BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

រុស្ស៊ីទាមទារឲ្យកងកម្លាំងអ៊ុយក្រែនទម្លាក់អាវុធចុះនៅក្នុងទីក្រុងហ៊ុមព័ទ្ធ Mariupol

រុស្ស៊ី៖ រុស្ស៊ីបានអំពាវនាវដល់កងកម្លាំងអ៊ុយក្រែនឲ្យចុះចាញ់នៅក្នុងទីក្រុងកំពង់ផែ Mariupol ភាគខាងកើត ជាទីដែលទីក្រុង Moscow និយាយថា កំពុងជួបប្រទះគ្រោះមហន្តរាយមនុស្សធម៌ធ្ងន់ធ្ងរបំផុត។លោកឧត្ដមសេនីយ៍ Mikhail Mizintsev ប្រធានមជ្ឈមណ្ឌលជាតិសម្រាប់ការគ្រប់គ្រងវិស័យការពារជាតិរុស្ស៊ី បាននិយាយនៅក្នុងសន្និសីទសារព័ត៌មានឧបត្ថម្ភដោយក្រសួងការពារជាតិបាននិយាយថា ទម្លាក់អាវុធរបស់អ្នកចុះទៅ។ លោក Mizintsev បាននិយាយថា គ្រោះមហន្តរាយជំនួយមនុស្សធម៌មានសភាពកាន់តែធ្ងន់ទៅៗហើយ។ លោកថា គ្រប់អ្នកទាំងឡាយដែលទម្លាក់អាវុធចុះ ត្រូវបានធានាឲ្យមានច្រកសុវត្ថិភាពចាកចេញពីទីក្រុង Mariupol។ទីក្រុង Mariupol បានរងគ្រោះពីការវាយប្រហារតាមអាកាសធ្ងន់ធ្ងរបំផុត ចាប់តាំងពីរុស្ស៊ីបើកប្រតិបត្តិការវាយប្រហារលើប្រទេសអ៊ុយក្រែនកាលពីថ្ងៃ២៤ ខែកុម្ភៈ។ ភាគច្រើននៃពលរដ្ឋចំនួន ៤០០,០០០នាក់របស់ទីក្រុងនេះ នៅតែជាប់ក្នុងទីក្រុងដោយមានអាហារ និងទឹកទទួលទានតិចតួច និងគ្មានអគ្គិសនីប្រើប្រាស់៕អត្ថបទ៖ សុខមាន

លោក Zelensky៖ លោកបានត្រៀមរួចរាល់សម្រាប់ការចរចាជាមួយលោក Putin ដោយព្រមានពីសង្គ្រាមលោកលើកទី៣ បើបរាជ័យ

អ៊ុយក្រែន៖ លោកប្រធានាធិបតីអ៊ុយក្រែន Volodymyr Zelensky បាននិយាយកាលពីថ្ងៃអាទិត្យថា លោកបានត្រៀមខ្លួនរួចរាល់សម្រាប់ការចរចាជាមួយប្រធានាធិបតីរុស្ស៊ី Vladimir Putin ប៉ុន្តែបានព្រមានថា បើសិនការចរចាបរាជ័យ នោះមានន័យថានេះគឺជាសង្គ្រាមលោកលើកទី៣។លោកបានប្រាប់លោក Fareed Zakaria អ្នកអត្ថាធិប្បាយព័ត៌មានរបស់ទូរទស្សន៍ CNN ថា លោកបានត្រៀមរួចរាល់ហើយក្នុងការចរចាជាមួយលោក Putin។ លោកបានត្រៀមខ្លួនចាំ ២ឆ្នាំមកហើយ។ លោកគិតថា យើងមិនអាចបញ្ចប់សង្គ្រាមនេះបានទេ បើគ្មានការចរចានោះ។ លោកបានបន្ថែមថា លោកគិតហើយថា យើងត្រូវតែប្រើគ្រប់ទម្រង់ គ្រប់ឱកាសដើម្បីទទួលបានទំនួលខុសត្រូវនៃការចរចា ក៏ដូចជាលទ្ធភាពនៃការនិយាយទៅកាន់លោក Putin។ ប៉ុន្តែប្រសិនបើការប៉ុនប៉ងទាំងនេះបរាជ័យ នោះមានន័យថានេះគឺជាសង្គ្រាមលោកលើកទី៣។លោក Zelensky បានជំរុញឲ្យមានការចរចាបន្ថែមទៀតក្នុងពេលប៉ុន្មានថ្ងៃថ្មីៗនេះ ខណៈការវាយលុករបស់រុស្ស៊ីបានឈានចូលដល់សប្ដាហ៍ទី៤។ ក្នុងសារជាវីដេអូដែលបានបង្ហោះកាលពីថ្ងៃសៅរ៍ លោកបានអំពាវនាវឲ្យមានការចរចាដោយកុំបង្អង់យូរ ដោយព្រមានថា បើពុំនោះទេការខាតបង់របស់រុស្ស៊ីនឹងកាន់តែធំ៕អត្ថបទ៖ សុខមាន

អង្គការសហប្រជាជាតិនិយាយថា មនុស្ស ១០លាននាក់បានភៀសខ្លួនចេញពីលំនៅឋាននៅអ៊ុយក្រែន ក្រោយសង្គ្រាម

