នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ហ៊ុន សែន អញ្ជើញផ្ដល់កម្លាំងចិត្តដល់ក្រុមការងារវេចខ្ចប់អំណោយជូនពលរដ្ឋភៀសសឹក
សម្តេចធិបតី និងលោកជំទាវបណ្ឌិត អញ្ជើញសួរសុខទុក្ខវីរកងទ័ព និងវីរនគរបាល ដែលរងរបួសក្នុងសមរភូមិ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អញ្ជើញថ្វាយគ្រឿងរណ្ដាប់បូជា ជូនទេពឧកញ៉ា ឃ្លាំង មឿង និងជំទាវ ខាន់ ខៀវ បួងសួងសុំសេចក្តីសុខ សន្តិភាព និងការរីកចម្រើនជូនជាតិមាតុភូមិ
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញដឹកនាំកិច្ចប្រជុំប្រចាំឆ្នាំរបស់គណៈកម្មាធិការកណ្តាលកាកបាទក្រហមកម្ពុជា អាណត្តិទី៧ (លើកទី៣)

ព័ត៌មានសំខាន់ៗ

សម្ដេចតេជោ ហ៊ុន សែន អញ្ជើញដង្ហែព្រះករុណា ព្រះមហាក្សត្រ ស្តេចយាងជាព្រះរាជាធិបតី ដ៏ខ្ពង់ខ្ពស់បំផុតក្នុងពិធីសម្ពោធប៉ុស្តិ៍សុខភាព សម្តេចព្រះរាជគ្រូ បួរ គ្រី ក្នុងបរិវេណ វត្តស្វាយពពែ

2024/12/07 02:40:22 pm        144
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា នៅព្រឹកថ្ងៃសៅរ៍ ទី៧ ខែធ្នូ ឆ្នាំ២០២៤ បានអញ្ជើញចូលរួមដង្ហែ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ស្តេចយាងជាព្រះរាជាធិបតីភាពដ៏ខ្ពង់ខ្ពស់បំផុតក្នុងពិធីសម្ពោធប៉ុស្តិ៍សុខភាពសម្តេចព្រះរាជគ្រូ បូរ គ្រី ព្រះករុណាព្រះមហាក្សត្រ សីហមុនី ស្ថិតនៅក្នុងបរិវេណវត្តស្វាយពពែ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ពិធីនេះ មានការយាង និងអញ្ជើញចូលរួមពីសំណាក់ សម្តេចព្រះមហាសង្ឃរាជ សម្ដេចព្រះសង្ឃនាយក សម្តេចព្រះសង្ឃនាយករង ព្រះមេគណ សម្តេច ឯកឧត្តម លោកជំទាវ ឥស្សរជនជាន់ខ្ពស់ជាតិដែលជាថ្នាក់ដឹកនាំ ស្ថាប័ននីតិប្បញ្ញត្តិ នីតិប្រតិបត្តិ ឧត្តមប្រឹក្សាផ្ទាល់ព្រះមហាក្សត្រនិងរាជវង្សានុវង្សជាច្រើនអង្គនិងនាក់ និងមានវត្តមាននិមន្តចូលរួមពីសំណាក់ព្រះសង្ឃ លោកតាជី យាយជី មន្រ្តីរាជការ កងម្លំាងប្រដាប់អាវុធ ប្រជាពលរដ្ឋយ៉ាងច្រើនកុះករ។ប៉ុស្តិ៍សុខភាពសម្តេចព្រះរាជគ្រូ បូរ គ្រី ព្រះករុណាព្រះមហាក្សត្រ សីហមុនី នឹងចូលរួមចំណែកយ៉ាងសំខាន់ក្នុងការផ្តល់សេវាសុខាភិបាលប្រគេន ព្រះថេរានុថេរគ្រប់ព្រះអង្គ និងជូនបងប្អូនប្រជាពលរដ្ឋ ទាំងអ្នករស់នៅក្នុងភូមិសាស្រ្តសង្កាត់ទន្លេបាសាក់ និងមកពីទីជិតឆ្ងាយនានាផងដែរ៕

កម្ពុជា-ម៉ាឡេស៊ីនៅមានសក្ដានុពល និងកាលានុវត្តភាពជាច្រើន ក្នុងការបន្តពង្រឹង និងពង្រីកកិច្ចសហប្រតិបត្តិការ

2024/12/07 01:33:48 pm        161
Facebook Telegram Linkin
