BTV NEWS

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

សម្តេចតេជោ ហ៊ុន សែន នឹងបំពេញទស្សនកិច្ចមិត្តភាពផ្លូវការនៅប្រទេសចិនរយៈពេលបីថ្ងៃចាប់ពីថ្ងៃទី២៥ដល់២៧ ខែមិថុនាខាងមុខនេះ

កម្ពុជា-អ៊ីស្រាអែល ឯកភាពបន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរីកចម្រើន

ព័ត៌មានសំខាន់ៗ

ចិនហៅសហរដ្ឋអាមេរិកថា ជាមេញុះញង់ដ៏ធំ និងអូសបន្លាយវិបត្តិអ៊ុយក្រែន

ចិន៖ ប្រទេសចិនដែលរុស្ស៊ីស្វែងរកការចងសម្ព័ន្ធភាព ចាប់តាំងពីត្រូវបានរួបរឹតដោយលោកខាងលិចជុំវិញការវាយប្រហាររបស់ខ្លួនលើអ៊ុយក្រែន បានហៅសហរដ្ឋអាមេរិកថាជាមេញុះញង់ដ៏ធំចំពោះវិបត្តិនេះ។ ឯកអគ្គរដ្ឋទូតចិនប្រចាំប្រទេសរុស្ស៊ីបានលើកឡើងថា ទីក្រុង Washington កំពុងព្យាយាមអូសបន្លាយជម្លោះក្នុងប្រទេសអ៊ុយក្រែន ឲ្យយូរតាមដែលអាចធ្វើទៅបានដើម្បីធ្វើឲ្យរុស្ស៊ីចុះខ្សោយ។ ក្នុងបទសម្ភាសន៍មួយជាមួយសារព័ត៌មានរដ្ឋរុស្ស៊ី TASS ដែលបានចេញផ្សាយកាលពីថ្ងៃពុធ ទី១០ សីហា ឯកអគ្គរដ្ឋទូតចិនប្រចាំក្រុង Moscow លោក Zhang Hanhui បានចោទប្រកាន់ក្រុង Washington ពីបទរុញរុស្ស៊ីឲ្យចូលអន្ទាក់ ដោយការពង្រីកខ្លួនម្ដងហើយម្ដងទៀតនៃសម្ព័ន្ធការពារណាតូ និងគាំទ្រកងកម្លាំងដែលកំពុងព្យាយាមភ្ជាប់អ៊ុយក្រែនទៅនឹងសហភាពអឺរ៉ុបជាជាងក្រុង Moscow។ លោក Zhang ត្រូវបានដកស្រង់សម្ដីដោយនិយាយថា ក្រុង Washington ក្នុងនាមជាអ្នកផ្ដួចផ្ដើមគំនិត និងមេញុះញង់ឲ្យមានវិបត្តិអ៊ុយក្រែន ខណៈកំពុងដាក់ទណ្ឌកម្មយ៉ាងធ្ងន់ធ្ងរបំផុតមិនធ្លាប់មានលើរុស្ស៊ី នៅតែបន្តផ្គត់ផ្គង់អាវុធ និងយុទ្ធោបករណ៍ដល់អ៊ុយក្រែន។ឯកអគ្គរដ្ឋចិនរូបនេះគូសបញ្ជាក់ថា លោកបានមើលឃើញពីភាពដូចគ្នារវាងជម្លោះនៅអ៊ុយក្រែន និងភាពតានតឹងដែលកំពុងរីកធំចុងក្រោយជុំវិញកោះតៃវ៉ាន់។ លោកបានចោទប្រកាន់ថា សេតវិមានកំពុងដាក់ពង្រាយប្រភេទឧបករណ៍ដែលខ្លួនធ្លាប់បានប្រើពីមុន នៅក្នុងប្រទេសនៅអឺរ៉ុបខាងកើត៕អត្ថបទ៖ សុខមាន

