BTV NEWS

សាធារណជនគាំទ្រគំនិតផ្ដួចផ្ដើមរបស់សម្តេចធិបតីឱ្យបញ្ជូនក្រុមក្មេងទំនើងទៅជួយការងារសមរភូមិមុខ

បង្រ្កាបអគារប្រព្រឹត្តបទល្មើស Online Scams នៅទីតាំង ១កន្លែង ក្នុងក្រុងប៉ោយប៉ែត ឃាត់ខ្លួនមនុស្សប្រមាណ ៣០០នាក់

កម្លាំងគណៈបញ្ជាការឯកភាពរាជធានី បន្តប្រតិបត្តិការឆ្មក់ចុះបង្ក្រាប Online Scams នៅខណ្ឌ៧មករា ឃាត់ជនបរទេស៤០នាក់

ជនជាតិចិន ៣២៩នាក់ ពាក់ព័ន្ធករណីឆបោកតាមប្រព័ន្ធអនឡាញ (Online Scams) ត្រូវបានបណ្ដេញចេញពីព្រះរាជាណាចក្រកម្ពុជា

សន្តិសុខ និង សង្គម

មនុស្សជាង២៦ម៉ឺននាក់ បានផ្លាស់ទីលំនៅនៅតំបន់ហ្គាហ្សា ដោយសារសង្គ្រាមជាមួយអ៊ីស្រាអែល

អង្គការសហប្រជាជាតិបានប៉ាន់ប្រមាណថា មនុស្សជាង ២៦៣.០០០នាក់ ត្រូវបានបង្ខំឱ្យភៀសខ្លួនចេញពីលំនៅឋានរបស់ពួកគេនៅក្នុងតំបន់ហ្គាហ្សា ស្ទ្រីប។ ទីភ្នាក់ងារមនុស្សធម៌របស់អង្គការសហប្រជាជាតិ OCHA បានព្រមានថា ចំនួននេះត្រូវបានគេរំពឹងថានឹងកើនឡើងបន្ថែមទៀត ហើយបាននិយាយដោយសំអាងដល់ក្រុមអាជ្ញាធរប៉ាឡេស្ទីន ថា លំនៅឋានជាង១.០០០ខ្នង ត្រូវបានបំផ្លាញ ហើយលំនោឋានចំនួន៥៦០ខ្នង ត្រូវបានខូចខាតយ៉ាងធ្ងន់ធ្ងរមិនអាចឲ្យមនុស្សរស់នៅបានទេ។ក្នុងចំណោមអ្នកផ្លាស់ទីលំនៅទាំងនោះ មនុស្សជិត ១៧៥.៥០០នាក់ បានស្វែងរកទីជម្រកនៅក្នុងសាលារៀនចំនួន៨៨កន្លែង ដែលគ្រប់គ្រងដោយទីភ្នាក់ងារសម្រាលបន្ទុកភៀសខ្លួនរបស់អង្គការសហប្រជាជាតិ (UNRWA)។ មនុស្សជាង ១៤.៥០០នាក់ផ្សេងទៀត បានភៀសខ្លួនទៅជ្រកកោននៅសាលារៀនរដ្ឋាភិបាលចំនួន១២ទីតាំង ខណៈដែលមនុស្សជិត ៧.៤០០០នាក់ ត្រូវបានគេប៉ាន់ស្មានថា កំពុងស្នាក់នៅជាមួយសាច់ញាតិ និងអ្នកជិតខាង ឬស្វែងរកជម្រកនៅក្នុងព្រះវិហារ និងកន្លែងផ្សេងៗទៀត។អ៊ីស្រាអែល កំពុងប្រឈមមុខនឹងការអំពាវនាវកាន់តែខ្លាំងឡើង ក្នុងការអនុញ្ញាតឱ្យផ្តល់ជំនួយចូលទៅក្នុងតំបន់ហ្គាហ្សា ដែលខ្លួនបានឡោមព័ទ្ធ ស្របពេលមានការព្រមានយ៉ាងម៉ឺងម៉ាត់អំពីវិបត្តិមនុស្សធម៌ ដែលអាចនាំឱ្យមានការស្លាប់ជនស៊ីវិលរាប់ពាន់នាក់។ ស្បៀងអាហារ អគ្គិសនី និងទឹក កំពុងមានការខ្វះខាតយ៉ាងខ្លាំង បន្ទាប់ពីអ៊ីស្រាអែលបានដាក់ការបិទផ្លូវទាំងស្រុង ហើយយន្តហោះចម្បាំងជាច្រើនបានកំពុងវាយលុកតំបន់ហ៊ុមព័ទ្ធដ៏តូច ដែលជាជម្រករបស់ជនជាតិប៉ាឡេស្ទីន ប្រមាណជាងពីរលាននាក់មួយនេះផងដែរ៕

ការសិក្សា៖ បម្រែបម្រួលអាកាសធាតុ បានជំរុញឱ្យមានរលកកម្ដៅ ក្នុងរដូវរងាយ៉ាងធ្ងន់ធ្ងរ នៅអាមេរិកខាងត្បូង

