BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

ប្រមុខណាតូនិយាយថា សម្ព័ន្ធយោធាមួយនេះចាំបាច់ត្រូវត្រៀមខ្លួន និងអាវុធកាន់តែច្រើនជាងមុនជួយអ៊ុយក្រែន

NATO៖ ប្រមុខអង្គការណាតូបាននិយាយកាលពីថ្ងៃអង្គារថា សម្ព័ន្ធយោធាមួយនេះត្រូវតែបង្កើនការត្រៀមខ្លួនកាន់តែច្រើនជាងមុន និងពង្រឹងសមត្ថភាពអាវុធរបស់ខ្លួននៅតាមព្រំដែនភាគខាងកើតរបស់ខ្លួន ក្រោយការវាយប្រហាររបស់រុស្ស៊ីចូលអ៊ុយក្រែន។ ក្រុមមេដឹកនាំសម្ព័ន្ធណាតូបានប្ដេជ្ញាគាំទ្រអ៊ុយក្រែន និងផ្ដល់អាវុធធុនធ្ងន់បន្ថែមទៀតមុនជំនួបកំពូលក្នុងទីក្រុង Madrid ប្រទេសអេស្ប៉ាញ។ អគ្គលេខាធិការអង្គការណាតូលោក Jens Stoltenberg បានថ្លែងបែបនេះបន្ទាប់ពីការពិភាក្សាក្រៅផ្លូវការក្នុងប្រទេសហូឡង់ ជាមួយលោកនាយករដ្ឋមន្ត្រីហូឡង់ Mark Rutte និងបណ្ដាមេដឹកនាំមកពីប្រទេសណាណឺម៉ាក ប៉ូឡូញ ឡាតវី រ៉ូម៉ានី ព័រទុយហ្គាល់ និងបែលហ្ស៊ិក មុនជំនួបកំពូលដ៏ធំនៅក្នុងទីក្រុង Madrid នៅចុងខែនេះ។លោកបាននិយាយថា នៅក្នុងទីក្រុង Madrid យើងនឹងឯកភាពគ្នាលើការពង្រឹងជំហររបស់យើង។ យប់នេះ យើងបានពិភាក្សាពីភាពចាំបាច់ សម្រាប់ការត្រៀមខ្លួនប្រយុទ្ធកាន់តែម៉ឺងម៉ាត់ និងត្រៀមខ្លួនឲ្យបានច្រើនជាងមុន ព្រមទាំងការផ្គត់ផ្គង់អាវុធបន្ថែមទៀតដល់អ៊ុយក្រែន៕ អត្ថបទ៖ សុខមាន

ពលរដ្ឋអាមេរិកជាង ១០០លាននាក់ត្រូវបានព្រមានឲ្យស្នាក់នៅក្នុងផ្ទះដោយសារការឡើងកម្ដៅ

សហរដ្ឋអាមេរិក៖ ពលរដ្ឋអាមេរិកកាំងជាង ១០០លាននាក់កំពុងត្រូវបានព្រមានឲ្យស្នាក់នៅក្នុងផ្ទះ តាមដែលអាចធ្វើទៅបានដោយសារសីតុណ្ហភាព និងសំណើមខ្ពស់នៅក្នុងរដ្ឋដែលលាតសន្ធឹងតាមផ្នែកខ្លះ នៃតំបន់ឈូងសមុទ្រទៅកាន់តំបន់ Great Lakes និងភាគខាងកើតដល់រដ្ឋ Carolina។ មជ្ឈមណ្ឌលព្យាករណ៍សេវាកម្មអាកាសធាតុជាតិនៅទីក្រុង College Park រដ្ឋ Maryland បាននិយាយកាលពីថ្ងៃចន្ទថា មនុស្ស ១០៧.៥លាននាក់នឹងរងផលប៉ះពាល់ដោយការណែនាំអំពីការឡើងកម្ដៅ ការព្រមានអំពីកម្ដៅខ្លាំង និងការឃ្លាំមើលកម្ដៅខ្លាំងរហូតដល់ថ្ងៃពុធនេះ។ មជ្ឈមណ្ឌលព្យាករណ៍សេវាកម្មអាកាសធាតុជាតិបាននិយាយថា រលកកម្ដៅដែលបានកំណត់ជាការឡើងកម្ដៅសីតុណ្ហភាពក្ដៅបំផុត ក្នុងរដ្ឋនានានៅភាគខាងលិច និងភាគនិរតី និងចូលទៅដល់ទីក្រុង Denver អំឡុងចុងសប្ដាហ៍កន្លងទៅរហូតដល់តំបន់ផ្សេងៗនៃឈូងសមុទ្រ និងតំបន់ Midwest កាលពីថ្ងៃចន្ទ នឹងរាលដាលទៅដល់តំបន់ Great Lakes ភាគខាងកើតដល់រដ្ឋ Carolina។ ទីក្រុង St. Louis, Memphis, Minneapolis និង Tulsa ស្ថិតក្នុងចំណោមទីក្រុងមួយចំនួនស្ថិតក្រោមការព្រមានពីរលកកម្ដៅហក់ឡើង ដោយការព្យាករណ៍ថា សីតុណ្ហភាពនឹងកើនឡើងដល់ ៣៨អង្សាសេ។សាលាក្រុងជាច្រើនបានប្រកាសពីផែនការបើកមជ្ឈមណ្ឌលត្រជាក់ រួមទាំងនៅទីក្រុង Chicago ជាទីដែលក្រុមមន្ត្រីបានចាប់ផ្តើមជូនដំណឹងដល់ពលរដ្ឋកាលពីថ្ងៃចន្ទ អំពីកន្លែងដែលពួកគេព្យាយាមជ្រកពីការឡើងកម្ដៅ។ ទីក្រុងនេះគ្រោងនឹងបើកមជ្ឈមណ្ឌលសេវាកម្មសហគមន៍ចំនួន ៦ នៅថ្ងៃអង្គារ និងថ្ងៃពុធនេះ ហើយបាននិយាយនៅក្នុងសេចក្តីប្រកាសព័ត៌មានថា មនុស្សក៏អាចទទួលបានភាពត្រជាក់ផងដែរនៅក្នុងបណ្ណាល័យសាធារណៈចំនួន ៧៥ នៅក្នុងទីក្រុងនេះ។ ទីក្រុងនេះបានបង្កើនកិច្ចខិតខំប្រឹងប្រែងរបស់ខ្លួនឆ្លើយតបទៅនឹងរលកកម្ដៅ បន្ទាប់ពីមនុស្សជាង ៧០០នាក់ភាគច្រើនជាមនុស្សចាស់បានស្លាប់ដោយសាររលកកម្ដៅកាលពីឆ្នាំ១៩៩៥៕អត្ថបទ៖ សុខមាន

