BTV NEWS

ដកហូតអាជ្ញាបណ្ណកាស៊ីណូ ដែលផ្តល់ជូនក្រុមហ៊ុន សៀងហៃ រីហ្សត ពាក់ព័ន្ធករណីឆបោកតាមប្រព័ន្ធបច្ចេកវិទ្យា

មន្ទីរប្រឆាំងគ្រឿងញៀន បង្ក្រាបសំបុកក្រុមជួញដូរគ្រឿងញៀនយ៉ាងសកម្មក្នុងភូមិសាស្ត្រខេត្តតាកែវ ប្រដាប់ដោយអាវុធ បានបាញ់មកលើកម្លាំងនគរបាល២នាក់របួសធ្ងន់កំពុងសង្គ្រោះបន្ទាន់ ចាប់ខ្លួនជនល្មើសបានចំនួន ៧នាក់

BREAKING NEWS | តំណាងអយ្យការសម្រេចចោទប្រកាន់កូនស្នងការរងខេត្តបន្ទាយមានជ័យបើកបរបុកស្លាប់មនុស្ស ៦នាក់ នៅស្រុកមោងឫស្សី ចំនួន ២បទល្មើស

ខែមីនាកន្លងទៅនេះ នគរបាលជាតិឃាត់ខ្លួនជនងប់ល្បែង ៧៤នាក់ ខ្លះបញ្ជូនទៅតុលាការ មុនបន្តទៅពន្ធនាគារ ខ្លះបានទៅផ្ទះវិញ

សន្តិសុខ និង សង្គម

អគ្គីភ័យឆាបឆេះលំនៅឋានពលរដ្ឋ៥ខ្នង នៅស្រុកមុខកំពូល ខេត្តកណ្តាល

កណ្តាល៖ នៅវេលាថ្ងៃត្រង់នេះអគ្គីភ័យ បានឆាបឆេះលំនៅឋានប្រជាពលរដ្ឋ៥ខ្ន ក្នុងស្រុកមុខកំពូល ខេត្តកណ្តាល។សមត្ថកិច្ច បានឱ្យដឹងថា នៅវេលាម៉ោង ១០និង៥០នាទីថ្ងៃត្រង់ ថ្ងៃទី០៣ ខែមីនា ឆ្នាំ២០២៣ មានគ្រោះអគ្គីភ័យមួយបានកើតឡើង ដោយបានឆាបឆេះលំនៅឋានប្រជាពលរដ្ឋចំនួន ៥ខ្នងផ្ទះ ជាប្រភេទផ្ទះឈើប្រក់ស័ង្កសី និងផ្ទះខ្លះឈើលើ ថ្មក្រោម ស្ថិតនៅភូមិព្រែកថ្មី ឃុំព្រែកអញ្ចាញ ស្រុកមុខកំពូល ខេត្តកណ្តាល។ ក្នុងហេតុការណ៍នេះ មិនមានមនុស្សរងគ្រោះថ្នាក់ទេ។នៅពេលអណ្ដាតភ្លើងចាប់ផ្ដើមឆេះ ប្រជាពលរដ្ឋបានរាយការណ៍ និងសុំការអន្តរាគមន៍ពីក្រុមរថយន្តពន្លត់អគ្គីភ័យ។ភ្លាមៗកងអន្តរាគមន៍ពន្លត់អគ្គីភ័យបានចេញរថយន្តជាច្រើនគ្រឿង មានមកពីស្រុកមុខកំពូលមួយគ្រឿង និងពីបណ្ដាអង្គភាពនានាពីរាជធានីភ្នំពេញ ១១គ្រឿង ទើបអាចគ្រប់គ្រង និងបាញ់ទឹកពន្លត់បាន។ ចំពោះមូលហេតុដែលនាំឱ្យមានអគ្គីភ័យនេះ សមត្ថកិច្ចមិនទាន់បានសន្និដ្ឋាននៅឡើយទេ៕អត្ថបទ ៖ ប្រាក់ វ៉ាន់ដា

ឃាតករជាប្តី បាញ់សម្លាប់ប្រពន្ធនៅខណ្ឌដង្កោល្ងាចមិញ បានចូលខ្លួនសារភាពហើយ

ភ្នំពេញ ៖ បុរសជាប្តីដែលបានបាញ់សម្លាប់ស្ត្រីប្រពន្ធ នៅក្នុងបុរីពិភពថ្មី៣ ខណ្ឌដង្កោ កាលពីវេលាល្ងាចមិញ បានចូលខ្លួនទៅសារភាពទោសកំហុសដែលបានប្រព្រឹត្តិហើយ នៅ នាយកដ្ឋាននគរបាលព្រហ្មទណ្ឌក្រសួងមហាផ្ទៃ ។ជនសង្ស័យ មានឈ្មោះ យ័ន្ត គុយហេង អាយុជាង៣០ឆ្នាំ មុខរបរមិនពិតប្រាកដ ។លោកវរសេនីយ៍ទោ ជាង ហុកសែ អធិការរងទទួលផែនយុត្តិធម៌ នៃអធិការដ្ឋាននគរបាលខណ្ឌដង្កោ បានប្រាប់ BTV នាយប់ថ្ងៃខែដដែលនេះ អោយដឹងថា ៖ អំពើបាញ់សម្លាញ់ប្រពន្ធខ្លួនឯងនេះ គឺកើតឡើងដោយសារភ្លើងប្រច័ណ្ឌ ដោយបុរសជាប្តី បាញ់ចំនួន០៣គ្រាប់ បណ្តាលស្ត្រីជាប្រពន្ធអោយស្លាប់ក្នុងថ្លុកឈាម ខណះរូបនាងក៏មានកូន៤ខែនៅក្នុងផ្ទៃផងដែរ ។ លោកអធិការរង បន្ថែមថា ជនសង្ស័យរូបនេះ កន្លងទៅជាមុខសញ្ញាគ្រឿងញៀន ដែលសមត្ថកិច្ចតាមប្រមាញ់ផងដែរ ។ជុំវិញករណីនេះដែរ តាមការអោយដឹងពី មន្ត្រីសមត្ថកិច្ច នៃនាយកដ្ឋានព្រហ្មទណ្ឌក្រសួងមហាផ្ទៃ បានប្រាប់អោយដឹងថា ៖ ជនសង្ស័យជាប្តី ក៏ធ្លាប់ជាប់ពន្ធធនាគារម្តងរួចទៅហើយដែរ ដោយកាលនោះ ជាប់ពាក់ព័ន្ធនឹងអំពើឃាតកម្មសម្លាប់មនុស្ស នៅឯខេត្តព្រះសីហនុ ។គួររំលឹកផងដែរថា ករណីឃាតកម្មបាញ់សម្លាប់ប្រពន្ធខាងលើ កើតឡើង កាលពីវេលាម៉ោង១៥ និង៣០នាទីល្ងាចថ្ងៃទី២ ខែមិនា ឆ្នាំ២០២៣ នៅចំណុចផ្ទះលេខ១៦៨ ក្នុងបុរីពិភពថ្មី៣ ស្ថិតក្នុងសង្កាត់រលួស ខណ្ឌដង្កោ ៕ ដោយ ៖ លីហេង

