BTV NEWS

សម្ដេចតេជោ គាំទ្រកម្ពុជា-វៀតណាម ចៀសវាងកុំឱ្យមានការប្រើប្រាស់កម្លាំងនៅក្នុងប្រទេសមួយ ប្រឆាំងនឹងប្រទេសណាមួយទៀត

សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីសន្តិសុខសាធារណៈវៀតណាម ចូលជួបសម្តែងការគួរសម

សម្តេចធិបតីលើកទឹកចិត្តឱ្យក្រសួងមហាផ្ទៃកម្ពុជា ក្រសួងសន្តិសុខសាធារណៈឡាវ និងក្រសួងនគរបាលវៀតណាម បន្តពង្រឹងកិច្ចសហប្រតិបត្តិការឱ្យកាន់តែរីកចម្រើនបន្ថែមទៀត

ផ្ទះទេវតាទី៣៣៥ មួយខ្នងទៀត ដោយមានភ្ជាប់ប្រព័ន្ធទឹកស្អាត និងភ្លើងសូឡា ជាអំណោយដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត, សម្ដេចធិបតី និងលោកជំទាវត្រូវបានលោកជំទាវ ហ៊ុន ម៉ាណា ប្រគល់ជូនលោកយាយចាស់ជរានៅខេត្តតាកែវ

ព័ត៌មានសំខាន់ៗ

មនុស្ស ៥០នាក់រួមទាំងកុមារជាច្រើននាក់បានស្លាប់ក្នុងការវាយប្រហារនៅព្រះវិហារក្នុងប្រទេសនីហ្ស៊េរីយ៉ា

នីហ្ស៊េរីយ៉ា៖ ក្រុមក្មាន់កាំភ្លើងបានបើកការបាញ់ប្រហារ និងបំផ្ទុះគ្រឿងផ្ទុះសម្លាប់មនុស្សរាប់សិបនាក់ នៅព្រះវិហារកាតូល្លិកមួយកន្លែងក្នុងប្រទេសនីហ្ស៊េរីយ៉ាភាគនិរតី។ អំពើហិង្សានេះបានកើតឡើង ខណៈក្រុមអ្នកបួងសួងបានប្រមូលផ្ដុំគ្នានៅព្រះវិហារកាតូល្លិកសេន ហ្វ្រង់ស៊ីស (St Francis Catholic Church) ក្នុងរដ្ឋ Ondo កាលពីថ្ងៃអាទិត្យ។ ក្នុងចំណោមអ្នកស្លាប់មានកុមារជាច្រើននាក់ផងដែរ។ លោក Adelegbe Timileyin តំណាងឲ្យទីក្រុង Owo ជាកន្លែងកើតហេតុបាននិយាយថា មនុស្សយ៉ាងហោចណាស់ ៥០នាក់បានស្លាប់។វេជ្ជបណ្ឌិតមួយរូបនៅមន្ទីរពេទ្យមួយក្នុងទីក្រុង Owo បាននិយាយថា សាកសពជិត ៥០នាក់ត្រូវបានយកចេញពីមណ្ឌលសុខភាពសហព័ន្ធ និងមន្ទីរពេទ្យកាតូល្លិកសេនល្វីសរបស់ទីក្រុង Owo។ ក្រុមអាជ្ញាធរពុំបានបញ្ជាក់ភ្លាមៗពីចំនួនអ្នកស្លាប់សរុបផ្លូវការនោះទេ។ ហើយក៏ពុំទាន់មានក្រុមណាមួយចេញមុខទទួលស្គាល់ ការវាយប្រហារកាលពីថ្ងៃអាទិត្យនោះទេ៕អត្ថបទ៖ សុខមាន