នាព្រឹកថ្ងៃទី៧ ខែធ្នូ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមបណ្ឌិត Tan Sri Abang Zohari Tun Openg ប្រមុខរដ្ឋបាល នៃរដ្ឋ Sarawak ប្រទេសម៉ាឡេស៊ី និងជាប្រធានអង្គការក្រុមប្រឹក្សាផ្សព្វផ្សាយឥស្លាមតំបន់អាស៊ីអាគ្នេយ៍ និង ប៉ាស៊ីហ្វិក(RISEAP) ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប, ឯកឧត្តមប្រមុខរដ្ឋបាលនៃរដ្ឋ Sarawak ប្រទេសម៉ាឡេស៊ី​ បានគោរពថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា ដែលផ្ដល់ការគាំទ្រដល់អង្គការ RISEAP ក្នុងការរៀបចំសន្និបាតលើកទី ២០ របស់ខ្លួន នៅរាជធានីភ្នំពេញ នាឱកាសនេះ ដែលកម្ពុជាធ្វើជាម្ចាស់ផ្ទះ ជាលើកដំបូងបំផុត។ ឯកឧត្តមប្រមុខរដ្ឋបាលនៃរដ្ឋ Sarawak ក៏បានគោរពជម្រាបជូនសម្ដេចបវរធិបតី អំពីសាវតាររបស់អង្គការ RISEAP ដែលត្រូវបានបង្កើតឡើងនៅក្នុងឆ្នាំ១៩៨០ ដោយនាយករដ្ឋមន្ត្រីទីមួយរបស់ប្រទេសម៉ាឡេស៊ី ក្នុងគោលបំណងលើកកម្ពស់ការយោគយល់គ្នា និងការគោរពគ្នាទៅវិញទៅមក រវាងសាសនានិងសាសនា ព្រមទាំងការចូលរួមចំណែកក្នុងការបង្កើតសង្គមមួយប្រកបដោយសុខសន្តិភាព និងសុខដុមនីយកម្ម។ ឯកឧត្តមប្រមុខរដ្ឋបាលនៃរដ្ឋ Sarawakក៏បានកត់សម្គាល់បន្ថែមថា កម្ពុជាគឺជាប្រទេសមួយដែលមានសក្ដានុពល និងកាលានុវត្តភាពជាច្រើន នៅក្នុងការពង្រឹង​និង​ពង្រីកនូវកិច្ចសហប្រតិបត្តិការរវាងប្រទេសម៉ាឡេស៊ី និងកម្ពុជា ដែលរដ្ឋ Sarawak អាចដើរតួនាទីនៅក្នុងការចូលរួមចំណែកពង្រឹងទំនាក់ទំនង និងកិច្ចសហប្រតិបត្តិការ​ ក៏ដូចជាការតភ្ជាប់រវាងប្រជាជន និងប្រជាជននៃប្រទេសទាំងពីរ។ជាការឆ្លើយតប, សម្ដេចបវរធិបតីបានសម្ដែងនូវសេចក្ដីសោមនស្សរីករាយ និងវាយតម្លៃខ្ពស់ចំពោះ អង្គការ RISEAP ដែលបានរៀបចំសន្និបាតលើកទី២០ របស់ខ្លួននៅកម្ពុជា។ ការណ៍នេះបានចូលរួមចំណែកនៅក្នុងការផ្សព្វផ្សាយអំពីស្ថានភាពពិតរបស់កម្ពុជាទៅកាន់ពិភពលោក ថា កម្ពុជាគឺជាប្រទេសដែលមាននូវសន្តិភាព និងសុវត្ថិភាព។ សម្ដេចបវរធិបតីក៏បានគូសបញ្ជាក់ផងដែរថា តាមរយៈសន្តិភាព និងស្ថិរភាពនេះ បានផ្ដល់ឱកាសដល់ការកសាងបាននូវសុខដុមនីយកម្មសាសនានៅក្នុងសង្គមកម្ពុជា ហើយរាជរដ្ឋាភិបាលតែងតែយកចិត្តទុកដាក់ក្នុងការផ្ដល់ តម្លៃ និងសិទ្ធិសេរីភាពពេញលេញនៅក្នុងការគោរព និងការប្រណិប័តន៍ជំនឿសាសនានៅក្នុងព្រះរាជាណាចក្រកម្ពុជា ព្រមទាំងសម្ដែងនូវការកោតសរសើរ និងវាយតម្លៃខ្ពស់ ចំពោះសហគមន៍សាសនាទាំងអស់ រួមទាំងសហគមន៍សាសនាឥស្លាមដែលគាំទ្រទៅដល់សុខដុមនីយកម្មសាសនានៅកម្ពុជា។ សម្ដេចបវរធិបតីក៏បានឯកភាពជាមួយនឹងឯកឧត្តមប្រមុខរដ្ឋបាល នៃរដ្ឋ Sarawak ផងដែរថា កម្ពុជា-ម៉ាឡេស៊ី នៅមានកាលានុវត្តភាពជាច្រើនបន្ថែមទៀតនៅក្នុងការពង្រឹង និងពង្រីកទំនាក់ទំនង និងសហប្រតិបត្តិការ។សម្ដេចបវរធិបតី និងឯកឧត្តមប្រមុខរដ្ឋបាល នៃរដ្ឋ Sarawak ប្រទេស​ម៉ាឡេស៊ី​ ក៏បានពិភាក្សាគ្នាអំពីការបន្តជំរុញ, ការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរបន្ថែមទៀត ជាពិសេសរវាងកម្ពុជា​ និងរដ្ឋ Sarawak លើវិស័យសំខាន់ៗមួយចំនួន ដូចជា៖ វិស័យអប់រំ, ទេសចរណ៍, ថាមពលកកេីតឡេីងវិញ​ និងលទ្ធភាព​នៃការភ្ជាប់ការហោះហើរត្រង់ពីរដ្ឋ Sarawak មកកាន់កម្ពុជា ព្រមទាំង​ការតភ្ជាប់រវាងប្រជាជននិងប្រជាជន ផងដែរ៕

