BTV NEWS

ករណីក្មេងទំនើងកាប់បំផ្លាញទ្រព្យសម្បត្តិ នៅមុខផ្សារច្បាអំពៅ សមត្ថកិច្ចបន្តបង្ក្រាបបាន០៥នាក់ហើយ

សមត្ថកិច្ចខណ្ឌច្បារអំពៅ បង្ក្រាបក្រុមក្មេងទំនើង២នាក់ ក្រោយធ្វើសកម្មភាពកាប់បំផ្លាញទ្រព្យសម្បត្តិ នៅមុខផ្សារច្បារអំពៅ

នគរបាលបញ្ជូនជនបើករថយន្តបុក បណ្ដាលឲ្យជនរងគ្រោះឪពុកនិងកូនតូចសរុប០៣នាក់ស្លាប់និងស្រ្តីជាម្ដាយរបួសធ្ងន់ ទៅតុលាការនារសៀលថ្ងៃនេះ

តំណាងអយ្យការសម្រេចចោទប្រកាន់អ្នកបើកបររថយន្ត បង្កគ្រោះថ្នាក់ចរាចរណ៍ បណ្តាលឲ្យតារាចម្រៀងរ៉េបម្នាក់ស្លាប់

សន្តិសុខ និង សង្គម

ចិន ជំរុញឱ្យសហភាពអឺរ៉ុប ធ្វើការពិភាក្សាដោយស្មោះ ខណៈពន្ធលើរថយន្តអគ្គិសនីចូលជាធរមាន

សារព័ត៌មាន គ្លូបបល ថែមស៍ (Global Times) ដែលគាំទ្រដោយរដ្ឋរបស់ប្រទេសចិន បានជំរុញឱ្យសហភាពអឺរ៉ុប «បង្ហាញភាពស្មោះត្រង់» នៅក្នុងកិច្ចពិភាក្សាបច្ចេកទេស មុនពេលដាក់ពន្ធលើរថយន្តអគ្គិសនីដែលផលិតដោយចិន (EVs) បន្ទាប់ពីប្លុកនេះបាននិយាយថា ពន្ធបណ្តោះអាសន្ននឹងចូលជាធរមានចាប់ពីថ្ងៃសុក្រ (០៥ កក្កដា) នេះ។នៅពេលដែលរដ្ឋបាលសហរដ្ឋអាមេរិករបស់លោក ដូណាល់ ត្រាំ (Donald Trump) បានដំឡើងពន្ធលើទំនិញចិនមានតម្លៃ ៣០០ ពាន់លានដុល្លារក្នុងឆ្នាំ២០១៨ ដោយធ្វើឱ្យសង្រ្គាមពាណិជ្ជកម្មកាន់តែតានតឹង ប្រទេសចិន ជាធម្មតាបានឆ្លើយតបយ៉ាងឆាប់រហ័សជាមួយនឹងការទប់ស្កាត់របស់ខ្លួន ប៉ុន្តែមកដល់ព្រឹកថ្ងៃសុក្រនេះ ទីក្រុងប៉េកាំង បានត្រឹមតែជំរុញឱ្យទីក្រុងប្រ៊ុចសែល ធ្វើការចរចារឱ្យកាន់តែម៉ឹងម៉ាត់ប៉ុណ្ណោះ។ចំណងជើងធំៗនៃអត្ថបទពីសារព័ត៌មាន Global Times បន្ទាប់ពីការសម្រេចចិត្តរបស់ទីក្រុងប្រ៊ុចសែល ស្របពេលភាពស្ងៀមស្ងាត់ពីប្រព័ន្ធផ្សព្វផ្សាយរដ្ឋផ្សេងទៀត បានបង្ហាញថា «ប្រទេសចិនជំរុញឱ្យសហភាពអឺរ៉ុប ពន្លឿនការពិគ្រោះយោបល់លើដំណោះស្រាយការដំឡើងពន្ធរថយន្ដ EV» ខណៈដកស្រង់សម្តីអ្នកនាំពាក្យក្រសួងពាណិជ្ជកម្មលោក ហឺ យ៉ាតុង (He Yadong) កាលពីថ្ងៃព្រហស្បតិ៍ ទាក់ទងនឹងពន្ធដែលនឹងមកដល់ រហូតដល់ ៣៧,៦ ភាគរយលើរថយន្ត EV ផលិតនៅចិនថា «នៅតែមានរយៈពេលបួនខែទៀតសម្រាប់ការសម្របសម្រួល»។សូមបញ្ជាក់ថា អាជ្ញាធរចិន ជារឿយៗបានបង្ហើបនូវអ្វីដែលពួកគេអាចនឹងធ្វើបន្ទាប់ តាមរយៈការអត្ថាធិប្បាយរបស់ប្រព័ន្ធផ្សព្វផ្សាយរដ្ឋ និងការសម្ភាសន៍ជាមួយឥស្សរជនឧស្សាហកម្ម។ រដ្ឋាភិបាលចិនបានអំពាវនាវម្តងហើយម្តងទៀតឱ្យសហភាពអឺរ៉ុបលុបចោលពន្ធគយរបស់ខ្លួន ដោយបង្ហាញឆន្ទៈក្នុងការចរចា ហើយបាននិយាយថា ខ្លួនមិនចង់ចូលរួមក្នុងសង្គ្រាមពន្ធផ្សេងទៀតទេ ប៉ុន្តែថានឹងចាត់វិធានការទាំងអស់ដើម្បីការពារក្រុមហ៊ុនចិន៕

