BTV NEWS

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

ជនជាតិខ្មែរ និងបរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams

នគរបាលរាជធានីឃាត់ខ្លួនបុរសម្នាក់ បែកធ្លាយសម្លេងតាមបណ្តាញសង្គម ម៉ាក់ងាយធ្ងន់ធ្ងរលើវីរជនកងទ័ពកម្ពុជា

សន្តិសុខ និង សង្គម

ក្រុមមន្ត្រី IAEA៖ ការបញ្ចេញទឹកមានវិទ្យុសកម្ម ដែលត្រូវបានធ្វើប្រព្រឹត្តកម្មពីរោងចក្រហ៊្វូគូស៊ីម៉ា ដំណើរការដោយរលូន

ប្រតិបត្តិករនៃរោងចក្រថាមពលនុយក្លេអ៊ែរ ហ៊្វូគូស៊ីម៉ា ដាយអ៊ីឈិ (Fukushima Daiichi) បាននិយាយថាការបញ្ចេញសំណល់ទឹកមានសារធាតុវិទ្យសកម្ម ដែលបានធ្វើប្រព្រឹត្តកម្មរួចដំណាក់កាលទី២ ចូលទៅក្នុងសមុទ្រ បានបញ្ចប់ទៅតាមផែនការកាលពីថ្ងៃចន្ទទី២៣ខែតុលាសប្ដាហ៍នេះ ហើយក្រុមមន្ត្រីទីភ្នាក់ងារថាមពលអាតូមិកអន្តរជាតិ នៅក្នុងប្រទេសជប៉ុន សម្រាប់សុវិត្ថភាពដំបូងរបស់ពួកគេ និងបេសកម្មតាមដាន ចាប់តាំងពីការបញ្ចេញបានចាប់ផ្ដើមកាលពី២ខែមុន បាននិយាយថា គ្មានបញ្ហាអ្វី ត្រូវតាមដាននោះទេ។ រោងចក្រថាមពលនុយក្លេអ៊ែរ ហ្វូគូស៊ីម៉ាដាយអ៊ីឈិ បានចាប់ផ្ដើមបញ្ចេញសំណល់ទឹកមានសារធាតុវិទ្យុសកម្ម និងបានធ្វើប្រព្រឹត្តកម្មរួច ចូលទៅក្នុងសមុទ្រកាលពីថ្ងៃទី២៤ខែសីហា ។ ប្រតិបត្តិករ ក្រុមហ៊ុន ថាមពលអគ្គិសនី តូក្យូ បាននិយាយថា ការបញ្ចេញទឹក មានសារធាតុវិទ្យុសកម្ម ដែលបានធ្វើប្រព្រឹត្តកម្មរួច ក្នុងដំណាក់កាលទី២ មានចំនួន៧.៨០០ តោន ត្រូវបានបញ្ចប់រួចរាល់ហើយ ដោយមានការតាមដានសំណាកទឹកសមុទ្រប្រចាំថ្ងៃ ស្របតាមស្តង់ដារសុវត្ថិភាពពេញលេញ។ ការរញ្ជួយដីកម្រិត៩រ៉ិចទ័រ កាលពីថ្ងៃទី១១ខែមីនា ឆ្នាំ២០១១ បានបង្កឲ្យមានរលកយក្សស៊ូណាមិ ដែលបានបំផ្លិចបំផ្លាញប្រព័ន្ធផ្គត់ផ្គង់ថាមពលនិងប្រព័ន្ធស្អំទឹកត្រជាក់ បណ្ដាលឲ្យម៉ាស៊ីរ៉េអាក់ទ័រ ចំនួន៣ត្រូវរលាយ និងបញ្ចេញសារធាតុវិទ្យុសកម្មយ៉ាងច្រើន ។ គេរំពឹងថា ការបញ្ចេញទឹកដែលបានធ្វើវិទ្យុសកម្មរួច នឹងត្រូវការពេលជាច្រើនទសវត្សរ៍ ។ការបញ្ចេញនេះ មានភាពចម្រូងចម្រាសយ៉ាងខ្លាំង ពីក្រុមប្រជានេសាទ និងប្រទេសជិតខាង ដូចជា កូរ៉េខាងត្បូងជាដើម ដែលមានមនុស្សរាប់រយនាក់ចេញតវ៉ា។ ប្រទេសចិន បានហាមប្រាមការនាំចូលអាហារសមុទ្រសំខាន់ៗទាំងអស់ នៅថ្ងៃដែលប្រទេសជប៉ុន បានចាប់ផ្ដើមបញ្ចេញសំណល់ទឹកនេះ ដែលបានប៉ះពាល់យ៉ាងខ្លាំង ដល់ក្រុមអ្នកផលិត អ្នកដំណើរការ និងអ្នកនាំចូលអាហារសមុទ្ររបស់ជប៉ុន។ ថ្មីៗនេះ ប្រទេសរុស្ស៊ី ក៏បានចូលួមជាមួយប្រទេសចិនក្នុងការរឹតត្បិតពាណិជ្ជកម្មលើប្រទេសជប៉ុនផងដែរ៕

