BTV NEWS

ពលរដ្ឋបន្តសាទរកិច្ចប្រឹងប្រែងរបស់រដ្ឋាភិបាលបោសសម្អាត Online Scams ដើម្បីស្ដារមុខមាត់កម្ពុជា

សាធារណជនគាំទ្រគំនិតផ្ដួចផ្ដើមរបស់សម្តេចធិបតីឱ្យបញ្ជូនក្រុមក្មេងទំនើងទៅជួយការងារសមរភូមិមុខ

បង្រ្កាបអគារប្រព្រឹត្តបទល្មើស Online Scams នៅទីតាំង ១កន្លែង ក្នុងក្រុងប៉ោយប៉ែត ឃាត់ខ្លួនមនុស្សប្រមាណ ៣០០នាក់

កម្លាំងគណៈបញ្ជាការឯកភាពរាជធានី បន្តប្រតិបត្តិការឆ្មក់ចុះបង្ក្រាប Online Scams នៅខណ្ឌ៧មករា ឃាត់ជនបរទេស៤០នាក់

សន្តិសុខ និង សង្គម

អាមេរិក និយាយថា កូរ៉េខាងជើងនឹងទទួលផលវិបាកតាមទង្វើរបស់ខ្លួនសម្រាប់ការផ្គត់ផ្គង់អាវុធទៅឲ្យរុស្ស៊ី

អាមេរិក៖ មន្ត្រីសហរដ្ឋអាមេរិក បាននិយាយកាលពីថ្ងៃអង្គារថា ការចរចាស្តីពីការលក់អាវុធ រវាងរុស្ស៊ី និងកូរ៉េខាងជើងកំពុងមានសន្ទុះដ៏សកម្ម ហើយបានព្រមានមេដឹកនាំលោក Kim Jong Un ថា ប្រទេសនេះ នឹងទទួលផលវិបាកសមតាមទង្វើរបស់ខ្លួនចំពោះការផ្គត់ផ្គង់អាវុធទៅឲ្យរុស្ស៊ី ដើម្បីប្រើប្រាស់នៅអ៊ុយក្រែន។ទីប្រឹក្សាសន្តិសុខជាតិសហរដ្ឋអាមេរិក លោក Jake Sullivan បានប្រាប់អ្នកសារព័ត៌មាននៅសេតវិមានថា ការផ្តល់អាវុធទៅឲ្យរុស្ស៊ី នឹងមិនឆ្លុះបញ្ចាំងល្អនោះទេលើប្រទេសកូរ៉េខាងជើង ហើយពួកគេនឹងទទួលផលវិបាកតាមទង្វើសម្រាប់អាវុធនៅក្នុងសហគមន៍អន្តរជាតិ។ វិមានក្រឹមឡាំង បាននិយាយកាលពីព្រឹកថ្ងៃអង្គារ៍ថា ខ្លួនគ្មានអ្វីនិយាយនោះទេ អំពីសេចក្តីថ្លែងការណ៍ដោយមន្ត្រីសហរដ្ឋអាមេរិកដែលថា លោក Kim មានផែនការធ្វើដំណើរទៅកាន់ប្រទេសរុស្ស៊ីនៅក្នុងខែនេះ ដើម្បីជួបជាមួយប្រធានាធិបតីលោក Vladimir Putin ដើម្បីពិភាក្សាពីការផ្គត់ផ្គង់អាវុធទៅឲ្យទីក្រុងមូស្គូ។លោក Sullivan និយាយថា លោក Kim រំពឹងថា ការពិភាក្សាអំពីអាវុធនឹងបន្ត ដោយរួមទាំងនៅក្នុងកម្រិតមេដឹកនាំ ហើយប្រហែលជាជួបគ្នាដោយផ្ទាល់។ លោក Sullivan និយាយថា យើងបានបន្តដាក់គំនាបលើមូលដ្ឋានឧស្សាហកម្មការពារជាតិរបស់រុស្ស៊ី ហើយបច្ចុប្បនេះទីក្រុងមូស្គូ កំពុងសំឡឹងរកមើលចំពោះអ្វីក៏ដោយជាប្រភពដែលពួកគេអាចស្វែងរកទំនិញដូចជាគ្រាប់រំសេវ។ យើងនឹងបន្តអំពាវនាវដល់ប្រទេសកូរ៉េខាងជើងទទួលយកការប្តេជ្ញាចិត្តជាសាធារណៈថាមិនផ្គត់ផ្កង់អាវុធដល់ប្រទេសរុស្ស៊ីនោះទេ ដែលនឹងបញ្ចប់ការសម្លាប់ពលរដ្ឋអ៊ុយក្រែន។ កាលពីថ្ងៃចន្ទ អ្នកនាំក្រុមប្រឹក្សាសន្តិសុខជាតិសហរដ្ឋអាមេរិកលោក Adrienne Watson បាននិយាយថា លោក Kim និងលោក Putin មានផែនការជួបគ្នាហើយសារព័ត៌មាន the New York Times បានលើកឡើងមន្ត្រីសម្ព័ន្ធមិត្ត និងមន្ត្រីអាមេរិកដែលមិនបញ្ចេញឈ្មោះដោយនិយាយថា លោក Kim មានផែនការធ្វើដំណើរទៅរុស្ស៊ីក្នុងពេលឆាប់ៗនេះ នៅសប្តាហ៍ក្រោយដើម្បីជួបលោក Putin៕

