BTV NEWS

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

សម្ដេចធិបតី៖ រាជរដ្ឋាភិបាលសម្រេចបន្តផ្តល់ការលើកទឹកចិត្តផ្នែកពន្ធដារ លើផលិតផលស៊ីម៉ងត៍ក្នុងស្រុក សម្រាប់រយៈពេល ២ឆ្នាំទៀត

ផ្ទះទេវតា១ខ្នង មានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវបណ្ឌិត ត្រូវបានលោកជំទាវ ហ៊ុន ម៉ាណា ប្រគល់ជូនលោកតាចាស់ជរា នៅខេត្តកំពង់ធំ

ព័ត៌មានសំខាន់ៗ

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អឺរ៉ុប៖ អឺរ៉ុបប្រឈមនឹងការអាក់ខានថ្មីៗក្នុងការផ្គត់ផ្គង់ថាមពល ដោយសារតែការខូចប្រព័ន្ធបង្ហូរប្រេងចេញពីប្រទេសកាហ្សាក់ស្ថានកាត់តាមប្រទេសរុស្ស៊ី ដែលត្រូវបានរាយការណ៍ដោយប្រតិបត្តិករបំពង់បង្ហូរប្រេងកាលពីថ្ងៃចន្ទ បន្ថែមពីលើក្ដីកង្វល់ជុំវិញការធ្លាក់ចុះបរិមាណផ្គត់ផ្គង់ឧស្ម័ន។ តាមការបញ្ជាក់របាយការណ៍របស់សារព័ត៌មាន Reuters បណ្ដាញកិច្ចសហប្រតិបត្តិការការពារអតិថិជនហៅកាត់ថា CPC ដែលគ្រប់គ្រងប្រហែល ១% នៃប្រេងពិភពលោក ហើយម្ចាស់ភាគហ៊ុនធំជាងគេគឺក្រុមហ៊ុនបំពង់បង្ហូរប្រេងរបស់រុស្ស៊ី Transneft បាននិយាយថា ការនាំចេញពីចំណតនាវាចំនួន ២ ក្នុងចំណោមទីតាំងទាំង ៣ របស់ខ្លួននៅឯស្ថានីយសមុទ្រខ្មៅត្រូវបានផ្អាក។ លោកខាងលិចបានចោទរុស្ស៊ីថា បានរឹតត្បិតការផ្គត់ផ្គង់ថាមពលដើម្បីដំឡើងថ្លៃ ជាការសងសឹកចំពោះការដាក់ទណ្ឌកម្ម ក្រោយការចូលវាយលុកប្រទេសអ៊ុយក្រែនរបស់រុស្ស៊ី ដែលវិមានក្រឹមឡាំងហៅថាជាប្រតិបត្តិការសឹកពិសេស។ រុស្ស៊ីបានទាត់ចោលការចោទប្រកាន់នេះ ដោយស្ដីបន្ទោសទណ្ឌកម្មលោកខាងលិចខ្លួនឯង និងបញ្ហាបច្ចេកទេសផ្សេងៗ។ការផ្គត់ផ្គង់ឧស្ម័នធម្មជាតិរបស់រុស្ស៊ីទៅកាន់អឺរ៉ុបបានធ្លាក់ចុះប្រមាណ ៧៥% នៅឆ្នាំនេះ ដោយការនាំចេញរបស់ក្រុមហ៊ុន Gazprom កាលពីសប្ដាហ៍មុនបានប្រកាសពីការត្រួតពិនិត្យដោយគ្មានគម្រោងលើបំពង់បង្ហូរប្រេង Nord Stream1 ដែលរត់កាត់ក្រោមបាតសមុទ្របាល់ទិកទៅកាន់ប្រទេសអាល្លឺម៉ង់។ តម្លៃឧស្ម័នធម្មជាតិបានហក់ឡើងខ្ពស់កាលពីថ្ងៃចន្ទ ដែលកង្វះថាមពលនេះបានបន្ថែមក្ដីកង្វល់មួយកម្រិតទៀតដល់ប្រទេសន័រវេស និងចក្រភពអង់គ្លេស៕អត្ថបទ៖ សុខមាន

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

អ៊ីរ៉ង់៖ ប្រទេសអ៊ីរ៉ង់បានបញ្ជាក់ថា ខ្លួនមិនទាន់បានទទួលការឆ្លើយតបពីសហរដ្ឋអាមេរិកនៅឡើយទេ លើសំណើចុងក្រោយបំផុតរបស់ខ្លួនដើម្បីសា្ដរកិច្ចខិតខំប្រឹងប្រែងនុយក្លេអ៊ែរឆ្នាំ2015 ឡើងវិញ ដោយបានស្ដីបន្ទោសលើភាពអសកម្មរបស់ទីក្រុងវ៉ាស៊ីនតោន។ អ្នកនាំពាក្យក្រសួងការបរទេសអ៊ីរ៉ង់លោក Nasser Kanani បានប្រាប់ក្រុមអ្នកសារព័ត៌មានកាលពីថ្ងៃចន្ទថា បញ្ហានៅត្រង់ថា ភាគីសហរដ្ឋអាមេរិកកំពុងពន្យារពេលមិនព្រមឆ្លើយតប។ លោកថា យើងបានធ្វើការទាន់ពេលវេលា ហើយយើងតែងតែបង្ហាញថា យើងបានធ្វើប្រកបដោយការទទួលខុសត្រូវក្នុងការចរចានុយក្លេអ៊ែរនេះ។ កាលពីមួយសប្ដាហ៍មុនអ៊ីរ៉ង់បានដាក់ជូនចម្លើយរបស់ខ្លួន ទៅក្នុងអត្ថបទចុងក្រោយចេញផ្សាយដោយសហភាពអឺរ៉ុប បន្ទាប់ពីការចរចាជុំចុងក្រោយជាមួយភាគីពាក់ព័ន្ធដូចជា ចិន បារាំង អាល្លឺម៉ង់ រុស្ស៊ី និងសហរដ្ឋអាមេរិកនៅក្នុងទីក្រុងវីយ៉ែន ប្រទេសអូទ្រីស។ចំណែកភាគីសហរដ្ឋអាមេរិកវិញនិយាយថា ខ្លួនកំពុងត្រួតពិនិត្យអត្ថបទនោះឡើយវិញ និងកំពុងធ្វើការជាមួយសម្ព័ន្ធមិត្ត។ កាលពីថ្ងៃចន្ទ ប្រធានគោលនយោបាយការបរទេសរបស់សហភាពអឺរ៉ុបលោក Josep Borrell បាននិយាយថា ការឆ្លើយតបរបស់អ៊ីរ៉ង់ចំពោះសំណើសហភាពអឺរ៉ុបសមហេតុផល៕អត្ថបទ៖ សុខមាន

