BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានសំខាន់ៗ

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ហ្វីលីពីន៖ សាឡាងមួយគ្រឿងនៅប្រទេសហ្វីលីពីនដែលកំពុងដឹកអ្នកដំណើរ និងនាវិក ៨២នាក់បានឆាបឆេះ ខណៈកំពុងទៅជិតដល់កំពង់ផែមួយនៅភាគខាងត្បូងទីក្រុងម៉ានីលកាលពីថ្ងៃសុក្រ ហើយយ៉ាងហោចណាស់មនុស្ស ៧៣នាក់ត្រូវបានជួយសង្គ្រោះ។ មន្ត្រីនិយាយថា កិច្ចខិតខំស្វែងរក និងជួយសង្គ្រោះនៅបន្ត បន្ទាប់ពីយប់ជ្រៅដើម្បីស្វែងរកអ្នកដំណើរ និងនាវិកដែលបាត់ខ្លួននៃនាវាចម្លង M/V Asia Philippines ជានាវាដឹកទំនិញ និងអ្នកដំណើរដែលមកពីក្រុង Calapan ក្នុងខេត្ត Oriental Mindoro។ វីដេអូចេញផ្សាយដោយឆ្មាំសមុទ្របានបង្ហាញឲ្យឃើញអណ្តាតភ្លើង និងផ្សែងហុយចេញពីសាឡាងនៅជិតនាវាជាច្រើនគ្រឿងចម្ងាយជាង ១គីឡូម៉ែត្រពីកំពង់ផែ Batangas។ មូលហេតុនៃការឆេះសាឡាងនេះនៅមិនទាន់ដឹងច្បាស់ពីមូលហេតុនៅឡើយ។ឆ្មាំសមុទ្របាននិយាយថា សាឡាងនេះអាចផ្ទុកអ្នកដំណើរបានប្រហែល ៤០០នាក់។ កន្លងមកមានករណីសាឡាងដឹកអ្នកដំណើរមិនបានចុះឈ្មោះដោយមិនគោរពតាមច្បាប់។ ឧបទ្ទវហេតុនៅតាមសមុទ្រជារឿងធម្មតានៅប្រជុំកោះប្រទេសហ្វីលីពីនដោយសារតែព្យុះញឹកញាប់ និងទូកដែលមិនបានពិនិត្យត្រឹមត្រូវ ផ្ទុកអ្នកដំណើរលើសចំណុះ និងការអនុវត្តច្បាប់សុវត្ថិភាពមិនច្បាស់លាស់ ជាពិសេសនៅក្នុងខេត្តដាច់ស្រយាល៕អត្ថបទ៖ ប៊ុនថន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19

សហរដ្ឋអាមេរិក៖ ក្រុមហ៊ុន Moderna ផលិតវ៉ាក់សាំង COVID-19 កំពុងប្តឹងគូប្រជែងធំរបស់ខ្លួនគឺក្រុមហ៊ុន Pfizer និងក្រុមហ៊ុនផលិតឱសថអាល្លឺម៉ង់ BioNTech ដោយចោទប្រកាន់គូប្រជែងទាំងនេះថា បានចម្លងបច្ចេកវិទ្យារបស់ក្រុមហ៊ុន Moderna ដើម្បីផលិតវ៉ាក់សាំងផ្ទាល់ខ្លួន។ ក្រុមហ៊ុន Moderna បាននិយាយកាលពីថ្ងៃសុក្រថា វ៉ាក់សាំង Comirnaty របស់ក្រុមហ៊ុន Pfizer និង BioNTech បានរំលោភលើប័ណ្ណប៉ាតង់ដែលក្រុមហ៊ុន Moderna បានដាក់ជាច្រើនឆ្នាំមកហើយ ដើម្បីការពារបច្ចេកវិទ្យានៅពីក្រោយវ៉ាក់សាំងបង្ការរបស់ខ្លួន Spikevax។ ក្រុមហ៊ុនបានដាក់ពាក្យបណ្ដឹងការរំលោភលើប័ណ្ណប៉ាតង់ទាំងនៅតុលាការសហព័ន្ធអាមេរិក និងតុលាការអាល្លឺម៉ង់។នាយកប្រតិបត្តិក្រុមហ៊ុន Moderna លោក Stephane Bancel និយាយនៅក្នុងសេចក្តីថ្លែងការណ៍ថា ក្រុមហ៊ុនផលិតបានរកឃើញបច្ចេកវិទ្យានេះ ហើយបានវិនិយោគទឹកប្រាក់រាប់ពាន់លានដុល្លារដើម្បីផលិតវ៉ាក់សាំង។ ក្រុមហ៊ុននិយាយថា វ៉ាក់សាំងរបស់គូប្រជែងរបស់ខ្លួនរំលោភលើប័ណ្ណប៉ាតង់ក្រុមហ៊ុន Moderna ដែលបានដាក់នៅចន្លោះឆ្នាំ2010 និង 2016៕អត្ថបទ៖ ប៊ុនថន

ប៉ាគីស្ថានប្រកាសរដ្ឋក្នុងគ្រាអាសន្ន ខណៈអ្នកស្លាប់កើនដល់ ៩៣៧នាក់ និងជាង ៤០,០០០នាក់ជម្លៀសខ្លួន

