BTV NEWS

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សមត្ថកិច្ចបង្ក្រាបទីតាំង Online Scams ចំនួន៩កន្លែងនៅក្រុងបាវិត ឃាត់ខ្លួនជនបរទេសជាង ៣០០នាក់

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

សន្តិសុខ និង សង្គម

រលកកម្ដៅខ្លាំង គ្របដណ្ដប់ពាសពេញអឺរ៉ុបខាងត្បូង ដែលជំរុញឲ្យចេញការប្រកាសអាសន្នពីផលប៉ះពាល់សុខភាព

អ៊ីតាលី៖ ប្រទេសអ៊ីតាលី បានចេញការប្រកាសអាសន្នអាកាសធាតុក្ដៅពណ៌ក្រហមសម្រាប់ទីក្រុងចំនួន១៦ កាលពីថ្ងៃអាទិត្យ ដោយក្រុមអ្នកឧតុនិយមព្រមានថា សីតុណ្ហភាពនឹងឡើងដល់កម្រិតខ្ពស់បំផុតនៅទូទាំងតំបន់អឺរ៉ុបខាងត្បូងក្នុងពេលប៉ុន្មានថ្ងៃខាងមុខ។ប្រទេសអេស្ប៉ាញ អ៊ីតាលី និងក្រិក កំពុងជួបប្រទះការហក់ឡើងសីតុណ្ហភាពរយៈពេលប៉ុន្មានថ្ងៃរួចមកហើយ ដែលបានបំផ្លិចបំផ្លាញដំណាំកសិកម្ម និងបង្ខំឲ្យអ្នកទេសចរនានា រកកន្លែងជ្រកម្លប់។ ក្រុមអាជ្ញាធរនិយាយថា មនុស្សយ៉ាងហោចណាស់៤ពាន់នាក់ នៅលើកោះឡា ផាម៉ា(La Parma) របស់អេស្ប៉ាញ ត្រូវបានជម្លៀសខណៈភ្លើងឆេះព្រៃបានឆេះរាលដាលខ្លាំងគ្រប់គ្រងលែងបាន ។ ប្រទេសក្រិក បានបិទសារៈមន្ទីរបុរាណ អាក្រូប៉ូលីស (Acropolis) អំឡុងថ្ងៃដែលមានអាកាសធាតុក្ដៅបំផុតកាលពីថ្ងៃសុក្រ ដើម្បីការពារភ្ញៀវទេសចរ។ រដ្ឋមន្ត្រីសុខាភិបាលអ៊ីតាលី លោក អូរ៉ាស៊ីយ៉ូ ស្គីឡាស៊ី (Orazio Schillaci)និយាយថា ក្រុមអាជ្ញាធរកំពុងតាមដានយ៉ាងយកចិត្តទុកដាក់នៅទីក្រុងរ៉ូម(Rome) និងជំរុញឲ្យ ប្រជាពលរដ្ឋថែរក្សាសុខភាព។ លោកបានប្រាប់កាសែត ធី អាយ ម៉េសេចជើរ៉ូ(Il Messaggero) កាលពីថ្ងៃអាទិត្យថាសីតុណ្ហភាពបានហក់ឡើងដល់៤៣អង្សាសេ ដូច្នេះអ្នកមិនគួរទៅកាន់សំណង់ស្ថាបត្យកម្មបុរាណដ៏ធំសម្បើម ពិសេសមនុស្សចាស់ដោយបន្ថែមថាប្រជាពលរដ្ឋគួរតែស្នាក់នៅក្នុងផ្ទះ អំឡុងថ្ងៃក្ដៅបំផុតចន្លោះម៉ោង ១១ថ្ងៃត្រង់ និងម៉ោង៦ល្ងាច។ នៅអេស្ប៉ាញក្រុមអ្នកព្យាករណ៍អាកាសធាតុ បានព្រមានពីគ្រោះថ្នាក់នៃភ្លើងឆេះព្រៃ និងបាននិយាយថា នឹងរំខានដល់ការទទួលទានដំណេកនៅពេលយប់ នៅពេលដែលសីតុណ្ហភាពទំនងជាមិនចុះក្រោម២៥អង្សាទេ នៅទូទាំងប្រទេស៕

