BTV NEWS

សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល គឺ ប្រទេសជាតិ,ប្រជាជន, ទឹកដី និង ឯករាជ្យភាពជាតិ

សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ

សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ

សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

ព័ត៌មានសំខាន់ៗ

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

ភ្នំពេញ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញចាក់វ៉ាក់សាំងដូសជំរុញ ដូសទី៥ បង្ការជំងឺកូវីដ-១៩ នៅវិមានរដ្ឋសភាដែលរៀបចំដោយក្រសួងសុខាភិបាល និងអគ្គលេខាធិការដ្ឋានរដ្ឋសភា នៅព្រឹកថ្ងៃទី១៤ មិថុនា ឆ្នាំ២០២២នេះ។សម្តេចប្រធានរដ្ឋសភាបានអំពាវនាវដល់ជនរួមជាតិទាំងអស់ទៅចាក់វ៉ាក់សាំងដូសជំរុញឱ្យបានគ្រប់គ្នាៗ ដើម្បីការពារជំងឺកូវីដ-១៩ ដោយសារជំងឺដ៍សាហាវនេះនៅតែជាក្តីកង្វល់របស់មនុស្សជាតិនៅឡើយ មានតែវ៉ាក់សំាងដែលអាចទប់ស្កាត់មិនឱ្យជំងឺនេះធ្លាក់ក្នុងសភាពក្នុងសភាពធ្ងន់ធ្ងរបាន។សម្តេចប្រធានរដ្ឋសភា បានអំពាវនាវដល់ជនរួមជាតិបន្តអនុវត្តវិធានការសុខាភិបាល បីកុំ បីការពារ ឱ្យបានខ្ជាប់ខ្ជួនជាប្រចាំ ទោះបីគ្រប់ៗគ្នាបាន ទទួលវ៉ាក់សំាងទំាងដូសមូលដ្ឋាន និងជំរុញហើយក្តី។សម្តេចអគ្គមហាពញាចក្រី ហេង សំរិន បានសម្តែងការកោតសរសើរចំពោះរាជរដ្ឋាភិបាល ដែលបានខិតខំប្រឹងប្រែងការពារអាយុជីវិតប្រជាពលរដ្ឋ ជាពិសេសការអនុវត្តគោលនយោបាយវ៉ាក់សាំងបានយ៉ាងជោគជ័យ នៅក្នុងនោះកម្ពុជាមិនខ្វះវ៉ាក់សំាងនឹងចាក់ជូនពលរដ្ឋឡើយជាមួយផែនការច្បាស់លាស់វែងឆ្ងាយទៅមុខទៀត ដូចជាការបង្កើតរោងចក្រផលិតវ៉ាក់សំាងនៅប្រទេសតែម្តង។សម្តេចប្រធានរដ្ឋសភា បានថ្លែងអំណរគុណយ៉ាងជ្រាលជ្រៅចំពោះបណ្តាប្រទេសជាមិត្ត អង្គការដៃគូអភិវឌ្ឍន៍ទាំងឡាយដែលបានផ្តល់ជំនួយជាថវិកា វ៉ាក់សាំង និងឧបករណ៍វិទ្យាសាស្រ្តដល់កម្ពុជា ក្នុងការទប់ស្កាត់ ការពារអាយុជីវិតប្រជាពលរដ្ឋពីជំងឺកូវីដ-១៩ ជាបន្តបន្ទាប់ រហូតមក៕

រុស្ស៊ីរកចំណូលបាន ៩៨ពាន់លានដុល្លារពីការនាំចេញប្រេងឥន្ធនៈក្នុងសង្គ្រាមជាង ១០០ថ្ងៃនៅអ៊ុយក្រែន

