នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ហ៊ុន សែន ឆ្លៀតវាយកូនគោលនៅថ្ងៃចុងសប្ដាហ៍ ក្រោយខកខានជាង ១ឆ្នាំ
រាជរដ្ឋាភិបាលបង្ហាញលទ្ធផលការងារឆ្នាំ២០២៥ សម្រាប់ការអនុវត្តផែន​ការ​យុទ្ធសាស្ត្រ​អភិវឌ្ឍន៍​ជាតិ
សម្តេចធិបតី ហ៊ុន ម៉ាណែត ណែនាំឱ្យត្រៀមខ្លួនឆ្លើយតប​ផលប៉ះពាល់​ដោយសារ​បាតុភូត​ធម្មជាតិ​អែលនីញ៉ូ
ព្រះមហាក្សត្រ ប្រោសប្រទានលើកលែងទោសបន្ថែមដល់លោក កឹម សុខា បើក​ផ្លូវ​ឱ្យ​ចាក​ចេញ​ទៅ​ក្រៅ​ប្រទេស​បាន

ព័ត៌មានសំខាន់ៗ

អ្នកជំនាញ៖ កិច្ចចរចាព្រមព្រៀងពាណិជ្ជកម្មកម្ពុជា-អាមេរិក នឹងសម្រេចផលវិជ្ជាមាន​ក្នុងពេលឆាប់ៗ

2025/05/16 09:07:05 pm        348
Facebook Telegram Linkin
អ្នកជំនាញសេដ្ឋកិច្ច មើលឃើញថា ការចរចាកិច្ចព្រមព្រៀងពាណិជ្ជកម្មរវាងកម្ពុជា-អាមេរិក, កម្ពុជានឹងទទួលបានផលវិជ្ជាមាន នាពេលខាងមុខជាមិនខាន ខណៈកម្ពុជាបានបន្ធូបន្ថយពន្ធនាំចូល, ប្រទេសទាំងពីរមានកិច្ចសហប្រតិបត្តិការជាយូរលង់, អាមេរិកក៏ជា ប្រទេសធ្លាប់ផ្តល់ជំនួយដល់កម្ពុជា និងអាមេរិកខ្លួនក៏មានតម្រូវការនាំចូលដើម្បីផ្គត់ផ្គង់ និងដើម្បីកំណើនសេដ្ឋកិច្ចផងដែរ។លោកបណ្ឌិត ហុង វណ្ណៈ ជំនាញសេដ្ឋកិច្ច វិទ្យាស្ថានទំនាក់ទំនងអន្តរជាតិរាជបណ្ឌិតសភា ថ្លែងលើកឡើងក្នុងកិច្ចសម្ភាសន៍ ជាមួយ BTV ស្តីពីការចរចាកិច្ចព្រមព្រៀងពាណិជ្ជកម្មរវាងកម្ពុជា-អាមេរិក នេះថា សេដ្ឋកិច្ចកម្ពុជាយើង មួយចំណែកធំគឺពឹងផ្អែកទៅ លើការនាំចេញ ក្នុងនោះសហរដ្ឋអាមេរិកគឺជាទីផ្សារដ៏ធំមួយនៃការស្រូបយកទំនិញកម្ពុជា គឺតាំងពីប្រទេសយើងទទួលបាន GFP រហូត ត្រូវបានបញ្ចប់នៅឆ្នាំ២០២០។ បន្ទាប់ពីបញ្ចប់ GFP ការធ្វើពាណិជ្ជកម្មទ្វេភាគីរវាងកម្ពុជានិងអាមេរិក គឺរកស៊ីស្នើមុខស្មើមាត់គ្នា និងត្រូវកំណត់ពន្ធលើការពាណិជ្ជកម្មទ្វេភាគីទៅវិញទៅមក, ហើយអ្វីដែលកត់សម្គាល់ បន្ទាប់ពីបញ្ចប់ GFP ការធ្វើពាណិជ្ជកម្មរវាង ប្រទេសទាំងពីរបានឈរលើកំណើនកើនឡើងជាបន្តបន្ទាប់ រហូតមកដល់សព្វថ្ងៃ។លោកបណ្ឌិត បន្តថា ចំណែកតាមរយៈនៃការចរចាកិច្ចព្រមព្រៀងពាណិជ្ជកម្មរវាងកម្ពុជា-អាមេរិក ដែលប្រតិភូកម្ពុជា ចេញ ទៅចរចានៅសហរដ្ឋអាមេរិកដោយផ្ទាល់ជុំទី១ និងឯកភាពនៅជុំបន្តទៀតនោះ លោករំពឹងថា កម្ពុជានឹងទទួលបានផលវិជ្ជាមាន ដោយបានកើតឡើងពីកត្តាជាច្រើនដូចជា៖ កម្ពុជានិងអាមេរិកមានកិច្ចសហប្រតិបត្តិការជាយូរលង់មកហើយ, អាមេរិកក៏ជាប្រទេស ធ្លាប់ផ្តល់ជំនួយដល់កម្ពុជានាពេលកន្លងមក, កម្ពុជាបានបន្ធូបន្ថយពន្ធនាំចូលរបស់សហរដ្ឋអាមេរិក ជាពិសេសអាមេរិកក៏ជាប្រទេស ដែលមានតម្រូវការក្នុងការនាំចូល សម្រាប់ផ្គត់ផ្គង់ក្នុងស្រុក និងដើម្បីកំណើនសេដ្ឋកិច្ចផងដែរ តាមរយៈការធ្វើពាណិជ្ជកម្មជាមួយ បណ្តាប្រទេសផ្សេងៗ ក៏ដូចកម្ពុជា។ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល លើកឡើងថា តាមរយៈនៃការចរចាកិច្ចព្រមព្រៀងពាណិជ្ជកម្មរបស់ក្រុមការងារចំពោះកិច្ចកម្ពុជា, ជាមួយសមាជិកព្រឹទ្ធសភាសហរដ្ឋអាមេរិកនៃជុំទី១នេះ គឺបានប្រព្រឹត្តទៅក្នុងបរិយាកាសល្អ ស្មោះត្រង់ ស៊ីជម្រៅ និងយោគយល់គ្នា។ ភាគីទាំងពីរក៏បានឯកភាពគ្នា នៅជុំទី២ ក្នុងដើមខែ មិថុនា ឆ្នាំ២០២៥ នៅទីក្រុងវ៉ាស៊ឹងតោនដ៏ដែល ដើម្បីឈានទៅរកកិច្ចព្រមព្រៀងនៅពេលខាងមុខ។ជុំវិញកិច្ចចរចាព្រមព្រៀងពាណិជ្ជកម្មរវាងកម្ពុជា-អាមេរិក, បើយោងតាមសេចក្តីប្រកាសព័ត៌មាន របស់អង្គភាពអ្នកនាំពាក្យរាជរដ្ឋាភិ-បាលកម្ពុជា, ក្រុមការងារចំពោះកិច្ចរបស់កម្ពុជា ដែលដឹកនាំដោយ ឯកឧត្តម ស៊ុន ចាន់ថុលឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងលោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានចូលរួមកិច្ចប្រជុំចរចាជុំទី១ លើកិច្ចព្រម ព្រៀងពាណិជ្ជកម្មបដិការ រវាងកម្ពុជានិងសហរដ្ឋអាមេរិក, ដែលភាគីសហរដ្ឋអាមេរិក ដឹកនាំដោយលោកជំទាវ Sarah Ellerman អនុប្រធានតំណាងពាណិជ្ជកម្មសហរដ្ឋអាមេរិក ទទួលបន្ទុកតំបន់អាស៊ីអាគ្នេយ៍ និងប៉ាស៊ីហ្វិក។កិច្ចប្រជុំចរចាជុំទី១នេះ ភាគីទាំងពីរបានផ្លាស់ប្តូរយោបល់ដោយត្រង់ទៅត្រង់មក ក្នុងបរិយាកាសយោគយល់គ្នា លើការពង្រឹងបន្ថែម នូវទំនាក់ទំនងពាណិជ្ជកម្ម និងវិនិយោគទ្វេភាគី និងបានពិភាក្សាស៊ីជម្រៅ លើអត្ថបទសេចក្តីព្រាងកិច្ចព្រមព្រៀងពាណិជ្ជកម្មបដិការ។ ភាគីទាំងពីរបានឯកភាពគ្នា រៀបចំកិច្ចប្រជុំចរចាជុំទី២ នៅសប្ដាហ៍ទី១ ខែមិថុនា ឆ្នាំ២០២៥ នៅរដ្ឋធានីវ៉ាស៊ីនតោន។ រាជរដ្ឋាភិបាល ដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី នឹងបន្តធ្វើកិច្ចការងារនេះដោយយកចិត្តទុកដាក់បំផុត៕ អត្ថបទ៖ សុន រ៉ាឌី 

សម្ដេចតេជោ ហ៊ុន សែន ជំរុញឱ្យវិនិយោគិនជប៉ុន វិនិយោគលើវិស័យ​កសិឧស្សាហកម្ម​នៅ​កម្ពុជា​ដែល​កំពុ​ងមានការ​ខ្វះខាត