អ៊ុយក្រែន៖ ប្រធានទីភ្នាក់ងារទទួលបន្ទុកជនភៀសខ្លួន របស់អង្គការសហប្រជាជាតិនិយាយកាលពីថ្ងៃអាទិត្យថា មនុស្ស ១០លាននាក់ ជាង ១ភាគ៤ នៃចំនួនប្រជាជនសរុបពេលនេះបានរត់ភៀសខ្លួន ចេញពីលំនៅឋានរបស់ពួកគេក្នុងប្រទេសអ៊ុយក្រែនចាប់តាំងពីការចូលលុកលុយរបស់រុស្ស៊ី។ទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិ UNHCR បាននិយាយថា មនុស្សជិត ៣.៤លាននាក់នៃប្រជាជនសរុបដែលបានរត់ភៀសខ្លួនចូលទៅក្នុងបណ្ដាប្រទេសជិតខាង ភាគច្រើនចូលទៅព្រំដែនប្រទេសប៉ូឡូញ។ ប្រធានទីភ្នាក់ងារទទួលបន្ទុកជនភៀសខ្លួនរបស់អង្គការសហប្រជាជាតិលោក Filippo Grandi បាននិយាយដោយសំដៅដល់ប្រទេសរុស្ស៊ីថា ក្នុងចំណោមទំនួលខុសត្រូវទាំងឡាយរបស់អ្នក ដែលបង្កសង្គ្រាមនៅគ្រប់ទីកន្លែងក្នុងពិភពលោកកំពុងធ្វើបាបជនស៊ីវិល ដែលត្រូវបានបង្ខំឲ្យចាកចេញពីលំនៅឋានរបស់ពួកគេ។លោកថា សង្គ្រាមនៅក្នុងប្រទេសអ៊ុយក្រែនធ្ងន់ធ្ងរណាស់ដែលបានបង្ខំឲ្យប្រជាជន ១០លាននាក់រត់ភៀសខ្លួនទាំងនៅក្នុងប្រទេស ឬទាំងក្លាយជាជនភៀសខ្លួននៅបរទេស។ ទីភ្នាក់ងារជនភៀសខ្លួន UNHCR ខាងលើបាននិយាយកាលពីថ្ងៃអាទិត្យថា ជនជាតិអ៊ុយក្រែនចំនួន ៣,៣៨៩,០៤៤នាក់បានរត់ភៀសខ្លួនឆ្លងព្រំដែនចេញពីប្រទេសរបស់ខ្លួន ចាប់តាំងពីរុស្ស៊ីវាយប្រហារកាលពីថ្ងៃទី២៤ ខែកុម្ភៈ៕អត្ថបទ៖ សុខមាន

ប្រសាសន៍សំខាន់ៗសម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនព្រះកុសុមៈ (ពេទ្យលោកសង្ឃ)

