BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

មេដឹកនាំប៉ូឡូញនិយាយថា វិបត្តិជនអន្តោប្រវេសន៍ប៉ះពាល់ដល់សហភាពអឺរ៉ុប និងណាតូ

ប៉ូឡូញ៖ ប្រធានាធិបតីប៉ូឡូញលោក Andrzej Duda បាននិយាយថា វិបត្តិជនអន្តោប្រវេសន៍នៅព្រំដែនប្រទេសរបស់លោកជាមួយប្រទេសបេឡារុស បានបង្ហាញនូវបញ្ហាប្រឈមផ្នែកសន្តិសុខខ្លាំងចំពោះមិនត្រឹមតែសហភាពអឺរ៉ុបប៉ុណ្ណោះទេ ប៉ុន្តែក៏មានអង្គការណាតូផងដែរ។ លោក Duda បាននិយាយដូច្នេះក្នុងអំឡុងពេលសន្និសីទសារព័ត៌មានរួមគ្នា ជាមួយសមភាគីប្រទេសម៉ាសេដូនាខាងជើងលោក Stevo Pendarovski។លោក Duda បាននិយាយនៅក្នុងកិច្ចពិភាក្សានាពេលថ្មីៗនេះ ជាមួយអគ្គលេខាធិការអង្គការ NATO លោក Jens Stoltenberg ដោយលោកបានបង្ហាញពីការគំរាមកំហែងដែលអាចកើតមានពីប្រទេសបេឡារុស។ លោកប្រធានាធិបតីបាននិយាយថា លោកនៅតែជឿថា វិបត្តិអាចត្រូវបានដោះស្រាយ។ ប្រទេសលោកខាងលិចបានចោទប្រកាន់ប្រធានាធិបតីបេឡារុសលោក Alexander Lukashenko ថា បានប្រើប្រាស់ជនអន្តោប្រវេសន៍ធ្វើជាកូនអុកដើម្បីធ្វើឱ្យសហភាពអឺរ៉ុបមានអស្ថិរភាព ក្នុងការសងសឹកចំពោះការដាក់ទណ្ឌកម្មលើរបបផ្តាច់ការរបស់លោក។ ប្រទេសបេឡារុសបានបដិសេធចំពោះវិបត្តិនេះ ដែលបានមើលឃើញជនអន្តោប្រវេសន៍ចូលមកប្រទេសតាំងពីរដូវក្តៅមុន ហើយបន្ទាប់មកព្យាយាមឆ្លងកាត់ទៅប្រទេសប៉ូឡូញ លីទុយអានី និងឡាតវី។ ប្រព័ន្ធផ្សព្វផ្សាយរដ្ឋប្រទេសបេឡារុសបានចេញផ្សាយវីដេអូ នៃជនអន្តោប្រវេសន៍នៅព្រំដែនប្រទេសបេឡារុស-ប៉ូឡូញត្រូវបានគេផ្តល់អាហារ និងទីជម្រកដែលរៀបចំនៅមជ្ឈមណ្ឌលដឹកជញ្ជូនក្បែរព្រំដែន។វីដេអូដែលចាក់ផ្សាយដោយទូរទស្សន៍រដ្ឋរុស្ស៊ីបានបង្ហាញពីបុគ្គលិកពេទ្យប្រទេសបេឡារុស បានមកដល់ព្រំដែនដើម្បីចាប់ផ្ដើមចាក់វ៉ាក់សាំងជនអន្តោប្រវេសន៍បង្ការវីរុស COVID-19។ ក្នុងរយៈពេលប៉ុន្មានថ្ងៃកន្លងទៅនេះ ជនអន្តោប្រវេសន៍រាប់ពាន់នាក់បានជាប់គាំងនៅក្នុងព្រៃត្រជាក់ និងសើមនៅព្រំដែនភាគខាងកើតប្រទេសប៉ូឡូញ។ យោងតាមអ្នកនាំពាក្យប្រធានាធិបតីរុស្ស៊ីលោក Vladimir Putin បាននិយាយថា ប្រធានាធិបតីប្រទេសបេឡារុស និងរុស្ស៊ីបានបង្ហាញការព្រួយបារម្ភជុំវិញតាមការចោទប្រកាន់ថា បានធ្វើបាបជនអន្តោប្រវេសន៍ដោយមន្ត្រីព្រំដែនប្រទេសប៉ូឡូញ។ ភាពតានតឹងបានផ្ទុះឡើងនៅព្រំដែនប្រទេសប៉ូឡូញ-បេឡារុស ដោយមនុស្សប្រមាណ ២.០០០នាក់ជាប់គាំងរវាងកងកម្លាំងមកពីប្រទេសទាំងពីរ៕អត្ថបទ៖ ប៊ុនថន

ចិនព្រមានសហរដ្ឋអាមេរិកពី "ការប្រឡែងលេងជាមួយភ្លើង" លើកោះតៃវ៉ាន់ក្នុងជំនួបរវាងលោក Biden និងលោក Xi

