BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

សិស្សសាលា ៣នាក់ត្រូវបានបាញ់សម្លាប់ និង ៨នាក់រងរបួសនៅវិទ្យាល័យ Oxford ខណៈជនសង្ស័យត្រូវចាប់ខ្លួន

អាមេរិក៖ នគរបាលបាននិយាយថា ក្មេងប្រុសអាយុ ១៥ឆ្នាំម្នាក់បានសម្លាប់សិស្សសាលាវិទ្យាល័យ ៣នាក់ និង ៨នាក់រងរបួស បន្ទាប់ពីបើកការបាញ់ប្រហារដោយកាំភ្លើងខ្លីពាក់កណ្ដាលស្វ័យប្រវត្តិ នៅវិទ្យាល័យមួយក្នុងរដ្ឋ Michigan សហរដ្ឋអាមេរិក ហើយភ្លាមៗនោះរូបគេត្រូវនគរបាលចាប់ខ្លួន។ការិយាល័យស្នងការនគរបាលតំបន់ Oakland បាននិយាយថា ម្នាក់ក្នុងចំណោមអ្នករបួសទាំងនោះគឺជាគ្រូបង្រៀន និងអ្នកផ្សេងពីនោះគឺជាសិស្សនៅវិទ្យាល័យ Oxford ក្នុងរដ្ឋ Michigan ស្ថិតនៅចម្ងាយប្រមាណ ៦៥គីឡូម៉ែត្រភាគខាងជើងទីក្រុង Detroit ដែលជាទីក្រុងធំ និងមានប្រជាជនច្រើនបំផុតរបស់រដ្ឋនេះ។ ក្រុមមន្ត្រីនិយាយថា គេនៅមិនទាន់ដឹងពីមូលហេតុ នៃការប្រព្រឹត្តរបស់ជនវាយប្រហារនេះនៅឡើយទេ។ ស្នងការរងនគរបាលលោក Michael McCabe បានប្រាប់ក្រុមអ្នកសារព័ត៌មាននៅកន្លែងកើតហេតុថា សិស្សដែលត្រូវបានបាញ់សម្លាប់នោះរួមមានក្មេងប្រុសអាយុ ១៦ឆ្នាំ, ក្មេងស្រីអាយុ ១៧ឆ្នាំ និងក្មេងស្រីម្នាក់ទៀតមានអាយុ ១៤ឆ្នាំ។ លោក McCabe បាននិយាយថា សិស្សសាលា ២នាក់ក្នុងចំណោមអ្នករងរបួសត្រូវបានធ្វើការវះកាត់ព្យាបាលរបួស និង ៦នាក់ទៀតមានស្ថានភាពសុខភាពធម្មតា។លោក McCabe បន្ថែមថា ជនសង្ស័យជាសិស្សថ្នាក់វិទ្យាល័យនៅសាលានេះ ត្រូវគេជឿថាបានធ្វើសកម្មភាពតែម្នាក់ឯងទេ ហើយត្រូវបានចាប់ខ្លួនដោយគ្មានការតដៃជាមួយនគរបាលឡើយ បន្ទាប់ពីការបាញ់អស់ប្រមាណ ១៥ ទៅ ២០គ្រាប់។ កាលពីថ្ងៃអង្គារ លោកប្រធានាធិបតី Joe Biden បានសម្ដែងភាពសោកសៅ និងការអាណិតអាសូចំពោះហេតុការណ៍បាញ់ប្រហារនេះ ដោយនិយាយថា លោកសូមចូលរួមរំលែកទុក្ខដ៏ក្រៀមក្រំចំពោះគ្រួសារជនរងគ្រោះ ដែលបានបាត់បង់មនុស្សជាទីស្រឡាញ់របស់ខ្លួន៕អត្ថបទ៖ សុខមាន

អង្គការសុខភាពពិភពលោកជំរុញឲ្យចាត់វិធានការសមស្របប្រឆាំងនឹងវីរុស COVID-19 បម្លែងខ្លួនថ្មី Omicron

WHO៖ ប្រមុខអង្គការសុខភាពពិភពលោក (WHO) បានសម្ដែងការព្រួយបារម្ភកាលពីថ្ងៃអង្គារ ទី៣០ ខែវិច្ឆិកាថា រដ្ឋមួយចំនួនកំពុងដាក់ចេញវិធានការមិនច្បាស់លាស់ក្នុងការទប់ទល់នឹងវីរុស COVID-19 បម្លែងខ្លួនថ្មី Omicron ដែលលោកបាននិយាយថា មិនមានភស្តុតាងគួរឲ្យជឿជាក់ ឬមានប្រសិទ្ធភាពលើខ្លួនឯង ហើយកំពុងដាក់ទណ្ឌកម្មទៅលើបណ្ដាប្រទេសនៅអាហ្វ្រិកភាគខាងត្បូង ដែលរាយការណ៍អំពីការឆ្លងវីរុសនេះយ៉ាងលឿន។លោក Tedros Adhanom Ghebreyesus ក្នុងសុន្ទរកថាទៅកាន់រដ្ឋសមាជិកចំនួន ១៩៤ របស់អង្គការសុខភាពពិភពលោកបានជំរុញឱ្យរដ្ឋាភិបាលទាំងនោះ ចាត់វិធានការកាត់បន្ថយហានិភ័យតាមសមាមាត្រឲ្យបានសមស្រប តាមបទប្បញ្ញត្តិសុខភាពអន្តរជាតិឆ្នាំ២០០៥ របស់ទីភ្នាក់ងារនេះ។ លោក Tedros បាននិយាយថា យើងនៅតែមានសំណួរច្រើនជាងចម្លើយអំពីឥទ្ធិពលរបស់វីរុសបម្លែងខ្លួន Omicron លើការចម្លង ភាពធ្ងន់ធ្ងរនៃជំងឺ និងប្រសិទ្ធភាពនៃការធ្វើតេស្ត ការព្យាបាល និងវ៉ាក់សាំង។ ជាលើកដំបូងដែលត្រូវបានរាយការណ៍ទៅអង្គការសុខភាពពិភពលោក នៅភាគខាងត្បូងនៃទ្វីបអាហ្វ្រិកតិចជាងមួយសប្តាហ៍មុន វីរុសបម្លែងខ្លួនថ្មីនេះបានរីករាលដាលយ៉ាងឆាប់រហ័សពាសពេញទ្វីប ដោយប្រទេសរាប់សិបបានប្រកាសពីការរឹតបន្តឹង និងបម្រាមលើការធ្វើដំណើរ។ទីភ្នាក់ងារសុខភាពរបស់អង្គការសហប្រជាជាតិ បានព្រមានប្រឆាំងនឹងការរឹតបន្តឹងបែបនេះដោយបារម្ភថា ការបិទការធ្វើដំណើរពីបណ្ដាប្រទេស ជាទីដែលបានរកឃើញវីរុសបម្លែងខ្លួនប្រភេទថ្មីដំបូងអាចជារឿងអយុត្តិធម៌ ទុកឲ្យប្រទេសទាំងនោះនៅឯការ និងរារាំងដល់ដំណើរការតាមដានវីរុសនេះ៕អត្ថបទ៖ សុខមាន

