BTV NEWS

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម និងលោកជំទាវ រស់ សូយឿ

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

អ៊ុយក្រែន៖ ប្រមុខអង្គការសហប្រជាជាតិលោក Antonio Guterres បានប្ដេជ្ញាថា អង្គការពិភពលោកមួយនេះនឹងមិនបោះបង់ចោលគោលបំណង បញ្ចប់សង្គ្រាមរបស់រុស្ស៊ីនៅប្រទេសអ៊ុយក្រែនឡើយ និងបង្កើនការគាំទ្រដល់ប្រជាជនអ៊ុយក្រែន អំឡុងដំណើរទស្សនកិច្ចរបស់លោកនៅក្នុងទីក្រុង Kyiv កាលពីថ្ងៃព្រហស្បតិ៍។ អំឡុងសន្និសីទសារព័ត៌មានរួមគ្នាជាមួយប្រធានាធិបតីអ៊ុយក្រែនលោក Volodymyr Zelenskyy លោក Guterres បានថ្លែងថា សង្គ្រាមត្រូវតែបញ្ចប់ ហើយសន្តិភាពត្រូវតែត្រូវបានបង្កើតឡើងស្របតាមធម្មនុញ្ញអង្គការសហប្រជាជាតិ និងច្បាប់អន្តរជាតិ។ មេដឹកនាំទាំង២ បានជួបពិភាក្សាគ្នារយៈពេលជាង ៩០នាទីកាលពីថ្ងៃព្រហស្បតិ៍នៅការិយាល័យរបស់លោក Zelenskyy នៅក្នុងទីក្រុង Kyiv។ ប្រមុខអង្គការសហប្រជាជាតិបាននិយាយថា លោកនៅទីនេះដើម្បីផ្ដោតលើមធ្យោបាយដែលអង្គការសហប្រជាជាតិ អាចពង្រីកការគាំទ្រដល់ប្រជាជនអ៊ុយក្រែន ដោយការជួយសង្គ្រោះអាយុជីវិតកាត់បន្ថយទុក្ខវេទនា និងជួយស្វែងរកផ្លូវនៃសន្តិភាព។លោកចង់ឲ្យប្រជាជនអ៊ុយក្រែនដឹងថា ពិភពលោកបានមើលឃើញបានលឺសំឡេងរបស់អ្នកទាំងអស់គ្នា ហើយពិភពលោកនេះកំពុងស្ញប់ស្ញែងភាពអត់ធ្មត់ និងដំណោះស្រាយរបស់អ្នកទាំងអស់គ្នា។ លោក Antonio Guterres បានអំពាវនាវឲ្យមានគណនេយ្យភាព បន្ទាប់ពីធ្វើដំណើរទៅកាន់តំបន់រងការបំផ្លិចបំផ្លាញនានាជិតរដ្ឋធានី Kyiv របស់អ៊ុយក្រែន ជាទីដែលរុស្ស៊ីត្រូវបានចោទប្រកាន់ពីបទប្រព្រឹត្តឧក្រិដ្ឋកម្មសង្គ្រាម៕ អត្ថបទ៖ សុខមាន

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន

រុស្ស៊ី៖ ប្រទេសរុស្ស៊ីកាលពីថ្ងៃព្រហស្បតិ៍បានព្រមានលោកខាងលិចថា នឹងមានការឆ្លើយតបដោយយោធាដ៏ខ្លាំងក្លាទៅកាន់ការវាយប្រហារណាមួយបន្ថែមទៀតមកលើដែនដីរបស់រុស្ស៊ី ដោយចោទប្រកាន់សហរដ្ឋអាមេរិក និងសម្ព័ន្ធមិត្តសំខាន់ៗរបស់ខ្លួនពីបទចេញមុខញុះញង់ដោយបើកចំហរ ឲ្យអ៊ុយក្រែនវាយប្រហារមកលើប្រទេសរុស្ស៊ី។ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា ប្រទេសរុស្ស៊ីនឹងមិនពិចារណាពីវត្តមានរបស់ទីប្រឹក្សាបរទេសឡើយ នៅពេលការវាយប្រហារសងសឹកចូលមកដល់។ ថ្លែងនៅឯសន្និសីទសារព័ត៌មានប្រចាំសប្ដាហ៍ចេញពីក្រុង Moscow លោកស្រី Zakharova បានទទួលស្គាល់ថា ការវាយប្រហាររបស់អ៊ុយក្រែនលើដឹកដីរបស់រុស្ស៊ីបានបណ្ដាលឲ្យមានមនុស្សរងរបួស និងការបំផ្លិចបំផ្លាញ ប៉ុន្តែពុំបាននិយាយពីការវាយប្រហារលើទីតាំងស្តុកប្រេងក្នុងតំបន់ Bryansk ស្ថិតនៅចម្ងាយ ១០០ម៉ាយល៍ពីព្រំដែននោះទេ។លោកស្រី Zakharova បានបន្ថែមថា សកម្មភាពឧក្រិដ្ឋកម្មបែបនេះ ប្រព្រឹត្តដោយកងកម្លាំងប្រដាប់អាវុធអ៊ុយក្រែនមកលើទឹកដីរុស្ស៊ី នៅតែជារឿងនៅស្ងៀមមិនឆ្លើយតបបានទេ យើងចង់ឲ្យទីក្រុង Kyiv និងបណ្ដាប្រទេសលោកខាងលិចស្ដាប់សេចក្ដីថ្លែងការណ៍ របស់ក្រសួងការបរទេសរបស់យើងឲ្យបានច្បាស់ថា សកម្មភាពបង្ករឿងដែលចេះតែបន្តរបស់អ៊ុយក្រែន ដើម្បីវាយប្រហារប្រឆាំងរុស្ស៊ីនឹងទទួលបានត្រឡប់ទៅវិញ នូវការឆ្លើយតបដ៏ធ្ងន់ធ្ងរពីរុស្ស៊ី ហើយក្រុមទីប្រឹក្សាមកពីបណ្ដាប្រទេសលោកខាងលិច ដែលកំពុងស្ថិតនៅចំណុចកណ្ដាលនៃការសម្រេចចិត្តរបស់អ៊ុយក្រែន ក៏នឹងត្រូវប្រឈមនឹងសកម្មភាពសងសឹករបស់រុស្ស៊ីដូចគ្នាផងដែរ។ យើងមិនណែនាំឲ្យមានការសាកល្បងភាពអំណត់របស់យើងបន្ថែមទៀតនោះទេ៕អត្ថបទ៖ សុខមាន

