BTV NEWS

សម្តេចតេជោ ហ៊ុន សែន អញ្ជើញអុជធូបគោរពវិញ្ញាណក្ខន្ធសពម្តាយ លោក កឹម សុខា

សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សា និងមន្ត្រីនៃមន្ទីរអង្គភាពនានាជុំវិញខេត្តព្រះវិហារ

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងឱកាស សម្ពោធបើកឲ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង ៤៥,៤៨៩ គ.ម ចាប់ពីរង្វង់មូលស្គង់ដល់រង្វង់មូលគល់ស្ពានគីហ្សូណា ក្រុងកំពង់ចាម

សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន

ព័ត៌មានសំខាន់ៗ

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ភ្នំពេញ៖ អង្គការ WCS បានចែកចាយរូបភាព និងវីដេអូបង្ហាញអំពីកូនក្រពើត្រី (Siamese crocodile) ដែលជាប្រភេទជិតផុតពូជបំផុត ក្នុងចំណោមប្រភេទសត្វក្រពើជិតផុតពូជបំផុតដទៃទៀត នៅលើពិភពលោក កំពុងហែលនៅក្នុងបឹងធម្មជាតិមួយ ស្ថិតក្នុងស្រុកស្រែអំបិល ខេត្តកោះកុង។រូបភាពទាំងនេះ ថតបានដោយក្រុមការពារសំបុកក្រពើត្រី នៃអង្គការ WCS ក្នុងកំឡុងពេលចុះល្បាត សហការ ជាមួយរដ្ឋបាលជលផល និងមន្ទីរកសិកម្ម រុក្ខាប្រមាញ់ និងនេសាទខេត្តកោះកុង។ក្រុមការងារខាងលើ បានប្រទះឃើញកូនក្រពើត្រីចំនួន ១៥ក្បាល ដែលកូនក្រពើនីមួយៗមានប្រវែងប្រហែល ៣០សង់ទីម៉ែត្រ កំពុងហែលនៅក្នុងបឹងធម្មជាតិ ក្នុងតំបន់ដីសើមដែលជាទីជម្រកដ៏សំខាន់មួយរបស់ក្រពើប្រភេទនេះ។ ក្រុមការងារ បានកត់សម្គាល់ឃើញថា ដោយសារក្នុងឆ្នាំនេះមានភ្លៀងធ្លាក់តិច បឹងនៅក្នុងតំបន់ដីសើមនេះកាន់តែរាក់ទៅៗដែលធ្វើឱ្យប៉ះពាល់ដល់ទីជម្រករបស់វាក្នុងរយៈពេលប៉ុន្មានឆ្នាំកន្លងមកនេះ។ក្រពើត្រី ត្រូវបានកត់ត្រាចូលក្នុងបញ្ជីក្រហមរបស់អង្គការ IUCN ជាប្រភេទជិតផុតពូជបំផុតនៅលើពិភពលោក។ អ្នកវិទ្យាសាស្ត្រ បានរកឃើញវត្តមានរបស់វានៅទូទាំងតំបន់អាស៊ីអាគ្នេយ៍ ក៏ប៉ុន្តែ បច្ចុប្បន្នវត្តមានរបស់ក្រពើប្រភេទនេះស្ទើរតែផុតពូជនៅក្នុងប្រទេសវៀតណាម នឹងថៃ និងមាននៅសេសសល់តិចតួចក្នុងប្រទេសឡាវ និងឥណ្ឌូនេស៊ី។ តាមការសិក្សាស្រាវជ្រាវកន្លងមក វត្តមានប្រភេទនេះប្រហែលជា ៥.០០០ក្បាល នៅក្នុងប្រទេសកម្ពុជា ដែលចាត់ទុកថាជាចំនួនមួយច្រើនជាងប្រទេសដទៃទៀត។ក្រពើត្រី កំពុងប្រឈមទៅនឹងកត្តាគំរាមកំហែងជាច្រើនដូចជា ការបាត់បង់ទីជម្រកនិងការប្រមាញ់ខុសច្បាប់លើក្រពើជំទង់ និងការប្រមូលយកកូនតូចនិងពងរបស់វាទៅលក់ឱ្យកសិដ្ឋានចិញ្ចឹមក្រពើនៅក្នុងប្រទេសកម្ពុជា វៀតណាម និងថៃ។អង្គការ WCS បាននិងកំពុងអនុវត្តកម្មវិធីអភិរក្សមួយចំនួនដើម្បីការពារប្រភេទនេះកុំឱ្យផុតពូជ។ គម្រោងបានដាក់បញ្ចូលក្រុមអតីតអ្នកប្រមាញ់ ដើម្បីចូលរួមស្វែងរកនិងការពារសំបុកនៅក្នុងធម្មជាតិ។ តាមរយៈការអនុវត្តច្បាប់ ក្រុមល្បាតចម្រុះដែលរួមមានមន្ត្រីរដ្ឋបាលជលផលនិងសមាជិកសហគមន៍មូលដ្ឋានបានចុះប្រមូលយកឧបករណ៍នេសាទខុសច្បាប់ដែលអាចទាក់ជាប់សត្វក្រពើត្រី និងទប់ស្កាត់ការបំផ្លាញទីជម្រករបស់វា។ដោយការអប់រំនិងផ្សព្វផ្សាយលើកកម្ពស់ការយល់ដឹងនៅក្នុងសហគមន៍មូលដ្ឋានអំពីការអភិរក្សប្រភេទនេះជាការងារសំខាន់ ដូច្នេះគម្រោងស្នើសុំឱ្យមានការចូលរួមយ៉ាងសកម្មពីសហគមន៍មូលដ្ឋាន ដើម្បីឈានទៅសម្រេចផែនការសកម្មភាពអាទិភាពមួយចំនួនមានដូចជា ការបង្កើនជីវភាពសហគមន៍ តាមរយៈជំនួយបច្ចេកទេសវារីវប្បកម្ម និងដើម្បីធានាថាពួកគាត់មិនធ្វើសកម្មភាពនេសាទខុសច្បាប់ចូលទៅក្នុងតំបន់ដីសើមដែលជាទីជម្រករបស់ក្រពើត្រីនោះទេ។ សកម្មភាពអភិរក្សមួយទៀត គឺការយកកូនក្រពើទៅចិញ្ចឹមថែទាំឱ្យធំមុនយកទៅលែងក្នុងធម្មជាតិនឹងជួយធ្វើឱ្យចំនួនក្រពើត្រីនៅក្នុងធម្មជាតិកើនឡើងវិញ៕