ភ្នំពេញ៖ នៅព្រឹកថ្ងៃទី២១ ខែមីនា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រី និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនព្រះកុសុមៈ(ពេទ្យលោកសង្ឃ) ដែលជាមន្ទីរពេទ្យបំពាក់បរិក្ខារវេជ្ជសាស្ត្របម្រើការព្យាបាលដ៏ទំនើប ដែលបានសាងសង់រួចរាល់ជាស្ថាពរ។មន្ទីរពេទ្យមិត្តភាពកម្ពុជា-ចិន ព្រះកុសុមៈ ត្រូវបានសាងសង់ ដោយចំណាយថវិកាជាង ៨០លានដុល្លារអាមេរិក ជាជំនួយឥតសំណងរបស់រដ្ឋាភិបាលចិន។ មន្ទីរពេទ្យនេះ ត្រូវបានបើកការដ្ឋានសាងសង់នៅថ្ងៃទី៣០ ខែតុលា ឆ្នាំ២០១៨ ដោយចំណាយពេល ៣៩ខែ។ អគារមន្ទីរពេទ្យថ្មីនេះ ត្រូវបានសាងសង់លើទំហំដីជាង ១៣ពាន់ម៉ែត្រក្រឡា មានកម្ពស់ ១១ជាន់ ជាមួយប្រវែង ៥៣ម៉ែត្រ។មន្ទីរពេទ្យនេះមានគ្រែសម្រាប់ព្យាបាលអ្នកជំងឺរហូតដល់ទៅ ៤០០គ្រែ។ មន្ទីរពេទ្យថ្មីនេះ ជាមន្ទីរពេទ្យដ៏ធំមួយក្នុងប្រទេសកម្ពុជា ដែលអាចផ្តល់សេវាថែទាំជូនប្រជាជននៅទូទាំងប្រទេស ដែលមានអាការៈជំងឺធ្ងន់ៗ ហើយក៏ជាកន្លែងបណ្តុះបណ្តាលធនធានមនុស្សមួយដ៏ សំខាន់ផងដែរ។ ដើម្បីទទួលបានព័ត៌មានថ្មីៗ រហ័ស សូមចុច Join Channel Telegram BTV Newsខាងក្រោមនេះជាប្រសាសន៍សំខាន់ៗរបស់សម្ដេចតេជោ ហ៊ុន សែន ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនព្រះកុសុមៈ៖ - សម្តេចតេជោ ហ៊ុន សែន នាយរដ្ឋមន្ត្រីប្រកាសថា មន្ទីរពេទ្យមិត្តភាពកម្ពុជា ចិនព្រះកុសុមៈ កាន់តែធ្វើទំនើបកម្ម ដោយមានសមត្ថភា ពពិនិត្យ និងព្យាបាលជំងឺកូងីកម្រិតធ្ងន់ៗ ក្នុងនោះមានការវះកាត់ផ្លាស់ប្តូរក្រលៀន និងប្តូរថ្លើមផងដែរ។- សម្តេចតេជោ ហ៊ុន សែន បានបញ្ជាក់ថា ការទំនើបកម្មមន្ទីរពេទ្យនៅកម្ពុជា កាន់តែល្អប្រសើរ គឺដើម្បីសម្រួលដល់ប្រជាពលរដ្ឋ ក្នុងការចេញដំណើរទៅរកសេវាកម្មពិនិត្យ និងព្យាបាលជំងឺនៅក្រៅប្រទេស។- សម្តេចតេជោ ហ៊ុន សែន ប្រកាសថា ក្រុមគ្រូពេទ្យកម្ពុជាត្រូវបានផ្តល់រហស្សនាម ជាកងទ័ពអាវស ក្នុងការជួយសង្គ្រោះប្រជាពលរដ្ឋដែលមានជំងឺ ដែលសម្តេចចាត់ទុកជារឿងសំខាន់ ហើយគ្រូពេទ្យក៏ត្រូវពង្រឹងសមត្ថភាពរបស់ខ្លួនឯងជានិច្ចដរាបផងដែរ។- សម្តេចតេជោ ហ៊ុន សែន បានបញ្ជាក់ថា កម្ពុជាទទួលបានទទួលជ័យជំនះលើសមរភូមិជាច្រើនប្រឆាំងនឹងកូវីដ-១៩ប្រភេទ ក្នុងនោះមានសមរភូមិ អាល់ហ្វា និងឌែលតាជាដើម តែកម្ពុជានៅមិនទាន់អាចយកឈ្នះសង្គ្រាមប្រឆាំងនឹងកូវីដ-១៩ទាំងស្រុងនៅឡើយទេ ដែលទាមទារអោយយើងត្រូវបន្តប្រយុទ្ធប្រឆាំងជាបន្តទៅទៀត។- សម្តេចតេជោ ហ៊ុន សែន ប្រកាសថា កម្ពុជាមានវ៉ាក់សាំងច្រើនណាស់ ដែលបម្រុងទុកនៅក្នុងឃ្លាំងរក្សាទុក និងការបញ្ជាទិញជាបន្តបន្ទាប់ ព្រមទាំងដឹកមកដល់កម្ពុជាជាបន្តបន្ទាប់ផងដែរ ដើម្បីប្រើប្រាស់សម្រាប់គាំពារសុខុមាលភាពប្រជាពលរដ្ឋប្រឆាំងនឹងកូវីដ-១៩។- សម្តេចតេជោ ហ៊ុន សែន ប្រកាសថា ការបង្កើតសមិទ្ធផលនានាសម្រាប់ជាតិ និងប្រជាជន ជារឿងងាយស្រួលនោះទេ អ្វីដែលយើងបារម្ភ គឺការរក្សានិរន្តរភាពសម្រាប់ការរក្សា ការពារសមិទ្ធផលទាំងនោះទៅវិញទេ ក្នុងនោះក៏មានកៀរគរថវិកា សម្រាប់គាំពារដំណើរមន្ទីរពេទ្យជារឿងចាំបាច់ ដែលទាមទារអោយយើងគិតគូរអោយបានដិតដល់។- សម្តេចតេជោ ហ៊ុន សែន ប្រកាសអំពាវនាវដល់ប្រជាពលរដ្ឋកម្ពុជា ដែលកំពុងស្នាក់នៅប្រទេសអ៊ុយក្រែន សូមបបន្តរស់នៅទីនោះ រួមសុខ រួមទុក្ខ ជាមួយប្រជាជនអ៊ុយក្រែន។ សម្តេចបញ្ជាក់ថា ប្រជាជនអ៊ុយក្រែនរស់នៅយ៉ាងម៉េច សូមរស់នៅរបៀបនោះ។- សម្តេចតេជោ ហ៊ុន សែន ប្រកាសថា សម្តេចបានប្រើថ្នាំបុរាណចិន សម្រាប់ការត្រៀមបង្ការព្យាបាលជំងឺកូវីដ-១៩ រួមទាំងប្រជាពលរដ្ឋកម្ពុជា ក្នុងដំណាក់កាលដ៏លំបាក ហើយថ្នាំចិននេះ ក៏ប្រើប្រាស់បានយ៉ាងទូលំទូលាយទូទាំងពិពិភពលោក ជាពិសេសនៅមជ្ឃឹមបូព៌ា។- សម្តេចតេជោ ហ៊ុន សែន ប្រកាសថា ជ័យជំនះលើសមរភូមិប្រឆាំងកូវីដ-១៩របស់កម្ពុជា គឺការប្រើប្រាស់វ៉ាក់សាំង ហើយការប្រើប្រាស់វ៉ាក់សាំងនេះ ត្រូវបានគិតគូរយ៉ាងខ្លាំង ដោយត្រូវចាក់ស្រោចនៅកន្លែងដែលមានកម្រិតឆ្លងខ្ពស់បំផុត ដែលកាលនោះមាននៅរាជធានីភ្នំពេញ និងខេត្តកណ្តាលជាដើម។- សម្តេចតេជោ ហ៊ុន សែន នាយករដ្ឋមន្ត្រីបានប្រកាសអោយមានការចូលឆ្នាំថ្មី ប្រពៃណីជាតិ អោយខានតែបាន និងអំពាវនាវដល់ប្រជាពលរដ្ឋកម្សាន្តសប្បាយទាំងអស់គ្នា។ សង្កថាសម្តេចតេជោ ហ៊ុន សែន ចប់នៅវេលាម៉ោង ៨ និង៤៩នាទី