អង្គការសុខភាពពិភពលោកបើកកិច្ចប្រជុំពីការលេចចេញវីរុសបម្លែងខ្លួនថ្មី Omicron

WHO៖ នៅក្នុងការបើកសម័យប្រជុំពិសេសនៃសន្និបាតសុខភាពពិភពលោក ប្រធានអង្គការសុខភាពពិភពលោក លោកវេជ្ជបណ្ឌិត Tedros Ghebreyesus បាននិយាយថា ការលេចចេញនូវវីរុសបម្លែងខ្លួនថ្មី Omicron មានការប្រែប្រួលខ្ពស់គឺជាការក្រើនរំលឹកមួយផ្សេងទៀត ទោះបីជាយើងអាចគិតថា យើងបានធ្វើរួចរាល់ជាមួយវីរុស COVID-19 ក៏ដោយ វានៅតែមិនទាន់បានបញ្ចប់នោះទេ។សន្និបាតនេះពិភាក្សាអំពីអត្ថប្រយោជន៍ នៃការបង្កើតអនុសញ្ញាអង្គការសុខភាពពិភពលោកកិច្ចព្រមព្រៀង ឬមធ្យោបាយអន្តរជាតិផ្សេងទៀតលើការត្រៀមលក្ខណៈ និងការឆ្លើយតបទៅនឹងជំងឺឆ្លង ដោយមានទស្សនៈឆ្ពោះទៅរកការបង្កើតដំណើរការអន្តររដ្ឋាភិបាល ដើម្បីព្រាង និងចរចាអនុសញ្ញាកិច្ចព្រមព្រៀង ឬមធ្យោបាយអន្តរជាតិផ្សេងទៀតលើការត្រៀមលក្ខណៈនិងឆ្លើយតប។ ដោយលើកយកមកពិភាក្សាពីរបាយការណ៍របស់ក្រុមការងារស្តីពីការពង្រឹងការត្រៀមខ្លួន និងការឆ្លើយតបរបស់អង្គការសុខភាពពិភពលោកចំពោះគ្រាអាសន្នផ្នែកសុខភាព លោកវេជ្ជបណ្ឌិត Tedros បាននិយាយថា យើងកំពុងជួបប្រជុំ ខណៈរលកថ្មីនៃករណីឆ្លងវីរុស និងករណីស្លាប់បានធ្លាក់ចូលទៅក្នុងទ្វីបអឺរ៉ុប។ លោកបាននិយាយថា មាននិន្នាការធ្លាក់ចុះ ឬស្ថិរភាពនៅក្នុងតំបន់ផ្សេងទៀត ប៉ុន្តែប្រសិនបើនៅតែមានករណីឆ្លងនៅតំបន់ផ្សេងនោះគ្មានតំបន់ គ្មានប្រទេស គ្មានសហគមន៍ និងគ្មានបុគ្គលណាមួយមានសុវត្ថិភាពនោះទេ ទាល់តែយើងទាំងអស់គ្នាមានសុវត្ថិភាព។អគ្គនាយកអង្គការសុខភាពពិភពលោកនិយាយថា យើងមិនទាន់ដឹងថា តើវីរុសបម្លែងខ្លួនថ្មី Omicron ត្រូវបានផ្សារភ្ជាប់ជាមួយនឹងករណីឆ្លងកាន់តែច្រើន ជំងឺកាន់តែធ្ងន់ធ្ងរ ហានិភ័យនៃការឆ្លងឡើងវិញ ឬហានិភ័យនៃការបង្ការពីវ៉ាក់សាំងនៅឡើយ។ អ្នកវិទ្យាសាស្ត្រនៅអង្គការ WHO និងជុំវិញពិភពលោកកំពុងធ្វើការបន្ទាន់ដើម្បីឆ្លើយសំណួរទាំងនេះ។ ប៉ុន្តែការលេចចេញជារូបរាងរបស់វីរុសបម្លែងខ្លួនថ្មី Omicron គឺជាការក្រើនរំលឹកមួយផ្សេងទៀត ទោះបីជាយើងប្រហែលជាគិតថា យើងបានរួចផុតពីវីរុស COVID-19 ក៏ដោយ៕អត្ថបទ៖ ប៊ុនថន

ក្រុមហ៊ុនផលិតវ៉ាក់សាំង Pfizer៖ វ៉ាក់សាំងបង្ការវីរុសបម្លែងខ្លួនថ្មី Omicron នឹងរួចរាល់ក្នុងពេល ១០០ថ្ងៃ