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នឹងអញ្ជើញជាអធិបតីភាព ក្នុងសិក្ខាសាលាជាស៊េរីវគ្គទី៤ ស្តីពី ការជំរុញសហគ្រិនភាពជាយុវជនក្រោមប្រធានបទ “ការយល់ដឹងពីវិទ្យាសាស្ត្រ និងបច្ចេកវិទ្យា(STEM) ក្នុងការជំរុញសហគ្រិនភាព” នៅថ្ងៃទី០៥ ខែឧសភា ឆ្នាំ២០២២ខាងមុខនេះ។ សិក្ខាសាលានេះធ្វើឡើងក្នុងគោលបំណងជំរុញ និងលើកទឹកចិត្តដល់យុវជន សិស្ស និស្សិត និងសាធារណៈជនដូចខាងក្រោម៖- ជំរុញគោលនយោបាយរបស់រាជរដ្ឋាភិបាលក្នុងការអភិវឌ្ឍធនធានមនុស្សតាមរយៈ STEM- ការប្រើប្រាស់វិធីសាស្ត្រ STEM នៅក្នុងការសិក្សា- អត្ថប្រយោជន៍របស់ STEM សម្រាប់ក្រុមហ៊ុន រោងចក្រ សហគ្រាស- យល់ដឹងអំពី STEM នៅក្នុងយុគសម័យសេដ្ឋកិច្ចឌីជីថល- ការអនុវត្ត STEM នៅក្នុងអាជីវកម្ម និងសហគ្រិនភាព- បទពិសោធន៍ បញ្ហាប្រឈម និងដំណោះស្រាយក្នុងការសិក្សា និងអនុវត្តជំនាញ STEM ។

ស្ត្រីពិការទុរគតឥតទីពឹងម្នាក់ រស់នៅស្រុកព្រៃឈរ ខេត្តកំពង់ចាម ទទួលអំណោយមនុស្សធម៌ ពីកាកបាទក្រហមកម្ពុជា

កំពង់ចាម ៖ ដោយក្តីអាណិតអាសូរជាពន់ពេកនោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃព្រហស្បតិ៍ ទី ២៨ ខែមេសា ឆ្នាំ២០២២នេះ បានចាត់ឱ្យលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងសហការី រួមជាមួយមន្ត្រីសាខាកាកបាទក្រហមកម្ពុជា ខេត្តកំពង់ចាម ចុះសួរសុខទុក្ខ និងផ្តល់អំណោយមនុស្សធម៌ជូនអ្នកស្រី សៀង ផល្លី អាយុ ៥៥ឆ្នាំ ជាស្ត្រីពិការទុរគតឥតទីពឹង រស់នៅភូមិតាង៉ាល ឃុំខ្វិតធំ ស្រុកព្រៃឈរ ខេត្តកំពង់ចាម។ ក្នុងឱកាសនោះ លោកជំទាវ អគ្គលេខាធិការរងទី១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតអាសូរចំពោះអ្នកស្រី សៀង ផល្លី និងសូមលើកទឹកចិត្តឱ្យខិតខំថែទាំសុខភាពឱ្យបានល្អ ជៀសផុតពីជំងឺនានា ដើម្បីបន្តក្តីសង្ឃឹមរស់នៅតទៅមុខទៀតឱ្យបានសមរម្យ។ ជាកិច្ចឆ្លើយតប អ្នកស្រី សៀង ផល្លី ក៏បានសម្តែងនូវក្តីរំភើបក្តុកក្តួល ឥតឧបមា និងដឹងគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានគិតគូរ និងលើកទឹកចិត្តឱ្យមានក្តីសង្ឃឹមតទៅមុខទៀត រួមជាមួយអំណោយមនុស្សធម៌ជួយសម្រាលការលំបាក រួមមានស្បៀងអាហារ សម្ភារប្រើប្រាស់ និងថវិកាទៀតផង។

លោក ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ជាផ្លូវការសាលាធម្មសភា និងសមិទ្ធផលនានានៅវត្តចែង ស្រុកទ្រាំង ខេត្តតាកែវ