ចិន៖ ប្រធានាធិបតីចិនលោក Xi Jinping បានប្រើជំនួបកំពូលតាមវីដេអូជាមួយសមភាគីអាមេរិកលោក Joe Biden ដើម្បីព្រមានថា ការលើកទឹកចិត្តឲ្យមានឯករាជ្យភាពរបស់កោះតៃវ៉ាន់នឹងជាការ "ប្រឡែងលេងជាមួយភ្លើង''។ ការចរចានេះមានសារៈសំខាន់បំផុតចាប់តាំងពីលោក Biden ចូលកាន់តំណែងកាលពីខែមករាដើមឆ្នាំនេះ។ភាគីទាំងពីរបានសង្កត់ធ្ងន់លើទំនាក់ទំនងផ្ទាល់ខ្លួនរបស់មេដឹកនាំទាំងពីរ ហើយជំនួបកំពូលគឺជាការប៉ុនប៉ងដើម្បីបន្ធូរបន្ថយភាពតានតឹង។ ប៉ុន្តែមេដឹកនាំទាំង២ មិនអាចគេចផុតពីប្រធានបទដ៏រសើបបំផុតមួយនោះទេ គឺបញ្ហាកោះតៃវ៉ាន់ដែលជាដែនដីស្វ័យគ្រប់គ្រងដោយកោះតៃវ៉ាន់ ចិនមើលឃើញថា កោះតៃវ៉ាន់ជាខេត្តផ្ដាច់ខ្លួនមួយដែលខ្លួននឹងបង្រួបបង្រួម ជាមួយដីគោកនៅថ្ងៃណាមួយ។ សហរដ្ឋអាមេរិកទទួលស្គាល់ និងមានទំនាក់ទំនងផ្លូវការជាមួយចិន។ ប៉ុន្តែខ្លួនក៏បានសន្យាជួយកោះតៃវ៉ាន់ការពារខ្លួន ក្នុងព្រឹត្តិការណ៍នៃការវាយប្រហារណាមួយដែរ។សារព័ត៌មានរដ្ឋ Global Times របស់ចិនបាននិយាយថា លោក Xi បានស្តីបន្ទោសភាពតានតឹងនាពេលថ្មីៗនេះលើ "ការប៉ុនប៉ងម្តងហើយម្តងទៀតពីសំណាក់ក្រុមអាជ្ញាធរកោះតៃវ៉ាន់ ដើម្បីស្វែងរកការគាំទ្រពីសហរដ្ឋអាមេរិកសម្រាប់របៀបវារៈឯករាជ្យរបស់ពួកគេ ក៏ដូចជាចេតនារបស់ប្រជាជនអាមេរិកមួយចំនួនក្នុងការប្រើប្រាស់កោះតៃវ៉ាន់ ដើម្បីទប់ស្កាត់ប្រទេសចិន៕អត្ថបទ៖ សុខមាន

សម្តេចតេជោ៖សា្ថប័នសភាអាស៊ី-អឺរ៉ុប នឹងដើរតួនាទីដ៏សំខាន់នៅក្នុងការពង្រឹងទំនុកចិត្ត

ភ្នំពេញ ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជា ប្រធាននៃកិច្ចប្រជុំកំពូលអាស៊ី-អឺរ៉ុប លើកទី ១៣ បានថ្លែងក្នុងកិច្ចប្រជុំភាពជាដៃគូសភាអាស៊ី-អឺរ៉ុប លើកទី ១១ ពីរាជធានីភ្នំពេញ តាមប្រព័ន្ធវីដេអូទៅកាន់មេដឹកនាំអាស៊ីនិងអឺរ៉ុប នារសៀលថ្ងៃទី១៦វិច្ឆិកានេះថាសា្ថប័នសភាអាស៊ី-អឺរ៉ុប នឹងដើរតួនាទីដ៏សំខាន់នៅក្នុងការពង្រឹងទំនុកចិត្ត។សម្តេចបានគូសបញ្ជាក់ថាកិច្ចប្រជុំភាពជាដៃគូសភាអាស៊ី-អឺរ៉ុប គឺជាយន្តការស្នូល ដ៏សំខាន់មួយសម្រាប់តភ្ជាប់ប្រជាជន និងប្រជាជន រវាងទ្វីបទាំងពីរនៃយើង ហើយលទ្ធផល នៃកិច្ចប្រជុំនេះ នឹងក្លាយជាធាតុចូល និងអនុសាសន៍ដ៏មានតម្លៃសម្រាប់កិច្ចប្រជុំកំពូលអាស៊ី អឺរ៉ុប ។ ក្នុងនាមជាម្ចាស់ផ្ទះនៃកិច្ចប្រជុំកំពូលអាស៊ី-អឺរ៉ុបលើកទី ១៣, អាទិភាពរបស់កម្ពុជា គឺផ្ដោតសំខាន់ទៅលើការលើកកម្ពស់ពហុភាគីនិយមឱ្យកាន់តែរឹងមាំ ដើម្បីជំរុញកំណើនរួមគ្ន ក្នុងការស្ដារសង្គម-សេដ្ឋកិច្ចឡើងវិញប្រកបដោយចីរភាព, បរិយាប័ន្ន និងភាពធន់ នៅក្រោយវិបត្តិ។សម្តេចបន្តថា សន្តិភាព និងសន្តិសុខសកល កំពុងតែស្ថិតនៅក្រោមសម្ពាធ និងកាន់តែពិបាកប៉ាន់ស្មាន ដោយសារការកើនឡើងនៃការប្រកួតប្រជែងភូមិសាស្ត្រនយោបាយ ។ ខ្សែបន្ទាត់ភូមិសាស្ត្រ នយោបាយនានា កំពុងត្រូវបានគូសវាសរួចទៅហើយ និងបានដាក់គំនាបឱ្យរដ្ឋតូចៗជ្រើស រើសរបៀបវារៈនយោបាយមួយ ដែលមិនឆ្លុះបញ្ចាំងអំពីឆន្ទៈ និងផលប្រយោជន៍នៃប្រជាជាតិ របស់ខ្លួន ។ នៅក្នុងបរិបទនៃការប្រកួតប្រជែងភូមិសាស្ត្រនយោបាយដ៏តានតឹងនេះ, មានតែភាពជាដៃគូប្រកបដោយភាពជឿទុកចិត្តគ្នានោះទេ ទើបអាចឱ្យយើងបន្តរក្សាបាននូវយន្តការ ពហុភាគីនិយមមួយ ដែលនឹងធានាបាននូវសន្តិភាព, ស្ថិរភាព, វឌ្ឍនភាព និងវិបុលភាពរបស់ សកលលោក ។ ក្នុងស្មារតីនេះ, យើងទាំងអស់គ្នាចាំបាច់ត្រូវតែបន្តរក្សាឱ្យបាននូវគុណតម្ល នៃសន្តិភាព ព្រមទាំងបន្តរិះរកជានិច្ចនូវយន្តការចាំបាច់នានា សំដៅសម្រេចឱ្យបាននូវគោលដៅដ៏ឧត្តុង្គឧត្តមនេះ។សម្តេចបានបន្តទៀតថាសា្ថប័នសភាអាស៊ី-អឺរ៉ុប នឹងដើរតួនាទីដ៏សំខាន់នៅក្នុងការពង្រឹងទំនុកចិត្ត, ការបញ្ចៀស បញ្ហា តាមរយៈការទូតរវាងសភា និងសភា (Parliamentary Preventive Diplomacy) និងសំខាន់បំផុតនោះ គឺការធានាឱ្យបាននូវទំនុកចិត្តបែបយុទ្ធសាស្ត្រ ជាពិសេសលើបញ្ហា សន្តិសុខ និងស្ថិរភាព ដែលកាន់តែមានភាពស្មុគស្មាញ និងចាក់ស្រេះខ្លាំងឡើង ។ ឈរលើ មូលដ្ឋាននេះ, កម្ពុជាប្តេជ្ញាប្រកាន់ខ្ជាប់នូវគោលការណ៍នៃការគោរពគ្នា, ការរៀនសូត្រពីគ្នា, ការយោគយល់គ្នា, ការទុកចិត្តគ្នា និងការផ្តល់ផលប្រយោជន៍ឱ្យគ្នាទៅវិញទៅមក ដើម្បី កសាងបាននូវគ្រឹះដ៏ចាំបាច់មួយ សម្រាប់ការអនុវត្តគោលនយោបាយការបរទេសពហុភាគី និយមរបស់យើង ។ ប្រសិនបើគ្មានយន្តការពហុភាគីនិយមមួយដែលរឹងមាំ នោះយើងក៏ពុំ អាចដោះស្រាយបញ្ហាទាំងអស់នេះជារួមបានដែរ៕ អត្ថបទ ៖ មុត សុទ្ធ

