BTV NEWS

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន

សម្ដេចតេជោ ហ៊ុន សែន អញ្ជើញចូលក្រាបថ្វាយបង្គុំគាល់ព្រះករុណាព្រះមហាក្សត្រ និងសម្តេចព្រះមហាក្សត្រី

សម្តេចតេជោអញ្ជើញជួបពិភាក្សាការងារជាមួយប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន

សម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់ អញ្ជើញទៅបំពេញទស្សនកិច្ចផ្លូវការ នៅប្រទេសចិន នាព្រឹកថ្ងៃនេះ

ព័ត៌មានសំខាន់ៗ

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ស្រីលង្កា៖ ក្រុមអ្នកតវ៉ាបានចាកចេញពីអគាររដ្ឋាភិបាលនានា កាលពីថ្ងៃព្រហស្បតិ៍ក្នុងប្រទេសស្រីលង្កា ដោយបានស្ដារឡើងវិញនូវភាពស្ងប់ស្ងាត់ចំពោះប្រទេសដែលធ្លាក់ក្នុងវិបត្តិសេដ្ឋកិច្ច ហើយចុងក្រោយប្រធានាធិបតីដែលរងសម្ពាធខ្លាំងរូបនេះ បានផ្ញើសារអេឡិចត្រូនិកពីការលាលែងពីតំណែង ដែលក្រុមបាតុករបានស្វែងរកអស់ជាច្រើនខែមកនេះ។ ក្រុមអ្នកតវ៉ាបានចាកចេញពីវិមានប្រធានាធិបតី នៅក្នុងមជ្ឈមណ្ឌលពាណិជ្ជកម្ម Fort ក្រោយការស្រែកពាក្យស្លោកខ្លាំងៗគាំទ្រការតស៊ូ ដើម្បីផ្ដួលរំលំរដ្ឋាភិបាលរបស់លោកប្រធានាធិបតី Gotabaya Rakapaksa។ ប្រធានាធិបតី Gotabaya Rajapaksa បានភៀសខ្លួនមួយថ្ងៃមុននេះក្រោមសម្ពាធពីក្រុមបាតុករ ដែលខឹងសម្បារចំពោះការដួលរលំសេដ្ឋកិច្ចរបស់ប្រទេសកោះមួយនេះ។ យោងតាមមន្ត្រីម្នាក់បានឲ្យដឹងថា លោកប្រធានាធិបតីរូបនេះបានផ្ញើលិខិតលាលែងពីតំណែង មួយថ្ងៃយឺតជាងការសន្យា។ប៉ុន្តែដោយមានការប្រឆាំងដ៏ខ្លាំងក្លា និងភាពច្របូកច្របល់ថា អ្នកណាជាអ្នកទទួលខុសត្រូវចំពោះការដោះស្រាយបញ្ហាជាច្រើនរបស់ប្រទេសនេះ ទំនងជាមិនទាន់អាចខិតទៅជិតដំណោះស្រាយទម្លាយវិបត្តិនេះទេ បន្ទាប់ពីការលាលែងរបស់លោក Rajapaksa។ ហើយលោកប្រធានាធិបតីបានធ្វើឱ្យហ្វូងមនុស្សកាន់តែខឹងសម្បារ ដោយធ្វើឱ្យនាយករដ្ឋមន្ត្រីរបស់លោកក្លាយជាមេដឹកនាំស្តីទី។ ក្រុមបាតុករបានជំរុញឱ្យមេដឹកនាំទាំងពីរចាកចេញ និងបង្កើតរដ្ឋាភិបាលរួបរួមមួយដើម្បីដោះស្រាយវិបត្តិសេដ្ឋកិច្ច ដែលបានបង្កឱ្យមានកង្វះខាតស្បៀងអាហារ ប្រេងឥន្ធនៈ និងតម្រូវការផ្សេងៗទៀត៕អត្ថបទ៖ សុខមាន

ឯកឧត្តម លី ធុជ ៖ ខេត្តប្រវត្តិសាស្រ្តត្បូងឃ្មុំ នឹងក្លាយជាខេត្តអស់មីនដំបូង ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម”