2025/05/14 06:13:16 pm        220
Facebook Telegram Linkin
នៅព្រឹកថ្ងៃទី១៤ ខែឧសភា ឆ្នាំ២០២៥នេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធ​សភា​នៃព្រះរាជាណាចក្រកម្ពុជា បានអនុញ្ញាតឲ្យលោក អាគីរ៉ា ដូដាតេ (Akira DODATE) នាយក​ប្រតិបត្តិសាជីវកម្មទេសចរជប៉ុន ចូលជួបសម្តែងការគួរសម នៅវិមានព្រឹទ្ធសភា រាជ​ធានី​ភ្នំពេញ​។ឯកឧត្ដម ជា ធីរិទ្ធ អ្នកនាំពាក្យព្រឹទ្ធសភាកម្ពុជា បានឲ្យដឹងនៅក្រោយជំនួបថា សម្ដេចតេជោ បានបង្ហាញនូវក្ដីរីករាយ និងស្វាគមន៍ចំពោះលោក អាគីរ៉ា ដូដាតេ (Akira DODATE) នាយកប្រតិបត្តិសាជីវកម្មទេសចរជប៉ុន និងគណៈប្រតិភូ ដែលបាន​អញ្ជើញ​មក​ទស្សន​កិច្ចនៅកម្ពុជានាពេលនេះ។ សម្ដេចក៏អរគុណដែរចំពោះប្រតិភូជប៉ុន ដែល​បាន​ចាប់​អារម្មណ៍​ចំពោះ​ការវិនិយោគ និងធ្វើកិច្ចសហប្រតិបត្តិការជាមួយកម្ពុជានៅក្នុងវិស័យកសិកម្ម។សម្ដេចរំ​ពឹងថា តាមរយៈ​ដំណើរ​ទស្សន​កិច្ច​មក​កាន់​ប្រទេស​កម្ពុជា​នាពេល​នេះ​នឹង​ជា​ផ្នែក​មួយ​ដ៏​សំខាន់​ ក្នុងការបង្កើនកិច្ចសហប្រតិបត្តិការ និងស្វែងរកឱកាសវិនិយោគ ក្នុង​ប្រទេស​កម្ពុជា​ដើម្បី​ទាញ​យក​នូវផលប្រយោជន៍ តាមរយៈការវិនិយោគ​ក្នុង​វិស័យ​កសិកម្ម​នៅ​ក្នុង​ប្រទេស​កម្ពុជា​ឱ្យ​អស់​ពី​សក្ដា​នុពល។នៅក្នុងឱកាសនោះ លោក អាគីរ៉ា ដូដាតេ នាយកប្រតិបត្តិសាជីវកម្មទេសចរជប៉ុន បាន​សម្ដែង​នូវ​ការ​អរគុណចំពោះសម្ដេចតេជោ ដែលបានអនុញ្ញាតឱ្យរូបលោក និង​ប្រតិភូ​ជួប​សម្ដែង​ការ​គួរ​សម​ក្នុង​ពេល​នេះ ហើយលោកបានចាប់អារម្មណ៍ទៅលើវិស័យកសិកម្មនៅក្នុងប្រទេសកម្ពុជា។ ទន្ទឹម​នឹង​នោះ​លោកបា​ន​រំលេច​អំពី​សក្ដា​នុពល​កសិកម្ម​នៅ​ក្នុង​ប្រទេស​ជប៉ុន​ដែល​កម្ពុជា​អាច​ធ្វើ​កិច្ច​សហ​ប្រតិបត្តិការ និងអាចរៀនសូត្របាន។ លោកបានលើកឡើងថា ជប៉ុនបាន​ធ្វើ​កសិកម្ម​តាម​បែប​ឆ្លាត​វៃ ពោលគឺការធ្វើកសិកម្មពឹងផ្អែកទៅលើបច្ចេកវិទ្យា។ ចំណុចនេះ លោកសង្ឃឹមថា តាម​រយៈក្រុមហ៊ុនលោកនឹងអាចជួយសម្របសម្រួល ក្នុង​ការ​បណ្ដុះ​ធន​ធាន​មនុស្ស​កម្ពុជា​បន្ថែម​ទៀតពី​វិស័យ​កសិកម្មឆ្លាតវៃរបស់ជប៉ុនមកដល់កម្ពុជា។លោកសង្ឃឹមថា តាមរយៈកិច្ចសហប្រតិបត្តិការនាពេលខាងមុខ នឹងអាចមានដំណើរ​ទស្សន​កិច្ច​ពី​មន្រ្ដី​កម្ពុជា ទៅកាន់​ប្រទេស​ជប៉ុន​ដើម្បី​ស្វែង​យល់​អំពី​ទិដ្ឋភាព​នៃ​វិស័យ​កសិកម្ម​នៅ​ក្នុង​ប្រទេស​ជប៉ុន​ហើយ​យកមកអនុវត្តនៅក្នុងប្រទេសកម្ពុជា។ ក្នុងឱកាសនោះ លោក អាគីរ៉ា ដូដាតេ បា​ន​ស្នើ​សុំ​ការចង្អុលបង្ហាញពីសម្ដេចតេជោ អំពីឱកាសក្នុងការវិនិយោគនៅប្រទេសកម្ពុជាផងដែរ។ជា​ការឆ្លើយតប សម្ដេចតជោ បានរំលេចឡើងថា កម្ពុជា ចាប់ពីឆ្នាំ ១៩៧៩ រហូត​មក​ដល់​បច្ចុប្បន្ន​ ដោយសម្ដេចបានលើកឡើងថា កម្ពុជាកាល​ពី​អតីត​កាល​វិស័យ​កសិកម្ម​មាន​ភាព​អន់​ថយ​ ហើយពីមុនកម្ពុជាខ្វះស្បៀងផលិតត្រឹមសម្រាប់ផ្គត់ផ្គង់ក្នុងស្រុកតែប៉ុណ្ណោះ ប៉ុន្ដែ​ក្រោយ​ពី​មាន​ការ​ធ្វើកំណែទម្រង់ជាបន្តបន្ទាប់តាំងពីសម្ដេចនៅជានាយករដ្ឋមន្រ្ដី កម្ពុជា​បាន​ប្រែខ្លួ​ន​ពី​ប្រទេស​ដែល​ខ្វះស្បៀង ផលិតស្បៀងសម្រាប់តែផ្គត់ផ្គង់ក្នុងប្រទេស ក្លាយជា​ប្រទេស​ដែល​មាន​ស្បៀង​បបូរ និងអាចនាំចេញទៅក្រៅប្រទេសថែមទៀត។ទន្ទឹមនឹងនេះ សម្ដេចតជោបានលើកឡើងថានូវចំណុចខ្វះខាតដែលកម្ពុជាត្រូវតែបំពេញ និង​អភិវឌ្ឍ​បន្ថែម គឺការកែច្នៃ ដោយបច្ចុប្បន្នដោយសារតែកំណើននៃការផលិតនៅក្នុងប្រទេសកម្ពុជា មាន​ការកើន​ឡើង​ច្រើន​កម្ពុជា​បាន​នាំ​ចេញ​ផលិត​ផល​កសិកម្ម​ដែល​ជា​វត្ថុ​ធាតុ​ដើម​ទៅ​លក់​នៅ​ក្រៅ​ប្រ​ទេសដែលធ្វើឱ្យកម្ពុជាខាតបង់នូវផលប្រយោជន៍។សម្ដេច​តេជោរំលេចថា បើក្រុមហ៊ុន​ជប៉ុន​ចាប់​អារម្មណ៍​នៅ​ក្នុង​ការ​វិនិយោ​គ​បន្ថែម​កសិ​ឧស្សា​ហកម្ម​ ពោលគឺការកែច្នៃវត្ថុធាតុដើមនៅក្នុងប្រទេសកម្ពុជាសម្រាប់នាំចេញនោះ គឺជា​ចំណុច​ខ្លាំង​មួយដែ​ល​អាចអនុញ្ញាតឱ្យកម្ពុជាពង្រីកខ្លួននៅក្នុងការនាំចេញផលិតផល និង​ទាញ​យក​ផល​ចំណេញ​បាន​ច្រើន ដើម្បីជួយដល់សេដ្ឋកិច្ចជាតិ។ សម្ដេចលើកឧទាហរណ៍ដូចជាដំណាំស្រូវ និង​ស្វាយចន្ទី ដែលជាដំណាំសក្ដានុពលរបស់កម្ពុជា ប៉ុន្ដែ​កម្ពុជា​បាន​នាំ​វត្ថុ​ធាតុ​ដើម​ចេញ​ទៅ​លក់​នៅ​ក្រៅ​ប្រទេស ដោយកង្វះខាតនូវការ​វិនិយោគ​លើ​ការ​កែច្នៃនៅក្នុង​ប្រទេស​ដើម្បី​នាំ​ចេញ​ដោយ​ខ្លួន​ឯង​។ ដូច្នេះ​សម្ដេច​ចង់​ឱ្យ​អ្នក​វិនិយោគ​ជប៉ុនចា​ប់​អារម្មណ៍​លើ​វិស័យ​កសិ​ឧស្សា​ហកម្ម​នៅ​កម្ពុជា​ឱ្យ​មាន​ការ​កើនឡើង។ សម្ដេចតេជោសង្ឃឹមថា សម្រាប់ការងារបច្ចេកទេសបន្ថែម ភាគីជប៉ុន និង​រាជ​រដ្ឋាភិបាល​ជាពិសេសខាងក្រសួងកសិកម្ម រុក្ខាប្រមាញ់ និងនេសាទ ដែលជាស្ថាប័ន​ជំនាញ​នៅ​ក្នុង​វិស័យ​នេះ​ដើម្បី​ធ្វើកិច្ចសហការជាមួយគ្នា។ ក្នុងឱកាសនោះ លោក អាគីរ៉ា ដូដាតេ នាយកប្រតិបត្តិសាជីវកម្មទេសចរជប៉ុន បានបង្ហាញ​នូវ​ការ​ចាប់​អារម្មណ៍ ពីការលើកឡើងរបស់សម្ដេចតេជោ ចំពោះការវិ​និយោគ​លើ​វិស័យ​កសិកម្ម​នៅ​ក្នុង​ប្រទេស​កម្ពុជា។ លោកលើកឡើងថា តាមរយៈដំណើរមកកាន់ប្រទេសកម្ពុជា ភាគីក្រុម​ហ៊ុ​ន​របស់​លោក​នឹង​សិក្សាបន្ថែម ហើយជជែក​ជាមួយ​រាជ​រដ្ឋាភិបាល​ថា​តើ​ក្រុម​ហ៊ុន​របស់​លោក​អាច​នឹង​វិនិយោគ​ទៅ​លើវិស័យអ្វីផលិតកម្មអ្វីសំខាន់សម្រាប់វិស័យកសិកម្មនេះ។ លោកក៏បាន​សន្យា​ជួយ​ជំរុញ​វិនិយោគិនជប៉ុនឱ្យមកបណ្ដាក់ទុនវិនិយោគនៅក្នុងប្រទេសកម្ពុជាបន្ថែមទៀត ជា​ពិសេស​នៅក្នុង​វិស័យកសិកម្មនេះឱ្យបានច្រើន៕

ឯកឧត្តម ជា ធីរិទ្ធ៖ អាណត្តិរបស់សម្ដេចតេជោ កំពុងជំរុញការងារការទូតសភា និង​ការងារ​សមាជិក​ព្រឹទ្ធសភាជាមួយ​អង្គបោះឆ្នោតនៅមូលដ្ឋាន

