BTV NEWS

អគ្គនាយកដ្ឋានពន្ធនាគារ កំពុងសិក្សារៀបចំទីតាំងឃុំឃាំងថ្មីបន្ថែម ខណៈចំនួនជនជាប់ឃុំមានការកើនឡើងខ្លាំង

សមត្ថកិច្ចខេត្តព្រះសីហនុរកឃើញអ្នកបើកបររថយន្តធុនធ្ងន់មួយចំនួនមានសារធាតុគ្រឿងញៀននៅក្នុងខ្លួន

ឆេះខុនដូ Wealth Mansion តែសមត្ថកិច្ចជួយពន្លត់ទាន់ពេលដោយមិនរាលដាលទ្រង់ទ្រាយធំ

ជនជាតិវៀតណាម និងជនជាតិចិនជាងពីររយនាក់ទៀតត្រូវបានអាជ្ញាធរបណ្តេញចេញពីកម្ពុជាក្រោយរក ឃើញជាប់ពាក់ព័ន្ធករណី Online Scams

សន្តិសុខ និង សង្គម

យន្តហោះច្រើនគ្រឿង ទម្លាក់ជំនួយមនុស្សធម៌លើតំបន់ហ្កាហ្សា ខណៈទុរ្ភិក្សជិតមកដល់

យន្តហោះជាច្រើនគ្រឿង បានទម្លាក់ជំនួយមនុស្សធម៌ មកពីចក្រភពអង់គ្លេស ប្រទេសអេហ្ស៊ីប និងប្រទេសអាល្លឺម៉ង់ នៅជុំវិញតំបន់ហ៊ុមព័ទ្ធហ្កាហ្សា កាលពីថ្ងៃអាទិត្យ។ តំបន់ហ៊ុមព័ទ្ធប៉ាឡេស្ទីន ដែលត្រូវបានបំផ្លិចបំផ្លាញ ប្រឈមនឹងគ្រោះទុរ្ភិក្ស និងជំងឺរាលដាល រយៈពេលប្រាំមួយខែបន្ទាប់ពីយុទ្ធនាការតាមអាកាស និងជើងគោករបស់អ៊ីស្រាអែល បានចាប់ផ្តើម។អគ្គលេខាធិការអង្គការសហប្រជាជាតិ លោក Antonio Guterres បាននិយាយថា ការប្តេជ្ញាចិត្តរបស់អ៊ីស្រាអែល ក្នុងការធ្វើឲ្យប្រសើរនៃការចូលមកនៃជំនួយនៅក្នុងតំបន់ហ្កាហ្សាស្ទ្រីប មានកម្រិត និងពេលខ្លះពុំមានផលប៉ះពាល់ឡើយ ខណៈលោកបានជំរុញឱ្យមានការវិវឌ្ឍន៍ជាបន្ទាន់ដ៏មានអត្ថន័យ និងអាចវាស់ស្ទង់បាន ដើម្បីបញ្ចៀសគ្រោះទុរភិក្ស។អង្គការសហប្រជាជាតិ បានត្អូញត្អែរពីឧបសគ្គជាច្រើនក្នុងការឲ្យជំនួយចូល និងចែកចាយជំនួយនៅទូទាំងតំបន់ហ្កហ្សា កំឡុងសង្គ្រាមរយៈពេលប្រាំមួយខែរវាងអ៊ីស្រាអែល និងក្រុមសកម្មប្រយុទ្ធហាម៉ាសប៉ាឡេស្ទីន គ្រប់គ្រងតំបន់ហ៊ុមព័ទ្ធដែលមានប្រជាជន ២,៣ លាននាក់។កាលពីពេលថ្មីៗនេះ អ៊ីស្រាអែលបានបើកច្រកឆ្លងកាត់ Erez ចូលទៅកាន់ភាគខាងជើងតំបន់ហ្កាហ្សានិងអនុញ្ញាតឱ្យប្រើប្រាស់បណ្តោះអាសន្នកំពង់ផែ Ashdod នៅភាគខាងត្បូងប្រទេសអ៊ីស្រាអែល បន្ទាប់ពីប្រធានាធិបតីសហរដ្ឋអាមេរិក លោក Joe Biden បានទាមទារឱ្យមានវិធានការដើម្បីកាត់បន្ថយវិបត្តិមនុស្សធម៌នៅតំបន់ហ្កាហ្សា ដោយនិយាយថា លក្ខខណ្ឌជាច្រើនអាចត្រូវបានដាក់លើការគាំទ្ររបស់សហរដ្ឋអាមេរិក សម្រាប់អ៊ីស្រាអែល ប្រសិនបើប្រទេសនេះពុំមានចំណាត់ការ។

