BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ការសង្រ្គោះបន្ទាន់នៅតែបន្ត ខណៈពលរដ្ឋតៃវ៉ាន់ស្នាក់នៅក្នុងជំរំតង់ ក្រោយលំនៅឋានរងការខូចខាតក្នុងការរញ្ជួយដី

ក្រុមការងារសង្រ្គោះបន្ទាន់កំពុងប្រញាប់ប្រញាល់ ក្រោយគ្រោះរញ្ជួយដីកម្រិត៧,៤ រ៉ិចទ័រ វាយប្រហារតំបន់តៃវ៉ាន់របស់ប្រទេសចិន កាលពីព្រឹកថ្ងៃពុធ និងបណ្ដាលឲ្យអគារខ្ពស់ៗជាច្រើនរងការបំផ្លិចបំផ្លាញធ្ងន់ធ្ងរ។ អ្នកក្រុងហ័រលៀន ត្រូវបានស្នាក់នៅខាងក្រៅ ក្រោយការញ្ជួយដីដ៏ខ្លាំងក្លាបានកម្ទេចលំនៅឋានរបស់ពួកគេ។ ប្រជាពលរដ្ឋភាគច្រើន ដែលមិនហានស្នាក់នៅខាងក្រៅផ្ទះ ត្រូវបង្ខំចិត្តស្នាក់នៅក្នុងជម្រកបណ្ដោះអាសន្នក្រោយលំនៅឋានរបស់ពួកគេរងការបំផ្លិចបំផ្លាញ។ នៅពេលមេឃងងឹតចូលមកដល់ មនុស្សមួយចំនួនត្រូវស្នាក់នៅខាងក្រៅក្នុងជំរំតង់ និងជម្រកផ្សេងទៀត។ទន្ទឹមនឹងនោះ បុគ្គលិកសង្គ្រោះបន្ទាន់ជាច្រើននាក់ កំពុងព្យាយាមវាយកម្ទេចអគារដែលរងការខូចខាត ដែលចាត់ទុកថាមិនអាចជួយសង្គ្រោះបាន។ ប្រជាពលរដ្ឋភាគច្រើន នៅក្នុងទីក្រុងនេះ បានតៀមខ្លួនជម្លៀស នៅពេលរលករញ្ជួយវាយប្រហារក្រុមអ្នកសង្រ្គោះដែលកំពុងធ្វើការពេញមួយថ្ងៃដើម្បីរំដោះប្រជាពលរដ្ឋជាប់ខ្លួននៅក្នុងកម្ទេចថ្មអគារ ។ ក្រុមអ្នកសង្រ្គោះបានរកឃើញស្ត្រីម្នាក់នៅក្នុងអគារអ៊ុយរ៉ាណូស ដែលគ្មានសញ្ញាថាអាចនៅមានជីវិតរួចទៅហើយ។ យោងតាមមជ្ឈមណ្ឌលប្រតិបត្តិការសង្រ្គោះបន្ទាន់ក្នុងតំបន់ ការរញ្ជួយដីនេះបានឆក់យកជីវិតមនុស្ស៩នាក់ និង១.០១១នាក់ រងរបួស គិតត្រឹមម៉ោង២២ ថ្ងៃពុធ ៣មេសា ម៉ោងនៅកោះតៃវ៉ាន់៕

អ្នកស្លាប់ឡើងដល់៩នាក់ ៥០នាក់បាត់ខ្លួន និងជាង១.០០០នាក់របួសក្នុងគ្រោះរញ្ជួយដីខ្លាំងបំផុតក្នុងពេល២៥ឆ្នាំ នៅតៃវ៉ាន់

