BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

ស្ត្រីទី១ Jill Biden បារម្ភពីស្ថានភាពលោកប្រធានាធិបតី Joe Biden

សហរដ្ឋអាមេរិក៖ ទូរទស្សន៍ CNN បានរាយការណ៍ថា ស្ត្រីទី១ Jill Biden ព្រួយបារម្ភថា ស្ថានភាពរបស់ស្វាមីរបស់លោកស្រីគឺលោកប្រធានាធិបតី Joe Biden អាចធ្ងន់ធ្ងរ ស្របពេលការផ្ទុះរាលដាលជំងឺរាតត្បាតសកល COVID-19, ប្រតិបត្តិការសឹករបស់រុស្ស៊ីនៅក្នុងប្រទេសអ៊ុយក្រែន និងបញ្ហាធំៗផ្សេងទៀតដែលកំពុងប្រឈមនឹងទីក្រុង Washington នេះបើយោងតាមប្រភពជិតស្និទ្ធនឹងលោកស្រី។ លោកប្រធានាធិបតី Joe Biden នៅតែបន្តធ្វើតេស្តវិជ្ជមានជំងឺ Covid-19 ដដែល និងបន្តនៅដាច់ដោយឡែក នេះបើយោងតាមវេជ្ជបណ្ឌិតរបស់លោកគឺលោក Kevin O'Connor ដែលបាននិយាយនៅក្នុងលិខិតមួយចេញកាលពីថ្ងៃពុធសប្ដាហ៍នេះ។ ប្រធានាធិបតីសហរដ្ឋអាមេរិកវ័យ ៧៩ឆ្នាំរូបនេះនឹងបន្តនៅដាច់ដោយឡែកនៅពេលលោកជាពីជំងឺនេះ ដែលបានឆ្លងកាលពីថ្ងៃទី៣០ ខែកក្កដា៕អត្ថបទ៖ សុខមាន

អាមេរិកផ្អាកការសាកល្បងមីស៊ីលដោយសារភាពតានតឹងកាន់តែខ្លាំងជាមួយចិន ព្រោះលោកស្រី Pelosi

សហរដ្ឋអាមេរិក៖ សមយុទ្ធយោធាចិននៅក្បែរឆ្នេរសមុទ្រកោះតៃវ៉ាន់ បានជំរុញឲ្យកងទ័ពអាកាសសហរដ្ឋអាមេរិកផ្អាកការសាកល្បង នៃការវាយបកនុយក្លេអ៊ែររបស់ខ្លួនកាលពីថ្ងៃព្រហស្បតិ៍។ មីស៊ីលបាលីស្ទីកអន្តរទ្វីប Minuteman III ឬ (ICBM) គ្រោងបាញ់សាកល្បងពីមូលដ្ឋានទ័ពអាកាស Vandenberg ក្នុងរដ្ឋ California ប៉ុន្តែត្រូវបានរាយការណ៍ថាបានផ្អាកទៅវិញ ដើម្បីបញ្ចៀសការបញ្ឆេះភាពតានតឹងកាន់តែខ្លាំងឡើងថែមទៀតជាមួយក្រុងប៉េកាំង។ ការពន្យាពេលនេះត្រូវបានរាយការណ៍ដំបូងដោយសារព័ត៌មាន Wall Street Journal ដោយសំអាងដល់ប្រភពមិនបញ្ចេញឈ្មោះពីក្រុមមន្ត្រីក្រសួងការពារជាតិអាមេរិក។ លោកវរសេនីយ៍ត្រី Patrick Ryder នៃកងទ័ពអាកាសដែលជាអ្នកនាំពាក្យមន្ទីរបញ្ចកោណ ដែលទើបតែងតាំងថ្មីបាននិយាយថា ការសាកល្បងនេះនឹងផ្អាករហូតដល់ចុងខែនេះ។ក្រុមមន្ត្រីបានប្រាប់សារព័ត៌មាន Wall Street Journal ថា នេះជាការសាកល្បងដែលបានគ្រោងទុកជាយូរមកហើយ ប៉ុន្តែត្រូវបានពន្យាពេលដើម្បីរំងាប់ការយល់ច្រឡំនានា ដែលបានបង្កឲ្យមានសកម្មភាពរបស់ប្រទេសចិនជុំវិញកោះតៃវ៉ាន់។ កាលពីថ្ងៃព្រហស្បតិ៍ ទីបញ្ជាការសម្របសម្រួលខាងកើតរបស់កងទ័ពរំដោះប្រជាជនចិន បានចាប់ផ្ដើមសមយុទ្ធយោធាដ៏ធំក្នុង ៦ទីតាំងជុំវិញកោះនេះ ដែលរួមទាំងការបាញ់មីស៊ីលល្បឿនលឿនជាងសំឡេងរាប់សិបគ្រាប់។ សមយុទ្ធនេះត្រូវបានបង្ហាញយ៉ាងទូលំទូលាយថា ជាការឆ្លើយតបចំពោះដំណើរទស្សនកិច្ចរបស់លោកស្រី Nancy Pelosi ទៅកាន់កោះតៃវ៉ាន់នៅដើមសប្ដាហ៍នេះ ដែលក្រុងប៉េកាំងថ្កោលទោសថាជាការបង្ករឿង៕អត្ថបទ៖ សុខមាន

