BTV NEWS

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

ព័ត៌មានសំខាន់ៗ

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

រុស្ស៊ី៖ រុស្ស៊ីបានផ្ដល់ឱសានវាទថ្មីឲ្យក្រុមអ្នកប្រយុទ្ធអ៊ុយក្រែន ដែលនៅតែបន្តលាក់ខ្លួនក្នុងទីក្រុង Mariupol ឲ្យទម្លាក់អាវុធចុះនៅថ្ងៃពុធនេះ ខណៈខ្លួនជំរុញការរុលទៅមុខដណ្ដើមជោគជ័យឲ្យខានតែបាន ក្នុងការវាយប្រហារជាថ្មីក្នុងភាគខាងកើត ខណៈបណ្ដារដ្ឋាភិបាលលោកខាងលិចបានសន្យាផ្ដល់ជំនួយយោធាបន្ថែមទៀតដល់រដ្ឋធានី Kyiv។ កងកម្លាំងរុស្ស៊ីរាប់ពាន់នាក់ដែលត្រូវបានគាំទ្រដោយកាំភ្លើងធំ និងការបាញ់ស្រោចដោយគ្រាប់រ៉ូកែត កំពុងរុលទៅមុខដូចអ្វីដែលក្រុមមន្ត្រីអ៊ុយក្រែនបានហៅថា ជាសង្គ្រាមតំបន់ Donbas។ ការវាយប្រហាររបស់រុស្ស៊ីជិត ៨សប្ដាហ៍បានបរាជ័យក្នុងការដណ្ដើមយកទីក្រុងធំៗបំផុតរបស់អ៊ុយក្រែន ដោយបង្ខំឲ្យក្រុង Moscow ផ្ដោតជាថ្មីទាំងនៅក្នុង និងជុំវិញតំបន់នានារបស់ក្រុមផ្ដាច់ខ្លួន។ នេះគឺជាការវាយប្រហារដ៏ធំបំផុតនៅរដ្ឋក្នុងតំបន់អឺរ៉ុបចាប់តាំងពីឆ្នាំ១៩៤៥ មក ទោះយ៉ាងណាក៏ដោយគេបានមើលឃើញថា សង្គ្រាមនេះបានបង្ខំឲ្យមនុស្សជិត ៥លាននាក់ភៀសខ្លួនចូលទៅប្រទេសជិតខាង និងបណ្ដាលឲ្យទីក្រុងជាច្រើនគ្របដណ្ដប់ដោយកម្ទេចថ្មបែកបាក់៕អត្ថបទ៖ សុខមាន

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស

ភ្នំពេញ៖ តាមកម្មវិធីដែលគ្រោងទុកនៅថ្ងៃទី២២ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញចូលរួមកិច្ចប្រជុំកំពូលបញ្ហាទឹកនៅប្រទេសជប៉ុនដែលនៅក្នុងឱកាសនោះសម្ដេចនឹងអញ្ជើញចុះហត្ថលេខាលើឯកសារ១ ហើយសម្ដេចនឹងអញ្ជើញនិវត្តន៍មកកម្ពុជាវិញនៅថ្ងៃទី២៤ ខែមេសា។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធសមិទ្ធផលនានាក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ លូ ក្នុងរាជធានីភ្នំពេញជំហានទី៤ នៅមុខក្រុមប្រឹក្សាអភិវឌ្ឍន៍កម្ពុជា(CDC) នាព្រឹកថ្ងៃទី២០ ខែមេសា សម្ដេចតេជោបានមានប្រសាសន៍ថា សម្តេចនឹងអញ្ជើញចេញទៅប្រទេសជប៉ុន នៅថ្ងៃទី២២ខែមេសានេះ ហើយនឹងមានចុះហត្ថលេខាលើឯកសារ១នៅថ្ងៃទី២៣ហើយនៅថ្ងៃទី២៤ខែមេសា សម្តេចនឹងនិវត្តវិញដោយមានកិច្ចការជាច្រើនទៀតដែលត្រូវបំពេញ ហើយបន្ទាប់ពីនោះនៅខែឧសភានាថ្ងៃទី១០សម្តេចនឹងអញ្ជើញចាកចេញទៅកាន់សហរដ្ឋអាមេរិក ដើម្បីចូលរួមកិច្ចប្រជុំកំពូលអាស៊ាន អាមេរិក ក្នុងឋានៈជាប្រធានអាស៊ានឆ្នាំ២០២២ ដែលកម្មវិធីគឺបានកំណត់ច្បាស់លាស់ហើយ។សម្ដេចតេជោប្រមុខរាជរដ្ឋាភិបាលក៏បានបង្ហាញអំពីកម្មវិធីអញ្ជើញទៅក្រៅប្រទេសផ្សេងទៀតពោលគឺនៅថ្ងៃទី ២១ខែឧសភាដែលជាថ្ងៃចាប់ផ្ដើមយុទ្ធនាការឃោសនាបោះឆ្នោតក្រុមប្រឹក្សាឃុំសង្កាត់ សម្តេចនឹងអញ្ជើញចាកចេញទៅជាទីក្រុងដាវ៉ូស ប្រទេសស្វីស ដើម្បីចូលរួមវេទិកាសេដ្ឋកិច្ចពិភពលោកក្នុងឋានៈជាប្រធានអាស៊ានផងដែរ៕ អត្ថបទ មុត សុទ្ធ

អាមេរិក និងលោកខាងលិចប្ដេជ្ញាផ្ដល់អាវុធឲ្យអ៊ុយក្រែន ស្របពេលរុស្ស៊ីបង្កើនការវាយប្រហារជាថ្មី