រុស្ស៊ី៖ យោងតាមការស្រាវជ្រាវថ្មីបង្ហាញថា ប្រទេសរុស្ស៊ីរកចំណូលបានចំនួន ៩៨ពាន់លានដុល្លារអាមេរិកពីការនាំចេញប្រេងឥន្ធនៈក្នុងរយៈពេលជាង ១០០ថ្ងៃដំបូងនៃសង្គ្រាមរបស់ខ្លួននៅក្នុងប្រទេសអ៊ុយក្រែន ស្របពេលដែលសមភាពអឺរ៉ុបគឺជាអ្នកនាំចូលដ៏សំខាន់។ របាយការណ៍ដែលបានចេញផ្សាយកាលពីថ្ងៃចន្ទដោយក្រុមឯករាជ្យ ដែលជាមជ្ឈមណ្ឌលស្រាវជ្រាវស្ដីពីថាមពល និងខ្យល់ស្អាត (CREA) មានមូលដ្ឋាននៅប្រទេសហ្វាំងឡង់មានឡើង ខណៈកងកម្លាំងរុស្ស៊ីបន្តវាយរុលទៅមុខយឺតៗ ប៉ុន្តែមានការរីកចម្រើនជាលំដាប់នៅក្នុងយុទ្ធនាការរបស់ពួកគេ ដើម្បីដណ្ដើមកាន់កាប់ទាំងស្រុងលើតំបន់ Donbas ភាគខាងកើតរបស់អ៊ុយក្រែន។ សហរដ្ឋអាមេរិក និងសហភាពអឺរ៉ុបបានបញ្ជូនអាវុធ និងប្រាក់ដើម្បីជួយអ៊ុយក្រែនទប់ទល់នឹងការវាយរុលទៅមុខរបស់កងកម្លាំងរុស្ស៊ី ស្របពេលនឹងការដាក់ទណ្ឌកម្មផ្នែកសេដ្ឋកិច្ចធ្ងន់ធ្ងរបំផុតមិនធ្លាប់មានលើក្រុង Moscow។ប៉ុន្តែទីក្រុង Kyiv អំពាវនាវដល់បណ្ដាប្រទេសលោកខាងលិច កាត់ផ្ដាច់ពាណិជ្ជកម្មទាំងអស់ជាមួយក្រុង Moscow ក្នុងក្ដីសង្ឃឹមកាត់ផ្ដាច់ចរន្តហិរញ្ញវត្ថុ ក្រោយការវាយប្រហារកាលពីថ្ងៃទី២៤ ខែកុម្ភៈ។ មុនសង្គ្រាមផ្ទុះឡើងប្រទេសរុស្ស៊ីបានផ្គត់ផ្គង់ឧស្ម័នចំនួន ៤០% ដល់សហភាពអឺរ៉ុប និងការនាំចូលប្រេងឥន្ធនៈពីរុស្ស៊ីចំនួន ២៧%។ កាលពីដើមខែនេះ ប្លុកសហភាពអឺរ៉ុបបានព្រមព្រៀងបញ្ឈប់ការនាំចូលប្រេងឥន្ធនៈភាគច្រើនពីរុស្ស៊ី ខណៈដែលខ្លួនមានបំណងកាត់បន្ថយការនាំចូលឧស្ម័នធម្មជាតិឲ្យបាន ២ភាគ៣ នៅឆ្នាំនេះ។ ហើយបច្ចុប្បន្ននេះការដាក់បម្រាមលើការនាំចេញពីរុស្ស៊ីទំនងជាមិនទាន់កើតឡើងនៅឡើយទេ៕អត្ថបទ៖ សុខមាន

អនាគតមិនច្បាស់លាស់របស់កងកម្លាំងរុស្ស៊ី និងអ៊ុយក្រែនក្នុងឆាកប្រយុទ្ធដ៏ក្ដៅគគុកដណ្ដើមតំបន់ Donbas