ត្បូងឃ្មុំ៖ ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន ក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី និងជាប្រធានអាជ្ញាធរមីន កាលពីថ្ងៃទី១៥ ខែកក្កដា ឆ្នាំ២០២២ បានជួបសំណេះសំណាលជាមួយកម្លាំងបោសសម្អាតមីននៃមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាព បោសសម្អាតមីន និងកាកសំណល់សង្រ្គាម (NPMEC) និងបេីកការដ្ឋានបោសសម្អាតមីននៅខេត្តត្បូងឃ្មុំ។ឯកឧត្តម ទេសរដ្ឋមន្រ្តី លី ធុជ បានបញ្ជាក់ថា ខេត្តប្រវត្តិសាស្រ្តត្បូងឃ្មុំ នឹងក្លាយជាខេត្តអស់មីនដំបូង ក្រោមការគាំទ្រពីគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ។ឯកឧត្តមទេសរដ្ឋមន្រ្តី បានលើកឡើងថា ខេត្តត្បូងឃ្មុំ ជាខេត្តប្រវត្តិសាស្រ្ត ដែលសម្តេចតេជោ បានសម្រេចចិត្ត និងពលីសាច់ស្រស់ ឈាមស្រស់ ដើម្បីរំដោះប្រទេសជាតិ និងសង្រ្គោះប្រជាពលរដ្ឋចេញពីរបបប្រល័យពូជសាសន៍កាលពីឆ្នាំ១៩៧៧ ហើយខេត្តត្បូងឃ្មុំ ក៏ជាខេត្តមួយដែលរងផលប៉ះពាល់ច្រើនដោយសារគ្រាប់មីន និងសំណល់ជាតិផ្ទុះពីសង្រ្គាម។ អាជ្ញាធរមីន បានចាត់ទុកខេត្តត្បូងឃ្មុំនេះ ជាខេត្តអាទិភាពក្នុងការអនុវត្តគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ដើម្បីប្រកាសជាខេត្តអស់មីន ក្រោមអធិបតីភាពរបស់ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងមេបញ្ជាការកងទ័ពជើងគោក ក្នុងរយៈពេល ៦ ខែ ខាងមុខនេះ។ឯកឧត្តមទេសរដ្ឋមន្រ្តី បានស្នើសុំឲ្យកងកម្លាំងរក្សាសន្តិភាព NPMEC ត្រូវបោសសម្អាត និងកម្ទេចគ្រាប់មីនឲ្យអស់ចេញពីទឹកដីដែលពោរពេញដោយប្រវត្តិសាស្រ្តនេះ។ ជាមួយគ្នានេះ ឯកឧត្តមទេសរដ្ឋមន្រ្តី បានវាយតម្លៃខ្ពស់ចំពោះកងកម្លាំងរក្សាសន្តិភាព NPMEC ដែលបាននាំមកនូវកិត្តិយសជូនជាតិមាតុភូមិ និងនាំយកទង់ជាតិកម្ពុជានៅឆាកអន្តរជាតិ ជាពិសេសចូលរួមផ្តល់នូវសុខសុវត្ថិភាព ផ្តល់សេចក្តីសុខ និងផ្តល់សុខដុមរមនាដល់ប្រទេសនិងប្រជាជនទាំងឡាយណា ដែលធ្លាប់រងគ្រោះដោយសារសង្រ្គាមដូចកម្ពុជា និងដល់ប្រទេសណាដែលមានតម្រូវការ ក្នុងក្របខណ្ឌអង្គការសហប្រជាជាតិ។ឯកឧត្តមទេសរដ្ឋមន្រ្តី បានបញ្ជាក់បន្ថែមទៀតថា ក្រោមចលនាជាតិរបស់សម្តេចតេជោនាយករដ្ឋមន្រ្តី មានប្រជាជនគ្រប់ទិសទី បានគាំទ្រ និងចូលរួមយ៉ាងផុសផុលបរិច្ចាគវិភាគទានផ្ទាល់ខ្លួន ក្នុងការចូលរួមដោះស្រាយបញ្ហាគ្រាប់មីននៅកម្ពុជា និងឆ្ពោះទៅកម្ពុជាសូន្យមីននៅឆ្នាំ២០២៥៕

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី

ស្រីលង្កា៖ ប្រធានាធិបតីស្រីលង្កាលោក Gotabaya Rajapaksa បានដាក់លិខិតលាលែងពីតំណែងក្រោយប្រភពចំនួន២ ពីរដ្ឋាភិបាលបាននិយាយកាលពីថ្ងៃព្រហស្បតិ៍ថា បន្ទាប់ពីលោកបានគេចខ្លួនទៅកាន់ប្រទេសសិង្ហបុរី ក្រោយការតវ៉ាធំៗជាច្រើនជុំវិញការដួលរលំសេដ្ឋកិច្ចរបស់ប្រទេសដីកោះមួយនេះ។ គេជឿថា លោកមានបំណងចាកចេញពីប្រទេសស្រីលង្កាមុនការចុះចេញពីតំណែង ដើម្បីគេចចេញពីការចាប់ខ្លួនដែលអាចនឹងកើតឡើងក្រោមរដ្ឋបាលថ្មី។ ប្រភព ២ បាននិយាយថា លោក Rajapaksa បានផ្ញើលិខិតលាលែងពីតំណែងតាមសារអេឡិចត្រូនិក ទៅកាន់ប្រធានសភារបស់ប្រទេសនេះកាលពីព្រលប់ថ្ងៃព្រហស្បតិ៍។ ការិយាល័យរបស់ប្រធានសភាបាននិយាយថា ខ្លួននឹងផ្ទៀងផ្ទាត់ភាពត្រឹមត្រូវរបស់លិខិតនេះ ពីភាពពេញលេញគ្រប់ជ្រុងជ្រោយទាំងអស់សម្រាប់ដំណើរការស្របច្បាប់ និងប្រកាសជាផ្លូវការអំពីការលាលែងពីតំណែងរបស់លោក Rajapaksa នៅថ្ងៃសុក្រនេះ។ ក្នុងរដ្ឋធានីពាណិជ្ជកម្ម Colombo ទាហានបានល្បាតតាមដងផ្លូវនានាដើម្បីអនុវត្តច្បាប់បម្រាមគោចរ។យោងតាមបុគ្គលម្នាក់ដែលដឹងពីស្ថានភាពនេះ លោក Rajapaksa ដែលបានភៀសខ្លួនទៅកាន់ប្រទេសម៉ាល់ឌីវកាលពីថ្ងៃពុធ គេចចេញពីការបះបោរដ៏ធំក្នុងវិបត្តិសេដ្ឋកិច្ចដ៏ធ្ងន់ធ្ងរបំផុតក្រោមការដឹកនាំរបស់លោក បានធ្វើដំណើរទៅកាន់ប្រទេសសិង្ហបុរីតាមជើងហោះហើរ របស់ក្រុមហ៊ុនអាកាសចរណ៍អារ៉ាប៊ីសាអ៊ូឌីត។ អ្នកដំណើរម្នាក់នៅលើជើងហោះហើរ ដែលសុំមិនបញ្ចេញឈ្មោះបានប្រាប់សារព័ត៌មាន Reuters ថា លោក Rajapaksa ត្រូវបានជួបសន្តិសុខមួយក្រុម និងត្រូវគេឃើញចាកចេញពីកន្លែងទទួលភ្ញៀវពិសេស នៅព្រមានយន្តហោះតាមក្បួនរថយន្តពណ៌ខ្មៅ។ បុគ្គលិកក្រុមហ៊ុនអាកាសចរណ៍នៅលើជើងហោះហើរនោះបានប្រាប់សារព័ត៌មាន Reuters ថា ប្រធានាធិបតីរូបនេះដែលបានស្លៀកសម្លៀកបំពាក់ពណ៌ខ្មៅ បានធ្វើដំណើរតាមយន្តហោះពាណិជ្ជកម្មជាមួយភរិយារបស់លោក និងអង្គរក្ស ២នាក់ដែលពិពណ៌នាពីរូបលោកថាមានភាពស្ងប់ស្ងាត់ និងរួសរាយរាក់ទាក់៕អត្ថបទ៖ សុខមាន