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

ភ្នំពេញ ៖ ស្ថានទូតកម្ពុជាប្រចាំនៅប្រទេសចិន ប្រទេសម៉ាឡេស៊ី ប្រទេសឥណ្ឌូនេស៊ី និងក្រុងសៀងហៃ បានអន្តរាគមន៍ជួយពលករ និងស្ត្រីខ្មែររងគ្រោះឲ្យមកប្រទេសខ្មែរវិញជាបន្តបន្ទាប់ក្រោយពី ពួកគេ បានចាញ់បោកមេខ្យល់ទៅរៀបការជាមួយបុរសជាជនជាតិចិន និងធ្វើការ ដោយខុសច្បាប់ជាដើមនោះ។យោងតាមសេចក្តីជូនដំណឹងរបស់ក្រសួងការបរទេស និងហសប្រតិបត្តិការអន្តរជាតិ បានឲ្យដឹងនៅព្រឹកថ្ងៃទី២៨ ខែសីហា ឆ្នាំ២០១៨នេះ បានឲ្យដឹងថា ស្ថានឯកអគ្គរាជទូតកម្ពុជា ប្រចាំប្រទេសចិនបានសហការជាមួយអាជ្ញាធរមានសមត្ថកិច្ចរបស់ ចិន ធ្វើអន្តរាគមន៍ជួយសង្គ្រោះ និងរៀបចំមាតុភូមិនិវត្តន៍របស់ស្ត្រីខ្មែរចំនួន៧នាក់ ដែលត្រូវបានមេខ្យល់បោកបញ្ឆោតនាំទៅរៀបការដោយខុសច្បាប់ ជាមួយបុរសជនជាតិចិននៅក្នុងប្រទេសចិន ហើយពួកគេបានមកដល់កម្ពុជាវិញជាបន្តបន្ទាប់កាលពីកន្លងទៅថ្មីៗនេះ ផងដែរ។សេចក្តីជូនដំណឹង បានបន្តទៀតថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ី ក៏បានសហការជាមួយអាជ្ញាធរមានសមត្ថកិច្ចរបស់ម៉ាឡេស៊ី រៀបចំមាតុភូមិនិវត្តន៍របស់ពលករ-ពលការិនីខ្មែរចំនួន៧នាក់ (ស្រី១នាក់) មកពីខេត្ត ក្រចេះ កណ្តាល កំពង់ចាម ត្បូងឃ្មុំ និងខេត្តបាត់ដំបង ដែលបានទៅធ្វើការដោយខុសច្បាប់នៅប្រទេសម៉ាឡេស៊ី ហើយមានបំណងត្រឡប់មកកម្ពុជាវិញផងដែរដោយពួកគេទាំងនោះក៏បានមកដល់ប្រទេសកម្ពុជាហើយដែរ។សេចក្តីជូនដំណឹងដដែល បានបន្តទៀតថា ស្ថានឯកអគ្គរាជទូតកម្ពុជាប្រចាំប្រទេសឥណ្ឌូនេស៊ី បានជួយសម្របសម្រួលរៀបចំមាតុភូមិនិវត្តន៍របស់ពលករនេសាទខ្មែរចំនួន២នាក់ មានអាយុ២៨ឆ្នាំនិង៣៦ឆ្នាំ មកពីខេត្តកំពង់ធំ ដែលត្រូវបានអាជ្ញាធរឥណ្ឌូនេស៊ីឃាត់ខ្លួន ក្រោយពីទូកនេសាទដែលពួកគេធ្វើការ បានចូលក្នុងដែនទឹកឥណ្ឌូនេស៊ី។ ពលករទាំង២នាក់នោះ បានត្រឡប់មកដល់កម្ពុជាវិញ នៅល្ងាចថ្ងៃទី១៥ ខែសីហា ឆ្នាំ២០១៨នេះ។នៅក្នុងខែសីហានេះដែរ ស្ថានអគ្គកុងស៊ុលកម្ពុជាប្រចាំទីក្រុងសៀងហៃ ប្រទេសចិន បានសហការជាមួយអាជ្ញាធរចិន ធ្វើអន្តរាគមន៍ជួយស្ត្រីខ្មែរចំនួន១០នាក់ មានអាយុចន្លោះពី១៩ឆ្នាំដល់៣៤ឆ្នាំ មកពីខេត្តកណ្តាល កំពត កំពង់ស្ពឺ កំពង់ចាម ត្បូងឃ្មុំ តាកែវ រតនគិរី ស្វាយរៀង និងរាជធានីភ្នំពេញ ដែលត្រូវបានមេខ្យល់បោកបញ្ឆោតនាំទៅរៀបការ និងស្នាក់នៅដោយខុសច្បាប់ជាមួយបុរសជនជាតិចិន នៅប្រទេសចិន។ ស្ត្រីរងគ្រោះទាំង១០នាក់ ត្រូវបានបញ្ជូនមកដល់កម្ពុជាវិញជាបន្តបន្ទាប់នៅថ្ងៃទី១៣ ទី១៨ និងទី២៥ ខែ សីហា ឆ្នាំ ២០១៨៕

