BTV NEWS

មន្ត្រីនគរបាលព្រំដែនខេត្តកោះកុង ដែលបាញ់មនុស្សស្លាប់ចូលសារភាពហើយ

ស្នងការខេត្តកោះកុង៖សមត្ថកិច្ចទទួលបានតម្រុយ មន្ត្រីនគរបាលព្រំដែនខេត្តកោះកុងដែលបាញ់មនុស្សស្លាប់ម្នាក់ និងរបួសម្នាក់ហើយ

ដកហូតអាជ្ញាបណ្ណកាស៊ីណូ ដែលផ្តល់ជូនក្រុមហ៊ុន សៀងហៃ រីហ្សត ពាក់ព័ន្ធករណីឆបោកតាមប្រព័ន្ធបច្ចេកវិទ្យា

មន្ទីរប្រឆាំងគ្រឿងញៀន បង្ក្រាបសំបុកក្រុមជួញដូរគ្រឿងញៀនយ៉ាងសកម្មក្នុងភូមិសាស្ត្រខេត្តតាកែវ ប្រដាប់ដោយអាវុធ បានបាញ់មកលើកម្លាំងនគរបាល២នាក់របួសធ្ងន់កំពុងសង្គ្រោះបន្ទាន់ ចាប់ខ្លួនជនល្មើសបានចំនួន ៧នាក់

សន្តិសុខ និង សង្គម

បុរសស្រវឹងស្រាមួយក្រុម ដកកាំភ្លើងខ្លីបាញ់មួយគ្រាប់គំរាមអ្នកលក់ រួចគេចខ្លួនបាត់

ភ្នំពេញ៖ ជនសង្ស័យមួយក្រុមមានគ្នា ០៤នាក់ បានចូលទៅផឹកស៊ីក្នុងទៀមទឹកត្នោតជូរមួយកន្លែង រហូតស្រវឹង បានទាញកាំភ្លើងបាញ់ឡើងលើ បង្កអោយមានការភ្ញាក់ផ្អើល នៅចំណុចក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ នៅរសៀល ថ្ងៃទី៩ ខែមីនា ឆ្នាំ២០២៣នេះ។តាមសម្តីអ្នកលក់បានឲ្យដឹងថា នៅមុនពេលកើតហេតុ ក្រុមជនសង្ស័យទាំង ០៤នាក់ខាងលើ ដោយជិះម៉ូតូ ៣គ្រឿង មិនចាំស្លាកលេខ បានចូលទៅអង្គុយផឹកស៊ីនៅក្នុងរោងលក់ទឹកត្នោតជូរបស់គាត់ ខណៈអង្គុយផឹកស្រាបៀរអស់៣កញ្ច្រែង ស្រាប់តែជនសង្ស័យម្នាក់ក្នុងចំណោមបក្សពួកទាំង ០៤នាក់របស់គេ បានដើរទៅសុំរូបគាត់ថា « បងខ្ញុំសុំបាញ់បញ្ចេញកំហឹងមួយគ្រាប់»។ ភ្លាមនោះ ម្ចាស់ទីតាំងមិនបានចាប់អារម្មណ៍ព្រោះគិតថា គ្រាន់តែការនិយាយលេង លុះគ្រាន់តែនិយាយរួច ជនសង្ស័យរូបនោះ ក៏បានដើរចេញទៅខាងមុខរោង រួចដកកាំភ្លើងខ្លីបាញ់ឡើងលើចំនួនមួយគ្រាប់ធ្វើឲ្យអ្នកលក់ និងបុគ្គលិករត់ជាន់ជើងគ្នា។ បន្ទាប់ពីបាញ់រួចមកក្រុមជនសង្ស័យទាំង ០៤នាក់ បានរើសគ្រាប់សម្បកគ្រាប់ដែលខ្លួនបាញ់ដាក់ចូលហោប៉ាវ រួចនាំគ្នាឡើងជិះម៉ូតូគេចេញពីកន្លែងកើតហេតុអស់ ដោយមិនទាន់ទាំងបានគិតលុយថ្លៃហូបចុកផងនោះ ហើយអ្នកលក់ក៏មិនហ៊ានឃាត់ទារលុយកាក់អីដែរ ព្រោះខ្លាចមានបញ្ហាដល់ខ្លួនបន្ថែម។ ក្រោយកើតកម្លាំងអាជ្ញាធរមូលដ្ឋាន បានចុះដល់ទីតាំងខាងលើ ដើម្បីសាកសួរនាំព័ត៌មាន និងពិនិត្យជុំវិញទីតាំងកើតហេតុ ដើម្បីបន្តកំណត់មុខសញ្ញាដែលបានផ្ទុះអាវុធផងដែរ។ ដោយឡែក ម្ចាស់ទីតាំងក៏បានដាក់ពាក្យបណ្តឹងនៅប៉ុស្តិ៍រដ្ឋបាលនគរបាល ដើម្បីអោយកម្លាំងសមត្ថកិច្ចបន្តនីតិវិធី ក្នុងការស្រាវជ្រាវក្រុមជនសង្ស័យយកទៅផ្តន្ទាទោសតាមផ្លូវច្បាប់នៅពេលខាងមុខផងដែរ៕ អត្ថបទ៖ លីហេង

ឃាត់ខ្លួនក្មេងទំនើង២នាក់ ករណីដេញវៃគ្នាបង្កភាពអាណាធិបតេយ្យតាមផ្លូវជាតិលេខ៣ ខេត្តតាកែវ

