BTV NEWS

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

លោកជំទាវបណ្ឌិត ពេជ ចន្ទមុន្នី ដាស់តឿនគ្រូពេទ្យតម្កល់ស្មារតីរក្សាក្រមសីលធម៌វិជ្ជាជីវៈ មានមេត្តាចំពោះអ្នកជំងឺ

ព្រះករុណាព្រះមហាក្សត្រ និងសម្ដេចព្រះមហាក្សត្រីយាងនិវត្តន៍មកដល់មាតុភូមិវិញដោយសុវត្ថិភាពបន្ទាប់ពីពិនិត្យ និងព្យាបាលព្រះរោគនៅរដ្ឋធានីប៉េកាំង

ព័ត៌មានសំខាន់ៗ

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

ពិភពលោក៖ ករណីឆ្លង COVID-19 នៅទូទាំងពិភពលោកបានឈានដល់ជាង ២៥០លាននាក់កាលពីថ្ងៃអាទិត្យ ខណៈការកើនឡើងពីករណីឆ្លងវីរុសបម្លែងខ្លួនថ្មី Delta បានធូរស្រាល ហើយការធ្វើពាណិជ្ជកម្ម និងទេសចរណ៍ជាធម្មតាបានចាប់ផ្ដើមឡើងវិញ ទោះបីជាប្រទេសមួយចំនួននៅអឺរ៉ុបខាងកើតកំពុងជួបប្រទះការផ្ទុះឡើង ដោយមានករណីឆ្លងខ្ពស់បំផុតក៏ដោយ។ក្នុងរយៈពេល ៣ខែចុងក្រោយនេះចំនួនករណីឆ្លងជាមធ្យមប្រចាំថ្ងៃបានធ្លាក់ចុះ ៣៦% នេះបើយោងតាមការវិភាគរបស់សារព័ត៌មាន Reuters។ ការវិភាគបានបង្ហាញថា ទោះបីជាការរីករាលដាលបានថយចុះក៏ដោយ ក៏វីរុសនេះនៅតែកំពុងឆ្លងដល់មនុស្ស ៥០លាននាក់រៀងរាល់ ៩០ថ្ងៃដោយសារវីរុសបម្លែងខ្លួនថ្មី Delta ដែលមានសមត្ថឆ្លងរហ័ស។ វីរុស COVID-19 បានឆ្លងរាលដាលដល់មនុស្សជាង ៥០លាននាក់ជាលើកដំបូងក្នុងរយៈពេលជិត ១ឆ្នាំ។ ក្រុមអ្នកជំនាញផ្នែកសុខភាពមានសុទិដ្ឋិនិយមថា ប្រទេសជាច្រើនលែងសូវអើពើនឹងជំងឺរាតត្បាតសកលដ៏អាក្រក់បំផុតដោយសារសំអាងលើវ៉ាក់សាំង និងការប៉ះពាល់ដោយធម្មជាតិ ទោះបីជាពួកគេព្រមានថាអាកាសធាតុត្រជាក់ខ្លាំង និងការជួបជុំថ្ងៃឈប់សម្រាកនាពេលខាងមុខអាចបង្កឲ្យករណីឆ្លងហក់ឡើងក៏ដោយ។លោកស្រី Maria Van Kerkhove អ្នកឯកទេសខាងជំងឺរាតត្បាតសកលឈានមុខ របស់អង្គការសុខភាពពិភពលោកបានប្រាប់សារព័ត៌មាន Reuters ថា យើងគិតថាចន្លោះពេលនេះដល់ដំណាច់ឆ្នាំ២០២២ គឺជាចំណុចដែលយើងអាចគ្រប់គ្រងលើវីរុសនេះបាន ជាទីដែលយើងអាចកាត់បន្ថយជំងឺធ្ងន់ធ្ងរ និងការស្លាប់បានយ៉ាងច្រើន។ យោងតាមការវិភាគរបស់សារព័ត៌មាន Reuters ការឆ្លងនៅតែកើនឡើងនៅក្នុងប្រទេសចំនួន ៥៥ ក្នុងចំណោម ២៤០ប្រទេសដោយក្នុងនោះមានប្រទេសរុស្ស៊ី អ៊ុយក្រែន និងក្រិកនៅ ឬជិតកម្រិតកំណត់ត្រាខ្ពស់បំផុតនៃករណីឆ្លង ដែលបានរាយការណ៍ចាប់តាំងពីជំងឺរាតត្បាតបានចាប់ផ្ដើមកាលពី ២ឆ្នាំមុន៕អត្ថបទ៖ សុខមាន

