BTV NEWS

កម្លាំងជំនាញបន្តឆ្មក់ចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនបរទេស ២៧នាក់

គណៈបញ្ជាការឯកភាពរាជធានីចុះបង្ក្រាបទីតាំងឆបោកតាមប្រពន្ធ័បច្ចេកវិទ្យា នៅខណ្ឌសែនសុខ ឃាត់ជនសង្ស័យ០៨នាក់

បណ្តេញជនបរទេសជិត ៥០០នាក់ ចេញពីកម្ពុជាករណីឆបោកតាមប្រព័ន្ធអនឡាញ

កងរាជអាវុធហត្ថ កំពុងស្រាវជ្រាវតាមចាប់ខ្លួនមេខ្លោងធំពាក់ព័ន្ធករណីគ្រឿងញៀនប្រមាណជិត ២០០គីឡូក្រាម

សន្តិសុខ និង សង្គម

ទាហានអ៊ីស្រាអែល ៨នាក់ បានស្លាប់ក្នុងការវាយប្រហារ នៅហ្កាហ្សាភាគខាងត្បូង ក្នុងរយៈពេលប៉ុន្មានខែនេះ

យោធា បាននិយាយកាលពីថ្ងៃសៅរ៍ថា ការផ្ទុះមួយនៅតំបន់ហ្កាហ្សាភាគខាងត្បូង បានសម្លាប់ទាហាន អ៊ីស្រាអែល ៨នាក់ ដែលជាការវាយប្រហារដ៏សាហាវបំផុតលើកងកម្លាំងអ៊ីស្រាអែល ក្នុងរយៈពេលប៉ុន្មានខែនេះ។ការវាយប្រហារ ដែលកើតឡើងជាង ៨ខែ ក្លាយទៅក្នុងសង្រ្គាមដ៏ក្រៀមក្រំ ដែលបង្ហាញសញ្ញាតិចតួចនៃការបញ្ចប់ក្នុងពេលឆាប់ៗនេះ ទំនងជាជំរុញការអំពាវនាវថ្មីសម្រាប់បទឈប់បាញ់ដោយក្រុមបាតុករអ៊ីស្រាអែល។ ការអំពាវនាវនេះ ក៏បានកើតឡើង នៅពេលដែលរដ្ឋាភិបាល ប្រឈមមុខនឹងការខឹងសម្បាយ៉ាងទូលំទូលាយចំពោះការលើកលែងពីការបម្រើយោធាសម្រាប់ក្រុមយុវជនកាន់សាសនាគ្រិស្តអូស្សូដុកជ្រុលនិយម។ អ៊ីស្រាអែល បានបើកការវាយលុកតាមផ្លូវអាកាស និងជើងគោកនៅតំបន់ហ្កហ្សា ជាការឆ្លើយតបទៅនឹងការវាយប្រហារឆ្លងព្រំដែន កាលពីថ្ងៃទី៧ ខែតុលា ដោយក្រុមហាម៉ាស និងក្រុមសកម្មប្រយុទ្ធផ្សេងទៀត ដែលបានសម្លាប់មនុស្សប្រហែល ១.២០០នាក់ និងបានចាប់មនុស្ស ២៥០នាក់ផ្សេងទៀត ធ្វើជាចំណាប់ថ្នូរ ។ ការវាយលុករបស់អ៊ីស្រាអែល បានសម្លាប់ជនជាតិប៉ាឡេស្ទីនជាង ៣៧.០០០នាក់។ នេះបើយោងតាមមន្ត្រីសុខាភិបាលក្នុងតំបន់ ដែលមិនបែងចែករវាងជនស៊ីវិល និងក្រុមសកម្មប្រយុទ្ធទេ។ការវាយប្រហារនេះ ក៏បានបង្កឲ្យមានគ្រោះមហន្តរាយមនុស្សធម៌ នៅតំបន់ហ្កាហ្សា ដែលជាង ៨០ភាគរយនៃចំនួនប្រជាជនត្រូវបានផ្លាស់ទីលំនៅ និងការរឹតបន្តឹងរបស់អ៊ីស្រាអែល និងការប្រយុទ្ធគ្នាដែលកំពុងបន្ត បានរារាំងដល់កិច្ចខិតខំប្រឹងប្រែង ដើម្បីនាំយកជំនួយមនុស្សធម៌ ដែលជំរុញឲ្យមានការស្រេកឃ្លានរីករាលដាល។ការផ្ទុះកាលពីថ្ងៃសៅរ៍ បានកើតឡើងនៅក្នុងទីក្រុងរ៉ាហ្វា ជាទីក្រុងភាគខាងត្បូង ដែលអ៊ីស្រាអែលបានកំណត់ថា ជាបន្ទាយដ៏សំខាន់ចុងក្រោយរបស់ក្រុមហាម៉ាស។ អ៊ីស្រាអែល បានបញ្ជូនកងទ័ពជើងគោកទៅកាន់ទីក្រុងនេះ កាលពីដើមខែឧសភា ហើយមិនបានផ្តល់ការចង្អុលបង្ហាញថា នៅពេលណាដែលប្រតិបត្តិការនេះ នឹងបញ្ចប់នោះទេ។