អ៊ុយក្រែន៖ ពីមួយថ្ងៃទៅមួយថ្ងៃកងកម្លាំងរុស្ស៊ីកាន់តែវាយសន្ធាប់ខ្លាំងលើតំបន់ Donbas របស់ប្រទេសអ៊ុយក្រែនដោយមានការបាញ់ផ្លោងកាំភ្លើងធំ និងវាយឆ្មក់តាមអាកាសឥតឈប់ឈរ ត្បិតថារុលទៅមុខមិនសូវរលូន តែមានការរីកចម្រើនជាបន្តបន្ទាប់ក្នុងការដណ្ដើមយកតំបន់ឧស្សាហកម្មដ៏សំខាន់ របស់ប្រទេសជិតខាងមួយនេះ។ ស្របពេលជម្លោះបានអូសបន្លាយចូលដល់ខែទី៤ យុទ្ធនាការដែលកំពុងជាប់គាំងយ៉ាងខ្លាំងរបស់ខ្លួន អាចបញ្ជាក់ពីទិសដៅនៃសង្គ្រាមពេញបន្ទុក។ ប្រសិនបើកងកម្លាំងរុស្ស៊ីទទួលបានជ័យជម្នះនៅក្នុងការប្រយុទ្ធគ្នាដណ្ដើមតំបន់ Donbas នោះមានន័យថា អ៊ុយក្រែនមិនត្រឹមតែបាត់បង់ទឹកដីប៉ុណ្ណោះទេ ថែមទាំងអាចបាត់បង់សមត្ថភាពកងកម្លាំងយោធារបស់ខ្លួនទៀតផង ដែលជាការបើកផ្លូវសម្រាប់ក្រុង Moscow ដណ្ដើមកាន់កាប់ទឹកដីកាន់តែច្រើនថែមទៀត និងឆ្ពោះទៅកាន់រដ្ឋធានី Kyiv ជាថ្មី។ ការបរាជ័យរបស់រុស្ស៊ីនៅក្នុងសមរភូមិប្រយុទ្ធនេះ អាចហុចឱកាសឲ្យកងកម្លាំងអ៊ុយក្រែនមានពេលវាយបក និងអាចធ្វើឲ្យមានភាពចលាចលខាងនយោបាយសម្រាប់វិមានក្រឹមឡាំង។ទីប្រឹក្សាប្រធានាធិបតីអ៊ុយក្រែនលោក Mykhailo Podolyak បានប្រាប់សារព័ត៌មាន BBC ថា កងកម្លាំងអ៊ុយក្រែនកំពុងបាត់បង់ជីវិតចន្លោះពី ១០០ ទៅ ២០០នាក់ក្នុងមួយថ្ងៃនៅក្នុងសង្គ្រាមជាមួយរុស្ស៊ី។ កងកម្លាំងរុស្ស៊ីបានគ្រប់គ្រងតំបន់ឆ្នេរសមុទ្រអាស៊ូវ (Azov) ទាំងស្រុងរួមទាំងកំពង់ផែយុទ្ធសាស្ត្រ Mariupol, តំបន់ Kherson ទាំងមូលដែលជាផ្លូវដ៏សំខាន់ចូលទៅកាន់តំបន់ Crimea និងជាច្រកដ៏ធំនៃតំបន់ Zaporizhia ដែលអាចសម្រួលដល់ការវាយរុញទៅមុខកាន់តែជ្រៅថែមទៀតចូលទៅប្រទេសអ៊ុយក្រែន។ មានការរំពឹងទុកតិចតួចណាស់ថា លោក Putin នឹងបញ្ឈប់សង្គ្រាមនេះ៕អត្ថបទ៖ សុខមាន