ប៉ាគីស្ថាន៖ ទីក្រុងអ៊ីស្លាម៉ាបាដប្រកាសរដ្ឋក្នុងគ្រាអាសន្ន បន្ទាប់ពីការបំផ្លាញដោយទឹកជំនន់។ នាយករដ្ឋមន្ត្រីប៉ាគីស្ថានលោក Shahbaz Sharif បានស្នើសុំជំនួយអន្តរជាតិកាលពីថ្ងៃសុក្រ ដើម្បីស្តារឡើងវិញការខូចខាតដោយទឹកជំនន់យ៉ាងធ្ងន់ធ្ងរនៅក្នុងប្រទេសអ៊ីស្លាមក្រីក្រមួយនេះ ខណៈក្រុមអ្នកជួយសង្គ្រោះបានព្យាយាមជម្លៀសពលរដ្ឋរាប់ពាន់នាក់ ដែលជាប់គាំងចេញពីតំបន់រងគ្រោះដោយទឹកជំនន់។ ការអំពាវនាវរបស់លោក Sharif នៅលើបណ្តាញសង្គម Twitter បានធ្វើឡើងនៅពេលដែលភ្លៀងធ្លាក់ខ្លាំងបានបន្តវាយប្រហារប្រទេសប៉ាគីស្ថាន ហើយចំនួនអ្នកស្លាប់បានកើនឡើងដល់ ៩៣៧នាក់ចាប់តាំងពីពាក់កណ្តាលខែមិថុនា។ វិបត្តិនេះបានបង្ខំឱ្យរដ្ឋាភិបាលប្រកាសដាក់ប្រទេសក្នុងគ្រាអាសន្ន។ សេចក្តីថ្លែងការណ៍របស់រដ្ឋាភិបាលបានដកស្រង់សម្តីលោក Sharif ដែលបាននិយាយថា កុមារ ៣០០នាក់ស្ថិតក្នុងចំណោមអ្នកស្លាប់។ លោក Sharif បានចុះពិនិត្យតំបន់រងគ្រោះដោយទឹកជំនន់ក្នុងខេត្ត Sindh កាលពីថ្ងៃសុក្រ ដោយធានាដល់ជនរងគ្រោះដោយទឹកជំនន់នូវការគាំទ្ររបស់រដ្ឋាភិបាល។ ទាហានប៉ាគីស្ថានប្រមាណ ៦,៥០០នាក់បានចូលរួមក្នុងប្រតិបត្តិការស្វែងរក និងជួយ សង្គ្រោះ ហើយរហូតមកដល់ពេលនេះបានជម្លៀសពលរដ្ឋជាង ៤០,០០០នាក់។លោកនាយករដ្ឋមន្ត្រីបាននិយាយថា ទំហំនៃការបំផ្លាញដែលបណ្តាលមកពីភ្លៀង និងទឹកជំនន់នៅពេលនេះគឺធ្ងន់ធ្ងរជាងកាលពីឆ្នាំ2010 ដែលទឹកជំនន់បណ្តាលឲ្យមនុស្ស ១,៧០០នាក់ស្លាប់។ យោងតាមអាជ្ញាធរជាតិគ្រប់គ្រងគ្រោះមហន្តរាយបានឱ្យដឹងថា ទឹកជំនន់បានបណ្តាលឱ្យខូចខាតលំនៅឋានចំនួន ១៧០,០០០ខ្នង បំផ្លាញផ្លូវថ្នល់ និងបំផ្លាញស្ពានជិត ១៥០កន្លែង។ ទោះបីជាទឹកជំនន់បានស្រកចុះនៅតំបន់មួយចំនួនក៏ដោយ ស្ថានភាពកាន់តែធ្ងន់ធ្ងរទៅៗនៅក្នុងខេត្ត Sindh ដែលក្រុមអ្នកជួយសង្គ្រោះកំពុងប្រើប្រាស់ទូកដើម្បីជម្លៀសប្រជាជន។ ប្រជាជនដែលរងគ្រោះដោយទឹកជំនន់រាប់ពាន់នាក់កំពុងរស់នៅក្នុងផ្ទះ និងតង់ចល័ត។ ភ្លៀងមូសុងនៅប្រទេសប៉ាគីស្ថានជាធម្មតាចាប់ផ្តើមនៅខែកក្កដា ប៉ុន្តែឆ្នាំនេះភ្លៀងធ្លាក់ខ្លាំងបានចាប់ផ្តើមក្នុងខែមិថុនាដែលបានបង្កជាទឹកជំនន់៕អត្ថបទ៖ ប៊ុនថន

បុគ្គលិករាប់ពាន់នាក់ប្រឹងប្រែងពន្លត់ភ្លើងឆេះព្រៃនៅរុស្ស៊ី ខណៈរដ្ឋកាលីហ្វ័រញ៉ាប្រយុទ្ធភ្លើងឆេះព្រៃទាំងលើអាកាស និងនៅដី