តាកែវ៖ លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញសម្ពោធដាក់ឱ្យប្រើប្រាស់ជាផ្លូវការសាលាធម្មសភា និងសមិទ្ធផលនានា ក្នុងវត្តចែង ស្ថិតក្នុងភូមិពន្លៃ ឃុំធ្លក ស្រុកទ្រាំង ខេត្តតាកែវ នៅថ្ងៃទី២៨ ខែមេសា ឆ្នាំ២០២២។លោក ហ៊ុន ម៉ាណែត សូមចូលរួមអបអរសាទចំពោះសមិទ្ធផលជាច្រើន ដែលបានកើតមានទ្បើងក្នុងទីអារាមនេះ និងសូមកោត សរសើរចំពោះស្មារតី សាមគ្គីភាពប្រកបដោយទឹកចិត្តសប្បុរសរបស់ប្រជាពលរដ្ឋគ្រប់មជ្ឈដ្ឋាន ក្នុងការចូលរួមចំណែក កសាងលើកស្ទួយព្រះពុទ្ធសាសនា។ សមិទ្ធផលជាកេរដំណែលនេះ នឹងបន្តស្ថិតនៅគង់វង្សច្រើនជំនាន់ទៅមុខទៀត ដើម្បីជាប្រយោជន៍ដល់ប្រជាពលរដ្ឋបានប្រើប្រាស់ជួបជុំធ្វើបុណ្យទានទៅតាមគន្លងប្រពៃណីសាសនា។លោកបានបន្តថា ភាពជោគជ័យនៃការគ្រប់គ្រងការរីករាលដាលនៃជំងឺកូវីដ-១៩នៅកម្ពុជា គឺកើតឡើងដោយសារការដឹកនាំដ៏មាន ទេពកោសល្យខ្ពស់របស់ សម្តេចតេជោ នាយករដ្ឋមន្ត្រី និងកិច្ចខិតខំប្រឹងប្រែងរបស់មន្ត្រីរាជការគ្រប់លំដាប់ថ្នាក់ កងកម្លាំង ប្រដាប់អាវុធ គ្រប់ប្រភេទ ព្រមជាមួយនឹងការចូលរួមដោយប្រកបដោយភាពជឿជាក់របស់ប្រជាពលរដ្ឋទូទាំងប្រទេសក្នុងការអនុវត្តនូវរាល់ការណែនាំរបស់រដ្ឋាភិបាលក្នុងការទប់ស្កាត់ការរីករាលដាលនៃជំងឺដ៏កាចសាហាវនេះ។កត្តាទាំងនេះ បង្ហាញអំពីភាពខ្លាំងក្លានៃកម្លាំងមហាសាមគ្គីប្រជាជាតិខ្មែរ នាំឱ្យយកឈ្នះសត្រូវដែលមើលពុំឃើញ ហើយកាចសាហាវមួយនេះ ហើយកម្លាំងសាមគ្គីភាពដ៏រឹងមាំនេះនឹងបន្តយូរអង្វែងទៅទៀតក្រោមការដឹកនាំរបស់សម្តេចតេជោ និងគណបក្សប្រជាជនកម្ពុជា។ទន្ទឹមនឹងនោះលោកសូមអរគុណក្រុមការងាររាជដ្ឋាភិបាល និងគណបក្សប្រជាជនកម្ពុជា ចុះជួយមូលដ្ឋានគ្រប់យន្តការ អាជ្ញាធរដែនដី កងកម្លាំងប្រដាប់អាវុធ និងមន្ត្រីរាជការ លោកគ្រូអ្នកគ្រូ ក្នុងស្រុកទ្រាំង ក៏ដូចជា ទូទាំងខេត្តតាកែវ ដែលជានិច្ចជាកាលតែងរួមសាមគ្គីគ្នាបម្រើប្រជាពលរដ្ឋជាប់ជាប្រចំាតាមគ្រប់ រូបភាព សំដៅធានា បាន នូវការស្វែងយល់ផ្ទាល់អំពីកម្រិតជីវភាព ភាពស្និទ្ធស្នាល និងស្រលាញ់ជឿជាក់របស់ប្រជាពលរដ្ឋ និងសូមលើកទឹកចិត្តឱ្យបន្តការងារដ៏ពិសិដ្ឋនេះ ឱ្យរឹតតែល្អប្រសើរឡើងបន្ថែមទៀត ជាការឆ្លើយតបនឹងជំនឿទុកចិត្តរបស់ប្រជាពលរដ្ឋ ដែលបានផ្តល់ជូន៕

សម្ដេចតេជោ ហ៊ុន សែន កំពុងពន្លឿនដំឡើងប្រាក់ខែជូនអតីតយុទ្ធជន និងអ្នកចូលនិវត្តមានប្រាក់ខែទាប

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីបានណែនាំឲ្យក្រសួងសេដ្ឋកិច្ច និងហិរញ្ញវត្ថុ រកវិធីដំឡើងប្រាក់បៀវត្សជូនដល់អតីតយុទ្ធជន និងអ្នកចូលនិវត្តមុន ដែលមានប្រាក់ខែទាប ត្រូវដំឡើងប្រាក់ខែដល់ពួកគាត់ឲ្យបានលឿន ។ក្នុងឱកាសអញ្ជើញជាអធិបតី សំណេះសំណាលជាមួយប្រតិភូកីឡាករកម្ពុជា ទៅចូលរួមប្រកួតកីឡាស៊ីហ្គេមលើកទី៣១ នៅប្រទេសវៀតណាម នាថ្ងៃទី២៨ ខែមេសា ឆ្នាំ២០២២ សម្ដេចតេជោ ហ៊ុន សែន នាយករដ្ឋមន្ត្រី បានមានប្រសាសន៍សូមការអធ្យាស្រ័យ ពីសំណាក់មន្ត្រីរាជការ កងកម្លាំងប្រដាប់អាវុធនៅទូទាំងប្រទេស ដែលពីរឆ្នាំកន្លងទៅនេះ មិនបានដំឡើងប្រាក់បៀវត្សជូន គឺប្រាក់ខែនៅទ្រឹង ។សម្ដេចតេជោ បានបន្តថា តែយ៉ាងណាសម្ដេចបានណែនាំ ទៅឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឲ្យថែមប្រាក់ខែជូនអតីតយុទ្ធជន និងអ្នកចូលនិវត្តមុនដែលមានប្រាក់ខែទាប ។សម្ដេចតេជោ ហ៊ុន សែន បានបន្ថែមថា កាលពីពេលកន្លងទៅតាមរយៈការខិតខំរបស់ក្រសួងសេដ្ឋកិច្ច និងហិរញ្ញវត្ថុ អនុវត្តនូវគោលនយោបាយកាត់បន្ថយគម្លាតរវាងអ្នកចូលនិវត្តន៍មុន និងអ្នកចូលនិវត្តន៍ក្រោយ ដោយបានដំឡើងដល់ ៦៤០ ០០០រៀល ក្នុងពេលអ្នកចូលនិវត្តន៍ក្រោយឡើងបាន ៨០០ ០០០រៀល ដូច្នេះត្រូវរុញបន្តទៀត នឹងឡើងដល់ក្បែរគ្នា សប្បាយចិត្តទាំងអស់គ្នា យ៉ាងហោចណាស់អ្នកចូលនិវត្តន៍ក្រោយ ឡើងដល់ ២០០ដុល្លារ៕

