BTV NEWS

នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ

អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

ជនជាតិខ្មែរ និងបរទេសជិត ៥ពាន់នាក់ ត្រូវជាប់ឃុំ ខណៈមន្ត្រីនគរបាល ៧៧នាក់ ត្រូវវិន័យធ្ងន់ធ្ងរដោយសារ Online Scams

នគរបាលរាជធានីឃាត់ខ្លួនបុរសម្នាក់ បែកធ្លាយសម្លេងតាមបណ្តាញសង្គម ម៉ាក់ងាយធ្ងន់ធ្ងរលើវីរជនកងទ័ពកម្ពុជា

សន្តិសុខ និង សង្គម

នគរបាលចាប់ខ្លួនបាតុករជាច្រើននាក់ ក្នុងការតវ៉ាគាំទ្រប៉ាឡេស្ទីន ដោយគ្មានការអនុញ្ញាត នៅប្រទេសអាល្លឺម៉ង់

នគរបាលនៅទីក្រុងប៊ែរឡាំង របស់ប្រទេសអាល្លឺម៉ង់ បានចាប់ខ្លួនមនុស្សជាច្រើននាក់ នៅពេលដែលពួកគេបានបំបែកបាតុកម្មគាំទ្រប៉ាឡេស្ទីន ដែលគ្មានការអនុញ្ញាត កាលពីថ្ងៃអាទិត្យ (២២ តុលា)។ មនុស្សប្រហែល ៣០០នាក់ បានប្រមូលផ្តុំគ្នានៅកណ្តាលទីលានចតុរង្គរបស់ទីក្រុង ផតស៎ឌែម (Potsdam) នៅមិនឆ្ងាយប៉ុន្មានពីច្រក ប្រ៊ែនឌែនប៊ឺក (Brandenburg) ជាទីដែលប្រធានាធិបតីអាល្លឺម៉ង់ លោក Frank-Walter Steinmeier កំពុងថ្លែងសុន្ទរកថាក្នុងមហាសន្និបាតសាមគ្គីមួយ ហើយបានជំរុញឱ្យអ្នកចូលរួម ក្រោកឈរប្រឆាំងនឹងពួកប្រឆាំងសាសនានិយម។ជាមួយនឹងប្រជាជនប៉ាឡេស្ទីនប្រមាណ ៣០.០០០នាក់ ទីក្រុងប៊ែរឡាំង មានសហគមន៍ជនភៀសខ្លួនដ៏ធំបំផុតមួយនៅខាងក្រៅមជ្ឈិមបូព៌ា ហើយកំពុងមានការព្រួយបារម្ភចំពោះជម្លោះនៅតំបន់ហ្កាហ្សា ថាជម្លោះនោះនឹងកើនឡើងកាន់តែខ្លាំងក្លា។ទោះបីជាការតវ៉ាដែលគាំទ្រប៉ាឡេស្ទីន ភាគច្រើនបានបង្ហាញយ៉ាងច្បាស់ថា ការផ្តោតរបស់បាតុករ គឺទៅលើស្ថានភាពមនុស្សធម៌ នៅក្នុងតំបន់ហ្កាហ្សា និងមិនមែនគាំទ្រក្រុមហាម៉ាស ក៏ដោយ ក៏ប៉ុន្តែការតវ៉ាដោយគ្មានការអនុញ្ញាតទាំងអស់ត្រូវបានហាមឃាត់ក្នុងប្រទេសអាល្លឺម៉ង់ ដោយនគរបាលបានប្រើថ្នាំបាញ់ផ្សែងម្រេច ដើម្បីបំបែកការប្រមូលផ្តុំតវ៉ា ដែលបង្កឱ្យមានការចោទប្រកាន់ពីការរើសអើងសាសនាទាំងនោះផងដែរ៕

