នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជន​ជាតិចិន ៣២៩នាក់ ពាក់​ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញ​ពី​ព្រះរាជាណាចក្រកម្ពុជា
ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត
តំណាងអយ្យការ មិនទាន់បញ្ចប់ការស៊ើបអង្កេត និងស្តាប់ចម្លើយមន្ត្រីជាន់ខ្ពស់នគរបាល២រូប និងជនសង្ស័យពីររូបទៀតនៅឡើយទេពាក់ព័ន្ធករណីសង្ស័យស៊ីសំណូក និងសម្អាតប្រាក់ពីក្រុមឆបោក តាមប្រព័ន្ធបច្ចេកវិទ្យា
ប្រព័ន្ធលូបង្ហូរទឹក ជាផ្នែកសំខាន់ដែលអាជ្ញាធរមូលដ្ឋានត្រូវយកចិត្តទុកដាក់ ដើម្បី​បញ្ចៀស​ការ​ជន់​លិច​នៅ​រដូវវស្សា

សន្តិសុខ និង សង្គម

ការស្ទង់មតិ៖ ការគាំទ្រសាធារណៈរបស់អាមេរិក សម្រាប់អ៊ីស្រាអែល ធ្លាក់ចុះ ខណៈភាគច្រើនគាំទ្របទឈប់បាញ់

2023/11/16 11:37:05 am        102
Facebook Telegram Linkin
ការគាំទ្រសាធារណៈរបស់សហរដ្ឋអាមេរិក ចំពោះសង្គ្រាមរបស់អ៊ីស្រាអែល ប្រឆាំងនឹងក្រុមសកម្មប្រយុទ្ធហាម៉ាស នៅក្នុងតំបន់ហ្កាហ្សា កំពុងធ្លាក់ចុះ ហើយប្រជាជនអាមេរិកភាគច្រើនគិតថា អ៊ីស្រាអែលគួរតែអំពាវនាវឲ្យមានបទឈប់បាញ់ចំពោះជម្លោះដែលបានរាលដាលទៅជាវិបត្តិមនុស្សធម៌ នេះបើយោងតាមការស្ទង់មតិថ្មីរបស់សារព័ត៌មាន រ៉យទ័រ និងទីភ្នាក់ងារស្រាវជា្រវមតិសាធារណៈ Ipsos។អ្នកឆ្លើយសំណួរមួយចំនួន ៣២% នៅក្នុងការស្ទង់មតិរយៈពេលពីរថ្ងៃ ដែលបានបិទកាលពីថ្ងៃអង្គារ (១៤ វិច្ឆិកា) បាននិយាយថា «សហរដ្ឋអាមេរិកគួរតែគាំទ្រអ៊ីស្រាអែល» នៅពេលត្រូវបានសួរថាតើតួនាទីអ្វីដែលសហរដ្ឋអាមេរិកគួរធ្វើនៅក្នុងការប្រយុទ្ធ។ តួលេខនោះគឺធ្លាក់ចុះពីចំនួន ៤១% កាលពីមុនដែលបាននិយាយថា សហរដ្ឋអាមេរិកគួរតែគាំទ្រអ៊ីស្រាអែល នៅក្នុងការស្ទង់មតិដែលធ្វើឡើងនៅថ្ងៃទី១២ និងទី១៣ ខែតុលា។ អ្នកឆ្លើយតបជាង ៦៨% នៅក្នុងការស្ទង់មតិនោះបាននិយាយថា ពួកគេយល់ស្របលើប្រយោគដែលថា អ៊ីស្រាអែលគួរតែអំពាវនាវឲ្យមានបទឈប់បាញ់ ហើយព្យាយាមចរចាវិញ។ ភាគរយនៃប្រជាជនដែលនិយាយថា «សហរដ្ឋអាមេរិកគួរតែជាអ្នកសម្រុះសម្រួលអព្យាក្រឹត» បានកើនឡើងដល់ ៣៩% នៅក្នុងការស្ទង់មតិថ្មីពីចំនួន ២៧% កាលពីមួយខែមុន និងមនុស្ស ៤% និយាយថា សហរដ្ឋអាមេរិកគួរតែគាំទ្រប៉ាឡេស្ទីន ហើយប្រជាជន ១៥% បាននិយាយថា សហរដ្ឋអាមេរិកមិនគួរពាក់ព័ន្ធទាល់តែសោះនៅក្នុងជម្លោះ ដោយតួលេខទាំងពីរនេះមានភាពស្រដៀងគ្នាទៅកាលពីមួយខែមុនដែរ។អ៊ីស្រាអែល បានពឹងពាក់អាមេរិកជាសម្ព័ន្ធមិត្តដ៏មានឥទ្ធិពលបំផុតរបស់ខ្លួនជាយូរមកហើយសម្រាប់ជំនួយយោធារាប់ពាន់លានដុល្លារក្នុងមួយឆ្នាំ និងជំនួយការទូតអន្តរជាតិជាច្រើន។ ការធ្លាក់ចុះនៃការគាំទ្រសាធារណៈរបស់សហរដ្ឋអាមេរិក អាចជាសញ្ញាដ៏គួរឱ្យព្រួយបារម្ភសម្រាប់ប្រទេសមជ្ឈិមបូព៌ាមួយនេះ ដែលមិនត្រឹមតែប្រឈមមុខនឹងពួកសកម្មប្រយុទ្ធហាម៉ាស នៅក្នុងតំបន់ហ្កាហ្សា ប៉ុណ្ណោះទេ ប៉ុន្តែក៏បានប៉ះទង្គិចជាមួយក្រុមចលនាអ៊ីស្លាមនិយម ហេសបូឡា នៅប្រទេសលីបង់ និងបានធ្វើ «សង្រ្គាមស្រមោល» យូរអង្វែងជាមួយអ៊ីរ៉ង់ ដែលជាសត្រូវមហាអំណាចក្នុងតំបន់របស់ខ្លួន៕

