួយសមាជិកគណៈប្រតិភូទីភ្នាក់ងារថាមពលអាតូមិកអន្តរជាតិ (IAEA) នៅទីក្រុងគីវកាលពីថ្ងៃអង្គារ។ លោក Zelenskyy បានអំពាវនាវជាថ្មីសម្រាប់ការដកកងទ័ពទាំងអស់របស់សហព័ន្ធរុស្ស៊ី ចេញពីរោងចក្រថាមពលនុយក្លេអ៊ែរ Zaporizhzhia ជារោងចក្រធំបំផុតរបស់អឺរ៉ុប។ ក្រុមឃ្លាំមើលនុយក្លេអ៊ែររបស់អង្គការសហប្រជាជាតិ កំពុងបំពេញបេសកកម្មបន្ទាន់មួយដើម្បីការពាររោងចក្រថាមពលដែលចូលកាន់កាប់ដោយរុស្ស៊ី ជាចំណុចកណ្តាលនៃការប្រយុទ្ធគ្នាក្នុងប្រទេសអ៊ុយក្រែន ជាដំណើរការរង់ចាំជាយូរមកហើយដែលពិភពលោកសង្ឃឹមថា នឹងជួយបញ្ចៀសគ្រោះមហន្តរាយវិទ្យុសកម្ម។ ហានិភ័យពុំមានខ្ពស់នោះទេសម្រាប់អ្នកជំនាញរបស់ទីភ្នាក់ងារថាមពលអាតូមិកអន្តរជាតិ ដែលមកពិនិត្យរោងចក្រនេះក្នុងប្រទេសនេះ ជាកន្លែងដែលគ្រោះមហន្តរាយរោងចក្រ Chernobyl ឆ្នាំ1986 បានបញ្ចេញសារធាតុវិទ្យុសកម្មនៅពាសពេញតំបន់ ដែលធ្វើឲ្យពិភពលោកភ័យខ្លាច និងជំរុញឲ្យពិភពលោកចេញឆ្ងាយពីថាមពលនុយក្លេអ៊ែរ។ដោយបញ្ជាក់អំពីភាពបន្ទាន់នេះ ប្រទេសអ៊ុយក្រែន និងរុស្ស៊ីបានចោទប្រកាន់គ្នាទៅវិញទៅមក ពីការបាញ់ផ្លោងនៅតំបន់ជុំវិញរោងចក្រថាមពលនុយក្លេអ៊ែរ ជារោងចក្រថាមពលធំបំផុតរបស់អឺរ៉ុបដែលត្រូវបានកាត់ផ្តាច់បណ្តាញផ្គត់ផ្គង់ មួយរយៈពេលខ្លីកាលពីសប្តាហ៍មុន។ ដើម្បីបញ្ចៀសគ្រោះមហន្តរាយ អគ្គនាយកទីភ្នាក់ថាមពលអាតូមិកអន្តរជាតិ (IAEA) លោក Rafael Grossi បានព្យាយាមដើម្បីចូលមកកាន់រោងចក្រ Zaporizhzhia ជាច្រើនខែមកហើយ ដែលកងកម្លាំងរុស្ស៊ីបានចូលកាន់កាប់តាំងពីដើមដំបូងនៃសង្គ្រាម មានរយៈពេលប្រាំមួយខែរហូតមកដល់ពេលនេះ។ ទីភ្នាក់ងារ IAEA បាននិយាយថា ក្រុមការងារនឹងអនុវត្តសកម្មភាពការពារបន្ទាន់ វាយតម្លៃការខូចខាត កំណត់មុខងារប្រព័ន្ធសុវត្ថិភាព និងសុវត្ថិភាពរបស់រោងចក្រ ព្រមទាំងវាយតម្លៃលក្ខខណ្ឌការងាររបស់បុគ្គលិកបន្ទប់ត្រួតពិនិត្យ៕អត្ថបទ៖ ប៊ុនថន