ប្រធានាធិបតី៖ ការគំរាមកំហែងដល់អាយុជីវិតជនជាតិជ្វីហ្វ នៅអាល្លឺម៉ង់ បង្កជាកំហឹង

ប្រធានាធិបតីអាល្លឺម៉ង់លោក Frank-Walter Steinmeier ( ហ្វ្រង់ វ៉លទ័រ ស្តាញម៉ាយើ) បាននិយាយកាលពីថ្ងៃអាទិត្យថា វាបានបង្កជាកំហឹងខណៈស្ថាប័នជនជាតិជ្វីហ្វនៅប្រទេសអាល្លឺម៉ង់ ទាមទារការការពារសន្តិសុខ ចាប់តាំងពីការវាយប្រហាររបស់ក្រុមហាម៉ាស់ ទៅលើប្រទេសអ៊ីស្រាអែល រយៈពេល២សប្តាហ៍មកនេះ ដែលជំរុញឲ្យមានអ្នកមកចូលរួមនៅក្នុងការប្រមូលផ្តុំគ្នានិងឈរប្រឆាំងចំពោះការប្រឆាំងជនជាតិជ្វីហ្វ។វិនាសកម្មលើជនជាតិជ្វីហ្វ មានន័យថាអាល្លឺម៉ង់ មានការទទួលខុសត្រូវជាពិសេសដើម្បីការពារជីវិតរស់នៅរបស់ជនជាតិជ្វីហ្វ ដែលលោក Steinmeier បានថ្លែងទៅកាន់ការប្រមូលផ្តុំសាមគ្គីភាព ខណៈបានមកជួបជុំគ្នានៅទីក្រុងប៊ែកឡាំង ធ្វើឡើងដោយគណបក្សលទ្ធិប្រជាធិបតេយ្យធំៗចំនួន៥ ជាសហគមន៍ជនជាតិជ្វីហ្វរបស់ខ្លួន សហជីពពាណិជ្ជកម្ម និងស្ថាប័នរបស់នយោជក។ លោកនិយាយថាលទ្ធិប្រជាធិបតេយ្យរបស់យើង ពុំបានបង្កើតភាពខុសគ្នានោះទេ មិនគិតពីប្រភពដើម ការពិសោធន៍ ឬសាសនាឡើយ ដែលមនុស្សគ្រប់គ្នារស់នៅទីនេះ ត្រូវតែស្គាល់ជំរំ Auschwitz និងយល់ពីការទទួលខុសត្រូវ ដែលប្រទេសរបស់យើងមាន ដោយសារតែបញ្ហានេះ។លោក Steinmeier និយាយថា ការវាយប្រហារនីមួយៗមកលើពលរដ្ឋឬស្ថាប័នជនជាតិជ្វីហ្វក្នុងប្រទេសអាល្លឺម៉ង់ បង្កឲ្យមានកំហឹង។ចាប់តាំងពីការវាយលុកដ៏ឃោឃៅរបស់ក្រុមហាម៉ាស់ និងការវាយប្រហារសងសិកដោយកងកម្លាំងអ៊ីស្រាអែល ប្រទេសអាល្លឺម៉ង់បានមើលឃើញ ការតវ៉ាជាបន្តបន្ទាប់ក្នុងការគាំទ្រ ទាំងអ៊ីស្រាអែល និងតំបន់ហ្កាហ្សា ដែលពាក្យប្រឆាំងជនជាតិជ្វីហ្វមួយចំនួនត្រូវបានគេស្តាប់លឺ។ ប្រទេសនេះគឺជាទីស្នាក់នៅនៃជនជាតិជ្វីហ្វច្រើនបំផុតនៅអឺរ៉ុបមួយចំនួន និងមានសហគមន៍ប៉ាឡេស្ទីន។

ការវាយប្រហារតាមអាកាសរបស់អ៊ីស្រាអែល បានបំផ្លាញវិហារអ៊ីស្លាម២កន្លែង នៅជំរំជនភៀសខ្លួន

យន្តហោះរបស់អ៊ីស្រាអែល បានវាយប្រហារលើបរិវេណព្រះវិហារមួយកន្លែង នៅក្នុងជំរំជនភៀសខ្លួនតំបន់ Jenin កាលពីព្រឹកថ្ងៃអាទិត្យ ដែលយោធាបាននិយាយថា កំពុងត្រូវបានប្រើប្រាស់ដោយក្រុមសកម្មប្រយុទ្ធប៉ាឡេស្ទីន ដើម្បីរៀបចំការវាយប្រហារ។ វីដេអូ ទទួលបានដោយសារព័ត៌មានរ៉យទ័រ បានបង្ហាញ ប៉មព្រះវិហារអ៊ីស្លាមមួយកន្លែងដែលកំពុងបញ្ឈរ ស្ថិតក្នុងចំណោមកម្ទេចកម្ទីនិងជញ្ជាំង ដែលត្រូវបានបំផ្លាញ។ ពលរដ្ឋប៉ាឡេស្ទីន មិនបញ្ចេញឈ្មោះម្នាក់ រស់នៅក្នុងជំរំបាននិយាយថា ព្រះវិហារនេះ មានអ្នកទៅអាធិដ្ឋានចន្លោះពី២.០០០ ទៅ៣.០០០នាក់អំឡុងថ្ងៃសុក្រ។ ជាមួយគ្នានេះ កាលពីយប់ថ្ងៃអាទិត្យ ការផ្ទុះដ៏ខ្លាំង បានវាយប្រហារនៅតំបន់ហ្កាហ្សាលើតំបន់ហ៊ុមព័ទ្ធ។ ក្រសួងសុខាភិបាលតំបន់ហ្កាហ្សា និយាយថាពលរដ្ឋប៉ាឡេស្ទីន ២៦៦នាក់ រួមមានទាំងកុមារ១១៧នាក់ បានស្លាប់ដោយការវាយប្រហារតាមអាកាសរបស់អ៊ីស្រាអែល ក្នុងរយៈពេល២៤ម៉ោងកន្លងទៅនេះ។ដោយអ៊ីស្រាអែលនៅតែបន្តការទម្លាក់គ្រាប់បែកជារៀងរាល់ថ្ងៃ បានបំផ្លាញផ្លូវនៅតំបន់ហ្កាហ្សាយ៉ាងធ្ងន់ធ្ងរ ដែលប៉ាឡេស្ទីន និយាយាថាពួកគេបានទទួលការព្រមានថ្មីពីយោធាអ៊ីស្រអែលឲ្យជម្លៀសខ្លួនចេញពីភាគខាងជើងតំបន់ហ្កាហ្សា ទៅកាន់ភាគខាងត្បូង ដើម្បីបញ្ចៀសតំបន់សង្គ្រាមដ៏ឃោឃៅបំផុត។អ៊ីស្រាអែល និយាយថាខ្លួនដាក់គោលដៅតែទៅលើក្រុមសកម្មប្រយុទ្ធប៉ុណ្ណោះ ដែលពួកគេតែងតែប្រើប្រាស់អគារពលរដ្ឋរស់នៅជាការលាក់ពួន។