ប្តីចិត្តអប្រិយបាញ់ប្រហារប្រពន្ធដែលមានផ្ទៃពោះ ៤ខែ ស្លាប់ក្នុងថ្លុកឈាម នៅក្នុងបុរីពិភពថ្មី៣

ភ្នំពេញ៖ អំពើឃាតកម្មមួយដែលបុរសជាប្តីចិត្តអប្រិយ បានសម្រេចចិត្តបាញ់សម្លាប់ប្រពន្ធរបស់ខ្លួន បណ្តាលអោយស្លាប់ក្នុងថ្លុកឈាមយ៉ាងអាណោចអាធ័មបំផុត នៅចំណុចផ្ទះលេខ១៦៨ ក្នុងបុរីពិភពថ្មី៣ ស្ថិតក្នុងសង្កាត់រលួស ខណ្ឌដង្កោ ដែលបានបង្កអោយមានការភ្ញាក់ផ្អើលឡើងជាខ្លាំង កាលពីវេលាម៉ោង ១៥ និង៣០នាទីល្ងាចថ្ងៃទី២ ខែមិនា ឆ្នាំ២០២៣នេះ។ស្ត្រីជាជនរងគ្រោះ មានឈ្មោះ មៃ គន្ធា អាយុ ៣៤ឆ្នាំ មុខរបរបើកសាឡន។ រូបនាងស្លាប់ទៅទាំងកំពុងមានផ្ទៃពោះ៤ខែផងដែរ។ នាង និងប្តី ( ប្តីក្រោយ ) ទើបតែបង់រំលោះផ្ទះកើតហេតុជាមួយខាងបុរី ហើយស្នាក់នៅតែ ២នាក់ បាន៣ខែប៉ុណ្ណោះ។យោងតាមប្រភពព័ត៌មាន នៅមុនពេលកើតហេតុ អោយដឹងថា ដំបូងឡើយសាច់ញាតិរបស់ស្ត្រីរងគ្រោះបានខលទំនាក់ទំនងទូរស័ព្ទពីស្រុកកំណើតមក ដោយមានការ ប៉ុន្តែជនរងគ្រោះមិនទទួលទូរស័ព្ទសោះ ទើបសាច់ញាតិបានទាក់ទងពឹងអាស្រ័យទៅអ្នកជិតខាងរបស់ជនរងគ្រោះអោយទៅជួយមើលផង ព្រោះគាត់មានការ។ បន្ទាប់មកអ្នកជិតខាងបានដើរទៅស្រែកហៅដែរ ប៉ុន្តែមិនមានអ្នកឆ្លើយតបសោះ ទើបអ្នកជិតខាងសម្រេចទៅហៅសន្តិសុខបុរី អោយជួយចូលទៅមើលក្នុងផ្ទះ។ភ្លាមនោះ សន្តិសុខបុរីបានទៅដល់ ហើយបានដើរចូលទៅក្នុងផ្ទះខាងលើជាមួយអ្នកជិតខាង ព្រោះផ្ទះមិនមានចាក់សោរ។ លុះដើរចូលទៅដល់ក្នុងហើយ នៅតែមិនឃើញមានមនុស្ស ហើយស្រែកហៅខ្លាំងៗក៏មិនមានអ្នកឆ្លើយ ពួកគេក៏បានសម្រេចចិត្តនាំគ្នាចូលទៅមើលក្នុងបន្ទប់សម្រាក ក៏ឃើញស្ត្រីរងគ្រោះដេកស្លាប់ក្នុងថ្លុកឈាមតែម្តងទៅ។ក្រោយប្រទះឃើញដូចនោះ ខាងសន្តិសុខបុរី បានទាក់ទំនងទៅសមត្ថកិច្ចមូលដ្ឋាន ហើយក្រោយទទួលបានព័ត៌មាន កម្លាំងសមត្ថកិច្ចមូលដ្ឋាន សហការជាមួយសមត្ថកិច្ចជំនាញផ្នែកកោសល្យវិច្ច័យ បានចុះពិនិត្យ និងធ្វើកោសល្យវិច្ច័យជុំវិញនៅទីតាំងកើតហេតុខាងលើផងដែរ។ជុំវិញអំពើឃាតកម្មខាងលើនេះដែរ លោកវរសេនីយ៍ទោ ជាង ហុកសែ អធិការរងទទួលផែនយុត្តិធម៌ នៃអធិការដ្ឋាននគរបាលខណ្ឌដង្កោ បានប្រាប់ BTV តាមទូរស័ព្ទនាល្ងាចថ្ងៃខែខាងលើ អោយដឹងថា ៖ ករណីនេះ គឺបុរសជាប្តីជាអ្នកបាញ់សម្លាញ់ប្រពន្ធខ្លួនឯងប្រាកដមែន ហើយជាក់ស្តែងនៅកន្លែងកើតហេតុ សមត្ថកិច្ចប្រទះឃើញមានគ្រាប់កាំទុះមួយគ្រាប់។ លោកអធិការរង បន្តថា យ៉ាងណាមិញ លោកនៅមិនទាន់ដឹងថា ករណីនេះមានការផ្ទុះអាវុធចំនួនប៉ុន្មានគ្រាប់នៅឡើយនោះទេ ខណៈសមត្ថកិច្ចជំនាញផ្នែកកោសល្យវិច្ច័យកំពុងធ្វើការពិនិត្យវិច្ច័យតាមជំនាញ។ ហើយកម្លាំងសមត្ថកិច្ចកំពុងបើកការស្រាវជ្រាវ ក្នុងការតាមចាប់បុរសជាប្តី។ជុំវិញករណីខាងលើនេះដែរ នៅមិនទាន់មានប្រភពណាមួយអាចបញ្ជាក់បានថា ផ្តើមចេញពីករណីអ្វីនោះទេដែលឈានអោយប្តីចិត្តអប្រិយហ៊ានសម្រេចចិត្តបាញ់សម្លាប់ប្រពន្ធយ៉ាងដូច្នោះនោះ ហើយគេក៏នៅមិនទាន់ដឹងថា បុរសជាប្តីរូបនោះ មានតួនាទីជាអ្វីដែរ ដែលមានកាំភ្លើងប្រើប្រាស់៕ អត្ថបទ៖ លីហេង