ព្យុះស៊ីក្លូននាំមកនូវទឹកភ្លៀងមកកាន់ភាគខាងត្បូងប្រេស៊ីលបណ្តាលឲ្យមនុស្ស២២នាក់ស្លាប់ និងទីក្រុងជាច្រើនត្រូវជន់លិច

ប្រេស៊ីល៖ យោងតាមអាជ្ញាធររដ្ឋបានឲ្យដឹងថា ព្យុះស៊ីក្លូនត្រូពិកដ៏មានឥទ្ធិពល បានវាយបោកបក់មកលើប្រទេសប្រេស៊ីលភាគខាងត្បូង បណ្តាលឲ្យជន់លិចផ្ទះជាច្រើនខ្នង ទឹកទន្លេហៀរច្រាំង និងបានឆក់យកជីវិតមនុស្សជាង២០នាក់។ វីដេអូដែលទទួលបានដោយសារព័ត៌មានរ៉យទ័រ បានបង្ហាញផ្ទះច្រើនខ្នង នៅទីក្រុង Mucum បានជន់លិចដោយទឹកកើនឡើង ខណៈផ្លូវនានានិងទន្លេក៏បានជន់លិច។ លំនៅឋានរាប់សិបខ្នង ដំបូលត្រូវបានបំផ្លាញដោយព្យុះព្រិល ហើយពលរដ្ឋរាប់រយនាក់គ្មានទំនាក់ទំនងនៅក្នុងរដ្ឋ Rio Grande do Sul ។ លោក Luana da Luz ស្ថិតក្នុងចំណោមពលរដ្ឋប្រេស៊ីលរាប់រយនាក់ ដែលបានប្រម៉ែប្រមូលទ្រព្យសម្បត្តិរបស់ពួកគេក្នុងការព្យាយាមដើម្បីគេចចេញពីទឹកកើនឡើង។ លោក Da Luz គឺជាពលរដ្ឋរស់នៅទីក្រុង Passo Fundo នៅរដ្ឋ Rio Grande Sul ភាគខាងត្បូង ជាកន្លែងដែលអាជ្ញាធររដ្ឋ បានបញ្ជាក់ថាមនុស្ស២១នាក់បានស្លាប់ ហើយយោងតាមរដ្ឋាភិបាលបានឲ្យដឹងថា ជនរងគ្រោះស្លាប់បន្ថែមម្នាក់ទៀត ត្រូវបានបញ្ជាក់នៅក្នុងរដ្ឋ Santa Catarina ដែលនៅជិតខាង៕

