BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

ចិននិយាយថា អ្នកគ្រប់គ្នាប្រាកដជាដឹងច្បាស់ហើយថា អ្នកណាដែលត្រូវរងការស្ដីបន្ទោសខ្លាំងបំផុតចំពោះវិបត្តិអ៊ុយក្រែន

ចិន៖ ក្រសួងការពារជាតិចិនបានហៅសហរដ្ឋអាមេរិកថា ជាជនកុហក និងបង្កបញ្ហា និងនិយាយថា អ្នកគ្រប់គ្នាប្រាកដជាបានដឹងច្បាស់ណាស់ថា ប្រទេសណាមួយដែលជាអ្នកផ្តួចផ្តើមធំបំផុត ដុតបញ្ឆេះឲ្យមានវិបត្តិអ៊ុយក្រែនរហូតដល់ពេលនេះ។កាលពីថ្ងៃព្រហស្បតិ៍ អ្នកនាំពាក្យក្រសួងការពារជាតិលោក Wu Qian បានអត្ថាធិប្បាយតបទៅកាន់ការចោទប្រកាន់ទាំងឡាយ ពីក្រុមមន្ត្រីអាមេរិកដែលមិនបានបញ្ជាក់ឈ្មោះ ដែលថាទីក្រុងប៉េកាំងដឹងមុនអំពីការវាយប្រហាររបស់រុស្ស៊ីលើអ៊ុយក្រែន និងថា ប្រទេសចិនបានស្នើទីក្រុង Moscow ឲ្យពន្យារពេលរហូតដល់ព្រឹត្តិការណ៍ប្រកួតកីឡាអូឡាំពិករដូវរងាក្រុងប៉េកាំង២០២២ ចប់សិន។ លោក Wu បានថ្កោលទោសការអះអាងទាំងនេះរួមទាំងរបាយការណ៍ដែលចោទថា ប្រទេសចិនកំពុងផ្ដល់ជំនួយយោធាទៅឲ្យរុស្ស៊ី ដោយនិយាយថានោះជាព័ត៌មានគ្មានការពិតទាល់តែសោះ ដែលយកមកប្រើបម្រើឲ្យគំនិតស្ដីបន្ទោសដាក់គ្នាទៅវិញទៅមក និងបង្កាច់បង្ខូចប្រទេសចិន។អ្នកនាំពាក្យក្រសួងការពារជាតិរូបនេះបានសង្កត់ធ្ងន់ថា សង្គ្រាមនៅអ៊ុយក្រែនផ្ទុះចេញពីមូលហេតុជាច្រើន និងស្ថិតក្នុងបរិបទប្រវត្តិសាស្ត្រដ៏ស្មុគស្មាញ ដោយបន្ថែមថា យើងទាំងអស់គ្នាយល់ហើយថា ប្រទេសមហាអំណាចណាមួយដែលបានរារាំងទំនួលខុសត្រូវធំបំផុត សម្រាប់វិបត្តិបច្ចុប្បន្ននេះដែលសំដៅលើទីក្រុង Washington៕ អត្ថបទ៖ សុខមាន

កូរ៉េខាងជើងអះអាងថា ខ្លួនបានបាញ់មីស៊ីលអន្តរទ្វីបបាលីស្ទិកធំបំផុត ICBM ដោយជោគជ័យ

កូរ៉េខាងជើង៖ កូរ៉េខាងជើងបានប្រកាសថា ខ្លួនបានបាញ់សាកល្បងមីស៊ីលអន្តរទ្វីបបាលីស្ទិកដ៏ធំបំផុតរបស់ខ្លួន ICBM ដោយជោគជ័យកាលពីថ្ងៃព្រហស្បតិ៍។សារព័ត៌មានរដ្ឋកូរ៉េខាងជើងបាននិយាយនៅថ្ងៃសុក្រនេះថា ការបាញ់ចុងក្រោយបំផុតរបស់កូរ៉េខាងជើងគឺជាមីស៊ីលអន្តរទ្វីបបាលីស្ទីក ICBM ដ៏ធំ និងថ្មីមួយក្នុងការសាកល្បងចុងក្រោយដែលលោក Kim Jong Un បានហៅថា ជាការបង្ហាញអំណាចរបស់កម្លាំងនុយក្លេអ៊ែរ និងរារាំងសកម្មភាពយោធារបស់សហរដ្ឋអាមេរិក។ ការបាញ់កាលពីថ្ងៃព្រហស្បតិ៍បានក្លាយជាការសាកល្បងលើកដំបូង សម្រាប់ប្រទេសនេះដែលបានបាញ់មីស៊ីលអន្តរទ្វីប ICBM ដែលត្រូវបានហាមប្រាមដោយអង្គការសហប្រជាជាតិចាប់តាំងពីឆ្នាំ២០១៧ មក។មីស៊ីលអន្តរទ្វីប ICBMs គឺជាមីស៊ីលរយៈចម្ងាយឆ្ងាយដែលមានសមត្ថភាពបាញ់ដល់ទឹកដីអាមេរិក។ កូរ៉េខាងជើងត្រូវបានហាមឃាត់មិនឲ្យសាកល្បងប្រភេទមីស៊ីលទាំងនោះ និងត្រូវបានរងទណ្ឌកម្មយ៉ាងធ្ងន់ធ្ងរចំពោះការបំពានបម្រាមនោះ។ សារព័ត៌មានរដ្ឋនិយាយថា លោក Kim Jong-un បានឈរបញ្ជាដោយផ្ទាល់ការបាញ់សាកល្បងនេះ ហើយអាវុធនោះគឺជាវត្ថុដ៏សំខាន់ក្នុងការរារាំងសង្គ្រាមនុយក្លេអ៊ែរ៕អត្ថបទ៖ សុខមាន