សហរដ្ឋអាមេរិក៖ មន្ត្រីការពារជាតិជាន់ខ្ពស់របស់សហរដ្ឋអាមេរិកនិយាយថា យន្តហោះដឹកអាវុធចំនួន ៧គ្រឿងរបស់សហរដ្ឋអាមេរិកទៅអ៊ុយក្រែននឹងធ្វើដំណើរទៅសហភាពអឺរ៉ុបក្នុងពេល ២៤ម៉ោងទៀត ខណៈបណ្ដាមេដឹកនាំលោកខាងលិចមួយចំនួនបានប្ដេជ្ញាគាំទ្រផ្នែកគ្រឿងសព្វាវុធបន្ថែមទៀតដល់អ៊ុយក្រែន ដើម្បីទប់ទល់ការវាយលុករបស់រុស្ស៊ីក្នុងភាគខាងកើត។គ្រឿងសព្វាវុធនេះគឺជាផ្នែកមួយនៃកញ្ចប់ថវិកាទិញអាវុធក្នុងទំហំទឹកប្រាក់ចំនួន ៨០០លានដុល្លារអាមេរិកដែលរដ្ឋបាលរបស់លោក Biden បានអនុម័តកាលពីសប្ដាហ៍មុនដែលរួមទាំងប្រព័ន្ធកាំភ្លើងធំ គ្រាប់កាំភ្លើងធំ រថពាសដែក និងឧទ្ធម្ភាគចក្រ។ រដ្ឋធានី Kyiv បានអំពាវនាវរកអាវុធ និងការគាំទ្របន្ថែមទៀតដើម្បីទប់ទល់នឹងការវាយប្រហារដំណាក់កាលទី២ របស់ក្រុង Moscow ក្នុងភាគខាងកើតតំបន់ Donbas ជាទីដែលកងកម្លាំងរុស្ស៊ីកំពុងប្រមូលផ្ដុំ បន្ទាប់ពីការដកកម្លាំងរបស់ពួកគេចេញពីតំបន់ជាយរដ្ឋធានីរបស់អ៊ុយក្រែន។មន្ទីរបញ្ចកោណបាននិយាយកាលពីថ្ងៃអង្គារថា ទាហានអ៊ុយក្រែនបានទទួលយន្តហោះបន្ថែមទៀត ព្រមទាំងគ្រឿងបន្លាស់សម្រាប់ជួសជុលយន្តហោះដែលរងការខូចខាត ដើម្បីអាចហោះហើរឡើងវិញ។ សេតវិមាននិយាយថា ឆ្លើយតបទៅនឹងការវាយប្រហារកាន់តែខ្លាំងក្លា ប្រធានាធិបតីអាមេរិកលោក Joe Biden និងបណ្ដាមេដឹកនាំលោកខាងលិចកាលពីថ្ងៃអង្គារបានពិភាក្សាពីការបង្កើនជំនួយយោធា សេដ្ឋកិច្ច និងគាំទ្រមនុស្សធម៌ដល់រដ្ឋាភិបាលអ៊ុយក្រែន និងមធ្យោបាយបញ្ឈប់សកម្មភាពកងទ័ពរបស់ទីក្រុង Moscow៕អត្ថបទ៖ សុខមាន

កងកម្លាំងរុស្ស៊ីដណ្ដើមបានទីក្រុង Kreminna នៅតំបន់ភាគខាងកើតរបស់ប្រទេសអ៊ុយក្រែន

អ៊ុយក្រែន៖ អភិបាលតំបន់បាននិយាយថា កងកម្លាំងរុស្ស៊ីបានដណ្ដើមយកទីក្រុង Kreminna ក្នុងភាគខាងកើតរបស់ប្រទេសអ៊ុយក្រែន ហើយកងកម្លាំងអ៊ុយក្រែនបានដកចេញពីទីក្រុងនេះ។ទីក្រុង Kreminna ដែលមានប្រជាជនជាង ១៨,០០០នាក់មុនពេលមានសង្គ្រាមជាមួយរុស្ស៊ី ក្លាយជាទីក្រុងដំបូងដែលត្រូវបានបញ្ជាក់ថាត្រូវកងកម្លាំងរុស្ស៊ីដណ្ដើមបាន ចាប់តាំងពីពួកគេបានបើកការវាយប្រហារជាថ្មីនៅក្នុងតំបន់ Donbas ភាគខាងកើតរបស់ប្រទេសអ៊ុយក្រែន។ អភិបាលតំបន់ Luhansk លោក Serhiy Gaidai បានប្រាប់សន្និសីទសារព័ត៌មានកាលពីថ្ងៃអង្គារថា ទីក្រុង Kreminna បានស្ថិតក្រោមការគ្រប់គ្រងរបស់កងទ័ពរុស្ស៊ីហើយ។ ពួកគេបានចូលក្នុងទីក្រុងនេះ។ អ្នកការពាររបស់ពួកលោកត្រូវតែដកចេញ។ ពួកគេបានចូលកាន់កាប់ក្នុងទីតាំងថ្មីៗជាច្រើនកន្លែង និងបន្តវាយប្រយុទ្ធប្រឆាំងនឹងទាហានរុស្ស៊ី។លោកពុំបាននិយាយថា កងកម្លាំងរុស្ស៊ីបានគ្រប់គ្រងទីក្រុង Kreminna នៅពេលណានោះទេ ប៉ុន្តែបាននិយាយថា ទាហានរបស់រុស្ស៊ីបានវាយប្រហារចេញពីគ្រប់ច្រកទាំងអស់។ អភិបាលតំបន់ Luhansk រូបនេះនិយាយដោយពុំបានបញ្ជាក់ឲ្យច្បាស់លាស់ទេថា តើអាចមានចំនួនអ្នកស្លាប់សរុបប៉ុន្មាននាក់ ដោយលើកឡើងថា គេមិនអាចគណនាចំនួនអ្នកស្លាប់ក្នុងចំណោមប្រជាជនស៊ីវិលបានទេ។ យើងមានស្ថិតិផ្លូវការ មនុស្សប្រហែល ២០០នាក់បានស្លាប់ ប៉ុន្តែអ្នកស្លាប់ពិតប្រាកដអាចមានច្រើនជាងនេះទៀត៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសម្ពោធសមិទ្ធផលនានា ជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ

ភ្នំពេញ៖ នាព្រឹកថ្ងៃទី២០ ខែមេសា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី បានអញ្ជើញសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤។ គម្រោងនេះ ប្រើរយៈពេលសាងសង់ប្រមាណជា ៣៦ខែ ដោយចាប់ផ្តើមគម្រោងពីថ្ងៃទី០១ ខែធ្នូ ឆ្នាំ២០១៨ បញ្ចប់នៅថ្ងៃទី៣១ ខែតុលា ឆ្នាំ២០២១។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន សម្តែងក្តីរីករាយយ៉ាងខ្លាំងចំពោះសមិទ្ធផល ដែលបានកើតឡើងដោយសារទំនាក់ទំនង និងកិច្ចសហប្រតិបត្តិការជាមួយជប៉ុន ដែលជាសមិទ្ធផលជាទីមោទកភាពសម្រាប់ប្រជាពលរដ្ឋរស់នៅរាជធានីភ្នំពេញ និងអ្នករស់នៅខាងក្រោមនៃដងទន្លេ។- សម្តេចតេជោ ហ៊ុន សែន បញ្ជាក់ថា សម្តេចធ្លាប់បានចូលរួមសម្ពោធដាក់ឱ្យប្រើប្រាស់គម្រោងប្រភេទនេះចំនួន៤ លើករួចមកហើយ រាប់ទាំងលើកនេះ ដែលដំណាក់កាលនីមួយៗនៃការសាងសង់ និងស្ថាបនាអស់ថវិកាច្រើនណាស់។- សម្តេចតេជោ ហ៊ុន សែន បញ្ជាក់ថា រាជធានីភ្នំពេញងាយនឹងលិចលង់ខ្លាំងណាស់ បើយើងមិនបានគិតគូរឱ្យបានដិតដល់ និងដោះស្រាយឱ្យបានទាន់ពេលវេលានោះទេ ដែលនេះគឺជាកិច្ចខិតខំប្រឹងប្រែងដើម្បីវឌ្ឍនភាព នៃរាជធានីភ្នំពេញ និងភាពសុខសាន្តរបស់ប្រជាពលរដ្ឋ។- សម្តេចតេជោ ហ៊ុន សែន បានប្រកាសផ្ញើសារថ្លែងអំណរគុណដល់រដ្ឋាភិបាល និងប្រជាជនជប៉ុន ដែលជួយកម្ពុជាតាំងពីដើមរហូតមកដល់ពេលបច្ចុប្បន្ន ។ គម្រោងរបស់ជប៉ុន សុទ្ធតែជាគម្រោងដែលប្រជាពលរដ្ឋផ្តល់គុណតម្លៃខ្ពស់ទាំងភាពចាំបាច់ និងគុណភាព នៃការប្រើប្រាស់។- សម្តេចតេជោ ហ៊ុន សែន បានបញ្ជាក់ថា រាជធានីភ្នំពេញមានការរីកចម្រើនខ្លាំងណាស់ក្នុងរយៈពេលប៉ុន្មានឆ្នាំចុងក្រោយនេះ ដែលទាមទាឱ្យយើង ត្រូវរួមគ្នាដោះស្រាយបញ្ហាប្រឈម ក្នុងនោះមានបញ្ហាសំរាម កាកសំណល់ និងទឹកកខ្វក់ ដែលត្រូវបានដោះស្រាយជាដំណាក់កាលៗ។- សម្តេចតេជោ ហ៊ុន សែន បានបញ្ជាក់ថា ជំនួយរបស់រដ្ឋភិបាលជប៉ុនផ្តល់ដល់កម្ពុជា គឺតាមរយៈស្ថានទូតជប៉ុននៅរាជធានីភ្នំពេញ ព្រមទាំងការផ្តល់ និងវាយតម្លៃដោយ ការសម្រេចចិត្តរបស់ជប៉ុន ក្នុងនោះមានអង្គការ«ចៃកា»ជាដើម។- សម្តេចតេជោ ហ៊ុន សែន បានសម្តែងមោទកភាព នៃទំនាក់ទំនង និងកិច្ចសហប្រតិបត្តិការជាមួយជប៉ុន ដែលធ្វើឱ្យកម្ពុជាបានមើលឃើញពីវឌ្ឍនភាព និងកិច្ចសហប្រតិបត្តិការយ៉ាងល្អប្រសើររវាងប្រទេសទាំងពីរ ទាំងក្នុងក្របខណ្ឌតំបន់ និងអន្តរជាតិ។- សម្តេចតេជោ ហ៊ុន សែន បានបញ្ជាក់ថា ជប៉ុន គឺជាភាគីដ៏សំខាន់ ដែលទទួលស្គាល់កម្ពុជាមុនគេ ដែលរួមចំណែកក្នុងការទទួលបានឯករាជ្យរបស់កម្ពុជាកាលពីថ្ងៃទី០៩ ខែវិច្ឆិកា ឆ្នាំ១៩៥៣ និងតែងរួមចំណែកជាមួយកម្ពុជារហូតមក រួមទាំងការស្វែងរកសន្តិភាពសម្រាប់កម្ពុជាផងដែរ។- សម្តេចតេជោ ហ៊ុន សែន ប្រកាសថា ជប៉ុនបានបញ្ជូនកងកម្លាំងរបស់ខ្លួនមកដល់កម្ពុជា ក្នុងពេលកម្ពុជាមានសន្ធិសញ្ញាសន្តិភាពទីក្រុងបារីស តែខ្មែរក្រហមតែងលបវាយប្រហារកងកម្លាំងទាំងនោះជារឿងៗ រហូតដល់មានសាកសពពួកគេតម្កល់នៅកម្ពុជា។- សម្តេចតេជោ ហ៊ុន សែន បានរំលឹកពីគ្រាដែលកម្ពុជាជំពាក់លុយជប៉ុន រហូតដល់ជប៉ុនលែងឱ្យខ្ចីថែមទៀត។ ជំហររបស់ជប៉ុនពេលនោះ គឺប្រឹងប្រែងខ្លាំងណាស់ដើម្បីជួយកម្ពុជា ហើយជប៉ុនក៏បានប្រើប្រាស់វិធីផ្សេងៗ ដើម្បីឱ្យកម្ពុជាអាចសងបំណុលជប៉ុនបាន និងទទួលបានកម្ចីឡើងវិញ។- សម្តេចតេជោ ហ៊ុន សែន បានបញ្ជាក់ថា ការអភិវឌ្ឍទីក្រុងចាស់ មិនមែនជារឿងងាយស្រួល ដូចការអភិវឌ្ឍទីក្រុងថ្មីនោះទេ ដែលទាមទារឱ្យយើងគិតគូរយ៉ាងខ្លាំង ដូចជានៅខេត្តសៀមរាបជាដើម ដែលមុននឹងយើងធ្វើអ្វីមួយ ត្រូវគោរពបទដ្ឋានបច្ចេកទេស និងផ្នែកពាក់ព័ន្ធជាចាំបាច់។- សម្តេចតេជោ ហ៊ុន សែន បានប្រកាសថា ក្នុងអំឡុងពេលឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត អាណត្តិទី៥ ខាងមុខនេះ សម្តេចមិនបានចូលរួមក្នុងយុទ្ធនាការឃោសនាឡើយ សម្តេចទុកឱ្យបេក្ខជន មេឃុំ-សង្កាត់ ធ្វើសកម្មភាពដោយខ្លួនឯង តែសម្តេចគ្រាន់តែបញ្ជាក់ថា «បើបក្សប្រជាជនឈ្នះឆ្នោត បក្សណាក៏អាចរស់នៅជាមួយគណបក្សប្រជាជនបានដែរ»។- សម្តេចតេជោ ហ៊ុន សែន បានអំពាវនាវដល់បងប្អូនប្រជាពលរដ្ឋសូមទៅបោះឆ្នោត ជ្រើសរើសក្រុមប្រឹក្សាឃុំ-សង្កាត់នាពេលខាងមុខនេះដោយសេរី និងស្រេចតែគណបក្សខ្លួនស្រលាញ់ ប៉ុន្តែសូមកុំឲ្យមានហិង្សា ពេលដែលធ្វើយុទ្ធនាការឃោសនាបោះឆ្នោត។- សម្តេចតេជោ ហ៊ុន សែន បានរំលឹកដល់គ្រាបុណ្យចូលឆ្នាំថ្មី ប្រពៃណីជាតិ ដែលបានកន្លងផុតថ្មីៗនេះ ដែលជាពេលវេលាដ៏សប្បាយរីករាយបំផុតរបស់ប្រជាពលរដ្ឋ បន្ទាប់ពីខកខានចូលឆ្នាំថ្មី ប្រពៃណីជាតិរយៈពេល២ឆ្នាំកន្លងមកនេះ ដោយសារការរាតត្បាត នៃជំងឺកូវីដ-១៩។- សម្តេចតេជោ ហ៊ុន សែន បានបញ្ជាក់ថា សភាពការណ៍ចូលឆ្នាំកាលពីឆ្នាំ២០២១ គឺជាពេលវេលាដ៏លំបាកបំផុត ដែលគ្រានោះកម្ពុជាមានករណីឆ្លងជំងឺកូវីដ-១៩មួយថ្ងៃៗរាប់រយនាក់ និងមានករណីស្លាប់ជាច្រើននាក់ក្នុងមួយថ្ងៃៗ ដែលទាមទារឱ្យយើងត្រូវគិតគូរដល់សុខុមាលភាពប្រជាជនជាចំាបាច់។- សម្តេចតេជោ ហ៊ុន សែន បានបញ្ជាក់ថា សម្តេចមានបំណងកាត់បន្ថយការចំណាយរបស់ប្រជាពលរដ្ឋលើការពាក់ម៉ាស ក្រៅពីខេត្តចំនួន៤ ដែលបានសម្រេចរួចហើយ កាលពីមុនបុណ្យឆ្នាំថ្មី ប្រពៃណីជាតិ ជាខេត្តមិនមានកាតព្វកិច្ចពាក់ម៉ាស។- សម្តេចតេជោ ហ៊ុន សែន បានបញ្ជាក់ថា នឹងមានខេត្ត ស្រុក ឬតំបន់ផ្សេងៗទៀត ក្រៅពីខេត្តចំនួន៤ ដែលបានសម្រេចរួចហើយ ជាខេត្តមិនមានកាតព្វកិច្ចពាក់ម៉ាស តែអ្វីៗនឹងមានការពិភាក្សាគ្នាជាមុននឹងសម្រេចជាលាយលាក់អក្សរនៅពេលក្រោយ។- សម្តេចតេជោ ហ៊ុន សែន បានលើឡើងពីសារៈសំខាន់ នៃភាពស៊ាំសហគមន៍ដោយការចាក់ស្រោចវ៉ាក់សាំងបង្ការជំងឺកូវីដ-១៩ ដែលមកទល់ពេលនេះ ករណីឆ្លងជំងឺកូវីដ-១៩ មានការថយចុះយ៉ាងខ្លាំង ដែលករណីឆ្លងមានកម្រិតតិចភាគរយបំផុត។- សម្តេចតេជោ ហ៊ុន សែន បានលើកឡើងពីសារៈសំខាន់ នៃសុខសន្តិភាព ដែលជាកត្តាចាប់ផ្តើម នៃភាពភាពសុខសាន្តប្រជាពលរដ្ឋ និងការអភិវឌ្ឍនៅកម្ពុជា។ សម្តេចបញ្ជាក់ថា «កុំពេលមានពេលសង្គ្រាម ទើបស្រែកសន្តិភាព»។ យើងត្រូវតែរួមគ្នារក្សាសន្តិភាពនេះឱ្យបាន ទោះជាស្ថិតនៅក្នុងតម្លៃណាក៏ដោយ។- សម្តេចតេជោ ហ៊ុន សែន ប្រកាសប្រែក្លាយស្ពានដែកឆ្លងសមុទ្រនៅខេត្តកោះកុង ទៅជាស្ពានបេតុង ព្រោះស្ពានដែកបង្កគ្រោះថ្នាក់ដល់ប្រជាពលរដ្ឋអ្នកធ្វើដំណើរខ្លាំងណាស់ ពិសេសពេលមានភ្លៀងធ្លាក់ ដោយអ្នកទទួលបន្ទុកសាងសង់ គឺអ្នកឧកញ៉ា លី យ៉ុងផាត់ ។- សម្តេចតេជោ ហ៊ុន សែន មានប្រសាសន៍ដល់តម្លៃប្រេងឥន្ធនៈ ដែលឡើងខ្ពស់នៅកម្ពុជា ដោយសម្តេចបញ្ជាក់ថា ការឡើងថ្លៃនេះ គឺកើតមានទូទាំងពិភពលោក ដែលមូលហេតុ នៃការឡើងថ្លៃនេះ ម្នាក់ៗក៏សុទ្ធតែដឹងហើយដែរ។- សម្តេចតេជោ ហ៊ុន សែន បានប្រកាសកោតសរសើរដល់ភាពចាស់ទុំរបស់ប្រជាពលរដ្ឋក្នុងបញ្ហាអនាម័យ និងបោះចោលសំរាម ក្រៅពីវិធានការអាជ្ញាធរ និងក្រុមហ៊ុនប្រមូល-ដឹកជញ្ជូនសំរាម ដែលធ្វើឱ្យសហគមន៍គ្មានសំរាម។- សម្តេចតេជោ ហ៊ុន សែន ប្រកាសជំរុញឱ្យមាន«ទេសចរណ៍ផ្សារភ្ជាប់ទឹកដី» ដែលជាគំនិតផ្តួចផ្តើម របស់ក្រសួងបរិស្ថាន សហការជាមួយក្រសួងទេសចរណ៍ ដែលជាផ្នែកមួយ នៃនិរន្តរភាពទេសចរណ៍នៅគ្រប់ទីកន្លែងទូទាំងប្រទេសកម្ពុជា និងវិធានការការពារការបាញ់សម្លាប់សត្វព្រៃ និងហាមកាប់បំផ្លាញព្រៃឈើ ជីវចម្រុះ។- សម្តេចតេជោ ហ៊ុន សែន បានប្រកាសដោយមោទកភាពចំពោះភាពស៊ាំសហគមន៍ ក្នុងអំឡុងពេលប្រជាពលរដ្ឋសប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ កន្លងផុតថ្មីៗនេះ។ សម្តេចបញ្ជាក់ថា មានវ៉ាក់សាំងជារឿងល្អមួយ ដែលអ្វីដែលសំខាន់ៗបំផុតនោះ គឺការប្រើប្រាស់វ៉ាក់សាំងឱ្យចុះគោលដៅ និងមានប្រសិទ្ធភាព តាមរយៈយុទ្ធនាការចាក់ស្រោចវ៉ាក់សាំងតាមរបៀប«ផ្ការីក» ដោយយើងសម្រុកចាក់នៅរាជធានីភ្នំពេញ និងខេត្តកណ្តាលជាមុន។- សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋទៅទទួលវ៉ាក់សាំងបង្ហារជំងឺកូវីដ-១៩ ដូសជំរុញ(ដូសទី៣ និងដូសទី៤) ដើម្បីពង្រឹងភាពស៊ាំសហគមន៍ប្រឆាំងនឹងការឆ្លងរីករាលដាលជំងឺកូវីដ-១៩កាន់តែខ្លាំង ដោយសម្តេចដាក់គោលដៅតាមរោងចក្រ, អាជីវករលក់ដូរ និងអ្នកប្រកបរបរអាជីវកម្មក្រៅប្រព័ន្ធជាដើម។- សម្តេចតេជោ ហ៊ុន សែន បានប្រកាសថា នៅថ្ងៃនេះករណីឆ្លងថ្មីជំងឺកូវីដ-១៩ មានចំនួន ២៧នាក់ ដែលកាលពីម្សិលម៉ិញ(ថ្ងៃទី១៩ ខែមេសា)មានចំនួនត្រឹមតែ ១៤នាក់ប៉ុណ្ណោះ ដោយសម្តេចបានបញ្ជាក់ថា ទោះជាករណីឆ្លងប្រចាំថ្ងៃ នៅថ្ងៃនេះ មានចំនួនកើនឡើងបន្តិចក្តី តែវាមិនស្ថិតក្នុងកម្រិតព្រួយបារម្ភឡើយ ធ្វើយ៉ាងម៉េចឱ្យតួលេខឆ្លងស្ថិតក្នុងកម្រិតមិនលើស ២ខ្ទង់ និងគ្មានករណីស្លាប់ថ្មី រាប់ថាជាភាពជោគជ័យមួយសម្រាប់កម្ពុជាហើយ។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋ ក្រៅពីខេត្តចំនួន៤ ដែលដកកាតព្វកិច្ចពាក់ម៉ាស នៅតែបន្តរក្សាការពាក់ម៉ាស រក្សាអនាម័យផ្ទាល់ខ្លួន និងគោរពនូវវិធានការ ៣កុំ និង៣ការពារ ដើម្បីកាត់បន្ថយការឆ្លងរីករាលដាលជំងឺកូវីដ-១៩។ សង្កថាសម្តេចចប់នៅវេលាម៉ោង៩ និង១៤នាទី