ប្រជាជនក្រុងប៉ារីស តវ៉ាប្រឆាំងការរើសអើងជាតិសាសន៍ និងអំពើហឹង្សារបស់នគរបាល

បាតុករជាងមួយពាន់នាក់ បានចេញធ្វើបាតុកម្មនៅទីក្រុងប៉ារីស ប្រទេសបារាំង កាលពីថ្ងៃអាទិត្យ ប្រឆាំងការរើសអើងជាតិសាសន៍ និងគាំទ្រតំបន់ហ្កាហ្សា។បន្ទាប់ពីត្រូវបានហាមឃាត់ដោយនគរបាលទីក្រុងប៉ារីស ដែលបាននិយាយថា ពួកគេខ្លាចមានអំពើហិង្សា និងការប្រកាសប្រឆាំងសាសនាអាចនឹងកើតឡើង តុលាការរដ្ឋបាលទីក្រុងប៉ារីស បានសម្រេចឲ្យផ្អាកបម្រាម ដោយចាត់ទុកថាវាជាការរំលោភបំពានធ្ងន់ធ្ងរ និងខុសច្បាប់លើសេរីភាពក្នុងការធ្វើបាតុកម្ម។អង្គការចំនួន៥១ បានចូលរួមក្នុងការតវ៉ាដើម្បីរំលឹកដល់ ជនរងគ្រោះនគរបាលវ័យក្មេង ឧក្រិដ្ឋកម្មនៅតុលាការ និងក្នុងពន្ធនាគារ ខណៈបានបញ្ជាក់ផងដែរអំពីស្ថានភាពរបស់កុមារនៅក្នុងតំបន់ហ្កាហ្សា។ អាជ្ញាធរសុខាភិបាលប៉ាឡេស្ទីនបាននិយាយថា មនុស្សជាង ៣៤.០០០នាក់ត្រូវបានសម្លាប់នៅក្នុងការវាយលុករបស់អ៊ីស្រាអែលលើតំបន់ហ្កាហ្សា ដែលប្រហែលពាក់កណ្តាលជាកុមារ នេះបើយោងតាមអង្គការយូនីសេហ្វ។កាលបរិច្ឆេទនៃបាតុកម្មនេះ ត្រូវបានជ្រើសរើសដើម្បីរំលឹកដល់លោក Amine Bentounsi ជាយុវជនម្នាក់ ដែលត្រូវបានបាញ់ចំខ្នងដោយនគរបាលកាលពីថ្ងៃទី ២២ ខែមេសា ឆ្នាំ ២០១២ នៅជាយក្រុងក្រុង Noisy-le-Sec ក្បែរទីក្រុងប៉ារីស។

អង្គការស្ត្រី បង្កើនការព្រួយបារម្ភពីវត្តមានទាហានអាមេរិក ជាង ១១.០០០ នាក់នៅហ្វីលីពីន

សម្ព័ន្ធជាតិនៃអង្គការស្ត្រី ឬហៅថាសម្ព័ន្ធ ហ្កាប្រ៊ីអ៊ែលឡា (GABRIELA) នៅក្នុងប្រទេសហ្វីលីពីន កាលពីថ្ងៃអាទិត្យ (២១ មេសា) បានបង្កើនការព្រួយបារម្ភអំពីវត្តមានរបស់ទាហានសហរដ្ឋអាមេរិក ជាង ១១.០០០ នាក់នៅក្នុងប្រទេសដើម្បីចូលរួមក្នុងសមយុទ្ធយោធាប្រចាំឆ្នាំរួមគ្នា។ទាហានអាមេរិកជាង ១១.០០០ នាក់ និងទាហានហ្វីលីពីន ៥.០០០ នាក់ នឹងចូលរួមក្នុងសមយុទ្ធរួមគ្នាដែលប្រព្រឹត្តទៅចាប់ពីថ្ងៃទី២២ ខែមេសា នេះដល់ថ្ងៃទី១០ ខែឧសភា។ ទាហានអាមេរិក ជាច្រើនបានមកដល់ហ្វីលីពីន ក្នុងខែមីនា សម្រាប់សកម្មភាពប្រយុទ្ធរួមគ្នាដែលនាំទៅដល់សមយុទ្ធ បាលីកាតាន់ (Balikatan) ឬហៅថា «ប្រកៀកស្មាប្រយុទ្ធ»។លោកស្រី ឃ្លែរីស ផាល់ស៍ (Clarice Palce) អគ្គលេខាធិការសម្ព័ន្ធ GABRIELA បាននិយាយថា ក្រុមស្ត្រី «បង្កើនការជូនដំណឹងអំពីការកើនឡើងនៃអំពើហិង្សាលើស្ត្រី ជាពិសេសពេស្យាកម្ម និងការរំលោភបំពានផ្លូវភេទ នៅក្នុងតំបន់ដែលត្រូវបានកំណត់សម្រាប់មូលដ្ឋានយោធាសហរដ្ឋអាមេរិក ក្នុងអំឡុងពេលសមយុទ្ធនេះ»។លោកស្រីបានរិះគន់កិច្ចព្រមព្រៀងយោធាមិនស្មើភាព ដូចជាកិច្ចព្រមព្រៀងកងកម្លាំងបំពេញទស្សនកិច្ច (VFA) និងកិច្ចព្រមព្រៀងកិច្ចសហប្រតិបត្តិការការពារជាតិ (EDCA) ថាបានផ្តល់ឱ្យទាហានអាមេរិកប្រកបដោយប្រសិទ្ធភាពនូវអាជ្ញាប័ណ្ណដើម្បីប្រព្រឹត្តឧក្រិដ្ឋកម្ម និងបំពានលើប្រជាជនហ្វីលីពីន ដោយមិនប្រឈមមុខនឹងការទទួលខុសត្រូវក្រោមច្បាប់ប្រទេស៕

