BTV NEWS

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

សម្ដេចតេជោ និងសម្ដេចធិបតី អបអរសាទរខួបលើកទី៧៥ កម្ពុជា ចូលជាសមាជិកអង្គការយូណេស្កូ

ព័ត៌មានសំខាន់ៗ

UN និយាយពីសង្គ្រាមនៅអ៊ុយក្រែនថា គ្រប់គ្រាន់ ខណៈបារាំងនិយាយថា រុស្ស៊ីត្រូវតែបញ្ចប់សង្គ្រាម

UN៖ មហាសន្និបាតអង្គការសហប្រជាជាតិដែលមានប្រទេសចំនួន ១៩៣ បានជួបប្រជុំគ្នាកាលពីថ្ងៃចន្ទ សម្រាប់កិច្ចប្រជុំបន្ទាន់ដំបូងនៃមហាសន្និបាតក្នុងរយៈពេលជាច្រើនទសវត្សមកនេះ ខណៈកងកម្លាំងរុស្ស៊ីបានវាយប្រហារអ៊ុយក្រែន ហើយមេដឹកនាំរុស្ស៊ីលោក Vladimir Putin បានដាក់កងកម្លាំងនុយក្លេអ៊ែររបស់លោកស្ថិតក្នុងការប្រុងប្រៀប។កិច្ចប្រជុំផ្តល់ឱកាសឱ្យសមាជិកអង្គការសហប្រជាជាតិទាំងអស់និយាយអំពីសង្គ្រាម និងបោះឆ្នោតលើសេចក្តីសម្រេចមួយ ដើម្បីឲ្យរុស្ស៊ីទទួលខុសត្រូវចំពោះសកម្មភាពរបស់ខ្លួន។ លោក Antonio Guterres អគ្គលេខាធិការអង្គការសហប្រជាជាតិបាននិយាយថា គ្រប់គ្រាន់គឺគ្រប់គ្រាន់។ លោកសង្ឃឹមថា កិច្ចចរចាផ្ទាល់ដែលធ្វើឡើងរវាងគណៈប្រតិភូអ៊ុយក្រែន និងរុស្ស៊ីនឹងមិនត្រឹមតែអាចបញ្ឈប់ការប្រយុទ្ធគ្នាភ្លាមៗប៉ុណ្ណោះទេ ប៉ុន្តែថែមទាំងជាសន្តិភាពឆ្ពោះទៅរកដំណោះស្រាយការទូត។ តំណាងប្រទេសបារាំងប្រចាំអង្គការសហប្រជាជាតិបាននិយាយថា រុស្ស៊ីត្រូវតែបញ្ចប់ការបំផ្លាញរបស់ខ្លួនលើអ៊ុយក្រែន។លោក Nicolas de Rivière បាននិយាយទៅកាន់មហាសន្និបាតអង្គការសហប្រជាជាតិ ក្នុងអំឡុងពេលសម័យប្រជុំពិសេសកាលពីថ្ងៃចន្ទថា មេដឹកនាំពិភពលោកមានទំនួលខុសត្រូវជាប្រវត្តិសាស្ត្រ ដើម្បីគាំទ្រពលរដ្ឋអ៊ុយក្រែនដែលអំពាវនាវឱ្យរុស្ស៊ីបញ្ឈប់សង្គ្រាម និងដកកងទ័ពរបស់ខ្លួនចេញពីទឹកដីអ៊ុយក្រែន។ លោក De Rivière និយាយថា ប្រទេសបារាំង និងម៉ិចស៊ិកកំពុងធ្វើការដើម្បីពង្រាងសេចក្តីសម្រេច ដែលនឹងធានាការការពារជនស៊ីវិល និងប្រតិបត្តការមនុស្សធម៌។ ដោយឡែកលោកបានស្នើឱ្យរដ្ឋជាសមាជិកទាំងអស់ គាំទ្រសេចក្តីសម្រេចដែលអំពាវនាវឱ្យរុស្ស៊ីបញ្ឈប់សង្គ្រាម និងចាកចេញពីអ៊ុយក្រែន៕អត្ថបទ៖ ប៊ុនថន