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិន ព្រះកុសុមៈ

ភ្នំពេញ៖ នៅថ្ងៃទី២១ ខែមីនា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវមន្ទីរពេទ្យមិត្តភាពកម្ពុជា-ចិនព្រះកុសុមៈ(ពេទ្យលោកសង្ឃ) ដែលជាមន្ទីរពេទ្យបំពាក់បរិក្ខារវេជ្ជសាស្ត្របម្រើការព្យាបាលដ៏ទំនើប ដែលបានសាងសង់រួចរាល់ជាស្ថាពរ។មន្ទីរពេទ្យមិត្តភាពកម្ពុជា-ចិន ព្រះកុសុមៈ ត្រូវបានសាងសង់ ដោយចំណាយថវិកាជាង ៨០លានដុល្លារអាមេរិក ជាជំនួយឥតសំណងរបស់រដ្ឋាភិបាលចិន។ មន្ទីរពេទ្យនេះ ត្រូវបានបើកការដ្ឋានសាងសង់នៅថ្ងៃទី៣០ ខែតុលា ឆ្នាំ២០១៨ ដោយចំណាយពេល ៣៩ខែ។ អគារមន្ទីរពេទ្យថ្មីនេះ ត្រូវបានសាងសង់លើទំហំដីជាង ១៣ពាន់ម៉ែត្រក្រឡា មានកម្ពស់ ១១ជាន់ ជាមួយប្រវែង ៥៣ម៉ែត្រ។ ចែកចេញជាផ្នែកពិគ្រោះជំងឺក្រៅ ផ្នែកសង្គ្រោះបន្ទាន់ ផ្នែកបច្ចេកវិទ្យាវេជ្ជសាស្ត្រ ផ្នែកជំងឺទូទៅ ជំងឺវះកាត់ ផ្នែកសម្ភព រោគស្ត្រី ព្រមទាំងសេវាជំនួយផ្សេងៗទៀត។ នៅលើដំបូលអគារមានចំណតឧត្ថម្ភាគចក្រចុះចត ទម្ងន់ពី ៣តោន ទៅ ៥តោនថែមទៀតផង។មន្ទីរពេទ្យនេះមានគ្រែសម្រាប់ព្យាបាលអ្នកជំងឺរហូតដល់ទៅ ៤០០គ្រែ។ មន្ទីរពេទ្យថ្មីនេះ ជាមន្ទីរពេទ្យដ៏ធំមួយក្នុងប្រទេសកម្ពុជា ដែលអាចផ្តល់សេវាថែទាំជូនប្រជាជននៅទូទាំងប្រទេស ដែលមានអាការៈជំងឺធ្ងន់ៗ ហើយក៏ជាកន្លែងបណ្តុះបណ្តាលធនធានមនុស្សមួយដ៏សំខាន់ផងដែរ៕

«សាររបស់ឯកឧត្តម គីស៊ីដា ហ្វូមិអុ នាយករដ្ឋមន្ត្រីជប៉ុនជូនចំពោះប្រជាជនកម្ពុជា»