កម្រងរូបភាពអនុស្សាវរីយ៍របស់សម្តេចតេជោ ហ៊ុន សែន នាយករដ្ឋមន្ត្រីក្នុងឱកាសទទួលសញ្ញាបត្របណ្ឌិតកិត្តិយស ផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ

ភ្នំពេញ៖ សាកលវិទ្យាល័យភូមិន្ទភ្នំពេញនៅព្រឹកថ្ងៃទី០៥ ខែសីហា ឆ្នាំ២០២២នេះ បានរៀបចំកម្មវិធីប្រគល់សញ្ញាបត្របណ្ឌិត កិត្តិយស ផ្នែកអភិវឌ្ឍន៍ នៃសាកលវិទ្យាល័យភូមិន្ទភ្នំពេញ ជូនសម្តេចតេជោ ហ៊ុន សែន នាយករដ្ឋមន្ត្រី។ពិធីប្រគល់សញ្ញាបត្រសញ្ញាបត្របណ្ឌិត កិត្តិយស ផ្នែកអភិវឌ្ឍន៍នេះ គឺបានធ្វើឡើងចំថ្ងៃខួបកំណើតរបស់សម្តេចតេជោ គម្រប់ ៧០ឆ្នាំ ឈានចូល ៧១ឆ្នាំ នៅថ្ងៃទី០៥ ខែសីហា ឆ្នាំ២០២២នេះ។ខាងក្រោមនេះ ជាកម្រងរូបភាពអនុស្សាវរីយ៍របស់សម្តេចតេជោ ហ៊ុន សែន នាយករដ្ឋមន្ត្រី , ក្រុមគ្រួសារ និងសាស្ត្រាចារ្យ ក្នុងពិធីប្រគល់-ទទួលសញ្ញាបត្របណ្ឌិតកិត្តិយស ផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ ។