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

ភ្នំពេញ ៖ មន្ត្រីសមត្ថកិច្ចមួយក្រុមមានស្លៀកឯកសណ្ឋាននគរបាល និងខ្លះស៊ីវិល បានផ្ទុះអាវុធចំនួន០៣គ្រាប់ បណ្តាលអោយពលរដ្ឋម្នាក់ជាបុរស បានរងរបួសធ្ងន់ធ្ងរ ក្នុងថ្លុកឈាម ត្រូវបានបញ្ចូនទៅសង្គ្រោះនៅមន្ទីរពេទ្យ ។ ហេតុការណ៍នេះ បានកើតឡើង កាលពីវេលាម៉ោង១៩ និង២០នាទីយប់ថ្ងៃទី១ ខែមីនា ឆ្នាំ២០២៣ នៅតាមបណ្តោយផ្លូវប៉េតុងមួយកន្លែង ក្នុងភូមិដំណាក់សង្កែរ សង្កាត់ព្រែកកំពិស ខណ្ឌដង្កោ រាជធានីភ្នំពេញ ។ លោកវរសេនីយ៍ទោ ជាង ហុកសែ អធិការងទទួលផែនយុត្តិធម៌ នៃអធិការដ្ឋាននគរបាលខណ្ឌដង្កោ បានប្រាប់ BTV តាមរយៈទូរស័ព្ទ នាយប់ថ្ងៃកើតខាងលើនេះ អោយដឹងថា ៖ ករណីនេះ គឺជាការផ្ទុះពីសំណាក់មន្ត្រីសមត្ថកិច្ច នៃមន្ទីរប្រឆាំងគ្រឿង អគ្គស្នងការដ្ឋាននគរបាលជាតិ ដោយបណ្តាលអោយពលរដ្ឋម្នាក់រងរបួសធ្ងន់ធ្ងរ ប៉ុន្តែលោកអធិការរង មិនទាន់អាចបញ្ជាក់បានទេ ថាមុនឈានដល់មានការមានផ្ទុះអាវុធនេះផ្តើមចេញពីប្រតិបត្តិការចុះបង្ក្រាបអ្វីមួយ ឬកើតឡើងដោយហេតុផលណាមួយអោយប្រាកដនោះទេ ខណះលោកបញ្ជាក់ថា កំណត់អត្តសញ្ញាណរថយន្ត និងសមត្ថកិច្ចដែលបានផ្ទុះអាវុធ បានអស់ហើយ ។ គួរបញ្ជាក់ថា តាមការអះអាងរបស់ពលរដ្ឋជិតខាង អោយដឹងថា នៅមុនកើតហេតុ គេសង្គេតឃើញ មានមន្ត្រីសមត្ថកិច្ចមួយក្រុមធំ មានសណ្ឋាន និងស៊ីវិល ប្រដាប់ដោយអាវុធខ្លី បានចុះទៅប៉ងចាប់បុរសជារងគ្រោះ តែទំនងជាជាមានការប្រទូស្តសារាយគ្នា ទើបភាគីសមត្ថកិច្ចបានផ្ទុះអាវុធបណ្តាលអោយជនរងគ្រោះរងរបួសតែម្តង ។ ភ្លាមៗនោះ ជនរងគ្រោះ បានរត់សំដៅចូលទៅក្នុងផ្ទះ ហើយក្រុមសមត្ថកិច្ចក៏រត់ប៉ងទៅចាប់ឃាត់ត្រឡប់មកវិញ តែត្រូវពលរដ្ឋក្បែរ ជួយអន្តរាគមន៍មិនអោយមានការឃាត់ ទើបកម្លាំងចម្រុះទាំងនោះ សម្រេចចាកចេញពីកន្លែងកើតហេតុតែម្តងទៅ ។ ជនរងគ្រោះមានឈ្មោះ មុំសុខ មៀន អាយុ២៨ ឆ្នាំ មុខរបរដើរទិញលក់របស់អេតចាយចាស់ៗ ។ យ៉ាងណាមិញ បច្ចុប្បន្ន កម្លាំងសមត្ថកិច្ចជំនាញ កំពុងពិនិត្យវិច្ច័យ នៅកន្លែងកើតហេតុ នឹងសាកសួរកំណត់ព័ត៌មានបន្ថែមជុំវិញរឿងហេតុដែលបានកើតឡើង ៕ ដោយ ៖ លីហេង

