BTV NEWS

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

លោកជំទាវបណ្ឌិត ពេជ ចន្ទមុន្នី អញ្ជើញចូលរួមពិធីប្រគល់-ទទួលថវិកាបរិច្ចាគពីគណៈសង្ឃនាយកកម្ពុជាចំនួន ១៦០លានរៀលជូនមូលនិធិគន្ធបុប្ផា

ព័ត៌មានសំខាន់ៗ

បក្សប្រជាជនកម្ពុជា៖ ជោគជ័យ នៃការបោះឆ្នោតឃុំ-សង្កាត់ ឆ្លុះបញ្ចាំងឱ្យឃើញពីភាពចាស់ទុំនយោបាយនៃដំណើរការប្រជាធិបតេយ្យនៅកម្ពុជា

ភ្នំពេញ៖ គណបក្សប្រជាជនកម្ពុជា តាមរយៈអង្គសន្និបាតគណៈកម្មាធិការកណ្តាលវិសាមញ្ញរបស់ខ្លួន បានធ្វើការកត់សម្គាល់ប្រកបដោយមោទនភាព ចំពោះជោគជ័យ នៃដំណើរការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ កាលពីដើម ខែមិថុនា ឆ្នាំ២០២២ កន្លងទៅ បានប្រព្រឹត្តទៅដោយសេរី ត្រឹមត្រូវ និងយុត្តិធម៌ ក្នុងបរិយាកាសអព្យាក្រឹត សន្តិសុខ របៀបរៀបរយ គ្មានអំពើហិង្សា និងការគំរាមកំហែង ខណៈ ការជោគជ័យនេះបានឆ្លុះបញ្ចាំងឱ្យឃើញអំពីភាពចាស់ទុំ នយោបាយនៃដំណើរការប្រជាធិបតេយ្យនៅកម្ពុជា។យោងតាមសេចក្តីជូនដំណឹងរបស់គណបក្សប្រជាជនកម្ពុជា ដែលបានចេញក្រោយបញ្ចប់អង្គសន្និបាតគណៈកម្មាធិការកណ្តាលវិសាមញ្ញរបស់ខ្លួននាថ្ងៃទី១៧ ខែកក្កដា ឆ្នាំ២០២២នេះ បានលើកឡើងថា ការជោគជ័យនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់កន្លងមកនេះ«បានឆ្លុះបញ្ចាំងឱ្យឃើញអំពីភាពចាស់ទុំ នយោបាយនៃដំណើរការប្រជាធិបតេយ្យនៅកម្ពុជា ដោយអនុវត្តរបបបោះឆ្នោតពហុបក្សជាប់លាប់តាមពេលវេលាកំណត់ រក្សាបានភាពចម្រុះខាងនយោបាយនៅគ្រប់ថ្នាក់តាំងពីថ្នាក់ជាតិដល់មូលដ្ឋាន»។ ជាមួយគ្នានេះអង្គសន្និបាត បានសម្តែងការគោរព និងដឹងគុណដ៏ជ្រាលជ្រៅបំផុតចំពោះប្រជាពលរដ្ឋនៅគ្រប់មូលដ្ឋានឃុំ-សង្កាត់ទូទាំងប្រទេស ដែលបានបោះឆ្នោតគាំទ្រគណបក្សប្រជាជនកម្ពុជាយ៉ាងច្រើនលើសលប់ ធ្វើឱ្យគណបក្សបានទទួលជ័យជម្នះដ៏ត្រចះត្រចង់ដោយទទួលបានសំឡេងគាំទ្រស្មើនឹង៧៤,៣២%នៃសំឡេងឆ្នោតបានការសរុបទទួលបានអាសនៈក្រុមប្រឹក្សាឃុំ-សង្កាត់ ៨០,៦៧% និងទទួលតំណែងជាមេឃុំ ចៅសង្កាត់ ៩៩,៧៦%។ សេចក្តីជូនដំណឹងរបស់អង្គសន្និបាត ក៏បានលើកឡើងផងដែរថា «តាមរយៈជ័យជម្នះនេះបានឆ្លុះបញ្ចាំងនូវការផ្ដល់យុត្តិធម៌របស់ប្រជាពលរដ្ឋចំពោះសច្ចភាពនៃការដឹកនាំដ៏ត្រឹមត្រូវរបស់គណបក្សប្រជាជនកម្ពុជាទាំងនៅថ្នាក់ជាតិនិងថ្នាក់មូលដ្ឋាន និងបង្ហាញច្បាស់ថាប្រជាជនគាំទ្រសន្តិភាពគាំទ្រការអភិវឌ្ឍ និងគាំទ្រសម្តេចអគ្គមហាសេនាបតីតេជោ ហ៊ុន សែន ជាប្រធានគណបក្សប្រជាជនកម្ពុជានិងជានាយករដ្ឋមន្ត្រីនៃព្រះរាជាណាចក្រកម្ពុជា» ។អង្គសន្និបាតក៏បានកោតសរសើរ និងវាយតម្លៃខ្ពស់ចំពោះក្រុមការងារគណបក្សចុះមូលដ្ឋានគណៈកម្មាធិការនៃគណបក្សគ្រប់ថ្នាក់ គ្រប់ផ្នែក គ្រប់អង្គការចាត់តាំង មន្ត្រី និងសកម្មជនរបស់គណបក្ស ដែលបានប្រឹងប្រែងគ្រប់លទ្ធភាព យកអស់កម្លាំងកាយ កម្លាំងចិត្ត លះបង់ពេលវេលា និងធនធានផ្ទាល់ខ្លួន ផ្សារភ្ជាប់ជាមួយមូលដ្ឋានជាមួយប្រជាជន ក្នុងស្មារតីសាមគ្គីភាព ឯកភាពផ្ទៃក្នុងដ៏រឹងមាំ ដើម្បីបម្រើបុព្វហេតុរបស់គណបក្សផងដែរ។យ៉ាងណាក៏ដោយអង្គសន្និបាតក៏បានពិនិត្យពិភាក្សាយ៉ាងល្អិតល្អន់ អំពីកត្តាធំៗនៃជ័យជម្នះរបស់គណបក្សដែលត្រូវយកចិត្តទុកដាក់ពង្រឹង និងពង្រីកបន្តទៀត ព្រមទាំងចំណុចខ្វះខាតនានាដែលត្រូវខិតខំដោះស្រាយ និងកែលម្អដើម្បីពង្រឹងជំនឿរបស់ប្រជាជនចំពោះការដឹកនាំរបស់គណបក្សឲ្យកាន់តែរឹងមាំបន្ថែមទៀតផងដែរ៕(ដោយ៖ បាន ចក់)