សហរដ្ឋអាមេរិកប្រកាសការផ្ទុះរាលដាលជំងឺអុតស្វាថា ជាគ្រាអាសន្នសុខភាពសាធារណៈ

សហរដ្ឋអាមេរិក៖ រដ្ឋមន្ត្រីសុខាភិបាលបាននិយាយកាលពីថ្ងៃព្រហស្បតិ៍ថា សហរដ្ឋអាមេរិកបានប្រកាសជំងឺអុតស្វា ឬ monkeypox ជាគ្រាអាសន្នសុខភាពសាធារណៈ ជាវិធានការមួយក្នុងការបញ្ចេញមូលនិធិបន្ថែម និងឧបករណ៍ដើម្បីប្រយុទ្ធប្រឆាំងនឹងជំងឺនេះ។ គិតត្រឹមថ្ងៃពុធសប្ដាហ៍នេះ ចំនួនអ្នកឆ្លងជំងឺអុតស្វាសរុបនៅសហរដ្ឋអាមេរិកមានជាង 6,600នាក់ភាគច្រើននៃករណីឆ្លងទាំងនោះ ស្ថិតក្នុងចំណោមក្រុមបុរសដែលបានរួមភេទជាមួយបុរសដូចគ្នា។ រដ្ឋមន្ត្រីសុខាភិបាល និងប្រជាសេវាលោក Secretary Xavier Becerra បាននិយាយនៅក្នុងសន្និសីទសារព័ត៌មានថា យើងកំពុងត្រៀមចាត់វិធានការឆ្លើយតប ចំពោះដំណាក់កាលបន្ទាប់ទប់ស្កាត់វីរុសនេះ ហើយយើងបានជំរុញពលរដ្ឋអាមេរិកគ្រប់រូប ឲ្យបង្កើនការប្រុងប្រយ័ត្នខ្ពស់ចំពោះជំងឺអុតស្វានេះ។ រដ្ឋាភិបាលសហរដ្ឋអាមេរិកបានរងសម្ពាធ ក្នុងការដោះស្រាយការផ្ទុះរាលដាលនេះ។ជំងឺនេះបានចាប់ផ្ដើមផ្ទុះរាលដាលនៅតំបន់អឺរ៉ុបមុនចូលទៅដល់សហរដ្ឋអាមេរិក ដែលពេលនេះក្លាយជាប្រទេសមានករណីឆ្លងជំងឺនេះច្រើនជាងគេបំផុតក្នុងពិភពលោក។ អង្គការសហប្រជាជាតិបានប្រកាសជំងឺអុតស្វាថា ជាគ្រាអាសន្នសុខភាពសាធារណៈនៃកង្វល់អន្តរជាតិ ដែលជាការប្រកាសអាសន្នកម្រិតខ្ពស់បំផុតរបស់ខ្លួន។ ការប្រកាសកាលពីខែមុនរបស់អង្គការនេះ បានស្វែងរកការឆ្លើយតបជាអន្តរជាតិប្រកបដោយការសម្របសម្រួលខ្ពស់ និងបញ្ចេញកញ្ចប់ថវិកាដើម្បីរួមគ្នាលើការងារផលិតវ៉ាក់សាំង និងការព្យាបាល៕អត្ថបទ៖ សុខមាន

ប្រទេសចិនប្ដេជ្ញាដាក់ទោសក្រុមអ្នកបង្ករឿងជុំវិញបញ្ហាកោះតៃវ៉ាន់

ចិន៖ ប្រមុខការទូតរបស់ចិនបានស្ដីបន្ទោសដំណើរទស្សនកិច្ច របស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់កោះតៃវ៉ាន់ថា ជារឿងមិនត្រឹមត្រូវទាល់តែសោះ ដោយព្រមានថា អ្នកទាំងឡាយដែលបង្ករឿងប្រឆាំងនឹងទីក្រុងប៉េកាំងនឹងត្រូវប្រឈមផលវិបាកធ្ងន់ធ្ងរ។ ថ្លែងទៅកាន់ក្រុមអ្នកសារព័ត៌មានក្រៅកិច្ចប្រជុំ នៅក្នុងព្រះរាជាណាចក្រកម្ពុជានៅសប្ដាហ៍នេះ រដ្ឋមន្ត្រីការបរទេសចិនលោក Wang Yi បានរិះគន់ដំណើរខ្វះការពិចារណារបស់លោកស្រី Pelosi ទៅកាន់កោះនេះដោយចាត់ទុកជាដំណើរបង្ករឿង ខណៈដែលក្រុងប៉េកាំងចាត់ទុកកោះតៃវ៉ាន់ជាផ្នែកមួយនៃដែនដីរបស់ខ្លួន។ លោកថា នេះជារឿងជ្រុលហួសហេតុក្រោមលេសប្រជាធិបតេយ្យ។ សហរដ្ឋអាមេរិកកំពុងរំលោភលើអធិបតេយ្យភាពរបស់ចិន ដោយបន្ថែមថា សកម្មភាពបំពារបំពានទាំងនេះនឹងមិនផ្លាស់ប្ដូរ ការឯកភាពជាអន្តរជាតិលើគោលការណ៍ចិនតែមួយ ហើយក៏ជានិន្នាការប្រវត្តិសាស្ត្រមិនអាចវិលថយក្រោយ គឺកោះតៃវ៉ាន់នឹងត្រូវវិលត្រឡប់មករកមាតុភូមិរបស់ខ្លួនវិញ។ ក្រុងប៉េកាំងក៏បានឆ្លើយតបផងដែរ ដោយការធ្វើសមយុទ្ធយោធាដ៏ធំសម្បើមមិនធ្លាប់មាននៅជុំវិញកោះនេះ ដែលត្រូវបានរាយការណ៍ថា រាប់បញ្ចូលទាំងសមយុទ្ធរួមបិទផ្លូវ ការវាយប្រហារនៅក្នុងសមុទ្រ និងដីគោក និងការហ្វឹកហាត់ប្រឆាំងការវាយប្រហារតាមអាកាស ព្រមទាំងបង្ហាញអាវុធទំនើបៗរបស់ចិន ដូចជាមីស៊ីល្បឿនលឿងជាងសំឡេង DF-17 មុននេះចិននិយាយថា មីស៊ីលបាលីស្ទីក Dongfeng ចំនួន ១១គ្រាប់របស់ចិនត្រូវបានបាញ់ចូលទៅក្នុងដែនទឹកជុំវិញកោះនេះ។ ពេលវេលាចុងក្រោយដែលចិនបានបាញ់មីស៊ីល ចូលទៅក្នុងដែនទឹកជុំវិញកោះតៃវ៉ាន់គឺនៅឆ្នាំ១៩៩៦៕អត្ថបទ៖ សុខមាន