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិកលោក Donald Trump បានស្នើតុលាការឲ្យបញ្ឈប់ការស៊ើបអង្កេតរបស់ក្រសួងយុត្តិធម៌ លើករណីរឹបអូសឯកសារចេញពីលំនៅឋានរបស់លោក ក្នុងការចូលឆែកឆេររបស់ទីភ្នាក់ងារ FBI។ នៅក្នុងពាក្យបណ្ដឹង ក្រុមការងារច្បាប់បានស្នើថា មេធាវីឯករាជ្យមួយរូបនឹងត្រូវតែងតាំងដើម្បីត្រួតពិនិត្យឯកសារ ដែលទីភ្នាក់ងារនេះបានយកចេញពីរមណីយដ្ឋាន Mar-a-Lago ក្នុងរដ្ឋ Florida នៅខែនេះ។ យោងតាមទីភ្នាក់ងារ FBI ឯកសារដែលត្រូវបានផ្អៀងផ្ទាត់ចំនួន ១១ឈុតត្រូវបានយកចេញពីលំនៅឋានរបស់លោក Trump កាលពីថ្ងៃទី៨ ខែសីហា។ លោក Trump កំពុងត្រូវបានស៊ើបអង្កេតពីបទគ្រប់គ្រងឯកសារមិនបានល្អ។ កាលពីថ្ងៃចន្ទ មេធាវីរបស់លោកបានស្នើសុំឲ្យមេធាវីភាគីទី៣ ដែលត្រូវបានគេស្គាល់ថាជាមេធាវីពិសេសមួយ ត្រូវបានតែងតាំងដើម្បីកំណត់ថា តើឯកសារដែលរឹបអូសត្រូវបានគ្របដណ្តប់ដោយសិទ្ធិប្រតិបត្តិពិសេស ដែលអនុញ្ញាតឱ្យប្រធានាធិបតីរារាំងការទំនាក់ទំនងមួយចំនួនពីការចេញផ្សាយជាសាធារណៈ ឬយ៉ាងណា។មេធាវីពិសេស ជាធម្មតាត្រូវបានតែងតាំងក្នុងករណីបទឧក្រិដ្ឋកម្មនានា ជាទីដែលមានក្ដីបារម្ភថា ភស្តុតាងមួយចំនួនអាចត្រូវបានការពារក្រោមសិទ្ធិពិសេសរបស់មេធាវីកូនក្ដី ឬការការពារផ្សេងទៀត ដែលអាចធ្វើឲ្យវាក្លាយជារឿងមិនអាចទទួលយកបាននៅក្នុងតុលាការ។ អ្នកនាំពាក្យក្រសួងយុត្តិធម៌លោក Anthony Coley បាននិយាយថា ក្រសួងយុត្តិធម៌បាននិយាយនៅក្នុងសេចក្ដីថ្លែងការណ៍ថា ក្រុមរដ្ឋអាជ្ញាបានដឹងពីពាក្យបណ្ដឹងរបស់លោក Trump ហើយនឹងឆ្លើយតបនៅក្នុងតុលាការ។ ដីកាឆែកឆេរនៅលំនៅឋាន Mar-a-Lago ត្រូវបានអនុញ្ញាតដោយតុលាការសហព័ន្ធ ក្នុងការស្វែងរកឲ្យឃើញពីមូលហេតុ៕អត្ថបទ៖ សុខមាន

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានថ្លែងថា ការដែលក្រសួងអប់រំកម្ពុជា សម្រេចបង្កើតឲ្យមានការរៀនភាសាវៀតណាម នៅក្នុង សាកលវិទ្យាល័យភូមិន្ទភ្នំពេញ គឺមិនខុសនោះទេ ខណៈឲ្យមានការរៀនភាសាវៀតណាមនេះគឺមានតែចំណេញដល់ប្រជាពលរដ្ឋកម្ពុជា ក្នុងការយល់ដឹងបន្ថែម និងផ្តល់ភាពងាយស្រួលក្នុងការទំនាក់ទំនងរកស៊ីជាមួយភាគីវៀតណាម។ ការលើកឡើងរបស់សម្តេចបែបនេះគឺបានធ្វើឡើងបន្ទាប់ពីមានការរិះគន់ពីជនជ្រុលនិយមមួយក្តាប់តូច ដែលបានប្រឆាំង និងទិទានបន្ទាប់ពីក្រសួងអប់រំកម្ពុជាប្រកាសគ្រោងដាក់ឲ្យមានការរៀននូវភាសាវៀតណាម នៅក្នុងសាលាភូមិន្ទភ្នំពេញកាលពីកន្លងទៅថ្មីៗនេះ។ថ្លែងនៅក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចតេជោ ហ៊ុន សែន បានបញ្ជាក់ថា ក្នុងដេប៉ាតឺម៉ង់ សម្រាប់កម្មវិធីសិក្សានៅក្នុងសាកលវិទ្យាល័យភូមិន្ទភ្នំពេញនោះ គឺមិនមែនតែភាសាវៀតណាមនោះទេ គឺមានភាសាបរទេសជាច្រើនទៀត ហើយការសម្រេចដាក់ភាសាវៀតណាម បន្ថែមទៀតនោះគឺវាកាន់តែផ្តល់ភាពងាយស្រួលដល់សិស្សនិស្សិត មន្រ្តីរាជការដែលជាប់អាហារូបករណ៍ទៅសិក្សានូវប្រទេសវៀតណាម និងផ្តល់ភាពងាយស្រួលក្នុងការទំនាក់ទំនងជាមួយភាគីវៀតណាមក្នុងគោលបំណងអ្វីមួយជាដើមនោះ។សូមបញ្ជាក់ថា ការគ្រោងបើកដេប៉ាតឺម៉ង់សិក្សាភាសាវៀតណាម នៅសាកលវិទ្យាល័យភូមិន្ទភ្នំពេញ បានក្លាយជាប្រធានបទក្ដៅដែលមានជជែកពិភាក្សាច្រើន ដោយមានប្រជាពលរដ្ឋមួយចំនួនមានការព្រួយបារម្ភដោយគិតថា មានការតម្រូវឱ្យសិស្សគ្រប់រូបនៅសាកលវិទ្យាល័យភូមិន្ទភ្នំពេញ ត្រូវសិក្សាភាសាវៀតណាម ហើយក៏មានអ្នកខ្លះបារម្ភពីឥទ្ធិពល វៀតណាមមកលើកម្ពុជាផងដែរ។ ប៉ុន្តែទោះបីជាយ៉ាងណាក៏ដោយសម្តេចតេជោ ហ៊ុន សែន ការសិក្សាភាសាវៀតណាមគឺមិនមែនសម្រាប់សិស្សទូទៅនោះទេ ខណៈការបើកការសិក្សាវៀតណាមនេះ គឺសម្រាប់ក្រុមនិស្សិតជាក់លាក់ ដែលមានតម្រូវការចង់រៀនភាសាវៀតណាម សម្រាប់បម្រើការងារក្នុងក្រុមហ៊ុនវៀតណាម និងជាពិសេសសម្រាប់សិស្សជាប់អាហារូបករណ៍ ដែលត្រូវទៅសិក្សានៅប្រទេសវៀតណាមផងដែរ៕ អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងឱកាសអញ្ជើញប្រគល់សញ្ញាបត្រ ជូននិស្សិតជយលាភីសាកលវិទ្យាល័យអាស៊ី-អឺរ៉ុប

