BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ

រុស្ស៊ី៖ លោកប្រធានាធិបតី Vladimir Putin និយាយថា ប្រទេសអ៊ុយក្រែនគួរតែបញ្ជាឲ្យក្រុមអ្នកប្រយុទ្ធរបស់ខ្លួន ដែលនៅតែពួនសំងំក្នុងរោងចក្រដែកថែបរងការហ៊ុមទ័ព Azovstal របស់ទីក្រុងយុទ្ធសាស្ត្រ Mariupol ទម្លាក់អាវុធចុះ ដើម្បីឲ្យជនស៊ីវិលមានឱកាសចាកចេញពីរោងចក្រត្រូវបានឡោមព័ទ្ធ នៅក្នុងទីក្រុងកំពង់ផែភាគខាងត្បូង Mariupol។ ក្រុង Moscow បានសន្យាឲ្យមានបទឈប់បាញ់រយៈពេល ៣ថ្ងៃ ប៉ុន្តែមានរបាយការណ៍និយាយថា នៅតែមានការវាយប្រហារទៅលើរោងចក្រ ជាទីដែលជនស៊ីវិលប្រមាណ ២០០នាក់នៅតែជាប់ជាមួយទាហានអ៊ុយក្រែន។ រម្លឹកពីជម្លោះពាក្យសម្ដីរវាងរុស្ស៊ី និងអ៊ីស្រាអែល ក្រោយការអត្ថាធិប្បាយរបស់លោក Lavrov ប្រមុខការទូតរុស្ស៊ីថា មេដឹកនាំណាស៊ី អាដុលហ្វ័ អ៊ីត្លែ (Adolf Hitler) មានឈាមជ័រជនជាតិជ្វីហ្វ ទំនងជាត្រូវបានផ្សះផ្សាអំឡុងការសន្ទនាតាមទូរស័ព្ទរវាងលោក Putin និងនាយករដ្ឋមន្ត្រីអ៊ីស្រាអែលលោក Naftali Bennett។ នាយករដ្ឋមន្ត្រីអ៊ីស្រាអែលបាននិយាយថា លោក Putin បានសូមអភ័យទោសចំពោះការអះអាងរបស់ប្រមុខការទូតរុស្ស៊ីដែលថា Hitler ជាផ្នែកមួយនៃពួកជ្វីហ្វ។ ការិយាល័យរបស់លោក Bennett បាននិយាយថា នាយករដ្ឋមន្ត្រីអ៊ីស្រាអែលបានទទួលយកការសូមអភ័យទោសពីលោក Putin ទោះបីជាខាងវិមានក្រឹមឡាំងពុំបាននិយាយពីការសូមអភ័យទោសនោះក៏ដោយ៕អត្ថបទ៖ សុខមាន

សម្តេចតេជោ ហ៊ុន សែន៖ បងប្អូនយើងបែកគ្នាដោយពុំបានលាគ្នា...បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានសរសេរសារខ្លីដ៏សង្វេគ នៃមរណភាពឯកឧត្តម ហ៊ុន ណេង ដែលជាបងប្រុសបង្កើត ដោយមានខ្លឹមសារថា «បងប្អូនយើងបែកគ្នា ដោយពុំបានលាគ្នា និងនិយាយជាមួយគ្នាសូម្បីមួយម៉ាត់។ បែកគ្នាលើកនេះ បែកជារៀងរហូតហើយមិនអាចជួបគ្នាវិញបានទេ»។គួរបញ្ជាក់ថា ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា និងជាតំណាងរាស្ត្រមណ្ឌលកំពង់ចាម បានទទួលមរណភាពដោយគាំងបេះដូង នៅរសៀលថ្ងៃទី០៥ ខែឧសភា ឆ្នាំ២០២២នេះ ក្នុងជន្មាយុ៧២ឆ្នាំ ៕