ការរញ្ជួយដីធ្ងន់ធ្ងរសបំផុតរបស់កោះតៃវ៉ាន់ក្នុងរយៈពេលយ៉ាងហោចណាស់ ២៥ ឆ្នាំចុងក្រោយនេះ បានសម្លាប់មនុស្ស៩នាក់កាលពីថ្ងៃពុធនិងជាង១.០០០នាក់ បានរងរបួស ខណៈកម្មករ៥០នាក់ ដែលកំពុងធ្វើដំណើរតាមរថយន្តក្រុងទៅកាន់សណ្ឋាគារក្នុងឧទ្យានជាតិមួយ បានបាត់ខ្លួន។អគារមួយចំនួនបានផ្អៀងនៅតំបន់ភ្នំ ដែលមានប្រជាជនរស់នៅតិចតួចក្នុងទីក្រុង ហ័រលៀន(Hualien) នៅជិតចំណុចកណ្តាលនៃការរញ្ជួយដីកម្រិត ៧,៤ រ៉ិចទ័រ ដែលបានវាយប្រហារនៅឆ្នេរសមុទ្រប្រហែលម៉ោង ៨ ព្រឹក និងបង្កឱ្យមាបំណាក់ដីដ៏ធំ។លោក លី ឡាំង សឹង (Lee Lung-Sheng) អនុប្រធានស្តីទីនៃនាយកដ្ឋានពន្លត់អគ្គិភ័យ ប្រចាំទីក្រុងហ័រលៀន បាននិយាយថា អគារអ៊ុយរ៉ាណូស (Uranu)នៅពីក្រោយខ្នងយើង គឺជាកន្លែងដែលរងការខូចខាតយ៉ាងធ្ងន់ធ្ងរបំផុត។ នេះជាអគារមួយដែលមានកម្ពស់៩ជាន់។អភិបាលក្រុង ហ័រលៀន លោក ស៊ូ ជិន វៃ (Hsu Chen-Wei) បាននិយាយថា អ្នកស្រុក និងអាជីវកម្មទាំងអស់នៅក្នុងអគារដែលស្ថិតក្នុងស្ថានភាពគ្រោះថ្នាក់ត្រូវបានជម្លៀសចេញ។ អភិបាលក្រុងរូបនេះ បាននិយាយថា ការងាររុះរើ និងកម្ទេចចោលកំពុងចាប់ផ្តើមលើអគារចំនួនបួន។មន្ត្រីឧតុនិយមបាននិយាយថា រលករញ្ជួយដីជាង ៥០ លើក ក្រោយការរញ្ជួយដីត្រូវបានកត់ត្រា។ការរញ្ជួយដីបានវាយប្រហារនៅជម្រៅ ១៥,៥ គីឡូម៉ែត្រ ស្របពេលមនុស្សកំពង់ធ្វើដំណើរទៅធ្វើការ និងសាលារៀន ដោយបានចេញការព្រមានពីរលកយក្សស៊ូណាមិសម្រាប់ភាគខាងត្បូងប្រទេសជប៉ុន និងហ្វីលីពីន ដែលក្រោយមកត្រូវបានដកចេញវិញ។ការរញ្ជួយដីនៅជិតច្រាំងសមុទ្រភាគខាងកើតកោះតៃវ៉ាន់ ត្រូវបានឲ្យធ្វើឲ្យញ័រ នៅទូទាំងកោះនេះ និងផ្នែកខ្លះរបស់ប្រទេសចិន និងជប៉ុន កាលពីព្រឹកថ្ងៃពុធទី៣មេសាសប្ដាហ៍នេះ ៕

វិបត្តិសមុទ្រក្រហមជិតដល់ចំណុចក្តៅខ្លាំង ខណៈដែលនាវាចម្បាំងរបស់រុស្ស៊ី ចូលទៅកាន់់ទីនោះ

នាវាចម្បាំងរុស្ស៊ី បានចូលសមុទ្រក្រហមកាលពីថ្ងៃព្រហស្បតិ៍សប្តាហ៍មុន សម្រាប់អ្វីដែលសេវាសារព័ត៌មានរបស់កងនាវាចរប៉ាស៊ីហ្វិករបស់រុស្សី បាននិយាយថា គឺការអនុវត្ត «ភារកិច្ចដែលបានចាត់តាំងក្នុងក្របខ័ណ្ឌនៃយុទ្ធនាការសមុទ្ររយៈចម្ងាយឆ្ងាយ។ ភាពមិនច្បាស់លាស់ដោយចេតនានេះ បាននាំឲ្យមានការរំពឹងទុកតិចតួចអំពីគោលបំណងពិតរបស់នាវាទាំងនេះ។ទ្រឹស្តីមានចាប់ពីសម្ពាធសងសឹកលើអ៊ីស្រាអែល ដែលបានសម្រេចចិត្តកាលពីចុងខែកុម្ភៈ ដើម្បីសហការគាំទ្រសេចក្តីសម្រេចរបស់អង្គការសហប្រជាជាតិ ថ្កោលទោសការលុកលុយរបស់រុស្ស៊ីលើអ៊ុយក្រែន ដល់ការគាំទ្រគោលដៅយោធារបស់ស៊ីរីដែលជាសម្ព័ន្ធមិត្តក្នុងតំបន់។បន្ទាប់មកទៀត នាវាចម្បាំងប្រហែលជាស្ថិតនៅក្នុងសមុទ្រក្រហម ដើម្បីការពារការវាយប្រហារពីក្រុមឧទ្ទាមហ៊ួទីដែលគាំទ្រដោយប្រទេសយេម៉ែន។កាលពីចុងខែមីនា ទីភ្នាក់ងារព័ត៌មាន Bloomberg បានរាយការណ៍ថា ក្រុមឧទ្ទាមហ៊ួទី បានសន្យាថា នឹងផ្តល់ផ្លូវឆ្លងកាត់ដោយសុវត្ថិភាពដល់នាវារុស្ស៊ីនិងចិន នៅក្នុងសមុទ្រក្រហម និងក្បែរឈូងសមុទ្រ Aden។ ជាថ្នូរនោះ ប្រទេសទាំងពីរ ត្រូវបានចោទប្រកាន់ថា បានយល់ព្រមលើតួនាទីរបស់ពួកគេក្នុងនាមជាសមាជិកនៃក្រុមប្រឹក្សាសន្តិសុខអង្គការសហប្រជាជាតិ ដើម្បីគាំទ្រក្រុមហ៊ួទី។ទោះបីយ៉ាងណាក៏ដោយ រយៈពេលពីរថ្ងៃបន្ទាប់ពីរបាយការណ៍នេះ ក្រុមសកម្មប្រយុទ្ធហ៊ួទី បានបាញ់មី ស៊ីលចំនួន៥គ្រាប់ទៅលើនាវាដឹកប្រេងរបស់ចិន ដែលបានបណ្តាលឲ្យមានភ្លើងឆេះ ប៉ុន្តែការខូចខាតតិចតួចបំផុត និងគ្មានអ្នករបួសទេ។