សម្ដេចតេជោ ហ៊ុន សែន រីករាយពេលឃើញពលរដ្ឋបន្តពាក់ម៉ាស ទោះបីដកកាតព្វកិច្ចក្តី

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បានសម្ដែងនូវការសប្បាយរីករាយ នៅពេលឃើញប្រជាពលរដ្ឋបន្តពាក់ម៉ាស់ បើទោះបីជារាជរដ្ឋាភិបាល បានដកកាតព្វកិច្ចឈប់ឲ្យពលរដ្ឋពាក់ម៉ាស់នៅតាមទីសាធារណៈ ដោយសម្ដេចចាត់ទុកសកម្មភាពរបស់ពលរដ្ឋនេះ នៅតែបន្តចូលរួមទប់ស្កាត់ការចម្លងជំងឺកូវីដ-១៩។ក្នុងឱកាសអញ្ជើញជាអធិបតី សំណេះសំណាលជាមួយប្រតិភូកីឡាករកម្ពុជា ទៅចូលរួមប្រកួតកីឡាស៊ីហ្គេមលើកទី៣១ នៅប្រទេសវៀតណាម នាថ្ងៃទី២៨ ខែមេសា ឆ្នាំ២០២២ សម្ដេចតេជោនាយករដ្ឋមន្ត្រី បានមានប្រសាសន៍ថា សូមប្រជាពលរដ្ឋបន្តការពារការឆ្លងជំងឺកូវីដ-១៩ បើទោះបីវាស្ងប់ ព្រោះកូវីដ-១៩ មិនទាន់ទៅណាឆ្ងាយនោះទេ ហើយត្រូវបន្តទទួលវ៉ាក់សាំង គឺមានតែវ៉ាក់សាំងទេ បានជួយជំនះនូវការលំបាក ។ សម្ដេចតេជោ បានបន្តថា សម្ដេចមានការសប្បាយរីករាយផងដែរ នៅពេលឃើញពលរដ្ឋបន្តពាក់ម៉ាស់នៅតាមទីសាធារណៈ បើបីជារាជរដ្ឋាភិបាលបានដកចេញនូវកាតព្វកិច្ចនេះ ហើយសម្ដេចក៏បានលើកទឹកចិត្ត ក្នុងការចូលរួមទប់ស្កាត់ការចម្លងជំងឺកូវីដ១៩នេះ។សម្ដេចតេជោ ហ៊ុន សែន បញ្ជាក់ថា បច្ចុប្បន្ននេះ កម្ពុជាមានអ្នកកំពុងសម្រាកព្យាបាលជំងឺកូវីដ-១៩ ចំនួនជាង៩០នាក់ ដោយក្នុងនោះរាជធានីភ្នំពេញមានចំនួន ២៦នាក់ កំពុងសម្រាកព្យាបាលមន្ទីរពេទ្យ នៅតាមបណ្ដាខេត្តមួយចំនួនទៀត ខណៈម្សិលមិញបានរកឃើញអ្នកវិជ្ជមានកូវីដ១៩ ចំនួន៥នាក់ ៕(អត្ថបទ៖ បាន សុខរិទ្ធិ)

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសំណេះសំណាលជាមួយប្រតិភូកីឡាករកម្ពុជាទៅចូលរួមប្រកួតកីឡាស៊ីហ្គេម លើកទី៣១ នៅប្រទេសវៀតណាម