សម្តេចតេជោ៖ បើគ្មានសន្តិភាពទេ គឺគ្មានឡើយសេចក្តីសប្បាយ ហើយកុំពេលមានសង្រ្គាមទើបស្រែករកសន្តិភាព

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានថ្លែងថា បើគ្មានសុខសន្តិភាពទេ គឺគ្មានសេចក្តីសប្បាយរីករាយនោះឡើយ ដូច្នេះហើយបងប្អូនប្រជាពលរដ្ឋគ្រប់រូបគប្បីបន្តរក្សានូវសុខសន្តិភាពនេះឲ្យបានកុំពេលមានសង្រ្គាមទើបស្រែករកនៅសុខសន្តិភាពនោះ។ថ្លែងក្នុងពិធីអញ្ជើញសម្ពោធគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នៅព្រឹកថ្ងៃទី២០ ខែមេសា ឆ្នាំ២០២២នេះ សម្តេចតេជោ ហ៊ុន សែន បានលើកឡើងថា សន្តិភាពគឺជាការផ្តើម នៃភាពសុខសាន្ត និងការអភិវឌ្ឍរីកចំរើននៅប្រទេសកម្ពុជា ហើយបើគ្មានសុខសន្តិភាពទេ សូមកុំសង្ឈឹមថាមានសេចក្តីសុខ និងភាពសប្បាយរីករាយដូចសព្វថ្ងៃនេះឲ្យសោះ ជាក់ស្តែង កាលពីចូលឆ្នាំថ្មីប្រពៃណីខ្មែរកន្លងទៅនេះបងប្អូនប្រជាពលរដ្ឋ បានដើរលេងកម្សាន្តគ្រប់ទីកន្លែងទាំងអស់ប្រកបដោយសេចក្តីសប្បាយរីករាយ។ជាមួយគ្នានេះដែរ សម្តេចតេជោ ហ៊ុន សែន នាយករដ្ឋមន្រ្តីក៏បានលើកឡើងអំពីភាពរីកចំរើនកាន់តែច្រើននៅក្នុងរាជធានីភ្នំពេញនាពេលបច្ចុប្បន្នផងដែរ ខណៈកាលពីជាង៤០មុន ទីក្រុងបេះដូងខ្មែរមួយនេះគ្មានមនុស្សនៅ ហើយក៏មានសំរាមច្រើនដូចសព្វថ្ងៃនេះផងដែរ។ ប៉ុន្តែទោះជាយ៉ាងណាក៏ដោយសម្តេចតេជោ ហ៊ុន សែន នៅតែបន្តអំពាវនាវដល់បងប្អូនជនរួមជាតិទាំងអស់បន្តរក្សា ការពារនូវសុខសន្តិភាពនេះឲ្យបាន ខណៈប្រទេសដែលកំពុងកើតសង្រ្គាមដូចជាប្រទេសអ៊ុយក្រែនកំពុងស្រែករកសុខសន្តិភាព។សម្តេចតេជោ ហ៊ុន សែន ក៏បានសម្តែងការរីករាយផងដែរ ដោយសម្តេចលើកឡើងពីកត្តា៦ ដែលនាំឲ្យពលរដ្ឋសប្បាយរីករាយខ្លាំងពេលចូលឆ្នាំកន្លងមក ដោយក្នុងនោះរួមមាន សុខសន្តិភាព, ការតភ្ជាប់ហេដ្ឋារចនាសម្ព័ន្ធ, មធ្យោបាយធ្វើដំណើរកាន់តែច្រើន, ប្រាក់ចំណូល, ការកើតឡើងនូវតំបន់ទេសចរណ៍ថ្មី និងភាពស៊ាំសហគមន៍ ដោយសារតែការចាក់វ៉ាក់សាំងប្រឆាំងកូវីដ-១៩របស់បងប្អូនប្រជាពលរដ្ឋ៕ អត្ថបទ៖ បាន ចក់