កម្លាំងគណៈបញ្ជាការឯកភាពខណ្ឌ៧មករាចុះឆ្មុកបង្ក្រាប់ទីតាំងល្បែងស៉ីសងមួយកន្លែង និងឃាត់ខ្លួនមនុស្សចំនួន០៨នាក់

ភ្នំពេញ ៖ កម្លាំងគណះបញ្ជាឯកភាពខណ្ឌ៧មករាចុះឆ្មុកបង្ក្រាប់ទីតាំងល្បែងស៉ីសងមួយកន្លែង ប្រភេទជល់មាន់អនឡាញ និងបៀក្រាត ជាដើម ដកហូតវត្ថុតាង រួមមាន កំព្យូទ័រ ទូរទស្សន៍ និងឃាត់ខ្លួនមនុស្សចំនួន០៨នាក់។ប្រតិបត្តិការនេះ បានធ្វើឡើងនៅវេលាម៉ោង៤ល្ងាចថ្ងៃទី០៤ ខែកក្កដា ឆ្នាំ២០២៤ ដោយទទួលបានបទបញ្ជាពី លោក ថេង សុថុល អភិបាលខណ្ឌ៧មករា ចាត់ឲ្យលោក ណុប ផា អភិបាលរង ដឹកនាំកម្លាំងគណះបញ្ជាការឯកភាពខណ្ឌ ចុះឆ្មុកបង្ក្រាប់ជាក់ស្ដែងតែម្ដង ទីតាំងល្បែងស៉ីសងនៅចំណុចផ្ទះលេខ៣១Eoz ផ្លូវលេខ១៣៤ សង្កាត់មនោរម្យ ខណ្ឌ៧មករា រាជធានីភ្នំពេញ។តាមប្រភពព័ត៌មានពីមន្ត្រីជំនាញបានឲ្យដឹងថាមុនឈានដល់ការចុះបង្ក្រាបទីតាំងបើកល្បែងស៊ីសងគ្រប់ប្រភេទនេះកម្លាំងជំនាញបានធ្វើការស្រាវជ្រាវយ៉ាងច្បាស់ថាទីតាំងនេះប្រាកដជាបើកល្បែងស៊ីសងគ្រប់ប្រភេទមានដូចជាជល់មាន់អនឡាញ បៀរក្រាត និងផ្សេងៗទៀតពាក់ព័ន្ធនឹងល្បែងស៊ីសង។ ដូច្នេះកម្លាំងបានធ្វើការឆ្មក់ចុះបង្ក្រាបបាននិងឃាត់ខ្លួនមនុស្សប្រុសស្រីចំនួន០៨នាក់នៅវត្ថុតាងពាក់ព័ន្ធនឹងល្បែងស៊ីសងនេះមួយចំនួនធំ។ក្រោយបញ្ចប់ប្រតិបត្តិការកម្លាំងបាននាំយកមនុស្សប្រុសស្រីចំនួន០៨នាក់ទៅអធិការដ្ឋាននគរបាលខណ្ឌ ៧មករាដើម្បី សួរនាំកសាងសំណុំរឿងចាត់ការតាមនីតិវិធី។គួរំលឹកផងដែរគួររំលឹកថាកាលពីរសៀលថ្ងៃទី០១ ខែកក្កដា ឆ្នាំ២០២៤ នៅសាលារាជធានីភ្នំពេញ ឯកឧត្ដម ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ មានប្រសាសន៍ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ បានសង្កត់ធ្ងន់ថា ចំពោះល្បែងស៊ីសងគ្រប់ប្រភេទ ត្រូវតែលប់បំបាត់ មិនត្រូវឲ្យមាននៅក្នុងមូលដ្ឋានរបស់ខ្លួនដាច់ខាត តាមរយៈការពង្រឹងពីមួយថ្ងៃទៅមួយថ្ងៃឲ្យបានខ្លាំង ដើម្បីឈានទៅលប់បំបាត់ឲ្យអស់៕អត្ថបទ៖ កុម្ភះ