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន

ទួរគី៖ លោកប្រធានាធិបតីទួរគី Recep Tayyip Erdogan បាននិយាយកាលពីថ្ងៃអាទិត្យថា សហភាពអឺរ៉ុបកំពុងភ័យស្លន់ស្លោដោយសារតែជម្លោះនៅក្នុងប្រទេសអ៊ុយក្រែន។ លោក Erdogan បាននិយាយថា នៅពេលដែលប្រទេសរបស់លោកទទួលបានជោគជ័យ ក្នុងការដោះស្រាយបញ្ហាជនអន្តោប្រវេសន៍ខុសច្បាប់រយៈពេល ១១ឆ្នាំ ពួកលោកកំពុងឃ្លាំមើលភាពស្លន់ស្លោនៅក្នុងសហភាពអឺរ៉ុប ដោយសារវិបត្តិសង្គ្រាមរវាងរុស្ស៊ី-អ៊ុយក្រែន។ ពួកលោកកំពុងបន់ស្រន់ឲ្យពិភពលោករួចផុតពីពេលវេលាដ៏អាក្រក់ ដែលកំពុងជួបប្រទះនៅពេលនេះ។ លោក Erdogan បានថ្លែងថា ពួកលោកកំពុងមើលឃើញភាពស្លន់ស្លោទូទាំងសហភាពអឺរ៉ុប ដោយនិយាយថា របបដែលលោកខាងលិចបង្កើតឡើងដើម្បីធានាសន្តិសុខ និងវិបុលភាពរបស់ខ្លួនកំពុងដួលរលំហើយ។ប្រធានាធិបតីទួរគីរូបនេះបានសង្កត់ធ្ងន់ថា ទីក្រុងអង់ការ៉ាជំទាស់ការចូលជាសមាជិកណាតូរបស់ប្រទេសហ្វាំងឡង់ និងស៊ុយអែត ព្រោះខ្លួនមិនទទួលយកការអះអាងរបស់ប្រទេសទាំង២ ចំពោះទំនាក់ទំនងជាមួយក្រុមអ្នកតំណាងគណបក្សពលករឃើតខុសច្បាប់នៅក្នុងប្រទេសទួរគី។ កាលពីថ្ងៃសៅរ៍ អ្នកនាំពាក្យរបស់លោកប្រធានាធិបតីទួរគី លោក Ibrahim Kalin បាននិយាយថា ទួរគីយល់ពីជំហររបស់ប្រទេសនានាចំពោះរុស្ស៊ី ប៉ុន្តែទីក្រុងអង់ការ៉ាជឿថា ខ្លួននៅតែមានបំណងរក្សាទំនាក់ទំនងដោយបើកចំហជាមួយក្រុងមូស្គូ៕អត្ថបទ៖ សុខមាន

សម្តេចក្រឡាហោម ស ខេង អញ្ជើញបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នៅការិយាល័យបោះឆ្នោតអនុវិទ្យាល័យសោហ៊ឺ សង្កាត់ស្វាយប៉ោ

បាត់ដំបង៖ នៅព្រឹកថ្ងៃអាទិត្យ ៦កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៥ ខែមិថុនា ឆ្នាំ២០២២ នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអ្នកតំណាងរាស្ត្រមណ្ឌលបាត់ដំបង បានអញ្ជើញបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅការិយាល័យបោះឆ្នោតស្ថិតក្នុងអនុវិទ្យាល័យសោហ៊ឺ សង្កាត់ស្វាយប៉ោ ក្រុងបាត់ដំបង។

សម្តេចអគ្គមហាពញាចក្រី ហេង សំរិន ប្រធានរដ្ឋសភា អញ្ជើញបោះឆ្នោត ជ្រើសរើសក្រុមប្រឹក្សាឃុំ/សង្កាត់ នៅខេត្តត្បូងឃ្មុំ