អ៊ីស្រាអែលបង្កើនការវាយប្រហារលើតំបន់ហ្កាហ្សា ខណៈអាមេរិកសុំឲ្យពន្យាពេលសង្គ្រាមថ្មើជើង ទុកឱកាសចរចាដោះលែងចំណាប់ថ្នូរ

អ៊ីស្រាអែលបានបង្កើនការវាយប្រហារតាមអាកាសកាលពីថ្ងៃចន្ទនៅតំបន់ហ្កាហ្សា ជាទីដែលចំនួនអ្នកស្លាប់កំពុងកើនឡើងយ៉ាងឆាប់រហ័ស ហើយសហរដ្ឋអាមេរិកបានណែនាំអ៊ីស្រាអែលឱ្យពន្យារពេលការឈ្លានពានដោយថ្មើរជើង ដែលរំពឹងទុក ទុកពេលបន្ថែមទៀតដើម្បីចរចារដោះលែងចំណាប់ថ្នូរដែលក្រុមសកម្មប្រយុទ្ធហាម៉ាស បានចាប់យកទៅ។ ក្រុមហាម៉ាស បានដោះលែងស្ត្រីជនជាតិអាមេរិកម្នាក់នាក់ និងកូនស្រីជំទង់របស់ខ្លួន កាលពីសប្ដាហ៍មុន ជាអ្វីដែលក្រុមនេះនិយាយថា ជាកាយវិកាមនុស្សធម៌ ដែលបានសម្របសម្រួលដោយប្រទេសកាតា ។ ក្រុមមន្ត្រីអាមេរិក ក៏ចង់បានពេលវេលាខ្លះដែរ ដើម្បីត្រៀមទប់ទល់ការវាយប្រហារនានាលើផលប្រយោជន៍អាមេរិក នៅក្នុងតំបន់នេះ ពីក្រុមគាំទ្រដោយអ៊ីរ៉ង់ ដែលក្រុមមន្ត្រីអាមេរិកនិយាយថា ទំនងមានការបង្កើនការវាយប្រហារលើកងកម្លាំងរបស់ខ្លួនក្នុងតំបន់មជ្ឈិមបូព៌ា នៅពេលអ៊ីស្រាអែលវាយលុកចូលតំបន់ហ្កាហ្សាពេញទំហឹង។ យោងតាមមន្ត្រីប៉ាឡេស្ទីន និងក្រុមអ្នកឃើញហេតុការណ៍បាននិយាយថា ការវាយប្រហារតាមអាកាសយ៉ាងខ្លាំងក្លា បានវាយកម្ទេចអគារនានានៅទូទាំងតំបន់ហ្កាហ្សា រួមទាំងតំបន់ គេបានប្រាប់ឲ្យជនជាតិប៉ាឡេស្ទីនស្វែងរកកន្លែងជ្រកកោន ដោយបានសម្លាប់មនុស្សរាប់រយនាក់ និងបញ្ជូនរលកថ្មីនៃអ្នករបួសទៅកាន់មន្ទីរពេទ្យដែលបានរងការបំផ្លិចបំផ្លាញរួចរួចទៅហើយ។កាលពីល្ងាចថ្ងៃចន្ទ ក្រុមហាម៉ាសបានប្រកាសថាខ្លួនបានដោះលែងចំណាប់ថ្នូរពីរនាក់បន្ថែមលើហេតុផលមនុស្សធម៌។ ប្រព័ន្ធផ្សព្វផ្សាយអ៊ីស្រាអែលដែលបានដកស្រង់សម្តីមន្ត្រីមិនបញ្ចេញអត្តសញ្ញាណថា បានបញ្ជាក់ពីការដោះលែងនោះ ប៉ុន្តែមិនមានការប្រកាសជាផ្លូវការពីភាគីអ៊ីស្រាអែលទេ។ ហើយសារព័ត៌មាន AP មិនអាចបញ្ជាក់ដោយឯករាជ្យពីការដោះលែងនោះទេ ៕