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

ភ្នំពេញ៖ ឯកឧត្តមទេសរដ្ឋរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានជំរុញឲ្យពង្រឹងការរៀបចំនៅថ្នាក់ជាតិ និងថ្នាក់ក្រោមជាតិ ត្រៀមឆ្លើយតបឲ្យបានទាន់ពេលវេលា ពាក់ព័ន្ធបញ្ហាគ្រោះមហន្តរាយ ដែលអាចកើតមាននៅក្នុងរដូវវស្សានេះ ។ ក្នុងកិច្ចប្រជុំឆ្លងរបាយការណ៍ ស្តីពីលទ្ធផលការងារគ្រប់គ្រងគ្រោះមហន្តរាយ ក្នុងខែឧសភា និងទិសដៅអនុវត្ត ខែមិថុនា ឆ្នាំ២០២២ នាថ្ងៃទី១៣ ខែមិថុនា ឆ្នាំ២០២២ ឯកឧត្តម គន់ គីម មានប្រសាសន៍ថា អ្នកពាក់ព័ន្ធត្រូវពង្រឹងយន្តការ នៃការតាមដានស្ថានភាពអាកាសធាតុ និងហេតុការណ៍គ្រោះមហន្តរាយ ដែលកើតមានក្នុងក្របខណ្ឌទូទាំងប្រទេស និងក្នុងតំបន់ ដើម្បីបន្តការផ្សព្វផ្សាយឱ្យដល់សហគមន៍ បានទាន់ពេលវេលា ។ឯកឧត្តម បានបន្តថា ថ្នាក់ជាតិ និងថ្នាក់ក្រោមជាតិ ត្រូវពង្រឹងការត្រៀមរៀបចំ ដើម្បីឆ្លើយតបទៅនឹងហេតុការណ៍គ្រោះមហន្តរាយ ដែលអាចនឹងកើតមានក្នុងរដូវវស្សា ឱ្យទាន់ពេលវេលាតាមរយៈកិច្ចសហប្រតិបត្តិការ ជាមួយក្រសួងស្ថាប័នពាក់ព័ន្ធ កងប្រតិបត្តិការរុករក និងសង្គ្រោះ កាកបាទក្រហមកម្ពុជា អាជ្ញាធរមូលដ្ឋាន ដៃគូអភិវឌ្ឍន៍ និងអង្គការដៃគូ ។ ជាមួយនេះ ឯកឧត្តមទេសរដ្ឋមន្ត្រី បានវាយតម្លៃខ្ពស់ និងកោតសរសើរថ្នាក់ដឹកនាំ និងមន្ត្រីទាំងអស់ ដែលប្រឹងប្រែងដោះស្រាយការលំបាក និងបានអនុវត្តការងារបានច្រើនគួរឱ្យកត់សម្គាល់ ដើម្បីឆ្លើយតបនឹងបញ្ហាគ្រោះមហន្តរាយផ្សេងៗ ដែលបានកើតឡើងជារៀងរាល់ឆ្នាំ ។យោងតាមរបាយការណ៍ បានឱ្យដឹងថា ភ្លៀងកក់ខែក្នុងរដូវប្រាំងឆ្នាំនេះ បានបន្តធ្លាក់រាយប៉ាយតាមបណ្តាខេត្តជាច្រើន ហើយខេត្តខ្លះមានភ្លៀងធ្លាក់ ក្នុងបរិមាណពី៧០-១០០មីលីម៉ែត្រ រហូតមានប៉ះពាល់ដំណាំស្រូវរបស់ពលរដ្ឋ ហើយមានករណីបាក់ដាច់ទំនប់អាងស្តុកទឹក របស់ក្រុមហ៊ុនចំការចេកហ័ងអាញ់ ក្នុងឃុំស្រែអង្រ្កង ស្រុកកូនមុំ ខេត្តរតនគិរី បណ្តាលឱ្យលិចផ្ទះកម្មករ ៧ល្វែង មាន១៥០ បន្ទប់និងតូបលក់ទំនិញ២ ជម្លៀសកម្មករទៅទីទួលសុវត្តិភាពចំនួន ១៧៦គ្រួសារ ស្មើ៥៧០នាក់ ។របាយការណ៍បន្តថា បញ្ហាគ្រោះមហន្តរាយ បង្កឡើងដោយខ្យល់កន្រ្តាក់ នៅដើមឆ្នាំនេះ បានប៉ះពាល់រាជធានី-ខេត្ត ចំនួន១៣ ស្លាប់មនុស្សម្នាក់ ខណៈករណីរន្ទះបាញ់ ធ្វើឱ្យបាត់បង់អាយុជីវិត ចំនួន១៣នាក់ (ស្រី៣) របួស៨នាក់ និងងាប់គោក្របី ៣០ក្បាល ។ ចំណែកបញ្ហាអគ្គិភ័យ កើតមានចំនួន ៣៧លើក នៅរាជធានី-ខេត្ត ចំនួន១៦ ខូចខាតផ្ទះចំនួន ១៣៧ខ្នង-ល្វែង ស្លាប់មនុស្ស ៥នាក់ និងរបួស ៦នាក់ ៕ (ដោយ៖ បាន សុខរិទ្ធិ)

ផ្សាយឡើងវិញ!! ប្រសាសន៍សម្ដេចតេជោ ហ៊ុន សែន ក្នុងពិធីបិទវគ្គបណ្ដុះបណ្ដាលឆ្នាំ២០២០-២០២១ របស់សាលាភូមិន្ទរដ្ឋបាល

នៅព្រឹកថ្ងៃទី១៣ ខែមិថុនា ឆ្នាំ២០២២ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីដ៏ខ្ពង់ខ្ពស់ ពិធីបិទវគ្គ បណ្ដុះបណ្ដាលឆ្នាំ២០២០-២០២១ និងបើកវគ្គបណ្ដុះបណ្ដាលឆ្នាំ ២០២២ របស់សាលាភូមិន្ទរដ្ឋបាល នៅមជ្ឈមណ្ឌលសន្និបាតនិងពិព័រណ៍អន្តរជាតិជ្រោយចង្វា៕

សម្ដេចតេជោ ហ៊ុន សែន៖ វិបត្តិប្រេងសាំងឡើងថ្លៃ មិនមែនតែនៅកម្ពុជាទេ គឺកើតឡើងទូទាំងពិភពលោក

ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ទៅអ្នកដែលរិះគន់រឿងប្រេងឥន្ធនៈឡើងថ្លៃនៅកម្ពុជា ថា វាគឺជាវិបត្តិកើតឡើងនៅទូទាំងពិភពលោក ដោយសារសង្គ្រាមរុស្ស៊ី និងអ៊ុយក្រែន។ សម្ដេចបញ្ជាក់ថា តម្លៃប្រេងឥន្ធនៈនៅបារាំងមានតម្លៃប្រមាណជា ១ម៉ឺនរៀលក្នុងមួយលីត្រ ហើយនៅអាមេរិកក៏មានតម្លៃកើនខ្ពស់ជាងនៅប្រទេសកម្ពុជាផងដែរ និយាយជារួមតម្លៃប្រេងឥន្ធនៈនេះ បានកើតឡើងទូទាំងពិភពលោក មិនមែនតែកម្ពុជាទេ។សម្ដេចតេជោ ហ៊ុន សែន បានបញ្ជាក់យ៉ាងដូច្នេះក្នុងឱកាសដែលសម្ដេចអញ្ជើញជាអធិបតីភាព ដ៏ខ្ពង់ខ្ពស់ក្នុងពិធីសំណេះសំណាល និងប្រគល់សញ្ញាបត្រជូនសិស្សសាលាភូមិន្ទរដ្ឋបាលជាង ២ពាន់នាក់ នៅព្រឹកថ្ងៃទី១៣ ខែមិថុនា ឆ្នាំ២០២២នេះ ។សម្តេចតេជោ ហ៊ុន សែន បានគូសបញ្ជាក់ថា វិបត្តិស្បៀង និងថាមពល ដោយសារជម្លោះប្រដាប់ អាវុធ រវាងរុស្ស៊ី និងអ៊ុយក្រែន ដែលជាវិបត្តិដ៏ធំ មានវិសាលភាពទូទាំងពិភពលោក ហើយកម្ពុជា ក៏បានត្រៀមទប់ទល់នឹងវិបត្តិនេះផងដែរ។ជាមួយគ្នានេះផងដែរ សម្តេចតេជោ ហ៊ុន សែន នាយករដ្ឋមន្ត្រី បានប្រកាសត្រៀមកញ្ចប់ថវិកាមួយចំនួនធំបន្ថែមទៀត ដើម្បីគាំពារសង្គមពីវិបត្តិសកលលោកនានា រួមទាំងវិបត្តិចាស់ដោយសារកូវីដ-១៩ និងវិបត្តិសកលថ្មី ដែលបណ្តាលមកពីសង្គ្រាមអូសបន្ទាយរវាងរុស្ស៊ី និងអ៊ុយក្រែន។

កម្ពុជា-ជប៉ុន ចុះហត្ថលេខាលើហិរញ្ញប្បទានឥតសំណងរបស់ជប៉ុន លើគម្រោង អាហារូបករណ៍អភិវឌ្ឍន៍ធនធានមនុស្ស

ភ្នំពេញ៖ ឯកឧត្ដមឧបនាយករដ្ឋមន្រ្ដី ប្រាក់ សុខុន និងឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា នៅព្រឹកថ្ងៃទី១៣ ខែមិថុនានេះ បានចុះហត្ថលេខាលើលិខិតប្ដូរសារ និងឯកសារពាក់ព័ន្ធ ស្ដីពីការផ្ដល់ហិរញ្ញប្បទានឥតសំណងរបស់ជប៉ុន ដែលមានទឹកប្រាក់ចំនួន៣,៣៦ លានដុល្លារអាមេរិក ដើម្បីអនុវត្តគម្រោង«អាហារូបករណ៍អភិវឌ្ឍន៍ធនធានមនុស្ស»៕

កម្ពុជា-ចិន ចុះហត្ថលេខាលើកិច្ចព្រមព្រៀងស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង

ភ្នំពេញ៖ ឯកឧត្ដមឧបនាយករដ្ឋមន្រ្ដី ប្រាក់ សុខុន រដ្ឋមន្រ្ដីការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា និងឯកឧត្ដម វ៉ាង វិនធាន ឯកអគ្គរដ្ឋទូត នៃសាធារណរដ្ឋប្រជាមានិតចិនប្រចាំកម្ពុជា នៅព្រឹកថ្ងៃទី១៣ ខែមិថុនា ឆ្នាំ២០២២នេះ បានអញ្ជើញចុះហត្ថលេខាលើកិច្ចព្រមព្រៀងស្ដីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង ឆ្នាំ២០២២ ដែលមានទឹកប្រាក់ជាង ៤លានដុល្លារអាមេរិក៕