អឺរ៉ុបព្យាយាមទប់ទល់ភ្លើងឆេះព្រៃក្នុងរលកកម្ដៅដ៏ខ្ពស់ដែលបានឆក់យកជីវិតមនុស្សយ៉ាងហោចណាស់ ១ពាន់នាក់

អឺរ៉ុប៖ ប្រទេសបារាំងបានជម្លៀសពលរដ្ឋជាង ១៤,០០០នាក់បន្ថែមទៀតដែលត្រូវបានគំរាមកំហែង ដោយសារភ្លើងឆេះព្រៃនៅក្នុងភាគនិរតី ខណៈភ្លើងឆេះព្រៃជាច្រើនបានរាលដាលនៅក្នុងប្រទេសអេស្ប៉ាញ ក្រូអាត និងក្រិក។ យោងតាមសារព័ត៌មាន BNO News រលកកម្ដៅនេះដែលកំពុងប៉ះពាល់ដល់ប្រទេសអេស្ប៉ាញជាច្រើនថ្ងៃជាប់ៗគ្នា សម្លាប់មនុស្សយ៉ាងហោចណាស់ ១ពាន់នាក់នៅក្នុងប្រទេសព័រទុយហ្គាល់ និងអេស្ប៉ាញ។ ក្រុមអាជ្ញាធរនៅក្នុងហ្គៀរ៉ុន (Gironde) របស់បារាំងដែលជាតំបន់ទេសចរដ៏ពេញនិយមមួយ បានជម្លៀសកងកម្លាំងសន្តិសុខរបស់ខ្លួនចេញពីកន្លែងបោះជំរំនានា បន្ទាប់ពីក្រុមអ្នកទេសចរចាកចេញ។ ភ្លើងឆេះព្រៃបានឆាបឆេះរាលដាលនៅក្នុងតំបន់តេស្តឌើបាច់ (Teste-de-Buch) និងតំបន់លែនឌីរ៉ាស់ (Landiras)។ ចំណែកនៅក្នុងប្រទេសអេស្ប៉ាញភាគខាងត្បូងមនុស្សជាង ៣,២០០នាក់បន្ថែមទៀតបានភៀសខ្លួនចេញពីតំបន់ភ្នំមីចាស់ (Mijas) ទោះបីក្រោយមកមានពលរដ្ឋមួយចំនួនអាចវិលត្រឡប់ទៅវិញក៏ដោយ។ រីឯភ្លើងឆេះព្រៃនៅក្នុងប្រទេសព័រទុយហ្គាល់ពេលនេះអាចគ្រប់គ្រងបានហើយ។ ទោះយ៉ាងណាក្ដី រដ្ឋាភិបាលព័រទុយហ្គាល់និយាយថា ពលរដ្ឋ ៦៥៩នាក់បានស្លាប់ភាគច្រើនចាស់ៗ ដោយសារតែរលកកម្ដៅខ្ពស់ពេកកាលពីសប្ដាហ៍មុន។មន្ទីរព្យាករណ៍ឧតុនិយមរបស់បារាំងបានព្យាករណ៍ថា សីតុណ្ហភាពបានឡើងដល់ ៤១អង្សាសេ ឬ ១០៦អង្សាហ្វារិហៃនៅភាគខាងត្បូងរបស់ប្រទេសនេះកាលពីថ្ងៃអាទិត្យ ហើយគេបានព្យាករណ៍រលកកម្ដៅថ្មីថានឹងកើនឡើងទៀតនៅថ្ងៃចន្ទនេះ។ នៅក្នុងប្រទេសព័រទុយហ្គាល់ សីតុណ្ហភាពបានឡើងដល់ ៤៧អង្សាសេនៅពេលថ្មីៗនេះ។ ប្រទេសម៉ារ៉ុកបានបញ្ជាឲ្យពលរដ្ឋជាង ១,៣០០នាក់ចាកចេញពីលំនៅឋាន និងបញ្ជូនក្រុមអ្នកពន្លត់អគ្គិភ័យបន្ថែមទៀត ដើម្បីទប់ស្កាត់ភ្លើងឆេះព្រៃនៅភាគខាងជើង៕អត្ថបទ៖ សុខមាន