UN៖ យុទ្ធភណ្ឌមិនទាន់ផ្ទុះ បង្កការគំរាមកំហែងខ្លាំងដល់ប្រជាជនតំបន់ហ្កាហ្សា

ទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយថា យុទ្ធភណ្ឌមិនទាន់ផ្ទុះ បង្កការគំរាមកំហែងដ៏ធំដល់ប្រជាជននៅតំបន់ហ្កាហ្សាស្ទ្រីប នៅពេលមនុស្សកាន់តែច្រើនត្រឡប់ទៅតំបន់ដែលត្រូវបានទម្លាក់គ្រាប់បែក ឬតំបន់មានការប្រយុទ្ធគ្នាខ្លាំង។ទីភ្នាក់ងារជំនួយនិងការងារសម្រាប់ជនភៀសខ្លួនប៉ាឡេស្ទីននៅតំបន់ជិតបូព៌ារបស់អង្គការសហប្រជាជាតិ (UNRWA) បាននិយាយនៅក្នុងសារបង្ហោះនៅលើវេទិកាប្រព័ន្ធផ្សព្វផ្សាយសង្គម X ថា កុមារបានរើកកាយនៅតាមកម្ទេចកម្ទីថ្ម ប្រឈមទៅនឹងហានិភ័យដ៏គួរឱ្យព្រួយបារម្ភជារៀងរាល់ថ្ងៃ ដូច្នេះគ្មានកន្លែងណាមានសុវត្ថិភាពទេ នៅក្នុងតំបន់ហ្កាហ្សា។យោងតាមអង្គភាពសេវាសកម្មភាពកំចាត់មីនរបស់អង្គការសហប្រជាជាតិ បានឲ្យដឹងថា កម្ទេចកម្ទីជាង ៣៧លានតោន នៅតំបន់ហ្កាហ្សាស្ទ្រីប មានផ្ទុកសារធាតុមិនឆេះ(អាសបេស្តូស) សារធាតុចម្លងរោគផ្សេងទៀត និងយុទ្ធភណ្ឌមិនទាន់ផ្ទុះ ប្រហែល ៨០០.០០០តោន។ យ៉ាងហោចណាស់១០ភាគរយនៃគ្រាប់រំសេវ ដែលបានបាញ់ ពុំបានផ្ទុះ។អ៊ីស្រាអែល បាននិងកំពុងបើកការវាយលុកទ្រង់ទ្រាយធំប្រឆាំងក្រុមហាម៉ាស នៅតំបន់ហ្កាហ្សាស្ទ្រីប ដើម្បីសងសឹកប្រឆាំងការវាយលុករបស់ក្រុមហាម៉ាសឆ្លងព្រំដែនភាគខាងត្បូងអ៊ីស្រាអែល កាលពីថ្ងៃទី៧ ខែតុលា ឆ្នាំ២០២៣ ដែលក្នុងអំឡុងពេលនោះ មនុស្សប្រហែល១.២០០នាក់បានស្លាប់ និងជាង ២០០នាក់ ត្រូវបានចាប់ជាចំណាប់ថ្នូរ។

មនុស្ស១៥នាក់ស្លាប់ ក្នុងការវាយប្រហាររបស់កងកម្លាំងយោធាប៉ារ៉ា ក្នុងពេលការប៉ះទង្គិចប្រដាប់អាវុធកើនឡើងនៅស៊ូដង់

យ៉ាងហោចណាស់មនុស្ស១៥នាក់បានស្លាប់ និង៣២នាក់ផ្សេងទៀត បានរងរបួស កាលពីថ្ងៃពុធ ក្នុងការវាយប្រហារដោយកាំភ្លើងធំ ធ្វើឡើងដោយកងកម្លាំងគាំទ្ររហ័សយោធាប៉ារ៉ា(RSF) ទៅលើទីផ្សារមួយកន្លែងក្នុងទីក្រុង El Fasher រដ្ឋធានីនៃរដ្ឋ North Darfur នៅភាគខាងលិចប្រទេសស៊ូដង់។ លោក Ibrahim Khatir អគ្គនាយកនៃក្រសួងសុខាភិបាលរដ្ឋ North Darfur បានប្រាប់សារព័ត៌មានស៊ីនហួរ ថា អ្នកស្លាប់ និងរងរបួសទាំងអស់ គឺជាជនស៊ីវិល។ចាប់តាំងពីថ្ងៃទី១០ ខែឧសភា ការប៉ះទង្គិចគ្នាខ្លាំង បានកើតមានឡើងនៅក្នុងក្រុង El Fasher រដ្ឋធានីនៃរដ្ឋ Darfur ខាងជើង។ វាគឺជាការកើនឡើងចុងក្រោយបំផុតនៃជម្លោះកាន់តែខ្លាំងឡើងរវាងកងកម្លាំងប្រដាប់អាវុធស៊ូដង់ និងកងកម្លាំងគាំទ្ររហ័ស(RSF) នៅទូទាំងប្រទេសចាប់តាំងពីថ្ងៃទី១៥ ខែមេសា ឆ្នាំ២០២៣។រហូតមកដល់ពេលនេះ ជម្លោះដ៏បង្ហូរឈាមនេះ បានឆក់យកជីវិតមនុស្សយ៉ាងហោចណាស់១៦.៦៥០នាក់ នេះបើយោងតាមការធ្វើបច្ចុប្បន្នភាពចុងក្រោយដោយការិយាល័យអង្គការសហប្រជាជាតិទទួលបន្ទុកការសម្របសម្រួលនៃកិច្ចការមនុស្សធម៌។ការប៉ះទង្គិចគ្នារវាងកងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័សយោធាប៉ារ៉ា (RSF) នាពេលថ្មីៗនេះ បានកើនឡើងនៅជួរមុខជាច្រើនកន្លែងទូទាំងប្រទេសស៊ូដង់ ជាពិសេសនៅក្នុងរដ្ឋ Sinnar, West Kordofan និងរដ្ឋ North Darfur ។ យោងតាមការិយាល័យអង្គការសហប្រជាជាតិទទួលបន្ទុកការសម្របសម្រួលកិច្ចការមនុស្សធម៌ (OCHA) បានឲ្យដឹងថា មនុស្សជាង ៥៥.៤០០នាក់ បានភៀសខ្លួនចេញពីទីក្រុង Singa ជារដ្ឋធានីរបស់រដ្ឋ Sinnar ដោយសារតែមានការប្រយុទ្ធគ្នា។