ក្រុមហេសបូឡាដែលគាំទ្រដោយអ៊ីរ៉ង់ បានបាញ់ទម្លាក់យានដ្រូនរបស់អ៊ីស្រាអែល នៅលីបង់ភាគ ខាងត្បូង

ក្រុមហេសបូឡាលីបង់ដែលគាំទ្រដោយអ៊ីរ៉ង់ បាននិយាយកាលពីថ្ងៃអាទិត្យថា ខ្លួនបានបាញ់ទម្លាក់យានដ្រូនរបស់អ៊ីស្រាអែល ដែលកំពុងបំពេញបេសកកម្មប្រយុទ្ធ នៅប្រទេសលីបង់ភាគខាងត្បូង។សេចក្តីថ្លែងការណ៍មួយរបស់ក្រុមនេះ បានឲ្យដឹងថា យានដ្រូនដែលត្រូវបានទម្លាក់ពីលើតំបន់ Al Aishiyeh នៅប្រទេសលីបង់ ភាគខាងត្បូង «កំពុងធ្វើការវាយប្រហាររបស់ខ្លួនលើប្រជាជនស្មោះត្រង់ របស់យើង»។កងកម្លាំងអ៊ីស្រាអែល និងក្រុមប្រដាប់អាវុធហេសបូឡានៅប្រទេសលីបង់ បានធ្វើការបាញ់ប្រហារគ្នាអស់ រយៈពេលជាង ៦ខែហើយ ស្របទៅនឹងសង្រ្គាមនៅតំបន់ហ្កាហ្សា នៅក្នុងអរិភាពដ៏ធ្ងន់ធ្ងរបំផុត ចាប់តាំងពីពួកគេ បានប្រយុទ្ធគ្នាក្នុងសង្គ្រាមដ៏ធំមួយ ក្នុងឆ្នាំ ២០០៦។ក្រុមហេសបូឡា បានអះអាងថា យានដ្រូន គឺជាប្រភេទ Hermes 450 របស់អ៊ីស្រាអែល ដែលជាយាន ដ្រូនផលិតដោយក្រុមហ៊ុន Elbit Systems ជាក្រុមហ៊ុនផលិតអាវុធដែលមានមូលដ្ឋាន នៅអ៊ីស្រាអែល។ការប្រយុទ្ធគ្នា បានជំរុញឲ្យមានការព្រួយបារម្ភអំពីហានិភ័យនៃការកើនឡើងភាពតានតឹងបន្ថែមទៀត។តួលេខរបស់សារព័ត៌មានរ៉យទ័រ បានឲ្យដឹងថា យ៉ាងហោចណាស់មានជនជាតិលីបង់ ៣៧០នាក់ រួមទាំងអ្នកប្រយុទ្ធហេសបូឡាជាង ២៤០នាក់ និងជនស៊ីវិល ៦៨នាក់ ត្រូវបានសម្លាប់នៅក្នុងការប្រយុទ្ធគ្នា។ ជនជាតិអ៊ីស្រាអែល ១៨នាក់ រួមទាំងទាហាន និងជនស៊ីវិល ត្រូវបានសម្លាប់ នៅខាងព្រំដែនអ៊ីស្រាអែល នេះបើយោងតាមតួលេខរបស់អ៊ីស្រាអែល។

សាកសពជាច្រើនត្រូវបានកាយចេញពីក្រោមដីមន្ទីរពេទ្យ Khan Younis បន្ទាប់ពីអ៊ីស្រាអែលដកទ័ព