ការឡើងកម្ដៅផែនដី គឺជាកត្តាជំរុញចម្បងនៃរលកកម្ដៅ ដែលបានឆាបឆេះនៅអាមេរិកខាងត្បូង សម្រាប់រយៈពេលភាគច្រើននៃខែសីហា និងខែកញ្ញា ហើយបានធ្វើឲ្យសីតុណ្ហភាពកើនឡើងដល់ទៅ ៤,៣អង្សាសេ នេះបើយោងតាមការសិក្សាមួយ ដែលបានចេញផ្សាយកាលពីថ្ងៃអង្គារ (១០ តុលា)។ការសិក្សាដោយក្រុមវិទ្យាសាស្ត្រគុណលក្ខណៈអាកាសធាតុពិភពលោកបាននិយាយថា សីតុណ្ហភាពបានកើនឡើងលើសពី ៤០អង្សាសេ នៅទូទាំងផ្នែកធំៗនៃប្រទេសប្រេស៊ីល ប៉ារ៉ាហ្គាយ បូលីវី និងអាហ្សង់ទីន នៅចុងរដូវរងារ ហើយបន្តធ្លាក់ចូលទៅក្នុងនិទាឃរដូវនៃអឌ្ឍគោលខាងត្បូង ដោយបម្រែបម្រួលអាកាសធាតុធ្វើឱ្យព្រឹត្តិការណ៍ឡើងកម្ដៅនេះទំនងជាកើនឡើងក្នុងកម្រិត ១០០ដងលើសពីធម្មតា។ការសិក្សានេះបាននិយាយថា មនុស្សយ៉ាងហោចណាស់៤នាក់ បានស្លាប់ដោយសារកម្ដៅ ត្រូវបានរាយការណ៍នៅក្នុងទីក្រុង សៅ ប៉ូឡូ ដែលជាទីក្រុងធំបំផុតរបស់អាមេរិកខាងត្បូង ប៉ុន្តែចំនួនអ្នកស្លាប់ពិតប្រាកដ ទំនងជាត្រូវចំណាយពេលច្រើនខែដើម្បីកំណត់ ដោយការវិភាគវិញ្ញាបនបត្រមរណភាព។ អ្នកស្រាវជ្រាវរាប់សិបនាក់មកពីសាកលវិទ្យាល័យជាច្រើន និងទីភ្នាក់ងារឧតុនិយមជុំវិញពិភពលោក បានចូលរួមចងក្រងបង្កើតការសិក្សានេះឡើង។ការសិក្សាបានបន្ថែមថា ការចាប់ផ្តើមនៃបាតុភូតអាកាសធាតុ អែល នីញ៉ូ ក្នុងឆ្នាំនេះ ក៏បានជួយជំរុញឱ្យសីតុណ្ហភាពឡើងខ្ពស់ផងដែរ ប៉ុន្តែជាកត្តាតិចតួចប៉ុណ្ណោះ បើប្រៀបធៀបទៅនឹងបម្រែបម្រួលអាកាសធាតុ។ ការសិក្សានេះក៏បានព្រមានថា ប្រសិនបើកំណើនកម្ដៅផែនដីឡើងដល់កម្រិត ២អង្សាសេ ក្តៅជាងមធ្យមភាគមុនសម័យបដិវត្តន៍ឧស្សាហកម្ម នោះរលកកម្ដៅដ៏មហន្តរាយស្រដៀងគ្នានៅក្នុងតំបន់ ត្រូវបានគេព្យាករណ៍ថានឹងកើតឡើងរៀងរាល់ ៥ឆ្នាំ ឬ ៦ឆ្នាំម្តង៕

ប្រធានាធិបតីទួរគីនិយាយថា ការបញ្ជូននាវាផ្ទុកយន្តហោះរបស់អាមេរិក ទៅអ៊ីស្រាអែល នឹងក្លាយជាការសម្លាប់រង្គាលនៅតំបន់ហ្គាហ្សា