ព្រះមហាក្សត្រយាងជាព្រះរាជាធិបតីសម្ពោធប៉ុស្តិ៍សុខភាពសម្តេចព្រះរាជគ្រូ បួរ គ្រី នៅវត្តស្វាយពពែ

2024/12/07 01:12:31 pm        232
Facebook Telegram Linkin
ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជា​ណា​ចក្រ​ចក្រកម្ពុជា បានសព្វព្រះរាជហឫទ័យយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជ​ពិធី​សម្ពោធ​ប៉ុស្តិ៍​សុខភាព សម្តេចព្រះរាជគ្រូ បួរ គ្រី ព្រះករុណាព្រះមហាក្សត្រសីហមុនី និងខួប​លើក​ទី៣៣​ឆ្នាំ នៃគណៈធម្មយុត្តិកនិកាយ នៃ ព្រះរាជាណាចក្រកម្ពុជា ព្រមទាំងខួបលើកទី២០ឆ្នាំ នៃ​ការ​បង្កើតពុទ្ធិកសាកលវិទ្យាល័យព្រះសីហមុនីរាជា នៅក្នុង បរិវេណវត្តស្វាយពពែ ក្នុងសង្កាត់​ទន្លេ​បាសាក់ ខណ្ឌចំការមន នៅព្រឹកថ្ងៃទី៧ ខែធ្នូ នេះ ។សម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេច​ព្រះ​មហា​សង្ឃ​រាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា ជាព្រះសាកលវិទ្យាធិការ នៃពុទ្ធិក​សាក​លវិទ្យាល័យព្រះសីហ មុនីរាជា និងជាព្រះប្រធានប៉ុស្តិ៍សុខភាពសម្តេចព្រះរាជគ្រូ បួរ គ្រី ព្រះ​ករុណាព្រះមហាក្សត្រ សីហមុនី មានព្រះរាជ សុន្ទរកថាបញ្ជាក់ថា ក្រៅពីការអប់រំបណ្តុះបណ្តាល កិច្ចការ​មនុស្សធម៌ និងការផ្តល់កន្លែងស្នាក់នៅដល់សមណ និស្សិត និស្សិតខ្វះខាត ពុទ្ធិក​សាកល​វិទ្យាល័យព្រះសីហមុនីរាជា ក៏បានយកចិត្តទុកដាក់លើវិស័យសុខភាពសា ធារណៈ និង​មាន​ចក្ខុវិ​ស័យ​ជួយផ្តល់សេវាព្យាបាល និងថែទាំសុខភាពដល់សមណសិស្ស និស្សិត និងប្រជាពលរដ្ឋ ទូទៅ ដែលមានជីវភាពខ្វះខាត ដោយបង្កើតឱ្យមានប៉ុស្តិ៍សុខភាព នៅពុទ្ធិកសាកល​វិទ្យាល័យ​ព្រះសីហមុនី​រាជា។សម្ដេចបញ្ជាក់ថា នាខែមករា ឆ្នាំ២០២៤ បានចាប់ផ្តើមរៀបចំជួសជុល និងកែលម្អអតីត​ទី​ចាត់​ការ​ទូទៅ គណៈសង្ឃនាយកគណៈធម្មយុត្ត បំពាក់បរិក្ខារវេជ្ជសាស្ត្រ រៀបចំរចនាសម្ព័ន្ធ បច្ចេក​ទេស និងលិខិត បទដ្ឋាននា នា ដើម្បីឱ្យប៉ុស្តិ៍សុខភាពមានលក្ខណៈត្រឹមត្រូវស្របតាមស្តង់ដា និង​មាន​ការទទួលស្គាល់ពីក្រសួងសុខាភិបាល ។ រយៈពេលបីខែ ចាប់ពីខែសីហា ឆ្នាំ២០២៤ ប៉ុស្តិ៍​សុខភាព បានចំណាយថវិកាប្រមាណ១ម៉ឺន៥០០ដុល្លារ លើវេជ្ជ បណ្ឌិត និងគិលានុបដ្ឋាក ចំនួន​៥រូប ការទិញបរិក្ខារពេទ្យ និងថ្នាំពេទ្យបន្ថែម ។ ការបង្កើតប៉ុស្តិ៍សុខភាពនេះ បានចំ ណាយថវិកា ចំនួន១៥ម៉ឺន៩ពាន់ដុល្លារ និងមានបម្រើសេវាថែទាំសុខភាព និងព្យាបាលជម្ងឺផ្សេងៗ តាមស្តង់ដា បច្ចេក​ទេសត្រឹមត្រូវ ដោយរៀបចំឱ្យមានជាបន្ទប់ពិសោធន៍ បន្ទប់ថតកាំរស្មី អ៊ិច ពិនិត្យអេកូ វះកាត់តូច ពិគ្រោះជំងឺ ឱសថស្ថាន សម្រាកព្យាបាល សង្គ្រោះបឋម និងរថយន្តសង្គ្រោះបន្ទាន់ រួម​ទាំងរៀបចំជាផ្នែកសំខាន់ៗចំនួន៦ និង បំពាក់នូវបរិក្ខារតាមស្តង់ដារបច្ចេកទេសត្រឹមត្រូវ ។ជាមួយ​នឹង​ព្រះរាជ​បន្ទូ​លនាំ​មកនូ​វ​ព្រះរាជ​បណ្តាំ​ផ្ញើសួរ​សុខទុ​ក្ខ និង​សេចក្តី​នឹក​រឭក​ដ៏​ជ្រាល​ជ្រៅអំ​ពី​សម្តេច​ព្រះមហាក្សត្រី ព្រះររាជមាតាជាតិខ្មែរ ជាទីគោរពសក្ការៈ ដ៏ខ្ពង់ខ្ពស់បំផុតជូនសម្តេច ព្រះ​អង្គ​ម្ចាស់ ព្រះអង្គម្ចាស់ ក្សត្រី អ្នកម្នាង ព្រះរាជវង្សានុវង្ស ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ប្រិយមិត្តបរទេស បងប្អូនជន​រួម​ជាតិ​ទាំង​អស់​ដែលបា​នអញ្ជើញមកចូលរួមក្នុងពេលនេះ ព្រះករុណាជាអម្ចាស់ជីវិត លើត្បូង បានមាន​ព្រះរាជ​បន្ទូលកោតសរសើរថ្វាយសម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេស បណ្ឌិត បួរ គ្រី ដែលបានខិតខំអស់ពីព្រះកាយពល ព្រះបញ្ញាញាណ ក្នុងការស្វែងរកមូលនិធិ សម្រាប់​កសាងរាជ សមិទ្ធផលផ្នែកសុខាភិបាលនៅតាមទីអារាម ដើម្បីថែទាំ និងព្យាបាល​ជំងឺ​ប្រគេន​ព្រះសង្ឃ និងជូនបងប្អូនប្រជា ពលរដ្ឋ ជាពិសេសប៉ុស្តិ៍សុខភាពសម្តេចព្រះរាជគ្រូ បួរ គ្រី ព្រះករុណាព្រះមហាក្សត្រ សីហមុនី នេះជាដើម ។ព្រះអង្គ​ក៏បានកោតសរសើរដល់លោកគ្រូពេទ្យ អ្នកគ្រូពេទ្យ ដែលបានយក​ចិត្ត​ទុក​ដាក់​ក្នុង​ការ​បំពេញ​ភារកិច្ចជួយសង្គ្រោះនិងពិនិត្យ ព្យាបាលអ្នកជំងឺបានល្អប្រសើរ។ ប៉ុស្តិ៍សុខភាពនេះ ពិតមែន​តែមានទំហំតូច ប៉ុន្តែក៏ មានកន្លែងស​ម្រាប់​ជួយស​ម្រាលប​ន្ទុក​ការងារ​នៃ​វិស័យ​សុខាភិបាល​បានមួយកម្រិត ដែលប្រជារាស្ត្រអាចទៅព្យា បាល និងពិគ្រោះជំងឺបានជារៀងរាល់ថ្ងៃ ។ បើមានជំងឺធ្ងន់ធ្ងរ គ្រូពេទ្យ អាចបញ្ជូនបន្តទៅព្យាបាលនៅមន្ទីរពេទ្យ បង្អែក នៅរាជធានី ឬមន្ទីរពេទ្យកាល់ម៉ែត ឬមន្ទីរពេទ្យធំៗដទៃទៀត ដែលអាចធ្វើឱ្យសុខុមាលភាព និងជីវភាព ប្រជារាស្ត្រ បានធូរស្រាលមួយកម្រិតទៀត និងជួយសម្រាលបន្ទុករបស់រដ្ឋផងដែរ ក្រោមការ​ដឹក​នាំដ៏​ឆ្នើម​ប្រកបដោយគតិបណ្ឌិតរបស់សម្តេចតេជោ ហ៊ុន សែន ប្រធានព្រឹទ្ធសភា សម្តេចមហា​រដ្ឋ​សភា​ធិការធិបតី ឃួន សុដារី ប្រធានរដ្ឋសភា និងសម្តេចមហាបវរធិបតី ហ៊ុន ម៉ាណែត នាយករដ្ឋ​មន្ត្រី នៃព្រះរាជាណាចក្រកម្ពុជា ៕ អត្ថបទ៖ មុត សុទ្ធ 

សម្តេចធិបតី ហ៊ុន ម៉ាណែត៖ សន្តិភាព និងស្ថិរភាពយូរអង្វែងរបស់កម្ពុជា គឺជាធាតុផ្សំមិនអាចខ្វះបាន សម្រាប់ការអភិវឌ្ឍ និងការធានាបាននូវសុខដមនីយ​កម្មជាតិសាសន៍ និងសាសនា​ នៅព្រះរាជាណាចក្រកម្ពុជា

