BTV NEWS

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

ជនជាតិខ្មែរ និងបរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams

នគរបាលរាជធានីឃាត់ខ្លួនបុរសម្នាក់ បែកធ្លាយសម្លេងតាមបណ្តាញសង្គម ម៉ាក់ងាយធ្ងន់ធ្ងរលើវីរជនកងទ័ពកម្ពុជា

សន្តិសុខ និង សង្គម

ក្រុមអ្នកសារព័ត៌មានប៉ាឡេស្ទីន ធ្វើការតវ៉ាជុំវិញការស្លាប់មិត្តរួមការងារក្នុងការវាយប្រហាររបស់អ៊ីស្រាអែល

ក្រុមអ្នកសារព័ត៌មាន និងបាតុករប៉ាឡេស្ទីន បានចេញតវ៉ាទៅតាមដងផ្លូវនៃទីក្រុង រ៉ាម៉ាឡាស (Ramallah) ក្នុងតំបន់វេស ប៊ែង កាលពីថ្ងៃអង្គារ (៧ វិច្ឆិកា) ដើម្បីធ្វើបាតុកម្មប្រឆាំងនឹងការសម្លាប់អ្នកសារព័ត៌មាននៅក្នុងការវាយប្រហារតាមអាកាសរបស់អ៊ីស្រាអែល នៅតំបន់ហ្កាហ្សា។ ក្រុមបាតុករបាននាំយកមឈូសទទេជានិមិត្តរូប ជាមួយនឹងរូបភាពអ្នកសារព័ត៌មានដែលត្រូវបានសម្លាប់នៅតំបនហ្កាហ្សា ដើម្បីបង្ហាញនៅក្នុងការតវ៉ា ខណៈប្រជាជនស្រែកពាក្យស្លោក និងគ្រវីទង់ជាតិប៉ាឡេស្ទីន។យោងតាមការិយាល័យប្រព័ន្ធផ្សព្វផ្សាយរបស់រដ្ឋាភិបាលនៅតំបន់ហ្កាហ្សា បានឲ្យដឹងថា អ្នកសារព័ត៌មានប៉ាឡេស្ទីន ចំនួន៤៩នាក់ ត្រូវបានសម្លាប់ចាប់តាំងពីការចាប់ផ្តើមនៃសង្រ្គាមមក។ កាលពីខែមុន យោធាអ៊ីស្រាអែលបាននិយាយថា ខ្លួនមិនអាចធានាសុវត្ថិភាពរបស់អ្នកសារព័ត៌មាន ដែលកំពុងប្រតិបត្តិការនៅតំបន់ហ្កាហ្សា ស្ទ្រីប បានទេ។សង្គ្រាមដ៏បង្ហូរឈាមបានចាប់ផ្តើមកាលពីថ្ងៃទី៧ ខែតុលា នៅពេលដែលខ្មាន់កាំភ្លើងនៃក្រុមសកម្មប្រយុទ្ធហាម៉ាស បានសម្រុកចូលតាមរបងព័ទ្ធជុំវិញតំបន់ហ្កាហ្សា និងបានសម្លាប់ជនជាតិអ៊ីស្រាអែល ចំនួន ១.៤០០នាក់ ដែលភាគច្រើនជាជនស៊ីវិល និងបានចាប់ខ្លួនមនុស្សជាង ២០០នាក់ទៀត នេះបើយោងតាមតួលេខសរុបរបស់អ៊ីស្រាអែល។ ចាប់តាំងពីពេលនោះមក អ៊ីស្រាអែល បានទម្លាក់គ្រាប់បែកដោយឥតឈប់ឈរលើតំបន់ហ្កាហ្សា ដែលគ្រប់គ្រងដោយក្រុមហាម៉ាស ដោយបានសម្លាប់មនុស្សជាង ១០.០០០នាក់ ហើយប្រហែល ៤០ភាគរយនៃអ្នកស្លាប់ទាំងនោះជាកុមារ នេះបើយោងតាមទិន្នន័យសរុបរបស់ក្រុមមន្ត្រីសុខាភិបាលនៅតំបន់ហ្កាហ្សា៕

