នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់
គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ
សមត្ថកិច្ចឃាត់ខ្លួនជនបរទេស៣នាក់ ក្រោយរកឃើញសារធាតុញៀនប្រភេទកញ្ឆាជាង ១០០ដុំ ពេលត្រៀមចាកចេញពីកម្ពុជាតាមយន្តហោះ
ករណីបុរសម្នាក់ឡើងលើ​ផ្លូវ​ល្បឿ​ន​លឿនPK54 យក​ដែក​ដាក់​ទទឹង​ផ្លូវ​ត្រូវ​បាន​សមត្ថ​កិច្ច​នគរបាលស្រាវជ្រាវបង្រ្កាបបានហើយ

សន្តិសុខ និង សង្គម

កងរាជអាវុធហត្ថចាប់ខ្លួនឈ្មោះ ប៉េង ជីវ៉ា ដែលប្រើប្រាស់ឯកសណ្ឋានកងកម្លាំងប្រដាប់អាវុធដោយខុសច្បាប់ និងបានប្រើឈ្មោះថ្នាក់ដឹកនាំទៅឆបោកប្រជាពលរដ្ឋ

2026/08/15 03:46:40 pm        389
Facebook Telegram Linkin
នៅថ្ងៃទី១៤ ខែសីហា ឆ្នាំ២០២៦ កម្លាំងកងរាជអាវុធហត្ថបានស្វែងរកចាប់ខ្លួន បុគ្គលឈ្មោះ ប៉េង ជីវ៉ា បានហើយ បន្ទាប់ពីការផ្សព្វផ្សាយថា បុគ្គលនេះមិនមានមុខរបរពិតប្រាកដ តែបានប្រើប្រាស់ឯកសណ្ឋានយយោធា និងកងរាជអាវុធហត្ថបង្ហោះតាមបណ្ដាញសង្គម និងបានប្រើប្រាស់ឈ្មោះថ្នាក់ដឹកនាំទៅឆបោកប្រជាពលរដ្ឋ។ក្រោយទទួលបានព័ត៌មាននេះក្រសួងការពារជាតិបានបើកការស្រាវជ្រាវបន្ទាន់ ចំពោះបុគ្គលឈ្មោះ ប៉េង ជីវ៉ា និងកំណត់ឃើញថា ប៉េង ជីវ៉ា រស់នៅភូមិចាក់ខ្លាញ់ ឃុំពាមរក៍ ស្រុកពាមរក៍ ខេត្តព្រៃវែង ហើយបានបន្តស្រាវជ្រាវតាមចាប់ខ្លួនបុគ្គលនេះបាន ដែលបុគ្គលនេះបានទៅស្នាក់នៅផ្ទះខាងប្រពន្ធរបស់គេ នៅក្នុងស្រុកកោះសូទិន ខេត្តកំពង់ចាម ដោយដកហូតបានភស្តុតាងមួយចំនួន រួមទាំងឯកសណ្ឋានកងយោពលខេមរភូមិន្ទផងដែរ។អ្នកនាំពាក្យកងរាជអាវុធហត្ថលើផ្ទៃប្រទេសបានបញ្ជាក់ថា បុគ្គល ប៉េង ជីវ៉ា ពុំមានឈ្មោះក្នុងបញ្ជីគ្រប់គ្រងរបស់កងរាជអាវុធហត្ថឡើយ។ ទីចាត់ការបុគ្គលិក អគ្គបញ្ជាការដ្ឋាន ក្រសួងការពារជាតិក៏បានឱ្យដឹងថា ថ្មីៗនេះ មានព័ត៌មានក្នុងបណ្តាញសង្គមពាក់ព័ន្ធជាមួយបុគ្គលឈ្មោះ ប៉េង ជីវ៉ា ប្រើប្រាស់ឯកសណ្ឋានយោធិន នៃកងយោធពលខេមរភូមិន្ទ និងយកឈ្មោះថ្នាក់ដឹកនាំមកប្រើថែមទៀតនោះ គឺមិនមានឈ្មោះ ប៉េង ជីវ៉ា នៅក្នុងប្រព័ន្ធគ្រប់គ្រងទិន្នន័យយោធិន ទីចាត់ការបុគ្គលិក អគ្គបញ្ជាការដ្ឋាន នោះទេ។បច្ចុប្បន្នឈ្មោះ ប៉េង ជីវ៉ា ត្រូវបានសមត្ថកិច្ចស្រាវជ្រាវចាប់ខ្លួនបានហើយ និងកំពុងកសាងសំណុំរឿងអនុវត្តតាមនីតិវិធីច្បាប់៕ អត្ថបទ ៖ ប្រាក់ វ៉ាន់ដា

នគរបាលនឹងចាប់អនុវត្តវិធានការច្បាប់ជាថ្មីលើរថយន្តធុនធំ និងការដឹកសំពីងសំពោង នៅដើមសប្តាហ៍ក្រោយ

