BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ប្រធានសិទ្ធិមនុស្សអង្គការសហប្រជាជាតិជំរុញឲ្យបន្ធូរបន្ថយភាពតានតឹងនៃវិបត្តិជនអន្តោប្រវេសន៍រវាងប៉ូឡូញ និងបេឡារុស

បេឡារុស៖ ប្រមុខសិទ្ធិមនុស្សរបស់អង្គការសហប្រជាជាតិលោកស្រី Michelle Bachelet បានអំពាវនាវឲ្យប្រទេសបេឡារុស និងប៉ូឡូញបន្ធូរបន្ថយវិបត្តិជនអន្តោប្រវេសន៍ "ដែលមិនអាចអត់ឱនបាន" នៅតាមព្រំដែនរួមគ្នារបស់ពួកគេ ហើយបាននិយាយថា អ្នកដែលជាប់គាំងនៅព្រំដែនមិនគួរបន្តស្នាក់នៅដោយគ្មានទីជម្រកក្នុងសីតុណ្ហភាពត្រជាក់នោះឡើយ។ការអត្ថាធិប្បាយរបស់លោកស្រី Bachelet កាលពីថ្ងៃពុធមានឡើងបន្ទាប់ពីទីក្រុង Warsaw ប្រទេសប៉ូឡូញបាននិយាយថា ខ្លួនបានបញ្ជូនកងទ័ពរាប់ពាន់នាក់បន្ថែមទៀតទៅកាន់ព្រំដែន បន្ទាប់ពីមនុស្សរាប់រយនាក់បានព្យាយាមពេញមួយយប់ ដើម្បីឆ្លងពីប្រទេសបេឡារុសចូលប្រទេសប៉ូឡូញ។ ទីក្រុង Minsk ប្រទេសបេឡារុសបានចោទប្រកាន់កងកម្លាំងសន្តិសុខប៉ូឡូញថា បានបណ្ដេញក្រុមអ្នកស្វែងរកសិទ្ធិជ្រកកោនដោយខុសច្បាប់ត្រឡប់ទៅប្រទេសបេឡារុសវិញ។ បច្ចុប្បន្ននេះ មនុស្សរាប់រយនាក់កំពុងបោះជំរំស្នាក់នៅតាមព្រំដែន ដែលជនអន្តោប្រវេសន៍ និងជនភៀសខ្លួនប្រមាណ ៤,០០០នាក់បានប្រមូលផ្តុំគ្នានៅតំបន់ក្បែរព្រំដែន រួមទាំងព្រៃឈើនៅក្បែរនោះ។លោកស្រី Bachelet បាននិយាយនៅក្នុងសេចក្ដីថ្លែងការណ៍មួយថា "ខ្ញុំជំរុញឱ្យរដ្ឋដែលពាក់ព័ន្ធចាត់វិធានការជាបន្ទាន់ ដើម្បីបន្ធូរបន្ថយភាពតានតឹង និងដោះស្រាយស្ថានការណ៍ដែលមិនអាចអត់ឱនបាននេះ ស្របតាមកាតព្វកិច្ចរបស់ពួកគេក្រោមច្បាប់សិទ្ធិមនុស្សអន្តរជាតិ និងច្បាប់ជនភៀសខ្លួន។ កាលពីថ្ងៃពុធ ក្រុមអាជ្ញាធរបេឡារុសបានចោទប្រកាន់ទាហានប៉ូឡូញ ពីបទប្រើកម្លាំងវាយដុំលើក្រុមជនអន្តោប្រវេសន៍ដែលកំពុងព្យាយាមឆ្លងព្រំដែន ស្របពេលភាពតានតឹងរីកកាន់តែធំរវាងប្រទេសជិតខាងទាំង២ នៅអឺរ៉ុបខាងកើត៕អត្ថបទ៖ សុខមាន