BOBI ជាសត្វសុនខចាស់បំផុតនៅលើពិភពលោក ងាប់នៅអាយុ៣១ឆ្នាំ

ប្រព័ន្ធផ្សព្វផ្សាយប្រទេសព័រទុយហ្គាល់ បានរាយការណ៍កាលពីថ្ងៃចន្ទទី ២៣ ខែតុលាថា Bobi ដែលឆ្នាំនេះត្រូវបានកំណត់ថាជាសត្វសុនខមានអាយុចាស់បំផុតនៅលើពិភពលោកដោយកំណត់ត្រាពិភពលោក Guinness World Records បានងាប់នៅអាយុ ៣១ ឆ្នាំ។ម្ចាស់របស់ Bobi លោក Leonel Costa បានប្រាប់ប្រព័ន្ធផ្សព្វផ្សាយក្នុងតំបន់ពីភូមិតូចមួយនៅភាគកណ្តាលប្រទេសព័រទុយហ្គាល់ថា យើងមានការចងចាំដ៏ល្អ អំពីជីវិតដ៏យូរអង្វែងដែលសត្វសុនខមួយក្បាលនេះសប្បាយចិត្ត ហើយសំខាន់ជាងនេះទៅទៀត ជាកន្លែងដែលវាបានធ្វើឱ្យមនុស្សជាច្រើនសប្បាយចិត្ត ជាពិសេសគ្រួសាររបស់លោក។ សត្វសុនខ ពូជ Rafeiro ជាសត្វសុនខការពារនៃសត្វចិញ្ចឹមនៅព័រទុយហ្គាល់ មានអាយុកាលជាធម្មតាចន្លោះពី ១២ ទៅ ១៤ឆ្នាំ ដែល Bobi មិនត្រូវបានគេសន្និដ្ឋានថា វាមានអាយុលើសពីសត្វសុនខប្រភេទនេះទេ។Bobi បានកើតនៅថ្ងៃទី ១១ ខែឧសភា ឆ្នាំ ១៩៩២ រួមជាមួយកូនសត្វសុនខបីក្បាលផ្សេងទៀតនៅក្នុងរោងឈើមួយកន្លែងជាកម្មសិទ្ធិរបស់គ្រួសារលោក Costa។ យោងតាមកំណត់ត្រាពិភពលោក Guinness បានឲ្យដឹងថា Bobi បានងាប់នៅអាយុ ៣១ ឆ្នាំ ១៦៥ ថ្ងៃ ។ម្ចាស់របស់វា លោកLeonel Costa បានសន្មតថាវាមានអាយុវែងដោយសារកត្តាមួយចំនួន រួមមានការរស់នៅដោយសុខសាន្តក្នុងទីជនបទ មិនដែលត្រូវបានគេដាក់ច្រវាក់ ឬដាក់ខ្សែចង ហើយតែងតែស៊ីអាហាររបស់មនុស្ស។

សង្គ្រាមពាក្យសម្តីចិន និងហ្វីលីពីន ជុំវិញបញ្ហាសមុទ្រចិនខាងត្បូង បង្កើនហានិភ័យជម្លោះដ៏ក្តៅគគុក