2024/12/07 12:58:03 pm        87
Facebook Telegram Linkin
ព្រឹកថ្ងៃទីអាទិត្យ ទី៧ ធ្នូ ឆ្នាំ២០២៤, ក្នុងពិធី​បើក​សន្និបាតលើកទី២០ របស់អង្គការក្រុមប្រឹក្សា​ផ្សព្វ​ផ្សាយ​ឥស្លាមតំបន់អាស៊ីអាគ្នេយ៍ និងប៉ាស៊ីហ្វិក (RISEAP), សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា បានខិតខំកសាង និងថែទាំ​យ៉ាង​យក​ចិត្ត​ទុក​ដាក់​បំផុតចំពោះសន្តិភាព និងស្ថេរភាពយូរអង្វែងរបស់កម្ពុជា ដែលជាមូលដ្ឋានគ្រឹះ និង​ជា​ធាតុ​ផ្សំ​មិន​អាចខ្វះបាន សម្រាប់ការអភិវឌ្ឍ និងការធានាបាននូវសុខដមនីយ​កម្មជាតិសាសន៍ និង​សាសនា​នៅព្រះរាជាណាចក្រកម្ពុជា។ ជាក់ស្តែង, សុខសន្តិភាពនេះ បានអនុញ្ញាតឱ្យ​កម្ពុជា​រៀប​ចំ​នូវ​ព្រឹត្តិការណ៍អន្តរជាតិសំខាន់ៗ, ការជួបជុំគ្នាក្នុងទ្រង់ទ្រាយធំ និង ការរៀបចំ​សន្និបាត​លើក​ទី២០ របស់អង្គការ RISEAP នាពេលនេះ។សម្តេចបវរធិបតីនាយករដ្ឋមន្ត្រី បានថ្លែងថា ការជំរុញសុខដុមនីយកម្មសាសនា គឺជា ឌី.អេន.អេ (DNA) របស់គណបក្សប្រជាជនកម្ពុជា ហើយគ្រប់អាណត្តិនៃរាជរដ្ឋាភិបាលដែលដឹកនាំដោយ​គណបក្ស​ប្រជាជនកម្ពុជា គឺតែងប្រកាន់​ខ្ជាប់ជានិច្ចនូវគោលការណ៍នេះ។ ព្រមជាមួយគ្នានេះ បង​ប្អូន​ខ្មែរ​ឥស្លាមជាច្រើន ក៏បានចូលរួម​ចំណែកជាមួយរាជរដ្ឋាភិបាលក្នុងតួនាទីជាថ្នាក់ដឹកនាំ រួម​មាន​ទាំង​ព្រឹទ្ធសភា, រដ្ឋសភា, សមាជិករាជរដ្ឋា​ភិបាល,​ រដ្ឋលេខាធិការ, អនុរដ្ឋលេខាធិការ, ទី​ប្រឹក្សា​​ស្ថាប័នរដ្ឋ និងតួនាទីក្នុងក្របខណ្ឌថ្នាក់​ជាតិ និង ថ្នាក់ក្រោមជាតិ ព្រមទាំង​ក្នុង​ជួរ​កង​កម្លាំង​ផងដែរ​។បន្ថែមពីនេះ​, ការរក្សាបាននូវទំនៀមទម្លាប់ និងប្រណិប័តន៍សាសនារបស់បងប្អូនខ្មែរឥស្លាម ក៏​ត្រូវ​បាន​​យកចិត្តទុកដាក់ និងអនុវត្តជាប្រចាំ ក្នុងនោះការរៀបចំអាហារស្រាយបួសរ៉ាម៉ាដន ជា​ទ្រង់​ទ្រាយ​ធំ ចាប់តាំងពីឆ្នាំ ២០១៤ មក។ ព្រមជាមួយគ្នានេះ, បងប្អូនខ្មែរឥស្លាម​ក៏​មាន​សិទ្ធិ​សេរីភាពពេ​ញលេ​ញ ក្នុងការស្លៀកពាក់, ការសិក្សា និងការទទួលបាន​នូវសេវា​ព្យាបាល និងសេវា​ផ្សេង​ៗ​ទៀត។មុននឹងបញ្ចប់ សម្តេចបវរធិបតីនាយករដ្ឋមន្ត្រី បានគូសបញ្ជាក់បន្ថែមផងដែរថា សន្តិភាព ការ​ជឿនលឿននៃសង្គម-សេដ្ឋកិច្ច និងទំនាក់ទំនងអន្តរជាតិដ៏រស់រវើករបស់កម្ពុជា បងប្អូន​ខ្មែរឥស្លាម​ជាច្រើន ក៏មានឱកាសរៀនសូត្រនូវចំណេះដឹងផ្នែកសាសនាឥស្លាម ក៏ដូចជា​ជំនាញបច្ចេកទេស, វិទ្យាសាស្ត្រ និងបច្ចេកវិទ្យានៅតាមបណ្តាប្រទេសដៃគូជាច្រើននៅលើពិភពលោក ផងដែរ៕ 

សមាគមគ្រូពេទ្យស្ម័គ្រចិត្ត TYDA រៀបចំសន្និសីទវេជ្ជសាស្រ្តប្រចាំឆ្នាំលើកទី២ ផ្ដោតលើការអនុវត្តវេជ្ជសាស្រ្តឈានមុន

2024/12/07 11:50:42 am        185
Facebook Telegram Linkin
សមាគមគ្រូពេទ្យស្ម័គ្រចិត្តយុវជនសម្ដេចតេជោ ដែលហៅកាត់ថា TYDA បានរៀបចំ​សន្និសីទវេជ្ជសាស្រ្តប្រចាំឆ្នាំរបស់ខ្លួនលើកទី២ក្រោមប្រធានបទ «ការអនុវត្តវេជ្ជសាស្រ្តឈានមុន»​ ក្រោមអធិបតីភាព លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អនុប្រធានក្រុមប្រឹក្សាភិបាលនៃក្រុមគ្រូពេទ្យស្ម័គ្រចិត្ត TYDA។ សន្និសីទវេជ្ជសាស្រ្តរៀបចំធ្វើឡើងនាពេលនេះមានរយៈពេល២ថ្ងៃ ចាប់ពីថ្ងៃទី ៧-៨ ខែធ្នូ ឆ្នាំ២០២៤ នាសណ្ឋាគារភ្នំពេញ។ក្នុងឱកាសនេះលោកជំទាវបណ្ឌិត ​ពេជ ចន្ទមុន្នី ​ហ៊ុន ម៉ាណែត អនុប្រធានក្រុមប្រឹក្សាភិបាល នៃក្រុមគ្រូពេទ្យស្ម័គ្រចិត្ត TYDA បានលើកឡើងថា សន្និសីទដែលបានធ្វើឡើងនាពេលនេះ ពិតជាមានសារៈសំខាន់ ដែលបានលើកឡើងនូវសកម្មភាពការងាររបស់សមាគមដែលសម្រេចបាននាពេលកន្លងមក ក៏ដូចជា រួមចំណែកលើកកម្ពស់វិស័យសុខាភិបាលនៅក្នុងព្រះរាជាណាចក្រកម្ពុជាឱ្យកាន់តែមានភាពល្អប្រសើរឡើង។​លោកជំទាវបណ្ឌិត បានបន្ថែមថា គិតត្រឹមឆ្នាំ២០២៤ នេះ TYDA មានអាយុ១២ឆ្នាំហើយ ដែលកន្លងមកនេះ បានអនុវត្តបេសកកម្មរបស់ខ្លួនយ៉ាងខ្ជាប់ខ្ជួនស្របទៅតាមគោលដៅ និងចក្ខុវិស័យរបស់សមាគម។ ក្នុងនោះ បានចូលរួមចំណែកយ៉ាងសកម្មជាមួយស្ថាប័នជាតិក្នុងការពង្រីក និងបង្ខិតសេវាព្យាបាលឲ្យកាន់តែជិតប្រជាពលរដ្ឋ និងជាពិសេសបានចូលរួមយ៉ាងសកម្ម ជាមួយរាជរដ្ឋាភិបាលក្នុងការព្យាបាលជំងឺជូនប្រជាពលរដ្ឋដោយឥតគិតថ្លៃ ក្នុងគោលដៅជួយកាត់បន្ថយភាពក្រីក្រ។លោកជំទាវបន្តថា ជាមួយគ្នានេះ TYDA គឺជាតួអង្គពិសេស ដែលបានរួមចំណែកជាមួយរាជរដ្ឋាភិបាល ក្នុងការទប់ស្កាត់ និងព្យាបាលអ្នកជំងឺ ក្នុងសមរភូមិកូវីដ១៩ ដែលបានរាត្បាតយ៉ាងខ្លាំងនាពេលកន្លងមក។ បន្ថែមលើនេះ TYDA ក៏បានចូលរួមបណ្ដុះបណ្ដាលធនធានមនុស្ស យ៉ាងច្រើនក្នុងវិស័យសុខាភិបាល ដែលជាការគួរកត់សម្គាល់ បច្ចុប្បន្ននេះ សមាគមគ្រូពេទ្យស្ម័គ្រចិត្ត TYDA មានសមាជិកចំនួន១០២៥០នាក់ ដែលសុទ្ធសឹងជាបញ្ញវន្តក្នុងវិស័យសុខាភិបាល។គួរជម្រាបជូនថា សមាគមគ្រូពេទ្យស្ម័គ្រចិត្តយុវជនសម្ដេចតេជោ ដែលហៅកាត់ថា TYDA ត្រូវបានបង្កើតឡើងនាថ្ងៃទី ២៧ ខែធ្នូ ឆ្នាំ ២០១២ ក្រោមគំនិតផ្ដួចផ្ដើមរបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងគោលបំណងជួយព្យាបាលជំងឺជូនប្រជាពលរដ្ឋដោយឥតគិតថ្លៃ និងដើម្បីចូលរួមកាត់បន្ថយភាពក្រីក្រនៅក្នុងសហគមន៍៕ អត្ថបទៈ សំ ងីម