ប្រធានជំនួយរបស់UN ស្នើឲ្យអ៊ីស្រាអែលបើកច្រកឆ្លងកាត់ Kerem Shalom ចូលទៅក្នុងតំបន់ហ្កាហ្សា

2023/11/16 11:32:46 am        72
Facebook Telegram Linkin
ប្រធានជំនួយរបស់អង្គការសហប្រជាជាតិលោក Martin Griffiths កាលពីថ្ងៃពុធ បានស្នើឲ្យអ៊ីស្រាអែល អនុញ្ញាតឲ្យផ្តល់ជំនួយមនុស្សធម៌ចូលទៅក្នុងតំបន់ហ្កាហ្សាតាមរយៈច្រកឆ្លងកាត់ Kerem Shalom ក្នុងប្រទេសអ៊ីស្រាអែល ដែលជាផ្នែកមួយនៃផែនការ ១០ចំណុច ដើម្បីឆ្លើយតបទៅនឹងតម្រូវការរបស់ប្រជា ជន។លោក Griffiths បានថ្លែងប្រាប់អ្នកយកព័ត៌មាននៅទីក្រុងហ្សឺណែវថា៖«ច្រកឆ្លងកាត់ Kerem Shalom សូមអ៊ីស្រាអែលផ្តល់ឲ្យយើងនូវច្រកនេះសម្រាប់ចំណុចឆ្លងកាត់របស់យើង»។លោក Griffiths បាននិយាយថា ច្រកឆ្លងកាត់ Kerem Shalom ត្រូវបានប្រើដើម្បីដឹកទំនិញជាង ៦០ភាគរយទៅកាន់តំបន់ហ្កាហ្សា មុនពេលមានជម្លោះនេះ។ជំនួយបច្ចុប្បន្នត្រូវបានអនុញ្ញាតឲ្យចូលទៅក្នុងតំបន់ហ្កាហ្សាមកតាមច្រក Rafah នៅតាមព្រំដែនអេហ្ស៊ីប ដែលត្រូវបានធ្វើឡើងសម្រាប់ការឆ្លងកាត់សម្រាប់អ្នកថ្មើរជើង និងមិនមែនសម្រាប់រថយន្តដឹកទំនិញទេ។ធាតុផ្សំផ្សេងទៀតនៃផែនការដែលបង្ហាញដោយ លោកGriffiths រួមមានការសម្របសម្រួលដល់កិច្ចខិតខំប្រឹងប្រែងរបស់ទីភ្នាក់ងារជំនួយក្នុងការនាំយកក្បួនរថយន្តជំនួយជាបន្តបន្ទាប់ និងអនុញ្ញាតឲ្យពួកគេបង្កើតមជ្ឈមណ្ឌលចែកចាយជំនួយសម្រាប់ជនស៊ីវិល។

កម្លាំងការពារអ៊ីស្រាអែល រកឃើញកាំភ្លើង AK47 លាក់នៅពីក្រោយម៉ាស៊ីនស្កែន MRI នៅក្នុងការវាយឆ្មក់មន្ទីរពេទ្យហ្កាហ្សា