រុស្ស៊ី «បាត់បង់រថពាសដែកចំនួន ២០គ្រឿង» ដោយសារការវាយលុកដោយរថក្រោះទ្រង់ទ្រាយធំ មិនបានសម្រេច

ទាហានអ៊ុយក្រែន បានអះអាងថា រុស្ស៊ីបានបាត់បង់រថពាសដែកដល់ទៅ ២០គ្រឿង ក្នុងការវាយប្រហារមិនបានសម្រេចមួយនៅក្នុងតំបន់ដូណិតស្ក៍ (Donetsk) ភាគខាងលិចរបស់អ៊ុយក្រែន។វិទ្យាស្ថានដើម្បីសិក្សាពីសង្គ្រាម (ISW) បាននិយាយដោយដកស្រង់សម្តីទាហានអ៊ុយក្រែនម្នាក់ថា កងកម្លាំងរបស់ទីក្រុងគីវ បានវាយលុកទៅលើរថក្រោះចំនួន ៣៦គ្រឿង និងយានយន្តប្រយុទ្ធថ្មើរជើងចំនួន ១២ គ្រឿង ដែលជាផ្នែកមួយនៃការវាយលុកដោយរថក្រោះទ្រង់ទ្រាយធំមួយនៅភាគពាយព្យនៃទីក្រុង អាវឌីអ៊ីវកា (Avdiivka) កាលពីថ្ងៃទី ៣០ ខែមីនា។ ការវាយប្រហារដោយរថក្រោះ ត្រូវបានគេជឿថា ជាការវាយលុកទ្រង់ទ្រាយធំបំផុតមួយរបស់រុស្ស៊ី ចាប់តាំងពីសង្គ្រាមចាប់ផ្តើមមក។បភាពពីលើអាកាសនៃការវាយប្រហារដែលត្រូវបានបង្ហោះនៅលើប្រព័ន្ធផ្សព្វផ្សាយសង្គមដោយក្រសួងការពារជាតិអ៊ុយក្រែន បង្ហាញពីឲ្យយ៉ាងហោចណាស់រថក្រោះចំនួន៩គ្រឿង និងរថពាសដែកមួយចំនួនដែលកំពុងធ្វើដំណើរតាមដងផ្លូវដ៏លំបាកមួយ ខណៈពេលដែលកំពុងរងការបាញ់ប្រហារយ៉ាងខ្លាំងនោះ។ ក្រសួងបានបង្ហោះថា៖«ទាហានឆ័ត្រយោងអ៊ុយក្រែនមកពីកងពលតូចទ័ពអាកាសលេខ២៥ បានវាយបកទៅលើការវាយប្រហារដ៏ធំរបស់រុស្ស៊ីនៅជិតភូមិ Tonenke» ។ «ជាលទ្ធផល អ្នកចម្បាំង [អ៊ុយក្រែន] បានបំផ្លាញរថក្រោះរុស្ស៊ីចំនួន៤ គ្រឿង និងយានយន្តប្រយុទ្ធថ្មើរជើង (IFV)ចំនួន ២គ្រឿង។អ្នកសរសេរប្លុកយោធាអ៊ុយក្រែន បានរាយការណ៍ថា វីដេអូដែលបង្ហោះដោយក្រសួង បានចាប់យកតែផ្នែកនៃការខាតបង់របស់រុស្ស៊ីប៉ុណ្ណោះ ដោយទាហានអនាមិក បាននិយាយថា រថក្រោះរុស្ស៊ីសរុបចំនួន១២ គ្រឿង និងរថពាសដែកចំនួន ៨គ្រឿង ត្រូវបានបំផ្លាញក្នុងអំឡុងពេលវាយប្រហារនោះ។