ចំនួនអ្នកស្លាប់ ក្នុងគ្រោះទឹកជំនន់នៅភាគខាងត្បូងប្រទេសប្រេស៊ីល កើនឡើងដល់យ៉ាងហោចណាស់១៨០នាក់

ទីភ្នាក់ងារការពារជនស៊ីវិល បាននិយាយកាលពីថ្ងៃពុធថា មនុស្សយ៉ាងហោចណាស់១៨០នាក់ បានស្លាប់ដោយសារទឹកជំនន់ហក់ឡើងខ្ពស់ច្រើនសប្តាហ៍នៅក្នុងរដ្ឋ Rio Grande do Sul ភាគខាងត្បូងប្រទេសប្រេស៊ីល ហើយមនុស្ស៣២នាក់ នៅបាត់ខ្លួននៅឡើយ។ភ្លៀងធ្លាក់ខ្លាំង បានចាប់ផ្តើមនៅថ្ងៃទី២៩ខែមេសា និងបានបន្តច្រើនថ្ងៃ ដោយបានជន់លិចទីក្រុងនានានៅទូទាំងរដ្ឋ។ ការងារជួយសង្គ្រោះ និងស្តារឡើងវិញ បានចាប់ផ្តើម បន្ទាប់ពីទឹកជំនន់ចាប់ផ្តើមស្រកនៅពាក់កណ្តាលខែមិថុនា។ទីភ្នាក់ងារ បាននិយាយនៅក្នុងរបាយការណ៍ថា អាកាសធាតុមិនអំណោយផលខ្លាំង បានធ្វើឲ្យប៉ះពាល់ដល់ប្រជាជនជាង២លាននាក់ នៅក្នុងក្រុងចំនួន៤៧៨ រួមទាំងរដ្ឋធានីរដ្ឋ ប៉តូ អាលីក្រេ(Porto Alegre) ហើយក្នុងអំឡុងពេលមានព្យុះខ្លាំង មនុស្សជាង ៤៥០.០០០នាក់ ត្រូវបានជម្លៀសចេញ។រដ្ឋាភិបាលប្រេស៊ីល បានលៃលកថវិកាចំនួនប្រហែល ១៥,៤ ពាន់លានដុល្លារអាមេរិក ដើម្បីផ្តល់ជំនួយ និងកសាងទីក្រុង Rio Grande do Sul ឡើងវិញ នេះបើយោងតាមរដ្ឋមន្ត្រីទំនាក់ទំនងសង្គម លោក ប៉ៅឡូ ពីមីនតា(Paulo Pimenta) ដែលត្រូវបានតែងតាំងដោយប្រធានាធិបតី លោក លូអ៊ីស អ៊ីណាស៊ីញ៉ូ លូឡា ដាស៊ីលវ៉ា(Luiz Inacio Lula da Silva) ដើម្បីត្រួតពិនិត្យកិច្ចខិតខំប្រឹងប្រែងកសាងឡើងវិញ។ទីក្រុង Rio Grande do Sul ជារដ្ឋកសិកម្ម មានទីតាំងនៅជាប់ព្រំដែនជាមួយប្រទេសអ៊ុយរ៉ាហ្គាយ និងអាហ្សង់ទីន បានមើលឃើញការខាតបង់ផ្នែកសេដ្ឋកិច្ចយ៉ាងច្រើន ពីគ្រោះមហន្តរាយនេះ។

ទឹកជំនន់បង្កការបំផ្លិចបំផ្លាញដ៏មហន្តរាយក្នុងប្រទេសចិន ខណៈម្ចាស់អាជីវកម្មនានាយំស្រែកស្ដាយទ្រពសម្បត្តិ