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម

រុស្ស៊ី៖ រូបិយប័ណ្ណរបស់រុស្ស៊ីបានធ្លាក់ចុះប្រមាណ ៣០% ទល់នឹងប្រាក់ដុល្លារអាមេរិកកាលពីថ្ងៃចន្ទ បន្ទាប់ពីបណ្ដាប្រទេសលោកខាងលិចបានប្រកាសពីវិធានការ ដែលមិនធ្លាប់មានពីមុនមកដើម្បីរារាំងធនាគាររុស្ស៊ីមួយចំនួន ពីប្រព័ន្ធទូទាត់ប្រាក់អន្តរជាតិ SWIFT និងដើម្បីរឹតត្បិតការប្រើប្រាស់ទុនបម្រុងរូបិយប័ណ្ណបរទេសច្រើនរបស់រុស្ស៊ី។ក្រោយមកអត្រាប្តូរប្រាក់បានងើបឡើងវិញ បន្ទាប់ពីមានសកម្មភាពដោយធនាគារកណ្តាលរបស់រុស្ស៊ី។ ប៉ុន្តែមានការដាក់គំនាបសេដ្ឋកិច្ចកាន់តែតឹងរ៉ឹង នៅពេលសហរដ្ឋអាមេរិកបន្ថែមទណ្ឌកម្មដើម្បីបង្កកទ្រព្យសម្បត្តិ របស់ធនាគារកណ្ដាលរុស្ស៊ីនៅក្នុងសហរដ្ឋអាមេរិក ឬគ្រប់គ្រងដោយជនជាតិអាមេរិក។ រដ្ឋបាលលោក Biden បានប៉ាន់ប្រមាណថា វិធានការនេះអាចប៉ះពាល់ដល់ប្រាក់រាប់រយលានដុល្លារនៃមូលនិធិរបស់រុស្ស៊ី។ក្រសួងដឹកជញ្ជូនសាធារណៈរបស់ទីក្រុងមូស្គូបានព្រមានពលរដ្ឋរស់នៅក្នុងទីក្រុងថា ពួកគេអាចជួបប្រទះបញ្ហាក្នុងការប្រើប្រាស់ Apple Pay, Google Pay និង Samsung Pay ដើម្បីបង់ថ្លៃសេវាផ្សេងៗដោយសារតែធនាគារ VTB ដែលជាធនាគាររុស្ស៊ីមួយផ្សេងទៀតប្រឈមនឹងទណ្ឌកម្ម។ កាលពីថ្ងៃចន្ទ ធនាគារកណ្ដាលរបស់រុស្ស៊ីបានដំឡើងអត្រាការប្រាក់របស់ខ្លួនដល់ ២០% ពី ៩.៥% នៅក្នុងបំណងដែលអស់សង្ឃឹមដើម្បីរក្សាអត្រាប្រាក់រូប្លិ៍របស់រុស្សី និងបន្តឲ្យនៅធនាគារជាច្រើន៕អត្ថបទ៖ ប៊ុនថន

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

អ៊ុយក្រែន៖ ប្រធានាធិបតីអ៊ុយក្រែនលោក Volodymyr Zelenskyy បានចោទប្រកាន់រុស្ស៊ីពីការបន្តយុទ្ធនាការបាញ់ផ្លោងរបស់ខ្លួន ក្នុងពេលមានការចរចាក្នុងគោលបំណងបញ្ចប់សង្គ្រាមដែលកំពុងបន្ត។ ក្នុងសុន្ទរកថាតាមវីដេអូលោក Zelenskyy បាននិយាយថា រុស្ស៊ីបានបាញ់ផ្លោងមកលើទឹកដីអ៊ុយក្រែន ខណៈគណៈប្រតិភូប្រទេសទាំងពីរបានបញ្ចប់កិច្ចពិភាក្សាក្នុងប្រទេសបេឡារុស។លោកនិយាយថា ការចរចាដោយស្មើភាពអាចកើតឡើង នៅពេលដែលភាគីម្ខាងមិនវាយប្រហារភាគីម្ខាងទៀតដោយមីស៊ីល រ៉ុក្កែត ក្នុងអំឡុងពេលចរចា។ លោក Zelenskyy និយាយថា ការធ្វើសកម្មភាពនៃការបាញ់កាំភ្លើងធំជាមួយនឹងការចរចា គឺជាការប៉ុនប៉ងរបស់វិមានក្រឹមឡាំងដើម្បីដាក់សម្ពាធលើទីក្រុងគីវ។ ជុំទីមួយនៃកិច្ចចរចាអ៊ុយក្រែន-រុស្ស៊ីក្នុងគោលបំណងបញ្ចប់ការប្រយុទ្ធគ្នារវាងទីក្រុងមូស្គូ និងប្រទេសជិតខាងតូចរបស់ខ្លួនបានបញ្ចប់ដោយគ្មានកិច្ចព្រមព្រៀងភ្លាមៗ៕អត្ថបទ៖ ប៊ុនថន