លោក Donald Trump ច្រានចោលការស្រាយបំភ្លឺក្នុងការស៊ើបអង្កេតក្នុងរដ្ឋ New York

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិកលោក Donald Trump មិនព្រមស្រាយបំភ្លឺជាផ្នែកមួយការស៊ើបអង្កេតរបស់រដ្ឋ New York ទៅលើការអនុវត្តន៍ពាណិជ្ជកម្មគ្រួសាររបស់លោក។ លោក Trump បានប្ដឹងក្នុងកិច្ចខិតខំប្រឹងបិទការសាកសួរនៅការិយាល័យក្រសួងយុត្តិធម៌រដ្ឋ New York កាលពីថ្ងៃពុធ។ ក្រុមមន្ត្រីរដ្ឋនេះបានចោទអង្គការ Trump Organization ពីបទផ្ដល់ព័ត៌មានមិនពិតដល់ក្រុមអាជ្ញាធរ អំពីតម្លៃទ្រព្យសកម្មរបស់ខ្លួនដើម្បីទទួលបានប្រាក់កម្ចីអនុគ្រោះ និងបន្ធូរបន្ថយការបង់ពន្ធ។ លោក Trump ច្រានចោលការប្រព្រឹត្តិខុសឆ្លង និងបានហៅការស៊ើបអង្កេតស៊ីវិលថា ជាការព្យាយាមទម្លាក់កំហុស។ រយៈពេលមួយម៉ោងក្រោយលោកបានបញ្ចេញរូបភាពទៅដល់ការិយាល័យ Manhattan ជាទីដែលលោកត្រូវបានសាកសួរក្រោមការសន្យាផ្លូវការ លោក Trump បានបញ្ចេញសេចក្ដីថ្លែងការណ៍មួយ ដែលលោកបានរិះគន់មន្ត្រីយុត្តិធម៌រដ្ឋ New York លោកស្រី Letitia James និងការស៊ើបអង្កេតកាន់តែទូលំទូលាយ។ លោកបាននិយាយថា ការងារជាច្រើនឆ្នាំ និងប្រាក់រាប់សិបលានដុល្លារ ត្រូវបានចំណាយលើរឿងដែលកំពុងដុតបញ្ចេះឲ្យអូសបន្លាយយ៉ាងយូរនេះ ហើយគ្មានប្រយោជន៍អ្វីសោះ។ ខ្ញុំបានបដិសេធមិនឆ្លើយសំណួរក្រោមសិទ្ធិ និងសិទ្ធិពិសេសដែលផ្ដល់ឲ្យពលរដ្ឋគ្រប់រូបតាមរដ្ឋធម្មនុញ្ញសហរដ្ឋអាមេរិក។ ការទាត់ចោលរបស់លោកមានឡើងត្រឹមប៉ុន្មានថ្ងៃប៉ុណ្ណោះ បន្ទាប់ពីទីភ្នាក់ងារ FBI បានចូលឆែកឆេរលំនៅឋាន Mar-a-Lago របស់លោកក្នុងរដ្ឋ Florida ដោយគ្មានដីកាមិនធ្លាប់មានពីមុនមក ជាផ្នែកមួយនៃការស៊ើបអង្កេតដាច់ដោយឡែកដែលត្រូវគេរាយការណ៍ថា ជាប់ពាក់ព័ន្ធនឹងការដកយកឯកសារដែលបានផ្ទៀងផ្ទាត់រួចចេញពីសេតវិមាន ខណៈលោកបានចុះចេញពីតំណែងជាប្រធានាធិបតីក្រោយចាញ់ឆ្នោតឆ្នាំ2020 ៕ អត្ថបទ៖ សុខមាន

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញគោរពវិញ្ញាណក្ខន្ធនៅទីបញ្ចុះសព និងពិនិត្យសំណង់ចេតិយសម្តេចឧត្តមទេពញាណ ហ៊ុន ណេង

កំពង់ចាម៖ មុនពិធីបុណ្យខួបគម្រប់១០០ថ្ងៃប្រារព្ធធ្វើឡើងនៅរសៀលនេះ នាព្រឹកថ្ងៃទី១១ សីហានេះ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញធ្វើដំណើរទៅកាន់ទីកន្លែងបញ្ចុះសពដើម្បីគោរពវិញ្ញាណក្ខ័ន្ធសម្តេចឧត្តមទេពញាណ ហ៊ុន ណេង និងពិនិត្យមើលសំណង់ចេតិយសម្តេចទេពញាណដែលកំពុងដំណើរការសាងសង់យ៉ាងសក្តិសម នៅក្នុងបរិវេណវត្តសុវណ្ណគីរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម។សូមបញ្ជាក់ថា ចេតិយតម្កល់សពសម្តេចឧត្តមទេពញាណ ហ៊ុន ណេង ត្រូវបានកសាងឡើងក្រោមរចនាបថសម័យទំនើបមានទំហំ ១១ម៉ែត្របួនជ្រុង និងកម្ពស់ ៣៣ម៉ែត្រ បំពាក់ទៅដោយគ្រឿងរចនាបថខ្មែរ និងការស្ថាបនាសួនឧទ្យានភ្លើងបំពាក់ផ្លូវថ្នល់ និងហេដ្ឋារចនាសម្ព័ន្ធដទៃទៀត។ មកដល់ពេលនេះ ចេតិយនេះ ស្ថាបនាហើយប្រមាណ ៣០ភារយ ដោយគ្រោងបញ្ចប់រយៈពេល១ឆ្នាំ។ ពិធីបុណ្យទក្ខិណានុបទានគម្រប់ខួប ១០០ថ្ងៃ ឧទ្ទិសកុសលជូនដល់ដួងវិញ្ញណក្ខន្ធ សម្តេចឧត្តមទេពញាណ ហ៊ុន ណេង ប្រារព្ធឡើងនៅ១៤កើត ១៥កើត ខែស្រាពណ៍ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី១១ និងទី១២ ខែសីហា ឆ្នាំ២០២២នេះ។ ក្នុងសារចូលរួមរំលែកមរណទុក្ខពីគ្រប់មជ្ឍដ្ឋាន បានចាត់ទុកការបាត់បង់សម្តេចឧត្តមទេពញាណ គឺជាការបាត់បង់លោកឪពុក លោកឪពុកក្មេក និងជីតា ប្រកបដោយសង្គហធម៌ ព្រហ្មវិហារធម៌ ពិសេស ក៏ជាការបាត់បង់ ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈ មនសិកា ក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនីតិរដ្ឋ ប្រកបដោយឧត្តមគតិខ្ពង់ខ្ពស់ជាអនេកប្បការរហូតមក។សម្តេចឧត្តមទេពញាណ ហ៊ុន ណេង មានស្នាដៃ និងបទពិសោធន៍ចូលរួមកសាង និងការពារជាតិ ប្រកបដោយសមត្ថភាព និងស្មារតីទទួលខុសត្រូវខ្ពស់ ជាពិសេស សម្តេចបានធ្វើពលិកម្មដ៏ខ្ពង់ខ្ពស់ ដើម្បីរួមចំណែករំដោះជាតិ មាតុភូមិ និងប្រជាពលរដ្ឋកម្ពុជា ឲ្យរួចផុតពីរបបប្រល័យពូជសាសន៍ និងចូលរួមកសាងប្រទេសជាតិឡើងវិញ រហូតទទួលបានការអភិវឌ្ឍរីកចម្រើន លើគ្រប់វិស័យមកដល់សព្វថ្ងៃនេះ។ ដោយសារគុណបំណាច់ទាំងអស់នេះហើយ ភ្លាមៗបន្ទាប់ពីទទួលមរណភាព ព្រះករុណា ព្រះមហាក្សត្រ នៃព្រះរាជាណាចក្រកម្ពុជា បានត្រាស់បង្គាប់ផ្តល់គោរមងារជូនដល់ឯកឧត្តម ហ៊ុន ណេង ជា«សម្តេចឧត្តមទេពញាណ ហ៊ុន ណេង»។ ក្នុងព្រះរាជសាររបស់ព្រះករុណាជាអម្ចាស់ជីវិតលើត្បូង ព្រះរាជប្រទាននេះ ឆ្លើយតបយ៉ាងប្រត្យក្សទៅនឹងការចូលរួមរបស់សម្តេចឧត្តមទេពញាណ ហ៊ុន ណេង ព្រមទាំងក្រុមគ្រួសារគ្រប់ជំនាន់ ក្នុងបុព្វហេតុរួមនៃការធានាកិច្ចការពាររបបរាជានិយម ការពារព្រះមហាក្សត្រ និងព្រះរាជបល្ល័ង្ក ដែលនេះជាភាពស្មោះត្រង់ក្នុងនាមប្រជាជនខ្មែរដែលគោរពចំពោះព្រះមហាក្សត្រ ចំពោះរាជបល្ល័ង្ក និងរបបរាជានិយមឥតងាករ៉េ។ ការត្រាស់បង្គាប់ផ្តល់គោរមងារជូនដល់សម្តេច ឧត្តមទេពញាណ ហ៊ុន ណេង គឺជាមហាកិត្តិយស ដ៏ខ្ពង់ខ្ពស់ក្រៃលែងសម្រាប់ក្រុមគ្រួសារនៃសព៕