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

ស៊ូដង់៖ មន្ត្រីសិទ្ធិមនុស្សជាន់ខ្ពស់របស់អង្គការសហប្រជាជាតិ កាលពីថ្ងៃសុក្របានថ្កោលទោសចំពោះសកម្មភាពរបស់មេដឹកនាំយោធានៅក្នុងប្រទេសស៊ូដង់ បន្ទាប់ពីការធ្វើរដ្ឋប្រហារកាលពីខែមុន។ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សលោកស្រី Michelle Bachelet បាននិយាយថា ការប្រើប្រាស់កម្លាំងហួសហេតុដោយកងកម្លាំងសន្តិសុខ បានបណ្ដាលឲ្យមនុស្សយ៉ាងហោចណាស់ ១៣នាក់ស្លាប់ និងជាង ៣០០នាក់រងរបួស។លោកស្រីបានថ្លែងសុន្ទរកថាក្នុងកិច្ចប្រជុំបន្ទាន់ របស់ក្រុមប្រឹក្សាសិទ្ធិមនុស្សអង្គការសហប្រជាជាតិក្នុងទីក្រុងហ្សឺណែវ។ លោកស្រី Bachelet បានសម្ដែងការព្រួយបារម្ភអំពីការចាប់ខ្លួន និងការបាត់ខ្លួនជាច្រើននាក់នៃអង្គការសង្គមស៊ីវិល និងមេដឹកនាំការតវ៉ា អ្នកសារព័ត៌មាន និងសកម្មជន។ ការជជែកដេញដោលរបស់ក្រុមប្រឹក្សាសិទ្ធិមនុស្សបានធ្វើឡើង ស្របពេលដែលអង្គការសហប្រជាជាតិនៅតែទទួលស្គាល់ឯកអគ្គរដ្ឋទូតមកពីរដ្ឋាភិបាលស៊ូដង់ ដែលត្រូវបានបណ្ដេញចេញពីតំណែងជាអ្នកតំណាងផ្លូវការ របស់ប្រទេសនៅទីក្រុងហ្សឺណែវ។ លោកស្រី Bachelet បាននិយាយដោយយោងទៅលើការគ្រប់គ្រងរយៈពេល ៣០ឆ្នាំរបស់ប្រទេសស៊ូដង់ដោយអតីតមេដឹកនាំផ្ដាច់ការលោក Omar al-Bashir ថា ព្រឹត្តិការណ៍ចាប់តាំងពីរដ្ឋប្រហារបានរំលឹកឡើងវិញ នូវទំព័រដ៏សោកសៅមួយនៅក្នុងប្រវត្តិសាស្ត្ររបស់ប្រទេស នៅពេលដែលសេរីភាពនៃការបញ្ចេញមតិត្រូវបានរារាំង ហើយសិទ្ធិមនុស្សត្រូវបានគាបសង្កត់៕អត្ថបទ៖ ប៊ុនថន

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា

មីយ៉ាន់ម៉ា៖ ប្រធានអង្គការយន្តការស៊ើបអង្កេតឯករាជ្យសហភាពមីយ៉ាន់ម៉ាលោក Nichols Koumjian បាននិយាយកាលពីថ្ងៃសុក្រថា ការពិតបង្ហាញពីការវាយប្រហារយ៉ាងទូលំទូលាយ និងជាប្រព័ន្ធទៅលើប្រជាជនស៊ីវិល ដែលជាឧក្រិដ្ឋកម្មប្រឆាំងមនុស្សជាតិប្រព្រឹត្តដោយកងកម្លាំងសន្តិសុខសហភាពមីយ៉ាន់ម៉ា បន្ទាប់ពីរដ្ឋប្រហារកាលពីខែកុម្ភៈ។លោក Koumjian បាននិយាយថា យើងនឹងបន្តប្រមូលភស្តុតាងហើយវិភាគវាដើម្បីបំពេញកាតព្វកិច្ចរបស់យើង ដូច្នេះនៅថ្ងៃណាមួយអ្នកទទួលខុសត្រូវសម្រាប់ឧក្រិដ្ឋកម្មអន្តរជាតិធ្ងន់ធ្ងរ នៅក្នុងសហភាពមីយ៉ាន់ម៉ានឹងត្រូវយកមកកាត់ទោស។ លោកបានពន្យល់ថា នៅក្នុងខែដំបូង ឬបន្តបន្ទាប់នេះ កងកម្លាំងសន្តិសុខបានអនុវត្តការឆ្លើយតបតាមវិធានការ សំដៅទៅរកបាតុកម្មប្រឆាំងរដ្ឋប្រហារ។ ទោះជាយ៉ាងណា ក្រោយរដ្ឋប្រហារយើងបានឃើញការកើនឡើងអំពើហិង្សា និងវិធីសាស្ត្រហិង្សាជាច្រើនទៀតដែលបានប្រើដើម្បីបង្ក្រាបក្រុមបាតុករ ហើយការបង្ក្រាបបានកើតឡើងនៅកន្លែងផ្សេងៗគ្នាក្នុងពេលតែមួយ ដែលក្រុមស៊ើបអង្កេតរបស់យើងបានមើលឃើញថា ក្រុមពិសេសត្រូវបានកំណត់គោលដៅជាពិសេសការចាប់ខ្លួន និងការឃុំខ្លួនដែលហាក់មិនមានដំណើរការត្រឹមត្រូវតាមច្បាប់។អ្នកដែលត្រូវឃុំខ្លួនទាំងនេះ រួមមានទាំងអ្នកសារព័ត៌មាន បុគ្គលិកពេទ្យ និងអ្នកប្រឆាំងនយោបាយ។ ដោយត្រូវបានបង្កើតឡើងក្នុងខែកញ្ញា ឆ្នាំ២០១៨ ដោយក្រុមប្រឹក្សាសិទ្ធិមនុស្សអង្គការយន្តការស៊ើបអង្កេតឯករាជ្យ សម្រាប់សហភាពមីយ៉ាន់ម៉ាមានកាតព្វកិច្ចក្នុងការបង្រួបបង្រួម អភិរក្ស និងវិភាគភស្តុតាងនៃឧក្រិដ្ឋកម្មអន្តរជាតិធ្ងន់ធ្ងរបំផុត និងការបំពានច្បាប់អន្តរជាតិ ដែលបានប្រព្រឹត្តនៅក្នុងសហភាពមីយ៉ាន់ម៉ាចាប់តាំងពីឆ្នាំ២០១១ និងដើម្បីរៀបចំឯកសារជួយដល់ដំណើរការឧក្រិដ្ឋកម្មឯករាជ្យណាមួយ ស្របតាមស្តង់ដារច្បាប់អន្តរជាតិ៕អត្ថបទ៖ ប៊ុនថន