ប្រជាជនវ៉េណេហ្ស៊ុយអេឡា ក្លាយជាជនជាតិដ៏ច្រើនបំផុត សម្រាប់ការឆ្លងកាត់ព្រំដែនខុសច្បាប់

ប្រជាជនវ៉េណេហ្ស៊ុយអេឡា បានក្លាយជាជនជាតិដ៏ច្រើនបំផុតដែលត្រូវបានចាប់ខ្លួនពីបទឆ្លងដែនខុសច្បាប់របស់សហរដ្ឋអាមេរិក ដោយជំនួសជនជាតិម៉ិកស៊ិកជាលើកដំបូង ក្នុងកំណត់ត្រា នេះបើយោងតាមតួលេខដែលបានចេញផ្សាយកាលពីថ្ងៃសៅរ៍ ដែលបង្ហាញថា ខែកញ្ញា គឺជាខែខ្ពស់បំផុតទីពីរសម្រាប់ការចាប់ខ្លួនគ្រប់ជាតិសាសន៍។ជនជាតិវ៉េណេហ្ស៊ុយអេឡា ត្រូវបានចាប់ខ្លួនចំនួន ៥៤,៨៣៣ ដងដោយក្រុមឆ្មាំល្បាតព្រំដែន បន្ទាប់ពីបានចូលពីប្រទេសម៉ិកស៊ិកក្នុងខែកញ្ញា កើនឡើងទ្វេដងពីការចាប់ខ្លួន ២២,០៩០ នាក់ ក្នុងខែសីហា និងលើសពីការចាប់ខ្លួនប្រចាំខែមុនចំនួន ៣៣,៧៤៩នាក់ ក្នុងខែកញ្ញា ឆ្នាំ ២០២២។ការចាប់ខ្លួនជនជាតិទាំងអស់ ដែលចូលមកពីម៉ិកស៊ិកមានចំនួនសរុប ២១៨.៧៦៣ នាក់ក្នុងខែកញ្ញា កើនឡើង២១ភាគរយពី១៨១.០៨៤នាក់ ក្នុងខែសីហា និងឈានដល់កម្រិតខ្ពស់បំផុតចំនួន ២២២.០១៨នាក់ ក្នុងខែធ្នូ ឆ្នាំ២០២២ នេះបើយោងតាមការិយាល័យគយ និងការការពារព្រំដែនសហរដ្ឋអាមេរិក។ ការចាប់ខ្លួនសម្រាប់ឆ្នាំសារពើពន្ធរបស់រដ្ឋាភិបាល ដែលបានបញ្ចប់ នៅថ្ងៃទី ៣០ ខែកញ្ញា បានកើនឡើងដល់ ពីរលាននាក់សម្រាប់រយៈពេលឆ្នាំពីរជាប់ៗគ្នា ធ្លាក់ចុះ ៧ភាគរយពីកម្រិតខ្ពស់បំផុតនៃការចាប់ខ្លួនជាង ២,២ លាននាក់ក្នុងរយៈពេលដូចគ្នា កាលពីឆ្នាំមុន។