ក្រុមឧទ្ទាមមីយ៉ាន់ម៉ា ដណ្តើមបានទីរួមខេត្តមួយ ខណៈការវាយលុកប្រឆាំងរបបយោធារីកធំ

រដ្ឋាភិបាលស្រមោល និងប្រព័ន្ធផ្សព្វផ្សាយក្នុងតំបន់ បាននិយាយកាលពីថ្ងៃអង្គារថាកងទ័ពប្រឆាំងដណ្តើមបានទីរួមខេត្តមួយនៅសហភាពមីយ៉ាន់ភាគកណ្តាល ជាទីស្នាក់ការរដ្ឋបាលស្រុក បន្ទាប់ពីការវាយបកមកលើយោធា។ រដ្ឋាភិបាលរួបរួមជាតិដែលមានតែស្រមោល បានសាទរថា ជាជ័យជម្នះដ៏សំខាន់ ទោះបីជាអ្នកវិភាគ បានប្រុងប្រយ័ត្នថាអ្នកប្រយុទ្ធអាចតស៊ូដើម្បីគ្រប់គ្រងក្រុង Kawlin ដែលមានប្រជាជនប្រមាណ២៥.០០០នាក់។ យោធាសហភាពមីយ៉ាន់ម៉ា កំពុងប្រយុទ្ធប្រឆាំងការកើនឡើង អំពើហិង្សា ខណៈកងកម្លាំងបានប្រឆាំង រួមទាំងកងទ័ពជនជាតិភាគតិច ដែលបានបើកការវាយប្រហារថ្មីៗក្នុងរយៈពេលជាង២ឆ្នាំកន្លងទៅនេះ បន្ទាប់ពីឧត្តមសេនីយ៍ជាច្រើនរូប បានបណ្តេញចេញរដ្ឋាភិបាលជាប់ឆ្នោតតាមបែបលទ្ធិប្រជាធិបតេយ្យ ក្នុងរដ្ឋប្រហាកាលពីឆ្នាំ២០២១។ កងទ័ពប្រឆាំង បានវាយប្រហារ យោធានៅក្នុងក្រុង Kawlin កាលពីសប្តាហ៍មុន បានទទួលជ័យជម្នះលើពួកគេកាលពីថ្ងៃចន្ទ និងដណ្តើមយកក្រុងនេះ។នាយករដ្ឋមន្ត្រី រដ្ឋាភិបាលរួបរួមជាតិដែលមានតែស្រមោល (NUG) លោក Mahn Winn Khaing Thann បាននិយាយនៅលើបណ្តាញផ្សព្វផ្សាយសង្គមវេទិកា X ថាក្រុងនេះ ស្ថិតនៅក្រោមការគ្រប់គ្រងរបស់យើងហើយនៅពេលនេះ។ វាជាជ័យជម្នះអស្ចារ្យខ្លាំងណាស់។

អាល្លឺម៉ង់មើលឃើញកំណើនការប្រឆាំងជនជាតិជ្វីហ្វ ចាប់តាំងពីការវាយប្រហារថ្ងៃទី៧ តុលា លើអ៊ីស្រាអែលមក

ប្រធានក្រុមប្រឆាំងការរើសអើងអាល្លឺម៉ង់ បាននិយាយថា ការប្រឆាំងជនជាតិជី្វហ្វ បានកើនឡើងនៅក្នុងប្រទេសអាល្លឺម៉ង់ ចាប់តាំងពីការវាយប្រហាររបស់ក្រុមសកម្មប្រយុទ្ធប៉ាឡេស្ទីនហាម៉ាស លើអ៊ីស្រាអែល កាលពីថ្ងៃទី៧ ខែតុលា ដោយព្រមានថា ជនជាតិអាល្លឺម៉ង់ មានឆន្ទៈជ្រុលនិយមក្នុងការមិនអើពើនឹងឧក្រិដ្ឋកម្មកាលពីអតីតកាលរបស់ពួកគេលើជនជាតិជ្វីហ្វ និងបានរិះគន់អ៊ីស្រាអែល។សង្គមវិទូម្នាក់ឈ្មោះ លោកស្រី Beate Kuepper បាននិយាយថា ៥,៧ភាគរយ នៃចំនួនប្រជាជនអាល្លឺម៉ង់ បានបង្ហាញពីអាកប្បកិរិយាប្រឆាំងនឹងជនជាតិជី្វហ្វ ពោលគឺកើនឡើងបីដងនៃកម្រិតកាលពី ២ឆ្នាំមុន។ លោកស្រីបានបន្ថែមថា ខណៈពលរដ្ឋដែលមានដើមកំណើតនៅក្នុងប្រទេសទួរគី ឬរុស្ស៊ី រហូតមកដល់ពេលនេះ ទំនងជាមានជំនឿប្រឆាំងនឹងជនជាតិជី្វហ្វ មានមនុស្សវ័យក្មេងភាគច្រើនបានស្ថិតនៅក្នុងការកើនឡើងនោះ។ប្រទេសអាល្លឺម៉ង់ បានឃើញរលកនៃការតវ៉ាប្រឆាំងនឹងការទម្លាក់គ្រាប់បែករយៈពេលមួយខែរបស់អ៊ីស្រាអែល ទៅលើតំបន់ហ្កាហ្សា ដែលបានចាប់ផ្តើមបន្ទាប់ពីការវាយឆ្មក់ដោយពួកសកម្មប្រយុទ្ធហាម៉ាស លើភាគខាងត្បូងអ៊ីស្រាអែល កាលពីថ្ងៃទី៧ ខែតុលា ដែលក្នុងនោះជនជាតិអ៊ីស្រាអែលចំនួនជាង ១.៤០០នាក់ត្រូវបានសម្លាប់ និងមនុស្សជាង២៤០នាក់ទៀត ត្រូវបានចាប់ខ្លួន។ការវាយប្រហារចាប់តាំងពីថ្ងៃទី៧ ខែតុលា បណ្ដាលឲ្យមានគំនូររូបផ្កាយពណ៌ខៀវ តំណាងអ៊ីស្រាអែល ជាច្រើនត្រូវបានគូរនៅតាមជញ្ជាំងអគារ និងមានការដុតដបសាំងនៅក្នុងសាលាប្រជុំ ព្រមទាំងផ្នូររបស់ជនជាតិជ្វីហ្វជាច្រើនត្រូវបានគេបំពានផងដែរ៕