សម្តេចតេជោ៖ តម្លៃសន្តិភាពបានធ្វើឲ្យថ្នាក់ដឹកនាំប្រទេសមហាអំណាចមួយចំនួនមកកាន់ប្រទេសកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានថ្លែងថា តម្លៃសន្តិភាព គឺជាកត្តាចាំបាច់បំផុតក្នុងការការពារជីវិតរបស់ប្រជាពលរដ្ឋ និងមួយវិញទៀតកត្តាសន្តិភាពនេះហើយដែលបានធ្វើឲ្យថ្នាក់ដឹកនាំប្រទេសមហាអំណាច និងប្រទេសអ្នកមានមួយចំនួនមានទំនុកចិត្តដោយសម្រេចមកប្រទេសកម្ពុជា ជាពិសេសក្នុងអំឡុងពេលដែលកម្ពុជាធ្វើជាប្រធានអាស៊ានឆ្នាំ២០២២នេះតែម្តង។ ថ្លែងនៅក្នុងពិធីដែលសម្តេចទទួលសញ្ញាបត្របណ្ឌិត កិត្តិយស ផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញនាព្រឹកថ្ងៃទី៥ ខែសីហា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា សន្តិភាពពិតជាមានការចាំបាច់បំផុតក្នុងការអភិវឌ្ឍប្រទេស និងការពារជីវិតរបស់ប្រជាពលរដ្ឋ ហើយប្រសិនបើកម្ពុជាពុំមានសុខសន្តិភាពនេះកម្ពុជាក៏មិនអាចរៀបចំកិច្ចប្រជុំអាស៊ាន និងអាស៊ានបូកជាមួយប្រទេសមហាអំណាច និងប្រទេសអ្នកមាននៅលើពិភពលោកនេះបានដែរ។នៅក្នុងឱកាសនោះដែរ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាក៏បានសូមអធ្យាស្រ័យចំពោះបងប្អូនដែលរស់នៅរាជធានីភ្នំពេញផងដែរ ដែលប៉ុន្មានថ្ងៃនេះរាជធានីត្រូវបានបិទផ្លូវមួយចំនួន ដោយសារតែកម្ពុជាយើងបានរៀបចំកិច្ចប្រជុំអាស៊ាន។ សម្តេចបានលើកឡើងថា ការបិទផ្លូវមួយចំនួន ដើម្បីសម្រួលចរាចរណ៍ក្នុងធ្វើដំណើរដល់ឥស្សរជន និងថ្នាក់ដឹកនាំប្រទេសជាមិត្តបានរំខានដល់បងប្អូនក៏ពិតមែន ប៉ុន្តែវាកិត្តិយសដល់ប្រទេសកម្ពុជាយើងទាំងមូល៕ អត្ថបទ៖ បាន ចក់