អ្នកអង្កេតការណ៍ចិន បានព្រមានថា ប្រទេសចិន និងហ្វីលីពិន កំពុងបង្កើនសង្គ្រាមពាក្យសម្តី ជុំវិញការប៉ះទង្គិចគ្នា២លើកនៅសមុទ្រចិនខាងត្បូងដែលមានជម្លោះ បង្កើនហានិភ័យនៃជម្លោះប្រដាប់អាវុធ ដែលទាក់ទាញការចាប់អារម្មណ៍ពីសហរដ្ឋអាមេរិក។ បញ្ហានេះបានកើតឡើង ខណៈភាគីទាំងសងខាង បង្កើនការចោទប្រកាន់គ្នាជុំវិញឧបទ្ទវហេតុ២លើកកាលពីថ្ងៃអាទិត្យ ទី២២ ខែតុលា ពាក់ព័ន្ធទៅនឹងទូកឆ្មាំល្បាតឆ្នេរមកពីភាគីទាំងសងខាង។ អ្នកនាំពាក្យក្រសួងការបរទេសចិន លោកស្រី Mao Ning កាលពីថ្ងៃចន្ទ បានចោទប្រកាន់ ប្រទេសហ្វីលីពីន ពីបទបង្ករឿង ដោយការបំពានដដែលៗចូលទៅក្នុងកោះថ្មប៉ប្រះទឹក Renai Jiao( រ៉ិនអាយ ជាយ) និងបន្តផ្សព្វផ្សាយព័ត៌មានមិនពិត។ កោះថ្មប៉ប្រះទឹក Renai Jiao គឺជាឈ្មោះជាភាសាចិន សម្រាប់តំបន់ថ្មប៉ប្រះទឹក Second Thomas ដែលប្រទេសហ្វីលីពីន ដាក់ឈ្មោះថា Ayungin( អាយុងងីន) ជាតំបន់មួយនៅសមុទ្រចិនខាងត្បូងជាកន្លែងដែលការប៉ះទង្គិចគ្នា បានកើតឡើង។ វាជាផ្នែកមួយនៃ ប្រជុំកោះ Spratly ដែលគេស្គាល់ថាជាប្រជុំកោះ Nansha ជាភាសាចិន ហើយត្រូវបានអះអាងសិទ្ធិដោយប្រទេសទាំងពីរ។ លោក Ding Duo ( ទីង ទួក) អ្នកស្រាវជ្រាវរងនៅវិទ្យាស្ថានជាតិសម្រាប់ការសិក្សាសមុទ្រចិនខាងត្បូង បានព្រមានថា ឧបទ្ទវហេតុទាំងនេះ អាចបង្ហាញពីចំណុចកំពូលសម្រាប់ទំនាក់ទំនង រវាងទីក្រុងប៉េកាំង និងសម្ព័ន្ធមិត្តវ័យចំណាស់បំផុតរបស់សហរដ្ឋអាមេរិក នៅក្នុងតំបន់អាស៊ី ។រដ្ឋមន្ត្រីការពារជាតិហ្វីលីពីន កាលពីពេលមុន បានចោទប្រកាន់ឆ្មាំល្បាតឆ្នេរចិន ពីបទធ្វើឲ្យប៉ះពាល់ដ៍រំខាន និងដោយចេតនាចំពោះនាវាផ្គត់ផ្គង់ឡើងវិញ និងនាវាឆ្មាំល្បាតឆ្នេរហ្វីលីពីន។