សម្តេចតេជោ ហ៊ុន សែន អញ្ជើញសម្ពោធសមិទ្ធផលនានាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី អញ្ជើញសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នៅព្រឹកថ្ងៃទី២០ ខែមេសា ឆ្នាំ២០២២នេះ។គម្រោងការពារទឹកជំនន់ និងកែលំអប្រព័ន្ធប្រឡាយលូក្នុងរាជធានីភ្នំពេញ ជំហានទី៤នេះ ចំណាយថវិកាទឹកប្រាក់សរុបប្រមាណ៣០លានដុល្លាអាមេរិក ជាជំនួយឥតសំណងរបស់រដ្ឋាភិបាលជប៉ុន។ គម្រោងនេះរួមមាន៖ ដាក់បណ្តាញលូមេ នៅក្នុងភូមិសាស្ត្រខណ្ឌទួលគោក ប្រវែង ៨.២គីឡូម៉ែត្រ, ដាក់បណ្តាញលូមេ នៅក្នុងភូមិសាស្ត្រខណ្ឌដូនពេញប្រវែង ៤.៤គីឡូម៉ែត្រ, សាងសង់អាងស្តុកទឹកក្រោមដី និងសាងសង់ស្ថានីយ៍បូមទឹក នៅសួនច្បារមុខក្រុមប្រឹក្សាអភិវឌ្ឍន៍កម្ពុជា CDC, ដំឡើងរបាមេកានិចស្វ័យប្រវត្តិ ដើម្បីប្រមូលសំរាមនៅមុខផ្លូវបង្ហូរទឹកនៅស្ថានីយបូមទឹកចតុមុខព្រះគន្លង់១ ព្រះគន្លង់២ និងផ្សារចាស់ និងផ្តល់រថយន្តបូមទឹកចល័តចំនួន ២គ្រឿង។គម្រោងសាងសង់សំណង់ទាំងអស់នេះគឺដើម្បីការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញ ជំហានទី៤ ត្រូវបានសម្តេចតេជោ ហ៊ុន សែន អញ្ជើញជាអធិ បតីភាពបើកការដ្ឋានសាងសង់កាលពីថ្ងៃទី០៤ ខេមីនា ឆ្នាំ២០១៩កន្លងទៅ។ គម្រោងនេះ ប្រើរយៈពេលសាងសង់ប្រមាណជា ៣៦ខែ ដោយចាប់ផ្តើមគម្រោងពីថ្ងៃទី០១ ខែធ្នូ ឆ្នាំ២០១៨ បញ្ចប់នៅថ្ងៃទី៣១ ខែតុលា ឆ្នាំ២០២១៕

សម្តេចម៉ែ រាជានុញ្ញាតឱ្យប្រតិភូសមាគមកាយឫទ្ធិនារីកម្ពុជាចូលក្រាបបង្គំគាល់ និងថ្វាយព្រះពរ

ភ្នំពេញ៖ គណៈប្រតិភូសមាគមកាយឫទ្ធិនារីកម្ពុជា ដឹកនាំដោយលោកស្រី ពេជ ចន្ទមុន្នី អគ្គស្នងការនៃសមាគមកាយឫទ្ធិនារីកម្ពុជា បានទទួលព្រះរាជានុញ្ញាតចូលក្រាបថ្វាយបង្គំគាល់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និង សុភមង្គល ព្រះប្រធានកិត្តិយសសមាគមកាយឫទ្ធិនារីកម្ពុជា នៅព្រះរាជដំណាក់សិរីមង្គល ព្រះបរមរាជរាំង នាព្រឹកថ្ងៃទី ១៩ ខែមេសា ឆ្នាំ២០២២នេះ។វត្តមានគណៈប្រតិភូសមាគមកាយឫទ្ធិនារីកម្ពុជា គឺ ដើម្បីក្រាបថ្វាយបង្គំបង្ហាញសមាសភាពគណៈកម្មាធិការប្រតិបត្តិថ្មីអណត្តិឆ្នាំ២០២១-២០២៤ និងថ្វាយព្រះពរ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ៕