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

អ៊ុយក្រែន៖ កិច្ចចរចាលើកដំបូងក្នុងគោលបំណងបញ្ឈប់ការប្រយុទ្ធគ្នារវាងអ៊ុយក្រែន និងរុស្ស៊ីបានបញ្ចប់កាលពីថ្ងៃចន្ទ ដោយគ្មានកិច្ចព្រមព្រៀងណាមួយក្រៅពីការបន្តការពិភាក្សា ខណៈទីក្រុងមូស្គូដែលកាន់តែឯកោបានទប់ទល់យ៉ាងខ្លាំងមិននឹកស្មានដល់នៅលើដី និងខាតបង់សេដ្ឋកិច្ចនៅក្នុងប្រទេស។នៅក្នុងទីក្រុងរមណីយដ្ឋាន Berdyansk នៅសមុទ្រ Azov ក្រុមអ្នកតវ៉ារាប់សិបនាក់បានស្រែកយ៉ាងខឹងសម្បារ នៅទីលានធំមួយប្រឆាំងអ្នកឈ្លានពានរុស្ស៊ី ដែលបានចូលកាន់កាប់ទីក្រុងកាលពីថ្ងៃអាទិត្យ។ វីដេអូដែលថតបានដោយប្រជាជនក្នុងតំបន់ បានបង្ហាញឲ្យឃើញរថយន្តយោធារុស្ស៊ីនៅក្នុងទីក្រុង ដោយមានមនុស្សជាច្រើនកំពុងឡោមព័ទ្ធរថយន្ត ហើយស្រែកថា ទៅប្រទេសវិញ ត្រឡប់ទៅប្រទេសវិញ។ខ្សែអាត់វីដេអូក៏បានបង្ហាញពីប្រជាជនទីក្រុង Berdyansk កាន់ទង់ជាតិអ៊ុយក្រែន និងច្រៀងចម្រៀងជាតិអ៊ុយក្រែននៅពេលពួកគេប្រឈមមុខទៅនឹងទាហានរុស្ស៊ី។ យោធារុស្ស៊ីបានបដិសេធមិនកំណត់គោលដៅលើតំបន់លំនៅឋាន ទោះបីជាមានភស្តុតាងជាច្រើននៃការបាញ់ផ្លោងមកលើលំនៅឋាន សាលារៀន និងមន្ទីរពេទ្យក៏ដោយ៕អត្ថបទ៖ ប៊ុនថន

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

រុស្ស៊ី៖ ឯកអគ្គរដ្ឋទូតរុស្ស៊ីបានប្រាប់មហាសន្និបាតអង្គការសហប្រជាជាតិថា ទីក្រុងមូស្គូព្យាយាមធ្វើឲ្យអ៊ុយក្រែនក្លាយជាប្រទេសគ្មានកងទ័ព និងលុបបំបាត់ឥរិយាបថណាស៊ីនិយម។បេសកជនប្រចាំអង្គការសហប្រជាជាតិរបស់ទីក្រុងមូស្គូលោក Vasily Nebenzia និយាយទៅកាន់មហាសន្និបាតអំឡុងកិច្ចប្រជុំ ដែលបានអំពាវនាវដើម្បីប្រកាសបដិសេធការឈ្លានពានលើអ៊ុយក្រែនថា ប្រទេសរុស្សីព្យាយាមសង្គ្រោះអាយុជីវិតប្រជាជននៅក្នុងតំបន់ Donbass និងដាក់ទណ្ឌកម្មអ្នកទាំងឡាយដែលទទួលខុសត្រូវ នៃការប្រល័យពូជសាសន៍ និងអំពើឃោរឃៅរយៈពេល ៨ឆ្នាំ។ ការឈ្លានពានលើអ៊ុយក្រែនមិនមែនជាផ្នែកនៃផែនការរបស់យើងនោះទេ។លោក Nebenzia និយាយថា បំណងនៃប្រតិបត្តិការពិសេសនេះគឺត្រូវការពារប្រជាជន ដែលជាគោលដៅក្នុងការធ្វើទុកបុកម្នេញ និងប្រល័យពូជសាសន៍ដោយរបបទីក្រុងគីវសម្រាប់រយៈពេល ៨ឆ្នាំកន្លងទៅនេះ។ នេះគឺជាមូលហេតុដែលវាចាំបាច់ដើម្បីធ្វើឲ្យអ៊ុយក្រែនគ្មានយោធា និងបំបាត់ឥរិយាបថណាស៊ីនិយម។ លោក Putin បានបញ្ជាក់ឡើងវិញពីការទាមទាររបស់លោក ដែលតម្រូវឲ្យអ៊ុយក្រែនធ្វើជាប្រទេសគ្មានកងទ័ព និងជាប្រទេសអព្យាក្រឹត ជាលក្ខខណ្ឌសម្រាប់បទឈប់បាញ់នៅក្នុងប្រទេសនេះ៕អត្ថបទ៖ សុខមាន