សម្តេចតេជោ ហ៊ុន សែន អញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ

ភ្នំពេញ៖ នៅព្រឹកថ្ងៃសុក្រទី៥ ខែសីហា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ។ពិធីប្រគល់សញ្ញាបត្រនេះ គឺធ្វើឡើងចំថ្ងៃខួបកំណើតរបស់សម្តេចតេជោ គម្រប់ ៧០ឆ្នាំ ឈានចូល ៧១ឆ្នាំ។សម្តេចតេជោ ហ៊ុន សែន ជាមេដឹកនាំមួយរូបរបស់កម្ពុជា បានលះបង់អស់កម្លាំងកាយចិត្ត និងបញ្ញាញាណ ជាមួយទឹកចិត្ត ឆន្ទៈមនសិកាស្នេហាជាតិ និងប្រជាជនយ៉ាងជ្រាលជ្រៅ ក្នុងការកសាង និងអភិវឌ្ឍន៍សង្គមកម្ពុជា។ កម្ពុជា ជាប្រទេសដែលបានរងការយាយី និងបំផ្លាញខ្ទេចខ្ទីព្រោះតែភ្លើងសង្គ្រាម។ក្នុងនាមជាមេដឹកនាំទទួលខុសត្រូវខ្ពស់លើជោគវាសនាជាតិ និងប្រជាជនកម្ពុជា ចាប់តាំងពីឆ្នាំ១៩៨៥មក សម្តេចតេជោ ហ៊ុន សែន បានយកចិត្តទុកដាក់ និងប្តូរផ្តាច់យ៉ាងខ្លាំងក្លាបំផុត។ ក្រោមកិច្ចប្រឹងប្រែងដោយមិនខ្លាចនឿយហត់ និងឥតសន្សំសំចៃកម្លាំងកាយចិត្ត និងបញ្ញាញាណ សម្តេចតេជោ ហ៊ុន សែន បានធ្វើឱ្យកម្ពុជាដែលរុំព័ទ្ធដោយផ្សែងនៃភ្លើងសង្គ្រាម រុំព័ទ្ធដោយភាពក្រីក្រ ក្លាយទៅជាប្រទេសមួយមានសុខសន្តិភាព មានការអភិវឌ្ឍ និងទទួលបានភាពរីកចម្រើនគួរឱ្យកត់សម្គាល់៕

លោក Sergey រដ្ឋមន្រ្តីការបរទេសរុស្ស៊ី ចាប់ផ្តើមចូលប្រជុំជាមួយរដ្ឋមន្រ្តីការបរទេសអាស៊ាន

ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីការបរទេសកម្ពុជា នៅល្ងាចថ្ងៃទី០៤ សីហា ឆ្នាំ២០២២ បានដឹកនាំកិច្ចប្រជុំរដ្ឋមន្រ្តីការបរទេសអាស៊ានជាមួយលោកSergey Lavrov (សេហ្គេ ឡាវរ៉ូវ) រដ្ឋមន្រ្តីការបរទេសរុស្ស៊ី ខណៈកិច្ចប្រជុំនេះរំពឹងដល់ការតំឡើងទំនាក់ទំនងនាពេលបច្ចុប្បន្នឲ្យទៅជាយុទ្ធសាស្រ្តគ្រប់ជ្រុងជ្រោយរវាងអាស៊ាន និងរុស្ស៊ី។

សម្តេច សាយ ឈុំ ជួបពិភាក្សាការងារជាមួយប្រធានមូលនិធិចែករំលែកសង្រ្គោះជីវិតសកលនៃសាធារណរដ្ឋកូរ៉េ