លោកប្រធានាធិបតីទួរគី តាយីប អឺដូហ្គែន (Tayyip Erdogan) កាលពីថ្ងៃអង្គារ បានរិះគន់សហរដ្ឋអាមេរិក ចំពោះការបញ្ជូនក្រុមនាវាពិឃាតទៅកាន់តែជិតអ៊ីស្រាអែល ដោយនិយាយថា ការបញ្ជូនអាវុធទៅនេះ នឹងនាំឲ្យមានការសម្លាប់រង្គាលដ៏ធ្ងន់ធ្ងរនៅក្នុងតំបន់ហ្គាហ្សា។ ក្រោយការវាយប្រហារដ៏គួរឲ្យភ្ញាក់ផ្អើលដោយក្រុមសកម្មប្រយុទ្ធហាម៉ាសកាលពីថ្ងៃសៅរ៍ រដ្ឋមន្ត្រីក្រសួងការពារជាតិអាមេរិក លោក ឡយ អូស្ទីន (Lloyd Austin) បាននិយាយកាលពីថ្ងៃអាទិត្យថា សហរដ្ឋអាមេរិក នឹងបញ្ជូនក្រុមនាវាពិឃាត ដែលរួមទាំងនាវាផ្ទុកយន្តហោះ USS Gerald R. Ford ចូលទៅជិតអ៊ីស្រាអែល។ លោក Erdogan បាននិយាយនៅក្នុងសន្និសីទសារព័ត៌មានរួមគ្នាជាមួយអធិការបតីអូទ្រីស លោក ខាល ខេហាំម័រ (Karl Nehammer) ក្នុងទីក្រុងអង់ការ៉ា ថា តើ នាវាផ្ទុកយន្តហោះរបស់សហរដ្ឋអាមេរិក នឹងធ្វើអ្វីខ្លះនៅជិតអ៊ីស្រាអែល ?ហេតុអ្វីបានជាបញ្ជូនអាវុធទាំងនោះមក។ តើនាវានិងយន្តហោះទាំងនោះនឹងធ្វើអ្វី? អាវុធទាំងនោះនឹងវាយប្រហារតំបន់ហ្គាហ្សានិងតំបន់ជុំវិញ និងចាត់វិធានការប្រព្រឹត្តអំពើសម្លាប់រង្គាលធ្ងន់ធ្ងរនោះទីនោះ ។ លោក Erdogan ធ្លាប់បាននិយាយរួចមកហើយថា ទួរគី បានត្រៀមខ្លួនរួចរាល់ក្នុងការសម្របសម្រួលរវាង កងកម្លាំង អ៊ីស្រាអែល និងប៉ាឡេស្ទីន ដើម្បីធានាបានភាពស្ងៀមស្ងាត់ ៕

សម្ពាធលើព្រំដែនតំបន់ហ្គាហ្សា បង្កើនការព្រមានដល់អេហ្ស៊ីប ខណៈការវាយប្រហារខិតទៅជិតច្រកព្រំដែន

យោធារបស់ប្រទេសអេហ្ស៊ីប បានចុះទៅកាន់ទីតាំងថ្មីនៅជិតព្រំដែនរវាងប្រទេសអេហ្ស៊ីប និងតំបន់ហ្គាហ្សា ហើយកំពុងធ្វើការល្បាតដើម្បីត្រួតពិនិត្យតំបន់នោះ ខណៈការវាយប្រហារខិតជិតដល់ច្រកព្រំដែនរបស់ខ្លួន នេះបើយោងតាមលោក Ahmed Salem មកពីមូលនិធិសិទ្ធិមនុស្សស៊ីណៃ (Sinai) បាននិយាយកាលពីថ្ងៃអង្គារ (១០ តុលា) ។ក្រុមមន្ត្រីតំបន់ហ្គាហ្សា និងប្រភពសន្តិសុខអេហ្ស៊ីប បាននិយាយថា ប្រទេសអេហ្ស៊ីបកំពុងធ្វើប្រតិបត្តិការដើម្បីការពារការជនភៀសខ្លួនយ៉ាងច្រើន ចេញពីតំបន់ហ្គាហ្សា ស្ទ្រីប ចូលទៅក្នុងឧបទ្វីបស៊ីណៃរបស់ខ្លួន ខណៈដែលការទម្លាក់គ្រាប់បែករបស់អ៊ីស្រាអែល បានបញ្ឈប់ការធ្វើដំណើរឆ្លងកាត់នៅចំណុចច្រកចេញតែមួយគត់ពីដែនដីហ៊ុមព័ទ្ធប៉ាឡេស្ទីន។ប្រធានាធិបតីអេហ្ស៊ីប លោក Abdel Fattah al-Sisi បាននិយាយកាលពីថ្ងៃអង្គារថា ការកើនឡើងនៃជម្លោះរវាងអ៊ីស្រាអែល និងប៉ាឡេស្ទីន គឺមានគ្រោះថ្នាក់ខ្លាំងណាស់ និងមានផលវិបាកដែលអាចប៉ះពាល់ដល់សន្តិសុខ និងស្ថិរភាពក្នុងតំបន់។ លោក Sisi បន្ថែមថា អេហ្ស៊ីបសង្ឃឹមថាមានដំណោះស្រាយចរចាចំពោះបញ្ហាប៉ាឡេស្ទីន ដែលនាំទៅរកសន្តិភាព និងការបង្កើតរដ្ឋប៉ាឡេស្ទីនឡើងវិញ។ប្រភពសន្តិសុខអេហ្ស៊ីបចំនួនពីរបាននិយាយថា ការវាយលុករបស់អ៊ីស្រាអែលលើតំបន់ហ្គាហ្សា បានបង្កឱ្យមានការភ្ញាក់ផ្អើលនៅក្នុងប្រទេសអេហ្ស៊ីប ដែលបានជំរុញឱ្យអ៊ីស្រាអែល ផ្តល់ផ្លូវធ្វើដំណើរមានសុវត្ថិភាពសម្រាប់ជនស៊ីវិលពីតំបន់ហ៊ុមព័ទ្ធប៉ាឡេស្ទីន ជាជាងការលើកទឹកចិត្តឱ្យពួកគេភៀសខ្លួនពីភាគនិរតីឆ្ពោះទៅកាន់ឧបទ្វីបស៊ីណៃ របស់អេហ្ស៊ីប៕