អគ្គិភ័យឆេះទីតាំងផ្សារលក់សម្ភារៈសំណង់ចិនមួយកន្លែង ទាំងព្រឹក

ភ្នំពេញ៖ អគ្គិភ័យបានឆាបឆេះទីតាំងលក់គ្រឿងសម្ភារៈសំណង់ចិនមួយកន្លែងបានបង្កការភ្ញាក់ផ្អើលយ៉ាងខ្លាំង កម្លាំងសមត្ថកិច្ចចេញរថយន្តពន្លត់អគ្គិភ័យជាច្រើនគ្រឿងជួយអន្តគមន៍បាញ់ពន្លត់។ហេតុការណ៍នេះបានកើតឡើងកាលពីវេលាម៉ោង ៥និង១៥នាទីព្រឹក ថ្ងៃទី១៦ ខែកក្កដា ឆ្នាំ២០២៣ ស្ថិតនៅបណ្តោយផ្លូវបេតុងហាណូយ ទល់មុខខ្លោងទ្វារវត្តសំរោងអណ្តែត ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុម៉ោងប្រមាណ៤និង៤០នាទី ព្រឹកគេបានឃើញផ្សែងខ្មៅខ្លាំងហ៊ុយចេញពីទីតាំងកើតហេតុ ដោយឃើញមិនស្រួល អ្នកភូមិបានរាយការណ៍ទៅកាន់សមត្ថកិច្ចមូលដ្ឋាន ដើម្បីសុំជំនួយពីរថយន្តពន្លត់អគ្គិភ័យ។ក្រោយទទួលដំណឹងនេះ មន្ត្រីជំនាញអគ្គិភ័យការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានបញ្ចេញរថយន្តពន្លត់អគ្គិភ័យជាច្រើនគ្រឿងទៅកាន់ទីតាំងកើតហេតុ ដើម្បីធ្វើការអន្តរាគមន៍បាញ់ពន្លត់ភ្លាមៗ។ក្នុងហេតុការណ៍នេះមន្ត្រីជំនាញបានប្រើប្រាស់រថយន្តពន្លត់អគ្គិភ័យអស់ជាច្រើនគ្រឿង ដើម្បីធ្វើការបាញ់ពន្លត់ឲ្យទាន់ពេលវេលាដោយមិនបណ្តាលឲ្យរាលដាលធំជាងនេះ។ នៅក្នុងករណីអគ្គិភ័យនេះ បានឆាបឆេះខូចខាតសម្ភារៈប្រើប្រាស់ និងសម្ភារៈលក់ដូរអស់មួយចំនួន ប៉ុន្តែមិនបានបង្កអោយនរណាម្នាក់រងរបួសនោះទេ ចំពោះមូលហេតុនៃការឆាបឆេះ មន្ត្រីជំនាញកំពុងធ្វើការស្រាវជ្រាវ៕ អត្ថបទ៖ កុម្ភៈ