ចំហេះព្រៃនៅរដ្ឋ California សហរដ្ឋអាមេរិក បង្ខំឱ្យមនុស្សជាង ១.០០០ នាក់ត្រូវជម្លៀសខ្លួន

អាជ្ញាធរបាននិយាយថា ចំហេះព្រៃដែលឆាបឆេះនៅភាគពាយព្យនៃទីក្រុង ឡូសអែនជឺលេស (Los Angeles) កាលពីថ្ងៃអាទិត្យ (១៦ មិថុនា) បានបង្ខំឱ្យមានការជម្លៀសមនុស្សជាង ១.០០០ នាក់ ពីតំបន់កម្សាន្តដ៏ពេញនិយមមួយ និងបានឆាបឆេះលើផ្ទៃដីជិត ៥.០០០ ហិកតា។ក្រុមពន្លត់អគ្គិភ័យប្រមាណ ៤០០នាក់ ប្រដាប់ដោយរថយន្តពន្លត់អគ្គិភ័យចំនួន ៧០គ្រឿង និងរថយន្តឈូសឆាយពីរគ្រឿង កំពុងប្រយុទ្ធនឹងចំហេះ ដោយពេលនេះមានត្រឹមតែ ២ ភាគរយប៉ុណ្ណោះដែលអាចគ្រប់គ្រងបាន នេះបើយោងតាមនាយកដ្ឋានអគ្គិភ័យរដ្ឋ កាលីហ្វ័រនីញ៉ា (California)។ ចំហេះកំពុងឆេះខ្លាំងនៅភាគខាងត្បូងនៃទីក្រុង ហ្គ័រមែន (Gorman) រដ្ឋកាលីហ្វ័រនីញ៉ា ចម្ងាយប្រហែល ៩៦,៥ គីឡូម៉ែត្រ ភាគពាយព្យនៃទីក្រុង ឡូសអែនជឺលេស។នាយកដ្ឋានអគ្គិភ័យរដ្ឋនិយាយថា ចំហេះដែលបានចាប់ផ្តើមនៅរសៀលថ្ងៃសៅរ៍ កំពុងរំកិលទៅភាគអាគ្នេយ៍ ឆ្ពោះទៅបឹងពីរ៉ាមីត (Pyramid Lake)។ មនុស្សប្រហែល ១.២០០ នាក់ត្រូវបានជម្លៀសចេញពីតំបន់កម្សាន្ត ហាំងគ្រី វ៉ាលេយ (Hungry Valley) ដែលផ្លូវជាច្រើនខ្សែត្រូវបានបិទចាប់តាំងពីចំហេះបានកើតឡើង ហើយរហូតមកដល់ពេលនេះ ហេដ្ឋារចនាសម្ព័ន្ធចំនួនពីរកន្លែងត្រូវបានបំផ្លាញ។នាយកដ្ឋានអគ្គិភ័យរដ្ឋនិយាយថា កិច្ចប្រឹងប្រែងទប់ស្កាត់ចំហេះកំពុងត្រូវបានរារាំងដោយសារសីតុណ្ហភាពខ្ពស់ សំណើមទាប និងខ្យល់បក់ខ្លាំង ដែលព្យាករថានឹងបន្តរហូតដល់យប់ថ្ងៃអាទិត្យ។ យន្តហោះទម្លាក់ទឹកកំពុងធ្វើការដើម្បីបញ្ឈប់ការរាលដាលនៃចំហេះ ខណៈដែលអ្នកពន្លត់អគ្គិភ័យកំពុងព្យយាមបង្កើតខ្សែបន្ទាត់ជុំវិញទីតាំងឆេះ ក្នុងកិច្ចខិតខំប្រឹងប្រែងដើម្បីឱ្យចំហេះព្រៃនេះស្ថិតនៅក្រោមការគ្រប់គ្រងបន្ថែមទៀត៕