2025/05/14 06:01:32 pm        209
Facebook Telegram Linkin
ភ្នំពេញ៖ ឯកឧត្តម ជា ធីរិទ្ធ អ្នកនាំពាក្យ ព្រឹទ្ធសភាកម្ពុជា បានបញ្ជាក់ប្រាប់ BTV ថា ក្នុង​អាណត្តិ​របស់​សម្ដេច​អគ្គមហាសេនាបតីតេជោ ហ៊ុន សែន ជាប្រធានព្រឹទ្ធសភា នៃព្រះរាជាណា​ច​ក្រ​កម្ពុជា​ សម្ដេចកំពុងជំរុញលើកិច្ចការងារចំនួនពីរសំខាន់ គឺទី១ ការងារការទូតសភា និងទី២ ជំរុញ​ការ​ងារ​រវាងសមាជិកព្រឹទ្ធសភាជាមួយអង្គបោះឆ្នោត ដែលជាសមាជិកក្រុមប្រឹក្សាឃុំ សង្កាត់​នៅ​មូល​ដ្ឋាន​ដោយ​ផ្ទាល់។ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាកម្ពុជា បានបញ្ជាក់ថា នៅ​ក្នុង​អាណត្តិ​របស់​សម្ដេច​តេជោ ​ហ៊ុន សែន ជាប្រធានព្រឹទ្ធសភានេះ ចំណុចទី១ សម្ដេចតេជោ បានដាក់​ចេញ​នូវ​ទិស​ដៅ​យុទ្ធ​សាស្រ្ដ​ជំរុញ​សភាកាទូត។ នៅក្នុងសភាកាទូតនេះទាំងរដ្ឋសភា និងព្រឹទ្ធសភា ប៉ុន្ដែ​ក្នុង​ក្រប​ខណ្ឌ​សម្ដេច​តេជោ សម្ដេចបានជំរុញទៅលើការទូតព្រឹទ្ធសភា ដោយ​ធ្វើ​យ៉ាង​ណា​ឱ្យ​ស្ថាប័ន​ព្រឹទ្ធ​សភា ​ជាពិសេសសម្ដេចតេជោផ្ទាល់ និងចូលរួម​ចំណែក​ភ្ជាប់​ទំនាក់​ទំនង​ការ​ទូត​បន្ថែម​ស្រប​ទៅ​នឹង​គោល​នយោបាយរាជរដ្ឋាភិបាលដែលមានស្រាប់។ឯកឧត្តម ជា ធីរិទ្ធ បានបន្តថា សម្ដេចតេជោ បានជំរុញលើការងារការទូតសភានេះខ្លាំងណាស់ ខណៈ​បច្ចុប្បន្នក្នុងឱកាសសម្ដេចតេជោជួបជាមួយភ្ញៀវបរទេស ដែលបានមកស្នើសុំជួបពិភាក្សា និង​ស្នើ​សុំយោបល់ជាដើម សម្ដេចតែងតែយកឱកាសនេះសម្រាប់ជំរុញនូវសភាការទូតបន្ថែម។ឯកឧត្តម​បានបញ្ជាក់បន្ថែមថា ហើយនៅក្នុងអាណត្តិរបស់សម្ដេចតេជោនៅដើមខែមិថុនា ខាង​មុខ​នេះ នឹងមានសមាជព្រឹទ្ធសភា និងរដ្ឋសភា​ដែល​ជា​គំនិត​ផ្គួច​ផ្ដើម​របស់​សម្ដេច​តេជោដើ​ម្បី​ឱ្យ​រដ្ឋសភា និងព្រឹទ្ធសភា ធ្វើយ៉ាងណាបង្ហាញអំពីតួនាទីរបស់ស្ថាប័ន នីតិប្បញ្ញត្តិ ក្នុង​ការ​ផ្ដល់​យោបល់ និងចូលរួមចំណែកអភិវឌ្ឍប្រទេសជាតិជាមួយរាជរដ្ឋាភិបាល។ចំណែក​ចំណុចទី២ សម្ដេចតេជោ បានជំរុញការងាររវាងសមាជិកព្រឹទ្ធសភាជាមួយអង្គបោះឆ្នោត ដែល​ជា​សមាជិកក្រុមប្រឹក្សាឃុំសង្កាត់ ឱ្យមានគណនេយ្យភាពរវាងស្ថាប័ននីតិប្បញ្ញត្តិ ព្រឹទ្ធសភា ជា​មួយ​អង្គបោះឆ្នោត មានន័យថា សមាជិក​ព្រឹទ្ធសភា​ត្រូវ​ទៅ​ធ្វើ​ការ​នៅ​មូល​ដ្ឋាន​ជា​សមាជិក​ក្រុម​ប្រឹក្សា​ឃុំ សង្កាត់ ដែលបានបោះឆ្នោតឱ្យព្រឹទ្ធសភា ត្រូវចុះទៅមូលដ្ឋានមើលទុក្ខធុរៈរបស់ពួកគាត់ តើ​ពួក​គាត់​ជួបបញ្ហាអ្វីខ្លះ ពួកគាត់បានឮបញ្ហាពីប្រជាពលរដ្ឋមកយ៉ាងណា ហើយស្វែង​រក​ដំ​ណោះ​ស្រាយ​។សូមជម្រាបថា សម្តេចតេជោ ហ៊ុន សែន ត្រូវបានជាប់ឆ្នោតជាប្រធានព្រឹទ្ធសភា នីតិកាលទី៥ ដោយ​លទ្ធផល ៦២សម្លេង លើ ៦២សម្លេង សម្តេចអគ្គមហាសេនាបតីតេជោ ហ៊ុន សែន ដែល​ត្រូវ​បាន​ព្រឹទ្ធសភា នីតិកាលទី៥ បោះឆ្នោតជ្រើសរើស សម្ដេចតេជោ ជា « ប្រធានព្រឹទ្ធសភា » នៃ​ព្រះ​រា​ជា​ណាចក្រកម្ពុជា ក្នុងនីតិកាលទី៥ ដោយលទ្ធផល ៦២សម្លេង លើ ៦២សម្លេង នាថ្ងៃទី៣ ខែ​មេសា ឆ្នាំ២០២៤នេះ៕

នាយកប្រចាំតំបន់អាស៊ីនៃក្រុមហ៊ុន The Report Company វាយតម្លៃខ្ពស់ ចំពោះការបន្តថែរក្សាបាននូវសន្តិភាព និងស្ថិរភាពយ៉ាងរឹងមាំនៅកម្ពុជា

2025/05/14 01:25:59 am        128
Facebook Telegram Linkin
ភ្នំពេញ ៖ នារសៀលថ្ងៃទី១៣ ខែឧសភា ឆ្នាំ២០២៥ នៅវិមានសន្តិភាព, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Lucius Daniels នាយកប្រចាំតំបន់អាស៊ីនៃក្រុមហ៊ុន The Report Company ចូលសម្តែងការគួរសម។ ក្នុងឱកាសនៃជំនួបនេះ, លោក Lucius Daniels បានថ្លែងអំណរគុណយ៉ាងជ្រាលជ្រៅចំពោះ សម្តេចបវរធិបតី ដែលបានចំណាយពេលវេលាដ៏មានតម្លៃអនុញ្ញាតឱ្យរូបលោកចូលជួបសម្ដែងការគួរសម។ លោកបានវាយតម្លៃខ្ពស់ចំពោះកម្ពុជាដែលបានបន្តថែរក្សានូវសន្តិភាព និងស្ថិរភាពយ៉ាងរឹងមាំ ក្រោមការដឹកនាំប្រកបដោយភាពឈ្លាសវៃរបស់សម្ដេចបវរធិបតី ដែលជាមូលដ្ឋានគ្រឹះសម្រាប់ជំរុញការអភិវឌ្ឍសង្គម-សេដ្ឋកិច្ច, ទាក់ទាញវិនិយោគ និងទេសចរ មកទស្សនាកម្ពុជា។ ទន្ទឹមនឹងនេះ, លោក Lucius Daniels បានគោរពជម្រាបជូនសម្តេចបវរធិបតី អំពីគម្រោងផលិតរបាយការណ៍ផ្សព្វផ្សាយដែលផ្តោតជាសំខាន់លើទស្សនទាន និងសមិទ្ធផលធំៗ របស់រាជរដ្ឋាភិបាលកម្ពុជា រួមមាន៖ យុទ្ធសាស្ត្របញ្ចកោណ-ដំណាក់កាលទី១, ការជំរុញកំណើនសេដ្ឋកិច្ច, ការលើកកម្ពស់វិស័យទេសចរណ៍ក្នុង «រដូវកាលបៃតង» និង ការប្រែក្លាយខេត្តព្រះសីហនុទៅជាមជ្ឈមណ្ឌលសេដ្ឋកិច្ចពហុបំណង និងប្រែក្លាយកំពង់ផែស្វយ័តក្រុងព្រះសីហនុ ជាមជ្ឈមណ្ឌលភស្តុភារកម្មតំបន់ ជាដេីម។ ជាការឆ្លើយតប, សម្តេចបវរធិបតី បានសម្តែងការស្វាគមន៍ និងក្តីរីករាយដែលបានជួបលោក Lucius Daniels សាជាថ្មី។ សម្តេចបវរធិបតីបានវាយតម្លៃខ្ពស់ចំពោះក្រុមហ៊ុន The Report Company ដែលបានរួមចំណែកផ្សព្វផ្សាយអំពីកម្ពុជា ជាពិសេស ការចេញផ្សាយកិច្ចសម្ភាសន៍របស់សម្ដេចបវរធិបតី នៅក្នុងទស្សនាវដ្តី Newsweek នាពេលកន្លងមក។ សម្តេចបវរធិបតីក៏បានកត់សម្គាល់អំពីគម្រោងរបស់ក្រុមហ៊ុន ក្នុងការធ្វើកិច្ចសម្ភាសន៍ជាមួយថ្នាក់ដឹកនាំក្រសួង-ស្ថាប័ននានា របស់រាជរដ្ឋាភិបាលកម្ពុជា សម្រាប់របាយការណ៍ថ្មី។ សម្តេចបវរធិបតី ក៏បានចែករំលែកផងដែរថា រាជរដ្ឋាភិបាលកម្ពុជាបានដាក់ចេញនូវគោលនយោបាយ និងវិធានការចាំបាច់នានា ដើម្បីបង្កើតបរិយាកាសវិនិយោគប្រកបដោយភាពទាក់ទាញ, បត់បែន, ប្រកួតប្រជែង និងប្រាកដនិយម។ ក្នុងន័យនេះ, សម្តេចបានគូសរំលេចពីការវិនិយោគ និងអភិវឌ្ឍហេដ្ឋារចនាសម្ព័ន្ធរូបវន្តសំខាន់ៗ ដើម្បីគាំទ្រដល់វិស័យដឹកជញ្ជូន និងភស្តុភារកម្ម ដែលរួមមាន៖ ផ្លូវល្បឿនលឿនភ្នំពេញ-ព្រះសីហនុ, កំពង់ផែទឹកជ្រៅក្រុងព្រះសីហនុ, គម្រោងព្រែកជីកហ្វូណនតេជោ, និងអាកាសយានដ្ឋានអន្តរជាតិតេជោ ជាដើម។ សម្តេចបវរធិបតី ក៏បានគូសបញ្ជាក់អំពីការផ្តល់ការលេីកទឹកចិត្តនានា ចំពោះការវិនិយោគលើខ្សែច្រវាក់ផ្គត់ផ្គង់នៅកម្ពជា ដែលនឹងជួយបង្កើនសមត្ថភាពប្រកួតប្រជែងរបស់កម្ពុជា ព្រមទាំងជួយបម្រើដល់ការផ្គត់ផ្គង់ទាំងទីផ្សារក្នុងស្រុក និងការនាំចេញ។បន្ថែមលើនេះ, សម្តេចបវរធិបតី ក៏បានលើកឡើងពីគោលដៅរបស់រាជរដ្ឋាភិបាល ក្នុងការប្រែក្លាយ និងតភ្ជាប់បណ្តាខេត្តជាប់ឆ្នេរសមុទ្ររបស់កម្ពុជា ទៅជាតំបន់សេដ្ឋកិច្ចពហុបំណង ដែលគ្របដណ្តប់ដោយវិស័យឧស្សាហកម្មទំនើប, កម្មន្តសាល, សេវាកម្ម, ទេសចរណ៍ និងភស្តុភារកម្ម ដើម្បីរួមចំណែកដល់ការធ្វើពិពិធកម្ម និងជំរុញកំណើនសេដ្ឋកិច្ចជាតិ៕

សមាគមឧស្សាហកម្មថ្នាំជក់កម្ពុជា (ATIC) នឹងចូលរួមលេីកកម្ពស់ការយល់ដឹងអំពីផលិតផលថ្នាំជក់​ និងបារី ដល់ប្រជាពលរដ្ឋកម្ពុជា