ប្រទេសជប៉ុន បន្តផ្តល់មូលនិធិដល់ទីភ្នាក់ងារជនភៀសខ្លួនប៉ាឡេស្ទីន UNRWA

ប្រទេសជប៉ុន បាននិយាយនៅថ្ងៃអង្គារ (០២ មេសា) នេះថា ខ្លួននឹងលុបចោលការផ្អាកផ្តល់មូលនិធិដល់ទីភ្នាក់ងារជនភៀសខ្លួនប៉ាឡេស្ទីនរបស់អង្គការសហប្រជាជាតិ (UNRWA) ខណៈដែលស្ថាប័នផ្តល់ជំនួយនេះកំពុងធ្វើការដើម្បីទទួលបានការជឿទុកចិត្តឡើងវិញ បន្ទាប់ពីការចោទប្រកាន់ថាបុគ្គលិករបស់ខ្លួនមួយចំនួនបានជាប់ពាក់ព័ន្ធក្នុងការវាយប្រហារកាលពីថ្ងៃទី០៧ ខែតុលា លើអ៊ីស្រាអែល។ប្រទេសជប៉ុន ដែលជាម្ចាស់ជំនួយធំជាងគេទីប្រាំមួយដល់ទីភ្នាក់ងារនេះ និងប្រទេសចំនួន ១៥ ផ្សេងទៀត បានផ្អាកការផ្តល់មូលនិធិប្រហែល ៤៥០ លានដុល្លារ បន្ទាប់ពីការចោទប្រកាន់របស់អ៊ីស្រាអែល កាលពីខែមករា ដោយបានធ្វើឱ្យប្រតិបត្តិការរបស់ទីភ្នាក់ងារនេះនៅតំបន់ហ្កាហ្សាស្ទ្រីប ដែលហែកហួរដោយសង្រ្គាម។ក្រោយមក បណ្តាប្រទេសរួមទាំងអូស្ត្រាលី និងកាណាដា បានស្ដារមូលនិធិឡើងវិញដល់ទីភ្នាក់ងារ UNRWA ដែលជាស្ថាប័នសង្គ្រោះដ៏ធំបំផុតកំពុងប្រតិបត្តិការនៅតំបន់ហ្កាហ្សា ដែលត្រូវបានឡោមព័ទ្ធដោយអ៊ីស្រាអែលចាប់តាំងពីការវាយប្រហារ។រដ្ឋមន្ត្រីការបរទេសជប៉ុន លោកស្រី យ៉ូកុ ខាមីកាវ៉ា (Yoko Kamikawa) ដែលបានជួបជាមួយប្រធាន UNRWA លោក ហ្វីលីប ឡាហ្សារីនី (Philippe Lazzarini) នៅទីក្រុងតូក្យូ កាលពីសប្តាហ៍មុន បាននិយាយថា តួនាទីរបស់ទីភ្នាក់ងារនេះក្នុងការដោះស្រាយវិបត្តិតំបន់ហ្កាហ្សា គឺ «មិនអាចខ្វះបានឡើយ» ទោះបីជាកំពុងស្ថិតក្រោមការកែលម្អអភិបាលកិច្ច និងគ្រប់គ្រងហានិភ័យក៏ដោយ៕

ឧប្បត្តិហេតុប្រឆាំងមូស្លីមនៅអាមេរិក កើនឡើងខ្ពស់បំផុតក្នុងឆ្នាំ ២០២៣ ដោយសារសង្គ្រាមហ្កាហ្សា