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

ភ្នំពេញ៖ នៅព្រឹកថ្ងៃទី៦ ខែវិច្ឆិកា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញចូលរួមរំលែកទុក្ខ និងគោរពវិញ្ញាណក្ខន្ធ ឯកឧត្តមកិត្តិនីតិ កោសលបណ្ឌិត ងួន ញិល អនុប្រធានទី១ នៃរដ្ឋសភា ដែលបានទទួលមរណភាព កាលពីថ្ងៃសុក្រ ថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង ១០:៣៦ នាទីព្រឹក ក្នុងជន្មាយុ ៧៩ឆ្នាំ ដោយរោគាពាធ។សម្តេចតេជោនាយករដ្ឋមន្ត្រី ពិតជាមានសេចក្តីក្តុកក្តួលរំជួលចិត្តឥតឧបមា ដោយបានទទួលដំណឹងពីការមរណភាពរបស់ ឯកឧត្តមបណ្ឌិត ងួន ញិល នាពេលនេះ។ សម្តេចតេជោ នាយករដ្ឋមន្ត្រី បានសម្តែងនូវការសោកស្ដាយ ស្រណោះអាឡោះអាល័យ និងក្តីសង្វេគស្ទើររកទីបំផុតគ្មាន ព្រោះថាការបាត់បង់ ឯកឧត្តមកិត្តិនីតិ កោសលបណ្ឌិត ងួន ញិល គឺជាការបាត់បង់នូវលោកឪពុក និងជីតា ប្រកបដោយសង្គហធម៌ ព្រហ្មវិហារធម៌ មិនចេះរីងស្ងួត ពិសេសក៏ជាការបាត់បង់ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈមនសិកាក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនៃនីតិរដ្ឋប្រកបដោយ ឧត្តមគតិខ្ពង់ខ្ពស់ជាអនេកប្បការ។សម្តេចសូមឧទ្ទិសបួងសួងដល់ដួងវិញ្ញាណក្ខន្ធសព ឯកឧត្តមកិត្តិនីតិកោសល បណ្ឌិត ងួន ញិល សូមឆាប់បានយោនយកកំណើតកើត ក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

អង់គ្លេស៖ ចក្រភពអង់គ្លេសកាលពីថ្ងៃព្រហស្បតិ៍ បានផ្តល់ការអនុញ្ញាតតាមលក្ខខណ្ឌសម្រាប់ឱសថប្រឆាំងវីរុស COVID-19 របស់ក្រុមហ៊ុន Merck ជាឱសថគ្រាប់ដំបូងដែលត្រូវបានបង្ហាញដើម្បីព្យាបាលជំងឺ COVID-19 ដោយជោគជ័យ។ អង់គ្លេសគឺជាប្រទេសដំបូងគេដែលអនុម័តឱសថសម្រាប់ការព្យាបាលនេះ ទោះបីជាវាមិនច្បាស់ភ្លាមៗថា ឱសថគ្រាប់នេះនឹងអាចប្រើបានក្នុងរយៈពេលលឿនប៉ុណ្ណាក៏ដោយ។ឱសថគ្រាប់នេះត្រូវបានផ្តល់អាជ្ញាប័ណ្ណ សម្រាប់មនុស្សពេញវ័យដែលមានអាយុចាប់ពី ១៨ឆ្នាំឡើងទៅដែលបានសាកល្បងលើអ្នកជំងឺវិជ្ជមានវីរុស COVID-19 និងមានកត្តាហានិភ័យតិចបំផុតសម្រាប់ការវិវត្តទៅជាជំងឺធ្ងន់ធ្ងរ។ ឱសថនេះត្រូវបានគេស្គាល់ឈ្មោះថា Molnupiravir ត្រូវលេប ២ដងក្នុង ១ថ្ងៃសម្រាប់រយៈពេល ៥ថ្ងៃដោយអ្នកជំងឺនៅផ្ទះមានជំងឺ COVID-19 កម្រិតស្រាលទៅមធ្យម។ ក្រុមហ៊ុន Merck បានប្រកាសលទ្ធផលបឋមកាលពីខែមុន ដែលបង្ហាញពីឱសថរបស់ខ្លួនកាត់បន្ថយការចូលសម្រាកព្យាបាលនៅមន្ទីរពេទ្យ និងការស្លាប់បានពាក់កណ្ដាលក្នុងចំណោមអ្នកជំងឺ ដែលមានរោគសញ្ញាដំបូងនៃជំងឺកូវីដ-១៩។ ឱសថ Molnupiravir កំពុងរង់ចាំការពិនិត្យឡើងវិញជាមួយនិយ័តករនៅសហរដ្ឋអាមេរិក សហភាពអឺរ៉ុប និងទីភ្នាក់ងារនៃបណ្ដាប្រទេសផ្សេងទៀត៕អត្ថបទ៖ ប៊ុនថន