សម្ដេចតេជោ ហ៊ុន សែន៖ «បើមិនអាចដាក់គោលដៅដើម្បីបម្រើប្រជាពលរដ្ឋបាន នោះមិនគួរធ្វើជាមន្ត្រីឡើយ»

ដើម្បីទទួលបានព័ត៌មានថ្មីៗ រហ័ស សូមចុចJoin Channel Telegram BTV Newsភ្នំពេញ៖ ក្នុងឱកាសអញ្ជើញប្រគល់សញ្ញាបត្រជូនសិស្សសាលាភូមិន្ទរដ្ឋបាលនៅព្រឹកថ្ងៃទី១៣ ខែមិថុនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានផ្តល់អនុសាសន៍ដល់មន្ត្រី សូមប្រកាន់ខ្លួនជាមន្ត្រីរបស់រដ្ឋ ជាអ្នកបម្រើប្រជាពលរដ្ឋដោយស្មោះត្រង់ មិនមែនជាចៅហ្វាយនាយរបស់ប្រជាពលរដ្ឋនោះទេ។ សម្តេចបញ្ជាក់ថា «បើមិនអាចដាក់គោលដៅ ដើម្បីបម្រើប្រជាពលរដ្ឋបានទេ នោះមិនគួរធ្វើជាមន្ត្រីឡើយ»។សម្តេចតេជោ ហ៊ុន សែន បានអំពាវនាវសូមកុំឱ្យមានការប្រែធាតុ ពេលក្លាយខ្លួនជាមន្ត្រីរបស់រដ្ឋ បម្រើប្រជាពលរដ្ឋ។ សម្តេចតេជោ ហ៊ុន សែន បានបញ្ជាក់ថា «សូមកុំឱ្យមានវប្បធម៌ ប្តីសក្តិ៣ ប្រពន្ធសក្តិ៤ កូនសក្តិ៥ ហើយនាំគ្នាលូកដៃចូលកិច្ចការនានារបស់មន្ត្រីឱ្យសោះ... »។ជាមួយគ្នានេះដែរ សម្តេចតេជោ ហ៊ុន សែន បានប្រសាសន៍ថា មន្ត្រីមិនបានការ គឺតែងធ្វើរឿងពីរ ដោយទី១ បន្ទោសមន្ត្រីថ្នាក់ក្រោម និងទី២ រាយការណ៍ទៅថ្នាក់លើ ដែលមន្ត្រីទាំងនោះ មិនអាចដឹកនាំស្ថាប័នឱ្យមានការរីកចម្រើន និងធ្វើឱ្យមានសុខុដុមនីយកម្មផ្ទៃក្នុងបានឡើយ។សម្តេចតេជោ ហ៊ុន សែន បានប្រកាសដល់មន្ត្រីទាំងឡាយ សូមធ្វើខ្លួនជា«មន្ត្រីគ្រាប់ល្ពៅ» សូមធ្វើខ្លួនជាមន្ត្រីបម្រើប្រជាពលរដ្ឋដោយស្មោះត្រង់។