អ្នកចូលរួមកិច្ចប្រជុំកំពូលសន្តិភាពទីក្រុងគែរ យល់ស្របលើការផ្តល់ជំនួយមនុស្សធម៌ដល់ហ្គាហ្សា

អ្នកនាំពាក្យប្រធានាធិបតីអេហ្ស៊ីប លោក Ahmed Fahmy បានប្រាប់ទូរទស្សន៍ Al Arabiya ថា អ្នកចូលរួមនៃកិច្ចប្រជុំកំពូលសន្តិភាពទីក្រុងគែរ បានយល់ព្រមលើការផ្តល់ជំនួយមនុស្សធម៌ទៅកាន់តំបន់ហ្គាហ្សា។លោក Fahmy បាននិយាយថា៖ «កិច្ចប្រជុំកំពូលក្រុងគែរ បានបញ្ចប់ដោយមានកិច្ចព្រមព្រៀងមួយអំពី ការផ្តល់ជំនួយដល់តំបន់ហ្គាហ្សា។ទោះជាយ៉ាងណាក៏ដោយ លោកបានបន្ថែមថា៖«បទឈប់បាញ់នៅតំបន់ហ្គាហ្សាស្ទ្រីប និងកម្រិតនៃការថ្កោលទោស គឺជាចំណុចនៃការខ្វែងគំនិតគ្នា» ក្នុងចំណោមអ្នកចូលរួមកិច្ចប្រជុំនេះ។អ្នកនាំពាក្យប្រធានាធិបតីអេហ្ស៊ីបរូបនេះ បាននិយាយទៀតថា៖ «មានប្រទេស [ក្នុងកិច្ចប្រជុំកំពូល] ចង់បន្ទោសតែភាគីម្ខាងនៃជម្លោះ។ ភាពតានតឹង បានផ្ទុះឡើងម្តងទៀតនៅមជ្ឈិមបូព៌ា កាលពីថ្ងៃទី៧ ខែតុលា នៅពេលដែលក្រុមសកម្មប្រយុទ្ធមកពីចលនាបដិវត្តន៍ប៉ាឡេស្ទីនហាម៉ាស បានធ្វើការវាយប្រហារគួរឲ្យភ្ញាក់ផ្អើលមួយលើទឹកដីអ៊ីស្រាអែលពីតំបន់ហ្គាហ្សា។

កងកម្លាំងរុស្ស៊ី បង្កើនសម្ពាធលើកងទ័ពអ៊ុយក្រែន នៅភាគខាងកើត និងខាងត្បូង

កងកម្លាំងរុស្ស៊ី ដែលមានគោលបំណងទប់ទល់នឹងការវាយបករបស់អ៊ុយក្រែនរយៈពេល ៤ ខែនៅតែរក្សាសម្ពាធមិនឈប់ឈរកាលពីថ្ងៃអាទិត្យលើទីក្រុង អាវឌីអ៊ិវកា (Avdiivka) ដែលរងការបំផ្លិចបំផ្លាញនៅភាគខាងកើត និងការបាញ់ផ្លោងកាន់តែខ្លាំង នៅតំបន់ភាគខាងត្បូងទីក្រុង ឃឺសុន(Kherson) ។ រុស្សី បានផ្តោតសំខាន់ លើតំបន់ឧស្សាហកម្មនៅភាគខាងកើតរបស់អ៊ុយក្រែន ចាប់តាំងពីការដកថយពីការរុលទៅមុខបរាជ័យដណ្ដើមយករដ្ឋធានីគីវ (Kyiv) កាលពីចាប់ផ្ដើមការឈ្លានពាន ខែកុម្ភៈ ឆ្នាំ២០២២ ហើយកងកម្លាំងរបស់ខ្លួនបានព្យាយាមរក្សាទីតាំងនៅទីក្រុង Kherson ចាប់តាំងពីការបោះបង់ចោលទីប្រជុំជនសំខាន់ក្នុងតំបន់នេះ កាលពីចុងឆ្នាំមុន។ ទីក្រុង អាវឌីអ៊ិវកា (Avdiivka) បានក្លាយជា លេខកូដយោធាសម្រាប់ការតស៊ូ ដែលត្រូវបានចាត់ទុកថាជាច្រកចូលទៅកាន់ការដណ្តើមយកមកវិញនូវទីក្រុង ដូណេតស៍(Donetsk) គ្រប់គ្រងដោយរុស្ស៊ី និងតំបន់ ដុនបាស (Donbas ) ដែលបង្កើតឡើងដោយតំបន់ Donetsk និង Luhansk ។ លោក អានឌ្រីវយូសូវ (Andriy Yusov) អ្នកនាំពាក្យនៃនាយកដ្ឋានស៊ើបការណ៍សម្ងាត់របស់ក្រសួងការពារជាតិអ៊ុយក្រែន បានប្រាប់ទូរទស្សន៍អេស្ព្រេសូ ធីវី(Espreso TV) ថា ជាការពិតដែលថាទីក្រុង អាវឌីអ៊ិវកា មានសារៈសំខាន់។ ប្រធានាធិបតីអ៊ុយក្រែន Volodymyr Zelenskiy បាននិយាយថា ស្ថានភាពនៅទីក្រុង អាវឌីអ៊ិវកា និងទីប្រជុំជន ម៉ារីនកា(Maryinka) ដែលនៅជិតនោះ មានភាពយ៉ាប់យ៉ឺនខ្លាំង ជាពិសេសការវាយប្រហាររបស់រុស្ស៊ីជាច្រើនលើក ប៉ុន្តែជំហររបស់យើងនៅតែមិនផ្លាស់ប្ដូរ៕

