BTV NEWS

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

ព័ត៌មានសំខាន់ៗ

ថ្ងៃនេះកម្ពុជារកឃើញករណីឆ្លងថ្មីជំងឺកូវីដ-១៩ តែម្នាក់គត់

ភ្នំពេញ៖ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ១នាក់(PCR) ជាប្រភេទអូមីក្រុង និងជាករណីឆ្លងក្នុងសហគមន៍ ,ជាសះស្បើយចំនួន ១២នាក់ និងគ្មានករណីស្លាប់ថ្មីទេ នៅថ្ងៃទី០៤ ខែឧសភា ឆ្នាំ២០២២នេះ។គួរបញ្ជាក់ថា មកទល់ពេលនេះ កម្ពុជាមានអ្នកឆ្លងជំងឺកូវីដ-១៩សរុបចំនួន ១៣៦.២៥៨នាក់ ,ជាសះស្បើយសរុបចំនួន ១៣៣.១៥៦នាក់ និងករណីស្លាប់សរុបចំនួន ៣.០៥៦នាក់។

ប្រមុខអង្គការសហប្រជាជាតិស្វាគមន៍ការជម្លៀសជនស៊ីវិលចេញពីរោងចក្រដែកថែប Azovstal

UN៖ ប្រមុខអង្គការសហប្រជាជាតិលោក Antonio Guterres កាលពីថ្ងៃអង្គារបានស្វាគមន៍ការជម្លៀសជនស៊ីវិល ប្រកបដោយសុវត្ថិភាពចេញពីរោងចក្រដែកថែបក្នុងទីក្រុង Mariupol របស់ប្រទេសអ៊ុយក្រែន។ មន្ត្រីជាន់ខ្ពស់របស់អង្គការសហប្រជាជាតិ បាននិយាយនៅក្នុងសេចក្ដីថ្លែងការណ៍មួយថា លោកសប្បាយចិត្តណាស់ដែលជនស៊ីវិលជាង ១០០នាក់ត្រូវបានជម្លៀសចេញដោយជោគជ័យពីរោងចក្រដែកថែប Azovstal ក្នុងទីក្រុង Mariupol ក្នុងប្រតិបត្តិការក្រោមការជួយសម្របសម្រួល ដោយជោគជ័យពីអង្គការសហប្រជាជាតិ និងគណៈកម្មការកាកបាទក្រហមអន្តរជាតិ។លោក Guterres បាននិយាយថា លោកសង្ឃឹមថា ការសម្របសម្រួលដែលនៅតែបន្តជាមួយក្រុង Kyiv និងក្រុង Moscow នឹងនាំឲ្យមានការបើកច្រករបៀងមនុស្សធម៌បន្ថែមទៀត ដែលនឹងអនុញ្ញាតឲ្យជនស៊ីវិលចាកចេញតាមច្រកសុវត្ថិភាពពីការប្រយុទ្ធគ្នា និងបើកផ្លូវសម្រាប់ការដឹកជញ្ជូនជំនួយ ជួយមនុស្សដែលកំពុងត្រូវការជំនួយបន្ទាន់។ សារព័ត៌មានបានរាយការណ៍ថា ទាំងទាហានរុស្ស៊ី ទាំងទាហានអ៊ុយក្រែនបាននិយាយកាលពីថ្ងៃចន្ទថា មនុស្សជាង ១០០នាក់ត្រូវបានជម្លៀសចេញពីទីក្រុងរងការឡោមព័ទ្ធមួយនេះ៕អត្ថបទ៖ សុខមាន