មន្ត្រី៖ ម៉ាស៊ីនរ៉ុក្កែតរបស់ជប៉ុន បានផ្ទុះក្នុងអំឡុងពេលធ្វើតេស្ត

មន្ត្រីម្នាក់បាននិយាយថា ម៉ាស៊ីនរ៉ុក្កែតមួយរបស់ជប៉ុន បានផ្ទុះក្នុងអំឡុងពេលធ្វើតេស្ត កាលពីថ្ងៃសុក្រ ដែលជាការធ្វើឲ្យខកចិត្តចុងក្រោយបំផុតដល់ទីភ្នាក់ងារអវកាសរបស់ប្រទេសនេះ។មន្ត្រីនៃក្រសួងវិទ្យាសាស្ត្រ និងបច្ចេកវិទ្យា លោក ណៅយ៉ា តាកេហ្គាមី (Naoya Takegami) បានថ្លែង ប្រាប់សារព័ត៌មានAFPថា Epsilon S ដែលជាគ្រាប់រ៉ុក្កែត Epsilon ប្រភេទថ្មី ដែលបានបរាជ័យ ក្នុងការបាញ់បង្ហោះក្នុងខែតុលា ឆ្នាំ២០២២ បានបំផ្ទុះរយៈពេលប្រហែល៥០វិនាទី បន្ទាប់ពីបង្ហោះឡើង។រូបភាពពីទូរទស្សន៍ជាតិ NHK បានបង្ហាញថា កន្លែងធ្វើតេស្តនៅភាគខាងជើងនៃខេត្តអាគីតា (Akita) ត្រូវបានឆាបឆេះជាអណ្តាតភ្លើង ហើយដុំផ្សែងពណ៌ប្រផេះដ៏ធំមួយ បានហោះឡើងទៅលើមេឃ។លោកតាកេហ្គាមី បានថ្លែងថា រហូតមកដល់ពេលនេះ មិនទាន់មានរបាយការណ៍អំពីអ្នករងរបួសពីទីភ្នាក់ងាររុករកអវកាសជប៉ុន (JAXA) ដែលកំពុងស៊ើបអង្កេតមូលហេតុនៃការផ្ទុះនេះ នៅឡើយទេ៕

ប្រជាជនថៃភាគច្រើនសោកស្ដាយជំនួសលោក ភីថា និងស្នើឱ្យគណបក្សលោកពិចារណាទម្លាក់ចោលច្បាប់ប្រមាថព្រះមហាក្សត្រ

ប្រជាជនថៃភាគច្រើនបានសម្តែងការខកចិត្ត និងសោកស្ដាយ ខណៈលោក ភីថា លីមចារើនរ៉ាត់ (Pita Limjaroenrat) ដែលជាបេក្ខជននាយករដ្ឋមន្ត្រីមកពីគណបក្សឆ្ពោះទៅមុខ (Move Forward) បានបរាជ័យក្នុងការបោះឆ្នោតសភាកាលពីថ្ងៃព្រហស្បតិ៍ (១៤ កក្កដា) ដោយសារសមាជិកគណបក្សអភិរក្សនិយមមិនបានបោះឆ្នោតតែងតាំងលោកឲ្យក្លាយជានាយករដ្ឋមន្រ្តីថ្មីនោះទេ។ប្រជាជនទីក្រុងបាងកកមួយចំនួនបានស្នើឱ្យគណបក្សរបស់លោក ភីថា ពិចារណាទម្លាក់ចោលផែនការធ្វើវិសោធនកម្មច្បាប់ប្រមាថព្រះមហាក្សត្រ ដើម្បីកុំឱ្យសមាជិកព្រឹទ្ធសភាមានលេសដើម្បីមិនបោះឆ្នោតឱ្យលោក ភីថា ធ្វើជានាយករដ្ឋមន្ត្រីទៀត។លោក ភីថា ដែលជាមេដឹកនាំគណបក្សឆ្ពោះទៅមុខ និងជាអ្នកឈ្នះការបោះឆ្នោតកាលពីថ្ងៃទី១៤ ខែឧសភានោះ មិនត្រូវបានជំទាស់នៅក្នុងការប្រជុំសភាទ្វេភាគីតែ ប៉ុន្តែលោកនៅខ្វះ៥១សំឡេងទើបអាចចាប់យកតំណែងកំពូលនេះបាន បន្ទាប់ពីត្រូវបានរារាំងដោយព្រឹទ្ធសភាដែលតែងតាំងដោយយោធារាជានិយមបន្ទាប់ពីការបោះឆ្នោតរដ្ឋប្រហារឆ្នាំ ២០១៤។ការបោះឆ្នោតនេះជាការសាកល្បងដ៏សំខាន់នៃឥទ្ធិពលនយោបាយរបស់លោក ភីថា និងជារង្វាស់នៃការប្រឆាំងចំពោះរបៀបវារៈប្រឆាំងការបង្កើតគណបក្សរបស់លោកផងដែរ៕