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

ភ្នំពេញ៖ អគ្គនាយកដ្ឋានគយ និងរដ្ឋករកម្ពុជា បានចុះឃាត់រថយន្ដស៊េរីទំនើបមួយគ្រឿង ពាក់ស្លាកលេខនគរបាល ដែលម្ចាស់ចតទុកនៅផ្ទះ សួររកឯកសារពាក់ព័ន្ធនិងរថយន្ដ ប៉ុន្តែម្ចាស់រថយន្តមិនមានឯកសារគ្រប់ មន្ត្រីជំនាញនៃអគ្គនាយកដ្ឋានគយ ក៏សម្រេចឃាត់រថយន្ដនោះ ដោយសង្ស័យថារថយន្ដអត់ពន្ធ។ប្រតិបត្តិការឃាត់រថយន្ដនេះ បានធ្វើឡេីងកាលពីវេលាម៉ោង ៥ល្ងាចថ្ងៃទី២៨ ខែកុម្ភៈ ឆ្នាំ២០២៣ នៅតាមបណ្ដោយផ្លូវ១៣៦ ចំនុចមុខផ្ទះគ្មានលេខ នៅជាប់ឱសថស្ថាន ហេង ហេង ផ្សារតាប៉ាង សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។ប្រភពពីកន្លែងកើតហេតុបានប្រាប់អោយដឹងថា រថយន្ត ម៉ាកCadillac escalade ពណ៌ខ្មៅ ពាក់ស្លាក នគរបាល 2-7898 គឺម្ចាស់តែងតែយកមកចតនៅទីនោះជាប្រចាំ ហើយម្ចាស់រថយន្ត គឺជាមន្ត្រីនគរបាល នៅនាយកដ្ឋានព្រហ្មទណ្ឌក្រសួងមហាផ្ទៃ។ប្រភពពីអ្នកជិតស្និទ្ធនៃម្ចាស់រថយន្តបានប្រាប់អោយដឹងថា រថយន្តខាងលើជារថយន្តមានឯកសារត្រឹមត្រូវ គ្រាន់តែម្ចាស់រថយន្ត បំពាក់ស្លាកនគរបាល ដេីម្បីបម្រើនៅអង្គភាព។គួរបញ្ជាក់ដែរលថា រថយន្ដខាងលេីត្រូវអគ្គនាយកដ្ឋានគយ និង រដ្ឋករកម្ពុជា ចុះមកឃាត់ និងត្រួតពិនិត្យ រកឯកសារពាក់ព័ន្ធរបស់រថយន្ត ប៉ុន្តែម្ចាស់រថយន្តមិនមានឯកសារគ្រប់គ្រាន់បង្ហាញទៅកាន់មន្ត្រីជជំនាញគយនិងរដ្ឋករកម្ពុជា ទេីបមន្ត្រីជំនាញសម្រេចនាំយករថយន្តទៅរក្សាទុកននៅអគ្គនាយកដ្ឋានគយ និងរដ្ឋករកម្ពុជា ដើម្បីដោះស្រាយ និងចាត់ការបន្តតាមនិតិវិធី៕ អត្ថបទ៖ កុម្ភៈ

បុរសចំណាស់ជាឃាតក យកខ្សែភ្លើងឆក់សម្លាប់ប្រពន្ធនៅខណ្ឌពោធិ៍សែនជ័យ ត្រូវបានសមត្ថកិច្ច បញ្ជូនទៅដល់តុលាការហើយ

ភ្នំពេញ៖ កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ បានបញ្ជូនខ្លួន បុរសជាឃាតក សម្លាប់ប្រពន្ធរបស់ខ្លួន ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ នារសៀលថ្ងៃទី២៧ ខែកុម្ភៈ ឆ្នាំ២០២៣នេះ។សូមបញ្ជាក់ថា កាលពីរសៀលថ្ងៃទី២៥ ខែកុម្ភៈ ឆ្នាំ២០២៣ កន្លងទៅ បើតាមការបញ្ជាក់ពីមន្ត្រីជំនាញ បានឲ្យដឹងថា ករណីអាណិកជនខ្មែរ-អាមេរិក វ័យ៦៨ឆ្នាំ ដែលបានយកខ្សែភ្លើងឆក់សម្លាប់ប្រពន្ធនៅក្នុងបុរី KC ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ត្រូវសមត្ថកិច្ចចាប់ខ្លួន នៅព្រំដែនកម្ពុជា-ថៃ។សមត្ថកិច្ច បានបញ្ជាក់ឱ្យដឹងថា ជនសង្ស័យជាឃាតកមានឈ្មោះ មូល ណេត អាយុ៦៨ឆ្នាំ ជាអាណិកជនខ្មែរ-អាមេរិក បានរត់គេច ខ្លួនក្រោយកើតហេតុ កាលពីព្រឹកថ្ងៃទី២៤ ខែកុម្ភៈ ឆ្នាំ២០២៣។ ចំណែកប្រពន្ធដែលស្លាប់ ឈ្មោះ កែវ ស្រីមុំ អាយុ៣៨ឆ្នាំ អាចកើតឡើងដោយសារភ្លើងប្រចណ្ឌ ទើបហ៊ានធ្វើអំពើឃាតកម្មដ៏ឃោរឃៅបែបនេះ។សូមបន្ថែមថា បើតាមការបញ្ជាក់របស់ម្ដាយជនរងគ្រោះ បានឱ្យដឹងថា ដើមឡើយគាត់ឮសំឡេងឈ្លោះប្រកែកគ្នារវាងជនរងគ្រោះនឹងប្ដី លុះមួយសន្ទុះក្រោយមកបុរសជាប្ដីបានចាក់សោចេញក្រៅ រួចជិះម៉ូតូទៅបាត់។ ក្រោយមកក្មួយរបស់ជនរងគ្រោះបានចូលទៅក្នុងផ្ទះ ហើយឃើញជនរងគ្រោះដេកនៅក្នុងបន្ទប់ទឹក ប៉ុន្ដែស្មានតែសន្លប់ក៏លើកមកដាក់លើសាឡុង ទើបដឹងថាស្លាប់ ហើយបង្កឲ្យមានការភ្ញាក់ផ្អើលតែម្ដង។ បច្ចុប្បន្នជនត្រូវចោទ ត្រូវបានតំណាងអយ្យការចោទប្រកាន់ជាផ្លូវការ រួចបញ្ជូនទៅចៅក្រមស៊ើបសួរសម្រេចឃុំខ្លួនជាបណ្ដោះអាសន្ន នៅពន្ធនាគារ (ម១)៕ អត្ថបទ៖ កុម្ភៈ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