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃព្រហស្បតិ៍ ទី២៨ ខែមេសា ឆ្នាំ២០២២នេះ បានអញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន បញ្ជាក់ថា រយៈពេលប៉ុន្មានឆ្នាំកន្លងមកនេះ កម្ពុជាបានញាំញីដោយការរាតត្បាត នៃជំងឺកូវីដ-១៩។ ទោះបែបនេះក្តី កម្ពុជាបានប្រឹងប្រែងជំនះយ៉ាងខ្លាំង រហូតដល់មានលទ្ធផលល្អដូចពេលនេះ។- សម្តេចតេជោ ហ៊ុន សែន ប្រកាសថា ការបញ្ជូនកីឡាករ-កីឡាការិនី ទៅក្រៅប្រទេស ដើម្បីចូលរួមប្រកួតកីឡាស៊ីហ្គេមនៅប្រទេសវៀតណាមនាពេលនេះ គឺជាពេលចុងក្រោយហើយ ខណៈដែលកម្ពុជានឹងធ្វើជាម្ចាស់ផ្ទះប្រកួតកីឡាស៊ីហ្គេម នៅឆ្នាំ២០២៣ខាងមុខនេះ។- សម្តេចតេជោ ហ៊ុន សែន បញ្ជាក់ថា នៅពេលនេះវៀតណាម នៅបន្តការឆ្លងរីករាលដាលជំងឺកូវីដ-១៩ គ្រាន់តែករណីឆ្លងនោះ មានការធ្លាក់ចុះ និងកម្រិត ដែលអាចគ្រប់គ្រងបាន ហើយសម្តេចក៏មិនដឹងថា «តើការប្រកួតលើវិញ្ញាសារនានានោះ អនុញ្ញាតឱ្យមានមនុស្សចូលរួមទស្សនា ឬយ៉ាងណានោះទេ»។- សម្តេចតេជោ ហ៊ុន សែន ប្រកាសដល់កីឡាទាំងអស់ឱ្យគោរពវិន័យ និងហាមប្រើប្រាស់សារធាតុបង្កើនកម្លាំង ដែលមានការហាមឃាត់ ដោយសម្តេចចាត់ទុកថា «ទោះទទួលបានមេដាយមាសក៏ដោយ ឱ្យតែស្អុយឈ្មោះដោយប្រើប្រាស់សារធាតុញៀន ឬសារធាតុប៉ូវកម្លាំង ដែលមានការហាមឃាត់ គឺគ្មានន័យទេ»។- សម្តេចតេជោ ហ៊ុន សែន បញ្ជាក់ថា ពាក្យស្តង់ដាតែមួយ មានតែនៅវិញ្ញាសារកីឡាតែប៉ុណ្ណោះ តែសម្រាប់លទ្ធិប្រជាធិបតេយ្យ គឺគ្មានស្តង់ដាតែមួយទេ ។ ការគ្រប់គ្រងប្រទេសមួយ វាអា្រស័យលើភាពចាំបាច់ និងភាពជាក់ស្តែង នៃបណ្តាប្រទេសនីមួយៗ។ សម្តេចបញ្ជាក់ថា ប្រព័ន្ធបោះឆ្នោតនៅអាមេរិកក្តី និងនៅបារាំងក្តី គឺមិនដូចគ្នាទេ ហើយប្រទេសផ្សេងៗទៀត ក៏មិនដូចគ្នាដែរ។- សម្ដេចតេជោ ហ៊ុន សែន កោតសរសើរ ចំពោះការរៀបចំប្រតិភូ និងអត្តពលិកកម្ពុជា ៥៦០នាក់ ចូលរួមប្រកួតកីឡាស៊ីហ្គេម លើកទី៣១ នៅប្រទេសវៀតណាម ដែលជាចំនួនសមស្របមួយ បើធៀបទៅនឹងការប្រកួតស៊ីហ្គេម នៅប្រទេសហ្វីលីពីន កាលពីឆ្នាំ២០០៥ ដែលមានអ្នកជូនដំណើរច្រើនជាងកីឡាករ-កីឡាការិនី។- សម្តេចតេជោ ហ៊ុន សែន ប្រកាសដល់បណ្ឌិតមួយចំនួន ដែលតែងធ្វើអត្ថាធិប្បាយប៉ប៉ាច់ប៉ប៉ោច ដោយមិនយល់ដឹងពីប្រព័ន្ធគ្រប់គ្រង នៃបណ្តាប្រទេសនីមួយៗ ហើយចេះតែលើកឡើងតែពីស្តង់ដាមួយ ឬស្តង់ដារួម នៃលទ្ធិប្រជាធិបតេយ្យ។ សម្តេចបញ្ជាក់ថា «ទោះកាន់លទ្ធិប្រជាធិបតេយ្យដូចគ្នាមែន តែប្រទេសខ្លះប្រធានាធិបតីនិយម ប្រទេសខ្លះសភានិយម ឬនាយករដ្ឋមន្ត្រីនិយមជាដើម»។- សម្តេចតេជោ ហ៊ុន សែន បានបញ្ជាក់ដោយសំណើចតិចៗថា នៅពេលនេះ ពិភពលោកយើងពោរពេញទៅដោយភាពច្របូកច្របល់ ដោយសារភាពមិនចុះសម្រុងគ្នា ឬមិនយោគយល់គ្នាលើចំណុចរួមនានា ដោយសារកត្តាផលប្រយោជន៍ហួសហេតុ និងនិន្នាការនយោបាយ តំបន់ ឬសកល។- សម្តេចតេជោ ហ៊ុន សែន ប្រកាសដល់គណៈកម្មការជាតិប្រយុទ្ធប្រឆាំងកូវីដ-១៩ ដែលរួមមាន៖ ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ពិភាក្សាគ្នាយកអ្នកជំងឺកូវីដ-១៩ ដែលកំពុងសម្រាកព្យាបាលនៅស្តាតអូឡាំពិត ផ្ទេរទៅមន្ទីរពេទ្យហ្លួងម៉ែ ឬចាក់អង្រែ ដើម្បីប្រគល់ស្តាតអូឡាំពិកឱ្យផ្នែកកីឡាជាអ្នកគ្រប់គ្រងវិញ ព្រោះស៊ីហ្គេម២០២៣ ដែលកម្ពុជាជាម្ចាស់ផ្ទះ កាន់តែជិតមកដល់ហើយ។- សម្តេចតេជោ ហ៊ុន សែន ប្រកាសថា មន្ទីរពេទ្យហ្លួងម៉ែ ដែលកំពុងឱ្យអ្នកជំងឺសម្រាកព្យាបាលកូវីដ-១៩នោះ នឹងប្រែក្លាយទៅជាមន្ទីរពេទ្យឯកទេសជំងឺ«មហារីក» នៅពេលក្រោយ បន្ទាប់ពីស្ថានភាពជំងឺកូវីដ-១៩ បានរលាយរលត់ អស់អ្នកជំងឺកូវីដ-១៩ព្យាបាលនៅទីនោះ។- សម្តេចតេជោ ហ៊ុន សែន បានបញ្ជាកថា កុំតែមានសង្គ្រាមអូសបន្លាយរាប់ឆ្នាំមកនេះ ម្លេះវិស័យកីឡាជាតិកម្ពុជា មិនដឹងរីកច្រើនដល់កម្រិតណាទេ ព្រោះសម្តេចឪ ព្រះបរមរតនកោដ្ឋ អតីតព្រះមហាក្សត្រ នៃយើង ទ្រង់មានព្រះទ័យយកចិត្តទុកដាក់ខ្ពស់ណាស់លើវិស័យកីឡាជាតិ។- សម្តេចតេជោ ហ៊ុន សែន បានលើកឡើងពីការគន់គូររបស់គ្រូទាយថា «សម្តេចនឹងជន្មាយុ ១០១ឆ្នាំ»។ ត្រង់ចំណុចនេះសម្តេចបានលើកឡើងថា «ពូជសម្តេចគ្មាននរណាអាយុតិចទេ មានតែអាយុ៩០ឡើង»។ ទោះជាបែបនេះ ក្តីសម្តេចបានប្រកាសមិនមានបំណងកាន់អំណាចរហូតដល់អាយុ១០១ឆ្នាំនោះឡើយ ។- សម្តេចតេជោ ហ៊ុន សែន បានប្រកាសដល់កីឡាករ-កីឡាការិនី ទៅប្រកួតកីឡាស៊ីហ្គេម នៅវៀតណាម មានវិធានការផ្ទាល់ខ្លួន ដើម្បីគេចផុតពីការឆ្លងរីករាលដាលជំងឺកូវីដ-១៩ ដល់កីឡាករ-កីឡាការិនី គ្រូបង្វិក និងក្រុមការងារ ដោយសម្តេចបានផ្តល់អនុសាសន៍ដល់កីឡាករ-កីឡាការិនី គ្រូបង្វិក និងក្រុមការងារ ទាំងនោះប្រើប្រាស់ម៉ាស«N95»។- សម្តេចតេជោ ហ៊ុន សែន ប្រកាសដល់កីឡាករ-កីឡាការិនី ទៅប្រកួតស៊ីហ្គេមនៅប្រទេសវៀតណាម សូមរក្សាសេចក្តីថ្លៃថ្នូរ និងកិត្តិយសជាតិកម្ពុជា«ចាញ់-ឈ្នះ ជារឿងធម្មតា»។ សម្តេចក៏បានប្រកាសដល់កីឡាករ-កីឡាការិនីទាំងនោះថា «សូមកុំភ្លេចថា ពេលដែលយើងកំពុងប្រកួត មានប្រជាពលរដ្ឋ ១៦-១៧លាននាក់កំពុងគាំទ្រយើងពីក្រោយ»។- សម្តេចតេជោ ហ៊ុន សែន ប្រកាសសុំការអធ្យាស្រ័យពីមន្ត្រីរាជការស៊ីវិល និងកងកម្លាំងប្រដាប់អាវុធ(ទាហាន, នគរបាល,អាវុធហត្ថ) ដែលរយៈពេល នៃការញាំញីដោយការរាតត្បាតជំងឺកូវីដ-១៩ប៉ុន្មានឆ្នាំនេះ រដ្ឋមិនបានដំឡើងប្រាក់បៀវត្សរ៍ជូន ដោយសារយើងត្រូវយកថវិកាទាំងនោះ ទៅប្រើប្រាស់ដើម្បីគាំពារសង្គម ។ ទោះជាបែបនេះក្តី រដ្ឋក៏បានគិតគូរលើភាពចាំបាច់នានាដូចជា៖ ការដំឡើងប្រាក់ដល់និវត្តជន ដែលមានបៀវត្សរ៍ទាប និងការលើកទឹកចិត្តផ្សេងៗទៀត។- សម្តេចតេជោ ហ៊ុន សែន ប្រកាសថា លទ្ធភាព នៃការដំឡើងប្រាក់បៀវត្សរ៍ជូនមន្ត្រីរាជការស៊ីវិល និងកម្លាំងប្រដាប់អាវុធ នៅឆ្នាំ២០២៣ អាចមាន តែរឿងមានកម្រិតណានោះ យើងមិនទាន់អាចបញ្ជាក់បាននៅឡើយទេ ដោយវាអាស្រ័យលើបញ្ហាសង្គមពេលនោះដែលយើងត្រូវដោះស្រាយ និងកត្តាកំណើតសេដ្ឋកិច្ចកម្ពុជាផងដែរ។- សម្តេចតេជោ ហ៊ុន សែន ប្រកាសដោយសម្តែងភាពសប្បាយរីករាយនៅពេលរដ្ឋដកកាតព្វកិច្ចពាក់ម៉ាសតាមទីសាធារណៈទូទាំងប្រទេស តែប្រជាពលរដ្ឋនៅតែបន្តពាក់ម៉ាស ដើម្បីការពារសុខុមាលភាពខ្លួនឯង គ្រួសារ និងសហគមន៍។ សម្តេចប្រកាសលើកទឹកចិត្តដល់ពលរដ្ឋឱ្យបន្តពាក់ម៉ាស ទោះការពាក់ម៉ាស មិនមែនជារឿងកាតព្វកិច្ចទៀតក៏ដោយ។- សម្តេចតេជោ ហ៊ុន សែន បានលើកឡើងដល់វិបត្តិសេដ្ឋពិភពលោក ដែលបណ្តាលមកពីសង្គ្រាមរុស្ស៊ី-អ៊ុយក្រែន ដែលសម្តេចបានមើលឃើញភាពហិនហោចសេដ្ឋកិច្ចពិភពលោក បន្ទាប់ពីពិភពលោក ទើបងើបបានបន្តិចពីជំងឺកូវីដ-១៩។ សម្តេចបានប្រដូចវិបត្តិសេដ្ឋកិច្ចពិភពលោកនៅពេលនេះ គឺស្មើនឹងវិបត្តិសេដ្ឋកិច្ចដែលបណ្តាលមកពីសង្គ្រាមលោកដូច្នោះដែរ។- សម្តេចតេជោ ហ៊ុន សែន ប្រកាសលើកទឹកចិត្តដល់អតីតមេបញ្ជាអ៊ុនតាក់ ដែលសម្តេចមានជំនួបនៅទីស្តីការនាយករដ្ឋមន្ត្រីកាលពីម្សិលម៉ិញ ទៅទស្សនកិច្ច មើលការរីកចម្រើននៅតំបន់អតីតសមរភូមិចាស់រួមមាន៖ សំឡូត និងប៉ៃលិនជាដើម ដែលសម្តេចបានបញ្ជាក់ថា «នៅប៉ៃលិនពេលនេះ ក៏មានអគារខ្ពស់ៗ និងហេដ្ឋាចនាសម្ព័ន្ធល្អប្រសើរផងដែរ»។- សម្តេចតេជោ ហ៊ុន សែន បានប្រកាសដល់ប្រជាពលរដ្ឋ និងអ្នកនយោបាយគ្រប់និន្នការឱ្យបន្ត រួមគ្នារក្សាសន្តិភាព ដែលយើងប្រឹងជំនះស្វែងរកដោយលំបាកលំបិនបំផុត។ «កុំពេលមានសង្គ្រាម ទើបស្រែករកសន្តិភាព»។- សម្តេចតេជោ ហ៊ុន សែន បានប្រកាសពីយន្តការ នៃកំណើនសេដ្ឋកិច្ចកម្ពុជានៅឆ្នាំ២០៣០ ដែលជាសករាជថ្មី នៃកំណើនទំហំសេដ្ឋកិច្ច ក្លាយជាប្រទេសមួយដែលមានប្រាក់ចំណូល មធ្យម កម្រិតខ្ពស់ និងនៅឆ្នាំ២០៥០ ប្រទេសកម្ពុជានឹងក្លាយជាប្រទេសអភិវឌ្ឍន៍។-សម្តេចតេជោ ហ៊ុន សែន បានប្រកាសពីដំណើរចេញទៅក្រៅប្រទេស ដើម្បីធ្វើជាសហប្រធានប្រជុំកំពូលអាស៊ាន-អាមេរិក និងទស្សនកិច្ចផ្សេងៗទៀតនៅបណ្តាប្រទេសមួយចំនួននៅអឺរ៉ុបនាពេលបន្តបន្ទាប់ ដោយសម្តេចប្រកាសមិនឱ្យមន្ត្រីជូនដំណើរ និងទទួលដំណើរត្រលប់វិញនោះទេ។ ពិធីសំណេះសំណាលជាមួយកីឡាករ កីឡាការិនី និងអត្តពលិក មុនចេញទៅប្រកួតស៊ីហ្គេម នៅប្រទេសវៀតណាមរបស់សម្តេចតេជោ ហ៊ុន សែន ចប់នៅវេលាម៉ោង៩ និង៤៣នាទី