ប្រជាជនប្រេស៊ីល ចេញធ្វើបាតុកម្មគាំទ្រទាមទារការធ្វើឲ្យស្របច្បាប់នៃកញ្ឆា

ប្រជាជនប្រទេសប្រេស៊ីល បានចេញធ្វើបាតុកម្មនៅទីក្រុង Sao Paulo កាលពីថ្ងៃអាទិត្យ សម្រាប់ការហែរក្បួនគាំទ្រ ដោយទាមទារឱ្យមានការធ្វើឱ្យស្របច្បាប់នៃកញ្ឆា។ ការចេញធ្វើបាតុកម្មនេះ ធ្វើឡើងបន្ទាប់ពីសភាប្រទេសប្រេស៊ីលបានអនុម័ត កំណែទម្រង់រដ្ឋធម្មនុញ្ញនៃគ្រឿងញៀន ដែលស្វែងរកការផ្តន្ទាទោសចំពោះការកាន់កាប់គ្រឿងញៀន ដោយមិនគិតពីបរិមាណនិងសារធាតុ នេះបើយោងតាមប្រព័ន្ធផ្សព្វផ្សាយក្នុងស្រុក។បច្ចុប្បន្ន មានច្បាប់ដាក់ទោសចំពោះការកាន់កាប់សារធាតុញៀន ខណៈប្រព័ន្ធផ្សព្វផ្សាយក្នុងស្រុកបានរាយការណ៍ថា ចំណាត់ការរបស់សភា គឺដើម្បីឆ្លើយតបទៅនឹងដំណើរការតុលាការដែលកំពុងធ្វើការនៅតុលាការសហព័ន្ធកំពូល ដើម្បីកាត់ទោសការកាន់កាប់កញ្ឆាក្នុងផ្នែកតូចៗ សម្រាប់ការប្រើប្រាស់ផ្ទាល់ខ្លួន។បច្ចុប្បន្ននេះ កំណែទម្រង់រដ្ឋធម្មនុញ្ញនៃគ្រឿងញៀន ត្រូវបានវិភាគនៅក្នុងគណៈកម្មាការពិសេសមួយនៅក្នុងសភា មុនពេលត្រូវបានបោះឆ្នោតនៅក្នុងសម័យប្រជុំពេញអង្គ។ នេះគឺជាការរៀបចំធ្វើបាតុកម្មលើទី១៦ នៃការគាំទ្រ ការស្វែងរកធ្វើឱ្យស្របច្បាប់នៃការប្រើប្រាស់កញ្ឆា។

អ្នកធ្វើធម្មយាត្រាហាជី(Hajj)១៩ នាក់បានស្លាប់ដោយសារកម្ដៅខ្លាំងនៅក្នុងប្រទេសអារ៉ាប៊ីសាអ៊ូឌីត

ក្រសួងការបរទេសរបស់ប្រទេសហ្ស៊កដានីបាននិយាយនៅក្នុងសេចក្តីថ្លែងការណ៍មួយថា អ្នកធ្វើធម្មយាត្រាជនជាតិហ្ស៊កដានីចំនួន ១៤នាក់បានស្លាប់ និង ១៧ នាក់ផ្សេងទៀតបានបាត់ខ្លួន ក្នុងអំឡុងប្រារព្ធពិធីបុណ្យ ហាជី (Hajj) ។ ក្រោយមកក្រសួងបានបញ្ជាក់ថាអ្នកទាំង១៤នាក់បានស្លាប់បន្ទាប់ពីធ្លាក់ខ្លួនឈឺដោយសាររលកកម្ដៅខ្លាំង។ប្រធានអឌ្ឍចន្ទក្រហមអ៊ីរ៉ង់លោក ភៀហូសេន គូលីវ៉ាន(Pirhossein Koolivand) បាននិយាយដាច់ដោយឡែកពីគ្នាថា អ្នកធ្វើធម្មយាត្រាអ៊ីរ៉ង់ចំនួន ៥ នាក់បានស្លាប់រហូតមកដល់ពេលនេះនៅទីក្រុង ម៉េកា (Mecca)និង ទីក្រុង ម៉េឌីណា (Medina) ក្នុងអំឡុងពិធីបុណ្យ ហាជី ឆ្នាំនេះ ដោយពុំបាននិយាយថាពួកគេស្លាប់ដោយរបៀបណានោះទេ។ ពិធិ ដែលជាការជួបជុំខាងសាសនាមួយក្នុងចំណោមពិធីដ៏ធំបំផុតជាច្រើនមួយរបស់ពិភពលោក គឺជាសសរស្តម្ភមួយក្នុងចំណោមសសរស្តម្ភទាំងប្រាំរបស់សាសនាឥស្លាម ហើយអ្នកកាន់សាសនាឥស្លាមទាំងអស់ដែលមានមធ្យោបាយត្រូវតែប្រារព្ធយ៉ាងហោចណាស់ឲ្យបានម្តងដែរ។សីតុណ្ហភាពបានកើនលើសពី៤៧ អង្សានៅក្នុងទីក្រុងម៉េកា ក្នុងអំឡុងពេលធម្មយាត្រាប្រចាំឆ្នាំដែលមានអ្នកកាន់សាសនាឥស្លាមប្រមាណ ១,៨ លាននាក់ចូលរួមក្នុងឆ្នាំនេះ។ ប្រទេសអារ៉ាប៊ីសាអ៊ូឌីត ពុំបានផ្តល់ព័ត៌មានណាមួយ ស្តីពីអ្នកស្លាប់នោះទេ៕