2026/08/15 03:27:13 pm        415
Facebook Telegram Linkin
នគរបាលនឹងចាប់អនុវត្តវិធានការច្បាប់ជាថ្មីឡើងវិញលើរថយន្តធុនធំចូលក្នុងម៉ោងហាមឃាត់ និងការដឹកសំពីងសំពោង នៅដើមសប្តាហ៍ក្រោយតទៅ ។ នៅថ្ងៃទី១៧ ខែសីហា ឆ្នាំ២០២៦ដើមសប្តាហ៍ក្រោយនេះ កម្លាំងនគរបាលការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ នឹងបើកការចុះអនុវត្តការរឹតបន្តឹងច្បាប់ តាមរយៈការប្រើប្រាស់វិធានការច្បាប់ជាធរមាន ដោយមិនមានការលើកលែង លើរថយន្តធុនធំ និងយានយន្តទាំងឡាយណាដែលដឹកទំនិញ ឬឥវ៉ាន់សំពីងសំពោង ងាយបង្កគ្រោះថ្នាក់ជាយថាហេតុ ឬបង្កការកកស្ទះចរាចរណ៍ នៅលើដងផ្លូវសាធារណៈ ។ ការអនុវត្តនេះ ធ្វើឡើងក្រោមបទបញ្ជា និងគោលការដឹកនាំរបស់លោក ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក្រោមការដឹកនាំកម្លាំងជំនាញចុះអនុវត្តផ្ទាល់ដោយលោកឧត្តមសេនីយ៍ទោ ហេង រតនា ស្នងការរងទទួលផែនការងារនគរបាលចរាចរណ៍ ស្របពេលដែលកំណើនគ្រោះថ្នាក់ចរាចរណ៍មានការកើនឡើងគួរកត់សម្គាល់ ក្នុងភូមិសាស្ត្ររាជធានីភ្នំពេញ ។ វិធានការចុះអនុវត្តដដែលនេះ គឺ នឹងត្រូវធ្វើឡើង ក្នុងភូមិសាស្ត្រខណ្ឌចំនួន០៥ ជាអាទិភាពស្របតាមបំរាមណែនាំរបស់រដ្ឋបាលរាជធានីភ្នំពេញ រួមមានខណ្ឌដូនពេញ , ចំការមន , ៧មករា , បឹងកេងកង និងខណ្ឌទួលគោក ជាដើម ស្របពេលដែលមុនការចុះអនុវត្ត កម្លាំងជំនាញ ក៏តែងបានចុះជាប់លាប់ក្នុងការផ្សព្វផ្សាយអប់រំណែនាំអ្នកបើកបរល្មើសទាំងឡាយឲ្យចូលរួមគោរបច្បាប់ឲ្យបានខ្ជាប់ខ្ជួនជាបន្តបន្ទាប់មករហូតដែរ ។ ពលរដ្ឋ គាំទ្រចំពោះការរឹតបន្តឹងច្បាប់ឡើងវិញ ពិសេសវិធានការណ៍តឹងចំពោះរថយន្តធុនធំ និងដឹកសំពីងសំពោងខាងលើនេះឯង ដែលជាកត្តាងាយបង្កឲ្យកើតមានគ្រោះថ្នាក់ ។ ពលរដ្ឋបន្ថែម ការអនុវត្តរបស់សមត្ថកិច្ចអាចទទួលប្រសិទ្ធិភាពទៅបាន គឺទាមទារការចូលរួមគោរពច្បាប់ពីអ្នកដំណើរផងដែរ ទើបធានាបាន ពីសុខសុវត្ថិភាពលើដងផ្លូវសាធារណៈ កាត់បន្ថយបានពីការកើតមានគ្រោះថ្នាក់ ។ គួរបញ្ជាក់ផងដែរថា ការអនុវត្តច្បាប់ចរាចរណ៍ជាថ្មីឡើងវិញ នឹងត្រូវបានធ្វើឡើងពេញលេញនៅថ្ងៃទី០១ ខែកញ្ញា ឆ្នាំ២០២៦ ស្របពេលដែលគ្រោះថ្នាក់ចរាចរណ៍ បានបន្តការគំរាមកំហែងខ្ពស់ដល់សុវត្ថិភាពចរាចរណ៍សាធារណៈក្នុងពេលបច្ចុប្បន្ននេះ ខណៈត្រឹមរយៈពេល០៦ខែ នៃឆ្នាំ២០២៦ មនុស្សជាង៧០០នាក់បានស្លាប់ និងរាប់រយនាក់ផ្សេងទៀតរងរបួស ដោយសារគ្រោះថ្នាក់ចរាចរណ៍ ក្នុងក្របខណ្ឌទូទាំងប្រទេស ។ ការចុះអនុវត្តរឹតបន្តឹងច្បាប់ពេញលេញឡើងវិញជាថ្មីនេះ គឺនឹងត្រូវធ្វើឡើង ក្នុងក្របខណ្ឌរាជធានីខេត្តចំនួន០៥តែប៉ុណ្ណោះ មានរាជធានីភ្នំពេញជាអាទិ៍ , ខេត្តព្រះសីហនុ , កំពង់ស្ពឺ , កណ្តាល និងខេត្តស្វាយរៀងតែប៉ុណ្ណោះ ៕ អត្ថបទ៖ លីហេង

ចៅក្រមសម្រេចឃុំខ្លួនបណ្ដោះអាសន្នស្ដ្រីដែលជេរប្រមាថកងទ័ព

2026/08/14 08:42:31 pm        681
Facebook Telegram Linkin
ចៅក្រមស៊ើបសួរសាលាដំបូងរាជធានីភ្នំពេញបានសម្រេចឃុំខ្លួនស្ដ្រីដែលជេរប្រមាថកងទ័ពនៅមណ្ឌលអប់រំកែប្រែទី២ ក្រោមបទចោទចំនួន២។​នៅល្ងាចថ្ងៃទី១៤ ខែសីហា ឆ្នាំ២០២៦ លោក វ៉ាន់ សុបញ្ញា ចៅក្រមស៊ើបសួរសាលាដំបូងរាជធានីភ្នំពេញបានសម្រេចចេញដីកាបង្គាប់ឱ្យឃុំខ្លួនបណ្ដោះអាសន្នជនត្រូវចោទឈ្មោះ ចិន្តា សុវណ្ណារី ភេទស្រី អាយុ៣១ឆ្នាំ មុខរបរអាជីវករ ដោយដាក់ឱ្យស្ថិតក្រោមការត្រួតពិនិត្យតាមផ្លូវតុលាការពីបទធ្វើឱ្យខូចទឹកចិត្តកងទ័ព និងប្រមាថចំពោះអ្នករាជការសាធារណៈ ដែលបានប្រព្រឹត្តនៅបុរីML ផ្ទះលេខ១ ផ្លូវលេខ១ ភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ កាលពីថ្ងៃទី១ ខែសីហា ឆ្នាំ២០២៦ តាមមាត្រា៤៧២ និងមាត្រា៥០២ នៃក្រមព្រហ្មទណ្ឌ។យោងតាមដីកាបង្គាប់ឱ្យឃុំខ្លួនបណ្ដោះអាសន្នរបស់ចៅក្រមស៊ើបសួរសាលាដំបូងរាជធានីភ្នំពេញបានបង្គាប់ឱ្យភ្នាក់ងារមានសមត្ថកិច្ចនៃកងកម្លាំងសាធារណៈនាំខ្លួនជនត្រូវចោទឈ្មោះ ចិន្តា សុវណ្ណារី ទៅមណ្ឌលអប់រំកែប្រែទី២ និងបានបង្គាប់ឱ្យប្រធានមណ្ឌលអប់រំកែប្រែទី២ ទទួលឃុំខ្លួនជនត្រូវចោទ។ការសម្រេចរបស់ចៅក្រមស៊ើបសួរសាលាដំបូងរាជធានីភ្នំពេញ គឺបន្ទាប់ពីតំណាងអយ្យការសម្រេចចោទប្រកាន់ជនត្រូវចោទនៅរសៀលថ្ងៃទី១៤ ខែសីហា ឆ្នាំ២០២៦។ក្នុងសំណុំរឿងនេះឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅព្រឹកថ្ងៃទី១៤ ខែសីហា ឆ្នាំ២០២៦ លោកបានពឹងពាក់មេធាវី សម្រាប់ការពារក្ដីជូនជនរងគ្រោះជាវីរកងទ័ពឈ្មោះ រិ រិទ្ធ ដើម្បីឱ្យស្របនិងនីតិវិធីច្បាប់ ក្នុងការធ្វើបណ្ដឹង និងបន្តនីតិវិធីនៅតុលាការ ខណៈដែលជនរងគ្រោះកំពុងឈរជើងនៅប្រាសាទតាមាន់ក្នុងកងពលតូចលេខ៤២។ឧត្តមសេនីយ៍ឯក ជួន ណារិន្ទ បានបញ្ជាក់ថា ក្រុមមេធាវីបានចាប់ផ្ដើមដំណើរការ ការពារក្ដីនេះដោយស្របច្បាប់ហើយ។សូមជម្រាបថា ជនត្រូវចោទឈ្មោះ ចិន្តា សុវណ្ណារី ជាម្ចាស់គណនីហ្វេសប៊ុក Mr.8 gaming បានផ្សព្វផ្សាយលក់ទូរស័ព្ទតាមអនឡាញ ត្រូវបាននគរបាលខណ្ឌដង្កោ និងនគរបាលព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួនកាលពីព្រឹកថ្ងៃទី១៣ ខែសីហា ឆ្នាំ២០២៦ ដោយអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ក្រោយពីជនត្រូវចោទបានជេរប្រមាថទៅលើអតិថិជនរបស់ខ្លួនជាវីរកងទ័ព ដែលបានបញ្ជាទិញទូរស័ព្ទតាមអនឡាញ៕អត្ថបទ ៖ ប្រាក់ វ៉ាន់ដា