UN មើលឃើញភាពរីកចម្រើនក្នុងការនាំចេញគ្រាប់ធញ្ញជាតិអ៊ុយក្រែន ខណៈលោក Zelenskyy លើកឡើងអំពីវិបត្តិស្បៀងអាហារ

ទួរគី៖ អង្គការសហប្រជាជាតិបានរាយការណ៍ពីជំហានឆ្ពោះទៅមុខ ក្នុងកិច្ចពិភាក្សាទល់មុខគ្នាដោយផ្ទាល់លើកដំបូងក្នុងរយៈពេលជាច្រើនខែមកនេះរវាងរុស្ស៊ី និងអ៊ុយក្រែនស្តីពីផែនការបើកច្រកនាំចេញគ្រាប់ធញ្ញជាតិរបស់អ៊ុយក្រែន។ មន្ត្រីមកពីប្រទេសរុស្ស៊ី អ៊ុយក្រែន និងទួរគី រួមទាំងបេសកជនអង្គការសហប្រជាជាតិបានជួបប្រជុំគ្នាកាលពីថ្ងៃពុធ នៅទីក្រុងអ៊ីស្តង់ប៊ុលប្រទេសទួរគី ដើម្បីពិភាក្សាអំពីផែនការនាំចេញគ្រាប់ធញ្ញជាតិអ៊ុយក្រែន ទៅកាន់ទីផ្សារពិភព លោកតាមច្រកសមុទ្រខ្មៅ។ អ៊ុយក្រែនជាប្រទេសនាំចេញស្រូវសាលី ពោត និងប្រេងផ្កាឈូករ័ត្នធំបំផុតមួយរបស់ពិភពលោក។ សង្គ្រាមធ្វើឲ្យបានជាប់គាំងគ្រាប់ធញ្ញជាតិប្រមាណ 22លានតោននៅក្នុងប្រទេសអ៊ុយក្រែន ដែលបានបណ្តាលឲ្យប៉ះពាល់ដល់ការផ្គត់ផ្គង់ស្បៀងអាហារនៅក្នុងប្រទេសកំពុងអភិវឌ្ឍន៍ជាច្រើន និងឡើងថ្លៃតម្លៃស្បៀងអាហារពិភពលោក។ប្រធានាធិបតីអ៊ុយក្រែនលោក Volodymyr Zelenskyy កាលពីថ្ងៃពុធបានរាយការណ៍ពីភាពរីកចម្រើននេះដែរ លើកិច្ចពិភាក្សានៅក្នុងប្រទេសទួរគី ដើម្បីអនុញ្ញាតឱ្យមានការនាំចេញផលិតផលកសិកម្ម ពីប្រទេសរបស់លោកតាមរយៈសមុទ្រខ្មៅ។ លោកបាននិយាយថា គណៈប្រតិភូអ៊ុយក្រែនបានរាយការណ៍មកលោកថា មានការរីកចម្រើនក្នុងកិច្ចពិភាក្សានេះ។ លោក Zelenskyy បានអរគុណចំពោះអង្គការសហប្រជាជាតិ និងប្រទេសទួរគីសម្រាប់ការខិតខំប្រឹងប្រែងនេះ។ ជោគជ័យនៃការនាំចេញគ្រាប់ធញ្ញជាតិគឺចាំបាច់មិនត្រឹមតែរដ្ឋរបស់យើងនោះទេ ហើយប្រសិនបើការគំរាមកំហែងរបស់រុស្ស៊ី ចំពោះការដឹកជញ្ជូននៅសមុទ្រខ្មៅអាចត្រូវបានដកចេញ នោះវានឹងបន្ធូរបន្ថយវិបត្តិស្បៀងអាហារធ្ងន់ធ្ងរពិភពលោក៕អត្ថបទ៖ ប៊ុនថន

វិបត្តិសេដ្ឋកិច្ច និងនយោបាយដ៏ធ្ងន់ធ្ងរបំផុតនៅស្រីលង្កាមិនធ្លាប់មានក្នុងពេលជាច្រើនទសវត្សរ៍