ដំណឹងមរណភាព ឯកឧត្តម ហ៊ុន ណេង បានទទួលមរណភាព ដោយសារគាំងបេះដូង ក្នុងជន្មាយុ៧២ឆ្នាំ

ភ្នំពេញ ៖ ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា និងជាអ្នកតំណាងរាស្ត្រមណ្ឌលខេត្តកំពង់ចាម បានទទួលមរណភាព នៅថ្ងៃព្រហស្បតិ៍ ៥កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី០៥ ខែឧសភា ឆ្នាំ២០២២ វេលាម៉ោង៦:២៥នាទីល្ងាច ក្នុងជន្មាយុ ៧២ឆ្នាំ ដោយគាំងបេះដូង។សពរបស់ឯកឧត្តម ហ៊ុន ណេង តម្កល់ធ្វើបុណ្យនៅគេហដ្ឋាន ភូមិទី៧ សង្កាត់កំពង់ចាម ក្រុងកំពង់ចាម ទៅតាមប្រពៃណីព្រះពុទ្ធសាសនា។

អង្គការសហប្រជាជាតិ៖ ជនស៊ីវិលយ៉ាងហោចណាស់ ៣,២៣៨នាក់ស្លាប់ក្នុងការវាយប្រហាររបស់រុស្ស៊ីនៅអ៊ុយក្រែន

អ៊ុយក្រែន៖ យោងតាមទិន្នន័យថ្មីឲ្យដឹងថា ជនស៊ីវិលយ៉ាងហោចណាស់ ៣,២៣៨នាក់រួមទាំងកុមារចំនួន ២២៧នាក់បានស្លាប់ក្នុងប្រទេសអ៊ុយក្រែន ចាប់តាំងពីការវាយប្រហាររបស់រុស្ស៊ីបានចាប់ផ្ដើមកាលពីថ្ងៃទី២៤ ខែកុម្ភៈ។ការិយាល័យឧត្ដមស្នងការទទួលបន្ទុកសិទ្ធិមនុស្ស របស់អង្គការសហប្រជាជាតិបាននិយាយថា គិតត្រឹមថ្ងៃអង្គារសប្ដាហ៍នេះ ជនស៊ីវិលចំនួន ១,៧០០នាក់បានស្លាប់នៅក្នុងតំបន់ Donetsk និង Luhansk ភាគខាងកើតប្រទេសអ៊ុយក្រែន។ ប្រភពខាងលើបានបន្ថែមថា ជនស៊ីវិលចំនួន ១,៥៣៨នាក់បន្ថែមទៀតបានបាត់បង់ជីវិតក្នុងតំបន់នានា រួមទាំងទីក្រុង Kyiv, ទីក្រុង Kharkiv នៅភាគខាងកើត, ទីក្រុង Chernihiv ក្នុងភាគខាងជើង និងទីក្រុង Kherson នៅភាគខាងត្បូង។ ទីភ្នាក់ងារនេះក៏បាននិយាយផងដែរថា ជនស៊ីវិលចំនួន ៣,៣៩៧នាក់បានរងរបួសចាប់តាំងពីរុស្ស៊ី ចាប់ផ្ដើមបើកប្រតិបត្តិការសឹកពិសេសចូលទៅអ៊ុយក្រែន។ទីភ្នាក់ងារដដែលនេះក៏បាននិយាយផងដែរថា ខ្លួនជឿថា ចំនួនពិតប្រាកដនៃអ្នកស្លាប់ និងរបួសមានខ្ពស់ជាងនេះដោយសារតែការយឺតយ៉ាវក្នុងការទទួលបានព័ត៌មាន និងពិបាកក្នុងការបញ្ជាក់ឲ្យបានច្បាស់រាល់របាយការណ៍នានា ពីតំបន់ផ្សេងៗកំពុងស្ថិតក្រោមការទម្លាក់គ្រាប់បែកពីកងកម្លាំងរុស្ស៊ី ដូចជាទីក្រុង Mariupol ជាដើម៕ អត្ថបទ៖ សុខមាន

រុស្ស៊ីច្រានចោលការលើកឡើងដែលថា លោក Putin នឹងប្រកាសសង្គ្រាមជាផ្លូវការលើអ៊ុយក្រែននៅថ្ងៃទី៩ឧសភា