ក្រុមប្រឹក្សាសន្តិសុខអង្គការសហប្រជាជាតិជំរុញឲ្យសហភាពមីយ៉ាន់ម៉ាបញ្ចប់អំពើហិង្សា

UN៖ ក្រុមប្រឹក្សាសន្តិសុខអង្គការសហប្រជាជាតិ បានសម្ដែងការព្រួយបារម្ភយ៉ាងខ្លាំងកាលពីថ្ងៃពុធ ទី១០ វិច្ឆិកា ជុំវិញការកើនឡើងនៃអំពើហិង្សានៅទូទាំងសហភាពមីយ៉ាន់ម៉ា ហើយនៅក្នុងសេចក្តីថ្លែងការណ៍ដ៏កម្រមួយដែលបានព្រមព្រៀងគ្នាដោយសមាជិក ១៥រូបបានអំពាវនាវឱ្យបញ្ចប់ការប្រយុទ្ធជាបន្ទាន់ និងឱ្យយោធាអនុវត្តការអត់ធ្មត់ឲ្យបានខ្លាំងបំផុត។មានរបាយការណ៍មួយចំនួនអំពីការបង្កើនអាវុធធុនធ្ងន់ និងកម្លាំងកងទ័ពនៅក្នុងរដ្ឋ Chin ដែលបង្ហាញពីការវាយប្រហាររបស់កងទ័ពដែលនឹងកើតមានឡើង ដើម្បីកម្ចាត់ក្រុមជីវពលដែលបានបង្កើតឡើង បន្ទាប់ពីយោធាបានបណ្ដេញរដ្ឋាភិបាលជាប់ឆ្នោតរបស់លោកស្រី Aung San Suu Kyi ក្នុងរដ្ឋប្រហារកាលពីថ្ងៃទី១ ខែកុម្ភៈ។ សេចក្ដីថ្លែងការណ៍បាននិយាយថា ក្រុមសមាជិកក្រុមប្រឹក្សាសន្តិសុខបានសម្ដែងការព្រួយបារម្ភយ៉ាងខ្លាំង ចំពោះអំពើហិង្សាថ្មីៗបន្ថែមទៀតនៅទូទាំងសហភាពមីយ៉ាន់ម៉ា។ ក្រុមសមាជិកទាំងនោះបានអំពាវនាវឱ្យបញ្ឈប់អំពើហិង្សាជាបន្ទាន់ និងធានាសុវត្ថិភាពរបស់ជនស៊ីវិល។របបយោធាមីយ៉ាន់ម៉ាមិនបានធ្វើអត្ថាធិប្បាយអំពីស្ថានការណ៍នៅរដ្ឋ Chin ជាតំបន់ព្រំដែនងាយនឹងផ្ទុះជម្លោះ ដែលក្លាយជាតំបន់ជួរមុខនៃការតស៊ូប្រឆាំងនឹងការគ្រប់គ្រងដោយយោធា។ សហភាពមីយ៉ាន់ម៉ាបានធ្លាក់ចូលក្នុងវិបត្តិដោយសារការតវ៉ា និងអំពើហិង្សាចាប់តាំងពីរដ្ឋប្រហារដោយរបបយោធាដែលកំពុងព្យាយាមគ្រប់គ្រងប្រទេស និងប្រឈមនឹងការតស៊ូប្រដាប់អាវុធពីក្រុមកងជីវពល និងក្រុមឧទ្ទាមជនជាតិភាគតិចដែលចងសម្ព័ន្ធមិត្តជាមួយរដ្ឋាភិបាលស្រមោល ដែលឧត្ដមសេនីយ៍យោធា Min Aung Hlaing ហៅថា ជាក្រុមភេរវករ៕អត្ថបទ៖ សុខមាន

សម្ដេចតេជោចែករម្លែកទស្សនៈជូនរដ្ឋមន្ត្រីដឹកជញ្ជូនអាស៊ានគួរបន្តត្រួតពិនិត្យអនុវត្តផែនការស្តារឡើងវិញគ្រប់ជ្រុងជ្រោយ