នគរបាលនិងអ្នកតវ៉ា ប៉ះទង្គិចគ្នានៅទីស្នាក់ការគណបក្សសង្គមនិយមអេស្ប៉ាញ ជុំវិញច្បាប់លើកលែងទោសតំបន់កាតាឡាន់

មនុស្សរាប់សិបនាក់ បានប៉ះទង្គិចគ្នាជាមួយនគរបាលអេស្ប៉ាញ កាលពីថ្ងៃអង្គារ អំឡុងការតវ៉ាមួយ ប្រឆាំងការចរចាដែលកំពុងបន្ត សម្រាប់ការផ្តល់ការលើកលែងទោសដល់អ្នកពាក់ព័ន្ធក្នុងបំណងទាមទារឯករាជ្យឆ្នាំ២០១៧ ដែលបរាជ័យនៅតំបន់កាតាឡាន់។ មនុស្សរាប់ពាន់នាក់ បានធ្វើបាតុកម្ម សម្រាប់យប់ទី២ក្នុងជម្លោះមួយនៅខាងមុខទីស្នាក់ការកណ្តាលគណបក្សសង្គមនិយមក្នុងទីក្រុងម៉ាទ្រីដដើម្បីបង្ហាញការប្រឆាំងរបស់ពួកគេចំពោះកិច្ចពិភាក្សារវាងគណបក្សសង្គមនិយម និងគណបក្ស Junts របស់លោក ខាលីស ពូអ៊ីកដេម៉ុន (Carles Puigdemont) ។ក្រុមអ្នកតវ៉ាស្តាំនិយម ដែលមួយចំនួនគោរពរបបហ្វាស៊ីសនិយម កំពុងចម្រៀងភ្លៀងជាតិអេស្បាញ Francoist បទ«Facing the Sun» បានគប់សំរាម និងដបទៅលើមន្ត្រីនគរបាល បណ្តាលឲ្យមានការចោទប្រកាន់ពីនគរបាល។ យោងតាមមន្ត្រីជាន់ខ្ពស់នគរបាល ដែលត្រូវបានរាយការណ៍ដោយប្រព័ន្ធផ្សព្វផ្សាយក្នុងតំបន់បានឲ្យដឹងថា មនុស្សប្រមាណ៧.០០០នាក់ បានមកប្រមូលផ្តុំគ្នាដោយសន្តិវិធីនៅមុនពេលក្រុមអ្នកតវ៉ាតូចមួយក្រុម បានព្យាយាមសម្រុកចូលខ្សែបន្ទាត់របស់នគរបាល ដែលបានបង្កើតនៅជាប់ទីស្នាក់ការកណ្តាលគណបក្សសង្គមនិយម។ ច្បាប់លើកលែងទោសដែលត្រូវបានស្នើដោយលោក Sanchez កំពុងព្យាយាមបង្កើតរដ្ឋាភិបាលមួយ បន្ទាប់ពីការបោះឆ្នោតខែកក្កដា ដែលពុំបានបង្កើតឲ្យមានអ្នកឈ្នះដាច់នោះទេ ជាការផ្លាស់ប្តូរមួយសម្រាប់ការគាំទ្រគណបក្សផ្តាច់ខ្លួនតំបន់កាតាឡាន់ចំនួន២គណបក្ស។

