នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស​ សម្ពោធ​បើក​ឲ្យ​ប្រើ​ប្រាស់​ជា​ផ្លូវ​ការ​កំណាត់​ផ្លូវ​ជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់​មូល​គល់​ស្ពាន​គីហ្សូណា ក្រុងកំពង់ចាម
សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន
លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មាន​មេត្តា​ចំពោះ​អ្នកជំងឺ
ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ប្រសាសន៍សំខាន់ៗសម្ដេចតេជោ​ ហ៊ុន​ សែន​ នាយករដ្ឋមន្ត្រី ថ្លែងក្នុងពិធីសម្ពោធផ្លូវជាតិលេខ១១ (ថ្ងៃទី០៦ ខែធ្នូ ឆ្នាំ២០២១)

2021/12/06 10:19:39 am        936
Facebook Telegram Linkin
ភ្នំពេញ៖ នៅព្រឹកថ្ងៃទី០៦ ខែធ្នូ ឆ្នាំ២០២១ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ ផ្លូវជាតិលេខ១១ និង គន្លងផ្លូវថ្មីវាងក្រុងព្រៃវែង។ ខាងក្រោមនេះជាប្រសាសន៍សំខាន់ៗរបស់សម្ដេចតេជោ​ ហ៊ុន​ សែន​៖·        សម្តេចតេជោ ហ៊ុន សែន បញ្ជាក់ថា កម្ពុជាគ្រោងសាងសង់មជ្ឈមណ្ឌលព្យាបាលកូវីដ១៩មួយទំហំធំ ដែលអាចដាក់មនុស្សបានរាប់ម៉ឺននាក់ និងផ្នែកសង្គ្រោះបន្ទាន់រាប់រយគ្រែ ដើម្បីផ្ទេរអ្នកជំងឺចេញពីពហុកីឡដ្ឋានអូឡាំពិក ទុកបម្រើដល់វិស័យកីឡាវិញ។·        សម្តេចតេជោ ហ៊ុន សែន បានផ្តាំផ្ញើសារនយោបាយទៅបុគ្គលជាឧត្តមសេនីយ៍យោធា វៀតណាម ឈ្មោះ ង.ស៊ុនឆៀន ដែលបានវាយប្រហារមកលើកម្ពុជាពាក់ព័ន្ធបញ្ហាកូវីដ១៩ ដោយសម្តេចបញ្ជាក់ថា សំដីឧត្តមសេនីយ៍វៀតណាមរូបនោះ ជាការប្រមាថមកលើកម្ពជា ។·        សម្តេចតេជោ ហ៊ុន សែន បញ្ជាក់ថា សម្តេចមិនសំដៅលើប្រទេសវៀតណាមទេ គឺសំដៅលើបុគ្គលវៀតណាមម្នាក់តែប៉ុណ្ណោះ ទោះកម្ពុជាតូច ក្រ ក៏កម្ពុជាមានតម្លៃរបស់ខ្លួន នៅក្នុងការគិតគូរពីសុខុមាលភាពប្រជាជនខ្លួន ដែលមិនអាចទទួលយកការប្រមាថនេះបានឡើយ។·        សម្តេចតេជោ ហ៊ុន សែន ប្រកាសពីដំណើរការផលិតវ៉ាក់សាំងប្រឆាំងកូវីដ១៩ នៅកម្ពុជា ដោយមានជំនួយបច្ចេកទេសពីមិត្តចិន ដែលជាការគិតគូរវែងឆ្ងាយក្នុងការប្រយុទ្ធប្រឆាំងនឹងជំងឺដ៏កាចសាហាវមួយនេះ ព្រោះយើងមិនដឹងថា ជំងឺនេះនឹងត្រូវបញ្ចប់នៅពេលណានោះទេ។ ការផលិតវ៉ាក់សាំងនៅកម្ពុជាដោយផ្ទាល់ នឹងចំណេញថ្លៃដើមផលិត ការដឹកជញ្ជូន និងប្រតិបត្តិការឆាប់រហ័ស។·        សម្តេចតេជោ ហ៊ុន សែន បញ្ជាក់ថា ដំណើរការប្រជាធិបតេយ្យនៅកម្ពុជា នៅតែបន្តគ្មានការប្រែប្រួលឡើយ។ ទោះបី ហ៊ុន ម៉ាណែត ត្រូវបានគាំទ្រជាបេក្ខភាពនាយករដ្ឋមន្ត្រីសម្រាប់គណបក្សប្រជាជនកម្ពុជាក៏ដោយ ក៏ត្រូវឡើងតាមការបោះឆ្នោត ដោយសេរី ត្រឹមត្រូវ និងយុត្តិធម៌។·        សម្តេចតេជោ ហ៊ុន សែន ប្រកាសថា កិច្ចព្រមព្រៀងពាណិជ្ជកម្មសេរីរវាងកម្ពុជា និងចិន នឹងចូលជាធរមាន នៅខែមករា ឆ្នាំ២០២២ខាងមុខនេះ និងកិច្ចព្រមព្រៀងពាណិជ្ជកម្មជាច្រើនទៀត ដែលជាផលប្រយោជន៍របស់ប្រជាជនកម្ពុជាទាំងមូល។·        សម្តេចតេជោ ហ៊ុន សែន បានបញ្ជាក់ថា សម្រាប់បេក្ខភាព ហ៊ុន ម៉ាណែត គ្រាន់តែជាការដៅទុកតែប៉ុណ្ណោះ មិនទាន់មានការសម្រេចជាផ្លូវការនៅឡើយទេ។ ដោយសម្តេចបានបញ្ជាក់ថា «ចុះបើឪនៅធ្វើនាយករដ្ឋមន្ត្រីច្រងោៗ តើឲ្យកូនធ្វើអីកើត ហើយខ្ញុំបានបញ្ជាក់ហើយថា ធ្វើនាយករដ្ឋមន្រ្តីដោយគ្មានការកំណត់…»។·        សម្តេចតេជោ ហ៊ុន សែន បញ្ជាក់ថា ប៉ុន្មានថ្ងៃនេះសម្តេចបានចាត់មានមនុស្សដើរតាមផ្សារពាក់ព័ន្ធរឿងមានសារគាំទ្រ ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលខាងមុខ ។ សម្តេចបានទទួលសារ និងការលើកឡើងពីអ្នកផ្សារថា «ក្រៅពីត្រកូល ហ៊ុន មិនដឹងទៅទុកដាក់លើនរណាទេ…….»។·        សម្តេចតេជោ ហ៊ុន សែន បានសម្តែងមោទនភាពយ៉ាងខ្លាំង ចំពោះដំណើរការចាក់វ៉ាក់សាំងកូវីដ-១៩ នៅកម្ពុជា សម្រេចបានលើសផែនការដែលបានគ្រោងទុក ដើម្បីបង្កើតភាពស៊ាំប្រឆាំងនឹងការឆ្លងរីករាលដាលជំងឺកូវីដ-១៩ ដែលជាប្រសិទ្ធភាពនៃវ៉ាក់សាំងចិន។·        សម្តេចតេជោ ហ៊ុន សែន ណែនាំឲ្យអភិបាលខេត្តត្បូងឃ្មុំ យកចិត្តទុកដាក់ថែរក្សាតំបន់ប្រវត្តិសាស្ត្រហ្លួងព្រះស្តេចកន ឲ្យបានល្អ ដើម្បីទុកជាសក្ខីភាព និងជាកន្លែងសិក្សាស្វែងយល់របស់មហាជន។·        សម្ដេចតេជោ ហ៊ុន សែន ថ្លែងអំណរគុណដល់បងប្អូនប្រជាពលរដ្ឋគ្រប់លំដាប់ថ្នាក់រហូតដល់តុកាហ្វេ ដែលបានគាំទ្រប្រសាសន៍របស់សម្ដេច ដែលបានថ្លែងគាំទ្រឯកឧត្ដម ហ៊ុន ម៉ាណែត ជាបេក្ខភាពនាយករដ្ឋមន្ត្រីនាពេលអនាគត។·        សម្ដេចតេជោ ហ៊ុន សែន ថ្លែងថា កុំឱ្យព្រួយបារម្ភថា ការផ្លាស់ប្ដូរនាយករដ្ឋមន្ត្រី កើតឡើងឆាប់ៗ ដោយសម្ដេចបញ្ជាក់ថា សម្ដេចនឹងបន្តកាន់តំណែងជានាយករដ្ឋមន្ត្រីយ៉ាងហោច ១០ឆ្នាំទៀត។·        សម្ដេចតេជោ ហ៊ុន សែន ថ្លែងថា បេក្ខភាពសម្រាប់តំណែងនាយករដ្ឋមន្ត្រី ក្នុងចិត្តរបស់សម្ដេច មានរហូតដល់ ៤រូប ប៉ុន្តែ សម្ដេចមិនបានបញ្ចេញឈ្មោះថា នរណាខ្លះនោះឡើយ លើកលែងតែឯកឧត្ដម ហ៊ុន ម៉ាណែត ដែលសម្ដេចបានបញ្ចេញឱ្យដឹងជាសាធារណៈកាលពីសប្ដាហ៍មុន។·        សម្ដេចតេជោ ហ៊ុន សែន បញ្ជាក់ថា លទ្ធភាពភាគច្រើន សម្ដេចនឹងធ្វើដំណើរទស្សនកិច្ចទៅកាន់ប្រទេសមីយ៉ាន់ម៉ាក្នុងនាមជាប្រធានអាស៊ាន។ សម្ដេចតេជោបន្តថា នេះគឺ ជាវិធីក្នុងការធ្វើការដោះស្រាយជាមួយវិបត្តិនៅក្នុងប្រទេសមីយ៉ាន់ម៉ា។·        សម្ដេចតេជោ ហ៊ុន សែន បញ្ជាក់ថា ស្អែកនេះ សម្ដេចតេជោនឹងជួបជាមួយរដ្ឋមន្ត្រីការបរទេសមីយ៉ាន់ម៉ានៃរដ្ឋាភិបាលរបស់លោកឧត្ដមសេនីយ៍ មីន អ៊ុងឡាំង។·        សម្ដេចតេជោ ហ៊ុន សែន ថ្លែងថា ពេលនេះ(ឆ្នាំនេះកម្ពុជាជាប្រធានអាស៊ាន) គឺជាពេលពង្រឹងអាស៊ានឡើងវិញ ពីសមាជិក ៩ប្រទេស ទៅសមាជិក ១០ប្រទេសឡើងវិញ ព្រោះប្រទេសមីយ៉ាន់ម៉ាមិនបានប្រកាសចាកចេញពីអាស៊ាននោះឡើយ។·        សម្ដេចតេជោ ហ៊ុន សែន បញ្ជាក់ថា ធម្មនុញ្ញអាស៊ាន មិនបានចែងពីការបណ្ដេញប្រទេសជាសមាជិកចេញពីសមាគមនោះឡើយ។·        សម្ដេចតេជោ ហ៊ុន សែន ថ្លែងថា វិធីតែមួយគត់ក្នុងការដោះស្រាយវិបត្តិនៅមីយ៉ាន់ម៉ា គឺត្រូវជជែកជាមួយអ្នកកាន់អំណាចនៅមីយ៉ាន់ម៉ា។

ព្រះមហាក្សត្រ និងសម្ដេចម៉ែ បានយាង និងគោរពព្រះវិញ្ញាណក្ខន្ធព្រះសពសម្ដេចក្រុមព្រះនរោត្តម រណឫទ្ធិ

2021/12/06 10:15:13 am        543
Facebook Telegram Linkin
ភ្នំពេញ៖ ព្រះករុណាជាម្ចាស់ជីវិតតម្កល់លើត្បូង ជាទីគោរពសក្ការៈ ដ៏ខ្ពង់ខ្ពស់បំផុត និងសម្ដេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈ ដ៏ខ្ពង់ខ្ពស់បំផុត នៅព្រឹកថ្ងៃទី៦ ខែធ្នូ ឆ្នាំ២០២១នេះ ព្រះអង្គទាំងទ្វេ​បាន​ស្ដេចយាងគោរពព្រះវិញ្ញាណក្ខន្ធ ព្រះសពសម្ដេចក្រុមព្រះ នរោត្តម រណឫទ្ធិ នៅកន្លែងតម្កល់បុណ្យសព ស្ថិតនៅដំណាក់ព្រះអង្គផ្លូវសម្តេចប៉ាន់ សង្កាត់បងរាំង ខណ្ឌដូនពេញ រាជធានីភ្នំពេញ។សម្តេចក្រុមព្រះ នរោត្តម រណឫទ្ធិ ព្រះប្រធានក្រុម ឧត្តមប្រឹក្សាផ្ទាល់ព្រះមហាក្សត្រ និងជាអតីត​ព្រះប្រធាន​គណបក្សហ៊្វុនស៊ិនប៉ិច អតីតនាយករដ្ឋមន្រ្តីទី១ និងជាអតីតប្រធានរដ្ឋសភា នៃព្រះរាជាណាចក្រកម្ពុជា ព្រះអង្គបានយាងសោយព្រះទិវង្គត នៅថ្ងៃទី២៨ ខែវិច្ឆិកា ឆ្នាំ២០២១កន្លងទៅនេះ នៅប្រទេសបារាំង ក្នុងព្រះជន្មាយុ ៧៧ព្រះវស្សា ដោយព្រះរោគាពាធ។ព្រះសពរបស់សម្តេចក្រុមព្រះ នរោត្តម រណឫទ្ធិ បានយាងដង្ហែ មកដល់ព្រះរាជាណាចក្រកម្ពុជា នៅថ្ងៃអាទិត្យ ទី៥ ខែធ្នូ ឆ្នាំ២០២១ វេលាម៉ោង ១១ ថ្ងៃត្រង់ខាងកាលពីម្សិលមិញ តាមរយៈយន្តហោះពិសេសពីប្រទេសបារាំង ហើយព្រះសពព្រះអង្គបានកំពុងតម្កល់ធ្វើបុណ្យតាមបែបសាសនា នៅអតីតព្រះតំណាក់ព្រះអង្គ នៅផ្លូវព្រះសម្តេចប៉ាន់ខាងក្រោយព្រះបរមរាជវាំង ស្ថិតនៅសង្កាត់បឹងរាំង ខណ្ឌដូនពេញ រាជធានីភ្នំពេញ។ ពិធីបុណ្យព្រះសពរបស់ព្រះអង្គ បានកំពុងប្រារព្ធធ្វើឡើងរយៈពេល ៤ថ្ងៃ គឺចាប់ពីថ្ងៃទី៥ ដល់ថ្ងៃទី៨ ខែធ្នូ ឆ្នាំ២០២១នេះ។ការទ្រង់សោយទិវង្គតរបស់សម្តេចក្រុមព្រះនរោត្តម រណឫទ្ធិនេះដែរ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានចេញសារាចរណែនាំ ប្រកាសកាន់ទុក្ខចំពោះព្រះសពរបស់ព្រះអង្គ ដោយកំណត់យកថ្ងៃទី៨ ខែធ្នូ ឆ្នាំ២០២១ដដែលនេះ ជាថ្ងៃកាន់ទុក្ខផ្លូវការ ព្រមទាំងណែនាំឲ្យគ្រប់ក្រសួង ស្ថាប័ន សាលារៀន មន្ទីរពេទ្យរបស់រដ្ឋ ឯកជនទាំងអស់ និងមន្រ្តីរាជកា កងកម្លាំងប្រដាប់អាវុធគ្រប់ប្រភេទ គ្រប់ទីវត្តអារាម ព្រមទាំងប្រជាជននៅទូទាំងប្រទេស ត្រូវមានការបង្ហូតទង់ជាតិត្រឹមពាក់កណ្តាល នៃដងទង់ជាតិនិងផ្អាកការសម្តែង និងចាក់ផ្សាយទស្សនីយភាពផ្សេងៗ ដែលមានលក្ខណៈសប្បាយគគ្រឹកគគ្រេងផងដែរ។ សូមបញ្ជាក់ថា សម្តេចក្រុមព្រះ នរោត្តម រណឫទ្ធិ ព្រះអង្គទ្រង់ប្រសូតនៅថ្ងៃទី២ ខែមករា ឆ្នាំ១៩៤៤ នៅក្រុងភ្នំពេញ។ ទ្រង់ជាបុត្រាច្បងរបស់ព្រះបាទ នរោត្តម សីហនុ ព្រះមហាវិរៈក្សត្រ ព្រះបរមរតនកោដ្ឋ និងអ្នកម្នាង ផាត់ កាញ៉ុល។ មុនព្រះអង្គទ្រង់សោយទិវង្គត សម្តេចក្រុមព្រះនរោត្តម រណឫទ្ធិ បានធ្លាក់ក្នុងសភាពធ្ងន់ធ្ងរផ្នែកសុខភាព និងរូបរាងកាយ ក្រោយករណីគ្រោះថ្នាក់ចរាចរណ៍ដ៏រន្ធត់ពីរដង នៅក្នុងខេត្តកំពង់ចាម និងខេត្តព្រះសីហនុ កាលពីឆ្នាំ២០១៥ និងឆ្នាំ២០១៨កន្លងទៅនេះ៕ អត្ថបទ៖ បាន ចក់ រូបភាព អាត់ សុធា