សុន្ទរកថាទាំងស្រុងរបស់សម្តេចតេជោ ហ៊ុន សែន ថ្លែងក្នុងព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)នៅកម្ពុជា

អ៊ុយក្រែនរិះគន់លោក Joe Biden ជុំវិញការអះអាងការវាយប្រហារមិនសមហេតុផលមុនផ្ទុះសង្គ្រាម

អ៊ុយក្រែន៖ ប្រទេសអ៊ុយក្រែនបានវាយប្រហារដោយពាក្យសម្ដី ទៅលើការអត្ថាធិប្បាយដែលមិនសមហេតុផលរបស់លោកប្រធានាធិបតី Joe Biden ដែលថា លោកប្រធានាធិបតី Volodymyr Zelensky មិនចង់ស្ដាប់ចារកម្មអាមេរិកអំពីការវាយប្រហាររបស់រុស្ស៊ីនោះ។ លោក Sergei Nikiforov អ្នកនាំពាក្យប្រធានាធិបតីអ៊ុយក្រែនបាននិយាយថា ការអះអាងរបស់លោកប្រធានាធិបតីអាមេរិកអាចត្រូវការការបញ្ជាក់ ព្រោះថាដៃគូនានារបស់អ៊ុយក្រែនមិនបានយកចិត្តទុកដាក់ពីកង្វល់របស់ខ្លួន។ លោក Nikiforov ប្រាប់សារព័ត៌មាន Liga news ថា លោក Zelensky បានសន្ទនាតាមទូរស័ព្ទ ៣ ឬ ៤លើកជាមួយលោក Biden មុនសង្គ្រាមចាប់ផ្ដើមអំឡុងមេដឹកនាំទាំង២ បានពិភាក្សាព័ត៌មានលម្អិតស្ដីពីស្ថានភាពនៅអ៊ុយក្រែន។ លោកបានបន្ថែមថា អ៊ុយក្រែនបានស្នើឲ្យមានវិធានការទប់ស្កាត់ ដូចជាការដាក់ទណ្ឌកម្មជាដើមដើម្បីរារាំងរុស្ស៊ី ប៉ុន្តែដៃគូរបស់យើងមិនចង់ស្ដាប់សម្ដីរបស់យើងទេ។ទីប្រឹក្សាប្រធានាធិបតីអ៊ុយក្រែនលោក Mykhailo Podoliak ក៏បានរិះគន់ការអត្ថាធិប្បាយរបស់លោក Biden ផងដែរដោយបាននិយាយថា វាគ្មានប្រយោជន៍ទេ ដែលត្រូវស្ដីបន្ទោសឲ្យប្រទេសនេះដែលជម្លោះរយៈពេលជាង 100ថ្ងៃមកនេះនឹងក្លាយជាសង្គ្រាមពេញបន្ទុក ប្រឆាំងនឹងគូប្រជែងដែលមានធនធានច្រើនជាងនេះ ប្រសិនបើប្រទេសសំខាន់ៗមិនទប់ស្កាត់ចំណង់យោធានិយមរបស់សហព័ន្ធរុស្ស៊ី៕អត្ថបទ៖ សុខមាន