អាល្លឺម៉ង់បញ្ចេញជំនួយសម្រាប់ប្រជាជនប៉ាឡេស្ទីន ដោយផ្តល់បន្ថែមចំនួន២០លានអឺរ៉ូ

ក្រសួងអភិវឌ្ឍន៍ បាននិយាយកាលពីថ្ងៃអង្គារថា ប្រទេសអាល្លឺ ម៉ង់បានសម្រេចចិត្តបញ្ចេញជំនួយចំនួន ៧១ លានអឺរ៉ូ (៧៥,៨០ លានដុល្លារ) ដែលជាផ្នែកនៃការត្រួតពិនិត្យបន្តនៃការគាំទ្ររបស់ខ្លួនសម្រាប់ប៉ាឡេស្ទីន ហើយបានសន្យាបន្ថែម ២០លានអឺរ៉ូ នៅក្នុងមូលនិធិថ្មីនេះ។ ប្រទេសអាល្លឺម៉ង់ បានឆ្លើយតបទៅនឹងការវាយប្រហារបង្ហូរឈាមរបស់ក្រុមសកម្មប្រយុទ្ធហាម៉ាសលើអ៊ីស្រាអែលកាលពីថ្ងៃទី៧ ខែតុលា ដោយផ្អាកជាបណ្តោះអាសន្ននូវជំនួយអភិវឌ្ឍន៍របស់ខ្លួនដល់ដែនដីប៉ាឡេស្ទីន ដែលរង់ចាំការពិនិត្យឡើងវិញ។សេចក្តីថ្លែងការណ៍របស់ក្រសួង បាននិយាយថា៖«ដោយសារតែស្ថានភាពផុយស្រួយ នៅក្នុងតំបន់ ការពិនិត្យឡើងវិញ មិនទាន់ត្រូវបានបញ្ចប់ទាំងស្រុងនៅឡើយទេ»។ទោះបីជាយ៉ាងណាក៏ដោយ សេចក្តីថ្លែងបានឲ្យដឹងទៀតថា ការពិនិត្យឡើងវិញ បានផ្តោតលើការបន្តគាំទ្រដល់ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបជិតបូព៌ា (UNRWA) ដែលបានផ្តល់ឲ្យតម្រូវការរបស់ប្រជាជន នៅតំបន់ហ្កាហ្សាស្ទ្រីប និងស្ថានការណ៍ អស្ថិរភាពកាន់តែខ្លាំងឡើង នៅក្នុងប្រទេសជិតខាង។

ក្រសួងសុខាភិបាលហ្កាហ្សា៖ កុមារម្នាក់ត្រូវបានសម្លាប់ រៀងរាល់១០នាទីម្តង

អ្នកនាំពាក្យក្រសួងសុខាភិបាលនៅតំបន់ហ្កាហ្សា ស្ទ្រីប ដែលគ្រប់គ្រងដោយក្រុមហាម៉ាស បានប្រាប់សារព័ត៌មាន រ៉យទ័រ កាលពីថ្ងៃអង្គារ (០៧ វិច្ឆិកា) ថា ចំនួនអ្នកស្លាប់របស់កុមារ ដែលត្រូវបានសម្លាប់ដោយអ៊ីស្រាអែល គឺមានជាង ៤២០០នាក់ និងកុមារជាង ១០.០០០នាក់ បានរងរបួសរហូតមកដល់ពេលនេះ។អ្នកនាំពាក្យរូបនោះ បាននិយាយថា «រៀងរាល់ដប់នាទីម្តង ការកាន់កាប់របស់អ៊ីស្រាអែល បានសម្លាប់កុមារម្នាក់ និងបណ្ដាឲ្យកុមាររបួសពីរនាក់ទៀត»។ ឥឡូវនេះ បណ្ដាមន្ទីរពេទ្យ ដែលពោរពេញទៅដោយហ្វូងមនុស្ស មានជនភៀសខ្លួនជាង ១០០.០០០នាក់ នេះបើយោងទៅតាមអ្នកនាំពាក្យក្រសួងសុខាភិបាលហ្កាហ្សា រួមទាំងជនភៀសខ្លួន អ្នករងរបួស អ្នកជំងឺ និងបុគ្គលិកពេទ្យផងដែរ។អ៊ីស្រាអែល បានទម្លាក់គ្រាប់បែកលើតំបន់នេះចាប់តាំងពីក្រុមហាម៉ាស វាយឆ្មក់លើភាគខាងត្បូងអ៊ីស្រាអែល កាលពីមួយខែមុន នៅពេលដែលខ្មាន់កាំភ្លើងរបស់ក្រុមនេះបានសម្លាប់មនុស្សចំនួន ១.៤០០នាក់ និងចាប់ចំណាប់ថ្នូរជាង ២៤០ នាក់។ មន្ត្រីសុខាភិបាលនៅតំបន់ហ្កាហ្សា បាននិយាយថា ការវាយលុករបស់អ៊ីស្រាអែល បានសម្លាប់ប្រជាជនប៉ាឡេស្ទីនជាង ១០.០០០នាក់ រួមទាំងកុមារប្រមាណ ៤.២០០នាក់។ទាំងអ៊ីស្រាអែល និងក្រុមហាម៉ាស បានច្រានចោលការអំពាវនាវដែលកំពុងកើនឡើងក្នុងការបញ្ឈប់ការប្រយុទ្ធ។ អ៊ីស្រាអែលនិយាយថា ចំណាប់ថ្នូរគួរតែត្រូវបានដោះលែងជាមុនសិន ប៉ុន្តែក្រុមហាម៉ាស និយាយថា ខ្លួននឹងមិនដោះលែងចំណាប់ថ្នូរ ឬបញ្ឈប់ការប្រយុទ្ធគ្នាឡើយ ខណៈដែលតំបន់ហ្កាហ្សា កំពុងរងការវាយប្រហារ៕