សម្ដេចតេជោ ហ៊ុន សែន ប្រកាសធ្វើជាបេក្ខជននាយករដ្ឋមន្ត្រីសម្រាប់ឆ្នាំ២០២៣តទៅទៀត

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៥១ប្រវែងជាង៣០ គីឡូម៉ែត្រ នាព្រឹកថ្ងៃទី២៥មីនានេះ សម្ដេចតេជោ ហ៊ុន សែន នាយករដ្ឋមន្ត្រីបានប្រកាសជាសាធារណៈថា សម្ដេចនឹងនៅធ្វើជាបេក្ខជននាយករដ្ឋមន្ត្រីសម្រាប់ឆ្នាំ២០២៣ ជាបន្តទៀត ដើម្បីធានានាដល់ការការពារសន្តិភាព ស្ថិរភាព និងការអភិវឌ្ឍឲ្យបានគង់វង្ស និងរីកចម្រើនរុងរឿង។សម្ដេចតេជោ ហ៊ុន សែន បញ្ជាក់ថា ការដែលសម្ដេចបានប្រកាសបន្តធ្វើជានាយករដ្ឋមន្ត្រីសម្រាប់អាណត្តិឆ្នាំ ២០២៣ជាបន្តទៅទៀតនេះ មិនបានសេចក្តីថា សម្ដេចមិនទុកចិត្តសម្រាប់អ្នកបន្តវេនតំណែងជានាយករដ្ឋមន្ត្រីវ័យក្មេង ដែលសម្តេចបានមានប្រសាសន៍ចង់សំដៅទៅលើកូនប្រុសរបស់សម្តេចនោះឡើយ។សម្ដេចបញ្ជាក់ដែរ សម្រាប់ការរៀបចំមន្ត្រីបន្តវេនទៅមុខទៀត កុំចាំបាច់សួរថាអាយុប៉ុន្មាន? សំខាន់បំផុតនៅត្រង់ថាតើគេធ្វើបានឬអត់។ ប៉ុន្តែទោះជាយ៉ាងណាក៏ដោយក្មេងក៏ត្រូវតែយល់អំពីមនុស្សចាស់។ ក្មេងមានចំណេះដឹង ក៏ប៉ុន្តែខ្វះបទពិសោធន៍ ឯមនុស្សចាស់ខ្វះចំណេះដឹង ប៉ុន្តែសម្បូរពិសោធន៍៕

សង្គ្រាមលុកលុយចូលអ៊ុយក្រែនរបស់រុស្ស៊ីបានផ្លាស់ប្ដូរពិភពលោកក្នុងពេល ៤សប្ដាហ៍ និងគ្មានពន្លឺនៃការបញ្ចប់