កម្ពុជាឈរនៅលំដាប់ទី៥ លើពិភពលោក និងស្ថិតនៅលំដាប់លេខ១នៅតំបន់អាស៊ីប៉ាស៊ីហ្វិកដែលមានអត្រាខ្ពស់លើការចាក់វ៉ាក់សាំងកូវីដ-១៩ ដល់ប្រជាពលរដ្ឋ

ប្រទេសកម្ពុជាឈរនៅលំដាប់ទី៥ លើពិភពលោក និងស្ថិតនៅលំដាប់លេខ១នៅតំបន់អាស៊ីប៉ាស៊ីហ្វិកដែលមានអត្រាខ្ពស់លើការចាក់វ៉ាក់សាំងកូវីដ-១៩ ដល់ប្រជាពលរដ្ឋ នេះបើយោងប្រភពពី Our World in Data។ក្នុងអំឡុងបរិបទកូវីដ១៩នេះ ប្រទេសនានាលើពិភពលោក បាននឹងកំពុងចាក់វ៉ាក់សាំងកូវីដ១៩ដល់ប្រជាពលរដ្ឋខ្លួន ដើម្បីបង្កើនភាពសាំក្នុងសហគមន៍ បើតាមប្រភពពីOur World In Data បង្ហាញថា លើពិភពលោកប្រទេសដែលបានចាក់វ៉ាក់សាំង និងមានអត្រាខ្ពស់បើធៀបនឹងពលរដ្ឋក្នុងប្រទេសខ្លួនគឺ ទី១ សហភាព អារ៉ាប់រួម , ទី២ ប្រទេសប៉ទុយហ្គាល់ ទី៣ប្រទេសគុយបា ទី៤ ប្រទេសឈីលី និងទី៥ ប្រទេសកម្ពុជា។ ចំណែកនៅតំបន់អាស៊ីប៉ាស៊ីហ្វិកកម្ពុជាឈរលើលេខរៀងទី១ ខណៈដែលសឹង្ហបុរី លេខ២ , ទី៣ កូរ៉េខាងត្បូង ,ទី៤ប្រទេសព្រុយណេ និង ទី៥ប្រទេសជប៉ុន។សូមបញ្ជាក់ថា ប្រភពពី Our World In Data បានកត់ត្រាត្រឹមថ្ងៃទី៣ ខែវិច្ឆិកា ឆ្នាំ២០២១ ពីអត្រាចាក់វ៉ាក់សាំងនៅកម្ពុជា មានចំនួន៨២ភាគរយនៃប្រជាជនសរុប ប៉ុន្តែបើយោងតាមរបាយការណ៍គណៈកម្មការចំពោះកិច្ចចាក់វ៉ាក់សាំងកូវីដ១៩ ក្របខណ្ឌទូទាំងប្រទេស បានបង្ហាញថា ត្រឹមថ្ងៃទី៤ វិច្ឆិកា ម្សិលមិញកម្ពុជាចាក់វ៉ាក់សាំងកូវីដ១៩ ដល់ពលរដ្ឋខ្លួនបានចំនួន៨៦,៨៧ភាគរយ នៃប្រជាជនសរុប១៦លាននាក់ និងចាក់ជូនពលរដ្ឋពីអាយុ៥ឆ្នាំឡើងទៅ៕