ភ្នំពេញ ៖ សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា នៅរសៀលថ្ងៃទី៤ ខែសីហា ឆ្នាំ២០២២នេះ បានបានអនុញ្ញាតឱ្យលោក Kim Jung Nam ប្រធានមូលនិធិចែករំលែកសង្រ្គោះជីវិតសកល (Global Life Sharing) នៃសាធារណរដ្ឋកូរ៉េ ចូលជួបសម្តែងការគួរសម ក្នុងឱកាសដែលលោកប្រធានមូលនិធិដឹកនាំគណៈប្រតិភូ មកធ្វើទស្សនកិច្ចនៅព្រះរាជាណាចក្រកម្ពុជា។សម្តេចប្រធានព្រឹទ្ធសភាបានសម្តែងនូវការស្វាគមន៍ចំពោះ លោកប្រធានមូលនិធិ និងគណៈប្រតិភូ ដែលបានអញ្ជើញមកធ្វើទស្សនកិច្ចនៅព្រះរាជាណាចក្រកម្ពុជា។ ដំណើរទស្សនកិច្ចរបស់គណៈប្រតិភូនាពេលនេះបានឆ្លុះបញ្ចាំងអំពីទំនាក់ទំនង និងកិច្ចសហប្រតិបត្តិការរវាងមូលនិធិចែករំលែកសង្រ្គោះជីវិតសកល ជាមួយនឹងប្រជាជនកម្ពុជា និងជាមូលដ្ឋានដល់ការរួមចំណែកពង្រឹងពង្រីកទំនាក់ទំនង និងកិច្ចសហប្រតិបត្តិការរវាងប្រជាជន និងប្រទេសទាំងពីរ ដើម្បីគុណប្រយោជន៍សម្រាប់ប្រជាជននៃប្រទេសទាំងពីរ ទាំងពេលបច្ចុប្បន្ន និងពេលអនាគត។ថ្លែងនៅក្នុងកិច្ចជំនួបនោះ លោក Kim Jung Nam បានថ្លែងអំណរគុណយ៉ាងជ្រាលជ្រៅចំពោះសម្តេចប្រធានព្រឹទ្ធសភា ដែលបានចំណាយពេលដ៏មានតម្លៃទទួលជួបគណៈប្រតិភូនាពេលនេះ។ ក្នុងអំឡុងពេលដែលគណៈប្រតិភូស្នាក់នៅប្រទេសកម្ពុជានាពេលនេះ បានមើលឃើញអំពីការអភិវឌ្ឍរីកចម្រើនរបស់ប្រទេសកម្ពុជាយ៉ាងឆាប់រហ័ស។លោក Kim Jung Namក៏បានបញ្ជាក់ផងដែរថា ការចុះអនុស្សរណៈនៃការយោគយល់គ្នា ស្តីពីកិច្ចព្រមព្រៀងផ្តល់មនុស្សធម៌ដល់ព្រឹទ្ធសភាកម្ពុជា រយៈពេល៤ឆ្នាំនេះ ដើម្បីរួមចំណែកដល់ការអភិវឌ្ឍប្រទេសកម្ពុជាផងដែរ៕ អត្ថបទ ៖បាន ចក់