មនុស្ស២នាក់ បានស្លាប់ដោយសារទឹកជំនន់ធ្ងន់ធ្ងរដែលវាយប្រហារឆ្នេរប៊ុលហ្គារី

ប៊ុលហ្គារី៖មន្ត្រីក្នុងតំបន់ម្នាក់បានប្រាប់ទូរទស្សន៍មួយកាលពីថ្ងៃអង្គារ (៥ កញ្ញា)ថា មនុស្ស២នាក់ បានស្លាប់នៅក្នុងទឹកជំនន់ ដែលបង្កឡើងដោយភ្លៀងធ្លាក់ខ្លាំងនៅទីក្រុង Tsarevo (ត្វារ៉េវ៉ូ) ក្នុងតំបន់សមុទ្រខ្មៅ របស់ប្រទេសប៊ុលហ្គារី។ រូបភាពបានបង្ហាញរថយន្តបោះជំរំ និងរថយន្តគ្រួសារជាច្រើនគ្រឿង ត្រូវធ្លាក់ចូលក្នុងសមុទ្រ បន្ទាប់ពីត្រូវបានទឹកហូរនាំទៅដោយទឹកទន្លេជោរជន់យ៉ាងខ្លាំង។ បឹងហ្គាឡូ និងសណ្ឋាគារនៅតាមបណ្តោយឆ្នេរសមុទ្រខ្មៅត្រូវបានជន់លិច។ភាពអាសន្នត្រូវបានប្រកាស ហើយប្រព័ន្ធផ្សព្វផ្សាយបានរាយការណ៍ថា មនុស្ស៦០នាក់ ត្រូវបានជម្លៀសចេញ។ យោងតាមវិទ្យាស្ថានជាតិឧតុនិយម និងជលសាស្ត្ររបស់ប្រទេសប៊ុលហ្គារី បានឱ្យដឹងថា ភូមិ Kosti បានទទួលភ្លៀងធ្លាក់ខ្លាំងបំផុតចាប់តាំងពីយប់មិញថៃចន្ទ ដែលលើសពីកម្រិត៣១១មីលីម៉ែត្រផងដែរ៕

ព្យុះទីហ្វុង ហៃកួយ វាយប្រហារខេត្តហ្វូចៀន ប្រទេសចិន បណ្ដាលឲ្យមានទឹកជំនន់និងមនុស្ស២នាក់ បានស្លាប់

ចិន៖ ព្យុះទីហ្វុងហៃកួយ វាយប្រហារ(Haikui)បានវាយប្រហារ ខេត្តហ្វូចៀន(Fujian) ភាគខាងអាគ្នេយ៍ របស់ប្រទេសចិន កាលពីព្រឹកថ្ងៃអង្គារ ដោយមានរថយន្តពន្លត់អគ្គិភ័យមួយគ្រឿង ត្រូវបានទឹកហួរកួចចូលក្នុងទន្លេដែលមានទឹកពេញប្រៀប។យោងតាមទូរទស្សន៍រដ្ឋ CCTV ម្នាក់ក្នុងចំណោមសមាជិកក្រុមអ្នកពន្លត់អគ្គិភ័យបានស្លាប់ និងម្នាក់បាត់ខ្លួន ខណៈដែលមនុស្ស៨នាក់ផ្សេងទៀត ត្រូវបានជួយសង្រ្គោះ។អ្នកដំណើរទាំងអស់ រួមទាំងរថយន្តក្រុង និងរថយន្តឈ្នួលតាក់ស៊ី នៅក្នុងស្រុកយ៉ុងថៃ(Yongtai) ជាទីដែលឧបទ្ទវហេតុបានកើតឡើង បន្ទាប់ពីភ្លៀងធ្លាក់ខ្លាំង និងខ្យល់បោកបក់ខ្លាំង បង្កឲ្យមានទឹកជំនន់និងកាត់ផ្ដាច់ផ្លូវជាច្រើនខ្សែ។ ព្យុះនេះ ក៏បានបង្ខំឲ្យលុបចោលជើងហោះហើរជាច្រើន បណ្ដាលឲ្យកកស្ទះចរាចរណ៍សម្រាប់ការធ្វើដំណើរតាមរថភ្លើង និងបណ្ដាលឲ្យបិទសាលារៀន ។ ផ្លូវដឹកជញ្ជូនទំនិញតាមផ្លូវទឹករាប់សិប ក៏ត្រូវបានផ្អាកផងដែរ រួមទាំងផ្លូវចំនួនតភ្ជាប់ទៅកាន់ប្រជុំកោះក្វេម៉យ (Quemoy)របស់កោះតៃវ៉ាន់ ដែល គេហៅថា កោះ គីនម៉ិន(Kinmen) និងម៉ាត់ស៊ូ(Matsu)។ ព្យុះហៃកួយ គឺជាព្យុះទីហ្វុងទី២ដែលបានវាយប្រហារខេត្តតំបន់ឆ្នេរក្នុងរយៈពេលជាងមួយសប្ដាហ៍ មកនេះ ។ ព្យុះទីហ្វុង សាអូឡា(Saola) កាលពីសប្ដាហ៍មុន បានប៉ះពាល់មនុស្សជិតកន្លះលាននាក់ និងបង្ខំឲ្យមនុស្សរាប់ម៉ឺននាក់ ជម្លៀសខ្លួនក្នុងខេត្តហ្វូចៀន៕