សមត្ថកិច្ចរឹបអូសប្រេងរំអិលកែច្នៃខុសច្បាប់បានជិត៤០តោន ខណៈជនសង្ស័យពីរនាក់ត្រូវបានឃាត់ខ្លួន

ភ្នំពេញ៖ សមត្ថកិច្ចនៃនាយកដ្ឋាននគរបាលប្រឆាំងបទល្មើសសេដ្ឋកិច្ច បានរឹបអូសប្រេងរំអិល ដែលបានលួចកែច្នៃ ខុសច្បាប់ ជាច្រើនប្រភេទជិត ៤០តោន និងធ្វើការឃាត់ខ្លួនជនសង្ស័យចំនួនពីរនាក់ នាំទៅនាយកដ្ឋាននគរបាលប្រឆាំងបទល្នើសសេដ្ឋកិច្ច ដើម្បីបន្តនីតិវិធីច្បាប់។យោងតាមរបាយការណ៍ របស់នាយកដ្ឋាននគរបាលប្រឆាំងបទល្នើសសេដ្ឋកិច្ច ដែលទូរទស្សន៍BTVទទួលបាននាថ្ងៃទី២៤ ខែតុលា ឆ្នាំ២០២៣នេះ បានបញ្ជាក់ថា ថ្ងៃទី២៣ម្សិលមិញនេះសមត្ថកិច្ចនៃនាយកដ្ឋាននគរបាលប្រឆាំងបទល្មើសសេដ្ឋកិច្ច ចូលរួមពីមន្ត្រីជំនាញ ក.ប.ប. កម្លាំងជំនាញការិយាល័យប្រឆាំងបទល្មើសកម្មសិទ្ធិបញ្ញានៃនាយកដ្ឋាននគរបាលប្រឆាំងបទល្មើសសេដ្ឋកិច្ច, កម្លាំងស្នងការដ្ឋាននគរបាលរាជធានីភ្នំពេញ, រួមទាំងអាជ្ញាធរមូលដ្ឋានខណ្ឌព្រែកព្នៅ ដោយមានការសម្របសម្រួលនីតិវិធីផ្ទាល់ដោយ លោក សេង ម៉េងស្រ៊ុន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងបានចុះបង្ក្រាបទីតាំងសង្ស័យនាំចូល កែច្នៃ វេចខ្ចប់ ប្រេងរំអិលខុសច្បាប់ជាច្រើនប្រភេទ នៅផ្លូវទំនប់កប់ស្រូវ សង្កាត់គោករការ ខណ្ឌព្រែកព្នៅ រាជធានីភ្នំពេញ ។របាយការណ៍ បានបញ្ជាក់ថា ប្រតិបត្តិការនេះគឺបានធ្វើឡើងក្រោយពីការស្ទាក់ឃាត់នូវរថយន្តមួយគ្រឿងដែលបានដឹកប្រេងរំអិលសង្ស័យខុសច្បាប់ ចេញពីទីតាំងខាងលើ ហើយសមត្ថកិច្ចចម្រុះក៏បានបន្តចុះធ្វើការឆែកឆេរត្រួតពិនិត្យជាក់ស្តែង ដោយបានរកឃើញនូវសម្ភារបំរើឲ្យការងារវេចខ្ចប់ និងប្រេងរំអិល ដោយសង្ស័យថា ខុសច្បាប់ជាច្រើនប្រភេទ សរុបទាំងអស់ជិត៤០តោន ។បន្ទាប់ពីបានត្រួតពិនិត្យចប់សព្វគ្រប់ លោកព្រះរាជអាជ្ញារង បានសម្រេចឲ្យសមត្ថកិច្ច ធ្វើការដកហូតសម្ភារសង្ស័យទាំងអស់ យករក្សាទុកនៅក្នុងឃ្លាំងដាក់សម្ភារមួយកន្លែង នៃទីតាំងខាងលើ និងបិទផ្លំបេរផ្អាកដំណើរការជាបណ្តោះអាសន្ន ដើម្បីធ្វើការពិនិត្យស្រាវជ្រាវបន្ត។ បើតាមរបាយការណ៍ក៏បានបញ្ជាក់ផងដែរថា ម្ចាស់ទីតាំងមិនបានចូលខ្លួនមកសហការជាមួយសមត្ថកិច្ចនោះទេ ដោយឲ្យត្រឹមអ្នកតំណាងចូលរួមតែប៉ុណ្ណោះ ដូចនេះសមត្ថកិច្ចក៏តម្រូវឲ្យអ្នកតំណាងរូបនោះ និងអ្នកបើកបររថយន្តចូលខ្លួនទៅបំភ្លឺនៅនាយកដ្ឋាននគរបាលប្រឆាំងបទល្នើសសេដ្ឋកិច្ច ដើម្បីបន្តនីតិវិធី។គួរបញ្ជាក់ថា នេះជាប្រតិបត្តិការបង្ក្រាបទីតាំងស្តុកប្រេងរំអិលខុសច្បាប់ជាលើកទីពីរហើយក្នុងរយៈពេល៣ខែចុងក្រោយនេះ បន្ទាប់ពីការស៊ើបអង្កេតស្រាវជ្រាវរបស់សមត្ថកិច្ចអស់រយៈពេលជាច្រើនខែ កន្លងមកនេះ។ជាមួយគ្នានេះសមត្ថកិច្ចសូមអំពាវនាវដល់ប្រជាពលរដ្ឋជាថ្មីម្តងទៀត មេត្តាជួយសហការក្នុងការផ្តល់ព័ត៌មាន បើសិនជាបានដឹងពីការផលិតកែច្នៃ ឬចែកចាយ នូវផលិតផលសង្ស័យថា ខុសច្បាប់ មកដល់សមត្ថកិច្ចតាមរយៈលេខទូរស័ព្ទ 012 456 966 ដើម្បីឲ្យសមត្ថកិច្ចធ្វើការស្រាវជ្រាវ ស៊ើបអង្កេត និងឈានដល់ការបង្ក្រាបឲ្យបានទាន់ពេលវេលា ជៀសវៀងការប៉ះពាល់ផលប្រយោជន៍អ្នកប្រើប្រាស់ ជាពិសេសសុខុមានភាពសាធារណៈ៕អត្ថបទបាន ចក់