លោក Biden ប្រឈមជម្រើសលំបាកលើចំណាប់ថ្នូរជនជាតិអាមេរិកនៅតំបន់ហ្គាហ្សា

លោកប្រធានាធិបតីសហរដ្ឋអាមេរិកJoe Biden ត្រូវប្រឈមនឹងការពិតដ៏ក្រៀមក្រំដែលពលរដ្ឋអាមេរិកស្ថិតក្នុងចំណោមចំណាប់ខ្មាំងក្នុងដៃក្រុមភេរវករ ហាម៉ាស (Hamas) ដែលត្រូវបានចាប់ពង្រត់ និងចាប់យកចូលទៅក្នុងតំបន់ហ្គាហ្សាកាលពីចុងសប្តាហ៍ ប៉ុន្តែរដ្ឋាភិបាលសហរដ្ឋអាមេរិកមិនដឹងថាមានពលរដ្ឋរបស់ខ្លួនប៉ុន្មាននាក់ក្នុងស្ថានភាពនោះ ឬនៅទីណានោះទេ។ លោក Biden បានប្រាប់អ្នកយកព័ត៌មាននៅក្នុងបន្ទប់ទទួលទានអាហាររបស់សេតវិមានកាលពីថ្ងៃអង្គារថា ឥឡូវនេះយើងដឹងថាពលរដ្ឋអាមេរិកស្ថិតក្នុងចំណោមអ្នកដែលត្រូវបានចាប់ខ្លួនដោយក្រុមហាម៉ាស ។ លោកបាននិយាយថា យោធាអាមេរិក នឹងជួយកងកម្លាំងអ៊ីស្រាអែលក្នុងការធ្វើផែនការ និងការប្រមូលព័ត៌មានចារកម្មសម្រាប់កិច្ចខិតខំប្រឹងប្រែងដើម្បីជួយសង្គ្រោះចំណាប់ថ្នូរទាំងនោះ ហើយថាលោកមិនមាន អាទិភាពខ្ពស់ ជាប្រធានាធិបតី ជាងសុវត្ថិភាពរបស់ជនជាតិអាមេរិកដែលជាប់ជាចំណាប់ខ្មាំងនៅជុំវិញពិភពលោកនោះទេ។លោក Biden បានហៅការវាយលុករបស់ក្រុមហាម៉ាសតាមទីក្រុង និងកសិដ្ឋានមួយចំនួននៅភាគខាងត្បូងប្រទេសអ៊ីស្រាអែល និងការសម្លាប់ជនជាតិអ៊ីស្រាអែលជាង ១.០០០ នាក់ថា ជាអំពើអាក្រក់ដ៏សាហាវព្រៃផ្សៃ ហើយបានបញ្ជាក់ថា អ្នកដែលត្រូវបានសម្លាប់ រួមទាំងជនជាតិអាមេរិក១៤ នាក់ផងដែរ។ លោក Biden បាននិយាយថា នៅពេលនេះ យើងត្រូវតែមានភាពច្បាស់លាស់។ យើង ឈរនៅជាមួយ អ៊ីស្រាអែល៕

បារាំងចាប់ផ្តើមដកទ័ពចេញពីប្រទេសនីហ្សេ

ក្បួនរថយន្តយោធាបារាំង បានចាប់ផ្តើមដកខ្លួនចេញពីមូលដ្ឋាននានានៅភាគនិរតីប្រទេសនីហ្សេ ដោយនោះជាការចាប់ផ្តើមនៃការចាកចេញ ដែលទាមទារដោយរបបយោធារបស់នីហ្សេ និងបានបង្កផលប៉ះពាល់បន្ថែមទៀត ដល់ឥទ្ធិពលរបស់បារាំងនៅក្នុងតំបន់ Sahel នៃអាហ្វ្រិកខាងលិច ដែលរងគ្រោះដោយជម្លោះរាប់មិនអស់នេះ។សារព័ត៌មាន រ៉យទ័រ បាននិយាយថា រថយន្តភីកអាប់ និងរថពាសដែកជាច្រើនគ្រឿង ដែលផ្ទុកដោយទាហានបារាំង បានបើកកាត់ជាយក្រុងនៃរដ្ឋធានី នីញ៉ាម៉េ កាលពីថ្ងៃអង្គារ (១០ តុលា) បន្ទាប់ពីរបបយោធាកាលពីល្ងាចថ្ងៃចន្ទ បាននិយាយថា ការដកទ័ពរបស់បារាំងនឹងចាប់ផ្តើមនៅថ្ងៃបន្ទាប់។នៅក្នុងសេចក្តីថ្លែងការណ៍មួយក្នុងទូរទស្សន៍រដ្ឋ រដ្ឋាភិបាលយោធានីហ្សេ បានអំពាវនាវឱ្យមានកិច្ចសហប្រតិបត្តិការរបស់ប្រជាពលរដ្ឋជាមួយនឹងការចល័តកងទ័ពបារាំងនេះ ដែលខ្លួនបាននិយាយថា នឹងមានទាហានបារាំងចំនួនប្រហែល ១.៥០០នាក់ ចាកចេញពីប្រទេសនីហ្សេ តាមផ្លូវទៅកាន់ប្រទេសឆាដ ដែលជាការធ្វើដំណើររាប់រយគីឡូម៉ែត្រឆ្លងកាត់ទឹកដីអសន្តិសុខទាំងនេះ។ បុគ្គលិកអាកាសយានដ្ឋានម្នាក់ និងប្រភពចំនួនពីរផ្សេងទៀត ដែលដឹងពីបញ្ហានេះបាននិយាយថា ទាហានបារាំងពីរបីនាក់ក៏បានចាកចេញពីប្រទេសនីហ្សេ តាមរយៈយន្តហោះយោធាកាលពីថ្ងៃចន្ទផងដែរ៕