លោក Putin បានចុះហត្ថលេខាលើវិធានការសងសឹកថ្មីវាយបកលើទណ្ឌកម្មលោកខាងលិច

រុស្ស៊ី៖ លោកប្រធានាធិបតីរុស្ស៊ី Vladimir Putin បានដាក់ចេញកញ្ចប់វិធានការសេដ្ឋកិច្ចកាលពីថ្ងៃអង្គារ ដើម្បីសងសឹកទៅនឹងទណ្ឌកម្មអន្តរជាតិដែលបានដាក់លើក្រុង Moscow។ ក្រឹត្យដែលត្រូវបានចេញផ្សាយនៅលើគេហទំព័ររបស់វិមានក្រឹមឡាំងបាននិយាយថា ក្រឹត្យថ្មីនេះព្យាយាមការពារផលប្រយោជន៍ជាតិរបស់រុស្ស៊ី និងត្រូវបានដាក់លើប្រទេសអមិត្តដូចជាសហរដ្ឋអាមេរិក និងសម្ព័ន្ធមិត្តរបស់ខ្លួនដែលបានរំលោភច្បាប់អន្តរជាតិ និងមានគោលបំណងទប់ស្កាត់ទណ្ឌកម្មខុសច្បាប់លើសហព័ន្ធរុស្ស៊ី និងអង្គភាពអាជីវកម្មស្របច្បាប់របស់រុស្ស៊ី។ លោក Putin បានទុកពេលឲ្យគណៈរដ្ឋមន្ត្រីរយៈពេល ១០ថ្ងៃដើម្បីកំណត់ទៅលើបុគ្គល ឬមនុស្សទាំងឡាយដែលជាប់ទណ្ឌកម្ម។វិធានការថ្មីទាំងនេះហាមឃាត់ភ្នាក់ងាររដ្ឋាភិបាល អង្គការ និងបុគ្គលមិនឲ្យធ្វើប្រតិបត្តិការនានា រួមទាំងការចុះហត្ថលេខាលើកិច្ចសន្យាពាណិជ្ជកម្មខាងក្រៅជាមួយអង្គភាព បុគ្គល និងអង្គការនានានៅក្នុងបញ្ជីខ្មៅថ្មី។ ក្រឹត្យនេះក៏បានហាមប្រាមការនាំចេញផលិតផល និងវត្ថុធាតុដើមកម្រផងដែរ បើពួកគេត្រូវបានដាក់គោលដៅជាបុគ្គលជាប់ទណ្ឌកម្ម។ អង្គភាពអាជីវកម្ម និងបុគ្គលជាជនជាតិរុស្ស៊ីក៏ត្រូវបានហាមប្រាមមិនឲ្យបំពេញកាតព្វកិច្ចរបស់ខ្លួន និងធ្វើប្រតិបត្តិការហិរញ្ញវត្ថុជាមួយក្រុមហ៊ុន និងបុគ្គលទាំងឡាយដែលជាប់ទណ្ឌកម្ម៕ អត្ថបទ៖ សុខមាន

សហភាពអឺរ៉ុបត្រៀមទណ្ឌកម្មថ្មីដាក់សម្ពាធលើប្រេង និងដាក់គោលដៅបន្ថែមទៀតលើធនាគាររុស្ស៊ី

អឺរ៉ុប៖ អ្នកការទូត ៤រូបរបស់សហភាពអឺរ៉ុបបានប្រាប់សារព័ត៌មាន POLITICO ថា គណៈកម្មការសហភាពអឺរ៉ុបត្រៀមស្នើដកធនាគារ Credit Bank of Moscow របស់រុស្ស៊ី និងធនាគារកសិកម្មរបស់រុស្ស៊ីចេញពីប្រព័ន្ធទូទាត់ប្រាក់អន្តរជាតិ SWIFT។ ធនាគារ Sberbank ក៏នឹងត្រូវរងផលប៉ះពាល់ផងដែរនៅក្នុងកញ្ចប់ទណ្ឌកម្មថ្មី ដូចដែលប្រធានគណៈកម្មការលោកស្រី Ursula von der Leyen ធ្លាប់បានលើកឡើងកាលពីកន្លងទៅ។ ការដាក់ទណ្ឌកម្មលើធនាគារដែលបានស្នើទាំងនេះបានកើតឡើង ក្រោយការសម្រេចចិត្តកាលពីលើកមុនរបស់សហភាពអឺរ៉ុប ក្នុងការដកក្រុមហ៊ុនសេវាហិរញ្ញវត្ថុផ្សេងទៀតរបស់រុស្ស៊ីចេញពីប្រព័ន្ធទូទាត់ប្រាក់អន្តរជាតិ SWIFT។ គោលបំណងនេះគឺដើម្បីពង្រីកសម្ពាធសេដ្ឋកិច្ចលើក្រុង Moscow ឆ្លើយតបទៅនឹងការវាយលុករបស់លោក Putin ទៅលើប្រទេសជិតខាងអ៊ុយក្រែន។កញ្ចប់ទណ្ឌកម្មទី៦ លើរុស្ស៊ីក៏នឹងរាប់បញ្ចូលទាំងការដាក់គោលដៅលើឧស្សាហកម្មប្រេង និងការចុះបញ្ជីថ្មីមួយចំនួនទៀតផងដែរ។ ខ្លឹមសារលម្អិតនៃផែនការរបស់គណៈកម្មការនេះ ត្រូវគេរំពឹងថានឹងត្រូវប្រកាសនៅថ្ងៃពុធនេះ ដែលក្នុងនោះបណ្ដាឯកអគ្គរដ្ឋទូតសហភាពអឺរ៉ុប ត្រូវពិភាក្សាលើសំណើទាំងនេះនៅល្ងាចថ្ងៃដដែល៕អត្ថបទ៖ សុខមាន

លោក Putin ប្រាប់ទៅលោក Macron ថា លោកខាងលិចអាចប្រើឥទ្ធិពលរបស់ខ្លួនឲ្យបញ្ឈប់ "អំពើឃោរឃៅ" នៅអ៊ុយក្រែន

រុស្ស៊ី៖ ទីភ្នាក់ងារសារព័ត៌មាននានារបស់រុស្ស៊ីបាននិយាយថា លោកប្រធានាធិបតីរុស្ស៊ី Vladimir Putin បានពិភាក្សាពីស្ថានភាពនៅក្នុងប្រទេសអ៊ុយក្រែនជាមួយសមភាគីបារាំងគឺលោក Emmanuel Macron ក្នុងការសន្ទនាតាមទូរស័ព្ទកាលពីថ្ងៃអង្គារ និងបានជំរុញលោកខាងលិចឲ្យដាក់សម្ពាធលើទីក្រុង Kyiv ដើម្បីឲ្យបញ្ឈប់អំពើឃោរឃៅ។ លោក Putin បានប្រាប់ទៅលោក Macron ថា លោកខាងលិចអាចជួយបញ្ចប់ឧក្រិដ្ឋកម្មសង្គ្រាម និងការបាញ់ផ្លោងយ៉ាងសន្ធាប់ទៅលើទីក្រុង និងជំរំស្នាក់នៅបណ្ដោះអាសន្ននានានៅក្នុងតំបន់ Donbas ដែលបានបង្កគ្រោះថ្នាក់ដល់ជនស៊ីវិល។ ប្រទេសរុស្ស៊ីច្រានចោលការចោទប្រកាន់ពីបទប្រព្រឹត្តអំពើឧក្រិដ្ឋកម្ម ដោយកងកម្លាំងរបស់ខ្លួននៅក្នុងប្រទេសអ៊ុយក្រែន ហើយបានស្ដីបន្ទោសការស្លាប់ជនស៊ីវិលទៅលើអ្វីដែលខ្លួនហៅថា ជាស្នាដៃរបស់ក្រុមជនផ្ដាច់ខ្លួន និងពួកណាស៊ីនិយមបែបថ្មី ជាការអះអាងដែលត្រូវបានទាត់ចោលដោយក្រុង Kyiv និងលោកខាងលិច។ទីភ្នាក់ងារសារព័ត៌មាន RIA ដកស្រង់ប្រភពពីវិមានក្រឹមឡាំងដោយនិយាយថា លោកខាងលិចអាចជួយបញ្ឈប់អំពើឃោរឃៅនៅក្នុងប្រទេសអ៊ុយក្រែន ដោយប្រើឥទ្ធិពលរបស់ខ្លួនដាក់លើក្រុមអាជ្ញាធរក្រុង Kyiv និងបញ្ចប់ការដឹកជញ្ជូនអាវុធទៅកាន់អ៊ុយក្រែន។ លោក Putin ក៏បានប្រាប់សមភាគីរបស់លោកផងដែរថា ក្រុង Moscow នៅតែត្រៀមខ្លួនជានិច្ចសម្រាប់ការសន្ទនាជាមួយអ៊ុយក្រែន៕អត្ថបទ៖ សុខមាន

ឯកឧត្ដម ហ៊ុន ម៉ានី៖ ការពារសន្តិភាព ទោះក្នុងតម្លៃណាក៏ដោយ..!

ភ្នំពេញ៖ ឯកឧត្ដម ហ៊ុន ម៉ានី សមាជិកគណៈកម្មាធិការកណ្ដាល គណបក្សប្រជាជនកម្ពុជា បានថ្លែងថា ត្រូវតែការពារសន្តិភាព ទោះក្នុងតម្លៃណាក៏ដោយ។ ថ្លែងក្នុងឱកាសជួបជុំជាមួយសមាជិក សមាជិកា គណបក្សប្រជាជនកម្ពុជាក្នុងរាជធានីភ្នំពេញកាលពីពេលថ្មីៗនេះ ឯកឧត្ដម ហ៊ុន ម៉ានី បានបញ្ជាក់ជាថ្មី តាមរយៈសារបង្ហោះនៅបណ្តាញសង្គមFacebook នៅល្ងាចថ្ងៃទី៣ ខែឧសភា ឆ្នាំ២០២២នេះថា មេរៀនដែលយើងបានជួបប្រទះឆ្នាំ២០១៣ និង២០១៤ គឺជាការប៉ុនប៉ងធ្វើបដិវត្តន៍ពណ៌ ដែលយើងត្រូវចងចាំមិនភ្លេច។ ដូច្នេះ ថ្ងៃនេះ ថ្ងៃបោះឆ្នោត ឬថ្ងៃខាងមុខ ដរាបណាអង្គការចាត់តាំងបដិវត្តន៍ពណ៌នៅតែមាន យើងត្រូវត្រៀមខ្លួន ដើម្បីការពារខ្លួនជាដាច់ខាត ដោយមិនត្រូវបំភ្លេចស្រមោលដ៏ពិសពុលនោះទេ ។ ឯកឧត្ដមបញ្ជាក់ថា “យើងត្រូវត្រៀមជានិច្ច គ្រប់ពេល និងដាច់ណាត់ក្នុងការប្រយុទ្ធជាមួយពួកប៉ុនប៉ងធ្វើបដិវត្តន៍ពណ៌នេះ ដើម្បីការពារសន្តិភាពទោះក្នុងតម្លៃណាក៌ដោយ”៕