អាមេរិក៖ ប្រធានក្រុមហ៊ុនផលិតឱសថយក្សរបស់សហរដ្ឋអាមេរិក Pfizer និយាយថា ក្រុមហ៊ុនអាចមានវ៉ាក់សាំងថ្មីសម្រាប់បង្ការវីរុសកូរ៉ូណាបម្លែងខ្លួនថ្មី Omicron ក្នុងរយៈពេលតិចជាង ១០០ថ្ងៃ។លោក Albert Bourla នាយកប្រតិបត្តិរបស់ក្រុមហ៊ុន Pfizer បានបញ្ជាក់នៅក្នុងបទសម្ភាសន៍ ជាមួយបណ្ដាញទូរទស្សន៍អាមេរិកកាលពីថ្ងៃចន្ទថា ប្រសិនបើវ៉ាក់សាំងបង្ការវីរុសបច្ចុប្បន្នការពារបានតិចជាងនោះ Pfizer ត្រូវការបង្កើតវ៉ាក់សាំងថ្មីមួយទៀត។ លោកបានគូសបញ្ជាក់ថា ក្រុមហ៊ុនបានចាប់ផ្ដើមការងារសម្រាប់ការផលិតវ៉ាក់សាំងនេះរួចហើយ។ នាយកប្រតិបត្តិក៏បាននិយាយផងដែរថា ក្រុមហ៊ុន Pfizer បានផលិតវ៉ាក់សាំងរួចហើយសម្រាប់ទប់ទល់នឹងវីរុសបម្លែងខ្លួនថ្មីប្រភេទ Beta និង Delta ប៉ុន្តែវ៉ាក់សាំងទាំងនោះមិនត្រូវបានគេប្រើប្រាស់ទេ ព្រោះវ៉ាក់សាំងដើមនៅតែមានប្រសិទ្ធភាពនៅឡើយ។លោកបានបន្តថា វ៉ាក់សាំងប្រឆាំងនឹងវីរុសបម្លែងខ្លួនថ្មី Omicron នឹងត្រូវបានប្រើលុះត្រាតែក្រុមហ៊ុនមើលឃើញថា វ៉ាក់សាំងបច្ចុប្បន្នលែងមានប្រសិទ្ធភាព។ លោក Bourla ក៏បាននិយាយអំពីថ្នាំគ្រាប់សម្រាប់លេបផងដែរដែល Pfizer កំពុងផលិតដើម្បីព្យាបាលវីរុស COVID-19។ លោកបាននិយាយថា លោកមានការជឿជាក់ខ្ពស់ថា វានឹងមានប្រសិទ្ធភាពក្នុងការព្យាបាលវីរុសបម្លែងខ្លួនថ្មី Omicron។ អគ្គនាយកក្រុមហ៊ុន Pfizer ជឿជាក់ថា ការព្យាបាលវីរុស Covid-19 ដោយថ្នាំគ្រាប់នឹងមានប្រសិទ្ធភាពប្រឆាំងវីរុសបម្លែងខ្លួនថ្មី Omicron នេះ៕អត្ថបទ៖ សុខមាន

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

WHO៖ ប្រមុខអង្គការសុខភាពពិភពលោក (WHO) បាននិយាយថា ការគំរាមកំហែងដែលបង្កឡើងដោយវីរុសបម្លែងខ្លួនថ្មី Omicron បានប្រែប្រួលយ៉ាងឆាប់រហ័សបង្ហាញពីស្ថានភាពគ្រោះថ្នាក់ និងមិនច្បាស់លាស់ដែលពិភពលោកកំពុងស្ថិតនៅក្នុងដំណាក់នេះ ខណៈលោកបានព្រមានថា ជំងឺរាតត្បាតសកលនេះនឹងមិនបញ្ចប់ទេ រហូតដល់គ្រប់ប្រទេសទាំងអស់ទទួលបានវ៉ាក់សាំង។នៅក្នុងការអត្ថាធិប្បាយសំខាន់ៗដំបូងរបស់លោក ចាប់តាំងពីវីរុសបម្លែងខ្លួនថ្មីនេះបានផ្ទុះឡើងកាលពីសប្ដាហ៍មុន លោកវេជ្ជបណ្ឌិត Tedros Adhanom Ghebreyesus បាននិយាយថា វាបង្ហាញពីការលំបាកក្នុងការកម្ចាត់វីរុសនេះឲ្យរលាយបាត់ភ្លាមៗ។ ថ្លែងក្នុងសម័យប្រជុំពិសេសនៃមហាសន្និបាតសុខភាពពិភពលោក លោកបាននិយាយថា ការផ្ទុះឡើងនៃវីរុសបម្លែងខ្លួនថ្មី Omicron បានក្លាយជាការរម្លឹកថា វីរុស Covid-19 មិនត្រូវបានបញ្ចប់ទៅដោយមានត្រឹមតែយើងនោះទេ។ កាលពីព្រឹកថ្ងៃចន្ទ WHO បាននិយាយថា វីរុសបម្លែងខ្លួនថ្មី Omicron ទំនងជារីករាលដាលជាអន្តរជាតិដែលបង្កហានិភ័យជាសកលខ្ពស់ នៃការកើនឡើងករណីឆ្លងដែលអាចមានផលវិបាកធ្ងន់ធ្ងរនៅក្នុងតំបន់មួយចំនួន។ ទីភ្នាក់ងារអង្គការសហប្រជាជាតិបានជំរុញឱ្យរដ្ឋសមាជិកចំនួន ១៩៤ របស់ខ្លួនពន្លឿនការចាក់វ៉ាក់សាំងបង្ការដល់ក្រុមដែលមានអាទិភាពខ្ពស់ ហើយនៅក្នុងការរំពឹងទុកនៃការកើនឡើងចំនួនករណីឆ្លង ដើម្បីធានាឱ្យមានផែនការកាត់បន្ថយការឆ្លង ដើម្បីរក្សាឲ្យបាននូវការផ្ដល់សេវាសុខភាពសំខាន់ៗ។ករណីឆ្លងត្រូវបានគេរាយការណ៍រួចហើយក្នុងប្រទេសមួយចំនួនរួមមានកាណាដា អង់គ្លេស ព័រទុយហ្គាល់ បែលហ្សិក អាល្លឺម៉ង់ អូស្ត្រាលី ហូឡង់ និងប្រទេសជាច្រើនទៀតរួមទាំងក្នុងទ្វីបអាហ្វ្រិក។ វីរុសបម្លែងខ្លួនថ្មីនេះបានជំរុញឱ្យចក្រភពអង់គ្លេស សហភាពអឺរ៉ុប និងសហរដ្ឋអាមេរិក ចេញបម្រាមធ្វើដំណើរលើបណ្តាប្រទេសនៅអាហ្វ្រិកភាគខាងត្បូង ជាការសម្រេចចិត្តមួយដែលត្រូវបានរិះគន់ដោយប្រធានាធិបតីអាហ្វ្រិកខាងត្បូងលោក Cyril Ramaphosa ដែលលោកយល់ថា ទង្វើនេះមិនខុសអីពីការដាក់ទណ្ឌកម្មនោះទេ៕អត្ថបទ៖ សុខមាន