ភាពឯការបស់រុស្ស៊ីកើនឡើងកាន់តែខ្លាំង ខណៈលោក Putin ពុំបានបង្ហាញការបញ្ឈប់ការឈ្លានពានអ៊ុយក្រែន

រុស្ស៊ី៖ ទីក្រុងមូស្គូបានប្រឈមភាពឯកាកាន់តែខ្លាំងនៅថ្ងៃអង្គារនេះ ខណៈលោកប្រធានាធិបតី Vladimir Putin ពុំបានបង្ហាញសញ្ញានៃការបញ្ចប់សកម្មភាពឈ្លានពានចូលប្រទេសអ៊ុយក្រែន ជាទីដែលការវាយប្រយុទ្ធគ្នាដ៏ខ្លាំងក្លា និងការទម្លាក់គ្រាប់បែករបស់រុស្ស៊ីបានឆក់យកជីវិតមនុស្សរាប់សិបនាក់ និងបណ្ដាលឲ្យមានវិបត្តិជនភៀសខ្លួន។ការឈ្លានពានរបស់រុស្ស៊ីកាលពីសប្ដាហ៍មុនបានបរាជ័យ ក្នុងការសម្រេចបានតាមគោលដៅឆាប់រហ័សដូចបំណងដែលលោក Putin បានសង្ឃឹមទុក។ ការចរចាស្វែងរកបទឈប់បាញ់ដែលបានធ្វើឡើងកាលពីថ្ងៃចន្ទ នៅក្នុងប្រទេសបេឡារុសបានបរាជ័យក្នុងសម្រេចបានលទ្ធផលជាផ្លែផ្កា ហើយក្រុមអ្នកចរចាពុំបាននិយាយថា តើជុំថ្មីនឹងធ្វើឡើងនៅពេលណាទេ។សហរដ្ឋអាមេរិក និងសម្ព័ន្ធមិត្តបានព្យាយាមដាក់ទណ្ឌកម្មលើសេដ្ឋកិច្ចរបស់រុស្ស៊ី ចំពោះការឈ្លានពានលើអ៊ុយក្រែន ដែលជាការវាយប្រហារដ៏ធ្ងន់ធ្ងរបំផុតលើរដ្ឋនៅអឺរ៉ុបខាងកើតមួយនេះ ចាប់តាំងពីសង្គ្រាមលោកលើកទី២ មក។ ទណ្ឌកម្មទាំងនោះត្រូវបានដាក់លើវិស័យពាណិជ្ជកម្មធំៗ និងក្រុមមន្ត្រីកំពូលៗរបស់រុស្ស៊ីរួមទាំងលោក Putin ផងដែរ៕អត្ថបទ៖ សុខមាន