កំពត៖ កាស៊ីណូដែលទើបនឹងសាងសង់ឈ្មោះថា កាស៊ីណូខ្ញុំ ដែលមានទីតាំងស្ថិតក្នុងភូមិថ្កូវ ឃុំឫស្សីស្រុកខាងលិច ស្រុកកំពង់ត្រាច ក្បែរច្រកទ្វារព្រំដែនអន្តរជាតិព្រែកចាក ត្រូវបានអគ្គីភ័យឆាបឆេះបង្កការភ្ញាក់ផ្អើល កាលពីព្រឹកថ្ងៃទី២៧ ខែកុម្ភៈ ឆ្នាំ២០២៣។ សមត្ថកិច្ចនៃអាជ្ញាធរស្រុកកំពង់ត្រាចសហការជាមួយម្ចាស់កាស៊ីណូ បានពន្លត់រហូតទទួលជោគជ័យ ជាមួយការខូចខាតទ្រព្យសម្បត្តិមួយចំនួនផងដែរ។លោក ឃឹម សាមី អភិបាលរងស្រុកកំពង់ត្រាច បានប្រាប់ឱ្យដឹងថា កាលពីវេលាម៉ោង១០ព្រឹកថ្ងៃទី២៧ ខែកុម្ភៈ មានករណីអគ្គីភ័យឆាបឆេះកាស៊ីណូមួយកន្លែងស្ថិតក្នុងភូមិថ្កូវ ឃុំឫស្សីស្រុកខាងលិច ដោយក្រុមអ្នកពន្លត់សង្ស័យអាចបណ្តាលមកពីទុស្សេចរន្តអគ្គិសនី។ ហើយនៅវេលាម៉ោង១២ថ្ងៃត្រង់ ភ្លើងបានរលត់ទៅវិញបន្ទាប់ពីរថយន្ត២គ្រឿងរបស់រដ្ឋបាលស្រុករួមសហការជាមួយរថយន្តរបស់ម្ចាស់កាស៊ីណូ បាញ់ទឹកពន្លត់អស់ជាច្រើនស៊ីទែនរួចមក។ លោកអភិបាលរង ស្រុកបានបញ្ជាក់ថា ការខូចខាតមានទំហំប៉ុនណាមិនទាន់ដឹងនៅឡើយទេ តែតាមមើលឃើញជាក់ស្តែងគឺបន្ទប់ចំនួន៣ នៅជាន់ខាងលើបានឆេះរោល៕