សម្ដេចតេជោ៖ ស្តង់ដារនយោបាយវាមិនដូចគ្នាទេ ខណៈកីឡាមានស្តង់ដាររួមតែមួយជាអន្តរជាតិ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ចែករំលែកអំពីចំណេះដឹងផ្នែកស្តង់ដារ រវាងស្តង់ដារនយោបាយដែលវាមានដំណើរការខុសៗគ្នាទៅតាមប្រទេសដែលកាន់របបនយោបាយប្រធានាធិបតី និងរបបសភា ដែលវាខុសពីកីឡាដែលវាមានស្តង់ដាររួមជាសកល។សម្ដេចតេជោប្រមុខរាជរដ្ឋាភិបាលបានមានប្រសាសន៍រម្លឹកពីបញ្ហាស្តង់ដារទាក់ទងវិស័យកីឡា និងស្តង់ដារខាងនយោបាយបែបនេះ ក្នុងពេលអញ្ជើញជាអធិបតីដ៏ខ្ពង់ខ្ពស់នៅក្នុងពិធីសំណេះសំណាលជាមួយកីឡាកម្ពុជានៅសាលមហោស្រពកោះពេជ្រនាព្រឹកថ្ងៃទី២៨មេសា មុននឹងទៅចូលរួមប្រកួតកីឡាស៊ីហ្គេម លើកទី៣១ឆ្នាំ២០២២ នៅទីក្រុងហាណូយ ប្រទេសវៀតណាមនាខែឧសភាខាងមុខនេះ។សម្ដេចតេជោ បានមានប្រសាសន៍រម្លឹកផ្តាំផ្ញើឱ្យកីឡាកម្ពុជាដែលត្រូវទៅចូលរួមប្រកួតកីឡាស៊ីហ្គេមនៅវៀតណាមត្រូវប្រកាន់ខ្ជាប់វិន័យកីឡា និងចៀសឆ្ងាយការប្រើប្រាស់សារធាតុញៀនលើកកម្លាំងដែលខុសពីវិន័យកីឡា ហើយទាក់ទងនឹងកីឡានេះ សម្តេចក៏បានលើកឡើងអំពីស្តង់ដារ២ ឬស្តង់ដារច្រើនខាងនយោបាយទៅតាមប្រទេសនីមួយៗដែលប្រកាន់របបផ្សេងៗគ្នា ពោលគឺរបបប្រធានាធិបតី អំណាចនៅលើប្រធានាធិបតី និងរបបសភា អំណាចនៅលើនាយករដ្ឋមន្ត្រី គឺខុសពីវិស័យកីឡាដែលមានស្តង់ដាររួមតែ១ ។សូមបញ្ជាក់ថា កីឡាកម្ពុជាដែលនឹងត្រូវទៅចូលរួមប្រកួតកីឡាស៊ីហ្គេមនៅទីក្រុងហាណូយប្រទេសវៀតណាម នៅខែក្រោយនេះ មានកីឡាករ កីឡាការិនី និងអត្តពលិករបស់កម្ពុជា ដែលត្រូវបានរៀបចំជ្រើសរើសដោយក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិលើស្មារតីតម្លាភាព និងកម្រិតគុណផលកីឡាខ្ពស់ជាងគេ មានសរុប ៥៦០នាក់។ ក្នុងនោះថ្នាក់ដឹកនាំ និងមន្ត្រីកីឡាចំនួន ៤៥នាក់, កីឡាករ-កីឡាការិនីចំនួន ៣៦៣នាក់, គ្រូបង្វឹក-គ្រូជំនួយចំនួន ៩៣នាក់, អាជ្ញាកណ្ដាលចៅក្រមអន្តរជាតិចំនួន ១៦នាក់, អ្នកដឹកនាំក្រុមចំនួន២២នាក់ និងក្រុមគ្រូពេទ្យចំនួន ២១នាក់៕ អត្ថបទ៖ មុត សុត