អ៊ុយក្រែន៖ អគារមន្ទីរពេទ្យ សាលា លំនៅឋានប្រជាពលរដ្ឋ និងសំណង់ផ្សេងៗនៅក្នុងប្រទេសអ៊ុយក្រែន ត្រូវបានគ្របដណ្ដប់ដោយអណ្ដាតភ្លើង និងផ្សែងខ្មួលខ្មាញ់ពីការវាយប្រហារតាមអាកាសរបស់កងទ័ពរុស្ស៊ី បន្ទាប់ពីការលុកលុយចូលកាលពីថ្ងៃទី២៤ កុម្ភៈ ហើយគិតត្រឹមថ្ងៃទី២៤ ខែមីនា សង្គ្រាមនេះមានអាយុកាល ១ខែគត់ក្រោយលោកប្រធានាធិបតីរុស្ស៊ី Vladimir Putin បានបញ្ជាឲ្យបើកការវាយប្រហារដែលលោកបានហៅថា ជាប្រតិបត្តិការសឹកពិសេសលើអ៊ុយក្រែន ហើយមកទល់នឹងថ្ងៃនេះពន្លឺនៃការបញ្ចប់ ឬភាពធូរស្រាលនៃភ្លើងសង្គ្រាមនៅក្នុងប្រទេសអ៊ុយក្រែននៅតែមិនអាចមើលឃើញនៅឡើយ។រយៈពេល ១ខែកន្លងផុតទៅថ្មីៗនេះ ប្រធានាធិបតីរុស្ស៊ីបានប្រកាសលើកញ្ចក់ទូរទស្សន៍ថា លោកកំពុងលុកលុយចូលអ៊ុយក្រែន និងបានព្រមានលោកខាងលិចថា រាល់ការប៉ុនប៉ងចង់ធ្វើអន្តរាគមន៍ទាំងឡាយ អាចនឹងជួបការសងសឹកវិញដោយអាវុធនុយក្លេអ៊ែរ។ នៅក្នុងរយៈពេល ៤សប្ដាហ៍ពេញចាប់តាំងពីកងកម្លាំងរុស្ស៊ីបានបើកការវាយប្រហារតាមអាកាស ឡោមព័ទ្ធទីក្រុងមួយចំនួនរបស់អ៊ុយក្រែន និងបានបង្ខំឲ្យប្រជាពលរដ្ឋរាប់លាននាក់រត់គេចខ្លួនចេញពីអំពើហិង្សា សហភាពអឺរ៉ុបបានមើលឃើញពីវិបត្តិជនភៀសខ្លួនដ៏ធំបំផុតមិនធ្លាប់មាន ក្នុងពេលប៉ុន្មានទសវត្សរ៍មកនេះ។ ជម្លោះនេះបានកំណត់ជាថ្មីនូវទិដ្ឋភាពភូមិសាស្ត្រនយោបាយ ដែលនាំឲ្យមានការបែកបាក់គ្នាកាន់តែខ្លាំងរវាងទីក្រុង Moscow និងលោកខាងលិចអំពីការចាប់ផ្ដើមមានឡើងវិញនូវសង្គ្រាមត្រជាក់។ ហើយភាពតានតឹងនេះបានជំរុញឲ្យមានក្ដីបារម្ភកាន់តែខ្លាំងឡើងពីវិបត្តិសេដ្ឋកិច្ចសកល និងវិបត្តិស្បៀងអាហារពិភពលោក។យោងតាមអង្គការសហប្រជាជាតិឲ្យដឹងថា ប្រជាពលរដ្ឋអ៊ុយក្រែនប្រមាណ ១០លាននាក់ជិតស្មើនឹង ១ភាគ៤ នៃចំនួនប្រជាជនអ៊ុយក្រែនសរុប បានរត់ភៀសខ្លួនចេញពីលំនៅឋានរបស់ខ្លួនទាំងនៅក្នុងប្រទេស និងក្រៅប្រទេស ដែលក្លាយជាជនភៀសខ្លួនបរទេសចូលទៅក្នុងបណ្ដាប្រទេសជិតខាងដូចជា ប៉ូឡូញ ម៉ូលដូវ៉ា រុស្ស៊ី បេឡារុស ស្លូវ៉ាគី ហុងគ្រី និងរ៉ូម៉ានីជាដើម។ ប្រទេសរុស្ស៊ីពុំបានបញ្ចេញចំនួនអ្នកស្លាប់ថ្មីៗទេ ប៉ុន្តែក្រុមមន្ត្រីណាតូបានប្រាប់ទូរទស្សន៍ NBC News ថា អង្គការនេះបានប៉ាន់ប្រមាណនាពេលបច្ចុប្បន្ននេះថា កងទ័ពរុស្ស៊ីចន្លោះពី ៧,០០០នាក់ និង ១៥,០០០នាក់បានស្លាប់ក្នុងសង្គ្រាម ៤សប្ដាហ៍មកនេះដោយបន្ថែមថា កងទ័ពរុស្ស៊ីដែលបានរងរបួស ត្រូវបានចាប់ខ្លួន ឬកំពុងបាត់ខ្លួនអាចមានចន្លោះពី ៣០,០០០នាក់ដល់ ៤០,០០០នាក់។ យោងតាមអង្គការសហប្រជាជាតិឲ្យដឹងថា ជនស៊ីវិលអ៊ុយក្រែនចំនួន ៩៧៧នាក់បានស្លាប់ក្នុងនោះបុរស ១៩៦នាក់ ស្ត្រី ១៤៤នាក់ ក្មេងស្រី ១២នាក់ និងក្មេងប្រុស ២៧នាក់ ព្រមទាំងកុមារ ៤២នាក់ និងមនុស្សវ័យជំទង់ ៥៥៦នាក់ពុំបានដឹងភេទ៕អត្ថបទ៖ សុខមាន

លោកខាងលិចថ្កោលទោសភាពសាហាវព្រៃផ្សៃនៃសង្គ្រាមរុស្ស៊ីលើពលរដ្ឋអ៊ុយក្រែន

អឺរ៉ុប៖ បណ្ដាមេដឹកនាំលោកខាងលិចបានបង្កើនជំនួយយោធា និងជំនួយមនុស្សធម៌សម្រាប់ប្រទេសអ៊ុយក្រែនកាលពីថ្ងៃព្រហស្បតិ៍ និងបានថ្កោលទោសការវាយលុករបស់ក្រុង Moscow លើប្រទេសជិតខាងរបស់ខ្លួនថា ជាអំពើព្រៃផ្សៃ ខណៈប្រជាពលរដ្ឋអ៊ុយក្រែនរាប់ពាន់នាក់នៅក្នុងទីក្រុងមួយចំនួន ដែលរងការឡោមព័ទ្ធបានស្នាក់នៅក្នុងបន្ទប់ក្រោមដី គេចពីការទម្លាក់គ្រាប់បែករបស់កងទ័ពរុស្ស៊ី។នៅក្នុងកិច្ចប្រជុំកំពូល ៣ដងដែលមិនធ្លាប់មានពីមុនមកនៅទីក្រុងព្រុចសែល សម្ព័ន្ធភាពឆ្លងមហាសាគរសមុទ្រអាត្លង់ទិក NATO ប្រទេសអ្នកមាន G7 និងមេដឹកនាំអឺរ៉ុបបានលើកឡើងពីជម្លោះដ៏អាក្រក់បំផុតរបស់ទ្វីបនេះ ចាប់តាំងពីសង្គ្រាមតំបន់បាល់កង់ឆ្នាំ១៩៩០។ សម្ព័ន្ធ NATO បានប្រកាសពីគម្រោងនានា សម្រាប់អង្គភាពប្រយុទ្ធប្រឆាំងថ្មីនៅក្នុងប្រទេសចំនួន ៤ នៅអឺរ៉ុបខាងកើតជិតអ៊ុយក្រែន ខណៈដែលទីក្រុងវ៉ាស៊ីនតោន និងទីក្រុងឡុងដ៍បានបង្កើនជំនួយ និងពង្រីកទំហំទណ្ឌកម្មទៅលើគោលដៅថ្មីៗ រួមទាំងស្ត្រីម្នាក់ដែលទីក្រុងឡុងដ៍និយាយថា ជាកូនស្រីចុងរបស់រដ្ឋមន្ត្រីការបរទេសរុស្ស៊ីផងដែរ។ លោកនាយករដ្ឋមន្ត្រីអង់គ្លេស Boris Johnson បាននិយាយថា លោក Putin បានរំលងបន្ទាត់ក្រហមរួចទៅហើយ ចូលទៅក្នុងភាពសាហាវព្រៃផ្សៃនៃសង្គ្រាមរុស្ស៊ីលើពលរដ្ឋអ៊ុយក្រែន៕អត្ថបទ៖ សុខមាន