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅ ថ្ងៃទី២៨ សីហានេះ បានអនុញ្ញាតឱ្យប្រតិភូវិនិយោគិនចិនដឹកនាំដោយ លោក លី សុងជាន ប្រធានគណៈប្រតិភូសហព័ន្ធពាណិជ្ជករចិនទាជីវ សកលលោក ចូលជួបសំដែងការគួរសមនិងពិភាក្សាការងារនៅវិមានសន្តិភាព។ក្នុងជំនួបសំដែងការគួរសម និងពិភាក្សាការងារនេះ គណៈប្រតិភូ បានគោរពសុំស្វែងយល់ពីប្រមុខរាជរដ្ឋាភិបាលកម្ពុជា នូវឱកាសសម្រាប់ការវិនិយោគលើសក្ដានុពលដែលកម្ពុជាមាន ដើម្បីចូលរួមចំណែកក្នុងការវិនិយោគនៅកម្ពុជាបន្ថែមទៀត។សូមបញ្ជាក់ថា គណៈប្រតិភូនេះ បានមកកម្ពុជាចូលរួម សន្និសីទសេដ្ឋកិច្ចប្រចាំឆ្នាំនៃសហព័ន្ធពាណិជ្ជករចិន ទាជីវ ដែលធ្វើឡើងនៅសាលាបុរីកោះពេជ្រ កាលពីថ្ងៃទី ២៦ ខែសីហាឆ្នាំ ២០១៨ ដើម្បីស្វែងរកការវិនិយោគលើវិស័យសក្ដានុពលផ្សេងៗ នៅកម្ពុជា។ប្រតិភូសហព័ន្ធពាណិជ្ជករចិន ទាជីវសកលលោកគឺសុទ្ធសឹងតែជាពាណិជ្ជករឆ្នើមលើវិស័យអចលនទ្រព្យ ហិរញ្ញវត្ថុ កសិកម្ម ឧស្សាហកម្ម បច្ចេកវិទ្យាទំនើប វេជ្ជសាស្ត្រ ជីវៈបច្ចេកវិទ្យា ហើយសហព័ន្ធពាណិជ្ជករចិន ទាជីវនេះ ត្រូវបានទទួលស្គាល់ថា ជាអ្នកធ្វើជំនួញរកស៊ី ដ៏ពូកែនិងជោគជ័យនៅលើសាកលលោក៕

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ភ្នំពេញ៖ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានផ្ញើសារលិខិតថ្លែងអំណរព្រះគុណ ថ្វាយព្រះករុណា ព្រះមហាក្សត្រនៃព្រះរាជាណាចក្រកម្ពុជា ដែលទ្រង់សព្វព្រះរាជហឫទ័យប្រោសព្រះរាជទាន ព្រះរាជទ្រព្យចំនួន ១,០០០ ដុល្លារអាមេរិក ព្រះរាជូបត្ថម្ភចំពោះកាកបាទក្រហមកម្ពុជា សម្រាប់ខែសីហា ឆ្នាំ២០១៨ តាមរយៈសម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង៕

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥

ភ្នំពេញ៖ ក្រុមហ៊ុនជីពម៉ុង គ្រុបបានសម្រេចបោះទុនវិនិយោគលើទឹកប្រាក់២៥២លានដុល្លារអាមេរិក លើគម្រោងចំនួន៥ដែលភាគច្រើន ជាមជ្ឈមណ្ឌលពាណិជ្ជកម្ម និងលំនៅដ្ឋាន។ ថ្លែងក្នុងពិធីបញ្ចុះបឋមសិលាបើកការដ្ឋានសង់ ផ្សារទំនើបជីពម៉ុង២៧១ មេហ្គាម៉ល នាថ្ងៃទី៣០ សីហានេះ លោកឧកញ៉ា លាង ឃុន ប្រធានក្រុមអគ្គនាយកក្រុមហ៊ុន ជីប ម៉ុង បានឲ្យដឹងថា ក្រុមហ៊ុន ជីបម៉ុង រីថេល វិនិយោគលើគម្រោងទាំងអស់របស់ខ្លួន គិតជាទឹកប្រាក់ចំនួន២៥២លានដុល្លារអាមេរិក ដែលការវិនិយោគនេះ ផ្តោតលើជីបម៉ុង មុន្នីវង្សស៊ុភើម៉ាឃីត, ជីបម៉ុងបាក់ទូកម៉ល, ជីបម៉ុងសែនសុខម៉ល, ជីបម៉ុង៥៩៨ម៉ល និងជីបម៉ុង២៧១មេហ្គាម៉ល។លោកឧកញ៉ាបន្តថា ដោយឡែកគម្រោងផ្សារទំនើបជីបម៉ុង២៧១មេហ្គាម៉ល នឹងលេចចេញជារូបរាងឡើងក្នុងឆ្នាំ២០២០ ដើម្បីបម្រើតម្រូវការសាធារណៈជន ក្នុងរាជធានីភ្នំពេញ ជាពិសេសប្រជាពលរដ្ឋដែលរស់នៅជុំវិញតំបន់ ដែលពោរពេញទៅដោយសក្តានុពលសេដ្ឋកិច្ចមួយនេះ។ ជីបម៉ុង២៧១មេហ្គាម៉ល ត្រូវបានរចនាដោយអ្នកជំនាញអន្តរជាតិ នឹងត្រូវសាងសង់ឡើងដោយវិស្វករជំនាញជាតិ ដែលមានបទពិសោធន៍ជាច្រើនឆ្នាំក្នុងការងារសាងសង់ និងប្រើប្រាស់បច្ចេកវិទ្យាទំនើប ដើម្បីធានាសោភ័ណភាព និងគុណភាពសំណង់របស់យើងស្របទៅតាមបទដ្ឋានអន្តរជាតិ។ផ្សារទំនើប និងមជ្ឈមណ្ឌលពាណិជ្ជដ៏ធំនេះ នឹងត្រូវបានសាងសង់ក្នុងបរិវេណគម្រោង ដឺលែនម៉ាក២៧១ ដែលហ៊ុព័ទ្ធទៅដោយតំបន់លំនៅដ្ឋានប្រណីត រាប់រយខ្នង អគារពាណិជ្ជកម្ម សណ្ឋាគារលំដាប់អន្តរជាតិ ខុនដូទាន់សម័យ និងអគារការិយាល័យដ៏ទំនើប។ចូលរួមជាអធិបតីក្នុងឳកាសនោះ ឯកឧត្តម ជា សុផារ៉ា ទេសរដ្ឋមន្រី្ត រដ្ឋមន្រី្តក្រសួងរៀបចំដែនដី នគរូបនីយកម្ម និងសំណង់បានថ្លែងថា គម្រោងថ្មីដែលមានទំហំ២០០លានដុល្លារអាមេរិក នៅលើផ្ទៃដី៤១ហិចតា ចាត់ទុកថាជាគម្រោងមួយបានរៀបចំឌីហ្សាញ ក្នុងការធ្វើផ្សារទំនើបនេះមានភាពទាន់សម័យ ហើយចាត់ទុកថាទីតាំងនេះ ជាកន្លែងមកកាន់ទីផ្សារ និងកន្លែងជួបគ្នា ជាមួយនឹងគម្រោងសាងសង់នេះ។ គម្រោងនេះ បានរួមចំណែកជាមួយនឹងការអភិវឌ្ឍន៍ សេដ្ឋកិច្ចរបស់កម្ពុជា ដែលធ្វើឲ្យវិស័យសំណង់នៅក្នុងព្រះរាជាណាចក្រកម្ពុជាបន្ថែមទៀត។ឯកឧត្តមបញ្ជាក់ទៀតថា ក្នុងឆ្នាំ២០១៧កន្លងទៅ ក្រសួងបានអនុញ្ញាតឲ្យមានលិខិតសាងសង់៣៤១៨គំរោង និងបន្ថែមលិខិតអនុញ្ញាតឲ្យសាងសង់នៅថ្ងៃនេះ គឺកើនឡើងដល់៣៤១៩សំណង់ និងមានតម្លៃសំណង់ចំនួន៦៧៩៨លានដុល្លារសហរដ្ឋអាមេរិក៕