សម្តេចតេជោ ប្រតិកម្ម​ធ្ងន់ៗ​ទៅ​ឧត្តមសេនីយ៍​វៀតណាម​ម្នាក់​ដែល​ថា​ការ​ឆ្លង​កូវីដ​នៅ​វៀតណាម​នាំ​ចូល​ពី​កម្ពុជា​

2021/12/06 02:59:57 am        1881
Facebook Telegram Linkin
ភ្នំពេញ​៖​ ក្នុង​ឱកាស​អញ្ជើញ​ជា​អធិបតី​ដ៏ខ្ពង់ខ្ពស់​ក្នុង​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវ​ការ​នូវ​ហេដ្ឋា​រចនាសម្ព័ន្ធ​ផ្លូវជាតិ លេខ១១ តភ្ជាប់​ពី​អ្នក​លឿង ​ទៅ​ថ្នល់​ទទឹង ​និង​ផ្លូវក្នុង​ក្រុង​ព្រៃ​វែង​ជាង​៩៦​គ.ម​ នាព្រឹកថ្ងៃទី៦ខែធ្នូនេះ សម្តេច​តេជោ ហ៊ុន សែន នាយករដ្ឋមន្ត្រីនៃកម្ពុជា បានប្រតិកម្មធ្ងន់ៗ​ទៅកាន់ឧត្តម​សេនីយ៍វៀតណាម​ម្នាក់​ ដែល​បាន​ធ្វើ​សន្និ​សីទ​សារ​ព័ត៌​​មានថា ការឆ្លងកូវីដ​នៅក្នុងប្រទេសវៀតណាមធ្ងន់ធ្ងរ បានហូរពីកម្ពុជាចូលទៅវៀតណាម ហើយទាក់​ទង​នឹង​សំដី​បែបនេះ សម្តេច​បានប្រតិកម្មធ្ងន់ៗឱ្យឧត្តមសេសនីយ៍រូបនោះធ្វើការសុំទោស ព្រោះសំដីបែបនេះ ជាការប្រមាថ មក​លើ​កម្ពុជា។សម្តេ​​ចតេជោ នាយករដ្ឋមន្ត្រី បានអញ្ជើញមានប្រសាសន៍យ៉ាងដូច្នេះ ខណៈអញ្ជើញជាអធិបតី​ដ៏ខ្ពង់ខ្ពស់ ក្នុងពិធី​សម្ពោធដាក់ឱ្យប្រើប្រាស់ជាផ្លូវការនូវហេដ្ឋារចនាសម្ព័ន្ធផ្លូវជាតិ លេខ១១ តភ្ជាប់ពីអ្នកលឿង ទៅថ្នល់ទទឹង និងផ្លូវក្នុង​ក្រុងព្រៃវែងជាង៩៦គ.ម នាព្រឹកថ្ងៃទី៦ខែធ្នូនេះ​។សម្តេចបានមានប្រសាសន៍ថា នៅប្រទេសជិតខាងយើងមានការផ្ទុះកូវីដយ៉ាងធំ ពិតមែន​ប្រទេ​សថៃ​មាន​ការ​ថមថយ តែការកើនឡើងនៅប្រទេសវៀតណាម និងឡាវមានការកើនឡើងគួរឱ្យព្រួយបារម្ភ ហើយ​ទាក់​ទិន​នឹង​ការ​ឆ្លង​យ៉ាង​ខ្លាំងនៅវៀតណាមនេះ​ត្រូវបានឧត្តមសេនីយ៍វៀតណាមម្នាក់​បានធ្វើសន្និសិទថា៖ ការឆ្ល​ង​កូវីដ-១៩ យ៉ាងខ្លាំង​នៅ​វៀត​ណាម​បានហូរចូលពីកម្ពុជាប្រៀបដូចជា​ទឹកទន្លេមេគង្គ ។ ក្នុងសំដីបែបនេះ សម្តេចបានឱ្យឧត្តមសេនីយ៍​វៀត​ណាម​ម្នាក់នោះត្រូវសុំទោសកម្ពុជាជាសាធារណៈដោយសម្តេចថា ជាសំដីដែលសម្តេចទទួលយកមិនបាន។ សម្តេចតេជោ បានណែនាំឱ្យមន្ត្រីរបស់កម្ពុជា ត្រូវយកចិត្តទុកដាក់ លើការបន្តចាក់វ៉ាក់សាំងនៅតាមព្រំដែន ។​ សម្តេចបានបញ្ចាក់ថា ដោយសារតែសំដីរបស់បុគ្គល មន្ត្រី នៃប្រទេសជិតខាងបែបនេះហើយទើបឱ្យសម្តេចឈឺចាប់ ធ្វើ​​ការចាក់វ៉ាក់សាំងបានលឿន​ដោយជោគជ័យ។ សម្តេចថា សម្តេចមិនប្រឆាំង ឬតិះទានរដ្ឋាភិបាល បក្ស និង​ប្រ​ជា​ជន​វៀត​ណាមទាំងមូលនោះទេ ប៉ុន្តែសម្តេចប្រតិកម្មតឹះទានទៅបុគ្គលវៀតណាម ដោយសម្តេចថា ជាសំ​ដីដែល​មិន​អាច​ទទួលយកបានដែលបុគ្គលរូបនេះត្រូវធ្វើការកែតម្រូវ ឬសុំទោសរដ្ឋាភិបាល និងប្រជាជនកម្ពុជា៕ អត្ថបទ៖ មុត សុទ្ធ   