រុស្ស៊ី៖ រដ្ឋមន្ត្រីគ្រាអាសន្នរុស្ស៊ីបានប្រកាសកាលពីថ្ងៃព្រហស្បតិ៍ថា បុគ្គលិកសង្គ្រោះបន្ទាន់ជាង ៩.០០០នាក់ត្រូវបានបញ្ជូនដើម្បីពន្លត់ និងទប់ស្កាត់ភ្លើងឆេះព្រៃកុំឱ្យរាលដាលនៅក្នុងតំបន់ Ryazan។ រដ្ឋមន្ត្រីលោក Alexander Kurenkov រួមជាមួយអភិបាលក្រុងមូស្គូលោក Sergei Sobyanin និងមន្ត្រីផ្សេងទៀតបានធ្វើដំណើរទៅកាន់តំបន់នេះ ដើម្បីត្រួតពិនិត្យសេវាជាច្រើនដែលចូលរួមជាមួយកងកម្លាំងដើម្បីប្រយុទ្ធភ្លើងព្រៃ។ អង្គភាពសេវាសង្គ្រោះបន្ទាន់ជឿថា ភ្ញៀវទេសចរដែលមកទស្សនាមិនបានពន្លត់ភ្លើងឱ្យបានត្រឹមត្រូវ ខណៈអាំងសាច់ ឬចម្អិនអាហារដែលអាចបណ្តាលឱ្យមានអគ្គីភ័យឆាបឆេះព្រៃ។ ជាមួយគ្នានេះដែរនៅរដ្ឋកាលីហ្វរញ៉ា ក្រុមអ្នកពន្លត់អគ្គីភ័យក៏កំពុងប្រយុទ្ធភ្លើងឆេះព្រៃនៅតំបន់ភ្នំ San Gabriel ភាគខាងត្បូងរដ្ឋកាលីហ្វ័រញ៉ាដែលធ្វើឡើងទាំងតាមអាកាស និងនៅលើដីកាលពីរសៀលថ្ងៃព្រហស្បតិ៍។ ទូរទស្សន៍ KABC បានរាយការណ៍ថា ភ្លើងព្រៃបានឆាបឆេះក្នុងទំហំ 39ហិកតានៅក្នុងព្រៃជាតិ San Gabriel គិតត្រឹមរសៀលថ្ងៃព្រហស្បតិ៍ដដែល។យន្តហោះ Jumbo មួយគ្រឿងបានទម្លាក់សារធាតុទប់ស្កាត់អណ្តាតភ្លើង ហើយឧទ្ធម្ភាគចក្របានទម្លាក់ទឹកដើម្បីពន្យឺតការវិវត្តនៃអណ្តាតភ្លើង។ ពពកផ្សែងធំអាចត្រូវបានគេមើលឃើញកំពុងហុយឡើងយ៉ាងខ្ពស់ក្នុងតំបន់នេះ។ ទូរទស្សន៍បានរាយការណ៍ថា ពុំមានសំណង់ណាមួយត្រូវបានគំរាមកំហែងនោះទេ៕អត្ថបទ៖ ប៊ុនថន