សម្ដេចធិបតី៖ គណបក្សប្រជាជនប្រកាន់ខ្ជាប់ជានិច្ចនូវគោលការណ៍​សុខដុមនីយកម្មសាសនា​នៅ​កម្ពុជា

2024/12/07 11:33:57 am        212
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅព្រឹកថ្ងៃទី៧ ខែធ្នូ ឆ្នាំ២០២៤ សម្ដេច​បាន​អញ្ជើញ​ជាអធិបតីភាពដ៏ខ្ពង់ខ្ពស់ក្នុងពិធីបើកសន្និបាតអង្គការ​ក្រុមប្រឹក្សាផ្សព្វ​ផ្សាយ​អ៊ិស្លាម​តំបន់​អាស៊ី​អាគ្នេយ៍ និងប៉ាស៊ីហ្វិកលើកទី២០ នៅកម្ពុជា។ក្នុងពិធីនោះ ក្រៅពីប្រកាសស្វាគមន៍ប្រតិភូនៃបណ្ដាប្រទេសក្នុងតំបន់អាស៊ីអាគ្នេយ៍ និងប៉ាស៊ីហ្វិក ដែលបានអញ្ជើញមកចូលរួមសន្និបាតអង្គការក្រុមប្រឹក្សាផ្សព្វផ្សាយអ៊ិស្លាមតំបន់អាស៊ីអាគ្នេយ៍ និង​ប៉ាស៊ីហ្វិកលើកទី២០ នៅកម្ពុជា សម្ដេចធិបតីនាយករដ្ឋមន្ត្រី ក៏បានបង្ហាញនូវមោទនភាព ដែល​កម្ពុជាទទួលធ្វើជាម្ចាស់ផ្ទះរៀបចំសន្និបាតនេះផងដែរ។សម្ដេចធិបតីនាយករដ្ឋមន្ត្រីបន្ថែមថា សន្តិភាពនៅកម្ពុជា គឺទើបតែកើតមានជាង ២០ ឆ្នាំប៉ុណ្ណោះ ប៉ុន្តែ​នេះ​គឺជាសន្តិភាពដែលមានអាយុកាលវែងជាងគេនៅក្នុង​ដំណើរប្រវត្តិសាស្ត្រ​ខ្មែរ​នៅ​ក្រោយ​សម័យ​អង្គរជាង ៥០០ ឆ្នាំមកនេះ។ សន្តិភាពគឺជាកត្តាសំខាន់​ដែល​សហគមន៍​អន្តរជាតិ​អញ្ជើញ​មក​ចូល​រួម​កិច្ចប្រជុំ និងវេទិកា​នានា​នៅ​ក​ម្ពុជា។សម្ដេចធិបតី​នាយករដ្ឋមន្ត្រី បន្ថែមថា ក្រោយមានសន្តិភាព ក្រៅពីប្រឹងប្រែងអភិវឌ្ឍប្រទេស, រដ្ឋាភិបាល​ដែលដឹកនាំដោយគណបក្សប្រជាជនតែងប្រកាន់​ខ្ជាប់​ជានិច្ចនូ​វ​គោលការណ៍​សុខដុមនីយកម្ម​សាសនា។ សម្ដេចធិបតីរំលេចបន្ថែមថា ចំពោះបងប្អូនជនជាតិភាគតិចចាម ដែលកាន់​សាសនាអ៊ិស្លាម ក៏ត្រូ វបានព្រះមហាក្សត្រ និងរដ្ឋាភិបាល​យក​ចិត្ត​ទុក​ដាក់​ឱ្យ​រស់​នៅដោ​យសុខដុម និងមានសិទ្ធិសេរីភាពដូ ចពលរដ្ឋខ្មែរដែរ។សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បញ្ជាក់បន្ថែមថា សហគម​ន៍​អ៊ិស្លាម​នៅ​កម្ពុជា​ក៏ទទួលបាននូវតួនាទីសំខាន់ៗជាច្រើនទាំងនៅក្នុងកម្រិតជាតិ និងថ្នាក់ក្រោមជាតិ ក្នុង​នោះ​មាន​ដូចជា សមាជិកព្រឹទ្ធសភា, រដ្ឋសភា, សមាជិករាជរដ្ឋាភិបាល, មុខ​តំណែង​សំខាន់ៗ​នៅ​ក្នុង​ក្រសួងស្ថាប័ននានា, សមាជិកក្រុមប្រឹក្សារាជធានី-ខេត្ត, ក្រុង/ស្រុខ/ណ្ឌ, ឃុំ/សង្កាត់, ជួរកង​កម្លាំង​ប្រដាប់​អាវុធ, គ្រូពេទ្យ និងអាជីពមុខរបរនានាជាច្រើនទៀត៕ ដោយ៖ គង់ ឌិន

ប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត ក្នុងពិធីបើកសន្និបាតអង្គការក្រុមប្រឹក្សា​ផ្សព្វផ្សាយ​​អ៊ិស្លាមតំបន់អាស៊ីអាគ្នេយ៍ និងប៉ាស៊ីហ្វិក

2024/12/07 09:27:06 am        219
Facebook Telegram Linkin
នៅព្រឹកថ្ងៃទី០៧ ខែធ្នូ ឆ្នាំ២០២៤នេះ សម្តេចមហាបវរធិ​បតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណា​ចក្រ​កម្ពុជា បានអញ្ជើញ​ជាអធិបតីភាពដ៏ខ្ពង់ខ្ពស់​បើក​សន្និបាត​អង្គការ​ក្រុម​ប្រឹក្សា​ផ្សព្វ​ផ្សាយ​អ៊ិស្លាមតំបន់អាស៊ីអាគ្នេយ៍ និងប៉ាស៊ីហ្វិក នៅសណ្ឋាគារសុខាភ្នំពេញ។ខាងក្រោមនេះជាប្រសាសន៍សំខាន់ៗរបស់សម្ដេចធិបតី ហ៊ុន ម៉ាណែត៖-សម្ដេចធិបតី ហ៊ុន ម៉ាណែត ថ្លែងថា សន្និបាតនាពេលនេះគឺជាការបង្ហាញ​ពីសាមគ្គីភាព និង​សុខដុមនីយកម្ម​ជាតិ និងសាសនា នៅព្រះរាជាណាចក្រកម្ពុជា។-សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានប្រកាស​ស្វាគមន៍ប្រតិភូ នៃបណ្ដា​ប្រទេស​​ក្នុងតំបន់អាស៊ីអាគ្នេយ៍ និងប៉ាស៊ីហ្វិក ដែលបានអញ្ជើញ​មកចូលរួម​សន្និបាត​អង្គការ​ក្រុម​ប្រឹក្សា​ផ្សព្វផ្សាយអ៊ិស្លាមតំបន់អាស៊ីអាគ្នេយ៍ និងប៉ាស៊ីហ្វិក លើកទី២០ នៅកម្ពុជា។-សម្ដេចធិបតី នាយករដ្ឋមន្ត្រី៖ សហគមន៍ខ្មែរអ៊ិស្លាមនៅកម្ពុជា ត្រូវបានព្រះមហាក្សត្រ និង​រដ្ឋាភិបាល​យកចិត្តទុកដាក់ឱ្យរស់នៅដោយសុខដុម និងមានសិទ្ធិសេរីភាពដូចពលរដ្ឋខ្មែរដែរ។-សម្ដេចធិបតី ហ៊ុន ម៉ាណែត៖ សហគមន៍អ៊ិស្លាមនៅកម្ពុជា ទទួលបាននូវតួនាទី​សំខាន់ៗ​ជាច្រើន​ទាំង​នៅ​ក្នុង​កម្រិតជាតិ និងថ្នាក់ក្រោមជាតិ ក្នុងនោះមានដូចជា សមាជិកព្រឹទ្ធសភា, សមាជិក​រាជរដ្ឋាភិបាល​, មុខតំណែងសំខាន់ៗនៅក្នុងក្រសួងស្ថាប័ននានា, សមាជិកក្រុមប្រឹក្សារាជធានី-ខេត្ត, ក្រុង/ស្រុខ/ណ្ឌ, ឃុំ/សង្កាត់, ជួរកងកម្លាំងប្រដាប់អាវុធ, គ្រូពេទ្យ និងអាជីពមុខរបរ​នានា​ជា​ច្រើន​ទៀត​។-សម្តេចធិបតី ហ៊ុន ម៉ាណែត ថ្លែងថា បច្ចុប្បន្ននេះក្រោមម្លប់នៃសន្តិភាព នៅកម្ពុជា មិនដែលឮអំពីជម្លោះសាសនានោះទេ។