សម្តេចតេជោ ហ៊ុន សែន អញ្ជើញសំណេះសំណាលជាមួយកីឡាករ កីឡាការិនី និងអត្តពលិក មុនចេញទៅប្រកួតស៊ីហ្គេម នៅប្រទេសវៀតណាម

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃព្រហស្បតិ៍ ទី២៨ ខែមេសា ឆ្នាំ២០២២នេះ អញ្ជើញជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនពេលពួកគេចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម។ការប្រកួត SEA Games លើកទី៣១ នៅទីក្រុងហាណូយ ប្រទេសវៀតណាម បានរៀបចំប្រភេទកីឡាចំនួន ៤០ប្រភេទ និង ៥២៦វិញ្ញាសាប្រកួត។ប្រទេសដែលបានចុះឈ្មោះចូលរួមប្រកួតជាសមាជិកសហព័ន្ធកីឡាអាស៊ីអាគ្នេយ៍មានចំនួន ១១ប្រទេស រួមមាន៖ វៀតណាម, កម្ពុជា, ឡាវ, ប្រ៊ុយណេ, ឥណ្ឌូណេស៊ី, ម៉ាឡេស៊ី, សិង្ហបុរី, ហ្វីលីពីន, ថៃ, មីយ៉ាន់ម៉ា និងទីម័រខាងកើត ដែលមានចំនួនកីឡាករ-កីឡាការិនីសរុប ៧,១១៥នាក់ និងអ្នកស្ម័គ្រចិត្តបម្រើការងាររៀបចំប្រកួត ៣,០០០នាក់។ ចំពោះការស្នាក់នៅហូបចុក ម្ចាស់ផ្ទះរៀបចំនៅតាមសណ្ឋាគារ បែងចែកតាមប្រភេទកីឡា ។កីឡាករ កីឡាការិនី និងអត្តពលិករបស់កម្ពុជា ដែលត្រូវបានរៀបចំជ្រើសរើសដោយក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាជាតិលើស្មារតីតម្លាភាព និងកម្រិតគុណផលកីឡាខ្ពស់ជាងគេ មានសរុប ៥៦០នាក់ ក្នុងនោះថ្នាក់ដឹកនាំ និងមន្ត្រីកីឡាចំនួន ៤៥នាក់, កីឡាករ-កីឡាការិនីចំនួន ៣៦៣នាក់, គ្រូបង្វឹក-គ្រូជំនួយចំនួន ៩៣នាក់, អាជ្ញាកណ្ដាលចៅក្រមអន្តរជាតិចំនួន ១៦នាក់, អ្នកដឹកនាំក្រុមចំនួន២២នាក់ និងក្រុមគ្រូពេទ្យចំនួន ២១នាក់។