កម្រងរូបភាពព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)នៅកម្ពុជា

សម្តេចតេជោ ហ៊ុន សែន អញ្ជើញជាអធិបតីភាពក្នុងព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃពុធទី១៥ ខែមិថុនា ឆ្នាំ២០២២នេះ បានអញ្ជើញជាអធិបតីក្នុងព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP) ដែលមកដល់ប្រទេសកម្ពុជាជាលើកដំបូងនៅថ្ងៃទី១៥ ខែមិថុនា ឆ្នាំ២០២២នេះ ដែលពិធីនេះត្រូវធ្វើឡើងដោយផ្ទាល់នៅវិមានសន្តិភាព។ពានបាល់ទាត់ពិភពលោកធ្វើពីមាសសុទ្ធទម្ងន់ជាង ៦គីឡូក្រាម ដឹកតាមជើងហោះហើរឯកជនពិសេស (Private Jet)។ការមកដល់ពានរង្វាន់បាល់ទាត់ពិភពលោក ដែលមានតម្លៃប្រមាណ ២០លានដុល្លារនេះ ធ្វើឡើងក្រោមកម្មវិធីដំណើរគោចរពានរង្វាន់បាល់ទាត់ពិភពលោក ដើម្បីអបអរសាទរការប្រកួតកីឡាបាល់ទាត់ដណ្ដើមពានរង្វាន់ពិភពលោក នាខែធ្នូ ឆ្នាំ២០២២ នៅទីក្រុងដូហា ប្រទេសកាតា។ការមកដល់នៃពានរង្វាន់បាល់ទាត់ពិភពលោកនាថ្ងៃនេះ គឺជាការបង្ហាញវត្តមានលើកដំបូងនៅលើទឹកដីកម្ពុជា ចាប់តាំងពីពាននេះត្រូវបានបង្កើតឡើង នៅឆ្នាំ១៩៧៤។ កម្ពុជានឹងរៀបចំនូវព្រឹត្តិការណ៍មួយចំនួនជាការស្វាគមន៍នៃការមកដល់ពានបាល់ទាត់ពិភពលោកនេះ។ព្រឹត្តិការណ៍នោះរួមមាន៖ ក្បួនដង្ហែពានរង្វាន់ពីព្រលាន យន្តហោះអន្តរជាតិភ្នំពេញ មកកាន់វិមានសន្តិភាព, ពិធីទទួលស្វាគមន៍ និងលើកពានរង្វាន់ពិភពលោក ក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន នៅវិមានសន្តិភាព។គណៈកម្មាធិការជាតិអូឡាំពិកកម្ពុជា ក៏នឹងរៀបចំពិធីស្វាគមន៍ភ្ញៀវចូលទស្សនា និងថតរូបជាមួយពានរង្វាន់បាល់ទាត់ពិភពលោក នៅពហុកីឡដ្ឋានជាតិមរតកតេជោ ចាប់ពីម៉ោងប្រហែល ១រសៀល រហូតដល់ម៉ោង ១០យប់ អមដោយតន្ត្រីសម័យកំដរផងដែរ៕