អាមេរិក អឺរ៉ុប និង​ប្រទេស ២០ ថ្កោល​ទោស​ពួក​តា​លី​បង់​ចំពោះ​ការ​ប្រហារ​ជីវិត​អតីត​កង​កម្លាំង​អា​ហ្វ​ហ្គា​នី​ស្ថាន​

2021/12/06 09:57:16 am        450
Facebook Telegram Linkin
​​អា​ហ្វ​ហ្គា​នី​ស្ថាន៖ សហរដ្ឋអាមេរិក សហភាព​អឺរ៉ុប និង​ប្រទេស​ចំនួន ២០ ផ្សេង​ទៀត​បាន​ថ្កោលទោស​ពួក​តា​លី​បង់ជុំវិញ​ការ​ចោទ​ប្រកាន់​ថា​ បាន​ប្រហារជីវិត​ភ្លាមៗ​ដោយ​គ្មាន​ការ​ជំនុំ​ជម្រះ​ទោសលើ​អតីត​កងកម្លាំង​នគរបាល និង​មន្ត្រី​ចារកម្ម​នៅ​ក្នុង​ប្រទេស​អា​ហ្វ​ហ្គា​នី​ស្ថាន។ ​សេចក្ដីថ្លែងការណ៍​កាល​ពី​ថ្ងៃ​សៅរ៍​បាន​ធ្វើឡើង​បន្ទាប់ពី​អង្គការ​ឃ្លាំមើល​សិទ្ធិមនុស្ស Human Rights Watch បាន​ចេញ​ផ្សាយ​របាយការ​ណ៍​ដែល​ចងក្រង​ឯកសារ​អំពី​ការ​សម្លាប់ ឬ​ការ​បាត់​ខ្លួន​របស់​សមាជិក​កងក​ម្លាំ​ង​សន្តិសុខ​ជាតិ​អា​ហ្វ​ហ្គា​នី​ស្ថាន​យ៉ាងហោចណាស់ ៤៧​នាក់​។បណ្តា​ប្រទេស​នានា​បាន​និយាយ​ថា ពួកគេ​មានការ​ព្រួយ​បារម្ភ​យ៉ាង​ខ្លាំងចំពោះ​ការចោទប្រកាន់​នេះ ហើយ​បាន​គូស​បញ្ជាក់​ថា សកម្ម​ភាព​ដែល​ត្រូវ​បាន​ចោទ​ប្រកាន់​ថា ​ជា​ការ​រំលោភ​សិទ្ធិមនុស្ស​ធ្ងន់ធ្ងរ និង​ផ្ទុយ​នឹង​ការ​លើក​លែង​ទោស​ដែល​បាន​ប្រកាស​របស់​ពួក​តា​លី​បង់​" សម្រាប់​អតីតមន្ត្រី​អា​ហ្វ​ហ្គា​នី​ស្ថាន​។​ ​ពួកគេ​បាន​អំពាវនាវ​ឱ្យ​ពួក​តា​លី​បង់អនុវត្ត​ការ​លើក​លែង​ទោស​ ឱ្យ​មាន​ប្រសិទ្ធភាព​សម្រាប់​អតីតសមាជិក​នៃ​កងកម្លាំង​សន្តិសុខ​អា​ហ្វ​ហ្គា​នី​ស្ថាន និង​អតីតមន្ត្រី​រដ្ឋាភិបាល ដើម្បី​ធានា​ថា​វា​ត្រូវ​បាន​រក្សា​ការ​អនុវត្តន៍​នៅ​ទូទាំង​ប្រទេស និង​បន្ត​ការ​ការទទួលខុសត្រូវ ហើយ​បាន​ជំរុញ​ឱ្យ​មាន​ការ​ស៊ើបអង្កេត​ឱ្យ​បាន​ឆាប់រហ័ស និង​ប្រកបដោយ​តម្លាភាព​លើ​ការ​សម្លាប់​ដែល​បានរាយការណ៍​។​ប្រទេស​ទាំងនោះ​រួមមានអូស្ត្រាលី កាណាដា បារាំង អាល្លឺម៉ង់ ជប៉ុន ចក្រភព​អង់គ្លេស និង​អ៊ុយ​ក្រែ​ន​។​ ក្រុម​ប្រដាប់​អាវុធ​ដែល​ចង់​ទទួលបាន​ការ​ទទួល​ស្គាល់​ជា​អន្តរជាតិ​បាន​សន្យា​ថា ​ការគ្រប់គ្រង​របស់​ខ្លួន​នឹង​ខុស​ពី​ពេលមុន​នៅ​ក្នុង​រដ្ឋាភិបាល​កាលពី​ទសវត្សរ៍​ឆ្នាំ១៩៩០ ដែល​រួមមាន​ការ​កាត់​ទោស​ដោយ​ការ​គប់​ដុំ​ថ្ម​ជា​សាធារណៈ ការ​កាត់​អវយវៈ​របស់​ឧក្រិដ្ឋជនដែល​ត្រូវ​បាន​ចោទប្រកាន់ និង​ការ​ហាម​ឃាត់លើ​ការអប់រំ​របស់​ស្ត្រី​ជាដើម៕អត្ថបទ៖ សុខមាន

អង្គការ UNHCR ព្រមាន​ថា អា​ហ្វ​ហ្គា​នី​ស្ថាន​នឹង​កើតមាន​ភាព​អត់​ឃ្លាន​ក្នុង​រដូវរងា