ចិនដកការសន្យាដែលថា ខ្លួនមិនបញ្ជូនកម្លាំងទៅកាន់កោះតៃវ៉ាន់ ប្រសិនខ្លួនត្រូវយកដែនដីមួយនេះត្រឡប់មកវិញ

ចិន៖ ការិយាល័យក្រុមប្រឹក្សារដ្ឋទទួលបន្ទុកកិច្ចការកោះតៃវ៉ាន់ និងការិយាល័យព័ត៌មានក្រុមប្រឹក្សារដ្ឋនៃសាធារណរដ្ឋប្រជាមានិតចិន បានផ្សព្វផ្សាយសៀវភៅសកាលពីថ្ងៃពុធដែលមានចំណងជើងថា បញ្ហាតៃវ៉ាន់ និងការបង្រួមបង្រួមឡើងវិញរបស់ចិនក្នុងយុគសម័យថ្មី។ ឯកសារនោះពុំបានរាប់បញ្ចូលទាំងការសន្យាដែលថា នឹងមិនបញ្ជូនកម្លាំងយោធា ឬក្រុមបុគ្គលិករដ្ឋបាលទៅកាន់កោះតៃវ៉ាន់ទេ ប្រសិនបើចិនយកដែនកោះមួយនេះត្រឡប់មកវិញ ដែលត្រូវបានបញ្ជាក់កាលពីកន្លងទៅតាមរយៈសៀវភៅស។ សៀវភៅសនេះបានសង្កត់ធ្ងន់ពីការអះអាងរបស់ចិនដែលថា កោះតៃវ៉ាន់គឺជាផ្នែកនៃអតីតដែនដីរបស់ខ្លួន។ បក្សកុម្មុយនីសចិនបង្ហាញពីដំណោះស្រាយ និងឥរិយាបថគ្មានការសម្របសម្រួល ចំពោះបញ្ហានៃការបង្រួបបង្រួមជាតិឡើងវិញ។ សៀវភៅសនោះបាននិយាយថា យើងគឺជាចិនតែមួយ តៃវ៉ាន់គឺជាផ្នែកមួយរបស់ចិន។ នេះគឺជាការពិតមិនអាចប្រកែកបាន ដែលត្រូវបានគាំទ្រដោយប្រវត្តិសាស្ត្រ និងច្បាប់។ កោះតៃវ៉ាន់មិនធ្លាប់ជារដ្ឋទេ។ ឋានៈរបស់ខ្លួនជាផ្នែកមួយរបស់ប្រទេសចិន គឺមិនអាចផ្លាស់ប្តូរបានឡើយ។ឯកសារនេះបានបង្ហាញថា ចិនក៏បានដកការសន្យាផងដែរដែលថា ខ្លួនមិនបញ្ជូនកម្លាំង ឬក្រុមបុគ្គលិករដ្ឋបាលទៅកាន់កោះតៃវ៉ាន់នោះទេ បន្ទាប់ពីយកដែនដីមួយនេះត្រឡប់មកវិញ ជាសញ្ញាបញ្ជាក់ពីការសម្រេចរបស់លោកប្រធានាធិបតី Xi Jinping ក្នុងកាត់បន្ថយស្វ័យភាពនៅតិចជាងការលើកឡើងកាលពីកន្លងទៅ។ ចិនធ្លាប់បាននិយាយនៅក្នុងសៀវភៅសចំនួន២ កាលពីកន្លងទៅស្ដីពីកោះតៃវ៉ាន់ក្នុងឆ្នាំ1993 និង 2000 ថា ខ្លួននឹងមិនបញ្ជូនកងទ័ព ឬបុគ្គលិករដ្ឋបាលទៅឈរជើងនៅក្នុងទឹកដីកោះតៃវ៉ាន់ទេ បន្ទាប់ពីទទួលបានការបង្រួបបង្រួមទឹកដីឡើងវិញនោះ៕អត្ថបទ៖ សុខមាន