ម្ចាស់អាជីវកម្មខ្នាតតូចនៅតាមដងផ្លូវនៃស្រុកភីងជាំង(Pingjiang) ក្នុងខេត្ត ហ៊ូណាន(Hunan) ប្រទេសចិន បានស្រែកយំរៀបរាប់ការខាតបង់យ៉ាងធ្ងន់ធ្ងរ បន្ទាប់ពីតំបន់នេះ ត្រូវបានវាយប្រហារដោយភ្លៀងធ្លាក់ខ្លាំង និងទឹកជំនន់កាលពីថ្ងៃពុធ ទី ៣ ខែកក្កដាសប្ដាហ៍នេះ ។អ្នកស្រី តាន់ (Tan)អាជីវកររស់នៅក្នុងស្រុកនេះ និងជាថៅកែហាងលក់សម្ភារៈការិយាល័យ បាននិយាយថា គ្រួសាររបស់អ្នកស្រីកំពុងព្យាយាមប្រមូលទំនិញទាំងអស់ទៅកាន់បន្ទប់ជាន់លើ នៅពេល ទឹកជំនន់បានហក់ឡើងខ្ពស់តាំងពីព្រឹកព្រលឹម ប៉ុន្តែភ្លាមៗនោះ ទឹកជំនន់បានលិចពេញជាន់ទីមួយ។ អ្នកស្រី បាននិយាយថា រូបគាត់មិនបានទទួលការជូនដំណឹងជាមុនទេ មុនពេលទឹកជំនន់មកដល់។ភ្លៀងធ្លាក់ខ្លាំងបានវាយលុកផ្នែកខ្លះនៃខេត្ត ហ៊ូណាន ភាគកណ្តាលប្រទេសចិនកាលពីដើមសប្តាហ៍នេះ ដែលបណ្តាលឱ្យទឹកទន្លេ មីឡូ (Miluo) ក្នុងស្រុកភីងជាំង ហក់ឡើងដល់កម្រិតខ្ពស់បំផុតក្នុងរយៈពេល៧០ ឆ្នាំ។ ក្រុមអាជ្ញាធរក្នុងតំបន់ក្នុងខេត្តហ៊ូណាន បានធ្វើសកម្មកម្រិតឆ្លើយតបគ្រាអាសន្នអតិបរមា។ មនុស្សប្រហែល ៣៤០.០០០នាក់ នៅក្នុងប្រទេសចិនបានរងផលប៉ះពាល់ ហើយអាជីវកម្មត្រូវបានរងផលប៉ះពាល់៕

បាតុកម្មធំ ប្រឆាំងក្រុមស្តាំនិយម ធ្វើឡើងក្នុងទីក្រុងប៉ារីស មុនការបោះឆ្នោតជុំទី២ នៅថ្ងៃអាទិត្យ

ក្រុមបាតុកររាប់ពាន់នាក់ បានមកប្រមូលផ្តុំគ្នានៅទីក្រុងប៉ារីស ប្រទេសបារាំង ដើម្បីជំរុញអ្នកបោះឆ្នោតឱ្យរារាំងកម្លាំងស្តាំនិយម មិនឱ្យទទួលជ័យជម្នះក្នុងការបោះឆ្នោតសភាមុនអាណត្តិនៅជុំទីពីរ។ គណបក្ស National Rally party ស្តាំនិយម និងសម្ព័ន្ធមិត្តរបស់ខ្លួន បានឈរលើចំណុចកំពូលក្នុងជុំទីមួយនៃការបោះឆ្នោតសភា កាលពីថ្ងៃអាទិត្យមុន ដោយទទួលបានសំឡេងច្រើនជាង៣០ភាគរយ។ការបោះឆ្នោតជុំទី២ គ្រោងនឹងប្រព្រឹត្តទៅនៅថ្ងៃអាទិត្យ ក្នុងមណ្ឌលបោះឆ្នោតដែលពុំមានអ្នកឈ្នះក្នុងជុំទី១។ សហជីពពាណិជ្ជកម្ម ក្រុមអង្គការសិទ្ធិមនុស្ស និងអ្នករៀបចំផ្សេងទៀត បានរៀបចំព្រឹត្តិការណ៍នេះនៅទីលានមួយកន្លែងក្នុងរដ្ឋធានី ប្រទេសបារាំង កាលពីថ្ងៃពុធ។ អ្នកចូលរួម រួមមានទាំងតារាសម្ដែង បញ្ញាវន្ត និងតន្ត្រីករ។ម្ចាស់ជ័យលាភីផ្នែកអក្សរសាស្ត្រម្នាក់ បាននិយាយនៅក្នុងសារជាវីដេអូថា មានពេលវេលានៅក្នុងប្រវត្តិសាស្ត្ររបស់ប្រទេសមួយ នៅពេលដែលពលរដ្ឋរបស់ខ្លួន ធ្វើការជ្រើសរើសដែលពិបាកនឹងត្រលប់ថយក្រោយវិញ ហើយវានឹងកើតឡើងនៅថ្ងៃអាទិត្យក្រោយនេះ។ ក្រុមចម្រុះឆ្វេងនិយម រណសិរ្សប្រជាប្រិយភាពថ្មី បានទទួលចំណាត់ថ្នាក់ទីពីរក្នុងការបោះឆ្នោតជុំទី១ ហើយក្រុមចម្រុះដែលកំពុងកាន់អំណាច ដឹកនាំដោយប្រធានាធិបតី លោក Emmanuel Macron ស្ថិតនៅលំដាប់ទី៣ ។បេក្ខជនមួយចំនួន បានដកខ្លួននៅមុនការបោះឆ្នោតជុំទី២នៅថ្ងៃអាទិត្យ ដើម្បីបង្រួបបង្រួមដោយប្រសិទ្ធភាពប្រឆាំងកម្លាំងស្តាំនិយម។ ប៉ុន្តែសមាជិកមួយចំនួនរបស់ក្រុមចម្រុះដែលកំពុងកាន់អំណាចមានភាពអវិជ្ជមានចំពោះកិច្ចសហប្រតិបត្តិការបែបនេះ។