រោងចក្រថ្មីរបស់ក្រុមហ៊ុន Minebea របស់ជប៉ុន នឹងបើកដំណើរការជាផ្លូវការនៅឆ្នាំក្រោយ

2024/12/06 06:38:54 pm        96
Facebook Telegram Linkin
ភ្នំពេញ ៖ នៅរសៀលថ្ងៃទី៦ ខែធ្នូ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានអនុ ញ្ញាតឱ្យលោក Yoshihisa Kainuma អគ្គនាយកក្រុមហ៊ុន MinebeaMitsumi Inc. ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។​ក្នុងជំនួបនេះ លោកអគ្គនាយកក្រុមហ៊ុនបានគោរពជម្រាបជូនសម្ដេចបវរធិបតីអំពីវឌ្ឍនភាពដ៏ល្អ នៃប្រតិបត្តិការអាជីវកម្មរបស់ក្រុមហ៊ុននៅកម្ពុជា ដែលបានចាប់ផ្ដើមវិនិយោគដំបូងនៅក្នុងឆ្នាំ២០១១ និងបានពង្រីកការវិនិយោគរបស់ខ្លួនជាបន្តបន្ទាប់រហូតមក។ បច្ចុប្បន្ននេះ ក្រុមហ៊ុនបាននិងកំពុងបង្កើតរោ ងចក្រថ្មីមួយបន្ថែមទៀត នៅក្នុងខេត្តពោធិ៍សាត់ ដែលគ្រោងនឹងដាក់ឱ្យដំណើរការជាផ្លូវការនៅក្នុងឆ្នាំ២០២៥ ខាងមុខនេះ។ ក្រុមហ៊ុន Minebea ជាក្រុមហ៊ុនផលិតគ្រឿងបង្គុំសៀគ្វីអេឡិចត្រូនិក គ្រឿងប ន្លាស់យានយន្ត និងគ្រឿងម៉ាស៊ីនក្នុងវិស័យឧស្សាហកម្ម ដែលមានរោងចក្រនៅក្នុងបណ្តាប្រទេសជាច្រើន។ លោកអគ្គនាយកបានថ្លែងអំណរគុណយ៉ាងជ្រាលជ្រៅបំផុតជូនចំពោះរាជរដ្ឋាភិបាលកម្ពុជា និងក្រសួងស្ថាប័នពាក់ព័ន្ធ ដែលតែងតែបានផ្ដល់នូវការគាំទ្រយ៉ាងពេញទំហឹងចំពោះប្រតិបត្តិការអាជីវកម្មរបស់ក្រុមហ៊ុននាពេលកន្លងមក ហើយរោងចក្រថ្មីដែលក្រុមហ៊ុនកំពុងដំណើរការសាងសង់នេះនឹងក្លាយទៅជារោងចក្រទីមួយនៅកម្ពុជា ដែលប្រើប្រាស់ថាមពលកកើតឡើងវិញ ១០០%។ នេះបង្ហាញយ៉ាងច្បាស់អំពីការយកចិត្តទុកដាក់របស់រាជរដ្ឋាភិបាលកម្ពុជា នៅក្នុងការជំរុញការប្រើប្រាស់ថាមពលកកើតឡើងវិញ នៅក្នុងវិស័យឧស្សាហកម្ម។ បន្ថែមពីនេះ កម្ពុជាក៏មានកម្លាំងពលកម្មដែលអាចឆ្លើយតបទៅនឹងតម្រូវការរបស់ក្រុមហ៊ុនផងដែរ។ សម្ដេចបវរធិបតីបានសម្ដែងនូវក្ដីសោមនស្សយ៉ាងខ្លាំងចំពោះវឌ្ឍនភាព និងភាពជោគជ័យរបស់ក្រុមហ៊ុន Minebea នៅកម្ពុជា ព្រមទាំងបានកោតសរសើរ និងវាយតម្លៃខ្ពស់ចំពោះក្រុមហ៊ុន ដែលបានព ង្រីកការវិនិយោគរបស់ខ្លួននៅកម្ពុជា។ នេះបង្ហាញឱ្យឃើញអំពីការជឿជាក់បន្ថែមទៀតរបស់ក្រុមហ៊ុនក្នុងការវិនិយោគនៅកម្ពុជា ជាមួយនឹងការបន្តគាំទ្ររបស់រាជរដ្ឋាភិបាលដល់ភាពជោគជ័យរបស់ក្រុមហ៊ុន។ សម្ដេចបវរធិបតី មានជំនឿងយ៉ាងមុតមាំថា តាមរយៈភាពជោគជ័យរបស់ក្រុមហ៊ុន Minebea នឹងជួយទាក់ទាញបណ្តាវិនិយោគិនជប៉ុនកាន់តែច្រើនបន្ថែមទៀត ក្នុងការស្វែងរកកាលានុវត្តភាពវិនិយោគនៅកម្ពុជា។ សម្ដេចបវរធិបតីបានគូសបញ្ជាក់បន្ថែមផងដែរថា រាជរដ្ឋាភិបាលកម្ពុជានៅតែបន្តយកចិត្តទុកដាក់ជាអាទិភាពនៅក្នុងការធានាឱ្យបាននូវបរិយាកាសវិនិយោគ និងភាពប្រកួតប្រជែងរប ស់កម្ពុជានៅក្នុងតំបន់ និងពិភពលោក តាមរយៈការដាក់ចេញនូវគោលនយោបាយ និងយន្តការលើកទឹកចិត្តនានាសម្រាប់បណ្ដាក្រុមហ៊ុនវិនិយោគនៅកម្ពុជា ជាពិសេសគឺក្រុមហ៊ុនវិនិយោគថ្មីៗ ព្រមទាំងបន្តខិតខំអភិវឌ្ឍការតភ្ជាប់ហេដ្ឋារចនាសម្ព័ន្ធដឹកជញ្ជូន ដែលរួមមាន៖ ការលើកកម្ពស់គុណភាព និងការតភ្ជាប់ផ្លូវដែក, ការកសាងផ្លូវថ្នល់ ស្ពាន, និងការកសាងព្រែកជីកហ្វូណនតេជោ ដើម្បីសម្រួលទៅដល់ការតភ្ជាប់វិស័យដឹកជញ្ជូនក្នុងប្រទេស ក៏ដូចជាក្នុងតំបន់ និងពិភពលោក៕​ ដោយ៖ គង់ ឌិន