អ៊ីរ៉ង់ ព្រមានអ៊ីស្រាអែលឲ្យបញ្ឈប់សង្គ្រាមនៅតំបន់ហ្កាហ្សា បើពុំនោះសោតតំបន់នេះនឹងលែងគ្រប់គ្រងបាន

អ៊ីរ៉ង់៖ រដ្ឋមន្ត្រីការបរទេសអ៊ីរ៉ង់ លោក ហូសេន អាម៊រ អាប់ដូឡាហាន(Hossein Amir-Abdollahian) បានព្រមានអ៊ីស្រាអែលថា តំបន់មជ្ឈិមបូព៌ា អាចគ្រប់គ្រងលែងបាន ប្រសិនបើខ្លួនមិនបញ្ឈប់ការវាយប្រហារលើតំបន់ហ្កាហ្សាទេនោះ។លោកបាននិយាយថា សហរដ្ឋអាមេរិកក៏ត្រូវតែស្តីបន្ទោសផងដែរ ចំពោះការផ្តល់ជំនួយផ្នែកយោធាដល់អ៊ីស្រាអែល។ ប៉ុន្មានម៉ោងក្រោយមក នាយករដ្ឋមន្ត្រីអ៊ីស្រាអែល លោក បេន ចាមីន ណេតានយ៉ាហ៊ូ (Benjamin Netanyahu) បានព្រមានថា កងទ័ពប្រជាជនរបស់លោកកំពុងស្ថិតក្នុងសមរភូមិប្រយុទ្ធដើម្បីជីវិតរបស់ពួកគេ ហើយបាននិយាយថា សង្រ្គាមប្រឆាំងនឹងក្រុមហាម៉ាសគឺ ត្រូវតែធ្វើ បើពុំនោះសោតនឹងស្លាប់។ អ៊ីរ៉ង់ គាំទ្រទាំងក្រុមហាម៉ាស ដែលបានវាយប្រហារអ៊ីស្រាអែលកាលពីពីរសប្តាហ៍មុនបានសម្លាប់មនុស្ស ១.៤០០ នាក់ ទាំងក្រុមហេសបូឡារបស់លីបង់។ យោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស ប្រជាជនប៉ាឡេស្ទីនជាង ៤.៦០០នាក់ បានស្លាប់ក្នុងរយៈពេលពីរសប្តាហ៍ចុងក្រោយ នៅក្នុងតំបន់ហ្កាហ្សា ហើយអ៊ីស្រាអែលបានប្រកាសកាលពីថ្ងៃសៅរ៍ថា ខ្លួនកំពុងបង្កើនការវាយប្រហារតាមអាកាស។លោក អាម៊រ អាប់ដូឡាហាន បាននិយាយនៅក្នុងសន្និសីទសារព័ត៌មានមួយ នៅទីក្រុងតេហេរ៉ង់ ថាលោកព្រមានសហរដ្ឋអាមេរិក និងអ៊ីស្រាអែល ដែលជាអ្នកធ្វើសង្រ្គាមតំណាងរបស់ខ្លួន ថា ប្រសិនបើពួកគេមិនបញ្ឈប់ឧក្រិដ្ឋកម្មប្រឆាំងមនុស្សជាតិ ភ្លាមៗ និងអំពើប្រល័យពូជសាសន៍នៅក្នុងតំបន់ហ្កាហ្សាទេ អ្វីៗអាចធ្វើកើតឡើងបានគ្រប់ពេលវេលា ហើយតំបន់នេះ នឹងគ្រប់គ្រងលែងបាន៕