ទួរគី បិទព្រំដែនស៊ីរី ក្រោយអំពើហិង្សាផ្ទុះឡើង ក្នុងប្រទេសទាំងពីរ

ប្រភពពីក្រុមប្រឆាំងស៊ីរី និងអ្នកស្រុក បាននិយាយថា ទួរគី បានបិទច្រកព្រំដែនសំខាន់របស់ខ្លួនចូលទៅក្នុងភាគពាយ័ព្យប្រទេសស៊ីរី កាលពីថ្ងៃអង្គារ បន្ទាប់ពីទាហានទួរគី បានរងការបាញ់ប្រហារពីប្រជាជនស៊ីរី ដែលខឹងសម្បាដោយអំពើហិង្សាលើជនរួមជាតិរបស់ពួកគេនៅក្នុងប្រទេសទួរគី។រដ្ឋមន្ត្រីមហាផ្ទៃលោក Ali Yerlikaya បាននិយាយថា នៅក្នុងប្រទេសទួរគីថា នគរបាល បានឃាត់ខ្លួនមនុស្សចំនួន ៤៧៤នាក់ ដែលជាប់ពាក់ព័ន្ធក្នុងការវាយប្រហារកំណត់គោលទៅលើសហគមន៍ស៊ីរី នៅ ទូទាំងប្រទេសពេញមួយយប់ នៅក្នុងការធ្វើឲ្យភាពចលាចលរាលដាល ដែលបានចាប់ផ្តើម កាលពីយប់ថ្ងៃអាទិត្យ។ទ្រព្យសម្បត្តិ និងយានជំនិះរបស់ជនជាតិស៊ីរី ត្រូវបានបំផ្លិចបំផ្លាញ និងដុតបំផ្លាញ នៅកណ្តាលទីក្រុង Kayseri បង្កការភ្ញាក់ផ្អើលដោយរបាយការណ៍ប្រព័ន្ធផ្សព្វផ្សាយសង្គមថា បុរសជនជាតិស៊ីរីម្នាក់ បានបំពានផ្លូវភេទលើក្មេងស្រីម្នាក់ដែលជាសាច់ញាតិរបស់ខ្លួន។ លោក Yerlikaya បាននិយាយថា ឧប្បត្តិហេតុនេះ កំពុងត្រូវបានស៊ើបអង្កេត។ទីភ្នាក់ងារស៊ើបការណ៍ចារកម្ម MIT របស់ប្រទេសទួរគី បាននិយាយនៅក្នុងសេចក្តីថ្លែងការណ៍មួយថា អំពើហិង្សាបានរីករាលដាលដល់ខេត្ត Hatay, Gaziantep, Konya, Bursa និងស្រុកអ៊ីស្តង់ ប៊ុល (Istanbul)។ មានសេចក្តីរាយការណ៍តាមប្រព័ន្ធផ្សព្វផ្សាយសង្គមអំពីមានអ្នករបួសខ្លះ ក្នុងចំណោមប្រជាជនស៊ីរី។ក្រោយមក ប្រជាជនស៊ីរីរាប់រយនាក់ដែលខឹងសម្បា បានដើរតាមដងផ្លូវក្នុងទីប្រជុំជនជាច្រើន នៅភាគពាយព្យស៊ីរីដែលគ្រប់គ្រងដោយក្រុមឧទ្ទាម ជាតំបន់ដែលទួរគីរក្សាកងទ័ពរាប់ពាន់នាក់ និងបានប្រើប្រាស់ ឥទ្ធិពលដ៏លើសលប់របស់ពួកគេ ដែលបានរារាំងប្រធានាធិបតីស៊ីរី លោក បាសា អាល់អាសាដ Bashar al-Assad ពីការគ្រប់គ្រងតំបន់នេះឡើងវិញ។

ការតវ៉ានៅកេនយ៉ា សកម្មជនត្រូវបានបង្ខំឱ្យពិចារណាឡើងវិញនូវយុទ្ធសាស្ត្រ ក្នុងពេលមានអំពើហិង្សា

យោងតាមក្រុមអ្នកវិភាគបាននិយាយថា សកម្មជន ដែលនៅពីក្រោយការតវ៉ាប្រឆាំងរដ្ឋាភិបាលប្រទេសកេនយ៉ា កំពុងត្រូវបានបង្ខំឱ្យពិចារណាឡើងវិញនូវវិធីសាស្រ្តរបស់ពួកគេ បន្ទាប់ពីបាតុកម្មនៅសប្តាហ៍នេះ ដែលបានបំផ្លាញដោយអំពើហឹង្សារាលដាល និងការចូលលួចនៅទីតាំងអាជីវកម្មជាច្រើនកន្លែង។ អ្នកវិភាគនយោបាយម្នាក់ដែលមានមូលដ្ឋាននៅទីក្រុងណៃរ៉ូប៊ី បាននិយាយកាលពីថ្ងៃពុធថា ចលនានេះ បានផ្លាស់ប្តូរទៅជាអ្វីផ្សេងទៀតលើសពីគោលដៅដំបូងរបស់វា។ តារាភាពយន្តស្រីម្នាក់ នាង Foi Wambui ដែលបានមកចូលរួមក្នុងការតវ៉ានៅក្រុងណៃរ៉ូប៊ី កាលពីថ្ងៃអង្គារ បាននិយាយថា ភាពវឹកវរ បានរារាំងបាតុករដោយសន្តិវិធីមិនឲ្យចូលរួម។ តារាភាពយន្តស្រីរូបនេះ បានបញ្ជាក់ថា ក្រុមអ្នកតវ៉ាដោយសន្តិវិធី ត្រូវបានរារាំងមិនឲ្យចេញក្រៅ ធ្វើឲ្យរំខានដល់អ្វីដែលយើងកំពុងព្យាយាមធ្វើ។ អ្នកវិភាគ បានរិះគន់កងកម្លាំងនគរបាល របស់ប្រទេសកេនយ៉ា ថា ជាអង្គភាពដែលមិនទទួលខុសត្រូវ ការពាររបបសេរីនិយម ដែលផ្តាច់ចេញពីក្តីបារម្ភរបស់ប្រជាជន។ ទោះជាយ៉ាងណា តារាភាពយន្ត នាង Wambui នៅតែរក្សាការតវ៉ាក្នុងគោលបំណងដោះស្រាយបញ្ហាជាតិ យូរអង្វែង។ដោយសារការចូលលួច បានបំផ្លាញដល់ការគាំទ្រសាធារណៈ សកម្មជនកំពុងត្រូវបានជំរុញឱ្យស្វែងរកយុទ្ធសាស្ត្រអហឹង្សាដែលមានប្រសិទ្ធភាពបន្ថែមទៀត ដូចជាការធ្វើពហិការ និងការរំខានដល់ផ្នែកសេដ្ឋកិច្ច ជំនួសឱ្យការបំផ្លាញទ្រព្យសម្បត្តិ។ អ្នកវិភាគនិយាយថា មានយុទ្ធសាស្រ្តនៃការតស៊ូដោយអហឹង្សា និងការតវ៉ាដែលអាចមានប្រសិទ្ធភាព ជាពិសេសនៅពេលដែលពួកគេកំណត់គោលដៅសេដ្ឋកិច្ច។ ប៉ុន្តែមនុស្សគួរតែឈប់បំផ្លាញ ឬលួចទ្រព្យសម្បត្តិ។អាជ្ញាធរប្រទេសកេនយ៉ា និយាយថាពួកគេបានព្យាយាមបែងចែករវាងបាតុករដោយសន្តិវិធី និង ឧក្រិដ្ឋជន ដែលធ្វើបាតុកម្ម។

មនុស្ស ៥៣ នាក់ស្លាប់ និងជិត ២០០ នាក់របួសក្នុងគ្រោះថ្នាក់ផ្លូវហាយវ៉េនៅមីយ៉ាន់ម៉ា ក្នុងពេល ៦ខែ