ត្បូងឃ្មុំ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា និងសម្តេចធម្មវិសុទ្ធវង្សា សៅ ទី ហេង សំរិន បានអញ្ជើញទៅបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ នាព្រឹកថ្ងៃទី៥ ខែមិថុនា ឆ្នាំ២០២២ នៅការិយាល័យបោះឆ្នោតក្នុងវិទ្យាល័យសម្តេច ហេង សំរិន អន្លង់ជ្រៃ ស្ថិតក្នុងភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ដែលជាស្រុកកំណើតសម្តេចផ្ទាល់។សម្តេចប្រធានរដ្ឋសភាបានបង្ហាញក្តីសប្បាយរីករាយនៅពេលឃើញប្រជាពលរដ្ឋចេញទៅបោះឆ្នោត ជ្រើសរើសអ្នកដឹកនាំនៅមូលដ្ឋានរបស់ខ្លួនដោយក្តីរីករាយ ដោយសេរី តាមឆន្ទៈ របស់ខ្លួន គ្មានអំពើហិង្សា។ការបោះឆ្នោតជ្រើសរើសសមាជិកក្រុមប្រឹក្សាឃុំសង្កាត់ គឺជាដំណើរការប្រជាធិបតេយ្យនៅថ្នាក់ក្រោមជាតិ ដោយផ្តល់ឱកាសជូនប្រជាពលរដ្ឋជ្រើសរើសអ្នកដឹកនាំនៅក្នុងមូលដ្ឋានខ្លួនដោយផ្ទាល់ ជាការអនុវត្តគោលនយោបាយវិមជ្ឈការ និងវិសហមជ្ឈការរបស់រាជរដ្ឋាភិបាល៕

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញទៅចូលរួមបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥ នៅសាលាគរុកោសល្យ និងវិក្រឹត្យការក្រុងតាខ្មៅ

កណ្តាល៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនអញ្ជើញទៅចូលរួមបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥ នៅសាលាគរុកោសល្យ និងវិក្រឹត្យការក្រុងតាខ្មៅ ខេត្តកណ្តាល នៅព្រឹកថ្ងៃអាទិត្យ ៦កើត ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៥ ខែមិថុនា ឆ្នាំ២០២២នេះ។

សម្តេចតេជោ ហ៊ុន សែន ៖កម្ពុជាធ្លាប់តែល្បីខាងធ្វើសង្គ្រាម ក្លាយជាប្រទេសប្រជាធិបតេយ្យតាមរយៈការបោះឆ្នោតជាទៀតទាត់