សម្ដេចតេជោ ហ៊ុន សែន៖ សន្តិភាពគឺជាឱកាសមាស ឱកាសពេជ្រ សម្រាប់ការអភិវឌ្ឍ

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានមានប្រសាសន៍ថា សន្តិភាព គឺជាឱកាសមាស ឱកាសពេជ្រ សម្រាប់ការអភិវឌ្ឍ ដូច្នេះត្រូវតែនាំគ្នាថែរក្សាសន្តិភាពដែលរកបានដោយលំបាកនេះឱ្យគង់វង្ស។ថ្លែងក្នុងពិធីសម្ពោធបើកឱ្យប្រើប្រាស់ជាផ្លូវការផ្លូវជាតិលេខ៥១ ប្រវែងជាង៣០គីឡូម៉ែត្រ តភ្ជាប់ពីឧត្តុង្គទៅថ្នល់ទទឹងផ្លូវជាតិលេខ៤ នាព្រឹកថ្ងៃទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន បានប្រកាសថា បន្ទាប់ពីសង្គ្រាមផ្ទុះឡើងនៅអ៊ុយក្រែន លោកប្រធានាធិបតី អ៊ុយក្រែន បាននិយាយថា សន្តិភាព គឺជាអាទិភាពខ្ពស់បំផុត ដោយពាក្យពេចន៍នេះ ក៏ជាអ្វីដែលសម្តេចដែលតែងតែនិយាយជាញយៗថា សន្តិភាព គឺជាអាទិភាពខ្ពស់បំផុតរបស់កម្ពុជា។សម្ដេចតេជោ ហ៊ុន សែន បានកត់សម្គាល់ថា សង្គ្រាមរុស្ស៊ី-អ៊ុយក្រែន ប្រហែលជានឹងមិនឆាប់ចប់នោះទេ បើទោះបីជាសេចក្តីសម្រេចរបស់មហាសន្និបាតអង្គការសហប្រជាជាតិបានសម្រេចម្ដងហើយម្ដងទៀតក៏ដោយ ។សម្រាប់កម្ពុជារបស់យើងមកដល់ពេលនេះហើយ យើងមិនទាន់បំផ្លាញចោលគ្រាប់មីន និងគ្រាប់មិនទាន់ផ្ទុះអស់នៅឡើយទេ។ ចំណុចអស់ទាំងនេះហើយបានជាសម្ដេចនៅតែនិយាយម្ដងហើយម្ដងទៀតដោយគ្មានញញើតញញើម ហើយគ្មានអ្វីដែលត្រូវខ្លាចក្នុងការនិយាយនោះទេ អ្នកដែលចង់បង្កសង្គ្រាម គឺសង្រ្គាមនឹងងាយផ្ទុះ ប៉ុន្តែការពន្លត់សង្គ្រាមជារឿងលំបាកព្រោះសម្ដេចបានប្រើប្រាស់ជីវិតរបស់សម្ដេចជាងពាក់កណ្ដាលជីវិតហើយដើម្បីបញ្ចប់ភ្លើងសង្គ្រាមនៅក្នុងប្រទេសកម្ពុជា៕

សម្តេចតេជោ ហ៊ុន សែន អំពាវដល់អាជ្ញាធរ និងកម្លាំមានសមត្ថកិច្ច បង្កលក្ខណៈងាយស្រួលឲ្យប្រជាពលរដ្ឋកម្សាន្ត សប្បាយរីករាយក្នុងឱកាសបុណ្យចូលឆ្នាំថ្មី

ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី ប្រកាសដល់អាជ្ញាធរ និងកម្លាំងមានសមត្ថកិច្ច ការពារសន្តិសុខ សុវត្ថិភាព និងបង្កលក្ខណៈងាយស្រួល ដល់ប្រជាពលរដ្ឋបានកម្សាន្ត សប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់ នាពេលឆាប់ៗខាងមុខមុខនេះ។ថ្លែងក្នុងពិធីសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់ពីឧដុង្គ(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោមហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន នៅព្រឹកថ្ងៃទី២៥ ខែមីនា ឆ្នាំ២០២២នេះ សម្តេចតេជោ ហ៊ុន សែន ក៏បានអំពាវនាវដល់ពលរដ្ឋរួមគ្នារក្សាវិធានការ ៣កុំ និង ៣ការពារ កាត់បន្ថយការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។ទន្ទឹមនឹងនោះ សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក៏បានប្រកាសដែរថា សម្តេចបានចុះហត្ថលេខារួចហើយ លើកញ្ចប់ថវិកាសម្រាប់ជូនបងប្អូន មន្រ្តីរាជការកងកម្លាំងប្រដាប់អាវុធ ដើម្បីឧបត្ថម្ភពួកគាត់ក្នុងឱកាសបុណ្យចូលឆ្នាំថ្មីខាងមុខនេះ៕

ប្រសាសន៍សំខាន់ៗរបស់សម្ដេចតេជោ នាយករដ្ឋមន្ត្រីក្នុងពិធីសម្ពោធបើកឲ្យប្រើប្រាស់ជាផ្លូវការ ផ្លូវជាតិលេខ៥១ ចាប់ពីឧដុង្គ ដល់ថ្នល់ទទឹង

