នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជន​ជាតិចិន ១៦៥នាក់ ពាក់​ព័ន្ធករណី Online Scams ត្រូវបានបណ្ដេញចេញ​ពី​កម្ពុជា
កម្លាំងសមត្ថកិច្ចបង្ក្រាបករណីសង្ស័យ Online Scams ៣ទីតាំងនៅភូមិសាស្រ្តរាជធានីភ្នំពេញ ឃាត់ខ្លួនជនជាតិចិន ២៦នាក់
ករណីឧបទ្ទវហេតុគ្រោះថ្នាក់ចរាចរណ៍នៅស្រុកកំពង់ត្រឡាច និងក្រុងស្វាយរៀង ៖ស្លាប់ចំនួន ១៤នាក់ របួសធ្ងន់ស្រាល ៧៩នាក់
​អគ្គនាយកដ្ឋានពន្ធនាគារផ្ទេរទណ្ឌិតជាក្មេងទំនើងចំនួន ៧៩០នាក់ទៅកាន់ពន្ធនាគារខេត្តជាប់ព្រំដែន ដើម្បីធ្វើការងារ​​ក្នុងបុព្វហេតុបម្រើជាតិ

សន្តិសុខ និង សង្គម

នគរបាលរាជធានី បង្ក្រាបជនជាតិវៀតណាម២នាក់ ដកហូតថ្នាំញៀន៧គីឡូក្រាម និងសារធាតុផ្សំ៥០គីឡូក្រាម នៅខណ្ឌសែនសុខ

2025/09/18 05:02:37 pm        396
Facebook Telegram Linkin
ភ្នំពេញ ៖ កម្លាំងនគរបាលការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខណ្ឌសែនសុខ បានបើកប្រតិបត្តិការបង្ក្រាបបទល្មើសកៃច្នៃដឹកជញ្ចូន និងរក្សាទុកគ្រឿងញៀនដោយខុសច្បាប់មួយករណី ដកហូតថ្នាំញៀន៧គីឡូក្រាម និងសារធាតុផ្សំ៥០គីឡូក្រាម ។ ប្រតិបត្តិការនេះធ្វើឡើង ក្រោមការអនុវត្តបទបញ្ជាផ្ទាល់របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ដោយកម្លាំងនគរបាលជំនាញ បានបើកការស្រាវជ្រាវបង្ក្រាបក្រុមជនល្មើសបាន កាលពីថ្ងៃទី១៦ ខែកញ្ញា ឆ្នាំ២០២៥ នៅក្នុងភូមិសាស្ត្រខណ្ឌសែនសុខ ដោយធ្វើឡើងក្នុង០៧គោលដៅធំៗ ។ ក្នុងការបង្ក្រាប សមត្ថកិច្ចឃាត់ខ្លួនជនសង្ស័យ០២នាក់ ជាជនជាតិវៀតណាម ដោយទី១ឈ្មោះNGUYEN CAO PHUC ភេទប្រុស អាយុ២២ឆ្នាំ និងម្នាក់ទៀតឈ្មោះNGUYEN VAN CANH ភេទប្រុស អាយុ២៨ឆ្នាំ ។ ក្នុងនោះ សមត្ថកិច្ចដកហូតបាន គ្រឿងញៀនចាប់យកទម្ងន់០៧គីឡូក្រាម , សារធាតុផ្សំ(មិនច្បាស់) ទម្ងន់៥០គីឡូក្រាម , ឧបករណ៍សម្រាប់កៀបមាត់ថង់ ចំនួន០៣ , ឧបករណ៍សម្រាប់ក្រឡុកថ្នាំញៀន ចំនួន០១និងលិខិតឆ្លងដែន ជនជាតិវៀតណាម ចំនួន០២ទៀតផងដែរ ។ បច្ចុប្បន្នជនសង្ស័យ ត្រូវបានឃុំខ្លួនបណ្តោះអាសន្ន នៅស្នងការដ្ឋាននគរបាលរាជធានីភ្នំពេញ រងចាំកសាងសំណុំរឿងបញ្ចូនទៅតុលាការ ចាត់ការទៅតាមនីតិវិធីច្បាប់នៅពេលខាងមុខ ៕ លីហេង

សមត្ថកិច្ចឃាត់ខ្លួនជនបរទេសចំនួន១៤នាក់ ពេលចុះត្រួតពិនិត្យទីតាំងផ្ទះពីរកន្លែងផ្សេងគ្នានៅខណ្ឌចំការមន និងខណ្ឌច្បារអំពៅ រាជធានីភ្នំពេញ