ប្រទេសបារាំងបានព្រមានពីគ្រោះរាំងស្ងួតធ្ងន់ធ្ងរបំផុត ខណៈទន្លេរីងស្ងួត

បារាំង៖ ប្រទេសបារាំងស្ថិតនៅក្នុងចំណុចនៃរលកកម្ដៅលើកទី៤ នៅឆ្នាំនេះកាលពីថ្ងៃអង្គារ ខណៈប្រទេសនេះប្រឈមនូវអ្វីដែលរដ្ឋាភិបាលបានព្រមានថា ជាគ្រោះរាំងស្ងួតធ្ងន់ធ្ងរបំផុតក្នុងកំណត់ត្រា។ ទីភ្នាក់ងារអាកាសធាតុជាតិបារាំង Meteo France បាននិយាយថា រលកកម្ដៅបានចាប់ផ្ដើមនៅភាគខាងត្បូង ហើយត្រូវបានគេរំពឹងថានឹងរាលដាលពាសពេញប្រទេស និងមានរយៈពេលរហូតដល់ចុងសប្តាហ៍នេះ។ វីដេអូដែលត្រូវបានថតនៅតំបន់ Alpes-De Haute-Provence កាលពីថ្ងៃអង្គារបានបង្ហាញពីវាលស្ងួតហែងមួយកន្លែង និងដងទន្លេដែលមានកម្រិតទឹកទាបជាងធម្មតា។ ពាក់កណ្តាលនៅភាគខាងត្បូងប្រទេសបារាំង សីតុណ្ហភាពនៅពេលថ្ងៃមានរហូតដល់ ៤០អង្សាសេ ហើយនឹងមិនធ្លាក់ចុះនៅពេលយប់ក្រោម ២០អង្សាសេនោះទេ។ ទីភ្នាក់ងារ Meteo France និយាយថា រលកកម្តៅក្នុងសប្តាហ៍នេះនឹងមិនខ្លាំងដូចកាលពីខែមុននោះទេ ខណៈតំបន់ជាច្រើនបានជួបប្រទះសីតុណ្ហភាពមិនធ្លាប់មានក្នុងកំណត់ត្រា។ រដ្ឋាភិបាលនិយាយថា សីតុណ្ហភាពខ្ពស់កើតឡើងក្នុងអំឡុងពេលគ្រោះរាំងស្ងួតធ្ងន់ធ្ងរបំផុតមិនធ្លាប់មាន។ កាលពីខែកក្កដា ជាខែដែលមានភាពរាំងស្ងួតបំផុតចាប់តាំងពីការព្យាករណ៍វាស់ស្ទង់បានចាប់ផ្តើមនៅឆ្នាំ១៩៥៩។កសិករមួយចំនួនបានចាប់ផ្តើមឃើញការធ្លាក់ចុះការផលិត ជាពិសេសទិន្នផលសណ្តែក ផ្កាឈូករ័ត្ន និងពោត។ ការរឹតត្បិតការប្រើប្រាស់ទឹកនៅនឹងកន្លែង មានចាប់ពីការហាមឃាត់ប្រព័ន្ធធារាសាស្ត្រនៅពេលថ្ងៃ រហូតដល់ការរឹតត្បិតការប្រើប្រាស់ទឹកសម្រាប់មនុស្ស សត្វពាហនៈ និងដើម្បីរក្សាប្រភេទសត្វក្នុងទឹកឱ្យនៅមានជីវិត។ រដ្ឋាភិបាលបាននិយាយកាលពីសប្តាហ៍មុនថា ក្រុងជាង ១០០ មិនអាចផ្តល់ទឹកស្អាតតាមរយៈប្រព័ន្ធទឹក និងការផ្គត់ផ្គង់ទឹកតាមរថយន្តក្នុងតម្រូវការបានឡើយ៕អត្ថបទ៖ ប៊ុនថន

សត្វស្វាកំពុងរងការវាយប្រហារនៅប្រេស៊ីល ក្នុងពេលមានការកើនឡើងការព្រួយបារម្ភជំងឺអុតស្វា