ព្រហ្មទណ្ឌកំរិតស្រាលរាជធានីស្រាវជ្រាវចាប់ខ្លួនជនសង្ស័យ០២នាក់ករណីលួចម៉ូតូ

ភ្នំពេញ ៖ ការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋានននគរបាលរាជធានីភ្នំពេញ ស្រាវជ្រាវចាប់ខ្លួនជនសង្ស័យ ០២នាក់ករណីលួចម៉ូតូប្រជាពលរដ្ឋ ។ដោយមានការបញ្ជាពីឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ កាលពីថ្ងៃទី១៩ ខែតុលា ឆ្នាំ២០២៣ វេលាម៉ោង ១៣ និង ៣០ នាទី កម្លាំងការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋានននគរបាលរាជធានីភ្នំពេញ ស្រាវជ្រាវឃាត់ខ្លួនជនសង្ស័យ ០២ នាក់ នៅចំណុចផ្លូវលំ ភូមិ១៤ សង្កាត់បឹងកក់១ ខណ្ឌទួលគោក រាជធានីភ្នំពេញ ចាប់យកម៉ូតូចំនួន ០១គ្រឿង ជាមធ្យោបាយជិះធ្វើសកម្មភាព និងមួកសុវត្ថិភាព ពណ៌ ស ១ ។ជនសង្ស័យទាំង ០២នាក់ ១-ឈ្មោះ ហេង ជា ភេទ ប្រុស អាយុ ២៧ ឆ្នាំ ជនជាតិ ខ្មែរ មុខរបរ រើសអេតចាយ មានទីលំនៅផ្ទះគ្មានលេខ ផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ ។ ២-ឈ្មោះ ហួន ដា ភេទ ប្រុស អាយុ ៣៧ ឆ្នាំជនជាតិ ខ្មែរ មុខរបរ រើសអេតចាយមានទីលំនៅផ្ទះគ្មានលេខ ផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ ពាក់ព័ន្ធ អំពើលួចម៉ូតូ ១គ្រឿង ម៉ាក ហុងដា សេ១២៥ ពណ៌ខ្មៅ សេរីឆ្នាំ២០២៣ ពាក់ផ្លាកលេខ បាត់ដំបង ១AT-០៧៧២ នៅចំណុចការដ្ឋានសំណង់ ផ្លូវលេខ៣៣៩ ក្រុម១៥ ភូមិ៤ សង្កាត់បឹងកក់១ ខណ្ឌទួលគោក រាជធានីភ្នំពេញ កាលពីថ្ងៃទី១៣ ខែតុលា ឆ្នាំ២០២៣ វេលាម៉ោង ០២ និង ៣០ នាទី ។វត្ថុតាងម៉ូតូ ម៉ាក ហុងដា សេ១២៥ ពណ៌ ខ្មៅ ស៊េរីឆ្នាំ២០១២ ពាក់ផ្លាកលេខមណ្ឌលគីរី ១A-៣១៦២ ចំនួន ០១ គ្រឿង មួកសុវត្ថិភាព ពណ៌ ស ចំនួន ០១ ។ចំណែកជនរងគ្រោះឈ្មោះ វ៉ាន់ ប៊ីឡុង ភេទ ប្រុស អាយុ ២១ ឆ្នាំ ជនជាតិ ខ្មែរ មុខរបរ កម្មករសំណង់ ទីលំនៅបច្ចុប្បន្នស្នាក់នៅក្នុងការដ្ឋានសំណង់ ផ្លូវលេខ៣៣៩ ក្រុម១៥ ភូមិ៤ សង្កាត់បឹងកក់១ ខណ្ឌទួលគោក រាជធានីភ្នំពេញ ។សមត្ថកិច្ចការិយាល័យនគរបាលព្រហ្មទណ្ឌកំរិតស្រាល នៃ ស្នងការដ្ឋាននគរបាលរាជធានីភ្នំពេញប្រាប់ឲ្យដឹងថា កាលពីថ្ងៃកើតហេតុជនសង្ស័យជិះម៉ូតូមកដល់ចំណុចកើតហេតុក៏បានឃើញ ទ្វារការដ្ឋានសំណង់ចំហទ្វារមិនមានចាក់សោ និងខាងក្នុងមានម៉ូតូមួយគ្រឿង ម៉ាក ហុងដាសេ១២៥ ពណ៌ ខ្មៅ សេរីឆ្នាំ២០២៣ ពាក់ផ្លាកលេខបាត់ដំបង ១AT-០៧៧២ ចតទុកនៅខាងក្នុងនិងមានកូនសោម៉ូតូជាប់នឹងម៉ូតូស្រាប់ ឃើញស្ងាត់ពុំមានមនុស្ស ជនសង្ស័យឈ្មោះ ហួន ដា ក៏ឈប់ម៉ូតូរង់ចាំនៅខាងក្រៅនិងជាអ្នកមើលផ្លូវ ហើយឈ្មោះ ហេង ជា ក៏ចុះពីលើម៉ូតូរបស់បក្ខពួក ដើរចូលទៅក្នុងការដ្ឋានសំណង់ធ្វើសកម្មភាពលួចយកម៉ូតូបានសម្រេច នាំគ្នាគេចខ្លួនបាត់អស់ ។ ចំពោះជនសង្ស័យ និងវត្ថុតាងកម្លាំងការិយាល័យកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕ ដោយ ៖ តារាវុទ្ធី