ប្រជាជនប៉ាឡេស្ទីន កាលពីថ្ងៃអាទិត្យ (២១ មេសា) បានកាយយកសាកសពដែលកប់នៅក្រោមគំនរបាក់បែក និងក្រោមដីនៅឯមន្ទីរពេទ្យ ណាសសើ (Nasser) ក្នុងទីក្រុង ខាន់យូនីស (Khan Younis) នៅភាគខាងត្បូងតំបន់ហ្កាហ្សាស្រ្ទីប ប៉ុន្មានសប្តាហ៍បន្ទាប់ពីកងកម្លាំងទាហានអ៊ីស្រាអែល បានដកទ័ពពីមន្ទីរព្យាបាលមួយនោះ។សេវាសង្គ្រោះបន្ទាន់ស៊ីវិលប៉ាឡេស្ទីនបាននិយាយថា ពួកគេបានរកឃើញសាកសពចំនួន ៦០ នាក់ពីទីធ្លាមន្ទីរពេទ្យ ដោយបង្កើនចំនួនសាកសពដែលរកឃើញទាំងអស់ដល់ទៅ ២១០ នាក់ ដែលខ្លួនបានជីកចេញពីទីនោះចាប់តាំងពីថ្ងៃសុក្រសប្ដាហ៍មុន។ យោងតាមក្រុមមន្ត្រីក្នុងតំបន់បានឱ្យដឹងថា សាកសពភាគច្រើនត្រូវបានកប់នៅក្រោមដីរបស់មន្ទីរពេទ្យដោយសាច់ញាតិអ្នកស្លាប់ និងបុគ្គលិកមន្ទីរពេទ្យ អំឡុងពេលការវាយប្រហារ។ទីភ្នាក់ងារសង្គ្រោះប៉ាឡេស្ទីននោះបាននិយាយនៅក្នុងសេចក្តីថ្លែងការណ៍មួយថា នៅតែមានអ្នកបាត់ខ្លួនប្រហែល ២.០០០ នាក់ស្ថិតក្រោមគំនរបាក់បែកក្នុងទីក្រុង ខាន់យូនីស និងមានអ្នកស្លាប់ ១.០០០ នាក់ទៀតនៅភាគកណ្តាលនៃតំបន់ ហ្កាហ្សាស្រ្ទីប ដែលសាកសពរបស់ពួកគេមិនអាចយកចេញបានដោយសារតែខ្វះឧបករណ៍ធុនធ្ងន់ និងគ្រឿងចក្រសម្រាប់កាយកម្ទេចថ្ម។ក្រុង ខាន់យូនីស បានស្ថិតនៅក្រោមការទម្លាក់គ្រាប់បែករបស់អ៊ីស្រាអែល ក្នុងរយៈពេលប៉ុន្មានខែថ្មីៗនេះ។ អាជ្ញាធរសុខាភិបាលប៉ាឡេស្ទីនបាននិយាយថា មនុស្សជាង ៣៤.០០០ នាក់ត្រូវបានសម្លាប់នៅក្នុងការវាយលុករបស់អ៊ីស្រាអែល ដែលបានចាប់ផ្តើមបន្ទាប់ពីក្រុមហាម៉ាស បានវាយប្រហារអ៊ីស្រាអែល កាលពីថ្ងៃទី០៧ ខែតុលា ដោយបានសម្លាប់មនុស្សប្រហែល ១.២០០ នាក់ និងចាប់ខ្លួន ២៥៣ នាក់ទៀត នេះបើយោងតាមតួលេខសរុបរបស់អ៊ីស្រាអែល៕

អ្នកវិទ្យាសាស្ត្រ៖ ភាពតានតឹងពីកម្ដៅដែលបង្កគ្រោះថ្នាក់ដល់សុខភាព កំពុងកើនឡើងនៅអឺរ៉ុប

អឺរ៉ុប កំពុងប្រឈមមុខនឹងបញ្ហាកម្ដៅកាន់តែខ្លាំង ដែលរាងកាយមនុស្សមិនអាចទប់ទល់បាន ដោយសារបម្រែបម្រួលអាកាសធាតុនៅតែបន្តកើនឡើង នេះបើយោងតាមសេវាត្រួតពិនិត្យអាកាសធាតុ គូពែរនិច (Copernicus) របស់សហភាពអឺរ៉ុប និងអង្គការឧតុនិយមពិភពលោកបាននិយាយនៅថ្ងៃចន្ទ (២២ មេសា) នេះ។នៅក្នុងរបាយការណ៍ស្តីពីអាកាសធាតុរបស់អឺរ៉ុប ទីភ្នាក់ងារ គូពែរនិច និងអង្គការ WMO បានលើកឡើងពីស្ថានភាពធ្ងន់ធ្ងរកាលពីឆ្នាំមុន រួមទាំងរលកកម្ដៅខែកក្កដា ដែលបានរុញតួលេខ ៤១ ភាគរយនៃអឺរ៉ុបខាងត្បូង ឱ្យស្ថិតក្រោមភាពតានតឹងផ្លូវចិត្ត (ស្រ្តេស) ពីកម្ដៅខ្លាំង ឬលើសកម្រិត ដោយនេះជាតំបន់ធំបំផុតមិនធ្លាប់មានរបស់ទ្វីបអឺរ៉ុប ដែលស្ថិតក្រោមលក្ខខណ្ឌបែបនេះក្នុងកំណត់ត្រា។កម្ដៅខ្លាំង បង្កហានិភ័យសុខភាព ជាពិសេសចំពោះអ្នកធ្វើការនៅទីវាល មនុស្សវ័យចំណាស់ និងអ្នកដែលមានបញ្ហាសុខភាពស្រាប់ ដូចជាជំងឺសរសៃឈាមបេះដូង និងជំងឺទឹកនោមផ្អែម។ បញ្ហាស្ត្រេសដោយសារកម្ដៅ វាស់ស្ទង់ឥទ្ធិពលដែលបរិស្ថានមានលើរាងកាយមនុស្ស ដោយរួមបញ្ចូលកត្តាដូចជាសីតុណ្ហភាព សំណើម និងការឆ្លើយតបរបស់រាងកាយដើម្បីបង្កើតឱ្យមានសីតុណ្ហភាព «សមស្រប»។ផ្នែកខ្លះនៃប្រទេសអេស្ប៉ាញ បារាំង អ៊ីតាលី និងក្រិក បានជួបប្រទះភាពតានតឹងពីកម្ដៅខ្លាំងរហូតដល់ដប់ថ្ងៃក្នុងឆ្នាំ២០២៣ ដែលត្រូវបានកំណត់ថាប្រជាជន «មានអារម្មណ៍ក្ដៅពីសីតុណ្ហភាពលើសពី ៤៦ អង្សារសេ» ដែលនៅចំណុចនោះត្រូវតែចាត់វិធានការជាបន្ទាន់ ដើម្បីជៀសវាងការសន្លប់ដោយសារកម្ដៅខ្លាំង និងបញ្ហាសុខភាពផ្សេងៗទៀត៕