មនុស្ស២នាក់ស្លាប់ និងជាច្រើននាក់រងរបួសក្នុងអំពើហិង្សាថ្ងៃទិវាគុណឪពុកនៅទូទាំងសហរដ្ឋអាមេរិក

អ្នកឈរមើលយ៉ាងហោចណាស់ពីរនាក់ត្រូវបានបាញ់សម្លាប់នៅក្នុងពិធី Juneteenth ក្នុងរដ្ឋតិចសាស់កាលពីយប់ថ្ងៃសៅរ៍ ជាឧបទ្ទវហេតុមួយក្នុងចំណោមឧបទ្ទវហេតុជាច្រើននៃអំពើហិង្សាដោយកាំភ្លើងនៅទូទាំងសហរដ្ឋអាមេរិក ដែលបានរំខានដល់ការប្រារព្ធទិវាគុណឪពុកចុងសប្តាហ៍នេះ។នគរបាលបាននិយាយថា ការឈ្លោះគ្នារវាងមនុស្សពីរក្រុម បានផ្ទុះឡើងដោយការបាញ់ប្រហារនៅឯពិធីបុណ្យ Juneteenth រៀបចំដោយទីក្រុង Round Rock និងចូលរួមដោយគិតថ្លៃ ។ ព្រឹត្តិការណ៍នេះបានចាប់ផ្តើមនៅម៉ោង ៥ ល្ងាច ហើយការបាញ់ប្រហារបានផ្ទុះឡើងនៅវេលាម៉ោង១០និង៥០នាទីយប់ ប្រហែលមួយម៉ោងមុនពេលពិធីត្រូវបានបញ្ចប់។ យោងតាមស្នងការនគរបាលក្រុង Round Rock លោក អាលែន ប៊ែងស៍ (Allen Banks) នគរបាលបានឱ្យដឹងថា ជនរងគ្រោះទាំងពីរនាក់មិនជាប់ពាក់ព័ន្ធក្នុងជម្លោះនោះទេ ហើយអ្នកឈរមើលជាច្រើននាក់ផ្សេងទៀត ដែលពុំបញ្ចេញឈ្មោះ ត្រូវបានបញ្ជូនទៅមន្ទីរពេទ្យដោយមានរបួស។ នគរបាលពុំបានកំណត់អត្តសញ្ញាណជនសង្ស័យក្នុងការបាញ់ប្រហារនោះទេ ខណៈអ្នកពាក់ព័ន្ធបានរត់គេចខ្លួនពីកន្លែងកើតហេតុភ្លាមៗ។ ក្រុមអាជ្ញាធរបានស្នើដល់សាធារណជនទាំងឡាយណា ដែលមានវីដេអូនៃការបាញ់ប្រហារ ឬមានព័ត៌មានទាក់ទងហេតុការណ៍នោះផ្ដល់ឲ្យទៅនគរបាល។ មនុស្ស ៧ នាក់ត្រូវបានបាញ់បណ្ដាលឲ្យរងរបួសក្នុងការបាញ់ប្រហារ នៅក្នុងទីក្រុង ម៉េធូអ៊ីន (Methuen) រដ្ឋ Massachusetts កាលពីព្រឹកថ្ងៃអាទិត្យ។ មនុស្សទី៨ បានរងរបួសពេលរត់គេចខ្លួនពីការបាញ់ប្រហារ៕