ពិភពលោកប្រញាប់ប្រញាល់ហាមប្រាមការហោះហើរចេញពីអាហ្វ្រិកខាងត្បូង ខណៈវីរុសបម្លែងខ្លួនថ្មីឆ្លងខ្លាំង

ពិភពលោក៖ គោលដៅទេសចរណ៍សំខាន់ៗរួមមានសហភាពអឺរ៉ុប ជប៉ុន អូស្ត្រាលី សហរដ្ឋអាមេរិក និងកាណាដាបានប្រញាប់ប្រញាល់បិទជើងហោះហើរពីបណ្ដាប្រទេសនៅអាហ្វ្រិក បន្ទាប់ពីការរកឃើញវីរុសបម្លែងខ្លួន Omicron ដោយអនុវត្តន៍វិធានការឆ្លើយតបគ្រាអាសន្នកាលពីកន្លងទៅ ដែលបង្កឱ្យមានការបង្កកជាសកលសម្រាប់ការធ្វើដំណើរ។ល្បឿនដែលការរឹតបន្តឹងថ្មីត្រូវបានអនុវត្តន៍ ត្រឹមតែប៉ុន្មានម៉ោងប៉ុណ្ណោះបន្ទាប់ពីក្រុមអាជ្ញាធរសុខាភិបាលអាហ្វ្រិកខាងត្បូង បានប្រកាសពីការរកឃើញវីរុសបម្លែងខ្លួនថ្មីនេះ មានន័យថាអ្នកដំណើរបានឃើញខ្លួនឯងជាប់គាំងដោយគ្មានការព្រមាន។ ខណៈដែលក្រុមអ្នកវិទ្យាសាស្ត្រនៅអាហ្វ្រិកខាងត្បូង គឺជាមនុស្សដំបូងគេដែលកំណត់អត្តសញ្ញាណប្រភេទថ្មីនេះ គេមិនច្បាស់តើថាវីរុសនោះផ្ទុះឡើងនៅទីនោះ ឬត្រូវបាននាំចូលមកពីប្រទេសផ្សេងនោះទេ។ ទោះបីជាមានការហាមឃាត់ក៏ដោយ វីរុសបម្លែងខ្លួនថ្មីនេះត្រូវបានរកឃើញរួចទៅហើយនៅក្នុងប្រទេសជាច្រើន។ ករណីឆ្លងភាគច្រើនដែលបានរកឃើញ គឺនៅលើអ្នកដំណើរដែលត្រឡប់មកពីតំបន់នោះ។ អ្នកដំណើរយ៉ាងហោចណាស់ ១៣នាក់មកពីអាហ្វ្រិកខាងត្បូងបានធ្វើតេស្តវិជ្ជមានវីរុសបម្លែងខ្លួនថ្មីនេះ បន្ទាប់ពីចុះចតនៅអាកាសយានដ្ឋាន Schiphol ក្នុងទីក្រុង Amsterdam ប្រទេសហូឡង់កាលពីថ្ងៃសុក្រ។ ការរកឃើញបានកើតឡើង បន្ទាប់ពីប្រទេសហូឡង់បានអនុវត្តន៍ការរឹតត្បិតលើការធ្វើដំណើរថ្មី ស្របពេលមានការព្រួយបារម្ភអំពីការប្រែប្រួលដ៏ខ្លាំងក្លានៃវីរុសកូរ៉ូណាថ្មីនេះ។ករណីឆ្លងចំនួនពីរដែលបានរកឃើញនៅក្នុងចក្រភពអង់គ្លេស ត្រូវបានទាក់ទងទៅនឹងការធ្វើដំណើរទៅកាន់អាហ្វ្រិកភាគខាងត្បូង។ ការឆ្លង ១ករណីនៃវីរុសបម្លែងខ្លួនថ្មី Omicron ត្រូវបានរកឃើញនៅលើអ្នកដំណើរដែលបានមកពីទីក្រុងណៃរ៉ូប៊ី ទៅកាន់សាធារណរដ្ឋឆេក។ ក្រសួងសុខាភិបាលនៃរដ្ឋ New South Wales បាននិយាយកាលពីថ្ងៃអាទិត្យថា ករណីឆ្លងវីរុសបម្លែងខ្លួនថ្មី Omicron ចំនួន ២ ត្រូវបានរកឃើញនៅក្នុងប្រទេសអូស្ត្រាលី លើអ្នកដំណើរមកពីតំបន់អាហ្វ្រិកភាគខាងត្បូងដែលបានមកដល់ទីក្រុងស៊ីដនី។ ខណៈដែលប្រទេសអាល្លឺម៉ង់បញ្ជាក់ពីករណីឆ្លងវីរុសនេះចំនួន ២នាក់ ហើយអ៊ីតាលីបញ្ជាក់ថាមានករណីឆ្លងវីរុស Omicron នេះមួយករណីក្នុងការធ្វើដំណើរចូលមកពីប្រទេសម៉ូហ្សំប៊ិក៕អត្ថបទ៖ សុខមាន

WHO បញ្ជាក់ថា ខ្លួនមិនទាន់ដឹងច្បាស់ថា តើវីរុសបម្លែងខ្លួន Omicron បង្កជាជំងឺធ្ងន់ធ្ងរកម្រិតណានោះទេ