តាកែវ៖ នគរបាលខេត្តតាកែវស្រាវជ្រាវចាប់ខ្លួនក្មេងទំនើងជាសិស្សសាលា ២នាក់ ក្នុងចំណោមបក្ខពួកចំនួន ១០នាក់ ពាក់ព័ន្ធករណីដេញវៃ និងគប់គ្នាបង្កភាពអាណាធិបតេយ្យតាមផ្លូវជាតិលេខ៣ ហើយត្រូវបានអ្នកធ្វើដំណើរថតបង្ហោះតាមសង្គមហ្វេសប៊ុក កាលពីថ្ងៃទី៧ ខែមីនា ឆ្នាំ២០២៣ ។សមត្ថកិច្ចខេត្តតាកែវ ប្រាប់អោយដឹងថា កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តតាកែវ សហការជាមួយកម្លាំងជំនាញរបស់អធិការដ្ឋាននគរបាលស្រុកសំរោង និងកម្លាំងប៉ុស្តិ៍នគរបាលរដ្ឋបាលបឹងត្រាញ់ខាងត្បូង កាលពីថ្ងៃទី៨ ខែមីនា ឆ្នាំ២០២៣ បានស្រាវជ្រាវកំណត់មុខសញ្ញា និងឃាត់ខ្លួនជនសង្ស័យជាក្មេងទំនើងចំនួន ០២នាក់ ទី១-ឈ្មោះ ប្រាក់ វណ្ណត ភេទប្រុស អាយុ១៤ឆ្នាំ រស់នៅភូមិដក់ពរ ឃុំបឹងត្រាញ់ខាងត្បូង ស្រុកសំរោង ខេត្តតាកែវ និងទី២.ឈ្មោះ អ៊ឹម សៀងលី ភេទប្រុស អាយុ១៥ឆ្នាំ រស់នៅភូមិខ្នារុង ឃុំបឹងត្រាញ់ខាងត្បូង ស្រុកសំរោង ខេត្តតាកែវ ពាក់ព័ន្ធករណីហិង្សាដោយចេតនា កាលពីថ្ងៃទី០៧ ខែមីនា ឆ្នាំ២០២៣ វេលាម៉ោង១៣ និង១៥នាទី តាមបណ្ដោយផ្លូវជាតិលេខ៣ ស្ថិតនៅភូមិកំប៉ោ ឃុំបឹងត្រាញ់ខាងត្បូង ស្រុកសំរោង ខេត្តតាកែវ ដោយធ្វើសកម្មភាពដេញគប់គ្នាតាមផ្លូវ ជាមួយក្រុមក្មេងទំនើងមួយក្រុមទៀត ។ ដោយឡែកបក្ខពួក ៨នាក់ទៀត សមត្ថកិច្ចកំពុងស្វែងរកចាប់ខ្លួនបន្តទៀត ។ចំពោះក្មេងទំនើងទាំង២នាក់ កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងចាត់ការតាមនីតិវិធី ៕ តារាវុទ្ធី

អាជ្ញាធររាជធានីភ្នំពេញ ចុះដោះស្រាយបញ្ហារឿងពលករជាង ១០០នាក់ចាញ់បោកមេខ្យល់

ភ្នំពេញ៖ ពលករជាង ១០០នាក់ចាញ់បោកមេខ្យល់ថា រត់ការនាំទៅធ្វើការនៅប្រទេសកូរ៉េ ដោយអ្នកខ្លះចំណាយអស់លុយចាប់ពី ៨០០ដុល្លារដល់ ១០០០ដុល្លារសហរដ្ឋអាមេរិក ឥឡូវត្រូវបានអាជ្ញាធរខណ្ឌពោធិ៍សែនជ័យ សហការជាមួយសាលារាជធានីភ្នំពេញ ចុះដោះស្រាយ នៅសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។អាជ្ញាធរខណ្ឌពោធិ៍សែនជ័យ នាល្ងាចថ្ងៃទី៨ ខែមីនា ឆ្នាំ២០២៣ ប្រាប់ឱ្យដឹងថា ពលករដែលចាញ់ល្បិចឆបោកមេខ្យល់ថា រត់ការទៅធ្វើការនៅប្រទេសកូរ៉េ សរុបទាំងអស់ ១២៥នាក់ ( ស្រី ៣៨នាក់) ក្រោយកើតហេតុអាជ្ញាធរសមត្ថកិច្ចខណ្ឌពោធិ៍សែនជ័យ ចាប់ខ្លួនជនសង្ស័យជាមេខ្យល់ ៤នាក់ ( ប្រុស ៣នាក់ ស្រី ម្នាក់ ) បញ្ជូនទៅកាន់ស្នងការដ្ឋានរាជធានីភ្នំពេញ ដើម្បីបន្តនីតិវិធី ។អាជ្ញាធរខណ្ឌពោធិ៍សែនជ័យ ប្រាប់បន្តថា ពលករដែលចាញ់ល្បិចឆបោកមេខ្យល់ថា រត់ការទៅធ្វើការនៅប្រទេសកូរ៉េទាំង ១២៥នាក់ ( ស្រី ៣៨នាក់) នោះ ត្រូវបានក្រុមមេខ្យល់ទាំងអស់នោះប្រើល្បិចឆបោកមកពីបណ្តាខេត្តនានា មានអ្នកខ្លះជាបងប្អូនបង្កើត និងអ្នកខ្លះទៀត បងប្អូនជីដូនមួយក៏មានដែរ ។ ដោយពលករខ្លះ ត្រូវចំណាយអស់លុយ ៨០០ដុល្លារ និងអ្នកខ្លះអស់លុយរហូតដល់ ១០០០ដុល្លារសហរដ្ឋអាមេរិក ។អាជ្ញាធរខណ្ឌពោធិ៍សែនជ័យ ប្រាប់បញ្ជាក់ថា ដោយមានការយកចិត្តទុកដាក់ពី ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អាជ្ញាធររាជធានីភ្នំពេញបានបញ្ចេញរថយន្តដឹកបងប្អូនពលករទាំងអស់នោះទៅស្រុកកំណើតរៀងៗខ្លួន ដោយមិនគិតថ្លៃឡើយ ។ជំនួសមុខអាជ្ញាធររាជធានីភ្នំពេញ សូមអំពាវនាវប្រជាពលរដ្ឋទាំងអស់ សូមកុំចាញ់បោកមេខ្យល់ដែលសន្យាថា រត់ការទៅធ្វើការនៅប្រទេសនេះ ប្រទេសនោះ ការពិតគឺជាល្បិចកល់សម្រាប់បោកបញ្ឆោតបងប្អូនទាំងអស់ ដើម្បីបានលុយពីបងប្អូន ។ មុននឹងបងប្អូនធ្វើអ្វីមួយ ត្រូវពិនិត្យ និងគិតអោយបានដិតដល់បំផុត តើក្រុមហ៊ុន មានយីហោឬអត់ ? និង មានអាជ្ញាប័ណ្ណអនុញ្ញាត ឬទេ ? ៕តារាវុទ្ធី