ប្រេស៊ីល៖ អង្គការសុខភាពពិភពលោកបានបង្ហាញការសោកស្ដាយកាលពីថ្ងៃអង្គារ ចំពោះការសម្លាប់សត្វស្វានៅក្នុងប្រទេសប្រេស៊ីល ក្នុងពេលមានការព្រួយបារម្ភការឆ្លងជំងឺអុតស្វា។ គេហទំព័រព័ត៌មានប្រេស៊ីល G1 បានរាយការណ៍កាលពីថ្ងៃអាទិត្យថា សត្វស្វាចំនួន ១០ក្បាលត្រូវបានបំពុលក្នុងរយៈពេលមិនដល់មួយសប្តាហ៍នៅក្នុងទីក្រុង Sao Jose do Rio Preto ក្នុងរដ្ឋ Sao Paulo ហើយបញ្ហាស្រដៀងគ្នានេះត្រូវបានរាយការណ៍នៅក្នុងទីក្រុងផ្សេងទៀត។ លោកស្រី Margaret Harris អ្នកនាំពាក្យរបស់អង្គការសុខភាពពិភពលោក បាននិយាយក្នុងសន្និសីទសារព័ត៌មាននៅទីក្រុងហ្សឺណែវថា មនុស្សត្រូវតែដឹងថា ការឆ្លងដែលយើងឃើញនៅពេលនេះគឺស្ថិតនៅក្នុងចំណោមមនុស្ស។ យោងតាមអង្គការសុខភាពពិភពលោកបានឲ្យដឹងថា ប្រទេសប្រេស៊ីលមានករណីជំងឺអុតស្វាជាង ១៧០០ករណី។ ក្រសួងសុខាភិបាលប្រស៊ីលបានបញ្ជាក់ពីករណីស្លាប់ម្នាក់ ទាក់ទងនឹងជំងឺនេះកាលពីថ្ងៃទី29 ខែកក្កដា។ ជនរងគ្រោះគឺជាបុរសដែលមានភាពស៊ាំទាប និងមានជំងឺប្រចាំកាយ។យោងតាមលោកស្រី Harris បានឱ្យដឹងថា ករណីឆ្លងអាចកើតមានឡើងពីសត្វទៅមនុស្ស ប៉ុន្តែការផ្ទុះឡើងករណីឆ្លងនាពេលថ្មីៗនេះគឺទាក់ទងនឹងទំនាក់ទំនងរបស់មនុស្សតែប៉ុណ្ណោះ។ លោកស្រីនិយាយថា ជាការពិតមនុស្សមិនគួរសម្លាប់សត្វនោះទេ។ ប្រទេសប្រេស៊ីលមានការចុះបញ្ជីជាយូរមកហើយក្នុងការវាយប្រហារលើសត្វស្វា អំឡុងពេលផ្ទុះឡើងជំងឺគ្រុនក្តៅលឿង។ ចាប់តាំងពីខែឧសភាមក ប្រទេសជិត ៩០ បានរាយការណ៍ថាមានករណីជំងឺអុតស្វាជាង ២៩,០០០ករណី។ អង្គការសុខភាពពិភពលោក (WHO) បានចាត់ថ្នាក់ការផ្ទុះឡើងជំងឺដ៏កម្រនេះថា ជាគ្រាអាសន្នអន្តរជាតិកាលពីក្នុងខែកក្កដា៕អត្ថបទ៖ ប៊ុនថន

អ្នកស្លាប់ដោយសារទឹកជំនន់នៅកូរ៉េខាងត្បូងបានកើនឡើងដល់ ៩នាក់

កូរ៉េខាងត្បូង៖ ក្រុមមន្ត្រីបាននិយាយនៅថ្ងៃពុធនេះថា មនុស្សចំនួន ៩នាក់បានស្លាប់ និង ៧នាក់ផ្សេងទៀតកំពុងបាត់ខ្លួននៅក្នុងប្រទេសកូរ៉េខាងត្បូង ក្រោយភ្លៀងធ្លាក់ខ្លាំងបង្កជាទឹកជំនន់ដ៏ធ្ងន់ធ្ងរជន់លិចផ្លូវសំខាន់ៗ ស្ថានីយរថភ្លើងក្រោមដី និងលំនៅឋានជាច្រើនខ្នង។ យោងតាមលោកប្រធានាធិបតី Yoon Suk-yeol ដែលបានសូមអភ័យទោសចំពោះស្ថានភាពដ៏លំបាកនេះបានឲ្យដឹងថា ភ្លៀងដែលបានចាប់ផ្ដើមធ្លាក់កាលពីថ្ងៃចន្ទគឺខ្លាំងក្លាបំផុត ចាប់តាំងពីមានការព្យាករណ៍អាកាសធាតុរបស់កូរ៉េខាងត្បូងបានចាប់ផ្ដើម ១១៥ឆ្នាំកន្លងមកនេះ។ ស្រុក Gangnam របស់កូរ៉េខាងត្បូងត្រូវបានរងគ្រោះខ្លាំងដោយផ្នែក ដោយធ្វើឲ្យមានទឹកជំនន់ជន់លិចពាក់កណ្ដាលរថយន្ត។រូបភាពចែករំលែកតាមបណ្ដាញសង្គមកាលពីដើមសប្ដាហ៍នេះ បានបង្ហាញពីប្រជាពលរដ្ឋដើរលុយទឹកត្រឹមចង្កេះ និងទឹកហូរកួចនៅក្នុងស្ថានីយរថភ្លើងក្រោមដីមួយចំនួន។ មនុស្សយ៉ាងហោចណាស់ ១៧នាក់បានរងរបួសផងដែរ៕អត្ថបទ៖ សុខមាន