មនុស្សយ៉ាងតិច ៦ នាក់ស្លាប់ និងរាប់សិបនាក់បាត់ខ្លួនក្នុងបំណាក់ដីនៅប្រទេសអេក្វាឌ័រ

យោងតាមព័ត៌មានបឋមពីអាជ្ញាធរអេក្វាឌ័រកាលពីថ្ងៃអាទិត្យ (១៦ មិថុនា) បានឱ្យដឹងថា បំណាក់ដីនៅប្រទេសអេក្វាឌ័រ បានសម្លាប់មនុស្សយ៉ាងហោចណាស់ ៦ នាក់ និង ៣០ នាក់ទៀតបាត់ខ្លួន។ លេខាធិការដ្ឋានគ្រប់គ្រងហានិភ័យអេក្វាឌ័រ បាននិយាយនៅក្នុងរបាយការណ៍មួយថា បំណាក់ដី «ទ្រង់ទ្រាយធំ» បានកើតឡើងនៅកណ្តាលប្រទេសក្នុងទីក្រុង បានញូស ដឺអាក្វ័រ សាន់តា (Banos de Agua Santa)។ព្យុះភ្លៀងដ៏ខ្លាំងដែលបង្កឡើងដោយសម្ពាធទាបបានបោកបក់ពាសពេញផ្នែកខ្លះនៃភាគកណ្តាល និងភាគខាងត្បូងនៃទ្វីបអាមេរិកកាលពីថ្ងៃអាទិត្យ ដោយប្រទេសផ្សេងៗបានព្រមានអំពីការកើនឡើងហានិភ័យនៃបំណាក់ដី ការបាក់ធ្លាក់ថ្ម និងទឹកជំនន់។នៅក្នុងប្រទេសអែលសាល់វ៉ាឌ័រ ទីភ្នាក់ងារការពារជនស៊ីវិលរបស់ប្រទេសនេះបានប្រកាសអាសន្នកម្រិតពណ៌ក្រហម ដោយសារតែភ្លៀងធ្លាក់ខ្លាំងនៅទូទាំងប្រទេសដ៏តូចមួយនេះ ខណៈដែលក្រុមហ៊ុនអាកាសចរណ៍នៅប្រទេសជិតខាងហ្កាតេម៉ាឡា ជាច្រើនបានបង្វែរជើងហោះហើរ នេះបើយោងតាមក្រសួងទំនាក់ទំនង ហេដ្ឋារចនាសម្ព័ន្ធ និងលំនៅដ្ឋានរបស់ហ្កាតេម៉ាឡា៕

កម្លាំងជំនាញមន្ទីរប្រឆាំងគ្រឿងញៀន បង្ក្រាបករណីជួញដូរគ្រឿងញៀន ឃាត់ខ្លួនជនល្មើសម្នាក់ រឹបអូសថ្នាំញៀនជាង ៥គីឡូក្រាម

ភ្នំពេញ៖ អនុវត្តតាមបទបញ្ជារបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និង ឯកឧត្តម ឧត្តមសេនីយ៍ឯក ប៊ុន ប៉ាម៉ារីលុច អគ្គស្នងការរងទទួលដឹកនាំ មន្ទីរប្រឆាំងបទល្មើសគ្រឿងញៀន និងឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងទទួលសហការដឹកនាំមន្ទីរប្រឆាំងគ្រឿនញៀន និងដឹកនាំបញ្ជាផ្ទាល់ពី ឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀននៅថ្ងៃទី១៤ ខែមិថុនា ឆ្នាំ២០២៤ វេលាម៉ោង០២៖០៧នាទី កម្លាំងជំនាញនៃមន្ទីរប្រឆាំងគ្រឿងញៀន(ក៥) ដឹកនាំដោយលោក វរសេនីយ៍ឯក ឈូក គា នាយករងមន្ទីរ សហការជាមួយកម្លាំងស្នងការដ្ឋាននគរបាលរាជធានីភ្នំពេញ ដោយមានការដឹកនាំ និងសម្របសម្រួលដោយលោក គឹម ហុងសាន ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានចុះស្រាវជ្រាវស៊ើបអង្កេតរហូតឈានទៅបង្ក្រាបករណីជួញដូរ-រក្សារទុក ដោយខុសច្បាប់នូវសារធាតុញៀន ស្ថិតនៅចំណុច តាមផ្លូវព្រះមុនីវង្ស (ជិតវិទ្យាស្ថានជាតិប៉ាស័រកម្ពុជា) សង្កាត់ស្រះចក ខណ្ឌដូនពេញ រាជធានីភ្នំពេញ។ប្រតិបត្តិការនេះ កម្លាំងជំនាញចាប់ខ្លួនជនល្មើស១នាក់ ឈ្មោះ ចាំង យ៉ាំងតង (TRANG VANG TOAN)ភេទប្រុស អាយុ៣៣ឆ្នាំ ជនជាតិវៀតណាម និងចាប់យកវត្ថុតាងរួមមានគ្រឿងញៀនប្រភេទអុិចស្តាស៊ី (MDMA) ទម្ងន់ ៥៤២៧.៣២៦ ក្រាម (៥គីឡូ ៤២៧.០៧ក្រាម)។បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូន ទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕

នគរបាលប្រឆាំងការជួញដូរមនុស្ស និងការពារអនីតិជន ចុះឡោមព័ទ្ធ ពាក់ព័ន្ធទីតាំងក្លឹប យីហោ ប៉ាវ លី ជី និងឃាត់ខ្លួនមនុស្សជិត ២០០នាក់

ភ្នំពេញ៖ កម្លាំងនគរបាល ជំនាញពាក់ព័ន្ធ សហការជាមួយអាជ្ញាធរមូលដ្ឋានខណ្ឌទួលគោក បានចុះឡោមព័ទ្ធ ពាក់ព័ន្ធទីតាំងក្លឹប យីហោ ប៉ាវ លី ជី និងឃាត់ខ្លួនមនុស្សប្រុសស្រីចំនួន១៩៤នាក់ជាក់ស្ដែងនៅវេលាម៉ោង១២យប់រំលងអាធ្រាតកម្លាំងនគរបាលនៃ នាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ និងកម្លាំងតម្រួតបទបញ្ជា សហការជាកម្លាំងនគរបាល ប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលរាជធានីភ្នំពេញ ធ្វើការចុះឡោមព័ន្ធទីតាំងក្លឹបមួយកន្លែងយីហោ ប៉ាវ លីជីង ដែលស្ថិតនៅតាមបណ្ដោយផ្លូវលេខ៥៩៨ សង្កាយ់បឹងកក់ទី២ ខណ្ឌទួលគោក រាជធានីភ្នំពេញ។ក្នុងរង្វង់ប្រតិបត្តិការនេះកម្លាំងនគរបាលជំនាញបានឲ្យដឹងថា កម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនីតិជននៃក្រសួងមហាផ្ទៃ ទទួលបានសេចក្ដីរាយការ និងធ្វើការស៉ើបអង្កេត ច្បាស់លាស់ថាទីតាំងក្លឹប យីហោ ប៉ាវលីជីង នេះពិតជាលួចលាក់បម្រើសេវាផ្លូវភេទ ពិតប្រាកដ។ ដូច្នេះ ដោយសុំគោលការណ៍ដាក់កម្លាំងឡោមព័ន្ធ ចុះបង្ក្រាបជាក់ស្ដែងតែម្ដង។ ដោយបានធ្វើការឃាត់ខ្លួនមនុស្សប្រុសស្រី ចំនួន១៩៤នាក់ និងដកហូតវត្ថុតាងមួយចំនួនទៀតផងដែរ។ក្រោយប្រតិបត្តិការមនុស្សប្រុសស្រីទាំង១៩៤នាក់ ត្រូវបាននគរបាល បញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការតាមនីតិវិធី៕ អត្ថបទ៖ កុម្ភៈ