សហភាពអឺរ៉ុបយល់ព្រមដាក់ទណ្ឌកម្មថ្មីលើបេឡារុស ខណៈវិបត្តិព្រំដែនកាន់តែធ្ងន់ធ្ងរ

អឺរ៉ុប៖ កាលពីថ្ងៃចន្ទសហភាពអឺរ៉ុបបានយល់ព្រមពង្រីកការដាក់ទណ្ឌកម្មបន្ថែមលើប្រទេសបេឡារុស ខណៈដែលវិបត្តិជនអន្តោប្រវេសន៍កាន់តែជ្រៅនៅតាមព្រំដែនរបស់ខ្លួនជាមួយប៉ូឡូញ។ មនុស្សរាប់ពាន់នាក់នៅតែជាប់គាំងនៅក្នុងលក្ខខណ្ឌអាកាសធាតុត្រជាក់ នៅតាមភាគីទាំងពីរនៃព្រំដែនបេឡារុស-ប៉ូឡូញ ដែលត្រូវបានរារាំងមិនឱ្យចូលទៅក្នុងសហភាពអឺរ៉ុបតាមរយៈប្រទេសប៉ូឡូញ ខណៈជម្លោះរវាងប្លុក និងទីក្រុង Minsk ផ្ទុះឡើង។លោក Josep Borrell តំណាងជាន់ខ្ពស់របស់សហភាពអឺរ៉ុបទទួលបន្ទុកកិច្ចការបរទេស និងគោលនយោបាយសន្តិសុខបាននិយាយថា ទណ្ឌកម្មនឹងដាក់គោលដៅបុគ្គល និងអង្គភាពមួយចំនួន ចំពោះការសម្របសម្រួលការឆ្លងកាត់ព្រំដែនខុសច្បាប់ចូលទៅក្នុងសហភាពអឺរ៉ុប។ ប្រទេសប៉ូឡូញ និងសមាជិកសហភាពអឺរ៉ុបផ្សេងទៀតបានចោទប្រកាន់បេឡារុសថា បានលើកទឹកចិត្តប្រជាជនឱ្យឆ្លងកាត់ព្រំដែនចូលប្រទេសប៉ូឡូញ ជាការសងសឹកចំពោះការដាក់ទណ្ឌកម្មរបស់បណ្ដាប្រទេសលោកខាងលិចមកលើទីក្រុង Minsk ជុំវិញការបោះឆ្នោតកាលពីខែសីហា ឆ្នាំ២០២០ ដ៏ចម្រូងចម្រាសដែលបានផ្តល់ឱ្យប្រធានាធិបតីដ៏យូរលោក Lukashenko ឡើងកាន់អាណត្តិទី៦ និងបង្កឱ្យមានការតវ៉ាប្រឆាំងរដ្ឋាភិបាលដ៏ធំ។ទីក្រុង Minsk បានទាត់ចោលការចោទប្រកាន់នេះ ហើយបានគំរាមសងសឹកប្រឆាំងនឹងវិធានការថ្មីណាមួយ រួមទាំងការបិទការផ្គត់ផ្គង់ឧស្ម័នរបស់រុស្ស៊ីទៅកាន់អឺរ៉ុបតាមរយៈបំពង់បង្ហូរប្រេងដែលរត់កាត់បេឡារុស។ ដោយឡែកការិយាល័យរបស់ប្រធានាធិបតីបារាំងបាននិយាយថា ប្រធានាធិបតីបារាំងលោក Emmanuel Macron និងប្រធានាធិបតីរុស្ស៊ីលោក Vladimir Putin បានព្រមព្រៀងគ្នាកាលពីថ្ងៃចន្ទថា ភាពតានតឹងនៅព្រំដែនប៉ូឡូញ-បេឡារុស ជាទីដែលក្រុមជនអន្តោប្រវេសន៍បាននឹងកំពុងកើនឡើងច្រើននោះ ត្រូវតែត្រូវបានកាត់បន្ថយ៕អត្ថបទ៖ សុខមាន