2025/09/18 09:19:02 am        177
Facebook Telegram Linkin
 ភ្នំពេញ៖ កម្លាំងសម្ថកិច្ចចម្រុះគណៈបញ្ជាការឯកភាពរដ្ឋបាលខណ្ឌចំការមន និង ខណ្ឌច្បារអំពៅ និងសមត្ថកិច្ចជំនាញ នៃស្នងការដ្ឋាននគរបាលរាជធានីភ្នំពេញ ដោយមានការសម្របសម្រួលផ្លូវច្បាប់ពី ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ នៅថ្ងៃទី១៧ ខែកញ្ញា ឆ្នាំ២០២៥នេះ បានចុះត្រួតពិនិត្យ ទីតាំងចំនួន០២កន្លែង ដែលសង្ស័យ Online Scames។ទីតាំងទី១ស្ថិតនៅ ផ្ទះលេខC12 ផ្លូវស៊ី(បុរីឧទ្យានបាសាក់) ភូមិ១០ សង្កាត់ទន្លេបាសាក់ ខណ្ឌចំការមន និងទីតាំងទី០២ ស្ថិតនៅ ផ្ទះ១១៣ ផ្លូវ P25 ភូមិវាលស្បូវ សង្កាត់វាលស្បូវ ខណ្ឌច្បារអំពៅ (ប៉ូលរ៉ូនីស២ ) រាជធានីភ្នំពេញ។នៅក្នុងប្រតិបត្តិការទាំងពីរទីតាំងនោះ សមត្ថកិច្ចបានឃាត់ខ្លួន ជនជាតិចិន ១០នាក់ស្ត្រី០១នាក់ និងជនជាតិវៀតណាមចំនួន៤នាក់ ស្ត្រី៣នាក់ សរុបទាំងពីរទីតាំងនេះ មានចំនួន១៤នាក់។ វត្ថុតាងដែលរឹបអូសនៅពេលនោះ រួមមាន ម៉ូនីទ័រ ១៣ គ្រឿង ស៊ីភីយូ ១៧ គ្រឿង ទូរសព្ទចំនួន៤៦ គ្រឿង Passport ចំនួន១៣ និងlaptop ៤គ្រឿង។ក្រោយត្រួតពិនិត្យបឋមលើឧបករណ៍អេឡិចត្រូនិច យើងរកឃើញថា បានប្រើប្រាស់ប្រទេសកម្ពុជាធ្វើជាទីតាំងប្រព្រឹត្តបទល្មើស game online ។រាជរដ្ឋាភិបាលកម្ពុជា កាលពីថ្ងៃទី១៤ ខែកក្កដា ឆ្នាំ២០២៥ បានដាក់ចេញ យុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យានៅទូទាំងប្រទេស ដោយមានការចូលរួមអនុវត្តសកម្មភាពពីក្រសួង ស្ថាប័ន អាជ្ញាធរថ្នាក់ក្រោមជាតិ និងសមត្ថកិច្ចពាក់ព័ន្ធ ដើម្បីបង្ការ ទប់ស្កាត់ និងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាឱ្យមានប្រសិទ្ធភាពខ្ពស់ សំដៅចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ ក្នុងក្របខណ្ឌយុទ្ធនាការបោសសម្អាតការឆបោក តាមប្រព័ន្ធបច្ចេកវិទ្យានេះ សមត្ថកិច្ចចម្រុះនឹងចាត់វិធានការ តាមផ្លូវច្បាប់យ៉ាងតឹងរឹងបំផុតចំពោះ មេខ្លោងទាំងឡាយដែលជាប់ពាក់ព័ន្ធ នឹងអំពើឆបោកតាមប្រព័ន្ធបច្ចេកវិទ្យានេះ៕

សូមប្រុងប្រយ័ត្ន! ពីថ្ងៃបិណ្ឌ១ដល់បិណ្ឌ៧ ទូទាំងប្រទេស​មានករណី​អគ្គិភ័យ​កើត​ឡើង ១២ករណី

2025/09/17 03:13:33 pm        340
Facebook Telegram Linkin
គិតចាប់ពីថ្ងៃកាន់បិណ្ឌទី១ រហូតដល់កាន់បិណ្ឌ៧ ពោលគឺពីថ្ងៃទី៨ រហូតដល់ថ្ងៃទី១៤ ខែកញ្ញា ឆ្នាំ​២០២៥នេះ នៅកម្ពុជាមានគ្រោះអគ្គិភ័យកើតឡើងចំនួន១២ករណី។ នេះបើតាម​អ្នក​នាំពាក្យ​រង​ក្រសួង​មហាផ្ទៃ លោក ទូច សុឃៈ។ លោក ទូច សុឃៈ បានលម្អិតថាគ្រោះភ័យនេះ បានបណ្ដាលឱ្យឆាបឆេះផ្ទះ៩ខ្នង អគារ​ស្នាក់​នៅ​របស់​កម្មករ​៤ខ្នង តូបលក់កាហ្វេ១ និងក្បាលរថភ្លើង១គ្រឿង ព្រមទាំងសម្ភារ​ប្រើ​ប្រាស់​មួយ​ចំនួន​ទៀត។ បើតាមអ្នកនាំ​ពាក្យ ទីតាំងកើតមានអគ្គិភ័យ រួមមាននៅរាជធានីភ្នំពេញ កំពត កំពង់ចាម កំពង់ធំ ត្បូងឃ្មុំ និងខេត្តប៉ៃលិន។ លោកសម្ដែងការសោកស្ដាយជាមួយពលរដ្ឋរងគ្រោះ និងបាន​លើក​ទឹក​ចិត្ត​ខ្ពស់​ចំពោះការខិតខំអន្តរាគមន៍សង្គ្រោះរបស់សមត្ថកិច្ច។ ទោះបីជា​ស្ថិតក្នុងរដូវវស្សា ករណីគ្រោះអគ្គីភ័យបានបន្តកើតឡើងស្ទើររាល់ថ្ងៃ។ កត្តានេះ ភាគ​ច្រើន​បណ្ដាល​មកពីការធ្វេសប្រហែស ដូចជា ភ្លើងទៀន ធូប និងភ្លើងចង្ក្រាន ខណៈករណីខ្លះ​បណ្ដាល​មក​ពីបញ្ហាបច្ចេកទេស ដូចជាឆ្លងចរន្តអគ្គិសនីជាដើម។ អ្នកនាំពាក្យរង​ក្រសួងមហាផ្ទៃ លោក ទូច សុឃៈ បានអំពាវនាវប្រជាពលរដ្ឋ​បង្កើន​ការ​ប្រុង​ប្រយ័ត្ន​ជា​និច្ច​ ជាពិសេសក្នុងរដូវកាលបុណ្យទានដូចកាន់បិណ្ឌ និងភ្ជុំបិណ្ឌនាពេលនេះ ជាអាទិ៍ភ្លើង​ទៀន​ធូប​ ភ្លើងចង្ក្រាន គឺត្រូវតែពន្លត់ មុនពេលចាកចេញពីផ្ទះសម្បែង។ គួររម្លឹក​ថា រយៈពេល១៥ថ្ងៃ នៃពិធីកាន់បិណ្ឌ និងភ្ជុំបិណ្ឌឆ្នាំ២០២៤ នៅកម្ពុជា​មាន​គ្រោះ​អគ្គិភ័យ​កើត​ឡើង​ចំនួន​១៣លើក បណ្ដាលឱ្យឆេះផ្ទះ៨ខ្នង បន្ទប់១បន្ទប់ កុដិលោក១ខ្នង ឃ្លាំង១ខ្នង រោង​ចក្រ១ខ្នង និងរថយន្ដ១គ្រឿង៕