ទិន្នន័យពីក្រុមតស៊ូមតិមួយបានបង្ហាញនៅថ្ងៃអង្គារ (០២ មេសា) នេះថា ការរើសអើង និងការវាយប្រហារលើជនជាតិមូស្លីម និងប៉ាឡេស្ទីនដែលបានរាយការណ៍ បានឈានដល់កម្រិតខ្ពស់បំផុតនៅក្នុងសហរដ្ឋអាមេរិក ក្នុងឆ្នាំ ២០២៣ ដែលជំរុញដោយការកើនឡើងនៃភាពភ័យខ្លាចចំពោះអ្នកកាន់សាសនាអ៊ីស្លាម និងភាពលំអៀង ខណៈដែលសង្រ្គាមអ៊ីស្រាអែល-ហ្កាហ្សា បានផ្ទុះឡើងនៅចុងឆ្នាំនេះ។ពាក្យបណ្តឹងសរុបមានចំនួន ៨.០៦១ ករណីក្នុងឆ្នាំ ២០២៣ ដែលជាការកើនឡើង ៥៦ ភាគរយពីឆ្នាំមុន និងខ្ពស់បំផុតចាប់តាំងពីក្រុមប្រឹក្សាស្តីពីទំនាក់ទំនងអាមេរិក-អ៊ីស្លាម (CAIR) បានចាប់ផ្តើមកំណត់ត្រាជិត ៣០ ឆ្នាំមុន។ ក្រុមប្រឹក្សា CAIR បាននិយាយថាប្រហែល ៣.៦០០ ករណីនៃឧប្បត្តិហេតុទាំងនោះបានកើតឡើងចាប់ពីខែតុលា ដល់ខែធ្នូ។ក្រុមតស៊ូមតិផ្នែកសិទ្ធិមនុស្សបានរាយការណ៍ស្រដៀងគ្នានេះថា ការកើនឡើងជាសាកលនៅក្នុងភាពភ័យខ្លាចចំពោះអ្នកកាន់សាសនាអ៊ីស្លាម ការលំអៀងប្រឆាំងនឹងប៉ាឡេស្ទីន និងការប្រឆាំងជនជាតិជ្វីហ្វ ចាប់តាំងពីការផ្ទុះចុងក្រោយនៃជម្លោះនៅមជ្ឈិមបូព៌ា។របាយការណ៍របស់ក្រុមប្រឹក្សា CAIR បាននិយាយថា ឆ្នាំ ២០២៣ បានឃើញ «ការកើតឡើងវិញនៃការស្អប់ខ្ពើមប្រឆាំងនឹងមូស្លីម» បន្ទាប់ពីការធ្លាក់ចុះនៃពាក្យបណ្តឹងបែបនេះប្រចាំឆ្នាំលើកដំបូងក្នុងឆ្នាំ ២០២២។ ក្នុងរយៈពេលប្រាំបួនខែដំបូងនៃឆ្នាំ ២០២៣ ឧប្បត្តិហេតុបែបនេះកើតឡើងជាមធ្យមប្រហែល ៥០០ ករណីក្នុងមួយខែ មុនពេលកើនឡើងដល់ជិត ១.២០០ ករណីក្នុងមួយខែនៅក្នុង ត្រីមាសចុងក្រោយនៃឆ្នាំនោះ៕

ចំនួនអ្នកស្លាប់ជនជាតិប៉ាឡេស្ទីន នៅតំបន់សង្រ្គាមហ្កាហ្សា ឡើងលើសពី ៣២.៨០០ នាក់

ក្រសួងសុខាភិបាលដែលគ្រប់គ្រងដោយក្រុមហាម៉ាស បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទ (០១ មេសា) ថា ចំនួនអ្នកស្លាប់របស់ប៉ាឡេស្ទីន នៅតំបន់ហ្កាហ្សាស្ទ្រីប បានកើនឡើងដល់ជាង ៣២.៨០០ នាក់។យោងតាមក្រសួងបានឱ្យដឹងថា កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនយ៉ាងហោចណាស់ ៦៣ នាក់ក្នុងរយៈពេល ២៤ ម៉ោងកន្លងមក ដែលនាំឱ្យចំនួនអ្នកស្លាប់សរុបកើនឡើងដល់ ៣២.៨៤៥ នាក់ និងរបួសដល់ ៧៥.៣៩២ នាក់ចាប់តាំងពីជម្លោះប៉ាឡេស្ទីន-អ៊ីស្រាអែល បានផ្ទុះឡើងកាលពីថ្ងៃទី០៧ ខែតុលា ឆ្នាំ២០២៣។កាលពីថ្ងៃចន្ទ យោធាអ៊ីស្រាអែលបានចេញសេចក្តីថ្លែងការណ៍មួយដោយនិយាយថា ក្នុងរយៈពេលពីរសប្តាហ៍កន្លងមកនេះ កងទ័ពរបស់ខ្លួនបានធ្វើប្រតិបត្តិការយោធាដាក់គោលដៅលើមន្ទីរពេទ្យ អាល់ស៊ីហ្វា (Al-Shifa) ដោយបានសម្លាប់បុគ្គលិកយោធាជាង ២០០ នាក់ និងចាប់ខ្លួនប្រហែល ៥០០ នាក់ផ្សេងទៀត។ នៅថ្ងៃចន្ទផងដែរនោះ កងពលតូច អាល់កាសាម (Al-Qassam) ដែលជាស្លាបប្រដាប់អាវុធនៃក្រុមហាម៉ាសបាននិយាយថា បុគ្គលិកយោធារបស់ខ្លួនបានបើកការវាយប្រហារដោយគ្រាប់រ៉ូកែតទៅលើទាហានអ៊ីស្រាអែល និងរថយន្តយោធានៅក្រុង ខាន់ យូនីស (Khan Yunis) ហើយបានចូលរួមក្នុងការប៉ះទង្គិចជាមួយកងកម្លាំងជួយសង្គ្រោះអ៊ីស្រាអែល ដែលបណ្តាលឱ្យទាហានអ៊ីស្រាអែលរងរបួសជាច្រើន៕