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុប ប្រមាណ ៣,០៧៥នាក់។ខាងក្រោមនេះជាប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រី៖- សម្តេចតេជោ ហ៊ុន សែន ប្រកាសពីកិច្ចខិតខំប្រឹងប្រែងរបស់ក្រសួងអប់រំយុវជន និងកីឡា ដែលជាវិស័យអទិភាព ក្នុងការអភិវឌ្ឍន៍ធនធានមនុស្ស ជាពិសេស ពង្រឹងកិច្ចខិតខំប្រឹងប្រែងបណ្តុះបណ្តាលតាមគន្លងថ្មី ក្នុងពេលវិបត្តិ នៃជំងឺកូវីដ-១៩។- សម្តេចតេជោ ហ៊ុន សែន បញ្ជាក់ថា ការប្រយុទ្ធប្រឆាំងជំងឺកូវីដ-១៩ មិនត្រឹមតែជាក្រុមជួរមុខរួមមាន៖ ក្រុមគ្រូពេទ្យ និងផ្នែកផ្សេងៗឡើយ ការរួមគ្នាទៅទទួលយកវ៉ាក់សាំងកូវីដ-១៩ និងការប្រឹងប្រែងគោរពវិធានការសុខាភិបាល និងវិធានការ ៣ការពារ និង៣កុំ ក៏ត្រូវរាប់បញ្ចូលក្នុងការប្រយុទ្ធប្រឆាំងកូវីដ-១៩ផងដែរ។- សម្តេចតេជោ ហ៊ុន សែន បញ្ជាក់ថា កម្ពុជាបានទទួលជោគជ័យយ៉ាងត្រចះត្រចង់ ក្នុងការប្រយុទ្ធប្រឆាំងការឆ្លងរីករាលដាលជំងឺកូវីដ-១៩ ទោះមិនទាំងស្រុងក៏ដោយ តែយើងអាចគ្រប់គ្រងបានក្នុងកម្រិតមួយយ៉ាងគាប់ប្រសើរ។- សម្តេចតេជោ ហ៊ុន សែន បញ្ជាក់ថា កម្ពុជាមិនមានករណីស្លាប់ថ្មីដោយសារជំងឺកូវីដ-១៩ រយៈពេលជាង៤ខែមកហើយ រាប់តាំងពីខែមេសា ឆ្នាំ២០២២ មកដល់ថ្ងៃទី២៣ ខែសីហា ឆ្នាំ២០២២នេះ។- សម្តេចតេជោ ហ៊ុន សែន ជំរុញឱ្យគិតគូរដល់សុខុមាលភាពប្រជាជន និងសុខភាពសាធារណៈ ជាអទិភាពខ្ពស់បំផុត ដោយប្រកាន់ខ្ជាប់ជានិច្ចនូវស្មារតីជួយគ្នាទៅវិញទៅមក និងពង្រឹងកិច្ចសហប្រតិបត្តិការលើគ្រប់វិស័យ ក្នុងពេលវិបត្តិកូវីដ-១៩។- សម្តេចតេជោ ហ៊ុន សែន បញ្ជាក់ថា កូវីដ-១៩ មិនទាន់ទៅណាឆ្ងាយពីយើងឡើយ ដោយកម្ពុជាត្រូវបន្តយកចិត្តទុកដាក់ខ្ពស់ លើករណីនេះជាចាំបាច់ ដោយស្មារតីបុរេសកម្ម និងប្រុងប្រយ័ត្នខ្ពស់ ជាពិសេសការបន្ត និងពន្លឿនដំណើរការចាក់វ៉ាក់សាំងកូវីដ-១៩ ដល់ប្រជាជនគ្រប់រូប។- សម្តេចតេជោ ហ៊ុន សែន ប្រកាសពីការបានផ្តល់គុណតម្លៃខ្ពស់បំផុត លើការងារចាក់វ៉ាក់សាំង ដើម្បីលុបបំបាត់ជំងឺកូវីដ-១៩ និងការពារអាយុជីវិតរបស់ប្រជាពលរដ្ឋកម្ពុជាគ្រប់រូប។- សម្តេចតេជោ ហ៊ុន សែន បានរំលឹកពីអតីតកាលដ៏លំបាក នៃការចាប់ផ្តើមវិស័យអប់រំ សិក្សាធិការជាថ្មី ក្រោយរំដោះរបបប្រល័យពូជសាសន៍ ប៉ុល ពត ឆ្នាំ១៩៧៩ ដែលកាលណោះ គ្រូ ឬសាស្រ្តាចារ្យ មានកម្រិតចំណេះដឹងលើសសិស្សតែបន្តិចបន្តួចប៉ុណ្ណោះ (អ្នកចេះច្រើនបង្រៀនអ្នកចេះតិច, អ្នកចេះតិចបង្រៀនអ្នកមិនចេះ) ហើយស្ថានភាពនេះ បានប្រែប្រួលជាបន្តបន្ទាប់ តាមរយៈកិច្ចខិតខំប្រឹងប្រែងរបស់រាជរដ្ឋាភិបាល។- សម្តេចតេជោ ហ៊ុន សែន បញ្ជាក់ថា រាជរដ្ឋាភិបាល តាមរយៈក្រសួងអប់រំ យុវជន និងកីឡា បានពង្រាយសាលារៀនទៅគ្រប់និគមន៍ តាមល្បាយនៃការរស់នៅរបស់ប្រជាពលរដ្ឋ ចាប់តាំងពីកម្រិតបឋម អនុវិទ្យាល័យ វិទ្យាល័យ និងសាកលវិទ្យាល័យ។ សម្តេចបញ្ជាក់ថា «ពីមុនមនុស្សរត់រកសាលា តែពេលនេះសាលារត់រកមនុស្សវិញ»។- សម្តេចតេជោ ហ៊ុន សែន បញ្ជាក់ថា នៅឆ្នាំ២០២៣ខាងមុខនេះ មន្ត្រីរាជការស៊ីវិល កងកម្លាំងប្រដាប់អាវុធគ្រប់ប្រភេទ និងនិវត្តជន សុទ្ធតែទទួលបានការដំឡើងប្រាក់បៀវត្សរ៍ទាំងអស់ ដើម្បីជំរុញ និងបង្កើនល្បឿន នៃកម្រិតជីវភាពរបស់ពួកគាត់។-សម្តេចតេជោ ហ៊ុន សែន បានប្រកាសឱ្យសិស្ស, និស្សិត ប្រឹងប្រែងរៀនសូត្រឱ្យបានល្អ ខណៈដែលរាជរដ្ឋាភិបាលបានផ្តល់ឱកាស និងលើកទឹកចិត្តយ៉ាងខ្លាំងចំពោះវិស័យសនេះ។ សម្តេចតេជោ ហ៊ុន សែន បញ្ជាក់ថា «[..]