សម្ដេចធិបតីឱ្យពិនិត្យចុងក្រោយលើសេចក្តីព្រាងច្បាប់ស្ដីពីជលផល និងរក្សាទុកសិនសេចក្តីព្រាងច្បាប់ស្តីពីការទទួលខុសត្រូវលើផលិតផលមានវិការៈ

2024/12/06 05:44:00 pm        83
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ ដឹកនាំកិច្ចប្រជុំពេញអង្គគណៈរដ្ឋមន្ត្រី នៅទីស្ដីការនាយករដ្ឋមន្រ្តី (វិមានសន្តិភាព) នាព្រឹកថ្ងៃសុក្រ ៦កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែធ្នូ ឆ្នាំ២០២៤ ដើម្បីពិភាក្សា និងឆ្លង របៀបវារៈសំខាន់ៗ ដូចខាងក្រោម៖១. សេចក្តីព្រាងច្បាប់ស្ដីពីជលផលសេចក្តីព្រាងច្បាប់នេះ មាន ១៥ជំពូក ១០៥មាត្រា និងឧបសម្ព័ន្ធចំនួន២ ត្រូវបានរៀបចំឡើងក្នុងគោលបំណងធានាសន្តិសុខស្បៀងប្រកបដោយនិរន្តរភាព សេដ្ឋកិច្ចនិងបរិស្ថាន ស្របនឹងបរិបទនៃការរីកចម្រើន សេដ្ឋកិច្ចសង្គម និងបច្ចេកវិទ្យា ក៏ដូចជាការទ្រទ្រង់ជីវភាពរស់នៅរបស់ប្រជាពលរដ្ឋ តាមរយៈការគ្រប់គ្រង ការអភិរក្ស និងការអភិវឌ្ឍវិស័យជលផលប្រកបដោយប្រសិទ្ធភាព និរន្តរភាព និងបរិយាបន្ន ទាំងថ្នាក់ជាតិ តំបន់ និងអន្តរជាតិ ព្រមទាំងការការពារសិទ្ធិនិងផលប្រយោជន៍ជូនប្រជានេសាទ សហគមន៍នេសាទ វារីវប្បករ និងអាជីវករដែលធ្វើអាជីវកម្មផល ផលិតផលជលផល។ សេចក្តីព្រាងច្បាប់នេះ ធ្វើឡើងស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល និងគោលនយោបាយវិមជ្ឈការ និងវិសហមជ្ឈការ សំដៅជំរុញនិងលើកកម្ពស់ការចូលរួមទទួលខុសត្រូវរបស់រដ្ឋបាលថ្នាក់ក្រោមជាតិ ក្នុងការការពារ ការអភិរក្ស និងការអភិវឌ្ឍធនធានជលផល និងចូលរួមជាមួយបណ្តាប្រទេសដៃគូអភិវឌ្ឍនានា ក្នុងការគ្រប់គ្រងនិងអភិរក្សធនធានជលផលប្រកបដោយនិរន្តរភាព ទាំងក្នុងក្របខ័ណ្ឌជាតិ តំបន់ និងអន្តរជាតិ ជាពិសេសប្រឆាំងសកម្មភាពពាក់ព័ន្ធនឹងការនេសាទខុសច្បាប់ គ្មានរបាយការណ៍ និងគ្មានបញ្ញត្តិ។ ក្រោយពីកិច្ចពិភាក្សារួចមក សម្តេចធិបតី បានប្រគល់ភារកិច្ចជូន ឯកឧត្តម វង្សី វិស្សុត ឧបនាយករដ្ឋមន្រ្តីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី ដឹកនាំសម្របសម្រួលកិច្ចប្រជុំអន្តរក្រសួងរវាងក្រសួងកសិកម្ម រុក្ខាប្រមាញ់ និងនេសាទ និង ក្រសួងសាធារណៈការនិងដឹកជញ្ជូន ពិនិត្យលម្អិតនិងកែសម្រួលនូវមាត្រាមួយចំនួន ដើម្បីធានាសង្គតិភាពក្នុងការអនុវត្ត មុននឹងបញ្ជូនទៅកាន់ សម្តេចធិបតី ផ្ទាល់ ដើម្បីពិនិត្យនិងសម្រេចចុងក្រោយ។ចំណែក ២. សេចក្តីព្រាងច្បាប់ស្តីពីការទទួលខុសត្រូវលើផលិតផលមានវិការៈបន្ទាប់ពីកិច្ចពិភាក្សារួចមក សេចក្តីព្រាងច្បាប់ស្តីពីការទទួលខុសត្រូវលើផលិតផលមានវិការៈនេះ ត្រូវបានអង្គប្រជុំគណៈរដ្ឋមន្រ្តី សម្រេចរក្សាទុកមួយអន្លើសិន ដោយត្រូវបន្តអនុវត្តច្បាប់ដែលមានស្រាប់៕

សម្ដេចធិបតី៖ ជាង១ឆ្នាំនេះរាជរដ្ឋាភិបាលសម្រេចបានសមិទ្ធផលគួរជាទីមោទនៈ និងដឹកនាំកិច្ចប្រជុំ​ជាលក្ខណអន្តរជាតិ