ក្នុងឱកាសអនុញ្ញាតឱ្យប្រតិភូសង្កេតការណ៍សម្រាប់ការបោះឆ្នោត ជួបសំដែងការគួរសម សម្តេចតេជោ ហ៊ុន សែន នាយក រដ្ឋមន្ត្រីកម្ពុជាបានមានប្រសាសន៍ថា ប្រទេសកម្ពុជាធ្លាប់តែជាប្រទេសដែលល្បីល្បាញខាងធ្វើសង្គ្រាម បានប្រែក្លាយជាប្រទេសប្រជាធិបតេយ្យតាមរយៈការបោះឆ្នោត ជាពិសេសដំណើរការឃោសនា១៤ថ្ងៃមកនេះដោយរលូន គ្មានអំពើហិង្សា។សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានអញ្ជើញលើកឡើងយ៉ាងដូច្នេះ ក្នុងពេលអនុញ្ញាតឱ្យក្រុមអ្នក សង្កេតការណ៍មើលការបោះឆ្នោតនៅថ្ងៃស្អែកនេះ ចូលជួបសំដែងការគួរសម នៅវិមានសន្តិភាពព្រឹកថ្ងៃទី៤មិ ខែមិថុនា ឆ្នាំ២០២២នេះ ។នៅក្នុងជំនួបរវាងសម្ដេចតេជោ និងប្រតិភូសង្កេតការណ៍បោះឆ្នោត ដឹកនាំដោយ Andres pastrana ប្រធានអង្គការCDI ឯកឧត្តមបានគោរពជម្រាបជូនសម្ដេចចូលថា ប្រតិភូអ្នកសង្កេតការណ៍ទាំង១១ក្រុម រួមទាំងប្រតិភូខ្មែរ ក្នុងនោះ ប្រតិភូសង្កេតការណ៍មកពីបរទេស មានមកពីប្រទេសអូស្រ្តាលីនិង ប្រទេសកូរ៉េ ហើយក៏បានសម្ដែង នូវអំណរគុណ ជូនចំពោះរាជរដ្ឋាភិបាលកម្ពុជាដែលបានអញ្ជើញប្រតិភូទាំងអស់មកសង្កេតការណ៍មើលការបោះឆ្នោតជ្រើសរើសក្រុមប្រឹក្សាឃុំ សង្កាត់នៅពេលនេះ។ឯកឧត្តមក៏បានគោរពជូនពរ ឲ្យដំណើរការបោះឆ្នោតនៅថ្ងៃស្អែកដំណើរការបានល្អ សេរី យុត្តិធម៌ និងគ្មានអំពើហិង្សា។ជាការឆ្លើយតប សម្ដេចតេជោបានស្វាគមន៍ប្រតិភូសង្កេតការណ៍ទាំងអស់ហើយក៏បានជម្រាបជូន ប្រតិភូទាំងមូលអំពីប្រវត្តិសាស្រ្តរបស់កម្ពុជាដែលបានឆ្លងកាត់សង្គ្រាមរ៉ាំរ៉ៃ របបប្រល័យពូជសាសន៍ដែលបានសម្លាប់ប្រជាជនខ្មែរអស់ជាង៣លាននាក់។សម្ដេចបានជម្រាបជូនប្រតិភូទាំងមូលថា ពេលដែលសម្ដេចចូលមកដល់ទីក្រុងភ្នំពេញដំបូង បានជួបប្រជាជនតែ៧នាក់ប៉ុណ្ណោះ។ សម្ដេចបន្តថាពេលនោះភ្នំពេញជារហោឋាន មិនដូចភ្នំពេញនាពេលនេះ ដែលមានការកកស្ទះចរាចរណ៍ផង និងអគារខ្ពស់ៗផង។សម្ដេចបានមានប្រសាសន៍បន្តថា អង្គការសហប្រជាជាតិធ្លាប់បានបញ្ជូនកងទ័ពមួកខៀវមកកម្ពុជា ប៉ុន្តែពេលនេះកម្ពុជាបានបញ្ជូនកងទ័ព ក្រោមឆ័ត្រអង្គការសហប្រជាជាតិទៅប្រតិបត្តិការនៅប្រទេសដទៃ។ សម្ដេចបន្តថាដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ចាប់ ផ្ដើមតាំងពីឆ្នាំ២០០២។ នេះជាការបោះឆ្នោតសកលហើយការបោះឆ្នោតនេះគឺជា ការផ្ទេរអំណាចទៅថ្នាក់ក្រោមជាតិដើម្បីបោះឆ្នោតអសកលជ្រើសរើស ក្រុមប្រឹក្សាស្រុក ខេត្ត និងការបោះឆ្នោតព្រឹទ្ធសភា។សម្ដេចបានថ្លែងអំណរគុណចំពោះគណប្រតិភូ សង្កេតការណ៍ទាំងអស់ ដែលបានមកធ្វើការសង្កេតការណ៍បោះឆ្នោតជ្រើសរើសក្រុមប្រឹក្សាឃុំ សង្កាត់ នាពេលនេះ ដើម្បីសង្កេតមើល អំពីដំណើរការលទ្ធិប្រជាធិបតេយ្យរបស់ប្រទេសមួយដែលធ្លាប់តែល្បីល្បាយអំពីការធ្វើសង្គ្រាមការកាប់សម្លាប់ប្រល័យពូជសាសន៍ប្រែក្លាយជាប្រទេសប្រជាធិបតេយ្យតាមរយៈការបោះឆ្នោត។សម្ដេចបានជម្រាបជូនប្រតិភូអំពី ជោគជ័យ នៃការគ្រប់គ្រងការរីករាលដាលជំងឺកូវីដ-១៩ ដែលមកដល់ពេលនេះកម្ពុជាមិនមានការឆ្លងរយៈពេលជាង ២០ថ្ងៃមកហើយ។ ពីនោះទៅទៀតបានដំណើរការលើការ ឃោសនារកសំឡេងឆ្នោតរបស់គណបក្សនីមួយៗដោយរលូន គ្មានអំពើហិង្សា ទាំងពាក្យសម្ដីនិងកាយវិការ៕