WHO៖ អង្គការសុខភាពពិភពលោក (WHO) បាននិយាយកាលពីថ្ងៃអាទិត្យ ទី២៨ ខែវិច្ឆិកាថា ខ្លួនមិនទាន់ច្បាស់ថា តើវីរុស COVID-19 បម្លែងខ្លួនថ្មីអូមីក្រុង (Omicron) មានសមត្ថភាពឆ្លងខ្លាំងជាងប៉ុណ្ណា បើប្រៀបធៀបទៅនឹងវីរុសបម្លែងខ្លួនថ្មី SARS-CoV-2 ផ្សេងទៀត ឬថាតើវីរុសនោះបណ្តាលឱ្យមានជំងឺធ្ងន់ធ្ងរកម្រិតណានោះទេ។អង្គការនេះបាននិយាយថា ទិន្នន័យបឋមបង្ហាញថា មានការកើនឡើងអត្រានៃអ្នកជំងឺចូលសម្រាកព្យាបាលនៅមន្ទីរពេទ្យ នៅអាហ្វ្រិកខាងត្បូង ប៉ុន្តែនេះអាចបណ្ដាលមកពីការកើនឡើងនៃចំនួនមនុស្សឆ្លង ជាជាងលទ្ធផលនៃការឆ្លងជាក់លាក់នៃវីរុសបម្លែងខ្លួនថ្មី Omicron។ អង្គការសុខភាពពិភពលោកបានចុះបញ្ជីវីរុសបម្លែងខ្លួនថ្មី Omicron ថាជាវីរុសគួរឲ្យបារម្ភ និងបាននិយាយថា ខ្លួនអាចប្រើពេលច្រើនសប្ដាហ៍ទំរាំដឹងថា វាមានការប្រែប្រួលសំខាន់ៗអ្វីខ្លះក្នុងការចម្លង ភាពធ្ងន់ធ្ងរ ឬផលប៉ះពាល់ដល់វ៉ាក់សាំងបង្ការវីរុស COVID-19 ការធ្វើតេស្ត និងការព្យាបាល។ ទោះជាយ៉ាងណាក៏ដោយនៅក្នុងសេចក្ដីថ្លែងការណ៍មួយ ទីភ្នាក់ងារនេះបានរំលឹកឡើងវិញថា ភស្តុតាងបឋមបង្ហាញថា អាចមានហានិភ័យខ្ពស់នៃការឆ្លងឡើងវិញពីវីរុសបម្លែងខ្លួនថ្មីនេះ។WHO បាននិយាយថា ខ្លួនកំពុងធ្វើការជាមួយក្រុមអ្នកជំនាញបច្ចេកទេស ដើម្បីស្វែងយល់ពីផលប៉ះពាល់ធ្ងន់ធ្ងរលើវិធានការទប់ស្កាត់ ដែលមានស្រាប់ប្រឆាំងនឹងជំងឺ COVID-19 រួមទាំងវ៉ាក់សាំងផងដែរ។ អង្គការសុខភាពពិភពលោកបាននិយាយថា បច្ចុប្បន្នមិនមានព័ត៌មានណាមួយនៅឡើយទេ ដែលបង្ហាញថារោគសញ្ញាដែលទាក់ទងនឹងវីរុសបម្លែងខ្លួនថ្មី Omicron មានភាពខុសប្លែកគ្នាពីវីរុសបម្លែងខ្លួនថ្មីផ្សេងទៀត។ គិតត្រឹមថ្ងៃចន្ទដើមសប្ដាហ៍នេះវីរុសបម្លែងខ្លួនថ្មី Omicron ត្រូវបានរកឃើញ និងឆ្លងរាលដាលដល់ប្រទេស និងដែនដីចំនួន ៩ ហើយ អូស្ត្រាលី អ៊ីតាលី អាល្លឺម៉ង់ ហូឡង់ អង់គ្លេស អ៊ីស្រាអែល ហុងកុង បូស្វាណា និងបែលហ្ស៊ិក៕អត្ថបទ៖ សុខមាន

លោកជំទាវ ហ៊ុន ម៉ាណា អញ្ជើញប្រគល់ផ្ទះទេវតាចំនួន ០១ខ្នងជូនទុរគតជន ជនចាស់ជរាគ្មានទីពឹង និងប្រគេនទេយ្យវត្ថុដល់វត្តចំនួន៥ និងផ្ដល់អំណោយដល់មណ្ឌលកុមារកំព្រាក្នុងខេត្តកំពង់ចាម