ពេលនេះបើសិស្សរៀនមិនចេះ ឬមិនកើត កុំបន្ទោសគ្រូ»។- សម្តេចតេជោ ហ៊ុន សែន ប្រកាសគាំទ្រដល់ការទស្សន៍ទាយមួយថា សម្តេចតេជោ នឹងបាត់បង់អំណាចនាពេលខាងមុខ ដែលត្រង់ចំណុចនេះសម្តេចបញ្ជាក់ថា «គ្មាននរណា កាន់អំណាចរហូតដល់ស្លាប់នោះទេ តែអំណាចនេះគ្មានធ្លាក់លើនរណា ក្រៅពីមនុស្សរបស់គណបក្សប្រជាជនកម្ពុជានោះឡើយ...!»។- សម្តេចតេជោ ហ៊ុន សែន ប្រកាសពីខកចិត្តយ៉ាងខ្លាំងក្នុងជួយដល់ សាន្ត ប៊ុនធឿន ដែលមិនកែចរិតអាក្រក់របស់ខ្លួន ហើយតែងភ្ជាប់បញ្ហារបស់ខ្លួនមកលើសម្តេច និងក្រុមគ្រួសារ នាំឱ្យមានការភាន់ច្រលំក្នុងចំណោមមតិសាធារណៈជាតិ។- សម្តេចតេជោ ហ៊ុន សែន ប្រកាសកុំឱ្យមានការភាន់ច្រលំលើការបង្កើតដេប៉ាតឺម៉ង់ភាសាវៀតណាម នៅសាកលវិទ្យាល័យភូមិន្ទភ្នំពេញ ព្រោះនៅសាកលវិទ្យាល័យនេះមានដេប៉ាតឺម៉ង់ភាសាបរទេសច្រើនណាស់មានទាំង អង់គ្លេស, បារាំង ជប៉ុន ចិន កូរ៉េ....[...] ដែលសកម្មភាពទាំងនេះ មានប្រយោជន៍ចំពោះនិស្សិតកម្ពុជា និងការផ្លាស់ប្តូរកម្មវិធីសិក្សា ព្រមទាំងធុរកិច្ច។- សម្តេចតេជោ ហ៊ុន សែន បានប្រតិកម្ម និងសោកស្តាយជាខ្លាំងដល់ក្រុមវិភាគមួយចំនួន ដែលបានវិភាគបែបអវិជ្ជមាន និងអគតិ លើ ហ៊ុន ម៉ាណែត ក្នុងដំណើរទស្សនកិច្ចទៅកាន់ប្រទេសវៀតណាមកាលពីពេលថ្មីៗនេះ ដោយសម្តេចបញ្ជាក់ថា ហ៊ុន ម៉ាណែត ទៅទស្សនកិច្ចនៅវៀតណាម តិចជាងនៅជប៉ុន និងសិង្ហបុរីទៅទៀត។- សម្តេចតេជោ ហ៊ុន សែន បញ្ជាក់ថា អ្នកវិភាគអាចយករឿង ហ៊ុន ម៉ាណែត ទស្សនកិច្ចនៅជប៉ុនកាលពីដើមឆ្នាំ២០២២មកវិភាគបានត្រឹមត្រូវ ព្រោះកម្រិតទទួល និងជំនួប មានចំនួនច្រើន ហើយកម្រិតខ្ពស់ទៀតផង។ សម្តេចបញ្ជាក់ថា ហ៊ុន ម៉ាណែត ត្រូវបាននាយករដ្ឋមន្ត្រីជប៉ុន ៣រូបហើយអញ្ជើញទៅទស្សនកិច្ច ក្នុងនោះ ហាតូយ៉ាម៉ា ឆ្នាំ២០១១ ,ស៊ីនហ្សូ អាបេ ឆ្នាំ២០១៨ និង គីស៊ីដា ឆ្នាំ២០២២នេះ។- សម្តេចតេជោ ហ៊ុន សែន បានប្រកាសពីនយោបាយជ្រុលនិយមរបស់ក្រុមមួយចំនួន និងអ្នកវិភាគខ្លះ លើទំនាក់ទំនងកម្ពុជា-វៀតណាម និងបញ្ហាទឹកដី ដែលបានបាត់បង់ទៅលើប្រទេសវៀតណាមពីអតីតកាល ដែលសម្តេចតេជោ ហ៊ុន សែន បានហៅថា ជាកម្រិតវិភាគដ៏អន់មួយ មិនស្តែងឱ្យឃើញពីស្ថានភាពជាក់ស្តែង នៃកម្ពុជា។- សម្តេចតេជោ ហ៊ុន សែន បានប្រកាសថា កម្ពុជាមិនត្រូវការការគាំទ្របេក្ខភាពនាយករដ្ឋមន្ត្រីពីប្រទេសណាទាំងអស់ មិនថាតែវៀតពណាមនោះទេ។ បេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជា ត្រូវតែងតាំង និងគាំទ្រដោយគណបក្ស ហើយការបោះឆ្នោតជាតិ ក៏ត្រូវបានកម្ពុជាធ្វើឡើងជាទៀតទាត់។- សម្តេចតេជោ ហ៊ុន សែន បានប្រកាសដោយចោទជាសំនួរថា «តើមានម៉ែឪណាមិនចង់ឱ្យកូនធ្វើធំ...[..] ខ្ញុំមិនបណ្តុះបណ្តាលកូនឱ្យធ្វើជាមេចោរនោះទេ»។- សម្តេចតេជោ ហ៊ុន សែន បានប្រកាសផ្តាំផ្ញើដល់អ្នកវិភាគក្រៅស្រុកក្បាលទំពេក ពុកមាត់ស្រម៉ូមម្នាក់ ដែលនិយាយថា បើហ៊ុន ម៉ាណែត ចង់ធ្វើនាយករដ្ឋមន្ត្រី ត្រូវតែធ្វើឱ្យខុសពីឪ(សម្តេចតេជោ ហ៊ុន សែន ) ដែលត្រង់ចំណុចនេះសម្តេចបញ្ជាក់ថា «បើធ្វើខុសពីឪ គឺមានន័យថាខុសពីគោលការណ៍គណបក្សប្រជាជនកម្ពុជាហើយ»។- សម្តេចតេជោ ហ៊ុន សែន ប្រកាសយកបញ្ហាស្ត្រីលង្ការជាបទពិសោធន៍ នៃការចំណាយរបស់រដ្ឋ ខណៈដែលនៅស្ត្រីលង្ការមានមន្ត្រីរដ្ឋការ និងបុគ្គលិក ជាង១លាន៨សែននាក់ ដែលរដ្ឋត្រូវរដ្ឋទទួលបន្ទុកចិញ្ចឹម ខណៈដែលនៅកម្ពុជាមានត្រឹមតែជាង ៤០ម៉ឺននាក់ប៉ុណ្ណោះ។ សម្តេចបញ្ជាក់ថា ដើម្បីស្ថិរភាពហិរញ្ញវត្ថុ រដ្ឋត្រូវចំណាយត្រឹមតែ៤ភាគរយប៉ុណ្ណោះ នៃផលិតផលក្នុងស្រុកសរុប(GDP)។សង្កថាសម្តេចតេជោ ហ៊ុន សែន ចប់នៅវេលាម៉ោង០៩ និង២២នាទី។