2023/11/16 11:24:53 am        116
Facebook Telegram Linkin
ទាហានអ៊ីស្រាអែល អះអាងថា បានរកឃើញកាំភ្លើងAK47មួយដើម និងគ្រាប់បែកដៃជាច្រើនគ្រាប់លាក់នៅពីក្រោយម៉ាស៊ីនស្កែន MRI អំឡុងការវាយឆ្មក់លើមន្ទីរពេទ្យ Al Shifa។លោកវរសេនីយ៍ទោ Jonathan Conricus អ្នកនាំពាក្យនៃកងកម្លាំងការពារអ៊ីស្រាអែល (IDF) បានបង្ហាញអាវុធដែលខ្លួនអះអាងថាជាកម្មសិទ្ធិរបស់ក្រុមហាម៉ាស នៅក្នុងខ្សែវីដេអូ ដែលត្រូវបានគេរាយការណ៍ថា បានថតនៅខាងក្នុងមន្ទីរពេទ្យនោះ។រូបភាពផ្សេងទៀត បង្ហាញពីកាំភ្លើង គ្រាប់រំសេវ និងពាសដែកដែលកងកម្លាំងការពារអ៊ីស្រាអែល បាននិយាយថា ក៏ត្រូវបានរកឃើញ នៅក្នុងការវាយឆ្មក់ដោយអង្គភាពសម្រាំង Shaldag របស់ខ្លួន និងកងពលលេខ ៣៦ ផងដែរ។អ្នកនាំពាក្យឧត្តមនាវីទោ Daniel Hagari បាននិយាយថា៖««ការរកឃើញទាំងនេះ បង្ហាញយ៉ាងច្បាស់ថា មន្ទីរពេទ្យ ត្រូវបានប្រើប្រាស់សម្រាប់ភេរវកម្ម ដោយបំពានច្បាប់អន្តរជាតិទាំងស្រុង»។ក្រសួងសុខាភិបាលដែលគ្រប់គ្រងដោយក្រុមហាម៉ាស នៅតំបន់ហ្កាហ្សា បានបដិសេធការអះអាងនេះដោយនិយាយថា គ្មានអាវុធណា ត្រូវបានរកឃើញ នៅក្នុងការវាយឆ្មក់នោះទេ។

អ្នកតវ៉ាគាំទ្រប៉ាឡេស្ទីន ប្រមូលផ្តុំគ្នានៅខាងក្រៅសភាអង់គ្លេស ខណៈសមាជិកសភាបោះឆ្នោតលើបទឈប់បាញ់តំបន់ហ្កាហ្សា

2023/11/16 11:15:10 am        103
Facebook Telegram Linkin
ក្រុមបាតុករ បានក្រវីទង់ជាតិប៉ាឡេស្ទីន អំឡុងការតវ៉ាមួយនៅក្នុងទីក្រុងឡុងដ្រ៍ កាលពីថ្ងៃពុធខណៈសមាជិកសភាអង់គ្លេសបានបោះឆ្នោតលើបទបទឈប់បាញ់នៅតំបន់ហ្កាហ្សា។ក្រុមអ្នកតវ៉ានៅខាងក្រៅវិមាន Westminster បានអំពាវនាវឲ្យសមាជិកសភាបង្ហាញពួកគេនូវការអំពាវនាវឲ្យមានបទឈប់បាញ់ ក្នុងជម្លោះអ៊ីស្រាអែល-ហ្កាហ្សា។ ចាប់តាំងពីការវាយលុករបស់ក្រុមហាម៉ាស់ នៅប្រទេសអ៊ីស្រាអែលភាគខាងត្បូងកាលពីថ្ងៃទី៧ ខែតុលាមានការគាំទ្រ និងការអាណិតអាសូរខ្លាំងសម្រាប់អ៊ីស្រាអែល ពីរដ្ឋាភិបាលប្រទេសលោកខាងលិច រួមមានទាំងពលរដ្ឋចក្រភពអង់គ្លេស និងពលរដ្ឋជាច្រើនទៀត។ប៉ុន្តែការឆ្លើយតបរបស់យោធាអ៊ីស្រាអែលបានជំរុញឲ្យមានកំហឹង ដោយមានការតវ៉ាជាញឹកញាប់ នៅក្នុងទីក្រុងឡុងដ្រ៍ទាមទារឲ្យមានបទឈប់បាញ់។ អ៊ីស្រាអែល បានធ្វើយុទ្ធនាការរបស់ខ្លួន ដើម្បីកម្ទេចក្រុមហាម៉ាស់ ជាក្រុមអ៊ីស្លាមនិយមគ្រប់គ្រងនៅតំបន់ហ្កាហ្សា បន្ទាប់ពីក្រុមសកម្មប្រយុទ្ធ សម្រុកចូល ប្រទេសអ៊ីស្រាអែលពីភាគខាងត្បូងសម្លាប់មនុស្ស ១.២០០នាក់។ ចាប់តាំងពីពេលនោះមក អ៊ីស្រាអែល បានដាក់ប្រជាជនទាំង២,៣លាននាក់នៅតំបន់ហ្កាហ្សា ឲ្យស្ថិតនៅក្រោមការហ៊ុមព័ទ្ធ និងបានបាញ់ផ្លោងដោយការវាយប្រហារតាមអាកាស។មន្ត្រីសុខាភិបាលតំបន់ហ្កាហ្សា ដោយមានការជឿជាក់ពីអង្គការសហប្រជាជាតិ បាននិយាយថាពលរដ្ឋប៉ាឡេស្ទីន ប្រមាណ១១.៥០០នាក់ ត្រូវបានបញ្ជាក់ថាស្លាប់ ក្នុងចំណោមនេះប្រមាណ៤០ភាគរយ គឺជាកុមារ ហើយជាច្រើននាក់ទៀតត្រូវបានកប់នៅក្រោមកម្ទេចកម្ទី។