តំណាងអយ្យការចោទប្រកាន់ស្ដ្រីជេរប្រមាថកងទ័ព ចំនួន២បទល្មើស គឺបទធ្វើឲ្យខូចទឹកចិត្តកងទ័ព និងប្រមាថចំពោះអ្នករាជការសាធារណៈ

2026/08/14 05:46:01 pm        268
Facebook Telegram Linkin
ភ្នំពេញ ៖ សំណុំរឿងស្ត្រីឈ្មោះ ចិន្ដា សុវណ្ណារី ម្ចាស់គណនីហ្វេសប៊ុក Mr.8 gaming ដែលផ្សព្វផ្សាយលក់ទូរស័ព្ទតាមអនឡាញ ហើយជេរប្រមាថអតិថិជនដែលជាកងទ័ព ត្រូវបានតំណាងអយ្យការសម្រេចចោទប្រកាន់តាមនីតិវិធីបើកការស៊ើបសួរពីបទ ធ្វើឲ្យខូចទឹកចិត្តកងទ័ព និងប្រមាថចំពោះអ្នករាជការសាធារណៈ តាមមាត្រា៤៧២ និងមាត្រា៥០២ នៃក្រមព្រហ្មទណ្ឌ។នេះបើតាមការបញ្ជាក់ពីលោក ឆាយ ហុង ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញបានប្រាប់ទូរទស្សន៍ BTV នៅនៅរសៀលថ្ងៃទី១៤ ខែសីហា ឆ្នាំ២០២៦។ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញបានឱ្យដឹងថា នៅព្រឹកថ្ងៃទី១៤ ខែសីហា ឆ្នាំ២០២៦ លោកបានពឹងពាក់មេធាវី សម្រាប់ការពារក្ដីជូនជនរងគ្រោះ គឺវីរកងទ័ពឈ្មោះ រិ រិទ្ធ ដើម្បីឱ្យស្របនិងនីតិវិធីច្បាប់ ក្នុងការធ្វើបណ្ដឹង និងបន្តនីតិវិធីនៅតុលាការដែលគាត់កំពុងឈរជើងនៅប្រាសាទតាមាន់ក្នុងកងពលតូចលេខ៤២។ ឧត្តមសេនីយ៍ឯក ជួន ណារិន្ទ បានបញ្ជាក់ថា ក្រុមមេធាវីកំពុងរៀបចំចាប់ផ្ដើមដំណើរការ ការពារក្ដីនេះដោយស្របច្បាប់ហើយ។សូមជម្រាបថា ជនត្រូវចោទឈ្មោះ ចិន្តា សុវណ្ណារី អាយុ៣២ឆ្នាំ ជនជាតិខ្មែរ មុខរបរលក់ដូរ មានទីលំនៅស្ថិតនៅបុរីML ផ្ទះលេខ១ ផ្លូវលេខ១ ភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ ជាម្ចាស់គណនីហ្វេសប៊ុក Mr.8 gaming ដែលផ្សព្វផ្សាយលក់ទូរស័ព្ទតាមអនឡាញ ត្រូវបាននគរបាលខណ្ឌដង្កោ និងនគរបាលព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួនកាលពីវេលាម៉ោង០៧:៣០នាទី ថ្ងៃទី១៣ ខែសីហា ឆ្នាំ២០២៦ ដោយអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។បន្ទាប់ពីឃាត់ខ្លួនសាកសួរមួយថ្ងៃនៅដំណាក់កាលនគរបាលយុត្តិធម៌ នៅព្រឹកថ្ងៃទី១៤ ខែសីហា ឆ្នាំ២០២៦ នគរបាលរាជធានីភ្នំពេញបានបញ្ជូនខ្លួន និងសំណុំរឿងស្ត្រីឈ្មោះ ចិន្តា សុវណ្ណារី ទៅកាន់អយ្យការអមសាលាដំបូងរាជធានីភ្នំពេញ ដើម្បីធ្វើការចោទប្រកាន់ និងបន្តនីតិវិធីតាមផ្លូវច្បាប់ ហើយនៅរសៀលថ្ងៃទី១៤ សីហាដដែលតំណាងអយ្យការសម្រេចចោទប្រកាន់ចំនួន២បទល្មើស ហើយបានបញ្ជូនសំណុំរឿងទៅសាលាដំបូងរាជធានីភ្នំពេញ ដើម្បីចៅក្រមស៊ើបសួរបន្តនីតិវិធី៕អត្ថបទ ៖ ប្រាក់ វ៉ាន់ដា

នគរបាលប្រឆាំងការជួញដូរមនុស្ស និងការពារអនីតិជន បន្តចុះបង្ក្រាបទីតាំងឈ្មោះ «ដារ៉ា៧២» ពាក់ព័ន្ធករណីសង្ស័យបង្កប់សកម្មភាពកេងប្រវ័ញ្ចផ្លូវភេទលើអនីតិជន