កម្ពុជា-ចិនជំរុញទំហំពាណិជ្ជកម្មឲ្យឡើងដល់១០ពាន់លានដុល្លារក្រោយឯកភាពគ្នាលើកិច្ចព្រមព្រៀងពាណិជ្ជកម្មសេរីនៅឆ្នាំក្រោយ

ភ្នំពេញ ៖ រាជរដ្ឋាភិបាលកម្ពុជា និងសាធារណៈរដ្ឋប្រជាមានិតចិនបានឯកភាពគ្នាដាក់ឱ្យចូលជាធរមាននូវកិច្ចព្រមព្រៀងពាណិជ្ជកម្មសេរីនៅដើមឆ្នាំក្រោយនេះ និងជំរុញពាណិជ្ជកម្មឱ្យកើនដល់១០ពាន់លានដុល្លារក្នុងមួយឆ្នាំៗនោះ។ ថ្លែងប្រាប់អ្នកសារព័ត៌មានក្រោយពីកិច្ចពិភាក្សាការងារ វាងសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងឯកឧត្តម លី ខឺឈាង នាយករដ្ឋមន្រ្តីនៃសាធារណៈរដ្ឋប្រជាមានិត ចិនតាមរយៈវិដេអូនាថ្ងៃទី១៥ ខែវិច្ឆិកា ឆ្នាំ២០២១នេះ ឯកឧត្តម អ៊ាង សុផល្លែត ជំនួយការផ្ទាល់សម្តេច តេជោ ហ៊ុន សែន បានលើកឡើងថា នៅក្នុងកិច្ចពិភាក្សានោះ សម្ដេចតេជោ និងឯកឧត្តម លី ខឺឈាង បានពិភាក្សាគ្នាលើបញ្ហាសេដ្ឋកិច្ច, ពាណិជ្ជកម្ម,កសិកម្ម,និងទំនាក់ទំនងរវាងប្រជាជននិងប្រជាជន។ ឯកឧត្តមបានបញ្ជាក់ទៀតថា នៅក្នុងកិច្ចជំនួបនោះភាគីទាំងពីរបានឯកភាពគ្នាក្នុងការជំរុញពាណិជ្ជកម្មរវាងប្រទេសទាំងពីរឱ្យកើនឡើងដល់ ១០ ពាន់លានដុល្លារក្នុងមួយឆ្នាំនិងបានឯកភាពគ្នាដាក់ឱ្យចូលជាធរមាននូវកិច្ចព្រមព្រៀងពា ណិជ្ជកម្មសេរីរវាងកម្ពុជា-ចិននៅខែមករាខាងមុខនេះ។ ដោយឡែកលើវិស័យកសិកម្ម ឯកឧត្តម លី ខឺឈាង បានយល់ស្របនឹងជំរុញឲ្យមានការធ្វើការរួមគ្នារវាងភាគីទាំងពីរធ្វើយ៉ាងណាពិភាក្សាចរចាគ្នាលើកូតានាំអង្ករ និងនាំកសិផលកម្ពុជាចូលទៅប្រទេសចិនដោយផ្ទាល់តែម្តងតាមរយៈការបង្កើតយន្តការរួមគ្នាមួយពិនិត្យមើលលទ្ធផលទាំងឡាយណា ដែលត្រូវនាំចេញពីកម្ពុជាទៅប្រទេសចិន គប្បីទាក់ទាញធ្វើឲ្យការនាំចេញនេះ គឺនាំចេញផ្ទាល់ទៅប្រទេសចិនតែម្ដង។ បើតាមឯកឧត្តម អ៊ាង សុផល្លែត បានឲ្យដឹងទៀតថា នៅក្នុងកិច្ចពិភាក្សានោះឯកឧត្តម លី ខឺឈាង បានសន្យាថានឹងបន្តជួយដល់កម្ពុជានូវវ៉ាក់សាំងជួយទប់ស្កាត់កូវីដ-១៩ ក្នុងរយៈពេលដ៏ខ្លីខាងមុខនេះ រួមទាំងជំនួយពាក់ព័ន្ធនឹងវិស័យសុខាភិបាល និងពេទ្យព្យាបាលជំងឺកូវីដ-១៩ដល់កម្ពុជាផងដែរ។ ទន្ទឹមនេះភាគីចិននឹងផ្ដល់អាហារូបករណ៍ដល់កម្ពុជាសម្រាប់ឆ្នាំ២០២២-២០២៣ ចំនួន៥០០កន្លែង រយៈពេល៥ឆ្នាំហើយក៏កំពុងពិនិត្យពិចារណាមើលផងដែរដើម្បីបើកឲ្យនិស្សិតកម្ពុជាបានត្រឡប់ទៅបន្តការសិក្សានៅប្រទេសចិនវិញនៅពេលឆាប់ខាងមុខនេះ៕អត្ថបទ ៖ បាន ចក់

មនុស្ស ៣នាក់ត្រូវចាប់ខ្លួនក្រោមច្បាប់ភេរវកម្ម ក្រោយបំផ្ទុះរថយន្តសម្លាប់មនុស្សម្នាក់នៅអង់គ្លេស