សម្តេច ហេង សំរិន នឹងដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភានឹងប្រជុំពិនិត្យលើសេចក្តីព្រាងច្បាប់ធម្មនុញ្ញនៅថ្ងៃទី១៩ កក្កដា

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា នឹងដឹកនាំកិច្ចប្រជុំគណៈកម្មាធិការអចិន្ត្រៃយ៍ នៃរដ្ឋសភា នៅព្រឹកទី១៩ ខែកក្កដា ដើម្បីពិនិត្យ និងសិក្សាលើសេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា ១៩ថ្មី (មួយ) មាត្រា ៨៩ មាត្រា ៩០ថ្មី មាត្រា ១០២ថ្មី មាត្រា ១១៩ថ្មី (មួយ) និងមាត្រា ១២៥ថ្មី នៃរដ្ឋធម្មនុញ្ញ នៃព្រះរាជាណាចក្រកម្ពុជា និងមាត្រា ៣ថ្មី និងមាត្រា ៤ថ្មី នៃច្បាប់ធម្មនុញ្ញបន្ថែមសំដៅធានានូវដំណើរការជាប្រក្រតីនៃស្ថាប័នជាតិ។

រុស្ស៊ីត្រៀមវាយលុកដំណាក់កាលបន្ទាប់លើអ៊ុយក្រែនជាការប្រឈមពីអាវុធថ្មីរបស់លោកខាងលិច

អ៊ុយក្រែន៖ មន្ត្រីយោធាអ៊ុយក្រែនម្នាក់បាននិយាយថា រុស្ស៊ីកំពុងត្រៀមសម្រាប់ដំណាក់កាលវាយប្រហារថ្មីរបស់ខ្លួននៅអ៊ុយក្រែន បន្ទាប់ពីក្រុង Moscow និយាយថា កងកម្លាំងរបស់ខ្លួននឹងបង្កើនប្រតិបត្តិការយោធានៅក្នុងតំបន់ប្រតិបត្តិការទាំងអស់។ ខណៈការដឹកជញ្ជូនអាវុធរយៈចម្ងាយឆ្ងាយរបស់លោកខាងលិច ចាប់ផ្ដើមជួយអ៊ុយក្រែននៅលើសមរភូមិ គ្រាប់រ៉ូកែត និងមីស៊ីលរបស់រុស្ស៊ីបានបាញ់ស្រោចលើទីក្រុងមួយចំនួនដែលក្រុង Kyiv និយាយថា បានសម្លាប់មនុស្សរាប់សិបនាក់ក្នុងពេលប៉ុន្មានថ្ងៃថ្មីៗនេះ។ លោក Vadym Skibitskyi អ្នកនាំពាក្យចារកម្មយោធាអ៊ុយក្រែនបាននិយាយកាលពីល្ងាចថ្ងៃសៅរ៍ថា មិនត្រឹមតែមានការវាយប្រហារដោយមីស៊ីលពីអាកាស និងតាមសមុទ្រប៉ុណ្ណោះទេ យើងអាចមើលឃើញការបាញ់ផ្លោងនៅតាមខ្សែបន្ទាត់ទំនាក់ទំនងទាំងអស់ និងនៅតាមខ្សែត្រៀមជួរមុខទាំងអស់។មានការប្រើប្រាស់យ៉ាងសកម្មនៃយុទ្ធវិធីតាមអាកាស និងការវាយប្រហារតាមឧទ្ធម្ភាគចក្រ។ យោធាអ៊ុយក្រែននិយាយថា រុស្ស៊ីទំនងជាបានប្រមូលផ្ដុំអង្គភាពឡើងវិញ សម្រាប់ការវាយប្រហារទៅលើទីក្រុង Sloviansk ដែលជាទីក្រុងនិមិត្តរូបដ៏សំខាន់មួយគ្រប់គ្រងដោយអ៊ុយក្រែននៅភាគខាងកើតតំបន់ Donetsk៕អត្ថបទ៖ សុខមាន

មនុស្ស ៣នាក់ស្លាប់ និង ៥នាក់បាត់ខ្លួនក្នុងគ្រោះទឹកជំនន់នៅភាគឦសានប្រទេសចិន

ចិន៖ មនុស្ស ២នាក់បន្ថែមទៀតត្រូវបានគេប្រទះឃើញស្លាប់នៅក្នុងតំបន់ភ្នំ Wudalianchi ខេត្ត Heilongjiang ភាគឦសានប្រទេសចិន ដែលរហូតមកដល់ពេលនេះមនុស្ស ៣នាក់ត្រូវបានរាយការណ៍ថាស្លាប់ ហើយមនុស្ស ៥នាក់ផ្សេងទៀតបាត់ខ្លួន។ ទឹកជំនន់ភ្លាមៗបានកើតឡើងបណ្តាលមកពីភ្លៀងធ្លាក់ខ្លាំងនៅក្រុង Wudalianchi។ ទន្ទឹមនឹងនេះភ្លៀងធ្លាក់នៅតំបន់ភ្នំនៃតំបន់ Pingwu ខេត្ត Sichuan ភាគនិរតីប្រទេសចិន បង្កឡើងដោយព្យុះភ្លៀងធ្លាក់ខ្លាំងភ្លាមៗបណ្តាលឲ្យមនុស្ស ២នាក់ស្លាប់ និងមនុស្ស ៤នាក់ផ្សេងទៀតបាត់ខ្លួន ខណៈ ៣១នាក់ត្រូវបានជួយសង្គ្រោះ។ ការងារជួយសង្គ្រោះ និងការស៊ើបអង្កេតបន្ថែមលើគ្រោះថ្នាក់កំពុងធ្វើឡើង។ ជំនន់ទឹកភ្លៀងខ្លាំងនេះបានបណ្តាលឲ្យមនុស្សជាង ៣.៥០០នាក់រងផលប៉ះពាល់ ហើយជាង ១៣.៧០០នាក់ក្នុងខេត្ត Sichuan ត្រូវបានជម្លៀសចេញ៕អត្ថបទ៖ ប៊ុនថន