កំពង់ចាម ៖ លោកជំទាវ ហ៊ុន ម៉ាណា អគ្គនាយិកា វិទ្យុ និងទូរទស្សន៍បាយ័ន និងជាប្រធានកម្មវិធីផ្ទះទេវតា បានដឹកនាំក្រុមការងារ អញ្ជើញចុះប្រគល់ផ្ទះទេវតាចំនួន០១ខ្នងជាបន្តទៀត ជូនដល់ទុរគតជន ជនចាស់ជរាគ្មានទីពឹង នៅខេត្តកំពង់ចាម នាព្រឹកថ្ងៃទី២៧ ខែវិច្ឆិកា ឆ្នាំ២០២១ នេះ។ លោកជំទាវ ហ៊ុន ម៉ាណា បាននាំយកនូវប្រសាសន៍ផ្តាំផ្ញើសាកសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល សម្តេចទាំងពីរតែងគិតគូរអំពីសុខទុក្ខដល់ពុកម៉ែ បងប្អូនគ្រប់ទីកន្លែង និងគ្រប់ពេលវេលា។ផ្ផ្ទះទំហំ៦×៧ម៉ែត្រ សង់ជូនលោកតា ម៉ុម លឹមអាយុ ៨៧ឆ្នាំ និងលោកយាយ ព្រំ សាន់ អាយុ ៧៦ឆ្នាំ រស់នៅភូមិត្រពាំងទូក ឃុំជ្រៃវៀន ស្រុកព្រៃឈរ ខេត្តកំពង់ចាម។ ផ្ទះនេះជាអំណោយកេរ្តិ៍មរកតរបស់ អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី។ បន្ថែមលើអំណោយផ្ទះខាងលើ លោកតា និងលោកយាយក៏បានទទួលអំណោយពីសម្តេចតេជោ និងសម្តេចកិត្តិព្រឹទ្ធបណ្ឌិត បន្ថែមទៀតរួមមាន សម្ភារៈប្រើប្រាស់ក្នុងផ្ទះ គ្រឿងឧបភោគ-បរិភោគ ជាច្រើនមុខ និងថវិកាមួយចំនួនទៀតផងដែរ។ ជាមួយគ្នានេះ លោកជំទាវ ហ៊ុន ម៉ាណា និងក្រុមការងារ ក៏បានចែកអំណោយ ជូនដល់លោកយាយ លោកតា និងក្មួយៗសិស្សានុសិស្សដែលបានចូលរួមពិធីប្រគល់ផ្ទះទេវតានេះដែរ អំណោយរួមមាន៖ សម្ភារសិក្សា, នំកញ្ចប់, សំលៀកបំពាក់, ជែលលាងដៃ, សាប៊ូលាងដៃ និងថវិកាមួយចំនួន។ចប់ពិធីប្រគល់ផ្ទះទេវតា លោកជំទាវក៏បានអញ្ជើញប្រគេនទេយ្យវត្ថុ ដែលមានស្បៀងអាហារ គ្រឿងឧបភោគ-បរិភោគ និងសម្ភារៈប្រើប្រាស់ជាច្រើនមុខរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនដល់ដល់វត្តចំនួន៥ផងដែរ។ លោកជំទាវ បានមានប្រសាសន៍ថា ជានិច្ចកាលសម្តេចទាំងទ្វេតែងតែគិតគូរអំពីទុក្ខលំបាករបស់ព្រះសង្ឃគ្រប់ព្រះអង្គតាមទីអារាមនានាក្នុងប្រទេសកម្ពុជា ហើយការនាំយកទេយ្យវត្ថុមកប្រគេនជូននៅពេលនេះ អាចជួយសម្រាលនូវការលំបាករបស់ព្រះសង្ឃគ្រប់អង្គបានមួយរយៈផងដែរ ជាពិសេសនៅក្នុងវិបត្តិកូវីដ១៩នេះ ។ទេយ្យវត្ថុក្នុងមួយវត្តទទួលបាន៖០១-អង្ករ១តោន០២-ត្រីខ ចំនួន១កេស មាន១០យួរ០៣-មីចំនួន៥កេសធំ០៤- ត្រីងៀតចំនួន ១០ គីឡូ០៥- សាច់ក្រកចំនួន១០ គីឡូ០៦- សាច់ក្រកចំនួន១០ គីឡូ០៧- ទឹកដោះគោខាប់ ចំនួន២កេស០៨- កាហ្វេ ចំនួន ៥កញ្ចប់ធំ០៩- តែ ចំនួន ២គីឡូក្រាម១០- ស្ករសចំនួន១បេ១១- អំបិលចំនួន១បេ១២- ប៊ីចេងចំនួន១បេ១៣- ទឹកត្រីចំនួន៥យួ១៤- ទឹកស៊ីអ៊ីវចំនួន៥យួរ១៥- សាប៊ូដុំ ចំនួន ៣០ ដុំតូច១៦- ច្រាស និងថ្នាំដុសធ្មេញ ចំនួន១០០ឈុត១៧- វីតាមីនសេ ចំនួន ១០ ប្រអប់១៨- ប្រេងកូឡា ចំនួន ៥ ដុំ១៩- ប្រេងខ្យល់ ចំនួន៥ដុំ២០- ម៉ាស ចំនួន២០ប្រអប់ មាន១០០០ម៉ាស២១- អាល់កុលសម្លាប់មេរោគ ចំនួន៤កាន២២- ដបសំរាប់ដាក់អាល់កុល ចំនួន១០ ដប២៣- ស្លាដក់ចំនួន៤៩២៤- ថវិកា ចំនួន២លានរៀល។បន្ទាប់មកទៀតនៅថ្ងៃដដែលនេះផងដែរ ជំទាវក៏បានអញ្ជើញសួរសុខទុក្ខ និងផ្ដល់អំណោយរបស់លោកជំទាវផ្ទាល់ នឹងឯកឧត្តម ឌី វិជ្ជា ជូនចំពោះមណ្ឌលកុមារកំព្រា ស្ថិតនៅភូមិនាងគង្ហីង សង្កាត់សំបួរមាស ក្រុងកំពង់ចាម ខេត្តកំពង់ចាម។លោកជំទាវបានរៀបចំអាហាថ្ងៃត្រង់មួយពេលសម្រាប់កុមារកំព្រាទាំងអស់ ព្រមទាំងចែកនូវកាតាបម្នាក់១ និងមានសម្ភារសិក្សាមួយចំនួនផងដែរ។ ក្នុងមណ្ឌលនេះមានកុមារកំព្រាចំនួន៦០ នាក់ បុគ្គលិកចំនួន១២ នាក់ ហើយ អំណោយដែលផ្ដល់ជូនមណ្ឌលកុមារកំព្រានេះរួមមាន៖១-អង្ករ៦បេ២-ត្រីខ២០យួរ៣-ទឹកដោះគោខាប់២កេស៤-ត្រីងៀត៣គីឡូ៥-សាច់ក្រក៣គីឡូ៦-សាច់ជ្រូកផាត់៣គីឡូ៥-ប៊ីចេង៥គីឡូ៦-ទឹកត្រី៨យួរ៧-ទឹកស៊ីអ៊ីវ ៨យួរ៨-ម៉ាស២០ប្រអប់ មាន1000ម៉ាស៩-ថ្នាំវីតាមីនសេ៧២ប្រអប់១០-ថ្នាំពេទ្យ៧២ប្រអប់១១-សាប៊ូ៧២ដុំ១២-មី៨កេសធំ១៣-ច្រាស និងថ្នាំដុសធ្មេញ៧២ឈុត១៤-កាបូបសិក្សា៦០កាបូប១៥-ថវិកា២លានរៀល៕