រណ្តៅរ៉ែមាសអាណាធិបតេយ្យនៅឃុំរមទម ស្រុករវៀង ដែលមានជម្រៅឆក់យកជីវិតមនុស្សម្នាក់ទៀតហើយ

ព្រះវិហារ៖ កន្លងមក និងបច្ចុប្បន្នសកម្មភាពជីកកកាយរុករក និងបូមយករ៉ែមាសកើតមានពេញបន្ទុកក្នុងស្រុករវៀង និងឈ្មួញជាច្រើននាក់ជីកកកាយរុករក ធ្វើអាជីវកម្មរ៉ែមាសរាប់រយរណ្ដៅ ដោយខ្លះប្រើប្រាស់សាធាតុគីមី ដោយខុសច្បាប់ ស្ថិតក្នុងតំបន់ភ្នំលុង ភូមិរំដេង ឃុំរមទម ស្រុករវៀង ។ជាក់ស្ដែងកាលពីព្រឹកថ្ងៃទី១៩ ខែតុលា ឆ្នាំ២០២៣ មានបុរសម្នាក់ បានពុលស្លាប់ ខណៈពេលចុះទៅក្នុងរណ្តៅរុករករ៉ែមាស ដែលមានជម្រៅចាប់ពី៥០ទៅ៦០ម៉ែត្រចុះក្រោម កើតឡើងនៅភូមិរំដេង ឃុំរមទម ស្រុករវៀងខេត្តព្រះវិហារ។បើតាមសាក្សីមួយម្នាក់ដែលមានឈ្មោះ យន់ ដារ៉ា ហៅចិន បាននិយាយរៀបរាប់ថា នៅវេលាទៀបភ្លឺថ្ងៃទី១៩ ខែតុលា ឆ្នាំ២០២៣ ឈ្មោះ ចេន ភក្ដី ហៅភ័ក្រ ដែលមានអាយុ៣៦ ឆ្នាំ បានបបួលខ្លួនចុះទៅរករ៉ែមាសក្នុងរណ្តៅមួយដែលឪពុកទៅពុកខ្លួនទុកចោលជាយូរមកហើយ នៅពេលឈ្មោះ ភ័ក្រ ជាអ្នកចុះហើយខ្លួនជាអ្នកនៅលើគោកក្បែរមាត់រណ្ដៅ ពេលចុះទៅបានមួយសន្ទុះជាមួយ និងសម្ភារៈមួយចំនួនភ្ជាប់ទៅនឹងខ្លួន ដើម្បីស្វែងរករ៉ែមាសក៏ឮសំឡេងស្រែក ពីក្នុងរណ្ដៅអោយអ្នកនៅខាងលើជួយផងគាត់ពុលហើយ ។ ភ្លាមនោះ អ្នកនៅខាងលើក៏បានចុះទៅជួយ ប៉ុន្តែអ្នកដែលចុះទៅមុនបានរបូតដៃធ្លាក់ចុះទៅខាងក្រោមបាត់ភ្លាមៗ រូបលោកក៏បានទូរស័ព្ទប្រាប់បងប្អូនក្នុងភូមិ ដើម្បីមកជួយសង្គ្រោះ ប៉ុន្តែការជួយសង្គ្រោះអ្នកដែលធ្លាក់ចុះទៅក្នុងរណ្ដៅរ៉ែមាសមិនអាចជួយបានទេ ព្រោះមានទឹកជ្រៅ។ សាក្សីដដែល បានបន្ដទៀតថា អស់រយៈពេលជាច្រើនម៉ោង ដោយប្រើប្រាស់ម៉ូទ័របូមទឹកចេញពីរណ្ដៅរ៉ែមាសឱ្យរីងអស់ទឹក ទើបបងប្អូនប្រជាពលរដ្ឋនាំគ្នាចុះទៅរកសពឃើញហើយក៏នាំគ្នាយល់សពមកខាង លើដើម្បីឲ្យមន្ត្រីជំនាញធ្វើកោសលវិច័យផងដែរ ។ក្រោយពីបានទទួលព័ត៌មាន កម្លាំងជំនាញចុះពិនិត្យ សហការជាមួយព្រហ្មទណ្ឌ បានចុះទៅដល់កន្លែងកើតហេតុ ដោយមានការសហការពីអាជ្ញាធរ ភូមិ ឃុំ និងមន្រ្តីមណ្ឌលសុខភាពភ្នំដែក ក្រោមការដឹកនាំរបស់អភិបាលស្រុករវៀង និងសម្របសម្រួលដោយលោកព្រះរាជអាជ្ញារង គឹម សំលេង ផងដែរ។តាមសន្និដ្ឋានរបស់ពេទ្យ និងជំនាញ បានបញ្ជាក់ថា សាកសពឈ្មោះ ចែន ភក្តី ហៅ ភ័ក្រ្ត ភេទប្រុស អាយុ៣៦ឆ្នាំ រស់នៅភូមិ ឃុំកើតហេតុខាងលើ បានស្លាប់ដោយសារការធ្វេសប្រហែសធ្លាក់ក្នុងរណ្តៅរ៉ែមាសបណ្តាយឲ្យស្លាប់ខ្លួនឯង។សូមបញ្ជក់ថា នាពេលបច្ចុប្បន្ន ការធ្វើអាជីវកម្មរុករករ៉ែមាស ពីសំណាក់ក្រុមហ៊ុន ឬឈ្មួយតូចធំ និងពលរដ្ឋមានច្បាប់ និងអត់ច្បាប់ បានកើតឡើងព្រោងព្រាតនៅតាមតំបន់មួយចំនួន នៃខេត្តព្រះវិហារ ហើយការរុករករ៉ែនេះ តែងបង្កជាបញ្ហា និងគ្រោះថ្នាក់មានស្លាប់ និងរបួសនៅពេលរុករករ៉ែ ៕