[BREAKING NEWS] អតីតមេដឹកនាំដែលត្រូវបានឃុំខ្លួនរបស់មីយ៉ាន់ម៉ា លោកស្រី អ៊ុងសាន ស៊ូជី កំពុងមានជំងឺ

មីយ៉ាន់ម៉ា៖ ប្រភពដែលដឹងអំពីបញ្ហានេះ និងរដ្ឋាភិបាលស្រមោលដែលស្មោះត្រង់នឹងលោកស្រីស៊ូជី បាននិយាយនៅថ្ងៃអង្គារ (៥កញ្ញា) នេះថា អតីតមេដឹកនាំដែលត្រូវបានឃុំខ្លួនរបស់មីយ៉ាន់ម៉ា លោកស្រី អ៊ុងសាន ស៊ូជី កំពុងមានជំងឺ ហើយសំណើសុំឱ្យគ្រូពេទ្យខាងក្រៅមកពិនិត្យលោកស្រី ត្រូវបានបដិសេធដោយមេដឹកនាំយោធារបស់ប្រទេសនេះ៕

កូរ៉េខាងត្បូងបញ្ជាក់ថា ខ្លួនកំពុងខិតខំប្រឹងប្រែងផ្ទេរមូលនិធិរបស់អ៊ីរ៉ង់ដែលត្រូវបានបង្កក