ប្រទេសអ៊ុយក្រែនទទួលបានគ្រាប់បែកចង្កោម ដោយសន្យាថា នឹងប្រើប្រាស់ដូចដែលបានកំណត់

ប្រទេសអ៊ុយក្រែន បានទទួលគ្រាប់បែកចង្កោមពីសហរដ្ឋអាមេរិក ជាគ្រាប់បែកដែលត្រូវបានហាមឃាត់នៅក្នុងប្រទេសជាង១០០ ប៉ុន្តែបានសន្យាថា នឹងប្រើវាដើម្បីបំបែកការប្រមូលផ្តុំរបស់ទាហានសត្រូវ។លោក វ៉ាឡឺយី សឺរហែន (Valeryi Shershen) អ្នកនាំពាក្យសម្រាប់ទីប្រជុំជនTavria ឬភាគខាងត្បូងនៃតំបន់យោធាកាលពីថ្ងៃព្រហស្បតិ៍ បានបញ្ជាក់ពីសេចក្តីប្រកាសមួយដោយមេបញ្ជាការរបស់ខ្លួនថា អាវុធបានមកដល់មួយសប្តាហ៍ បន្ទាប់ពីសហរដ្ឋអាមេរិក បាននិយាយថា ខ្លួននឹងបញ្ជូនពួកគេជាផ្នែកមួយនៃកញ្ចប់សន្តិសុខចំនួន ៨០០លានដុល្លារ។មន្ទីរបញ្ចកោណ ក៏បានប្រកាសពីការមកដល់នៃអាវុធទាំងនោះដែរ។ ចំណែកទីក្រុងមូស្គូ បានរិះគន់ដឹកជញ្ជូនអាវុធអស់ទាំងនោះ។ រដ្ឋមន្ត្រីការពារជាតិ លោក សឺរហ្គេយ៍ សូហ្គូ (Sergei Shoigu) បានព្រមានកាលពីថ្ងៃព្រហស្បតិ៍ថា រុស្ស៊ីអាចសម្រេចដាក់ពង្រាយអាវុធស្រដៀងគ្នានេះ ប្រសិនបើប្រឈមនឹងការប្រើប្រាស់របស់ពួកគេនោះ៕

ចិននិងអាស៊ាន អះអាងជាថ្មីនូវការប្តេជ្ញាចិត្ត ដើម្បីជំរុញភាពជាដៃគូយុទ្ធសាស្ត្រគ្រប់ជ្រុងជ្រោយ