មនុស្សរាប់រយនាក់ ប្រមូលផ្តុំគ្នានៅក្រុងញ៉ូវយ៉ក ទាមទារឲ្យដោះលែងចំណាប់ថ្នូរអ៊ីស្រាអែល នៅហ្គាហ្សា

ក្រុមបាតុកររាប់រយនាក់ បានមកប្រមូលផ្តុំគ្នា នៅទីលាន Times Square ទីក្រុងញ៉ូវយ៉ក កាលពីថ្ងៃព្រហស្បតិ៍ ដើម្បីទាមទារឲ្យដោះលែងចំណាប់ថ្នូរដែលត្រូវបានចាប់ដោយក្រុមហាម៉ាស់ អំឡុងការវាយប្រហារដ៏ឃោឃៅកាលពីថ្ងៃទី៧ ខែតុលា ទៅលើប្រទេសអ៊ីស្រាអែល។ ការតវ៉ានេះនៅទីលាន Times Square ត្រូវបានរៀបចំដោយក្រុមប្រឹក្សាអាមេរិកអ៊ីស្រាអែលដែលមិនរកប្រាក់កម្រៃ តំណាងឲ្យពលរដ្ឋអាមេរិកអ៊ីស្រាអែល នៅក្នុងសភាសហរដ្ឋអាមេរិក រួមមានទាំងសមាជិកព្រឹទ្ធសភាពសហរដ្ឋអាមេរិក លោក Chuck Schumer ជាមេដឹកនាំមានសំឡេងភាគច្រើននៅព្រឹទ្ធសភាជនជាតិជ្វីហ្វដំបូងគេនៅក្នុងប្រវត្តិសាស្ត្រ ដោយប្តេជ្ញាឈរជាមួយអ៊ីស្រាអែល និងវាយបកប្រឆាំងក្រុមហាមម៉ាស់។ នៅកន្លែងប្រមូលផ្តុំគ្នា ឯកអគ្គរដ្ឋទូតអ៊ីស្រាអែល ប្រចាំអង្គការសហប្រជាជាតិលោក Gilad Erdan បានរិះគន់ដំណើរទស្សនកិច្ចរបស់អគ្គលេខាធិការអង្គការសហប្រជាជាតិ លោក Antonio Guterres ទៅកាន់ព្រំដែនតំបន់ Rafah ឆ្លងកាត់ពីប្រទេសអេហ្ស៊ីបទៅកាន់តំបន់ហ្គាហ្សា នៅថ្ងៃសុក្រនេះ ។

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធានីភ្នំពេញ

ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា

នេប៉ាល់ផ្អាកប្រតិបត្តិការស្វែងរក បន្ទាប់ពីមនុស្ស ១៦នាក់ បានប៉ើងទៅតាមបំណាក់ទឹកកក

ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម

កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើនឥទ្ធិពល

ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង

អ៊ីរ៉ង់គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា

សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក

បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877