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

អឺរ៉ុប៖ អឺរ៉ុបកំពុងប្រឈមនឹងការហក់ឡើងជាថ្មីដ៏គួរឱ្យព្រួយបារម្ភក្នុងករណីឆ្លងវីរុស Covid-19 នេះបើយោងតាមលោកវេជ្ជបណ្ឌិត Hans Kluge របស់អង្គការសុខភាពពិភពលោកដែលបានព្រមានថា តំបន់នេះក្លាយជាចំណុចឆ្លងរាលដាលខ្លាំងជាថ្មីនៃជំងឺរាតត្បាតសកល។ លោក Kluge នាយកប្រចាំតំបន់របស់អង្គការសុខភាពពិភពលោកប្រចាំទ្វីបអឺរ៉ុប ដែលរួមមានប្រទេសចំនួន ៥៣ នៅទូទាំងទ្វីបអឺរ៉ុប និងអាស៊ីកណ្ដាលបាននិយាយថា ចំនួនករណីឆ្លងថ្មីប្រចាំថ្ងៃគឺជិតដល់កម្រិតខ្ពស់បំផុតហើយ។លោកបាននិយាយនៅក្នុងសន្និសីទសារព័ត៌មានកាលពីថ្ងៃព្រហស្បតិ៍ថា សព្វថ្ងៃនេះគ្រប់ប្រទេសទាំងអស់នៅអឺរ៉ុប និងអាស៊ីកណ្តាលកំពុងប្រឈមនឹងការគំរាមកំហែងពិតប្រាកដនៃការហក់ឡើងវិញនៃករណីឆ្លងវីរុស Covid-19 ឬកំពុងប្រយុទ្ធប្រឆាំងនឹងវីរុសនេះរួចស្រាប់ទៅហើយ។ ល្បឿនឆ្លងបច្ចុប្បន្ននៅទូទាំង ៥៣ប្រទេសគឺជាការព្រួយបារម្ភខ្លាំងបំផុត។ លោក Kluge បាននិយាយថា កាលពីសប្តាហ៍មុនករណីឆ្លងថ្មីជិត ១.៨លាននាក់ និងការស្លាប់ថ្មីចំនួន ២៤,០០០នាក់ត្រូវបានរាយការណ៍នៅតំបន់អឺរ៉ុប និងអាស៊ីកណ្ដាលរបស់អង្គការសុខភាពពិភពលោកបានមើលឃើញការឆ្លងកើនឡើង ៦% និងការស្លាប់ថ្មីកើនឡើង ១២% បើធៀបនឹងសប្តាហ៍មុន។លោកបាននិយាយថា តំបន់នេះមាន ៥៩% នៃករណីឆ្លងទាំងអស់នៅទូទាំងពិភពលោក និង ៤៨% នៃអ្នកស្លាប់ដែលបានរាយការណ៍កាលពីសប្តាហ៍មុន។ លោក Kluge បាននិយាយថា ប្រសិនបើតំបន់នេះនៅតែបន្តលើគន្លងនេះ ការព្យាករណ៍ដែលអាចទុកចិត្តបានព្យាករណ៍ថា អាចនឹងមានអ្នកស្លាប់ទាក់ទងនឹងវីរុស Covid-19 ជាង ៥០០,០០០នាក់ផ្សេងទៀតនៅក្នុងតំបន់នេះត្រឹមខែកុម្ភៈ ឆ្នាំ២០២២ ហើយប្រទេសចំនួន ៤៣ ក្នុងតំបន់នឹងប្រឈមទៅនឹងភាពតានតឹងខ្លាំង ចំពោះបញ្ហាខ្វះគ្រែមន្ទីរពេទ្យនៅពេលណាមួយក្នុងរយៈពេលដូចគ្នា៕អត្ថបទ៖ សុខមាន

WHO អនុម័តឲ្យប្រើប្រាស់បន្ទាន់នូវវ៉ាក់សាំងបង្ការវីរុស COVID-19 ផលិតក្នុងស្រុកដំបូងរបស់ប្រទេសឥណ្ឌា