សូមចុច Join Channel Telegram BTV News ដើម្បីទទួលព័ត៌មានថ្មីៗភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចែករម្លែកទស្សនៈជូនរដ្ឋមន្ត្រីដឹកជញ្ជូនអាស៊ាន គួរបន្តតាមដាន និងត្រួតពិនិត្យយ៉ាងម៉ឺងម៉ាត់ លើ ដំណើរការនៃការអនុវត្តផែនការសកម្មភាព ក្រោមក្របខណ្ឌការស្ដារឡើងវិញគ្រប់ជ្រុងជ្រោយ។សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបានអញ្ជើញថ្លែងយ៉ាងដូច្នេះក្នុងពិធីបើកកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី ២៧(27Th ATM) និងកិច្ចប្រជុំពាក់ព័ន្ធតាមប្រព័ន្ធវីដេអូនៅថ្ងៃទី១១ ខែវិច្ឆិកា ឆ្នាំ២០២១នេះ។សម្តេចបានថ្លែងថា ជាជំហានទៅមុខ កម្ពុជាយល់ថា ការជំរុញការធ្វើសមាហរណកម្មសហគមន៍អាស៊ាន តាមគន្លង ប្រក្រតីភាពថ្មី គឺជាកិច្ចការចាំបាច់ និងសមស្រប ដើម្បីបង្កើតជាកម្លាំងមួយដ៏ធំ សំដៅប្រែក្លាយអាស៊ាន ទាំងមូលទៅជាតំបន់មួយដែលមានភាពធន់, ភាពប្រកួតប្រជែង និងបរិយាប័ន្ន ។ ក្នុងបរិបទនេះ, ផែនការមេស្តីពីការតភ្ជាប់អាស៊ាន នឹងដើរតួជាផែនការគន្លឹះ ដែលនឹងធានាការរីកចម្រើនខាងផ្នែក សេដ្ឋកិច្ច ជាមួយនឹងគម្លាតអភិវឌ្ឍន៍តិចតួច និងការតភ្ជាប់គ្នាដោយរលូនរវាងប្រទេសជាសមាជិក និង ជាមួយពិភពលោក តាមរយៈការធ្វើឱ្យកាន់តែស៊ីសង្វាក់គ្នា និងបរិយាប័ន្នភាពនៃការតភ្ជាប់ទាំង ៣ គឺ ការតភ្ជាប់ហេដ្ឋារចនាសម្ព័ន្ធ, ការតភ្ជាប់ស្ថាប័ន និងការតភ្ជាប់ប្រជាជន ។ផ្តើមចេញពីនេះ, សម្តេចបានផ្តល់ជូនអនុសាសន៍មួយចំនួន ដែលកិច្ចប្រជុំរដ្ឋមន្ត្រីដឹកជញ្ជូនអាស៊ានអាចយកទៅពិចារណា ។សម្តេចបានបន្តថា អាស៊ានត្រូវពង្រឹង និងពង្រីកកិច្ចសហប្រតិបត្តិការជាមួយដៃគូសន្ទនា និងដៃគូអភិវឌ្ឍន៍ បន្ថែមទៀត ដើម្បីពង្រីកកិច្ចសហប្រតិបត្តិការ, ស្វែងរកមូលនិធិ និងជំនួយបច្ចេកទេស ព្រមទាំង ជំរុញការអភិវឌ្ឍហេដ្ឋារចនាសម្ព័ន្ធដឹកជញ្ជូនបន្ថែមទៀត នៅក្នុងតំបន់អាស៊ាន ។ សម្តេចបានបញ្ជាក់ជូន អង្គពិធីផងដែរថា ក្រោយពីកម្ពុជាបានចូលជាសមាជិកវេទិកាដឹកជញ្ជូនអន្តរជាតិ សម្តេចសង្ឃឹមថា កម្ពុជា នឹងអាចទទួលបាន និងចូលរួមចែករំលែកបទពិសោធន៍ និងចំណេះដឹងល្អៗ ជាមួយសមាជិកដទៃទៀត សម្រាប់ជាទុនមួយក្នុងដំណើរអភិវឌ្ឍន៍វិស័យដឹកជញ្ជូនរបស់អាស៊ានទាំងមូល ។វិស័យដឹកជញ្ជូនបានបញ្ចេញឧស្ម័នកាបូនឌីអុកស៊ីដ ប្រមាណ ២០ ភាគរយ ដែលជា ប្រភពចម្បងមួយនៃការប្រែប្រួលអាកាសធាតុ ។ ក្នុងន័យនេះ, សម្តេចសូមស្នើឱ្យអាស៊ាន បន្តអនុវត្តយ៉ាង ខ្ជាប់ខ្ជួននូវផែនការយុទ្ធសាស្ត្រដឹកជញ្ជូនអាស៊ាន ២០១៦-២០២៥ និងលើកទឹកចិត្តចំពោះការប្រើ ប្រាស់យានយន្តដែលមានមេត្រីភាពបរិស្ថាន ព្រមទាំងជំរុញសមាហរណកម្ម ការធ្វើផែនការប្រើប្រាស់ ដីធ្លី និងផ្លូវថ្នល់ ដើម្បីដោះស្រាយផលប៉ះពាល់បរិស្ថាន ដែលបណ្តាលមកពីការប្រើប្រាស់ថាមពល, ការកកស្ទះចរាចរឧស្ម័ន, ផ្ទះកញ្ចក់ និងសារធាតុបំពុលផ្សេងៗទៀត ។ ការជំរុញអនុវត្តការងារទាំងនេះ នឹងចូលរួមកាត់បន្ថយល្បឿននៃការប្រែប្រួលអាកាសធាតុ ដែលកំពុងគំរាមកំហែងដល់ពិភពលោក យើងទាំងមូល ។អាស៊ានត្រូវបន្តខិតខំដោះស្រាយបញ្ហាគ្រោះថ្នាក់ចរាចរណ៍ ដែលនៅតែជាបញ្ហាប្រឈម ដ៏សំខាន់នៅក្នុងតំបន់អាស៊ាន និងពិភពលោក ពិសេសតាមរយៈការជំរុញការអនុវត្តនូវលិខិតុបករណ៍ គតិយុត្ត ដូចជា ៖ (១). សេចក្តីណែនាំស្តីពីការកែលម្អស្ដង់ដាររបាយការណ៍ សម្រាប់រាយការណ៍អំពី គ្រោះថ្នាក់ចរាចរណ៍ ដោយផ្អែកទៅលើស្តង់ដាររបាយការណ៍របស់អង្គការសហប្រជាជាតិ, (២)សេចក្តីប្រកាសព្រុយណេដារ៉ូស្សាឡាម ស្តីពីសុវត្ថិភាពចរាចរណ៍ផ្លូវគោក ឆ្នាំ ២០២០ និងទិសដៅថ្មី ឆ្នាំ ២០៣០ ដែលកំណត់គោលដៅកាត់បន្ថយគ្រោះថ្នាក់ចរាចរណ៍ យ៉ាងតិច ៥០% ពីឆ្នាំ ២០២១ ទៅឆ្នាំ ២០៣០ ៕