2025/05/14 12:05:12 am        146
Facebook Telegram Linkin
ភ្នំពេញ ៖ នាព្រឹកថ្ងៃទី១៣ ខែឧសភា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូសមាគមឧស្សាហកម្មថ្នាំជក់កម្ពុជា (ATIC) ដឹកនាំដោយលោក Barros Figueira Miguel ប្រធានសមាគម ATIC ចូលជួបសម្តែងការគួរសម និងពិភាក្សាការងារ នៅវិមានសន្តិភាព។  នាឱកាសនៃជំនួបនេះ, លោកប្រធានសមាគមបានគោរពថ្លែងអំណរគុណយ៉ាងជ្រាលជ្រៅចំពោះ សម្ដេចបវរធិបតី ដែលបានអនុញ្ញាតឱ្យរូបលោក និងគណៈប្រតិភូសមាគម ចូលជួបសម្ដែងការគួរសម។ លោកប្រធានសមាគមបានគោរពរាយការណ៍ដោយសង្ខេបជូន សម្ដេចបវរធិបតី អំពីស្ថានភាព និងសកម្មភាពការងាររបស់សមាគម ATIC ដែលក្នុងរយៈពេលកន្លងមក ដែលបាមចូលរួមចំណែកបង្កើតការងារក្នុងស្រុកបានជាង ៤៥០០ កន្លែង និង រួមចំណែកដល់ការអភិវឌ្ឍសង្គម-សេដ្ឋកិច្ចនៅកម្ពុជា។ ជាមួយគ្នានេះ, លោកប្រធានសមាគមបានបន្តថា សមាគមក៏បានចូលរួមចំណែកក្នុង​ការងារសង្គមជាច្រេីនដូចជា​ ការផ្តល់ឧបករណ៍ទឹកស្អាត,​ ការផ្ដល់កុំព្យូទ័រ, សម្ភារបរិក្ខារ​ និង ការជួយដល់សហគមន៍ ជាដើម។ ក្រៅពីនេះ, លោកប្រធានសមាគមបានគូសបញ្ជាក់ពីការគាំទ្រនូវរាល់គំនិតផ្ដួចផ្ដើមដែលបានដាក់ចេញដោយរាជរដ្ឋាភិបាលកម្ពុជា និងបានបង្ហាញបំណងសហការជាមួយក្រសួងស្ថាប័នពាក់ព័ន្ធកម្ពុជា ដើម្បីលើកកម្ពស់ការយល់ដឹងអំពីផលិតផលថ្នាំជក់​ និងបារី ដល់ប្រជាពលរដ្ឋ។បន្ទាប់ពីបានស្វាគមន៍យ៉ាងកក់ក្តៅដល់គណៈប្រតិភូសមាគម ATIC, សម្ដេចបវរធិបតីបានលើកឡើងអំពីការយកចិត្តទុកដាក់របស់រាជរដ្ឋាភិបាលក្នុងការទប់ស្កាត់ការនាំចូលផលិតផលថ្នាំជក់ និងបារីខុសច្បាប់ ព្រមទាំងការដាក់ចេញវិធានការនានា ដើម្បីឆ្លើយតប និងដោះស្រាយបញ្ហាប្រឈមរបស់វិនិយោគិន។ ជាមួយគ្នានោះដែរ, សម្ដេចបវរធិបតីក៏បានគូសបញ្ជាក់ពីការយកចិត្តទុកដាក់ចំពោះសុខភាពរបស់ប្រជាពលរដ្ឋ ដោយបច្ចុប្បន្ន ក្រសួងស្ថាប័នពាក់ព័ន្ធកម្ពុជា បាន និងកំពុងពិនិត្យយន្តការនានា ដើម្បីធានានូវតុល្យភាពរវាងការដោះស្រាយបញ្ហាប្រឈមរបស់វិនិយោគិន និងការលេីកកម្ពស់សុខភាពសាធារណៈ ជូនប្រជាពលរដ្ឋ។ សម្ដេចបវរធិបតីបានបន្ថែមថា រាជរដ្ឋាភិបាលបានផ្ដោតការយកចិត្តទុកដាក់លើការលើកកម្ពស់ការយល់ដឹងអំពីផលប៉ះពាល់នៃផលិតផលថ្នាំជក់ និងបារី និងបានជំរុញការត្រួតពិនិត្យការចែកចាយផលិតផលថ្នាំជក់ និងបារីខុសច្បាប់ ដើម្បីធានាឱ្យមានការចរាចរ និងចែកចាយផលិតផលដោយអនុលោមតាមច្បាប់។  មុននឹងបញ្ចប់, សម្ដេចបវរធិបតីបានគូសបញ្ជាក់សាជាថ្មីថា​ រាជរដ្ឋាភិបាលកម្ពុជានឹងមិនអនុញ្ញាតឱ្យមានការវិនិយោគលេីការផលិតបារីអេឡិចត្រូនិក (e-cigarettes) នៅកម្ពុជានោះទេ៕

UNAIDS កោតសរសើរចំពោះការរីកចម្រើនគួរឱ្យកត់សម្គាល់លើគ្រប់វិស័យ និងសមិទ្ធផលលេចធ្លោរបស់កម្ពុជា​ ក្នុង​ការឆ្លេីយតបទៅនឹងមេរោគអេដស៍​ និងជំងឺអេដស៍

2025/05/14 12:02:32 am        110
Facebook Telegram Linkin
ភ្នំពេញ ៖ នាព្រឹកថ្ងៃទី១៣ ខែឧសភា ឆ្នាំ២០២៥, សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោកជំទាវ Winnie Byanyima អគ្គលេខាធិការរង អង្គការសហប្រជាជាតិ និងជានាយិកាប្រតិបត្តិអង្គការ UNAIDS ចូលជួបសម្តែងការគួរសម និងពិភាក្សាការងារ នៅវិមានសន្តិភាព។  ក្នុងឱកាសនៃជំនួបនេះ, លោកជំទាវ Winnie Byanyima បានសម្តែងការកោតសរសើរចំពោះការរីកចម្រើនគួរឱ្យកត់សម្គាល់លើគ្រប់វិស័យ និងសមិទ្ធផលលេចធ្លោជាច្រើនរបស់កម្ពុជា។ លោកជំទាវអគ្គលេខាធិការរង បានកោតសរសើរ​ ជាពិសេសចំពោះការខិតខំប្រឹងប្រែងរបស់រាជរដ្ឋាភិបាលកម្ពុជាក្នុងការឆ្លើយតបទៅនឹងមេរោគអេដស៍និងជំងឺអេដស៍។ លោកជំទាវបានបន្តថា កម្ពុជាបានសម្រេចគោលដៅសកលចំនួន ២ ជាមួយលទ្ធផល​ ៩២-១០០-៩៨ ក្នុងចំណោមគោលដៅសកលទាំងបី ៩៥-៩៥-៩៥ (​៩៥% នៃអ្នកផ្ទុកមេរោគអេដស៍ត្រូវបានគេធ្វើរោគវិនិឆ្ឆ័យ និងដឹងអំពីស្ថានភាពផ្ទុកមេរោគអេដស៍របស់ខ្លួន, ៩៥% នៃអ្នកជំងឺផ្ទុកមេរោគអេដស៍ បានទទួលការព្យាបាលដោយ ART, និង៩៥% នៃអ្នកជំងឺផ្ទុកមេរោគអេដស៍ ដែលកំពុងទទួលការព្យាបាលដោយ ART មានបន្ទុកមេរោគត្រូវបានបង្ក្រាប)​ របស់អង្គការសហប្រជាជាតិ និងបានកាត់បន្ថយអត្រាឆ្លងមេរោគអេដស៍ថ្មីជាបន្តបន្ទាប់។ លោកជំទាវ Winnie Byanyima បានគូសបញ្ជាក់ថា លទ្ធផលជោគជ័យរបស់កម្ពុជាក្នុងការឆ្លើយតបនឹងមេរោគអេដស៍ និងជំងឺអេដស៍ មិនត្រឹមតែបានកាត់បន្ថយអត្រាឆ្លងមេរោគអេដស៍ថ្មីប៉ុណ្ណោះទេ ប៉ុន្តែថែមទាំងបានរួមចំណែកដល់កិច្ចខិតខំប្រឹងប្រែង ក្នុងតំបន់​ និង​ ជាសកល ក្នុងការប្រយុទ្ធប្រឆាំងនឹងមេរោគអេដស៍ និងជំងឺឆ្លងនានា។ បន្ថែមលើនេះ, លោកជំទាវអគ្គលេខាធិការរង បានវាយតម្លៃខ្ពស់ចំពោះកម្ពុជាដែលជាប្រទេសមួយបានដាក់ចេញនូវផែនការយុទ្ធសាស្រ្តប្រកបដោយមហិច្ឆតាលើការងារប្រយុទ្ធប្រឆាំងនឹងមេរោគអេដស៍ និងជំងឺអេដស៍។ លោកជំទាវបានបញ្ជាក់ជាថ្មីថា UNAIDS នឹងបន្តគាំទ្រកម្ពុជាបន្ថែមទៀត ដើម្បីឈានទៅសម្រេចផែនការយុទ្ធសាស្ត្រដែលបានដាក់ចេញ ហើយអង្គការសហប្រជាជាតិនឹងបន្តភាពជាដៃគូជាមួយកម្ពុជា ដើម្បីរួមគ្នាសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាព។ ជាការឆ្លើយតប, សម្តេចបវរធិបតី បានថ្លែងអំណរគុណអង្គការសហប្រជាជាតិ ចំពោះការរួមចំណែកដល់ការអភិវឌ្ឍសង្គម-សេដ្ឋកិច្ចនៅកម្ពុជា និងបានវាយតម្លៃខ្ពស់ចំពោះ UNAIDS ដែលបានចូលរួមយ៉ាងសកម្មក្នុងការប្រយុទ្ធប្រឆាំងនឹងមេរោគអេដស៍ និងជំងឺអេដស៍ នៅកម្ពុជា។ សម្តេចបវរធិបតី បានគូសបញ្ជាក់ពីការយកចិត្តទុកដាក់របស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងនឹងមេរោគអេដស៍ និងជំងឺអេដស៍តាមរយៈការដាក់ចេញនូវគោលនយោបាយ និងផែនការយុទ្ធសាស្ត្រជាច្រើន​ ហេីយថ្មីៗនេះ កម្ពុជាទើបតែបានដាក់ចេញនូវគោលនយោបាយជាតិបញ្ចប់អេដស៍ និងចីរភាពកម្មវិធីអេដស៍សម្រាប់ឆ្នាំ២០២៣-២០២៨។ សម្តេចបវរធិបតី បានលើកឡើងថា៖ កម្ពុជាបានយកចិត្តទុកដាក់លើការកាត់បន្ថយអត្រាឆ្លងរាលដាលនៃមេរោគអេដស៍ និងជំងឺអេដស៍ ដោយគិតចាប់ពីឆ្នាំ១៩៩៦មក អត្រាឆ្លងមេរោគអេដស៍បានធ្លាក់ចុះគួរឱ្យកត់សម្គាល់។សម្តេចបវរធិបតីបានបន្តទៀតថា រាជរដ្ឋាភិបាលកម្ពុជាបានផ្ដោតអាទិភាពខ្ពស់លើការពង្រឹងវិស័យសុខាភិបាល ជាពិសេសការលេីកកម្ពស់សុខុមាលភាពប្រជាពលរដ្ឋ។ រាជរដ្ឋាភិបាលបានពង្រឹងសមត្ថភាពបុគ្គលិកសុខាភិបាល, កសាងហេដ្ឋារចនាសម្ព័ន្ធ​ ជាពិសេសការពង្រឹងសមត្ថភាព​មណ្ឌលសុខភាព​ ដេីម្បីពង្រីកសេវាសុខាភិបាលឱ្យកាន់តែជិតប្រជាពលរដ្ឋ។ សម្តេចបវរធិបតី បានសង្កត់ធ្ងន់ថា «នៅពេលដែលយើងនិយាយពីការកសាងមូលធនមនុស្ស យើងត្រូវយកចិត្តទុកដាក់លើសុខភាពរបស់ប្រជាពលរដ្ឋ»។ក្នុងជំនួបនោះដែរ, សម្តេចបវរធិបតី បានគូសបញ្ជាក់ពីការបន្តពង្រឹងកិច្ចសហប្រតិបត្តិការក្នុងភាពជាដៃគូជាមួយ UNAIDS ដើម្បីបន្តពង្រឹងវិស័យសុខាភិបាលរបស់កម្ពុជា ជាពិសេស ពង្រឹងការឆ្លើយតបនឹងមេរោគអេដស៍ និងជំងឺអេដស៍។ សម្តេចបវរធិបតី បានលើកទឹកចិត្តដល់ UNAIDS ឱ្យបន្តភ្ជាប់ទំនាក់ទំនងឱ្យកាន់តែល្អប្រសើរថែមទៀតជាមួយក្រសួងស្ថាប័នពាក់ព័ន្ធកម្ពុជា ដើម្បីរួមគ្នាបន្តសម្រេចគោលដៅក្នុងការឆ្លេីយ​តប​ទៅនឹង​គោលដៅសកលទាំងបី​របស់​អង្គការ​សហប្រជាជាតិ​ក្នុង​ការ​ឆ្លើយតប​ទៅនឹងមេរោគអេដស៍ និងជំងឺអេដស៍៕