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម អំពាវនាវដល់អ្នកផលិត សូមកុំប្រើ Logo ក្រសួង និងចុះ ចបផ ក្លែងក្លាយលើផលិតផល

លោក Trump៖ អ៊ីរ៉ង់ចង់ដោះស្រាយជាមួយអាមេរិក ខណៈក្រុងតេអេរ៉ង់ត្រូវបានផ្តល់ពេលសម្រាប់ពិធីបុណ្យសពលោក Khamenei

លោក Putin៖ ការរំដោះពេញលេញសាធារណរដ្ឋប្រជាមានិត Luhansk ត្រូវបានបញ្ចប់

កម្ពុជាតវ៉ាជាផ្លូវការចំពោះការបន្តឈ្លានពានព្រំដែនរបស់យោធាថៃ លើដែនអធិបតេយ្យកម្ពុជា

ក្រុមគ្រូពេទ្យស្ម័គ្រចិត្តរាជរដ្ឋាភិបាលចុះពិនិត្យព្យាបាលជំងឺដោយឥតគិតថ្លៃជូនពលរដ្ឋក្នុងខណ្ឌមានជ័យ

ក្រុមអធិការកិច្ច IAEA មិនទាន់ទទួលបានដំណើរការចូលទៅទីតាំងនុយក្លេអ៊ែរអ៊ីរ៉ង់នៅឡើយ

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញសួរសុខទុក្ខ សម្តេចឥស្សរវិទេសបញ្ញា ហោ ណាំហុង និងលោកជំទាវ បូរី ហោ ហោណាំហុង

គ្រូផ្អែកលើកិច្ចព្រមព្រៀងការងារ បានរួមចំណែកជួយលើបញ្ហាខ្វះគ្រូបង្រៀនតាមសាលារយៈពេលជិតមួយឆ្នាំហើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

ស្ត្រីពិការទុរគតឥតទីពឹងម្នាក់ រស់នៅស្រុកព្រៃឈរ ខេត្តកំពង់ចាម ទទួលអំណោយមនុស្សធម៌ ពីកាកបាទក្រហមកម្ពុជា

សម្ដេចតេជោ ហ៊ុន សែន កំពុងពន្លឿនដំឡើងប្រាក់ខែជូនអតីតយុទ្ធជន និងអ្នកចូលនិវត្តមានប្រាក់ខែទាប

សម្ដេចតេជោ ហ៊ុន សែន រីករាយពេលឃើញពលរដ្ឋបន្តពាក់ម៉ាស ទោះបីដកកាតព្វកិច្ចក្តី

សម្ដេចតេជោ៖ ស្តង់ដារនយោបាយវាមិនដូចគ្នាទេ ខណៈកីឡាមានស្តង់ដាររួមតែមួយជាអន្តរជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រមុខ​អង្គការសហប្រជាជាតិ​ប្ដេជ្ញា​ជួយ​គាំទ្រ​ប្រជាពលរដ្ឋ​អ៊ុយ​ក្រែ​ន និង​បញ្ចប់​សង្គ្រាម​រុស្ស៊ី

ទីក្រុង Moscow ព្រមាន​លោក​ខាង​លិច​កុំ​ឲ្យ​សាកល្បង​ភាព​អំណត់​របស់​រុស្ស៊ី​នៅ​ក្នុង​ជម្លោះ​អ៊ុយ​ក្រែ​ន​

ស.ស.យ.ក នឹងបើកសិក្ខាសាលាជាស៊េរីវគ្គទី៤ ជំរុញសហគ្រិនភាពយុវជនខ្មែរ

ស្ត្រីពិការទុរគតឥតទីពឹងម្នាក់ រស់នៅស្រុកព្រៃឈរ ខេត្តកំពង់ចាម ទទួលអំណោយមនុស្សធម៌ ពីកាកបាទក្រហមកម្ពុជា

សម្ដេចតេជោ ហ៊ុន សែន កំពុងពន្លឿនដំឡើងប្រាក់ខែជូនអតីតយុទ្ធជន និងអ្នកចូលនិវត្តមានប្រាក់ខែទាប

សម្ដេចតេជោ ហ៊ុន សែន រីករាយពេលឃើញពលរដ្ឋបន្តពាក់ម៉ាស ទោះបីដកកាតព្វកិច្ចក្តី

សម្ដេចតេជោ៖ ស្តង់ដារនយោបាយវាមិនដូចគ្នាទេ ខណៈកីឡាមានស្តង់ដាររួមតែមួយជាអន្តរជាតិ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រមុខអង្គការសហប្រជាជាតិប្ដេជ្ញាជួយគាំទ្រប្រជាពលរដ្ឋអ៊ុយក្រែន និងបញ្ចប់សង្គ្រាមរុស្ស៊ី

ទីក្រុង Moscow ព្រមានលោកខាងលិចកុំឲ្យសាកល្បងភាពអំណត់របស់រុស្ស៊ីនៅក្នុងជម្លោះអ៊ុយក្រែន