ពីបិណ្ឌ១ដល់បិណ្ឌ៧ គ្រោះថ្នាក់ចរាចរណ៍ផ្ដាច់ជីវិតមនុស្ស៣៣នាក់ របួសជាង៥០នាក់

2025/09/16 11:49:53 am        302
Facebook Telegram Linkin
ក្នុងរយៈពេល៧ថ្ងៃ គិតចាប់តាំងពីថ្ងៃបុណ្យកាន់បិណ្ឌទី១ ដល់បិណ្ឌទី៧ ពោលគឺចាប់ពីថ្ងៃទី៨ ដល់​ថ្ងៃទី១៤ ខែកញ្ញា ឆ្នាំ២០២៥ នៅទូទាំងប្រទេសកម្ពុជាមានគ្រោះថ្នាក់ចរាចរណ៍ បន្ត​កើត​ឡើង​សរុប​ចំនួន៤៥ករណី បណ្តាលឱ្យមានមនុស្សស្លាប់៣៣នាក់ និងរងរបួសធ្ងន់​ស្រាល​ចំនួន​៥៤​នាក់​។ នេះបើតាមលោក ទូច សុឃៈ អ្នកនាំពាក្យរងក្រសួងមហាផ្ទៃ។ បើតាមអ្នកនាំ​ពាក្យរងក្រសួងមហាផ្ទៃ ករណីគ្រោះថ្នាក់ចរាចរណ៍ដែលបានកើតឡើង រួមមាន នៅថ្ងៃបិណ្ឌ១ មាន៨ករណី ស្លាប់៦នាក់ របួស១១នាក់ ថ្ងៃបិណ្ឌ២ មាន៧ករណី ស្លាប់៨នាក់ របួស៩នាក់ ថ្ងៃបិណ្ឌ៣ មាន៦ករណី ស្លាប់២នាក់ របួស១០នាក់ ថ្ងៃបិណ្ឌ៤ មាន៧ករណី ស្លាប់៦នាក់ របួស៩នាក់ ថ្ងៃបិណ្ឌ៥ មាន៧ករណី ស្លាប់២នាក់ របួស១០នាក់ ថ្ងៃបិណ្ឌ៦ មាន៥ករណី ស្លាប់៥នាក់ របសួស៤នាក់ និងថ្ងៃកាន់បិណ្ឌទី៧ មាន៥ករណី ស្លាប់៤នាក់ និងរបួស១នាក់។ ក្នុងចំណោមករណីគ្រោះថ្នាក់ចរាចរណ៍ទូទាំងប្រទេស នារយៈពេល៧ថ្ងៃនៃពិធីបុណ្យកាន់បិណ្ឌឆ្នាំ២០២៥នោះ លោក ទូច សុឃៈ បានលម្អិតបន្ថែមថា រាជធានីខេត្តដែលមានករណីគ្រោះថ្នាក់ច្រើនរួមមាន រាជធានីភ្នំពេញ ខេត្តកណ្តាល កំពង់ស្ពឺ តាកែវ ព្រះសីហនុ កំពង់ឆ្នាំង បាត់ដំបង ប៉ៃលិន បន្ទាយមានជ័យ ឧត្តរមានជ័យ សៀមរាប ព្រះវិហារ ក្រចេះ ស្ទឹងត្រែង ស្វាយរៀង និងខេត្តព្រៃវែង។ លោកបង្ហាញក្ដីព្រួយបារម្ភថាចំនួនគ្រោះថ្នាក់នឹងបន្តហក់ឡើងទៀត។ គួរកត់សម្គាល់ថា ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានដាក់បទបញ្ជាដល់អគ្គស្នងការដ្ឋាននគរបាលជាតិ ណែនាំមន្ត្រីនគរបាលចរាចរណ៍ផ្អាកអនុវត្តច្បាប់ចាប់តាំងពីអំឡុងពេលនៃការប្រយុទ្ធទប់ទល់អំពើឃ្លានពានពីកងទ័ពថៃមក។ ក្នុងស្ថានភាពនេះ ក្រសួងមហាផ្ទៃបានកត់សម្គាល់ពីកំណើនករណីគ្រោះថ្នាក់ចរាចរណ៍ ករណីស្លាប់ និងរបួស ធៀបនិងអំឡុងពេលអនុវត្តច្បាប់ជាធម្មតា។ ផ្អែកលើស្ថានភាព និងបទពិសោធជាក់ស្ដែងនេះ អ្នកនាំពាក្យរងក្រសួងមហាផ្ទៃ បានបង្ហាញការកត់សម្គាល់ថា ប្រជាពលរដ្ឋធ្វើដំណើរតាមដងផ្លូវ ដែលមួយចំនួនមានទម្លាប់មិនគោរពច្បាប់ស្រាប់មកហើយនោះ កាន់តែបង្ហាញឥរិយាបថនៃការបើកបរមិនគោរពច្បាប់ និងគ្មានរបៀបរៀបរយ ដែលធ្វើឱ្យស្ថានភាពចរាចរណ៍មានភាពស្មុគស្មាញ គ្រោះថ្នាក់កើតឡើងកាន់តែច្រើន ឬនិយាយមួយបែបទៀត គឺពួកគាត់កាន់តែបានដៃ ដោយសារមន្ត្រីនគរបាលចរាចរណ៍មិនអនុវត្តច្បាប់។ លោក ទូច សុឃៈ បានអះអាងថាប្រជាពលរដ្ឋកាន់តែច្រើន បានបញ្ចេញមតិយោបល់ និងទស្សនៈ ទទូចសុំឱ្យសមត្ថកិច្ចរឹតបន្តឹងច្បាប់ចរាចរណ៍ឡើងវិញ ជាពិសេសអនុវត្តឱ្យបានសកម្មនិងប្រកបដោយវិជ្ជាជីវៈ ទាំងយប់ទាំងថ្ងៃ ដើម្បីប្រែក្លាយស្ថានភាពចរាចរណ៍ឱ្យវិលទៅរកភាពធូរស្រាល និងកាន់តែប្រសើរដូចអំឡុងពេលនៃការអនុវត្តច្បាប់កន្លងមក។ ប្រមុខក្រសួងមហាផ្ទៃ បានដាក់ចេញគោលការណ៍ណែនាំមួយចំនួន រួចជាស្រេច។ បើតាមលោក ទូច សុឃៈ ក្នុងអំឡុងពេលនេះ មន្ត្រីនគរបាលចរាចរណ៍ នៅរាជធានីភ្នំពេញ និងតាមបណ្ដាខេត្ត កំពុងយកចិត្តទុកដាក់លើកិច្ចការសំខាន់២ បន្ថែមលើការងារសម្រួលចរាចរណ៍តាមដងផ្លូវ។ ការងារទាំងពីរនោះ គឺការធ្វើកំណត់សម្គាល់ចំពោះឥរិយាបថនៃការបើកបររបស់ពលរដ្ឋ ផ្ដោតលើការគោរពភ្លើងសញ្ញាចរាចរណ៍ និងផ្លាកសញ្ញាចរាចរណ៍ និងការងារមួយទៀតនៅតាមបណ្ដាខេត្ត គឺផ្ដោតលើការធ្វើកំណត់សម្គាល់អំពីការគោរពល្បឿន និងសិទ្ធិអាទិភាពរបស់អ្នកបើកបរ។ ការងារនេះគឺដើម្បីដឹងថា នៅពេលសមត្ថកិច្ចមិនអនុវត្តច្បាប់ តើអ្នកបើកបរគោរពច្បាប់បានកម្រិតណា។ អ្នកនាំពាក្យបានអះអាងទៀតថា ការអនុវត្តច្បាប់ស្ដីពីចរាចរណ៍ផ្លូវគោក ត្រូវធ្វើឡើងនាពេលខាងមុខ ហើយក្នុងកាលៈទេសៈនេះ ជាពិសេសក្នុងអំឡុងនៃពិធីបុណ្យកាន់បិណ្ឌភ្ជុំបិណ្ឌនេះ សូមបងប្អូនប្រជាពលរដ្ឋអ្នកបើកបរទាំងអស់ បង្កើនការគោរពច្បាប់ ប្រុងប្រយ័ត្ន និងមានការយល់អធ្យាស្រ័យគ្នាទៅវិញទៅមក ហើយជាមួយគ្នានេះ ម្ចាស់រោងចក្រសហគ្រាសអាជីវកម្ម និងក្រុមហ៊ុនទាំងឡាយ ត្រូវបង្កើនការអប់រំណែនាំដល់អ្នកបើកបររបស់ខ្លួន ជាពិសេសរថយន្តធុនធ្ងន់ ត្រូវប្រុងប្រយ័ត្ន និងគោរពច្បាប់ឱ្យបានខ្ជាប់ខ្ជួន ព្រមទាំងសម្របសម្រួលដឹកជញ្ជូនទំនិញរបស់ខ្លួនឱ្យបានមុន និងក្រោយពិធីបុណ្យភ្ជុំបិណ្ឌ ដែលចរាចរណ៍តាមដងផ្លូវមានភាពមមាញឹក៕ 