ស្រីលង្កា៖ ប្រទេសស្រីលង្កាត្រូវបានជាប់គាំងក្នុងវិបត្តិនយោបាយ និងសេដ្ឋកិច្ចដ៏ធ្ងន់ធ្ងរ ហើយប្រធានាធិបតីរបស់ប្រទេសនេះបានចាកចេញពីប្រទេស ប៉ុន្មានថ្ងៃបន្ទាប់ពីក្រុមអ្នកតវ៉ាដ៏ច្រើនបានសម្រុកចូលវិមានរបស់លោក។ ប្រទេសកោះដែលមានប្រជាជន ២២លាននាក់មួយនេះបានញាំញីអស់រយៈពេលជាច្រើនខែ ដោយសារការដាច់ចរន្តថាមពលអគ្គិសនី កង្វះស្បៀងអាហារ និងប្រេងឥន្ធនៈធ្ងន់ធ្ងរ និងអតិផរណាខ្ពស់នៅក្នុងភាពចលាចលដ៏ធ្ងន់ធ្ងរបំផុត។ កាលពីថ្ងៃទី១ ខែមេសា លោកប្រធានាធិបតី Gotabaya Rajapaksa បានប្រកាសដាក់ប្រទេសក្នុងគ្រាអាសន្ន ដោយផ្ដល់អំណាចដល់កងកម្លាំងសន្តិសុខអាចចាប់ខ្លួន និងឃុំខ្លួនជនសង្ស័យទាំងឡាយបានបន្ទាប់ពីការតវ៉ាដ៏ធំ។ កាលពីថ្ងៃទី៣ ខែមេសា ការលាលែងពីតំណែងស្ទើរតែទាំងអស់ របស់គណៈរដ្ឋមន្ត្រីស្រីលង្កានៅកិច្ចប្រជុំពេលយប់ បានទុកឲ្យលោកប្រធានាធិបតី Rajapaksa និងបងប្រុសរបស់លោកដែលជានាយករដ្ឋមន្ត្រីគឺលោក Mahinda Rajapaksa ឯកា។ នៅថ្ងៃទី៥ ខែមេសា បញ្ហារបស់ប្រធានាធិបតី Rajapaksa កាន់តែដុនដាបខ្លាំង ខណៈរដ្ឋមន្ត្រីហិរញ្ញវត្ថុលោក Ali Sabry បានលាលែងពីតំណែង មួយថ្ងៃបន្ទាប់ពីលោកត្រូវបានតែងតាំង។ កាលពីថ្ងៃទី១០ ខែមេសា ក្រុមវេជ្ជបណ្ឌិតរបស់ស្រីលង្កានិយាយថា ពួកគេជិតអស់ឱសថជួយសង្គ្រោះជីវិតមនុស្សហើយ ដោយព្រមានថា វិបត្តិនោះអាចសម្លាប់មនុស្សកាន់តែច្រើនជាងវីរុសកូរ៉ូណាទៅទៀត។នៅថ្ងៃទី១២ ខែមេសា រដ្ឋាភិបាលបានប្រកាសថា ខ្លួនកំពុងខកខានការសងបំណុលបរទេសចំនួន ៥១ពាន់លានដុល្លារអាមេរិកជាដំណាក់កាលចុងក្រោយ បន្ទាប់ពីអស់ទុនបម្រុងរូបិយប័ណ្ណបរទេសក្នុងការនាំចូលមុខទំនិញចាំបាច់។ នៅថ្ងៃទី១៩ ខែមេសា នគរបាលបានសម្លាប់អ្នកតវ៉ាម្នាក់ជាលើកដំបូង ក្នុងការតវ៉ាប្រឆាំងរដ្ឋាភិបាលរយៈពេលជាច្រើនសប្ដាហ៍។ មនុស្ស ៩នាក់បានស្លាប់ និងរាប់រយនាក់រងរបួសក្នុងការវាយប្រហារសងសឹក ដែលកើតមានក្រោយហ្វូងមនុស្សដាក់គោលដៅអ្នកដែលទទួលខុសត្រូវ សម្រាប់អំពើហិង្សាទាំងនោះ និងដុតបំផ្លាញលំនៅឋានរបស់ក្រុមអ្នកនយោបាយមួយចំនួន។ លោក Mahinda Rajapaksa បានលាលែងតំណែងជានាយករដ្ឋមន្ត្រី និងត្រូវបានជួយដោយទាហាន បន្ទាប់ពីក្រុមបាតុកររាប់ពាន់នាក់សម្រុកចូលវិមានរបស់លោកនៅក្នុងទីក្រុង Colombo។ នៅថ្ងៃទី១០ ខែមេសា ក្រសួងការពារជាតិបានបញ្ជាឲ្យទាហានបាញ់សម្លាប់ ជនណាដែលពាក់ព័ន្ធក្នុងករណីលួចប្លន់ ឬបង្កគ្រោះថ្នាក់ដល់ជីវិត។ ថ្ងៃទី១០ ខែមិថុនា អង្គការសហប្រជាជាតិបានព្រមានថា ស្រីលង្កាកំពុងប្រឈមវិបត្តិមនុស្សធម៌ធ្ងន់ធ្ងរ ដែលមនុស្សរាប់លាននាក់ត្រូវការជំនួយជាចាំបាច់រួចទៅហើយ។ នៅថ្ងៃទី២៧ ខែមិថុនា រដ្ឋាភិបាលបាននិយាយថា ស្រីលង្កាជិតអស់ប្រេងឥន្ធនៈ និងផ្អាកការលក់ប្រេងទាំងអស់ លើកលែងតែសេវាកម្មចាំបាច់។នៅថ្ងៃទី១ ខែកក្កដា រដ្ឋាភិបាលបានបញ្ចេញទិន្នន័យបង្ហាញពីអតិផរណា បានហក់ឡើងដល់កម្រិតខ្ពស់បំផុតក្នុងខែទី៩ ជាប់គ្នា មួយថ្ងៃបន្ទាប់ពីមូលនិធិរូបិយវត្ថុអន្តរជាតិស្នើឲ្យស្រីលង្កាព្យាយាមទប់ការឡើងតម្លៃ។ នៅថ្ងៃទី៩ ខែកក្កដា លោកប្រធានាធិបតី President Rajapaksa បានរត់គេចខ្លួនពីវិមានផ្លូវការរបស់លោកនៅក្នុងទីក្រុង Colombo ដោយមានការជួយពីកងទ័ពភ្លាមៗមុនក្រុមបាតុករសម្រុកចូលវិមាននោះ។ នៅថ្ងៃទី១៣ ខែកក្កដា លោកប្រធានាធិបតី Rajapaksa បានឡើងយន្តហោះយោធាចេញដំណើរទៅកាន់ប្រទេសកោះ Maldives អមដំណើរដោយភរិយារបស់លោក និងអង្គរក្ស ១នាក់។ បន្ទាប់ពីប្រធានាធិបតីស្រីលង្ការត់គេចខ្លួនចេញពីប្រទេសនេះកាលពីព្រឹកថ្ងៃពុធ ប៉ុន្មានម៉ោងមុនការសន្យាលាលែងពីតំណែងរបស់លោក ក្រុមបាតុកររាប់ពាន់នាក់បានទាមទារឲ្យលោកនាយករដ្ឋមន្ត្រីចុះចេញពីតំណែងដែរ ដោយប្រមូលផ្ដុំគ្នានៅខាងក្រៅការិយាល័យរបស់លោក និងបានសម្រុកចូលក្នុងបរិវេណនោះ ខណៈពួកគេបានចូលទៅកាន់អគារផ្លូវការផ្សេងទៀតក្នុងពេលប៉ុន្មានថ្ងៃថ្មីៗនេះ៕អត្ថបទ៖ សុខមាន