មន្ត្រីនគរបាលផ្លូវហាយវ៉េ បាននិយាយកាលពីថ្ងៃពុធ (០៣ កក្កដា) ថា មនុស្សសរុបចំនួន ៥៣ នាក់បានស្លាប់ និង ១៨៦ នាក់ផ្សេងទៀតបានរងរបួសនៅក្នុងគ្រោះថ្នាក់ចរាចរណ៍ចំនួន ៩៩ ករណីនៅលើផ្លូវហាយវ៉េ យ៉ានហ្កន-ម៉ានដាឡាយ (Yangon-Mandalay) របស់សហភាពមីយ៉ាន់ម៉ា នៅក្នុងឆមាសទីមួយនៃឆ្នាំនេះ។ មន្រ្តីនគរបាលនោះបានប្រាប់សារព័ត៌មានស៊ីនហួរថា តួលេខនេះមានការកើនឡើង បើប្រៀបធៀបទៅនឹងការស្លាប់ចំនួន ៥៣ នាក់ និងរបួស ១៦២ នាក់ដែលបានរាយការណ៍ពីគ្រោះថ្នាក់ចរាចរណ៍ចំនួន ៨៣ ករណីក្នុងរយៈពេលដូចគ្នាកាលពីឆ្នាំមុន។មូលហេតុចម្បងនៃគ្រោះថ្នាក់រថយន្តនៅក្នុងប្រទេសមីយ៉ាន់ម៉ា រួមមានយានយន្តខុសបច្ចេកទេស ការធ្វេសប្រហែសរបស់មនុស្ស រួមទាំងស្ថានភាពផ្លូវ និងអាកាសធាតុមិនល្អ។ មន្រ្តីរូបនោះបានបន្ថែមថា គ្រោះថ្នាក់ចរាចរណ៍ភាគច្រើនក្នុងប្រទេសអាស៊ីអាគ្នេយ៍មួយនេះគឺមកពីការបើកបរមិនប្រុងប្រយ័ត្ន។ផ្លូវល្បឿនលឿន យ៉ានហ្កន-ម៉ានដាឡាយ ប្រវែង ៥៨៧ គីឡូម៉ែត្រ ដែលជាផ្លូវហាយវ៉េដ៏មមាញឹកបំផុតនៅក្នុងប្រទេសមីយ៉ាន់ម៉ា តភ្ជាប់ទីក្រុងពាណិជ្ជកម្មរបស់ទីក្រុង យ៉ានហ្កន ជាមួយទីក្រុងធំទីពីររបស់ខ្លួនគឺក្រុង ម៉ានដាឡាយ៕

បណ្ដាញសង្គម

ព័ត៌មានថ្មីៗ

ឯកឧត្តមសាស្រ្តាចារ្យ ឈាង រ៉ា បានលើកទឹកចិត្តដល់មន្រ្តីនៃមជ្ឈមណ្ឌលជាតិផ្តល់ឈាម «ត្រូវឈរលើគោលការណ៍ នវានុវត្តន៍ ប្រសិទ្ធភាព គុណភាព សមភាព និងគុណធម៌»

បុរសម្នាក់បើករថយន្តដឹកដំឡូងក្នុងចម្ការប៉ះមីនតោនផ្ទុះរងរបួសធ្ងន់ ស្ថិតនៅស្រុកសំពៅលូន ខេត្តបាត់ដំបង

សម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជា ចាត់មន្ត្រីចូលរួមរំលែកទុក្ខយ៉ាងក្រៀមក្រំបំផុតចំពោះមរណភាមន្រ្តីបោសសម្អាតមីនអង្គភាពស៊ីម៉ាក់

សម្តេចធិបតី ហ៊ុន ម៉ាណែត និងលោកជំទាវបណ្ឌិតចូលរួមថវិកាឧបត្ថម្ភ ៤០ លានរៀលដល់គ្រួសារ សពមន្រ្តី CMAC ពលីក្នុងឧបទ្ទវហេតុផ្ទុះគ្រាប់មីន

រដ្ឋមន្ត្រី៖ យន្តហោះល្បាតដែនសមុទ្ររបស់បារាំង គឺជាគោលដៅនៃការបំភិតបំភ័យរបស់រុស្ស៊ី

មីយ៉ាន់ម៉ា៖ ការវាយប្រហាររបស់ពួកឧទ្ទាម និងកង្វះខាតឧស្ម័ន ធ្វើវិបត្តិថាមពលអាក្រក់ឡើងៗ

កងទ័ពអាកាសអ៊ុយក្រែន៖ យានដ្រូនរបស់រុស្ស៊ី ៣៣គ្រឿង ត្រូវបានបាញ់ទម្លាក់ អំឡុងការវាយប្រហារ ពេញមួយយប់

រដ្ឋបាលខេត្តប៉ៃលិន បើកសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តបន្ដ

កងទ័ពជើងទឹកហ្វីលីពីន ធ្វើសមយុទ្ធក្បែរតំបន់ថ្មប៉ប្រះទឹកមានជម្លោះ ខណៈភាពតានតឹងជាមួយចិន នៅមិនទាន់ស្រាក

ឯកឧត្តមអភិសន្តិបណ្ឌិត និងប្រធានស្ថានតំណាងក្រសួងនគរបាលវៀតណាម វាយតម្លៃជាវិជ្ជមានពីកិច្ចសហប្រតិបត្តិការសន្តិសុខ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877