ឧកញ៉ា អ៊ឹម ប្រុស ត្រូវបាននគរបាលចាប់ខ្លួន ដោយអនុវត្តតាមដីកាស្ថាពររបស់សាលាឧទ្ធរណ៍ខេត្តត្បូងឃ្មុំ ពីបទ «ឆបោក»

កំពង់ចាម ៖ ឧកញ៉ា អ៊ឹម ប្រុស ហៅគ្រូសីល ត្រូវបាននគរបាលចាប់ខ្លួន ដោយអនុវត្តតាមដីកា ស្ថាពររបស់សាលាឧទ្ធរណ៍ខេត្តត្បូងឃ្មុំ ពីបទ «ឆបោក» នៅថ្ងៃទី៧ ខែមីនា ឆ្នាំ២០២៣ ដែលការចាប់ខ្លួននេះ បានធ្វើឡើង ភូមិអណ្តូងច្រុះ ឃុំអំពិល ស្រុកកំពង់សៀម ខេត្តកំពង់ចាម។មន្រ្តីនគរបាលខេត្តកំពង់ចាម បានប្រាប់ឲ្យដឹងថា នៅវេលាម៉ោង ១១៖៣០នាទីថ្ងៃទី៧ ខែមីនា ឆ្នាំ២០២៣ កម្លាំងនគរបាលព្រហ្មទណ្ឌ នៃស្នងការដ្ឋាននគរបាលខេត្តកំពង់ចាម សហការជាមួយកម្លាំង ជំនាញរបស់អធិការដ្ឋាននគរបាលស្រុកកំពង់សៀម ដឹកនាំដោយលោកឧត្តមសេនីយ៍ត្រី អ៊ិត ដារ៉ា ស្នងការរងទទួលផែនការងារព្រហ្មទណ្ឌ ក្រោមការដឹកនាំសម្របសម្រួលផ្ទាល់ពីលោក តូច ឧត្តម និងលោក តារា វិទូ ព្រះរាជអាជ្ញារង នៃអយ្យការអមសាលាដំបូងខេត្ត បានដឹកនាំចុះអនុវត្តសាលដីកាស្ថាពររបស់សាលាឧទ្ធរណ៍ត្បូងឃ្មុំ បង្គាប់ឲ្យចាប់ខ្លួនឈ្មោះ អ៊ឹម ប្រុស ហៅ គ្រូសីល ងារជា ឧកញ៉ា អាយុ៥៦ឆ្នាំ មានទីលំនៅភូមិអណ្តូងច្រុះ ឃុំអំពិល ស្រុកកំពង់សៀម ពីបទ «ឆបោក» ប្រព្រឹត្តនៅភូមិអណ្តូងច្រុះ ឃុំអំពិល ស្រុកកំពង់សៀម កាលពីកំឡុងឆ្នាំ២០១៥ ២០១៦ និងឆ្នាំ២០១៧។មន្រ្តីនគរបាលបានបញ្ជាក់ទៀតថា ក្នុងពេលកិច្ចប្រតិបត្តិការអនុវត្តដីកាបង្គាប់ឱ្យចាប់ខ្លួនទណ្ឌិត, កម្លាំងជំនាញ កំណត់បាន និងរកឃើញអាវុធខ្លី៥ដើម រួមមាន៖ ម៉ាកឡុក CF98 ពណ៌ខ្មៅ ចំនួន៣ដើម, ម៉ាក K59 ពណ៌ខ្មៅ ចំនួន ១ដើម និងម៉ាក CZ75 ពណ៌ខ្មៅ ចំនួន១ដើម) រួមទាំងប័ណ្ណសម្គាល់អាវុធខ្លីផុតសុពលភាពចំនួន១៥សន្លឹក ចន្លោះពីឆ្នាំ២០០៧ និង២០០៨, គ្រាប់កាំភ្លើងចំនួន ២៥៩គ្រាប់ (គ្រាប់K59 ចំនួន ៤៩គ្រាប់ និងគ្រាប់ឡុកចំនួន២១០គ្រាប់) រួមទាំងសាន់តារ៉ុងចំនួន០៦, ម៉ាស៊ីនផ្ទុករូបភាពកាំម៉ារ៉ាសុវត្ថិភាពចំនួន០២គ្រឿ, ខ្នោះដៃចំនួន០៥គូ និងស្រោមខ្នោះចំនួន០៤ផងដែរ។បច្ចុប្បន្នកម្លាំងស្នងការដ្ឋាននគរបាលខេត្តកំពង់ចាម បាននាំយកទណ្ឌិត រួមនិងវត្ថុតាង មកស្នងការដ្ឋាននគរបាលខេត្តកំពង់ចាម ដើម្បីបំពេញទម្រង់នីតិវិធី៕