ឯកឧត្តម ហ៊ុន ម៉ាណែត តំណាងសម្ដេចតេជោ ហ៊ុន សែន នាយករដ្ឋមន្ត្រី អញ្ជើញអបអរសាទរ “ទិវាសេរីភាពសារព័ត៌មានសកលលោក ៣ ឧសភា” លើកទី២៩

ភ្នំពេញ៖ ឯកឧត្តម ហ៊ុន ម៉ាណែត តំណាងសម្តេចតេជោ ហ៊ុន សែន នាយករដ្ឋមន្ត្រី បានអញ្ជើញចូលរួមក្នុងពិធីអបអរសាទរ “ទិវាសេរីភាពសារព័ត៌មានសកលលោក ៣ ឧសភា” លើកទី២៩ នៅថ្ងៃទី៣ ខែឧសភា ឆ្នាំ២០២២នេះ។ ឯកឧត្តម ហ៊ុន ម៉ាណែ សូមថ្លែងអំណរគុណចំពោះក្រសួងព័ត៌មាន និងអង្គការ UNESCO ប្រចាំកម្ពុជា ក្រោមជំនួយឧបត្ថម្ភពីមូលនិធីទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត រួមនឹងដៃគូពាក់ព័ន្ធ ដែលបានសហការរៀបចំពិធីជួបជុំដ៏មានអត្ថន័យនេះ ដើម្បីចូលរួមអបអរសាទរ “ទិវាសេរីភាពសារព័ត៌មានសកលលោក ៣ ឧសភា” លើកទី២៩ ឆ្នាំ២០២២នេះ ក្រោមប្រធានបទ «សារព័ត៌មានក្នុងសម្ពាធប្រព័ន្ធឌីជីថល»។ឯកឧត្ដមថា កម្ពុជា ជាប្រទេសប្រកាន់របបប្រជាធិបតេយ្យសេរីពហុបក្ស ដែលផ្តល់ការការពារ និងលំហសិទ្ធិសេរីភាពគ្រប់បែបយ៉ាងដល់ប្រជាពលរដ្ឋ និងអ្នកសារព័ត៌មាន ដោយផ្អែកលើមូលដ្ឋានច្បាប់ សំដៅធានាបាននូវការអនុវត្តសិទ្ធិសេរីភាពដោយស្មើគ្នាចំពោះមុខច្បាប់ និងភាពសុខុដុមរមនាក្នុងសង្គមដោយមិនបំពានគ្នា និងការគោរពឱ្យតម្លៃគ្នាទៅវិញទៅមក ក៏ដូចជាឱកាសប្រកបដោយនិរន្តរភាពនៃការអភិវឌ្ឍប្រទេសជាតិលើគ្រប់វិស័យទាំងផ្នែកនយោបាយ សន្តិសុខ សង្គម និងសេដ្ឋកិច្ច។ឯកឧត្ដមបន្តថា វិស័យសារព័ត៌មាន គឺជាអំណាចទី៤ ដែលបានចូលរួមជាក់ស្តែងនៅក្នុងការកសាង និងអភិវឌ្ឍប្រទេស ដោយផ្អែកលើមុខងារសំខាន់ៗ រួមមាន៖ ទី១. ការចូលរួមពង្រឹងលទ្ធិប្រជាធិបតេយ្យផ្អែកលើមូលដ្ឋាននីតិរដ្ឋ, ទី២. ជាអ្នកផ្តល់ព័ត៌មានពិត និងលឿនរហ័សពីលើទៅក្រោម និងពីក្រោមឡើងលើ, ទី៣. ជាអ្នកផ្តល់ព័ត៌មានបែបអប់រំ និងចំណេះដឹងសម្រាប់ប្រជាពលរដ្ឋ និងជាធាតុចូលសម្រាប់គោលនយោបាយរបស់រាជរដ្ឋាភិបាល, ទី៤. ជាអ្នកឃ្លាំមើល និងត្រួតពិនិត្យតុល្យភាពសង្គមដ៏ស្មោះត្រង់, និងទី៥. ជាអ្នកចូលរួមកែលម្អសង្គមតាមរយៈការផ្តល់ព័ត៌មានពិត និងគ្រប់ជ្រុងជ្រោយប្រកបដោយតម្លាភាព ដែលជាថ្នាំពេទ្យដ៏ពិសិដ្ឋបម្រើឱ្យការអភិវឌ្ឍសង្គម ខណៈដែលព័ត៌មានក្លែងក្លាយ គឺជាថ្នាំបំពុលសង្គមទៅវិញ។ ក្នុងន័យនេះ វិស័យព័ត៌មាន គឺជាចលករនៃបណ្តុំគំនិតស្មារតី និងទស្សនៈក្នុងការវិភាគពិចារណាប្រកបដោយហេតុផល និងការសម្រេចចិត្តរបស់ប្រជាពលរដ្ឋក្នុងនាមជាម្ចាស់ប្រទេស និងជាកញ្ចក់ឆ្លុះបញ្ចាំងថតភាពពិតជាក់ស្តែងរបស់សង្គម ដែលរាជរដ្ឋាភិបាលត្រូវការជាចាំបាច់ ដើម្បីមានមូលដ្ឋានក្នុងការកែលម្អចំណុចខ្វះខាតនានា សំដៅធ្វើយ៉ាងណាឆ្លើយតបទៅនឹងតម្រូវការរបស់ប្រជាពលរដ្ឋឱ្យបានកាន់តែលឿន និងមានប្រសិទ្ធភាព។ អាស្រ័យហេតុនេះ រាជរដ្ឋាភិបាលបានទទួលស្គាល់ និងផ្តល់តម្លៃសារៈសំខាន់ដល់គ្រប់តួអង្គក្នុងវិស័យព័ត៌មាន និងប្រព័ន្ធផ្សព្វផ្សាយទាំងបែបប្រពៃណី បែបឌីជីថល និងសារព័ត៌មានប្រជាជនតាមបណ្តាញសង្គមបច្ចេកវិទ្យា តាមរយៈការផ្តល់ការគាំទ្រលើកទឹកចិត្ត និងបង្កលក្ខណៈគ្រប់បែបយ៉ាង។ ជាក់ស្តែង រាជរដ្ឋាភិបាល បានបញ្ចូលអ្នកសារព័ត៌មានទាំងអស់នៅក្នុងក្រុមអាទិភាពកម្លាំងជួរមុខ ដែលត្រូវបានការចាក់វ៉ាកសាំងបង្ការជំងឺកូវីដ-១៩ មុនគេ ដើម្បីផ្តល់លទ្ធភាពឱ្យបងប្អូនអាចបំពេញភារកិច្ចប្រកបដោយប្រសិទ្ធភាព និងសុវត្ថិភាព។ អ្នកសារព័ត៌មាន មានសិទ្ធិអំណាចចូលរួមតាមដានត្រួតពិនិត្យសកម្មភាពរបស់គ្រប់តួអង្គទាំងអស់ក្នុងសង្គម ទាំងរដ្ឋាភិបាល, ប្រជាពលរដ្ឋ និងអ្នកសារព័ត៌មានជាសហភាតរៈផ្ទាល់ សំដៅធ្វើយ៉ាងណាលើកកម្ពស់គោលការណ៍នីតិរដ្ឋ ដោយគ្រប់គ្នាមានសិទ្ធិស្មើគ្នាចំពោះមុខច្បាប់, ស្ថិតនៅក្រោមច្បាប់ និងទទួលខុសត្រូវចំពោះមុខច្បាប់។ តម្លៃពិតប្រាកដនៃអំណាច គឺមិនមែនជាការដែលធ្វើឱ្យគេខ្លាចនោះទេ ផ្ទុយទៅវិញ គឺត្រូវធ្វើឱ្យគេគោរព។ ដើម្បីឱ្យគេគោរព យើងម្នាក់ៗអាចចាប់ផ្តើមពីសកម្មភាពផ្ទាល់របស់ខ្លួនយើង។ ចំពោះអ្នកសារព័ត៌មាន គឺអាចចូលរួមលើកតម្កើងសេចក្តីថ្លៃថ្នូរ និងតម្លៃនៃអាជីពវិជ្ជាជីវៈសារព័ត៌មាន តាមរយៈការគោរពច្បាប់ និងក្រមសីលធម៌វិជ្ជាជីវៈប្រកបដោយមនសិការ និងការទទួលខុសត្រូវ ព្រមទាំងការខិតខំស្វែងរក និងផ្សព្វផ្សាយព័ត៌មានដើម្បីចូលរួមចំណែកដោះស្រាយបញ្ហាសង្គម។ អ្វីដែលរាជរដ្ឋាភិបាល អាចធ្វើបានទាំងក្នុងពេលកន្លងមក បច្ចុប្បន្ន និងទៅអនាគត គឺការគាំពារ និងបើកលំហរសិទ្ធិនិងសេរីភាពក្នុងក្របខ័ណ្ឌរដ្ឋធម្មនុញ្ញ និងច្បាប់ ព្រមជាមួយនឹងការឧបត្ថម្ភគាំទ្រ និងបង្កលក្ខណៈផ្សេងៗទៀតស្របទៅតាមដំណើរវិវឌ្ឍរីកចម្រើនរបស់ប្រទេសយើង។លោកបញ្ជាក់ថា ពិតណាស់ នៅក្នុងយុគសម័យឌីជីថលនេះ មានការប្រកួតប្រជែងដ៏ស្រួចស្រាល់នៅក្នុងវិស័យព័ត៌មាន ដែលបង្កើតបានជាបញ្ហាប្រឈមធំនៅក្នុងឧស្សហកម្មនេះ។ យ៉ាងណាក៏ដោយ ស្របពេលដែលរាជរដ្ឋាភិបាលមានការបើកទូលាយ និងលើកទឹកចិត្តការប្រើប្រាស់បច្ចេកវិទ្យា ជាពិសេសក្នុងមជ្ឈដ្ឋានយុវជន បញ្ហានេះក៏អាចប្រែក្លាយទៅជាកាលានុវត្តភាពទៅវិញ ប្រសិនបើស្ថាប័ន-អង្គភាពនៅក្នុងវិស័យនេះ អាចកែលម្អ និងអភិវឌ្ឍបត់បែនខ្លួនឱ្យស្របទៅនឹងការវិវត្តប្រែប្រួលនៃសភាពការណ៍ ដោយចេះរៀបចំខ្លួនតាមរយៈការកំណត់ចក្ខុវិស័យច្បាស់លាស់, ផែនការសកម្មភាពហ្មត់ចត់ និងរចនាសម្ព័ន្ធការងារសមស្រប រួមផ្សំជាមួយនឹងគុណភាពនៃព័ត៌មានដែលពិតត្រឹមត្រូវ និងលឿនរហ័ស ដើម្បីឆ្លើយតបនឹងតម្រូវការទីផ្សារ និងកម្លាំងនៃការប្រកួតប្រជែង ជាពិសេសភាពទាក់ទាញ ដែលអាចស្រូបយកប្រជាប្រិយភាព និងទំនុកចិត្តរបស់សាធារណជន៕