ក្រុមជាច្រើនដែលគាំទ្រដោយអ៊ីរ៉ង់ គំរាមពង្រីកសង្រ្គាមនៅហ្កហ្សា ខណៈបង្កើនការវាយប្រហារលើអ៊ីស្រាអែលនិងអាមេរិក

រ៉ុក្កែតជាច្រើនគ្រាប់ដែលបាញ់ចេញពីប្រទេសលីបង់កាលពីថ្ងៃចន្ទ បានទៅដល់ទៅក្នុងទឹកដីអ៊ីស្រាអែលយ៉ាងជ្រៅជាងអ្វីទាំងអស់ ចាប់តាំងពីសង្រ្គាមឆ្នាំ២០០៦ ខណៈដែលបញ្ជាការទីពីររបស់ក្រុមសកម្មប្រយុទ្ធហេបូឡា បានគំរាមបង្កើនការវាយប្រហារឆ្លងព្រំដែន ប្រសិនបើអ៊ីស្រាអែល បន្តការវាយលុកដ៏សាហាវរបស់ខ្លួនលើតំបន់ហ្កាហ្សាស្ទ្រីប។ការគំរាមកំហែងរបស់លោក Naim Qassem អគ្គលេខាធិការរងរបស់ក្រុមហេបូឡា ក្នុងបទសម្ភាសន៍ផ្តាច់មុខជាមួយសារព័ត៌មាន NBC News បានកើតឡើង នៅពេលដែលក្រុមសកម្មប្រយុទ្ធគាំទ្រដោយអ៊ីរ៉ង់នៅទូទាំងមជ្ឈិមបូព៌ា បានចាប់ផ្តើមវាយប្រហារដែលមិនធ្លាប់មានពីមុនមកប្រឆាំងនឹងគោលដៅនានារបស់អាមេរិក។លោក Qassem បាននិយាយថា៖«ក្រុមហេសបូឡា ចូលរួមសម្រាប់ជាប្រយោជន៍ ក្នុងការបន្ថយសម្ពាធលើតំបន់ហ្កាហ្សា»។ លោកបានចាត់ទុកអ៊ីស្រាអែលថា ជាអ្នកឈ្លានពាន ដោយនិយាយថា ការវាយប្រហារដែលកំពុងកើនឡើងទាំងនេះគឺជា «សារច្បាស់លាស់ថា បើអ្នកពង្រីក វានឹងមានផលវិបាកធ្ងន់ធ្ងរ»។និយាយរួមទៅ វោហាស័ព្ទរបស់ហេសបូឡា និងការវាយប្រហារកាន់តែធំឡើងដោយក្រុមតំណាងដែលគាំទ្រដោយអ៊ីរ៉ង់ បង្ហាញថា «អ័ក្សនៃការតស៊ូ»នេះ កំពុងធ្វើសកម្មភាពប្រកបដោយភាពសុខដុមរមនា ដើម្បីបង្កើនសម្ពាធលើសហរដ្ឋអាមេរិក និងអ៊ីស្រាអែល ដើម្បីពិនិត្យមើលការវាយលុកកាន់តែខ្លាំងឡើងលើតំបន់ហ្កាហ្សាស្ទ្រីប។

អ៊ីស្រាអែល និយាយថា កងកម្លាំងរបស់ខ្លួនកំពុងធ្វើប្រតិបត្តិការនៅកណ្ដាលទីក្រុងហ្កាហ្សា