ជនសង្ស័យម្នាក់ចាក់សម្លាប់សង្សាររបស់ខ្លួននៅខេត្តព្រះសីហនុ ត្រូវបាននគរបាលឃាត់ខ្លួន បាននៅភ្នំពេញ

ភ្នំពេញ៖ ជនសង្ស័យម្នាក់ចាក់សម្លាប់សង្សាររបស់ខ្លួននៅខេត្តព្រះសីហនុ ត្រូវបាននគរបាលព្រហ្មទណ្ឌក្រសួងមហាផ្ទៃសហការជាមួយនគរបាលព្រហ្មទណ្ឌខេត្តព្រះសីហនុ ធ្វើការឃាត់ខ្លួន បាននៅវេលាម៉ោង១២និង៤៥នាទីថ្ងៃទី០៧ ខែមីនា ឆ្នាំ២០២៣ នៅចំណុច មុខការដ្ឋានមួយកន្លែង ស្ថិតនៅតាមបណ្ដោយជាតិលេខ៣ មូលដ្ឋានសង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។មន្រ្តីជំនាញ បានឲ្យដឹងថា ក្រោយពីធ្វើការសាកសួរ ជនសង្ស័យ ឈ្មោះ ឡូត ម៉ុក ភេទប្រុស អាយុ៣១ឆ្នាំ បានសារភាពថា ខ្លួនពិតជាបានចាក់សម្លាប់សង្សាររបស់ខ្លួនពិតប្រាកដមែន ដោយសារតែ ការប្រច័ណ្ឌ។គួររំលឹកផងដែរ កាលពីវេលាម៉ោង៩និង៣០នាទីយប់ នាថ្ងៃទី១ ខែមីនា ឆ្នាំ២០២៣ នារីជាកម្មការិនីរោងចក្រម្នាក់ ត្រូវបានឃាតករ ជាសង្សារចាក់សម្លាប់ដោយមាន ស្នាមកាំបិតចាក់ចំ ក្រោមក្លៀក ដែលបណ្តាលអោយស្លាប់ភ្លាមៗនៅនឹងកន្លែងកើតហេតុ ក្នុងបរិវេណមុខរោងចក្រមួយកន្លែងមានឈ្មោះ “បេវឈីវើ” ក្នុងតំបន់សេដ្ឋកិច្ចពិសេស ចេជាង នៅភូមិត្រពាំងគា ស្ថិតក្នុងឃុំជើងគោ ស្រុកព្រៃនប់ ខេត្តព្រះសីហនុ ។បច្ចុប្បន្នជនសង្ស័យត្រូវបានកម្លាំងនគរបាលនាយកដ្ឋានព្រហ្មទណ្ឌក្រសួងមហាផ្ទៃធ្វើឃាត់ខ្លួន រួចប្រគល់ជូនទៅកម្លាំងនគរបាលនៃស្នងការដ្ឋាននគរបាលខេត្តព្រះសីហនុ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្ត ព្រះសីហនុ ចាត់ការតាមនីតិវិធី៕ អត្ថបទ៖ កុម្ភៈ

អគ្គិភ័យឆេះផ្ទះពលរដ្ឋនៅសង្កាត់ទឹកថ្លា បានរលត់វិញហើយ

ភ្នំពេញ៖ នៅព្រឹកថ្ងៃទី០៧ ខែមីនា ឆ្នាំ២០២៣នេះ មានករណីអគ្គិភ័យមួយបានឆាបឆេះផ្ទះប្រជាពលរដ្ឋ ខាងក្រោយបុរី១០០ខ្នង ស្ថិតនៅសង្កាត់ទឹកថ្លា ខណ្ឌសែនសុខ។ ក្រោយទទួលបានព័ត៌មាននេះ កម្លាំងសមត្ថកិច្ចបានចុះជួយអន្តរាគមន៍ភ្លាមៗ ដោយបានបាញ់ទឹកពន្លត់រលត់ជាស្ថាពរហើយ។ លម្អិតបន្ថែមBTVNews នឹងផ្សាយជាបន្តបន្ទាប់។

នគរបាលព្រហ្មទណ្ឌកំរិតស្រាលរាជធានីភ្នំពេញ បានឃាត់ខ្លួនជនសង្ស័យពីរនាក់ ដកហូតសារធាតុញៀន ពណ៌ស្វាយចំនួន ៧៥កញ្ចប់