អង់គ្លេស៖ បុរស ៣នាក់ត្រូវបានចាប់ខ្លួនក្រោមច្បាប់ភេរវកម្ម បន្ទាប់ពីបុរសម្នាក់បានស្លាប់នៅក្នុងការបំផ្ទុះរថយន្តនៅខាងក្រៅមន្ទីរពេទ្យស្ត្រី Liverpool នៅចក្រភពអង់គ្លេស។ រថយន្តឈ្នួលដឹកអ្នកដំណើរមួយគ្រឿងបានឆេះនៅមុនម៉ោង ១១:០០នាទីម៉ោងក្នុងស្រុក ជាពេលវេលាដែលប្រជាពលរដ្ឋទូទាំងចក្រភពអង់គ្លេសធ្វើពិធីស្ងៀមស្ងាត់រយៈពេល ២នាទីកាលពីថ្ងៃអាទិត្យរំលឹកដល់មនុស្សដែលបានស្លាប់ក្នុងសម័យសង្គ្រាម។អ្នកដំណើរម្នាក់ត្រូវបានគេប្រកាសថាស្លាប់នៅនឹងកន្លែងកើតហេតុ ហើយមិនទាន់ស្គាល់អត្តសញ្ញាណជាផ្លូវការនៅឡើយទេ។ ចំណែកបុរសជាអ្នកបើកបរបានរងរបួស កំពុងសម្រាកព្យាបាលនៅមន្ទីរពេទ្យក្នុងស្ថានភាពធម្មតា។ ក្រុមអ្នកស៊ើបអង្កេតមកពីអង្គភាពប្រឆាំងភេរវកម្ម North West បាននិយាយថា បុរស ៣នាក់ដែលមានអាយុ ២៩ឆ្នាំ, ២៦ឆ្នាំ និង ២១ឆ្នាំត្រូវបានឃុំខ្លួននៅផ្លូវ Sutcliffe ក្នុងតំបន់ Kensington របស់ទីក្រុង Liverpool។ ក្រុមពួកគេបាននិយាយថា ខ្លួនកំពុងបន្តរក្សាតាមដានអំពីមូលហេតុនៃការផ្ទុះនេះ ហើយកំពុងធ្វើការជាមួយអង្គភាពនគរបាល Merseyside ខណៈដែលការស៊ើបអង្កេតនៅតែបន្ត។ ចំណែកភ្នាក់ងារកងកម្លាំងសន្តិសុខ MI5 ក៏កំពុងជួយដល់ការងារនេះផងដែរ៕អត្ថបទ៖ សុខមាន

អាមេរិក និងចិនព្រមានគ្នាជុំវិញបញ្ហាកោះតៃវ៉ាន់មុនជំនួបកំពូលរវាងលោក Biden និងលោក Xi

អាមេរិក៖ ប្រមុខការទូតជាន់ខ្ពស់មកពីប្រទេសចិន និងសហរដ្ឋអាមេរិកបានព្រមានគ្នាទៅវិញទៅមកយ៉ាងម៉ឺងម៉ាត់ ជុំវិញបញ្ហាយ៉ាងក្តៅគគុករបស់កោះតៃវ៉ាន់ នៅមុនកិច្ចប្រជុំកំពូលដែលរង់ចាំយ៉ាងអន្ទះសានៅថ្ងៃចន្ទ (១៥ ខែវិច្ឆិកា) នេះរវាងមេដឹកនាំមហាអំណាចទាំង២។ កិច្ចប្រជុំតាមវីដេអូរវាងលោកប្រធានាធិបតី Joe Biden និងលោក Xi Jinping កើតឡើងស្របពេលមានភាពតានតឹងកំពុងកើនឡើងមួយផ្នែកលើកោះតៃវ៉ាន់ ជាលទ្ធិប្រជាធិបតេយ្យស្វ័យគ្រប់គ្រងដែលទីក្រុងប៉េកាំងអះអាងថា ជាផ្នែកមួយនៃដែនដីរបស់ចិន ប៉ុន្តែក៏ទាក់ទងនឹងពាណិជ្ជកម្ម សិទ្ធិមនុស្ស និងបញ្ហាផ្សេងៗទៀតផងដែរ។នៅក្នុងការហៅទូរស័ព្ទកាលពីថ្ងៃសុក្ររវាងរដ្ឋមន្ត្រីការបរទេសចិនលោក Wang Yi ដើម្បីពិភាក្សាអំពីការរៀបចំសម្រាប់កិច្ចប្រជុំកំពូល រដ្ឋមន្ត្រីការបរទេសអាមេរិកលោក Antony Blinken បានលើកឡើងពីការព្រួយបារម្ភអំពី "សម្ពាធយោធា ការទូត និងសេដ្ឋកិច្ច" របស់ទីក្រុងប៉េកាំងលើកោះតៃវ៉ាន់។ លោក Wang បានព្រមានពីគ្រោះថ្នាក់នៃសកម្មភាពរបស់សហរដ្ឋអាមេរិកដែលទំនងគាំទ្រ "ឯករាជ្យភាពកោះតៃវ៉ាន់"។ ទីក្រុងវ៉ាស៊ីនតោនបានប្តូរការទទួលស្គាល់ការទូតពីទីក្រុងតៃប៉ិទៅទីក្រុងប៉េកាំងក្នុងឆ្នាំ១៩៧៩ ប៉ុន្តែទង្វើរបស់សភាបានអនុម័តនៅឆ្នាំនោះតម្រូវឱ្យសហរដ្ឋអាមេរិក ផ្តល់អាវុធដល់កោះតៃវ៉ាន់សម្រាប់ស្វ័យការពារ៕អត្ថបទ៖ សុខមាន