ពិភពលោកបានបង្ហាញក្ដីបារម្ភខ្លាំងអំពីទស្សនកិច្ចរបស់ប្រធានសភាអាមេរិកទៅកោះតៃវ៉ាន់

ពិភពលោក៖ ពិភពលោកបានបង្ហាញការព្រួយបារម្ភយ៉ាងខ្លាំង អំពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi មកកាន់កោះតៃវ៉ាន់ ដោយចាត់ទុកដំណើរទស្សនកិច្ចនេះថា ជាការបង្កហេតុ និងបង្កអស្ថិរភាព។ ដោយមិនបានយកចិត្តទុកដាក់ចំពោះការប្រឆាំងខ្លាំងក្លារបស់ភាគីចិន លោកស្រី Pelosi បានមកធ្វើទស្សនកិច្ចនៅតំបន់កោះតៃវ៉ាន់របស់ប្រទេសចិន។ រដ្ឋមន្ត្រីការបរទេសស្តីទីប្រទេសទីម័រខាងកើត បានរំលឹកឡើងវិញនូវមិត្តភាពរបស់ប្រទេសលោកជាមួយប្រទេសចិនថា ខ្លួននឹងប្រកាន់ខ្ជាប់នូវគោលនយោបាយចិនតែមួយ ដែលទទួលស្គាល់កោះតៃវ៉ាន់ជាខេត្តមួយរបស់ប្រទេសចិន។ ឧបការីអគ្គលេខាធិការសម្ព័ន្ធអារ៉ាប់និយាយថា ប្លុកនេះគាំទ្រកិច្ចខិតខំប្រឹងប្រែងរបស់ប្រទេសចិន ក្នុងការរក្សាអធិបតេយ្យភាព និងបូរណភាពទឹកដីរបស់ខ្លួន។ ក្រសួងការបរទេសប៉ាគីស្ថានបានបង្ហាញការព្រួយបារម្ភ ជុំវិញការផ្លាស់ប្តូរស្ថានភាពឆ្លងកាត់ច្រកសមុទ្រ។ ក្រសួងបានជំរុញឱ្យប្រទេសនានាប្រកាន់ខ្ជាប់ នូវគោលការណ៍នៃការគោរពគ្នាទៅវិញទៅមក និងការមិនជ្រៀតជ្រែកក្នុងកិច្ចការផ្ទៃក្នុងរបស់ប្រទេសដទៃ។ក្រសួងការបរទេសគុយបាបានថ្កោលទោសសហរដ្ឋអាមេរិក ចំពោះទំនាក់ទំនងកម្រិតខ្ពស់ជាមួយកោះតៃវ៉ាន់។ ក្រសួងបានចាត់ទុកទង្វើរនេះថា ជាការបង្កហេតុ និងបង្កអស្ថិរភាព។ ទន្ទឹមនឹងនេះ ប្រទេសវ៉េណេស៊ុយអេឡាបាននិយាយថា ទង្វើរនេះជាការគំរាមកំហែងដល់អធិបតេយ្យភាព និងបូរណភាពទឹកដីរបស់ប្រទេសចិន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

រដ្ឋមន្រ្តីអាកាសធាតុស៊ុយអែតនាំទារករបស់លោកស្រីមកចូលរួមជំនួបសហភាពអឺរ៉ុប

តម្លៃប្រេងវិលត្រឡប់មករកកម្រិតមុនសង្រ្គាមអ៊ីរ៉ង់វិញ ខណៈការផ្គត់ផ្គង់កើនឡើងពីមជ្ឈិមបូព៌ា

រថយន្តបើកបុកចូលហ្វូងអ្នកគាំទ្របាល់ទាត់ម៉ិកស៊ិក នៅទីក្រុង Cabo San Lucas ដោយមានអ្នករបួសជាច្រើននាក់

កងកម្លាំងឆ្មាំបដិវត្តន៍អ៊ីរ៉ង់ បញ្ជាក់ថា អ៊ីស្រាអែលត្រូវតែដកទ័ពចេញពីលីបង់ទាំងស្រុង

កុងហ្គោចេញនីតិវិធីចត្តាឡីស័ក ចំពោះអ្នកធ្វើដំណើរមកពីតំបន់រងប៉ះពាល់ដោយជំងឺ Ebola

កិច្ចព្រមព្រៀងពាណិជ្ជកម្ម រវាង EU និងអាមេរិក នឹងចូលជាធរមានមុនថ្ងៃកំណត់របស់លោក Trump

លោក Trump លើកឡើងថា មេដឹកនាំអ៊ុយក្រែន កំពុងធ្វើបាន «ល្អ» ក្នុងការតទល់នឹងរុស្ស៊ី

ដាណឺម៉ាកអនុម័តការដាក់ពង្រាយបេសកកម្ម នៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ស្ត្រីទី១ Jill Biden បារម្ភពីស្ថានភាពលោកប្រធានាធិបតី Joe Biden

អាមេរិកផ្អាកការសាកល្បងមីស៊ីលដោយសារភាពតានតឹងកាន់តែខ្លាំងជាមួយចិន ព្រោះលោកស្រី Pelosi

សហរដ្ឋអាមេរិកប្រកាសការផ្ទុះរាលដាលជំងឺអុតស្វាថា ជាគ្រាអាសន្នសុខភាពសាធារណៈ

ប្រទេសចិនប្ដេជ្ញាដាក់ទោសក្រុមអ្នកបង្ករឿងជុំវិញបញ្ហាកោះតៃវ៉ាន់

សម្តេចតេជោ៖ តម្លៃសន្តិភាពបានធ្វើឲ្យថ្នាក់ដឹកនាំប្រទេសមហាអំណាចមួយចំនួនមកកាន់ប្រទេសកម្ពុជា