៩ខែឆ្នាំ២០២៥ ​នគរបាល​ខេត្ត​បាត់ដំបង​ឃាត់ខ្លួន​មនុស្ស ៩២០នាក់ក្នុងករណីគ្រឿង​ញៀន និង​ដក​ហូត​បាន​គ្រឿង​ញៀនជាង១៧គីឡូក្រាម

2025/09/11 12:36:52 pm        238
Facebook Telegram Linkin
បាត់ដំបង​៖ ក្នុងរយៈពេល ៩ខែ ឆ្នាំ២០២៥ នេះសមត្ថកិច្ចនគរបាលទូទាំងខេត្តបាត់ដំបង អនុវត្ត​ការ​ងារ​បង្រ្កាប​គ្រឿងញៀនបានចំនួន ៥២០ ករណី ឃាត់ខ្លួនមនុស្សចំនួន ៩២០ នាក់ស្រីចំនួន ៥១​នាក់ បើប្រៀបធៀបក្នុងរយៈពេលដូចគ្នាពីឆ្នាំ ២០២៤ មានចំនួនកើនឡើងរហូតដល់ចំនួន ៧៦​ ករណី។បើតាម​ស្នងការដ្ឋាន​នគរបាល​ខេត្ត​បាត់ដំបង​បាន​ឱ្យ​ដឹង​ថា​ ក្នុងចំណោម៥២០ករណីនេះ មាន​ករណី​លក់ ចែកចាយ រក្សាទុកដោយខុសច្បាប់នូវគ្រឿងញៀនចំនួន ៣០៥ ករណី​ មនុស្សចំនួន ៥៨២​នាក់​ស្រីចំនួន ៣៤នាក់ ត្រូវបានកសាងសំណុំរឿងបញ្ជូនទៅសាលាដំបូងខេត្តបាត់ដំបង អនុវត្ត​ទោសតាមផ្លូវច្បាប់។ករណីប្រើប្រាស់ចំនួន ២១៥ ករណីមនុស្សចំនួន ៣៣៨ នាក់ស្រី​ចំនួន ១៧នាក់ ក្នុងនោះបញ្ជូនទៅអនុវត្តទោសតាមផ្លូវច្បាប់ចំនួន ៦០ករណីមនុស្សចំនួន ១៧៣​នាក់​ស្រី​ចំនួន ១៦នាក់បញ្ជូនទៅ​មណ្ឌលកែប្រែបន្សាបគ្រឿង​ញៀន​ចំនួន១៥៥ករណី មនុស្ស​ចំនួន​ ១៦៥​នាក់ស្រីចំនួន ០១នាក់ ។ក្នុងនោះសមត្ថ​កិច្ច​នគរបាល​ដក​ហូត​បាន​គ្រឿង​ញៀន​សរុប​ចំនួន ១៧,៣១០,១៤ ក្រាមស្មើនឹងទម្ងន់ ១៧,៣គីឡូក្រាម ,កញ្ឆាក្រៀម​ចំនួន​៣០,១៦​គីឡូក្រាម​,កាប់​បំផ្លាញចោលនូវដើមកញ្ឆាស្រស់ចំ​នួន ៥២០ដើម ។ស្នងការដ្ឋាន​​នគរបាល​ខេត្ត​បាត់ដំបង​ បញ្ជាក់​បន្ថែម​ថា​ បើទោះបីមាន​ការ​តស៊ូបង្រ្កាបនិងអប់រំផ្សព្វ​ផ្សាយរបស់នគរបាល និងការចូលរួមពីអ្នកពាក់ព័ន្ធបែបនេះក្តី តែកត់សម្គាល់ឃើញ​ថា​ករណី​គ្រឿង​ញៀន​នៅមានការកើនឡើងហាក់ពុំមានការថមថយនៅឡើយទេ ដែលកត្តានេះសមត្ថកិច្ច​នគរបាល​ត្រូវ​បន្តខិតខំឱ្យខ្លាំងក្លាបន្ថែម​ទៀត និងសូមឱ្យមានការចូលរួម សហការពីប្រជាពលរដ្ឋ អាជ្ញាធរ​ពាក់ព័ន្ធ គ្រប់មជ្ឈដ្ឋាន ដើម្បីបង្ការទប់ស្កាត់និងកាត់​បន្ថយបាននូវបញ្ហានេះ៕