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

សហរដ្ឋអាមេរិក៖ ពលរដ្ឋប្រមាណ ១៨០,០០០នាក់នៅទីក្រុង Jackson រដ្ឋ Mississippi សហរដ្ឋអាមេរិក ពុំមានទឹកស្អាតប្រើប្រាស់នោះទេ បន្ទាប់ពីភ្លៀងធ្លាក់ខ្លាំង និងទឹកជំនន់។ ការកើនឡើងជំនន់ទឹកភ្លៀងកាលពីចុងសប្តាហ៍ បានធ្វើឲ្យប៉ះពាល់ដល់ទីតាំងប្រព្រឹត្តិកម្មទឹកសំខាន់នៅក្នុងទីក្រុង ខណៈអគាររោងចក្ររងការខូចខាត។ ស្ថានភាពគ្រាអាសន្នត្រូវបានប្រកាស ហើយសាលារៀន ភោជនីយដ្ឋាន និងអាជីវកម្មនានាបានបិទទ្វារបណ្តោះអាសន្ន។ បញ្ហានៅរោងចក្រផលិតទឹកស្អាត OB Curtis បានកើតមានឡើង បន្ទាប់ពីភ្លៀងធ្លាក់ខ្លាំងបណ្តាលឲ្យទឹកទន្លេហៀរចញមកលើផ្លូវក្នុងទីក្រុងកាលពីចុងសប្តាហ៍។ សាលាក្រុងបានបញ្ជាក់កាលពីថ្ងៃចន្ទថា ទឹកទន្លេបានហូរចូលក្នុងអគាររោងចក្រដែលផលិតទឹកស្អាតជាង ១៩០លានលីត្រក្នុងមួយថ្ងៃ។ទាំងទីក្រុង និងរដ្ឋកំពុងចែកចាយទឹកដបដល់ប្រជាជន និងស៊ីទែនទឹកប្រើប្រាស់សម្រាប់បន្ទប់ទឹកតាមរថយន្តដឹកទឹក។ កាលពីរសៀលថ្ងៃអង្គារអភិបាលក្រុង Jackson លោក Chokwe Antar Lumumba បាននិយាយថា រោងចក្រដែលផ្គត់ផ្គង់ទឹកក្នុងទីក្រុងនឹងមិនបិទការផ្គត់ផ្គង់ទឹករបស់ខ្លួននោះទេ ប៉ុន្តែមន្ត្រីត្រូវការពេលវេលាដើម្បីធ្វើប្រព្រឹត្តិកម្មទឹក៕អត្ថបទ៖ ប៊ុនថន

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

រុស្ស៊ី៖ ក្រសួងការពារជាតិរុស្ស៊ីបានអះអាងកាលពីថ្ងៃអង្គារថា កងកម្លាំងរុស្ស៊ីបានសម្លាប់ទាហានអ៊ុយក្រែនរាប់រយនាក់ និងរថក្រោះ និងរថយន្តយោធារាប់សិបគ្រឿង ក្រោយការបណ្ដេញការវាយបកបរាជ័យរបស់អ៊ុយក្រែននៅក្នុងភាគខាងត្បូងប្រទេសនេះ។ សេចក្ដីថ្លែងការណ៍បានបន្ថែមថា ក្រុមមន្ត្រីជឿថា ប្រតិបត្តិការដែលបានបរាជ័យត្រូវបានកើនឡើងតាមបញ្ជាផ្ទាល់របស់ប្រធានាធិបតីអ៊ុយក្រែន Vlodimir Zelensky។ សកម្មភាពដ៏មានប្រសិទ្ធភាពរបស់កងកម្លាំងរុស្ស៊ីបានកម្ទេចរថក្រោះចំនួន ៤៨គ្រឿង, រថយន្តប្រយុទ្ធចំនួន ៤៦គ្រឿង, រថយន្តពាសដែកចំនួន ៣៧គ្រឿងផ្សេងទៀត, រថយន្តសេរី pickups បំពាក់កាំភ្លើងយន្តធុនធ្ងន់ ៨គ្រឿង និងកងទ័ពអ៊ុយក្រែនជាង ១,២០០នាក់ក្នុងពេលតែមួយថ្ងៃប៉ុណ្ណោះនោះ។ ក្រសួងខាងលើកបន្ថែមថា ទីក្រុង Kiev បានខាតបង់អំឡុងការវាយលុកដ៏ខ្លាំងក្លាដែលមានគោលដៅទៅលើទីក្រុង Nikolaev ទីក្រុង Krivoy Rog និងទីក្រុងផ្សេងៗទៀតនៅប្រទេសអ៊ុយក្រែនភាគខាងត្បូង។សេចក្ដីថ្លែងការណ៍របស់ក្រសួងការពារជាតិរុស្ស៊ីនេះមានឡើង ក្រោយការអះអាងរបស់ខ្លួនកាលពីថ្ងៃចន្ទថា ការវាយបករបស់អ៊ុយក្រែននៅតំបន់ Kherson បានបរាជ័យយ៉ាងធ្ងន់ធ្ងរ។ នៅពេលនោះក្រសួងនេះបានបញ្ជាក់តួលេខនៃការខាតបង់របស់ទីក្រុង Kiev ដូចជារថក្រោះ ២៦គ្រឿង, រថយន្តប្រយុទ្ធ ២៣គ្រឿង, រថពាសដែក ៩គ្រឿង, យន្តហោះចម្បាំង ២គ្រឿង និងទាហានយ៉ាងហោចណាស់ ៥៦០នាក់៕អត្ថបទ៖ សុខមាន