2026/08/14 04:42:57 pm        510
Facebook Telegram Linkin
ភ្នំពេញ៖ កម្លាំងនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជន សហការជាមួយអាជ្ញាធរមូលដ្ឋាន បានចុះប្រតិបត្តិការឆ្មក់ត្រួតពិនិត្យ និងឡោមព័ទ្ធទីតាំងហាងមួយកន្លែងឈ្មោះ «ដារ៉ា៧២» ឃាត់ខ្លួនមនុស្សចំនួន១៨នាក់ ពាក់ព័ន្ធករណីសង្ស័យបង្កប់សកម្មភាពកេងប្រវ័ញ្ចផ្លូវភេទលើអនីតិជន (ពេស្យាចារកុមារ)។ប្រតិបត្តិការនេះបានធ្វើឡើងកាលពី វេលាយប់ ថ្ងៃទី១៣ ខែសីហា ឆ្នាំ២០២៦ ដោយទទួលបានបទបញ្ជា ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងក្រោមការរដឹកនាំសម្របសម្រួលនីតិវិធីពីលោកស្រីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងការដឹកនាំផ្ទាល់ពីលោក ឧត្តមសេនីយ៍ទោ សុក សំបូរ ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន កម្លាំងជំនាញនៃនាយកដ្ឋាន សហការជាមួយអាជ្ញាធរមូលដ្ឋាន បានចុះប្រតិបត្តិការឆ្មក់ត្រួតពិនិត្យ និងឡោមព័ទ្ធទីតាំងហាងមួយកន្លែងឈ្មោះ «តារា៧២» មានទីតាំងស្ថិតនៅផ្លូវលូប្រាំ ភូមិទ្រា៤ សង្កាត់មានជ័យ៣ ខណ្ឌមានជ័យ រាជធានីភ្នំពេញ។ក្នុងប្រតិបត្តិការនេះ កម្លាំងជំនាញបានឃាត់ខ្លួនមនុស្សចំនួន១៨នាក់ ក្នុងនោះមានអនីតិជន ចំនួន៣នាក់ ដើម្បីធ្វើការសាកសួរ និងកំណត់អត្តសញ្ញាណ។ មន្រ្តីនគរបាលជំនាញបានបញ្ជាក់ថា ចំពោះជនរងគ្រោះបន្ទាប់ពីបញ្ចប់ការសាកសួររួចរាល់នឹងត្រូវបញ្ជូនទៅកាន់មន្ទីសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ ដើម្បីទទួលបានការគាំពារ និងកិច្ចគាំទ្រនានាតាមផ្លូវច្បាប់ ចំណែកជនសង្ស័យនឹងត្រូវបញ្ជូនទៅតុលាកាដើម្បីបន្តនីតិវិធី។ អគ្គស្នងការដ្ឋាននគរបាលជាតិ និងនាយកដ្ឋានប្រឆាំងអំពើជួញដូរមនុស្ស និងការពារអនីតិជន សូមក្រើនរំលឹកដល់ម្ចាស់អាជីវកម្ម និងអ្នកពាក់ព័ន្ធទាំងអស់ ត្រូវតែចូលរួមអនុវត្តច្បាប់ និងមិនអនុញ្ញាតឱ្យមានការប្រើប្រាស់អនីតិជនក្នុងគ្រប់ទម្រង់នៃកេងប្រវ័ញ្ចផ្លូវភេទ និងការងារធ្ងន់ធ្ងរឡើយ។ សកម្មភាពបង្ការ ទប់ស្កាត់ និងបង្ក្រាបបទល្មើសជួញដូរមនុស្ស និងការកេងប្រវ័ញ្ចលើអនីតិជន នឹងបន្តអនុវត្តយ៉ាងម៉ឺងម៉ាត់ ដើម្បីការពារសុវត្ថិភាព និងអនាគតរបស់កុមារកម្ពុជាអនុលោមតាមប្រសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាលកម្ពុជា ក៏ដូចជាថ្នាក់ដឹកនាំក្រសួងមហាផ្ទៃ និងអគ្គស្នងការនគរបាលជាតិ។ សូមរាយការណ៍មកលេខទូរស័ព្ទទាន់ហេតុការណ៍ ១២៨៨ ក្នុងករណីសង្ស័យមានអំពើកេងប្រវ័ញ្ចគ្រប់ទម្រង់លើអនីតិជន៕ អត្ថបទ៖ កុម្ភៈ 

នគរបាលរាជធានីបង្ហាញមុខក្រុមទំនើង ៣២នាក់ពាក់ព័ន្ធបទល្មើស ៦ករណីផ្សេងគ្នា

2026/08/14 04:33:39 pm        341
Facebook Telegram Linkin
ក្រុមក្មេងទំនើង ៣២នាក់ ពាក់ព័ន្ធបទល្មើស ៦ករណីផ្សេងគ្នា ត្រូវកម្លាំងនគរបាល​ព្រហ្មទណ្ឌ​កំរិត​ស្រាល នៃស្នងការដ្ឋាននគរបាលរាធានីភ្នំពេញស្រាវជ្រាវ បង្ក្រាបជាបន្តបន្ទាប់ក្នុងរយៈពេល ៣ថ្ងៃ និងធ្វើការបង្ហាញមុខជាសាធារណៈ នាព្រឹកថ្ងៃទី១៤ ខែសីហាឆ្នាំ២០២៦ នៅក្នុង ស្នងការដ្ឋាននគរបាលរាធានីភ្នំពេញ ។លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល ប្រាប់ឲ្យដឹងថា ដោយអនុវត្តន៍តាមបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញ ដឹកនាំដោយលោកឧត្តសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ កម្លាំងនគរបាលព្រហ្មទណ្ឌកំរិតស្រាល សហការជាមួយនគរបាលខណ្ឌជ្រោយចង្វារ ខណ្ឌពោធិ៍សែនជ័យ និង ខណ្ឌមានជ័យ រយៈពេល ៣ថ្ងៃ គឺថ្ងៃទី១១ ដល់ថ្ងៃទី១៤ ខែសីហា ឆ្នាំ២០២៦ ស្រាវជ្រាវឃាត់ខ្លួនជនសង្ស័យជាបន្តបន្ទាប់ ៣២នាក់ ពាក់ព័ន្ធប្រព្រឹត្តិបទល្មើស ៦ករណីផ្សេងៗពីគ្នា ក្នុងនោះ មានសារធាតុញៀន ០៨នាក់ ។ ក្រុមក្មេងទំនើងទាំង ៣២នាក់ដែលត្រូវសមត្ថកិច្ចបង្ក្រាប មាន ៦ធីម ឈ្មោះ ធីមបឹងកេងកង, ផ្សារដើមថ្កូវ, កាប់គោ, កាប់ស្លុយ, ជឹមទឹកមាត់, កាហ្វេកែងចិន ។លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាល ប្រាប់បញ្ជាក់ឲ្យដឹងថា កាលពីវេលាម៉ោង០៣ និង៤៥ នាទី ទាបភ្លឺ ថ្ងៃទី០៩ ខែសីហា ឆ្នាំ២០២៦ ក្រុមក្មេងទំនើងជាច្រើននាក់បានប្រើអំពើហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ព្រួតគ្នាជិះម៉ូតូដេញធាក់ម៉ូតូជនរងគ្រោះបណ្តាលឲ្យដួលម៉ូតូ ចំនួន ០២គ្រឿងរងការខូចខាត និងជនរងគ្រោះរងរបួសចំនួន ០២នាក់ ក្នុងនោះរងរបួសធ្ងន់ម្នាក់ និងរងរបួសស្រាល ម្នាក់ ) កើតហេតុនៅចំណុចមុខផ្ទះលក់គ្រឿងសំណង់ ផ្លូវជាតិលេខ៦អា ក្រុម៤ ភូមិគៀនឃ្លាំង សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ។ជនរងគ្រោះឈ្មោះ យឺន ពូលី ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ កម្មករកាប់គោ និង ជនរងគ្រោះម្នាក់ទៀតឈ្មោះ ឡោះ សៃនី ភេទ ប្រុស អាយុ ១៧ ឆ្នាំ ជនជាតិ ខ្មែរ ។បង្កឡើងដោយជនសង្ស័យជាក្រុមក្មេងទំនើងឈ្មោះ បឹងកេងកង (BKK), ក្រុមផ្សារដើមថ្កូវ (TTR),ក្រុមកាប់គោ (KKO),ក្រុមកាប់ស្លុយ (KS) ,ក្រុមមាត់ទឹក (MT) និងក្រុមកាហ្វេកែងចិន (CKJ) ។ ក្រោយកើតហេតុសមត្ថកិច្ចជំនាញការិយាល័យសហការជាមួយនគរបាលខណ្ឌជ្រោយចង្វារបើកការស្រាវជ្រាវបង្ក្រាបបាន ១០នាក់ ដកហូតវត្ដុតាងមួយចំនួន ដើម្បីចាត់ការនីតិវិធី ។ចំពោះជនសង្ស័យ និងវត្ថុតាងពាក់ព័ន្ធ ជំនាញការិយាល័យព្រហ្មទណ្ឌកំរិតស្រាលរាជធានីភ្នំពេញ កំពុងកសាងសំណុំរឿងបញ្ជូនទៅកាន់សាលាដំបូង រាជធានីភ្នំពេញ ដើម្បីផ្តន្ទាទោសតាមនីតិវិធី ។ ចំណែកបក្ខពួកដែលនៅសេសសល់សមត្ថកិច្ចជំនាញកំពុងតាមចាប់បន្តទៀត៕ អត្ថបទ ៖ តារាវុទ្ធី 