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី

អាហ្វ្រិកខាងត្បូង៖ រដ្ឋមន្ត្រីក្រសួងសុខាភិបាលលោក Joe Phaahla បានប្រកាសកាលពីថ្ងៃព្រហស្បតិ៍ថា វីរុសបម្លែងខ្លួនថ្មី COVID-19 ត្រូវបានរកឃើញនៅក្នុងប្រទេសអាហ្វ្រិកខាងត្បូង ដែលអ្នកវិទ្យាសាស្ត្រនិយាយថា ជាការព្រួយបារម្ភដោយសារតែចំនួននៃការប្រែប្រួលខ្ពស់របស់វា និងការរាលដាលឆាប់រហ័សក្នុងចំណោមមនុស្សវ័យក្មេងនៅក្នុងខេត្ត Gauteng ជាខេត្តដែលមានប្រជាជនច្រើនបំផុតរបស់ប្រទេស។លោក Phaahla បាននិយាយនៅក្នុងសន្និសីទសារព័ត៌មានតាមអ៊ិនធឺណិតថា ប្រទេសអាហ្វ្រិកខាងត្បូងបានឃើញការកើនឡើងយ៉ាងខ្លាំងនៃករណីឆ្លងថ្មីៗ។ រដ្ឋមន្ត្រីសុខាភិបាលបានពន្យល់ថា ខណៈដែលដំបូងពួកគេជឿថា ចំនួនករណីឆ្លងកើនឡើងអាចបណ្ដាលមកពីការប្រមូលផ្តុំគ្នានៅសាកលវិទ្យាល័យ ក្រោយមកអ្នកវិទ្យាសាស្ត្របានជូនដំណឹងទៅអាជ្ញាធរថា ពួកគេកំពុងសង្កេតមើលអ្វីដែលមើលទៅដូចជាវីរុសបម្លែងខ្លួនថ្មី។ លោកបាននិយាយថា វីរុសបម្លែងខ្លួនថ្មីដែលបច្ចុប្បន្នត្រូវបានកំណត់ថាជាវីរុស B.1.1.529 ក៏ត្រូវបានរកឃើញផងដែរនៅក្នុងប្រទេស Botswana, ប្រទេសអាហ្វ្រិកភាគខាងត្បូង និងទីក្រុងហុងកុង នៅលើអ្នកធ្វើដំណើរមកពីប្រទេសអាហ្វ្រិកខាងត្បូង។ ការិយាល័យប្រចាំតំបន់របស់អង្គការសុខភាពពិភពលោក បាននិយាយកាលពីថ្ងៃព្រហស្បតិ៍ថា ប្រទេសអាហ្វ្រិកកំពុងមើលឃើញការកើនឡើងនៃការដឹកជញ្ជូនវ៉ាក់សាំងទៅកាន់ទ្វីបនេះ ប៉ុន្តែមានតែបុគ្គលិកសុខាភិបាលម្នាក់ក្នុងចំណោមបួននាក់ប៉ុណ្ណោះ ដែលបានចាក់វ៉ាក់សាំងពេញលេញបង្ការវីរុស COVID-19។ហេតុផលសាមញ្ញបំផុតសម្រាប់អត្រាការចាក់វ៉ាក់សាំងទាប ក្នុងចំណោមបុគ្គលិកសុខាភិបាលនៅលើទ្វីបដែលមានប្រជាជនប្រមាណ ១.២ពាន់លាននាក់ មានការស្ទាក់ស្ទើរក្នុងការចាក់វ៉ាក់សាំងបង្ការ និងការមិនអាចរកបានសេវាផ្តល់វ៉ាក់សាំង ជាពិសេសនៅតំបន់ជនបទ។ វាជាភាពផ្ទុយគ្នាផ្ទាល់ជាមួយនឹងស្ថានភាពក្នុងប្រទេសអភិវឌ្ឍន៍។ ការសិក្សាថ្មីរបស់អង្គការសុខភាពពិភពលោកបានរកឃើញថា ជាង ៨០% នៃបុគ្គលិកសុខាភិបាល និងក្រុមថែទាំនៅក្នុងប្រទេសរកប្រាក់ចំណូលបានខ្ពស់បំផុតចំនួន ២២ប្រទេសភាគច្រើនបានចាក់វ៉ាក់សាំងពេញលេញ៕អត្ថបទ៖ ប៊ុនថន

ប្រមុខរាជរដ្ឋាភិបាលកម្ពុជាបញ្ជាក់ថា តំបន់អាស៊ី និងអឺរ៉ុប រឹតតែត្រូវការភាពជាដៃនឹងគ្នាបន្ថែមទៀត ក្រោយវិបត្តិកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានថ្លែងថា តំបន់អាស៊ី និងអឺរ៉ុប រឹតតែត្រូវការការពង្រឹងបន្ថែមនូវភាពជាដៃគូជាមួយគ្នា ដើម្បីរក្សាកំណើនជាសកល នៅក្រោយវិបត្តិកូវីដ-១៩។សម្ដេចតេជោ ហ៊ុន សែន បានថ្លែងបែបនេះនៅក្នុងសុន្ទរកថារបស់សម្ដេចដែលថ្លែងបើកវេទិកាកិច្ចប្រជុំមេដឹកនាំអាស៊ី-អឺរ៉ុប ដែលកម្ពុជាធ្វើជាម្ចាស់ផ្ទះនៃវេទិកានេះ និងត្រូវបានរៀបចំធ្វើឡើងពីចម្ងាយតាមប្រព័ន្ធវីដេអូអនឡាញ។សម្ដេចតេជោ ហ៊ុន សែន ថ្លែងថា៖ «ជាការពិត នៅលើពិភពលោកក្រោយវិបត្តិជំងឺកូវីដ-១៩ យើងពិតជាមានសេចក្ដីត្រូវការក្នុងការពង្រឹងបន្ថែមទៀតនូវភាពជាដៃគូអាស៊ី-អឺរ៉ុប ក្នុងគោលដៅរក្សាបាននូវពហុភាគីនិយមដ៏រឹងមាំមួយ ដែលនឹងនាំមកនូវកំណើនជាសកល មិនត្រឹមតែមានចីរភាពប៉ុណ្ណោះទេ ប៉ុន្តែ ថែមទាំងមានការចែករំលែកផងដែរ»។ប្រមុខរាជរដ្ឋាភិបាលកម្ពុជា បានបញ្ជាក់បន្ថែមថា តំបន់អាស៊ី និងអឺរ៉ុប រឹតតែត្រូវគោរពតាមគោលការណ៍ស្នូលរបស់ខ្លួនថែមទៀត ដោយថា តំបន់ទាំងពីរនេះកំពុងជួបប្រទះបញ្ហាប្រឈមជាច្រើនដែលទាមទារឱ្យមានកិច្ចខិតខំប្រឹងប្រែង និងការឆ្លើយតបរួមគ្នា។សម្ដេចតេជោ ហ៊ុន សែន បញ្ជាក់ឡើងវិញថា វេទិកាមេដឹកនាំអាស៊ី-អឺរ៉ុបនេះ បានលើកកម្ពស់ភាពជាដៃគូរវាងប្រទេសនានានៅទ្វីបទាំងពីរ ដោយឈរលើគោលការណ៍ស្នួលរបស់ខ្លួន រួមមាន ភាពមិនផ្លូវការ ភាពបត់បែនបាន ការគោរពគ្នាទៅវិញទៅមក ក្នុងស្មារតីកុងសុងស៊ីស និងភាពជាដៃគូស្មើភាព៕អត្ថបទ ៖ សុធី