មរណភាពវេជ្ជបណ្ឌិត បីច រីចច្នឺ គឺជាការបាត់បង់ឥស្សរជនមនុស្សធម៌ដ៏ឆ្នើមក្នុងការជួយសង្គ្រោះជីវិតកុមារកម្ពុជា

ភ្នំពេញ ៖ ក្រសួងសុខាភិបាលកម្ពុជា បានថ្លែងថា មរណភាពរបស់ លោកវេជ្ជបណ្ឌិត បីច រីចច្នឺ ដែលជាស្ថាបនិកមន្ទីរពេទ្យគន្ធបុប្ផា ឬ គេហៅថា ពេទ្យទេវតាជួយដល់កុមារកម្ពុជារាប់លាននាក់ឲ្យរួចផុតពីសេចក្តីស្លាប់នោះ គឺជាការបាត់បង់ឥស្សរជនមនុស្សធម៌ ដ៏ឆ្នើម ក្នុងការជួយសង្គ្រោះអាយុជីវិតកុមារកម្ពុជា។យោងតាមគេហទំព័ររបស់ក្រសួងសុខាភិបាល ដែលបានចេញនូវព្រឹកថ្ងៃទី១០ ខែកញ្ញា ឆ្នាំ២០១៨នេះបានលើកឡើងថា ក្រសួងសុខាភិបាលមានការសោកស្តាយជាអនេក និងការចូលរួមមរណៈចំពោះការបាត់បង់ឥស្សរជនមនុស្សធម៌ដ៏ឆ្នើមក្នុងការជួយសង្គ្រោះអាយុជីវិតកុមារកម្ពុជាពីជំងឺដង្កាត់ផ្សេងៗ ហើយក្រសួងសុខាភិបាល នៃព្រះរាជាណាចក្រកម្ពុជាបានទទួលព័ត៌មានប្រកបដោយក្តីរន្ធត់ក្រៀមក្រំជាទីបំផុត អំពីមរណភាពរបស់លោកសាស្ត្រាចារ្យវេជ្ជបណ្ឌិត បីច រីចច្នឺ (Prof. Dr. Beat Reachner) ស្ថាបនិកមន្ទីរពេទ្យគន្ធបុប្ផាកម្ពុជា កាលពីព្រឹកថ្ងៃអាទិត្យ ទី៩ ខែកញ្ញា ឆ្នាំ២០១៨ (ពេលវេលានៅទីក្រុងហ្សឺណែវ) ក្នុងជន្មាយុ ៧១ ឆ្នាំ ដោយរោគាពាធ នៅប្រទេសស្វីស។គេហទំព័រ បានបន្តថា ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល តាងនាមឲ្យថ្នាក់ដឹកនាំ បុគ្គលិក-មន្ត្រីសុខាភិបាល លោកគ្រូពេទ្យ អ្នកគ្រូពេទ្យ នៃក្រសួងសុខាភិបាលជាពិសេស នៃមន្ទីរពេទ្យគន្ធបុប្ផាទាំងអស់ និងក្នុងនាមឯកឧត្តមរដ្ឋមន្ត្រីផ្ទាល់ សូមសំដែងនូវការសោកស្តាយជាទីបំផុតចំពោះមរណភាព និងការបាត់បង់ស្ថាបនិកមន្ទីរពេទ្យកុមារគន្ធបុប្ផារូបនេះ« ដែលនេះមិនត្រឹមតែជាការបាត់បង់នូវឥស្សរជនជួយសុខភាពកុមារកម្ពុជាប៉ុណ្ណោះទេ តែជាការបាត់បង់ដ៏ធំធេងសម្រាប់វិស័យសុខាភិបាលកម្ពុជា និងជាការបាត់បង់លោកគ្រូពេទ្យដ៏ឆ្នើមកម្ររកបានផងដែរ»។គេហទំព័រដដែល បានបន្តទៀតថា ២៥ឆ្នាំកន្លងទៅនេះ ឯកឧត្តមវេជ្ជបណ្ឌិត បីច រីចច្នឺ បានបង្កើតស្នាដៃមនុស្សធម៌ដ៏ធំធេង នៅក្នុងប្រវត្តិនៃការអភិវឌ្ឍន៍ វិស័យសុខាភិបាលកម្ពុជាក្រោយពីថ្ងៃរំដោះ៧ មករា ១៩៧៩មក គឺការបង្កើតពង្រីក និងអភិវឌ្ឍមន្ទីរពេទ្យគន្ធបុប្ផានៅរាជធានីភ្នំពេញ និងនៅទីរួមខេត្តសៀមរាប ហើយ លោកសាស្ត្រាចារ្យ បីច រីចច្នឺ បានបង្ហាត់បង្ហាញដឹកនាំការពិនិត្យព្យាបាលជំងឺកុមារនៅកម្ពុជា ទោះជាស្ថិតនៅក្នុងដំណើរដ៏លំបាកលំបិនក៏ដោយក៏លោកសាស្ត្រាចារ្យ វេជ្ជបណ្ឌិត បីច រីចច្នឺ មិនរួញរាឡើយ ថែមទាំងបានលះបង់ទាំងកម្លាំងកាយ-ចិត្ត ប្រាជ្ញាស្មារតីតម្រិះវេជ្ជសាស្ត្រ និងសន្តានចិត្តមនុស្សធម៌ដ៏ល្អប្រពៃ ព្រមទាំងស្វែងរក និងប្រមូលវិភាគទានសម្រាប់ប្រតិបត្តិការមន្ទីរពេទ្យគន្ធបុប្ផា នៅកម្ពុជាដោយកម្លាំងផ្ទាល់ខ្លួនដោយមិនមានការនឿយហត់ដើម្បីសុខភាពកុមារកម្ពុជាទាំងមូល។ទង្វើខាងលើរបស់លោក សាស្ត្រាចារ្យ បីច រីចច្នឺ គឺពិតជាគំរូវីរភាពដែលយើងទាំងអស់គ្នាមិនអាចបំភ្លេចបានឡើយ ហើយតាមរយៈស្នាដៃរបស់លោកសាស្ត្រាចារ្យ បីច រីចច្នឺ ខាងលើនេះដែរ កុមារកម្ពុជាជាច្រើននាក់ទទួលបាននូវការពិនិត្យព្យាបាលជំងឺដោយឥតគិតថ្លៃ ហើយសមិទ្ធផលដែលបានកើតចេញពីស្នាដៃរបស់លោកសាស្ត្រាចារ្យ បីច រីចច្នឺ នៅលើទឹកដីកម្ពុជានេះ និងពិតជាបានបន្សល់ទុកឲ្យជាផលប្រយោជន៍ សម្រាប់កុមារកម្ពុជាជាបន្ត និងនៅស្ថិតស្ថេរជានិរន្ត។ជាមួយគ្នានោះក្រសួងសុខាភិបាលបានសន្យាថា និងខិតខំបន្តនូវបេសកកម្មមនុស្សធម៌របស់ឯកឧត្តមសាស្ត្រាចារ្យ បីច រីចច្នឺ ជាបន្តទៀត ដើម្បីសុខភាពកុមារកម្ពុជា មិនឲ្យសាបសូន្យឡើយ។លើសពីនេះ យើងខ្ញុំទាំងអស់គ្នា និងចារិកទុកក្នុងចិត្តនូវទង្វើមនុស្សធម៌ដ៏ល្អប្រពៃរបស់ឯកឧត្តមសាស្ត្រាចារ្យ បីច រីចច្នឺ ដូចបានរៀបរាប់ខាងលើ និងដើម្បីជាសក្ខីភាពនៃការគោរពនូវវីរភាពរបស់លោកសាស្ត្រាចារ្យ បីច រីចច្នឺ នេះ ក្រសួងសុខាភិបាលកម្ពុជា បានចាត់ចែងរៀបចំពិធីគោរពវិញ្ញាណក្ខន្ធលោកសាស្ត្រាចារ្យ បីច រីចច្នឺ ដែលនឹងប្រព្រឹត្តទៅនៅទីស្តីការក្រសួងសុខាភិបាលនៅថ្ងៃទី១០ខែកញ្ញា ឆ្នាំ២០១៨ វេលាម៉ោង៣:០០រសៀលផងដែរ។សូមរំលឹកថា ឯកឧត្តមវេជ្ជបណ្ឌិត បីច រីចច្នឺ (កើតនៅថ្ងៃទី១៣ ខែមីនា ឆ្នា១៩៤៧) ជាជនជាតិ ស្វីស។ គាត់ជាពេទ្យកុមារ អ្នកលេងសូរឡោ និងជាអ្នកបង្កើត មន្ទីរពេទ្យកុមារ នៅ ព្រះរាជាណាចក្រកម្ពុជា ហើយគាត់ជានាយកនៃមន្ទីរពេទ្យគន្ធបុប្ផាផងដែរ។បន្ទាប់ពីទទួលបាន បរិញ្ញាបត្រវេជ្ជសាស្ត្រ ក្នុងឆ្នាំ១៩៧៣ លោកវេជ្ជបណ្ឌិត បេអាត រិចន័រ ធ្វើជាអ្នកឯកទេស ថែរទាំកុមារ នៅឯមន្ទីរពេទ្យកុមារនៅស៊ូរិច។បន្ទាប់មក លោក បីច រីចច្នឺ បានធ្វើការអោយកាកបាទក្រហមស្វីស និងត្រូវបានបញ្ជូនមកប្រទេសកម្ពុជាជាទីដែលលោកបានធ្វើការ នៅមន្ទីរពេទ្យ គន្ធបុប្ផា ទីក្រុងភ្នំពេញចន្លោះឆ្នាំ១៩៧៤ និងឆ្នាំ១៩៧៥។ មន្ទីរពេទ្យនេះ ត្រូវបានប្រសិទ្ធភាពនាម ដើម្បីជាការចងចាំដល់សម្តេចព្រះអង្គម្ចាស់នរោត្តម គន្ធបុប្ផា (១៩៤៨-១៩៥២) ដែលជាព្រះរាជបុត្រី នៃព្រះបរមរតនកោដ្ឋ សម្តេចព្រះនរោត្តម សីហនុ ដែលបានសោយវិលាល័យក្នុងព្រះជន្មក្មេងវស្សា។នៅពេលដែលខ្មែរក្រហមបានកាន់កាប់ប្រទេសកម្ពុជា លោកត្រូវបានបង្ខំអោយចាកចេញទៅប្រទេសស្វីសវិញ ដែលជាទីដែលលោកបានបន្តការងាររបស់លោកនៅទីក្រុងហ្ស៉ូរ៉ិច។ ក្នុងដំណើរការស្វែងរកអាជីពវេជ្ជសាស្ត្ររបស់គាត់ និង ចំណាប់អារម្មណ៍ខាងតន្ត្រី និង ការកម្សាន្តលោក បីច រីចច្នឺ បានអភិវឌ្ឍន៍ចារិកលក្ខណៈនៃ “Beatocello” ត្លុកកំប្លែងសិល្បៈ ដែលលេងសេឡូ។ ស្របគ្នាជាមួយមុខនាទីនេះ ឯកឧត្តមបីច រីចច្នឺ ក៏បានបោះពុម្ពសៀវភៅកុមារជាច្រើនដែលផ្អែកលើ “Beatocello” ។នៅខែធ្នូ ១៩៩១លោក បីច រីចច្នឺ បានត្រឡប់មក កម្ពុជា និងបានឃើញការបំផ្លិចបំផ្លាញ ដែលបានកើតឡើង ដោយសារសង្គ្រាមស៊ីវិល។ លោក ត្រូវបានសុំឲ្យបើក និងសាងសង់មន្ទីរពេទ្យគន្ធបុប្ផាឡើងវិញ ដោយរដ្ឋាភិបាលកម្ពុជា។ ការបង្កើតមូលនិធិគន្ធបុប្ផា នៅខែមីនា ១៩៩២ និងត្រូវបានបើកទ្វារ ឡើងវិញនៅខែ វិច្ឆិកា ១៩៩២ផងដែរ៕