មនុស្សរាប់ពាន់នាក់ធ្វើបាតុកម្មប្រឆាំងរដ្ឋាភិបាលនៅប្រទេសហុងគ្រី

មនុស្សរាប់ពាន់នាក់ បានប្រមូលផ្តុំគ្នាតវ៉ានៅទីក្រុង Budapest ប្រទេសហុងគ្រី កាលពីថ្ងៃចន្ទ (២៣ តុលា) ដោយប្រឆាំងនឹងរបៀបវារៈ និងរដ្ឋាភិបាលរបស់នាយករដ្ឋមន្រ្តីប្រទេសនេះ លោក Viktor Orban។ ក្រុមបាតុករបានដើរដង្ហែតាមដងផ្លូវនៃរដ្ឋធានីហុងគ្រី រយៈពេលប៉ុន្មានម៉ោងបន្ទាប់ពីសុន្ទរកថារបស់លោកនាយករដ្ឋមន្រ្តី Orban ក្នុងទិវារំលឹកខួបនៃការបះបោរបរាជ័យឆ្នាំ១៩៥៦ របស់ប្រទេសហុងគ្រី ប្រឆាំងនឹងការគ្រប់គ្រងរបស់សូវៀត ជាទីដែលលោក Orban បានរិះគន់មេដឹកនាំសហភាពអឺរ៉ុប ដោយហៅទីក្រុងព្រុចសែល ថាជា «ការលេងសើចបែបចំអកក្នុងសហសម័យដ៏អាក្រក់»។ក្រុមអ្នកតវ៉ាមួយចំនួន នៅទីក្រុង Budapest បានសម្តែងការភ័យខ្លាចថា ប្រទេសហុងគ្រីអាចនឹងចាកចេញពីប្លុកសហភាពអឺរ៉ុប ក្រោមការគ្រប់គ្រងរបស់លោក Orban ដែលជាទស្សនមួយត្រូវបានលោកបានច្រានចោលម្តងហើយម្តងទៀត។ សហភាពអឺរ៉ុប បានផ្អាកការទូទាត់ថវិការាប់ពាន់លានដុល្លារដល់ប្រទេសហុងគ្រី ដោយសារការព្រួយបារម្ភអំពីនីតិរដ្ឋ ដែលធ្វើអោយមានភាពស្មុគស្មាញដល់កិច្ចខិតខំប្រឹងប្រែងរបស់អ្នកដឹកនាំជាតិនិយមរូបនេះ ក្នុងការទាញសេដ្ឋកិច្ចចេញពីវិបត្តិបច្ចេកទេសដ៏យូរបំផុតរបស់ខ្លួន ចាប់តាំងពីកំណត់ត្រាសម័យទំនើបបានចាប់ផ្តើមមក។គួររម្លឹកថា លោក Orban ក៏ទទួលបានការរិះគន់ពីសហរដ្ឋអាមេរិក និងសម្ព័ន្ធមិត្តសហភាពអឺរ៉ុបផងដែរ ចំពោះការចាប់ដៃជាមួយប្រធានាធិបតីរុស្ស៊ី លោក វ្លាឌីមៀ ពូទីន ក្នុងអំឡុងពេលកិច្ចប្រជុំកំពូលក្នុងប្រទេសចិន កាលពីសប្តាហ៍មុន ខណៈមេដឹកនាំទាំងពីរបានអះអាងឡើងវិញនូវការប្តេជ្ញាចិត្តរបស់ពួកគេ ចំពោះទំនាក់ទំនងទ្វេភាគី ស្របពេលមានភាពតានតឹងអន្តរជាតិជុំវិញសង្រ្គាមនៅអ៊ុយក្រែន៕

សកម្មជនជាច្រើនធ្វើបាតុកម្មប្រឆាំងបញ្ហាបម្រែបម្រួលអាកាសធាតុនៅប្រទេសអ៊ីតាលី

កាលពីថ្ងៃច័ន្ទ (២៣ តុលា) សកម្មជនអាកាសធាតុជាច្រើន ស្លៀកពាក់ដូចជាតុក្កតាភីណូឈីអូ (Pinocchio) បានអង្គុយធ្វើបាតុកម្មដើម្បីរិះគន់កង្វះខាតវិធានការរបស់រដ្ឋាភិបាលអ៊ីតាលី លើបញ្ហាបម្រែបម្រួលអាកាសធាតុ។ សកម្មជនប្រហែល១០០នាក់ ដែលជាសមាជិកនៃក្រុមប្រឆាំងបញ្ហាអាកាសធាតុ បាននិយាយនៅក្នុងសេចក្តីប្រកាសព័ត៌មានមួយថា ពួកគេចង់តវ៉ាប្រឆាំងនឹង «ការភូតកុហក» និងការធ្វើផ្ទុយពីគោលនយោបាយរបស់រដ្ឋាភិបាលអ៊ីតាលី។បាតុករទាំងនោះបានធ្វើការតវ៉ានៅមុខក្រសួងហេដ្ឋារចនាសម្ព័ន្ធ និងដឹកជញ្ជូន បន្ទាប់ពីប្រទេសអ៊ីតាលី កាលពីសប្តាហ៍មុនបាននិយាយថា ខ្លួននឹងត្រៀមថវិកាចំនួន ១២ពាន់លានអឺរ៉ូ ក្នុងការសាងសង់ស្ពានខ្នាតយក្សមួយ ដើម្បីភ្ជាប់ទីក្រុងកោះស៊ីស៊ីលី ទៅកាន់ដីគោក។ នេះជាការសម្រេចមួយ ដែលសកម្មជននិយាយថា វាមិនមែនជាការដោះស្រាយបញ្ហានោះទេ ប៉ុន្តែនឹងធ្វើឱ្យវិបត្តិបរិស្ថានអាកាសធាតុកាន់តែធ្ងន់ធ្ងរឡើងថែមទៀត៕

កងជីវពលគាំទ្រដោយអ៊ីរ៉ង់នៅអ៊ីរ៉ាក់អះអាងទទួលខុសត្រូវចំពោះការវាយប្រហារលើមូលដ្ឋានទ័ពអាមេរិកនៅស៊ីរី

កងជីវពលដែលគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ បានអះអាងថា ពួកគេទទួលខុសត្រូវចំពោះការវាយប្រហារលើកងកម្លាំងអាមេរិកនៅឯមូលដ្ឋានយុទ្ធសាស្ត្រមួយ នៅប្រទេសស៊ីរីភាគអាគ្នេយ៍។ក្រុមអ្នកតស៊ូឥស្លាមនៅក្នុងប្រទេសអ៊ីរ៉ាក់ ដែលជាក្រុមឆ័ត្រនៃកងជីវពល ដែលគាំទ្រដោយអ៊ីរ៉ង់ បាននិយាយកាលពីថ្ងៃចន្ទថា កងកម្លាំងរបស់ពួកគេ បានប្រើប្រាស់យានដ្រូនចំនួនពីរគ្រឿង ដើម្បីវាយប្រហារយោធភូមិ al-Tanf នៅជិតព្រំដែនហ្ស៊កដានី និងអ៊ីរ៉ាក់ ដែលជាទីតាំងរសើប ដែលជារឿយៗប្រើដោយពួកសកម្មប្រយុទ្ធគាំទ្រដោយអ៊ីរ៉ង់ ដើម្បីដឹកជញ្ជូនអាវុធទៅឲ្យក្រុមហេសបូឡា។ការវាយប្រហារកាលពីថ្ងៃចន្ទ កើតឡើងបន្ទាប់ពីមានការវាយប្រហារស្រដៀងគ្នាជាច្រើនទៅលើមូលដ្ឋានទ័ពអាមេរិក នៅក្នុងប្រទេសអ៊ីរ៉ាក់ និងស៊ីរី កាលពីសប្តាហ៍មុន។ ក្នុងការវាយប្រហារមួយ ក្រុមដដែល បានវាយប្រហារមូលដ្ឋានពីរក្នុងប្រទេសអ៊ីរ៉ាក់ដោយយានដ្រូន ដែលបណ្តាលឲ្យមានរបួសស្រាលក្នុងចំណោមកងកម្លាំងអាមេរិក។យោធាអាមេរិក បានរក្សាវត្តមាននៅយោធភូមិភាគ al-Tanf ចាប់តាំងពីកងកម្លាំងហ្វឹកហ្វឺនជាផ្នែកនៃយុទ្ធនាការប្រឆាំងនឹងក្រុមរដ្ឋឥស្លាម(IS)។ បច្ចុប្បន្ននេះ សហរដ្ឋអាមេរិក មានទាហានរបស់ខ្លួនប្រហែល ៩០០នាក់ នៅស៊ីរី។

មនុស្សជិត២ម៉ឺននាក់ ត្រូវភៀសខ្លួននៅប្រទេសលីបង់ ខណៈការប៉ះទង្គិចនៅព្រំដែនអ៊ីស្រាអែលកើនឡើង

ទីភ្នាក់ងារអង្គការសហប្រជាជាតិ បាននិយាយកាលពីថ្ងៃច័ន្ទ (២៣ តុលា) ថា មនុស្សជិត ២០.០០០នាក់ ត្រូវបានផ្លាស់ទីលំនៅពីខាងក្នុង នៅភាគខាងត្បូងប្រទេសលីបង់ និងកន្លែងផ្សេងទៀត ចាប់តាំងពីដើមខែតុលាមក ខណៈអំពើហិង្សាកំពុងកើនឡើងនៅតាមព្រំដែនប្រទេសលីបង់ រវាងក្រុមឧទ្ទាមហេសបូឡា និងអ៊ីស្រាអែល បន្ទាប់ពីការផ្ទុះនៃសង្រ្គាមនៅតំបន់ហ្កាហ្សា។អង្គការអន្តរជាតិសម្រាប់ការធ្វើអន្តោប្រវេសន៍ បាននិយាយថា មនុស្ស ១៩.៦៤៦នាក់ ត្រូវបានផ្លាស់ទីលំនៅនៅក្នុងប្រទេសលីបង់ ចាប់តាំងពីអង្គការនេះបានចាប់ផ្តើមតាមដានការបម្លាស់ទីលំនៅរបស់ប្រជាជន កាលពីថ្ងៃទី៨ ខែតុលាមក រយៈពេលមួយថ្ងៃបន្ទាប់ពីការវាយលុកលើអ៊ីស្រាអែល ដោយពួកសកម្មប្រយុទ្ធហាម៉ាស និងការវាយលុករបស់អ៊ីស្រាអែលលើតំបន់ហ្កាហ្សា។ ទីភ្នាក់ងារនេះបាននិយាយថា បម្លាស់ទីលំនៅភាគច្រើន គឺធ្វើឡើងដោយអ្នកដែលភៀសខ្លួនចេញពីភាគខាងត្បូងនៃប្រទេសលីបង់ ខណៈដែលមនុស្សមួយចំនួនក៏បានផ្លាស់ប្តូរទីលំនៅពីតំបន់ផ្សេងៗទៀតផងដែរ។ក្រុមឧទ្ទាមហេសបូឡា ដែលជាក្រុមប្រដាប់អាវុធដ៏ខ្លាំងមួយរបស់ប្រទេសលីបង់ បាននិងកំពុងមានការបាញ់ប្រហារគ្នាកាន់តែខ្លាំងឡើងៗជាមួយអ៊ីស្រាអែល នៅតាមព្រំដែន ក្នុងការកើនឡើងនៃជម្លោះដ៏អាក្រក់បំផុត ចាប់តាំងពីភាគីទាំងពីរបានប្រយុទ្ធគ្នាក្នុងសង្គ្រាមកាលពីឆ្នាំ២០០៦ មក៕