កូរ៉េខាងត្បូង៖ រដ្ឋមន្ត្រីការបរទេស លោក ផាក ជីន ( Park Jin) បានថ្លែងថា កិច្ចខិតខំប្រឹងប្រែង កំពុងដំណើរការដើម្បីផ្ទេរមូលនិធិរបស់អ៊ីរ៉ង់ដែលត្រូវបានបង្កកនៅក្នុងប្រទេសកូរ៉េខាងត្បូង បន្ទាប់ពីទីក្រុងតេអេរ៉ង់ បានឈានដល់កិច្ចព្រមព្រៀងជាមួយសហរដ្ឋអាមេរិកក្នុងការដោះលែងពលរដ្ឋអាមេរិកជាថ្នូរនឹងការដោះលែងទ្រព្យសម្បត្តិរបស់អ៊ីរ៉ង់។ក្រសួងការបរទេសរបស់ទីក្រុងសេអ៊ូល បាននិយាយនៅក្នុងសេចក្តីថ្លែងការណ៍មួយកាលពីថ្ងៃអង្គារថា លោកផាក បានប្រាប់សមភាគីអ៊ីរ៉ង់របស់លោក គឺលោក ហ៊ូសេន អាមីរ៉ាប់ឌូឡាហៀន (Hossein Amirabdollahian) នៅក្នុងការសន្ទនាតាមទូរស័ព្ទកាលពីថ្ងៃចន្ទថា ប្រទេសពាក់ព័ន្ធ កំពុងទំនាក់ទំនងយ៉ាងជិតស្និទ្ធ ដើម្បីដោះស្រាយបញ្ហានេះ។ក្រសួងនេះ បានឲ្យដឹងទៀតថា លោកផាក និងរដ្ឋមន្ត្រីការបរទេសអ៊ីរ៉ង់ បានយល់ព្រមពង្រីកកិច្ចសហប្រតិបត្តិការរវាងប្រទេសទាំងពីរ។សហរដ្ឋអាមេរិក និងអ៊ីរ៉ង់ បានឈានដល់កិច្ចព្រមព្រៀងមួយកាលពីខែមុនសម្រាប់ការដោះលែងពលរដ្ឋអាមេរិកចំនួន ៥នាក់ ដែលត្រូវបានឃុំខ្លួននៅក្នុងប្រទេសអ៊ីរ៉ង់ ខណៈដែលទ្រព្យសម្បត្តិរបស់អ៊ីរ៉ង់ចំនួន៦ ពាន់លានដុល្លារនៅក្នុងប្រទេសកូរ៉េខាងត្បូង នឹងមិនត្រូវបានបង្កក៕

រដ្ឋមន្ត្រីអប់រំ៖ អគារសិក្សារបស់ចក្រភពអង់គ្លេសរាប់រយខ្នង អាចនឹងត្រូវរលំ

អង់គ្លេស៖ រដ្ឋមន្ត្រីក្រសួងអប់រំរបស់ចក្រភពអង់គ្លេសបាននិយាយកាលពីថ្ងៃចន្ទ (៤ កញ្ញា) ថា អគារសិក្សារាប់រយខ្នងទៀតនៅក្នុងប្រទេសអង់គ្លេស អាចនឹងត្រូវដួលរលំ និងពុំមានសុវត្ថិភាព បន្ទាប់ពីក្រុមអាជ្ញាធរបានបញ្ជាឱ្យសាលាចំនួន១០៤ទីតាំង បិទអគារដែលមានកម្រិតបេតុងចាស់ និងមានសភាពទ្រុឌទ្រោម។ការលាតត្រដាងនៃអគារសិក្សាដែលអាចដួលរលំនេះ គឺមានរយៈពេលប៉ុន្មានថ្ងៃប៉ុណ្ណោះ មុនពេលការចាប់ផ្តើមបវេសនកាលថ្មី បានបង្កឱ្យមានកំហឹងក្នុងចំណោមឪពុកម្តាយ និងគ្រូបង្រៀន ហើយនេះតំណាងឱ្យបញ្ហាដ៏ឈឺក្បាលក្នុងនយោបាយថ្មីមួយ សម្រាប់នាយករដ្ឋមន្ត្រីអង់គ្លេស លោក Rishi Sunak នៅមុនការបោះឆ្នោតដែលរំពឹងទុកនៅឆ្នាំក្រោយ។បញ្ហានេះបានបន្ថែមការចាប់អារម្មណ៍លើហេដ្ឋារចនាសម្ព័ន្ធសាធារណៈ ដែលកំពុងខូចខាតនៅក្នុងប្រទេសអង់គ្លេស ដោយបានប្រឈមមុខនឹងការរំខានជាច្រើនខែនៃកូដកម្មពីសំណាក់កម្មករ រួមទាំងនៅក្នុងមន្ទីរពេទ្យ និងសាលារៀនផងដែរ។ ដោយដាក់សម្ពាធកាន់តែខ្លាំងលើលោក Sunak លោកស្រី Gillian Keegan ដែលជាអតីតមន្ត្រីរាជការកំពូលនៅក្នុងនាយកដ្ឋានអប់រំបាននិយាយថា នៅក្នុងការងារពីមុនជារដ្ឋមន្ត្រីហិរញ្ញវត្ថុរបស់ខ្លួន លោក Sunak បានកាត់បន្ថយថវិកាប្រចាំឆ្នាំពាក់កណ្តាលដើម្បីជួសជុលសាលារៀន នៅពេលដែលនាយកដ្ឋានបានស្នើសុំឱ្យដំឡើងថវិកាទ្វេដង៕