អាវុធហត្ថខេត្តបន្ទាយមានជ័យ បញ្ជូនជនសង្ស័យ ៥នាក់ ទៅសាលាដំបូងខេត្តពាក់ព័ន្ធករណីគ្រឿងញៀន

បន្ទាយមានជ័យ៖ កងរាជអាវុធហត្ថខេត្តបន្ទាយមានជ័យ នារសៀលថ្ងៃទី២១ ខែមេសានេះ បានបញ្ជូន ជនសង្ស័យចំនួន ៥នាក់ ទៅសាលាដំបូងខេត្ត ក្រោយការឃាត់ខ្លួនពាក់ព័ន្ធករណីរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន។ ការឃាត់ខ្លួនជនសង្ស័យទាំងនេះ បានធ្វើឡើងនៅចំណុចមុខក្លឹប Max Club ក្នុងភូមិក្បាលស្ពាន១ សង្កាត់ អូរជ្រៅ ក្រុងប៉ោយប៉ែត កាលពីថ្ងៃទី១៩ ខែមេសា នេះ ។ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានឱ្យដឹងថា កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការ មូលដ្ឋានកងរាជអាវុធហត្ថក្រុង បានធ្វើប្រតិបត្តិការបង្រ្កាបករណីរក្សាទុក ជួញដូរ និងប្រើប្រាស់ដោយខុស ច្បាប់នូវសារធាតុញៀន នៅចំណុចលើផ្លូវមុខក្លឹប Max Club ឃាត់ខ្លួនជនសង្ស័យចំនួន០៥នាក់ ៖ ១-ឈ្មោះ ខិញ សុភា ហៅ គោ ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករ ទីលំនៅបច្ចុប្បន្នភូមិព្រៃ ព្រិច សង្កាត់អូរជ្រៅ ក្រុងប៉ោយប៉ែត (រក្សាទុក និងប្រើប្រាស់), ២-ឈ្មោះ អៀង ចាន់ដារ៉ា ហៅ រ៉ា ភេទ ប្រុស អាយុ៣៤ឆ្នាំ ជនជាតិខ្មែរ មុខរបរកម្មករ ទីលំនៅបច្ចុប្បន្នភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត (ជួញដូរ និងប្រើប្រាស់), ៣-ឈ្មោះ សំ សុធា ភេទប្រុស អាយុ៣៩ឆ្នាំ ជនជាតិខ្មែរ ទីលំ នៅបច្ចុប្បន្ន ភូមិមិត្តភាព សង្កាត់អូរជ្រៅ ក្រុងប៉ោយប៉ែត (រក្សាទុក និងប្រើប្រាស់), ៤-ឈ្មោះ សែម សុខ ភេទប្រុស អាយុ៥១ឆ្នាំ ជនជាតិខ្មែរ មុខរបររត់ម៉ូតូឌុប ទីលំនៅបច្ចុប្បន្នភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត (ជួញដូរ), ៥-ឈ្មោះ ហង្ស សំណាង ហៅ ឆាយ ភេទប្រុស អាយុ៤៤ឆ្នាំ ជនជាតិខ្មែរ មុខរបរកម្មករអូសរទេះ ទីលំនៅបច្ចុប្បន្ន ភូមិមិត្តភាព សង្កាត់អូរជ្រៅ ក្រុងប៉ោយប៉ែត (ជួញដូរ និងប្រើ ប្រាស់)។ឧត្តមសេនីយ៍ត្រី បានបញ្ជាក់ថា ក្នុងប្រតិបត្តិការនោះកម្លាំងអាវុធហត្ថ ចាប់យកសម្ភារវត្ថុតាងរួម មាន៖ គ្រឿងញៀន ប្រភេទ (កេតាមីន) ចំនួន ០២ថង់ធំ និង១៣៣កូនថង់ ទម្ងន់ ៤២៣,៩៦ក្រាម, គ្រឿងញៀន ប្រភេទ (អ៊ិចស្តាស៊ី) ចំនួន៤២ថង់ ស្មើនឹង៧០១គ្រាប់ ទម្ងន់៣២៨,៩ក្រាម, កញ្ចប់ម្សៅរូប សេះពណ៌ក្រហម, កញ្ចប់ម្សៅរូបផ្លែទំពាំងបាយជូរ ពណ៌ក្រហម និងពណ៌ស្វាយ (អ៊ិចស្តាស៊ី) ចំនួន៣០ កញ្ចប់ ទម្ងន់៣៣២,៣៥ក្រាម ម្សៅម៉ត់ពណ៌ទឹកដោះគោ ចំនួន០៦កូនថង់ ទម្ងន់៤៨,៣ក្រាម,ជញ្ជីង សម្រាប់ថ្លឹង ចំនួន០១គ្រឿង ម៉ូតូ ០៣គ្រឿង ទូរស័ព្ទ ចំនួន០៧គ្រឿង និងវត្ថុតាងមួយចំនួនទៀត៕ អត្ថបទ៖ រឿង ចន្ទ្រា