នៅព្រឹកថ្ងៃទី២៥ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីសម្ពោធបើកឲ្យប្រើប្រាស់ជាផ្លូវការ ផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់ពីឧដុង្គ(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោមហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន។ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV News ខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន នាយករដ្ឋមន្ត្រី៖- សម្តេចតេជោ ហ៊ុន សែន បញ្ជាក់ថា ផ្លូវជាតិលេខ៥១ បានដើរតួនាទីយ៉ាងសំខាន់ក្នុងការលើកកម្ពស់វិស័យដឹកជញ្ជូន និងឧស្សាហកម្ម ដោយសារនៅតំបន់នេះ សម្បូរទៅដោយរោងចក្រឧស្សាហកម្ម សិប្បកម្ម និងសហគ្រាសខ្នាតធំ ព្រមទាំងជាតំបន់ទីប្រជុំជន។- សម្តេចតេជោ ហ៊ុន សែន មានប្រសាសន៍ថា ផ្លូវជាតលេខ៥១ គឺជាផ្លូវវាងក្រុងដ៏សំខាន់ ចំណេញពេលវេលា និងចំណេញថវិកា ព្រមទាំងមានទិសដៅទៅតំបន់ស្ទើរពាក់កណ្តាលប្រទេស ហើយជាផ្លូវជាតិ ដែលមានអំណោយផលសម្រាប់គម្រោងអភិវឌ្ឍន៍វិស័យអចលនទ្រព្យ ដែលបង្កើតមុខរបរ និងបង្កើនប្រាក់ចំណូលសម្រាប់ប្រជាពលរដ្ឋ ដែលរស់តាមបណ្តោយខ្សែផ្លូវនេះផងដែរ។- សម្តេចតេជោ ហ៊ុន សែន បានបញ្ជាក់ថា ផ្លូវជាតិលេខ៥១ គឺជាផ្លូវឆ្ពោះទៅកំពង់ផែសមុទ្រទឹកជ្រៅ ខេត្តព្រះសីហនុ ហើយអាចតភ្ជាប់តាមរយៈផ្លូវជាតិលេខ៤១ ផ្លូវជាតិលេខ៣ និងផ្លូវជាតិលេខ៣៣ ទៅកាន់ខេត្តកំពត និងខេត្តកែប ដែលជាខេត្តគោលដៅទេសចរណ៍ ធម្មជាតិ និង តំបន់ឆ្នេរដ៏ស្រស់ត្រកាលរបស់កម្ពុជា។- សម្តេចតេជោ ហ៊ុន សែន បានបញ្ជាក់ថា អ្វីដែលមាននៅកម្ពុជានៅពេលនេះ គឺបានកើតមានដោយសារកម្ពុជាមានសុខសន្តិភាព ហើយសុខសន្តិភាពនេះ គឺជាកត្តាចម្បងជាងអ្វីៗទាំងអស់ មុននឹងយើងនិយាយដល់សិទ្ធិមនុស្ស សិទ្ធិរស់រានមានជីវិត និងសិទ្ធិមនុស្ស។- សម្តេចតេជោ ហ៊ុន សែន បានបញ្ជាក់ថា ពិភពលោកកំពុងអោយតម្លៃខ្ពស់ និងភាពចាំបាច់លើកត្តាសុខសន្តិភាព ដូចអ្វីដែលប្រធានាធិបតី អ៊ុយក្រែន បានប្រកាសទៅកាន់ពិភពលោកថា អ្វីដែលចាំបាច់ និងមានតម្លៃបំផុតសម្រាប់អ៊ុយក្រែននៅពេលនេះ គឺសន្តិភាព។- សម្តេចតេជោ ហ៊ុន សែន បានបញ្ជាក់ពីវិនាសកម្មដោយសង្គ្រាមនៅប្រទេសអ៊ុយក្រែន ដែលជាការខូចខាតមានទំហំធំ មិនងាយនឹងស្តារឡើងវិញបានឡើយ នេះមិនរាប់ដល់ភាពដែលអាចទៅរួច ដើម្បីរកសន្តិភាព ចរចាបញ្ចប់សង្គ្រាមផងទេ។ ជាក់ស្តែងនៅកម្ពុជា ភ្លើងសង្គ្រាមបានរលត់មែន តែផលលំបាកដោយបញ្ហានេះ រួមទាំងគ្រាប់មីន និងយុទ្ធភ័ណ្ឌមិនទាន់ផ្ទុះ នៅកប់ក្នុងដីតែងបំផ្លាញអាយុជីវិតមនុស្សស្ទើរគ្មានលុះពេល។- សម្តេចតេជោ ហ៊ុន សែន អំពាវនាវអោយអាជ្ញាធរមានការប្រុងប្រយ័ត្នខ្ពស់ចំពោះតំបន់ព្រំប្រទល់រដ្ឋបាល នៃការគ្រប់គ្រង ដែលអាជ្ញាធរតែងមើលបំណាំគ្នា ហើយបទល្មើសគ្រឿងញៀន និងចោរកម្ម តែងតែកើតមានចំពោះការឆកល្វែងទាំងនោះ។-សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា នៅក្នុងឆ្នាំ២០២៣ខាងមុខនេះសម្តេចនឹងបន្តឈរឈ្មោះជាបេក្ខជនធ្វើជានាយករដ្ឋមន្រ្តីដដែល- សម្តេចតេជោ ហ៊ុន សែន បានបញ្ជាក់ថា ក្នុងការតែងតាំងមន្ត្រី សូមកុំគិតពីអាយុពេក សំខាន់តើគេអាចបំពេញកិច្ចការនោះបានឬទេ? អ្វីដែលសំខាន់ គឺការគោរព និងអោយតម្លៃគ្នារវាងមនុស្សចាស់ និងក្មេង។-សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសថា សម្តេចបានចុះហត្ថលេខារួចហើយ ចំពោះថវិកាសម្រាប់ជូនបងប្អូន មន្រ្តីរាជកា កងកម្លាំងប្រដាប់អាវុធ ដើម្បីឧបត្ថម្ភពួកគាត់ក្នុងឱកាសបុណ្យចូលឆ្នាំថ្មីខាងមុខនេះ។-សម្តេចតេជោ ហ៊ុន សែន នាយករដ្ឋមន្រ្តីបានបញ្ជាក់ជាថ្មីម្តងទៀតថា ឆ្នាំនេះត្រូវតែប្រារព្ធពិធីចូលឆ្នាំឲ្យបាន ប៉ុន្តែនៅតែបន្តអំពាវនាវដល់បងប្អូនជនរួមជាតិឲ្យមានការប្រុងប្រយ័ត្នផងដែរ ចំពោះវិធានការសុខាភិបាល បើទោះបីជាស្ថានការណ៍នៃការរីករាលដាលនូវមេរោគកូវីដ១៩មានលក្ខណៈធូស្រាលក៏ដោយនោះ- សម្តេចតេជោ ហ៊ុន សែន ប្រកាសសម្រាកលំហែកាយរយៈពេល៣ថ្ងៃជាប់គ្នា ក្នុងឱកាសបុណ្យចូលឆ្នាំ ប្រពៃណីជាតិ នៅខេត្តព្រះសីហនុ។- សម្តេចតេជោ ហ៊ុន សែន ប្រកាសថា តម្លៃប្រេងឥន្ធនៈ យើងលែងគ្រប់គ្រងបានទៀតហើយ ហើយយើងក៏មិនដឹងថា នៅពេលបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់នាពេលឆាប់ៗខាងមុខនេះ ប្រេងសាំងនឹងឡើងដល់តម្លៃប៉ុន្មាននោះដែរ។ សម្តេចបញ្ជាក់ថា បញ្ហាប្រេងសាំងនេះ ក៏វាពាក់ព័ន្ធនឹងការសប្បាយរីករាយរបស់ប្រជាពលរដ្ឋផងដែរ។- សម្តេចតេជោ ហ៊ុន សែន ប្រកាសដល់អាជ្ញាធរការពារសន្តិសុខ សុវត្ថិភាព និងបង្កលក្ខណៈងាយស្រួល ដល់ប្រជាពលរដ្ឋបានកម្សាន្ត សប្បាយរីករាយ ក្នុងឱកាសបុណ្យចូលឆ្នាំថ្មី ប្រពៃណីជាតិ ដែលនឹងឈានចូលមកដល់ នាពេលឆាប់ៗខាងមុខមុខនេះ ព្រមទាំងរក្សាវិធានការ ៣កុំ និង ៣ការពារ កាត់បន្ថយការឆ្លងរីករាលដាលជំងឺកូវីដ-១៩ ជាពិសេសមេរោគបំប្លែងខ្លួនថ្មី អូមីក្រុង។ សង្កថាសម្តេចចប់នៅវេលាម៉ោង ៨ និង ៥៥នាទី