ភ្នំពេញ៖ កម្លាំងនគរបាលជំនាញការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលរាជធានីភ្នំពេញ បានធ្វើការឃាត់ខ្លួនជនសង្ស័យ ០២នាក់ ពាក់ព័ន្ធករណី រក្សាទុក , ដឹកជញ្ជូនដោយខុសច្បាប់នូវសារធាតុញៀន និងចែកចាយខុសច្បាប់នូវសារធាតុញៀន និងដកហូតបានសារធាតុញៀនប្រភេទពណ៌ស្វាយ បានចំនួន៧៥កញ្ចប់។ ប្រតិបត្តិការនេះបានធ្វើឡើង កាលពីវេលាម៉ោង២១ និង៣០ នាទី ថ្ងៃទី០២ ខែមីនា ឆ្នាំ២០២៣ នៅចំណុចក្បែរក្លឹបKTV (J) ផ្លូវបេតុង សង្កាត់បឹងត្របែក ខណ្ឌចំការមន រាជធានីភ្នំពេញ។ជនសង្ស័យទាំងពីរនាក់ ទី១ឈ្មោះ ស៊ុន ហេង ហៅ ធ្មេញ ភេទ ប្រុស អាយុ ១៨ឆ្នាំ ជនជាតិ ខ្មែរ មុខរបរ បុគ្គលិកខារ៉ាអូខេ និងស្នាក់នៅផ្ទះជួល ផ្លូវលំ ភូមិឬស្សី សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។ ទី២ ឈ្មោះ នី វិសាល ហៅ បែន ភេទ ប្រុស អាយុ ១៨ ឆ្នាំ ជនជាតិ ខ្មែរ មុខរបរ ដឹកអីវ៉ានអនឡាញ និងស្នាក់នៅផ្ទះលេខ៤៦ ផ្លូវលេខ៧ សង្កាត់ដង្កោ ខណ្ឌដង្កោ រាជធានីភ្នំពេញ។តាមប្រភពព័ត៌មានពីមន្ត្រីជំនាញបានឲ្យដឹងថា មុនឈានដល់ការឃាត់ខ្លួនជនសង្ស័យទាំងពីរនាក់ កម្លាំងនគរបាលជំនាញបានធ្វើការស្រាវជ្រាវ កំណត់មុខសញ្ញា យ៉ាងច្បាស់លាស់ ខណៈជនសង្ស័យទាំង២ កំពុងជិះម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាកលេខ ភ្នំពេញ1JF-3567 ត្រៀមធ្វើសកម្មភាពចែកចាយ សារធាតុញៀនទាំងនោះ កម្លាំងនគរបាលធ្វើការឃាត់ខ្លួនជាក់ស្ដែងម្ដង។ក្នុងប្រតិបត្តិការឃាត់ខ្លួនជនសង្ស័យនេះកម្លាំងសមត្ថកិច្ចបានធ្វើការឆែកឆេនិងដកហូតសារធាតុញៀន សុរប៧៥កញ្ចប់ រួមមាន សារធាតុញៀនប្រភេទកញ្ចប់ម៉ាក Blue Raspberries ពណ៌ទឹកប៊ិច ចំនួន ២៥កញ្ចប់។ សារធាតុញៀនប្រភេទកញ្ចប់ម៉ាកStawberry ពណ៌ក្រហម ចំនួន ១៥កញ្ចប់។ និងសារធាតុញៀនប្រភេទកញ្ចប់ម៉ាក Grape ពណ៌ ស្វាយ ចំនួន ៣៥កញ្ចប់។ បច្ចុប្បន្នជនសង្ស័យ និងវត្ថុតាងត្រូវបាននគរបាលការិយាល័យ ព្រហ្មទណ្ឌកំរិតស្រាលនៃស្នងការដ្ឋាននគរបាលរាជធានីភ្នំពេញ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕ អត្ថបទ៖ កុម្ភៈ

ចាប់ខ្លួនជនសង្ស័យម្នាក់ក្លែងបន្លំ ជា កងរាជ អាវុធហត្ថ ដើរប្រមូលលុយតាមកន្លែងម៉ាស្សា កោសជប់ និងកាន់កាប់អាវុធខុសច្បាប់

ភ្នំពេញ៖ កងរាជអាវុធហត្ថរាជធានីភ្នំពេញចាប់ខ្លួនជនសង្ស័យម្នាក់ ដែលហ៊ានក្លែងបន្លំជាមន្ត្រីកងរាជអាវុធហត្ថ រួចដើរប្រមូលលុយតាមកន្លែងម៉ាស្សា កោសជប់ ព្រមទាំងកាន់កាប់អាវុធខុសច្បាប់។អាវុធហត្ថរាជធានីភ្នំពេញ ប្រាប់អោយដឹងថា កាលថ្ងៃទី០៣ ខែមីនា ឆ្នាំ២០២៣ម្សិលមិញនេះ កម្លាំងការិយាល័យ ប្រឆាំងបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ សហការជាមួយកម្លាំងមូលដ្ឋានអាវុធហត្ថ ខណ្ឌពោធិ៍សែនជ័យ បានចុះឃាត់ខ្លួនជនសង្ស័យ ម្នាក់ នៅចំណុចផ្ទះកោសជប់ ម៉ាស្សា ផ្លូវ ៣០ម៉ែត្រ ភូមិស្រែជំរៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ពាក់ព័ន្ធករណីក្លែងបន្លំជាកងរាជអាវុធហត្ថ ដើរប្រមូលលុយតាមកន្លែងម៉ាស្សា កោសជប់ ព្រមទាំងកាន់កាប់អាវុធខុសច្បាប់។ជនសង្ស័យ ឈ្មោះ ស៊ី កប ភេទប្រុស អាយុ៣២ឆ្នាំ ទីលំនៅបច្ចុប្បន្ន បន្ទប់ជួលភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ បានក្លែងពាក់ឯកសណ្ឋានអាវុធហត្ថ ដាក់ឈ្មោះថា ហេង សុភក្រ្ក និងពាក់ស័ក្ក ថ្នាក់អនុសេនីយ៍ឯកកាន់កាប់អាវុធខ្លី ០១ដើម ម៉ាក K៥៤ លេខ១៩៥២ បង់០១ គ្រាប់០៧គ្រាប់ អាឌី១គ្រឿង ស្រោមកាំភ្លើង០១ ម៉ូតូ ០១គ្រឿង ម៉ាកវ៉េវពណ៌ខ្មៅ ពាក់ស្លាកលេខ ភ្នំពេញ 1JV-2940 ធ្វើសកម្មភាព ដើរប្រមូលលុយតាមកន្លែងម៉ាស្សាកោសជប់ នៅតំបន់ភូមិសាស្ត្រ ខណ្ឌដង្កោ ខណ្ឌពោធិ៍សែនជ័យ និងខណ្ឌមានជ័យ។ ចម្លើយជនសង្ស័យ បានសារភាពថា ខ្លួនពិតជាបានក្លែងបន្លំឯកសណ្ឋានកងរាជអាវុធហត្ថ ដើរប្រមូលលុយតាមកន្លែងម៉ាស្សាកោសជប់ ព្រមទាំងកាន់កាប់អាវុធខុសច្បាប់ ពិតប្រាកដមែន។ បច្ចុប្បន្នជនសង្ស័យ ត្រូវបានកម្លាំងជំនាញការិយាល័យប្រឆាំងបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ កំពុងកសាងសុំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕ អត្ថបទ៖ តារាវុទ្ធី