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

WHO៖ ទីប្រឹក្សាជាន់ខ្ពស់របស់អង្គការសុខភាពពិភពលោកបាននិយាយកាលពីថ្ងៃអង្គារថា ពិភពលោកមិនត្រឹមតែប្រឈមនឹងកង្វះវ៉ាក់សាំងដើម្បីប្រយុទ្ធប្រឆាំងនឹងវីរុស COVID-19 ប៉ុណ្ណោះទេ ប៉ុន្តែថែមទាំងអាចនឹងប្រឈមនឹងការខ្វះខាតចន្លោះពី ១ ទៅ ២ពាន់លានស៊ីរ៉ាំងដែលត្រូវការសម្រាប់ចាក់។លោកស្រី Lisa Hedman ទីប្រឹក្សាជាន់ខ្ពស់របស់អង្គការសុខភាពពិភពលោក ស្ដីពីការទទួលបានផលិតផលសុខភាពបាននិយាយនៅក្នុងសន្និសីទសារព័ត៌មាន របស់អង្គការសហប្រជាជាតិនៅទីក្រុងហ្សឺណែវថា កង្វះស៊ីរ៉ាំងគឺជាអកុសល គឺជាលទ្ធភាពពិតប្រាកដ។ លោកស្រីបាននិយាយថា ស្របពេលដែលសមត្ថភាពផលិតសកលប្រហែល ៦ពាន់លានស៊ីរ៉ាំងក្នុងមួយឆ្នាំ វាច្បាស់ណាស់ថា ការខ្វះខាតជាង ១ពាន់លានស៊ីរ៉ាំងនៅឆ្នាំ២០២២ អាចកើតឡើង ប្រសិនបើយើងបន្តធ្វើតាមធម្មតាដូចបច្ចុប្បន្ន ដោយលោកស្រីពន្យល់ថា ប្រសិនបើមានកិច្ចខិតខំប្រឹងប្រែងចំនួននៃកង្វះខាតអាចមានត្រឹម ២លានប៉ុណ្ណោះ។លោកស្រី Hedman បានបន្ថែមថា នៅឆ្នាំនេះមានចំនួនជិត ២ដងនៃចំនួនការវ៉ាក់សាំងធម្មតាដែលត្រូវបានចែកចាយជារៀងរាល់ឆ្នាំ ដែលមានន័យថា ចំនួនស៊ីរ៉ាំងប្រើសម្រាប់ចាក់វ៉ាក់សាំងកើនឡើងខ្ពស់ទ្វេដង។ លោកស្រីបាននិយាយថា មានប្រភេទស៊ីរ៉ាំងផ្សេងទៀតដែលលើសពីសមត្ថភាពផលិតនោះ ប៉ុន្តែប្រសិនបើយើងផ្លាស់ប្ដូរសមត្ថភាពពីប្រភេទស៊ីរ៉ាំងមួយទៅប្រភេទមួយទៀត ឬព្យាយាមបង្កើនសមត្ថភាពផលិតសម្រាប់ស៊ីរ៉ាំងចាក់ថ្នាំបង្ការឯកទេស វាត្រូវការពេលវេលា និងការវិនិយោគ៕អត្ថបទ៖ សុខមាន