រុស្ស៊ី៖ ប្រទេសរុស្ស៊ីបានច្រានចោលការលើកឡើងដែលថា លោក Putin នឹងប្រកាសសង្គ្រាមជាផ្លូវការនៅក្នុងប្រទេសអ៊ុយក្រែន ក្នុងពេលប៉ុន្មានថ្ងៃខាងមុខថាជារឿងឥតប្រយោជន៍។ រហូតមកទល់នឹងពេលនេះទីក្រុង Moscow នៅតែប្រកែកថាវាមិនមែនជាសង្គ្រាមទេ ដោយសំដៅដល់ការវាយលុកបច្ចុប្បន្នថាជាប្រតិបត្តិការសឹកពិសេស។ប៉ុន្តែក្រុមមន្ត្រីលោកខាងលិចបានលើកឡើងថា លោកប្រធានាធិបតី Vladimir Putin អាចប្រើក្បួនព្យុហយាត្រាជ័យជម្នះថ្ងៃ៩ឧសភាដើម្បីប្រកាសពីសកម្មភាពយោធាដែលចេះតែរីកធំ។ ទោះយ៉ាងណាក៏ដោយអ្នកនាំពាក្យវិមានក្រឹមឡាំងលោក Dmitry Peskov បាននិយាយថា ពាក្យចចាមអារ៉ាមនេះគ្មានការពិតទាល់តែសោះ។ រដ្ឋមន្ត្រីក្រសួងការពារជាតិអង់គ្លេសលោក Ben Wallace បាននិយាយកាលពីសប្ដាហ៍មុនថា ក្បួនព្យុហយាត្រាក្រុង Moscow រំឭកដល់ជ័យជម្នះលើពួកណាស៊ីនិយម និងការបញ្ចប់សង្គ្រាមលោកលើកទី២ អាចត្រូវបានប្រើដើម្បីបន្ទរការគាំទ្រដល់ការចល័តទ័ពដ៏ច្រើនសម្បើម និងវាយសម្រុករុលទៅមុខជាថ្មីចូលទៅក្នុងប្រទេសអ៊ុយក្រែន៕អត្ថបទ៖ សុខមាន

ប្រេសិតពិសេសប្រធានអាស៊ាន និងអគ្គលេខាធិការអាស៊ាន នឹងបើកការគ្រោះយោបល់រឿងជំនួយមនុស្សធម៌អាស៊ានសម្រាប់មីយ៉ាន់ម៉ា នៅថ្ងៃស្អែកនេះ

ភ្នំពេញ៖ ឯកឧត្តម ឧបនាយករដ្ឋមន្រ្តី ប្រាក់ សុខុន ក្នុងឋានៈជាប្រេសិតពិសេសរបស់ប្រធានអាស៊ានសម្រាប់មីយ៉ាន់ម៉ា និង ឯកឧត្តម លឹម ចុក ហ៊ុយ អគ្គលេខាធិការអាស៊ាន ជាអ្នកសម្របសម្រួលជំនួយមនុស្សធម៌របស់អាស៊ាន នឹងធ្វើជាសហប្រធានដឹកនាំកិច្ចប្រជុំពិគ្រោះយោបល់ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ា នៅថ្ងៃទី៦ ខែឧសភា ឆ្នាំ២០២២ នៅរាជធានីភ្នំពេញ និងតាមប្រព័ន្ធវីដេអូ។

រុស្ស៊ីបង្កើនការវាយប្រហារនៅអ៊ុយក្រែន ខណៈព្រមានបាញ់កម្ទេចការដឹកជញ្ជូនអាវុធរបស់ណាតូ