ចិនប្តេជ្ញាតតាំងដល់ទីបំផុតដើម្បីទប់ការប្រកាសឯករាជ្យរបស់កោះតៃវ៉ាន់

ចិន៖ រដ្ឋមន្ត្រីការពារជាតិចិនលោក Wei Fenghe បាននិយាយកាលពីថ្ងៃអាទិត្យថា ប្រទេសចិននឹងគ្មានជម្រើសអ្វីក្រៅពី “តតាំងដល់ទីបញ្ចប់” ប្រសិនបើមានការប៉ុនប៉ងត្រូវបានធ្វើឡើង ដើម្បីបំបែកកោះតៃវ៉ាន់ចេញពីចិនដីគោកនោះ នៅក្នុងសុន្ទរកថាដ៏ម៉ឺងម៉ាត់មួយនៅឯវេទិកាការពារជាតិសកល ដែលលោកក៏បានវាយប្រហារសហរដ្ឋអាមេរិកផងដែរចំពោះការលាបពណ៌ប្រទេសចិន។ លោក Wei បាននិយាយថា ប្រទេសចិននឹងធ្វើគ្រប់យ៉ាងតាមដែលអាចធ្វើទៅបាន ដើម្បីបញ្ឈប់កោះតៃវ៉ាន់ ជាខេត្តស្វ័យគ្រប់គ្រងដឹកនាំតាមបែបលទ្ធិប្រជាធិបតេយ្យ ដែលក្រុងប៉េកាំងអះអាងថាជាដែនដីរបស់ខ្លួនកុំឲ្យក្លាយជាកោះឯករាជ្យ ខណៈភាពតានតឹងទ្វេភាគីជាមួយសហរដ្ឋអាមេរិក ឡើងកំដៅកាន់តែខ្លាំងដោយសារតែបញ្ហានេះ។ លោក Wei បានព្រមាននៅក្នុងសុន្ទរកថារបស់លោកនៅថ្ងៃចុងក្រោយនៃកិច្ចសន្ទនា Shangri-La លើកទី19 នៅប្រទេសសិង្ហបុរីថា ប្រសិនបើនរណាម្នាក់ហ៊ានបំបែកកោះតៃវ៉ាន់ចេញពីចិន យើងនឹងមិនស្ទាក់ស្ទើរក្នុងការប្រយុទ្ធទេ។ យើងនឹងតតាំងគ្រប់មធ្យោបាយទាំងអស់ ហើយយើងប្រាកដជានឹងតស៊ូដល់ទីបំផុត។ នេះជាជម្រើសតែមួយគត់សម្រាប់ប្រទេសចិន។ លោកបាននិយាយថា ក្រុងវ៉ាស៊ីនតោនកំពុងព្យាយាមឆក់ផលប្រយោជន៍ដើម្បីខ្លួនឯង ក្រោមលេសពហុភាគីនិយម។ លោកថា មិនគួរមាននរណាម្នាក់មើលស្រាលការតាំងចិត្ត និងសមត្ថភាពរបស់កងកម្លាំងប្រដាប់អាវុធចិនក្នុងការការពារបូរណភាពទឹកដីរបស់ខ្លួននោះទេ៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ប្រព័ន្ធផ្សព្វផ្សាយ៖ អាមេរិកលែងចាត់ទុកអ៊ីស្រាអែលជាសម្ព័ន្ធមិត្តពិសេសទៀតហើយ

ក្រុមហេសបូឡានិយាយថា ខ្លួននឹងធ្វើការប្រឆាំងកិច្ចព្រមព្រៀងក្របខណ្ឌលីបង់-អ៊ីស្រាអែល

អនុប្រធានទី១ គ.ជ.គ.ម អញ្ជើញដឹកនាំកិច្ចប្រជុំលើរបាយការណ៍លទ្ធផលការងារគ្រប់គ្រងគ្រោះមហន្តរាយខែមិថុនា និងលើកទិសដៅការងារអនុវត្តបន្តខែកក្កដា

កម្ពុជានឹងរៀបចំពិព័រណ៍អាហារខ្មែរ ដើម្បីលើកកម្ពស់ផលិតផលក្នុងស្រុក និងពង្រីកទីផ្សារដល់សហគ្រិន

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ក្រសួងបរិស្ថានរៀបចំកូនឈើ៥លានដើម សម្រាប់ចែកជូនពលរដ្ឋក្នុងពិព័រណ៍ «ពន្លកបៃតង» នៅខែក្រោយ

ក្រសួងមុខងារសាធារណៈ៖ «វិស័យអប់រំ» ជាវិស័យអាទិភាពលំដាប់ទីមួយរបស់រាជរដ្ឋាភិបាល ដើម្បីកសាង និងអភិវឌ្ឍមូលធនមនុស្ស ប្រកបដោយគុណភាពខ្ពស់ និងសុខភាពល្អ ដែលជាទ្រព្យសកម្មជាតិដ៏រឹងមាំ

លោកជំទាវបណ្ឌិត ពេជ ចន្ទមុន្នីហ៊ុនម៉ាណែត អញ្ជើញសម្ពោធដាក់ឲ្យដំណើរការសារមន្ទីរព្រះវិហារអដ្ឋរស្ស និងពុទ្ធាភិសេកព្រះបដិមាព្រះសម្មាសម្ពុទ្ធអង្គធំ ក្នុងរមណីយដ្ឋានភ្នំព្រះរាជទ្រព្យ (ឧដុង្គ)