រ៉ូកែត ៥ គ្រាប់ត្រូវបានបាញ់ចេញពីអ៊ីរ៉ាក់ ឆ្ពោះទៅមូលដ្ឋានយោធាអាមេរិក ក្នុងប្រទេសស៊ីរី

ប្រភពសន្តិសុខអ៊ីរ៉ាក់ចំនួនពីរបានប្រាប់សារព័ត៌មាន រ៉យទ័រ ថា យ៉ាងហោចណាស់គ្រាប់រ៉ូកែតចំនួន ៥ គ្រាប់ត្រូវបានបាញ់ចេញពីភូមិ ហ៊្សូមម៉ា (Zummar) របស់អ៊ីរ៉ាក់ ឆ្ពោះទៅកាន់មូលដ្ឋានយោធាសហរដ្ឋអាមេរិក មួយនៅភាគឦសានប្រទេសស៊ីរី កាលពីថ្ងៃអាទិត្យ (២១ មេសា)។ ការវាយប្រហារប្រឆាំងនឹងកងកម្លាំងអាមេរិកនេះ គឺជាលើកទីមួយចាប់តាំងពីដើមខែកុម្ភៈ នៅពេលដែលក្រុមដែលគាំទ្រដោយអ៊ីរ៉ង់ នៅក្នុងប្រទេសអ៊ីរ៉ាក់ បានបញ្ឈប់ការវាយប្រហាររបស់ពួកគេប្រឆាំងនឹងកងទ័ពសហរដ្ឋអាមេរិក។ការវាយប្រហារនេះកើតឡើងមួយថ្ងៃបន្ទាប់ពីនាយករដ្ឋមន្ត្រីអ៊ីរ៉ាក់ លោក ម៉ូហាម៉េដ សៀ អាល់ស៊ូដានី (Mohammed Shia al-Sudani) ត្រឡប់មកពីទស្សនកិច្ចនៅសហរដ្ឋអាមេរិក ហើយបានជួបជាមួយលោកប្រធានាធិបតី ចូ បៃដិន (Joe Biden) នៅសេតវិមាន។ការបង្ហោះនៅលើបណ្ដាញតេលេក្រាម ដែលមានទំនាក់ទំនងជាមួយក្រុម កាតាអ៊ីប ហេសបូឡា (Kataib Hezbollah) បាននិយាយថា ក្រុមប្រដាប់អាវុធនៅអ៊ីរ៉ាក់ បានសម្រេចចិត្តបន្តការវាយប្រហារឡើងវិញក្រោយការផ្អាកជិតបីខែ បន្ទាប់ពីឃើញមានការរីកចម្រើនតិចតួចលើកិច្ចពិភាក្សាដើម្បីបញ្ចប់សម្ព័ន្ធយោធាដឹកនាំដោយសហរដ្ឋអាមេរិក នៅក្នុងប្រទេស។មន្ត្រីអាមេរិកម្នាក់បានហៅការហេតុការណ៍នោះថាជា «ការវាយប្រហារដោយគ្រាប់រ៉ូកែតបរាជ័យ» ប៉ុន្តែគេមិនច្បាស់ភ្លាមៗទេថា តើគ្រាប់រ៉ូកែតនោះបានបរាជ័យក្នុងការវាយលុកមូលដ្ឋាន ឬត្រូវបានបំផ្លាញមុនពេលទៅដល់ ហើយក៏មិនច្បាស់ដែរថាតើមូលដ្ឋានអាមេរិកនោះ គឺជាគោលដៅពិតប្រាកដសម្រាប់ការវាយប្រហារ ឬយ៉ាងណា៕

ប្រទេសហៃទី បន្តស្ថិតក្រោមការវាយប្រហាររបស់ក្រុមជនអន្ធពាល មុនពេលការផ្លាស់ប្តូររដ្ឋាភិបាល