WHO៖ កាលពីថ្ងៃពុធ ទី៣ ខែវិច្ឆិកា អង្គការសុខភាពពិភពលោក (WHO) បាននិយាយថា ខ្លួនបានអនុម័តវ៉ាក់សាំងបង្ការវីរុស COVID-19 របស់ក្រុមហ៊ុន Bharat Biotech របស់ក្រុមហ៊ុនផលិតឱសថឥណ្ឌា សម្រាប់ការប្រើប្រាស់ជាបន្ទាន់ដោយត្រួសត្រាយផ្លូវសម្រាប់វ៉ាក់សាំងផលិតក្នុងស្រុក ដើម្បីត្រូវបានទទួលយកជាវ៉ាក់សាំងដែលមានសុពលភាពនៅក្នុងប្រទេសក្រីក្រជាច្រើន។ការចុះបញ្ជីការប្រើប្រាស់បន្ទាន់នឹងអនុញ្ញាតឱ្យក្រុមហ៊ុន Bharat Biotech ដឹកជញ្ជូនវ៉ាក់សាំងដែលគេស្គាល់ថា Covaxin ទៅកាន់ប្រទេសដែលពឹងផ្អែកលើការណែនាំរបស់អង្គការសុខភាពពិភពលោក សម្រាប់ការសម្រេចចិត្តផ្នែកនិយតកររបស់ពួកគេ។ វាក៏អាចជួយប្រជាជនឥណ្ឌារាប់លាននាក់ដែលបានទទួលបានវ៉ាក់សាំងនេះ ឱ្យអាចធ្វើដំណើរទៅក្រៅប្រទេសផងដែរ។ អង្គការសុខភាពពិភពលោកបានសរសេរនៅលើបណ្ដាញសង្គម tweeter ថា ក្រុមប្រឹក្សាបច្ចេកទេសរបស់ខ្លួនបានសម្រេចថា អត្ថប្រយោជន៍របស់វ៉ាក់សាំង Covaxin មានវិសាលភាពលើសពីហានិភ័យ ហើយថាវាបានបំពេញតាមបទដ្ឋានរបស់អង្គការសុខភាពពិភពលោក សម្រាប់ការការពារប្រឆាំងនឹងវីរុស COVID-19។នៅក្នុងការអនុម័តនោះ វ៉ាក់សាំងនេះត្រូវបានផ្ដល់អនុសាសន៍ឲ្យចាក់ ២ដូសដែលដូសនីមួយៗមានគម្លាតពីគ្នា ៤សប្ដាហ៍ និងចាក់បានគ្រប់វ័យចាប់ពី ១៨ឆ្នាំឡើងទៅ។ វ៉ាក់សាំងនេះត្រូវបានរដ្ឋាភិបាលអនុម័ត ឲ្យប្រើប្រាស់នៅក្នុងប្រទេសឥណ្ឌាកាលពីខែមករា ខណៈដែលវ៉ាក់សាំងនេះស្ថិតនៅដំណាក់កាលសាកល្បងដំណាក់កាលទី៣ នៅឡើយដែលបង្កឲ្យមានការព្រួយបារម្ភ និងការរិះគន់។ ក្រុមហ៊ុន Bharat Biotech ដែលបានផលិតវ៉ាក់សាំងនេះធ្លាប់បានបញ្ជាក់ថា វ៉ាក់សាំងនេះមានប្រសិទ្ធភាព ៧៨% ក្នុងការទប់ស្កាត់ការចម្លងវីរុស COVID-19៕អត្ថបទ៖ សុខមាន

មនុស្ស ២៥នាក់ស្លាប់ក្នុងការវាយប្រហាររបស់ក្រុមរដ្ឋអ៊ីស្លាមលើមន្ទីរពេទ្យយោធាក្រុងកាប៊ុល

អាហ្វហ្គានីស្ថាន៖ ក្រុមមន្ត្រីនិយាយថា មនុស្សយ៉ាងហោចណាស់ ២៥នាក់បានស្លាប់ និងជាង ៥០នាក់រងរបួសនៅពេលដែលក្រុមខ្មាន់កាំភ្លើងបានវាយប្រហារទៅលើមន្ទីរពេទ្យយោធាដ៏ធំបំផុតរបស់ប្រទេសអាហ្វហ្គានីស្ថាន បន្ទាប់ពីការផ្ទុះដ៏ខ្លាំងក្លាចំនួនពីរនៅទីតាំងកណ្ដាលទីក្រុងកាប៊ុល។អ្នកនាំពាក្យក្រុមតាលីបង់លោក Zabihullah Mujahid បាននិយាយថា ការបំផ្ទុះបានវាយប្រហារច្រកចូលមន្ទីរពេទ្យ Sardar Mohammad Daud Khan ដែលមានគ្រែចំនួន ៤០០ ហើយត្រូវបានបន្តដោយការវាយប្រហារដោយក្រុមខ្មាន់កាំភ្លើងរដ្ឋអ៊ីស្លាម ដែលពួកគេទាំងអស់ត្រូវបានសម្លាប់ក្នុងរយៈពេល ១៥នាទី។ លោកបាននិយាយថា កងកម្លាំងពិសេសតាលីបង់ដែលមកដល់កន្លែងកើតហេតុ ដោយឧទ្ធម្ភាគចក្របានរារាំងក្រុមខ្មាន់វាយប្រហារមិនឱ្យចូលទៅក្នុងមន្ទីរពេទ្យ ដោយខ្មាន់ទាំងអស់ត្រូវបានសម្លាប់នៅច្រកចូល ឬនៅទីធ្លាមន្ទីរពេទ្យ។ មុននេះអ្នកនាំពាក្យម្នាក់ទៀតបាននិយាយថា ខ្មាន់វាយប្រហារម្នាក់ក្នុងចំណោមក្រុមខ្មាន់វាយប្រហារទាំងនោះត្រូវបានចាប់ខ្លួនទាំងរស់។ការបំផ្ទុះចុងក្រោយនេះបានបន្ថែមទៅលើបញ្ជីចំនួនការវាយប្រហារ និងការសម្លាប់ដែលកំពុងកើនឡើងចាប់តាំងពីក្រុមតាលីបង់ដណ្ដើមបានជ័យជម្នះទាំងស្រុង លើរដ្ឋាភិបាលដែលគាំទ្រដោយប្រទេសលោកខាងលិចកាលពីខែសីហា ដោយធ្វើឱ្យប៉ះពាល់ដល់ការធានាអះអាងរបស់ពួកគេក្នុងការស្ដារសន្តិសុខឡើងវិញ ដល់ប្រទេសអាហ្វហ្គានីស្ថានបន្ទាប់ពីសង្គ្រាមរាប់ទសវត្សរ៍។ គួររម្លឹកថា នៅពេលក្រុមនេះបានដណ្ដើមកាន់កាប់ប្រទេសអាហ្វហ្គានីស្ថានជាថ្មី ក្រុមនេះបានអះអាងថា ខ្លួននឹងមិនឲ្យប្រទេសអាហ្វហ្គានីស្ថានក្លាយជាមូលដ្ឋានសម្រាប់វាយប្រហារភេរវកម្មលើប្រទេសណាមួយឡើយ និងធានាថានឹងមិនឲ្យមានការវាយប្រហារណាមួយកើតឡើងនៅក្នុងប្រទេសនេះឡើយ៕អត្ថបទ៖ សុខមាន