រុស្ស៊ីជំរុញឲ្យអ្នកប្រយុទ្ធអ៊ុយក្រែននៅក្នុងទីក្រុង Severodonetsk ទម្លាក់អាវុធចុះ

អ៊ុយក្រែន៖ រុស្ស៊ីនិយាយថា ខ្លួនបានស្នើឲ្យក្រុមអ្នកប្រយុទ្ធអ៊ុយក្រែន ដែលកំពុងសំងំក្នុងរោងចក្រគីមីអាសូត (Azot) នៅក្នុងទីក្រុង Severodonetsk ភាគខាងកើតប្រទេសអ៊ុយក្រែនទម្លាក់អាវុធចុះនៅថ្ងៃពុធនេះ។ ក្រុមអាជ្ញាធរក្នុងតំបន់និយាយថា ទាំងទីក្រុង Severodonetsk និងរោងចក្រ Azot បានក្លាយជាសមរភូមិប្រយុទ្ធដ៏ក្ដៅគគុកក្នុងរយៈពេលប៉ុន្មានសប្ដាហ៍ថ្មីៗនេះ ដោយមានជនស៊ីវិល និងទាហានអ៊ុយក្រែនរាប់រយនាក់បានជាប់ក្នុងរោងចក្រនេះ ក្រោមការបាញ់ផ្លោងយ៉ាងកក្រើកពីកងកម្លាំងរុស្ស៊ី ដែលកំពុងព្យាយាមដណ្ដើមយកទីក្រុងនេះ។ មន្ត្រីយោធាម្នាក់នៅក្នុងតំបន់ Donetsk គ្រប់គ្រងដោយក្រុមផ្ដាច់ខ្លួនគាំទ្រដោយរុស្ស៊ី បានចេញការព្រមានដ៏ដាច់ណាត់មួយទៅដល់ក្រុមអ្នកប្រយុទ្ធអ៊ុយក្រែនក្នុងទីក្រុង Severodonetsk ត្រូវបានឡោមព័ទ្ធឲ្យទម្លាក់អាវុធចុះ បើពុំនោះនឹងត្រូវស្លាប់។រុស្ស៊ីបាននិយាយកាលពីថ្ងៃអង្គារថា ខ្លួននឹងបើកច្រករបៀងមនុស្សធម៌នៅថ្ងៃពុធនេះ ដើម្បីឲ្យជនស៊ីវិលមានពេលចាកចេញ និងបានជំរុញឲ្យក្រុមអ្នកប្រយុទ្ធអ៊ុយក្រែន បញ្ឈប់ការតស៊ូឥតប្រយោជន៍របស់ពួកគេ និងទម្លាក់អាវុធចុះក្នុងពេលដំណាលគ្នា។ ក្រសួងការពារជាតិរុស្ស៊ីនិយាយថា ច្រករបៀងមនុស្សធម៌នឹងចាប់ផ្ដើមនៅចន្លោះម៉ោង 8ព្រឹក និង 8យប់ថ្ងៃពុធម៉ោងនៅប្រទេសរុស្ស៊ី ដោយបន្ថែមថា ការជម្លៀសមនុស្សនឹងត្រូវដឹកជញ្ជូនទៅកាន់ទីក្រុង Svatovo ក្នុងតំបន់ Luhansk គ្រប់គ្រងដោយក្រុមផ្ដាច់ខ្លួន៕អត្ថបទ៖ សុខមាន