មនុស្ស ៤នាក់បានស្លាប់ដោយសាររថភ្លើងរត់ភ្លាត់ចេញពីផ្លូវនៅតំបន់ភ្នំ Alps ប្រទេសអាល្លឺម៉ង់

អាល្លឺម៉ង់៖ អាជ្ញាធរបាននិយាយថា គ្រោះថ្នាក់រថភ្លើងនៅតំបន់ភ្នំ Alps ភាគខាងត្បូងប្រទេសអាល្លឺម៉ង់កាលពីថ្ងៃសុក្រ បានបណ្តាលឲ្យមនុស្សយ៉ាងតិច ៤នាក់ស្លាប់ និងជាច្រើននាក់រងរបួស។ នគរបាលបាននិយាយថា រថភ្លើងក្នុងតំបន់ដែលធ្វើដំណើរឆ្ពោះទៅទីក្រុង Munich ទំនងជាបានរត់ភ្លាត់ចេញពីផ្លូវនៅទីក្រុង Burgrain។ ទូរថភ្លើងពីរជាន់ចំនួនបីទូបានក្រឡាប់ ហើយមនុស្សត្រូវបានទាញចេញតាមបង្អួចទៅទីសុវត្ថិភាព។ មូលហេតុនៃគ្រោះថ្នាក់រត់ភ្លើងភ្លាត់ចេញពីផ្លូវរត់នៅមិនទាន់ដឹងច្បាស់នៅឡើយ។ នគរបាលបាននិយាយនៅលើបណ្តាញ Twitter ថា មនុស្ស ៤នាក់បានស្លាប់ ហើយពួកគេបានដាក់ចំនួនអ្នករងរបួសប្រមាណ ៣០នាក់ក្នុងនោះ ១៥នាក់បានរងរបួសធ្ងន់ត្រូវបានបញ្ជូនទៅកាន់មន្ទីរពេទ្យ ហើយវាមិនច្បាស់នោះទេថា មានមនុស្សប៉ុន្មាននាក់នៅលើរថភ្លើងក្នុងពេលគ្រោះថ្នាក់៕អត្ថបទ៖ ប៊ុនថន