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

រុស្ស៊ី៖ ក្រសួងការបរទេសរុស្ស៊ីបាននិយាយកាលពីថ្ងៃចន្ទថា ទណ្ឌកម្មថ្មីរបស់សហរដ្ឋអាមេរិកមកលើរុស្ស៊ី នឹងធ្វើឲ្យឱកាសកាន់តែស្មុគស្មាញ សម្រាប់កិច្ចពិភាក្សារវាងប្រទេសទាំង២ លើបញ្ហាជាច្រើន។លោកស្រី ម៉ារី ហ្សាខារ៉ូវ៉ា គឺជាស្ត្រីនាំពាក្យក្រសួងការបរទេសរុស្ស៊ី បាននិយាយនៅក្នុងសេចក្ដីថ្លែងការណ៍ថា ទណ្ឌកម្មទាំងនេះនឹងមិនអាចបង្ខំឲ្យរុស្ស៊ី ដកថយពីផ្លូវដែលបានជ្រើសរើស ដើម្បីការពារផលប្រយោជន៍ជាតិរបស់ខ្លួននោះទេ។ លោកស្រីបន្តថា ជំហានបែបនេះរបស់សហរដ្ឋអាមេរិក នឹងមិនចែករំលែកកិច្ចសន្ទនា និងអន្តរកម្មទ្វេភាគីប្រកបដោយការគោរព និងរីកចម្រើននោះទេ។ សូមបញ្ជាក់ថា រដ្ឋបាលសហរដ្ឋអាមេរិកបានដាក់ទណ្ឌកម្មថ្មីលើរុស្ស៊ី ពាក់ព័ន្ធនឹងការវាយប្រហារដោយសារធាតុគីមី លើអតីតមន្ត្រីចារកម្មរុស្ស៊ី លោក សឺហ្គេ ស្គ្រីប៉ាល់ និងកូនស្រី យូលី នៅក្នុងទីក្រុងសាលីបេរីប្រទេសអង់គ្លេសកាលពីខែមិនាកន្លងទៅ។ ទោះបីជាយ៉ាងណាក៏ដោយរុស្ស៊ីបានធ្វើការ ច្រានចោលទាំងស្រុងរាល់ការជាប់ពាក់ព័ន្ធទាំងអស់៕អត្ថបទ៖ សារ៉ាត់

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

ភ្នំពេញ៖ អង្គភាពជំនាញ បានប្រមូលប្រភេទពន្ធលើប្រាក់ចំណូល និងប្រាក់ចំណេញ សរុបបានប្រមាណជាង ៣៦៣១ប៊ីលានរៀល ត្រូវប្រមាណជាង ៧១%, ខណៈនៅ ឆ្នាំ២០១៩ ការប្រមូលពន្ធប្រភេទនេះ សរុបបានជាង ២៩១៧ ប៊ីលានរៀល ស្មើប្រមាណជាង ៦៧% ប៉ុណ្ណោះ។តាមរបាយការណ៍ស្ថិតិហិរញ្ញវត្ថុរដ្ឋាភិបាលថ្នាក់ជាតិ បានបង្ហាញឲ្យដឹងថា នៅក្នុងខែកក្កដា ឆ្នាំ២០២០ ការប្រមូលពន្ធលើប្រាក់ចំណូល និងប្រាក់ចំណេញ បានប្រមាណជាង ៣១២ ប៊ីលានរៀល បើគិតរយៈពេល ៧ ខែ ដើមឆ្នាំ២០២០ នេះ ការប្រមូលចំណូលពន្ធប្រភេទនេះ សរុបបានប្រមាណជាង ៣៦៣១ប៊ីលានរៀល ត្រូវប្រមាណជាង ៧១% នៃច្បាប់ហិរញ្ញវត្ថុ ដែលបានកំណត់ការប្រមូលចំណូលពន្ធប្រភេទនេះ ក្នុងរង្វង់ទឹកប្រាក់ប្រមាណជា ៥ ០៨០ប៊ីលានរៀល ក្នុងនោះ ការប្រមូលចំណូលពន្ធខាងលើ សម្រាប់ការប្រមូលពន្ធពីរូបវន្តបុគ្គល បានចំនួនប្រមាណជាង ៥៤៦ប៊ីលានរៀល និងការប្រមូលចំណូលពីនីតិបុគ្គលបានជាង ៣ ០៨៥ ប៊ីលានរៀល ។ជុំវិញនិងការប្រមូលពន្ធខាងលើនេះ បើគិតក្នុងរយៈពេលដូចគ្នាទៅឆ្នាំ២០១៩ ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់ជាង ៥% ខណៈនៅឆ្នាំ២០១៩ ប្រមូលបានជាង ២ ៩១៧ ប៊ីលានរៀល ត្រូវជា ៦៧% ប៉ុណ្ណោះ ក្នុងនោះ ការប្រមូលចំណូលពន្ធពីរូបវន្តបុគ្គលបានជាង ៥១៧ប៊ីលានរៀល និងការប្រមូលពន្ធពីនីតិបុគ្គលបានជាង ២ ៤០០ ប៊ីលានរៀល ។សូមបញ្ជាក់ថា នៅក្នុងរយៈពេល ៧ ខែ ដើមឆ្នាំ២០២០ នេះ ទោះជាការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់ជាងឆ្នាំ ២០១៩ ក្នុងរង្វង់ប្រមាណជា ៥% ក៏ដោយ, តែចំពោះការប្រមូលចំណូលពន្ធរួមមាន៖ ពន្ធលើមុខទំនិញ និងសេវាប្រាស់, ប្រភេទពន្ធលើពាណិជ្ជកម្មអន្តរជាតិ, ពន្ធផ្សេងៗ, អំណោយ, និងចំណូលផ្សេងៗទៀត បានបន្តស្រុតចុះ, ខណៈនៅក្នុងឆ្នាំ២០១៩ ការប្រមូលចំណូលពន្ធប្រភេទនេះទទួលបានលទ្ធផលល្អ៕ អត្ថបទ៖ សុន រ៉ាឌី