រថយន្តកុងតឺន័រដឹកថ្នាំបាញ់ម៉ូស បើកលឿនជ្រុលទៅបុករថយន្ត ២គ្រឿងទៀត បង្កជាការឆាបឆេះយ៉ាងសន្ធោសន្ធៅ

កណ្តាល ៖ រថយន្តកុងតឺន័រធុនធំមួយគ្រឿង ដឹកស្តុកពេញទៅដោយថ្នាំបាញ់ម៉ូស ដែលបើកបរដោយបុរសមិនស្គាល់អត្តសញ្ញាណម្នាក់ បានបើកលឿនមិនប្រយ័ត្ន បណ្តាលអោយរេចង្កូតជ្រុលទៅបុកនឹងរថយន្ត ២គ្រឿងផ្សេងដែលកំពុងចតលើដងផ្លូវ បណ្តាលអោយក្រឡាប់ នឹងផ្ទុះកំប៉ុងថ្នាំបាញ់ម៉ូស បង្កជាការឆាបឆេះ រហូតមានជាអណ្តាតភ្លើងឆេះរថយន្តទាំង ៣គ្រឿងយ៉ាងសន្ធោសន្ធៅតែម្តង ។ ហេតុការណ៍គ្រោះថ្នាក់ខាងលើនេះ កើតឡើង កាលពីវេលាម៉ោង១២ យប់រំលងអាធ្រាត្រឈានចូលថ្ងៃទី០៤ ខែមិនា ឆ្នាំ២០២៣ នចំណុចទល់មុខផ្សារគគីរ ស្ថិតតាមបណ្តោយផ្លូវជាតិលេខ១ ក្នុងស្រុកកៀនស្វាយ ខេត្តកណ្តាល ។ រថយន្តរងគ្រោះទាំង ០២គ្រឿងក្នុងគ្រោះថ្នាក់ខាងលើ មួយគ្រឿងជារថយន្តកុងតឺន័រធុនធំដូចគ្នា និងមួយគ្រឿងទៀត ជារថយន្តកាមរី ។យោងតាមប្រភពព័ត៌មានអោយដឹងថា នៅមុនពេលកើតហេតុ រថយន្តរងគ្រោះទាំង២គ្រឿង ដោយក្នុងនោះរថយន្តកាមរីត្រូវម្ចាស់ចតទុកចោលនៅដងផ្លូវ ហើយរថយន្តកុងតឺន័របានទៅឈប់ចតក្បែររថយន្តកាមរី ដោយអ្នកបើកបរគាត់ដើរទៅហូបបបរមុខផ្សារ ។ លុះដល់វេលាកើតហេតុ ស្រាប់តែមានរថយន្តកុងតឺន័រធុនធំមួយគ្រឿងទៀតដែលនៅខាងក្នុងទូរសណ្តោងខាងក្រោយរថយន្ត គឺមានដឹកស្តុកពេញទៅដោយថ្នាំបាញ់ម៉ូស ដែលធ្វើដំណើរតាមបណ្តោយផ្លូវជាតិលេខ១ ក្នុងទិសដៅពីកើតទៅលិច ពោលពីកៀនស្វាយចូលទៅភ្នំពេញ និងក្នុងល្បឿនលឿនផងដែរ ។ ដោយអ្នកបើកបរកង្វះការប្រុងប្រយ័ត្ន រថយន្តក៏បានរេចង្កូតទៅបុកផ្ទប់នឹងរថយន្ត ០២គ្រឿងខាងលើដែលនៅចតលើដងផ្លូវ បណ្តាលអោយគៀបជាប់គ្នា ហើយរថយន្តបង្កត្រូវក្រឡាប់ផ្ញារជើង ។ ហើយរំពេចនោះដែរ កំប៉ុងថ្នាំបាញ់ម៉ូសនៅក្នុងទូរសណ្តោងក៏បានផ្ទុះ បង្កជាអោយមានជាអណ្តាតភ្លើងឆាបឆេះឡើងយ៉ាងសន្ធោសន្ធៅតែម្តងទៅ។ ភ្លាមៗបន្ទាប់ពីកើតហេតុ កម្លាំងសមត្ថកិច្ចមូលដ្ឋាន រួមទាំងនគរបាលថ្នាក់ខេត្ត ក្រោមការដឹកនាំចុះបញ្ជាផ្ទាល់ ដោយលោកឈឿន សុចិត្ត ស្នងការនគរបាលខេត្ត រួមទាំងរថយន្តពន្លត់អគ្គិភ័យជាច្រើនគ្រឿងរបស់ខេត្ត និងជាច្រើនគ្រឿងបន្ថែមទៀត ដែលមកពីស្នងការរាជធានីភ្នំពេញ បានចុះអន្តរាគមន៍ដល់ទីតាំងខាងលើ នឹងបានជួយបាញ់ទឹកពន្លត់ការឆាបឆេះ ជៀសវៀងមានការរាលដាលចូលទៅកាន់លំនៅឋានពលរដ្ឋក្បែរនោះ ព្រោះតែការឆាបឆេះ មានលក្ខណះផ្ទុះខ្លាំង ។ ក្រោយការជួយអន្តរាគមន៍ក្នុងរយៈពេលប្រមាណជិត ៤ម៉ោង ទើបកម្លាំងសមត្ថកិច្ចចម្រុះអាចពន្លត់ការឆាបឆេះខាងលើនេះបាន ពោលគឺចាប់តាំងពីវេលាកើតហេតុ រហូតដល់ម៉ោង៣ និង៥០នាទីទាបភ្លឺថ្ងៃខែដដែល ដោយរថយន្តទាំង០៣គ្រឿង គឺត្រូវអណ្តាតភ្លើងឆាបឆេះអស់ហ្មត់ទាំងស្រុង សល់តែគ្រោងឆ្អឹងប៉ុណ្ណោះ ។ នៅក្នុងការឆាបឆេះខាងលើនេះដែរ ក្រុមសមត្ថកិច្ចជំនាញ ដែលពាក់ព័ន្ធទាំងអស់ បានប្រើប្រាស់រថយន្តពន្លត់អគ្គីភ័យសរុបរួមគ្នាអស់២០គ្រឿង ក្នុងការគ្រប់គ្រងការឆាបឆេះខាងលើនេះដែរ ។ ក្នុងនោះដែរ មិនមានបណ្តាលអោយមនុស្សណាម្នាក់រងរបួសនោះឡើយ ប៉ុន្តែអណ្តាតភ្លើង បានឆាបឆេះបំផ្លាញយ៉ាបផ្ទះបងប្អូនពលរដ្ឋនៅជាប់នោះចំនួន០៦ផ្ទះ និងយ៉ាប ក៏ដូចជារោងរបស់បងប្អូនអាជីវករលក់ដូរ មួយចំនួនទៀតផងដែរ ។ សូមបញ្ជាក់ផងដែរថា ក្នុងករណីខាងលើនេះដែរ ក្រោយការកើតមានរឿងហេតុភ្លាមៗ បុរសជាអ្នកបើកបររថយន្តបង្ក បានរត់គេចខ្លួមបាត់ស្រមោលសូន្យពីកន្លែងកើតហេតុតែម្តង៕ អត្ថបទ៖ លីហេង