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

ភ្នំពេញ៖ នៅព្រឹកថ្ងៃទី២៣ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញប្រគល់សញ្ញាបត្រ ជូននិស្សិតជយលាភីរបស់សាកលវិទ្យាល័យអាស៊ី-អឺរ៉ុបប្រមាណ ៣,០៧៥នាក់។ និស្សិតដែលទទួលសញ្ញាបត្រនៅថ្ងៃព្រឹកនេះ រួមមាន៖ ថ្នាក់បរិញ្ញាបត្ររង ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ដែលបញ្ចប់ការសិក្សាក្នុងឆ្នាំសិក្សា២០១៩-២០២០ និងឆ្នាំសិក្សា២០២០-២០២១។ ក្នុងនោះមាននិស្សិតអាហារូបករណ៍របស់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ៦៦នាក់៕

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

ភ្នំពេញ ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍លើកទឹកចិត្តឱ្យចក្រភពអង់គ្លេសបើកសាលាជាពិសេសចង់ឱ្យបើកសាកលវិទ្យាល័យនៅប្រទេសកម្ពុជាព្រោះថាសម្តេចបានសង្កេតឃើញមាននិស្សិតកម្ពុជាមានចំណាប់អារម្មណ៍ទៅបន្តការសិក្សានៅអង់គ្លេសជាច្រើន។សម្តេចតេជោប្រមុខរាជរដ្ឋាភិបាលបានលើកឡើងយ៉ាងដូច្នេះក្នុងពេលអនុញ្ញាតឱ្យលោកជំទាវ ទីណា រិដស(Tina redshaw)ឯកអគ្គរាជទូតចក្រភពអង់គ្លេសប្រចាំកម្ពុជា ចូលជួបសំដែងការគួរសមនិងជម្រាបលា ខណៈលោកជំទាវបានបញ្ចប់អាណត្តិបេសកកម្មការទូតនៅកម្ពុជា។នៅក្នុងជំនួបសំដែងការគួរសម និងជំរាបលា លោកជំទាវបានគោរពថ្លែងអំណរគុណយ៉ាងជ្រាលជ្រៅជូន ចំពោះសម្ដេចតេជោ ចំពោះមន្ត្រីរាជការទាំងអស់និងជូនចំពោះប្រជាជនកម្ពុជាដែលផ្ដល់នូវកិច្ចសហប្រតិបត្តិការយ៉ាងល្អធ្វើអោយបេសកកម្មរបស់លោកជំទាវនៅកម្ពុជាបានដំណើរការបានល្អប្រកបដោយអត្ថន័យនិងនាំទៅដល់ការលើកកម្ពស់ទំនាក់ទំនងនិងកិច្ចសហប្រតិបត្តិការជាច្រើនវិស័យរួមមានទាំងវិស័យអប់រំ បរិស្ថាន សេដ្ឋកិច្ច ពាណិជ្ជកម្ម សុខាភិបាលនិងវិស័យដោះមីនជាដើម។លោកជំទាវបានគោរពជម្រាបជូនសម្ដេចតេជោថា លោកជំទាវមានសុទិដ្ឋិនិយមដែលប្រទេសកម្ពុជានឹងទទួលបាននៅថ្ងៃអនាគតនូវការអភិវឌ្ឍដោយចីរភាព។ជាការឆ្លើយតប សម្ដេចបានថ្លែងអំណរគុណជូនចំពោះលោកជំទាវទីណា ដែលបានប្រឹងប្រែងអស់ពីកម្លាំងកាយចិត្តបំពេញបេសកកម្មរបស់លោកជំទាវ លើកកម្ពស់ទំនាក់ទំនងនិងកិច្ចសហប្រតិបត្តិការរវាងព្រះរាជាណាចក្រកម្ពុជានិងចក្រភពអង់គ្លេស។សម្តេចតេជោបាន ថ្លែងអំណរគុណផងដែរ ដល់ប្រជាជននិងរដ្ឋាភិបាលចក្រភពអង់គ្លេស