នាយករដ្ឋមន្ត្រីស្រីលង្កាប្រាប់ឲ្យយោធាចាត់វិធានការគ្រប់យ៉ាងដែលចាំបាច់ក្នុងការស្តារសណ្ដាប់ធ្នាប់

ស្រីលង្កា៖ លោកនាយករដ្ឋមន្ត្រីស្រីលង្កា Ranil Wickremesinghe បានប្រាប់ឲ្យកងកម្លាំងយោធាចាត់វិធានការគ្រប់យ៉ាងដែលចាំបាច់ដើម្បីស្ដារសណ្ដាប់ធ្នាប់ បន្ទាប់ពីក្រុមបាតុករបានសម្រុកចូលការិយាល័យរបស់លោកកាលពីថ្ងៃពុធ។ ក្រុមអ្នកតវ៉ាដែលកំពុងទាមទារឲ្យនាយករដ្ឋមន្ត្រីស្រីលង្កាចុះចេញពីតំណែងភ្លាមៗ បានសម្រុកចូលបរិវេណការិយាល័យរបស់លោក ដោយបាតុករមួយចំនួនបានឡើងជញ្ជាំងអគារក្នុងទីក្រុងកូឡុំបូ ខណៈហ្វូងមនុស្សបានបង្កើនការគាំទ្ររបស់ខ្លួន និងបានគប់ដបទឹកទៅលើកងកម្លាំងសន្តិសុខនៅខាងក្នុងបរិវេណនោះ។ នគរបាលបានដាក់ពង្រាយកាណុងបាញ់ទឹក និងបានប្រើឧស្ម័នបង្ហូរទឹកភ្នែកដើម្បីបំបែកការតវ៉ានោះ។ លោក Wickremesinghe ត្រូវបានតែងតាំងជាប្រធានាធិបតីស្ដីទីដោយលោកប្រធានាធិបតី Gotabaya Rajapaksa ដែលបានរត់ភៀសខ្លួនចេញពីប្រទេសនេះទៅប្រទេសកោះម៉ាល់ឌីវស៍ (Maldives)។ប៉ុន្តែការសម្រេចចិត្តទុកឲ្យលោកទទួលបន្ទុកតំណែងនេះ បានបង្កឲ្យមានការតវ៉ាជាច្រើនបន្ថែមទៀត ទាមទារឲ្យលោកនាយករដ្ឋមន្ត្រីត្រូវតែចាកចេញពីតំណែងដែរ។ ស្រីលង្កាត្រូវបានញាំញីដោយវិបត្តិសេដ្ឋកិច្ចដ៏ធ្ងន់ធ្ងរបំផុត ក្នុងរយៈពេលប៉ុន្មានទសវត្សរ៍មកនេះ។ មានការស្ដីបន្ទោសជាច្រើនទៅលើរដ្ឋបាលលោក Rajapaksa ចំពោះវិបត្តិនេះ និងមើលឃើញលោក Wickremesinghe ដែលបានក្លាយជានាយករដ្ឋមន្ត្រីកាលពីខែឧសភាថា ជាចំនែកមួយនៃបញ្ហានេះ។ កាលពីថ្ងៃពុធជាលើកទី២ ក្នុងពេលមិនដល់មួយសប្ដាហ៍ ក្រុមអ្នកតវ៉ាបានសម្រុកចូលទៅក្នុងអគាររដ្ឋដែលមានធានាសុវត្ថិភាពខ្ពស់។ ពេលនេះគឺជាការិយាល័យរបស់នាយករដ្ឋមន្ត្រី៕អត្ថបទ៖ សុខមាន

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីបិទសន្និបាតបូកសរុបការងារទេសចរណ៍