ប្រធានសភារុស្ស៊ីនិយាយថា ប្រទេសទាំងឡាយដែលផ្ដល់អាវុធឲ្យអ៊ុយក្រែនគឺជាឧក្រិដ្ឋជនសង្គ្រាម

រុស្ស៊ី៖ លោក Vyacheslav Volodin ប្រធានសភារុស្ស៊ីបានបង្ហាញការមិនពេញចិត្ត ចំពោះប្រទេសទាំងអស់ដែលកំពុងផ្ដល់ជំនួយយោធាឲ្យទៅអ៊ុយក្រែន ដោយហៅពួកគេថាជាឧក្រិដ្ឋជនសង្គ្រាម ខណៈប្រទេសទាំងនោះកំពុងរុញដោលពិភពលោកឲ្យធ្លាក់ចូលមាត់ជ្រោះនៃគ្រោះមហន្តរាយ។ លោក Volodin បាននិយាយថា ប្រទេសទាំងឡាយដែលជួយអ៊ុយក្រែនឲ្យមានលទ្ធភាពការពារខ្លួន គឺជាការជាន់ពន្លិចខ្លួនឯងដែលបណ្ដាលឲ្យគេអូសចូលទៅក្នុងជម្លោះ។ ប្រធានសភាក៏បានរម្លឹកអំពីប្រវត្តិសាស្ត្រផងដែរ ពិសេសគឺសម័យសង្គ្រាមលោកលើកទី២ និងក្រុមហ្វាស៊ីសនិយម។ យោងតាមលោក Volodin បណ្ដាមេដឹកនាំរបស់ប្រទេសមួយចំនួននៅអឺរ៉ុប ពិសេសអាល្លឺម៉ង់ខ្លួនឯងកំពុងនាំបញ្ហាស្មុគស្មាញឲ្យប្រជាពលរដ្ឋរបស់ខ្លួន។ការផ្គត់ផ្គង់គ្រឿងសព្វាវុធទៅឲ្យអ៊ុយក្រែនមានន័យថា ពួកគេក្លាយជាភាគីពាក់ព័ន្ធក្នុងជម្លោះដែរ។ ពួកគេស្ងៀមស្ងាត់នៅពេលពួកណាស៊ីនៅក្នុងទីក្រុង Odesa បានដុតសម្លាប់ជីវិតជនស៊ីវិល ពួកគេពុំបានធ្វើអ្វីឡើយដើម្បីជួយការពារមនុស្សនៅក្នុងតំបន់ Donbas។ ហើយពេលនេះពួកគេកំពុងធ្វើគ្រប់យ៉ាង ដើម្បីសម្លាប់ទាសករនៅក្នុងប្រទេសអ៊ុយក្រែន៕អត្ថបទ៖ សុខមាន