អ៊ីស្រាអែលដណ្តើមបានមកវិញតំបន់ព្រំដែនហ្គាហ្សា ខណៈចំនួនអ្នកស្លាប់ដោយសង្គ្រាមកើនឡើង

អ៊ីស្រាអែល និយាយថា ខ្លួនដណ្តើមបានមកវិញតំបន់ជាច្រើននៅព្រំដែនតំបន់ហ្គាហ្សា ពីក្រុមហាម៉ាស់ កាលពីថ្ងៃអង្គារ ជាថ្ងៃទី៤ នៃការប្រយុទ្ធគ្នាដ៏ខ្លាំងដែលបានបណ្តាលឲ្យមនុស្សរាប់ពាន់នាក់ស្លាប់នៅភាគីទាំងសងខាង ចាប់តាំងពីក្រុមសកម្មប្រយុទ្ធ បើកការវាយប្រហារដ៏គួរឲ្យភ្ញាក់ផ្អើល។ នាយករដ្ឋមន្ត្រីលោក Benjamin Netanyahu បានព្រមានថា យុទ្ធនាការយោធារបស់អ៊ីស្រាអែល បន្ទាប់ពីការវាយលុកខ្លាំងកាលពីថ្ងៃសៅរ៍ គឺជាការចាប់ផ្តើមសង្គ្រាមដែលប្រឈមមុខដាក់គ្នាប៉ុណ្ណោះ ដើម្បីបំផ្លាញក្រុមហាម៉ាស់ និងការផ្លាស់ប្តូរមជ្ឈិមបូព៌ា។ ការព្រួយបារម្ភនៃជម្លោះក្នុងតំបន់ដ៏ខ្លាំងក្លា បានកើនឡើងនៅមុនពេលការឈ្លានពានដីគោករបស់អ៊ីស្រាអែលដែលត្រូវបានរំពឹងទុក ចូលទៅក្នុងតំបន់ហ្គាហ្សា ជាតំបន់ហ៊ុមព័ទ្ធដែលក្រីក្រ និងមានមនុស្សច្រើន ពីកន្លែងដែលក្រុមហាម៉ាស់ចាប់ផ្តើមការវាយប្រហារលើដីគោក តាមអាកាស និងដែនសមុទ្រ ។ ចំនួនអ្នកស្លាប់នៅក្នុងប្រទេសអ៊ីស្រាអែល បានកើនឡើងជាង១.០០០នាក់ ពីការវាយប្រហារដ៏អាក្រក់នៅក្នុងប្រវត្តិសាស្ត្ររយៈ ៧៥ឆ្នាំរបស់ប្រទេសនេះ ខណៈមន្ត្រីតំបន់ហ្គាហ្សា បានរាយការណ៍ថា មនុស្សជាង៩០០នាក់ បានស្លាប់រហូតមកដល់ពេលនេះ ហើយកងទ័ពអ៊ីស្រាអែលនិយាយថា សាកសពសកម្មប្រយុទ្ធប្រមាណ ១.៥០០នាក់ ត្រូវបានរកឃើញ។ អង្គការមិនមែនរដ្ឋាភិបាលអន្តរជាតិបានចេញការព្រមានខ្លាំងៗជុំវិញស្ថានភាពសុខភាព និងមនុស្សធម៌ នៅក្នុងតំបន់ហ្គាហ្សា។ ការថ្កោលទោសពីមេដឹកនាំប្រទេសលោកខាងលិច ដែលផ្ទុយពីការដែលតាមសង្កេត ដោយការឆ្លើយតបការគាំទ្រប៉ាឡេស្ទីននៅក្នុងពិភពអារ៉ាប់ ជាកន្លែងដែលមនុស្សជាច្រើនបានចែកស្ករគ្រាប់ រាំ និងសូត្រធម៌បូងសួង ក្នុងការគាំទ្រនៃការទប់ទល់ចំពោះការចូលកាន់កាប់ជាយូរអង្វែងរបស់អ៊ីស្រាអែល លើដែនដីប៉ាឡេស្ទីន។ កងទ័ពអ៊ីស្រអែល បានកែណ្ឌទាហានបម្រុង៣០០.០០០នាក់ និងប្រមូលរថក្រោះជាច្រើនគ្រឿង និងរថពាសដែកធុនធ្ងន់ផ្សេងទៀត ទាំងនៅជិតព្រំដែនភាគខាងជើង និងតំបន់ហ្គាហ្សាជាមួយប្រទេសលីបង់ ជាកន្លែងដែលការបាញ់តគ្នានៅបន្ត។ យោធានិយាយថាកងកម្លាំងរបស់ខ្លួន បានដណ្តើមបានមកវិញភាគច្រើនទឹកដីភាគខាងត្បូងដែលបានប្រយុទ្ធគ្នានិង ព្រំដែននៅជុំវិញតំបន់ហ្គាហ្សា និងបានបណ្តេញចេញ អ្នកប្រយុទ្ធក្រុមហាម៉ាស់ ពីទីក្រុងជាង១០ ។