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

អ៊ុយក្រែន៖ ខណៈជនភៀសខ្លួនរាប់សែននាក់កំពុងចាកចេញពីប្រទេសអ៊ុយក្រែន ក្នុងពេលមានការវាយប្រហាររបស់រុស្ស៊ីមកលើប្រទេសនេះ បុរស និងស្ត្រីអ៊ុយក្រែនមួយចំនួនកំពុងត្រលប់មកប្រទេសវិញពីទូទាំងទ្វីបអឺរ៉ុប ដើម្បីជួយការពារទឹកដីរបស់ពួកគេ។ឆ្មាំព្រំដែនប្រទេសប៉ូឡូញនិយាយថា ប្រជាជនប្រមាណ ២២,០០០នាក់បានឆ្លងចូលទៅក្នុងប្រទេសអ៊ុយក្រែនចាប់តាំងពីថ្ងៃព្រហស្បតិ៍ ក្នុងពេលរុស្ស៊ីឈ្លានពានប្រទេសនេះ។ នៅខាងក្រៅការិយាល័យល្បាតព្រំដែនក្នុងទីក្រុង Przemysl ប្រទេសប៉ូឡូញនៅស្ថានីយ៍រថភ្លើងធំ ប្រជាជនរាប់រយនាក់បានតម្រង់ជួរដើម្បីត្រឡប់ចូលប្រទេសអ៊ុយក្រែនវិញ។ ពួកគេភាគច្រើនជាបុរស។ មនុស្សជាច្រើននៅក្នុងជួរបានដាក់ត្រឹមតែនាមត្រកូលរបស់ពួកគេ ដោយលើកឡើងពីសុវត្ថិភាព។ មុនពេលការនាំគ្នាចាកចេញនាពេលថ្មីៗនេះ ប្រជាជនអ៊ុយក្រែនប្រមាណមួយលាននាក់នៅក្នុងប្រទេសប៉ូឡូញកំពុងធ្វើការ ឬសិក្សា។ប្រធានាធិបតីអ៊ុយក្រែនលោក Volodymyr Zelenskyy ស្ថិតនៅក្នុងរដ្ឋធានីគីវដើម្បីជំរុញទឹកចិត្តយុទ្ធជនអ៊ុយក្រែន ខណៈកងទ័ពរុស្ស៊ីកំពុងចូលក្នុងទីក្រុង ហើយការផ្ទុះគ្រាប់ផ្លោងភ្លឺពេញផ្ទៃអាកាសកាលពីថ្ងៃអាទិត្យ។ លោក Zelenskyy ហាមបុរសដែលមានអាយុពី ១៨ ដល់ ៦០ឆ្នាំមិនឱ្យចាកចេញពីប្រទេស។ អាជ្ញាធរអ៊ុយក្រែនបានអំពាវនាវឲ្យអ្នកស្ម័គ្រចិត្តបរទេសមកប្រយុទ្ធ ក្នុងការការពារប្រទេសអ៊ុយក្រែន។ ទីភ្នាក់ងារជនភៀសខ្លួនអង្គការសហប្រជាជាតិ UNHCR និយាយកាលពីថ្ងៃអាទិត្យថា យ៉ាងហោចណាស់ប្រជាជន ៣៦៨,០០០នាក់បានភៀសខ្លួនចេញពីអ៊ុយក្រែនចូលទៅប្រទេសប៉ូឡូញ និងប្រទេសជិតខាងផ្សេងទៀត បន្ទាប់ពីមានការឈ្លានពានរបស់រុស្ស៊ី៕អត្ថបទ៖ ប៊ុនថន

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

រុស្ស៊ី៖ រូបភាពផ្កាយរណបបង្ហាញពីការដាក់កងកម្លាំងរបស់រុស្ស៊ីចម្ងាយ ៥គីឡូម៉ែត្រកំពុងវាយសម្រុករុលទៅមុខកាលពីថ្ងៃអាទិត្យ ជាការវាយប្រហារទៅកាន់ភាគពាយ័ព្យនៃរដ្ឋធានីគីវ និងការប៉ុនប៉ងឈ្លានពានចូលទៅកាន់ទីក្រុងគីវភាគខាងកើត។នៅក្នុងតំបន់ឆ្នេរភាគខាងត្បូង យោធារបស់ប្រទេសរុស្ស៊ីទំនងជាកំពុងបង្កើនកម្លាំង និងមានសញ្ញានានានៃការផ្លាស់ប្ដូរវិធីសាស្ត្រ ខណៈការវាយប្រហារដោយមីស៊ីលត្រូវបានដាក់ពង្រាយប្រឆាំងគោលដៅ។ វីដេអូបង្ហាញពីហេតុការណ៍នៃការប៉ះទង្គិចគ្នានៅក្នុងតំបន់ Bucha នៃជាយរដ្ឋធានីគីវ ជាទីដែលរុស្ស៊ីបានបរាជ័យធ្ងន់ធ្ងរត្រូវបានផ្សព្វផ្សាយពេញបណ្ដាញសង្គមកាលពីថ្ងៃអាទិត្យ៕អត្ថបទ៖ សុខមាន