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

ភ្នំពេញ៖ ទីតាំងរោងចក្រផលិតនំប៉័ងមួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ កម្លាំងសមត្ថកិច្ចចេញរថយន្តពន្លត់អគ្គិភ័យជាច្រើនគ្រឿងទៅដល់ទីតាំងដើម្បីជួយអន្តរាគមន៍ពន្លត់ ជៀសវាងរាលដាលដល់ទីតាំងផ្សេងទៀត។ក៏ប៉ុន្តែបណ្ដាលឲ្យបុរសម្នាក់រងរបួសធ្ងន់បញ្ជូនទៅសង្គ្រោះនៅមន្ទីរពេទ្យភ្លាមៗ។ហេតុការណ៍គ្រោះអគ្គិភ័យនេះបានកើតឡើងនៅវេលាម៉ោង ០១ និង១៥នាទីរំលងអធ្រាតឈានចូលថ្ងៃទី ២៦ ខែកុម្ភៈ ឆ្នាំ ២០២៣ នៅចំណុចរោងចក្រផលិតនំប៉័ងមួយកន្លែង ស្ថិតនៅតាមបណ្ដោយផ្លូវលំ មូលដ្ឋានសង្កាត់ការកាប២ ខណ្ឌពោធិ៍សែនជ័យ រាជធានីភ្នំពេញ។តាមប្រភពព័ត៌មានបានឲ្យដឹងថាទីតាំងរោងចក្រផលិតនំបុ័ងនេះគឺមានកម្មករធ្វើជាពីវេណ កាលពីវេលាម៉ោង ១២យប់ឈានចូលថ្ងៃទី ២៦ខែកុម្ភៈ ២០២៣ ក្រុមវេណទី០១ ចេញពីធ្វើការមិនទាន់មានការឆាប់ចេញនៅឡើយទេ។ ខណៈវេលាដល់ម៉ោង០១និង ១៥ នាទីស្រាប់តែមានផ្សែងហ៊ុយចេញពីខាងក្នុងនៃរោងចក្រ បង្កជាអណ្ដាតភ្លើងពេលនោះក្រុមកម្មករបាននាំគ្នាយកបំពង់ពន្លត់អគ្គិភ័យបាញ់ពន្លត់តែមិនអាចគ្រប់គ្រងបានឡើយ។ដោយអណ្ដាតភ្លើងឆាប់ឆេះយ៉ាងសន្ធោរសន្ធៅ ខ្លាំងឡើងខ្លាំងឡើង។ ភ្លាមៗនោះបានរាយការណ៍ទៅអាជ្ញាធរមូលដ្ឋានអាជ្ញាធរមូលដ្ឋានបានទំនាក់ទំនងទៅមន្ត្រីជំនាញការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តជាច្រើនគ្រឿងមកដល់ទីតាំងកាត់ហេតុដើម្បីជួយបាញ់ពន្លត់។លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យនិងសង្គ្រោះ នៃស្នងការដ្ឋាននគរបាលរាជធានីភ្នំពេញ បានឱ្យដឹងថាពេលទទួលបានដំណឹងភ្លាមៗលោកបានបញ្ចេញរថយន្តគ្រប់គោលដៅដើម្បីជួញជួយអន្តរាគមន៍ តែទោះជាយ៉ាងណាអណ្ដាតភ្លើងបានឆាប់ឆេះខ្លាំងទៅហើយដោយសម្ភារៈខាងក្នុងរោងចក្រភាគច្រើនជាតិប័រនិងម្សៅ ដូច្នេះវាឆាបឆេះយ៉ាងសន្ធោសន្ធៅ ធ្វើឱ្យមន្ត្រីអាជ្ញាធរលំបាកក្នុងការជួយបាញ់ពន្លត់ឱ្យទាន់ពេលវេលា។ក្នុងប្រតិបត្តិការនេះដែរទីតាំងរោងចក្រផលិតនំប៉័ងត្រូវបានអគ្គីភ័យឆាបឆេះបំផ្លាញសម្ភារៈខាងក្នុងអស់ស្ទើរទាំងស្រុងនិងបណ្ដាលឲ្យបុរសជនជាតិចិនម្នាក់រងរបួស។ នឹងប្រើប្រាស់រថយន្តពន្លត់អគ្គិភ័យអស់ជាច្រើនគ្រឿងរួមមានរថយន្តរបស់ស្នងការដ្ឋាននគរបាលរាជធានីភ្នំពេញ រថយន្តស្រាបៀរកម្ពុជា រថយន្តក្រសួងមហាផ្ទៃ និងរថយន្តក្រុមហ៊ុនឯកជន OCIC ចេញជួយអន្តរាគមន៍។ចំពោះមូលហេតុមន្ត្រីជំនាញសន្និដ្ឋានជំហានដំបូងអាចបណ្ដាលមកពីឆ្លងចរន្តអគ្គីសនី តែយ៉ាងណាមន្ត្រីជំនាញធ្វើការស្រាវជ្រាវបន្តទៀតដើម្បីរកមូលហេតុច្បាស់លាស់៕ អត្ថបទ៖ កុម្ភៈ

Update៖ ករណីឆេះបន្ទប់ខុនដូនៅសង្កាត់ទន្លេបាសាក់ថ្ងៃមិញគឺឆេះចំបន្ទប់អ្នកគ្រប់គ្រងអគារខុនដូនោះ

ភ្នំពេញ៖ ករណីអគ្គីភ័យដែលបានឆាបឆេះបន្ទប់ខុនដូថ្ងៃមិញនៅសង្កាត់ទន្លេបាសាក់ ខណ្ឌចំការមន ត្រូវបានមន្ត្រីសមត្ថកិច្ចជំនាញបញ្ជាក់ថា បណ្តាលមកពីការឆ្លងចរន្តអគ្គីសនី ដោយបានឆាបឆេះបំផ្លាញទ្រព្យសម្បត្តិមួយចំនួននៅក្នុងបន្ទប់ខាងលើ ហើយម្ចាស់បន្ទប់ជាអ្នកគ្រប់គ្រងអគារខុនដូខាងលើផ្ទាល់។ បន្ទប់ខុនដូឆាបឆេះលេខ C1508 ជាបន្ទប់ស្ថិតនៅជាន់ទី១៥ នៃអគារខុនដូ ECC-EASTVIEW ដោយមានម្ចាស់បន្ទប់ឈ្មោះ Judy ភេទប្រុស អាយុ ៣១ឆ្នាំជាជនជាតិចិន។ ក្នុងហេតុការណ៍ខាងលើនេះ សមត្ថកិច្ចជំនាញបានប្រើប្រាស់រថយន្តពន្លត់អគ្គីភ័យអស់ចំនួន ០៣គ្រឿង ក្នុងចំណោមរថយន្តជាច្រើនដែលបានចុះអន្តរាគមន៍ដល់ទីតាំងកើតហេតុ និងបានប្រើពេលវេលាអស់ជិត ១ម៉ោង ដើម្បីគ្រប់គ្រងស្ថានការណ៍ឆាបឆេះអោយរលត់សូន្យ ១០០ភាគរយ។ ក្នុងហេតុការណ៍ដដែលមិនមានបណ្តាលឲ្យមនុស្សណាម្នាក់រងរបួសនោះឡើយ។ គួររំលឹកថា ករណីអគ្គីភ័យនេះបានកើតឡើងកាលពីវេលាម៉ោង ១៣ និង៤០នាទីថ្ងៃទី២៥ ខែកុម្ភៈ ឆ្នាំ២០២៣ ស្ថិតតាមបណ្ដោយផ្លូវលេខ៤១ ក្បែរអគ្គស្នងការដ្ឋាននគរបាលជាតិ ក្នុងភូមិ១០ សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕ អត្ថបទ៖ លីហេង