កាកបាទក្រហមប្រគល់ថវិកាចំនួន១លានដុល្លារដល់មន្ទីរពេទ្យគន្ឋបុប្ផា

ភ្នំពេញ ៖ នាព្រឹកថ្ងៃទី១៤ ខែមិថុនានេះ កាកបាទក្រហមកម្ពុជា ដែលមានហ្លូងម៉ែ នរោត្តម មុនិនាថ សីហនុ ជាព្រះប្រធានកិត្តិយស និងសម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុនសែន ជាប្រធាន បានប្រគល់វិភាគទានប្រចាំឆ្នាំ នូវថវិកាចំនួន១លានដុល្លារអាមេរិក ទៅមន្ទីរពេទ្យគន្ឋបុប្ផា តាមរយៈមូលនីធិគន្ឋបុប្ផាកម្ពុជា នៅអគារទីស្នាក់ការកណ្ដាលកាកបាទក្រហមកម្ពុជា។លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា តំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន បានប្រគល់វិភាគទានប្រចាំឆ្នាំ១លានដុល្លារជូនឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជានាយកប្រតិបត្តិ នៃមូលនិធិគន្ធបុប្ផាកម្ពុជា។ ជំនួបនេះក៏បានពិភាក្សាអំពីវឌ្ឍនភាពការងារ របស់មូលនិធិគន្ធបុប្ផាកម្ពុជា, មន្ទីរពេទ្យគន្ធបុប្ផា និងការងារសំខាន់ៗ របស់កាកបាទក្រហមកម្ពុជាផងដែរ។លោកជំទាវអគ្គលេខាធិការ បានសម្ដែងនូវសេចក្ដីសោមនស្សរីករាយ និងស្វាគមន៍ប្រតិភូនៃមូលនិធិគន្ធបុប្ផាកម្ពុជា ដែលដឹកនាំដោយឯកឧត្តម រស់ សីលវ៉ា រដ្ឋលេខាធិការនិងជានាយកប្រតិបត្តិនៃមូលនិធិ, តំណាងពីមន្ទីរពេទ្យគន្ធបុប្ផា, ព្រមទាំងតំណាងមូលនិធិគន្ធបុប្ផាស្វីសផងដែរ។ ជាមួយគ្នានោះលោកជំទាវអគ្គអគ្គលេខាធិការ ក៏បានពាំនាំនូវក្តីនឹករលឹក និងការសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានដល់កុមារទាំងអស់ ដែលកំពុងសម្រាកព្យាបាលជំងឺ នៅមន្ទីរពេទ្យគន្ធបុប្ផា សូមឱ្យបានឆាប់ជាសះស្បើយពីជំងឺ។ឆ្លៀតក្នុងឱកាសនេះដែរលោកជំទាវ បានជម្រាបជូនអំពីសកម្មភាពកៀរគរ និងទទួលថវិកាសប្បុរស និងការអនុវត្តសកម្មភាពសប្បុរសធម៌ របស់កាកបាទក្រហមកម្ពុជា នាពេលកន្លងមក ដូចជាការចុះជួយដល់បណ្តាប្រជាជនរងគ្រោះ និងមានការលំបាកផ្នែកជីវភាព ជាពិសេសក្នុងពេលដែលជំងឺកូវីដ-១៩បានរាតត្បាតកន្លងមក ក៏ដូចជាសកម្មភាពសំខាន់ៗផ្សេងៗទៀត រួមមានការចុះជួយដល់បណ្តាប្រជាជនរងគ្រោះ ដោយទឹកជំនន់នាពេលកន្លងមក និងប្រជាជនដែលរងគ្រោះដោយកត្តាផ្សេងៗ និងមានការលំបាកផ្នែកជីវភាពជាដើម។ បន្ថែមលើសពីនេះទៀតក៏មានសកម្មភាពមនុស្សធម៌សំខាន់ៗជាច្រើន ដែលកាកបាទក្រហមកម្ពុជាបាននិងកំពុងអនុវត្ត ការបន្តជួយឧបត្ថម្ភថវិកាប្រចាំឆ្នាំជូន មូលនីធិគន្ធបុប្ផាកម្ពុជា ដើម្បីជួយសង្គ្រោះជីវិតកុមារនៅកម្ពុជា ក៏នៅតែជាសកម្មភាព អាទិភាពសំខាន់មួយ របស់កាកបាទក្រហមកម្ពុជាផងដែរ។លោកជំទាវឱ្យដឹងថាគិតចាប់ពីឆ្នាំ២០១២មក កាកបាទក្រហមកម្ពុជា បានផ្តល់ថវិកាជូនមន្ទីរពេទ្យគន្ឋបុប្ផាចំនួន១១លើកហើយ បូករួមទាំងតាមរយៈមូលធិនិគន្ធបុប្ផាកម្ពុជាចំនួន៥លើក គិតចាប់ពីថ្ងៃនៃការបង្កើតមូលធិនិគន្ធបុប្ផាកម្ពុជា នៅឆ្នាំ២០១៨មក គឺក្នុងគោលដៅជួយសង្គ្រោះកុមារនៅកម្ពុជា តាមរយៈមន្ទីរពេទ្យគន្ធបុប្ផាទាំងប្រាំទីតាំង។ក្នុងនាមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធមុនីរ័ត្ន, ឯកឧត្តម រស់ សីលវ៉ា បានសម្តែងនូវការថ្លែងអំណរគុណយ៉ាងជ្រាលជ្រៅ ជូនសម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចទាំងទ្វេជាស្ថាបនិក និងជាប្រធានកិត្តិយស នៃមូលនិធិគន្ធបុប្ផាកម្ពុជា ដែលតែងតែយកចិត្តទុកដាក់ខ្ពស់ ក្នុងសកម្មភាពសប្បុរសធម៌ជាច្រើន និងគិតគូរដល់សុខទុក្ខប្រជាជន ជាពិសេសក្នុងកាលៈទេសៈនៃការរីករាលដាលនៃជំងឺកូវីដ-១៩។ ទោះបីជាមានភារកិច្ចនិងកាតព្វកិច្ចដ៏មមាញឹក ក្នុងការដឹកនាំប្រទេសយ៉ាងណាក៏ដោយ ក៏លោកទាំងទ្វេនៅតែបន្ត ផ្តោតការយកចិត្តទុកខ្ពស់ លើកុមារនៅកម្ពុជា ជាប្រចាំ។ ក្នុងឱកាសនោះឯកឧត្តមក៏បានជម្រាបជូន លោកជំទាវ ពុំ ចន្ទីនី អំពីវឌ្ឍនភាពការងារ របស់មូលនិធិគន្ធបុប្ផាកម្ពុជាផងដែរ ទាំងក្នុងទិដ្ឋភាពប្រតិបត្តិការ និងទិដ្ឋភាពហិរញ្ញវត្ថុ ជាពិសេសពាក់ព័ន្ធនឹងការកៀរគរមូលនិធិ ដែលបានរងផលប៉ះពាល់ ពីការរីករាលដាលនៃជំងឺកូវីដ-១៩ ដែលធ្វើឱ្យមានការថយចុះ នៃទំហំថវិកាបរិច្ចាគពីសំណាក់សប្បុរសជននានា។ឯកឧត្តម រស់ សីលវ៉ា បានសម្តែងនូវការកោតសរសើរ និងសេចក្តីគោរពថ្លែងអំណរគុណដ៏ខ្ពង់ខ្ពស់ ចំពោះការដឹកនាំប្រកបដោយភាពឈ្លាសវៃរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានធ្វើឱ្យ កាកបាទក្រហមកម្ពុជា មានការរីកចម្រើនយ៉ាងខ្លាំង និងបានក្លាយជាស្ថាប័នមនុស្សធម៌ដ៏រឹងមាំមួយ នៅក្នុងព្រះរាជាណាចក្រកម្ពុជា។លោកជំទាវ ពុំ ចន្ទីនី បានថ្លែងអំណរគុណយ៉ាងជ្រាលជ្រៅចំពោះឯកឧត្តម រស់ សីលវ៉ា និងលេខាធិការដ្ឋានមូលនិធិគន្ធបុប្ផាកម្ពុជា ចំពោះកិច្ចខិតខំប្រឹងប្រែង និងការយកចិត្តទុកដាក់ខ្ពស់ ក្នុងការអនុវត្តការងារ និងកៀរគរមូលនិធិ ដើម្បីទ្រទ្រង់មន្ទីរពេទ្យគន្ធបុប្ផា ក្នុងការជួយសង្គ្រោះកុមារនៅកម្ពុជា។ លោកជំទាវបានពាំនាំនូវការផ្ដាំផ្ញើសួរសុខទុក្ខ និងការថ្លែងអំណរគុណ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនអគ្គបណ្ឌិតសភាចារ្យឧបនាយករដ្ឋមន្ត្រី, និងបុគ្គលិក របស់មូលនិធិគន្ធបុប្ផាកម្ពុជា, ថ្នាក់ដឹកនាំ លោកគ្រូ-អ្នកគ្រូពេទ្យ និងបុគ្គលិកទាំងអស់របស់មន្ទីរពេទ្យ ដែលបាននិងកំពុងបំពេញបេសកកម្មពិនិត្យ និងព្យាបាលកុមារនៅកម្ពុជាយ៉ាងសស្រាក់សស្រាំ ប្រកបដោយគុណភាព និងក្រមសីលធម៌វិជ្ជាជីវៈខ្ពស់៕ អត្ថបទ ៖ សំ ងីម