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៅល្ងាចថ្ងៃទី៩វិច្ឆិកានេះបានទទួលជួបពិភាក្សាការងារជាមួយឯកឧត្តម ជេណេស ចេនហ្សា នាយករដ្ឋមន្ត្រី នៃសាធារណរដ្ឋស្លូវេនីនិងជាប្រធានប្ដូរវេនសហភាពអឺរ៉ុប ក៏ដូចជាអ្នកសម្រួលរវាងអាស៊ីអឺរ៉ុប ហៅកាត់អាសឹមនិងអាស៊ានផងដែរ។ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោបានប្រាប់ដល់ក្រុមអ្នកព័ត៌មានថា ក្នុងក្របខ័ណ្ខទ្វេភាគី សម្តេចតេជោនិងឯកឧត្តម ជេណេស ចេនហ្សា បានឯកភាពគ្នាជម្រុញពង្រឹងនិងពង្រីកកិច្ចសហប្រតិបត្តិការលើវិស័យដែលមានសក្តានុពលសម្រាប់ប្រទេសទាំងពីរ រួមមានវិស័យសេដ្ឋកិច្ចពាណិជ្ជកម្ម ទេសចរណ៍ សុខាភិបាល និងវិស័យដទៃទៀត រួមទាំងការផ្លាស់ប្ដូរដំណើរទស្សនកិច្ចរវាងប្រទេសទាំងពីរផង ដើម្បីជំរុញការងារនេះឲ្យទទួលបានជោគជ័យ។សម្ដេចតេជោនិងឯកឧត្តម ចេន ហ្សា បានឯកភាពគ្នាប្រគល់ការងារជូនក្រសួងការបរទេសទាំងពីរ ដើម្បីពិនិត្យនិងសហការគ្នាធ្វើយ៉ាងណារៀបចំការលើកលែងទិដ្ឋាការសម្រាប់អ្នកការទូតនិងសម្រាប់អ្នកធ្វើដំណើរផ្លូវការរវាងប្រទេសទាំងពីរ។ក្នុងក្របខណ្ឌពហុភាគីក្នុងនាមជាប្រធានអាស៊ាននិងប្រធានប្ដូរវេននៃសហភាពអឺរ៉ុបសម្ដេចតេជោនិងឯកឧត្តម ចេន ហ្សា បានឯកភាពគ្នាពង្រឹងកិច្ចសហប្រតិបត្តិការក្នុងការប្រយុទ្ធប្រឆាំងនឹងកូវីដ-១៩ជំរុញកិច្ចចរចារពាណិជ្ជកម្មសេរីរវាងអាស៊ាននិងអឺរ៉ុបនិងសហការធ្វើយ៉ាងណាឲ្យដំណើរការកិច្ចប្រជុំកំពូ លអាស៊ីអឺរ៉ុបនាពេលខាងមុខទទួលបានជោគជ័យ។ឯកឧត្តម ចេន ហ្សា បានគោរពអញ្ជើញសម្តេចតេជោដើម្បីទៅធ្វើការទស្សនាកិច្ចនៅប្រទេសស្លូវេនី ហើយសម្ដេចក៏បានទទួលយកនូវការអញ្ជើញនេះ ហើយសម្តេចបានជម្រាបជូនឯកឧត្តមនាយករដ្ឋមន្ត្រីស្លូវេនីថា សម្តេចនឹងអញ្ជើញទៅបំពេញទស្សនកិច្ចនៅប្រទេសស្លូវេនីនៅដើមឆ្នាំក្រោយ៕ អត្ថបទ ៖ មុត សុទ្ធ

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

មីយ៉ាន់ម៉ា៖ ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិលោក Martin Griffiths បានព្រមានកាលពីថ្ងៃចន្ទ ទី៨ ខែវិច្ឆិកាថា ស្ថានភាពមនុស្សធម៌ក្នុងសហភាពមីយ៉ាន់ម៉ាកាន់តែយ៉ាប់យ៉ឺន ខណៈមនុស្សជាង ៣លាននាក់ដែលត្រូវការជំនួយសង្គ្រោះជីវិតដោយសារជម្លោះដែលចេះតែកើនឡើង និងសេដ្ឋកិច្ចបរាជ័យ។ក្រុមប្រឹក្សាសន្តិសុខអង្គការសហប្រជាជាតិក៏បានជួបប្រជុំគ្នាដោយបិទទ្វារកាលពីថ្ងៃចន្ទផងដែរ ដើម្បីពិភាក្សាអំពីបញ្ហានៅក្នុងសហភាពមីយ៉ាន់ម៉ា។ កិច្ចប្រជុំនេះធ្វើឡើងចំថ្ងៃខួបលើកទីមួយ នៃការជាប់ឆ្នោតឡើងវិញរបស់រដ្ឋាភិបាលលោកស្រី អ៊ុងសាន ស៊ូជី ដែលត្រូវបានយោធាទម្លាក់ចេញពីតំណែងដោយរដ្ឋប្រហារកាលពីថ្ងៃទី១ ខែកុម្ភៈ។ អ្នកនាំពាក្យអង្គការសហប្រជាជាតិលោក Stephane Dujarric បាននិយាយកាលពីថ្ងៃចន្ទថា ការស្ទង់មតិទាំងនោះត្រូវបានចាត់ទុកថា សេរី និងយុត្តិធម៌ ដោយក្រុមអ្នកសង្កេតការណ៍ក្នុងស្រុក និងអន្តរជាតិ។ អង្គការសហប្រជាជាតិអំពាវនាវជាថ្មីដល់យោធាឱ្យគោរពឆន្ទៈរបស់ប្រជាជន និងទាញប្រទេសឱ្យដើរលើគន្លងឆ្ពោះទៅកាន់ការផ្លាស់ប្ដូរប្រជាធិបតេយ្យឡើងវិញ។ ឯកអគ្គរដ្ឋទូតរងអង្គការសហប្រជាជាតិរបស់ចក្រភពអង់គ្លេសលោក James Kariuki បានប្រាប់អ្នកសារព័ត៌មានថា ចក្រភពអង់គ្លេសបានស្នើឲ្យមានកិច្ចប្រជុំក្រុមប្រឹក្សានេះ ព្រោះយើងមានការព្រួយបារម្ភជាពិសេសអំពីការបង្កើនសកម្មភាពយោធានៅភាគពាយព្យនៃប្រទេស ហើយយើងមានការព្រួយបារម្ភថា ទង្វើនេះឆ្លុះបញ្ចាំងពីសកម្មភាពដែលយើងបានឃើញកាលពី ៤ឆ្នាំមុន មុនពេលអំពើឃោរឃៅដែលបានប្រព្រឹត្តនៅក្នុងរដ្ឋរ៉ាក់ឃីន លើជនជាតិភាគតិចរ៉ូហ៊ីងយ៉ា។សហភាពមីយ៉ាន់ម៉ាកំពុងប្រឈមនឹងការចោទប្រកាន់ពីបទប្រល័យពូជសាសន៍ នៅតុលាការយុត្តិធម៌អន្តរជាតិជុំវិញការបង្ក្រាបដោយយោធាឆ្នាំកាលពីឆ្នាំ២០១៧ លើជនជាតិភាគតិចរ៉ូហ៊ីងយ៉ា ដែលបានបង្ខំមនុស្សជាង ៧៣០,០០០នាក់ឱ្យភៀសខ្លួនចូលទៅក្នុងប្រទេសជិតខាងបង់ក្លាដែស។ មីយ៉ាន់ម៉ាបានបដិសេធការប្រព្រឹត្តិអំពើប្រល័យពូជសាសន៍ ហើយនិយាយថា កងកម្លាំងប្រដាប់អាវុធរបស់ខ្លួនបានដាក់គោលដៅដោយស្របច្បាប់ លើពួកសកម្មប្រយុទ្ធដែលបានវាយប្រហារលើប៉ុស្តិ៍នគរបាល៕អត្ថបទ៖ សុខមាន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