សំណុំរឿងស្ត្រីជេរប្រមាថកងទ័ពកំពុងស្ថិតក្នុងនីតិវិធីរបស់អយ្យការអមសាលាដំបូងរាជធានីភ្នំពេញ

2026/08/14 12:54:37 pm        418
Facebook Telegram Linkin
សំណុំរឿងស្ត្រីម្ចាស់គណនីហ្វេសប៊ុក Mr.8 gaming ដែលផ្សព្វផ្សាយលក់ទូរស័ព្ទតាមអនឡាញ ហើយ​ជេរប្រមាថអតិថិជនដែលជាកងទ័ព និងត្រូវបាននគរបាលទៅឃាត់ខ្លួនដល់លំនៅដ្ឋាន កំពុង​ស្ថិតក្នុងនីតិវិធីរបស់អយ្យការអមសាលាដំបូងរាជធានីភ្នំពេញ។ នេះបើ​តាម​ការ​បញ្ជាក់ពីលោក ឆាយ ហុង ព្រះរាជអាជ្ញារង និងជាអ្នកនាំ​ពាក្យ​អយ្យការ​អម​សាលា​ដំបូង​រាជ​ធានី​ភ្នំពេញបានប្រាប់ទូរទស្សន៍ BTV នៅវេលាថ្ងៃត្រង់ថ្ងៃទី១៤ ខែសីហា ឆ្នាំ២០២៦។  ស្ត្រីរូបនេះឈ្មោះ ចិន្តា សុវណ្ណារី អាយុ៣២ឆ្នាំ ជនជាតិខ្មែរ មុខរបរលក់ដូរ មានទីលំនៅស្ថិតនៅបុរីML ផ្ទះលេខ១ ផ្លូវលេខ១ ភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ ជាម្ចាស់គណនីហ្វេសប៊ុក Mr.8 gaming ដែលផ្សព្វផ្សាយលក់ទូរស័ព្ទតាមអនឡាញ ត្រូវបាននគរបាលខណ្ឌដង្កោ និងនគរបាលព្រហ្មទណ្ឌកម្រិតស្រាលរាជធានីភ្នំពេញឃាត់ខ្លួនកាលពីវេលាម៉ោង០៧:៣០នាទី ថ្ងៃទី១៣ ខែសីហា ឆ្នាំ២០២៦ ពាក់ព័ន្ធករណីធ្វើឱ្យខូចទឹកចិត្តកងទ័ព ដោយអនុវត្តតាមបទបញ្ជារបស់ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ។  បន្ទាប់ពីឃាត់ខ្លួនសាកសួរមួយថ្ងៃនៅដំណាក់កាលនគរបាលយុត្តិធម៌ នៅព្រឹកថ្ងៃទី១៤ ខែសីហា ឆ្នាំ២០២៦ នគរបាលរាជធានីភ្នំពេញបានបញ្ជូនខ្លួន និងសំណុំរឿងស្ត្រីឈ្មោះ ចិន្តា សុវណ្ណារី ទៅកាន់អយ្យការអមសាលាដំបូងរាជធានីភ្នំពេញ ដើម្បីធ្វើការចោទប្រកាន់ និងបន្តនីតិវិធីតាមផ្លូវច្បាប់៕ អត្ថបទ ៖ ប្រាក់ វ៉ាន់ដា 

សមត្ថកិច្ចពិន័យយានយន្តលើ្មសជាង ១ម៉ឺនគ្រឿង និងដកពិន្ទុបណ្ណបើកបរជាង ១ម៉ឺនពិន្ទុ ក្នុងឆមាសទី១ ឆ្នាំ២០២៦