ប្រព័ន្ធផ្សព្វផ្សាយក្នុងស្រុកបាននិយាយកាលពីថ្ងៃអាទិត្យ (២១ មេសា) ថា ក្រុមជនអន្ធពាលប្រដាប់អាវុធបានបើកការវាយប្រហារថ្មីៗទៅលើផ្នែកខ្លះនៃរដ្ឋធានី ព័រអូប្រាំង របស់ប្រទេសហៃទី មុនពេលការដំឡើងក្រុមប្រឹក្សាអន្តរកាលដែលកំណត់ដើម្បីដឹកនាំរដ្ឋាភិបាលថ្មី ខណៈអ្នកស្រុកដោយរាយការណ៍ថាមានការដុតភ្លើង និងការបាញ់កាំភ្លើងយ៉ាងខ្លាំងក្លានៅកណ្តាលទីក្រុង។វិទ្យុ តេលេ ហ្កាឡាក់ស៊ី (Tele Galaxie) បាននិយាយនៅលើបណ្ដាញសង្គម X ដោយនិយាយថា តំបន់ជាយក្រុង ឡូវើ ឌែលម៉ាស (Lower Delmas) កំពុងប្រែទៅជា «សមរភូមិប្រយុទ្ធរវាងនគរបាល និងក្រុមប្រដាប់អាវុធ» ដោយនិយាយថា ការផ្ទុះយ៉ាងខ្លាំងត្រូវបានគេឮរហូតដល់សាលាក្រុងនៃតំបន់លំនៅឋាននេះ និងការបាញ់កាំភ្លើងនៅជិតវិមានជាតិ។ចលាចលនេះកើតឡើងនៅពេលដែលប្រទេសនេះរៀបចំសម្រាប់ការដំឡើងក្រុមប្រឹក្សាដែលមានសមាជិកប្រាំបួនរូបដើម្បីចូលកាន់តំណែងបន្តពីនាយករដ្ឋមន្ត្រី អារីយ៉ែល ហុងរី (Ariel Henry) ដែលបានសន្យាថានឹងចុះចេញពីតំណែងនៅថ្ងៃទី១១ ខែមីនា ខណៈពេលដែលខ្លួនកំពុងជាប់គាំងនៅខាងក្រៅប្រទេស និងស្ថិតនៅក្រោមសម្ពាធពីសហរដ្ឋអាមេរិក។ក្រុមជនអន្ធពាលហៃទី ដែលភាគច្រើនបានប្រមូលផ្តុំគ្នាជាក្រុមក្រោមសម្ព័ន្ធភាពដែលគេស្គាល់ថាឈ្មោះ «វីវ អុងសុន» (Viv Ansanm) ឬហៅថា «រស់នៅជាមួយគ្នា» បាននិយាយថា ការឡោមព័ទ្ធរបស់ពួកគេលើរដ្ឋធានីគឺជាការប្រយុទ្ធដើម្បីបណ្តេញលោក ហុងរី ពីតំណែង ប៉ុន្តែចាប់តាំងពីការប្រកាសចេញពីតំណែងរបស់លោក ការវាយប្រហារលើរដ្ឋធានីបានកើនឡើងកាន់តែខ្លាំងជាងមុន។ ក្រុមសិទ្ធិមនុស្សប៉ាន់ប្រមាណថាប្រហែល ៩០ ភាគរយនៃរដ្ឋធានីឥឡូវនេះស្ថិតនៅក្រោមការគ្រប់គ្រងរបស់ក្រុមប្រដាប់អាវុធទាំងនោះ៕