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុប៖ ក្រុមអ្នកតវ៉ាបានប្រមូលផ្តុំគ្នានៅក្នុងទីក្រុងជាច្រើនទូទាំងប្រទេសអ៊ីតាលី ដោយអំពាវនាវរកសន្តិភាពនៅអ៊ុយក្រែន។ នៅក្នុងទីក្រុងរ៉ូម បាតុកររាប់ពាន់នាក់ធ្វើបាតុកម្មដោយមានកាន់ទង់ជាតិអ៊ុយក្រែន និងកាន់បដាគាំទ្រអ៊ុយក្រែន និងបដាប្រឆាំងរុស្សី។នៅក្នុងទីក្រុងមីឡាន ក្រុមបារុករបានប្រមូលផ្តុំគ្នាដោយមានក្រវីទង់ជាតិអ៊ុយក្រែន និងស្រែកអំពាវនាវឲ្យបញ្ចប់ការឈ្លានពានរបស់រុស្សី។ បាតុកម្មក្នុងការគាំទ្រប្រទេសអ៊ុយក្រែនបានធ្វើឡើងក្នុងទីក្រុងជាច្រើន នៅទូទាំងពិភពលោក។ នៅប្រទេសបារាំង ខណៈប្រទេសអ៊ុយក្រែនកាលពីថ្ងៃអាទិត្យបានប្រកាសថា គណៈប្រតិភូមកពីប្រទេសនេះបានព្រមព្រៀងជួបជាមួយមន្ត្រីរុស្សីសម្រាប់កិច្ចសន្ទនា ក្រុមអ្នកតវ៉ារាប់រយនាក់បានប្រមូលផ្តុំគ្នាក្នុងទីក្រុងប៉ារីស ដើម្បីទាមទារសន្តិភាព និងបញ្ចប់ការឈ្លានពានរបស់រុស្សី។ ភាគច្រើនបានស្វាគមន៍គំនិតនៃកិច្ចសន្ទនា ដោយសង្ឃឹមថាវានឹងនាំឲ្យមានការបញ្ចប់ការប្រយុទ្ធគ្នា។ ក្នុងចំណោមក្រុមអ្នកតវ៉ាក៏មានប្រជាជនរុស្សីមួយចំនួន រស់នៅក្នុងប្រទេសបារាំង។ នៅក្នុងប្រទេសអាល្លឺម៉ង់ ក្រុមមនុស្សជាច្រើនបានប្រមូលផ្តុំគ្នាក្នុងទីក្រុងប៊ែរឡាំង ខណៈពួកគេចូលរួមក្នុងបាតុកម្មសាមគ្គីភាពដើម្បីបង្ហាញពីការគាំទ្រប្រទេសអ៊ុយក្រែន។ក្រុមអ្នកតវ៉ាបានដើរជាជួរលើដងផ្លូវក្នុងរដ្ឋធានីប្រទេសអាល្លឺម៉ង់ មានកាន់បដា និងក្រវីទង់ជាតិអ៊ុយក្រែន ដែលពួកគេអំពាវនាវឲ្យរុស្សីបញ្ឈប់ការឈ្លានពានលើប្រទេសជិតខាង។ នៅក្នុងប្រទេសអេស្បាញ មនុស្សរាប់ម៉ឺននាក់បានចូលរួមក្នុងការតវ៉ានៅទីក្រុង Madrid ជាការធ្វើបាតុកម្មប្រឆាំងការឈ្លានពានរបស់រុស្សីលើអ៊ុយក្រែន។ ក្រុមអ្នកតវ៉ាបានប្រមូលផ្តុំគ្នានៅរដ្ឋធានីប្រទេសអេស្បាញ ដោយក្រវីទង់ជាតិ និងកាន់បដាលើកយ៉ាងខ្ពស់។ អ្នកតវ៉ាជនជាតិអ៊ុយក្រែន ម្នាក់ដែលចូលរួមក្នុងបាតុកម្មនិយាយថា ប្រជាជនប្រទេសរបស់ខ្ញុំភ័យខ្លាចយ៉ាងខ្លាំង។ ទន្ទឹមនឹងនេះដែរ ក្រុមបាតុកររាប់ពាន់នាក់បានប្រមូលផ្តុំគ្នាក្នុងទីក្រុង Amsterdam ប្រទេសហូឡង់ដោយមានបដា និងទង់ជាតិប្រទេសអ៊ុយក្រែន ដើម្បីថ្កោលទោសការឈ្លានពានរបស់រុស្សីលើអ៊ុយក្រែន។ ការធ្វើបាតុកម្មនៅទីលាន Dam រដ្ឋធានីប្រទេសហូឡង់ ជាផ្នែកមួយនៃបាតុកម្មជាបន្តបន្ទាប់នៅជុំវិញពិភពលោក ប្រឆាំងការវាយប្រហាររបស់ទីក្រុងមូស្គូលើប្រទេសជិតខាងរបស់ខ្លួន៕អត្ថបទ៖ ប៊ុនថន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន

អឺរ៉ុប៖ យោងតាមលោក Josep Borrell ប្រធានគោលនយោបាយការបរទេសរបស់ប្លុកសហភាពអឺរ៉ុបបានឲ្យដឹងថា បណ្ដារដ្ឋមន្ត្រីការបរទេសរបស់សហភាពអឺរ៉ុប បានឯកភាពបញ្ជូនជំនួយយោធាដែលមានទំហំទឹកប្រាក់ ៤៥០លានអឺរ៉ូស្មើនឹង ៥០០លានដុល្លារអាមេរិកទៅកាន់ប្រទេសអ៊ុយក្រែន សម្រាប់ទិញអាវុធសង្គ្រាម។លោក Borrell បាននិយាយនៅសន្និសីទសារព័ត៌មានក្នុងទីក្រុង Brussels កាលពីថ្ងៃអាទិត្យថា ជំនួយនេះនឹងត្រូវផ្ដល់ដោយមជ្ឈមណ្ឌលសន្តិភាពរបស់សហភាពអឺរ៉ុប ហើយនឹងមើលឃើញការផ្គត់ផ្គង់អាវុធរបស់ប្លុកនេះ ទៅកាន់ប្រទេសដែលមានសង្គ្រាមជាលើកដំបូងក្នុងប្រវត្តិសាស្ត្រ។ ចំណែកថវិកាចំនួន ៥០លានអឺរ៉ូផ្សេងទៀតនឹងត្រូវបានផ្ដល់ សម្រាប់គោលបំណងក្រៅពីការទិញអាវុធធ្វើសង្គ្រាម។លោក Borrell បាននិយាយថា កញ្ចប់ជំនួយយោធារបស់សហភាពអឺរ៉ុប អាចរួមទាំងការផ្គត់ផ្គង់យន្តហោះចម្បាំងសម្រាប់កងកម្លាំងអាកាសរបស់អ៊ុយក្រែន។ លោកថា សហភាពអឺរ៉ុបបានពិភាក្សារួចរាល់ហើយជាមួយរដ្ឋមន្ត្រីការបរទេសអ៊ុយក្រែនលោក Dmytro Kuleba អំពីប្រភេទយន្តហោះចម្បាំងដែលយោធាអ៊ុយក្រែនត្រូវការ និងមានរដ្ឋជាសមាជិកដែលអាចផ្គត់ផ្គង់យន្តហោះចម្បាំងទាំងនោះបាន៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមប្រឹក្សាសិទ្ធិមនុស្សUN បញ្ជាឲ្យមានការស៊ើបអង្កេតជាបន្ទាន់លើអំពើហិង្សានៅក្រុងAl-Obeid នៃប្រទេសស៊ូដង់

របាយការណ៍៖ កាណាដានឹងប្រកាសក្រុមហ៊ុនទទួលកិច្ចសន្យាសាងសង់នាវាមុជទឹកនៅថ្ងៃទី៦ ខែកក្កដា

វេណេស៊ុយអេឡា បង្កើតអង្គភាពយោធាថ្មីសម្រាប់ឆ្លើយតបគ្រោះមហន្តរាយ ខណៈចំនួនមនុស្សស្លាប់កើនឡើងជាង ៣ពាន់នាក់

មន្ត្រីក្រុមហាម៉ាសគ្រោងនឹងរំលាយស្ថាប័នគ្រប់គ្រងតំបន់ហ្កាហ្សា

មនុស្សយ៉ាងហោច ៦នាក់ស្លាប់ ក្រោយអគារនៅទីក្រុងម៉ុមបៃបាក់ស្រុត អំឡុងភ្លៀងធ្លាក់ខ្លាំង

នាយករដ្ឋមន្រ្តីឥណ្ឌាចាកចេញទៅកាន់ប្រទេសឥណ្ឌូនេស៊ី ដើម្បីចាប់ផ្តើមដំណើរទស្សនកិច្ចនៅ ៣ប្រទេស

ក្រសួងការបរទេសចិនហៅរបាយការណ៍អំពីការហ្វឹកហ្វឺនទាហានរុស្ស៊ីនៅក្នុងប្រទេសចិនថា ជា«ការបង្កាច់បង្ខូច»

ព្យុះទីហ្វុង Maysak បង្កជាទឹកជំនន់ បំណាក់ដី និងផលរំខាននៅតំបន់ភាគនិរតីប្រទេសចិន

ចិនបាញ់សាកល្បងមីស៊ីលចូលទៅក្នុងមហាសមុទ្រប៉ាស៊ីហ្វិក ដែលធ្វើឱ្យប្រទេសធំៗក្នុងតំបន់បារម្ភ