អាមេរិក៖ ករណីឆ្លងវីរុសកូរ៉ូណាបាននឹងកំពុងហក់ឡើងវិញនៅទូទាំងអឺរ៉ុប រួមទាំងកន្លែងខ្លះដែលគេគិតថាអាចគ្រប់គ្រងបានល្អ។ មន្ត្រីជាន់ខ្ពស់ផ្នែកសុខភាពពិភពលោកម្នាក់បានប្រាប់ទូរទស្សន៍ CBS News ថា ទំនោរបង្ហាញថាជោគជ័យថ្ងៃនេះ មិនមានន័យថាជោគជ័យនៅថ្ងៃស្អែកនោះទេ ហើយសហរដ្ឋអាមេរិកគួរតែយកចិត្តទុកដាក់ឲ្យមែនទែន។ទ្វីបអឺរ៉ុបបានមើលឃើញការកើនឡើងជាង ៥០% នៃករណីឆ្លងថ្មីក្នុងរយៈពេល ១ខែចុងក្រោយនេះ ហើយអង្គការសុខភាពពិភពលោកបានព្រមានថា ទ្វីបនេះអាចនឹងមានអ្នកស្លាប់កន្លះលាននាក់ទៀតនៅខែកុម្ភៈ។ អ្នកឆ្លើយឆ្លងព័ត៌មានបរទេសជាន់ខ្ពស់របស់ទូរទស្សន៍ CBS News លោក Charlie D'Agata បាននិយាយថា មន្ត្រីជាន់ខ្ពស់រូបនេះបានបង្ហាញពីក្ដីបារម្ភ និងបានប្រាប់លោកថាមាន "ក្តីបារម្ភយ៉ាងធ្ងន់ធ្ងរ" ខណៈដែលអឺរ៉ុបកំពុងស្ថិតនៅក្រោមការគ្របដណ្ដប់ជាថ្មីទៀតដោយសារវីរុស COVID-19។ លោកវេជ្ជបណ្ឌិត Hans Kluge នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុបបានប្រាប់ CBS News ថា ប្រសិនបើអ្នកក្រឡេកមើលរយៈពេល ៤សប្ដាហ៍ចុងក្រោយនេះការចូលសម្រាកព្យាបាលនៅមន្ទីរពេទ្យបានកើនឡើងទ្វេដង។លោកបាននិយាយថា ការចាក់វ៉ាក់សាំងបង្ការបានឡើងខ្ពស់នៅក្នុងតំបន់មួយចំនួននៃទ្វីបអឺរ៉ុប ហើយក្នុងពេលជាមួយគ្នានោះដែរមានការបន្ធូរបន្ថយវិធានការសុខភាពសាធារណៈ និងសង្គម ដែលជាកត្តាជំរុញឲ្យយើងមើលឃើញថានឹងមានរលកទី៤។ គិតត្រឹមព្រឹកថ្ងៃអង្គារនេះសហរដ្ឋអាមេរិកមានករណីឆ្លងវីរុស COVID-19 សរុបចំនួន ៤៧,៤១៣,៣៥១នាក់បន្ទាប់ពីមានករណីឆ្លងថ្មីចំនួន ៣៩,២៤៥នាក់បន្ថែមទៀត ខណៈអ្នកស្លាប់មានចំនួន ៧៧៥,៩១៦នាក់បន្ទាប់ពីមានអ្នកស្លាប់ថ្មីចំនួន ៣២០នាក់៕អត្ថបទ៖ សុខមាន