ដែលកន្លងមក តែងតែផ្ដល់ជំនួយដល់កម្ពុជាចូលរួមចំណែកទាំងការស្វែងរកសន្តិភាពនិងការអភិវឌ្ឍកម្ពុជា។ សម្ដេចបានជម្រាបជូនលោកជំទាវទីណាថា៖សម្ដេចបានសង្កេតឃើញនូវចរន្តដែលនិស្សិតកម្ពុជាកំពុងតែពេញនិយមទៅបន្តការសិក្សា នៅចក្រភពអង់គ្លេស។ក្នុងន័យនេះ សម្ដេចបានលើកទឹកចិត្តឱ្យមានការបើកសាលារបស់អង់គ្លេសនៅប្រទេសកម្ពុជា ជាពិសេសជំរុញឱ្យមានសកលវិទ្យាល័យចក្រភពអង់គ្លេសនៅក្នុងប្រទេសកម្ពុជា។ជាទីបញ្ចប់សម្ដេចបានជូនពរអោយលោកជំទាវទីណា រិដស ទទួលបានជោគជ័យជាបន្តបន្ទាប់ទៀតក្នុងបេសកកម្មរបស់លោកជំទាវទៅថ្ងៃអនាគត៕

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

រុស្ស៊ី៖ រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយនៅក្នុងបទសម្ភាសន៍មួយកាលពីថ្ងៃអាទិត្យថា រុស្ស៊ីបានប្រើប្រាស់ប្រព័ន្ធមីស៊ីលល្បឿនលឿនជាងសំឡេង Kinzhal ចំនួន ៣លើកនៅក្នុងប្រទេសអ៊ុយក្រែនដើម្បីវាយប្រហារគោលដៅសំខាន់ៗ។ លោក Shoigu បាននិយាយថា វាត្រូវបានប្រើប្រាស់ដោយទាហារុស្ស៊ី ៣លើកក្នុងអំឡុងប្រតិបត្តិការសឹកពិសេសនៅអ៊ុយក្រែន ហើយការប្រើប្រាស់ ៣លើកនេះបានបង្ហាញពីលក្ខណៈដ៏អស្ចារ្យរបស់វា។ រុស្ស៊ីអះអាងថា ប្រព័ន្ធមីស៊ីលល្បឿនលឿនជាងសំឡេង ១០ដងមានរយៈចម្ងាយ ២,០០០គីឡូម៉ែត្រ ហើយអាចធ្វើសមយុទ្ធក្នុងអំឡុងពេលហោះ ដើម្បីគេចពីការចាប់ដោយរ៉ាដា និងប្រព័ន្ធការពារដែនអាកាស។ មីស៊ីល Kinzhal ត្រូវបានបង្ហាញដោយប្រធានាធិបតី លោក វ្ល៉ាឌីមៀ ពូទីន ក្នុងឆ្នាំ2018 រួមជាមួយអាវុធជាច្រើនប្រភេទ ដែលមានបំណងដាក់រុស្ស៊ីជាមួយគូប្រជែងភូមិសាស្ត្រនយោបាយរបស់ខ្លួនគឺសហរដ្ឋអាមេរិក។យោធារុស្ស៊ីបាននិយាយកាលពីថ្ងៃអាទិត្យថា ឃ្លាំងផ្ទុកគ្រាប់រំសេវមួយកន្លែងក្នុងប្រទេសអ៊ុយក្រែន ដែលរក្សាទុកមីស៊ីលសម្រាប់ប្រព័ន្ធកាំភ្លើងធំបាញ់រ៉ុក្កែតចល័តសមត្ថភាពខ្ពស់របស់សហរដ្ឋអាមេរិក (HIMARS) ប្រើប្រាស់ដោយកងកម្លាំងអ៊ុយក្រែនត្រូវបានបំផ្លាញដោយការវាយប្រហាររបស់រុស្ស៊ី។ ក្នុងអំឡុងពេលសន្និសីទសារព័ត៌មានប្រចាំថ្ងៃ អ្នកនាំពាក្យក្រសួងការពារជាតិរុស្ស៊ីលោក Igor Konashenkov បានអះអាងថា ឃ្លាំងអាវុធនេះស្ថិតនៅក្នុងភូមិ Maiorske ទីក្រុងកំពង់ផែ Odesa ហើយវាត្រូវបានវាយប្រហារដោយមីស៊ីល Kalibr រយៈចម្ងាយឆ្ងាយស៊ីបគោលដៅជាក់លាក់៕អត្ថបទ៖ ប៊ុនថន