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

អេស្ប៉ាញ៖ វិទ្យាស្ថានសុខភាព Carlos III ដែលរាយការណ៍ទៅក្រសួងសុខាភិបាលអេស្ប៉ាញបាននិយាយកាលពីថ្ងៃសុក្រថា មនុស្ស ៨៤នាក់ត្រូវបានគេរាយការណ៍ថាបានស្លាប់ ដោយសាររលកកម្ដៅដែលបានកើតឡើងនៅប្រទេសអេស្ប៉ាញចាប់តាំងពីថ្ងៃទី១០ ខែកក្កដា។ អ្នកស្លាប់ទាំងអស់ត្រូវបានរាយការណ៍កាលពីថ្ងៃទី១០ ដល់ថ្ងៃទី១២ ខែកក្កដាដែលត្រូវបានសន្និដ្ឋានថា ដោយសារកម្ដៅក្តៅខ្លាំងលើសពី ៤០អង្សាសេនៅក្នុងតំបន់ធំៗរបស់ប្រទេស។ សីតុណ្ហភាពបានកើនឡើងលើសពី ៤៥អង្សាសេ នៅភាគខាងត្បូង និងនិរតីប្រទេស។ រលកកម្ដៅត្រូវបានគេព្យាករណ៍ថានឹងបន្តរហូតដល់សប្តាហ៍ក្រោយ ហើយចំនួនអ្នកស្លាប់ត្រូវបានគេព្រួយបារម្ភថានឹងកើនឡើង។ នេះជារលកកម្ដៅខ្លាំងទី២ ក្នុងឆ្នាំនេះនៅប្រទេសអេស្ប៉ាញ។ក្រសួងសុខាភិបាលបានឲ្យដឹងថា រលកកម្ដៅលើកដំបូងបានកើតឡើងពីថ្ងៃទី១១ ដល់ថ្ងៃទី២០ ខែមិថុនាបានឆក់យកជីវិតមនុស្ស ៨២៩នាក់នៅទូទាំងប្រទេស ដែលនៅពេលនោះសីតុណ្ហភាពបានឡើងដល់ ៤៤.៥អង្សាសេ។ អាជ្ញាធរបានណែនាំឲ្យប្រជាពលរដ្ឋទទួលទានទឹកឲ្យបានច្រើន ចៀសវាងការហាត់ប្រាណច្រើនពេក និងស្នាក់នៅក្នុងលំនៅឋានឲ្យបានច្រើនតាមដែលអាចធ្វើទៅបាន៕អត្ថបទ៖ ប៊ុនថន

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃសុក្របានថ្លែងសារជាថ្មីនូវការប្តេជ្ញាចិត្តរបស់លោក ក្នុងការនាំយកអ្នកទទួលខុសត្រូវចំពោះការវាយប្រហារដ៏ឃោរឃៅលើទីក្រុង Vinnytsia មកកាត់ទោស។ ការវាយប្រហារដោយមីស៊ីលកាលពីថ្ងៃព្រហស្បតិ៍ទៅលើទីក្រុង Vinnytsia បណ្តាលឲ្យមនុស្សយ៉ាងហោចណាស់ 23នាក់ស្លាប់រួមមានទាំងកុមារ 3នាក់ជាក្មេងស្រីអាយុ 4ឆ្នាំ និងក្មេងប្រុស 2នាក់អាយុ 7ឆ្នាំនិង 8ឆ្នាំ។ ជាមួយគ្នានេះលោក Zelenskyy បានថ្កោលទោសការវាយប្រហារកាលពីថ្ងៃសុក្រលើទីក្រុង Mykolaiv ភាគខាងត្បូង។ អាជ្ញាធរនៅក្នុងទីក្រុង Mykolaiv បាននិយាយថា ការផ្ទុះយ៉ាងហោចណាស់ 10លើកបានកើតឡើងនៅក្នុងទីក្រុងភាគខាងត្បូងកាលពីពេលយប់ ដោយចោទប្រកាន់ប្រទេសរុស្ស៊ីថាបានវាយប្រហារលើសាកលវិទ្យាល័យ។ក្រុមអ្នកជួយសង្គ្រោះនៅតែបន្តរុះរើតាមគំនរបាក់បែក កាលពីថ្ងៃសុក្រស្វែងរកអ្នកដែលបាត់ខ្លួន បន្ទាប់ពីការវាយប្រហារដោយមីស៊ីលរបស់រុស្ស៊ីបណ្តាលមនុស្សយ៉ាងហោចណាស់ 23នាក់ស្លាប់ និងជាង 100នាក់រងរបួសនៅក្នុងទីក្រុងភាគកណ្តាលរបស់អ៊ុយក្រែន។ ការវាយប្រហារដោយមីស៊ីលពីនាវាមុជទឹករុស្ស៊ី ដែលបានបាញ់កាលពីថ្ងៃព្រហស្បតិ៍លើទីក្រុង Vinnytsia របស់អ៊ុយក្រែន គឺជាការវាយប្រហារដែលបានឆក់យកជីវិតជនស៊ីវិល និងបណ្តាលឲ្យមានការថ្កោលទោសពីអន្តរជាតិ៕អត្ថបទ៖ ប៊ុនថន