2026/08/14 11:39:06 am        412
Facebook Telegram Linkin
ក្នុងឆមាសទី១ ឆ្នាំ២០២៦នេះ សមត្ថកិច្ចក្រសួងមហាផ្ទៃ បានអនុវត្តវិធានការរឹតបន្តឹងច្បាប់ចរាចរណ៍ផ្លូវគោក ដោយបានផាកពិន័យយានយន្តល្មើសច្បាប់សរុបចំនួន ១៤.៨៦៧គ្រឿង នៅទូទាំងប្រទេស។ នេះបើយោងតាមរបាយការណ៍គណៈកម្មាធិការជាតិសុវត្ថិភាពចរាចរណ៍ផ្លូវគោក ចេញផ្សាយក្នុងកិច្ចប្រជុំ គណៈកម្មាធិការជាតិសុវត្ថិភាពចរាចរណ៍ផ្លូវគោក ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការ កាលពីថ្ងៃទី១១ ខែសីហាកន្លងទៅនេះ។បើតាមរបាយការណ៍ ក្នុងចំណោមនោះ ទោចក្រយានយន្ត ឬម៉ូតូ និងត្រីចក្រយានយន្ត មាន ៩.៣៤៤គ្រឿង ភាគច្រើនល្មើសដោយសារមិនពាក់មួកសុវត្ថិភាព៦៣ភាគរយ បើកបរក្នុងស្ថានភាពស្រវឹង២៣ភាគរយ មិនគោរពសញ្ញា១៣ភាគរយ និងគ្មានផ្លាកលេខសម្គាល់១ភាគរយ។ ចំណែករថយន្តមាន៥.៥២៣គ្រឿង ក្នុងនោះរថយន្តធុនធ្ងន់៧០គ្រឿង ខណៈអត្រាល្មើស មានជាអាទិ៍ បើកបរលើសល្បឿនកំណត់ ៤៧ភាគរយ បើកបរក្នុងស្ថានភាពស្រវឹង ៣៤ភាគរយ មិនគោរពសញ្ញាចរាចរណ៍១២ភាគរយ គ្មានបណ្ណបើកបរ ៥ភាគរយ និងគ្មានផ្លាកលេខសម្គាល់ ២ភាគរយ។ក្រៅពីការផាកពិន័យនៅនឹងកន្លែង សមត្ថកិច្ចក៏បានដកពិន្ទុបណ្ណបើកបរ និងពិន័យតាមរយៈឧបករណ៍បច្ចេកទេសសរុប ១៥.២១០នាក់ ក្នុងនោះមានស្ត្រី ២.២២៦នាក់។ ការដកពិន្ទុទាំងនោះរួមមាន ដកពិន្ទុ ៣៩៥ពិន្ទុលើអ្នកបើកម៉ូតូល្មើសចំនួន ៩.៤៦៧គ្រឿង ដកពិន្ទុ ១០.៤១០ពិន្ទុលើអ្នកបើកបររថយន្តធុនស្រាលចំនួន៥.៦៣២គ្រឿង និងដកពិន្ទុ៨៧ពិន្ទុ លើអ្នកបើកបររថយន្តធុនធ្ងន់ចំនួន១១១គ្រឿង។ ដល់ចំនួនកំណត់មួយ សមត្ថកិច្ចនិងដកហូតបណ្ណបើកបរទាំងនោះតែម្ដង។ សូមបញ្ជាក់ ក្នុងឆមាសទី១ ឆ្នាំ២០២៦ គ្រោះថ្នាក់ចរាចរណ៍កើតឡើងសរុប ១.២៧៩លើក បណ្ដាលឱ្យមនុស្សស្លាប់ ៧៧៣នាក់ និងរបួសធ្ងន់ ស្រាលសរុប ១.៩៤៤នាក់។ សម្រាប់មូលហេតុដែលបង្កឱ្យមានគ្រោះថ្នាក់រួមមាន បើកបរលើសល្បឿនកំណត់ ៤៦ភាគរយ មិនគោរពសិទ្ធិអាទិភាព ២២ភាគរយ មិនប្រកាន់ស្ដាំ ១២ភាគរយ ប្រជែងគ្រោះថ្នាក់៧ភាគរយ បត់មិនប្រយត្ន៦ភាគរយ បើកបរក្នុងស្ថានភាពស្រវឹង ៤ភាគរយ មិនគោរពសញ្ញាចរាចរណ៍២ភាគរយ និងកត្តាយានយន្ត១ភាគរយ៕ 

គ្រោះថ្នាក់ចរាចរណ៍សម្លាប់មនុស្សជាង៧០០នាក់ និងរបួសរាប់រយនាក់ ត្រឹមតែ៦ខែដើមឆ្នាំនេះ

2026/08/13 05:26:49 pm        438
Facebook Telegram Linkin
ក្នុងឆមាសទី១ ឆ្នាំ២០២៦ គ្រោះថ្នាក់ចរាចរណ៍ផ្លូវគោកនៅទូទាំងប្រទេស បានកើតឡើង ១.២៧៩ករណី បណ្តាលឱ្យមានមនុស្សស្លាប់ចំនួន៧៧៣នាក់ និងរងរបួសធ្ងន់ស្រាលចំនួន ១.៩៤៤នាក់។ ចំនួននេះ បើធៀបនឹងរយៈពេលដូចគ្នាក្នុងឆ្នាំ២០២៥ កើនឡើង២១៣ករណី ស្មើ២០ភាគរយ ចំនួនអ្នកស្លាប់កើន៧៩ នាក់ស្មើ ១១ភាគរយ និងចំនួនអ្នករបួសកើន ៤៦៨នាក់ ស្មើ៣២ភាគរយ។ នេះបើតាមរបាយការណ៍គណៈកម្មាធិការជាតិសុវត្ថិភាពចរាចរណ៍ផ្លូវគោក។យោងតាមរបាយការណ៍ ក្នុងកិច្ចប្រជុំកាលពីថ្ងៃទី១១ ខែសីហានេះ ក្រោមអធិបតីភាព ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក ក្នុងចំណោមករណីសោកនាដកម្មទាំងនោះ ការបើកបរល្មើសល្បឿន មាន៤៦ភាគរយ មិនគោរពសិទ្ធិ ២២ភាគរយ មិនប្រកាន់ស្តាំ ១២ភាគរយ ប្រជែងគ្រោះថ្នាក់ ៧ភាគរយ បត់មិនប្រយ័ត្ន ៦ភាគរយ ស្រវឹង ៤ភាគរយ មិនគោរពសញ្ញាចរាចរណ៍ ២ភាគរយ និងកត្តាយានយន្ត១ភាគរយ។កាន់តែគួរឱ្យកត់សម្គាល់ទៀតនោះ របាយការណ៍ បង្ហាញទៀតតួលេខយ៉ាងច្បាស់ៗថា ក្នុងចំណោមអ្នកស្លាប់ទាំងអស់ អ្នកជិះម៉ូតូមានរហូតដល់៨០ភាគរយ ក្នុងនោះមិនបានពាក់មួកសុវត្ថិភាពមានចំនួន ៦៣ភាគរយ ខណៈគ្រោះថ្នាក់ភាគច្រើនបានកើតឡើងនៅរាជធានីភ្នំពេញមានចំនួន ៤៦១ លើក ខេត្តព្រះសីហនុ ៩២លើក កណ្តាល ៧៥លើក កំពង់ស្ពឺ ៥៧លើក និងខេត្តស្វាយរៀង ៥៥លើក។សូមបញ្ជាក់ថា ត្រឹមតែក្នុងរយៈពេល១០ថ្ងៃដើមខែសីហានេះ គ្រោះថ្នាក់ចរាចរណ៍បានបណ្ដាលឱ្យអ្នកដំណើរ៥២នាក់ស្លាប់ និង៧៥អ្នកទៀតរងរបួសធ្ងន់ស្រាល។ បញ្ហាគ្រោះថ្នាក់ចរាចរណ៍ បានក្លាយជាប្រធានបទចោទនារយៈពេលចុងក្រោយនេះ។ បញ្ហាចោទ គឺដោយសារមានកំណើនករណីបុកស្លាប់ បង្កឡើងដោយអ្នកបើកបររថយន្ត និងករណីគ្រោះថ្នាក់បណ្ដាលមកពីការបើកបរក្រោមឥទ្ធិពលនៃគ្រឿងស្រវឹង និងលើសល្បឿនកំណត់។ និន្នាការនេះបានហក់ឡើងខ្ពស់ក្រោយពីសមត្ថកិច្ច មិនបានអនុវត្តច្បាប់មួយរយៈ។ លោក ទូច សុឃៈ អ្នកនាំពាក្យរងក្រសួងមហាផ្ទៃ បានបញ្ជាក់ថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឯកភាពតាមការស្នើសុំរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក អនុញ្ញាតឱ្យមន្ត្រីនគរបាលចរាចរណ៍រឹតបន្តឹងការអនុវត្តច្បាប់ឡើងវិញ ចាប់ពីថ្ងៃទី១ ខែកញ្ញា ឆ្នាំ២០២៦តទៅ។ អ្នកនាំពាក្យបានសង្កត់ធ្ងន់ថា ការអនុវត្តរឹតបន្ដឹងច្បាប់ចរាចរណ៍ផ្លូវគោកនេះ អនុវត្តតែនៅក្នុងភូមិសាស្ត្រដែលកើតមានគ្រោះថ្នាក់ចរាចរណ៍ច្រើនជាងគេ ពោលគឺនៅរាជធានីភ្នំពេញ ខេត្តព្រះសីហនុ កណ្ដាល កំពង់ស្ពឺ និងខេត្តស្វាយរៀង។ ការរឹតបន្តឹងនេះ ផ្តោតសំខាន់ទៅលើអំពើល្មើសដែលបង្កឱ្យមានគ្រោះថ្នាក់ រួមមាន ការបើកបរលើសល្បឿនកំណត់ ការបើកបរក្នុងស្ថានភាពស្រវឹង ការមិនគោរពសញ្ញាសិទ្ធិអាទិភាព និងភ្លើងស្តុប ព្រមទាំងការដឹកជញ្ជូនទំនិញសំពីងសំពោង៕