ភ្នំពេញ៖ នៅព្រឹកថ្ងៃទី១៤ ខែកក្កដា ឆ្នាំ២០២២នេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្តារឡើងវិញនូវវិស័យទេសចរណ៍ក្នុងដំណាក់កាលទី២ (ឆមាសទី២ ឆ្នាំ២០២២-២០២៣)។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រី៖ - សម្តេចតេជោ ហ៊ុន សែន ថ្លែងអំណរគុណ និងកោតសរសើរ ដល់ក្រសួងទេសចរណ៍ និងផ្នែកពាក់ព័ន្ធ ដែលបានប្រឹងប្រែង ធ្វើឱ្យប្រសើរឡើងវិស័យទេសចរណ៍ក្រោយវិបត្តិកូវីដ-១៩បានធូរស្រាល។- សម្តេចតេជោ ហ៊ុន សែន បញ្ជាក់ពីផលលំបាក ដែលបណ្តាលមកពីវិត្តិសង្គ្រាមរុស្ស៊ី-អ៊ុយក្រែង និងការគំរាមគំហែង នៃការដាក់ទណ្ឌកម្មផ្សេងៗ បានជះឥទ្ធិពលដល់ដំណើរការ នៃការងើបឡើងវិញនៃសេដ្ឋកិច្ចសកល រួមទាំងកម្ពុជាផងដែរ។- សម្តេចតេជោ ហ៊ុន សែន ផ្តល់អនុសាសន៍ដល់ក្រសួងទេសចរណ៍ឱ្យបង្កើនកិច្ចខិតខំប្រឹងប្រែងរបស់ខ្លួន ក្នុងការជំរុញ និងបង្កើនទេសចរណ៍សហគមន៍ ឬទេសចរណ៍ផ្ទៃក្នុង ដើម្បីធានានិរន្តរភាពជីវភាពពលរដ្ឋ និងធនធានធម្មជាតិនៅតំបន់ទេសចរណ៍នានាទាំងនោះផងដែរ។- សម្តេចតេជោ ហ៊ុន សែន បញ្ជាក់ថា ប្រព័ន្ធឌីជីខល ព័ត៌មានវិទ្យា បានដើរមុនកូវីដ-១៩មួយជំហានយ៉ាងវែង ដែលជាផ្នែកមួយផ្តល់លទ្ធភាពដល់ប្រជាពលរដ្ឋអាចទំនាក់ទំនងគ្នាបានយ៉ាងល្អប្រសើរ ក្នុងពេលវិបត្តិកូវីដ-១៩ បើមិនដោះច្នោះទេ ពិភពលោកនឹងដាច់ទំនងគ្នាជាក់ជាមិនខាន។- សម្តេចតេជោ ហ៊ុន សែន ជំរុញឱ្យមានការជំនះប្រឹងប្រែងរៀនសូត្រលើវិស័យព័ត៌មានវិទ្យា ដែលយ៉ាងហោចណាស់ ក៏ត្រូវចេះប្រើស្មាតហ្វូនផងដែរ ដែលជាផ្នែកមួយជួយយើងច្រើនណាស់ ក្នុងការទំនាក់ទំនងប្រចាំថ្ងៃ ,ការងារ និងការប្រកបអាជីវកម្មប្រចាំថ្ងៃផងដែរ។ - សម្តេចតេជោ ហ៊ុន សែន អំពាវនាវកុំឲ្យមើលស្រាលជំងឺកូវីដ-១៩ ប្រភេទ “អូមីក្រុង”នេះឲ្យសោះ ព្រោះវាឆ្លងលឿន និងឆ្លងគ្មានរើសមុខទេ ទោះជាករណីឆ្លងមិនបណ្តាលឲ្យអ្នកជំងឺធ្លាក់ខ្លួនដល់កម្រិតធ្ងន់ធ្ងរ ឬស្លាប់ក៏ពិតមែន តែអ្វីដែលយើងត្រូវធ្វើជាចាំបាច់នោះ គឺត្រូវកាត់ផ្តាច់ការចម្លងនេះ កុំឲ្យឆ្លងបន្តចូលក្នុងសហគមន៍ធ្ងន់ធ្ងរ ឬចូលទៅកាន់ទីជនបទ។- សម្តេចតេជោ ហ៊ុន សែន បានប្រកាសសារជាថ្មីឡើងវិញ ដោយអំពាវនាវ ឲ្យប្រជាពលរដ្ឋបង្កើនវិធានការទប់ស្កាត់ និងគិតគូរដល់សុខុមាលភាពផ្ទាល់ខ្លួន តាមរយៈការវិលត្រលប់ទៅរកការអនុវត្តដោយខ្ជាប់ខ្ជួន នូវវិធានការ ៣កុំ និង៣ការពារ និងនាំគ្នាទៅចាក់វ៉ាក់សាំងទាំងដូសមូលដ្ឋាន និងជំរុញទី៣,ទី៤ និងទី៥ ឲ្យបានគ្រប់ៗគ្នា។- សម្តេចតេជោ ហ៊ុន សែន ប្រកាសពីភាពអាចទៅរួច នៃសង្គ្រាមនុយក្លេអ៊ែ ឬសង្គ្រាមលោកទី៣នាពេលខាងមុខ ដោយសារពិភពលោកនាពេលនេះ ពោរពេញទៅដោយភាពឥតសណ្តាប់ធ្នាប់ និងមានការគំរាមកំហែងគ្នាជាប់មិនដាច់ ដែលជារឿងគួរឱ្យព្រួយបារម្ភបំផុត។ សង្កថាសម្តេចតេជោ ហ៊ុន សែន ចប់នៅវេលាម៉ោង៩ និង១៧នាទី

សម្ដេចតេជោ ហ៊ុន សែន ផ្ដល់អនុសាសន៍ដល់ក្រសួងទេសចរណ៍ឲ្យបង្កើនទេសចរណ៍ផ្ទៃក្នុង ដើម្បីធានានិរន្តរភាពជីវភាពពលរដ្ឋ