អាវុធហត្ថរាជធានីបញ្ជូនជនសង្ស័យ០៦នាក់ ទៅតុលាការ ពាក់ព័ន្ធករណីគ្រឿងញៀន

ភ្នំពេញ ៖ កម្លាំងជំនាញការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បញ្ជូនសង្ស័យប្រុសស្រី ០៦នាក់ ទៅតុលាការ ពាក់ព័ន្ធករណី ជួញដូរ និងប្រើប្រាស់នូវសារធាតុញៀនដោយខុសច្បាប់ ក្រោយពីបង្ក្រាបបាន ០២ករណីផ្សេងគ្នា។ករណីទី១៖ កម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ បានចុះបង្រ្កាប និងឃាត់ខ្លួន ជនសង្ស័យចំនួន ០២នាក់ ពាក់ព័ន្ធករណី ជួញដូរ រក្សាទុក និងប្រើប្រាស់នូវសារធាតុញៀនដោយខុសច្បាប់កាលពីថ្ងៃទី១០ និង ទី១១ ខែមិថុនា ឆ្នាំ២០២៤ នៅចំណុចមុខបន្ទប់ជួលគ្មានលេខ ផ្លូវបេតុង ភូមិជម្ពូរវ័ន្ត សង្កាត់ចោមចៅទី៣ ខណ្ឌពោធិ៍សែនជ័យ និងបន្តឆែកឆេរបន្ទប់ជួល នៅភូមិកន្ទោកជើង សង្កាត់កន្ទោក ខណ្ឌកំបូល ចាប់យកវត្ថុតាង ក្រាមសថ្លា សរុប ចំនួន ១៥កញ្ចប់តូចធំ, ជញ្ជីងថ្លឹង ០១គ្រឿង, សម្ភារៈសម្រាប់ប្រើប្រាស់គ្រឿងញៀន និងសម្ភារៈពាក់ព័ន្ធមួយចំនួនទៀត ។ ជនសង្ស័យទាំង ០២នាក់ ១-ឈ្មោះ ប៉ាក ស្រីម៉ៅ ហៅយួន ភេទស្រី អាយុ៣៤ឆ្នាំ, ២-ឈ្មោះ ថន សំណាង ហៅណាង ភេទប្រុស អាយុ២៤ឆ្នាំ។ ជនសង្ស័យទាំង០២នាក់ក៏ជាមុខសញ្ញាប្រើប្រាស់គ្រឿងញៀនផងដែរ។ករណីទី២៖ កម្លាំងកងរាជអាវុធហត្ថរាជធានីភ្នំពេញ ខណ្ឌដង្កោបង្រ្កាប និងឃាត់ខ្លួន ជនសង្ស័យប្រុសស្រី ០៤នាក់ ពាក់ព័ន្ធករណី ជួញដូរ និងប្រើប្រាស់នូវសារធាតុញៀនដោយខុសច្បាប់ កាលពីថ្ងៃទី១២ ខែមិថុនា ឆ្នាំ២០២៤ នៅចំណុច ផ្ទះគ្មានលេខ ផ្លូវលំ ភូមិជើងឯក សង្កាត់ជើងឯក ខណ្ឌដង្កោ ។ វត្ថុតាងចាប់យក ក្រាមសថ្លាចំនួន ០៩កញ្ចប់, ជញ្ជីងថ្លឹង ០១គ្រឿង, សម្ភារៈសម្រាប់ប្រើប្រាស់គ្រឿងញៀន, ដាវ កាំបិត ពូថៅ ចំនួន ០៤ដើម រួមនិងសម្ភារៈពាក់ព័ន្ធមួយចំនួនទៀត។ ជនសង្ស័យទាំង ០៤នាក់ ១-ឈ្មោះ សាន ស្រីណែត ហៅណែត ភេទស្រី អាយុ២៥ឆ្នាំ, ២-ឈ្មោះ ធួក ប៊ុននាង ហៅនាង ភេទប្រុស អាយុ៤២ឆ្នាំ, ៣-ឈ្មោះ ង្វៀង សៀវម៉ី ហៅម៉ី ភេទស្រី អាយុ២៤ឆ្នាំ, ៤-ឈ្មោះ ហន គន្ធា ហៅធា ភេទស្រី អាយុ ៣២ឆ្នាំ ។ ជនសង្ស័យទាំង០៤នាក់ក៏ជាមុខសញ្ញាប្រើប្រាស់គ្រឿងញៀនផងដែរ។ ចំពោះជនសង្ស័យប្រុសស្រីទាំង ០៦នាក់ និងវត្ថុតាងទាំងអស់ ត្រូវបានកម្លាំងជំនាញការិយាល័យប្រឆាំងបទល្មើសគ្រឿងញៀន នៃ កងរាជអាវុធហត្ថរាជធានីភ្នំពេញ កសាងសុំណុំរឿងបញ្ជូនទៅតុលាការ ដើម្បីធ្វើការផ្តន្ទាទោសតាមច្បាប់៕ ដោយ ៖ តារាវុទ្ធី