2021/12/04 12:11:30 pm        573
Facebook Telegram Linkin
​អា​ហ្វ​ហ្គា​នី​ស្ថាន៖ ទីភ្នាក់ងារ​ជនភៀសខ្លួន​របស់​អង្គការសហប្រជាជាតិ (UNHCR) បាន​និយាយ​កាលពី​ថ្ងៃ​សុក្រ​ថា កម្រិត​នៃ​ភាពអត់ឃ្លានដែល​មិន​ធ្លាប់មាន​ពីមុនមក​ត្រូវបាន​គេ​រំពឹងថា នឹង​កើតមាន​នៅក្នុង​ប្រទេសអា​ហ្វ​ហ្គា​នី​ស្ថាន ខណៈដែល​រដូវរងា​កំពុង​ចូលមក​ដល់​។ ​អ្នកនាំពាក្យ​របស់​អង្គការ UNHCR លោក Babar Baloch បាន​និយាយថា វា​ជា​វិបត្តិ​នៃ​ភាពអត់ឃ្លាន ប្រជាជន​គ្មាន​អាហារ​គ្រប់គ្រាន់ ហើយ​វាអាច​មើលឃើញ​យ៉ាងច្បាស់​។​អង្គការ UNHCR បានចាប់ផ្តើម​យុទ្ធនាការ​រៃអង្គាស​ថវិកា​សម្រាប់រ​ដូ​វរ​ងា ដើម្បី​ជួយ​គ្រួសារដែលផ្លាស់​ទីនៅក្នុង​ប្រទេស​អា​ហ្វ​ហ្គា​នី​ស្ថាន និង​កន្លែង​ផ្សេងទៀតដើម្បី​អាច​ទប់ទល់​ក្នុង​ខែ​រដូវរងា។ លោក​បាន​និយាយ​ពី​ទីក្រុង​ហ្សឺ​ណែវ បន្ទាប់ពី​ដំណើរ​ទស្សនកិច្ច​ទៅកាន់​ទីក្រុង​កា​ប៊ុល​ថា មនុស្ស​ជិត ២៣​លាន​នាក់ស្មើ​នឹង ៥៥% ​នៃ​ចំនួន​ប្រជាជនកំពុង​ប្រឈមមុខ​ទៅនឹង​កម្រិត​នៃ​ភាពអត់ឃ្លាន​។ ​លោក Baloch និយាយថា មានការ​ខ្វះខាត​ទី​ជម្រក សំលៀកបំពាក់​កក់ក្តៅ ប្រេងឥន្ធនៈមិន​គ្រប់គ្រាន់​សម្រាប់​ដុត​កំដៅ បរិមាណ​អាហារ​មិន​គ្រប់គ្រាន់ និង​ខ្វះ​បរិក្ខារ​ពេទ្យ ដែល​អ្នកជម្លៀស​ខ្លួន​កំពុង​ប្រឈមមុខ​នៅក្នុង​ប្រទេស​អា​ហ្វ​ហ្គា​នី​ស្ថាន​។ លោក​បាន​និយាយថា សីតុណ្ហភាព​ត្រូវបាន​គេ​រំពឹងថា​នឹង​ធ្លាក់ចុះ​ដល់​ដក ២៥អង្សា​សេ ហើយ​គ្រួសារដែល​ផ្លាស់​ទី​ជាច្រើន​ខ្វះ​ទីជម្រកត្រឹមត្រូវ​។ អង្គការ UNHCR បាន​អំពាវនាវ​ឱ្យមាន​ការគាំទ្រ​បន្ថែមទៀតសម្រាប់​ប្រជាជន​ចំនួន ៣.៥លាន​នាក់ដែល​ភៀសខ្លួន​ដោយជម្លោះ​នៅក្នុង​ប្រទេសអា​ហ្វ​ហ្គា​នី​ស្ថាន៕អត្ថបទ៖ ប៊ុនថន

អង្គការ​សុខភាព​ពិភពលោក​និយាយ​ថា ​វីរុស Omicron រក​ឃើញ​នៅ​ក្នុង​ប្រទេស​ចំនួន ៣៨

2021/12/04 10:46:17 am        601
Facebook Telegram Linkin
​WHO៖ អង្គការ​សុខភាព​ពិភពលោក​បាន​និយាយ​កាលពី​ថ្ងៃ​សុក្រ​ថា វីរុស​ប​ម្លែ​ង​ខ្លួន​ថ្មី Omicron នៃ​វីរុស COVID-19 ពេលនេះ​ត្រូវ​បាន​រក​ឃើញ​នៅ​ក្នុង​ប្រទេស​ចំនួន​ ៣៨ ជុំវិញ​ពិភពលោក​។ ​អ្នក​ដឹកនាំ​បច្ចេកទេស​របស់​អង្គការ​សុខភាព​ពិភពលោក​សម្រាប់​ជំងឺ​កូ​វីដ​-១៩ លោកស្រី Maria Van Kerkhove បាន​និយាយ​អំពី​ការ​កើន​ឡើង​វីរុស​ប​ម្លែ​ង​ខ្លួន​ថ្មី Omicron រាលដាល​មកពី​ប្រទេស​អាហ្វ្រិក​ខាងត្បូង​ថា បាន​រាលដាល​ចូល​ទៅ​ក្នុង​បណ្តា​ប្រទេស​ចំនួន ៣៨។លោកស្រី Van Kerkhove បាន​និយាយ​ថា ​មាន​របាយការណ៍​នៃ​អ្នក​ឆ្លង​វីរុស Omicron ស្ថិត​ក្នុង​ភាព​ធ្ងន់ធ្ងរ​។ លោកស្រី​និយាយ​ថា ករណី​ដំបូង​គឺ​មកពី​ក្រុម​និស្សិត​សាកលវិទ្យាល័យដែល​បង្ហាញ​រោគ​សញ្ញា​ស្រាល​។ លោក​វេជ្ជបណ្ឌិត Michael Ryan ប្រធាន​ផ្នែក​សង្គ្រោះ​បន្ទាន់​នៅ​អង្គការ​សុខភាព​ពិភពលោក​និយាយ​ថា ​វា​ជា​រឿង​សំខាន់​ដែល​ត្រូវ​ប្រុងប្រយ័ត្ន​នៅ​ពេល​និយាយ​សំដៅ​ ទៅ​លើ​ករណី​ឆ្លង​វីរុស​មាន​ស្ថាន​ភាព​ស្រាល​។ លោក​និយាយ​ថា ការពិត​ដែល​ភាគច្រើន​នៃ​ករណី​ស្ថិត​ក្នុង​ស្ថាន​ភាព​ស្រាលគឺ​បង្ហាញ​ថា​ វា​រាលដាល​ក្នុងចំណោម​មនុស្ស​វ័យក្មេង​ដែល​មាន​សុខភាព​ល្អ​។ វីរុស​ប​ម្លែ​ង​ខ្លួន​ថ្មី​ត្រូវ​បាន​រក​ឃើញ​កាលពី​ជាង​មួយ​សប្តាហ៍​មុន​ ដោយ​អ្នកវិទ្យាសាស្ត្រ​នៅ​ប្រទេស​អាហ្វ្រិក​ខាង​ត្បូង និង​បុ​ត​ស្វា​ណា​។​​ជាមួយ​គ្នា​នេះ មន្ត្រី​អង្គការ​សុខភាព​ពិភពលោក​នៅ​តំបន់​ប៉ាស៊ីហ្វិក​ខាងលិច​ បាន​និយាយ​កាលពី​ថ្ងៃសុក្រ​ថា ការ​បិទ​ព្រំដែន​ដែល​បានអនុម័ត​ដោយ​បណ្តា​ប្រទេស​មួយ​ចំនួន អាច​ចំណាយ​ពេលវេលា​ក្នុង​ការ​ដោះស្រាយ​ជាមួយ​វីរុស​ប​ម្លែ​ង​ខ្លួន​ថ្មី Omicron ប៉ុន្តែ​វិធាន​ការដែលបាន​ដាក់​ឱ្យ​ដំណើរការ និង​បទពិសោធន៍​ដែល​ទទួល​បាន​ក្នុង​ការ​ដោះស្រាយ​ជាមួយ​វីរុស​ប​ម្លែ​ង​ខ្លួន Delta នៅតែ​ជា​មូលដ្ឋានគ្រឹះ​សម្រាប់​ការ​ប្រយុទ្ធ​ប្រឆាំង​ទៅ​នឹង​វីរុស​ឆ្លង​៕អត្ថបទ៖ ប៊ុនថន