ភ្នំពេញ៖ ខាងក្រោមនេះ ជាសាររបស់ ឯកឧត្ដម គីស៊ីដា ហ្វូមិអុ ជានាយករដ្ឋមន្ត្រីជប៉ុន ដែលមានខ្លឹមសារទាំងស្រុងដូចខាងក្រោម៖ជំរាបសួរប្រជាជនកម្ពុជាជាទីរាប់អាន! ខ្ញុំឈ្មោះ គីស៊ីដា ហ្វូមិអុ ជានាយករដ្ឋមន្ត្រីជប៉ុន។ថ្ងៃនេះខ្ញុំនឹងមកធ្វើទស្សនកិច្ចនៅប្រទេសកម្ពុជា។ ការធ្វើទស្សនកិច្ចលើកនេះ ធ្វើឡើងបន្ទាប់ពី ខ្ញុំបានមកបំពេញទស្សនកិច្ចនៅកម្ពុជាក្នុងឋានៈជារដ្ឋមន្ត្រីក្រសួងការបរទេសក្នុងឆ្នាំ២០១៤មកម្ល៉េះ។ ខ្ញុំទន្ទឹងរង់ចាំឃើញដោយផ្ទាល់ នូវភាពរីកចំរើនបន្ថែមទៀតនៅកម្ពុជា ។កម្ពុជាសម្រេចបាននូវការអភិវឌ្ឍសេដ្ឋកិច្ចដ៏រឹងមាំចាប់តាំងពីបានទទួលនូវសន្តិភាព។ ខ្ញុំសូមយកឱកាសនេះសម្តែងនូវការគោរពដល់ប្រជាជនកម្ពុជាសារជាថ្មីម្តងទៀត ដល់ការខិតខំរបស់ប្រជាជនកម្ពុជារហូតមកដល់ពេលនេះ។ ។ ក្នុងអំឡុងពេលកន្លងមកនេះ ទំនាក់ទំនងសហប្រតិបត្តិការរវាងប្រទេសយើងទាំងពីរកាន់តែស៊ីជម្រៅលើគ្រប់វិស័យ។ ប៉ុន្តែស្ថានភាពក្នុងពិភពលោកជុំវិញប្រទេសយើងទាំងពីរកាន់តែមានភាពស្មុគស្មាញ។ ដូច្នេះដើម្បីឱ្យប្រទេសជប៉ុន និងកម្ពុជា បន្តអភិវឌ្ឍជាមួយគ្នាក្នុងពិភពលោកប្រកបដោយស្ថិរភាព ខ្ញុំមកបំពេញទស្សនកិច្ចនៅកម្ពុជា ដោយមានគោលបំណងពីរដូចខាងក្រោម។ទី១ គឺការពង្រឹងបន្ថែមទៀតនូវទំនាក់ទំនងជប៉ុន-កម្ពុជា។ ឆ្នាំនេះ គឺជាខួបលើកទី៣០នៃការចូលរួមរបស់ជប៉ុនក្នុងសកម្មភាពថែរក្សាសន្តិភាព(PKO) ជាលើកដំបូងមកកម្ពុជា។ ជប៉ុនបានដើរជាមួយកម្ពុជាលើផ្លូវឆ្ពោះទៅរកសន្តិភាព ការស្តារឡើងវិញ និងអភិវឌ្ឍន៍សេដ្ឋកិច្ចជាបន្តបន្ទាប់នៅកម្ពុជា។ជាឧទាហរណ៍ ប្រទេសជប៉ុនបាននិងកំពុងផ្តល់ការគាំទ្រអស់រយៈពេលជាច្រើនឆ្នាំ លើការដោះមីនតាមរយៈការផ្តល់ឧបករណ៍ និងការបញ្ជូនអ្នកជំនាញ និងលើវិស័យផ្គត់ផ្គង់ទឹកស្អាតដោយស្ថិរភាពនៅក្នុងរាជធានីភ្នំពេញជាដើម។ ហើយនៅពេលថ្មីៗនេះ ជប៉ុនបានផ្តល់វ៉ាក់សាំងប្រមាណ ១.៣លានដូស និងឥណទានសម្បទានសរុប ៤៥ពាន់លានយ៉េន ដើម្បីគាំទ្រដល់វិធានការរបស់រដ្ឋាភិបាលកម្ពុជាប្រឆាំងនឹងកូវីត-១៩។ លើសពីនេះទៀត យើងក៏មានគម្រោងគាំទ្រដល់ការអភិវឌ្ឍកំពង់ផែស្វ័យតក្រុងព្រះសីហនុ ដែលជាសសរទ្រូងនៃការអភិវឌ្ឍសេដ្ឋកិច្ចរបស់កម្ពុជា។ ខ្ញុំជឿជាក់ថា កិច្ចសហប្រតិបត្តិការទាំងនេះបាននាំឲ្យមានទំនាក់ទំនងទុកចិត្តគ្នាដ៏ស៊ីជម្រៅ រវាងរដ្ឋាភិបាល និងប្រជាជនប្រទេសទាំងពីរ។ ថ្ងៃនេះ　ដោយផ្អែកលើទំនាក់ទំនងទុកចិត្តគ្នារបស់យើង ខ្ញុំនឹងធ្វើការពិភាក្សាយ៉ាងលំអិត ជាមួយសម្តេចតេជោនាយករដ្ឋមន្ត្រី ហ៊ុន សែនអំពីកិច្ចសហប្រតិបត្តិការលើវិស័យសេដ្ឋកិច្ច និងសន្តិសុខ ដើម្បីអភិវឌ្ឍទំនាក់ទំនងរវាងប្រទេសទាំងពីរឱ្យកាន់តែរីកចម្រើន។ទី២ គឺពង្រឹងកិច្ចសហប្រតិបត្តិការក្នុងកិច្ចការអន្តរជាតិ និងតំបន់ រួមមានបញ្ហាអ៊ុយក្រែន និងមីយ៉ាន់ម៉ាជាដើម។ នាពេលបច្ចុប្បន្ន សហគមន៍អន្តរជាតិកំពុងប្រឈមមុខនឹងស្ថានភាពដែលអង្រួនមូលដ្ឋានគ្រឹះនៃសណ្តាប់ធ្នាប់អន្តរជាតិ។ ការឈ្លានពានរបស់រុស្សីមកលើអ៊ុយក្រែន គឺជាការបំពានយ៉ាងច្បាស់លើច្បាប់អន្តរជាតិ ហើយប្រាកដជាមិនអាចទទួលស្គាល់បានឡើយ។ ប្រទេសជប៉ុន និងកម្ពុជា បានចូលរួមជាមួយគ្នាជាប្រទេសសហស្ថាបនិកនៃសេចក្តីសម្រេចចិត្តនៃកិច្ចប្រជុំពិសេសបន្ទាន់របស់មហាសន្និបាតអង្គការសហប្រជាជាតិស្តីពីការឈ្លានពានលើប្រទេសអ៊ុយក្រែន ហើយក៏បានសម្តែងការប្រឆាំងយ៉ាងច្បាស់ចំពោះការផ្លាស់ប្តូរស្ថានភាពបច្ចុប្បន្នដោយកម្លាំងជាឯកតោភាគីរបស់រុស្ស៊ី និងអំពើហិង្សាប្រឆាំងនឹងច្បាប់អន្តរជាតិ និងធម្មនុញ្ញអង្គការសហប្រជាជាតិ។ សម្តេចតេជោ នាយករដ្ឋមន្ត្រី ហ៊ុន សែនមានប្រសាសន៍ជាមួយខ្ញុំថា ក្នុងនាមជាប្រធានអាស៊ានប្តេជ្ញាចិត្តដើម្បីឆ្ពោះទៅរកដំណោះស្រាយនៃបញ្ហានានាដូចជា ស្ថានភាពនៅមីយ៉ាន់ម៉ាជាដើម ។ ខ្ញុំបានយល់ថាតាមបទពិសោធន៍នៃសង្គ្រាមស៊ីវិល ប្រជាជនកម្ពុជាមានចិត្តគំនិតដ៏ពិសេសចំពោះសន្តិភាព។ ហេតុដូច្នេះហើយ ខ្ញុំមានបំណងសហការជាមួយរដ្ឋាភិបាលកម្ពុជាដើម្បីសន្តិភាព និងស្ថិរភាពក្នុងតំបន់ និងពិភពលោក។ឆ្នាំ២០២៣ គឺជាខួបអនុស្សាវរីយ៍លើកទី៧០នៃការបង្កើតទំនាក់ទំនងការទូតរវាងប្រទេសជប៉ុន និងកម្ពុជា។ អស់លោកលោកស្រី ក្មួយៗដែលជាប្រជាជនកម្ពុជាទាំងអស់ ទោះរួមគ្នាបង្កើតទំព័រថ្មីនៃកិច្ចសហប្រតិបត្តិការជប៉ុន-កម្ពុជាជាមួយយើងខ្ញុំ។