AFD បន្តជួយសាងសង់អាងប្រព្រឹត្តកម្មទឹកកខ្វក់នៅភាគខាងជើងរាជធានីភ្នំពេញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

UN និយាយពីសង្គ្រាមនៅអ៊ុយក្រែនថា គ្រប់គ្រាន់ ខណៈបារាំងនិយាយថា រុស្ស៊ីត្រូវតែបញ្ចប់សង្គ្រាម

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

ភាពឯការបស់រុស្ស៊ីកើនឡើងកាន់តែខ្លាំង ខណៈលោក Putin ពុំបានបង្ហាញការបញ្ឈប់ការឈ្លានពានអ៊ុយក្រែន

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រជាជន​រុស្ស៊ីចាប់ផ្ដើម​មាន​អារម្មណ៍​ថា ​កំពុង​រង​សម្ពាធ​ពី​ទណ្ឌកម្ម​

លោក​ Zelenskyy ចោទ​ប្រកាន់​រុស្ស៊ី​ពី​ការ​បាញ់​ផ្លោង​បន្ទាប់ពី​ការចរចា​

ប្រជាជន​អ៊ុយ​ក្រែ​ន​ប្រឈមមុខ​នឹង​កងទ័ព​រុស្ស៊ី​នៅ​ទីក្រុង Berdyansk

​រុស្ស៊ី​ប្រាប់​អង្គការ​សហប្រជាជាតិ​ថា ខ្លួន​គ្មាន​ផែនការ​ចូល​កាន់​កាប់​ប្រទេស​អ៊ុយ​ក្រែ​ន​ទេ​

ពលរដ្ឋ​អ៊ុយ​ក្រែ​ន​ត្រឡប់​មក​ប្រទេស​វិញ​ដើម្បី​ប្រយុទ្ធ​នឹង​ការឈ្លានពាន​របស់​រុស្ស៊ី

កងកម្លាំង​រុស្ស៊ី​កំពុង​វាយ​សម្រុក​ទៅកាន់​រដ្ឋធានី​គី​វ ខណៈ​ការឈ្លានពាន​ឈាន​ដល់​ថ្ងៃ​ទី​៤

មាន​បាតុកម្ម​ធ្វើឡើង​ក្នុង​ប្រទេស​អ៊ីតាលី បារាំង អាល្លឺម៉ង់ និង​ហូ​ឡង់ដើម្បី​គាំទ្រ​អ៊ុយ​ក្រែ​ន

អឺរ៉ុប​អនុម័ត​ថវិកា ៤៥០​លាន​អឺរ៉ូសម្រាប់​ការ​ផ្គត់ផ្គង់​អាវុធ​ដល់​អ៊ុយ​ក្រែ​ន​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រជាជនរុស្ស៊ីចាប់ផ្ដើមមានអារម្មណ៍ថា កំពុងរងសម្ពាធពីទណ្ឌកម្ម

លោក Zelenskyy ចោទប្រកាន់រុស្ស៊ីពីការបាញ់ផ្លោងបន្ទាប់ពីការចរចា

ប្រជាជនអ៊ុយក្រែនប្រឈមមុខនឹងកងទ័ពរុស្ស៊ីនៅទីក្រុង Berdyansk

រុស្ស៊ីប្រាប់អង្គការសហប្រជាជាតិថា ខ្លួនគ្មានផែនការចូលកាន់កាប់ប្រទេសអ៊ុយក្រែនទេ

ពលរដ្ឋអ៊ុយក្រែនត្រឡប់មកប្រទេសវិញដើម្បីប្រយុទ្ធនឹងការឈ្លានពានរបស់រុស្ស៊ី

កងកម្លាំងរុស្ស៊ីកំពុងវាយសម្រុកទៅកាន់រដ្ឋធានីគីវ ខណៈការឈ្លានពានឈានដល់ថ្ងៃទី៤

មានបាតុកម្មធ្វើឡើងក្នុងប្រទេសអ៊ីតាលី បារាំង អាល្លឺម៉ង់ និងហូឡង់ដើម្បីគាំទ្រអ៊ុយក្រែន

អឺរ៉ុបអនុម័តថវិកា ៤៥០លានអឺរ៉ូសម្រាប់ការផ្គត់ផ្គង់អាវុធដល់អ៊ុយក្រែន