ទីភ្នាក់ងារជំងឺឆ្លងអឺរ៉ុបមើលឃើញបញ្ហាករណីស្លាប់ដោយសារជំងឺ COVID-19 ខ្ពស់ ខណៈសាខាវីរុស Omicron រាលដាលខ្លាំង

សហភាពអឺរ៉ុប៖ ទីភ្នាក់ងារទប់ស្កាត់ជំងឺឆ្លងសហភាពអឺរ៉ុបបាននិយាយកាលពីថ្ងៃចន្ទថា សាខាវីរុសបម្លែងខ្លួនថ្មី Omicron ចំនួន ២ គឺ BA.4 និង BA.5 កំពុងឆ្លងរាលដាលកាន់តែឆាប់រហ័ស ជាងវីរុសបម្លែងខ្លួនពីវីរុសកូរ៉ូណាផ្សេងទៀតនៅក្នុងទ្វីបអឺរ៉ុប ដែលអាចបណ្ដាលឲ្យចំនួនអ្នកជំងឺចូលសម្រាកព្យាបាលនៅមន្ទីរពេទ្យ និងស្លាប់មានច្រើនថែមទៀត ខណៈសាខាវីរុសបម្លែងខ្លួនថ្មីទាំងនោះក្លាយជាវីរុសមានសមត្ថភាពឆ្លងខ្លាំង។ មជ្ឈមណ្ឌលទប់ស្កាត់ និងបង្ការជំងឺឆ្លងរបស់អឺរ៉ុបបាននិយាយកាលពីថ្ងៃចន្ទថា ប្រទេសភាគច្រើននៅអឺរ៉ុបធ្លាប់បានតាមដានអត្រាឆ្លងទាបនៃសាខាវីរុសបម្លែងខ្លួនថ្មីទាំងនោះ ប៉ុន្តែក្នុងប្រទេសជាច្រើនជាទីដែលករណីឆ្លងហក់ឡើងដូចជានៅព័រទុយហ្គាល់ ជាទីដែលវីរុស BA.5 មានប្រមាណ ៨៧% នៃករណីឆ្លងនៅត្រឹមថ្ងៃទី៣០ ខែឧសភាមានករណីឆ្លងសរុបកើនឡើង។ សាខាវីរុសបម្លែងខ្លួនថ្មីទាំង២ ត្រូវបានបន្ថែមលើតារាងវីរុសនៃការឃ្លាំមើលរបស់អង្គការសុខភាពពិភពលោកកាលពីខែមីនា និងត្រូវបានចាត់ទុកថា ជាវីរុសបម្លែងខ្លួនគួរឲ្យបារម្ភពីសំណាក់មជ្ឈមណ្ឌលទប់ស្កាត់ និងបង្ការជំងឺឆ្លងរបស់អឺរ៉ុប។មជ្ឈមណ្ឌលទប់ស្កាត់ និងបង្ការជំងឺឆ្លងរបស់អឺរ៉ុបបាននិយាយថា សាខាវីរុសបម្លែងខ្លួនថ្មី BA.4 និង BA.5 ទំនងជាមិនបង្កឲ្យមានជំងឺធ្ងន់ធ្ងរជាងប្រភេទនៃវីរុសបម្លែងខ្លួនថ្មី Omicron នោះទេ។ ប៉ុន្តែករណីឆ្លងបានកើនឡើងពីអត្រាឆ្លងកាន់តែខ្ពស់ ដែលបណ្ដាលឲ្យមានអ្នកជំងឺចូលសម្រាកព្យាបាលនៅមន្ទីរពេទ្យ និងអ្នកស្លាប់កើនឡើង។ នៅក្នុងសហរដ្ឋអាមេរិក មជ្ឈមណ្ឌលទប់ស្កាត់ និងបង្ការជំងឺឆ្លងអាមេរិកបាននិយាយកាលពីសប្ដាហ៍មុនថា សាខាវីរុសបម្លែងខ្លួនថ្មី BA.4 និង BA.5 ត្រូវគេប៉ាន់ប្រមាណថានឹងកើនឡើងជិត ៥% និង ៨% ជាបន្តបន្ទាប់នៃករណីឆ្លងវីរុសកូរ៉ូណាគិតត្រឹមថ្ងៃទី៤ ខែមិថុនានេះ៕អត្ថបទ៖ សុខមាន