លោក Joe Biden ជួបសន្ទនាតាមវីដេអូជាមួយលោក Xi Jinping

សហរដ្ឋអាមេរិក៖ កាលពីល្ងាចថ្ងៃទី១៨ ខែមីនា ប្រធានាធិបតីចិនលោក Xi Jinping បានជួបសន្ទនាតាមបណ្តាញវីដេអូជាមួយប្រធានាធិបតីសហរដ្ឋអាមេរិកលោក Joe Biden។ ប្រធានាធិបតីចិនលោក Xi Jinping បានកត់សំគាល់ពីការវិវឌ្ឍន៍ធំៗថ្មីៗក្នុងទិដ្ឋភាពអន្តរជាតិ ចាប់តាំងពីជំនួបដំបូងតាមប្រព័ន្ធអ៊ីនធឺណិតកាលពីខែវិច្ឆិកា។ជាសំខាន់ និន្នាការនៃសន្តិភាព និងការអភិវឌ្ឍន៍កំពុងប្រឈមមុខទៅនឹងបញ្ហាប្រឈមធ្ងន់ធ្ងរ។ លោក Xi និយាយថា វិបត្តិនៅអ៊ុយក្រែនជារឿងដែលយើងមិនចង់មើលឃើញ។ ព្រឹត្តិការណ៍ជាថ្មីបង្ហាញថា បណ្តាប្រទេសជាច្រើននឹងមិនឈានទៅដល់ចំណុច នៃការជួបគ្នាលើសមរភូមិប្រយុទ្ធនោះទេ។ ជម្លោះ និងការប្រឈមមុខនឹងមិនមែនជាផលប្រយោជន៍របស់នរណាម្នាក់ឡើយ ហើយសន្តិភាព និងសន្តិសុខ ជាអ្វីដែលសហគមន៍អន្តរជាតិវាយតម្លៃខ្ពស់។ ជាសមាជិកអចិន្ត្រៃយ៍របស់ក្រុមប្រឹក្សាសន្តិសុខ និងជាប្រទេសមានសេដ្ឋកិច្ចនាំមុខទាំងពីររបស់ពិភពលោក យើងមិនត្រឹមតែនាំមុខទំនាក់ទំនងចិន-អាមេរិកឆ្ពោះទៅរកជំហានត្រឹមត្រូវយូរអង្វែងប៉ុណ្ណោះទេ ប៉ុន្តែថែមទាំងចែករំលែកការទទួលខុសត្រូវ និងធ្វើការសម្រាប់សន្តិភាព និងភាពស្ងប់ស្ងាត់ពិភពលោក៕អត្ថបទ៖ ប៊ុនថន

ប្រធានអគ្គលេខាធិការកងទ័ពប្រជាជនវៀតណាម កោតសរសើរកម្ពុជាដែលបានប្រយុទ្ធប្រឆាំងកូវីដ-១៩ដោយជោគជ័យ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី១៩ ខែមីនា ឆ្នាំ២០២២នេះ បានអនុញ្ញាតឱ្យ ឯកឧត្តម ឧត្តមសេនីយ៍ឯកបម្រុង ង្វៀន តឹនគឿង ប្រធានអគ្គលេខាធិការកងទ័ពប្រជាជនវៀតណាម និងជាអនុរដ្ឋមន្ត្រីក្រសួងការពារប្រទេសវៀតណាម ចូលជួបសម្តែងការគួរសម និងពិភាក្សាការងារ នៅវិមានសន្តិភាព ទីស្តីការនាយករដ្ឋមន្ត្រី។ក្នុងជំនួបនោះ ឯកឧត្តម ង្វៀន តឹនគឿង បានគោរពសម្ដែងនូវការអបអរសាទរជូនចំពោះសម្ដេចតេជោ ហ៊ុន សែន ប្រមុខ នៃរាជរដ្ឋាភិបាលកម្ពុជា ដែលបានប្រយុទ្ធប្រឆាំងកូវីដ-១៩ បានជោគជ័យ បានចាក់ស្រោចវ៉ាក់សាំងជូនដល់ប្រជាពលរដ្ឋជាង៩០ភាគរយ ដែលនេះជាចំនួនច្រើនបំផុតក្នុងពិភពលោកនិងក្នុងតំបន់។ឯកឧត្តមក៏បានសម្ដែង នូវការអបអរសាទរផងដែរ ជូនចំពោះកម្ពុជា ក្នុងនាមជាប្រធានអាស៊ាន ជាពិសេសទទួលបានជោគជ័យក្នុងការរៀបចំប្រជុំអគ្គបញ្ជាការដោយផ្ទាល់ បន្ទាប់ពីការអាក់ខានការប្រជុំដោយផ្ទាល់ពីរឆ្នាំកន្លងមក ហើយបានគោរពរាយការណ៍ជូនសម្ដេចថា កងទ័ពទាំងពីរនឹងរៀបចំឲ្យមានកិច្ចប្រជុំនៅព្រំដែន ពង្រឹងមិត្តភាពកិច្ចសហប្រតិបត្តិការលើការការពារជាតិ ការបង្កើត hot line ដើម្បីរួមគ្នាដោះស្រាយរាល់បញ្ហាដែលអាចកើតមានឡើងឲ្យទាន់ពេលវេលា ហ្វឹកហាត់ ការស្រាវជ្រាវនិងសង្គ្រោះបន្ទាន់ព្រមទាំងចែករំលែកព័ត៌មាន និងរក្សាសន្តិសុខនិងសុវត្ថិភាពនៅតាមព្រំដែន៕