អត្រាអតិផរណាប្រចាំឆ្នាំរបស់ប្រទេសទួរគី កើនឡើងខ្ពស់បំផុតក្នុងខែសីហាចាប់ពីឆ្នាំ២០២២មក

ទួរគី៖ទិន្នន័យផ្លូវការបានបង្ហាញកាលពីថ្ងៃចន្ទ (៤កញ្ញា) ថា អត្រាអតិផរណាប្រចាំឆ្នាំរបស់ប្រទេសទួរគី បានកើនឡើងដល់៥៨,៩៤ភាគរយនៅក្នុងខែសីហា ដែលជាតួលេខខ្ពស់បំផុតចាប់តាំងពីខែធ្នូ ឆ្នាំ២០២២មក។ តួលេខពីវិទ្យាស្ថានស្ថិតិទួរគីបានបង្ហាញពី សន្ទស្សន៍តម្លៃទំនិញប្រើប្រាស់ (CPI) ក្នុងខែសីហាបានកើនឡើងដល់កម្រិត៥៨,៩៤ភាគរយ ពីតួលេខ៤៧,៨៣ភាគរយកាលពីខែមុននោះ។ការដឹកជញ្ជូន គឺជាកត្តាជំរុញដ៏សំខាន់សម្រាប់កំណើនអត្រាអតិផរណាដែលបានកើនឡើងចំនួន១៦,៦១ភាគរយក្នុងមួយខែ។ តួលេខនោះ ក៏ត្រូវបានតាមពីក្រោយដោយកំណើនតម្លៃទំនិញប្រើប្រាស់ចំនួន៩ភាគរយ និងកំណើនតម្លៃអាហារចំនួន៨ភាគរយផងដែរ។រដ្ឋមន្ត្រីក្រសួងរតនាគារ និងហិរញ្ញវត្ថុទួរគី លោក Mehmet Simsek បាននិយាយថា ការប្រយុទ្ធប្រឆាំងអតិផរណា នឹងត្រូវការពេលវេលាយូរទៀតសម្រាប់ប្រទេសទួរគី ដែលជាប្រទេសស្ថិតក្នុងដំណាក់កាលនៃការផ្លាស់ប្តូរសេដ្ឋកិច្ច ហើយទួរគីនឹងចាត់វិធានការចាំបាច់ទាំងអស់ដើម្បីគ្រប់គ្រងអតិផរណា។ គួររម្លឹកផងដែរថា ប្រទេសទួរគីបាននឹងកំពុងមើលឃើញអត្រាអតិផរណាកើនឡើងចាប់តាំងពីខែវិច្ឆិកា ឆ្នាំ២០១១មក៕

ភាពតានតឹងបានផ្ទុះឡើងក្នុងទីក្រុង ប៊ុយណូ ស៊ែរ ខណៈប្រជាជនអាហ្សង់ទីនតវ៉ាការត្រឡប់មកវិញនៃក្រុមស្តាំនិយមជ្រុល