សម្តេចតេជោ ហ៊ុន សែន ៖ យុទ្ធសាស្ត្រផ្ការីកចាក់វ៉ាក់សាំងកូវីដ-១៩ នាំឱ្យកម្ពុជាសម្រេចជោគជ័យជាពិសេសការបោះឆ្នោតនៅថ្ងៃស្អែកនេះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ដោយមោទភាពថា យុទ្ធសាស្ត្រនៃការចាក់វ៉ាក់សាំងប្រយុទ្ធប្រឆាំងកូវីដ-១៩ បាននាំឱ្យកម្ពុជាសម្រេចបានជោគជ័យ ជាពិសេសសម្រាប់ការបោះឆ្នោតនៅថ្ងៃស្អែកនេះតែម្តង។នេះជាប្រសាសន៍លើកឡើងរបស់សម្តេច ខណៈបានអនុញ្ញាតឱ្យឯកឧត្តម Andres pastrana ប្រធានអង្គការអ្នកប្រជាធិបតេយ្យនិយម កណ្តាលអន្តរជាតិ(CDI)ចូលជួបសំដែងការគួរសម នៅវិមានសន្តិភាព នាព្រឹកថ្ងៃទី៤ ខែមិថុនា ឆ្នាំ២០២២នេះ ។នៅក្នុងជំនួបនេះ ឯកឧត្តម Andres pastrana បានមានប្រសាសន៍ថា ក្នុងនាមក្រុមគ្រួសារ ស៊ីឌីអាយ ឯកឧត្តម សូមគោរពសម្ដែងនូវមរណទុក្ខចំពោះការបាត់បង់ បងប្រុស របស់សម្ដេច ហើយក៏បានគោរពជម្រាបជូនសម្ដេចថា ឯកឧត្តមពិតជាមានកិត្តិយសណាស់ ដែលបានអញ្ជើញមកធ្វើជាអ្នកសង្កេតការណ៍សម្រាប់ការបោះឆ្នោតក្រុមប្រឹក្សាឃុំ-សង្កាត់ឆ្នាំ ២០២២នេះ។ឯកឧត្តម បានបន្ថែមថា នេះជាលើកទី៣ហើយ ដែលឯកឧត្តមបានមកសង្កេតការណ៍មើលការបោះឆ្នោតនៅកម្ពុជា។លើកទី១ គឺនៅឆ្នាំ២០១៤ លើកទី២ឆ្នាំ២០១៨ និងលើកទី៣គឺនៅពេលនេះ។ឯកឧត្តមក៏បានគោរពជូនពរឱ្យដំណើរការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់នៅថ្ងៃស្អែកនេះ ដំណើរការទៅដោយរលូន និងជោគជ័យ។ជាការឆ្លើយតប សម្ដេចតេជោបានថ្លែងអំណរគុណឯកឧត្តម Andres ចំពោះការចូលរួមរំលែកមរណទុក្ខ និងបានជម្រាបជូនឯកឧត្តម Andres អំពីដំណើរការចាក់វ៉ាក់សាំងប្រយុទ្ធប្រឆាំងកូវីដ-១៩ នៅកម្ពុជាដែលយកយុទ្ធសាស្ត្រផ្ការីក ចាក់ចេញពីរាជធានីភ្នំពេញនិងខេត្តកណ្តាលមុនគេដែលនាំឱ្យទទួលបានជោគជ័យ ជាពិសេស សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់នៅថ្ងៃស្អែកនេះ។សម្ដេចបានបន្តថាកម្ពុជាឥឡូវនេះមិនមានការឆ្លងកូវីដ-១៩ ជាង២០ថ្ងៃហើយ។ ជាទីបញ្ចប់សម្ដេចតេជោ ហ៊ុនសែន បានថ្លែងអំណរគុណដល់ឯកឧត្ដមAndres ដែលបានដឹកនាំប្រតិភូCDIមកសង្កេតការណ៍បោះឆ្នោតនៅកម្ពុជានៅថ្ងៃស្អែកនេះ៕