2024/12/06 11:31:38 am        166
Facebook Telegram Linkin
ភ្នំពេញ៖ ក្នុងឱកាសអញ្ជើញដឹកនាំកិច្ចប្រជុំពេញអង្គគណៈរដ្ឋមន្រ្ដីនៅព្រឹកថ្ងៃទី៦ ខែធ្នូ ឆ្នាំ ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃព្រះរាជាណាចក្រកម្ពុជា មាន​ប្រសាសន៍បញ្ជាក់ថា រយៈពេលជាង១ឆ្នាំអាណត្តទី៧នេះ រាជរដ្ឋាភិបាល​បាន​អនុវត្ត​ការងារ​សម្រេច​បាន​សមិទ្ធផលគួរជាទីមោទនៈ ក្នុងនោះក៏បានរៀបចំព្រឹត្តិការណ៍ និងដឹកនាំកិច្ច​ប្រជុំធំៗ​ជា​លក្ខណ​អន្តរជាតិប្រកបដោយជោគជ័យផងដែរ។សម្ដេចធិបតីនាយករដ្ឋមន្រ្ដីមានប្រសាសន៍ថា ការខិតខំប្រឹងប្រែងរបស់រាជរដ្ឋាភិបាល សម្រេច​បាន​ក្នុង​ខែវិច្ឆិកា និងខែដើមខែធ្នូ ឆ្នាំ២០២៤ គឺបានអនុវត្ត​ដោយ​មាន​ការ​សាមគ្គី​សហការ​យក​ចិត្ត​ទុក​ដាក់​ទទួល​ខុស​ត្រូវ​ក្នុង​ការ​បំពេញ​តួនាទី​របស់​ថ្នាក់​ដឹក​នាំ​គ្រប់​លំដាប់​ថ្នាក់​គ្រប់​ក្រសួង​ស្ថាប័ន​ថ្នាក់​ជាតិ និងថ្នាក់ក្រោមជាតិព្រម កងកម្លាំងគ្រប់ប្រភេទ។ សម្ដេចធិបតីលើកទឹកចិត្ត គ្រប់ក្រសួង​ស្ថាប័ន ថ្នាក់ជាតិ និងក្រោមជាតិ បន្តរក្សា​បង្កើន​ស្មារតី​នេះ​ឱ្យ​កាន់​តែ​ប្រសើរ​ថែម​ទៀត​ដើម្បី​ជា​ឧត្ដម​ប្រយោជន៍ជូនជាតិមាតុភូមិ និងប្រជាជន។ សម្ដេចធិបតីមានប្រសាសន៍ថា ការខិតខំប្រឹងប្រែងរបស់រាជរដ្ឋាភិបាលសម្រេចបាន ក្នុងខែវិច្ឆិកា និង​ខែដើមខែធ្នូឆ្នាំ២០២៤នេះ កម្ពុជាបានសម្រេចព្រឹត្តិការណ៍ជាច្រើន ក្នុងនោះរួមាន កម្ពុជា​បាន​ធ្វើ​ជា​ម្ចាស់​ផ្ទះរៀបចំ និងធ្វើជាប្រធានដឹកនាំកិច្ចប្រជុំជាលក្ខណអន្តរជាតិចំនួន៤លើក ទទួល​បាន​ជោគ​ជ័យ​ជូន​ជាតិ។ទី១ គឺបានដឹក​នាំកិច្ចប្រជុំគណៈកម្មាធិការប្រតិបត្តិ នៃអង្គការអ្នកប្រជាធិបតេយ្យ​និយម​កណ្ដាល​ថ្នាក់​ជាតិ,​ ទី២ កិច្ចប្រជុំ (ICAAP) លើកទី១២, ទី៣កិច្ចប្រជុំអន្តរសភា​សម្រាប់​ការ​អត់​ឲ្យ​និង​សន្តិភាព​លើក​ទី១១, ទី៤ កិច្ចប្រជុំកំពូលសៀមរាបអង្គរ ស្ដីពីពិភពលោកគ្មាន​មីន​ព្រឹត្តិការណ៍​ទាំង​នេះ​ផ្ដោត​លើសន្តិសុខការផ្សះផ្សារជាតិ ការអត់ឱន ដែលសុទ្ធសឹងជា​គោលការណ៍​គ្រឹះ​គោល​នយោបាយ​ឈ្នះឈ្នះដែ​លជាបទពិសោន៍ចែករំលែកដល់ពិភពលោក ជាពិសេសប្រទេសដែល​កំពុង​ជួប​ប្រទះនូវបញ្ហានេះ។ សម្ដេចធិបតីមានប្រសានស៍ថា ចំពោះព្រះរាជពិធីបុណ្យអុំទូកអកអំបុកសំពះព្រះខែ និង​បណ្តែត​ប្រទីប​នៅ​រាជ​ធានីភ្នំពេញ និងតាមខេត្ត​នានាដំ​ណើរ​ការ​បាន​រលូន​បង្ក​លក្ខណៈ​សប្បាយ​រីករាយ​ប្រកប​ដោយ​សន្តិសុខ សុវត្ថិភាព។ ក្រៅពីនេះ ទិវារត់ម៉ារ៉ាតុងអន្តរជាតិ​ពាក់​កណ្តាល​ផ្ដាច់​ព្រ័ត្រ​២០២៤​ នៅទឹកដីខេត្តសៀមរាបអង្គរ មានភ្ញៀវជាតិ និងបរទេសចូលរួមរត់ម៉ារ៉ាតុង ១៤០០០ នាក់​មកពី ៨៧ ប្រទេស ជាឯកទណ្ឌកម្មថ្មីមួយសម្រាប់កម្ពុជាក្នុងឆ្នាំ២០២៤នេះ និង​ជា​ព្រឹត្តិការណ៍​បង្ហាញ​ពីសុវត្ថិភាពសន្តិសុខសន្តិភាពនៅកម្ពុជា។ ជាមួយគ្នានេះនៅថ្ងៃទី៤ ខែធ្នូនេះ​កម្ពុជា​ក៏​មាន​មោទនភាពចំពោះ «ក្រមាខ្មែរ» ត្រូវបានចុះបញ្ជី​តំណាង​បេតិកភណ្ឌ​វប្បធម៌​អរូបី នៃ​មនុស្ស​ជាតិ អង្គការយូណេស្កូផងដែរ៕

បណ្ដាញសង្គម

ព័ត៌មានថ្មីៗ

កសិករប៉ូឡូញ ចេញតវ៉ាទូទាំងប្រទេស ប្រឆាំងនឹងកិច្ចព្រមព្រៀងពាណិជ្ជកម្មទីផ្សាររួមអាមេរិកឡាទីន
12/31/2025 11:12 AM
Facebook Telegram Linkin
អន្តរជាតិព្រមានអំពីស្ថានភាពមនុស្សធម៌ «ដ៏មហន្តរាយ» ជាថ្មីនៅតំបន់ហ្កាហ្សា
12/31/2025 10:12 AM
Facebook Telegram Linkin
BREAKING NEWS | យោធិនកម្ពុជាទាំង ១៨រូប ត្រូវបានដោះលែង និងបញ្ជូនត្រឡប់មកមាតុប្រទេសវិញ ដោយសុខសុវត្ថិភាព នៅព្រឹកនេះ
12/31/2025 10:12 AM
Facebook Telegram Linkin
លោក Netanyahu៖ លោកTrump ពុំបង្ហាញការព្រួយបារម្ភពីការវាយប្រហារក្រោយបទឈប់បាញ់របស់អ៊ីស្រាអែលលើហ្កាហ្សាទេ
12/31/2025 10:12 AM
Facebook Telegram Linkin
អ៊ីរ៉ង់ ព្រមានឆ្លើយតបចាស់ដៃ បន្ទាប់ពីលោកTrump គំរាមវាយប្រហារជាថ្មី
12/31/2025 10:12 AM
Facebook Telegram Linkin
ក្រុមចោរចូលប្លន់ធនាគារនៅអាល្លឺម៉ង់ ដោយលួចសាច់ប្រាក់ និងវត្ថុមានតម្លៃ អស់ប្រហែល ៣៥លានដុល្លារ
12/31/2025 10:12 AM
Facebook Telegram Linkin
ការវាយប្រហារនៅយេម៉ែន បង្ហាញពីភាពមិនទុកចិត្តគ្នាយ៉ាងខ្លាំងរវាងអារ៉ាប៊ីសាអ៊ូឌីត និងអារ៉ាប់រួម
12/31/2025 09:12 AM
Facebook Telegram Linkin
ប្រទេសចិន ឡោមព័ទ្ធកោះតៃវ៉ាន់ នៅក្នុងសមយុទ្ធយោធាដ៏ធំសម្បើម
12/31/2025 09:12 AM
Facebook Telegram Linkin
ការតវ៉ារាលដាលពាសពេញប្រទេសអ៊ីរ៉ង់នៅថ្ងៃទីបីបន្ទាប់ពីរូបិយប័ណ្ណធ្លាក់ចុះដល់កម្រិតទាបបំផុត
12/31/2025 09:12 AM
Facebook Telegram Linkin
លោក Zelenskyy ពិភាក្សាជាមួយលោក Trump អំពីវត្តមានកងទ័ពអាមេរិក នៅអ៊ុយក្រែន
12/31/2025 08:12 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.