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»

ភ្នំពេញ៖ សម្តេចតេជោ ហ៊ុន សែន បានប្រកាសលើបណ្តាញសង្គម Facebook នៅមុននេះបន្តិថា សម្តេចមានការភ័ន្តច្រលំលើពេលវេលា ក្នុងការប្រកាសដោយផ្ទាល់មាត់ ពីការដំឡើងប្រាក់បៀវត្សរ៍ជូនមន្ត្រីរាជការ កងកម្លាំងប្រដាប់អាវុធ ក្នុងពេលជួបសំណេះសំណាលបិទវគ្គបណ្តុះបណ្តាលសិស្សសាលាភូមិសាលាភូមិន្ទរដ្ឋបាល កាលពីព្រឹកថ្ងៃទី១៣ ខែមិថុនា ឆ្នាំ២០២២ម្សិលម៉ិញ។ខ្លឹមសារសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា «ម្សិលមុិញ ខ្ញុំបានប្រកាសអំពីការដំឡើងបៀវត្សរ៍ជូនមន្ត្រីរាជការ និងកងកម្លាំងប្រដាប់អាវុធក្នុងភាពមិនច្បាស់លាស់អំពីពេលវេលា ដែលបង្កឱ្យមានការភ័ន្តច្រឡំ»។សម្តេចតេជោ ហ៊ុន សែន បានប្រកាសបន្ថែមដោយសង្កត់ធ្ងន់ថា ការដំឡើងបៀវត្សរ៍ និងត្រូវចាប់ផ្តើមនៅខែមករាឆ្នាំ២០២៣៕

បណ្ដាញសង្គម

ព័ត៌មានថ្មីៗ

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ក្រសួងបរិស្ថានរៀបចំកូនឈើ៥លានដើម សម្រាប់ចែកជូនពលរដ្ឋក្នុងពិព័រណ៍ «ពន្លកបៃតង» នៅខែក្រោយ

ក្រសួងមុខងារសាធារណៈ៖ «វិស័យអប់រំ» ជាវិស័យអាទិភាពលំដាប់ទីមួយរបស់រាជរដ្ឋាភិបាល ដើម្បីកសាង និងអភិវឌ្ឍមូលធនមនុស្ស ប្រកបដោយគុណភាពខ្ពស់ និងសុខភាពល្អ ដែលជាទ្រព្យសកម្មជាតិដ៏រឹងមាំ

លោកជំទាវបណ្ឌិត ពេជ ចន្ទមុន្នីហ៊ុនម៉ាណែត អញ្ជើញសម្ពោធដាក់ឲ្យដំណើរការសារមន្ទីរព្រះវិហារអដ្ឋរស្ស និងពុទ្ធាភិសេកព្រះបដិមាព្រះសម្មាសម្ពុទ្ធអង្គធំ ក្នុងរមណីយដ្ឋានភ្នំព្រះរាជទ្រព្យ (ឧដុង្គ)

អ្នកនាំពាក្យក្រសួងការងារ៖ គិតត្រឹម ៥ខែដើមឆ្នាំ២០២៦នេះ ចំនួនសហគ្រាស ក្រុមហ៊ុន រោងចក្រនៅកម្ពុជាមានចំនួន ៤៧ ២៩៩ សហគ្រាស កើនឡើងចំនួន ៦៥០សហគ្រាស

អាជ្ញាធរខេត្តកំពង់ស្ពឺ សម្ពោធផ្លូវបេតុងក្រាលកៅស៊ូលើខ្នងភ្នំឧទ្យានជាតិសុរាម្រិតកុសមៈគីរីរម្យ ដើម្បីលើកកម្ពស់វិស័យទេសចណ៍

ក្រុមប្រឹក្សាធម្មនុញ្ញប្រគល់ស្តម្ភរដ្ឋធម្មនុញ្ញចម្លង ដើម្បីតម្កល់នៅសាលារាជធានី-ខេត្ត សម្រាប់ប្រារព្ធពិធីគោរពរដ្ឋធម្មនុញ្ញ