ជម្លោះរវាងអ៊ីស្រាអែល និងប៉ាឡេស្ទីន កើតចេញពីជម្លោះចាក់ឬសយ៉ាងជ្រៅដែលពុំបានដោះស្រាយកាលពីអតីតកាល

ការវាយប្រហារមួយទៅលើអ៊ីស្រាអែល ដោយពួកសកម្មប្រយុទ្ធប៉ាឡេស្ទីន ហាម៉ាស កាលពីចុងសប្តាហ៍ បាននាំមកនូវចំណាប់អារម្មណ៍ជាថ្មីចំពោះបញ្ហាជាប្រវត្តិសាស្ត្រមួយនេះ។ មជ្ឈិមបូព៌ាបានជាប់គាំងក្នុងជម្លោះអស់ជាច្រើនទស្សវត្សមកហើយ ជាមួយនឹងការវាយប្រហារចុងក្រោយបំផុតនៅក្នុងជម្លោះអ៊ីស្រាអែល និងប៉ាឡេស្ទីន បានធ្វើឱ្យមនុស្សស្លាប់ជាង ១.៥០០នាក់សម្រាប់ភាគីទាំងពីរ។មនុស្សរាប់ពាន់នាក់ទៀតបានរងរបួស បន្ទាប់ពីក្រុមហាម៉ាស បានបើកការលុកលុយចេញពីតំបន់ហ្គាហ្សាលើប្រទេសអ៊ីស្រាអែល កាលពីព្រឹកថ្ងៃសៅរ៍។ ខណៈកំណើននៃអំពើហិង្សានេះមានលក្ខណៈថ្មី ប៉ុន្តែវាគ្រាន់តែជាការផ្ទុះឡើងវិញថ្មីបំផុត ពីជម្លោះកាលពីអតីតកាលដែលមិនបានដោះស្រាយរវាងអ៊ីស្រាអែល និងប៉ាឡេស្ទីន នេះប៉ុណ្ណោះ។តំបន់ហ្កាហ្សា ស្រ្ទីប (Gaza strip) និងតំបន់វែស ប៊ែង (West Bank) ជាផ្ទះសម្រាប់ប្រជាជនជាង ២លាននាក់ ហើយត្រូវបានគេស្គាល់ថាជាទឹកដីប៉ាឡេស្ទីន។ តំបន់ទាំងពីរនេះ រួមជាមួយនឹងប្រទេសអ៊ីស្រាអែលទាំងមូល គឺជាអ្វីដែលជនជាតិប៉ាឡេស្ទីនបានកំណត់ថា ជាទឺកដីប៉ាឡេស្ទីនអស់រយៈពេលជាង២.០០០ឆ្នាំមកហើយ។ ប៉ុន្តែការទាមទាររបស់ជនជាតិជ្វីហ្វក៏លាតសន្ធឹងទៅឆ្ងាយផងដែរ នៅពេលដែលពួកគេត្រូវបាននិរទេសចេញពីទឹកដីដែលពួកគេកំណត់ថា ជាស្រុកកំណើតដូនតារបស់ពួកគេ។រដ្ឋអ៊ីស្រាអែលត្រូវបានប្រកាសឡើងនៅឆ្នាំ១៩៤៨ ប៉ុន្តែក្រុមជនជាតិប៉ាឡេស្ទីនជឿថា ទឹកដីនោះត្រូវបានពួកគេលួចយកប៉ុណ្ណោះ។ អ៊ីស្រាអែលបានកាន់កាប់តំបន់វែស ប៊ែង និងតំបន់ហ្កាហ្សា ដោយខុសច្បាប់ ដែលនាំឱ្យមានការបះបោរ និងការចោទប្រកាន់ទាំងពីរភាគី អំពីការរំលោភសិទ្ធិមនុស្ស។ កិច្ចព្រមព្រៀងដៃគូរវាងភាគីទាំងពីរ ឈ្មោះថា Oslo ក្នុងឆ្នាំ១៩៩៣ បានផ្តល់ក្តីសង្ឃឹមក្រោមកិច្ចព្រមព្រៀងរដ្ឋពីរ ប៉ុន្តែការប្រយុទ្ធនៅតែបន្ត។ ក្រុមហាម៉ាស បានកាន់កាប់តំបន់ហ្គាហ្សាឡើងវិញក្នុងឆ្នាំ២០០៥ ហើយអំពើហិង្សានៅតែបន្តជាមួយនឹងការវាយប្រហារជាង៧៥៨ដង លើប្រជាជនប៉ាឡេស្ទីនដោយអ្នកតាំងលំនៅរបស់អ៊ីស្រាអែល។កាលពីថ្ងៃសៅរ៍ ខែតុលា ឆ្នាំនេះ ក្រុមហាម៉ាស ដែលគាំទ្រដោយស៊ីរី លីបង់ និងអ៊ីរ៉ង់ បានបើកការវាយប្រហារយ៉ាងសាហាវទៅលើអ៊ីស្រាអែល ហើយជាការឆ្លើយតប អ៊ីស្រាអែលបានវាយប្រហារបកទៅវិញ។ អ៊ីរ៉ង់ ដែលជាអ្នកគាំទ្រដ៏សំខាន់នៃក្រុមហាម៉ាស បានបដិសេធមិនជាប់ពាក់ព័ន្ធក្នុងការវាយប្រហារនេះ ប៉ុន្តែក្រុមមន្ត្រីជាន់ខ្ពស់អ៊ីរ៉ង់បានលើកសរសើរការវាយប្រហារមួយនេះ។ មានការព្រួយបារម្ភអំពីជម្លោះកាន់តែទូលំទូលាយរវាងអ៊ីស្រាអែល និងក្រុមឧទ្ទាម ហេសបូឡា របស់ប្រទេសលីបង់ ដែលជាភាគីប្រដាប់អាវុធគាំទ្រដោយអ៊ីរ៉ង់ផងដែរ ដោយក្រុមនេះបានបើកការវាយប្រហារដោយកាំភ្លើងធំសងសឹកលើអ៊ីស្រាអែលបន្ទាប់ពីការបាញ់ផ្លោងរបស់អ៊ីស្រាអែល បានសម្លាប់សមាជិកបីនាក់របស់ខ្លួន៕