លោក Zelenskyy ជំរុញឲ្យដាក់សម្ពាធបន្ថែមទៀតលើរោងចក្រនុយក្លេអ៊ែរ Zaporizhzhia

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានជំរុញឲ្យសហគមន៍អន្តរជាតិបង្កើនសម្ពាធលើប្រទេសរុស្ស៊ី ឱ្យដកកងទ័ពចេញពីរោងចក្រថាមពលនុយក្លេអ៊ែរ Zaporizhzhia ដើម្បីជៀសវាងគ្រោះមហន្តរាយវិទ្យុសកម្មសកល។ រោងចក្រនេះត្រូវបានកាត់ផ្តាច់ការផ្គត់ផ្គង់ជាបណ្ដោះអាសន្នកាលពីថ្ងៃព្រហស្បតិ៍ ដោយសារតែអគ្គិភ័យឆេះខូចដល់ខ្សែបញ្ជូនចរន្តបណ្តាលឱ្យដាច់អគ្គិសនីនៅទូទាំងតំបន់ និងបង្កើនការព្រួយបារម្ភនៃគ្រោះមហន្តរាយនៅក្នុងប្រទេស។ លោក Zelenskyy បាននិយាយថា ភាពអាសន្នដោយវិទ្យុសកម្មត្រូវបានបញ្ចៀសកាលពីថ្ងៃព្រហស្បតិ៍ព្រោះថា បើម៉ាស៊ីនភ្លើងប្រើម៉ាស៊ូតមិនបើកដំណើរការ និងបើក ស្វ័យប្រវត្តិកម្ម និងបុគ្គលិកស្ថានីយរបស់យើងមិនធ្វើការក៏ដោយ ក្រោយការដាច់ចរន្តអគ្គិសនីនោះ។ ប្រទេសអ៊ុយក្រែនបានចោទប្រកាន់រុស្ស៊ីថា យករោងចក្រនេះជាចំណាប់ខ្មាំង រក្សាទុកអាវុធនៅទីនោះ និងបើកការវាយប្រហារពីជុំវិញរោងចក្រ ខណៈទីក្រុងមូស្គូចោទប្រកាន់អ៊ុយក្រែនថា បានបាញ់ផ្លោងដោយគ្មានការប្រុងប្រយ័ត្នមកលើរោងចក្រ។ក្រសួងការពារជាតិរុស្ស៊ីបាននិយាយកាលពីថ្ងៃព្រហស្បតិ៍ថា ទាហានអ៊ុយក្រែនបានបាញ់ផ្លោងមកលើរោងចក្រថាមពលនុយក្លេអ៊ែរ Zaporizhzhia និងទីក្រុង Energodar បណ្តាលឱ្យដាច់ចរន្តអគ្គិសនីទ្រង់ទ្រាយធំនៅក្នុងតំបន់ ខណៈអ៊ុយក្រែនបាននិយាយថា វាជាការបាញ់ផ្លោងរបស់រុស្ស៊ីដែលនាំឱ្យមានស្ថានភាពបច្ចុប្បន្ន។ យោងតាមភាគីរុស្ស៊ីបាននិយាយថា កងកម្លាំងប្រដាប់អាវុធអ៊ុយក្រែនបានប្រើប្រាស់កាំភ្លើងធំដែលមានកម្លាំងខ្លាំង ដើម្បីវាយប្រហារលើតំបន់រោងចក្រថាមពលនុយក្លេអ៊ែរពីទីក្រុង Nikopol, Marganets និងទីតាំងផ្សេងទៀតដែលមានទីតាំងនៅច្រាំងទន្លេទល់មុខស្ថានីយវារីអគ្គិសនី Kakhovka។ ឆ្មាំជាតិប្រទេសរុស្ស៊ីបានប្រកាសពីការចាប់ខ្លួនកម្មករពីរនាក់នៅរោងចក្រ Zaporizhzhia សម្រាប់ការផ្តល់ព័ត៌មានដល់អ៊ុយក្រែនអំពីទីតាំងបុគ្គលិក និងឧបករណ៍នៅក្នុងរោងចក្រថាមពល។ ទន្ទឹមនឹងនេះប្រធានាធិបតីអ៊ុយក្រែនលោក Volodymyr Zelensky បានអំពាវនាវដល់សហគមន៍អន្តរជាតិឱ្យចេញឱសានវាទដល់រុស្ស៊ីស្តីពីរោងចក្រថាមពល ដូច្នេះកងទ័ពរុស្ស៊ីនឹងដកខ្លួនចេញពីរោងចក្រថាមពលនុយក្លេអ៊ែរ៕អត្ថបទ៖ ប៊ុនថន

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

សហរដ្ឋអាមេរិក៖ កាលពីថ្ងៃព្រហស្បតិ៍លោកប្រធានាធិបតីសហរដ្ឋអាមេរិក Joe Biden បានអំពាវនាវដល់ក្រុមអ្នកគាំទ្រគណបក្សប្រជាធិបតេយ្យឲ្យបោះឆ្នោត ដើម្បីស្រោចស្រង់ប្រជាធិបតេយ្យឡើងវិញ និងបានប្រៀបធៀបមនោគមន៍វិទ្យារបស់គណបក្សសាធារណរដ្ឋ ទៅនឹងគំនិតហ្វាស៊ីសនិយមពាក់កណ្ដាល ខណៈលោកបានដឹកនាំបង្កើតការប្រមូលផ្ដុំ និងរៃអង្គាសមូលនិធិនៅក្នុងរដ្ឋ Maryland សល់ពេល ៧៥ថ្ងៃមុនការបោះឆ្នោតពាក់កណ្ដាលអាណត្តិ។ ការអះអាងខុសដែលស្ដីបន្ទោសការលួចបន្លំការបោះឆ្នោត សម្រាប់ការបរាជ័យរបស់លោក Donald Trump ត្រូវបានស្រែកចេញពីបុរសមិនស្គាល់អត្តសញ្ញាណម្នាក់ភ្លាមៗ ក្រោយលោក Biden បាននិយាយនូវអ្វីដែលលោកហៅថា ជាការដុតកម្ទេចចោលនយោបាយ MAGA របស់គណបក្សសាធារណរដ្ឋ។ ថ្លែងទៅកាន់ក្រុមមនុស្សរាប់ពាន់នាក់នៅវិទ្យាល័យ Montgomery ក្នុងទីក្រុង Rockville រដ្ឋ Maryland លោក Biden បាននិយាយថា សិទ្ធិរបស់អ្នកក្នុងការជ្រើសរើសស្ថិតនៅលើសន្លឹកឆ្នោតនៅឆ្នាំនេះជិតមកដល់ហើយ របបសន្តិសុខសង្គមដែលអ្នកទាំងអស់គ្នាបានចំណាយចាប់តាំងពីអ្នកមានការងារធ្វើគឺនៅលើសន្លឹកឆ្នោត។ សុវត្ថិភាពកូនចៅរបស់អ្នកទាំងអស់គ្នារួចផុតពីអំពើហិង្សាដោយអាវុធគឺនៅលើសន្លឹកឆ្នោត ហើយនេះមិនមែនជារឿងចេះតែនិយាយទេ ការរស់រានមានជីវិតទាំងអស់នៃភពរបស់យើងគឺនៅលើសន្លឹកឆ្នោត៕អត្ថបទ៖ សុខមាន