នាយករដ្ឋមន្ត្រីកម្ពុជា រំពឹងថាគណបក្សនយោបាយ នឹងទទួលយកលទ្ធផលបោះឆ្នោតឃុំសង្កាត់

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានអំពាវនាវ និងរំពឹងថា គណបក្សនយោបាយទាំងអស់ នឹងទទួលយកនូវលទ្ធផលនៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២ ដែលកាន់តែខិតជិតមកដល់ហើយនោះ ។ ក្នុងសារសំឡេងពិសេស នៅថ្ងៃទី៣ ខែមិថុនា ឆ្នាំ២០២២ សម្ដេចតេជោនាយករដ្ឋមន្រ្តី មានប្រសាសន៍ថ្លែងអំណរគុណ ចំពោះគណបក្សនយោបាយទាំងអស់ នៅកម្ពុជា ដែលបានចូលរួមអនុវត្តច្បាប់ ស្របទៅតាមការណែនាំ របស់គណកម្មាធិការជាតិរៀបចំការបោះឆ្នោត (គ.ជ.ប) ដោយសម្ដេចសង្ឃឹមថា គ្រប់គណបក្សនយោបាយ នឹងចូលរួមជាមួយគ្នា ដើម្បីជោគជ័យនូវលទ្ធិប្រជាធិបតេយ្យ សេរីពហុបក្សនៅកម្ពុជា ក្នុងពេលបោះឆ្នោតជ្រើសរើសក្រុមប្រឹក្សាឃុំ-សង្កាត់ខាងមុខ ។ សម្ដេចតេជោ បានបន្តថា មួយវិញទៀតរំពឹងថា គ្រប់គណបក្សនយោបាយទាំងអស់ នឹងទទួលយកនូវលទ្ធផលការបោះឆ្នោត ដែលប្រជាជននឹងផ្តល់សម្រាប់គណបក្សទាំងអស់គ្នា នាពេលប៉ុន្មានថ្ងៃខាងមុខនេះផងដែរ ។ជាមួយគ្នានេះ សម្ដេចតេជោ ហ៊ុន សែន ក៏បានថ្លែងអំណរគុណ ដល់សមាជិកក្រុមប្រឹក្សាឃុំសង្កាត់ ដែលជិតអស់អាណត្តិ ហើយឆ្លងទៅអាណត្តិថ្មី នឹងមានមួយចំនួនអាចជាប់ឆ្នោតឡើងវិញ និងមួយចំនួនមិនបានឈរឈ្មោះ ឬមិនជាប់ឆ្នោតឡើងវិញ អរគុណសម្រាប់ការចូលរួមធ្វើកិច្ចការដ៏ល្អ ដើម្បីឲ្យប្រទេសជាតិរបស់យើង បានឆ្លងផុតពីវិបត្តិជំងឺកូវីដ-១៩ ។គួរបញ្ជាក់ថា នៅថ្ងៃទី៣ ខែមិថុនា ឆ្នាំ២០២២ ជាថ្ងៃបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ខណៈការបោះឆ្នោតថ្នាក់ក្រោមជាតិនេះ នឹងធ្វើឡើងនៅថ្ងៃទី៥ ខែមិថុនា ដោយមានគណបក្សនយោបាយចំនួន១៧ ចូលរួមឈរបោះឆ្នោត ៕អត្ថបទ បាន សុខរិទ្ធិ ក្រាហ្វិច៖ ខ្ញុំព្រះករុណា សូមអរព្រះគុណ និងសូមអរគុណចំពោះបងប្អូនជនរួមជាតិ ដែលធ្វើឲ្យប្រទេសរបស់យើង ប្រជាធិបតេយ្យ សេរីពហុបក្ស ក្នុងរយៈពេលនៃយុទ្ធនាការយុទ្ធនាការបោះឆ្នោត ៕ អត្ថបទ ៖ សុខរិទ្ធ

សារសំឡេងពិសេសរបស់សម្ដេចតេជោ ហ៊ុន សែន ផ្ញើជនរួមជាតិអំពាវនាវឲ្យប្រជាពលរដ្ឋបន្តការពារខ្លួនពីការឆ្លងជំងឺកូវីដ១៩ ពិសេសក្នុងអំឡុងពេលទៅចូលរួមបោះឆ្នោត

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានក្រើនរំលឹកដល់បងប្អូនជនរួមជាតិទាំងអស់ ពេលទៅបោះឆ្នោតជ្រើសរើសក្រុមប្រឹក្សាឃុំ-សង្កាត់ នាថ្ងៃទី៥ ខែមិថុនា ខាងមុខនេះ គប្បីបន្តអនុវត្តឲ្យបានខ្ជាប់ខ្ជួនជានិច្ច ដោយត្រូវមានអាលកុល និងពាក់ម៉ាក់ ដើម្បីការពារមេរោគកូវីដ១៩ បើទោះបីជានាពេលបច្ចុប្បន្ននេះប្រទេសកម្ពុជាយើងពុំមានករណីឆ្លងថ្មីនូវមេរោគកូវីដនេះក៏ដោយ។

បណ្ដាញសង្គម

ព័ត៌មានថ្មីៗ

អ៊ីរ៉ង់បញ្ជាក់ថា នឹងធ្វើកិច្ចចរចាជាមួយកាតា ជុំវិញទ្រព្យសម្បត្តិដែលត្រូវបានបង្កក

អគារផ្ទះល្វែងមួយ ដួលរលំ នៅទីក្រុងអាតែនរបស់ក្រិក ខណៈក្រុមអ្នកជួយសង្គ្រោះស្វែងរកអ្នកជាប់ក្នុងនោះ