នគរបាលខេត្តបាត់ដំបងប្រមូល​ក្រុម​ក្មេង​ទំនើង​៨៦នាក់ រកឃើញផ្ទុកសារធាតុញៀន​៥១នាក់ អនុវត្តតាមច្បាប់ និងមួយចំនួនបញ្ជូនទៅមណ្ឌលសំចត

2025/09/11 11:03:36 am        144
Facebook Telegram Linkin
បាត់ដំបង៖ ចាប់តាំងពីយប់ថ្ងៃទី​០១ រហូតដល់យប់ថ្ងៃទី០៩ ខែកញ្ញា​ ឆ្នាំ​២០២៥​ កម្លាំងសមត្ថកិច្ចនគរបាលខេត្តបាត់ដំបង បានធ្វើការឃាត់ខ្លួនក្រុមក្មេងទំនើង និងក្រុមជាមុខសញ្ញាបន្លំលួចទ្រព្យសម្បត្តិប្រជាពលរដ្ឋនៅ ពេលយប់ ក្នុងក្រុងបាត់ដំបង ចំនួន​៨៦​នាក់​ នាំយកមកសាកសួរ និងធ្វើការពិនិត្យស្វែង​រកសារ​ធាតុ​ញៀនមួយចំនួន បាន​រៀបចំបញ្ជូនទៅតុលាការ ដើម្បីអនុវត្តទោស​តាមផ្លូវច្បាប់ និងមួយចំនួនបានអប់រំដោយបញ្ជូនទៅមណ្ឌលសំចត ។ នាយ​ការិ​យាល័យនគរបាល​ព្រហ្មទណ្ឌកម្រិតស្រាល​នៃ​ស្នងការដ្ឋាន​នគរបាលខេត្តបាត់ដំបង លោកវរសេនីយ៍ឯក​ ចៀក​ ថានិន បានឱ្យដឹងថា ក្នុងចំណោមមនុស្សដែលបាននាំមកសាកសួរ និងបានធ្វើតេស្តស្វែងរកសារធាតុញៀន រួចមក បានរកឃើញមនុស្សចំនួន ៥១នាក់ មានផ្ទុកសារធាតុញៀន​ត្រូវបានអនុវត្តវិធានការច្បាប់ និងបញ្ជូនទៅមណ្ឌលសំចត ។ ដោយឡែកមនុស្សចំនួន៣៥នាក់ដែលមិន​បានរកឃើញបទល្មើស មន្ត្រីនគរបាលខេត្តបាត់ដំបង បានឱ្យឪពុក​ ម្តាយ ធ្វើការធានាយកទៅអប់រំបន្តនៅមូលដ្ឋានវិញ ។ លោកវរសេនីយ៍ឯក​ ចៀក​ ថានិន​ បានបញ្ជាក់ថា​ ចំពោះក្រុមរើសអេតចាយបន្លំលួចពេល​យប់ទាំងនេះច្រើនបង្កបញ្ហាជាច្រើន ដូចជា បន្លំលួចតាមផ្ទះ និងតាមទីសាធារណៈ និងបំផ្លិចបំផ្លាញទ្រព្យសម្បត្តិសាធារណៈជាដើម ។ ដោយឡែកក្មេងទំនើង គឺបានបង្កភាពអាណាធិបតេយ្យ បង្កហិង្សាឬ ស្វែងរកការប្រព្រឹត្តិអំពើអបាយមុខនៅពេលយប់​ ធ្វើឱ្យមានបញ្ហាអសន្តិសុខ និងបាត់បង់សណ្តាប់ធ្នាប់សង្គមនៅតាមដងផ្លូវ និងទីសាធារណៈ ។លោកវរសេនីយ៍ឯក​ ចៀក​ ថានិន ឱ្យដឹងទៀតថា កម្លាំងសមត្ថកិច្ចនគរបាលនៅតែបន្តការអនុវត្តន៍ការងារនេះជាបន្តទៀត គឺការចុះធ្វើការបែបនេះឱ្យដូចភ្លៀងរលឹម​ ដើម្បីភាពសុខសាន្ត​ជូនប្រជាពលរដ្ឋនៅក្នុងមូលដ្ឋាន៕

សូមចូលរួមគោរពច្បាប់ចរាចរណ៍! ៧ថ្ងៃមុនកាន់បិណ្ឌ គ្រោះថ្នាក់ចរាចរណ៍ ផ្តាច់ជីវិតពលរដ្ឋ ២៤ នាក់ និងរបួសជិត៦០នាក់