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ

ឥណ្ឌូនេស៊ី៖ ទាហានឥណ្ឌូនេស៊ីចំនួន ៦នាក់ត្រូវបានចាប់ខ្លួនពីបទជាប់សង្ស័យករណីសម្លាប់ និងបំផ្លិចបំផ្លាញជនជាតិភាគតិចប៉ាពួ។ ទាហានទាំងនោះត្រូវបានចោទប្រកាន់ពីបទ លួងលោមជនរងគ្រោះឲ្យមកជួបដោយសន្យាលក់អាវុធឲ្យពួកគេ។ យោងតាមនគរបាល ទាហានបានសម្លាប់ពួកគេ ក្រោយមកកាប់ចិញ្ច្រាំសាកសពជនរងគ្រោះទាំងនោះ មុនច្រកចូលក្នុងបាវបោះចូលក្នុងទឹកទន្លេ។ ឥណ្ឌូនេស៊ីមានវត្តមានយោធាយ៉ាងច្រើននៅក្នុងតំបន់ប៉ាពួ ជាទីដែលក្រុមបំបែកខ្លួនកំពុងងើបបះបោរ។ ខេត្តប៉ាពួ អតីតដែនដីក្រោមអាណានិគមហូឡង់បានប្រកាសឯករាជ្យឆ្នាំ១៩៦១ ប៉ុន្តែ ២ឆ្នាំក្រោយមកប្រទេសឥណ្ឌូនេស៊ីបានគ្រប់គ្រងតំបន់ភាគខាងកើត។ នគរបាល និងក្រុមអាជ្ញាធរយោធាបាននិយាយថា ពួកគេកំពុងបើកការស៊ើបអង្កេតរួមគ្នាលើការសម្លាប់ជាច្រើនករណី ដែលត្រូវគេលើកឡើងថាបានកើតឡើងកាលពីថ្ងៃទី២២ ខែសីហាជិតទីក្រុង Timika៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

គណៈកម្មការទី៣ នៃរដ្ឋសភា ចុះសិក្សាឈ្វេងយល់អំពីវឌ្ឍនភាពការងារ និងបញ្ហាប្រឈមនៅខេត្តតាកែវ

តំណាង BNK Financial Group នៃសាធារណរដ្ឋកូរ៉េ ប្តេជ្ញាចិត្តខ្ពស់វិនិយោគវិស័យហិរញ្ញវត្ថុរយៈពេលវែងនៅកម្ពុជា

រុស្ស៊ីស្វាគមន៍បទឈប់បាញ់អាមេរិក-អ៊ីរ៉ង់ ប៉ុន្តែបញ្ជាក់ថា សន្តិភាពយូរអង្វែងនឹងត្រូវការពេលវេលា

អ្នកការទូតជាន់ខ្ពស់រុស្ស៊ី៖ សហភាពអឺរ៉ុបមិនចាប់អារម្មណ៍នឹងការចរចាអំពីបញ្ហាអ៊ុយក្រែនទេ

មន្ទីរការងារខេត្តស្វាយរៀងផ្សព្វផ្សាយច្បាប់ចរាចរណ៍ និងចលនាអ្នកបើកបរដឹកកម្មករឱ្យចូលធ្វើការបន្ថែម ឬបន្តសិក្សា ជំនាញវិជ្ជាជីវៈ

ក្រសួងថាមពលអាមេរិក៖ ការដឹកជញ្ជូនប្រេង និងឧស្ម័នតាមរយៈច្រកសមុទ្រហ័រមូស បានវិលត្រឡប់ទៅកម្រិតមុនវិបត្តិវិញ

លោក TRUMP និយាយថា លោកអាចដោះស្រាយជម្លោះដកទ័ពរបស់អ៊ីស្រាអែលជាមួយលីបង់បាន

WSJ៖ លោក TRUMP កោះប្រជុំមន្ទីរបញ្ចកោណ និងក្រុមហ៊ុនការពារជាតិ ដើម្បីពិភាក្សាអំពីការបង្កើនការផលិតមីស៊ីល