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

ភ្នំពេញ៖ នៅព្រឹកថ្ងៃទី១៦ ខែកក្កដា ឆ្នាំ២០២២ គណបក្សប្រជាជនកម្ពុជា បានប្រារព្ធសន្និបាតវិសាមញ្ញរបស់គណៈកម្មាធិការកណ្ដាលគណបក្ស នៅវិមាន៧មករា រយ:ពេលពីរថ្ងៃនៅថ្ងៃទី ១៦ និង ១៧ ខែកក្កដា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា, សម្ដេចអគ្គមហាពញ្ញាចក្រី ហេង សំរិន ប្រធានកិត្តយសគណបក្សប្រជាជនកម្ពុជា, សម្ដេចក្រឡាហោម ស ខេង, សម្ដេចវិបុលសេនាភក្ដី សាយ ឈុំ, សម្ដេចពិជ័យសេនា ទៀ បាញ់, លោកជំទាវ កិត្តិសង្គហបន្ឌិត ម៉ែន សំអន អនុប្រធានគណបក្ស និងមានការចូលរួមពីសមាជិកគណកម្មាធិការកណ្ដាលគណបក្ស ចំនួន ៧៤៣រូប លើ ៨៦៥រូប ។អង្គសន្និបាតក៏បានបើកទូលាយដោយមានការអញ្ជើញឯកឧត្តម លោកជំទាវជាសមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល មន្ត្រីជាន់ខ្ពស់មួយចំនួននៅតាមក្រសួង-ស្ថាប័នរាជធានី-ខេត្ត ក្រុង ស្រុក ខណ្ឌ អង្គការមហាជន ក្រុមការងារចុះជួយមូលដ្ឋាន ឱ្យចូលរួម និងមានការផ្តល់វេទិបញ្ចេញមតិពិភាក្សាលើរបាយការណ៍ សំដៅស្វែងរកចំណុចខ្លាំង និងចំណុចខ្សោយ និងកំណត់ទិសដៅសម្រាប់ភារកិច្ចនៅពេលបន្តទៀត ក្នុងនោះមានចំនួនសរុប ៣.៤៧៤រូប។ឯកឧត្តម ម៉ម សារិន នាយកខុទ្ទកាល័យគណបក្សប្រជាជនកម្ពូជានិងជាគណ:ចាត់តាំងកម្មវិធី សន្និបាតបានបញ្ជាក់ថា៖អង្គសន្និបាត បានធ្វើឡើងនាពេលនេះ ស្របពេលដែលគណបក្សទទួលបានជោគជ័យក្នុងការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ នាពេលថ្មីៗកន្លងមកនេះ។ថ្លែងបើកសន្និបាត សម្ដេចតេជោ ហ៊ុន សែន ប្រធានគណបក្ស បានលើកឡើងថា សន្និបាតនៅពេលនេះ បានបើកទូលាយទាំងគណៈកម្មាធិការកណ្ដាលផង និងមន្ត្រីនៅថ្នាក់មូលដ្ឋានមកចូលរួមជាមួយផងដែរ។ សម្ដេចប្រធានបានបន្តថា ដោយសារស្ថានភាពនៃវិបត្តិជំងឺកូវីដ-១៩ បានរំខានដល់ការជួបជុំរបស់យើង ហើយស្ថានភាពនេះបានធូស្រាល យើងក៏មានការជួបជុំនៅពេលនេះ។ សម្ដេចតេជោ បានបញ្ជាក់ថា ការបើកសន្និបាតនាពេលនេះ ក៏ដើម្បីស្វែងរកចំណុចខ្លាំង និងចំណុចខ្សោយស្វែងរកហេតុ និងផល ក្នុងការបោះឆ្នោតក្រុមប្រឹក្សាឃុំ-សង្កាត់ អាណត្តិទី៥ កន្លងមក ហើយនឹងពិភាក្សាពីគោលដៅ ដើម្បីបំពេញបន្ថែម ឈានទៅរកការឈ្នះឆ្នោតក្នុងការបោះឆ្នោតតំណារាស្ត្រ នាឆ្នាំ២០២៣ ពេលខាងមុខនេះ។ សម្ដេចពញាចក្រី ហេង សំរិន ប្រធានកិត្តិយសគណបក្ស បានថ្លែងថា លទ្ធផលនៃការអនុវត្តទិសដៅ គោលការណ៍ គោលនយោបាយ សេចក្ដីណែនាំ និងសេចក្ដីសម្រេចចិត្តនានារបស់ថ្នាក់កណ្ដាលបានធ្វើឱ្យតួនាទីដឹកនាំរបស់គណបក្សកាន់តែលេចធ្លោទាំងនៅក្នុង និងក្រៅប្រទេស ហើយជោគជ័យនៃការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ ឆ្នាំ២០២២ បញ្ជាក់ថា ប្រជាជនកម្ពុជា នៅតែត្រូវការតួនាទីរបស់គណបក្សប្រជាជនបន្តទៀតក្នុងការដឹកនាំកម្ពុជា។ សម្ដេចពញាចក្រីក៏បានលើកឡើងអំពីលក្ខណៈពិសេសរបស់គណបក្សប្រជាជនថា៖ជាគណបក្សដែលមានភាពត្រឹមត្រូវខាងនយោបាយ មានការគាំទ្រពីប្រជាជន មានរចនាសម្ព័ន្ធចាត់តាំងរឹងមាំ ធនធានមនុស្សប្រកបដោយគុណធម៌ និងសមត្ថភាពសាមគ្គីភាព ឯកភាពផ្ទៃក្នុងរឹងមាំ និងមានរបៀបធ្វើការងារត្រឹមត្រូវ។ ទាំងអស់នេះធ្វើឱ្យយើងជម្នះបាននូវការលំបាកទាំងឡាយ ជាពិសេសធ្វើឱ្យបរាជ័យនូវរាល់ឧបាយកលរបស់ពួកប្រឆាំងជ្រុលនិយម ដែលតែងយកជើងរាទឹក និងប៉ុនប៉ងបំផ្លាញដល់ដំណើរការដឹកនាំរបស់គណបក្សប្រជាជនកម្ពុជា។សម្ដេចពញាចក្រី បានបញ្ជាក់ថា កម្មវត្ថុនៃការពិភាក្សារបស់អង្គសន្និបាតនៅពេលនេះ គឺជាការស្វែងរកឱ្យឃើញនូវរាល់ហេតុ និងផលទាក់ទងដល់លទ្ធផលនៃការបោះឆ្នោតជ្រើសរើសក្រុមប្រឹក្សាឃុំសង្កាត់ក្នុងឆ្នាំនេះ ដើម្បីមានមូលដ្ឋានជំរុញធ្វើឱ្យគណបក្សទទួលបានជ័យជម្នះនៅការបោះឆ្នោតជ្រើសតាំងតំណាងរាស្ត្រនៅឆ្នាំ២០២៣ ខាងមុខ។សម្ដេចវិបុលសេនាភក្ដី សាយ ឈុំ អនុប្រធាន និងជាអគ្គលេខាបក្ស បានលើកឡើងថា ឆ្លងកាត់ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ ថ្ងៃទី៥ ខែមិថុនា ឆ្នាំ២០២២ បានឆ្លុះបញ្ចាំងពីភាពចាស់ទុំនយោបាយនៃដំណើការប្រជាធិបតេយ្យសេរី ពហុបក្សនៅកម្ពុជា ស្របតាមរដ្ឋធម្មនុញ្ញ និងច្បាប់របស់កម្ពុជា។ ជោគជ័យនេះបានបង្ហាញនូវការគាំទ្រដ៏រឹងមាំ និងការផ្ដល់យុត្តិធម៌ពីប្រជាជនដល់គណបក្ស។សម្ដេចវិបុលសេនាភក្ដី បានបញ្ជាក់ថា យើងមិនត្រូវមានមោទនភាពពេក ចំពោះលទ្ធផលបោះឆ្នោតនេះទេ ដោយយើងត្រូវប្រឹងប្រែងពុះពារជម្នះ ហើយបន្តធ្វើសកម្មភាពឥតថមថយប្រកបដោយប្រសិទ្ធភាពទាំងក្នុងការអនុវត្តកម្មវិធីនយោបាយ ទាំងក្នុងការកសាងពង្រឹងគណបក្សទាំងការផ្សារភ្ជាប់បម្រើប្រជាជន ហើយព្យាយាមលុបបំបាត់នូវបាតុភាពអសកម្មដែលធ្វើឱ្យប្រជាជនថ្នាំងថ្នាក់ដើម្បីធានាមូលដ្ឋានដ៏រឹងមាំសម្រាប់ជ័យជម្នះរបស់គណបក្សយើង។ សូមជម្រាបថា គណបក្សប្រជាជនកម្ពុជា មានសមាជិកគណកម្មាធិការកណ្ដាលចំនួន ៨៦៥រូប តែមកដល់ថ្ងៃនេះ មានសមាជិក បានទទួលមរណភាព និងសុំលាឈប់ពីគណបក្ស ទៅធ្វើជាសមាជិកគណកម្មាធិការជាតិរៀបចំការបោះឆ្នោត ដោយបច្ចុប្បន្ន មានសមាជិកគណកម្មាធិការកណ្ដាលនៅសល់ចំនួន ៨២៦រូប ៕