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ឥណ្ឌា៖ ក្រុមមន្ត្រីបាននិយាយកាលពីថ្ងៃអាទិត្យថា មនុស្សយ៉ាងហោចណាស់ ៤០នាក់បានស្លាប់ និងផ្សេងទៀតកំពុងបាត់ខ្លួនដោយទឹកជំនន់ភ្លាមៗបង្កឡើងដោយភ្លៀងមូសុងខ្លាំង នៅភាគខាងជើងប្រទេសឥណ្ឌាក្នុងរយៈពេលបីថ្ងៃកន្លងទៅនេះ។ ការចេញផ្សាយជាផ្លូវការរបស់រដ្ឋាភិបាលកាលពីថ្ងៃអាទិត្យបាននិយាយថា បំណាក់ដី និងទឹកជំនន់នៅក្នុងតំបន់ភ្នំហិម៉ាឡៃនៃរដ្ឋ Himachal Pradesh ក្នុងរយៈពេលបីថ្ងៃចុងក្រោយនេះបណ្តាលឲ្យមនុស្សយ៉ាងហោចណាស់ ៣៦នាក់ស្លាប់។ នៅក្នុងរដ្ឋ Uttarakhand ដែលនៅជិតខាងនោះ ព្យុះភ្លៀងខ្លាំងជាបន្តបន្ទាប់កាលពីថ្ងៃសៅរ៍បានបណ្តាលឱ្យមនុស្ស ៤នាក់ស្លាប់ និង ១៣នាក់បាត់ខ្លួន ខណៈទឹកទន្លេបានបាក់ច្រាំង និងបានបំផ្លាញលំនៅឋានមួយចំនួន។ មនុស្សរាប់រយនាក់បានស្វែងរកទីជម្រកក្នុងជំរុំសង្គ្រោះ បន្ទាប់ពីត្រូវបានជម្លៀសចេញពីលំនៅឋានដែលជន់លិច។គ្រោះមហន្តរាយដែលបណ្តាលមកពីបំណាក់ដី និងទឹកជំនន់គឺជារឿងធម្មតានៅភាគខាងជើងតំបន់ភ្នំហិម៉ាឡៃរបស់ប្រទេសឥណ្ឌា ក្នុងអំឡុងរដូវខ្យល់មូសុងខែមិថុនាដល់ខែកញ្ញា។ អ្នកវិទ្យាសាស្ត្រនិយាយថា មហន្តរាយកាន់តែកើតមានញឹកញាប់ដោយសារការឡើងកំដៅផែនដី ដែលរួមចំណែកដល់ការរលាយផ្ទាំងទឹកកកនៅទីនោះ។ កាលពីឆ្នាំមុន ទឹកជំនន់បណ្តាលឲ្យមនុស្សជិត ២០០នាក់ស្លាប់ និងបានជន់លិចលំនៅឋានច្រើនខ្នងនៅក្នុងរដ្ឋ Uttarakhand៕អត្ថបទ៖ ប៊ុនថន

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង

ស៊ូដង់៖ មន្ត្រីជាន់ខ្ពស់បាននិយាយថា មនុស្សជាង ៧៥នាក់បានស្លាប់ និងលំនៅឋានជាង ១២,០០០ខ្នងត្រូវបានបំផ្លាញ និងជាង ២ម៉ឺនខ្នងបានរងការខូចខាតដោយភ្លៀងធ្លាក់ និងទឹកជំនន់តាមរដូវកាលរបស់ប្រទេសស៊ូដង់។ រូបភាពពីយន្តហោះដ្រូនក្នុងខេត្ត Al-Jazirah បានបង្ហាញភូមិមួយ និងតំបន់ជុំវិញនោះបានជន់លិចដោយទឹកជំនន់។ លោក Abdul-Jalil Abdul-Rahim អ្នកនាំពាក្យក្រុមប្រឹក្សាជាតិ សម្រាប់ការពារជនស៊ីវិលរបស់ប្រទេសស៊ូដង់បាននិយាយថា កំណើនអ្នកស្លាប់ចាប់តាំងពីរដូវវស្សាចាប់ផ្ដើមក្នុងខែឧសភាមានចំនួន ៧៧នាក់។ កាលពីសប្តាហ៍មុន ការិយាល័យសម្របសម្រួលកិច្ចការមនុស្សធម៌អង្គការសហប្រជាជាតិបាននិយាយថា ពលរដ្ឋជាង ១៣៦,០០០នាក់បានរងផលប៉ះពាល់ដោយទឹកជំនន់។ ទីភ្នាក់ងារអង្គការសហប្រជាជាតិបាននិយាយថា ទីភ្នាក់ងាររំពឹងថាតួលេខនេះនឹងកើនឡើង ខណៈការរាប់ចំនួននៅតែកំពុងដំណើរការ ហើយភ្លៀងធ្លាក់ខ្លាំងបន្ថែមទៀតត្រូវបានព្យាករណ៍។រដូវវស្សារបស់ប្រទេសស៊ូដង់ជាធម្មតាមានរយៈពេលរហូតដល់ខែកញ្ញា ដោយទឹកជំនន់បានឡើងដល់ចំណុចខ្ពស់នៅមុនពេលនោះ។ កាលពីឆ្នាំមុន ទឹកជំនន់ និងភ្លៀងធ្លាក់ខ្លាំងបានបណ្តាលឲ្យមនុស្សជាង ៨០នាក់ស្លាប់ និងបានធ្វើឲ្យជន់លិចលំនៅឋានរាប់ម៉ឺនខ្នងនៅទូទាំងប្រទេស។ ក្នុងឆ្នាំ២០២០ អាជ្ញាធរបានប្រកាសថា ប្រទេសស៊ូដង់ជាតំបន់គ្រោះមហន្តរាយធម្មជាតិ និងបានដាក់រដ្ឋក្នុងគ្រាអាសន្នរយៈពេល ៣ខែនៅទូទាំងប្រទេស បន្ទាប់ពីទឹកជំនន់បណ្តាលឲ្យមនុស្សប្រមាណ ១០០នាក់ស្លាប់ និងជន់លិចលំនៅឋានជាង ១០ម៉ឺនខ្នង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