អ៊ីស្រាអែលបាននិយាយកាលពីថ្ងៃអង្គារទី ៧ ខែវិច្ឆិកាថា កងកម្លាំងរបស់ខ្លួនកំពុងប្រតិបត្តិការចូលទៅយ៉ាងជ្រៅនៅទីក្រុង ហ្កាហ្សា ក្នុងការប្រយុទ្ធរបស់ពួកគេដើម្បីកម្ចាត់ក្រុមហាម៉ាស នៅក្នុងតំបន់ឡោមព័ទ្ធប៉ាឡេស្ទីន ហើយបាននិយាយថាមេដឹកនាំក្រុមសកម្មប្រយុទ្ធនេះ បានជាប់នៅក្នុងលេនដ្ឋានមួយកន្លែងនៅទីនោះ។ ជាការសងសឹកចំពោះការវាយប្រហារសម្លាប់មនុស្សដ៏រង្គាលកាលពីថ្ងៃទី៧តុលាដោយក្រុមខ្មាន់កាំភ្លើង ហាម៉ាស យោធាអ៊ីស្រាអែល ផ្តោតលើក្រុងហ្កាហ្សាជាទីតាំងរឹងមាំរបស់ក្រុមហាម៉ាស នៅភាគខាងជើងដែនដីនេះ។ រដ្ឋមន្ត្រីក្រសួងការពារជាតិអ៊ីស្រាអែល លោក យ៉ាវ ហ្កាលែន (Yoav Gallant) បានប្រាប់សន្និសីទសារព័ត៌មានតាមទូរទស្សន៍ថា ទាហានអ៊ីស្រាអែល បានឈានទៅដល់ចំណុចកណ្ដាលទីក្រុង ហ្កាហ្សាហើយ និងកំពុងរឹតបន្តឹងខ្លាំងនៅសមរភូមិ ។ លោក Gallant បាននិយាយថា កងទ័ពថ្មើរជើងក្នុងរថពាសដែក និងរថក្រោះ មានគោលដៅតែមួយ គឺ កម្ចាត់ភេរវករហាម៉ាសនៅហ្កាហ្សា ហេដ្ឋារចនាសម្ព័ន្ធ មេបញ្ជាការរបស់ពួកគេ លេណដ្ឋាន និងបន្ទប់ទំនាក់ទំនងប្រតិបត្តិការរបស់ក្រុមនេះជាដើម។ លោក Gallant បាននិយាយថា មេដឹកនាំជាន់ខ្ពស់បំផុតរបស់ក្រុមហាម៉ាសនៅតំបន់ហ្កាហ្សា គឺលោក យ៉ាយ៉ា ស៊ីនវ៉ា (Yahya Sinwar) ត្រូវបានសំងំលាក់ខ្លួននៅក្នុងលេនដ្ឋានរបស់លោក ដោយបន្ថែមថា នោះគឺជាលោក Sinwar ដែលកាលពីមួយខែមុនបានសម្រេចចិត្តសម្លាប់ជនស៊ីវិលអ៊ីស្រាអែល ស្ត្រី និងកុមារ។ ប្រភពសន្តិសុខបានប្រាប់សារព័ត៌មាន Reuters ថាយោធាអ៊ីស្រាអែលកំពុងចាប់ផ្តើមដំណាក់កាលបន្ទាប់នៃសង្រ្គាមរបស់ខ្លួន ដោយផ្តោតលើការកំណត់ទីតាំង និងបិទផ្លូវរូងក្រោមដីរបស់ក្រុមហាម៉ាស ដែលនឹងអាចចំណាយពេលច្រើនខែទើបចប់៕

រដ្ឋបាលខណ្ឌបឹងកេងកងរៀបចំសណ្តាប់ធ្នាប់នៅម្តុំអនុវិទ្យាល័យ ទួលស្លែង ក្រោយមានការលក់រំលោភចំណីផ្លូវសាធារណៈ