កូរ៉េខាងជើងបន្ទោសអ៊ីស្រាអែល ជុំវិញការបង្កឲ្យមានការបង្ហូរឈាម នៅតំបន់ហ្គាហ្សា

ប្រព័ន្ធផ្សព្វផ្សាយរដ្ឋកូរ៉េខាងជើងកាលពីថ្ងៃអង្គារ បានស្តីបន្ទោសអ៊ីស្រាអែលជុំវិញការបង្កការបង្ហូរឈាមនៅក្នុងតំបន់ហ្គាហ្សា ដោយបាននាំឲ្យមានការប៉ះទង្គិចគ្នាផ្នែកយោធារវាងអ៊ីស្រាអែល និងក្រុមឥស្លាមហាម៉ាស ជាលើកដំបូង។សារព័ត៌មាន Rodong Sinmun ដែលជាកាសែតរបស់គណបក្សពលករដែលកំពុងកាន់អំណាច បានចុះផ្សាយអត្ថបទខ្លីមួយស្តីពីជម្លោះ និងអ្នកស្លាប់និងរបួស ដោយដកស្រង់ពីប្រព័ន្ធផ្សព្វផ្សាយបរទេស។សារព័ត៌មាននេះ បាននិយាយថា៖«សហគមន៍អន្តរជាតិ បានអះអាងថា ការប៉ះទង្គិចគ្នានេះ គឺជាលទ្ធផលនៃអំពើឧក្រិដ្ឋកម្មឥតឈប់ឈររបស់អ៊ីស្រាអែលប្រឆាំងនឹងប្រជាជនប៉ាឡេស្ទីន ហើយមធ្យោបាយជាមូលដ្ឋានដើម្បីចាក់ចេញពីវិបត្តិនេះ គឺត្រូវបង្កើតរដ្ឋប៉ាឡេស្ទីនឯករាជ្យមួយ»។អំពើហិង្សា ដែលបានបណ្តាលឲ្យមនុស្សជាង ១.៥០០នាក់ស្លាប់ បានជំរុញឲ្យមានការប្រកាសពីអន្តរជាតិនូវការគាំទ្រដល់អ៊ីស្រាអែល និងការអំពាវនាវឲ្យបញ្ចប់ការប្រយុទ្ធគ្នានេះ និងការការពារជនស៊ីវិល បន្ទាប់ពីការវាយប្រហារដ៏បំផ្លិចបំផ្លាញកាលពីចុងសប្តាហ៍មុន ដោយក្រុមហាម៉ាស់។

ទឹកជំនន់នៅឥណ្ឌា បង្កការភ័យខ្លាចក្នុងចំណោមប្រជាជនប៉ាគីស្ថាន ដែលរស់នៅក្បែរតំបន់ផ្ទាំងទឹកកក