អ្នកនាំពាក្យក្រសួងការងារ៖ គិតត្រឹម ៥ខែដើមឆ្នាំ២០២៦នេះ ចំនួនសហគ្រាស ក្រុមហ៊ុន រោងចក្រនៅកម្ពុជាមានចំនួន ៤៧ ២៩៩ សហគ្រាស កើនឡើងចំនួន ៦៥០សហគ្រាស

អាជ្ញាធរខេត្តកំពង់ស្ពឺ សម្ពោធផ្លូវបេតុងក្រាលកៅស៊ូលើខ្នងភ្នំឧទ្យានជាតិសុរាម្រិតកុសមៈគីរីរម្យ ដើម្បីលើកកម្ពស់វិស័យទេសចណ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

រុស្ស៊ីរកចំណូលបាន ៩៨ពាន់លានដុល្លារពីការនាំចេញប្រេងឥន្ធនៈក្នុងសង្គ្រាមជាង ១០០ថ្ងៃនៅអ៊ុយក្រែន

អនាគតមិនច្បាស់លាស់របស់កងកម្លាំងរុស្ស៊ី និងអ៊ុយក្រែនក្នុងឆាកប្រយុទ្ធដ៏ក្ដៅគគុកដណ្ដើមតំបន់ Donbas

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

សម្ដេចតេជោ ហ៊ុន សែន៖ វិបត្តិប្រេងសាំងឡើងថ្លៃ មិនមែនតែនៅកម្ពុជាទេ គឺកើតឡើងទូទាំងពិភពលោក

កម្ពុជា-ជប៉ុន ចុះហត្ថលេខាលើហិរញ្ញប្បទានឥតសំណងរបស់ជប៉ុន លើគម្រោង អាហារូបករណ៍អភិវឌ្ឍន៍ធនធានមនុស្ស

សម្ដេចតេជោ ហ៊ុន សែន៖ «បើមិនអាចដាក់គោលដៅដើម្បីបម្រើប្រជាពលរដ្ឋបាន នោះមិនគួរធ្វើជាមន្ត្រីឡើយ»

ចិនប្តេជ្ញាតតាំងដល់ទីបំផុតដើម្បីទប់ការប្រកាសឯករាជ្យរបស់កោះតៃវ៉ាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

សម្តេចអគ្គមហាពញាចក្រី ហេង សំរិន ប្រធានរដ្ឋសភានិងសម្តេចធម្មវិសុទ្ធវង្សា អញ្ជើញចាក់វ៉ាក់សំាងដូសទី៥

ឯកឧត្តម គន់ គីម ជំរុញត្រៀមឆ្លើយតបឲ្យទាន់ពេលវេលា បញ្ហាគ្រោះមហន្តរាយកើតឡើងនៅរដូវវស្សានេះ

សម្ដេចតេជោ ហ៊ុន​ សែន៖ វិបត្តិប្រេងសាំងឡើងថ្លៃ មិនមែនតែនៅកម្ពុជាទេ គឺកើតឡើងទូទាំងពិភពលោក

កម្ពុជា-ជប៉ុន ចុះហត្ថលេខាលើហិរញ្ញប្បទានឥតសំណងរបស់ជប៉ុន លើគម្រោង អាហារូបករណ៍អភិវឌ្ឍន៍ធនធានមនុស្ស

សម្ដេចតេជោ ហ៊ុន​ សែន​៖ «បើមិនអាចដាក់គោលដៅដើម្បីបម្រើប្រជាពលរដ្ឋបាន នោះមិនគួរធ្វើជាមន្ត្រីឡើយ»

ចិន​ប្តេជ្ញា​តតាំង​ដល់​ទី​បំផុត​ដើម្បី​ទប់​ការប្រកាស​ឯករាជ្យ​រប​ស់កោះ​តៃវ៉ាន់​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សម្ដេចតេជោ ហ៊ុន សែន៖ វិបត្តិប្រេងសាំងឡើងថ្លៃ មិនមែនតែនៅកម្ពុជាទេ គឺកើតឡើងទូទាំងពិភពលោក

សម្ដេចតេជោ ហ៊ុន សែន៖ «បើមិនអាចដាក់គោលដៅដើម្បីបម្រើប្រជាពលរដ្ឋបាន នោះមិនគួរធ្វើជាមន្ត្រីឡើយ»

ចិនប្តេជ្ញាតតាំងដល់ទីបំផុតដើម្បីទប់ការប្រកាសឯករាជ្យរបស់កោះតៃវ៉ាន់