ជាង៧ខែ ជនបរទេសជាង៥ម៉ឺននាក់ត្រូវបានបណ្ដេញចេញពីកម្ពុជា ក្នុងនោះមាន ១ម៉ឺន៧ពាន់នាក់ពាក់ព័ន្ធ Online Scams

2026/08/11 11:49:46 am        414
Facebook Telegram Linkin
ភ្នំពេញ៖ ក្នុងរយៈពេលជាង ៧ខែ ក្នុងឆ្នាំ២០២៦នេះ អគ្គនាយកដ្ឋានអន្តោប្រវេសន៍បានបណ្តេញជនបរទេសជាង ៥ម៉ឺននាក់ ចេញពីកម្ពុជា ដោយក្នុងនោះជាង ១ម៉ឺន ៧ពាន់នាក់ ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (Online Scams)។ ការបណ្តេញចេញនេះ គឺជាការអនុវត្តតាមបទបញ្ជា និងវិធានការច្បាប់យ៉ាងម៉ឺងម៉ាត់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី។ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍បាន​ថ្លែង​ប្រាប់ BTVថា ក្រោយ​ពី​​បា​ន​ធ្វើ​ការបោសសម្អាត​ការឆបោក​តាមប្រព័ន្ធបច្ចេកវិទ្យា (Online Scams) គិតចាប់ពីថ្ងៃទី១ ខែ​មករា មកដល់ថ្ងៃទី១០ ខែសីហា ឆ្នាំ២០២៦ អគ្គនាយកដ្ឋានអ​ន្តោប្រវេស​ន៍បាន​បណ្តេញ​ជន​បរទេស​ចេញ​ពីកម្ពុជាមាន​ចំនួនជាង ៥ម៉ឺននាក់ ដោយក្នុងនោះពាក់ព័ន្ធជាមួយ Online Scams គឺ​មាន​ចំនួនជាង ១ម៉ឺន ៧ពាន់នាក់។ ហើយចំពោះការងារនេះនៅតែបន្តទៅតាម​គោល​នយោបាយ និង​ការណែនាំរបស់រាជរដ្ឋាភិបាលដែលមានសម្តេចធិបតីហ៊ុន ម៉ាណែត ជាប្រធាន​គណៈ​កម្មការចំពោះ​​កិច្ចនឹង​បន្ត​ធ្វើការបោសសម្អាត​ការឆបោកតាមប្រព័ន្ធបច្ចេកិទ្យាបន្តទៅ​មុខ​ទៀត​។ ​ការប្រព្រឹត្តបទល្មើសរបស់ជន​បរទេស​នៅកម្ពុជាមានដូចជា ឆ្លងដែនខុស​ច្បាប់ចូល​មក​ក្នុង​ប្រទេស ការស្នាក់នៅខុសច្បាប់។ ហើយនៅពេលខាងមុខនេះ អគ្គនាយកដ្ឋានអន្តប្រវេសន៍ និង​អគ្គ​នាយកដ្ឋានការងារ នៃក្រសួងការងារនងបណ្តុះណ្តាលវិជ្ជាជីវ នឹងធ្វើ​ការ​ចុះ​ត្រួត​ពិនិត្យ​ហត្ថ​ពលករបរទេសចាប់ពីខែក្រោយថា តើជនបរទេសដែល​មក​ធ្វើ​ការ​នៅ​ក្នុងប្រ​ទេស​កម្ពុជា​ស្រប​ច្បាប់​ឬ​ក៏​ខុសច្បាប់ ឬក៏មានប័ណ្ណការងារត្រឹមត្រូវែរឬទេ?អគ្គនាយកដ្ឋានអន្តោប្រវេសន៍បានបញ្ជាក់ទៀតថា ជនបរទេសជាអ្នកធ្វើការឆបោកតាម​ប្រព័ន្ធ​បច្ចេក​វិទ្យា ប៉ុន្តែឥឡវឈានដល់មួយកម្រិតទៀតគឺ​មានពលរដ្ឋខ្មែរមួយចំនួនអាចនឹងពាក់ព័ន្ធ ហើយ​នឹង​ធ្វើសកម្មភាពដោយខ្លួនអែងទៅទៀត។ ហើយសមកុំឲ្យ​ប្រជាពលរដ្ឋចាញ់បោកគេ និង​សុំ​កុំ​ប្រព្រឹត្តពាក់ព័ន្ធជាមួយ​នឹងការឆបោកតាមប្រព័ន្ធបច្ចេកវិទ្យា ពោលគឺពលរដ្ឋខ្មែរបោក​ប្រាស់​ពលរដ្ឋ​ខ្មែរ​គ្នាអែងជាបន្តទៀតតាម​អ្វីដែលក្រុម​ឧក្រិដ្ឋ​ជនណែនាំ។ហើយពលរដ្ឋខ្មែរជាស្ត្រី​ក៏​មាន​ការ​ចាញ់​បោកមេខ្យល់​នាំទៅធ្វើការនៅក្រៅប្រទេសថាបានកម្រៃច្រើន គឺសូមឲ្យប្រុង​ប្រយ័ត្ន​ពី​ព្រោះ​ការ​ឆបោកនេះមិនត្រឹមតែជនបរទេសទេ ឥឡូវនេះដល់ពលរដ្ឋខ្មែរ ហើយ​ពលរដ្ឋ​ខ្មែរ​ជា​ស្ត្រី​ក៏​មាន​ការ​ចាញ់បោកទៅប្រទេស​ក្រៅច្រើនដែរ។ ហើយត្រូវបានប្រទេសជិតខាង ឬក៏​ប្រទេស​ដែល​មាន​ការ​ពាក់​ព័ន្ធបានបញ្ជូនត្រឡប់មកវិញ។ ហើយសូមឲ្យប្រជាពលរដ្ឋមានការ​ប្រុង​ប្រយ័ត្ន​កុំ​ជឿតា​ម​​ការ​ឆបោករបស់ជនមួយចំនួន។ អគ្គនាយកដ្ឋានអន្តោប្រវេសន៍បានបញ្ជាក់ថា ការបណ្តេញ​ជន​បរទេស​ចេញ​ពី​កម្ពុជា​ធ្វើ​ឡើង​បន្ទាប់​ពី​សមត្ថកិច្ចរកឃើញថា ពួកគេបានពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា ករណី​លួច​ស្នាក់​នៅ និងធ្វើការងារខុសច្បាប់ ប្រតិបត្តិការបណ្ដេញចេញជនជាតិបរទេសខុសច្បាប់នេះ គឺ​ជា​ការ​អនុវត្តតាមបទបញ្ជា និងវិធានការច្បាប់យ៉ាងម៉ឺងម៉ាត់បំផុតរបស់សម្តេចធិបតី ហ៊ុន ម៉ាណែត ដែលកន្លងមកសម្តេចធិបតីធ្លាប់បានបញ្ជាក់ជំហរយ៉ាងច្បាស់ៗថា៖ «កម្ពុជា​មិន​អនុញ្ញាត​ឱ្យ​ឧក្រិដ្ឋជន ឬជនខុសច្បាប់ប្រើប្រាស់ទឹកដីកម្ពុជា ជាទីតាំងធ្វើសកម្មភាពឆបោក ឬ​ប្រព្រឹត្ត​បទ​ល្មើសបង្កអសន្តិសុខដល់តំបន់ និងពិភពលោកឡើយ។ អាជ្ញាធរត្រូវ​តែ​បន្ត​បោស​សម្អាត​ បង្ក្រាប និងបណ្ដេញចេញដោយគ្មានការលើកលែង ដើម្បីការពារកិត្តិយស និងសន្តិសុខ​ជាតិ​»​៕ អត្ថបទ៖ វង្ស សុភាព 