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

WHO៖ អង្គការសុខភាពពិភពលោកបានប្រកាសកាលពីថ្ងៃព្រហស្បតិ៍ថា មនុស្សចំនួន ១លាននាក់បានស្លាប់ដោយសារវីរុស COVID-19 ក្នុងឆ្នាំ២០២២ ដោយហៅថាជាសោកនាដកម្មដ៏ធ្ងន់ធ្ងរបំផុត ទាំងដែលមានឧបករណ៍ទាំងអស់ក្នុងទប់ស្កាត់ការស្លាប់ហើយនោះ។ មនុស្សស្លាប់ជិត ៦.៤៥លាននាក់ត្រូវបានរាយការណ៍ទៅកាន់អង្គការសុខភាពពិភពលោក ចាប់តាំងពីវីរុសនេះត្រូវបានរកឃើញដំបូងនៅក្នុងប្រទេសចិនកាលពីចុងឆ្នាំ២០១៩។ ប៉ុន្តែប្រមុខអង្គការសុខភាពពិភពលោកគឺលោក Tedros Adhanom Ghebreyesus បានសួរថា តើវីរុសរាតត្បាតសកលនេះពិតជាជំងឺកាចសាហាវជាងគេបំផុតក្នុងពិភពលោកនៅឆ្នាំនេះមែន ឬយ៉ាងណា។ លោកបានប្រាប់សន្និសីទសារព័ត៌មានថា នៅសប្ដាហ៍នេះយើងបានជួបប្រទះសោកនាដកម្មធ្ងន់ធ្ងរបំផុតដោយមានអ្នកស្លាប់ ១លាននាក់ត្រូវបានរាយការណ៍តែនៅឆ្នាំនេះ។ យើងមិនអាចនិយាយថា យើងកំពុងរៀនរស់ជាមួយវីរុស COVID-19 នៅពេលមនុស្ស ១លាននាក់បានស្លាប់ដោយសារវីរុស COVID-19 តែនៅក្នុងរយៈពេល ១ឆ្នាំនេះ នៅពេលយើងបានហែលឆ្លងជំងឺរាតត្បាតសកលរយៈកាល ២ឆ្នាំកន្លងមកនេះ ហើយយើងមានឧបករណ៍ចាំបាច់ទាំងអស់ ដើម្បីទប់ស្កាត់ការស្លាប់ទាំងនេះ។យើងបានស្នើដល់រដ្ឋាភិបាលមទាំងអស់ឲ្យពង្រឹងកិច្ចខិតខំប្រឹងប្រែងរបស់ខ្លួន ដើម្បីចាក់វ៉ាក់សាំងដល់ក្រុមបុគ្គលិកសុខាភិបាលទាំងអស់ មនុស្សចាស់ និងអ្នកទាំងឡាយដែលមានការប្រឈមខ្ពស់បំផុត និងដំណើរការចាក់វ៉ាក់សាំងជាមធ្យមឲ្យបាន ៧០% សម្រាប់ចំនួនប្រជាជនទាំងអស់លើពិភពលោក។ គួរឲ្យដឹងថា គិតត្រឹមថ្ងៃសុក្រ ទី២៦ សីហា ឆ្នាំ២០២២ នេះមានអ្នកស្លាប់ដោយសារជំងឺ COVID-19 ចំនួន ៦,៤៨២,៦៥១នាក់ និងអ្នកឆ្លងសរុបមាន ៦០៤,១១៥,១៧៩នាក់៕ អត្ថបទ៖ សុខមាន

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង

កោះតៃវ៉ាន់៖ តំណាងរាស្ត្រសហរដ្ឋអាមេរិកមួយរូបទទួលបន្ទុកគណៈកម្មការផ្ដល់យោទ្ធសេវា និងពាណិជ្ជកម្មព្រឹទ្ធសភាបានដល់ទៅដល់កោះតៃវ៉ាន់កាលពីថ្ងៃព្រហស្បតិ៍ ទី២៥ ខែសីហា ជាដំណើរទស្សនកិច្ចលើកទី៣ ពីមន្ត្រីជាន់ខ្ពស់របស់សហរដ្ឋអាមេរិកនៅខែនេះ ជាការផ្គើននឹងសម្ពាធពីទីក្រុងប៉េកាំងឲ្យបញ្ឈប់ដំណើរទាំងនោះ។ ការិយាល័យលោកស្រី Blackburn បាននិយាយថា សមាជិកព្រឹទ្ធសភាលោកស្រី Marsha Blackburn បានទៅដល់ទីក្រុង Taipei របស់កោះតៃវ៉ាន់តាមយន្តហោះយោធាអាមេរិក ដោយមានការផ្សាយផ្ទាល់តាមទូរទស្សន៍ចេញពីអាកាសយានដ្ឋាន Songshan របស់កោះនេះ។ លោកស្រីត្រូវបានស្វាគមន៍នៅអាកាសយានដ្ឋាននេះដោយលោក Douglas Hsu អគ្គនាយកអាជ្ញាធរកិច្ចការបរទេសតៃវ៉ាន់។ លោកស្រី Blackburn បាននិយាយថា កោះតៃវ៉ាន់គឺជាដៃគូដ៏រឹងមាំរបស់យើងនៅតំបន់ឥណ្ឌូ-ប៉ាស៊ីហ្វិក។ដំណើរទស្សនកិច្ចរបស់មន្ត្រីជាន់ខ្ពស់ទៅកាន់កោះតៃវ៉ាន់ គឺជាការបញ្ជាក់ពីជំហរគោលនយោបាយយូរអង្វែងរបស់សហរដ្ឋអាមេរិក។ ខ្ញុំនឹងមិនត្រូវបានសម្លុតពីសំណាក់ប្រទេសចិន ឲ្យបែរខ្នងដាក់កោះនេះនោះទេ។ ប្រទេសចិនដែលអះអាងថា កោះតៃវ៉ាន់គឺជាដែនដីរបស់ខ្លួន ប្រឆាំងដាច់ខាតចំពោះរដ្ឋាភិបាលដឹកនាំបែបលទ្ធិប្រជាធិបតេយ្យនៅក្នុងទីក្រុង Taipei ដោយបានធ្វើសមយុទ្ធយោធាជិតកោះនេះ ក្រោយដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi កាលពីថ្ងៃទី២ ខែសីហាកន្លងទៅ៕អត្ថបទ៖ សុខមាន