ចាប់ខ្លួនជនជាតិចិន ២នាក់ ករណីបង្ខាំងមនុស្សជំរិតទារប្រាក់

2023/11/16 10:09:30 am        612
Facebook Telegram Linkin
នគរបាលរាជធានីភ្នំពេញបានចាប់ខ្លួនជនជាតិចិនចំនួន ២នាក់ ករណី​បង្ខាំង​មនុស្ស​ដោយ​ខុស​ច្បាប់ ដើម្បីជំរិតទារប្រាក់ ៦៤០០ដុល្លារ។កម្លាំងការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បាន​ស្រាវជ្រាវឈានដល់មានការបង្ក្រាបករណីបង្ខាំងមនុស្សដោយខុសច្បាប់ ដើម្បីជំរិតទារប្រាក់ ចំនួន ៦៤០០ដុល្លារសហរដ្ឋអាមេរិក ដោយសមត្ថកិច្ចបានឃាត់ខ្លួនជនជាតិចិនចំនួន ២នាក់ ។លោកវរសេនីយ៍ទោ ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល នៃ​ស្នង​ការដ្ឋាន​នគរបាលរាជធានីភ្នំពេញ នាព្រឹកថ្ងៃទី១៦ ខែវិច្ឆិកា ឆ្នាំ២០២៣ បានប្រាប់ឲ្យដឹងថា កាល​ពី​ថ្ងៃទី០២ ខែវិច្ឆិកា ឆ្នាំ២០២៣ វេលាម៉ោងប្រហែល ០០និង៣០នាទី មាន​ករណី​ចាប់​ឃុំ​ឃាំង​ និងបង្ខាំងមនុស្សដោយខុសច្បាប់ ដើម្បីជំរោតយកប្រាក់មួយករណីកើតឡើងនៅបុរី ញូវ​ថោន​ ផ្លូវបេតុង ភូមិព្រៃទា១ សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ ដែល​ករណី​នេះ​បង្ក​ឡើងដោយជនសង្ស័យ ០៣នាក់ ជាជនជាតិចិន ជិះរថយន្តមួយគ្រឿងម៉ាក TOYOTA PRIUS ប្រដាប់ដោយអាវុធខ្លីមិនស្គាល់ម៉ាកចំនួន ០២ដើម បានធ្វើ​សកម្មភាព​ចាប់​ជន​រង​គ្រោះ​ចូលរថយន្តពេលចេញពីហូបអាហារនៅកន្លែងកើតហេតុ។លោកនាយការិយាល័យនគរបាលព្រហ្មទណ្ឌកំរិតស្រាល ប្រាប់បន្តថា ក្រោយ​ទទួល​បាន​ករណី​នេះ ​កម្លាំងជំនាញបានធ្វើការស្រាវជ្រាវតាមរយៈការពិនិត្យកាមេរ៉ាសុវត្ថិភាពនៅកន្លែងកើតហេតុ និង​តាមផ្លូវដែលជនសង្ស័យបានដឹកជនរងគ្រោះគេចខ្លួន រហូតកំណត់​មុខ​សញ្ញា​ប្រព្រឹត្ត​បទ​ល្មើស​បាន​។លោកវរសេនីយ៍ទោ ម៉ម សាវន បានបន្ថែមថា  ជនសង្ស័យដែលត្រូវបានចាប់ខ្លួនមាន ១-ឈ្មោះ WENG SHENGFENG ភេទប្រុស អាយុ ៤០ឆ្នាំ ជនជាតិចិន ២-ឈ្មោះ ZHANG YAN ភេទ​ប្រុស ​អាយុ ៣០ឆ្នាំ ជនជាតិចិន ដកហូតបានវត្ថុតាងបម្រើឲ្យការប្រព្រឹត្តិបទល្មើសមួយចំនួន។បច្ចុប្បន្នសំណុំរឿងនេះជំនាញនគរបាលកំពុងរៀបចំបញ្ជូនទៅសាលាដំបូងរាជធានីភ្នំពេញ ដើម្បីបន្តនីតិវិធីច្បាប់៕ អត្ថបទ ៖ តារាវុទ្ធី