ដោយមានការណែនាំពីលោក សុខ សម្បត្តិ អភិបាល នៃ គណៈអភិបាលខណ្ឌបឹងកេងកង លោក មាស សម្បូរ ប្រធានសណ្តាប់ធ្នាប់សាលាខណ្ឌបឹងកេងកង សហការជាមួយសាលាសង្កាត់ទួលស្វាយព្រៃ១ កាលពីថ្ងៃទី៧ ខែវិច្ឆិកា ឆ្នាំ២០២៣ បានចុះរៀបចំសណ្តាប់ធ្នាប់នៅតាមបណ្តោយផ្លូវលេខ ៣១០ ជាពិសេស ម្តុំអនុវិទ្យាល័យ ទួលស្លែងក្រោយមានក្រុមអាជីវករដាក់លក់ដូរសម្ភារៈរបស់របរផ្សេងៗរំលោភចំណីផ្លូវសាធារណៈ ដែលនាំឲ្យបាត់បង់សណ្តាប់ធ្នាប់ របៀបរាបរយ សាធារណៈ ប៉ះពាល់ចរាចរណ៍របស់អ្នកដំណើរ ។ជាមួយគ្នានេះក្រុមការងារសាលាខណ្ឌបឹងកេងកង ក៏បានណែនាំក្រុមអាជីវកម្មទាំងអស់ សូមមេត្តាកុំលក់ដូរសម្ភារៈរបស់របរផ្សេងៗរំលោភចំណីផ្លូវសាធារណៈបន្តទៀត ពីព្រោះថា ផ្លូវសាធារណៈ គឺទុកសម្រាប់ប្រជាពលរដ្ឋទូទៅធ្វើដំណើរ ដូច្នេះមិនមានបុគ្គលណាម្នាក់មករំលោភបំពានបានឡើយ ។ទោះបីយ៉ាងណាក្តីអាជ្ញាធរខណ្ឌបឹងកេងកង បានណែនាំ និងទុករយះពេលបីថ្ងៃ សូមឲ្យក្រុមអាជីវករទាំងអស់នោះ ត្រូវតែរុះរើតូប យ៉ាប និងសម្ភារៈរបស់របរផ្សេងៗដែលដាក់រំលោភចំណីផ្លូវសាធារណៈឲ្យអស់ ប្រសិនបើមិនអនុវត្តតាមការណែនាំ អាជ្ញាធរខណ្ឌបឹងកេងកង នឹងមានវិធានរដ្ឋបាលចុះរុះរើនៅថ្ងៃសុក្រ ទី១០ ខែវិច្ឆិកា ឆ្នាំ២០២៣ ខាងមុខនេះ ដោយមិនទទួលខុសត្រូវនូវរាល់ការបាត់បង់ បាក់បែកសម្ភារៈរបស់របរផ្សេងៗរបស់ក្រុមអាជីវករទាំងអស់នោះឡើយ ៕ តារាវុទ្ធី

បុរសម្នាក់ដែលជាកូនម្ចាស់ផ្ទះបានធ្វើការដុតផ្ទះ ដើម្បីសម្លាប់ខ្លួននៅក្នុងផ្ទះ

ភ្នំពេញ ៖ បុរសម្នាក់ដែលជាកូនម្ចាស់ផ្ទះត្រូវបានដុតផ្ទះខ្លួនឯង នៅខាងក្នុងផ្ទះរួចបិទទ្វារជិតបង្កជាអណ្ដាតភ្លើងជាសន្ធោរសន្ធៅបណ្ដាលឲ្យបុរសម្នាក់នោះស្លាប់នៅក្នុងផ្ទះតែម្ដង។ ហេតុការណ៍គ្រោះអគ្គីភ័យនេះបានកើតឡើងនៅវេលាម៉ោង ១២ និង៤០នាទីថ្ងៃទី ០៧ ខែវិច្ឆិកា ឆ្នាំ ២០២៣ ស្ថិតនៅផ្លូវលំ ក្រុមទី៥ ភូមិថ្មី សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។តាមប្រភពព័ត៌មានបានឲ្យដឹងថានៅមុនពេលកើតហេតុកូនប្រុសពៅរបស់ម្ចាស់ផ្ទះគឺបានប្រើប្រាស់សារធាតុញៀន រហូតបាត់បង់ស្មារតីពេលនោះក៏បានដុតភ្លើងខាងនៅក្នុងផ្ទះដើម្បីសម្លាប់ខ្លួនរួចក៏បានចងមាត់ទ្វារបិទជិត។ ភ្លាមនោះប្រជាពលរដ្ឋជិតខាងបាននាំគ្នាជួយអន្តរាគមន៍ប៉ុន្តែមិនអាចចូលទៅខាងក្នុងបានអណ្ដាតភ្លើងបានឆាបឆេះយ៉ាងលឿន។ ខណៈនោះពលរដ្ឋ បានរាយការណ៍ទៅអាជ្ញាធរមូលដ្ឋានដើម្បីធ្វើការទំនាក់ទំនងទៅនឹងមន្ត្រីជំនាញការិយាល័យបង្ការនិងពន្លត់អគ្គិភ័យនៃស្នងការដ្ឋាននគរបាលរាជធានីភ្នំពេញដើម្បីចេញរថយន្តពន្លត់គីភ័យជួយអន្តរាគមន៍បាញ់ពន្លត់ចៀសវាងមានការរាលដាលដល់ផ្ទះប្រជាពលរដ្ឋជិតខាងបន្ថែមទៀត។មន្ត្រីជំនាញខាងការិយាល័យបង្ការនិងពន្លត់អគ្គិភ័យបានឲ្យដឹងថាក្នុងហេតុការនេះដោយទីតាំងនៃការឆាប់ឆេះផ្ទះមានប្រភេទឈើ ថ្មក្រោមអណ្ដាតភ្លើងឆាប់ឆេះលឿនធ្វើឲ្យអាជ្ញាធរលំបាកក្នុងការជួយឲ្យបានទាន់ពេលវេលា។ក្នុងហេតុការណ៍គ្រោះអគ្គិភ័យបេះ បានបណ្ដាលឲ្យបុរសម្នាក់ដែលជាកូនម្ចាស់ផ្ទះស្លាប់ទៅក្នុងផ្ទះ។ រថយន្តពន្លយ់អគ្គិភ័យមកដល់ទីតាំងកើតហេតុចំនួន១៩គ្រឿង អាជ្ញាធរបានប្រើប្រាស់ បាញ់ទឹកពន្លត់អស់ចំនួន ១៤គ្រឿងដើម្បីពន្លត់ឲ្យរលត់ជាស្ថាពរ និងទំហំនៃការខូចខាតផ្ទះឆាបឆេះអស់ទាំងស្រុង។ ចំពោះមូលហេតុបឋមតាមការបញ្ជាក់ពីពន្លរដ្ឋជិតខាងថាកូនដុតផ្ទះខ្លួនឯង យ៉ាងណាមន្រ្តីជំនាញនិងធ្វើការស្រាវជ្រាវបន្ត៕ អត្ថបទ៖ កុម្ភះ