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានថ្កោលទោសការវាយប្រហារដោយមីស៊ីលរបស់រុស្ស៊ីលើទីក្រុង Vinnytsia ភាគកណ្តាលប្រទេសអ៊ុយក្រែន បណ្តាលឲ្យមនុស្សយ៉ាងហោចណាស់ 23នាក់ស្លាប់ក្នុងនោះមានកុមារ 3នាក់ និងរងរបួសជាង 100នាក់កាលពីថ្ងៃព្រហស្បតិ៍។ លោក Zelenskyy បានចោទប្រកាន់រុស្សីពីការបាញ់ផ្លោងមីស៊ីលទៅលើជនស៊ីវិលដោយចេតនា និងបានអំពាវនាវជាថ្មីម្តងទៀតសម្រាប់រុស្ស៊ីឲ្យត្រូវបានគេប្រកាសថា ជារដ្ឋគាំទ្រភេរវកម្ម។ ក្រុមមន្ត្រីបាននិយាយថា មីស៊ីល Kalibr បំពាក់លើនាវា ត្រូវបានបាញ់ចេញពីនាវាមុជទឹករុស្ស៊ីនៅសមុទ្រខ្មៅ ដែលបានវាយប្រហារអគារលំនៅឋានជនស៊ីវិលក្នុងទីក្រុង Vinnytsia ជាទីក្រុងមានចម្ងាយ 268គីឡូម៉ែត្រភាគនិរតីរដ្ឋធានី Kyiv។ អភិបាលក្រុង Vinnytsia លោក Serhiy Borzov បាននិយាយថា ប្រព័ន្ធការពារដែនអាកាសរបស់អ៊ុយក្រែនបានបាញ់ទម្លាក់មីស៊ីល 2គ្រាប់ក្នុងចំណោមមីស៊ីល 4គ្រាប់របស់រុស្សីដែលបាញ់ចូលមក។ស្នងការនគរបាលជាតិលោក Ihor Klymenko បាននិយាយថា រហូតមកដល់ពេលនេះមានតែសាកសព 6នាក់ប៉ុណ្ណោះត្រូវបានគេកំណត់អត្តសញ្ញាណ ខណៈមនុស្ស 39នាក់នៅបាត់ខ្លួននៅឡើយ។ ការវាយប្រហារនេះបានកើតឡើង ខណៈដែលមន្ត្រីរដ្ឋាភិបាលមកពីប្រទេសប្រមាណ 40 បានជួបប្រជុំគ្នានៅទីក្រុងឡាអេ ប្រទេសហូឡង់ ដើម្បីពិភាក្សាអំពីការសម្របសម្រួលការស៊ើបអង្កេត និងការកាត់ទោសឧក្រិដ្ឋកម្មសង្គ្រាមដែលកើតមាននៅក្នុងប្រទេសអ៊ុយក្រែន។ លោក Zelenskyy បានអំពាវនាវឱ្យបង្កើតយន្តការមួយ សម្រាប់ការរឹបអូសទ្រព្យសម្បត្តិរបស់រុស្ស៊ីនៅជុំវិញពិភពលោក និងប្រើប្រាស់ទ្រព្យសម្បត្តិនេះ ដើម្បីផ្តល់សំណងដល់ជនរងគ្រោះដោយភេរវកម្មរុស្ស៊ី៕អត្ថបទ៖ ប៊ុនថន