រុស្ស៊ី៖ ប្រទេសរុស្ស៊ីបានទម្លាក់គ្រាប់បែកលើស្ថានីយរថភ្លើង និងកន្លែងផ្គត់ផ្គង់អាវុធផ្សេងទៀត ខណៈចោទប្រកាន់បណ្ដាប្រទេសលោកខាងលិចពីបទផ្គត់ផ្គង់អាវុធឲ្យអ៊ុយក្រែន។ យោធារុស្ស៊ីបាននិយាយថា ខ្លួនបានប្រើប្រាស់មីស៊ីលបាញ់ពីសមុទ្រ និងតាមអាកាស ដើម្បីបំផ្លាញរោងចក្រថាមពលអគ្គិសនីនៅស្ថានីយរថភ្លើងចំនួន ៥កន្លែងទូទាំងប្រទេសអ៊ុយក្រែន ខណៈកាំភ្លើងធំ និងយន្តហោះក៏បានវាយប្រហារបន្ទាយទាហាន និងឃ្លាំងស្តុកប្រេងឥន្ធនៈ និងគ្រាប់រំសេវផងដែរ។ ការប្រកាសអាសន្នបានលាន់លឺនៅក្នុងទីក្រុងនានាទូទាំងប្រទេសកាលពីយប់ថ្ងៃពុធ និងមានការបាញ់មីស៊ីលទៅលើទីក្រុង Cherkasy និង Dnipro ក្នុងភាគកណ្តាលអ៊ុយក្រែន និងទីក្រង Zaporizhzhia នៅភាគអាគ្នេយ៍។ នៅទីក្រុង Dnipro អភិបាលក្រុងបាននិយាយថា ការបាញ់ផ្លោងមួយបានវាយប្រហារចំកណ្តាលទីក្រុង។ ពុំទាន់មានការបញ្ជាក់ពីការរងរបួស ឬការខូចខាតភ្លាមៗនោះទេ។ រដ្ឋមន្ត្រីការបរទេសអ៊ុយក្រែនលោក Dmytro Kuleba បានចោទប្រកាន់រុស្ស៊ីថា កំពុងប្រើយុទ្ធសាស្ត្រភេរវនិយមមីស៊ីល ដើម្បីបំភិតបំភ័យប្រជាពលរដ្ឋនៅទូទាំងប្រទេសអ៊ុយក្រែន។យោងតាមអភិបាលក្រុងឲ្យដឹងថា ការប្រយុទ្ធគ្នាយ៉ាងខ្លាំងក្លាក៏បានផ្ទុះឡើងផងដែរ កាលពីថ្ងៃពុធនៅរោងចក្រដែកថែប Azovstal ក្នុងទីក្រុង Mariupol ដែលតំណាងឲ្យមូលដ្ឋានចុងក្រោយរបស់ក្រុមអ្នកតស៊ូអ៊ុយក្រែន នៅក្នុងទីក្រុងកំពង់ផែភាគខាងត្បូងដែលត្រូវបានបំផ្លាញ។ ប៉ុន្តែមន្ត្រីរុស្ស៊ីមួយរូបបានបដិសេធថា ទាហានរបស់ក្រុង Moscow មិនបានវាយលុកលើរោងចក្រនោះ ដូចដែលក្រុមមេបញ្ជាការអ៊ុយក្រែនបានអះអាងមួយថ្ងៃមុននោះទេ។ ទីភ្នាក់ងារសារព័ត៌មាន RIA បានដកស្រង់សម្តីលោក Sergei Shoigu រដ្ឋមន្ត្រីក្រសួងការពារជាតិរុស្ស៊ីបាននិយាយកាលពីថ្ងៃពុធថា យោធារុស្ស៊ីនឹងចាត់ទុកការដឹកជញ្ជូនអាវុធរបស់ណាតូនៅក្នុងអ៊ុយក្រែន ជាគោលដៅដែលត្រូវតែបាញ់កម្ទេចចោល៕អត្ថបទ៖ សុខមាន

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្ញើសារលិខិតជូនជនរួមជាតិ ក្នុងឱកាសទិវា «ឆ្មបជាតិ» ៥ឧសភា ឆ្នាំ២០២២

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិ ដើម្បីសុខភាពស្រ្តី និងកុមារ បានផ្ញើសារលិខិតជូនជនរួមជាតិ ក្នុងទិវា ឆ្មបជាតិ ៥ឧសភា ២០២២ ក្រោមប្រធានបទ”ការវិនិយោគលើឆ្មប ដើម្បីពង្រឹងការថែទាំសុខភាពបឋម សំដៅឈានទៅដល់ការគ្របដណ្តប់សុខភាពសកល” នាថ្ងៃទី៥ ខែឧសភា ឆ្នាំ២០២២។