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា

ភ្នំពេញ៖ សមាគមមីក្រូហិរញ្ញវត្ថុកម្ពុជា (CMA) និងអង្គការ Water.org បានប្រកាសពីកិច្ចសហការរយៈពេលពីរឆ្នាំ ដើម្បីលើកកម្ពស់លទ្ធភាពទទួលបានហិរញ្ញប្បទានសម្រាប់សេវាទឹកស្អាត និងអនាម័យដល់សហគ្រាសធុនតូច និងមធ្យម និងប្រជាជនក្នុងប្រទេសកម្ពុជា។ ភាពជាដៃគូនេះមានគោលបំណងពង្រឹងសមត្ថភាពរបស់សមាជិក សមាគមមីក្រូហិរញ្ញវត្ថុកម្ពុជាក្នុងការអភិវឌ្ឍ និងផ្តល់ជូននូវផលិតផលឥណទានទឹកស្អាត និងអនាម័យដល់អតិថិជនរបស់ពួកគេ សំដៅដល់ការលើកកម្ពស់បរិយាបន្នហិរញ្ញវត្ថុ និងធ្វើឱ្យប្រសើរឡើងលទ្ធភាពទទួលបានសេវាទឹកស្អាត និងអនាម័យក្នុងប្រទេសកម្ពុជា។ កង្វះទឹកស្អាត និងអនាម័យជាបញ្ហាសំខាន់ក្នុងប្រទេសកម្ពុជា ជាពិសេសនៅតាមតំបន់ជនបទ។ ដើម្បីដោះស្រាយបញ្ហានេះ កិច្ចសហការរវាងសមាគមមីក្រូហិរញ្ញវត្ថុកម្ពុជា និងអង្គការ Water.org នឹងផ្តោតលើការកសាងសមត្ថភាពដល់គ្រឹះស្ថានហិរញ្ញវត្ថុដែលជាសមាជិករបស់សមាគម ដើម្បីអនុវត្តកម្មវិធីការអភិវឌ្ឍឥណទានទឹកស្អាត ក្នុងនោះ គ្រឹះស្ថានហិរញ្ញវត្ថុដែលចូលរួមនឹងទទួលបានជំនួយបច្ចេកទេសក្នុងការអភិវឌ្ឍ និងកែលម្អផលិតផលហិរញ្ញវត្ថុសម្រាប់ទឹកស្អាត និងអនាម័យផងដែរ។ ការអនុវត្តកម្មវិធី ការអភិវឌ្ឍឥណទានទឹកស្អាត ក៏នឹងជួយដល់គ្រឹះស្ថានមីក្រូហិរញ្ញវត្ថុក្នុងការរក្សាបានអតិថិជនរបស់ខ្លួន និងគុណភាពនៃប្រាក់កម្ចី ដោយធានាបាននូវនិរន្តរភាពអាជីវកម្ម ដែលគាំទ្រដល់ការអភិវឌ្ឍវិស័យហិរញ្ញវត្ថុប្រកបដោយនិរន្តរភាព និងប្រកបដោយទំនួលខុសត្រូវ។ កិច្ចសហការរវាង CMA និងអង្គការ Water.org រួមចំណែកលើកកម្ពស់បរិយាបន្នហិរញ្ញវត្ថុ និងជួយដល់អតិថិជនព្រមទាំងគ្រួសារពួកគេមានភាពប្រសើរឡើងនូវគុណភាពជីវិត និងសុខភាពល្អជាងមុនតាមរយៈលទ្ធភាពទទួលបានសេវាទឹកស្អាត និងអនាម័យដែលមានលក្ខណៈល្អប្រសើរ។ លោក សុខ វឿន ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជាបានមានប្រសាសន៍ថា ការសហការនេះដើម្បីបង្កើនលទ្ធភាពទទួលបានសេវាឥណទានទឹកស្អាត និងអនាម័យដល់សហគ្រាសធុនតូច និងមធ្យម និងប្រជាជនក្នុងប្រទេសកម្ពុជា” និងចូលរួមចំណែកពង្រឹងសមត្ថភាពរបស់សមាជិក តាមរយៈការផ្តល់ជូននូវផលិតផលឥណទានទឹកស្អាត និងអនាម័យដល់អតិថិជនរបស់ពួកគេ ដែលនឹងជះឥទ្ធិពលយ៉ាងខ្លាំងដល់ការទទួលបានទឹកស្អាត និងអនាម័យនៅក្នុងសហគមន៍ ព្រមទាំងលើកកម្ពស់បរិយាប័ន្នហិរញ្ញវត្ថុ។»លោកស្រី Griselda (Gay) Santos នាយិកានៃអង្គការ Water.org ប្រចាំតំបន់អាស៊ីអាគ្នេយ៍មានប្រសាសន៍ថា តាមរយៈការផ្តល់ដំណោះស្រាយផ្នែកហិរញ្ញវត្ថុ ដើម្បីដោះស្រាយបញ្ហាប្រឈមលើការទទួលបានទឹកស្អាត និងអនាម័យគឺនឹងអាចលើកកំពស់គុណភាពជីវិត និងសុខភាពប្រជាជនក្នុងប្រទេសកម្ពុជា»។ កិច្ចសហការរវាង CMA និង Water.org គឺជាជំហានវិជ្ជមានមួយឆ្ពោះទៅរកការរួមចំណែក ដល់ការសម្រេចបាននូវគោលដៅស្តីពីលទ្ធភាពទទួលបានសេវាទឹកស្អាត និងអនាម័យរបស់ប្រជាជន ១០០ភាគរយក្នុងប្រទេសកម្ពុជា នៅតំបន់ជនបទត្រឹមឆ្នាំ២០២៥ ទន្ទឹមនឹងការលើកកម្ពស់បរិយាប័ន្នហិរញ្ញវត្ថុផងដែរ៕ អត្ថបទ៖ ដាវណ្ណ