មន្រ្ដីជាន់ខ្ពស់ក្រសួងអភិវឌ្ឍន៍ជនបទ ដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ ឆ្នាំ២០២៦ និងលើកទិសដៅបន្ត របស់មន្ទីរអភិវឌ្ឃន៍ជនបទខេត្តកំពត

រដ្ឋាភិបាលកម្ពុជាបង្កើតក្រុមការងារអន្តរក្រសួង ដើម្បីទាក់ទាញភ្ញៀវទេសចរអន្តរជាតិមកទស្សនាកម្ពុជា

ក្រសួងផែនការ សាងសង់អគារវិទ្យាស្ថានជាតិស្ថិតិថ្មី ដែលជាការវិនិយោគលើអនាគតប្រព័ន្ធស្ថិតិជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខណាតូនិយាយថា សម្ព័ន្ធយោធាមួយនេះចាំបាច់ត្រូវត្រៀមខ្លួន និងអាវុធកាន់តែច្រើនជាងមុនជួយអ៊ុយក្រែន

ពលរដ្ឋអាមេរិកជាង ១០០លាននាក់ត្រូវបានព្រមានឲ្យស្នាក់នៅក្នុងផ្ទះដោយសារការឡើងកម្ដៅ

អ៊ុយក្រែនរិះគន់លោក Joe Biden ជុំវិញការអះអាងការវាយប្រហារមិនសមហេតុផលមុនផ្ទុះសង្គ្រាម

កម្រងរូបភាពព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)នៅកម្ពុជា

សម្តេចតេជោ ហ៊ុន សែន អញ្ជើញជាអធិបតីភាពក្នុងព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)

រុស្ស៊ីជំរុញឲ្យអ្នកប្រយុទ្ធអ៊ុយក្រែននៅក្នុងទីក្រុង Severodonetsk ទម្លាក់អាវុធចុះ

កាកបាទក្រហមប្រគល់ថវិកាចំនួន១លានដុល្លារដល់មន្ទីរពេទ្យគន្ឋបុប្ផា

ទីភ្នាក់ងារជំងឺឆ្លងអឺរ៉ុបមើលឃើញបញ្ហាករណីស្លាប់ដោយសារជំងឺ COVID-19 ខ្ពស់ ខណៈសាខាវីរុស Omicron រាលដាលខ្លាំង

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ពលរដ្ឋ​អាមេរិក​ជាង​ ១០០​លាន​នាក់​ត្រូវ​បាន​ព្រមាន​ឲ្យ​ស្នាក់នៅ​ក្នុង​ផ្ទះ​ដោយសារ​ការ​ឡើង​កម្ដៅ​

អ៊ុយ​ក្រែ​ន​រិះគន់​លោក Joe Biden ជុំវិញ​ការ​អះអាង​ការវាយប្រហារ​មិន​សម​ហេតុផល​មុន​ផ្ទុះ​សង្គ្រាម​

កម្រងរូបភាពព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)នៅកម្ពុជា

សម្តេចតេជោ ហ៊ុន សែន អញ្ជើញជាអធិបតីភាពក្នុងព្រឹត្តិការណ៍ដំណើរទេសចរណ៍ពានរង្វាន់បាល់ទាត់ពិភពលោក (FIFA WORLD CUP)

រុស្ស៊ី​ជំរុញ​ឲ្យ​អ្នក​ប្រយុទ្ធ​អ៊ុយ​ក្រែ​ន​នៅ​ក្នុង​ទីក្រុង Severodonetsk ទម្លាក់អាវុធ​ចុះ

កាកបាទក្រហមប្រគល់ថវិកាចំនួន១លានដុល្លារដល់មន្ទីរពេទ្យគន្ឋបុប្ផា

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍​​ និងត្រូវចាប់ផ្តើមនៅខែមករា ឆ្នាំ២០២៣»

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ពលរដ្ឋអាមេរិកជាង ១០០លាននាក់ត្រូវបានព្រមានឲ្យស្នាក់នៅក្នុងផ្ទះដោយសារការឡើងកម្ដៅ

អ៊ុយក្រែនរិះគន់លោក Joe Biden ជុំវិញការអះអាងការវាយប្រហារមិនសមហេតុផលមុនផ្ទុះសង្គ្រាម

រុស្ស៊ីជំរុញឲ្យអ្នកប្រយុទ្ធអ៊ុយក្រែននៅក្នុងទីក្រុង Severodonetsk ទម្លាក់អាវុធចុះ

សម្តេចតេជោ ហ៊ុន សែន៖ «ខ្ញុំសូមបញ្ជាក់ជូនថា ការដំឡើងបៀវត្សរ៍ និងត្រូវចាប់ផ្តើមនៅខែមករា ឆ្នាំ២០២៣»