ស្លាប់៧នាក់ និងរបួសធ្ងន់ម្នាក់ ក្នុងហេតុការណ៍គ្រោះថ្នាក់ចរាចរណ៍នៅស្រុកត្បូងឃ្មុំ

ត្បូងឃ្មុំ៖ រថយន្ត២គ្រឿងបុកគ្នាពេញទំហឹងលើកំណាត់ផ្លូវជាតិលេខ៧១C បណ្តាលឱ្យមនុស្ស ៧នាក់បានស្លាប់ និងម្នាក់នាក់រងរបួសធ្ងន់ ក្នុងហេតុការណ៍ កើតឡើងនៅថ្ងៃទី១៤ ខែមិថុនា ឆ្នាំ២០២៤ វេលាម៉ោង០៤ និង៣០នាទីទាបភ្លឺ ស្ថិតនៅភូមិព្រះអង្គ ឃុំរកាពប្រាំ ស្រុកត្បូងឃ្មុំ ខេត្តត្បូងឃ្មុំ ។ប្រភពពីសមត្ថកិច្ច បានឲ្យដឹងថា ហេតុការណ៍នេះ បង្កដោយរថយន្តម៉ាក ហ៊ីយ៉ិនដាយ ពណ៌ស ពាក់ផ្លាកលេខ កំពង់ធំ 3A-3053 បើកបរដោយឈ្មោះ ឈាង ហ៊ាង ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិសំរោង ឃុំទំរីង ស្រុកសណ្តាន់ ខេត្តកំពង់ធំ បុកជាមួយ រថយន្តម៉ាកហ៊ីយ៉ិនដាយ ពណ៌ទឹកប្រាក់ ពាក់ផ្លាក់លេខ ត្បូងឃ្មុំ 3A-4487 មិនស្គាល់ឈ្មោះ ។ ប្រភពដដែលឲ្យដឹងទៀតថា រថយន្តទាំង២ បើកបរមានទិសដៅ បញ្រ្ចាសទិសគ្នា រថយន្តពាក់ផ្លាកលេខ កំពង់ធំ 3A-3053 បើកបរមកពីជើងទៅត្បូងប្រើប្រាស់ល្បឿន ទៅបុករថយន្ត ពាក់ស្លាកលេខ ត្បូងឃ្មុំ 3A-4487 បើកបរមកពីត្បូងទៅជើង បណ្តាលអោយរថយន្តទាំង០២គ្រឿង ខូចខាតធ្ងន់ធ្ងរ និងមានមនុស្សស្លាប់ចំនួន០៥នាក់ភ្លាមៗនៅកន្លែងកើតហេតុ និងរងរបួសធ្ងន់ចំនួន០៣នាក់ លុះបញ្ជូនទៅមន្ទីពេទ្យមិត្តភាពកម្ពុជា.ចិន បានស្លាប់នៅមន្ទីពេទ្យចំនួន២នាក់បន្ថែមទៀត សរុបស្លាប់៧នាក់ របួសធ្ងន់១នាក់។ បន្ទាប់ពីកើតហេតុសមត្ថកិច្ចមូលដ្ឋានជំនាញចរាចរណ៍ ចុះមកដល់វាស់វែង និងធ្វើកំណត់ហេតុយករថយន្តទាំងពីរគ្រឿង ទៅរក្សាទុករង់ចាំឲ្យភាគីសងខាងដោះស្រាយគ្នាតាមច្បាប់ ៕

បណ្ដាញសង្គម

ព័ត៌មានថ្មីៗ

អគ្គិភ័យឆាបឆេះរោងចក្រចម្រាញ់ប្រេង Lavan របស់អ៊ីរ៉ង់ រយៈពេលប៉ុន្មានម៉ោងក្រោយមានបទឈប់បាញ់

អារ៉ាប់រួម គូវ៉ែត បារ៉ែន រាយការណ៍ការវាយប្រហារ បើទោះបីជាមានបទឈប់បាញ់អ៊ីរ៉ង់-អាមេរិក

ក្រុមហ៊ុន VINCI Airports ប្ដេជ្ញាបន្តចូលរួមជាមួយរាជរដ្ឋាភិបាល ដើម្បីជំរុញ និងអភិវឌ្ឍឧស្សាហកម្មអាកាសចរណ៍នៅកម្ពុជា

អនុប្រធានាធិបតីអាមេរិក លោក Vance បញ្ជាក់ថា ជម្លោះអ៊ុយក្រែន គឺ «ពិបាកដោះស្រាយបំផុត»

លោក Trump ប្រាប់ថា គ្មានការបង្កើនសារធាតុអ៊ុយរ៉ានីញ៉ូមនៅអ៊ីរ៉ង់ទេ និងសន្យាដាក់ពន្ធ ៥០% លើអ្នកផ្គត់ផ្គង់អាវុធ

បែលហ្ស៊ិកក្លាយជាចំណុចចេញដំណើរថ្មីសម្រាប់ជនអន្តោប្រវេសន៍ទៅកាន់អង់គ្លេស

ជប៉ុនអះអាងថា ការបាញ់មីស៊ីលចុងក្រោយរបស់កូរ៉េខាងជើងពិតជាមិនអាចទទួលយកបាននោះទេ

អារម្មណ៍ច្របូកច្របល់នៅទីក្រុងតែល អាវីវ ចំពោះការប្រកាសបទឈប់បាញ់សង្រ្គាមអ៊ីរ៉ង់របស់លោក Trump

ពលរដ្ឋលីបង់សង្ឃឹមថា នឹងមានការរាប់បញ្ចូលពួកគេនៅក្នុងបទឈប់បាញ់សហរដ្ឋអាមេរិក-អ៊ីរ៉ង់

អគារនៅក្នុងទីក្រុងបាកដាដ ប្រទេសអ៊ីរ៉ាក់ រងការខូចខាតដោយសាការវាយប្រហាររបស់កាំជ្រួចផ្លោង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877