ក្រុមមន្ត្រីអាមេរិកព្រួយបារម្ភ ខណៈរុស្ស៊ីបាញ់បង្ហោះផ្កាយរណបរបស់អ៊ីរ៉ង់ដោយជោគជ័យ

សហរដ្ឋអាមេរិក៖ រុស្ស៊ីបានបាញ់បង្ហោះផ្កាយរណបរបស់អ៊ីរ៉ង់ ដោយជោគជ័យចូលទៅក្នុងគន្លងតារាវិថី ស្របពេលសហរដ្ឋអាមេរិកព្រួយបារម្ភជុំវិញគោលបំណងនាពេលអនាគតរបស់ខ្លួន។ ផ្កាយរណបដែលមានឈ្មោះថា Khayyam ត្រូវបានបាញ់ចេញពីមជ្ឈមណ្ឌលបាញ់បង្ហោះ Baikonur របស់រុស្ស៊ីនៅក្នុងប្រទេសកាហ្សាក់ស្ថាន។ ប្រទេសអ៊ីរ៉ង់បានលើកឡើងថា ផ្កាយរណបនេះនឹងត្រូវប្រើសម្រាប់ត្រួតពិនិត្យបរិស្ថាន និងនៅតែស្ថិតក្រោមការគ្រប់គ្រងរបស់ទីក្រុងតេអេរ៉ង់ដដែល។ ប៉ុន្តែកាលពីសប្ដាហ៍មុន ក្រុមមន្ត្រីសហរដ្ឋអាមេរិកបានប្រាប់ដល់សារព័ត៌មាន Washington Post ថា ពួកគេបារម្ភថា ក្រុង Moscow អាចប្រើប្រាស់ផ្កាយរណបនេះ ដើម្បីឈ្លបយកការណ៍លើសកម្មភាពកងទ័ពនៅក្នុងប្រទេសអ៊ុយក្រែន។ រុស្ស៊ីបានព្យាយាមសម្រេចគោលបំណងយោធានៅក្នុងប្រទេសអ៊ុយក្រែន ហើយក្រុមមន្ត្រីបានចោទប្រកាន់ទីភ្នាក់ងារអវកាស Roscosmos របស់ក្រុង Moscow ថា បានប្រាប់ទីក្រុងតេអេរ៉ង់ថា ខ្លួនគ្រោងរក្សាការគ្រប់គ្រងលើផ្កាយរណបនេះរយៈពេលជាច្រើនខែ ឬយូរជាងនេះ ដើម្បីជួយដល់កិច្ចខិតខំប្រឹងប្រែងក្នុងសង្គ្រាមរបស់ខ្លួននៅអ៊ុយក្រែន។ប្រភពនានាដែលគេមិនបញ្ចេញឈ្មោះបានបន្ថែមថា ផ្កាយរណបនេះអាចផ្ដល់សមត្ថភាពខ្ពស់មិនធ្លាប់មានដល់រុស្ស៊ី និងអ៊ីរ៉ង់ក្នុងការតាមដានស្ទើរជាប់ជាប្រចាំលើចលនា និងមូលដ្ឋាននានារបស់កងទ័ព។ ប៉ុន្តែទីក្រុងតេអេរ៉ង់បានទាត់ចោលកាតចោទប្រកាន់ទាំងនោះដោយបានសង្កត់ធ្ងន់ថា ខ្លួននឹងគ្រប់គ្រងទាំងស្រុង និងធ្វើប្រតិបត្តិការផ្កាយរណបនោះចាប់ពីថ្ងៃទីមួយ។ អ៊ីរ៉ង់បាននិយាយនៅក្នុងសេចក្ដីថ្លែងការណ៍កាលពីថ្ងៃអង្គារថា ពាក្យចចាមអារ៉ាមអំពីការប្រើប្រាស់រូបថតរបស់ផ្កាយរណប សម្រាប់គោលបំណងខាងយោធាគឺខុសទាំងស្រុង៕អត្ថបទ៖ សុខមាន

UN៖ ការនាំចេញរបស់អ៊ុយក្រែនមានសារៈសំខាន់ចំពោះការផ្គត់ផ្គង់ស្បៀងអាហារពិភពលោក

UN៖ អង្គការសហប្រជាជាតិនិយាយថា សកម្មភាពដឹកជញ្ជូន នាំចូល និងនាំចេញពីកំពង់ផែអ៊ុយក្រែនគឺជាជំហានសំខាន់ ក្នុងការជួយដល់ការផ្គត់ផ្គង់ស្បៀងអាហារដែលត្រូវការខ្លាំង។ អ្នកនាំពាក្យអង្គការសហប្រជាជាតិលោក Stephane Dujarric បាននិយាយកាលពីថ្ងៃអង្គារថា វាមានសារៈសំខាន់ខ្លាំងដែលនាវាអាចនាំចេញគ្រាប់ធញ្ញជាតិបាន ដោយមិនគិតពីទិសដៅទៅទីណានោះទេ ព្រោះការពិតវាកំពុងផ្លាស់ប្តូរធ្វើឱ្យតម្លៃស្បៀងអាហារទូទាំងពិភពលោកធ្លាក់ចុះ។នាវាមួយគ្រឿងក្នុងចំណោមនាវាដែលបានចាកចេញពីអ៊ុយក្រែន ក្រោមកិច្ចព្រមព្រៀងដើម្បីបើកការផ្គត់ផ្គង់គ្រាប់ធញ្ញជាតិ និងទប់ទល់វិបត្តិស្បៀងអាហារពិភពលោកបានមកដល់ប្រទេសទួរគី ជានាវាដឹកទំនិញដំបូងគេដែលបានទៅដល់គោលដៅរបស់ខ្លួន។ ពេលនេះនាវាចំនួន 12គ្រឿងផ្សេងទៀតត្រូវបានអនុញ្ញាតឲ្យធ្វើដំណើរ តាមកិច្ចព្រមព្រៀងនាំចេញគ្រាប់ធញ្ញជាតិរវាងអ៊ុយក្រែន និងរុស្ស៊ីដែលត្រូវបានសម្របសម្រួលដោយទួរគី និងអង្គការសហប្រជាជាតិដោយ 10គ្រឿងនាំចេញ និងពីរគ្រឿងនាំចូល។ ផលិតផលកសិកម្មប្រហែល 322,000តោនបានចាកចេញពីកំពង់ផែអ៊ុយក្រែនភាគច្រើនជាផលិតផលពោត ប៉ុន្តែក៏មានប្រេងផ្កាឈូករ័ត្ន និងសណ្តែកផងដែរ។ទោះជាយ៉ាងណា នាវាដឹកទំនិញដំបូងគេដែលចាកចេញពីអ៊ុយក្រែន បានចាកចេញពីកំពង់ផែ Odesa កាលពីថ្ងៃទី1 ខែសីហាបានជាប់គាំងក្នុងការចែកចាយ ដែលស្ថានទូតអ៊ុយក្រែននៅទីក្រុង Beirut បាននិយាយថា នាវាដឹកទំនិញទៅកាន់ប្រទេសលីបង់ដោយមានផ្ទុកពោតចំនួន 26,000តោន អ្នកទិញបានបដិសេធមិនទទួលយកទំនិញនោះទេ ដោយសារវាត្រូវបានដឹកជញ្ជូនយឺតជាងកិច្ចសន្យារបស់ខ្លួន៕អត្ថបទ៖ ប៊ុនថន