គណៈកម្មាធិការសមាជរដ្ឋសភា និងព្រឹទ្ធសភាអនុម័តសេចក្តីស្នើសុំកោះប្រជុំសមាជលើប្រធានបទចំនួន៣

2025/05/13 11:19:19 pm        136
Facebook Telegram Linkin
ភ្នំពេញ ៖ នៅព្រឹកថ្ងៃទី១៣ ខែឧសភា ឆ្នាំ២០២៥នេះ គណៈកម្មាធិការសមាជរដ្ឋសភា និងព្រឹទ្ធសភានៃព្រះរាជាណាចក្រកម្ពុជា បានបើកកិច្ចប្រជុំ ក្រោមអធិបតីដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធាន សមាជរដ្ឋសភា និងព្រឹទ្ធសភា នៅវិមានព្រឹទ្ធសភា ដោយមានវត្តមានចូលរួមពីសម្តេចមហារដ្ឋសភាធិការធិបតី យួន សុដារី ប្រធានរដ្ឋសភា និងជាអនុប្រធានគណៈកម្មាធិការសមាជរដ្ឋសភានិងព្រឹទ្ធសភា ឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា ឯកឧត្តមគតិសេដ្ឋាបណ្ឌិត ជាម យៀប អនុប្រធានទី១ រដ្ឋសភា ឯកឧត្តម ធន់ វឌ្ឍនា អនុប្រធានទី២ ព្រឹទ្ធសភា ឯកឧត្តម វង សូត អនុ សូត អនុប្រធានទី២ រដ្ឋសភា ជាសមាជិកគណៈកម្មាធិការសមាជរដ្ឋសភា និងព្រឹទ្ធសភា ព្រមទាំងវត្តមានចូលរួមពីសំណាក់ ឯកឧត្តម លោកជំទាវ ជាជំនួយការគណៈកម្មាធិការសមាជ រដ្ឋសភានិងព្រឹទ្ធសភាផងដែរ។​ជាកិច្ចចាប់ផ្តើម អង្គប្រជុំបានអនុម័តយល់ព្រមលើរបៀបវារៈនៃកិច្ចប្រជុំគណៈកម្មាធិការសមាជរដ្ឋសភា និងព្រឹទ្ធសភាមានចំនួន ៦ សំឡេងនៃចំនួនសមាជិកគណៈកម្មាធិការសមាជរដ្ឋសភានិងព្រឹទ្ធសភាទាំងមូល។ បន្ទាប់មកអង្គប្រជុំបានពិភាក្សា និងអនុម័តតាមរបៀបវារៈ ដែលមានលទ្ធផលដូចខាងក្រោម៖-របៀបវារៈទី១ អង្គប្រជុំអនុម័តសេចក្តីស្នើសុំកោះប្រជុំសមាជរដ្ឋសភា និងព្រឹទ្ធសភាដើម្បីពិភាក្សាលើ ប្រធានបទសំខាន់ចំនួន៣ របស់ប្រទេសជាតិ ដែលមាន ប្រធានបទ៖ អំពីប្រព័ន្ធគាំពារសង្គម, ប្រធានបទ៖ អំពីសេដ្ឋកិច្ចក្រៅប្រព័ន្ធ និងប្រធានបទ៖ អំពីវិស័យកសិកម្ម។ សំឡេងអនុម័តរបៀបវារៈទី១ មានចំនួន ៦ សំឡេង នៃចំនួនសមាជិកគណៈកម្មាធិការសមាជរដ្ឋសភានិងព្រឹទ្ធសភាទាំងមូល។-របៀបវារៈទី២ អង្គប្រជុំអនុម័តប្រគល់ប្រធានបទអំពីប្រព័ន្ធគាំពារសង្គម ជូន ឯកឧត្តម យស ផានីត្តា និងឯកឧត្តម ឈាង វុន ដោយសហការជាមួយ លោកជំទាវ មាន សំអាន និងលោកជំទាវ ឡោក ខេង ជាជំនួយ ការគណៈកម្មាធិការសមាជរដ្ឋសភា និងព្រឹទ្ធសភាធ្វើការពិនិត្យ និងសិក្សាហើយធ្វើរបាយការណ៍ និងសេចក្តីព្រាងសេចក្តីសម្រេចរបស់សមាជ ជូនគណៈកម្មាធិការសមាជរដ្ឋសភា និងព្រឹទ្ធសភា។ សំឡេងអនុម័តរបៀបវារៈទី២ មានចំនួន ៦សំឡេង នៃចំនួនសមាជិកគណៈកម្មាធិការសមាជរដ្ឋសភា និងព្រឹទ្ធសភាទាំងមូល។-របៀបវារៈទី៣ អង្គប្រជុំអនុម័តប្រគល់ប្រធានបទអំពីសេដ្ឋកិច្ចក្រៅប្រព័ន្ធ ជូន ឯកឧត្តម អ៊ុ សារឹទ្ធ និងលោកជំទាវ និន សាផុន ដោយសហការជាមួយ លោកជំទាវ មាន សំអាន លោកជំទាវ ឡោក ខេង ឯកឧត្តម យស ផានីត្តា និងឯកឧត្តម ឈាង វុន ជាជំនួយការគណៈកម្មាធិការសមាជរដ្ឋសភានិងព្រឹទ្ធសភា ធ្វើការពិនិត្យ និងសិក្សា ហើយធ្វើរបាយការណ៍ និងសេចក្តីព្រាងសេចក្តីសម្រេចរបស់សមាជ ជូនគណៈកម្មាធិការសមាជ រដ្ឋសភានិងព្រឹទ្ធសភា។ សំឡេងអនុម័តរបៀបវារៈទី៣ មានចំនួន ៦សំឡេង នៃចំនួនសមាជិកគណៈកម្មាធិការ សមាជរដ្ឋសភានិងព្រឹទ្ធសភាទាំងមូល។-របៀបវារៈទី៤ អង្គប្រជុំអនុម័តប្រគល់ប្រធានបទអំពីវិស័យកសិកម្ម ជូន ឯកឧត្តម ម៉ុង ឫទ្ធី និង ឯកឧត្តមសន្តិបណ្ឌិត ឡូយ ណ្ឌិត ឡូយ សុផាត ជាជំនួយការគណៈកម្មាធិការសមាជរដ្ឋសភា និងព្រឹទ្ធសភាធ្វើការពិនិត្យ និងសិក្សា ហើយធ្វើរបាយការណ៍ និងសេចក្តីព្រាងសេចក្តីសម្រេចរបស់សមាជ ជូនគណៈកម្មាធិការសមាជ រដ្ឋសភានិងព្រឹទ្ធសភា។ សំឡេងអនុម័តរបៀបវារៈទី៤ មានចំនួន ៦សំឡេង នៃចំនួនសមាជិកគណៈកម្មាធិការ សមាជរដ្ឋសភានិងព្រឹទ្ធសភាទាំងមូល។បើតាមឯកឧត្តម ជា ធីរិទ្ធ អ្នកនាំពាក្យព្រឹទ្ធសភា បានឱ្យដឹងថា ព្រឹទ្ធសភា និងរដ្ឋសភានៃព្រះរាជាណាចក្រកម្ពុជា គ្រោងរៀបចំសមាជរដ្ឋសភា និងព្រឹទ្ធសភា នៅថ្ងៃទី២ និងទី៣ ខែមិថុនា ឆ្នាំ២០២៥ ខាងមុខនេះ តបតាមសំណើរបស់ប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត។ សមាជរដ្ឋសភា និងព្រឹទ្ធសភាជាដំណើរការលទ្ធិប្រជាធិបតេយ្យ និងការទទួលខុសត្រូវដ៏ខ្ពង់ខ្ពស់បំផុត របស់រាជរដ្ឋាភិបាលចំពោះប្រជាពលរដ្ឋ ដែលបានផ្តល់ការគំាទ្រ យ៉ាងច្រើនលើសលប់មកលើរាជរដ្ឋាភិបាលនៅក្នុងការបោះឆ្នោតជ្រើសតំាងតំណាងរាស្រ្តនីតិកាលទី៧ កាលពីថ្ងៃខែកក្កដា ឆ្នាំ២០២៣ កន្លងនេះ៕

សម្ដេចធិបតីអនុញ្ញាតឱ្យគណៈប្រតិភូសមាគម ATIC ចូលជួបសម្តែងការគួរសម និងពិភាក្សាការងារ

2025/05/13 06:56:11 pm        389
Facebook Telegram Linkin
នៅព្រឹកថ្ងៃទី១៣ ខែឧសភា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអនុញ្ញាតឱ្យ គណៈប្រតិភូនៃសមាគមឧស្សាហកម្មថ្នាំជក់កម្ពុជា (ATIC) ដឹកនាំដោយ លោក Barros Figueira Miguel ប្រធានសមាគម ATIC ក្នុងជំនួបសម្តែងការគួរសម និងពិភាក្សាការងារ នៅវិមានសន្តិភាព។

សម្ដេចធិបតី អនុញ្ញាតឱ្យនាយិកាប្រតិបត្តិអង្គការ UNAIDS ចូលជួបសម្ដែងការគួរសម និងពិភាក្សាការងារ

2025/05/13 06:52:07 pm        418
Facebook Telegram Linkin
នៅព្រឹកថ្ងៃទី១៣ ខែឧសភា ឆ្នាំ២០២៥នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអនុញ្ញាតឱ្យលោកជំទាវ វីននី ប៊ីយ៉ានីម៉ា (Winnie Byanyima) អគ្គលេខាធិការរងអង្គការសហប្រជាជាតិ និងជានាយិកាប្រតិបត្តិអង្គការ UNAIDS ក្នុងជំនួបសម្តែងការគួរសម និងពិភាក្សាការងារ នៅវិមានសន្តិភាព។សូមជម្រាបថា បច្ចុប្បន្នរាជរដ្ឋាភិបាលកម្ពុជាតាមរយៈក្រសួងសុខាភិបាលជាសេនាធិការបាននឹងកំពុងបំពេញបេសកកម្មដ៏សំខាន់ ចូលរួមយ៉ាងសកម្ម និងសហការក្នុងអន្តរវិស័យ ដើម្បីឆ្លើយតបនឹងបញ្ហាមេរោគអេដស៍យ៉ាងមានប្រសិទ្ធភាព។ បន្ថែមពីនេះ រដ្ឋាភិបាលកម្ពុជា ដែលមានក្រសួងសុខាភិបាល ជាសេនាធិការ បានសហការជាមួយដៃគូអភិវឌ្ឍន៍ អង្គការក្រៅរាជរដ្ឋាភិបាល សហគមន៍ និងសង្គមស៊ីវិល ក្នុងការងារប្រយុទ្ធប្រឆាំងនឹងជំងឺអេដស៍នៅកម្ពុជា ដើម្បីឆ្លើយតបឱ្យបាននូវគោលនយោបាយជាតិការបញ្ចប់ជំងឺអេដស៍ ឆ្នាំ២០២៣-២០២៨។ ក្រសួងសុខាភិបាលកម្ពុជាទទួលបានការគាំទ្ររបស់ដៃគូអភិវឌ្ឍ បានផ្តល់អាទិភាពក្នុងការធ្វើសមាហរណកម្មសេវាធ្វើតេស្តរកមេរោគអេដស៍ និងការថែទាំសុខភាព នៅក្នុងប្រព័ន្ធសុខាភិបាលថ្នាក់ជាតិ។ ចំណុចសំខាន់នោះគឺ ពង្រឹងលើការបម្រើសេវាថែទាំសុខភាពសម្រាប់អ្នកផ្ទុកមេរោគអេដស៍ នៅតាមមូលដ្ឋានសុខាភិបាលកម្រិតបឋម។ ស្របពេលដែលក្រសួងសុខាភិបាល កំពុងពង្រឹងក្នុងការឆ្លើយតបនឹងជំងឺអេដស៍ ប្រកបដោយប្រសិទ្ធភាព ក្រសួងក៏បានជំរុញនៃការលើកកម្ពស់ក្នុងការបញ្ឈប់ការរើសអើង ចំពោះអ្នកផ្ទុកមេរោគអេដស៍ផងដែរ។ប្រទេសកម្ពុជា ជាពិសេសក្រសួងសុខាភិបាល ដែលបានខិតខំប្រឹងប្រែងក្នុងការឆ្លើយតបនឹងមេរោគអេដស៍នៅកម្ពុជា ដែលសម្រេចបានលទ្ធផល ៩៥-៩៥-៩៥ ជាភាគរយខ្ពស់ ប្រៀបធៀបនឹងគោលដៅដាក់ចេញ ដែលកម្ពុជាធ្លាប់ជាប្រទេសមានអត្រាប្រេវ៉ាឡង់ អ្នកផ្ទុកមេរោគអេដស៍ខ្ពស់ ក្នុងតំបន់អាស៊ីប៉ាស៊ីហ្វិក គឺ៣% ក្នុងឆ្នាំ១៩៩៦ ហើយធ្លាក់ចុះមកនៅត្រឹមតែ ០.៥% ក្នុងឆ្នាំ២០២៤។ ខណៈចក្ខុវិស័យរបស់កម្ពុជាទៅថ្ងៃអនាគតគឺ ជំរុញឱ្យការបម្រើសេវាសុខាភិបាលកាន់តែល្អប្រសើរឡើង ជាពិសេសសេវាពិនិត្យ និងថែទាំអ្នកជំងឺអេដស៍៕