រដ្ឋមន្រ្ដីក្រសួងសុខាភិបាលវាយតម្លៃខ្ពស់ចំពោះការរួមចំណែករបស់ប្រធានអង្គការ UNICEF ប្រចាំប្រទេសកម្ពុជាចប់អាណត្តិក្នុងការពង្រឹងភាពជាដៃគូ និងគាំទ្រដល់សុខភាព សុខុមាលភាពស្ត្រី កុមារ និងយុវវ័យកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី

ក្រសួងការពារជាតិកម្ពុជា ទទួលបានអំណោយរថយន្ត និងសម្ភារៈមួយចំនួនធំ ពីក្រសួងការពារជាតិចិន

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

អាមេរិកផ្តល់ជំនួយដល់ប៉ាគីស្ថាន ៣០លានដុល្លារ បន្ទាប់ពីទឹកជំនន់បណ្ដាលឲ្យមនុស្ស ១,១៦០នាក់ស្លាប់

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ពីថ្ងៃទី១-១០ ខែកញ្ញា ប្រេងម៉ាស៊ូតឡើង៤០០រៀល , ប្រេងសាំងធម្មតា រក្សាតម្លៃដដែល

ពិភពលោក​គោរព​វិញ្ញាណក្ខន្ធ​អតីត​មេដឹកនាំ​សហភាពសូវៀត Gorbachev តែ​មាន​សោកស្ដាយ​តិចតួច​នៅ​រុស្ស៊ី​

ក្រសួងការពារជាតិកម្ពុជា ទទួលបានអំណោយរថយន្ត​ និងសម្ភារៈមួយចំនួនធំ ពីក្រសួងការពារជាតិចិន

អតីត​មេដឹកនាំ​សហភាពសូវៀត​លោក Mikhail Gorbachev បាន​ទទួល​មរណភាព​ក្នុង​វ័យ ​៩១​ឆ្នាំ

លោក Zelenskyy អំពាវនាវ​ជាថ្មី​ឲ្យ​រុស្ស៊ី​ដក​កងទ័ព​ចេញ​ពី​រោងចក្រ​ថាមពលនុយក្លេអ៊ែរ ខណៈ​ជួបគណៈប្រតិភូ IAEA

ទីក្រុង Jackson រដ្ឋ Mississippi ពុំ​មាន​ទឹក​សម្រាប់​បរិ​ភោគ បន្ទាប់ពី​ភ្លៀង​ធ្លាក់​ខ្លាំង​ និង​ទឹកជំនន់

រុស្ស៊ី​បញ្ចេញ​តួលេខ​ថ្មី​បញ្ជាក់​ពី​ការខាតបង់​របស់​អ៊ុយ​ក្រែ​ន​ក្នុងការ​វាយបក​នៅ​ភាគខាងត្បូង

ទាហាន​ឥណ្ឌូនេស៊ី​ត្រូវបាន​ចោទប្រកាន់​ពីបទ​សម្លាប់ និង​ធ្វើទុក្ខបុកម្នេញ​ជនជាតិ​ភាគតិច​ប៉ា​ពួ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពិភពលោកគោរពវិញ្ញាណក្ខន្ធអតីតមេដឹកនាំសហភាពសូវៀត Gorbachev តែមានសោកស្ដាយតិចតួចនៅរុស្ស៊ី

ក្រសួងការពារជាតិកម្ពុជា ទទួលបានអំណោយរថយន្ត និងសម្ភារៈមួយចំនួនធំ ពីក្រសួងការពារជាតិចិន

អតីតមេដឹកនាំសហភាពសូវៀតលោក Mikhail Gorbachev បានទទួលមរណភាពក្នុងវ័យ ៩១ឆ្នាំ

លោក Zelenskyy អំពាវនាវជាថ្មីឲ្យរុស្ស៊ីដកកងទ័ពចេញពីរោងចក្រថាមពលនុយក្លេអ៊ែរ ខណៈជួបគណៈប្រតិភូ IAEA

ទីក្រុង Jackson រដ្ឋ Mississippi ពុំមានទឹកសម្រាប់បរិភោគ បន្ទាប់ពីភ្លៀងធ្លាក់ខ្លាំង និងទឹកជំនន់

រុស្ស៊ីបញ្ចេញតួលេខថ្មីបញ្ជាក់ពីការខាតបង់របស់អ៊ុយក្រែនក្នុងការវាយបកនៅភាគខាងត្បូង

ទាហានឥណ្ឌូនេស៊ីត្រូវបានចោទប្រកាន់ពីបទសម្លាប់ និងធ្វើទុក្ខបុកម្នេញជនជាតិភាគតិចប៉ាពួ