សម្តេចតេជោ ហ៊ុន សែន នាយករដ្ឋមន្ត្រី អញ្ជើញសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី២៥ ខែមីនា ឆ្នាំ២០២២នេះបានអញ្ជើញជាអធិបតីភាពក្នុងពិធីសម្ពោធបើកឲ្យប្រើប្រាស់ជាផ្លូវការ ផ្លូវជាតិលេខ៥១ ប្រវែង ៣៧,៩៥ គីឡូម៉ែត្រ ចាប់ពីឧដុង្គ(ចំណុចប្រសព្វផ្លូវជាតិលេខ៥) ដល់ថ្នល់ទទឹង(ចំណុចប្រសព្វផ្លូវជាតិលេខ៤) ក្រោមហិរញ្ញប្បទានសម្បទាន ពីរដ្ឋាភិបាល នៃសាធារណរដ្ឋប្រជាមានិតចិន ។គម្រោងសាងសង់ផ្លូវជាតិលេខ៥១ បានស្ថាបនាដោយក្រាលបេតុងកៅស៊ូ AC កម្រាស់៩សង់ទីម៉ែត្រ មានទទឹងតួផ្លូវសរុប ១២ម៉ែត្រ។ ក្នុងនោះផ្លូវសម្រាប់រថយន្តធ្វើចរាចរណ៍មាន ២គន្លង(១គន្លងទៅ ១គន្លងមក) គន្លងនីមួយៗមានទទឹង ៣.៧៥ម៉ែត្រ និងផ្លូវសម្រាប់ទោចក្រយានយន្តមាន ២គន្លង (១គន្លងទៅ ១គន្លងមក) គន្លងនីមួយៗមានទទឹង ១.៧៥ម៉ែត្រ និងចិញ្ចើមផ្លូវសងខាងក្រាលក្រួសក្រហមទទឹង ០.៥០ម៉ែត្រ។ គម្រោងនេះ អនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន បានប្រើប្រាស់រយៈពេលសាងសង់ចំនួន២៧ខែ គិតចាប់ពី ខែមិថុនា ឆ្នាំ២០១៧ ដល់ខែសីហា ឆ្នាំ២០១៩ បានចំណាយថវិកាសរុបជិត ៤១លានដុល្លារអាមេរិក ដែលជាហិរញ្ញប្បទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតគ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។ ផ្លូវជាតិលេខ៥១ គឺជាខ្សែផ្លូវស្ថិតនៅក្នុងភូមិសាស្រ្តរវាងខេត្តកណ្តាល និងខេត្តកំពង់ស្ពឺ ដែលប្រទាក់ក្រឡាគ្នាជាមួយបណ្តាញខ្សែផ្លូវសំខាន់ៗ រួមមានដូចជា៖ ផ្លូវជាតិលេខ៤, ផ្លូវជាតិលេខ៥, ផ្លូវជាតិលេខ៤១ និងតភ្ជាប់ទៅផ្លូវជាតិលេខ៣, ផ្លូវជាតិលេខ៤២ ទៅរាជធានីភ្នំពេញ, និងផ្លូវលេខ១៤៤០ ទៅក្រុងច្បារមន ខេត្តកំពង់ស្ពឺ។ ខ្សែផ្លូវនេះ បាននិងកំពុងដើរតួនាទីយ៉ាងសំខាន់ក្នុងការលើកកម្ពស់វិស័យដឹកជញ្ជូន និងឧស្សាហកម្ម ដោយសារនៅតំបន់នេះ សម្បូរទៅដោយរោងចក្រឧស្សាហកម្ម សិប្បកម្ម និងសហគ្រាសខ្នាតធំ ព្រមទាំងជាតំបន់ទីប្រជុំជន ដែលមានអំណោយផលសម្រាប់គម្រោងអភិវឌ្ឍន៍វិស័យអចលនទ្រព្យ ដូចជា លំនៅឋាន និងបុរីជាច្រើន ដែលបានចូលរួមបង្កើតមុខរបរ និងបង្កើនប្រាក់ចំណូលសម្រាប់ប្រជាពលរដ្ឋ ដែលរស់តាមបណ្តោយខ្សែផ្លូវនេះ។ផ្លូវជាតិលេខ៥១ ក៏ជាខ្សែផ្លូវយុទ្ធសាស្រ្តតភ្ជាប់ជាមួយផ្លូវអាស៊ានហាយវ៉េ លេខ១ (AH-1) នៃរបៀងសេដ្ឋកិច្ចខាងត្បូង ឆ្ពោះទៅច្រកព្រំដែនកម្ពុជា-ថៃ (ប៉ោយប៉ែត) និងផ្លូវអាស៊ានហាយវ៉េលេខ១១ (AH-11) ឆ្ពោះទៅកំពង់ផែសមុទ្រទឹកជ្រៅ ខេត្តព្រះសីហនុ ហើយអាចតភ្ជាប់តាមរយៈផ្លូវជាតិលេខ៤១ ផ្លូវជាតិលេខ៣ និងផ្លូវជាតិលេខ៣៣ ទៅកាន់ខេត្តកំពត និងខេត្តកែប ដែលជាខេត្តគោលដៅទេសចរណ៍ ធម្មជាតិ និង តំបន់ឆ្នេរដ៏ស្រស់ត្រកាលរបស់កម្ពុជា៕

ក្រសួងសាធារណការ និងដឹកជញ្ជូន និងសម្ព័ន្ធក្រុមហ៊ុនម៉ៅការសាងសង់ ចុះហត្ថលេខាលើកកិច្ចសន្យាសាងសង់គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ភាគកណ្តាល