សម្តេចតេជោ ហ៊ុន សែន បញ្ជាក់ថា រុញទូកបណ្តោយទឹក ដើម្បីតម្រូវចិត្តក្រុមវិភាគល្ងង់ទូ

2021/12/04 10:00:47 am        1223
Facebook Telegram Linkin
តាមរយៈផេកហ្វេសប៊ុកផ្លូវការនៅថ្ងៃទី០៤ ខែធ្នូ ឆ្នាំ២០២១នេះ សម្តេចតេជោ បានបង្ហោះជាសារនិងភ្ជាប់ជាមួយរូបថតសម្តេចនិង សម្តេចកិត្តិព្រឹទ្ធបណ្ឌិត និងរូបមួយទៀតគឺរូប ឯកឧត្តម ហ៊ុន ម៉ាណែត និងភរិយា ដោយសម្តេចបានបញ្ជាក់ខ្លឹមសារទាំងស្រុងថា : «កន្លងមកមានក្មួយៗដែលនិយមលេងរូបថតបានផ្គុំរូបថតខ្ញុំជាមួយកូនប្រុសច្បងរបស់ខ្ញុំហ៊ុន ម៉ាណែត និងផ្គុំរូបថតខ្ញុំ និងភរិយាជាមួយរូបថត ម៉ាណែត និងភរិយា។ គាត់បានប្រាប់ខ្ញុំថា លោកអុំសង្ហាដូចបងម៉ាណែត និងក្មួយខ្លះនិយាយថា អុំប្រុសអុំស្រីសង្ហា ដូចបងម៉ាណែត និងប្រពន្ធគាត់។ ខ្ញុំបានប្រាប់ទៅក្មួយៗវិញថា តើម៉ាណែតបង្កើតអុំ ឬអុំបង្កើតម៉ាណែត?។ អត្ថបទមួយនេះនឹងធ្វើឱយក្រុមវិភាគយកទៅវិភាគបានហោចណាស់មួយសប្តាហ៍ ដើម្បីមានការងារធ្វើរកលុយចិញ្ចឹមជិវិត ឬសុំសិទ្ធជ្រកកោននៅក្រៅប្រទេស។ថ្ងៃមុនគេវិភាគរឿងចៅទី២១ ស្រក់ទឹកភ្នែកតែមិនយំ។ ល្អហើយខ្ញុំមានចៅ ២២នាក់ និងកូនបង្កើតកូនប្រសារ ១០នាក់ទៀត ដែលខ្ញុំនឹងជួយពួកអ្នកឱយធ្វើការវិភាគតែរឿងគ្រួសារខ្ញុំ ដោយមិនចាំបាច់ទៅវិភាគរឿងផ្សេងនាំលំបាក។ នេះជាវិធីរុញទូកបណ្តោយទឹក ដើម្បីតម្រូវចិត្តក្រុមវិភាគល្ងង់ទូ» ៕

អង្គការ​សុខភាព​ពិភពលោក​និយាយ​ថា ​ករណី​វីរុស COVID-19 កើន​លើស​ពី ​២៦៤​លាន​នាក់​

2021/12/03 02:46:05 pm        465
Facebook Telegram Linkin
​WHO៖ យោង​តាម​ទិន្នន័យ​ដែល​ចេញផ្សាយ​ដោយ​អង្គការ​សុខភាព​ពិភពលោក (WHO) បាន​ឲ្យ​ដឹង​ថា ចំនួន​សរុប​នៃ​ករណី​វីរុស COVID-19 ទូទាំង​ពិភពលោក​បាន​កើន​ឡើង​លើស​ពី ២៦៤​លាន​នាក់​ជាមួយ​នឹង​ករណី​រក​ឃើញ​ថ្មី និង​ការ​រក​ឃើញ​វីរុស​បម្លែងខ្លួន​ថ្មី Omicron ដែល​ប្រែប្រួល​ខ្លាំងត្រូវបាន​រាយការណ៍​នៅ​ជុំវិញ​ពិភពលោក​។​អង្គការ​សុខភាព​ពិភពលោក​បាន​បង្ហាញ​ថា ​មាន​ករណី​សរុប​ចំនួន ២៦៤,៣៥៩,២៩៨​ករណី​ដែល​បាន​បញ្ជាក់​ពី​វីរុស ​COVID-19 នៅ​ទូទាំង​ពិភពលោក ហើយ​អ្នក​ស្លាប់​មាន​ចំនួន​សរុប ៥,២៤៨,៣០៦ នាក់​។ ករណី​ឆ្លង​វីរុស​ប​ម្លែ​ង​ខ្លួន​ថ្មី Omicron បាន​កើន​ឡើង​ដល់​យ៉ាង​ហោចណាស់​ ៣៧៥​ករណី​នៅ​ក្នុង​ប្រទេស និង​តំបន់​ចំនួន ៣០ នៅ​ទូទាំង​ពិភពលោក​។ វីរុស​បំប្លែង​ខ្លួន​ថ្មី Omicron ត្រូវ​បាន​រាយការណ៍​ជា​លើក​ដំបូង​មកកាន់​អង្គការសុខភាព​ពិភពលោក​ (WHO) ដោយ​ប្រទេស​អាហ្វ្រិក​ខាងត្បូង​កាលពី​សប្ដាហ៍​មុន​។ ប្រទេស​ជាង​ ៧០​ប្រទេស​បាន​រឹត​បន្តឹង​វិធានការ​ធ្វើដំណើរ​រួចហើយ ហើយ​ថែមទាំងបានផ្អាកការហោះហើរដើម្បី​ទប់ស្កាត់​ការរីក​រាលដាល​នៃ​វីរុស​បម្លែង​ខ្លួន​ថ្មី​នេះ​។​​លោក Maria Van Kerkhove អ្នកដឹកនាំ​បច្ចេកទេស​សម្រាប់​កម្មវិធី​សង្គ្រោះបន្ទាន់ផ្នែកសុខភាព ​របស់​អង្គការ​សុខភាព​ពិភពលោក​បាននិយាយថា ទោះបី​ជាមាន​ភាពមិនច្បាស់លាស់​នាពេលបច្ចុប្បន្ន​អំពី​វីរុស​បម្លែង​ខ្លួន​ថ្មី Omicron ក៏ដោយ ប្រជាជន​គួរតែ​ចាក់​វ៉ាក់សាំង​បង្ការរួមទាំងវ៉ាក់សាំង​ដូ​ស​ជំរុញ​ដើម្បី​សង្គ្រោះ​ជីវិត​។ លោក Kerkhove និយាយថា ឱកាស​របស់​អ្នក​ដែលបាន​ចាក់​វ៉ាក់សាំង​ពេញលេញ ការវិវត្តន៍​ទៅជា​ជំងឺ​ធ្ងន់ធ្ងរ និង​ស្លាប់​ដោយសារ​វីរុស COVID-19 គឺ​ទាប​ជាង​អ្នក​ដែល​មិនបាន​ចាក់​វ៉ាក់សាំង​៕អត្ថបទ៖ ប៊ុនថន

អឺរ៉ុប​កំពុង​រឹត​បន្តឹង​លើ​អ្នក​ដែល​មិនបាន​ចាក់​វ៉ាក់សាំង ការ​ផាក​ពិន័យ វិធាន​ការ​បិទ​ខ្ទប់ និង​កាតព្វកិច្ច​វ៉ាក់សាំង