អង្គការសហប្រជាជាតិ បន្តផ្តល់ជំនួយបន្ទាន់ដល់ប្រទេសហៃទី

អ្នកនាំពាក្យអង្គការសហប្រជាជាតិ បាននិយាយកាលពីថ្ងៃចន្ទថា អង្គការសហប្រជាជាតិ និងដៃគូរបស់ខ្លួន បន្តធ្វើការងារជម្នះគ្រប់ឧបសគ្គដើម្បីផ្តល់ជំនួយបន្ទាន់ប្រចាំថ្ងៃដល់ប្រជាជនដែលរងផលប៉ះពាល់ដោយអំពើហិង្សានៅក្នុងរដ្ឋធានី ព័រ អូប្រាំង ប្រទេសហៃទី។លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ លោក Antonio Guterres បាននិយាយថា កម្មវិធីស្បៀងអាហារពិភពលោក (WFP) អាចផ្តល់អាហារជាង ២៨.០០០កញ្ចប់ ដល់ប្រជាជនដែលត្រូវបានបង្ខំឱ្យភៀសខ្លួនចេញពីលំនៅឋានរបស់ពួកគេដោយសារតែអំពើហិង្សា។ទោះបីជាមានអសន្តិសុខរីករាលដាលក៏ដោយ អង្គការកម្មវិធីស្បៀងអាហារពិភពលោក(WFP) រាយការណ៍ថា ខ្លួនបានផ្តល់ជំនួយស្បៀងអាហារដល់បុរស ស្ត្រី និងកុមារប្រមាណ ៤៨០.០០០នាក់នៅទូទាំងប្រទេស ចាប់តាំងពីដើម ខែមីនា មក។ លោកនិយាយថា កិច្ចខិតខំប្រឹងប្រែងទាំងនេះ អាចធ្វើទៅបានដោយសារដៃគូនានាក្នុងតំបន់ រួមទាំងអង្គការមិនមែនរដ្ឋាភិបាលរបស់ប្រទេសហៃទី អាជីវកម្មក្នុងស្រុក និងអង្គការកសិករហៃទី។ក្នុងរយៈពេលមួយខែកន្លងទៅនេះ ដៃគូមនុស្សធម៌របស់អង្គការសហប្រជាជាតិ បានផ្តល់ទឹកស្អាតជាង ២,៣លានលីត្រទៅកាន់មជ្ឈមណ្ឌលជម្លៀសប្រមាណ២៩កន្លែង ដែលបានផ្តល់ប្រយោជន៍ដល់ជនភៀសខ្លួនប្រមាណ ៦០.០០០នាក់ ហើយដៃគូផ្នែកសុខាភិបាល ក៏បានផ្តល់ឱសថ និងផ្តល់ជំនួយផ្លូវចិត្តដល់អ្នកទាំងឡាយណាដែលមានរបួស។លោកបាននិយាយថា វិស័យសុខាភិបាលរបស់ប្រទេសហៃទី បានរងផលប៉ះពាល់យ៉ាងធ្ងន់ធ្ងរដោយអំពើហឹង្សាកាលពីខែមុន ដោយយ៉ាងហោចណាស់ពាក់កណ្តាលនៃមណ្ឌលសុខភាព នៅក្នុងរដ្ឋធានីត្រូវបានបិទ ឬដំណើរការក្រោមសមត្ថភាពធម្មតា។នៅទូទាំងប្រទេស មនុស្សជាង ៣៦០.០០០នាក់ បានភៀសខ្លួនចេញពីលំនៅឋាន ដែលក្នុងនោះ ១៦០.០០០នាក់ ស្ថិតនៅក្នុងទីក្រុងព័រអូប្រាំង។ សាលារៀនជាង ១.០០០កន្លែង ត្រូវបានបិទទ្វារនៅទូទាំងប្រទេស។ ទន្ទឹមនឹងនោះ តម្រូវការមនុស្សធម៌ និងផែនការឆ្លើយតបសម្រាប់ប្រទេសហៃទី នៅតែបន្តខ្វះមូលនិធិយ៉ាងធ្ងន់ធ្ងរ ដោយទទួលបានមូលនិធិតិចជាង ៧ ភាគរយ នៃមូលនិធិ ៦៧៤ លានដុល្លារអាមេរិក ដែលត្រូវការ។

UN ត្រៀមបេសកកម្មទៅកាន់មន្ទីរពេទ្យ Al Shifa តំបន់ហ្កាហ្សា បន្ទាប់ពីអ៊ីស្រាអែលដកកងទ័ពចេញ