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីប្រកាសថា ក្រោយឆ្នាំ១៩៧៩ សិស្សរត់រកសាលា តែពេលបច្ចុប្បន្នសាលារត់រកសិស្សវិញម្ដង។ សម្តេចបញ្ជាក់ថា បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ។ថ្លែងក្នុងឱកាសអញ្ជើញជួបសំណេះសំណាល ព្រមទាំងផ្តល់រង្វាន់លើកទឹកចិត្តដល់សិស្សប្រលងជាប់និទ្ទេសA ឆ្នាំសិក្សា២០២០-២០២១ ចំនួន១,៧៥៣នាក់ នាថ្ងៃទី៣ខែឧសភា ឆ្នាំ២០២២នេះនៅ សាលសន្និសីទ និងពិព័រណ៍ជ្រោយចង្វារ សម្តេចតេជោ ហ៊ុន សែន បានរំលឹកដល់សិស្ស និងអាណាព្យាបាល ឱ្យក្តាប់ឱ្យជាប់នូវឱកាសសន្តិភាព ។សម្តេចតេជោ ហ៊ុន សែន បានថ្លែងថា ប្រទេសកម្ពុជាកាលពីអតីតកាលកម្សត់ណាស់ ទម្រាំងើបឈរបានដូចស្ថានភាពពេលបច្ចុប្បន្ន។ សម្តេចតេជោ ហ៊ុន សែន បានថ្លែងថា ក្រោយឆ្នាំ១៩៧៩ សិស្សរត់រកសាលា តែពេលបច្ចុប្បន្នសាលារត់រកសិស្ស។ សម្តេចតេជោ ហ៊ុន សែន បានថ្លែងថា ក្រោមពន្លឺសុខសន្តិភាព បានធ្វើឲ្យវិស័យអប់រំនៅកម្ពុជាមានការរីកចម្រើនយ៉ាងឆាប់រហ័ស ខណៈក្រោយពីឆ្នាំ១៩៩៨មក សម្តេចបានចំណាយថវិការហូតដល់៤០០លានដុល្លារអាមេរិកដើម្បីធ្វើសាលារៀនគ្រប់ទីកន្លែងនូវទូទាំងប្រទេស៕

ក្រសួងធនធានទឹក និងឧតុនិយម៖ ទំនប់អាងទឹកអន្លង់ជ្រៃ កម្រិតទឹកកើនលើសកម្រិតរក្សារទុក

កំពង់ស្ពឺ៖ ក្រសួងធនធានទឹក និងឧតុនិយម ប្រកាសថា ដោយមានភ្លៀងធ្លាក់ជាប់ៗគ្នា កន្លងមកនេះ បានធ្វើឲ្យទឹកនៅទំនប់អាងទឹកអន្លង់ជ្រៃ ស្ថិតក្នុងភូមិសាស្ដ្រខេត្តកំពង់ស្ពឺ និងខេត្តកំពង់ឆ្នាំង បានកើនលើសកម្រិតរក្សារទុក។នៅពេលនេះមន្រ្តីស្មាន់ទំនប់បានសហការគ្នាបើកទ្វារទឹក០៥ទ្វារ ដោយខាងខេត្តកំពង់ស្ពឺបើក០២ទ្វារ កម្ពស់ ០,៧០ ម៉ែត្រ និងខាងខេត្តកំពង់ឆ្នាំង បើក ០៣ទ្វារ កម្ពស់ ០,៧០ ម៉ែត្រ៕

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងព័ត៌មាន៖ ការពង្រឹងសុវត្ថិភាពឌីជីថល គឺជាកត្តាចម្បងក្នុងការប្រយុទ្ធប្រឆាំងព័ត៌មានក្លែងក្លាយ

កាកបាទក្រហមកម្ពុជា បណ្តុះបណ្តាលយុវជន ជាង១០០នាក់ លើច្បាប់មនុស្សធម៌ និងការកសាងសន្តិភាព

ផ្ទាំងទឹកនៅប្រទេសស្វីស ឆ្ពោះទៅរកការបំបែកកំណត់ត្រាមួយទៀត ក្រោយរលកកម្តៅខែមិថុនា

លោក Merz បញ្ជាក់ថា អាល្លឺម៉ង់អាចការពារការជំរុញការចំណាយយោធា ជាការឆ្លើយតបទៅនឹងលោក Trump

បុគ្គលិកសន្តិសុខស៊ីរី ៣រូបរងរបួស ដោយសារវាយប្រហារនៅជិតក្រុងដាម៉ាស ខណៈអ្នកប្រព្រឹត្តិស្លាប់

ក្រុមតាំងលំនៅនិគមន៍អ៊ីស្រាអែល ដណ្តើមក្តីស្រមៃជនប៉ាឡេស្ទីនក្នុងការមានផ្ទះសម្បែងនឹងគេនៅតំបន់វ៉េសប៊ែង

EU «ថ្កោលទោសយ៉ាងខ្លាំង» ចំពោះការវាយប្រហារបណ្ដាលឲ្យមានអ្នកស្លាប់ច្រើន នៅទីក្រុងដាម៉ាស