បណ្ដាញសង្គម

ព័ត៌មានថ្មីៗ

លោក Zelenskyy ប្រកាសពង្រីកការវាយប្រហារដោយយានដ្រូន លើរុស្ស៊ី

រុស្ស៊ី៖ ការវាយប្រហាររបស់អ៊ុយក្រែនទៅលើមណ្ឌលសុខភាព គឺជាឧក្រិដ្ឋកម្មសង្គ្រាមដ៏ធ្ងន់ធ្ងរ

អ្នកការទូត៖ រុស្ស៊ីអំពាវនាវឲ្យមានកិច្ចប្រឹងប្រែងរួមគ្នា ដើម្បីប្រឆាំងនឹងអាណានិគមនិយមឌីជីថលថ្មី

ការផ្ទុះ ត្រូវបានឮនៅក្នុងទីក្រុងដាម៉ាសអំឡុងដំណើរទស្សនកិច្ចរបស់លោក Macron ទៅកាន់ប្រទេសស៊ីរី

រដ្ឋមន្រ្តីក្រសួងពាណិជ្ជកម្មបន្តអំពាវនាវគ្រប់ភាគីពាក់ព័ន្ធចូលរួមយុទ្ធនាការផលិតផលជាតិ

ន័រវ៉ែសជំរុញឱ្យចិនជួយនាំរុស្ស៊ីមកទៅកិច្ចចរចាសន្តិភាពអ៊ុយក្រែន

អ្នកស្លាប់ពីគ្រោះរញ្ជួយដីនៅវ៉េណេស៊ុយអេឡាកើនឡើងឥតឈប់ ខណៈមនុស្សជិត២ម៉ឺននាក់នៅតែគ្មានជម្រក

ជប៉ុនប្រាប់ថា នាវាចិនត្រូវបានបណ្តេញចេញពីកោះមានជម្លោះ

លោក Merz សាទរចំពោះកិច្ចព្រមព្រៀងនាវាមុជទឹកដ៏ធំរបស់កាណាដាជាមួយអាល្លឺម៉ង់ និងន័រវ៉ែស

អាមេរិកដើរតួនាទីនាំមុខបង្ហាញក្ដីបារម្ភ ក្រោយចិនបាញ់សាកល្បងមីស៊ីលចូលមហាសមុទ្រប៉ាស៊ីហ្វិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

សិស្សសាលា ៣នាក់ត្រូវបានបាញ់សម្លាប់ និង ៨នាក់រងរបួសនៅវិទ្យាល័យ Oxford ខណៈជនសង្ស័យត្រូវចាប់ខ្លួន

អង្គការសុខភាពពិភពលោកជំរុញឲ្យចាត់វិធានការសមស្របប្រឆាំងនឹងវីរុស COVID-19 បម្លែងខ្លួនថ្មី Omicron

អង្គការសុខភាពពិភពលោកបើកកិច្ចប្រជុំពីការលេចចេញវីរុសបម្លែងខ្លួនថ្មី Omicron

ក្រុមហ៊ុនផលិតវ៉ាក់សាំង Pfizer៖ វ៉ាក់សាំងបង្ការវីរុសបម្លែងខ្លួនថ្មី Omicron នឹងរួចរាល់ក្នុងពេល ១០០ថ្ងៃ

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

ពិភពលោកប្រញាប់ប្រញាល់ហាមប្រាមការហោះហើរចេញពីអាហ្វ្រិកខាងត្បូង ខណៈវីរុសបម្លែងខ្លួនថ្មីឆ្លងខ្លាំង

WHO បញ្ជាក់ថា ខ្លួនមិនទាន់ដឹងច្បាស់ថា តើវីរុសបម្លែងខ្លួន Omicron បង្កជាជំងឺធ្ងន់ធ្ងរកម្រិតណានោះទេ

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

អង្គការ​សុខភាព​ពិភពលោក​ជំរុញ​ឲ្យ​ចាត់វិធានការ​សមស្រប​ប្រឆាំង​នឹង​វីរុស COVID-19 ប​ម្លែ​ង​ខ្លួន​ថ្មី Omicron

អង្គការ​សុខភាព​ពិភពលោក​បើក​កិច្ចប្រជុំ​ពី​ការ​លេច​ចេញ​វីរុស​ប​ម្លែ​ង​ខ្លួន​ថ្មី Omicron

WHO ព្រមាន​ពី​ការ​ប្រឈម​ខ្ពស់​នៃ​ការ​ឆ្លង​វីរុស COVID-19 ប​ម្លែ​ង​ខ្លួន​ថ្មី Omicron នៅ​ទូទាំង​ពិភព​លោក

អ្នកវិទ្យាសាស្ត្រ​អាហ្វ្រិក​ខាងត្បូង​រក​ឃើញ​វីរុស​បម្លែងខ្លួន​ប្រភេទ​ថ្មី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អង្គការសុខភាពពិភពលោកជំរុញឲ្យចាត់វិធានការសមស្របប្រឆាំងនឹងវីរុស COVID-19 បម្លែងខ្លួនថ្មី Omicron

អង្គការសុខភាពពិភពលោកបើកកិច្ចប្រជុំពីការលេចចេញវីរុសបម្លែងខ្លួនថ្មី Omicron

WHO ព្រមានពីការប្រឈមខ្ពស់នៃការឆ្លងវីរុស COVID-19 បម្លែងខ្លួនថ្មី Omicron នៅទូទាំងពិភពលោក

អ្នកវិទ្យាសាស្ត្រអាហ្វ្រិកខាងត្បូងរកឃើញវីរុសបម្លែងខ្លួនប្រភេទថ្មី