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានផ្តល់អនុសាសន៍ដល់ក្រសួងទេសចរណ៍ឱ្យបង្កើនកិច្ចខិតខំប្រឹងប្រែងរបស់ខ្លួន ក្នុងការជំរុញ និងបង្កើនទេសចរណ៍សហគមន៍ ឬទេសចរណ៍ផ្ទៃក្នុង ដើម្បីធានានិរន្តរភាពជីវភាពពលរដ្ឋ និងធនធានធម្មជាតិនៅតំបន់ទេសចរណ៍នានាទាំងនោះផងដែរ។សម្ដេចតេជោបានផ្ដល់អនុសាសន៍យ៉ាងដូច្នេះ ក្នុងឱកាសសម្តេច អញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុង និងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្តារឡើងវិញនូវវិស័យទេសចរណ៍ក្នុងដំណាក់កាលទី២ (ឆមាសទី២ ឆ្នាំ២០២២-២០២៣)។សម្តេចបានមានប្រសាសន៍បន្តថា យ៉ាងណាក៏ដោយយើងក៏ត្រូវមានហេដ្ឋារចនាសម្ព័ន្ធគាំទ្រឲ្យវិស័យទេសចរណ៍ផ្ទៃក្នុងរបស់យើងរីកចម្រើនផងដែរ។ ក្នុងវិស័យគាំទ្រនេះ រួមមានដូចជាការតភ្ជាប់ផ្លូវកសាងផ្លូវចូលទៅក្នុងតំបន់ដែលមានកន្លែងទេសចរណ៍ថ្មីៗដែលទើបនឹងកើតដែលចាំបាច់ត្រូវរៀបចំបង្កលក្ខណៈឲ្យមានផ្លូវថ្នល់ចូលទៅដល់ការដោះស្រាយទឹកស្អាតការដោះស្រាយអគ្គិសនីនិងសេវាទូរស័ព្ទជាដើម។ក្នុងអនុសាសន៍សម្តេចបានផ្តាំផ្ញើឱ្យបន្តជំរុញចលនាទេសចរណ៍ផ្ទៃក្នុងឱ្យបានកាន់តែខ្លាំង ក្នុងក្របខណ្ឌទូទាំងប្រទេស ក្រោមស្មារតីនៃយុទ្ធនាការ “ទស្សនាស្រុកយើង : ទេសចរណ៍ ផ្សារភ្ជាប់ទឹកដី ឬ ស្រឡាញ់ជាតិ ត្រូវស្គាល់ទឹកដី” និងកិច្ចសហការជំរុញការអនុវត្ត “វិធានការគោលនយោបាយជំរុញចលនាទេសចរណ៍ផ្ទៃក្នុង ឆ្នាំ២០២១-២០២៣” ឱ្យមានប្រសិទ្ធភាពខ្ពស់ ៕

សម្តេចតេជោ ហ៊ុន សែន អញ្ជើញបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១៤ ខែកក្កដា ឆ្នាំ២០២២នេះ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្តារឡើងវិញនូវវិស័យទេសចរណ៍ក្នុងដំណាក់កាលទី២ (ឆមាសទី២ ឆ្នាំ២០២២-២០២៣) ដែលប្រព្រឹត្តទៅនៅសណ្ឋាគារសុខារ៉េសុីដង់ភ្នំពេញ៕ព័ត៌មានលម្អិតBTV នឹងផ្សាយជូននាពេលបន្តបន្ទាប់។

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី

ស្រីលង្កា៖ ប្រធានាធិបតីស្រីលង្កាបានភៀសខ្លួនចេញពីប្រទេសនៅព្រឹកថ្ងៃពុធនេះ ប៉ុន្មានថ្ងៃបន្ទាប់ពីក្រុមអ្នកតវ៉ាបានសម្រុកចូលលំនៅឋាន និងការិយាល័យរបស់លោក និងលំនៅឋានផ្លូវការរបស់នាយករដ្ឋមន្ត្រី ក្នុងពេលមានវិបត្តិសេដ្ឋកិច្ចរយៈពេល ៣ខែបណ្តាលឱ្យមានការខ្វះខាតស្បៀងអាហារ និងប្រេងឥន្ធនៈធ្ងន់ធ្ងរ។ យោងតាមមន្ត្រីអន្តោប្រវេសន៍ដែលនិយាយក្នុងលក្ខខណ្ឌមិនបញ្ចេញឈ្មោះថា ប្រធានាធិបតីលោក Gotabaya Rajapaksa ភរិយារបស់លោក និងអង្គរក្សពីរនាក់បានចាកចេញតាមយន្តហោះកងទ័ពអាកាសប្រទេសស្រីលង្កា ឆ្ពោះទៅកាន់ទីក្រុង Male រដ្ឋធានីប្រទេសម៉ាល់ឌីវ។ លោក Rajapaksa បានយល់ព្រមចុះចេញពីតំណែងក្រោមសម្ពាធ ហើយសភាស្រីលង្កាតាមសេចក្តីរាយការណ៍បានឲ្យដឹងថា នឹងបោះឆ្នោតជ្រើសរើសប្រធានាធិបតីថ្មីនៅថ្ងៃទី២០ ខែកក្កដាខាងមុខនេះ។ ការិយាល័យនាយករដ្ឋមន្ត្រីនិយាយថា បន្ទាប់ពីប្រធានាធិបតីភៀសខ្លួនចេញ ប្រទេសស្រីលង្កាបានប្រកាសរដ្ឋក្នុងគ្រាអាសន្ន។ នគរបាលបានបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុកររាប់ពាន់នាក់ ដែលសម្រុកទៅកាន់ការិយាល័យនាយករដ្ឋមន្ត្រីក្នុងទីក្រុងកូឡំបូនៅថ្ងៃពុធនេះ។ក្រុមបាតុករកំពុងទាមទារឲ្យលោក Ranil Wickremesinghe លាលែងពីតំណែងរួមជាមួយប្រធានាធិបតីលោក Gotabaya Rajapaksa ដែលបានសន្យាលាលែងនៅថ្ងៃពុធនេះ ហើយបានភៀសខ្លួនតាមយន្តហោះទ័ពអាកាសទៅកាន់ប្រទេសម៉ាល់ឌីវ។ នាយករដ្ឋមន្ត្រីលោក Ranil Wickremesinghe បាននិយាយថា លោកនឹងចាកចេញនៅពេលដែលរដ្ឋាភិបាលថ្មីចូលកាន់តំណែង។ សមាជិកសភាបានព្រមព្រៀងជ្រើសតាំងប្រធានាធិបតីថ្មីនៅសប្តាហ៍ក្រោយ ប៉ុន្តែបានព្យាយាមកាលពីថ្ងៃអង្គារក្នុងការសម្រេចចិត្តលើការរៀបចំរដ្ឋាភិបាលថ្មី ដើម្បីទប់ប្រទេសដែលក្ស័យធនមួយនេះមិនឲ្យដួលរលំសេដ្ឋកិច្ច និងនយោបាយ។ ការលាលែងពីតំណែងដែលបានសន្យាមិនបានបញ្ចប់វិបត្តិនោះទេ ហើយក្រុមបាតុករបានប្តេជ្ញាថានឹងកាន់កាប់អគារជាច្រើន រហូតដល់មេដឹកនាំកំពូលរបស់ពួកគេចាកចេញពីតំណែង៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ប្រទេសកេនយ៉ា ចាប់ខ្លួនមនុស្សជាង ៣៥០នាក់ ខណៈប្រជាជនប្រារព្ធខួបនៃការតវ៉ាដ៏បង្ហូរឈាម