សម្តេចតេជោ ហ៊ុន សែន បញ្ចប់ទស្សនកិច្ចនៅឥណ្ឌូណេស៊ី និងទីម័រឡេស្តេដោយជោគជ័យ និង​មោទនភាព​ជាទីបំផុត​

2025/05/09 10:39:56 pm        682
Facebook Telegram Linkin
នៅរសៀលថ្ងៃទី៩ ខែឧសភា ឆ្នាំ​២០២៥នេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា នៃព្រះរាជាណាចក្រកម្ពុជា បាន​អញ្ជើញដឹកនាំគណៈប្រតិភូជាន់ខ្ពស់កម្ពុជា ត្រប់​ដល់កម្ពុជា​វិញ​ដោយសុវត្ថិភាព បន្ទាប់ពីបាន​អញ្ជើញ​បំពេញទស្សនកិច្ចការងារ​នៅ​សាធារណ​រដ្ឋ​ឥណ្ឌូណេស៊ី​ពីថ្ងៃទី៥ ដល់ថ្ងៃទី៧ ខែឧសភា ឆ្នាំ២០២៥ និងបន្តបំពេញ​ទស្សន​កិច្ចផ្លូវការ​នៅ​សាធារណ​រដ្ឋ​ប្រជាធិបតេយ្យទីម័រឡេស្តេ ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០២៥ តប​តាម​ការ​អញ្ជើញរបស់ឯកឧត្តម ចូហ្សេ រ៉ាមូស អរតា ប្រធានាធិបតី នៃសាធារណរដ្ឋ​ប្រជាធិបតេយ្យ​ទីម័រឡេស្តេ។ក្នុងឱកាស​បំពេញទស្សកិច្ចការងារ​ ​នៅប្រទេសឥណ្ឌូណេស៊ី សម្តេចតេជោ ហ៊ុន សែន ប្រធាន​ព្រឹទ្ធសភា​​កម្ពុជា និងជាអ្នកនយោបាយមានទំនាក់ទំនងជិតស្និទ្ធជាមួយមេដឹក​នាំ​ប្រទេស​ឥណ្ឌូណេស៊ី​នោះ ទទួលបានការស្វាគមន៍យ៉ាងមហោឡារិក កក់ក្តៅ និងកិត្តិយសដ៏ខ្ពង់ខ្ពស់បំផុត។ សម្ដេច​តេជោ អញ្ជើញដល់​ព្រលានយន្តហោះអន្តរជាតិនាទីក្រុងហ្សាការតាភ្លាម សម្តេចតេជោ ទទួល​បាន​ការស្វាគមន៍ដោយមន្ត្រីជាន់ខ្ពស់ប្រទេសឥណ្ឌូណេស៊ី និងឈរអមជា​របង​ដោយ​កង​កិត្តិយស​របស់ឥណ្ឌូណេស៊ី ចាប់ពីព្រ​លានយន្តហោះ រហូតដល់វិមានប្រធានាធិបតីឥណ្ឌូណេស៊ី ក្បួន​រថយន្ត​របស់សម្តេចតេជោ ត្រូវបានហែហមអមក្បួនដោយរថយន្ត និងម៉ូតូ​កិត្តិយស​ជា​ច្រើន​គ្រឿង​។ នៅឯវិមានប្រធានាធិបតីវិញ មានការរៀបចំពិធីស្វាគមន៍ជាផ្លូវការយ៉ាងមហោឡារិក ដោយ​ឯកឧត្តម ប្រាបូវ៉ូ ស៊ូប៊ីយ៉ាន់តូ ប្រធានាធិបតីឥណ្ឌូណេស៊ី និងកងកិត្តិយសជាច្រើនរូប មាន​ទាំង​កង​កិត្តិយស​ជិះ​សេះជាក្បួនថែមទៀតផង។កាន់តែពិសេសថែមទៀតនោះ ដំណើររបស់សម្តេចតេជោ ចាប់ពីពេលអញ្ជើញ​ដល់​ព្រលាន​យន្ត​ហោះ ​រហូត​ដល់ជួបជជែកការងារជាមួយលោកប្រធានាធិបតីឥណ្ឌូណេស៊ី ត្រូវ​បាន​ផ្សាយ​ផ្ទាល់​ដោយ​ប្រព័ន្ធ​ផ្សព្វ​ផ្សាយរដ្ឋ និងឯកជនរបស់ឥណ្ឌូណេស៊ីផងដែរ។ បន្ទាប់មកសម្តេចតេជោ បាន​អញ្ជើញ​ជួប​ពិភាក្សាការងារជាមួយ ឯកឧត្តម ប្រាបូវ៉ូ ស៊ូប៊ីយ៉ាន់តូ ប្រធានាធិបតី​នៃ​សាធារណ​រដ្ឋ​ឥណ្ឌូណេស៊ី នៅវិមានប្រធានាធិបតីផងដែរ​។បន្ទាប់ពីពិធីបដិសណ្ឋារកិច្ចផ្លូវការ សម្តេចតេជោបាន​អញ្ជើញជួបពិភាក្សាការងារជាមួយ ឯកឧត្តម ប្រាបូវ៉ូ ស៊ូប៊ីយ៉ាន់តូ នៅវិមានប្រធានាធិបតី។ ក្នុងជំនួបនេះសម្ដេច​តេជោ បាន​រម្លឹកឡើងថា កម្ពុជា និងឥណ្ឌូណេស៊ី​មានចំណងមិត្តភាពជាមួយគ្នា​ជាង៣៧ឆ្នាំចាប់តាំងពីកម្ពុជា​ចរចា​ស្វែង​រក​សន្តិភាព​មក​ម្លេះ ដូច្នេះ​សមិទ្ធ​ផល​របស់​កម្ពុជា​នៅ​ពេល​នេះ​មិន​អាច​កាត់​ផ្តាច់​ពី​ការ​ជួយ​របស់​ឥណ្ឌូ​ណេស៊ី​បាន​​ឡើយដោយសម្តេចតេជោ​បានអរគុណចំពោះការចូលរួមរបស់ឥណ្ឌូណេស៊ី ក្នុង​ការ​ជួយ​ដល់​កម្ពុជា។នៅក្នុងឱកាសជំនួបនេះ ឯកឧត្តមប្រធានាឥណ្ឌូណេស៊ីបានថ្លែង​ថា នៅក្នុងតំបន់​អាស៊ី​អាគ្នេយ៍​សម្តេច​ជា​បុរសរដ្ឋ ដែលមានបទពិសោធន៍ដឹកនាំប្រទេសយូរឆ្នាំ។ ឯកឧត្តមបន្តថា ឥណ្ឌូណេស៊ី​តែង​តែ​ប្តេជ្ញាលើកកម្ពស់កិច្ចសន្ទនា ការផ្សះផ្សាជាតិ និងដោះស្រាយ​ទំនាស់​ដោយ​សន្តិ​វិធី​នៅ​កម្ពុជា​តាំង​ពីអំឡុងទសវត្សរ៍ឆ្នាំ ១៩៨០ និង១៩៩០ ដែលកាល​ប្រវត្តិនេះ​ជា​គ្រឹះ​សម្រាប់​ទំនាក់​ទំនង​ទ្វេភាគី​កម្ពុជា-ឥណ្ឌូណេស៊ី​លើ​គ្រប់​វិស័យ​សម្រាប់​កិច្ច​សហប្រតិបត្តិការ​សេដ្ឋកិច្ច​ក្នុង​ក្រប​ខណ្ឌ​អាស៊ាន។ក្នុងឱកាសដំណើរទស្សនកិច្ចនៅឥណ្ឌូណេស៊ីនៅរសៀលថ្ងៃទី៥ ខែឧសភា​ ឆ្នាំ​២០២៥​នេះ​ដែរ​សម្ដេចតេជោ ប្រធានព្រឹទ្ធសភានៃកម្ពុជា ក៏បាន​បានអញ្ជើញធ្វើជំនួបពិភាក្សាការងារជាមួយ ឯកឧត្តម កៅ គឹមហួន អគ្គលេខាធិការអាស៊ាន តំណាងគណៈកម្មាធិការអចិន្ត្រៃយ៍អាស៊ាន និង​ឯក​អគ្គ​រដ្ឋទូតទីម័រឡេស្តេប្រចាំអាស៊ាន នៅលេខាធិការដ្ឋានអាស៊ាន នាទីក្រុងហ្សាការតា សាធារណរដ្ឋ​ឥណ្ឌូណេស៊ីផងដែរ​។នៅ​​ក្នុងជំនួបនេះ ឯកឧត្តម អគ្គលេខាធិការអាស៊ាន តំណាង​គណៈកម្មការ​អចិន្ត្រៃយ៍​អាស៊ាន​បាន​លើក​ឡើង​ថា ក្រោមការដឹកនាំរបស់ សម្ដេចតេជោ អតីតនាយករដ្ឋមន្ត្រី កម្ពុជាបានចូល​ជា​សមាជិក​អាស៊ាននៅ​ថ្ងៃទី៣០ ខែមេសា ឆ្នាំ១៩៩៩ ដែលមកដល់ពេលនេះគឺជាខួបលើកទី២៦ឆ្នាំ ដែល​កម្ពុជាបានចូលជាសមាជិកអាស៊ាន។ ឯកឧត្តម​បាន​រំលេច​ថា​ចាប់​តាំង​ពី​កម្ពុជា​បាន​ចូល​ជា​សមាជិក​អាស៊ានមក កម្ពុជាបានចូលរួមចំណែកយ៉ាងសកម្មនៅក្នុងការងាររបស់អាស៊ាន និង​ដោះ​ស្រាយ​បញ្ហា​របស់អាស៊ាន តួយ៉ាងដូចជាកម្ពុជាបានធ្វើជាប្រធានអាស៊ានចំនួន៣លើក គឺ​នៅ​ឆ្នាំ​២០០២ ឆ្នាំ២០១២ និងឆ្នាំ ២០២២ ដែលតួនាទី​របស់​កម្ពុជា​ជា​ប្រធាន​អាស៊ាន​បាន​ចូល​រួម​ចំណែក​យ៉ាង​សំខាន់ក្នុងកាតដោះស្រាយបញ្ហាប្រឈមរបស់អាស៊ាន នាពេលកន្លង​មក​ក៏​ដូច​ជា​នៅ​ថ្ងៃ​អនាគត ដែលកម្ពុជាកំពុងចូលរួមចំណែកយ៉ាងសកម្មផងដែរ។ក្នុង​ឱកាស​នោះសម្ដេចតេជោ បានរំលេចថា នៅពេលដែលស​ម្ដេចបាន​ធ្វើ​ជា​ប្រធាន​អាស៊ាន​៣​ដ​​ង​នៅ​ក្នុង​កិច្ចប្រជុំអាស៊ាន កាលពីពេលសម្ដេចនៅជានាយករដ្ឋមន្ត្រី គឺនៅឆ្នាំ២០០២ ២០១២ និ​ង​២០២២ សម្ដេចមិនដែលបានអញ្ជើញមកទស្សនកិច្ចនៅលេខាធិការដ្ឋានអាស៊ាននោះទេ។ ហើយ​នេះ​ជាដំណើរទស្សនកិច្ចលេខាធិការដ្ឋានអាស៊ាន​លើកដំបូងរបស់សម្ដេច ថ្វីត្បិតកាលពីឆ្នាំ ២០២១ សម្ដេចបានមកប្រជុំនៅលេខាធិការដ្ឋានអាស៊ានលើបញ្ហាមីយ៉ាន់ម៉ា ប៉ុន្តែសម្ដេច​ក៏​មិន​បាន​ធ្វើ​ដំណើរទស្សនកិច្ចពិនិត្យមើលលេខាធិការដ្ឋានអាស៊ានដូចលើកនេះឡើយ។សម្ដេចតេជោបានបញ្ជាក់ទៅកាន់អគ្គលេខាធិការណ៍អាស៊ានថា ប្រទេសទាំងអស់ ពិសេស​នៅ​ក្នុង​តំបន់​អាស៊ាន​កំពុងជួបបញ្ហា ដូច្នេះអាស៊ានត្រូវតែធ្វើការជាមួយគ្នារឹងមាំ និងខ្លាំង​បន្ថែម​ទៀត​ហើយ​អាស៊ានត្រូវតែក្រឡេកមើលការផ្គត់ផ្គង់ទីផ្សារនៅក្នុងតំបន់អាស៊ាន ជាពិសេសទីផ្សារ​ដែល​មាន​ស្រាប់​តាមរយៈកិច្ចព្រមព្រៀង RCEP ដែលប្រទេសនៅ​ក្នុង​អាស៊ាន​មិន​គួរ​មើល​រំលង​នោះ​ឡើយ​។ក្នុងឱកាសដំណើរទស្សនកិច្ចនៅប្រទេស​ឥណ្ឌូណេស៊ី សម្ដេច​តេជោ បាន​អញ្ជើញ​ផ្តល់បាឋក​ថា​ពិសេស​ ក្រោមប្រធានបទ “កម្ពុជា និងអាស៊ាន, អាស៊ាន និងពិភពលោក” ដែលជា វិភាគ​ទាន​ដ៏​សំខាន់​ក្នុង​ការអបអរសាទរខួប២៦ឆ្នាំ នៃការចូលជាសមាជិកអាស៊ានរបស់កម្ពុជា។​ជាមួយ​គ្នា​នេះ សម្តេចតេជោ បាន​អញ្ជើញថ្លែងបាឋកថា ក្រោមប្រធានបទស្តីពី «ទស្សនៈ និងបទពិសោធន៍ នៃ​កិច្ចខិតខំកសាងសន្តិភាពនៅកម្ពុជា» នៅសាលា​សិក្សា​អំពី​រដ្ឋាភិបាល​នៃ​វិទ្យាស្ថាន​ស្រាវ​ជ្រាវ​សេដ្ឋកិច្ច​ អាស៊ាន និងអាស៊ីបូព៌ា (ERIA School of Government) ដែលមានការ​ចូលរួម​ដោយ​អគ្គ​លេខាធិការ អាស៊ាន តំណាងអចិន្ត្រៃយ៍អាស៊ាន, អង្គទូតប្រចាំ​សាធារណរដ្ឋ​ឥណ្ឌូណេស៊ី និង​ប្រចាំ​អាស៊ាន, ថ្នាក់ដឹកនាំ និងអតីតថ្នាក់ដឹកនាំនៃក្រសួង/ស្ថាប័នរដ្ឋឥណ្ឌូណេស៊ី និងអង្គការ​សង្គម​ស៊ីវិល​នៅ​ឥណ្ឌូណេស៊ីផងដែរ​។ក្រៅពីនេះ​សម្ដេច​តេជោ ប្រធានព្រឹទ្ធសភានៃព្រះរាជាណាចក្រកម្ពុជា អញ្ជើញជួបពិភាក្សាការងារ​ជាមួយ លោកជំទាវ ពាន់ ម៉ាហារ៉ានី (Puan Maharani) ប្រធានរដ្ឋសភា​នៃ​សាធារណ​រដ្ឋ​ឥណ្ឌូណេស៊ី នៅវិមានរដ្ឋសភា រដ្ឋធានីហ្សាការតា និង​លោកសាស្ត្រាចារ្យបណ្ឌិត Dato' Sri Tahir សមាជិក​ក្រុម​ប្រឹក្សាពិគ្រោះយោបល់របស់ ប្រធានាធិបតីឥណ្ឌូណេស៊ី និងស្ថាបនិកក្រុមហ៊ុន Mayapada Group ចូលជួប និងសម្តែងការគួរសមផងដែរ។ ក្នុងឱកាសជំនួបនេះ សម្ដេច​តេជោ បាន​​ប្រាប់វិនិយោគិនឥណ្ឌូណេស៊ីថា កម្ពុជា​កំពុង​ខិត​ខំ​បង្ក​លក្ខណៈ​ងាយ​ស្រួល​ដល់​អ្នក​វិនិយោគ​បរទេស​ដើម្បី​មកវិនិយោគនៅកម្ពុជា​។ក្រោយ​បញ្ចប់​បំពេញទស្សនកិច្ចការងារនៅសាធារណរដ្ឋឥណ្ឌូណេស៊ីចាប់ពីថ្ងៃទី៥ ដល់ថ្ងៃទី៧ ខែ​ឧសភា ឆ្នាំ២០២៥នេះ ដោយទទួលបានការស្វាគមន៍ និងការ​សាទរ​ជាទីមោទនៈ នៅថ្ងៃទី៧ ខែ​ឧសភា ឆ្នាំ២០២៥នេះ សម្ដេច​តជោ និងគណៈប្រតិភូជាន់ខ្ពស់កម្ពុជា បាន​​បន្តដំណើរ​ទៅ​បំពេញ​ទស្សន​កិច្ច​ផ្លូវការ​បន្ត​ទៀតនៅសាធារណរដ្ឋ​ប្រជាធិបតេយ្យ​ទីម័រឡេ​ស្តេ​ចាប់​ពីថ្ងៃ​ទី​៧​ដល់​ថ្ងៃ​ទី​៩​ខែ​ឧសភា​ឆ្នាំ​២០២៥។សម្ដេចតេជោ និងគណៈប្រតិភូកម្ពុជា បាន​អញ្ជើញដល់ទឹក​ដី​នៃ​សាធារណរដ្ឋ​ប្រជាធិបតេយ្យ​ទីម័រឡេស្តេ នៅ​ថ្ងៃទី៧ ខែឧសភាឆ្នាំ២០២៥ វេលាម៉ោង១៧ និង៣៧នាទី (ម៉ោង​នៅ​ប្រទេសទីម័រឡេស្តេ ) ត្រូវនឹងម៉ោង១៥ និង៣០នាទីម៉ោងនៅកម្ពុជា នៅអាកាស​យាន​ដ្ឋាន​អន្តជា​តិ នីកូឡៅ លូបាតូ នាទីក្រុងឌីលី ប្រកបដោយសុវត្ថិភាព។ក្នុងឱកាសនោះអញ្ជើញទទួលបដិសណ្ឋារកិច្ច សម្តេចតេជោ ប្រធានព្រឹទ្ធសភា នៃព្រះរាជា​ណា​ចក្រ​កម្ពុជា និងគណៈប្រតិ ភូជាន់ខ្ពស់កម្ពុជានាពេលនេះ រួមមាន៖ ឯកឧត្តម ចូហ្សេ រ៉ាមូស អរតា ប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ, ឯកឧត្តម ហ្វ្រង់ ស៊ីស្កូកាបួរឌី ឡាយ ឧប​នាយករដ្ឋមន្ត្រីទី១ និងជារដ្ឋមន្ត្រីសម្របសម្រួលសេដ្ឋកិច្ច និងជារដ្ឋមន្ត្រីទេសចរណ៍ និង​បរិស្ថាន​នៃ​សាធារណរដ្ឋប្រជាធិបតេយ្យទីម័រឡេស្តេ, ឯកឧត្តម បណ្ឌិត បេនឌីតូ ដូស សាន់តូស ហ្រេ្វ តាស់ រដ្ឋមន្ត្រីការបរទេសនៃសាធារណរដ្ឋប្រជាធិបតេយ្យទីម័រឡេស្តេ និងលោកជំទាវ ហ៊ុស៊ុ​អ៊ីណា ម៉ារៀ ហ្វៃរៃណា រដ្ឋមន្ត្រី វិមានប្រធានាធិបតី។វត្តមានអញ្ជើញដល់របស់សម្ដេចតេជោ ហ៊ុន សែន នៅតាមដងផ្លូវចេញពីអាកាសយានដ្ឋានអន្ត​ជាតិ​ នៃទីក្រុងឌីលី មានប្រជាពលរដ្ឋ សិស្សានុសិស្ស​យ៉ាង​ច្រើន​កុះ​ករ​ឈអ​ម​សង​ខាង​ផ្លូវ​ទទួល​សា្វគមន៍ និងអបអរសាទរយ៉ាងកក់ក្តៅបំផុត ចំពោះវត្តមាន សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា ក្នុងឱកាសអ​ញ្ជើ​ញ​បំពេញ​ទស្សន​កិច្ច​ផ្លូវ​ការ​នៅ​សាធារណ​រដ្ឋ​ប្រជាធិបតេយ្យទីម័រឡេស្តេក្នុងពេលនេះ។ ថ្នាក់ដឹកនាំ និងប្រជាពលរ​ដ្ឋ​ទីម័រឡេស្តេ​បាន​ចាត់​ទុក​សម្តេច​អគ្គមហាសេនាបតីតេជោ ហ៊ុន សែន ប្រធានព្រឹទ្ធសភា​កម្ពុជា​ជា​ឥស្សរជន​សំខាន់​បំផុត​ដែល​បានផ្តល់កិត្តិយសធំបំផុតដល់ថ្នាក់ដឹកនាំ និងប្រជាជនទីម័រឡេស្តេ។ក្នុង​ឱកាសដំណើរទស្សនកិច្ចរបស់សម្ដេចតេជោ ហ៊ុន សែន នាពេលនេះដែរ ឯកឧត្តម ចូហ្សេ រ៉ាមូស អរតា ប្រធានាធិបតីនៃសាធារណរដ្ឋប្រជាធិបតេយ្យទីម័រឡេស្តេ បាន​ផ្តល់​កិត្តិយស​បើក​រថយន្ត​ដោយ​ផ្ទាល់​ជូន​ដំណើរ​សម្តេចតេជោ​តាំង​ពី​អាកាស​យានដ្ឋាន​រហូត​ដល់​សណ្ឋាគារ​ដែល​សម្តេច​តេជោ និងគណៈប្រតិភូជាន់ខ្ពស់ស្នាក់នៅ។ ឯកឧត្តមប្រធានាធិបតី ទីម័រឡេស្តេ បាន​ចាត់ទុក សម្ដេច​តេជោជា មិត្តល្អ មិត្តជិតស្និទ្ធ បាន​មកលេងទីម័រ ។ ឯកឧត្តមថ្លែង​ថា សម្ដេច​តេជោ ​ជាអ្នករំដោះពលរដ្ឋចេញពីរបបប្រល័យពូជសាសន៍ និងជា​ស្ថាបនិក​នៃ​ប្រទេស​កម្ពុជា​សម័យ​ទំនើប ឆ្ពោះទៅរកសន្តិភាព និងវិបុលភាព។ក្នុងអំឡុងទស្សនកិច្ចផ្លូវការនៅសាធារណរដ្ឋប្រជាធិបតេយ្យទីម័រឡេស្តេ សម្តេចតេជោ ក៏មាន​មាន​ជំនួប​ដាច់ដោយឡែកពីគ្នា ជាមួយ ឯកឧត្តម