2021/12/02 11:26:44 am        204
Facebook Telegram Linkin
​អឺរ៉ុប​៖ បណ្ដា​ប្រទេស​នៅ​អឺរ៉ុប​កំពុង​ចាប់​យក​វិធានការ​រឹត​បន្តឹង​កាន់​តែ​ខ្លាំង​ឡើង ខណៈ​រដ្ឋាភិបាល​ទូទាំង​ទ្វីប​បាន​ងាក​ទៅ​រក​វិធីសាស្ត្រតឹងរ៉ឹង ចាប់ពី​ការ​អនុវត្តន៍​វិធាន​ការ​បិទ​ខ្ទប់​រហូតដល់​ការ​ផាក​ពិន័យ ដើម្បី​បង្ខំ​ឲ្យ​អ្នក​ដែល​មិន​ព្រម​ចាក់​វ៉ាក់សាំងទៅ​ចាក់​វ៉ាក់សាំង​បង្ការ​វីរុស​។​ ​សារ​សំខាន់ៗ​សម្រាប់​ពលរដ្ឋ​របស់​ខ្លួន​គឺ៖ ចាក់​វ៉ាក់សាំង ឬ​កុំ​ចូលរួម​ក្នុង​ទី​ប្រមូលផ្ដុំ​ដែល​មាន​មនុស្ស​ច្រើន​។​ប្រធាន​គណៈកម្មាធិការ​អឺរ៉ុប​លោកស្រី Ursula von der Leyen បាន​និយាយ​នៅ​ថ្ងៃ​នេះ​ថា សហភាព​អឺរ៉ុប​គួរតែ​ពិភាក្សា​ថា ​តើ​កាតព្វកិច្ច​វ៉ាក់សាំង​ជា​រឿង​ចាំបាច់​នៅ​ទូទាំង​សហភាព​អឺរ៉ុប​ឬ​អត់ ដើម្បី​ប្រយុទ្ធ​ប្រឆាំង​នឹង​ការ​ឆ្លង​រាលដាល​កាន់​តែ​ខ្លាំង​នៃ​វីរុស COVID-19 និង​វីរុសប​ម្លែ​ង​ខ្លួន​ថ្មី Omicron ។ យ៉ាងណា​ការ​ពិភាក្សា​ត្រូវតែ​ធ្វើជា​ចាំបាច់​។​ ​ប្រទេស​ក្រិ​កកំពុង​អនុវត្តន៍​វិធានការ​ប្រចាំខែដោយ​ផាក​ពិន័យជា​ទឹកប្រាក់​ចំនួន 100​អឺរ៉ូ​ស្មើ ($114) លើ​មនុស្ស​ដែល​មាន​អាយុ​ចាប់ពី ​៦០​ឆ្នាំ​ឡើង​ដែល​មិនបាន​ចាក់​វ៉ាក់សាំង ដោយ​ហៅ​ការ​ផាក​ពិន័យ​នេះ​ថា​ជា​ថ្លៃ​សេវា​ថែទាំ​សុខភាព​។ ​នៅ​ប្រទេស​អូទ្រីស​បាន​រឹតត្បិត​លើ​ចលនា​មនុស្ស​ដែល​មិន​ចាក់​វ៉ាក់សាំង នៅ​ក្នុង​តំបន់​រងគ្រោះ​ខ្លាំងបំផុត​ចំនួន​២ ដោយ​អនុញ្ញាត​ឲ្យ​អ្នក​ចាក់​វ៉ាក់សាំង​ចាក​ចេញពី​តំបន់​បិទ​ខ្ទប់ នៅ​ពេល​ការ​រឹតត្បិត​នឹង​បញ្ចប់​នៅ​ពាក់កណ្ដាល​ខែ​ធ្នូ ឬ​ត្រូវផាក​ពិន័យ​ជា​ទឹកប្រាក់ 3,600អឺរ៉ូ​ស្មើ ($4,000)​។​​ប្រទេស​អាល្លឺម៉ង់កំពុង​ប្រឈម​នឹង​សម្ពាធ​ដោយ​ដើរ​តាម​លំនាំ​របស់​អូទ្រីស​ ខណៈ​កំពុង​ប្រឈម​ករណី​ឆ្លង​រាលដាល​ខ្លាំង​ ដោយ​អធិការបតី​អាល្លឺម៉ង់​ថ្មី​ដែល​ចូលកាន់​តំណែង​ក្នុង​ពេល​ខាងមុខលោក Olaf Scholz គាំទ្រ​កាតព្វកិច្ច​ចាក់​វ៉ាក់សាំង ដែល​អំពាវនាវ​ឲ្យ​សភាបោះឆ្នោត​គាំទ្រ​គម្រោង​នេះ​។​ ​ប្រទេស​បារាំង​បាន​អនុវត្តន៍​ផែនការ​កាតព្វកិច្ច​វ៉ាក់សាំង​ លើ​បុគ្គលិក​សុខាភិបាល និង​មន្ត្រី​រដ្ឋការត្រូវតែ​ចាក់​វ៉ាក់សាំង​ពេញលេញ​ និង​ព្យួរ​ការ​ងារ​បុគ្គលិក​ដែល​មិនបាន​ចាក់​វ៉ាក់សាំង និង​ដាក់​កាត​វ៉ាក់សាំង​តាម​ខ្លួន​ដើម្បី​ចូល​កន្លែង​សាធារណៈ​នានា​។ ​នៅ​ប្រទេស​អ៊ីតាលីក៏​មិន​ខុស​ពី​ប្រទេស​បារាំង​ដែរ ដោយ​តម្រូវ​ឲ្យ​បុគ្គលិក​សុខាភិបាល​ទាំងអស់​ចាក់​វ៉ាក់សាំង។ ​ប្រទេស​នេះ​ជាប្រទេស​ដំបូង​គេ​នៅ​អឺរ៉ុប​ដែល​ដាក់​ចេញ​ផែនការ​កាតព្វកិច្ច​វ៉ាក់សាំង ដែល​បុគ្គលិក​ទាំងនោះ​ត្រូវតែបង្ហាញ​ការ​ចាក់​វ៉ាក់សាំង ឬ​ប័ណ្ណបញ្ជាក់​សុខភាព​មុន​ចូល​កន្លែង​ការងារ​៕អត្ថបទ៖ សុខមាន

ប្រមុខ​អង្គការ​សហប្រជាជាតិ​រិះគន់​វិធានការ​រឹតត្បិត​ការ​ធ្វើ​ដំណើរ​ដោយសារ​វីរុស COVID-19 ជា​ទង្វើ​មិន​អាច​ទទួល​យក​បាន