លោកនាយករដ្ឋមន្ត្រីថៃ Prayut ដែលត្រូវបានផ្អាកតំណែងនិយាយថា លោកនឹងបន្តតួនាទីជារដ្ឋមន្ត្រីការពារជាតិ

ថៃ៖ មេដឹកនាំថៃលោក Prayut Chan-o-cha ដែលត្រូវបានផ្អាកពីតំណែងបាននិយាយនៅលើបណ្ដាញសង្គមថា លោកនឹងបន្តតួនាទីរបស់លោកជារដ្ឋមន្ត្រីការពារជាតិ ក្នុងការថ្លែងសុន្ទរកថាដោយផ្ទាល់លើកដំបូងជាសាធារណៈ ចាប់តាំងពីតុលាការបានបញ្ជាឲ្យលោកផ្អាកតួនាទីរបស់លោកជានាយករដ្ឋមន្ត្រី ខណៈដែលតុលាការបានត្រួតពិនិត្យអាណត្តិរបស់លោកឡើងវិញ។ លោកឧបនាយករដ្ឋមន្ត្រី Prawit Wongsuwan កំពុងកាន់តំណែងជានាយករដ្ឋមន្ត្រីស្ដីទីរបស់ប្រទេស ដែលមានសេដ្ឋកិច្ចធំបំផុតទី២ របស់អាស៊ី-អាគ្នេយ៍មួយនេះ។ លោក Prayuth បាននិយាយនៅលើគណនី Twitter ផ្លូវការរបស់លោកកាលពីយប់ថ្ងៃព្រហស្បតិ៍ថា ខ្ញុំនឹងបន្តបំពេញតួនាទី និងទំនួលខុសត្រូវរបស់ខ្ញុំជារដ្ឋមន្ត្រីការពារជាតិសម្រាប់ប្រជាជន និងប្រទេសថៃជារៀងរាល់ថ្ងៃ។ភាពចម្រូងចម្រាសជុំវិញការកំណត់អាណត្តិរបស់លោក Prayuth គឺជាព្រឹត្តិការណ៍ចុងក្រោយបំផុតក្នុងពេលជិត ២ទសវត្សរ៍នៃភាពចលាចលខាងនយោបាយផ្ទួនៗគ្នា រួមទាំងរដ្ឋប្រហារចំនួន២លើក និងការតវ៉ាដោយហិង្សាបង្កឡើងដោយក្រុមប្រឆាំង ចំពោះការលូកដៃរបស់យោធានៅក្នុងនយោបាយ និងទាមទារឲ្យមានតំណាងកាន់តែទូលំទូលាយ ខណៈការយល់ដឹងខាងនយោបាយកាន់តែមានភាពជឿនលឿន។ អ្នកនាំពាក្យរដ្ឋាភិបាលលោក Anucha Burapachaisri បាននិយាយនៅថ្ងៃសុក្រនេះថា គណៈរដ្ឋមន្ត្រីនៅតែបន្តមុខងាររបស់ខ្លួនជាធម្មតា៕អត្ថបទ៖ សុខមាន

មនុស្សរាប់ម៉ឺននាក់ធ្វើបាតុកម្មនៅក្នុងបណ្តាប្រទេសនានាក្នុងខួបលើកទី៣១ ទិវាឯករាជ្យអ៊ុយក្រែន