ប្រមុខ UN ព្រមានថា ការកំណត់គោលដៅនៃការឡើងកំដៅភពផែនដីគឺផ្ដោតលើការសង្គ្រោះជីវិត

UN៖ ប្រធានអង្គការសហប្រជាជាតិលោក Antonio Guterres បានប្រាប់ទីភ្នាក់ងារសារព័ត៌មាន AP ថា គោលដៅនៃការកាត់បន្ថយការឡើងកំដៅភពផែនដីដល់ ១.៥អង្សាសេគឺផ្ដោតលើការសង្គ្រោះជីវិត។ លោកបាននិយាយថា កិច្ចប្រជុំកំពូលស្ដីពីបម្រែបម្រួលអាកាសធាតុលើកទី២៦ របស់អង្គការសហប្រជាជាតិ (COP26) ប្រហែលជាពុំបានមើលឃើញរដ្ឋាភិបាលធ្វើការសន្យា ដែលជាតម្រូវការចាំបាច់ក្នុងការកាត់បន្ថយការបំភាយឧស្ម័នផ្ទះកញ្ចក់ឱ្យបានគ្រប់គ្រាន់នោះទេ។សម្ពាធកំពុងកើនឡើងសម្រាប់ប្រទេសនានាដើម្បីធ្វើកិច្ចព្រមព្រៀងដ៏មានអត្ថន័យមួយ មុនពេលកិច្ចប្រជុំកំពូលបញ្ចប់នៅថ្ងៃទី១២ ខែវិច្ឆិកានេះ។ ប៉ុន្តែអគ្គលេខាធិការអង្គការសហប្រជាជាតិរូបនេះក៏បាននិយាយផងដែរថា ក្តីសង្ឃឹមនៅតែមានរហូតដល់នាទីចុងក្រោយ។ ក្រុមអ្នកវិទ្យាសាស្ត្រនិយាយថា ការកាត់បន្ថយសីតុណ្ហភាពពិភពលោកឡើងដល់ត្រឹម ១.៥អង្សាសេនឹងជួយមនុស្សជាតិឱ្យជៀសផុតពីផលប៉ះពាល់អាកាសធាតុដ៏អាក្រក់បំផុត។ នេះគឺប្រៀបធៀបទៅនឹងសីតុណ្ហភាពមុនសម័យធ្វើឧស្សាហកម្ម។ នៅទីក្រុងប៉ារីសកាលពីឆ្នាំ២០១៥ មេដឹកនាំពិភពលោកបានសន្យាថា នឹងព្យាយាមទប់ពិភពលោកពីការឡើងកំដៅលើសពីចន្លោះពី ១.៥អង្សាសេ ទៅ ២អង្សាសេ តាមរយៈការកាត់បន្ថយការបញ្ចេញឧស្ម័នផ្ទះកញ្ចក់។ ការព្យាករណ៍ចុងក្រោយគឺសីតុណ្ហភាពនឹងកើនឡើងដល់កម្រិត ២.៧អង្សាសេ៕អត្ថបទ៖ សុខមាន

តំបន់អឺរ៉ុបមានអ្នកស្លាប់ដោយសារវីរុស COVID-19 ជាងពាក់កណ្ដាលនៃចំនួនសរុបរបស់ពិភពលោកនៅដើមខែវិច្ឆិកានេះ

អឺរ៉ុប៖ យោងតាមតួលេខរបស់អង្គការសុខភាពពិភពលោក (WHO) ដែលបានចេញផ្សាយនៅសប្ដាហ៍នេះ អ្នកស្លាប់ដោយសារជំងឺវីរុសកូរ៉ូណានៅតំបន់អឺរ៉ុបបានកើនឡើង ១០% នៅក្នុងសប្ដាហ៍ដំបូងនៃខែនេះ ហើយក្នុងពេលមួយថ្ងៃមានអ្នកស្លាប់ជាង ៤៨,០០០នាក់ដោយសារវីរុសកូរ៉ូណាជាងពាក់កណ្ដាលនៃចំនួនអ្នកស្លាប់ ដែលបានរាយការណ៍នៅទូទាំងពិភពលោកនៅពេលនោះ ទោះបីជាករណីឆ្លងថ្មី និងការស្លាប់បានធ្លាក់ចុះ ឬនៅតែមានចំនួនថេរនៅក្នុងពិភពលោកក៏ដោយ។ចំនួនអ្នកស្លាប់ខ្ពស់បំផុតត្រូវបានកត់ត្រានៅក្នុងប្រទេសរុស្ស៊ី ដែលបានរាយការណ៍ពីចំនួនអ្នកស្លាប់ដោយសារវីរុស Covid-19 ក្នុងរយៈពេលប៉ុន្មានសប្ដាហ៍ថ្មីៗនេះបន្ទាប់មកគឺអ៊ុយក្រែន និងរូម៉ានី។ ចំនួនអ្នកឆ្លងថ្មីគឺខ្ពស់បំផុតនៅក្នុងប្រទេសរុស្ស៊ី ចក្រភពអង់គ្លេស និងទួរគី នេះបើយោងតាមតួលេខរបស់អង្គការសុខភាពពិភពលោក។ របាយការណ៍របស់ទីភ្នាក់ងារនេះបាននិយាយថា អឺរ៉ុបមានចំនួនប្រហែល ២ ភាគ ៣ នៃករណីឆ្លងថ្មីដែលបានរាយការណ៍ចំនួន ៣.១លានរបស់ពិភពលោកក្នុងសប្ដាហ៍នោះ ហើយក្រុមមន្ត្រីនៅក្នុងប្រទេសដែលរងគ្រោះខ្លាំងកំពុងថ្លឹងថ្លែងការរឹតបន្តឹងថ្មី ដើម្បីព្យាយាមទប់ស្កាត់ការផ្ទុះឡើងខណៈដែលរដូវរងាខិតជិតមកដល់។នៅប្រទេសអាឡឺម៉ង់ដែលប្រជាជនប្រហែល ៦៧% ត្រូវបានចាក់វ៉ាក់សាំងពេញលេញប្រឆាំងនឹងវីរុស Covid-19 ករណីឆ្លងថ្មីរាប់ម៉ឺននាក់កំពុងត្រូវបានរាយការណ៍ជារៀងរាល់ថ្ងៃ ដែលជាករណីឆ្លងថ្មីខ្ពស់បំផុតរបស់ប្រទេស ចាប់តាំងពីជំងឺរាតត្បាតសកលនេះបានចាប់ផ្តើម។ នៅក្នុងប្រទេសរូម៉ានី វីរុស Covid-19 បានឈានដល់កម្រិតខ្ពស់បំផុត ហើយបន្ទប់សង្គ្រោះបន្ទាន់ ឬ ICU កំពុងស្ថិតក្នុងភាពទ្រុឌទ្រោម។ សរុបមកមានករណីឆ្លងជាង ២៥០លាននាក់ និងស្លាប់ជាង ៥លាននាក់ដោយសារវីរុស Covid-19 ត្រូវបានរាយការណ៍ចាប់តាំងពីជំងឺរាតត្បាតនេះបានចាប់ផ្តើម៕អត្ថបទ៖ សុខមាន