សហជីពកម្មករសម្ព័ន្ធយានយន្តអាមេរិក បន្តពង្រីកកូដកម្មប្រឆាំងនឹងរោងចក្រដំឡើងរថយន្ត

សហជីពកម្មករនៃសម្ព័ន្ធយានយន្តអាមេរិក (UAW) បានធ្វើកូដកម្មនៅរោងចក្រដំឡើងរថយន្តធំបំផុត ដែលជាក្រុមហ៊ុនមេរបស់រថយន្ត Chrysler គឺរោងចក្រ Stellantis កាលពីថ្ងៃចន្ទ (២៣ តុលា) ដោយវាយលុកផលិតកម្មរថយន្តភីកអាប់ប្រភេទ RAM 1500 ដែលរកបានចំណូលច្រើនបំផុតសម្រាប់ក្រុមហ៊ុនផលិតរថយន្តនេះ នៅក្នុងការពង្រីកដ៏ធំនៃកូដកម្មរយៈពេលជាងមួយខែរបស់ខ្លួន។សហជីពកម្មករ UAW ដែលកំពុងធ្វើកូដកម្មប្រឆាំងនឹងក្រុមហ៊ុនផលិតរថយន្តដ៏ធំទាំងបីរបស់អាមេរិក បានស្ដីបន្ទោសជុំវិញបញ្ហាការចេញតវ៉ាចុងក្រោយដោយកម្មករជាង ៦.៨០០នាក់ នៅរោងចក្រយានយន្តនៅទីក្រុងមីឈីហ្កាន់ (Michigan) នោះ ថាជាកំហុសរបស់រោងចក្រ Stellantis នេះ ដោយសារពួកគេមាន «សំណើដ៏អាក្រក់បំផុត» នៅលើតុចរចា ស្តីពីការដំឡើងប្រាក់ឈ្នួល ប្រាក់ឈ្នួលសម្រាប់កម្មករបណ្តោះអាសន្ន និងការប្តូរតំណែងកម្មរទៅជាបុគ្គលិកពេញម៉ោង ក៏ដូចជា ការកែតម្រូវប្រាក់ឧបត្ថម្ភថ្លៃជីវភាពផងដែរ។សមាជិកសហជីពជាង ៤០.០០០នាក់ ដែលធ្វើការនៅក្រុមហ៊ុនរថយន្ត Ford ក្រុមហ៊ុនយានយន្ត General Motors និងរោងចក្រដំឡើងយានយន្ត Stellantis ឥឡូវនេះ កំពុងធ្វើកូដកម្មចាប់តាំងពីការតវ៉ាបានចាប់ផ្តើមនៅថ្ងៃទី១៥ ខែកញ្ញា មក ដោយតួលេខនោះគឺប្រហែល ២៧% នៃកម្លាំងពលកម្មសរុបរបស់ក្រុមហ៊ុនផលិតរថយន្តដ៏ធំទាំងបីរបស់អាមេរិក ដែលជាផ្នែកនៃយុទ្ធនាការមិនធម្មតាមួយនៃកូដកម្មក្នុងពេលដំណាលគ្នាផងដែរ៕

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធានីភ្នំពេញ

ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា

នេប៉ាល់ផ្អាកប្រតិបត្តិការស្វែងរក បន្ទាប់ពីមនុស្ស ១៦នាក់ បានប៉ើងទៅតាមបំណាក់ទឹកកក

ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម

កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើនឥទ្ធិពល

ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង

អ៊ីរ៉ង់គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា

សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក

បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877