ប្រជាជនប្រេស៊ីលសម្រុកទៅលេងសមុទ្រ ខណៈមានការព្រមានពីរលកកម្ដៅដ៏គ្រោះថ្នាក់

2023/11/15 01:58:00 pm        137
Facebook Telegram Linkin
មនុស្សម្នាជាច្រើនសម្រុកទៅកម្សាន្តតាមឆ្នេរសមុទ្រក្នុងទីក្រុង រីអូ ដេយ៉ានៃរ៉ូ (Rio de Janeiro) របស់ប្រទេសប្រេស៊ីល កាលពីថ្ងៃអង្គារ (១៤ វិច្ឆិកា) និងបាននាំគ្នាងូតទឹកសមុទ្រដើម្បីផ្ដល់ភាពត្រជាក់ ខណៈវិទ្យាស្ថានឧតុនិយមប្រេស៊ីល បានចេញការប្រកាសអាសន្នកម្រិត «គ្រោះថ្នាក់ខ្ពស់» ដោយសារតែរលកកម្ដៅបានវាយប្រហារប្រទេស។មនុស្សម្នានាំគ្នាងូតទឹកសមុទ្រ និងការពារខ្លួនពីព្រះអាទិត្យដ៏ក្ដៅគគុក ខណៈសីតុណ្ហភាពបានកើនឡើងដល់កម្រិត ៥៨,៥អង្សាសេ នៅម៉ោង ៩:១៥នាទីព្រឹក (ម៉ោងក្នុងស្រុក) ដែលជាកម្រិតខ្ពស់បំផុតចាប់តាំងពីឆ្នាំ ២០១៤ មក នេះបើតាមប្រព័ន្ធជូនដំណឹងនៃទីក្រុង រីអូ បានបង្ហោះនៅលើវេទិកាសង្គម X ។ ប្រព័ន្ធផ្សព្វផ្សាយក្នុងស្រុកបានរាយការណ៍ថា សីតុណ្ហភាពអាចកើនឡើង ១៣អង្សាសេ លើសពីមធ្យមភាគនៃរដូវកាលនេះ។វិទ្យាស្ថានជាតិឧតុនិយមនេះ បានចេញការប្រកាសអាសន្នកម្រិត «គ្រោះថ្នាក់ខ្ពស់» កាលពីថ្ងៃចន្ទ (១៣ វិច្ឆិកា) ដែលប៉ះពាល់ដល់តំបន់ជាងពាក់កណ្តាលនៃប្រទេស រួមទាំងទីក្រុង អូ ដេយ៉ានៃរ៉ូ ដែលអាកាសធាតុនឹងបន្តក្ដៅរហូតដល់ថ្ងៃសុក្រ។ រលកកម្ដៅនេះ ដែលជាករណីលើកទីបួនរបស់ប្រេស៊ីល នៅឆ្នាំនេះ បាននិងកំពុងកើនឡើងកាន់តែខ្លាំងដោយសារបាតុភូតអាកាសធាតុ អ៊ែល នីញ៉ូ និងការឡើងកម្ដៅផែនដី៕

ចំនួនជនអន្តោប្រវេសន៍វេណេហ្ស៊ុយអេឡា ធ្លាក់ចុះពាក់កណ្តាលនៅតាមព្រំដែនអាមេរិក-ម៉ិកស៊ិក