2025/09/09 01:38:42 pm        322
Facebook Telegram Linkin
ក្នុងរយៈពេល៧ថ្ងៃមុនពិធីបុណ្យកាន់បិណ្ឌ នៅកម្ពុជា មានករណីគ្រោះថ្នាក់ចរាចរណ៍ផ្លូវគោកទូទាំងប្រទេសកើតឡើងសរុបចំនួន៤៣ករណី បណ្តាលឱ្យមានមនុស្សស្លាប់២៤នាក់ និងរងរបួស៥៨នាក់។ ចំនួននេះគិតចាប់ពីថ្ងៃទី១ ដល់ថ្ងៃទី៧ ខែកញ្ញា ឆ្នាំ២០២៥។ នេះបើតាមលោក ទូច សុឃៈ អ្នកនាំពាក្យរងក្រសួងមហាផ្ទៃ។បើតាមអ្នកនាំពាក្យរងក្រសួងមហាផ្ទៃ ករណីគ្រោះថ្នាក់ចរាចរណ៍ដែលបានកើតឡើង រួមមាន ថ្ងៃទី១កញ្ញា មាន៨ករណី ស្លាប់៣នាក់ របួស១៤នាក់ ថ្ងៃទី២មាន៤ករណី ស្លាប់៤នាក់ របួស៦នាក់ ថ្ងៃទី៣មាន៤ករណី ស្លាប់១នាក់ របួស៦នាក់ ថ្ងៃទី៤មាន៨ករណី ស្លាប់៦នាក់ របួស៥នាក់ ថ្ងៃទី៥មាន៦ករណី ស្លាប់១នាក់ របួស១៣នាក់ ថ្ងៃទី៦ មាន៥ករណី ស្លាប់៤នាក់ របសួស៤នាក់ និងថ្ងៃទី៧ មាន៨ករណី ស្លាប់៥នាក់ និងរបួស១០នាក់។ផ្អែកតាមរបាយការណ៍ អ្នកនាំពាក្យរងក្រសួងមហាផ្ទៃ បានលម្អិតទៀតថា ករណីគ្រោះថ្នាក់ចរាចរណ៍ដែលបានកើតឡើងរយៈពេល៧ថ្ងៃដើមខែកញ្ញានោះ រួមមាននៅរាជធានីភ្នំពេញ ខេត្តកណ្តាល កំពង់ស្ពឺ តាកែវ ព្រះសីហនុ ពោធិ៍សាត់ បាត់ដំបង បន្ទាយមានជ័យ សៀមរាប ព្រះវិហារ កំពង់ចាម ត្បូងឃ្មុំ និងខេត្តស្វាយរៀង។អ្នកនាំពាក្យរងបានឱ្យដឹងទៀតថា ដើម្បីទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាស ពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ ចាប់ពីថ្ងៃទី៨ ដល់ថ្ងៃទី២៣ ខែកញ្ញា ឆ្នាំ២០២៥ គណៈកម្មាធិការជាតិសុវត្ថិភាពចរាចរណ៍ផ្លូវគោក បានចេញសេចក្តីអំពាវនាវ ចំនួន៨ចំណុច ដល់អ្នកប្រើប្រាស់ផ្លូវទាំងអស់ចូលរួមគោរព និងអនុវត្ត ច្បាប់ស្តីពីចរាចរណ៍ផ្លូវគោកយ៉ាងផុសផុល និងរួមចំណែកក្នុងការកាត់បន្ថយការបាត់បង់ជីវិត រងរបួស និងការខូចខាតទ្រព្យសម្បត្តិជាដើម។សេចក្តីអំពាវនាវទាំង៨ចំណុច របស់គណៈកម្មាធិការជាតិសុវត្ថិភាពចរាចរណ៍ផ្លូវគោក រួមមាន ១-កុំបើកបរលើសល្បឿនកំណត់ ២-សូមកុំបើកបរក្រោមឥទ្ធិពលនៃគ្រឿងស្រវឹង ឬគ្រឿងញៀន ៣-ត្រូវគោរពសិទ្ធិអាទិភាព គោរពភ្លើង-ផ្លាកសញ្ញាចរាចរណ៍ និងសញ្ញាបញ្ហារបស់មន្ត្រីនគរបាលចរាចរណ៍ផ្លូវគោក ៤-ត្រូវបើកបរក្នុងគន្លងផ្លូវដែលកំណត់ដោយច្បាប់ស្តីពីចរាចរណ៍ផ្លូវគោក និងមិនត្រូវបើកបរជាន់លើគំនូសសញ្ញាបែងចែកគន្លងផ្លូវ ៥-ត្រូវប្រុងប្រយ័ត្នជានិច្ចក្នុងការបត់ ការជែង ការចត និងការឈប់ ៦-ត្រូវត្រួតពិនិត្យមុនចេញដំណើរនូវលក្ខណៈបច្ចេកទេសយានយន្ត ដូចជាសំបកកង់ ហ្វ្រាំង ភ្លើងបំភ្លឺ និងចង្កូត ជាដើម ៧-ត្រូវពាក់មួកសុវត្ថិភាពឱ្យបានត្រឹមត្រូវជានិច្ច ក្នុងពេលធ្វើដំណើរតាមទោចក្រយានយន្តទោះជិត ឬឆ្ងាយ និងទី៨-សូមកុំផ្ទុកអ្នកដំណើរ ឬទំនិញលើសច្បាប់កំណត់។បន្ថែមពីនេះ គណៈកម្មាធិការជាតិសុវត្ថិភាពចរាចរណ៍ផ្លូវគោក ក៏បានអំពាវនាវ ដល់រថយន្តដឹកអ្នកដំណើរ ឬដឹកកម្មករមិនឱ្យផ្ទុកអ្នកដំណើរ ឬកម្មករលើដំបូល និងសូមមេត្តាកុំដំឡើងថ្លៃ ចំពោះការធ្វើដំណើររបស់បងប្អូនប្រជាពលរដ្ឋ នៅក្នុងឱកាសពិធីបុណ្យប្រពៃណីជាតិនេះ៕

មនុស្សចំនួន០៦នាក់ត្រូវបានឃាត់ខ្លួន ក្នុងយុទ្ធនាការចុះត្រួតពិនិត្យឆែកអាវុធជាតិផ្ទុះ និងទប់ស្កាត់រាល់បទល្មើស