ប្រទេសចិន និងសមាគមប្រជាជាតិអាស៊ីអាគ្នេយ៍ (អាស៊ាន) បានប្តេជ្ញាជំរុញភាពជាដៃគូយុទ្ធសាស្ត្រគ្រប់ជ្រុងជ្រោយរបស់ពួកគេនៅក្នុងកិច្ចប្រជុំរដ្ឋមន្ត្រីការបរទេសចិន-អាស៊ាន(១០+១) ដែលធ្វើឡើងនៅទីក្រុងហ្សាកាតា ប្រទេសឥណ្ឌូនេស៊ី កាលពីថ្ងៃព្រហស្បតិ៍។ប្រទេសចិន និងអាស៊ានបានអនុវត្តយ៉ាងសកម្មនូវគោលបំណង និងគោលការណ៍នៃសន្ធិសញ្ញាមិត្តភាព និងកិច្ចសហប្រតិបត្តិការនៅអាស៊ីអាគ្នេយ៍ (TAC) ហើយបានពង្រីកកិច្ចសហប្រតិបត្តិការដែលមានផលប្រយោជន៍ទៅវិញទៅមកលើគ្រប់វិស័យ ដោយបានបង្កើននូវមាគ៌ាត្រឹមត្រូវនៃការបង្កើតភាពជាអ្នកជិតខាងល្អយូរអង្វែង ខណៈពេលដែលសម្រេចបាននូវការអភិវឌ្ឍរួម និងការរីកចម្រើន នេះបើតាមការលើកឡើងរបស់ប្រធានការិយាល័យគណៈកម្មាធិការមជ្ឈិមបក្សកុម្មុយនីស្តទទួលបន្ទុកកិច្ចការបរទេសរបស់ប្រទេសចិន លោក Wang Yi នៅក្នុងកិច្ចប្រជុំដែលមានការចូលរួមពីរដ្ឋមន្ត្រីការបរទេសនៃប្រទេសជាសមាជិកអាស៊ាន អ្នកសង្កេតការណ៍អាស៊ាន និងអគ្គលេខាធិការអាស៊ានផងដែរ។លោក Wang បាននិយាយថា ភាគីទាំងពីរបានធ្វើការរួមគ្នាក្នុងការកសាងខ្សែក្រវាត់ និងផ្លូវ ព្រមទាំងសហគមន៍មួយដែលមានអនាគតរួមគ្នា ខណៈរួមគ្នាលើកកម្ពស់សមាហរណកម្មសេដ្ឋកិច្ចក្នុងតំបន់ និងការពង្រឹងមូលដ្ឋានគ្រឹះនៃសន្តិភាព និងស្ថិរភាព។លោកបានបន្តថា ប្រទេសចិននឹងធ្វើការរួមគ្នាជាមួយអាស៊ាន ដើម្បីជំរុញភាពជាដៃគូយុទ្ធសាស្ត្រគ្រប់ជ្រុងជ្រោយចិន-អាស៊ាន និងធ្វើការរួមចំណែកថ្មីៗដល់សន្តិភាព និងវិបុលភាពក្នុងតំបន់ផងដែរ៕

រដ្ឋមន្ត្រីការបរទេសឥណ្ឌូណេស៊ី៖ តំបន់ឥណ្ឌូប៉ាស៊ីហ្វិកមិនគួរក្លាយជា "សមរភូមិសង្គ្រាម" មួយទៀតនោះទេ

រដ្ឋមន្ត្រីការបរទេសឥណ្ឌូណេស៊ី លោកស្រី Retno Marsudi បានប្រដូចភាពតានតឹងភូមិសាស្ត្រនយោបាយនៅឥណ្ឌូ-ប៉ាស៊ីហ្វិកថាជា "សង្រ្គាមត្រជាក់នៅក្នុងទីក្តៅ" ក្នុងអំឡុងពេលកិច្ចប្រជុំកំពូលអាស៊ីបូព៌ាប្រចាំឆ្នាំនៅទីក្រុងហ្សាកាតានៅថ្ងៃសុក្រ (១៤ កក្កដា)នេះ។ដោយថ្លែងទៅកាន់សមាគមប្រជាជាតិអាស៊ីអាគ្នេយ៍ (អាស៊ាន) ដែលមានសមាជិកទាំង១០ប្រទេស និងដៃគូសន្ទនារបស់ខ្លួនលោកស្រី Retno ក៏បានសង្កត់ធ្ងន់លើស្ថិរភាព និងសន្តិភាពនៅក្នុងតំបន់ ដោយជំរុញឱ្យប្រទេសនានាកុំធ្វើឱ្យតំបន់ឥណ្ឌូ-ប៉ាស៊ីហ្វិកប្រែក្លាយជា "សមរភូមិសង្រ្គាម" មួយផ្សេងទៀតឡើយ។ក្រៅពីរដ្ឋមន្ត្រីការបរទេសទីម័រខាងកើត ដែលត្រូវបានអនុម័តជាគោលការណ៍ជាសមាជិកទី១១របស់ក្រុមនេះ មានវត្តមាននៅក្នុងកិច្ចប្រជុំ ក៏មានប្រមុខការទូតជាច្រើនមកពីប្រទេសចិន ជប៉ុន កូរ៉េខាងត្បូង ឥណ្ឌា អូស្ត្រាលី និងនូវ៉ែលហ្សេឡង់ផងដែរ។កិច្ចប្រជុំប្រចាំឆ្នាំដែលធ្វើឡើងនៅទីក្រុងហ្សាកាតាក្នុងឆ្នាំនេះ ក៏រួមបញ្ចូលនូវមហាអំណាចធំៗដូចជាចិន និងរុស្ស៊ីផងដែរ ហើយធ្វើឡើងនៅពេលដែលការសង្ស័យលើភាពជឿជាក់ និងការរួបរួមរបស់ប្លុកក្នុងការដោះស្រាយបញ្ហាប្រឈមដ៏គ្រោះថ្នាក់បំផុតក្នុងតំបន់នេះមានការកើនឡើង៕