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០

UN៖ មេដឹកនាំជាង ១០០ប្រទេសនឹងប្ដេជ្ញាបញ្ឈប់ និងស្រោចស្រង់ព្រៃឈើដែលបានបាត់បង់ និងការរិចរិលដីនៅត្រឹមឆ្នាំ២០៣០ នៅក្នុងកិច្ចព្រមព្រៀងនៃកិច្ចប្រជុំកំពូលរបស់អង្គការសហប្រជាជាតិ ស្ដីពីបម្រែបម្រួលអាកាសធាតុលើកទី២៦ ឬ COP26 ដំណាក់កាលដំបូង។លោកនាយករដ្ឋមន្ត្រី Boris Johnson នឹងរៀបចំព្រឹត្តិការណ៍មួយនៅឯមជ្ឈមណ្ឌល SEC Campus ក្នុងទីក្រុង Glasgow នៃដែនដីស្កុតឡិនរបស់អង់គ្លេសនៅថ្ងៃអង្គារនេះ ជាទីដែលមេដឹកនាំដែលប្រទេសរបស់ពួកគេមានចំនួន ៨៥% នៃព្រៃឈើពិភពលោកនឹងធ្វើការសន្យាដែលត្រូវបានគាំទ្រដោយមូលនិធិសាធារណៈ និងឯកជនជិត ១៤ពាន់លានផោន។ បណ្ដាប្រទេសដែលលាតសន្ធឹងពីព្រៃភាគខាងជើងនៃប្រទេសកាណាដា និងរុស្ស៊ីរហូតទៅដល់ព្រៃទាក់ទាញទឹកភ្លៀងត្រូពិកនៃប្រទេសប្រេស៊ីល កូឡុំប៊ី ឥណ្ឌូនេស៊ី និងសាធារណរដ្ឋប្រជាធិបតេយ្យកុងហ្គោនឹងគាំទ្រសេចក្តីប្រកាសរបស់មេដឹកនាំ Glasgow ស្តីពីការប្រើប្រាស់ព្រៃឈើ និងដី។ ព្រៃឈើសរុបរួមគ្នាសម្រាប់តំបន់នេះមានផ្ទៃដីជាង ១៣លានគីឡូម៉ែត្រក្រឡា។ទោះជាយ៉ាងណាក៏ដោយ មេដឹកនាំពិភពលោកត្រូវបានជំរុញឱ្យបន្តទៅមុខជាជាងការកាប់បំផ្លាញព្រៃឈើ ដោយអះអាងថា ជម្រកទាំងអស់ត្រូវតែត្រូវបានទទួលការការពារ ប្រសិនបើគោលដៅអាកាសធាតុឆ្នាំ២០៣០ នឹងសម្រេចបាន។ ព្រៃឈើស្រូបយកប្រហែលមួយភាគបីនៃការបូនឌីអ៊ុកស៊ីត ឬ CO2 សកលដែលបានបញ្ចេញពីការដុតឥន្ធនៈហ្វូស៊ីលជារៀងរាល់ឆ្នាំ ប៉ុន្តែការបាត់បង់ព្រៃឈើក្នុងមួយនាទីស្មើនឹងទំហំតារាងបាល់ទាត់ចំនួន ២៧តារាង៕អត្ថបទ៖ សុខមាន

បណ្ដាញសង្គម

ព័ត៌មានថ្មីៗ

ក្រុមជួយសង្រ្គោះ ជម្លៀសភ្ញៀវទេសចរបរទេស អ្នកស្រុក ក្រោយទឹកជំនន់វាយប្រហារទីក្រុង Lonavala របស់ឥណ្ឌា

UN៖ ករណីឆ្លងជំងឺអេបូឡានៅកុងហ្គោ កើនឡើងជាង ១.៥៦០នាក់ ស្របពេលវិបត្តិជម្លៀសខ្លួនកាន់តែអាក្រក់

នាវាដឹកប្រេង ២គ្រឿងរងការវាយប្រហារនៅច្រកសមុទ្រ Hormuz ខណៈមនុស្សរាប់លាននាក់កាន់ទុក្ខលោក Khamenei