ស្ត្រីម្នាក់ស្លាប់ ខណៈពេលកំពុងវះកាត់កែដើមទ្រូង នៅមជ្ឈមណ្ឌលកែសម្ផស្ស អន្តរជាតិ M25

ភ្នំពេញ ៖ ស្ត្រីម្នាក់បានស្លាប់ ខណៈពេលកំពុងវះកាត់ដើមទ្រូង នៅក្នុងមជ្ឈមណ្ឌលកែសម្ភស្ស យីហោ មជ្ឈមណ្ឌល កែសម្ផស្ស អន្តរជាតិ M25ដោយ ត្រូវបានអាជ្ញាធរខណ្ឌដូនពេញចុះដល់ទីតាំងកើតហេតុភ្លាមៗ។ ហេតុការណ៍នេះដែរបានកើតឡើងកាលវេលាម៉ោង៩និង១០នាទីយប់ ថ្ងៃទី៣ ខែមិនា ឆ្នាំ២០២៣ នៅមជ្ឈមណ្ឌល កែសម្ផស្ស អន្តរជាតិ M25 ចំណុចផ្ទះលេខ 73B ផ្លូវលេខ 70 សង្កាត់ស្រះចក ខណ្ឌដូនពេញ រាជធានីភ្នំពេញ។ ប្រភពព័ត៌មានបានបង្ហើបប្រាប់ថា ស្ត្រីរងគ្រោះមានឈ្មោះ ឃុន ចន្នី អាយុ៤១ ទីលំនៅភូមិគីឡូ១២ ឃុំកោះតូច ស្រុកទឹកឈូក ខេត្តកំពត បានសុំស្វាមីគាត់ថាទៅកែច្រមុះ ប៉ុន្តែស្ត្រីបែរជាលួចកែដើមទ្រូងដោយមិនប្រាប់គ្រួសារឡើយ ស្រាប់តែមកជួបរឿងស៊យរហូតស្លាប់។ ក្នុងហេតុការណ៍នេះដែរ ខាងមជ្ឈមណ្ឌលកែសម្ភស្ស មិនទាន់មានការបញ្ជាក់ណាមួយឡើយ អំពីហេតុការណ៍ដែរកើតមានឡើងនៅក្នុងមជ្ឈមណ្ឌលកែសម្ភស្សរបស់ខ្លួន។ បច្ចុប្បន្នសមត្ថកិច្ចបានផ្អាកដំណើរការគ្លីនិកបណ្តោះអាសន្ន រង់ចាំសមត្ថកិច្ចខាងការិយាល័យបច្ចេកវិទ្យាយាសាស្ត្រ និង លោកគ្រូពេទ្យកោសល្យវិច័យ រាជធានីភ្នំពេញ ត្រួតពិនិត្យជុំវិញកន្លែងកើត ក៏ដូចជាធ្វើកោសល្យវិច័យទៅលើសពរកមូលហេតុអំពីការស្លាប់របស់ស្ត្រីរងគ្រោះ ។ បច្ចុប្បន្នសមត្ថកិច្ចជំនាញកំពុងបន្តត្រួតពិនិត្យតាមជំនាញ រកមូលហេតុនៃការស្លាប់ តើមានការពាក់ព័ន្ធគ្នាជាមួយ បច្ចេកទេសកែសម្ភស្សដែរ ឫទេ ? ចំណែកសពសមត្ថកិច្ចបានប្រគល់អោយក្រុមគ្រួសារដឹកយកទៅស្រុកកំណើតធ្វើបុណ្យតាមប្រពៃណី៕ អត្ថបទ៖ កុម្ភៈ

បណ្ដាញសង្គម

ព័ត៌មានថ្មីៗ

មន្ត្រីនគរបាលព្រំដែនខេត្តកោះកុង ដែលបាញ់មនុស្សស្លាប់ចូលសារភាពហើយ

ក្រុមហេសបូឡា អះអាងថា ខ្លួនបានវាយប្រហារនាវាចម្បាំងអ៊ីស្រាអែលដោយមីស៊ីលតម្រង់គោលដៅ

អាជ្ញាធរខេត្តព្រះសីហនុបើកប្រតិបត្តិការបង្ក្រាប online scam មួយកន្លែងឃាត់ខ្លួនជនបរទេស១២១នាក់