ពិធីបុណ្យខួបគម្រប់៣ឆ្នាំ ឧទ្ទិសកុសលជូនដួងវិញ្ញាណក្ខ័ន្ធព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី និងឧទ្ទិសមហាកុសលជូនមហាឧបាសក លីន គ្រី

ភ្នំពេញ ៖ នៅព្រឹកថ្ងៃ ៤កើត ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៤ ខែឧសភា ឆ្នាំ២០២២ មហាឧបាសិកាប៊ុនសាមលេននិងឧបាសកគីមទូចព្រមទាំងបុត្រនិងចៅឯកឧត្តមគ្រីទូចនិងលោកជំទាវទ្រីង៉ូវណាំព្រមទាំងបុត្រនិងចៅសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែននិងសម្តេចអគ្គមហាសេនាបតីតេជោហ៊ុនសែននាយករដ្ឋមន្រ្តីនៃព្រះរាជាណាចក្រកម្ពុជាព្រមទាំងបុត្រនិងចៅលោកជំទាវប៊ុនសុថានិងឯកឧត្តមតាន់បញ្ញាវុធព្រមទាំងបុត្រនិងចៅដែលត្រូវជាកូនបង្កើតកូនប្រសារចៅចៅទួតទាំងអស់បានរៀបចំពិធីបុណ្យខួបគម្រប់៣ឆ្នាំ ឧទ្ទិសកុសលជូនដួងវិញ្ញាណក្ខ័ន្ធព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី និងឧទ្ទិសមហាកុសលជូនមហាឧបាសក លីន គ្រី ដែលពិធីបុណ្យបានប្រារព្ធធ្វើឡើងនៅវត្តមុន្នីសុវណ្ណ ហៅវត្តចំពុះក្អែក ស្ថិតក្នុងខណ្ឌច្បារអំពៅ រាជធានីភ្នំពេញ ដោយមានការអញ្ជើញចូលរួមជាភ្ញៀវកិត្តិយសពីសំណាក់សម្តេច ឯកឧត្តម លោកជំទាវ ជាថ្នាក់ដឹកនាំក្នុងស្ថាប័ននិតិបញ្ញត្តិឯកឧត្តម លោកជំទាវ ជាឧបនាយករដ្ឋមន្រ្តី ទេសរដ្ឋមន្រ្តី រដ្ឋមន្រ្តី អ្នកឧកញ៉ា លោកឧកញ៉ា ថ្នាក់ដឹកនាំ មន្រ្តីអ្នកមុខអ្នកការ ញាតិមិត្ត សាច់សារលោហិតជាច្រើនរូប។តាមរយៈពិធីសាសនាប្រកបដោយទឹកចិត្តដ៏ជ្រះថ្លានិងពោរពេញដោយភាពកត្តញ្ញូនេះសម្តេចឯកឧត្តមលោកជំទាវជាបុត្រធិតាចៅចៅទួតទាំងអស់របស់មហាឧបាសិកាលីនគ្រីនិងអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនាប៊ុនស៊ាងលីរួមទាំងញាតិសាច់សាលោហិតពិតជាមានក្តីនឹករលឹករកពាក្យអ្វីមកប្រៀបផ្ទឹមពុំបានចំពោះការបាត់បង់លោកអ្នកដ៏មានគុណនៃកូនចៅចៅទួតទាំងអស់ដោយសូមឧទ្ទិសមហាកុសលដ៏ខ្ពង់ខ្ពស់បំផុតជូនលោកទាំងទ្វេជាមួយនឹងសេចក្តីគោរពស្រលាញ់ នឹករលឹកប្រកបដោយក្តីកតញ្ញូតាធម៌ដ៏ជ្រាលជ្រៅបំផុត។សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងនាមជាតំណាង នៃអ្នកផ្តើមបុណ្យ បានវេរប្រគេនព្រះសង្ឃដែលនិមន្តមកពីវត្តចំនួន១២នូវគ្រឿងឧបភោគបរិភោគរួមមាន ៖ ទេយ្យទាន១កញ្ចប់ ភេសជ្ជៈជាច្រើនមុខ ទឹកបរិសុទ្ធ ទឹកដោះគោ កាកាវ ស្កសរ តែ នំ មៀនកំប៉ុង មី ត្រីខកំប៉ុង និងអង្គរ។តាមរយៈកុសលផលបុណ្យដែលកើតចេញពីពិធីបុណ្យនេះសម្តេចព្រះសង្ឃនាយករងសម្តេចព្រះរាជាគណៈនិងព្រះសង្ឃចំនួន១២ព្រះអង្គបានប្រោសព្រំប្រសិទ្ធពរជ័យបវរមហាប្រសើរជូនដល់វិញ្ញាណក្ខន្ធមហាឧបាសកលីនគ្រីនិងអ្នកឧញ៉ាព្រឹទ្ធមហាឧបាសិកាធម្មញ្ញាណវិវឌ្ឍនាប៊ុនស៊ាងលីដែលបានធ្វើកម្មកិរិយាលាចាកលោកយើងនេះទៅកាន់លោកខាងមុខហើយនោះបានយោងយិតទៅចាប់បដិសន្ធិក្នុងឋានបរមសុខកុំបីឃ្លាងឃ្លាតឡើយ។មនុញ្ញផលដ៏ប្រសើរថ្លៃថ្លាក្នុងពេលនេះដែរសូមបារមីវត្ថុស័ក្តិសិទ្ធនៅតាមទីអារាមទាំងអស់នៅទូទាំងព្រះរាជាណាចក្រកម្ពុជាតាមជួយបីបាច់ថែរក្សាការពារឯកឧត្តមលោកជំទាវជាកូនចៅចៅទួតទាំងអស់ជាពិសេសសម្តេចតេជោនាយករដ្ឋមន្រ្តីនិងសម្តេចកិត្តិព្រឹទ្ធបណ្ឌិតសូមឈ្នះអស់មាសត្រូវទទួលបាននូវជោគជ័យថ្មីៗទៀតក្នុងកិច្ចការបំរើប្រទេសជាតិមាតុភូមិព្រមទាំងមានសុខភាពល្អបរិបូរណ៍អាយុយឺនយូរដើម្បីបន្តស្ថិតនៅជាមគ្គុទ្ទេសក៍ដ៏ឆ្នើមថែរក្សាការពារសុខសន្តិភាពនិងការអភិវឌ្ឍប្រទេសកម្ពុជាឲ្យកាន់តែរីកចម្រើនរុងរឿងឡើងថែមទៀត៕