លោក Guterres អំពាវនាវឲ្យមានបទឈប់បាញ់បន្ទាន់នៅក្នុងប្រទេសអ៊ុយក្រែន

UN៖ អគ្គលេខាធិការអង្គការសហប្រជាជាតិលោក António Guterres បានអំពាវនាវជាថ្មីទៀតកាលពីថ្ងៃចន្ទ ឲ្យមានបទឈប់បាញ់មនុស្សធម៌ជាបន្ទាន់នៅក្នុងប្រទេសអ៊ុយក្រែន ដើម្បីអនុញ្ញាតឲ្យជំនួយសង្គ្រោះជីវិតមនុស្សចូលទៅដល់ ព្រមទាំងទុកពេលសម្រាប់ការជម្លៀសមនុស្សចេញផងដែរ នេះបើយោងតាមអ្នកនាំពាក្យរបស់លោកដែលបានឲ្យដឹងកាលពីថ្ងៃចន្ទ។ការអំពាវនាវនេះមានឡើង ក្រោយការវាយប្រហារលើទីក្រុងនានាទូទាំងប្រទេស ភាគច្រើនការវាយប្រហារថ្មីៗលើទីក្រុង Lviv, Dnipro, Kharkiv និងទីក្រុង Mykolaiv ដែលបណ្ដាលឲ្យជនស៊ីវិលជាច្រើនរងគ្រោះ និងទ្រព្យសម្បត្តិរងការខូចខាត។ អ្នកនាំពាក្យរបស់អគ្គលេខាធិការអង្គការសហប្រជាជាតិលោក Stéphane Dujarric បាននិយាយនៅក្នុងទីក្រុង New York ថា លោក Guterres ក៏បានបង្ហាញក្ដីបារម្ភយ៉ាងខ្លាំងបំផុតផងដែរ អំពីការអំពាវនាវដែលនៅតែបន្តអំពីស្ថានភាពមនុស្សធម៌នៅក្នុងទីក្រុងកំពង់ផែរងការឡោមព័ទ្ធ Mariupol។ថ្លែងអំឡុងសន្និសីទសារព័ត៌មានប្រចាំថ្ងៃ នៅទីស្នាក់ការកណ្ដាលរបស់អង្គការសហប្រជាជាតិលោក Dujarric បាននិយាយថា អគ្គលេខាធិការអង្គការសហប្រជាជាតិបានជំរុញគ្រប់ភាគីទាំងអស់ ឲ្យអនុម័តបទឈប់បាញ់មនុស្សធម៌ភ្លាមៗ និងជាបន្ទាន់ ដែលនឹងអាចរក្សាសុវត្ថិភាព និងធានាបាននូវមុខងារចក្ររបៀងមនុស្សធម៌ដើម្បីជួយជម្លៀសជនស៊ីវិល និងដឹកជញ្ជួនជំនួយមនុស្សធម៌ជួយសង្គ្រោះអាយុជីវិត និងផ្ដល់ជំនួយជាថ្នាំសង្កូវដល់ពលរដ្ឋឲ្យបានគ្រប់គ្រាន់៕អត្ថបទ៖ សុខមាន

អង្គការសហប្រជាជាតិជំរុញឲ្យមានជំនួយមនុស្សធម៌បន្ថែមទៀតនៅអ៊ុយក្រែន

អ៊ុយក្រែន៖ មន្ត្រីជាន់ខ្ពស់ទទួលបន្ទុកជំនួយមនុស្សធម៌របស់អង្គការសហប្រជាជាតិនិយាយថា រុស្ស៊ី និងអ៊ុយក្រែនចាំបាច់ត្រូវរួមគ្នា និងចរចាបទឈប់បាញ់ដោយលទ្ធផលផ្លែផ្កា ដើម្បីឲ្យក្បួនរថយន្តដឹកជំនួយមនុស្សធម៌អាចចូលទៅដល់ជនស៊ីវិល។ លោក Matin Griffiths បាននិយាយថា យើងសុំឱ្យភាគីទាំងអស់យល់ពីការបំផ្លាញ ដែលកំពុងកើតមានឡើងជាលទ្ធផលនៃការវាយលុកនៅអ៊ុយក្រែន។ យើងស្នើឱ្យភាគីនានាត្រលប់ទៅតុចរចាវិញ នៅទីក្រុងអ៊ីស្តង់ប៊ុលប្រទេសទួរគីដើម្បីបន្តការចរចាជាសំខាន់ ទោះបីជាគោលដៅសង្គ្រាមនៅតែមិនទាន់ច្បាស់ក៏ដោយ។ ការថ្លែងរបស់លោក Griffiths បានធ្វើឡើង ខណៈអ្នកសម្របសម្រួលមនុស្សធម៌ជាន់ខ្ពស់រូបនេះ បានបញ្ចប់ដំណើរទស្សនកិច្ចទៅកាន់ទីក្រុងមូស្គូ និងទីក្រុងគីវ ជាកន្លែងដែលលោកបានជំរុញឱ្យភាគីទាំង ២ ធ្វើការដើម្បីអនុញ្ញាតឱ្យមានជំនួយមនុស្សធម៌ ជាពិសេសនៅក្នុងទីក្រុង Mariupol ដែលលោក Griffiths បានស្នើសុំឱ្យមានការជម្លៀសជនស៊ីវិលចេញបន្ថែមទៀត។លោក Griffiths បាននិយាយថា ក្បួនរថយន្តផ្តល់ជំនួយមិនដំណើរការទៅដល់ប្រជាជន ដែលរងផលប៉ះពាល់នោះទេ ព្រោះភាគីទាំងពីរមិនចុះសម្រុងជាមួយគ្នា ហើយដាក់កំហុសឲ្យគ្នាទៅវិញទៅមក៕ អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ស្ថានទូតសហរដ្ឋអាមេរិក និងរដ្ឋបាលរាជធានីភ្នំពេញរៀបចំពិព័រណ៍ម្ហូបអាហារ និងផលិតផលអាមេរិក នៅផ្លូវថ្មើរជើងចតុមុខ ដើម្បីឆ្លុះបញ្ចាំងពីចំណងមិត្តភាព និងភាពជាដៃគូនូវទំនាក់ទំនងការទូត៧៦ឆ្នាំ