បណ្ដាញសង្គម

ព័ត៌មានថ្មីៗ

ស្ពានកោះនរា-មេគង្គឃី៖ ច្រកយុទ្ធសាស្ត្រថ្មីជំរុញសេដ្ឋកិច្ច ការតភ្ជាប់ និង​ការ​អភិវឌ្ឍ​ទី​ក្រុង​រណប​អរិយក្សត្រ
10/20/2026 12:10 PM
Facebook Telegram Linkin
ធនាគារ FTB ចុះកិច្ចព្រមព្រៀងជាមួយ SME Bank និង CGCC គាំទ្រហិរញ្ញវត្ថុបៃតង និងការអភិវឌ្ឍសេដ្ឋកិច្ច ប្រកបដោយចីរភាព
10/20/2026 12:10 PM
Facebook Telegram Linkin
រដ្ឋមន្ត្រីក្រសួងបរិស្ថាន ធ្វើបទបង្ហាញជូនឧត្តមក្រុមប្រឹក្សាអំពីវឌ្ឍនភាពនៃអភិបាលកិច្ចចំពោះបរិបទបរិស្ថាននៅកម្ពុជា
10/20/2026 12:10 PM
Facebook Telegram Linkin
អតីតយុទ្ធជននៅខេត្តកំពង់ឆ្នាំង ខិតខំដាំដំណាំរួមផ្សំ២៧មុខ បង្កើនជីវភាពគ្រួសារឱ្យធូរធារជាងមុន ក្រោយទទួលបានដី និងផ្ទះពីសម្តេចតេជោ ហ៊ុន សែន
10/20/2026 12:10 PM
Facebook Telegram Linkin
ភ្នំពេញក្រោន នៅតែមិនស្គាល់ឈ្នះ ក្រោយរកបាន ១ពិន្ទុទាំងពិបាកពីឡាយហ្វព្រះសីហនុ
10/20/2026 12:10 PM
Facebook Telegram Linkin
កម្ពុជា-ហ្វីលីពីន ឯកភាពជំរុញកិច្ចសហប្រតិបត្តិការរវាងកងទ័ព និងកងទ័ពឱ្យកាន់តែស៊ីជម្រៅ
10/20/2026 11:10 AM
Facebook Telegram Linkin
លោក ត្រាំ ថា អាមេរិកអាចដកខ្លួនចេញពីអ៊ីរ៉ង់នៅពេលនេះ ហើយអ៊ីរ៉ង់នឹងមិនអាចមានអាវុធនុយក្លេអ៊ែរឡើយ
10/20/2026 11:10 AM
Facebook Telegram Linkin
កម្ពុជាឈ្នះមេដាយតេក្វាន់ដូនិម្មិតអាស៊ាន ១៦គ្រឿង និង​ត្រូវ​បានមើល​ឃើញ​សក្ដានុពល​ពី​ជំនាញ​ការអន្ដរជាតិ
10/20/2026 11:10 AM
Facebook Telegram Linkin
សហរដ្ឋអាមេរិកហាមប្រាម AI DeepSeek របស់ចិនពីប្រព័ន្ធ IT របស់ទីភ្នាក់ងាររដ្ឋាភិបាល
10/20/2026 11:10 AM
Facebook Telegram Linkin
អគ្គនាយករងក្រសួងរ៉ែ និងថាមពល ដែលផ្ទុះអាវុធបណ្ដាលឱ្យរងរបួសកូនប្រុស ត្រូវបានតំណាងអយ្យការចោទប្រកាន់២បទល្មើស
10/20/2026 11:10 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.