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ

សហរដ្ឋអាមេរិក៖ អតីតប្រធានាធិបតីសហរដ្ឋអាមេរិកលោក Donald Trump កាលពីថ្ងៃអង្គារបានព្យាយាមបង្វែរព័ត៌មានដែលទីភ្នាក់ងារ FBI បានចូលឆែកឆេរគេហដ្ឋានរបស់លោកនៅរដ្ឋ Florida ទៅជាផលប្រយោជន៍របស់លោក ដោយសំអាងដល់ការស៊ើបអង្កេតទៅលើសារជាអត្ថបទ និងសារអេឡិចត្រូនិក ដោយការសុំការបរិច្ចាគសម្រាប់កិច្ចការនយោបាយពីក្រុមអ្នកគាំទ្ររបស់លោក។ ការឆែកឆេរគេហដ្ឋានមិនធ្លាប់មាននេះ បានក្លាយជាការរីកកាន់តែធំនៃការស៊ើបអង្កេតសហព័ន្ធថា តើលោក Trump បានលុបចោល ឬដកចោលឯកសារនានាពីសេតវិមាន ឬអត់ ខណៈលោកចុះចេញពីតំណែងកាលពីខែមករា ឆ្នាំ2021។ លោក Trump នៅតែបន្តបញ្ចើចសាធារណជន តាមរយៈការឈរឈ្មោះតំណែងប្រធានាធិបតីម្ដងទៀតនៅឆ្នាំ2024 ប៉ុន្តែមិនបានបញ្ជាក់ច្បាស់ថា តើលោកនឹងធ្វើបែបនោះមែន ឬយ៉ាងណា។ យោងតាមមនុស្សម្នាក់ដែលបានដឹងបញ្ហានេះ ដីកានេះទាក់ទងនឹងរដ្ឋបាលបណ្ណាសារជាតិ និងឯកសារ ដែលទទួលខុសត្រូវលើការរក្សាទុកឯកសារនានា របស់ប្រធានាធិបតី ដែលជាឯកសារសាធារណៈ និងថា តើមានឯកសារត្រូវបានផ្ទៀងផ្ទាត់រួចរាល់នៅរមណីយដ្ឋាន Mar-a-Lago របស់លោក Trump នៅឆ្នេរសមុទ្រ Palm Beach រដ្ឋ Florida ដែរ ឬអត់។បុគ្គលិកខាងលើបាននិយាយថា ទីភ្នាក់ងារ FBI បានរកឃើញកេសដាក់ឯកសារ 10 និងទូដែកមួយ ប៉ុន្តែទូដែកមួយត្រូវបានឆែកឆេរទៅពុំមានអ្វីនៅខាងក្នុងនោះទេ។ ក្រុមអ្នកគាំទ្រអតីតប្រធានាធិបតីលោក Donald Trump បានចេញតវ៉ានៅតាមដងផ្លូវដោយកាន់ទង់ជាតិ និងផ្ទាំងបដាបង្ហាញពីការមិនពេញចិត្ត ចំពោះសកម្មភាពចូលឆែកឆេររបស់ FBI នៅគេហដ្ឋាន Mar-a-Lago របស់លោក Trump។ ជាមួយគ្នានោះដែរ គណបក្សសាធារណរដ្ឋបានរិះគន់ទីភ្នាក់ងារ FBI ចំពោះការចូលឆែកឆេរគេហដ្ឋានរបស់លោក Trump៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កូរ៉េខាងជើង រៀបចំពិធីជួបជុំគ្នា ដើម្បីប្រារព្ធខួបលើកទី ៧៦នៃសង្រ្គាមកូរ៉េ

សកម្មជនកំពុងអំពាវនាវឱ្យអាជ្ញាធរវ៉េណេស៊ុយអេឡា បើកវេទិកាបណ្តាញផ្សព្វផ្សាយសង្គម X

លោក Trump ស្វែងរកមូលនិធិបន្ថែមចំនួន៨៨ ពាន់លានដុល្លារ ភាគច្រើនសម្រាប់សង្គ្រាមនៅអ៊ីរ៉ង់

UN៖ គ្រាប់បែកភ្លើងរបស់អ៊ីស្រាអែល ធ្វើឱ្យគ្រួសារជាច្រើនភៀសខ្លយននៅតំបន់ហ្កាហ្សា

រដ្ឋមន្ត្រីការបរទេសរុស្ស៊ី៖ រុស្ស៊ី តែងតែត្រៀមខ្លួនសម្រាប់ការចរចាជាមួយអ៊ុយក្រែន

អាមេរិក៖ ការចរចាបច្ចេកទេសជាមួយអ៊ីរ៉ង់ អាចនឹងបន្តនៅសប្តាហ៍ក្រោយក្នុងប្រទេសស្វីស

អបអរសាទរ!! ថ្នាលផ្ទៀងផ្ទាត់ verify.gov.kh ឈ្នះពានរង្វាន់ជាសេវាសាធារណៈមានតម្លាភាព និងគណនេយ្យភាព របស់អង្គការសហប្រជាជាតិឆ្នាំ២០២៦