អ្នកនាំពាក្យអង្គការសហប្រជាជាតិ បាននិយាយកាលពីថ្ងៃចន្ទថា អង្គការសហប្រជាជាតិ កំពុងរៀបចំបេសកកម្មទៅកាន់មន្ទីរពេទ្យ Al Shifa ក្នុងតំបន់ហ្កាហ្សា បន្ទាប់ពីការដកខ្លួនរបស់កងទ័ពអ៊ីស្រាអែលចេញពីបរិវេណនេះ។ លោក Stephane Dujarric អ្នកនាំពាក្យរបស់អគ្គលេខាធិការអង្គការសហប្រជាជាតិ បាននិយាយថា យើងកំពុងរៀបចំផែនការបេសកកម្មទៅកាន់មន្ទីរពេទ្យនេះឱ្យបានឆាប់តាមដែលយើងអាចធ្វើទៅបាន ដើម្បីជួយប្រជាជនឱ្យទទួលបានការយកចិត្តទុកដាក់ផ្នែកវេជ្ជសាស្ត្រ និងដើម្បីវាយតម្លៃស្ថានភាពមន្ទីរពេទ្យ។ បេសកកម្មនេះ ធ្វើឡើងខណៈយើងបានឃើញរបាយការណ៍ថា កងកម្លាំងការពារជាតិអ៊ីស្រាអែលចាកចេញពីបរិវេណមន្ទីរពេទ្យAl Shifa ។ អ្នកនាំពាក្យរូបនេះ បាននិយាយថា អង្គការសុខភាពពិភពលោក (WHO) កំពុងរង់ចាំការកាត់បន្ថយជម្លោះ និងការធានាបានសុវត្ថិភាពសមស្របពីរដ្ឋាភិបាលអ៊ីស្រាអែល។ ទន្ទឹមនឹងនេះ នៅមន្ទីរពេទ្យ Al Aqsa តំបន់ហ្កាហ្សាភាគកណ្តាល ក្រុមអង្គការសុខភាពពិភពលោក កំពុងបំពេញបេសកកម្មមនុស្សធម៌នៅទីនោះ នៅពេលដែលជំរំតង់មួយកន្លែងនៅក្នុងបរិវេណមន្ទីរពេទ្យ ត្រូវបានវាយប្រហារដោយការវាយប្រហារតាមអាកាសរបស់អ៊ីស្រាអែល។ មនុស្ស៤នាក់ ត្រូវបានគេរាយការណ៍ថាបានស្លាប់ និង១៧នាក់ផ្សេងទៀតរងរបួស ។ លោក Dujarric និយាយថា ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន (UNRWA) បាននិយាយថា ពុំមានការផ្លាស់ប្តូរគួរឱ្យកត់សម្គាល់ចំពោះបរិមាណនៃការផ្គត់ផ្គង់ជំនួយមនុស្សធម៌ចូលទៅកាន់តំបន់ហ្កាហ្សា ឬដំណើរការប្រសើរឡើងសម្រាប់ការចូលទៅកាន់ភាគខាងជើងឡើយ ។ចាប់ពីថ្ងៃទី ១ ដល់ថ្ងៃទី ៣០ ខែមីនា រថយន្តដឹកជំនួយចំនួន ១៥៩គ្រឿងជាមធ្យម បានឆ្លងកាត់តំបន់ហ្កាហ្សាក្នុងមួយថ្ងៃ។ ចំនួនច្រើនបំផុត គឺកាលពីថ្ងៃព្រហស្បតិ៍សប្តាហ៍មុន ដែលរថយន្តដឹកជំនួយ ២៦៤គ្រឿង បានចូលទៅក្នុងតំបន់ហ្កាហ្សា។ លោកបាននិយាយបន្តថា នេះនៅតែមានកម្រិតទាបជាងគោលដៅប្រតិបត្តិការ នៃរថយន្តដឹកជំនួយចំនួន ៥០០ គ្រឿងក្នុងមួយថ្ងៃ។

ទាហានអ៊ីស្រាអែល ដកខ្លួនចេញពីមន្ទីរពេទ្យហ្កាហ្សា ដោយបន្សល់ទុកកម្ទេចថ្ម និងសាកសពជាច្រើន