ប្រជាជនប៉ាគីស្ថានដែលរស់នៅក្បែរផ្ទាំងទឹកកកដ៏ធំមួយកាលពីថ្ងៃចន្ទ (ទី 9 ខែតុលា) បាននិយាយថា ពួកគេមានអារម្មណ៍ថាមានការគំរាមកំហែងនៃទឹកជំនន់កាន់តែខ្លាំងឡើង បន្ទាប់ពីទឹកជំនន់ថ្មីៗនេះនៅក្នុងប្រទេសឥណ្ឌាដែលនៅជិតខាងបង្កឡើងដោយការផ្ទុះនៃបឹងទឹកកកមួយ។មន្ត្រីរដ្ឋាភិបាលឥណ្ឌា បាននិយាយកាលពីថ្ងៃចន្ទថា ចំនួនអ្នកស្លាប់បន្ទាប់ពីទឹកជំនន់នៅក្នុងរដ្ឋនៃភ្នំហិម៉ាឡៃ ស៊ីគីម របស់ឥណ្ឌាបានកើនឡើងដល់ ៧៧នាក់ ហើយមនុស្សយ៉ាងតិច១០១នាក់នៅតែបាត់ខ្លួន បន្ទាប់ពីមានភ្លៀងធ្លាក់ខ្លាំង ដែលបណ្តាលឱ្យមានទឹកជំនន់ដ៏ធ្ងន់ធ្ងរនៅក្នុងទន្លេ Teesta កាលពីសប្តាហ៍មុន។សម្រាប់អ្នកស្រុកនៅក្នុងភូមិ Hassanabad នៃខេត្តភ្នំ Gilgit-Baltistan របស់ប៉ាគីស្ថាន ដែលធ្លាប់ជួប្រទះទឹកជំនន់ធ្ងន់ធ្ងរ បន្ទាប់ពីបឹងទឹកកកមួយបានជោជន់កាលពីឆ្នាំ២០២២ មនាការភ័យខ្លាចយ៉ាងខ្លាំងបន្ទាប់ពីព័ត៌មានពីទឹកជំនន់របស់ប្រទេសឥណ្ឌាបានខិតជិតដល់កន្លែងរស់នៅរបស់ពួកគេ។ អ្នកស្រុកទាំងនោះសង្ឃឹមថា រដ្ឋាភិបាលប៉ាគីស្ថាន នឹងសាងសង់ហេដ្ឋារចនាសម្ព័ន្ធការពារទឹកជំនន់បន្ថែមទៀត នៅក្នុងតំបន់ជុំវិញនោះផងដែរ ដើម្បីត្រៀមទប់ទល់នឹងគ្រោះទឹកជំនន់ដែលអាចកើតមាន៕

បណ្ដាញសង្គម

ព័ត៌មានថ្មីៗ

ពលរដ្ឋអាមេរិកនាំគ្នាដង្ហែរក្បួននៅទីក្រុង Miami អំពាវនាវឲ្យមានការផ្លាស់ប្តូរនយោបាយនៅគុយបា

UN៖ ស៊ុយអែតបានរំលោភលើសិទ្ធិកុមារមានពិការភាពអាល់បានី តាមរយៈការនិរទេស

សេតវិមាន នឹងពិភាក្សាអំពីសន្តិសុខប្រធានាធិបតី និងគាំទ្រសេវាសម្ងាត់

អធិការបតីអាល្លឺម៉ង់ លើកឡើងថា អ៊ុយក្រែនអាចនឹងព្រមបាត់បង់ទឹកដី ដើម្បីបើកផ្លូវចូល EU

លោកស្រី Von der Leyen រិះគន់លោក Merz ដោយបញ្ជាក់ថា ការលុបទណ្ឌកម្មអ៊ីរ៉ង់ គឺឆាប់ពេក

សហភាពអឺរ៉ុប ពង្រីករយៈពេលដាក់ទណ្ឌកម្មលើមីយ៉ាន់ម៉ា ១ឆ្នាំទៀត

ឯកឧត្តម ឃួង ស្រេង អភិបាលរាជធានីភ្នំពេញ បានអញ្ជើញចូលរួមពិធីបើកជាផ្លូវការកិច្ចប្រជុំកំពូលលើកទី៣ នៃបណ្តាញទីក្រុងសកលសម្រាប់ចីរភាព 3rd G-NETS Leaders Summit នៅទីក្រុងតូក្យូ ប្រទេសជប៉ុន

ប្រធានាធិបតីលីបង់ឆ្លើយតបទៅក្រុមហេសបូឡាថា ការនាំប្រទេសចូលទៅក្នុងសង្គ្រាម គឺ «ក្បត់ជាតិ»

ប្រមុខការទូតកម្ពុជា ថ្លែងអំណរគុណសាធារណរដ្ឋឆែក បន្តផ្តល់ជំនួយអភិវឌ្ឍន៍ផ្លូវការ -ODA គាំទ្រដល់ការអភិវឌ្ឍសេដ្ឋកិច្ចសង្គមកម្ពុជា

កម្ពុជា-អាល្លឺម៉ង់ ប្តេជ្ញាចិត្តរួមគ្នាពង្រឹងបន្ថែមទៀតនូវកិច្ចសហប្រតិបត្តិការទ្វេភាគី និងពហុភាគី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877