អ៊ុយក្រែននិយាយថា មនុស្ស ២១នាក់ស្លាប់ក្នុងការវាយប្រហារដោយរុស្ស៊ីនៅតំបន់ភាគខាងកើត

អ៊ុយក្រែន៖ អភិបាលតំបន់ Donetsk និយាយថា ការវាយប្រហាររបស់រុស្ស៊ីកាលពីថ្ងៃអង្គារបានសម្លាប់ជនស៊ីវិល ២១នាក់ និងរងរបួស ២៧នាក់ផ្សេងទៀតនៅអ៊ុយក្រែនភាគខាងកើត ជាចំនួននៃអ្នកស្លាប់ខ្ពស់បំផុតក្នុងរយៈពេលជិត ១ខែមកនេះ។ អភិបាលក្រុងលោក Pavlo Kyrylenko និយាយនៅលើបណ្ដាញ Telegram ថា យ៉ាងហោចណាស់មនុស្ស ១០នាក់ស្លាប់ និង ១៥នាក់រងរបួសក្នុងការបាញ់ផ្លោងទៅលើរោងចក្រកូកាកូឡា Avdiivka ដោយកងទ័ពរុស្ស៊ី។ រោងចក្រកូកាកូឡានេះជារោងចក្រមួយធំបំផុតរបស់អឺរ៉ុប គឺជាគោលដៅវាយប្រហារជាច្រើនក្នុងបណ្ដាឆ្នាំថ្មីនេះ ខណៈកងកម្លាំងផ្តាច់ខ្លួនគាំទ្រដោយរុស្ស៊ីបានប្រយុទ្ធជាមួយកងទ័ពអ៊ុយក្រែន។លោក Kyrylenko និយាយថា នេះគឺជាចំនួនអ្នកស្លាប់ខ្ពស់បំផុត ចាប់តាំងពីការវាយប្រហាររបស់រុស្ស៊ីលើស្ថានីយរថភ្លើងក្នុងទីក្រុង Kramatorsk បណ្ដាលឲ្យមនុស្ស ៥៩នាក់ស្លាប់កាលពីមួយខែកន្លងទៅនេះ។ លោកនិយាយថា ការវាយប្រហារលើរោងចក្រ Avdiivka កើតឡើងនៅពេលកម្មករបានបញ្ចប់វេនការងាររបស់ពួកគេ និងកំពុងរងចាំនៅចំណតរថយន្តក្រុង ដើម្បីធ្វើដំណើរពីរោងចក្រទៅកាន់លំនៅឋាន៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ

ដំណឹងមរណភាព ឯកឧត្តម ហ៊ុន ណេង បានទទួលមរណភាព ដោយសារគាំងបេះដូង ក្នុងជន្មាយុ៧២ឆ្នាំ

អង្គការសហប្រជាជាតិ៖ ជនស៊ីវិលយ៉ាងហោចណាស់ ៣,២៣៨នាក់ស្លាប់ក្នុងការវាយប្រហាររបស់រុស្ស៊ីនៅអ៊ុយក្រែន

រុស្ស៊ីច្រានចោលការលើកឡើងដែលថា លោក Putin នឹងប្រកាសសង្គ្រាមជាផ្លូវការលើអ៊ុយក្រែននៅថ្ងៃទី៩ឧសភា

រុស្ស៊ីបង្កើនការវាយប្រហារនៅអ៊ុយក្រែន ខណៈព្រមានបាញ់កម្ទេចការដឹកជញ្ជូនអាវុធរបស់ណាតូ

អ៊ុយក្រែននិយាយថា មនុស្ស ២១នាក់ស្លាប់ក្នុងការវាយប្រហារដោយរុស្ស៊ីនៅតំបន់ភាគខាងកើត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

លោក Putin ប្រាប់​អ៊ុយ​ក្រែ​ន​ថា ក្រុម​អ្នកតស៊ូ​នៅ​រោងចក្រ​ដែកថែប​ត្រូវតែ​ទម្លាក់អាវុធ​ចុះ​

ដំណឹងមរណភាព ឯកឧត្តម ហ៊ុន ណេង បានទទួលមរណភាព ដោយសារគាំងបេះដូង ក្នុងជន្មាយុ៧២ឆ្នាំ

រុស្ស៊ី​បង្កើន​ការវាយប្រហារ​នៅ​អ៊ុយ​ក្រែ​ន ខណៈ​ព្រមាន​បាញ់​កម្ទេច​ការ​ដឹក​ជញ្ជូន​អាវុធ​របស់​ណា​តូ

អ៊ុយ​ក្រែ​ន​និយាយ​ថា មនុស្ស ​២១​នាក់​ស្លាប់​ក្នុង​ការ​វាយប្រហារ​ដោយ​រុស្ស៊ី​នៅ​តំបន់​ភាគ​ខាងកើត​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

លោក Putin ប្រាប់អ៊ុយក្រែនថា ក្រុមអ្នកតស៊ូនៅរោងចក្រដែកថែបត្រូវតែទម្លាក់អាវុធចុះ

រុស្ស៊ីបង្កើនការវាយប្រហារនៅអ៊ុយក្រែន ខណៈព្រមានបាញ់កម្ទេចការដឹកជញ្ជូនអាវុធរបស់ណាតូ

អ៊ុយក្រែននិយាយថា មនុស្ស ២១នាក់ស្លាប់ក្នុងការវាយប្រហារដោយរុស្ស៊ីនៅតំបន់ភាគខាងកើត