WHO៖ ករណីឆ្លងវីរុសកូរ៉ូណាបានថយចុះគ្រប់ទីកន្លែងលើកលែងតែទ្វីបអឺរ៉ុប

WHO៖ អង្គការសុខភាពពិភពលោកបានរាយការណ៍កាលពីថ្ងៃពុធថា ចំនួនអ្នកស្លាប់ដោយសារវីរុសកូរ៉ូណាឬ COVID-19 បានហក់ឡើង ១០% នៅអឺរ៉ុបកាលពីសប្ដាហ៍មុន ដែលបានក្លាយជាតំបន់តែមួយគត់មានទាំងករណីឆ្លង ទាំងករណីស្លាប់ដោយសារវីរុស COVID-19 កើនឡើងជាលំដាប់។ នោះជាសប្ដាហ៍ទី ៦ជាប់ៗគ្នាដែលវីរុសនេះបានហក់ឡើងខ្ពស់នៅទូទាំងទ្វីបនេះ។ក្នុងរបាយការណ៍ប្រចាំសប្ដាហ៍របស់ខ្លួនស្ដីពីការវិវត្តន៍នៃវីរុសរាតត្បាតសកល ទីភ្នាក់ងារសុខភាពរបស់អង្គការសហប្រជាជាតិបាននិយាយថា មានករណីឆ្លងថ្មីប្រមាណ ៣.១លាននាក់នៅទូទាំងពិភពលោកកើនឡើងប្រហែល ១% ពីសប្ដាហ៍មុនជិត ២ភាគ៣ នៃការឆ្លងវីរុសកូរ៉ូណាចំនួន ១.៩លានករណីនៅក្នុងទ្វីបអឺរ៉ុប ជាទីដែលមានករណីឆ្លងបានហក់ឡើង ៧%។ បណ្ដាប្រទេសដែលមានចំនួនខ្ពស់បំផុតនៃករណីឆ្លងថ្មីនៅទូទាំងពិភពលោក មានសហរដ្ឋអាមេរិក រុស្ស៊ី ចក្រភពអង់គ្លេស ទួរគី និងអាល្លឺម៉ង់។ ចំនួនអ្នកស្លាប់ដោយសារវីរុស COVID-19 ប្រចាំសប្ដាហ៍បានធ្លាក់ចុះប្រហែល ៤% នៅទូទាំងពិភពលោក និងបានធ្លាក់ចុះគ្រប់តំបន់លើកលែងតែទ្វីបអឺរ៉ុប។ក្រៅពីប្រទេសចំនួន ៦១ អង្គការសុខភាពពិភពលោកបានដាក់បញ្ចូលក្នុងតំបន់អឺរ៉ុប ដែលរួមទាំងប្រទេសរុស្ស៊ី និងរហូតទៅដល់អាស៊ីកណ្ដាលនោះមានការរាយការណ៍ពីករណីឆ្លងកើនឡើង ៤២% យ៉ាងហោចណាស់ក៏មាន ១០% កាលពីសប្ដាហ៍មុន។ នៅទ្វីបអាមេរិក អង្គការសុខភាពពិភពលោកបាននិយាយថា ករណីឆ្លងថ្មីប្រចាំសប្ដាហ៍បានធ្លាក់ចុះ ៥% និងការស្លាប់ថយចុះ ១៤% ខណៈដែលមានករណីឆ្លងខ្ពស់បំផុតត្រូវបានរាយការណ៍នៅក្នុងសហរដ្ឋអាមេរិក៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

ស៊ីរី និងបារាំង ចុះហត្ថលេខាលើកិច្ចព្រមព្រៀងសហប្រតិបត្តិការទូលំទូលាយ អំឡុងទស្សនកិច្ចរបស់លោក Macron

ប្រធានាធិបតីម៉ុលដាវី លោកស្រី Sandu តែងតាំងនាយករដ្ឋមន្ត្រីស្តីទី

UN បង្កើនជំនួយ ក្រោយការរញ្ជួយដីនៅវេណេស៊ុយអេឡា សម្លាប់មនុស្សជាង ៣.៥០០នាក់

មនុស្ស ៨នាក់ស្លាប់ ពេលព្យុះកួចវាយប្រហារទីក្រុង Ezhou របស់ចិន

រដ្ឋមន្រ្តីការបរទេសអ៊ីរ៉ង់និយាយថា ការគំរាមរបស់សហរដ្ឋអាមេរិក រារាំងការបង្កើតកិច្ចព្រមព្រៀង