កូរ៉េខាងត្បូង និងអ៊ុយក្រែន ធ្វើកិច្ចពិភាក្សា «ប្រកបដោយការស្ថាបនា» អំពីទាហានកូរ៉េខាងជើង

នាយករដ្ឋមន្ត្រីជប៉ុន ស្វែងរកទំនាក់ទំនងកាន់តែស៊ីជម្រៅជាមួយឥណ្ឌា លើផ្នែកពាណិជ្ជកម្ម និងសន្តិសុខ

មន្ត្រី៖ បេសកជនអាមេរិក លោក Witkoff និងលោក Kushner នឹងស្ថិតនៅកាតា តែគ្មានជំនួបជាមួយអ៊ីរ៉ង់ទេ

ទីភ្នាក់ងារពាណិជ្ជកម្ម UN៖ វិបត្តិច្រកសមុទ្រ Hormuz អាចប៉ះពាល់សេដ្ឋកិច្ចងាយរងគ្រោះ រយៈពេលយូរ

លោក Zelenskyy៖ អ៊ុយក្រែនវាយប្រហារជាលើកទី ២ លើទីតាំងផ្កាយរណប Dubna របស់រុស្ស៊ី

ទិន្នន័យផ្កាយរណប៖ អគារជាង ៥៨.០០០ខ្នង ទំនងរងការខូចខាត ឬបំផ្លាញ នៅវ៉េណេស៊ុយអេឡា

កម្ពុជា-ចិនពិនិត្យវឌ្ឍនភាព និងជំរុញអនុវត្តគម្រោងសំខាន់ៗ ដែលបានចុះ MoU កន្លងមក

រោងចក្រផលិតសំបកកង់រថយន្តក្នុងខេត្តកំពង់ស្ពឺ បានចាប់ផ្តើមដំណើរការផលិតក្នុងជំហានដំបូង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មនុស្ស ៥០នាក់រួមទាំងកុមារជាច្រើននាក់បានស្លាប់ក្នុងការវាយប្រហារនៅព្រះវិហារក្នុងប្រទេសនីហ្ស៊េរីយ៉ា

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន

មនុស្ស ៤នាក់បានស្លាប់ដោយសាររថភ្លើងរត់ភ្លាត់ចេញពីផ្លូវនៅតំបន់ភ្នំ Alps ប្រទេសអាល្លឺម៉ង់

នាយករដ្ឋមន្ត្រីកម្ពុជា រំពឹងថាគណបក្សនយោបាយ នឹងទទួលយកលទ្ធផលបោះឆ្នោតឃុំសង្កាត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រធានាធិបតី​ទួរគី៖​ អឺរ៉ុប​កំពុង​ភ័យ​ស្លន់ស្លោ​ព្រោះ​ជម្លោះ​នៅ​ក្នុង​ប្រទេស​អ៊ុយ​ក្រែ​ន​

មនុស្ស ៤នាក់​បាន​ស្លាប់​ដោយសារ​រថភ្លើង​រត់​ភ្លាត់​ចេញពី​ផ្លូវ​នៅ​តំបន់​ភ្នំ​ Alps ប្រទេស​អាល្លឺម៉ង់

នាយករដ្ឋមន្ត្រីកម្ពុជា រំពឹងថាគណបក្សនយោបាយ នឹងទទួលយកលទ្ធផលបោះឆ្នោតឃុំសង្កាត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រធានាធិបតីទួរគី៖ អឺរ៉ុបកំពុងភ័យស្លន់ស្លោព្រោះជម្លោះនៅក្នុងប្រទេសអ៊ុយក្រែន

មនុស្ស ៤នាក់បានស្លាប់ដោយសាររថភ្លើងរត់ភ្លាត់ចេញពីផ្លូវនៅតំបន់ភ្នំ Alps ប្រទេសអាល្លឺម៉ង់