WHO ចាត់ទុកសារធាតុaspartame (អាស្ប៉ាតាំ) ថាជា 'សារធាតុបង្កជំងឺមហារីក'

សារធាតុផ្អែមឈ្មោះ aspartame គឺជា "សារធាតុបង្កមហារីក" ប៉ុន្តែវានៅតែមានសុវត្ថិភាពក្នុងការប្រើប្រាស់ក្នុងកម្រិតដែលបានកំណត់ នេះបើយោងតាមប្រភពចំនួនពីរដែលមានទំនាក់ទំនងជាមួយអង្គការសុខភាពពិភពលោក(WHO)។សេចក្តីសម្រេចនេះ គឺជាលទ្ធផលនៃក្រុមអ្នកជំនាញរបស់អង្គការ WHO ពីរដាច់ដោយឡែកពីគ្នា ដែលមួយក្រុមក្នុងនោះបានលើកសំណួរថាតើមានភស្តុតាងណាមួយដែលថា សារធាតុនេះគឺជាគ្រោះថ្នាក់ដែលអាចកើតមាន ឬយ៉ាងណា និងមួយក្រុមទៀតវាយតម្លៃថាតើហានិភ័យនៃសារធាតុនោះទៅលើជីវិតមនុស្សមានកម្រិតប៉ុនណា។សារធាតុ Aspartame ( អាស្ប៉ាតាំ) គឺជាសារធាតុផ្អែមដ៏ពេញនិយមបំផុតមួយរបស់ពិភពលោក ដែលប្រើក្នុងផលិតផលជាច្រើនរាប់ពីភេសជ្ជៈកូកាកូឡា រហូតដល់ស្ករកៅស៊ូរបស់ក្រុមហ៊ុនMarsផងដែរ។ នៅក្នុងសន្និសីទសារព័ត៌មាននៅមុនការប្រកាសនេះ ប្រធានផ្នែកអាហារូបត្ថម្ភរបស់អង្គការសុខភាព ពិភពលោក លោក Francesco Branca បានព្យាយាមឲ្យអ្នកប្រើប្រាស់យល់អំពីសេចក្តីប្រកាសនេះដែលហាក់ដូចជាមានភាពចម្រូងចម្រាស ជាពិសេសអ្នកដែលព្យាយាមប្រើប្រាស់សារធាតុផ្អែមសិប្បនិម្មិតដើម្បីចៀសវាងការប្រើស្ករពិតប្រាកដ។នៅក្នុងសេចក្ដីសម្រេចដែលបានប្រកាសនៅថ្ងៃសុក្រ (១៤ កក្កដា)នេះ ម៉ោងនៅទីក្រុងហ្សឺណែវ ទីភ្នាក់ងារអន្តរជាតិសម្រាប់ការស្រាវជ្រាវលើជំងឺមហារីក (IARC) បាននិយាយថា សារធាតុ aspartame គឺជា "សារធាតុបង្កមហារីក" ដែលជាការប្រកាសដំបូងរបស់ខ្លួនស្តីពីសារធាតុបន្ថែមរសជាតិមួយនេះ។ សេចក្ដីសម្រេចនោះមានន័យថា មិនមានភ័ស្តុតាងគ្រប់គ្រាន់ដែលថាសារធាតុនេះអាចបង្កឱ្យមានជំងឺមហារីកនោះទេ៕