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ស្រីលង្កា៖ ក្រុមអ្នកតវ៉ាបានចាកចេញពីអគាររដ្ឋាភិបាលនានា កាលពីថ្ងៃព្រហស្បតិ៍ក្នុងប្រទេសស្រីលង្កា ដោយបានស្ដារឡើងវិញនូវភាពស្ងប់ស្ងាត់ចំពោះប្រទេសដែលធ្លាក់ក្នុងវិបត្តិសេដ្ឋកិច្ច ហើយចុងក្រោយប្រធានាធិបតីដែលរងសម្ពាធខ្លាំងរូបនេះ បានផ្ញើសារអេឡិចត្រូនិកពីការលាលែងពីតំណែង ដែលក្រុមបាតុករបានស្វែងរកអស់ជាច្រើនខែមកនេះ។ ក្រុមអ្នកតវ៉ាបានចាកចេញពីវិមានប្រធានាធិបតី នៅក្នុងមជ្ឈមណ្ឌលពាណិជ្ជកម្ម Fort ក្រោយការស្រែកពាក្យស្លោកខ្លាំងៗគាំទ្រការតស៊ូ ដើម្បីផ្ដួលរំលំរដ្ឋាភិបាលរបស់លោកប្រធានាធិបតី Gotabaya Rakapaksa។ ប្រធានាធិបតី Gotabaya Rajapaksa បានភៀសខ្លួនមួយថ្ងៃមុននេះក្រោមសម្ពាធពីក្រុមបាតុករ ដែលខឹងសម្បារចំពោះការដួលរលំសេដ្ឋកិច្ចរបស់ប្រទេសកោះមួយនេះ។ យោងតាមមន្ត្រីម្នាក់បានឲ្យដឹងថា លោកប្រធានាធិបតីរូបនេះបានផ្ញើលិខិតលាលែងពីតំណែង មួយថ្ងៃយឺតជាងការសន្យា។ប៉ុន្តែដោយមានការប្រឆាំងដ៏ខ្លាំងក្លា និងភាពច្របូកច្របល់ថា អ្នកណាជាអ្នកទទួលខុសត្រូវចំពោះការដោះស្រាយបញ្ហាជាច្រើនរបស់ប្រទេសនេះ ទំនងជាមិនទាន់អាចខិតទៅជិតដំណោះស្រាយទម្លាយវិបត្តិនេះទេ បន្ទាប់ពីការលាលែងរបស់លោក Rajapaksa។ ហើយលោកប្រធានាធិបតីបានធ្វើឱ្យហ្វូងមនុស្សកាន់តែខឹងសម្បារ ដោយធ្វើឱ្យនាយករដ្ឋមន្ត្រីរបស់លោកក្លាយជាមេដឹកនាំស្តីទី។ ក្រុមបាតុករបានជំរុញឱ្យមេដឹកនាំទាំងពីរចាកចេញ និងបង្កើតរដ្ឋាភិបាលរួបរួមមួយដើម្បីដោះស្រាយវិបត្តិសេដ្ឋកិច្ច ដែលបានបង្កឱ្យមានកង្វះខាតស្បៀងអាហារ ប្រេងឥន្ធនៈ និងតម្រូវការផ្សេងៗទៀត៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