កងទ័ពជើងទឹកអង់គ្លេស សាកល្បងយានដ្រូនមានសមត្ថភាពវាយប្រហារចេញពីនាវា

មន្រ្តីជាន់ខ្ពស់រួមទាំងប្រធានាធិបតីអ៊ីរ៉ង់ ចូលរួមពិធីលាគ្នាចុងក្រោយ សម្រាប់អតីតមេដឹកនាំកំពូល Khamenei

អង្គការសហប្រជាជាតិ ព្រមានអំពីការមានបាតុភូតអែលនីញ៉ូដ៏ខ្លាំងក្លា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ថ្ងៃនេះកម្ពុជារកឃើញករណីឆ្លងថ្មីជំងឺកូវីដ-១៩ តែម្នាក់គត់

ប្រមុខអង្គការសហប្រជាជាតិស្វាគមន៍ការជម្លៀសជនស៊ីវិលចេញពីរោងចក្រដែកថែប Azovstal

លោក Putin បានចុះហត្ថលេខាលើវិធានការសងសឹកថ្មីវាយបកលើទណ្ឌកម្មលោកខាងលិច

សហភាពអឺរ៉ុបត្រៀមទណ្ឌកម្មថ្មីដាក់សម្ពាធលើប្រេង និងដាក់គោលដៅបន្ថែមទៀតលើធនាគាររុស្ស៊ី

លោក Putin ប្រាប់ទៅលោក Macron ថា លោកខាងលិចអាចប្រើឥទ្ធិពលរបស់ខ្លួនឲ្យបញ្ឈប់ "អំពើឃោរឃៅ" នៅអ៊ុយក្រែន

ឯកឧត្ដម ហ៊ុន ម៉ានី៖ ការពារសន្តិភាព ទោះក្នុងតម្លៃណាក៏ដោយ..!

ប្រធានសភារុស្ស៊ីនិយាយថា ប្រទេសទាំងឡាយដែលផ្ដល់អាវុធឲ្យអ៊ុយក្រែនគឺជាឧក្រិដ្ឋជនសង្គ្រាម

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ក្រសួងធនធានទឹក និងឧតុនិយម៖ ទំនប់អាងទឹកអន្លង់ជ្រៃ កម្រិតទឹកកើនលើសកម្រិតរក្សារទុក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ថ្ងៃនេះកម្ពុជារកឃើញករណីឆ្លងថ្មីជំងឺកូវីដ-១៩ តែម្នាក់គត់

ប្រមុខ​អង្គការសហប្រជាជាតិ​ស្វាគមន៍​ការ​ជម្លៀស​ជន​ស៊ីវិល​ចេញពី​រោងចក្រ​ដែកថែប Azovstal

លោក Putin បាន​ចុះហត្ថលេខា​លើ​វិធានការ​សងសឹក​ថ្មី​វាយបក​លើ​ទណ្ឌកម្ម​លោក​ខាង​លិច

សហភាព​អឺរ៉ុប​ត្រៀម​ទណ្ឌកម្ម​ថ្មី​ដាក់​សម្ពាធ​លើ​ប្រេង និង​ដាក់​គោលដៅ​បន្ថែម​ទៀត​លើ​ធនាគារ​រុស្ស៊ី​

ឯកឧត្ដម ហ៊ុន ម៉ានី៖ ការពារសន្តិភាព ទោះក្នុងតម្លៃណាក៏ដោយ..!

ប្រធាន​សភា​រុស្ស៊ី​និយាយ​ថា ប្រទេស​ទាំងឡាយ​ដែល​ផ្ដល់​អាវុធ​ឲ្យ​អ៊ុយ​ក្រែ​ន​គឺជា​ឧក្រិដ្ឋជន​សង្គ្រាម​

សម្តេចតេជោ ហ៊ុន សែន ៖ បើគ្មានធនធានមនុស្សទេ កុំរំពឹងអភិវឌ្ឍន៍ប្រទេសឱ្យរីកចម្រើនឱ្យសោះ

ក្រសួងធនធានទឹក និងឧតុនិយម៖ ទំនប់អាងទឹកអន្លង់ជ្រៃ កម្រិតទឹកកើនលើសកម្រិតរក្សារទុក

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខអង្គការសហប្រជាជាតិស្វាគមន៍ការជម្លៀសជនស៊ីវិលចេញពីរោងចក្រដែកថែប Azovstal

លោក Putin បានចុះហត្ថលេខាលើវិធានការសងសឹកថ្មីវាយបកលើទណ្ឌកម្មលោកខាងលិច

សហភាពអឺរ៉ុបត្រៀមទណ្ឌកម្មថ្មីដាក់សម្ពាធលើប្រេង និងដាក់គោលដៅបន្ថែមទៀតលើធនាគាររុស្ស៊ី

ប្រធានសភារុស្ស៊ីនិយាយថា ប្រទេសទាំងឡាយដែលផ្ដល់អាវុធឲ្យអ៊ុយក្រែនគឺជាឧក្រិដ្ឋជនសង្គ្រាម