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ

អាល្លឺម៉ង់៖ អធិការបតីអាល្លឺម៉ង់លោកស្រី អែនជីឡា មឺគែល បានអំពាវនាវឲ្យពង្រីករដ្ឋសមាជិកនានា នៅក្នុងក្រុមប្រឹក្សាសន្តិសុខអង្គការសហប្រជាជាតិ នៅក្នុងសុន្ទរកថាបើករបស់លោកស្រី នៅឯមហាសន្និបាតអង្គការសហប្រជាជាតិ។លោកស្រីបានថ្លែងថា ក្រុមប្រឹក្សាសន្តិសុខជាញឹកញាប់ជាប់គាំង នៅពេលដែលអំពាវនាវសុំឲ្យមានសេចក្ដីសម្រេចច្បាស់លាស់ យើងត្រូវការធ្វើកំណែទម្រង់ អង្គការសហប្រជាជាតិត្រូវតែបន្តអភិវឌ្ឍន៍ដើម្បីស្ថិតក្នុងជំហរមួយ ក្នុងបំណងធ្វើជាម្ចាស់បញ្ហាប្រឈមជាសកល នៃសតវត្សទី២១ នេះ។ កាលពីថ្ងៃចន្ទម្សិលមិញ លោកស្រី មឺគែល ក៏បានចូលរួមជាមួយប្រទេសនានា ដែលអំពាវនាវឲ្យមានការកែទម្រង់រចនាសម្ព័ន្ធរបស់អង្គការនេះ ដែលនឹងលើកទឹកចិត្តដល់ពហុភាគីនិយម។ លោកស្រីបន្តថា នៅចុងបញ្ចប់នៃថ្ងៃនេះ អង្គការសហប្រជាជាតិអាចមានប្រសិទ្ធភាពបាន លុះត្រាតែសមាជិកទាំងអស់រួបរួមគ្នា៕អត្ថបទ៖ រិទ្ធី

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ភ្នំពេញ៖ ឥទ្ធិពលព្យុះទី១១មានឈ្មោះថា NOUL(នូល) ដែលបាននាំទឹកភ្លៀងធ្លាក់ខ្លាំង និងខ្យល់បោកបក់ខ្លាំង មកលើប្រទេសកម្ពុជា ចាប់ពីថ្ងៃទី១៨ ដល់ថ្ងៃទី២០ ខែកញ្ញា ឆ្នាំ២០២០នេះ គឺបានបង្កអោយប៉ះពាល់ការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍សំខាន់ៗមួយចំនួន ជាពិសេសគោលដៅទេសចរណ៍ខេត្តព្រះសីហនុ បាត់ដំបង និងខេត្តសៀមរាបជាដើម។បើតាមឯកឧត្ដម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២១ ខែកញ្ញានេះថា នៅក្នុងអំឡុងពេលកម្ពុជា បានជួបរងនូវឥទ្ធិពលព្យុះ NOUL បានធ្វើអោយការធ្វើដំណើរកម្សាន្តនៃភ្ញៀវទេសចរក្នុងស្រុក នៅក្នុងឱកាសថ្ងៃឈប់សំរាកបុណ្យភ្ជុំបិណ្ឌចំនួន៣ថ្ងៃ និងថ្ងៃឈប់សម្រាកចុងសប្តាហ៍ចំនួន២ថ្ងៃនេះ បានជាប់គាំង ជាពិសេសបណ្តាភ្ញៀវទេសចរដែលធ្វើដំណើរទៅលេងកម្សាន្តនៅតាមបណ្តាកោះនានា នៅក្នុងខេត្តព្រះសីហនុ និងគោលដៅទេសចរណ៍មួយចំនួនទៀត នៅខេត្តបាត់ដំបងជាដើម។ឯកឧត្ដម តុប សុភ័ក បន្តថា ទោះយ៉ាងណាក៏ដោយនៅក្នុងឱកាសថ្ងៃឈប់សម្រាកបុណ្យភ្ជុំបិណ្ឌ ៣ថ្ងៃ នៅទូទាំងប្រទេសមានភ្ញៀវទេសចរក្នុងចេញដើរកម្សាន្តនៅតាមគោលដៅទេសចរណ៍នានា មានប្រមាណជាង១លាន១សែននាក់ ហើយរហូតមកដល់ថ្ងៃឈប់សម្រាកចុងសប្ដាហ៍ពីរថ្ងៃនេះទៀត គឺមានភ្ញៀវទេសចរចេញដើរកម្សាន្តបានកើនឡើង ប្រមាណ១លាន៥សែននាក់។ឯកឧត្ដម បន្តថា បច្ចុប្បន្ននៅទូទាំងប្រទេសគោលដៅទេសចរណ៍រួមមាន រមណីយដ្ឋានទេសចរណ៍ សហគមន៍ទេសចរណ៍ សហគមន៍អេកូទេសចរណ៍ និងតំបន់ដែលមានសក្តានុពលទេសចរណ៍ គឺមានប្រមាណ៥៥៧គោលដៅទេសចរណ៍ដែលអាចអោយភ្ញៀវទេសចរទៅទស្សនាកម្សាន្តបាន។ដោយឡែកបញ្ហាតម្លៃសេវានៅតាមគោលដៅទេសចរណ៍ ជារួមឯកឧត្តម បានវាយតំលៃថា គឺមានគ្រប់គ្រងបានល្អជាងមុនច្រើន ពីសំណាក់អាជ្ញាធរមូលដ្ឋាន ពោលគឺតំលៃលក់ម្ហូបអាហារ សេវាធ្វើដំណើរកម្សាន្ត និងការស្នាក់នៅជាដើម គឺភាគច្រើនមិនមានតំឡើងថ្លៃខ្ពស់ នៅក្នុងអំឡុងពេលឈប់សម្រាកកន្លងមកនេះទេ៕ អត្ថបទ៖ ស៊ុម សុខជា