2023/11/15 01:50:40 pm        115
Facebook Telegram Linkin
ចំនួនជនជាតិវេណេហ្ស៊ុយអេឡាដែលឆ្លងដែនដោយខុសច្បាប់រវាងសហរដ្ឋអាមេរិក និងម៉ិកស៊ិក បានធ្លាក់ចុះជិតពាក់កណ្តាលចាប់តាំងពីជើងហោះហើរនិរទេសបានចាប់ផ្តើមឡើងវិញកាលពីខែមុន។ ស្ថិតិពីអង្គភាពគយ និងល្បាតព្រំដែន (CBP) បង្ហាញពីការធ្លាក់ចុះចំនួន៤៦% នៃការមកដល់បែបនេះ។ កាលពីដើមខែតុលា រដ្ឋាភិបាលរបស់លោកប្រធានាធិបតីអាមេរិក Joe Biden បានប្រកាសថា ខ្លួននឹងនិរទេសជនជាតិវេណេហ្ស៊ុយអេឡា ដែលមិនមានសិទ្ធិសុំសិទ្ធិជ្រកកោន ឬស្ថានភាពស្របច្បាប់បណ្តោះអាសន្ន។ មនុស្សជាង៧លាននាក់បានភៀសខ្លួនចេញពីប្រទេសវេណេហ្ស៊ុយអេឡាក្នុងរយៈពេលប៉ុន្មានឆ្នាំចុងក្រោយនេះ។ យោងតាមតួលេខរបស់អង្គភាពគយ និងល្បាតព្រំដែន ដែលចេញផ្សាយកាលពីថ្ងៃអង្គារ ភ្នាក់ងារព្រំដែនបានចាប់ជនជាតិវេណេហ្ស៊ុយអេឡាចំនួន ២៩.៦៣៧ នាក់ នៅព្រំដែនកាលពីខែមុន ដែលជាការធ្លាក់ចុះយ៉ាងខ្លាំងពីកម្រិតខ្ពស់ កាលពីខែកញ្ញាដែលមានដល់ទៅ៥៤.៨៣៣ នាក់ ។ ការចូលដោយខុសច្បាប់ជាទូទៅនៅតាមបណ្តោយព្រំដែនភាគខាងត្បូងក៏បានថយចុះផងដែរកាលពី ខែតុលាចំនួន១៤% ពីជិត ២១៩.០០០នាក់ កាលពីខែកញ្ញា។ កាលពីថ្ងៃទី ១៨ ខែតុលា កងកម្លាំងអនុវត្តច្បាប់អន្តោប្រវេសន៍ និងគយរបស់សហរដ្ឋអាមេរិក (ICE) បានចាប់ផ្តើមជើងហោះហើរនិរទេសទៅកាន់ប្រទេសវេណេហ្ស៊ុយអេឡា។ ចាប់តាំងពីពេលនោះមក ប្រជាជនវេណេហ្ស៊ុយអេឡារាប់រយនាក់ត្រូវបានបញ្ជូនទៅប្រទេសកំណើតវិញ។ កាលពីខែខែកញ្ញា សហរដ្ឋអាមេរិក ក៏បាននិយាយផងដែរថា ជនជាតិវេណេហ្ស៊ុយអេឡាប្រហែល ៤៧២.០០០នាក់ នឹងមានសិទ្ធិទទួលបានឋានៈការពារបណ្តោះអាសន្ន (TPS) សម្រាប់រយៈពេល ១៨ ខែ៕

រដ្ឋមន្ត្រីការពារជាតិអ៊ីស្រាអែលបានបញ្ជាក់ថា ការវាយលុកថ្មើរជើង នឹងរួមបញ្ចូល​តំបន់ហ្កាហ្សាភាគខាងត្បូង

2023/11/15 01:45:45 pm        172
Facebook Telegram Linkin
រដ្ឋមន្ត្រីក្រសួងការពារជាតិអ៊ីស្រាអែល លោក យ៉ូអាវ ហ្គាឡែនធ៍(Yoav Gallant) បានប្រាប់បណ្តាញព័ត៌មានវិទ្យុរបស់កម្លាំងការពារអ៊ីស្រាអែល(IDF) កាលពីថ្ងៃអង្គារថា ការវាយលុកថ្មើរជើងបស់ប្រទេសនេះលើតំបន់ហ្កាហ្សា នឹងមានរយៈពេលជាច្រើនខែ ហើយរាប់បញ្ចូលទាំងផ្នែកខាងត្បូងនៃដែនដីនេះ ដែលជាកន្លែងជនជាតិប៉ាឡេស្ទីនប្រហែលមួយលាននាក់ ត្រូវបានបញ្ជាឲ្យភៀសខ្លួនទៅ ខណៈដែល អ៊ីស្រាអែល បានចាប់ផ្តើមការទម្លាក់គ្រាប់បែក នៅភាគខាងជើង។លោកហ្គាឡែនធ៍ បានថ្លែងប្រាប់សេវាព័ត៌មានវិទ្យុ GLZ ថា៖«កិច្ចប្រតិបត្តិការនេះ នឹងមានរយៈពេលជាច្រើនខែ ហើយវានឹងរួមបញ្ចូលទាំងភាគខាងជើង និងភាគខាងត្បូង»។ «យើងនឹងកម្ទេចក្រុមហាម៉ាស នៅគ្រប់ទីកន្លែង។ ក្រុមហាម៉ាស កំពុងតែត្រូវបានបំផ្លាញ»។កម្លាំងការពារអ៊ីស្រាអែល (IDF) មិនបានឆ្លើយតបភ្លាមៗចំពោះសំណើសុំការបញ្ជាក់របស់សារព័ត៌មាន Semafor ទាក់ទងនឹងសេចក្តីថ្លែងការណ៍របស់ហ្គាឡែនធ៍នោះទេ។កម្លាំងការពារអ៊ីស្រាអែល បានកំណត់គោលដៅម្តងហើយម្តងទៀតលើតំបន់ហ្កាហ្សាភាគខាងត្បូងតាម រយៈការវាយប្រហារតាមអាកាស បើទោះបីជាបានបញ្ជាឲ្យប្រជាជនប៉ាឡេស្ទីនចេញពីតំបន់ហ្កាហ្សាភាគខាងជើងឲ្យជម្លៀស ទៅទីនោះក៏ដោយ។ក្នុងការការពារការវាយប្រហារតាមអាកាសរបស់ខ្លួនទៅលើតំបន់ហ្កាហ្សាភាគខាងត្បូង អ៊ីស្រាអែល អះអាងថា មាន «គោលដៅស្របច្បាប់»របស់ក្រុមសកម្មប្រយុទ្ធដែលរស់នៅក្បែរផ្ទះជនស៊ីវិល នៅទូទាំងតំបន់នេះ។

គ្រោះថ្នាក់រថយន្តក្រុងនៅរដ្ឋ Ohio បណ្តាលឲ្យមនុស្ស៦នាក់ស្លាប់ និង១៨នាក់រងរបួស

2023/11/15 01:42:25 pm        125
Facebook Telegram Linkin
រថយន្តបុកគ្នានៅលើផ្លូវ Interstate ៧០ ក្បែរផ្លូវលេខ ៣១០ ក្នុងតំបន់ Licking រដ្ឋ Ohio បានបណ្តាលឲ្យមនុស្ស ៦ នាក់ស្លាប់ និង ១៨ នាក់ផ្សេងទៀតរងរបួស។គ្រោះថ្នាក់ចរាចរណ៍ដ៏រន្ធត់នេះ បានកើតឡើងរវាងរថយន្តដឹកទំនិញមួយគ្រឿង បានបុកជាមួយរថយន្តក្រុងមួយគ្រឿងផ្សេងទៀត បណ្តាលឲ្យខូចខាតយ៉ាងដំណំ ហើយបានបង្កការភ្ញាក់ផ្អើលឲ្យមានការឆ្លើយតបភ្លាមៗពីអង្គភាពសង្គ្រោះបន្ទាន់។ឧបទ្ទវហេតុបណ្តាលឲ្យមានមនុស្សស្លាប់នេះ បានកើតឡើង ខណៈរថយន្តក្រុងមួយគ្រឿង កំពុងដឹកសិស្សមកពីសាលារៀនមួយកន្លែងនៅភាគខាងកើតរដ្ឋ Ohio ត្រូវបានរថយន្តដឹកទំនិញបុកពីក្រោយ។ អាជ្ញាធរកំពុងស៊ើបអង្កេតយ៉ាងសកម្ម ជុំវិញករណីគ្រោះថ្នាក់នេះ ហើយពុំទាន់បានបញ្ចប់ការជូនដំណឹងដល់ក្រុមគ្រួសារជនរងគ្រោះនៅឡើយទេ។

តុលាការកំពូលប្រទេសស្រីលង្កានិយាយថា អតីតប្រធានាធិបតីស្ថិតក្នុងចំណោមអ្នកដែលបានរួមចំណែកដល់វិបត្តិសេដ្ឋកិច្ច

2023/11/15 01:39:26 pm        109
Facebook Telegram Linkin
តុលាការកំពូលរបស់ប្រទេសស្រីលង្កា បានចេញសេចក្តីសម្រេចកាលពីថ្ងៃអង្គារថា អតីតប្រធានាធិបតី លោក Gotabaya Rajapaksa និងបងប្អូនប្រុសរបស់លោក គឺអតីតនាយករដ្ឋមន្ត្រី លោក Mahinda ស្ថិតក្នុងចំណោមមន្ត្រីរដ្ឋាភិបាលមួយចំនួន ដែលបានរួមចំណែកដល់វិបត្តិសេដ្ឋកិច្ចធ្ងន់ធ្ងរបំផុតរបស់ប្រទេសនេះក្នុងរយៈពេលជាច្រើនទសវត្សរ៍។ តុលាការបានចេញសេចក្តីសម្រេចលើញត្តិ ដែលបានប្តឹងអតីតមន្ត្រី១៣រូប ធ្វើឡើងដោយអង្គការសិទ្ធិមនុស្សតម្លាភាពអន្តរជាតិស្រីលង្កា (TISL) ដែលនិយាយថាបងប្អូនប្រុស Rajapaksa និងអ្នកមួយចំនួនទៀតជាអ្នកទទួលខុសត្រូវចំពោះវិបត្តិនេះ។យោងតាមសេចក្តីថ្លែងការណ៍ ដោយអង្គការសិទ្ធិមនុស្សតម្លាភាពអន្តរជាតិស្រីលង្កា (TISL) បានឲ្យដឹងថា សេចក្តីសម្រេចនិយាយថា «សកម្មភាព ការលុបចោល និងការប្រព្រឹត្ត របស់ពួកគេបានរួមចំណែកដល់វិបត្តិរបស់ប្រទេសស្រីលង្កា»។ តុលាការ ពុំបានបញ្ជាឲ្យមានការផ្ដន្ទាទោសណាមួយឡើយ។ បងប្អូនប្រុស Rajapaksa ពីរនាក់ អតីតទេសាភិបាលធនាគារកណ្តាលពីររូប និងប្រធានាធិបតីលោក Ranil Wickremesinghe ស្ថិតក្នុងចំណោមអ្នកដែលមានឈ្មោះនៅក្នុងញត្តិរបស់ អង្គការសិទ្ធិមនុស្សតម្លាភាពអន្តរជាតិស្រីលង្កា (TISL) ។ លោក Wickremesinghe គឺជានាយករដ្ឋមន្ត្រីនៅពេលមានវិបត្តិ។សេដ្ឋកិច្ចរបស់ប្រទេសស្រីលង្កា បានដួលរលំខណៈដែលវាបានធ្លាក់ចុះ ៧,៨% កាលពីឆ្នាំមុន ទទួលរងដោយការដាច់ចរន្តអគ្គិសនីរយៈពេលយូរ អតិផរណាកើនឡើង ប្រាក់រូពីធ្លាក់ចុះ និងមានអត្រាការប្រាក់ខ្ពស់ ដែលបណ្តាលមកពីវិបត្តិហិរញ្ញវត្ថុធ្ងន់ធ្ងរបំផុតក្នុងរយៈពេលជាង ៧ ទសវត្សរ៍។

បណ្ដាញសង្គម

ព័ត៌មានថ្មីៗ

លោក Netanyahu ថាលោកទទួលការព្យាបាលជំងឺមហារីកក្រពេញប្រូស្តាតដោយជោគជ័យ
04/24/2026 09:04 PM
Facebook Telegram Linkin
លោក Zelenskiy ធ្វើដំណើរទៅដល់អារ៉ាប៊ីសាអ៊ូឌីត ដើម្បីស្វែងរកកិច្ចសហប្រតិបត្តិការសន្តិសុខ
04/24/2026 08:04 PM
Facebook Telegram Linkin
មនុស្ស ២នាក់ស្លាប់ អំឡុងការវាយប្រហារតាមអាកាស ខណៈយោធោអ៊ីស្រាអែលចេញការព្រមានជម្លៀស នៅភាគខាងត្បូងលីបង់
04/24/2026 08:04 PM
Facebook Telegram Linkin
សមាជិកសភាហេសបូឡា៖ បទឈប់បាញ់ «គ្មានន័យ» ទេ ដោយសារតែការវាយប្រហាររបស់អ៊ីស្រាអែល
04/24/2026 08:04 PM
Facebook Telegram Linkin
កងកម្លាំងរក្សាសន្តិភាពឥណ្ឌូនេស៊ីរបស់ UN ស្លាប់ដោយសាររបួស អំឡុងការផ្ទុះ នៅលីបង់
04/24/2026 07:04 PM
Facebook Telegram Linkin
ទីក្រុងប៉េកាំងច្រានចោលការចោទប្រកាន់របស់លោក Trumpថា នាវាអ៊ីរ៉ង់ស្ទាក់ចាប់បានមានអំណោយពីចិន
04/24/2026 07:04 PM
Facebook Telegram Linkin
អាល្លឺម៉ង់ និងអ៊ីតាលី សង្កត់ធ្ងន់លើការរួបរួម ក្នុងចំណោមសមាជិករបស់អង្គការណាតូ
04/24/2026 07:04 PM
Facebook Telegram Linkin
លោក Putinនិយាយថា រុស្ស៊ីនឹងការពារផលប្រយោជន៍របស់ខ្លួននៅតំបន់អាក់ទិក
04/24/2026 07:04 PM
Facebook Telegram Linkin
ក្តីបារម្ភ និងភាពមិនច្បាស់លាស់កើតមាននៅអ៊ីរ៉ាក់ ខណៈអាមេរិកបញ្ឈប់ការដឹកជញ្ជូនប្រាក់ដុល្លារ
04/24/2026 07:04 PM
Facebook Telegram Linkin
គណៈកម្មការស៊ើបអង្កេតតង់ហ្សានី៖ មនុស្សជាង ៥០០នាក់ ត្រូវបានសម្លាប់ក្នុងអំពើហិង្សាបោះឆ្នោតឆ្នាំមុន
04/24/2026 07:04 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.