អាហ្សង់ទីន៖ ភាពតានតឹងបានកើនឡើងនៅតាមដងផ្លូវនៃទីក្រុងប៊ុយណូ ស៊ែរ (Buenos Aires) កាលពីថ្ងៃចន្ទ (៤ កញ្ញា) ខណៈប្រជាជនអាហ្សង់ទីនបានតវ៉ាប្រឆាំងបេក្ខជនស្តាំនិយម លោក Javier Milei ដោយចោទប្រកាន់ក្រុមចម្រុះ La Libertad Avanza របស់លោក Milei ថា បានប្រើប្រាស់អំពើឃោរឃៅក្នុងអំឡុងពេលរបបផ្តាច់ការដ៏ឃោរឃៅរបស់ប្រទេស។ក្រុមបាតុករបានតវ៉ាទាំងកំហឹង ប្រឆាំងនឹងបេក្ខភាពរបស់លោក Milei ទៅកាន់អនុប្រធានាធិបតីអាហ្សង់ទីន លោកស្រី Victoria Villarruel។ កាលពីថ្ងៃចន្ទ (៤ កញ្ញា) លោកស្រី Villrarruel បានរៀបចំព្រឹត្តិការណ៍មួយជាមួយសមាជិកគ្រួសារនៃជនរងគ្រោះ ដែលត្រូវបានសម្លាប់ដោយក្រុមឆ្វេងនិយមក្នុងទសវត្សរ៍ទី៧០។ ក្រុមអ្នកតវ៉ាបានព្យាយាមបង្អាក់ព្រឹត្តិការណ៍នេះដោយទម្លុះរបាំងសន្តិសុខនៅជិតស្ថាប័ននីតិប្បញ្ញត្តិរបស់ប្រទេស។អ្នករិះគន់លោកស្រី Villarruel និងលោក Milei ចោទប្រកាន់ពួកគេថា បានប្រើប្រាស់អំពើឃោរឃៅក្នុងអំឡុងពេលរបបផ្តាច់ការ។ មនុស្សប្រហែល៣០.០០០នាក់ ត្រូវគេគិតថាបានបាត់ខ្លួនក្នុងអំឡុងពេលរបបផ្តាច់ការដ៏ឃោរឃៅអំឡុងឆ្នាំ១៩៧៦ ដល់ឆ្នាំ១៩៨៣ នោះ។លោក Milei ជាមួយនឹងរចនាប័ទ្មប្រយុទ្ធរបស់ខ្លួន បានបណ្ដាលឲ្យអ្នកបោះឆ្នោតខឹងសម្បារនឹងអតិផរណាកម្រិត១១៦% និងការកើនឡើងនៃភាពក្រីក្រក្នុងប្រទេស។ លោកប្រឆាំងនឹងច្បាប់រំលូតកូន ហើយគាំទ្រសិទ្ធិកាំភ្លើង។ លោក Milei ក៏បានរិះគន់ច្បាប់ការងារ ដែលមានភាពងាយស្រួលដល់កម្មករថាជា «បញ្ហារីករាលដាលដូចជំងឺមហារីក» ដោយបាននិយាយថារដ្ឋជាមូលដ្ឋាននៃបញ្ហាទាំងអស់ ហើយបានលើកសរសើរអតីតជនអន្ធពាលសហរដ្ឋអាមេរិក លោក Al Capone ថាជាវីរបុរសផងដែរ៕

ប្រជាជនធ្វើការតវ៉ាប្រឆាំងនឹងលោកប្រធានាធិបតី Assad នៅក្នុងខេត្ត Sweida ប្រទេសស៊ីរី