មនុស្ស ១៤នាក់ ស្លាប់ ពេលអគ្គិភ័យឆាបឆេះអគារមួយខ្នងនៅទីក្រុង Lucknow ប្រទេសឥណ្ឌា

ពលរដ្ឋជម្លៀសខ្លួននៅលីបង់ ព្រួយបារម្ភខ្លាចបទឈប់បាញ់អ៊ីស្រាអែល-ក្រុមហេសបូឡា ពុំចូលជាធរមាន

ពលរដ្ឋហ្កាហ្សាស្វែងរកកន្លែងស្រាកស្រាន្តនៅក្នុងសមុទ្រកខ្វក់ ដើម្បីគេចវេះពីអាកាសធាតុក្តៅ

រលកបាតុកម្មអាល់បានី ឈានចូលដល់សប្តាហ៍ទី ៤ បើទោះបីជាអាកាសធាតុក្តៅក៏ដោយ

សត្វស្លាបផ្លាស់ទីជម្រក ២ក្បាល បញ្ជាក់ថាមានជំងឺគ្រុនផ្តាសាយបក្សី H5N1 នៅអូស្រ្តាលី

ក្រុមភ្នាក់ងារពន្លត់អគ្គិភ័យបន្តពន្លត់អណ្តាតភ្លើងឆាបឆេះឃ្លាំងស្តុកទំនិញមួយកន្លែងនៅទីក្រុង Houston សហរដ្ឋអាមេរិក

កូរ៉េខាងត្បូងព្រមទទួលយកឈ្លើយសឹកកូរ៉េខាងជើងទាំងអស់នៅអ៊ុយក្រែន បើសិនជាពួកគេប្រាថ្នា

លោក Putin ៖ កងកម្លាំងរុស្ស៊ីជិតដណ្តើមបានទីក្រុង Kostiantynivka ស្ថិតក្នុងតំបន់ Donetskរបស់អ៊ុយក្រែន

តំបន់គ្រីមៀបិទភ្លើងបំភ្លឺតាមផ្លូវ ផ្អាកសេវាដឹកជញ្ជូនសាធារណៈ ខណៈជួបកង្វះខាតប្រេងឥន្ធនៈ

រលកកម្តៅខែមិថុនាបានបំណែកកំណត់ត្រាកាលពីថ្ងៃចន្ទនៅទីក្រុង Nante របស់បារាំង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អឺរ៉ុប​ប្រឈម​នឹង​ការ​កាត់​ផ្ដាច់ការ​នាំចូល​ប្រេង និង​ឧស្ម័ន​បន្ថែម​ទៀត​ពីរុស្ស៊ី​

អ៊ីរ៉ង់ស្តីបន្ទោស​សហរដ្ឋអាមេរិកដែល​ចេះតែ​ពន្យារពេល​កិច្ចព្រមព្រៀង​នុយក្លេអ៊ែរ​

លោក Trump ប្ដឹង​ក្រសួងយុត្តិធម៌​ក្នុងករណី​ទីភ្នាក់ងារ FBI ចូល​ឆែកឆេរ​លំនៅឋាន​របស់​លោក​

សម្តេចតេជោ ហ៊ុន សែន៖ ​ការ​សិក្សា​ភាសា​វៀតណាម​មិន​ស្លាប់​ទេ​មាន​តែ​ចំណេញ​ដល់​ប្រជាជន​កម្ពុជា

សម្តេចតេជោ ហ៊ុន សែន អញ្ជើញប្រគល់សញ្ញាបត្រ ជូននិស្សិតសាកលវិទ្យាល័យអាស៊ី-អឺរ៉ុប ជាង៣០០០នាក់

សម្ដេចតេជោលើកទឹកចិត្តឱ្យមានការបើកសាកលវិទ្យាល័យរបស់អង់គ្លេសនៅប្រទេសកម្ពុជា

រដ្ឋមន្ត្រី​ការពារជាតិ​និយាយថា រុស្ស៊ី​បាន​ប្រើ​មី​ស៊ី​ល​ល្បឿន​លឿន​ជាង​សំឡេង​នៅ​អ៊ុយ​ក្រែ​ន ៣​លើក

បំណាក់​ដី និងទឹកជំនន់​បណ្តាល​ឲ្យ​មនុស្ស​យ៉ាងហោចណាស់ ៤០​នាក់​ស្លាប់​នៅ​ឥណ្ឌា

ទឹកជំនន់​នៅ​ស៊ូដង់​សម្លាប់​មនុស្ស​ ៧៥​នាក់ និង​បំផ្លាញ​លំនៅឋាន​រាប់ពាន់​ខ្នង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អឺរ៉ុបប្រឈមនឹងការកាត់ផ្ដាច់ការនាំចូលប្រេង និងឧស្ម័នបន្ថែមទៀតពីរុស្ស៊ី

អ៊ីរ៉ង់ស្តីបន្ទោសសហរដ្ឋអាមេរិកដែលចេះតែពន្យារពេលកិច្ចព្រមព្រៀងនុយក្លេអ៊ែរ

លោក Trump ប្ដឹងក្រសួងយុត្តិធម៌ក្នុងករណីទីភ្នាក់ងារ FBI ចូលឆែកឆេរលំនៅឋានរបស់លោក

សម្តេចតេជោ ហ៊ុន សែន៖ ការសិក្សាភាសាវៀតណាមមិនស្លាប់ទេមានតែចំណេញដល់ប្រជាជនកម្ពុជា

រដ្ឋមន្ត្រីការពារជាតិនិយាយថា រុស្ស៊ីបានប្រើមីស៊ីលល្បឿនលឿនជាងសំឡេងនៅអ៊ុយក្រែន ៣លើក

បំណាក់ដី និងទឹកជំនន់បណ្តាលឲ្យមនុស្សយ៉ាងហោចណាស់ ៤០នាក់ស្លាប់នៅឥណ្ឌា

ទឹកជំនន់នៅស៊ូដង់សម្លាប់មនុស្ស ៧៥នាក់ និងបំផ្លាញលំនៅឋានរាប់ពាន់ខ្នង