រដ្ឋមន្ត្រីអ៊ុយក្រែននិយាយថា មានកិច្ចព្រមព្រៀងជាមួយរុស្ស៊ី លុះត្រាតែកងទ័ពចាកចេញ

អ៊ុយក្រែន៖ រដ្ឋមន្ត្រីក្រសួងមហាផ្ទៃអ៊ុយក្រែនបាននិយាយកាលពីថ្ងៃសុក្រថា លោកគាំទ្រកិច្ចព្រមព្រៀងជាមួយប្រទេសរុស្ស៊ី លុះត្រាតែកងទ័ពរុស្ស៊ីដែលកំពុងវាយលុកងាកទៅរកទីតាំងមុនសង្គ្រាមរបស់ពួកគេ។ លោក Denys Monastyrsky បាននិយាយក្នុងបទសម្ភាសន៍មួយនៅក្នុងរដ្ឋធានីគីវដែលកំពុងប្រយុទ្ធគ្នាថា លោកបានឃើញការបាញ់ផ្លោងជារៀងរាល់ថ្ងៃដោយកាំភ្លើងធំរបស់រុស្ស៊ីនៅជាយក្រុង។ការចរចាណាមួយត្រូវតែចាប់ផ្ដើមពីជំហរដ៏ត្រឹមត្រូវរបស់អ៊ុយក្រែន ហើយចាប់ផ្ដើមពីចំណុចនេះ កងទ័ពរុស្ស៊ីត្រូវតែត្រលប់ទៅកន្លែងពិតប្រាកដ មុនពេលពួកគេបានចាប់ផ្តើមការវាយលុកទ្រង់ទ្រាយធំនេះកាលពី ២៤ថ្ងៃមុន។ រុស្ស៊ីបានទាមទារឲ្យអង្គការណាតូសន្យាថា នឹងមិនទទួលយកអ៊ុយក្រែនជាសម្ព័ន្ធមិត្ត ឬដាក់កងកម្លាំងនៅទីនោះ។ នៅក្នុងទីក្រុង បន្ទាប់ពីទីក្រុងជុំវិញអ៊ុយក្រែន មន្ទីរពេទ្យ សាលារៀន និងអគារដែលប្រជាជនស្វែងរកសុវត្ថិភាពត្រូវបានវាយប្រហារ ក្រុមអ្នកជួយសង្គ្រោះបានបន្តស្វែងរកអ្នកនៅរស់រានមានជីវិត នៅក្នុងអគារបាក់បែកនៃមហោស្រពមួយ ដែលត្រូវបានប្រើប្រាស់ជាទីជម្រកនៅពេលត្រូវបានបំផ្ទុះ ដោយការវាយប្រហារតាមអាកាសរបស់រុស្ស៊ីកាលពីថ្ងៃពុធនៅក្នុងទីក្រុង Mariupol ភាគខាងត្បូងដែលត្រូវបានឡោមព័ទ្ធ។លោក Monastyrsky បានជំរុញឱ្យប្រទេសនានាជួយផ្តល់ឧបករណ៍ជួយសង្គ្រោះ ដែលភាគច្រើនត្រូវបានបំផ្លាញ។ លោកបានក្រើនរំលឹកថា ទាហានរុស្ស៊ីកំពុងដាក់គ្រាប់មីន ហើយយុទ្ធភណ្ឌមិនទាន់ផ្ទុះពីការបាញ់ផ្លោងនឹងចំណាយពេលរាប់ទសវត្ស ដើម្បីបោសសម្អាត៕អត្ថបទ៖ ប៊ុនថន

UN និយាយថា ខ្លួនមិនបានដឹងអំពីកម្មវិធីអាវុធជីវសាស្ត្រនៅអ៊ុយក្រែនឡើយ

UN៖ តំណាងជាន់ខ្ពស់របស់អង្គការសហប្រជាជាតិ ទទួលបន្ទុកកិច្ចការរំសាយអាវុធបាននិយាយទៅកាន់ក្រុមប្រឹក្សាសន្តិសុខកាលពីថ្ងៃសុក្រថា ស្ថាប័ននេះមិនបានដឹងអំពីកម្មវិធីអាវុធជីវសាស្ត្រនោះទេ។ ការលើកឡើងនេះបានធ្វើឡើង ខណៈសហព័ន្ធរុស្ស៊ីបានបន្តការចោទប្រកាន់ទាក់ទងនឹងអាវុធជីវសាស្ត្រនៅអ៊ុយក្រែន។ប្រទេសលោកខាងលិចចំនួន ៦ប្រទេសបានចោទប្រកាន់រុស្ស៊ីថា កំពុងប្រើប្រាស់ក្រុមប្រឹក្សាសន្តិសុខដើម្បីលាងជម្រះព័ត៌មានមិនពិត ផ្សព្វផ្សាយការឃោសនា និងបង្ហាញពីភាពត្រឹមត្រូវនៃការវាយប្រហារដែលមិនបានបង្កហេតុលើអ៊ុយក្រែន។ កិច្ចប្រជុំក្រុមប្រឹក្សាកាលពីថ្ងៃសុក្រត្រូវបានគេរំពឹងថា នឹងឃើញសន្លឹកឆ្នោតលើដំណោះស្រាយមនុស្សធម៌រុស្ស៊ី ខណៈត្រូវបានរិះគន់យ៉ាងចាស់ដៃដែលមិនបាននិយាយ អំពីការវាយលុករបស់ខ្លួនលើអ៊ុយក្រែន។ រុស្ស៊ីបានលុបចោលការបោះឆ្នោត ជំនួសមកវិញដោយប្រើកិច្ចប្រជុំដើម្បីនិយាយអំពីសហរដ្ឋអាមេរិកម្តងទៀត ជុំវិញការអះអាងអាវុធជីវសាស្ត្រដែលអាមេរិកហៅថា ជាការភូតកុហក៕អត្ថបទ៖ ប៊ុនថន

បណ្ដាញសង្គម

ព័ត៌មានថ្មីៗ

ក្រុមអាជីវករលក់ដូរជុំវិញផ្សារដើមគ យល់ព្រមទទួលយកគម្រោងកែលម្អ និងស្ថាបនាផ្លូវជុំវិញផ្សារ

កាកបាទក្រហមកម្ពុជាផ្តល់ផ្ទះ២ខ្នង ដល់គ្រួសារទីទ័លក្រនៅស្រុកបសេដ្ឋ ខេត្តកំពង់ស្ពឺ

រដ្ឋមន្ត្រីក្រសួងវប្បធម៌និង វិចិត្រសិល្បៈ បញ្ជាក់អំពីការប្តេជ្ញាចិត្តរបស់រាជរដ្ឋាភិបាលក្នុងកិច្ចការពារបូរណភាពទឹកដី និងសម្បត្តិវប្បធម៌នានាស្របតាមច្បាប់អន្តរជាតិ