បណ្ដាញសង្គម

ព័ត៌មានថ្មីៗ

សប្បុរសជនបន្តផ្តល់ជំនួយដល់កងពលតូចដឹកជញ្ជូនលេខ៩៩ដើម្បីបន្តនាំយកទៅចែកជូនដល់បងប្អូនវីរកងទ័ពជួរមុខនៅតាមបន្ទាត់ព្រំដែន

រដ្ឋបាលស្រុកស្វាយទាប និងខេត្តតៃនិញ បន្តរួមគ្នាថែរក្សា សន្តិសុខ និងធ្វើការអភិវឌ្ឍន៍តាមព្រំដែន

ជនជាតិចិន ៣២៧នាក់ទៀត ត្រូវបានបណ្ដេញចេញពីកម្ពុជា ពាក់ព័ន្ធករណីឆបោកតាមប្រព័ន្ធអនឡាញ (Online Scams)

អគ្គមេបញ្ជាការរងកងយោធពលខេមរភូមិន្ទ អញ្ជើញចុះសួរសុខទុក្ខ និងជូនពរជ័យ សិរីសួស្តីដល់យោធិនដែលកំពុងបំពេញបេសកកម្មការពារបូរណភាពទឹកដី នៅសមរភូមិមុខយោធភូមិភាគទី១

អាមេរិក និងអ៊ីរ៉ង់ កំពុងស្វែងរកអ្នកបើកយន្តហោះចម្បាំងសហរដ្ឋអាមេរិកដែលបាត់ខ្លួន

តារាសម្ដែងហូលីវូដ កញ្ញា Lily James តួឯកក្នុងរឿង "Cinderella" ធ្វើទស្សនកិច្ចនៅអនុវិទ្យាល័យ ហ៊ុន សែន រលួស ខេត្តសៀមរាប

អ៊ីរ៉ង់ព្រមានថា តំបន់នឹងក្លាយជាឋាននរក បើសិនភាពតានតឹងជាមួយអាមេរិក-អ៊ីស្រាអែលនៅតែបន្ត

ក្រសួងការងារលើកទឹកចិត្តអ្នកស្វែងរកការងាររៀនជំនាញទន់បន្ថែម ដើម្បីត្រៀមខ្លួនមុនចូលទីផ្សារការងារ

មនី្ទរវប្បធម៌ និងវិចិត្រសិល្បៈ ខេត្តកំពង់ស្ពឺ នឹងរៀបចំពិធីប្រណាំងរទេះសាឡីគោលឿន ឆ្នាំ២០២៦

សួនរុក្ខជាតិអង្គរ ត្រៀមរៀបចំព្រឹត្តិការណ៍ពិសេសៗ ដើម្បីស្វាគមន៍ភ្ញៀវទេសចរក្នុងឱកាសបុណ្យចូលឆ្នាំថ្មី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អគ្គីភ័យឆាបឆេះលំនៅឋានពលរដ្ឋ៥ខ្នង នៅស្រុកមុខកំពូល ខេត្តកណ្តាល

ឃាតករជាប្តី បាញ់សម្លាប់ប្រពន្ធនៅខណ្ឌដង្កោល្ងាចមិញ បានចូលខ្លួនសារភាពហើយ

ប្តីចិត្តអប្រិយបាញ់ប្រហារប្រពន្ធដែលមានផ្ទៃពោះ ៤ខែ ស្លាប់ក្នុងថ្លុកឈាម នៅក្នុងបុរីពិភពថ្មី៣

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

Update៖ ករណីឆេះបន្ទប់ខុនដូនៅសង្កាត់ទន្លេបាសាក់ថ្ងៃមិញគឺឆេះចំបន្ទប់អ្នកគ្រប់គ្រងអគារខុនដូនោះ

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អគ្គីភ័យឆាបឆេះលំនៅឋានពលរដ្ឋ៥ខ្នង នៅស្រុកមុខកំពូល ខេត្តកណ្តាល

ឃាតករជាប្តី បាញ់សម្លាប់ប្រពន្ធនៅខណ្ឌដង្កោល្ងាចមិញ បានចូលខ្លួនសារភាពហើយ

សមត្ថកិច្ចមន្ទីរប្រឆាំងគ្រឿងញៀនផ្ទុះអាវុធ០៣គ្រាប់ បណ្តាលអោយពលរដ្ឋម្នាក់ រងរបួសធ្ងន់ក្នុងថ្លុកឈាម

អគ្គនាយកដ្ឋាន​គយ​ ឃាត់​រថយន្ដ​ស៊េរី​ទំនើប​មួយ​គ្រឿង​ ជ្រកក្រោមពាក់​ស្លាក​លេខ​នគរបាល​ សង្ស័យគ្មានពន្ធឲ

អគ្គីភ័យឆេះកាស៊ីណូនៅក្បែរច្រកទ្វារព្រែកចាក សង្ស័យបណ្តាលមកពីទុស្សេចរន្តអគ្គិសនី

អគ្គិភ័យឆាបឆេះរោងចក្រផលិតនំប៉័ងមួយកន្លែងនៅ សង្កាត់ការកាប២ បណ្ដាលឲ្យបុរសជនជាតិចិនម្នាក់រងរបួសធ្ងន់

វិស័យ​មីក្រូហិរញ្ញវត្ថុ​រួមចំណែក​លើកកម្ពស់​ការ​ទទួលបាន​សេវា​ទឹកស្អាត និង​អនាម័យ​នៅ​កម្ពុជា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អគ្គនាយកដ្ឋានគយ ឃាត់រថយន្ដស៊េរីទំនើបមួយគ្រឿង ជ្រកក្រោមពាក់ស្លាកលេខនគរបាល សង្ស័យគ្មានពន្ធឲ

វិស័យមីក្រូហិរញ្ញវត្ថុរួមចំណែកលើកកម្ពស់ការទទួលបានសេវាទឹកស្អាត និងអនាម័យនៅកម្ពុជា