នគរបាលកេនយ៉ាបិទផ្លូវជុំវិញរដ្ឋធានីនៃប្រទេសនេះ មុនពេលមានការតវ៉ាប្រឆាំងរដ្ឋាភិបាល

លោក Medvedev៖ លោកខាងលិចព្យាយាមបំផ្លាញសុចរិតភាពជាប្រព័ន្ធនៃច្បាប់អន្តរជាតិ

អ៊ីរ៉ង់រិះគន់ការអត្ថាធិប្បាយរបស់ប្រមុខណាតូអំពីការគាំទ្រអាមេរិកក្នុងសង្គ្រាមប្រឆាំងទីក្រុងតេអេរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ចិនហៅសហរដ្ឋអាមេរិកថា ជាមេញុះញង់ដ៏ធំ និងអូសបន្លាយវិបត្តិអ៊ុយក្រែន

លោក Donald Trump ច្រានចោលការស្រាយបំភ្លឺក្នុងការស៊ើបអង្កេតក្នុងរដ្ឋ New York

ចិនដកការសន្យាដែលថា ខ្លួនមិនបញ្ជូនកម្លាំងទៅកាន់កោះតៃវ៉ាន់ ប្រសិនខ្លួនត្រូវយកដែនដីមួយនេះត្រឡប់មកវិញ

ប្រទេសបារាំងបានព្រមានពីគ្រោះរាំងស្ងួតធ្ងន់ធ្ងរបំផុត ខណៈទន្លេរីងស្ងួត

សត្វស្វាកំពុងរងការវាយប្រហារនៅប្រេស៊ីល ក្នុងពេលមានការកើនឡើងការព្រួយបារម្ភជំងឺអុតស្វា

អ្នកស្លាប់ដោយសារទឹកជំនន់នៅកូរ៉េខាងត្បូងបានកើនឡើងដល់ ៩នាក់

ក្រុមមន្ត្រីអាមេរិកព្រួយបារម្ភ ខណៈរុស្ស៊ីបាញ់បង្ហោះផ្កាយរណបរបស់អ៊ីរ៉ង់ដោយជោគជ័យ

UN៖ ការនាំចេញរបស់អ៊ុយក្រែនមានសារៈសំខាន់ចំពោះការផ្គត់ផ្គង់ស្បៀងអាហារពិភពលោក

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ចិន​ហៅ​សហរដ្ឋអាមេរិក​ថា ​ជា​មេ​ញុះញង់​ដ៏​ធំ និង​អូសបន្លាយ​វិបត្តិ​អ៊ុយ​ក្រែ​ន​

លោក Donald Trump ច្រាន​ចោលការ​ស្រាយ​បំភ្លឺ​ក្នុង​ការ​ស៊ើបអង្កេត​ក្នុង​រដ្ឋ New York

ប្រទេស​បារាំង​បាន​ព្រមាន​ពី​គ្រោះរាំងស្ងួត​ធ្ងន់ធ្ងរ​បំផុត​ ខណៈ​ទន្លេ​រីងស្ងួត​

សត្វ​ស្វា​កំពុង​រង​ការវាយប្រហារ​នៅ​ប្រេ​ស៊ី​ល ក្នុង​ពេល​មានការ​កើន​ឡើង​ការព្រួយបារម្ភ​ជំងឺ​អុត​ស្វា

អ្នក​ស្លាប់​ដោយសារ​ទឹកជំនន់​នៅ​កូរ៉េខាងត្បូង​បាន​កើន​ឡើង​ដល់​ ៩​នាក់

ក្រុម​មន្ត្រី​អាមេរិក​ព្រួយបារម្ភ ខណៈ​រុស្ស៊ី​បាញ់​បង្ហោះ​ផ្កាយរណប​របស់​អ៊ីរ៉ង់​ដោយ​ជោគជ័យ​

UN៖ ​ការនាំចេញ​របស់​អ៊ុយ​ក្រែ​ន​មាន​សារៈសំខាន់​ចំពោះ​ការផ្គត់ផ្គង់​ស្បៀងអាហារ​ពិភពលោក​

លោក Trump ប្រើ​ការចូល​ឆែកឆេរ​គេហដ្ឋាន Mar-a-Lago របស់លោក​ពី​សំណាក់​ FBI ដើម្បី​សុំ​ការ​បរិច្ចាគ​សម្រាប់​យុទ្ធនាការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចិនហៅសហរដ្ឋអាមេរិកថា ជាមេញុះញង់ដ៏ធំ និងអូសបន្លាយវិបត្តិអ៊ុយក្រែន

លោក Donald Trump ច្រានចោលការស្រាយបំភ្លឺក្នុងការស៊ើបអង្កេតក្នុងរដ្ឋ New York

ប្រទេសបារាំងបានព្រមានពីគ្រោះរាំងស្ងួតធ្ងន់ធ្ងរបំផុត ខណៈទន្លេរីងស្ងួត

សត្វស្វាកំពុងរងការវាយប្រហារនៅប្រេស៊ីល ក្នុងពេលមានការកើនឡើងការព្រួយបារម្ភជំងឺអុតស្វា

អ្នកស្លាប់ដោយសារទឹកជំនន់នៅកូរ៉េខាងត្បូងបានកើនឡើងដល់ ៩នាក់

ក្រុមមន្ត្រីអាមេរិកព្រួយបារម្ភ ខណៈរុស្ស៊ីបាញ់បង្ហោះផ្កាយរណបរបស់អ៊ីរ៉ង់ដោយជោគជ័យ

UN៖ ការនាំចេញរបស់អ៊ុយក្រែនមានសារៈសំខាន់ចំពោះការផ្គត់ផ្គង់ស្បៀងអាហារពិភពលោក

លោក Trump ប្រើការចូលឆែកឆេរគេហដ្ឋាន Mar-a-Lago របស់លោកពីសំណាក់ FBI ដើម្បីសុំការបរិច្ចាគសម្រាប់យុទ្ធនាការ