លោក Macron ទៅដល់វិធានប្រធានាធិបតីស៊ីរីនៅទីក្រុងដាម៉ាស ភ្លាមៗក្រោយហេតុការណ៍ផ្ទុះ

ការប៉ះទង្គិចគ្នានៅទីក្រុង Ankara ស្របពេលបាតុកម្មប្រឆាំងអង្គការណាតូ ធ្វើឡើងនៅរដ្ឋធានីប្រទេសទួរគីមួយនេះ

ឌូនេស៊ី និងឥណ្ឌា យល់ព្រមជំរុញពាណិជ្ជកម្ម និងពង្រីកកិច្ចសហប្រតិបត្តិការការពារជាតិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

មេដឹកនាំប៉ូឡូញនិយាយថា វិបត្តិជនអន្តោប្រវេសន៍ប៉ះពាល់ដល់សហភាពអឺរ៉ុប និងណាតូ

ចិនព្រមានសហរដ្ឋអាមេរិកពី "ការប្រឡែងលេងជាមួយភ្លើង" លើកោះតៃវ៉ាន់ក្នុងជំនួបរវាងលោក Biden និងលោក Xi

សម្តេចតេជោ៖សា្ថប័នសភាអាស៊ី-អឺរ៉ុប នឹងដើរតួនាទីដ៏សំខាន់នៅក្នុងការពង្រឹងទំនុកចិត្ត

សហភាពអឺរ៉ុបយល់ព្រមដាក់ទណ្ឌកម្មថ្មីលើបេឡារុស ខណៈវិបត្តិព្រំដែនកាន់តែធ្ងន់ធ្ងរ

មនុស្ស ៣នាក់ត្រូវចាប់ខ្លួនក្រោមច្បាប់ភេរវកម្ម ក្រោយបំផ្ទុះរថយន្តសម្លាប់មនុស្សម្នាក់នៅអង់គ្លេស

អាមេរិក និងចិនព្រមានគ្នាជុំវិញបញ្ហាកោះតៃវ៉ាន់មុនជំនួបកំពូលរវាងលោក Biden និងលោក Xi

ប្រមុខ UN ព្រមានថា ការកំណត់គោលដៅនៃការឡើងកំដៅភពផែនដីគឺផ្ដោតលើការសង្គ្រោះជីវិត

តំបន់អឺរ៉ុបមានអ្នកស្លាប់ដោយសារវីរុស COVID-19 ជាងពាក់កណ្ដាលនៃចំនួនសរុបរបស់ពិភពលោកនៅដើមខែវិច្ឆិកានេះ

WHO៖ ករណីឆ្លងវីរុសកូរ៉ូណាបានថយចុះគ្រប់ទីកន្លែងលើកលែងតែទ្វីបអឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

មេដឹកនាំ​ប៉ូឡូញ​និយាយ​ថា វិបត្តិ​ជនអន្តោប្រវេសន៍​ប៉ះ​ពាល់​ដល់​សហភាព​អឺរ៉ុប និង​ណា​តូ

សម្តេចតេជោ៖សា្ថប័នសភាអាស៊ី-អឺរ៉ុប នឹងដើរតួនាទីដ៏សំខាន់នៅក្នុងការពង្រឹងទំនុកចិត្ត

សហភាព​អឺរ៉ុប​យល់ព្រម​ដាក់ទណ្ឌកម្ម​ថ្មី​លើ​បេឡា​រុស ខណៈ​វិបត្តិ​ព្រំដែន​កាន់តែ​ធ្ងន់ធ្ងរ

អាមេរិក និង​ចិន​ព្រមាន​គ្នា​ជុំវិញ​បញ្ហា​កោះ​តៃវ៉ាន់​មុន​ជំនួប​កំពូល​រវាងលោក Biden​ និង​លោក ​Xi

ប្រមុខ UN ព្រមាន​ថា ការកំណត់​គោលដៅ​នៃ​ការ​ឡើង​កំដៅ​ភព​ផែន​ដី​គឺ​ផ្ដោត​លើ​ការ​សង្គ្រោះ​ជីវិត​

WHO៖ ករណី​ឆ្លង​វីរុស​កូ​រ៉ូ​ណា​បាន​ថយ​ចុះ​គ្រប់​ទីកន្លែង​លើក​លែងតែ​ទ្វីប​អឺរ៉ុប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

មេដឹកនាំប៉ូឡូញនិយាយថា វិបត្តិជនអន្តោប្រវេសន៍ប៉ះពាល់ដល់សហភាពអឺរ៉ុប និងណាតូ

សហភាពអឺរ៉ុបយល់ព្រមដាក់ទណ្ឌកម្មថ្មីលើបេឡារុស ខណៈវិបត្តិព្រំដែនកាន់តែធ្ងន់ធ្ងរ

អាមេរិក និងចិនព្រមានគ្នាជុំវិញបញ្ហាកោះតៃវ៉ាន់មុនជំនួបកំពូលរវាងលោក Biden និងលោក Xi

ប្រមុខ UN ព្រមានថា ការកំណត់គោលដៅនៃការឡើងកំដៅភពផែនដីគឺផ្ដោតលើការសង្គ្រោះជីវិត

WHO៖ ករណីឆ្លងវីរុសកូរ៉ូណាបានថយចុះគ្រប់ទីកន្លែងលើកលែងតែទ្វីបអឺរ៉ុប