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

ភ្នំពេញ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី0៨ ខែវិច្ឆិកា ឆ្នាំ២០២១នេះ បានសម្រេចផ្តល់អំណោយជាស្បៀងជូនដល់ប្រជាពលរដ្ឋរងគ្រោះដោយទឹកជំនន់ និងងាយរងគ្រោះបំផុតសរុបចំនួន ២.៧៨៦គ្រួសារ (ក្នុងនោះ ខេត្តរតនគិរី ១.៣៦៧គ្រួសារ, ខេត្តកំពង់ធំ ៧៧៧គ្រួសារ, ខេត្តបាត់ដំបង ៦៤២គ្រួសារ) ដោយក្នុងគ្រួសារនីមួយៗទទួលបាន អង្ករ ២៥គីឡូក្រាម មី១កេស និងត្រីខ ១០កំប៉ុង។សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងចាត់ឱ្យមន្ត្រីទីស្នាក់ការកណ្តាល និងសាខាកាកបាទក្រហមកម្ពុជាខេត្ត ចុះនាំយកអំណោយទាំងនេះចែកជូនប្រជាពលរដ្ឋទាំងអស់ទៅតាមកាលបរិច្ឆេទសមស្របឆាប់ៗនេះ៕

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម

ស៊ូដង់៖ កងកម្លាំងសន្តិសុខស៊ូដង់បានឃុំខ្លួនបាតុកររាប់សិបនាក់ និងបានបាញ់ឧស្ម័នបង្ហៀរទឹកភ្នែកនៅឯការប្រមូលផ្តុំប្រឆាំងរដ្ឋប្រហារជាច្រើន ខណៈដែលបាតុករនៅក្នុងទីក្រុងជាច្រើន បានចូលរួមការអំពាវនាវឲ្យមានចលនាបះបោរស៊ីវិលរយៈពេលពីរថ្ងៃ និងយុទ្ធនាការកូដកម្មប្រឆាំងនឹងការកាន់កាប់អំណាចពីសំណាក់យោធាកាលពីខែមុន។ក្រុមបាតុករប្រឆាំងរដ្ឋប្រហាររាប់រយនាក់បានប្រមូលផ្តុំគ្នាកាលពីថ្ងៃអាទិត្យនៅក្នុងរដ្ឋធានី Khartoum ក៏ដូចជានៅក្នុងទីក្រុងភ្លោះរបស់ខ្លួន Omdurman និងទីក្រុង Wad Madani រហូតដល់ភាគខាងត្បូង និងទីក្រុង Atbara ភាគខាងជើង។ យោធាស៊ូដង់ដឹកនាំដោយឧត្តមសេនីយ Abdel Fattah al-Burhan បានដណ្តើមអំណាចនៅថ្ងៃទី២៥ ខែតុលា រំលាយរដ្ឋបាលអន្តរកាល និងចាប់ខ្លួនមន្ត្រីរដ្ឋាភិបាល និងអ្នកនយោបាយរាប់សិបនាក់។ ចាប់តាំងពីពេលនោះមក សហគមន៍អន្តរជាតិបានពន្លឿនកិច្ចខិតខំប្រឹងប្រែងសម្របសម្រួល ដើម្បីស្វែងរកច្រកចាកចេញពីវិបត្តិដែលគំរាមកំហែងដល់អស្ថិរភាពបន្ថែមទៀតនៅក្នុងតំបន់ Horn នៃទ្វីបអាហ្វ្រិក។មេទ័ពស៊ូដង់លោកឧត្តមសេនីយ Abdel Fattah al-Burhan បាននិយាយថា លោកនឹងមិនចូលរួមក្នុងរដ្ឋាភិបាលណាមួយ ដែលកើតឡើងក្រោយរយៈពេលអន្តរកាល ហើយបានបដិសេធថា កងទ័ពមិនទទួលខុសត្រូវចំពោះការស្លាប់របស់បាតុករ ដែលប្រមូលផ្តុំគ្នាប្រឆាំងនឹងការកាន់កាប់ដោយយោធានោះទេ៕អត្ថបទ៖ សុខមាន