សមត្ថកិច្ចចុះបង្ក្រាបទីតាំងសង្ស័យលួចលាក់ធ្វើសកម្មភាព Online Scam ឃាត់ខ្លួនជនបរទេសជាង ១៤០នាក់

មនុស្ស៩នាក់រងរបួសដោយសារភ្លើងឆេះព្រៃនៅក្នុងប្រទេសព័រទុយហ្គាល់

ប្រធានាធិបតីទួរគី ថ្លែងថា មិនត្រូវឲ្យអ៊ីស្រាអែលបំផ្លាញកិច្ចព្រមព្រៀងរវាងសហរដ្ឋអាមេរិក និងអ៊ីរ៉ង់ ឡើយ

អ៊ីរ៉ង់ ផ្សព្វផ្សាយសារនៃការបន្ត និងការសងសឹកនៅក្នុងពិធីរំលឹកវិញ្ញាណក្ខន្ធលោក Khamenei

លោក Trump អបអរសាទរទិវាឯករាជ្យជាតិលើកទី២៥០ អមដោយការបាញ់កាំជ្រួចភ្ញី និងក្បួនយន្តហោះ

KCNA៖លោក Xi ត្រៀមខ្លួនធ្វើការជាមួយលោក Kim សម្រាប់ចំណងមិត្តភាពចិន-កូរ៉េខាងជើងប្រកបដោយស្ថិរភាព

ប្រធានក្រុមការងារចុះមូលដ្ឋានឃុំទងត្រឡាច អំពាវនាវពលរដ្ឋជឿជាក់រាជរដ្ឋាភិបាលលើការដោះស្រាយបញ្ហាព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

រុស្ស៊ីទាមទារឲ្យកងកម្លាំងអ៊ុយក្រែនទម្លាក់អាវុធចុះនៅក្នុងទីក្រុងហ៊ុមព័ទ្ធ Mariupol

លោក Zelensky៖ លោកបានត្រៀមរួចរាល់សម្រាប់ការចរចាជាមួយលោក Putin ដោយព្រមានពីសង្គ្រាមលោកលើកទី៣ បើបរាជ័យ

អង្គការសហប្រជាជាតិនិយាយថា មនុស្ស ១០លាននាក់បានភៀសខ្លួនចេញពីលំនៅឋាននៅអ៊ុយក្រែន ក្រោយសង្គ្រាម

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិន ព្រះកុសុមៈ

«សាររបស់ឯកឧត្តម គីស៊ីដា ហ្វូមិអុ នាយករដ្ឋមន្ត្រីជប៉ុនជូនចំពោះប្រជាជនកម្ពុជា»

លោក Joe Biden ជួបសន្ទនាតាមវីដេអូជាមួយលោក Xi Jinping

ប្រធានអគ្គលេខាធិការកងទ័ពប្រជាជនវៀតណាម កោតសរសើរកម្ពុជាដែលបានប្រយុទ្ធប្រឆាំងកូវីដ-១៩ដោយជោគជ័យ

រដ្ឋមន្ត្រីអ៊ុយក្រែននិយាយថា មានកិច្ចព្រមព្រៀងជាមួយរុស្ស៊ី លុះត្រាតែកងទ័ពចាកចេញ

UN និយាយថា ខ្លួនមិនបានដឹងអំពីកម្មវិធីអាវុធជីវសាស្ត្រនៅអ៊ុយក្រែនឡើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

រុស្ស៊ី​ទាមទារ​ឲ្យ​កងកម្លាំង​អ៊ុយ​ក្រែ​ន​ទម្លាក់អាវុធ​ចុះ​នៅ​ក្នុង​ទីក្រុង​ហ៊ុមព័ទ្ធ Mariupol

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ មន្ទីរពេទ្យមិត្តភាពកម្ពុជា-ចិន ព្រះកុសុមៈ

«សាររបស់ឯកឧត្តម គីស៊ីដា ហ្វូមិអុ នាយករដ្ឋមន្ត្រីជប៉ុនជូនចំពោះប្រជាជនកម្ពុជា»

លោក Joe Biden ជួបសន្ទនាតាមវីដេអូជាមួយលោក Xi Jinping

ប្រធានអគ្គលេខាធិការកងទ័ពប្រជាជនវៀតណាម កោតសរសើរកម្ពុជាដែលបានប្រយុទ្ធប្រឆាំងកូវីដ-១៩ដោយជោគជ័យ

រដ្ឋមន្ត្រី​អ៊ុយ​ក្រែ​ន​និយាយ​ថា មាន​កិច្ចព្រមព្រៀង​ជាមួយ​រុស្ស៊ី លុះត្រាតែ​កងទ័ព​ចាកចេញ​

UN និយាយ​ថា ខ្លួន​មិនបាន​ដឹង​អំពី​កម្មវិធី​អាវុធ​ជីវសាស្ត្រ​នៅ​អ៊ុយ​ក្រែ​ន​ឡើយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

រុស្ស៊ីទាមទារឲ្យកងកម្លាំងអ៊ុយក្រែនទម្លាក់អាវុធចុះនៅក្នុងទីក្រុងហ៊ុមព័ទ្ធ Mariupol

រដ្ឋមន្ត្រីអ៊ុយក្រែននិយាយថា មានកិច្ចព្រមព្រៀងជាមួយរុស្ស៊ី លុះត្រាតែកងទ័ពចាកចេញ

UN និយាយថា ខ្លួនមិនបានដឹងអំពីកម្មវិធីអាវុធជីវសាស្ត្រនៅអ៊ុយក្រែនឡើយ