រយៈពេល ១ពាន់ថ្ងៃនៃអំពើប្រល័យពូជសាសន៍អ៊ីស្រាអែលនៅតំបន់ហ្កាហ្សា

ការតម្រង់ជួរយ៉ាងវែងនៅតាមស្ថានីយប្រេងក្នុងទីក្រុង Omsk ក្រោយអ៊ុយក្រែនវាយប្រហាររោងចក្រចម្រាញ់ប្រេងធំបំផុតរបស់រុស្ស៊ី

អាមេរិក និងអង្គការណាតូ ប្រកាសកិច្ចព្រមព្រៀងការពារជាតិក្នុងកិច្ចប្រជុំកំពូលនៅទីក្រុង Ankara

ពលរដ្ឋអ៊ីរ៉ង់កាន់បដាគំរាមលោក Trumpនៅពិធីបុណ្យសពអតីតមេដឹកនាំ Khamenei

វិមានក្រឹមឡាំងសង្ឃឹមថា កិច្ចខិតខំសន្តិភាពរបស់អាមេរិកនៅអ៊ុយក្រែន នឹងជោគជ័យ

មនុស្សម្នាក់ស្លាប់ និង ៧នាក់បាត់ខ្លួន ក្រោយបំណាក់ដីនៅរដ្ឋ Kerala ប្រទេសឥណ្ឌា

ពលរដ្ឋហ្កាហ្សាសង្ឃឹមថា ការរំសាយស្ថាប័នក្រុមហាម៉ាស នឹងជំរុញឲ្យមានកសាងតំបន់ឡើងវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

WHO អនុម័តឲ្យប្រើប្រាស់បន្ទាន់នូវវ៉ាក់សាំងបង្ការវីរុស COVID-19 ផលិតក្នុងស្រុកដំបូងរបស់ប្រទេសឥណ្ឌា

មនុស្ស ២៥នាក់ស្លាប់ក្នុងការវាយប្រហាររបស់ក្រុមរដ្ឋអ៊ីស្លាមលើមន្ទីរពេទ្យយោធាក្រុងកាប៊ុល

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ករណី​ឆ្លង​សកល​នៃ​វីរុស COVID-19 កើន​ឡើង​ដល់​ជាង​ ២៥០​លាន​នាក់ ខណៈ​កំណើន​វីរុស Delta ចាប់ផ្ដើម​ធ្លាក់​ចុះ

អង្គការ​សហប្រជាជាតិ​ថ្កោល​ទោស​ការ​ប្រើ​ប្រាស់​កម្លាំង​ហួស​ហេតុ​នៅ​ប្រទេស​ស៊ូដង់

អង្គការសហប្រជាជាតិ​ដាក់​សម្ពាធ​ស៊ើបអង្កេត​លើ​សហភាព​មី​យ៉ាន់​ម៉ា​

សម្តេចតេជោ ហ៊ុន សែន អញ្ជើញគោរពវិញ្ញាណក្ខន្ធ សពឯកឧត្តមបណ្ឌិត ងួន ញិល អនុប្រធានទី១ នៃរដ្ឋសភា

អង់គ្លេស​អនុញ្ញាត​ឲ្យ​ប្រើ​ឱសថ​របស់​ក្រុមហ៊ុន Merck ព្យាបាល​ជំងឺ COVID-19

WHO ព្រមាន​ថា ​អឺរ៉ុប​គឺជា​ចំណុច​ឆ្លង​រាលដាល​ខ្លាំង​នៃ​វីរុស COVID-19 ជាថ្មី​

មេដឹកនាំ​ពិភពលោក​ជាង​ ១០០​ប្រទេស​សន្យា​បញ្ចប់​ការបំផ្លាញ​ព្រៃឈើ​នៅ​ត្រឹម​ឆ្នាំ​២០៣០

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ករណីឆ្លងសកលនៃវីរុស COVID-19 កើនឡើងដល់ជាង ២៥០លាននាក់ ខណៈកំណើនវីរុស Delta ចាប់ផ្ដើមធ្លាក់ចុះ

អង្គការសហប្រជាជាតិថ្កោលទោសការប្រើប្រាស់កម្លាំងហួសហេតុនៅប្រទេសស៊ូដង់

អង្គការសហប្រជាជាតិដាក់សម្ពាធស៊ើបអង្កេតលើសហភាពមីយ៉ាន់ម៉ា

អង់គ្លេសអនុញ្ញាតឲ្យប្រើឱសថរបស់ក្រុមហ៊ុន Merck ព្យាបាលជំងឺ COVID-19

WHO ព្រមានថា អឺរ៉ុបគឺជាចំណុចឆ្លងរាលដាលខ្លាំងនៃវីរុស COVID-19 ជាថ្មី

មេដឹកនាំពិភពលោកជាង ១០០ប្រទេសសន្យាបញ្ចប់ការបំផ្លាញព្រៃឈើនៅត្រឹមឆ្នាំ២០៣០