អ៊ីតាលី៖ នៅក្នុងប្រទេសអ៊ីតាលី មនុស្សរាប់រយនាក់រួមទាំងប្រជាជនអ៊ុយក្រែន បានចេញធ្វើបាតុកម្មតាមដងផ្លូវនានាក្នុងទីក្រុងរ៉ូមដើម្បីប្រារព្ធខួបលើកទី៣១ នៃការប្រកាសឯករាជ្យរបស់ប្រទេសអ៊ុយក្រែនពីសហភាពសូវៀត ខណៈកាលពីថ្ងៃពុធបានកំណត់រយៈពេល ៦ខែនៃសង្គ្រាមនៅអ៊ុយក្រែន។ ក្នុងអំឡុងការហែក្បួនប្រជាជនបានច្រៀងចម្រៀងជាតិរបស់អ៊ុយក្រែន និងបានស្រែកពាក្យថ្កោលទោសប្រធានាធិបតីរុស្ស៊ីលោក វ្ល៉ាឌីមៀ ពូទីន។ មនុស្សជាច្រើនបានកាន់ទង់ជាតិប្រទេសអ៊ុយក្រែន ខណៈជាច្រើននាក់បានស្រក់ទឹកភ្នែកនៅពេលច្រៀងចម្រៀង។ ឯកអគ្គរដ្ឋទូតប្រចាំប្រទេសអ៊ីតាលីមកពីប្រទេសអាល្លឺម៉ង់ ប៉ូឡូញ និងអ៊ុយក្រែនបានចូលរួមក្នុងការដើរដង្ហែក្បួនដោយមានកាន់ទង់ជាតិអ៊ុយក្រែនប្រវែង ៣០ម៉ែត្រ។ នៅក្នុងប្រទេសក្រិក មនុស្សរាប់រយនាក់ រួមទាំងប្រជាជនអ៊ុយក្រែនដែលរស់នៅក្នុងប្រទេសនេះ បានចេញធ្វើបាតុកម្មនៅកណ្តាលទីក្រុង Athens។ រយៈពេល ៦ខែបន្ទាប់ពីរុស្ស៊ីបានវាយលុកចូលអ៊ុយក្រែន កងកម្លាំងរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន បានជួបប្រទះការទប់ទល់របស់អ៊ុយក្រែនយ៉ាងស្វិតស្វាញ ដោយមិននឹកស្មានដល់ក្នុងការវាយលុកចូលរបស់ពួកគេ ហើយបានបោះបង់ចោលការខិតខំដើម្បីដណ្តើមយករដ្ឋធានី។នៅក្នុងប្រទេសអ៊ីស្រាអែល ប្រជាជនអ៊ុយក្រែនរាប់រយនាក់រួមជាមួយអ្នកគាំទ្រ ក៏បានប្រារព្ធទិវាឯករាជ្យជាតិអ៊ុយក្រែននៅទីក្រុង Tel Aviv ។ ឯកអគ្គរដ្ឋទូតអ៊ុយក្រែនប្រចាំនៅប្រទេសអ៊ីស្រាអែលលោក Yevgen Korniychuck បាននិយាយនៅក្នុងពេលបាតុកម្មនេះថា យើងប្រហែលជាមិនអាចសង្គ្រោះបាន ដោយគ្មានជំនួយពីអន្តរជាតិដ៏ធំបែបនេះនោះទេ។ លោកបានបន្តបង្ហាញក្តីសង្ឃឹមថា ទិវាឯករាជ្យនៅពេលក្រោយ យើងនឹងជួបជុំមិត្តភ័ក្តិរបស់យើងនៅអ៊ុយក្រែនសេរី និងឯករាជ្យជាកន្លែងមានសន្តិភាព។ នៅប្រទេសព័រទុយហ្គាល់ ក្នុងទីក្រុង Lisbon សហគមន៍អ៊ុយក្រែនបានប្រារព្ធទិវាឯករាជ្យរបស់ប្រទេស ស្របពេលជាមួយរយៈពេល ៦ខែនៅក្នុងសង្គ្រាម។ នៅជិតរូបសំណាករបស់កវីអ៊ុយក្រែន Taras Shevchenko សុន្ទរកថារបស់មេដឹកនាំសហគមន៍ ឯកអគ្គរដ្ឋទូតអ៊ុយក្រែន និងក្រុមផ្សេងទៀតបានផ្ញើសារគាំទ្រដល់ក្រុមជួរមុខ និងគោរពវិញ្ញាណក្ខន្ធអ្នកដែលបានបាត់បង់ជីវិត។នៅប្រទេសប៉ូឡូញឯណោះវិញ ប្រជាជនអ៊ុយក្រែនរាប់ពាន់នាក់បានចូលរួមការប្រមូលផ្តុំគ្នា ក្នុងទិវាឯករាជ្យនៅទីក្រុង Warsaw និងទីក្រុងផ្សេងទៀតដោយទាមទារថា រុស្ស៊ីត្រូវតែបានដាក់ឈ្មោះជាអន្តរជាតិថា ជារដ្ឋភេរវកម្ម។ អ្នកដែលបានមកប្រមូលផ្ដុំគ្នាក្នុងក្រុង Old Town នៃទីក្រុង Warsaw បានច្រៀងចម្រៀងជាតិរបស់អ៊ុយក្រែន និងប៉ូឡូញ ហើយបានស្តាប់សារតាមវីដេអូរបស់ប្រធានាធិបតីអ៊ុយក្រែនលោក Volodymyr Zelenskyy និងប្រធានាធិបតីប៉ូឡូញលោក Andrzej Duda។ ជាមួយគ្នានេះនៅប្រទេសអាល្លឺម៉ង់ មនុស្សរាប់ពាន់នាក់បានធ្វើបាតុកម្មនៅទីក្រុងប៊ែរឡាំង ដើម្បីរំលឹកដល់ការប្រកាសឯករាជ្យឆ្នាំ១៩៩១ របស់អ៊ុយក្រែនពីសហភាពសូវៀត។ Tetiana Mazurova ជនភៀសខ្លួនវ័យក្មេងមកពីអ៊ុយក្រែនបាននិយាយថា វាមានសារៈសំខាន់ខ្លាំងក្នុងការឈរនៅទីនេះនៅថ្ងៃនេះ ព្រោះថ្ងៃនេះជាថ្ងៃឯករាជ្យរបស់អ៊ុយក្រែន។ វាមានសារៈសំខាន់ខ្លាំងសម្រាប់យើងម្នាក់ៗក្នុងការបង្ហាញពិភពលោកពីសង្គ្រាមនៅពេលនេះ។ប្រជាជនអ៊ុយក្រែនរាប់រយនាក់ និងអ្នកគាំទ្ររបស់ពួកគេបានដណ្តប់ទង់ជាតិ និងកាន់ស្លាកបានប្រមូលផ្តុំគ្នានៅខាងក្រៅការិយាល័យអង្គការសហប្រជាជាតិ ក្នុងទីក្រុងហ្សឺណែវដើម្បីប្រារព្ធទិវាឯករាជ្យរបស់អ៊ុយក្រែន។ ក្រុមអ្នកតវ៉ាបានស្រែកពាក្យដូចជា "រុស្ស៊ីជារដ្ឋភេរវកម្ម" និង "សង្គ្រោះអង្គភាព Azov"។ ការប្រមូលផ្តុំគ្នានេះបានធ្វើឡើងនៅខាងក្រៅអគារ ដែលជាទីស្នាក់ការរបស់ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19