ស៊ីរី៖ ប្រជាជនបានដើរតវ៉ាតាមដងផ្លូវក្នុងខេត្ត Sweida ប្រទេសស៊ីរីកាលពីថ្ងៃចន្ទ (៤ កញ្ញា) ដែលជាការតវ៉ាចុងក្រោយបង្អស់ប្រឆាំងនឹងប្រធានាធិបតីស៊ីរី លោក Bashar al-Assad។ ការតវ៉ានេះ បានចាប់ផ្តើមជិតពីរសប្តាហ៍មុនជុំវិញស្ថានភាពជីវភាពក្រីក្រ និងបានឈានទៅរកការអំពាវនាវជាថ្មីសម្រាប់ការផ្លាស់ប្តូរនយោបាយ។ប្រទេសស៊ីរី ស្ថិតក្នុងវិបត្តិសេដ្ឋកិច្ចដ៏ជ្រាលជ្រៅ ដែលបានឃើញរូបិយប័ណ្ណរបស់ខ្លួនធ្លាក់ចុះដល់កំណត់ត្រា១៥.៥០០ផោនស៊ីរីទល់នឹងប្រាក់ដុល្លារអាមេរិក កាលពីខែមុន ក្នុងការបង្កើនល្បឿនធ្លាក់ចុះដោយសេរី។ ប្រទេសនេះបានជួញដូរក្នុងតម្លៃ៤៧ផោនក្នុង១ដុល្លារ នៅដើមជម្លោះកាលពី១២ឆ្នាំមុន។បាតុកម្មបានផ្ទុះឡើងនៅទីក្រុង Sweida ក្នុងខែសីហា ជុំវិញការដកថវិកាឧបត្ថម្ភថ្លៃប្រេងឥន្ធនៈ។ ខេត្តដើមកំណើតនៃសហគមន៍ Druze ភាគច្រើននៃប្រទេសស៊ីរី គឺខេត្ត Sweida នៅតែស្ថិតក្នុងការគ្រប់គ្រងរបស់រដ្ឋាភិបាលពេញរយៈពេលសង្គ្រាម ហើយតំបន់ភាគច្រើនត្រូវបានរួចផុតពីអំពើហឹង្សា ដែលគេឃើញកើតមាននៅកន្លែងផ្សេងទៀតក្នុងប្រទេសនេះ៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីការបរទេសកម្ពុជា ចូលគាល់ ព្រះមហាក្សត្រ ប្រទេសព្រុយណេដារូស្សាឡាម

អនុប្រធាន សមាគមអតីតយុទ្ធជន អញ្ជើញចុះសួរសុខទុក្ខអតីតយុទ្ធជន និងក្រុមគ្រួសារ ក្នុងខេត្តឧត្តរមានជ័យ

ប្រធានគណៈកម្មការ eSafety របស់អូស្ត្រាលី រងការគំរាមសម្លាប់ ក្រោយមានបម្រាមបណ្ដាញសង្គម

ប្រធានគណៈកម្មការអឺរ៉ុប ជំរុញឲ្យមានឯករាជ្យភាពថាមពល បន្ទាប់ពីវិបត្តិនៅអ៊ីរ៉ង់

កសិករម្នាក់ផ្ទុះស្លាប់លេីដីស្រែចម្ការខ្លួនឯងដោយសារសំណល់យុទ្ធភណ្ឌសង្គ្រាម នៅស្រុករតនមណ្ឌល

ម៉ិកស៊ិកដាក់ពង្រាយកងទ័ពជាង ១៣០.០០០នាក់ ក្រោយចាប់ខ្លួនមេក្រុមជួញដូរគ្រឿងញៀន

អតីតប្រធាន FBI ត្រូវបានចោទប្រកាន់ពីបទគំរាមកំហែងដល់អាយុជីវិតរបស់លោក TRUMP

ជប៉ុនប្រកាសបន្តខិតខំប្រឹងប្រែងជំរុញការអនុវត្តកិច្ចព្រមព្រៀងបទឈប់បាញ់ និងបន្ថយភាពតានតឹង រវាងកម្ពុជា-ថៃ ដោយសហការជាមួយបណ្តាប្រទេសពាក់ព័ន្ធនានា

វិស័យអប់រំកម្រិតបឋមសិក្សាសម្រេចសមិទ្ធកម្ម ១០០% ក្រោមការអនុវត្តប្រព័ន្ធលើកទឹកចិត្តគាំទ្រសមិទ្ធកម្មរបស់រាជរដ្ឋាភិបាល

សកម្មភាពក្រុមកីឡាករគុនល្បុក្កតោ និងព្រះសង្ឃសៅលីង ធ្វើការហាត់សម ដើម្បីត្រៀមចូលរួមសម្តែងក្នុង «មហោស្រពក្បាច់គុនចម្រុះ កម្ពុជា-ចិន» នៅថ្ងៃស្អែក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877