កម្ពុជាទទួលបានមេដាយមាស ប្រាក់ សំរឹទ្ធ និងពាន៣ ពីការប្រឡងកម្មវិធី The Young Master Challenge Global Final 2026 នៅចក្រភពអង់គ្លេស

រុស្ស៊ី-កម្ពុជា បន្តទំនាក់ទំនងដ៏រឹងមាំលើវិស័យអប់រំ វប្បធម៌ កសិកម្ម ថាមពល ការពារជាតិ និងពាណិជ្ជកម្ម

[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត

ក្រសួង និងអ្នកជំនាញ រួមគ្នាពង្រឹងគុណភាពសំណង់នៅកម្ពុជា ឆ្លើយតបតម្រូវការបច្ចុប្បន្ន

[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់

រដ្ឋមន្ត្រីក្រសួងបរិស្ថាន៖ ថ្នាក់ដឹកនាំ និងមន្រ្តីក្រសួងបរិស្ថាននឹងបន្តដឹកនាំវិស័យបរិស្ថានឱ្យកាន់តែរីកចម្រើន

រដ្ឋមន្ត្រីនៃគណៈទាក់ទងការបរទេសបក្សកុម្មុយនីស្តចិនបានលើកឡើងថា ប្រជាជនចិនបានចាត់ទុកសម្ដេចតេជោ គឺជាមិត្តដ៏ល្អរបស់ចិន

ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន បានហៅទំនាក់ទំនងកម្ពុជា និងចិនថា ជាទំនាក់ទំនងមិត្តចាស់ មិត្តដែកថែប ដែលតែងតែជួយយកអាសាគ្នាទៅវិញទៅមក

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

ប៉ាឡេស្ទីនរិះគន់ការជំរុញរបស់អ៊ីស្រាអែល ដើម្បីគ្រប់គ្រងទីតាំងបុរាណនៅតំបន់វ៉េសប៊ែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

អឺរ៉ុបព្យាយាមទប់ទល់ភ្លើងឆេះព្រៃក្នុងរលកកម្ដៅដ៏ខ្ពស់ដែលបានឆក់យកជីវិតមនុស្សយ៉ាងហោចណាស់ ១ពាន់នាក់

រុស្ស៊ីត្រៀមវាយលុកដំណាក់កាលបន្ទាប់លើអ៊ុយក្រែនជាការប្រឈមពីអាវុធថ្មីរបស់លោកខាងលិច

មនុស្ស ៣នាក់ស្លាប់ និង ៥នាក់បាត់ខ្លួនក្នុងគ្រោះទឹកជំនន់នៅភាគឦសានប្រទេសចិន

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​ត្រៀម​វាយលុក​ដំណាក់កាល​បន្ទាប់​លើ​អ៊ុយ​ក្រែ​ន​ជា​ការ​ប្រឈម​ពី​អាវុធ​ថ្មី​របស់​លោក​ខាងលិច

មនុស្ស​ ៣​នាក់​ស្លាប់ និង​ ៥​នាក់​បាត់​ខ្លួន​ក្នុង​គ្រោះ​ទឹកជំនន់​នៅ​ភាគ​ឦសាន​ប្រទេស​ចិន

មនុស្ស​ ៨៤នាក់​ស្លាប់​ក្នុង​រយៈពេល ៣ថ្ងៃ​ដំបូង​ដោយ​រលក​កម្ដៅ​នៅ​ប្រទេស​អេ​ស្ប៉ា​ញ

លោក Zelenskyy សន្យា​នាំ​យក​អ្នកទទួលខុសត្រូវ​ការ​វាយប្រហារ​នៅ​ទីក្រុង​របស់​អ៊ុយ​ក្រែ​ន​មក​កាត់ទោស

គណបក្សប្រជាជនកម្ពុជា បើកសន្និបាត វិសាមញ្ញ ដើម្បីកំណត់ទិសដៅទៅការបោះឆ្នោតឆ្នាំ២០២៣

លោក Zelenskyy ថ្កោលទោស​រុស្ស៊ី បន្ទាប់ពី​ការវាយប្រហារ​ក្រុង ​Vinnytsia បណ្ដាល​ឲ្យ​មនុស្ស 23​នាក់​ស្លាប់​

ស្ថានភាព​នៅ​ស្រីលង្កា​ហាក់​ស្ងប់ស្ងាត់ ក្រោយ​ប្រធានាធិបតី​លាលែង​ពី​តំណែង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីត្រៀមវាយលុកដំណាក់កាលបន្ទាប់លើអ៊ុយក្រែនជាការប្រឈមពីអាវុធថ្មីរបស់លោកខាងលិច

មនុស្ស ៣នាក់ស្លាប់ និង ៥នាក់បាត់ខ្លួនក្នុងគ្រោះទឹកជំនន់នៅភាគឦសានប្រទេសចិន

មនុស្ស ៨៤នាក់ស្លាប់ក្នុងរយៈពេល ៣ថ្ងៃដំបូងដោយរលកកម្ដៅនៅប្រទេសអេស្ប៉ាញ

លោក Zelenskyy សន្យានាំយកអ្នកទទួលខុសត្រូវការវាយប្រហារនៅទីក្រុងរបស់អ៊ុយក្រែនមកកាត់ទោស

លោក Zelenskyy ថ្កោលទោសរុស្ស៊ី បន្ទាប់ពីការវាយប្រហារក្រុង Vinnytsia បណ្ដាលឲ្យមនុស្ស 23នាក់ស្លាប់

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង