BTV NEWS

កម្លាំងគណៈបញ្ជាការឯកភាពរាជធានី បន្តប្រតិបត្តិការឆ្មក់ចុះបង្ក្រាប Online Scams នៅខណ្ឌ៧មករា ឃាត់ជនបរទេស៤០នាក់

ជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា

ករណី Online Scams ៖ តំណាងអយ្យការសម្រេចចោទប្រកាន់លើមន្ត្រីនគរបាលផ្កាយបី១នាក់ ,ផ្កាយពីរ ១នាក់ និងពាក់ព័ន្ធ ៤នាក់ផ្សេងទៀត

តំណាងអយ្យការ មិនទាន់បញ្ចប់ការស៊ើបអង្កេត និងស្តាប់ចម្លើយមន្ត្រីជាន់ខ្ពស់នគរបាល២រូប និងជនសង្ស័យពីររូបទៀតនៅឡើយទេពាក់ព័ន្ធករណីសង្ស័យស៊ីសំណូក និងសម្អាតប្រាក់ពីក្រុមឆបោក តាមប្រព័ន្ធបច្ចេកវិទ្យា

សន្តិសុខ និង សង្គម

សមត្ថកិច្ចចំរុះចុះទៅស្រាវជ្រាវករណីផ្ទុះអាវុធជាច្រើនគ្រាប់លើភ្នំគិរីរម្យ

កំពង់ស្ពឺ ៖ សមត្ថកិច្ចចំរុះជាច្រើននាក់បានចុះទៅស្រាវជ្រាវភ្លាមៗ បន្ទាប់ពីមានការផ្ទុះអាវុធជាច្រើនគ្រាប់នៅលើភ្នំគិរីរម្យ និងបានរកឃើញសំបកអាវុធបាញ់រួចជាង២០០គ្រាប់ ។ប្រភពព័ត៌មានបានឲ្យដឹងថា កាលពីព្រឹកថ្ងៃទី១៣ ខែវិច្ឆិកា ឆ្នាំ២០២៣ អាជ្ញាធរខេត្តកំពង់ស្ពឺ បានបង្កើតគណៈកម្មការចំរុះមួយចុះទៅស្រាវជ្រាវនៅចំណុចផ្ទះលំហែស្ថិតនៅភូមិថ្មី ហៅចំការតែ ឃុំចំបក់ ស្រុកភ្នំស្រួច ខេត្តកំពង់ស្ពឺ ជារបស់ឈ្មោះ ឆាយ ភេទប្រុស អាយុប្រហែល២៨ឆ្នាំ រស់នៅរាជធានីភ្នំពេញ ដែលគណៈកម្មការនេះមាន អាជ្ញាធរភូមិ ឃុំ មន្ត្រីបរិស្ថាន និងកម្លាំងនគរបាល និងកងរាជអាវុធហត្ថផងដែរ បន្ទាប់ពីទទួលបានព័ត៌មានពីការបាញ់បោះសេរីជាច្រើនគ្រាប់។ប្រភពព័ត៌មានបន្ថែមថា ក្រោយសួរនាំសាក្សីមួយចំនួននៅកន្លែងកើតហេតុ សមត្ថកិច្ចបានដឹងថា កាលពីថ្ងៃទី១១ ខែវិច្ឆិកា ឆ្នាំ២០២៣ ចាប់ពីវេលាម៉ោង១៦:០០ រហូតដល់យប់ជ្រៅ នៅទីតាំងកើតហេតុមានកម្មពីធីខួបកំណើត និងមានការបាញ់បោះសេរីជាបន្តបន្ទាប់។ ប្រភពបន្ថែមថា សមត្ថកិច្ចបានរកឃើញវត្ថុតាងជុំវិញកន្លែងកើតហេតុរួមមាន សំបកគ្រាប់កាំភ្លើងខ្លីចំរុះចំនួន ១១២គ្រាប់ សំបកគ្រាប់កាំភ្លើងM16ចំនួន ៣៦គ្រាប់ និងសំបកគ្រាប់កាំភ្លើងAKចំនួន៥៥គ្រាប់។ គណ:កម្មការបាននាំវត្ថុតាងទាំងអស់យកទៅរក្សាទុកនៅអធិការដ្ឋាននគរបាលស្រុកភ្នំស្រួច ដើម្បីធ្វើការស្រាវជ្រាវបន្ត៕ អត្ថបទ ៖ ប្រាក់ វ៉ាន់ដា

ក្រុមហេសបូឡាអះអាងថា ខ្លួនកំពុងប្រើអាវុធថ្មី ក្នុងការប្រយុទ្ធជាមួយទាហានអ៊ីស្រាអែល

មេដឹកនាំក្រុមសកម្មប្រយុទ្ធហេបូឡារបស់ប្រទេសលីបង់ បាននិយាយកាលពីថ្ងៃសៅរ៍ថា ក្រុមសកម្មប្រយុទ្ធរបស់ខ្លួន បានបង្ហាញអាវុធថ្មី រួមទាំងមីស៊ីលដែលមានក្បាលគ្រាប់ធុនធ្ងន់ នៅក្នុងការប្រយុទ្ធដែលកំពុងបន្ត នៅតាមព្រំដែនលីបង់-អ៊ីស្រាអែល ដោយបន្ថែមថា ពួកគេ នឹងបន្តប្រើប្រាស់ព្រំដែនដ៏តានតឹង ដើម្បីដាក់សម្ពាធលើអ៊ីស្រាអែល។លោក សាយយីដ ហាសសាន ណាស្រាលឡា (Sayyed Hassan Nasrallah) ក៏បានស្តីបន្ទោសសហរដ្ឋអាមេរិកជុំវិញសង្គ្រាមអ៊ីស្រាអែល និងក្រុមហាម៉ាស ដោយនិយាយថា សហរដ្ឋអាមេរិកជាប្រទេសតែមួយគត់ដែលអាចបញ្ឈប់ការវាយលុកយ៉ាងទូលំទូលាយរបស់អ៊ីស្រាអែលលើតំបន់ហ្កាហ្សាស្ទ្រីប ប៉ុន្តែមិនបានធ្វើដូច្នេះទេ។ លោកបាននិយាយថា ការវាយប្រហារលើកងទ័ពអាមេរិក នៅប្រទេសអ៊ីរ៉ាក់ និងស៊ីរី ដែលទីក្រុងវ៉ាស៊ីនតោន និយាយថា បានឈានដល់គ្រាប់រ៉ុក្កែតជាង៤០គ្រាប់ និងការវាយប្រហារដោយយានដ្រូន នឹងបន្តរហូតដល់សង្រ្គាមនៅតំបន់ហ្កាហ្សា ឈានដល់ទីបញ្ចប់។ប្រទេសអ៊ីស្រាអែល ប្រកាសស្ទាក់ចាប់ប្រតិបត្តិការ Arrow-3 ជាលើកដំបូង។ការអត្ថាធិប្បាយរបស់លោក ណាស្រាលឡា បានកើតឡើង ខណៈដែលស្ថានភាពនៅតាមបណ្តោយព្រំដែនភាគខាងត្បូងរបស់ប្រទេសលីបង់ បន្តកើនឡើង។ ក្រុមហេសបូឡាកាលពីថ្ងៃសុក្រ បានវាយប្រហារភាគខាងជើងអ៊ីស្រាអែលដោយយានដ្រូនអត្តឃាតចំនួន បីគ្រឿង បន្ទាប់ពីការវាយប្រហាររបស់អ៊ីស្រា អែល នៅភាគកណ្តាលប្រទេសស៊ីរី បានសម្លាប់ជនសកម្មប្រយុទ្ធហេសបូឡាចំនួន ៧នាក់។

សហគមន៍ជនភាគតិចអារ៉ាប់ មានមោទនភាព ក្នុងការចូលរួមបម្រើក្នុងសង្គ្រាមរបស់អ៊ីស្រាអែល

នៅក្នុងភូមិឌ្រូស (Druze) នៃទីក្រុងហឺ្វហ្វេស (Hurfeish) ដែលជាសហគមន៍ជនជាតិភាគតិចអារ៉ាប់នៅជិតព្រំដែនរបស់អ៊ីស្រាអែលជាមួយប្រទេសលីបង់ ភាគច្រើនជាស្ត្រី នៅតែមាន បន្ទាប់ពីបុរសជាច្រើនបានចាកចេញ ដើម្បីចូលរួមធ្វើសង្រ្គាម នៅខ្សែត្រៀមជួរមុខ។សហគមន៍នេះ ស្ថិតនៅតំបន់ហ្គាលីលី (Galilee) ដែលតុបតែងលំអដោយទង់ជាតិអ៊ីស្រាអែលយ៉ាងភ្លឺ និងភូមិឌ្រូស គឺសម្បូរដោយអ្នកស្នេហាជាតិ ចាប់តាំងពីក្រុមសកម្មប្រយុទ្ធហាម៉ាសមកពីហ្កាហ្សា បានវាយលុកតាមព្រំដែនជាមួយអ៊ីស្រាអែល ដែលមានចម្ងាយប្រហែល ២០០ គីឡូម៉ែត្រ (១២៥ម៉ាយ) ទៅភាគខាងត្បូង។តួលេខផ្លូវការចុងក្រោយរបស់អ៊ីស្រាអែល បានឱ្យដឹងថា ការវាយប្រហារនេះ បានបណ្តាលឲ្យមនុស្សប្រហែល ១.២00នាក់ ស្លាប់ នៅខាងអ៊ីស្រាអែល ដែលភាគច្រើនជាជនស៊ីវិល ត្រូវបានសម្លាប់ នៅថ្ងៃទី៧ ខែតុលា។អ៊ីស្រាអែល បានសងសឹកជាមួយនឹងយុទ្ធនាការទម្លាក់គ្រាប់បែកឥតឈប់ឈរ រួមនឹងការវាយលុក នៅក្នុងតំបន់ហ្កាហ្សា។ មនុស្សជាង ១១.000នាក់ នៅក្នុងទឹកដីប៉ាឡេស្ទីន ត្រូវបានសម្លាប់ ដែលភាគច្រើនជាជស៊ីវិលផងដែរ នេះបើយោងតាមតួលេខចុងក្រោយពីក្រសួងសុខាភិបាល នៅតំបន់ហ្កាហ្សា ដែលគ្រប់គ្រង ក្រុមហាម៉ាស។

បទបញ្ជាបណ្តេញជនអន្តោប្រវេសន៍របស់ប៉ាគីស្ថាន ធ្វើឲ្យវិបត្តិអាហ្វហ្គានីស្ថាន កាន់តែធ្ងន់ធ្ងរ

ការសម្រេចរបស់រដ្ឋាភិបាលប៉ាគីស្ថាន កាលពីខែមុន ក្នុងការនិរទេសជនអន្តោប្រវេសន៍អាហ្វហ្គានីស្ថាន ដែលគ្មានឯកសារ ត្រឡប់ទៅប្រទេសកំណើតរបស់ពួកគេវិញ បានធ្វើឱ្យវិបត្តិមនុស្សធម៌ របស់ប្រទេសនេះកាន់តែធ្ងន់ធ្ងរឡើង ដែលមនុស្សជាច្រើនគិតថាមិនអាចកាន់តែអាក្រក់ជាងនេះនោះទេ។ មនុស្សរាប់ម៉ឺននាក់ បានភៀសខ្លួនចេញពីប្រទេសប៉ាគីស្ថាន ជាទីដែលពួកគេបានស្វែងរកការជ្រកកោនពីសង្គ្រាម គ្រោះទុរ្ភិក្ស និងការធ្វើទុក្ខបុកម្នេញអស់ជាច្រើនទសវត្សរ៍មកហើយ។ក្រុមគ្រួសារជាច្រើនរបស់ជនជាតិអាហ្វហ្គានីស្ថាន ត្រូវបានបណ្ដេញចេញ ហើយកំពុងឆ្លងត្រឡប់ទៅប្រទេសកំណើត ដែលគ្រប់គ្រងដោយពួកតាលីបង់វិញដោយគ្មានអាហារ ទឹក ឬជម្រកនោះឡើយ។ ការមកដល់នៃពលរដ្ឋខ្លួនជិតរាប់ពាន់នាក់ពីប្រទេសប៉ាគីស្ថាន មានន័យថា ទ្រព្យសម្បត្តិរបស់ប្រទេសអាហ្វហ្គានីស្ថាន ហៀបនឹងធ្លាក់ចុះបន្ថែមទៀត។ផែនការធ្វើមាតុភូមិនិវត្តន៍ជនបរទេសខុសច្បាប់ របស់ទីក្រុងអ៊ីស្លាម៉ាបាដ បានផ្តល់ឱ្យជនជនអន្តោប្រវេសន៍អាហ្វហ្គានីស្ថាន ដែលគ្មានឯកសារ ត្រឹមតែរយៈពេលមួយខែប៉ុណ្ណោះ រហូតដល់ថ្ងៃទី ១ ខែវិច្ឆិកា ដើម្បីចាកចេញពីប្រទេស។ មនុស្សច្រើនជាង ២០ម៉ឺននាក់ បានចាកចេញរួចទៅហើយ និងមនុស្សជាច្រើនទៀតអាចនឹងចាកចេញជាបន្តបន្ទាប់ទៀត។ប៉ាគីស្ថានត្រូវបានប៉ាន់ប្រមាណថា មានជនអន្តោប្រវេសន៍ និងជនភៀសខ្លួនអាហ្វហ្គានីស្ថាន ប្រហែល ៤,៤លាននាក់ ហើយជាងមួយភាគបីនៃពលរដ្ឋទាំងនោះមិនមានឯកសារត្រឹមត្រូវនោះទេ នេះបើយោងតាមក្រុមអាជ្ញាធរ។ ការវិលត្រឡប់មកវិញរបស់ជនជាតិអាហ្វហ្គានីស្ថាន រាប់សែននាក់នេះ នឹងធ្វើឱ្យស្ថានភាពក្នុងប្រទេសនេះកាន់តែធ្ងន់ធ្ងរបន្ថែមទៀត ទៅដល់អ្វីដែលជាសោកនាដកម្មមនុស្សធម៌ដ៏អាក្រក់បំផុតរបស់ពិភពលោករួចទៅហើយនេះ៕

មន្ទីរពេទ្យកាន់តែច្រើនត្រូវបានផ្អាកប្រតិបត្តិការ ខណៈអ៊ីស្រាអែលតាមប្រម៉ាញ់ក្រុមហាម៉ាស

មន្ទីរពេទ្យសំខាន់ៗចំនួន២បន្ថែមទៀត នៅក្នុងតំបន់ហ្កាហ្សា ត្រូវបានបិទលែងទទួលអ្នកជំងឺថ្មី កាលពីថ្ងៃអាទិត្យទី១២វិច្ឆិកា ដោយនិយាយថា ការទម្លាក់គ្រាប់បែករបស់អ៊ីស្រាអែល បូករួមទាំងកង្វះប្រេងឥន្ធនៈ និងថ្នាំពេទ្យ បានបង្កគ្រោះថ្នាក់កាន់តែខ្លាំង ដល់ទារក ហើយមួយចំនួនអាចស្លាប់។ ក្រុមបុគ្គលិកមន្ទីរពេទ្យ និយាយថា មន្ទីរពេទ្យនានានៅភាគខាងជើងក្នុងតំបន់ឡោមព័ទ្ធប៉ាឡេស្ទីន ត្រូវបានបិទដោយកងកម្លាំងអ៊ីស្រាអែល និងមិនអាចទទួលបានការថែទាំសម្រាប់អ្នកជំងឺនៅខាងក្នុងមន្ទីរពេទ្យនោះទេ ។ អ៊ីស្រាអែល និយាយថា មន្ទីរពេទ្យនោះគឺជាជម្រកសម្រាប់ក្រុមសកម្មប្រយុទ្ធហាម៉ាសក្នុងតំបន់នោះ ហើយអ្នកជំងឺនៅក្នុងមន្ទីរពេទ្យទាំងនោះគួរតែត្រូវបានជម្លៀសចេញ ។ មន្ត្រីនិយាយថា មន្ទីរពេទ្យធំបំផុត និងធំបំផុតទី២ គឺមន្ទីរពេទ្យ អាល់ ស៊ីហ្វា (Al-Shifa) និងមន្ទីរពេទ្យ អាល់គុដ (Al-Quds) និយាយថា ពួកគេកំពុងផ្អាកប្រតិបត្តិការ ។ មនុស្សកាន់តែច្រើន បានស្លាប់ និងរបួសរាល់ថ្ងៃ ប៉ុន្តែពាក់កណ្ដាលនៃមន្ទីរពេទ្យក្នុងតំបន់នេះ លែងដំណើរការហើយនៅពេលនេះ ដែលអ្នករបួសមានកន្លែងកាន់តែតិចសម្រាប់ការព្យាបាល ។ អឌ្ឍចន្ទក្រហមប៉ាឡេស្ទីន បាននិយាយថា មន្ទីរពេទ្យអាល់គុដ លែងមានដំណើរការហើយ ខណៈ ដែលក្រុមបុគ្គលិកនៅតស៊ូថែទាំអ្នកជំងឺ នៅខាងក្នុងដោយមានសល់ថ្នាំពេទ្យ ទឹក និងអាហារតិចតួច៕

UN៖ ការវាយប្រហារដោយកាំភ្លើង ត្រូវចំអ្នករក្សាសន្តិភាពម្នាក់ នៅប្រទេសលីបង់ភាគខាងត្បូង

កងកម្លាំងរក្សាសន្តិភាពរបស់អង្គការសហប្រជាជាតិ នៅក្នុងប្រទេសលីបង់ បាននិយាយថា ការវាយប្រហារដោយកាំភ្លើងចេញពីប្រភពមិនស្គាល់អត្តសញ្ញាណមួយ បានត្រូវចំសមាជិកម្នាក់នៃកងកម្លាំងរបស់ខ្លួនកាលពីព្រឹកថ្ងៃអាទិត្យ ដោយបន្ថែមថា កងរក្សាសន្តិភាព កំពុងស្ថិតក្នុងស្ថានភាពមានស្ថិរភាព។សេចក្តីថ្លែងការណ៍របស់កងកម្លាំងបណ្តោះអាសន្នរបស់អង្គការសហប្រជាជាតិ នៅក្នុងប្រទេសលីបង់ (UNIFIL) មិនបានបង្ហាញពីថាតើឧបទ្ទវហេតុនេះ ត្រូវបានភ្ជាប់ទៅនឹងការបាញ់ប្រហារតគ្នា ដែលនៅកំពុងបន្ត នៅតាមព្រំដែនលីបង់ ដែលភាគច្រើនរវាងក្រុមហេសបូឡា និងអ៊ីស្រាអែល ចាប់តាំងពីការវាយប្រហាររបស់ក្រុមហាម៉ាសលើអ៊ីស្រាអែល កាលពីថ្ងៃទី៧ ខែតុលា បានបង្កឲ្យមានសង្រ្គាមផ្ទុះឡើង។អ្នកនាំពាក្យកងកម្លាំង លោក Andrea Tenenti បាននិយាយនៅក្នុងសេចក្តីថ្លែងការណ៍មួយថា៖«ភ្លាមៗបន្ទាប់ពីពាក់កណ្តាលអធ្រាត្រយប់មិញ ក្រុមអ្នករក្សាសន្តិភាព នៅក្នុងទីតាំងឈរជើងរបស់ UNIFIL នៅជិត ភូមិ Al-Qawzah បានរាយការណ៍ថា ខ្លួនបានឮការបាញ់ប្រហារ នៅក្បែរនោះ»។សេចក្តីថ្លែងការណ៍ បាននិយាយថា៖«អ្នករក្សាសន្តិភាពម្នាក់ បានរងការវាយប្រហារដោយគ្រាប់កាំភ្លើង ហើយបានទទួលការវះកាត់។ របួសរបស់ខ្លួន កំពុងជាសះស្បើយបណ្តើរៗ ហើយបច្ចុប្បន្នមានស្ថិរភាព ដោយបន្ថែមថា ប្រភពដើមនៃការបាញ់នោះ មិនត្រូវបានដឹងទេ ហើយកម្លាំងបានបើកការស៊ើបអង្កេត។

មនុស្សជាច្រើនចូលរួមជាមួយសមាជិកសភានៅទីក្រុងប៉ារីស ក្នុងដើរក្បួនជំទាស់នឹងគំនិតប្រឆាំងជ្វីហ្វនិយម

អ្នកដើរក្បួនរាប់ពាន់នាក់បានចូលរួមជាមួយសមាជិកសភាក្នុងទីក្រុងប៉ារីសកាលពីថ្ងៃអាទិត្យ ១២ វិច្ឆិកាដើម្បីថ្កោលទោសការកើនឡើងនៃសកម្មភាពប្រឆាំងជ្វីហ្វនៅក្នុងប្រទេសបារាំង អំឡុងពេលមានជម្លោះនៅតំបន់ហ្កាហ្សា ប៉ុន្តែការជជែកដេញដោលជុំវិញការចូលរួមនយោបាយបានរារាំងចេតនាបង្ហាញពីការរួបរួម។ អតីតបេក្ខជនប្រធានាធិបតី លោកស្រី ម៉ារីន ឡឺប៉ែន (Marine Le Pen) ក៏ត្រូវបានចូលរួមផងដែរ ខណៈលោកស្រី ដើរក្បួននៅតាមដងផ្លូវនានាក្នុងរដ្ឋធានីបារាំងរួមជាមួយសមាជិកផ្សេងទៀត។ យោងតាមក្រុមអាជ្ញាធរបារាំងចាប់តាំងពីការវាយប្រហាររបស់ក្រុមហាម៉ាសកាលពីថ្ងៃទី ៧ ខែតុលាលើអ៊ីស្រាអែល ការតវ៉ាដែលអំពាវនាវដោយមេដឹកនាំនៃសភាទាំងពីររបស់ប្រទេសបារាំងត្រូវបានជំរុញដោយការកើនឡើងចំនួនបីដងនៃឧបវទ្ទហេតុប្រឆាំងសាសនា បើធៀបនឹងរយៈពេលឆ្នាំ២០២២ទាំងមូល។ ឥស្សរជននយោបាយ រួមទាំងនាយករដ្ឋមន្ត្រីលោកស្រី អេលីសាបេត បន(Elisabeth Borne) និងអតីតប្រធានាធិបតី ហ្វ្រង់ស្វ័រ ហូឡង់ (Francois Hollande) និងលោក នីកូឡាស សាកូហ្ស៊ី (Nicolas Sarkozy) បានដឹកនាំការហែក្បួនដោយកាន់បដា មានពាក្យស្លោក ដើម្បីសាធារណរដ្ឋ ជំទាស់ គំនិតប្រឆាំងជ្វីហ្វនិយម ។ ពួកគេបានដឹកនាំការបកស្រាយភ្លេងជាតិបារាំងជាច្រើន។ នគរបាលបានប៉ាន់ប្រមាណថាមនុស្ស ប្រមាណ១០៥.០០០នាក់ បានចូលរួមក្នុងការហែក្បួនកាលពីថ្ងៃអាទិត្យ។ ចំណែកលោកប្រធានាធិបតី Emmanuel Macron ដែលការសម្រេចចិត្តមិនចូលរួមបានទាក់ទាញការរិះគន់ពីអ្នកនយោបាយមួយចំនួន បានចេញផ្សាយលិខិតចំហរគាំទ្រការហែក្បួននេះ និងថ្កោលទោសការងើបឡើងវិញ ដែលមិនអាចទ្រាំទ្របាន នៃការប្រឆាំងនឹងសាសនា ដែលមានភាពរឹងទទឹង៕

ក្រុមមេដឹកនាំតំបន់ប៉ាស៊ីហ្វិក បានជំរុញឱ្យប្រឆាំងការបញ្ចេញទឹកសំណល់នុយក្លេអ៊ែរពីរោងចក្រហ្វូគូស៊ីម៉ា

សមូហភាពប៉ាស៊ីហ្វិកស្តីពីបញ្ហានុយក្លេអ៊ែរបានរិះគន់ជាថ្មីម្តងទៀតចំពោះការបញ្ចេញទឹកសំណល់វិទ្យុសកម្មពីរោងចក្រថាមពលនុយក្លេអ៊ែរ ហ្វូគូស៊ីម៉ា (Fukushima) ដែលរងការខូចខាត ចូលទៅក្នុងមហាសមុទ្រប៉ាស៊ីហ្វិក ដោយអំពាវនាវឱ្យបណ្ដាមេដឹកនាំប៉ាស៊ីហ្វិកផ្អាក ឋានៈរបស់ប្រទេសជប៉ុនជាដៃគូសន្ទនាវេទិកាកោះប៉ាស៊ីហ្វិក (PIF) ។ សមូហភាពដែលមានសមាសភាពពីក្រុមសង្គមស៊ីវិល អង្គការក្រៅរដ្ឋាភិបាល និងចលនានៅក្នុងតំបន់ប៉ាស៊ីហ្វិក បានចេញសេចក្តីថ្លែងការណ៍មួយក្នុងសប្តាហ៍នេះ ក្នុងអំឡុងកិច្ចប្រជុំមេដឹកនាំវេទិកាកោះប៉ាស៊ីហ្វិកលើកទី៥២ ដែលត្រូវបានប្រារព្ធឡើងនៅកោះខូក(Cook Islands)ប្រទេសណូវ៉ែលហ្សេឡង់។ សេចក្តីថ្លែងការណ៍បានថ្កោលទោសរដ្ឋាភិបាលជប៉ុន និងប្រតិបត្តិកររោងចក្រគឺក្រុមហ៊ុនថាមពលអគ្គិសនីតូក្យូ ទេបកូ (TEPCO) ចំពោះការទទូចលើដំណើរការដែលមានកំហុស និងគ្រោះថ្នាក់នេះ។សេចក្តីថ្លែងការណ៍បាននិយាយថា ការរកឃើញនៃក្រុមអ្នកជំនាញវិទ្យាសាស្ត្រឯករាជ្យដែលត្រូវបានចាត់តាំងដោយវេទិកាប្រជុំកោះប៉ាស៊ីហ្វិកគឺមានភាពច្បាស់លាស់ ជាទិន្នន័យដែលបានផ្តល់មកទល់ពេលនេះ ដើម្បីគាំទ្រការអះអាងរបស់ប្រទេសជប៉ុនដែលថាទឹកសំណល់ដែលត្រូវបានធ្វើប្រព្រឹត្តកម្មរួចគឺមានសុវត្ថិភាព មានភាពមិនស៊ីសង្វាក់គ្នា គ្មានសុទិដ្ឋិនិយម និងនៅឆ្ងាយពីភាពគួរឱ្យទុកចិត្ត ដោយបន្ថែមថា ប្រសិនបើរដ្ឋាភិបាលជប៉ុន និង ក្រុមហ៊ុនTEPCO ជឿថា ទឹកសំណល់វិទ្យុសកម្មមានសុវត្ថិភាព ពួកគេគួរតែត្រូវបានរៀបចំដើម្បីបញ្ចេញដោយសុវត្ថិភាពនៅក្នុងប្រទេសជប៉ុនលើដីគោក។សមូហភាពនេះ ក៏បានប្រកាសដែរថា ការចាក់សំរាមបែបនេះទៅក្នុងមហាសមុទ្រប៉ាស៊ីហ្វិក គឺជាការរំលោភសិទ្ធិមនុស្សដោយផ្ទាល់៕

ពលរដ្ឋហ្កាហ្សា ត្រូវបានបង្ខំឲ្យចាកចេញដោយថ្មើរជើងទៅកាន់ភាគខាងត្បូងដោយសារការវាយប្រហារពីអ៊ីស្រាអែលនៅតែបន្ត

ការវាយប្រហារជាបន្តបន្ទាប់របស់អ៊ីស្រាអែល និងការបង្អាក់ការផ្គត់ផ្គង់ឥន្ធនៈបានបង្ខំឱ្យអ្នករស់នៅក្នុងទីក្រុង ហ្កាហ្សា ត្រូវបានឡោមព័ទ្ធ ឱ្យភៀសខ្លួនចេញទៅកាន់ភាគខាងត្បូងដោយថ្មើរជើង។មានសំឡេងផ្ទុះខ្លាំងៗ ខណៈស្ត្រីនិងកុមារដើរតាមផ្លូវកាន់ដៃគ្នា និងកាន់របស់របររបស់ខ្លួន។ ពលរដ្ឋហ្កាហ្សាមួយចំនួន បានធ្វើដំណើរតាមរទេះសេះ ស្របពេលអ្នកផ្សេងទៀតធ្វើដំណើរតាមរថយន្តដឹកទំនិញ និងរថយន្តតូចៗ។ពលរដ្ឋភៀសខ្លួនដោយបង្ខំរាប់ពាន់នាក់ រួមទាំងមនុស្សចាស់ កុមារ និងស្ត្រីមានផ្ទៃពោះ កំពុងធ្វើដំណើរទៅកាន់ភាគខាងត្បូងតំបន់ហ្កាហ្សា តាមច្រករបៀងជម្លៀសខណៈមានការវាយប្រហារតាមផ្លូវអាកាស និងថ្មើជើង របស់អ៊ីស្រាអែលកាន់តែខ្លាំង។ ដោយសារតែការខ្វះប្រេងឥន្ធនៈ ពួកគេបានត្រឹមតែដើរ ឬជិះរទេះសេះ ដោយដឹករបស់របរមានកំណត់ទៅជាមួយ។នៅឯជ្រលងហ្កាហ្សា ស្ថិតនៅចំណុចកណ្ដាលនៃតំបន់រងការឡោមព័ទ្ធ អ្នកជម្លៀសម្នាក់បាននិយាយកាលពីថ្ងៃសុក្រថាលោកបានដើរចម្ងាយ ១៥ គីឡូម៉ែត្រដើម្បីមកដល់ទីនោះ។ ប្រពន្ធរបស់លោកដែលរំពឹងថានឹងសម្រាលកូនក្នុងពេលឆាប់ៗនេះ ក៏ត្រូវដើរដែរ។ ស្ថានការណ៍កាលពីយប់មិញតានតឹងខ្លាំងដល់កម្រិតធ្ងន់ធ្ងរបំផុត។ ការទម្លាក់គ្រាប់បែកបានដាក់គោលដៅលើសាលារៀន និងមន្ទីរពេទ្យ។ លោកធ្វើការឱ្យការិយាល័យក្រសួងសុខាភិបាលនៅមន្ទីរពេទ្យ។ កាលពីម្សិលមិញ កងទ័ពអ៊ីស្រាអែល បានទម្លាក់គ្រាប់បែកលើមន្ទីរពេទ្យ ពេលលោកកំពុងធ្វើការនៅទីនោះ៕

នគរបាលបញ្ជូនជនជាតិថៃ និងឡាវទៅតុលាការទាក់ទងគ្រឿងញៀនជាង ១០០គីឡូក្រាម

នគរបាលមន្ទីរប្រឆាំងបទល្មើសគ្រឿងញៀន បានបញ្ជូនសំណុំរឿងឧក្រិដ្ឋជនជួញដូរគ្រឿងញៀនជនជាតិថៃ និងឡាវ សរុបចំនួន ៣នាក់ ទៅស្ថាប័នតុលាការ ក្រោយរឹបអូសបានថ្នាំញៀនជាង ១០០គីឡូក្រាម ។នគរបាល នៃមន្ទីរប្រឆាំងបទល្មើសគ្រឿងញៀន បានបញ្ជូនសំណុំរឿងក្រុមឧក្រិដ្ឋជនជួញដូរគ្រឿងញៀនជាជនជាតិថៃ និងឡាវ សរុបចំនួន ៣នាក់ ទៅសាលាដំបូងរាជធានីភ្នំពេញហើយនៅព្រឹកថ្ងៃទី១៣ ខែវិច្ឆិកា ឆ្នាំ២០២៣ ក្រោយបង្ក្រាបបាននៅថ្ងៃទី០៩ ខែវិច្ឆិកា ឆ្នាំ២០២៣ និងរឹបអូសបានសារធាតុញៀនប្រភេទម៉េតំហ្វេតាមីន ហៅកាត់ថា ICE ចំនួន ១០១កញ្ចប់ ស្មើទម្ងន់ ១០១គីឡូ ៤៤៩.២០ក្រាម។ការបង្រ្កាបបានធ្វើឡើងដោយកម្លាំងជំនាញមន្ទីរប្រឆាំងបទល្មើសគ្រឿងញៀន ក.៧ ក.៤ និង ក.១ និងបានសហការជាមួយនគរបាលរាជធានីភ្នំពេញ ដោយបានឆ្មក់បង្ក្រាបបទល្មើសជួញដូរគ្រឿងញៀនឆ្លងដែន នៅចំណុចក្នុងផ្ទះលេខ ៣០៤ ផ្លូវលំស្ថិតនៅភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ។នគរបាលឲ្យដឹងថា ជនសង្ស័យទាំង៣នាក់ ដែលបញ្ជូនទៅតុលាការមាន ១.ឈ្មោះ Cheng veut ភេទប្រុស ជនជាតិឡាវ ២.ឈ្មោះ Wasin Saekue ភេទប្រុស ជនជាតិថៃ និង៣.ឈ្មោះ Saeli Chinnawat ភេទប្រុស ជនជាតិថៃ។ប្រភពព័ត៌មានពីសាលាដំបូងរាជធានីភ្នំពេញបានឲ្យដឹងថា ក្រោយអនុវត្តនីតិវិធីពេញមួយព្រឹកនេះ ស្ថាប័នតុលាការមិនទាន់សម្រេចបែបណាលើសំណុំរឿងនេះនៅឡើយទេ៕ អត្ថបទ៖ ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

របាយការណ៍៖ អ៊ីរ៉ង់បញ្ជាក់ថា សមត្ថភាពមីស៊ីលភាគច្រើនមិនត្រូវបានប្រើឡើយ ក្នុងសង្គ្រាមជាមួយអាមេរិក

រដ្ឋមន្ត្រីការបរទេស៖ ទួរគីអាចនឹងពិចារណាតួនាទីដោះមីន នៅច្រកសមុទ្រ Hormuz ក្រោយមានកិច្ចព្រមព្រៀងអ៊ីរ៉ង់-អាមេរិក

អ្នកចរចាអាមេរិក នឹងទៅទីក្រុងអ៊ីស្លាម៉ាបាដ ប៉ុន្តែអ៊ីរ៉ង់ប្រាប់ថា មិនមានការចរចាដោយផ្ទាល់ទេ

ស្អែកនេះ រាជរដ្ឋាភិបាល និងបងប្អូនកម្មករនិយោជត សហជីព សង្គមស៊ីវិល និងអង្គការជាតិ-អន្តរជាតិប្រមាណជាង ៥ពាន់នាក់ នឹងប្រារព្ធអបអរសាទរខួបអនុស្សាវរីយ៍លើកទី១៤០ នៃទិវាពលកម្មអន្តរជាតិ ១ឧសភា ក្រោមអធិបតីភាពសម្តេចធិបតី ហ៊ុន ម៉ាណែត

អាជ្ញាធរស្រុកចិត្របុរី ចុះរុះរើទីតាំងលក់ដូរនៅទីតាំងក្រោមស្ពានមិត្តភាពមេគង្គក្រចេះ

ថ្នាក់ដឹកនាំខេត្តកំពតលើកទឹកចិត្តឲ្យនាំគ្នាលេងកីឡាដើម្បីសុខភាព មិត្តភាព និងសាមគ្គីភាព

ការវាយប្រហារដ៏ធំរបស់រុស្ស៊ី លើអ៊ុយក្រែន បណ្ដាលឲ្យមនុស្ស ៤នាក់សា្លប់ និងរាប់សិបនាក់រងរបួស

កសិករឃុំថ្មីស្រុកកំពង់រោទិ៍ខេត្តស្វាយរៀងសម្រេចផលិតស្រូវប្រាំងជំហ៊ាន២បានជាង៣៥%

ចំហេះព្រៃរាលដាលនៅភាគអាគ្នេយ៍អាមេរិក ខណៈរដ្ឋ Georgia ខូចខាតទ្រព្យសម្បត្តិច្រើនបំផុត

ចិន៖ សេចក្តីព្រាងច្បាប់នាំចេញរបស់អាមេរិក អាចនឹងបង្កជាការរំខានដល់ខ្សែច្រវាក់ផ្គត់ផ្គង់បន្ទះឈីប

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877