បណ្ដាញសង្គម

ព័ត៌មានថ្មីៗ

បំណាក់ដីបង្កឡើងដោយព្យុះទីហ្វុងបានបណ្តាលឲ្យមនុស្សជាង១០នាក់ស្លាប់នៅប្រទេសហ្វីលីពីន

កម្ពុជា បន្តតវ៉ាចំពោះការបន្តរំលោភបំពានរបស់យោធាថៃមកលើដែនអធិបតេយ្យភាពកម្ពុជា ជីកដីលើកទំនប់ និងរាយបន្លាលួស ត្រង់បង្គោលព្រំដែនលេខ១៤ ស្ថិតក្នុងសង្កាត់អូរស្មាច់

ប្រទេសបារាំង បានប្តេជ្ញាចិត្តជួយសម្របសម្រួលប្រទេសកម្ពុជា-ថៃ ក្នុងការស្វែងរកដោះស្រាយជម្លោះព្រំដែនដោយសន្តិភាព

បារាំង-កម្ពុជា ត្រូវពង្រឹកកិច្ចសហប្រតិបត្តិការទ្វេភាគីលើការវិនិយោគ សេដ្ឋកិច្ច និងពាណិជ្ជកម្មបន្ថែមទៀត

WHO ៖ ស្ថានភាពក្រោយការរញ្ជួយដីនៅវេណេស៊ុយអេឡា បង្កើនក្តីបារម្ភសុខភាព

វិបត្តិប្រេងឥន្ធនៈរបស់រុស្ស៊ី ជំរុញពលរដ្ឋរស់នៅក្នុងទីក្រុងមូស្គូ ងាកទៅទិញរថយន្តអគ្គិសនីមកប្រើប្រាស់

ទឹកទន្លេ Loire រីងស្ងួតស្ទើរអស់ អំឡុងពេលរលកកម្តៅវាយប្រហារប្រទេសបារំាង

លោក Xi ជំរុញឱ្យចិន និងកូរ៉េខាងជើង បន្តដំណោះស្រាយយុទ្ធសាស្ត្រ ក្នុងពេលមានភាពចលាចលសកល

លោក Modi ចាប់ផ្ដើមដំណើរទៅនូវែលសេឡង់ ជាទស្សនកិច្ចដំបូងដោយនាយករដ្ឋមន្ត្រីឥណ្ឌា ក្នុងរយៈពេល ៤០ឆ្នាំ

ជប៉ុនជំរុញឲ្យពលរដ្ឋរស់នៅក្នុងខេត្ត Okinawa បន្តប្រុងប្រយ័ត្នខ្ពស់បំផុត ខណៈព្យុះ Bavi បោកបក់ជិតមកដល់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានសំខាន់ៗ

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានសំខាន់ៗ

ប្រទះឃើញ​កូន​ក្រពើ​ត្រី​ ទើប​នឹង​ញាស់​ចំនួន​ ១៥​ក្បាល ​នៅ​ក្នុង​បឹង​ធម្មជាតិ​

ស្ថានទូត​កម្ពុជា​ប្រចាំ​នៅ​ប្រទេស​ចំនួន៤ ​ជួយ​អន្តរាគមន៍​ពលរដ្ឋ​ខ្មែរ​ឱ្យ​មក​ប្រទេស​វិញ

សម្តេច​តេ​ជោ​ ហ៊ុន សែន អនុញ្ញាត​ឱ្យ​ក្រុម​វិនិយោគិន​ចិន​ ជួប​សំដែង​ការគួរសម​ និង​ពិភាក្សា​ការងារ

ព្រះ​មហាក្សត្រ​ព្រះរាជូ​បត្ថម្ភ​១០០០​ដុល្លារ​ ដល់​​កាក​បាទ​ក្រហម​កម្ពុជា​សម្រាប់​ខែ​សីហា ​ឆ្នាំ២០១៨

ក្រុមហ៊ុន​ជីបម៉ុង​វិនិយោគ​ទឹកប្រាក់​ជិត​២៥២​លាន​ដុល្លារ​អាមេរិក​លើ​គម្រោង​ចំនួន​៥

រុស្ស៊ី​អះ​អាង​ថា ទណ្ឌកម្ម​ថ្មី​របស់​សហរដ្ឋ​អាមេរិក​នឹង​រារាំង​ដល់​កិច្ច​ប្រជុំ​រុស្ស៊ី​-​អាមេរិក

ការ​ប្រមូល​ពន្ធ​លើ​ប្រាក់ចំណូល និង​ប្រាក់ចំណេញ បាន​ហក់​ឡើង​ខ្ពស់

លោក​ស្រី មឺគែល ​​អំពាវនាវ​ឲ្យ​មាន​ការ​ពង្រីក​ក្រុម​ប្រឹក្សា​​សន្តិសុខ​​អង្គការ​សហប្រជាជាតិ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ប្រទះឃើញកូនក្រពើត្រី ទើបនឹងញាស់ចំនួន ១៥ក្បាល នៅក្នុងបឹងធម្មជាតិ

ស្ថានទូតកម្ពុជាប្រចាំនៅប្រទេសចំនួន៤ ជួយអន្តរាគមន៍ពលរដ្ឋខ្មែរឱ្យមកប្រទេសវិញ

សម្តេចតេជោ ហ៊ុន សែន អនុញ្ញាតឱ្យក្រុមវិនិយោគិនចិន ជួបសំដែងការគួរសម និងពិភាក្សាការងារ

ព្រះមហាក្សត្រព្រះរាជូបត្ថម្ភ១០០០ដុល្លារ ដល់កាកបាទក្រហមកម្ពុជាសម្រាប់ខែសីហា ឆ្នាំ២០១៨

ក្រុមហ៊ុនជីបម៉ុងវិនិយោគទឹកប្រាក់ជិត២៥២លានដុល្លារអាមេរិកលើគម្រោងចំនួន៥

រុស្ស៊ីអះអាងថា ទណ្ឌកម្មថ្មីរបស់សហរដ្ឋអាមេរិកនឹងរារាំងដល់កិច្ចប្រជុំរុស្ស៊ី-អាមេរិក

ការប្រមូលពន្ធលើប្រាក់ចំណូល និងប្រាក់ចំណេញ បានហក់ឡើងខ្ពស់

លោកស្រី មឺគែល អំពាវនាវឲ្យមានការពង្រីកក្រុមប្រឹក្សាសន្តិសុខអង្គការសហប្រជាជាតិ