សហភាពអឺរ៉ុប ដកចេញការរឹតត្បិតការនាំចេញចំណីអាហារពីជប៉ុន ដែលមានការពាក់ព័ន្ធនឹងរោងចក្រនុយក្លេអ៊ែរ Fukushima

ប្រធានគណៈកម្មការសហភាពអឺរ៉ុបលោកស្រី Ursula Von der Leyen និយាយកាលពីថ្ងៃព្រហស្បតិ៍ថា សហភាពអឺរ៉ុប យល់ព្រមដកចេញការរឹតត្បិតដែលនៅសេសសល់លើការនាំចូលចំណីអាហារពីជប៉ុន ដែលជាប់ពាក់ព័ន្ធនឹងឧបទ្ទវហេតុរោងចក្រនុយក្លេអ៊ែរ Fukushimaកាលពីដើមឆ្នាំ ២០១១ ។ វិធានការរឹតត្បិតការនាំចេញចំណីអាហារពីជប៉ុន ត្រូវបានដាក់ចេញ ចាប់តាំងពីការរញ្ជួយដី និងរលកយក្សស៊ូណាមិ បានបំផ្លិចបំផ្លាញរោងចក្រថាមពលនុយក្លេអ៊ែរ Fukushima ស្ថិតនៅតាមតំបន់ឆ្នេរភាគកើតប្រទេសជប៉ុន និងនៅភាគខាងទីក្រុងតូក្យូ ជាហេតុធ្វើឲ្យខូចម៉ាស៊ីនរ៉េអាក់ទ័រជាច្រើនគ្រឿង ។ សហភាពអឺរ៉ុប និងជប៉ុន បានព្រមព្រៀងផងដែរដើម្បីដោះស្រាយបញ្ហាពាណិជ្ជកម្មជាច្រើនទៀតក្នុងឆ្នាំនេះ ជាពិសេសគឺការនាំចេញផលិតកសិកម្មអឺរ៉ុបចូលទៅក្នុងទីផ្សារជប៉ុន ៕

ប្រទេសកូឡុំប៊ីអបអរសេចក្តីសម្រេចរបស់ទីក្រុងឡាអេ លើជម្លោះដែនសមុទ្រជាមួយប្រទេសនីការ៉ាហ្គ័រ

កាលពីថ្ងៃព្រហស្បតិ៍ (១៣ កក្កដា) ប្រទេសកូឡុំប៊ីបានអបអរសេចក្តីសម្រេចរបស់តុលាការយុត្តិធម៌អន្តរជាតិ(ICJ) ដែលបានច្រានចោលបណ្តឹងរបស់ប្រទេសនីការ៉ាហ្គ័រ ដែលស្វែងរកការកំណត់ និងពង្រីកសិទ្ធិសេដ្ឋកិច្ចនៅដែនសមុទ្រជ្រៅរបស់ខ្លួនលើសពីអ្វីដែលបានបង្កើតឡើងពីមុន នៅក្នុងជម្លោះព្រំដែនសមុទ្រដែលអូសបន្លាយពេលយូរលើប្រជុំកោះនៃមហាសមុទ្រការាអ៊ីប ជាមួយប្រទេសកូឡុំប៊ី។ចៅក្រមនៅតុលាការពិភពលោកដែលមានទំនងជាមួយអង្គការសហប្រជាជាតិ ឬតុលាការយុត្តិធម៌អន្តរជាតិ បានរកឃើញថា សិទ្ធិសមុទ្រទឹកជ្រៅរបស់នីការ៉ាហ្គ័រក្នុងចម្ងាយ ២០០ម៉ាយល៍ណត់ (៣៧០គីឡូម៉ែត្រ) ត្រូវបានបង្កើតឡើងពីមុន ហើយបានបដិសេធការអំពាវនាវរបស់ប្រទេសនេះក្នុងការទាមទារឱ្យពង្រីកព្រំដែនសមុទ្រ។ប្រធានាធិបតីកូឡុំប៊ីលោក Gustavo Petro បានសាទរចំពោះសេចក្តីសម្រេចនេះ នៅក្នុងការបង្ហោះនៅលើបណ្ដាញសង្គម Twitter ដោយហៅការសម្រេចនោះថាជា "ជ័យជម្នះដ៏អស្ចារ្យសម្រាប់ប្រទេសកូឡុំប៊ី"។ រដ្ឋាភិបាលរបស់នីការ៉ាហ្គាបានឆ្លើយតបនៅក្នុងសេចក្តីថ្លែងការណ៍មួយដោយបញ្ជាក់ថា ខ្លួនបានទទួលស្គាល់សេចក្តីសម្រេចរបស់តុលាការថា "រឹងមាំ ច្បាស់លាស់ និងជាកាតព្វកិច្ចខ្លួន"។ចាប់តាំងពីដើមសតវត្សរ៍ទី២០មក ប្រទេសនីការ៉ាហ្គ័រ និងកូឡុំប៊ីបានឈ្លោះប្រកែកគ្នាអំពីកម្មសិទ្ធិនៃធនធានរ៉ែ និងដែនទឹកដែលសម្បូរដោយភោគផលត្រីនៅក្នុងសមុទ្រការាអ៊ីប ទោះបីជាប្រទេសទាំងពីរមិនមានព្រំដែនដីគោកជាប់គ្នាក៏ដោយ៕