ចូហ្សេ រ៉ាមូស អរតា ប្រធានាធិបតីទីម័រឡេស្តេ, ឯកឧត្តម កៃ រ៉ាឡា សាណាណា ហ្គូសម៉ៅ នាយករដ្ឋមន្ត្រីទីម័រឡេស្តេ, និងលោកជំទាវ ម៉ារៀ ហ្វើ​ណាន់​ដាឡៃ ប្រធានរដ្ឋសភាទីម័រឡេស្តេ។ ក្នុងឱកាសជំនួបទាំងនេះ ថ្នាក់ដឹកនាំ​កំពូល​ទីម័រ​ឡេស្ដេ បាន​សម្ដែង​នូវការ​ស្វាគមន៍យ៉ាង​កក់ក្ដៅ ចំពោះសម្ដេច​តេជោ និងគណៈ​ប្រតិភូ​ដែល​បាន​អញ្ជើញ​មក​​បំពេញទស្សនកិច្ចផ្លូវការ​នៅទីម័រឡេស្ដេ។ ថ្នាក់ដឹកនាំរាជរដ្ឋាភិបាលទីម័រឡេស្ដេច បាន​​រំលេច​​ឡើងថា កម្ពុជា គឺជាមិត្តដ៏ល្អ ជាមិត្តដ៏អស្ចារ្យរបស់ទីម័រឡេស្ដេ ហើយទីម័របានអរគុណ កម្ពុជា ជាពិសេសចំពោះសម្ដេច​តេជោ ដែលបាន​ខិតខំប្រឹង​ប្រែង ជ្រោមជ្រែង​ទីម័រ អាច​ឱ្យទីម័រ​អាច​​ក្លា​យជា​សមាជិក​សង្កេត​ការ​ណ៍របស់អាស៊ាន កាលពីឆ្នាំ២០២២ កាលពីកម្ពុជា​ធ្វើជាប្រធាន​ប្ដូរ​វេន​អាស៊ាន និងការ​ជ្រោម​ជ្រែង​របស់សម្ដេច​តេជោដែលនៅតែបន្ត​ជួយដល់ទីម័រដើម្បី​បានចូល​ទៅ​ក្នុង​​សមាជិក​ពេញសិទ្ធិរបស់អាស៊ាននាពេលខាង​មុខ​។សម្ដច​តេជោក៏បានអរគុណចំពោះ រដ្ឋាភិបាលទីម័រ និងឯកឧត្តមប្រធានាធិបតី ដែលបាន​ធ្វើ​បដិ​សណ្ឋារកិច្ចយ៉ាងកក់ក្ដៅជាទីបំផុត​ចំពោះសម្ដេច​ និង​គណៈ​ប្រតិភូ​ដែល​បាន​អញ្ជើញ​មក​កាន់​ទីម័រ​ជា​ថ្មី​ម្ដង​ទៀតនាពេលនេះ។ សម្ដេច​តេជោ បានរំលេចថា កាលពីឆ្នាំ​២០១៦ សម្ដេច​បានអញ្ជើញ​មក​ទីម័រ​ម្ដង​ហើនៅឆ្នាំ​២០២៥នេះ បានអញ្ជើញមកជាថ្មីម្ដងទៀ។ សម្ដេច​ក៏បានគត់​សម្គាល់​ពី​ភាព​រីក​ចម្រើនរបស់ទីម័រផងដែរ​។​សម្ដេច​តេជោ បាន​បញ្ជាក់ថាការ​ទទួលគណៈប្រតិភូក្នុងទម្រង់ដ៏អស្ចារ្យបែបនេះ មិនអាច​ធ្វើ​ទៅ​បាន​ឡើយ​​ប្រសិនបើ​ទំនាក់ទំនង​ប្រទេស​ទាំងពីរមិនរឹងមាំ និងមិនល្អប្រសើរនោះទេ​។ សម្ដេច​តេជោ ក៏បាន​រំលេច​បន្ថែមនូវការ​ពង្រឹង​ចំណងមិត្តភាព​រវាង​កម្ពុជា និង​ទីម័រ​បន្ត​ទៀត​ទន្ទឹម​នឹង​កម្ពុជា​ និងទីម័រនាពេលនេះ បាន​បង្កើតនូវ​ទំនាក់ទំនង​ការ​ទូតជា​ផ្លូវ​ការ​អស់​រយៈ​ពេល​ប្រមាណ​២៣​ឆ្នាំ​មក​ហើយ ពោលគឺចាប់ពីឆ្នាំ ២០០២ កន្លងមក​។ តាមរយៈទំនាក់ទំនងនេះសម្ដេច​តេជោ​សង្ឃឹមថា ភាគីទាំងពីរនឹង​រួមគ្នាពង្រីក​នូវទំនាក់ទំនងបន្ថែមទៀត។ក្នុងឱកាសដំណើរទស្សនកិច្ចរបស់សម្ដេច​តេជោ ប្រជាជនទីម័រ រដ្ឋាភិបាលទីម័របាន​បង្ហាញនូវ​មាន​កិត្តិយដ៏ឧត្តុងឧត្តម ​និងមានមោទនភាពដែលបានទទួលនូវវត្តមានដ៏ខ្ពង់ខ្ពស់​របស់សម្ដេច​តេជោ ហ៊ុន សែន និងគណៈប្រតិភូអញ្ជើញមកកាន់ទីម័រឡេស្ដេនៅក្នុងឱកាសនេះ​។ ថ្នាក់​ដឹក​នាំ​រដ្ឋាភិបាលទីម័រ ​បានកោតសរសើរអំពីវីរៈភាពរបស់សម្ដេច​តេជោ ដោយចាត់ទុកសម្ដេច​តេជោ គឺ​ជា​​ឥស្សរៈជន​ដ៏មានឥទ្ធិពលបំផុតនៅក្នុងតំបន់​អាស៊ីអាគ្នេយ៍ មិនតែប៉ុណ្ណោះក៏បាន​រំលេច​អំពី​ពលីកម្ម​​របស់សម្ដេច​តេជោ ក្នុង​បុព្វហេតុដើម្បីកម្ពុជាដោយបាន​ហៅសម្ដេច​តេជោថា ជាអ្នក​រំដោះ​កម្ពុជា​​ចេ​ញពីរបបប្រល័យពូជសាសន៍ និងជា​ស្ថាបនិក​កម្ពុជានៅក្នុង​សម័យទំនើប​។ ក្នុងឱកាសទស្សនកិច្ចនេះដែរសម្តេចតេជោក៏បាន​អញ្ជើញថ្លែងសុន្ទរកថា ក្នុងសម័យ​ប្រជុំ​ពិសេស​នៅ​រដ្ឋសភាទីម័រឡេស្តេ និងផ្តល់បាឋកថាលើប្រធានបទស្តីពី-មេរៀនរបស់ ហ៊ុន សែន៖ ពីរបប​ប្រល័យ​ពូជសាសន៍ និងភាពក្រីក្រឆ្ពោះទៅកាន់សេរីភាព និងវិបុលភាព-នៅវិមានប្រធានាធិបតី ដោយ​មានការចូលរួមពីសមាជិកសភា, មន្ត្រីរដ្ឋាភិបាល, អង្គទូត, និស្សិត, និងសង្គម​ស៊ីវិល​ទីម័រ​ឡេស្តេ។ជាកិច្ចតបស្នងទៅនឹងគុណបំណាច់ និងវិភាគទានដ៏សំខាន់របស់សម្តេចតេជោ ក្នុងការ​ជួយ​គាំទ្រ​ដល់​ទីម័រឡេស្តេ ជាង២ទសវត្សរ៍កន្លងមក ជាពិសេសចំពោះការជំរុញទីម័រឡេស្ដេ ចូលជា​សមាជិក​ពេញសិទ្ធិរបស់អាស៊ាន ឯកឧត្តម ប្រធានាធិបតីទីម័រឡេស្តេ បាន​បំពាក់គ្រឿង​ឥស្សរិ​យ​យស Grand Collar of the Order of Timor-Leste ដែលជាឥស្សរិយយសកម្រិតខ្ពស់បំផុត និង​ក៏​ជាការផ្តល់កិត្តិយសដ៏ធំធេងបំផុតពីភាគីទីម័រឡេស្តេជូនសម្តេចតេជោ ប្រធាន​ព្រឹទ្ធសភាផ​ង​ដែរ​។សូមជម្រាបថាសម្ដេច​អគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា និង​គណៈ​ប្រតិភូ​ជាន់​ខ្ពស់កម្ពុជា បាន​បញ្ចប់ទស្សនកិច្ចនៅប្រទេស​ឥណ្ឌូណេស៊ី និង​ទីម័រឡេស្ដេនឹងបាន​អញ្ជើញ​ធ្វើមាតិភូមិនិវត្តន៍ដល់អាកាសយានដ្ឋានអន្តរជាតិភ្នំពេញវិញ​ដោយសុវត្ថិភាព​នៅ​រសៀល​ថ្ងៃ​ទី៩ ខែឧសភា ឆ្នាំ២០២៥នេះ៕ 

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
07/25/2026 05:07 PM
Facebook Telegram Linkin
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨
07/25/2026 05:07 PM
Facebook Telegram Linkin
មនុស្សយ៉ាង​តិច ៥នាក់ស្លាប់ ក្នុងហេតុការណ៍​បាក់ដី នៅភាគខាងជើងចិន
07/25/2026 05:07 PM
Facebook Telegram Linkin
ម៉ិកស៊ិកនឹងមិន​តប​ត​ពន្ធរបស់លោក Trump ទេ ខណៈ​​ការនាំចេញត្រូវបានការពារដោយ​កិច្ចព្រមព្រៀងពាណិជ្ជកម្ម
07/25/2026 05:07 PM
Facebook Telegram Linkin
កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យ​រាជរដ្ឋាភិបាល រកឃើញអ្នកទទួលបានជ័យលាភីហើយ
07/25/2026 05:07 PM
Facebook Telegram Linkin
ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹង​បញ្ហា​រុស្ស៊ី
07/25/2026 05:07 PM
Facebook Telegram Linkin
មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ
07/25/2026 05:07 PM
Facebook Telegram Linkin
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.