2025/09/07 01:31:19 pm        152
Facebook Telegram Linkin
ភ្នំពេញ៖កម្លាំងគណៈបញ្ជាការឯកភាពខណ្ឌ៧មករា សហការជាមួយកម្លាំងនាយកដ្ឋានសណ្តាប់ធ្នាប់សាធារណៈ នៃអគ្គស្នងការនគរបាលជាតិ ចុះពង្រឹងសន្តិសុខក្នុងមូលដ្ឋានខណ្ឌ៧មករា ដោយឃាត់ខ្លួនមនុស្សប្រុសស្រីចំនួន០៦នាក់ និងសម្ភារៈមួយចំនួន។យុទ្ធនាការនេះបានធ្វើឡើងកាលពី វេលាម៉ោង ០៩យប់ថ្ងៃទី ០៦ខែកញ្ញា ដល់ម៉ោង ១យប់រំលង​អាធាត្រ​ចូលថ្ងៃទី ៧ ខែកញ្ញាឆ្នាំ២០២៥កម្លាំងចម្រុះ បានសហការ ដឹកនាំដោយ​ឯកឧត្តម ឧត្តមសេនីយ៍ឯក ប៊ុន ដា ប្រធាននាយកដ្ឋានសណ្តាប់ធ្នាប់សាធារណៈនិងលោក ឌី រត្ន័ខេមរុណ អភិបាលរងខណ្ឌ៧មករា តំណាងឲ្យ លោក ថេង សុថុល អភិបាលខណ្ឌ៧មករា ចុះដឹកនាំ​កម្លាំងចម្រុះ ត្រួតពិនិត្យឆែកអាវុធជាតិផ្ទុះ និងទប់ស្កាត់បទល្មើសគ្រឿងញៀនតាមមូលដ្ឋាន ក្នុង​គោលដៅចំណុចមុខវិទ្យាល័យបាក់ទូក ផ្លូវលេខ ១៦៩ ស្ថិតក្នុងសង្កាត់ វាលវង់ ខណ្ឌ៧មករា ។ក្នុងរង្វង់ប្រតិបត្តិការកម្លាំងចម្រុះបានធ្វើការត្រួតពិនិត្យរថយន្តចំនួន១៨០គ្រឿង ជាលទ្ធផល បានឃាត់​មនុស្សចំនួន៦នាក់ ក្នុងនោះមានស្រី១នាក់ បានរកឃើញអ្នករក្សាទុកម្សៅពណ៌សថ្លា ចំនួន២កញ្ចប់តូច ​និងថ្នាំ២ បន្ទះពណ៌ខៀវ ចំនួន៨គ្រាប់ព្រមទាំងសម្ភារៈជក់សំរាប់បឺតចំនួន ១៥ដើម និងឃាត់បានរថយន្តចំនួន ២គ្រឿង ។ក្រោយធ្វើការឃាត់ខ្លួន និងសួរនាំរួចបានធ្វើកំណត់ហេតុដកហូតវត្ថុតាងរួចមក កម្លាំងចម្រុះនៃអគ្គស្នងការនគរបាលជាតិ ​បាន​បញ្ជូនមនុស្សប្រុសស្រី ទាំង០៦នាក់​ទៅមន្ទីប្រឆាំងគ្រឿងញៀន ដើម្បីបន្តតាមនីតិវិធី៕អត្ថបទ៖ កុម្ភៈ

ឧត្តមសេនីយ៍ឯក ជួន ណារិន្ទ បញ្ជាឲ្យស្រាវជ្រាវ តាមចាប់ជនក្លែងបន្លំ ជានគរបាលដើរទារលុយពលរដ្ឋនៅខណ្ឌច្បាអំពៅ

2025/09/07 09:22:53 am        437
Facebook Telegram Linkin
ភ្នំពេញ៖ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ លោកឧត្តមសេនីយ៍ឯក ជួន ណារិន្ទ បានបញ្ជាឲ្យសមត្ថកិច្ចខណ្ឌច្បារអំពៅ ធ្វើការស្រាវជ្រាវ តាមចាប់ជនក្លែងបន្លំជានគរបាលដើរទារលុយពលរដ្ឋ នៅខណ្ឌច្បាអំពៅ ។ តាមរយះការផ្តល់ព័ត៌មានពីពលរដ្ឋ ​មកកាន់សមត្ថកិច្ចរាជធានីភ្នំពេញ តាមរយះប្រអប់​សារនៅ​លើបណ្តាញសង្គម បានបង្ហាញឲ្យឃើញថា៖ ថ្មីៗនេះ មាន​បុរសម្នាក់បានពាក់​ឯកសណ្ឋាន​នគរបាល បានដើរទារលុយប្រជាពលរដ្ឋលក់អីវ៉ាន់តាមផ្ទះ និងសុំស្រាបៀរទឹកក្រូច នាឱកាស​បុណ្យភ្ជុំបិណ្ឌ ក្នុងខណ្ឌច្បារអំពៅ ។ ក្រោយទទួលបានបទបញ្ជាពីសំណាក់លោកឧត្តមសេនីយ៍ឯកស្នងការ កម្លាំងអធិការដ្ឋាន​នគរបាល​ខណ្ឌច្បារអំពៅ ក៏បានស្រាវជ្រាវ និងរកឃើញថា ជនខាងលើនេះ គឺជាជនស៊ីវិលក្លែងបន្លំ ពុំមែន​ជា​សមត្ថកិច្ចចំណុះអធិការខណ្ឌច្បារអំពៅនោះឡើយ ។ បច្ចុប្បន្ននេះ កម្លាំងនគរបាល កំពុងស្រាវជ្រាវបន្តតាមជំនាញតាមចាប់ខ្លួន ​ជនក្លែងបន្លំជានគរបាល ទៅធ្វើសកម្មភាពខុសច្បាប់ បង្កប៉ះពាល់កិត្តិយសនគរបាលជាតិ ដើម្បីយកមកផ្តន្ទាទោសទៅ​តាមផ្លូវច្បាប់ ៕ តារាវុទ្ធី