សម្តេចតេជោ ហ៊ុន សែន អញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ

លោក Sergey រដ្ឋមន្រ្តីការបរទេសរុស្ស៊ី ចាប់ផ្តើមចូលប្រជុំជាមួយរដ្ឋមន្រ្តីការបរទេសអាស៊ាន

សម្តេច សាយ ឈុំ ជួបពិភាក្សាការងារជាមួយប្រធានមូលនិធិចែករំលែកសង្រ្គោះជីវិតសកលនៃសាធារណរដ្ឋកូរ៉េ

ពិភពលោកបានបង្ហាញក្ដីបារម្ភខ្លាំងអំពីទស្សនកិច្ចរបស់ប្រធានសភាអាមេរិកទៅកោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ស្ត្រី​ទី​១ Jill Biden បារម្ភ​ពី​ស្ថានភាព​លោក​ប្រធានាធិបតី Joe Biden

អាមេរិក​ផ្អាក​ការសាកល្បង​មី​ស៊ី​ល​ដោយ​សារភាព​តានតឹង​កាន់តែខ្លាំង​ជាមួយ​ចិន​ ព្រោះ​លោកស្រី Pelosi

សហរដ្ឋអាមេរិក​ប្រកាស​ការ​ផ្ទុះ​រាលដាល​ជំងឺ​អុត​ស្វា​ថា ​ជា​គ្រាអាសន្ន​សុខភាព​សាធារណៈ​

ប្រទេស​ចិន​ប្ដេជ្ញា​ដាក់ទោស​ក្រុម​អ្នក​បង្ករឿង​ជុំវិញ​បញ្ហា​កោះ​តៃវ៉ាន់

សម្តេចតេជោ៖ តម្លៃសន្តិភាពបានធ្វើ​ឲ្យថ្នាក់ដឹកនាំ​ប្រទេស​មហាអំណាច​មួយចំនួន​មកកាន់ប្រទេសកម្ពុជា

សម្តេចតេជោ ហ៊ុន សែន អញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ

លោក Sergey រដ្ឋមន្រ្តីការបរទេសរុស្ស៊ី ចាប់ផ្តើមចូលប្រជុំជាមួយរដ្ឋមន្រ្តីការបរទេសអាស៊ាន

សម្តេច សាយ ឈុំ ជួបពិភាក្សាការងារជាមួយប្រធានមូលនិធិចែករំលែកសង្រ្គោះជីវិតសកលនៃសាធារណរដ្ឋកូរ៉េ

ពិភពលោកបានបង្ហាញក្ដីបារម្ភខ្លាំងអំពីទស្សនកិច្ចរបស់ប្រធានសភាអាមេរិកទៅកោះតៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ត្រីទី១ Jill Biden បារម្ភពីស្ថានភាពលោកប្រធានាធិបតី Joe Biden

អាមេរិកផ្អាកការសាកល្បងមីស៊ីលដោយសារភាពតានតឹងកាន់តែខ្លាំងជាមួយចិន ព្រោះលោកស្រី Pelosi

សហរដ្ឋអាមេរិកប្រកាសការផ្ទុះរាលដាលជំងឺអុតស្វាថា ជាគ្រាអាសន្នសុខភាពសាធារណៈ

ប្រទេសចិនប្ដេជ្ញាដាក់ទោសក្រុមអ្នកបង្ករឿងជុំវិញបញ្ហាកោះតៃវ៉ាន់

សម្តេចតេជោ៖ តម្លៃសន្តិភាពបានធ្វើឲ្យថ្នាក់ដឹកនាំប្រទេសមហាអំណាចមួយចំនួនមកកាន់ប្រទេសកម្ពុជា

ពិភពលោកបានបង្ហាញក្ដីបារម្ភខ្លាំងអំពីទស្សនកិច្ចរបស់ប្រធានសភាអាមេរិកទៅកោះតៃវ៉ាន់