ប៉ាគីស្ថានប្រកាសរដ្ឋក្នុងគ្រាអាសន្ន ខណៈអ្នកស្លាប់កើនដល់ ៩៣៧នាក់ និងជាង ៤០,០០០នាក់ជម្លៀសខ្លួន

លោក Zelenskyy ជំរុញឲ្យដាក់សម្ពាធបន្ថែមទៀតលើរោងចក្រនុយក្លេអ៊ែរ Zaporizhzhia

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង

លោកនាយករដ្ឋមន្ត្រីថៃ Prayut ដែលត្រូវបានផ្អាកតំណែងនិយាយថា លោកនឹងបន្តតួនាទីជារដ្ឋមន្ត្រីការពារជាតិ

មនុស្សរាប់ម៉ឺននាក់ធ្វើបាតុកម្មនៅក្នុងបណ្តាប្រទេសនានាក្នុងខួបលើកទី៣១ ទិវាឯករាជ្យអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មនុស្ស​ច្រើន​នាក់​ត្រូវបាន​ជួយសង្គ្រោះ ខណៈ​ឆេះ​សាឡាង​នៅ​ហ្វីលីពីន​

ក្រុមហ៊ុន Moderna ប្តឹង​ក្រុមហ៊ុន Pfizer ជុំវិញ​ប៉ាតង់​នៅ​ពីក្រោយ​ការផលិត​វ៉ាក់សាំង Covid-19

លោក Zelenskyy ជំរុញឲ្យដាក់​សម្ពាធ​បន្ថែម​ទៀត​លើ​រោងចក្រ​នុយក្លេអ៊ែរ Zaporizhzhia

សុន្ទរកថា​របស់​លោក Biden ត្រូវ​បាន​រំខាន​ដោយ​បុរស​ម្នាក់​ដែល​ស្រែក​ថា អ្នក​បាន​លួច​បន្លំ​ការបោះឆ្នោត​

អង្គការសុខភាពពិភពលោក​និយាយ​ថា ក្នុង​ឆ្នាំ​២០២២​ មាន​អ្នកស្លាប់​ដោយសារ​វីរុស COVID-19 ​ចំនួន​ ១​លាន​នាក់​

សមាជិក​ព្រឹទ្ធសភា​អាមេរិក​មួយរូប​ទៀត​ទៅដល់​កោះ​តៃវ៉ាន់ ដែលជា​ការផ្គើន​នឹង​កំហឹង​របស់​ក្រុង​ប៉េកាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មនុស្សច្រើននាក់ត្រូវបានជួយសង្គ្រោះ ខណៈឆេះសាឡាងនៅហ្វីលីពីន

ក្រុមហ៊ុន Moderna ប្តឹងក្រុមហ៊ុន Pfizer ជុំវិញប៉ាតង់នៅពីក្រោយការផលិតវ៉ាក់សាំង Covid-19

លោក Zelenskyy ជំរុញឲ្យដាក់សម្ពាធបន្ថែមទៀតលើរោងចក្រនុយក្លេអ៊ែរ Zaporizhzhia

សុន្ទរកថារបស់លោក Biden ត្រូវបានរំខានដោយបុរសម្នាក់ដែលស្រែកថា អ្នកបានលួចបន្លំការបោះឆ្នោត

អង្គការសុខភាពពិភពលោកនិយាយថា ក្នុងឆ្នាំ២០២២ មានអ្នកស្លាប់ដោយសារវីរុស COVID-19 ចំនួន ១លាននាក់

សមាជិកព្រឹទ្ធសភាអាមេរិកមួយរូបទៀតទៅដល់កោះតៃវ៉ាន់ ដែលជាការផ្គើននឹងកំហឹងរបស់ក្រុងប៉េកាំង