UN៖ ការជម្លៀសនាវិកនៅច្រកសមុទ្រHormuz ត្រូវបានផ្អាកក្រោយការវាយប្រហារនៅឈូងសមុទ្រអូម៉ង់

រលកកម្ដៅកំពុងប៉ះពាល់ដល់មនុស្សជាង១០០ លាននាក់ចាប់ពីអេស្ប៉ាញដល់អាល្លឺម៉ង់ខណៈអ្នកស្លាប់ជាង២០០នាក់

នៅព្រឹកនេះ ព្រឹទ្ធសភាបន្តសម័យប្រជុំលើកទី៥ ដើម្បីពិនិត្យហើយឱ្យយោបល់លើសេចក្តីព្រាងច្បាប់ស្តីពី«វិសោធនកម្មច្បាប់ស្តីពីផ្លូវថ្នល់»

កម្ពុជាទទួលបានមេដាយមាស ប្រាក់ សំរឹទ្ធ និងពាន៣ ពីការប្រឡងកម្មវិធី The Young Master Challenge Global Final 2026 នៅចក្រភពអង់គ្លេស

រុស្ស៊ី-កម្ពុជា បន្តទំនាក់ទំនងដ៏រឹងមាំលើវិស័យអប់រំ វប្បធម៌ កសិកម្ម ថាមពល ការពារជាតិ និងពាណិជ្ជកម្ម

[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត

ក្រសួង និងអ្នកជំនាញ រួមគ្នាពង្រឹងគុណភាពសំណង់នៅកម្ពុជា ឆ្លើយតបតម្រូវការបច្ចុប្បន្ន

[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី

UN មើលឃើញភាពរីកចម្រើនក្នុងការនាំចេញគ្រាប់ធញ្ញជាតិអ៊ុយក្រែន ខណៈលោក Zelenskyy លើកឡើងអំពីវិបត្តិស្បៀងអាហារ

វិបត្តិសេដ្ឋកិច្ច និងនយោបាយដ៏ធ្ងន់ធ្ងរបំផុតនៅស្រីលង្កាមិនធ្លាប់មានក្នុងពេលជាច្រើនទសវត្សរ៍

នាយករដ្ឋមន្ត្រីស្រីលង្កាប្រាប់ឲ្យយោធាចាត់វិធានការគ្រប់យ៉ាងដែលចាំបាច់ក្នុងការស្តារសណ្ដាប់ធ្នាប់

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីបិទសន្និបាតបូកសរុបការងារទេសចរណ៍

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ស្ថានភាព​នៅ​ស្រីលង្កា​ហាក់​ស្ងប់ស្ងាត់ ក្រោយ​ប្រធានាធិបតី​លាលែង​ពី​តំណែង

ប្រធានាធិបតី​ស្រីលង្កា​ផ្ញើ​លិខិត​លាលែង​ពី​តំណែង ក្រោយ​គេចខ្លួន​ពី​ប្រទេស​ម៉ា​ល់​ឌី​វ​ទៅ​សិង្ហ​បុរី

ប្រសាសន៍សំខាន់ៗរបស់សម្ដេចតេជោ ហ៊ុន​ សែន ក្នុង​ពិធី​បិទ​សន្និបាត​បូក​សរុប​ការងារ​ទេសចរណ៍

យោធា​ស្រីលង្កា​បាញ់​ឧស្ម័ន​បង្ហូរទឹកភ្នែក​ដើម្បី​បំបែក​ក្រុម​បាតុករ​នៅ​វិមាន​នាយករដ្ឋមន្ត្រី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ថានភាពនៅស្រីលង្កាហាក់ស្ងប់ស្ងាត់ ក្រោយប្រធានាធិបតីលាលែងពីតំណែង

ប្រធានាធិបតីស្រីលង្កាផ្ញើលិខិតលាលែងពីតំណែង ក្រោយគេចខ្លួនពីប្រទេសម៉ាល់ឌីវទៅសិង្ហបុរី

ប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីបិទសន្និបាតបូកសរុបការងារទេសចរណ៍

យោធាស្រីលង្កាបាញ់ឧស្ម័នបង្ហូរទឹកភ្នែកដើម្បីបំបែកក្រុមបាតុករនៅវិមាននាយករដ្ឋមន្ត្រី