អាជ្ញាធរខណ្ឌចំការមន ឃាត់ខ្លួនយុវជន៦៧នាក់ និងម៉ូតូជាង ៣០គ្រឿង អប់រំណែនាំ កុំឱ្យមានការប្រមូលផ្តុំ

2025/09/07 08:36:25 am        227
Facebook Telegram Linkin
ភ្នំពេញ៖ កម្លាំងគណះបញ្ជាការឯកភាពខណ្ឌចំការមនបានឃាត់អប់រំណែនាំ យុវជនមានចំនួន ៦៧នាក់ នឹង ម៉ូតូ៣៤គ្រឿង ដែលបានមកប្រមូលផ្តុំគ្នា ក្នុងតំបន់កោះពេជ្រ ។ ប្រតិបត្តិការនេះដែរ បានធ្វើឡើងកាលពីវេលាម៉ោង ១០ និង ២០នាទីយប់ថ្ងៃទី០៦ ខែកញ្ញា ឆ្នាំ២០២៥ នៅចំណុចក្នុងតំបន់កោះពេជ្រ ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ប្រភពពីមន្រ្តីជំនាញ បានឱ្យដឹងថា ការចុះមកឃាត់អប់រំនេះដែរ កម្លាំងគណៈបញ្ជាការឯកភាព ខណ្ឌចំការមន ចុះល្បាត ក្នុងមូលដ្ឋាន ដើម្បីថែរក្សាសន្តិសុខ សុវត្ថិភាពជូនបងប្អូនប្រជាពលរដ្ឋ ដែលមកដើរលេងកម្សាន្តចុងសប្តាហ៍ ។ ខណៈកម្លាំងកំពុងល្បាត ក៏បានប្រទះឃើញ​មានយុវជនចំនួន ៦៧នាក់ នឹងម៉ូតូ ៣៤គ្រឿង បានមកអង្គុយប្រមូលផ្តុំគ្នា ធ្វើអោយបាត់បង់សណ្តាប់ធ្នាប់សាធារណៈ ។ ភ្លាមៗ សមត្ថកិច្ច បានស្ទាក់ឃាត់ក្រុមទាំងនោះ សួរនាំ ធានាការពារក្រែងមានហេតុការណ៍ណាមួយកើតឡើង ជាយថាហេតុ ។ក្រោយពេលធ្វើការណែនាំអប់រំរួចរាល់ ​សមត្ថកិច្ចបានអោយត្រឡប់ទៅផ្ទះវិញ មិនអោយប្រមូល​ផ្តុំបន្តនោះឡើយ ប្រសិនជាមានលើកក្រោយមិនរាងចាល សមត្ថកិច្ចអនុវត្តន៍តាមនីតិវិធី ៕ អត្ថបទ ៖ កុម្ភៈ

បណ្ដាញសង្គម

ព័ត៌មានថ្មីៗ

ការវាយប្រហាររបស់អ៊ីស្រាអែល បានសម្លាប់មនុស្ស ១១នាក់ នៅទូទាំងភាគខាងត្បូងលីបង់
05/23/2026 12:05 PM
Facebook Telegram Linkin
លោក Rubio ប្រាប់សម្ព័ន្ធមិត្តយោធាណាតូ ឱ្យប្រឈមមុខចំពោះការកាត់បន្ថយកងទ័ព នៅអឺរ៉ុប
05/23/2026 12:05 PM
Facebook Telegram Linkin
ម៉ិកស៊ិក និងអឺរ៉ុប នឹងបន្ថយការដំឡើងពន្ធ ក្នុងបំណងបង្កើនពាណិជ្ជកម្មមិនមែនអាមេរិក
05/23/2026 12:05 PM
Facebook Telegram Linkin
គ្មានឯកសារចុងក្រោយទេក្នុងសន្និសីទពិនិត្យឡើងវិញសន្ធិសញ្ញាមិនរីកសាយអាវុធនុយក្លេអ៊ែរ ក្រោយការខ្វែងគំនិតគ្នាជុំវិញបញ្ហាអ៊ីរ៉ង់
05/23/2026 12:05 PM
Facebook Telegram Linkin
រដ្ឋមន្ត្រីការបរទេសអាមេរិក មើលឃើញវឌ្ឍនភាពក្នុងការចរចាជាមួយអ៊ីរ៉ង់ ហើយមានការងារជាច្រើនទៀតត្រូវធ្វើ
05/23/2026 12:05 PM
Facebook Telegram Linkin
គ្រួសារលីបង់ ប្រឈមនឹង «ការបំភិតបំភ័យផ្នែកចិត្តសាស្ត្រ» ក្នុងពេលមានការគំរាមកំហែងជម្លៀស របស់អ៊ីស្រាអែល
05/23/2026 12:05 PM
Facebook Telegram Linkin
លោកស្រី Tulsi Gabbard ប្រមុខចារកម្មជាតិរបស់លោក Trump លាលែងពីតំណែង
05/23/2026 12:05 PM
Facebook Telegram Linkin
ជន​ជាតិចិន ១៦៥នាក់ ពាក់​ព័ន្ធករណី Online Scams ត្រូវបានបណ្ដេញចេញ​ពី​កម្ពុជា
05/23/2026 11:05 AM
Facebook Telegram Linkin
សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់​ដល់អាជ្ញាធរមូលដ្ឋានឱ្យ​បង្ក្រាប​ Online Scams ឱ្យទាល់តែអស់​ជាដាច់ខាត​ប្រកបដោយស្មារតីទទួលខុសត្រូវខ្ពស់បំផុត
05/23/2026 11:05 AM
Facebook Telegram Linkin
គណៈរដ្ឋមន្ត្រី​ អនុម័តលើសេចក្តីព្រាងរបាយការណ៍តាមដាន និងត្រួតពិនិត្យការអនុវត្តយុទ្ធសាស្ត្របញ្ចកោណដំណាក់កាលទី១ ឆ្នាំ២០២៥
05/23/2026 11:05 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.