សម្ដេចតេជោ៖ «កុំខ្វល់ពីរឿងការរិះគន់ចំពោះការអភិវឌ្ឍ […] ក្រុមអ្នករិះគន់គឺជាពួកច្រណែនប៉ុណ្ណោះ យើងត្រូវបន្តអភិវឌ្ឍបន្ថែមទៀត»

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះគឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។សម្ដេចតេជោ បានថ្លែងបែបនេះក្នុងឱកាសដែលសម្ដេចអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារទីស្តីការក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី០៨ ខែវិច្ឆិកា ឆ្នាំ២០២១នេះ។សម្តេចតេជោ ហ៊ុន សែន បានមានប្រសាសន៍ដែរថា អគារក្រសួងរៀបចំដែនដី នគរូបនីយកម្មនិងសំណង់ ជាសមិទ្ធផលមួយ ដែលបង្ហាញពីគុណតម្លៃ នៃការដឹកនាំរបស់រាជរដ្ឋាភិបាលកម្ពុជា ក្នុងការលើកម្ពស់តម្លៃស្ថាបត្យកម្ម ដែលជាស្នាដៃផ្ទាល់របស់កូនខ្មែរ ហើយក៏បានបង្ហាញនូវសមត្ថភាពរបស់រាជរដ្ឋាភិបាលលើការគ្រប់គ្រង និងប្រើប្រាស់ថវិកាជាតិ ដើម្បីបង្កើតនូវសមិទ្ធផលជាទីមោទនភាពសម្រាប់ជាតិផងដែរ។សម្តេចតេជោ ហ៊ុន សែន បានប្រកាសថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះ គឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ក្រុមប្រឹក្សាសន្តិសុខអង្គការសហប្រជាជាតិជំរុញឲ្យសហភាពមីយ៉ាន់ម៉ាបញ្ចប់អំពើហិង្សា

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ក្រុមប្រឹក្សាសន្តិសុខ​អង្គការសហប្រជាជាតិ​ជំរុញ​ឲ្យ​សហភាព​មី​យ៉ាន់​ម៉ា​បញ្ចប់​អំពើ​ហិង្សា

WHO ព្រមាន​ថា ពិភពលោក​អាច​ប្រឈម​នឹង​កង្វះ​ស៊ីរ៉ាំង និង​វ៉ាក់សាំង​

កម្ពុជា-ស្លូវេនី ប្ដេជ្ញាធ្វើឱ្យកិច្ចប្រជុំកំពូលអាស៊ី-អឺរ៉ុបទទួលជោគជ័យ

ប្រធាន​ទីភ្នាក់ងារ​ផ្ដល់​ជំនួយ​របស់​អង្គការសហប្រជាជាតិ​និយាយ​ថា មី​យ៉ាន់​ម៉ា​កាន់តែ​យ៉ាប់យ៉ឺន​

WHO៖ សហរដ្ឋអាមេរិក​គួរតែ​ទទួល​យក​ការ​ព្រមាន​ពី​ការ​ផ្ទុះ​ឡើងវិញ​នៃ​ករណី​ឆ្លង​វីរុស COVID-19 នៅ​អឺរ៉ុប​

សម្តេចកិត្តិព្រឹទ្ធបណ្ឌិត សម្រេចផ្តល់អំណោយជូនពលរដ្ឋរងគ្រោះទឹកជំនន់ជិត ៣ពាន់គ្រួសារ

កងកម្លាំង​សន្តិសុខ​ស៊ូដង់​ចាប់ខ្លួន​មនុស្ស​រាប់​សិប​នាក់​ ខណៈ​កូដកម្ម​ប្រឆាំង​រដ្ឋប្រហារ​ចាប់ផ្ដើម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមប្រឹក្សាសន្តិសុខអង្គការសហប្រជាជាតិជំរុញឲ្យសហភាពមីយ៉ាន់ម៉ាបញ្ចប់អំពើហិង្សា

WHO ព្រមានថា ពិភពលោកអាចប្រឈមនឹងកង្វះស៊ីរ៉ាំង និងវ៉ាក់សាំង

ប្រធានទីភ្នាក់ងារផ្ដល់ជំនួយរបស់អង្គការសហប្រជាជាតិនិយាយថា មីយ៉ាន់ម៉ាកាន់តែយ៉ាប់យ៉ឺន

WHO៖ សហរដ្ឋអាមេរិកគួរតែទទួលយកការព្រមានពីការផ្ទុះឡើងវិញនៃករណីឆ្លងវីរុស COVID-19 នៅអឺរ៉ុប

កងកម្លាំងសន្តិសុខស៊ូដង់ចាប់ខ្លួនមនុស្សរាប់សិបនាក់ ខណៈកូដកម្មប្រឆាំងរដ្ឋប្រហារចាប់ផ្ដើម