ការលើកកម្ពស់សុខភាពភ្នែកកុមារ គឺជាផ្នែកសំខាន់មួយនៃការអភិវឌ្ឍធនធានមនុស្ស

ប្រធានក្រុមការងារគណបក្សចុះមូលដ្ឋាន ដឹកនាំកិច្ចប្រជុំផ្សព្វផ្សាយផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ នៅស្រុកប្រាសាទបល្ល័ង្ក

អនុប្រធានសភា៖ ប្រទេសចិននឹងអភិវឌ្ឍទំនាក់ទំនងជាមួយអ៊ីរ៉ង់ឲ្យកាន់តែរឹងមាំ

ក្រុងមូស្គូ៖ រដ្ឋបាល់ទិកអនុញ្ញាតឲ្យអ៊ុយក្រែនប្រើប្រាស់ដែនអាកាសសម្រាប់វាយប្រហារភាគពាយ័ព្យរុស្ស៊ី

ប្រភពនិយាយថា ក្រុមឧទ្ទាមបានវាយប្រហារទីក្រុងជាច្រើន នៅភាគខាងជើង និងកណ្តាលប្រទេសម៉ាលី

អភិបាលខេត្តកំពង់ស្ពឺ ណែនាំអាជ្ញាធរបន្តផ្សព្វផ្សាយដល់ពលរដ្ឋឱ្យបញ្ឈប់ការយកដីចំណីផ្លូវទៅប្រើប្រាស់ដោយខុសច្បាប់

កម្ពុជា និងជប៉ុន ដាំកូនឈើមួយម៉ឺនដើម នៅក្នុងឧទ្យានអង្គរ ដើម្បីការពារសម្បត្ដិបេតិភណ្ឌពិភពលោក

អ្នកស៊ើបអង្កេតសិទ្ធិមនុស្សរបស់UN ចាប់ផ្តើមការងារនៅប្រទេសលីបង់ ក្នុងបេសកកម្មលើកដំបូងរបស់ខ្លួន

ក្រឡាបញ្ជីតុលាការអន្តរជាតិបញ្ជូនឈ្មោះបេក្ខជនបីរូបឱ្យកម្ពុជានិងថៃ ជ្រើសជាប្រធានក្រុមអ្នកផ្សះផ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស

អាមេរិក និងលោកខាងលិចប្ដេជ្ញាផ្ដល់អាវុធឲ្យអ៊ុយក្រែន ស្របពេលរុស្ស៊ីបង្កើនការវាយប្រហារជាថ្មី

កងកម្លាំងរុស្ស៊ីដណ្ដើមបានទីក្រុង Kreminna នៅតំបន់ភាគខាងកើតរបស់ប្រទេសអ៊ុយក្រែន

សម្តេចតេជោ៖ បើគ្មានសន្តិភាពទេ គឺគ្មានឡើយសេចក្តីសប្បាយ ហើយកុំពេលមានសង្រ្គាមទើបស្រែករកសន្តិភាព

សម្តេចម៉ែ រាជានុញ្ញាតឱ្យប្រតិភូសមាគមកាយឫទ្ធិនារីកម្ពុជាចូលក្រាបបង្គំគាល់ និងថ្វាយព្រះពរ

លោក Guterres អំពាវនាវឲ្យមានបទឈប់បាញ់បន្ទាន់នៅក្នុងប្រទេសអ៊ុយក្រែន

អង្គការសហប្រជាជាតិជំរុញឲ្យមានជំនួយមនុស្សធម៌បន្ថែមទៀតនៅអ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​ផ្ដល់​ឱសានវាទ​ថ្មី​ឲ្យ​កងកម្លាំង​អ៊ុយ​ក្រែ​ន​ក្នុង​ទីក្រុង Mariupol ទម្លាក់អាវុធ​ចុះ​

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំ​នៅជប៉ុន សហរដ្ឋអាមេរិក​ និងប្រទេសស្វីស

កងកម្លាំង​រុស្ស៊ី​ដណ្ដើម​បាន​ទីក្រុង Kreminna នៅ​តំបន់​ភាគ​ខាងកើត​របស់​ប្រទេស​អ៊ុយ​ក្រែ​ន​

សម្តេចតេជោ៖ បើគ្មានសន្តិភាពទេ គឺគ្មានឡើយសេចក្តីសប្បាយ ហើយកុំពេលមានសង្រ្គាមទើបស្រែករកសន្តិភាព

សម្តេចម៉ែ រាជានុញ្ញាតឱ្យប្រតិភូសមាគមកាយឫទ្ធិនារីកម្ពុជាចូលក្រាបបង្គំគាល់ និងថ្វាយព្រះពរ

លោក Guterres អំពាវនាវ​ឲ្យ​មាន​បទ​ឈប់​បាញ់​បន្ទាន់​នៅ​ក្នុង​ប្រទេស​អ៊ុយ​ក្រែ​ន​

អង្គការ​សហប្រជាជាតិ​ជំរុញ​ឲ្យ​មាន​ជំនួយ​មនុស្សធម៌​បន្ថែម​ទៀត​នៅ​អ៊ុយ​ក្រែ​ន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីផ្ដល់ឱសានវាទថ្មីឲ្យកងកម្លាំងអ៊ុយក្រែនក្នុងទីក្រុង Mariupol ទម្លាក់អាវុធចុះ

សម្ដេចតេជោ បញ្ជាក់កាលបរិច្ឆេទ នៃការទៅចូលរួមកិច្ចប្រជុំនៅជប៉ុន សហរដ្ឋអាមេរិក និងប្រទេសស្វីស

កងកម្លាំងរុស្ស៊ីដណ្ដើមបានទីក្រុង Kreminna នៅតំបន់ភាគខាងកើតរបស់ប្រទេសអ៊ុយក្រែន

លោក Guterres អំពាវនាវឲ្យមានបទឈប់បាញ់បន្ទាន់នៅក្នុងប្រទេសអ៊ុយក្រែន

អង្គការសហប្រជាជាតិជំរុញឲ្យមានជំនួយមនុស្សធម៌បន្ថែមទៀតនៅអ៊ុយក្រែន