បណ្ដាញសង្គម

ព័ត៌មានថ្មីៗ

អាជ្ញាធរមីន អំពាវនាវឱ្យប្រជាពលរដ្ឋប្រុងប្រយ័ត្នចំពោះគ្រាប់មីន និងយុទ្ធភណ្ឌមិនទាន់ផ្ទុះ ក្នុងពេល និងក្រោយពេលទឹកជំនន់

[UPDATE] អ្នកស្លាប់ដោយសារទឹកជំនន់ នៅថៃ ឡើងដល់ ២៣នាក់ ក្នុងនោះ ៤នាក់ នៅទីក្រុងបាងកក

ព្រឹទ្ធសភាកម្ពុជា បើកកិច្ចប្រជុំជាវិសាមញ្ញ នីតិកាលទី៥ ពិនិត្យ និងឱ្យយោបល់លើសេចក្តីព្រាងច្បាប់សំខាន់ៗចំនួន ៤ និងបោះឆ្នោតបំពេញសមាជិកគណៈកម្មការ

ឯកឧត្តម ហ៊ុន ម៉ានី៖ កម្ពុជាមានដូចសព្វថ្ងៃ បានមកពីការចូលរួមរបស់មន្ត្រីរាជការជំនាន់មុនគ្រប់រូប

វត្តអារាមនឹងបែងចែកទេយ្យទានដល់ជួរមុខ ខណៈបរិស័ទបន្តធ្វើបុណ្យឧទ្ទិសកុសលដល់វិញ្ញាណក្ខន្ធកងទ័ព

ក្រុមលេខាធិការ RBC យោធភូមិទី៤ កម្ពុជា និងកងទ័ពភូមិភាគទី២ថៃ ជួបប្រជុំក្រៅផ្លូវការនៅច្រកអន្តរជាតិជាំ-សាង៉ាំ ជំរុញការអនុវត្តឱ្យបានពេញលេញនូវបទឈប់បាញ់

កីឡាការិនីកីឡាវូស៊ូកម្ពុជាឈ្នះមេដាយ ៦គ្រឿង ក្នុងការប្រកួតកីឡាវូស៊ូជ្រើសរើសជើងឯកអន្តរជាតិ នៅឥណ្ឌូនេស៊ី

សមត្តកិច្ចចាប់បានសត្វក្រពើ១ក្បាល ត្រង់ចំណុចគីឡូម៉ែត្រលេខ៤ នៅក្រុងប៉ោយប៉ែត

ឯកឧត្តមឧបនាយករដ្ឋមន្រ្តី ហ៊ុន ម៉ានី ជួបសំណេះសំណាលនិវត្តន៍ជននៅក្នុងខេត្តកំពង់ស្ពឺ

អាជ្ញាធរជាតិប្រយុទ្ធនឹងជំងឺអេដស៍ បើកកិច្ចប្រជុំក្រុមប្រឹក្សាបច្ចេកទេសលើកទី៩ ឆ្នាំ២០២៦ដើម្បីពិភាក្សា និងជំរុញកិច្ចការឆ្លើយតបនឹងមេរោគអេដស៍ និងជំងឺអេដស៍នៅកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877