ភ្នំពេញ៖ ក្រសួងសាធារណការ និងដឹកជញ្ជូន និងសម្ព័ន្ធក្រុមហ៊ុនម៉ៅការសាងសង់ នៅរសៀលថ្ងៃទី២៤ ខែមីនា ឆ្នាំ២០២២នេះ បាន ចុះហត្ថលេខាលើកកិច្ចសន្យាសាងសង់គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ភាគកណ្តាល(ធ្លាម្អម-បាត់ដំបង និងសិរិសោភ័ណ-ប៉ោយប៉ែត)កញ្ចប់ការងារទី៤។

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងវប្បធម៌និង វិចិត្រសិល្បៈ បញ្ជាក់អំពីការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារបូរណភាពទឹកដី និងសម្បត្តិវប្បធម៌នានាស្របតាមច្បាប់អន្តរជាតិ

សមត្ថកិច្ចចុះបង្ក្រាបទីតាំងសង្ស័យលួចលាក់ធ្វើសកម្មភាព Online Scam ឃាត់ខ្លួនជនបរទេសជាង ១៤០នាក់

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

អ៊ីរ៉ង់ ផ្សព្វផ្សាយសារនៃការបន្ត និងការសងសឹកនៅក្នុងពិធីរំលឹកវិញ្ញាណក្ខន្ធលោក Khamenei

លោក Trump អបអរសាទរទិវាឯករាជ្យជាតិលើកទី២៥០ អមដោយការបាញ់កាំជ្រួចភ្ញី និងក្បួនយន្តហោះ

KCNA៖លោក Xi ត្រៀមខ្លួនធ្វើការជាមួយលោក Kim សម្រាប់ចំណងមិត្តភាពចិន-កូរ៉េខាងជើងប្រកបដោយស្ថិរភាព

ប្រធានក្រុមការងារចុះមូលដ្ឋានឃុំទងត្រឡាច អំពាវនាវពលរដ្ឋជឿជាក់រាជរដ្ឋាភិបាលលើការដោះស្រាយបញ្ហាព្រំដែន

លោក Putin និង លោក Zelenskyy មានការសន្ទនាតាមទូរស័ព្ទដាច់ដោយឡែកជាមួយលោក Trump

កម្ពុជាតវ៉ាយ៉ាងខ្លាំងក្លាថ្មីចំពោះការបន្តរំលោភបំពានរបស់ថៃលើអធិបតេយ្យ និងទឹកដីកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

កូរ៉េខាងជើងអះអាងថា ខ្លួនបានបាញ់មីស៊ីលអន្តរទ្វីបបាលីស្ទិកធំបំផុត ICBM ដោយជោគជ័យ

សម្ដេចតេជោ ហ៊ុន សែន ប្រកាសធ្វើជាបេក្ខជននាយករដ្ឋមន្ត្រីសម្រាប់ឆ្នាំ២០២៣តទៅទៀត

សង្គ្រាមលុកលុយចូលអ៊ុយក្រែនរបស់រុស្ស៊ីបានផ្លាស់ប្ដូរពិភពលោកក្នុងពេល ៤សប្ដាហ៍ និងគ្មានពន្លឺនៃការបញ្ចប់

លោកខាងលិចថ្កោលទោសភាពសាហាវព្រៃផ្សៃនៃសង្គ្រាមរុស្ស៊ីលើពលរដ្ឋអ៊ុយក្រែន

សម្ដេចតេជោ ហ៊ុន សែន៖ សន្តិភាពគឺជាឱកាសមាស ឱកាសពេជ្រ សម្រាប់ការអភិវឌ្ឍ

សម្តេចតេជោ ហ៊ុន សែន នាយករដ្ឋមន្ត្រី អញ្ជើញសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

កូរ៉េខាងជើង​អះ​អាង​ថា​ ខ្លួន​បាន​បាញ់​មី​ស៊ី​ល​អន្តរទ្វីប​បាលី​ស្ទិ​ក​ធំ​បំផុត ICBM ដោយ​ជោគជ័យ

សម្ដេចតេជោ ហ៊ុន សែន ប្រកាសធ្វើជាបេក្ខជននាយករដ្ឋមន្ត្រីសម្រាប់ឆ្នាំ២០២៣តទៅទៀត

លោក​ខាងលិច​ថ្កោលទោស​ភាព​សាហាវ​ព្រៃផ្សៃ​នៃ​សង្គ្រាម​រុស្ស៊ី​លើ​ពលរដ្ឋ​អ៊ុយ​ក្រែ​ន​

សម្ដេចតេជោ ហ៊ុន សែន៖ សន្តិភាពគឺជាឱកាសមាស ឱកាសពេជ្រ សម្រាប់ការអភិវឌ្ឍ

សម្តេចតេជោ ហ៊ុន សែន នាយករដ្ឋមន្ត្រី​ អញ្ជើញសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កូរ៉េខាងជើងអះអាងថា ខ្លួនបានបាញ់មីស៊ីលអន្តរទ្វីបបាលីស្ទិកធំបំផុត ICBM ដោយជោគជ័យ

លោកខាងលិចថ្កោលទោសភាពសាហាវព្រៃផ្សៃនៃសង្គ្រាមរុស្ស៊ីលើពលរដ្ឋអ៊ុយក្រែន

សម្តេចតេជោ ហ៊ុន សែន នាយករដ្ឋមន្ត្រី អញ្ជើញសម្ពោធបើកឲ្យប្រើប្រាស់ជាផ្លូវការផ្លូវជាតិលេខ៥១