2021/12/02 09:52:23 am        586
Facebook Telegram Linkin
​UN៖ អគ្គលេខាធិការ​អង្គការសហប្រជាជាតិលោក Antonio Guterres បាន​និយាយ​កាលពី​ថ្ងៃ​ពុធ​ថា ការ​រឹតត្បិត​ការ​ធ្វើ​ដំណើរ​ដែល​ត្រូវបាន​ដាក់​ដោយសារ​វីរុស ​COVID-19 ដែល​ដាក់​ប្រទេស ឬ​តំបន់​ណាមួយដាច់ដោយឡែក​គឺ "​មិន​ត្រឹមតែ​អយុត្តិធម៌ និង​ជា​ដាក់ទណ្ឌកម្មយ៉ាង​ធ្ងន់ធ្ង​រ​ប៉ុណ្ណោះ​ទេ ផ្ទុយទៅវិញ​វិធានការ​ទាំងនោះ​ពុំ​មាន​ប្រសិទ្ធភាព​ទេ។​​ថ្លែង​ទៅកាន់​អ្នកសារព័ត៌មាន​នៅ​ទីក្រុង​ញូវយ៉ក លោក Guterres បាន​និយាយ​ថា ​មធ្យោបាយ​តែ​មួយ​គត់​ដើម្បី​កាត់បន្ថយ​ហានិភ័យ​នៃការ​ឆ្លង ខណៈ​អនុញ្ញាត​ឱ្យ​មានការ​ធ្វើ​ដំណើរ និង​ការចូលរួម​ផ្នែក​សេដ្ឋកិច្ច​គឺ​ត្រូវ​សាកល្បង​អ្នក​ធ្វើ​ដំណើរ​ម្តង​ហើយ​ម្តង​ទៀត "​រួម​ជាមួយ​នឹង​វិធានការ​សមស្រប និង​មាន​ប្រសិទ្ធភាព​ដទៃ​ទៀត​។​ ​លោក Guterres បាន​និយាយ​ថា យើង​មាន​ឧបករណ៍​សម្រាប់​ការ​ធ្វើ​ដំណើរ​ប្រកបដោយ​សុវត្ថិភាព​។ ចូរ​យើង​ប្រើ​ឧបករណ៍​ទាំងនោះដើម្បី​ជៀសវាង​ការ​បែបនេះ អនុញ្ញាត​ឱ្យ​ខ្ញុំ​និយាយ​ថា ​ការ​រឹតត្បិត​ការ​ធ្វើដំណើរ ដែល​ខ្ញុំ​គិតថា​ជា​ទង្វើ​មិនអាច​ទទួលយកបាន​។​ ​វីរុស​ប​ម្លែ​ង​ខ្លួន Omicron ត្រូវបាន​រកឃើញ​ជា​លើកដំបូង​នៅ​អាហ្វ្រិក​ខាងត្បូង ហើយប្រទេស​ជាច្រើនរួមទាំង​សហរដ្ឋអាមេរិក និង​ចក្រភព​អង់គ្លេស​បានប្រកាស​ពី​ការបញ្ឈប់​ការធ្វើដំណើរ និង​ការ​រឹតត្បិត​ផ្សេងទៀត​នៅក្នុងតំបន់​។ ទ្វីបអាហ្វ្រិក​មាន​អត្រា​ចាក់​វ៉ាក់សាំង​បង្ការ​វីរុស COVID-19 ទាប​បំផុត​នៅ​ទូទាំង​ពិភពលោកដោយសារ​កង្វះ​លទ្ធភាព​ទទួលបាន​វ៉ាក់សាំង​។​​លោក Guterres បាន​ព្រមាន​ជា​យូរ​មកហើយ​អំពី​គ្រោះថ្នាក់​ នៃ​វិសមភាព​វ៉ាក់សាំង​នៅ​ជុំវិញ​ពិភពលោក ហើយ​ថា​អត្រា​នៃ​ការចាក់​វ៉ាក់សាំង​បង្ការ​ទាប​គឺជា "​មូលដ្ឋាន​បង្កាត់​ពូជ​សម្រាប់​វីរុស​ប​ម្លែ​ង​ខ្លួន​ថ្មី​នានា​។ ​ប្រធាន​គណៈកម្មការ​ស​ហ​ភាព​អាហ្វ្រិកលោក Moussa Faki Mahamat បាន​និយាយ​នៅក្នុង​សន្និសីទ​សារព័ត៌មាន​រួមគ្នា​ជាមួយ​លោក Guterres បន្ទាប់ពី​កិច្ចប្រជុំ​ប្រចាំឆ្នាំ​រវាង​អង្គការសហប្រជាជាតិ និង​សហភាព​អាហ្វ្រិក​ថា "​ការហាម​ប្រាម​លើ​ការធ្វើដំណើរ​ទាំងនេះ​មិន​សម​ហេតុផល​ទេ។​ ​យោងតាម​ប្រធាន​គណៈកម្មការ​សេដ្ឋកិច្ចរបស់​អង្គការសហប្រជាជាតិ​សម្រាប់​ទ្វីបអាហ្វ្រិក ការហាម​ប្រាម​លើ​ការធ្វើដំណើរ​ដើម្បី​ព្យាយាម​បញ្ឈប់​ ការរីក​រាលដាល​នៃ​វីរុស​ប​ម្លែ​ងខ្លួន​ថ្មី omicron គឺជា "​កំហុស​" និង​បង្ក​ហានិភ័យ​ខ្ពស់​ដល់​សេដ្ឋកិច្ច​នៅ​ទ្វីបអាហ្វ្រិក ជាង​ការគំរាមកំហែង​ពី​វីរុស​ទៅទៀត​៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

លោក Zelenskyy ប្រកាស​ពង្រីកការវាយប្រហារដោយយាន​ដ្រូន លើ​រុស្ស៊ី
07/07/2026 04:07 PM
Facebook Telegram Linkin
រុស្ស៊ី៖ ការវាយប្រហាររបស់អ៊ុយក្រែនទៅលើមណ្ឌលសុខភាព គឺជាឧក្រិដ្ឋកម្មសង្គ្រាមដ៏ធ្ងន់ធ្ងរ
07/07/2026 04:07 PM
Facebook Telegram Linkin
អ្នកការទូត៖ រុស្ស៊ីអំពាវនាវឲ្យមានកិច្ចប្រឹងប្រែងរួមគ្នា ដើម្បីប្រឆាំងនឹងអាណានិគមនិយមឌីជីថលថ្មី
07/07/2026 04:07 PM
Facebook Telegram Linkin
ការផ្ទុះ ត្រូវបានឮនៅក្នុងទីក្រុងដាម៉ាសអំឡុងដំណើរទស្សនកិច្ចរបស់លោក Macron ទៅកាន់ប្រទេសស៊ីរី
07/07/2026 04:07 PM
Facebook Telegram Linkin
រដ្ឋមន្រ្តីក្រសួងពាណិជ្ជកម្មបន្ត​អំពាវនាវគ្រប់ភាគីពាក់ព័ន្ធ​ចូលរួមយុទ្ធនាការផលិតផលជាតិ​
07/07/2026 04:07 PM
Facebook Telegram Linkin
ន័រវ៉ែសជំរុញឱ្យចិនជួយនាំរុស្ស៊ីមកទៅ​កិច្ចចរចាសន្តិភាពអ៊ុយក្រែន
07/07/2026 04:07 PM
Facebook Telegram Linkin
អ្នកស្លាប់ពីគ្រោះរញ្ជួយដីនៅវ៉េណេស៊ុយអេឡាកើនឡើងឥតឈប់ ខណៈមនុស្សជិត២ម៉ឺននាក់នៅតែគ្មានជម្រក
07/07/2026 04:07 PM
Facebook Telegram Linkin
ជប៉ុនប្រាប់​​ថា នាវាចិនត្រូវបានបណ្តេញចេញពីកោះមានជម្លោះ
07/07/2026 04:07 PM
Facebook Telegram Linkin
លោក Merz សាទរចំពោះកិច្ចព្រមព្រៀងនាវាមុជទឹកដ៏ធំ​របស់កាណាដាជាមួយអាល្លឺម៉ង់ និងន័រវ៉ែស
07/07/2026 04:07 PM
Facebook Telegram Linkin
អាមេរិកដើរតួនាទីនាំ​មុខបង្ហាញ​ក្ដី​បារម្ភ ​ ក្រោយ​ចិនបាញ់សាក​ល្បង​មីស៊ីលចូលមហាសមុទ្រប៉ាស៊ីហ្វិក
07/07/2026 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.