កងកម្លាំងអ៊ីស្រាអែលបានចាកចេញពីមន្ទីរពេទ្យ អាល់ស៊ីហ្វា (Al Shifa) ក្នុងទីក្រុងហ្កាហ្សា កាលពីថ្ងៃច័ន្ទ (០១ មេសា) បន្ទាប់ពីប្រតិបត្តិការរយៈពេលពីរសប្តាហ៍ដោយកងកម្លាំងពិសេស ដែលបានឃាត់ខ្លួនជនសកម្មប្រយុទ្ធប៉ាឡេស្ទីនរាប់រយនាក់ដែលសង្ស័យ និងបានបន្សល់ទុកនូវសំណល់កម្ទេចកម្ទីនៃអគារដែលត្រូវបានបំផ្លាញ ព្រមទាំងសាកសពជាច្រើន។ក្រុមមន្ត្រីប៉ាឡេស្ទីនបានហៅការវាយឆ្មក់លើមន្ទីរពេទ្យព្យាបាលអ្នកជំងឺរងរបួសធ្ងន់ធ្ងរនេះ ថាជាឧក្រិដ្ឋកម្មសង្គ្រាម ខណៈដែលក្រុមមន្ត្រីអ៊ីស្រាអែលបាននិយាយថា កងកម្លាំងពិសេសបានធ្វើការវាយប្រហារតាមគោលដៅប្រឆាំងនឹងមូលដ្ឋានរឹងមាំរបស់ក្រុមហាម៉ាស ដែលមានចេតនាដាក់ទីតាំងក្នុងចំណោមជនស៊ីវិលដែលងាយរងគ្រោះ។យោងទៅតាមយោធាអ៊ីស្រាអែលបានឱ្យដឹងថា ប្រជាជនប៉ាឡេស្ទីនចំនួនប្រហែល ៦.២០០ នាក់ ធ្លាប់បានជ្រកកោននៅក្នុងបរិវេណនោះ ដែលជាទីតាំងមួយក្នុងចំណោមទីតាំងផ្សេងទៀតនៅភាគខាងជើងហ្កាហ្សា ដែលមានការផ្គត់ផ្គង់អគ្គិសនី និងទឹកមួយចំនួន។លោក អ៊ីស្មែល អាល់ថាវ៉ាបតា (Ismail Al-Thawabta) នាយកការិយាល័យប្រព័ន្ធផ្សព្វផ្សាយតំបន់ហ្កាហ្សា របស់ក្រុមហាម៉ាស បាននិយាយថា កងកម្លាំងអ៊ីស្រាអែល បានសម្លាប់ជនជាតិប៉ាឡេស្ទីនចំនួន ៤០០ នាក់នៅក្នុង និងជុំវិញមន្ទីរពេទ្យនោះ រួមទាំងវេជ្ជបណ្ឌិតស្ត្រីម្នាក់ និងកូនប្រុសដែលជាវេជ្ជបណ្ឌិតផងដែរនោះ ហើយបានបញ្ឈប់សកម្មភាព និងប្រតិបត្តិការរបស់មន្ទីរពេទ្យទាំងមូល៕

បណ្ដាញសង្គម

ព័ត៌មានថ្មីៗ

មនុស្សបីនាក់ បានរងរបួស ក្នុងការបាញ់ប្រហារនៅទីលាន Times Square ក្នុងទីក្រុងញូវយ៉ក

គណៈកម្មាធិការថ្នាក់រដ្ឋមន្ត្រីអារ៉ាប់ ឲ្យអ៊ីស្រាអែលទទួលខុសត្រូវទាំងស្រុង ចំពោះអំពើប្រល័យពូជសាសន៍ដែលកំពុងបន្តនៅហ្កាហ្សា

យោធាកូរ៉េខាងត្បូង និយាយថា កូរ៉េខាងជើងកំពុងដកឧបករណ៍បំពងសំឡេងចេញពីព្រំដែនដ៏តានតឹងរបស់ពួកគេ

ទូរទស្សន៍រដ្ឋនិយាយថា ប្រទេសស៊ីរី នឹងមិនចូលរួមក្នុងកិច្ចប្រជុំ ជាមួយកងកម្លាំង SDF ដឹកនាំដោយឃើដ នៅទីក្រុងប៉ារីសទេ

កម្ពុជាអំពាវនាវដល់ថៃ សូមដោះលែងឱ្យបានឆាប់នូវកងទ័ពកម្ពុជា ដែលថៃចាប់ខ្លួនយកទៅ មានរយៈពេល ១១ ថ្ងៃហើយ

ប្រមុខកងទ័ពអាកាស៖ ឥណ្ឌាបានបាញ់ទម្លាក់យន្តហោះចម្បាំងប៉ាគីស្ថានចំនួន ៥គ្រឿង និងយន្តហោះយោធា ១គ្រឿង កាលពីខែឧសភា

ក្រុមអ្នកស្ម័គ្រចិត្ត៖ ជនស៊ីវិលយ៉ាងតិច ១៦នាក់ ស្លាប់ និង ៨នាក់ រងរបួស ក្នុងការវាយប្រហារដោយកងកម្លាំងយោធាប៉ារ៉ា នៅស៊ូដង់

ទាហានឥណ្ឌា ២នាក់ និងជនសកម្មប្រយុទ្ធម្នាក់ ត្រូវបានសម្លាប់ នៅក្នុងការប្រយុទ្ធគ្នាដោយកាំភ្លើង នៅកាស្មៀរ

អគារថ្មីក្នុងមន្ទីរពេទ្យបង្អែកស្រុកស្ទោង សម្ពោធដាក់ឱ្យប្រើប្រាស់សម្រាប់ផ្តល់សេវាជូនប្រជាពលរដ្ឋ

រដ្ឋមន្ត្រីក្រសួងកសិកម្មដឹកនាំកិច្ចប្រជុំដោះស្រាយបញ្ហាតម្លៃស្រូវស្រង៉ែ នៅខេត្តបាត់ដំបង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877