មនុស្សរាប់រយនាក់ នៅនីហ្សេ ចេញធ្វើបាតុកម្មឲ្យដកកងទ័ពអាមេរិកចេញ

មនុស្សរាប់រយនាក់ បានចេញធ្វើបាតុកម្មឆ្លងកាត់ទីក្រុង Agadez ភាគខាងជើងប្រទេសនីហ្សេ កាលពីថ្ងៃអាទិត្យ ដើម្បីទាមទារឱ្យដកកងទ័ពសហរដ្ឋអាមេរិកចេញពីមូលដ្ឋានយោធានៅទីនោះ មួយថ្ងៃបន្ទាប់ពីប្រភពព័ត៌មាននានាបាននិយាយថា កិច្ចព្រមព្រៀងមួយត្រូវបានឈានដល់រវាងទីក្រុង នីអាម៉ាយ(Niamey) និងទីក្រុង Washington ដើម្បីចាប់ផ្តើមការដកទ័ព។មានកងទ័ពសហរដ្ឋអាមេរិកជាង ១.០០០នាក់នៅក្នុងប្រទេសនីហ្សេ គិតត្រឹមឆ្នាំមុន ជាកន្លែងដែលយោធាអាមេរិកបានធ្វើប្រតិបត្តិការក្នុងចំណោមមូលដ្ឋានចំនួនពីរ រួមមានមូលដ្ឋានយានដ្រូនដែលគេស្គាល់ថាជាមូលដ្ឋានទ័ពអាកាស ២០១ ដែលសាងសង់នៅជិតទីក្រុង Agadez ភាគកណ្តាលប្រទេសនីហ្សេ ដោយចំណាយអស់ជាង១០០លានដុល្លារ។ ចាប់តាំងពីឆ្នាំ ១០១៨ មក មូលដ្ឋាននេះ ត្រូវបានប្រើប្រាស់ដើម្បីកំណត់គោលដៅលើក្រុមសកម្មប្រយុទ្ធរដ្ឋអ៊ីស្លាម និង ក្រុមដែលជាសាខារបស់ក្រុមអាល់កៃដា នៅក្នុងតំបន់ Sahel ។កាលពីឆ្នាំមុន កងទ័ពប្រទេសនីហ្សេ បានដណ្តើមអំណាចក្នុងរដ្ឋប្រហារមួយ រហូតដល់ប្រទេសនីហ្សេ ក្លាយជាដៃគូសន្តិសុខសំខាន់របស់សហរដ្ឋអាមេរិក និងប្រទេសបារាំង។ ប៉ុន្តែអាជ្ញាធរថ្មី បានចូលរួមជាមួយរដ្ឋាភិបាលយោធានៅក្នុងប្រទេសជិតខាងម៉ាលី និងបួគីណាហ្វាសូ ក្នុងការបញ្ចប់កិច្ចព្រមព្រៀងយោធាជាមួយសម្ព័ន្ធមិត្តប្រទេសលោកខាងលិច ដូចជាទីក្រុងវ៉ាស៊ីនតោន និងទីក្រុងប៉ារីស ដោយបានចាកចេញពីប្លុកនយោបាយ និងសេដ្ឋកិច្ចប្រចាំតំបន់ ECOWAS និងជំរុញទំនាក់ទំនងកាន់តែជិតស្និទ្ធជាមួយប្រទេសរុស្ស៊ី។ប្រភពព័ត៌មានបានប្រាប់សារព័ត៌មានរ៉យទ័រ ថានៅក្នុងប៉ុន្មានថ្ងៃខាងមុខនេះ នឹងមានការសន្ទនាអំពីរបៀបនៃការដកទ័ព ប៉ុន្តែទំនាក់ទំនងការទូត និងសេដ្ឋកិច្ចរវាងសហរដ្ឋអាមេរិក និងប្រទេសនីហ្សេ នឹងបន្ត។

បណ្ដាញសង្គម

ព័ត៌មានថ្មីៗ

ព្រឹទ្ធសភាបានវិលត្រឡប់មកទីក្រុងវ៉ាស៊ីនតោនវិញក្រោយការស្លាប់លោក Lindsey Graham ជាមួយរបៀបវារៈមិនច្បាស់លាស់

វិទ្យាស្ថានពហុបច្ចេកទេសព្រះកុសុមៈ ប្រកាសផ្ដល់អាហារូបករណ៍ជាង ១ពាន់កន្លែង លើជំនាញ១៤មុខវិជ្ជា ព្រមទាំងផ្តល់ប្រាក់ឧបត្ថម្ភប្រចាំខែ

មន្ទីរសុខាភិបាលរាជធានីភ្នំពេញ ចុះអប់រំសុខភាពបង្ការជំងឺគ្រុនឈាម និងដាក់អាល់ប៊ែត បាញ់ថ្នាំសម្លាប់មូស

លោក Trump ជូនដំណឹងជាផ្លូវការទៅកាន់សភាអាមេរិកថា ជម្លោះអ៊ីរ៉ង់ បានបន្តឡើងវិញហើយ

រដ្ឋបាលរាជធានីភ្នំពេញ នឹងកែលម្អសួនដើមឈើមួយកន្លែងស្ថិតនៅភូមិព្រៃល្វា ទំហំជាង៣ហិកតា ដើម្បីប្រែក្លាយជាសួនធម្មជាតិមួយ ក្រោយទទួលបានពីជនជប៉ុនផ្ដល់ឱ្យ

សហភាពអឺរ៉ុបបរាជ័យក្នុងការយល់ព្រមលើកញ្ចប់ទណ្ឌកម្មទី ២១ ដែលធ្វើឱ្យប្រាក់ចំណេញប្រេងរបស់រុស្ស៊ីទំនងជាកើនឡើង

ឯកឧត្តមឧបនាយករដ្ឋមន្ត្រី ហ៊ុន ម៉ានី តំណាងដ៏ខ្ពង់ខ្ពស់ សម្តេចធិបតី ក្នុងពិធី «ប្រកាសជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំនិងវិស័យសុខាភិបាលឆ្នាំ២០២៥»

លោក Trump៖ ការបិទផ្លូវអ៊ីរ៉ង់ត្រូវបានដាក់ឡើងវិញ ហើយអាមេរិកនឹងយកថ្លៃ២០% លើទំនិញនៅច្រកសមុទ្រ Hormuz

អ៊ីរ៉ង់ព្រមានអាមេរិកកុំឱ្យ«ជ្រៀតជ្រែក»ក្នុងច្រកសមុទ្រហ័រមូស ខណៈព្រមានមេដឹកនាំក្នុងតំបន់កុំសហការជាមួយសត្រូវ

ប្រេងឡើងខ្ពស់បំផុតក្នុងរយៈពេលមួយខែមកនេះ ខណៈអាមេរិកនិងអ៊ីរ៉ង់បង្កើនការវាយប្រហារនៅច្រកសមុទ្រ Hormuz

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877