បណ្ដាញសង្គម

ព័ត៌មានថ្មីៗ

ភ្ញៀវបរទេស ចាប់អារម្មណ៍ខ្លាំងចំពោះដំណើរកម្សាន្តនៅកម្ពុជា អំឡុងពិធីបុណ្យចូលឆ្នាំថ្មី

ក្រុមហ៊ុន CCCC បង្ហាញបំណងពង្រីកការវិនិយោគបន្ថែមនៅកម្ពុជា

ឯកអគ្គរដ្ឋទូតចប់អាណត្តិនៃសាធារណរដ្ឋតួកគីយ៉េ៖ កម្ពុជា-តួកគីយ៉េ នៅមានវិស័យសក្ដានុពលជាច្រើនទៀតដែលអាចពង្រីកកិច្ចសហប្រតិបត្តិការ

វេណេស៊ុយអេឡា អនុម័តច្បាប់រុករករ៉ែ ដើម្បីជំរុញការវិនិយោគបរទេស

មន្រ្តី ក.ប.ប. បង្កើនការចុះផ្សព្វផ្សាយនិងត្រួតពិនិត្យទំនិញនារដូវបុណ្យចូលឆ្នាំថ្មីប្រពៃណីជាតិ

ប៉ាគីស្ថានរឹតបន្តឹងសន្តិសុខនៅទីក្រុងអ៊ីស្លាម៉ាបាដ មុនកិច្ចប្រជុំតាមការរំពឹងទុករវាងអាមេរិក និងអ៊ីរ៉ង់

អ្នកជំនាញ៖ ជប៉ុនត្រូវការទំនាក់ទំនងជាមួយអ្នកផ្គត់ផ្គង់ប្រេងផ្សេងៗ រួមទាំងប្រទេសរុស្ស៊ីផងដែរ

ទូតចិនប្រចាំកម្ពុជាអបអរសាទរការបើកការដ្ឋានសាងសង់គម្រោងស្ថានីយអគ្គិសនីបូមទឹកស្តុកទុកតាតៃលើ ខណៈបន្ទាប់ពីសាងសង់រួចនឹងជួយពង្រឹងបណ្តាញអគ្គិសនីកម្ពុជា

សហភាពកសិកម្មមួយ កំពុងជួយកសិករឲ្យមានទីផ្សារកសិផលល្អ ទោះមានវិបត្តិជម្លោះព្រំដែនជាមួយប្រទេសជិតខាង

លោក ហ្សេឡិនស្គី និយាយថា អ៊ុយក្រែនប្រឈមនឹងសម្ពាធការទូត និងយោធាជាច្រើនខែ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877