អាជ្ញាធរអាមេរិកចាប់ខ្លួនសាច់ញាតិរបស់អតីតមេបញ្ជាការយោធាអ៊ីរ៉ង់ ដែលរស់នៅក្រុង Los Angeles

មន្ត្រី៖ ភ្លៀង និងព្យុះ សម្លាប់មនុស្សយ៉ាងតិច ១២១នាក់ នៅអាហ្វហ្គានីស្ថាន និងប៉ាគីស្ថាន រយៈពេល ២សប្តាហ៍

ស្ថាប័នការពារជនស៊ីវិល នៅហ្កាហ្សា ឲ្យដឹងថា ការវាយប្រហាររបស់អ៊ីស្រាអែល សម្លាប់មនុស្ស ៤នាក់

របាយការណ៍៖ អ៊ីរ៉ង់អនុម័តឲ្យការធ្វើដំណើរមនុស្សធម៌ ឆ្លងកាត់ច្រកសមុទ្រ Hormuz

អ៊ុយក្រែនរំពឹងថា បេសកជនជាន់ខ្ពស់អាមេរិក នឹងមានវត្តមាននៅទីក្រុងគីវ ដើម្បីចាប់ផ្តើមការចរចាឡើងវិញ

អ៊ីរ៉ង់៖ «វត្ថុហោះរបស់សត្រូវ» ជាច្រើន ត្រូវបានបំផ្លាញ អំឡុងបេសកកម្មសង្គ្រោះអាកាសយានិកអាមេរិក

អ៊ីតាលីកំណត់ប្រេងឥន្ធនៈយន្តហោះ នៅអាកាសយានដ្ឋានខ្លះៗ អំឡុងកង្វះខាតការផ្គត់ផ្គង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

បុរសស្រវឹងស្រាមួយក្រុម ដកកាំភ្លើងខ្លីបាញ់មួយគ្រាប់គំរាមអ្នកលក់ រួចគេចខ្លួនបាត់

ឃាត់ខ្លួនក្មេងទំនើង២នាក់ ករណីដេញវៃគ្នាបង្កភាពអាណាធិបតេយ្យតាមផ្លូវជាតិលេខ៣ ខេត្តតាកែវ

អាជ្ញាធររាជធានីភ្នំពេញ ចុះដោះស្រាយបញ្ហារឿងពលករជាង ១០០នាក់ចាញ់បោកមេខ្យល់

ជនសង្ស័យម្នាក់ចាក់សម្លាប់សង្សាររបស់ខ្លួននៅខេត្តព្រះសីហនុ ត្រូវបាននគរបាលឃាត់ខ្លួន បាននៅភ្នំពេញ

អគ្គិភ័យឆេះផ្ទះពលរដ្ឋនៅសង្កាត់ទឹកថ្លា បានរលត់វិញហើយ

រថយន្តកុងតឺន័រដឹកថ្នាំបាញ់ម៉ូស បើកលឿនជ្រុលទៅបុករថយន្ត ២គ្រឿងទៀត បង្កជាការឆាបឆេះយ៉ាងសន្ធោសន្ធៅ

ស្ត្រីម្នាក់ស្លាប់ ខណៈពេលកំពុងវះកាត់កែដើមទ្រូង នៅមជ្ឈមណ្ឌលកែសម្ផស្ស អន្តរជាតិ M25

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បុរស​ស្រវឹងស្រា​មួយក្រុម ដក​កាំភ្លើងខ្លី​បាញ់​មួយ​គ្រាប់​គំរាម​អ្នកលក់ រួច​គេចខ្លួនបាត់

ឃាត់ខ្លួនក្មេងទំនើង២នាក់ ករណីដេញវៃគ្នាបង្កភាពអាណាធិបតេយ្យតាមផ្លូវជាតិលេខ៣ ខេត្តតាកែវ

អាជ្ញាធររាជធានីភ្នំពេញ ចុះដោះស្រាយបញ្ហារឿងពលករជាង ១០០នាក់ចាញ់បោកមេខ្យល់

ជនសង្ស័យម្នាក់ចាក់សម្លាប់សង្សាររបស់ខ្លួននៅខេត្តព្រះសីហនុ ត្រូវបាននគរបាលឃាត់ខ្លួន បាននៅភ្នំពេញ

អគ្គិភ័យឆេះផ្ទះពលរដ្ឋនៅសង្កាត់ទឹកថ្លា បានរលត់វិញហើយ

រថយន្តកុងតឺន័រដឹកថ្នាំបាញ់ម៉ូស បើកលឿនជ្រុលទៅបុករថយន្ត ២គ្រឿងទៀត បង្កជាការ​ឆាបឆេះ​យ៉ាង​សន្ធោសន្ធៅ

ស្ត្រីម្នាក់ស្លាប់ ខណៈពេលកំពុងវះកាត់កែដើមទ្រូង នៅមជ្ឈមណ្ឌលកែសម្ផស្ស អន្តរជាតិ M25

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

បុរសស្រវឹងស្រាមួយក្រុម ដកកាំភ្លើងខ្លីបាញ់មួយគ្រាប់គំរាមអ្នកលក់ រួចគេចខ្លួនបាត់

រថយន្តកុងតឺន័រដឹកថ្នាំបាញ់ម៉ូស បើកលឿនជ្រុលទៅបុករថយន្ត ២គ្រឿងទៀត បង្កជាការឆាបឆេះយ៉ាងសន្ធោសន្ធៅ