BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

អាជ្ញាធរខណ្ឌបឹងកេងកង ចុះបាញ់ទឹកលាងសម្អាតរបាំងថ្មពុះចែកទ្រូងផ្លូវ មានសភាពប្រឡាក់ រលប់ចំណាំងផ្លាត

ភ្នំពេញ៖ លោក ធឹម សំអាន អភិបាលនៃគណៈអភិបាលខណ្ឌបឹងកេងកង បានដឹកនាំកម្លាំងមន្ដ្រី និងសណ្ដាប់ធ្នាប់ខណ្ឌ ចុះបាញ់ទឹកលាងសម្អាតទ្រូងពុះចែកផ្លូវ នៅថ្ងៃទី២៣ ខែកញ្ញា ឆ្នាំ២០២១ តាមបណ្ដោយផ្លូវលេខ២៧១ សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។ លោក អភិបាលខណ្ឌបឹងកេងកង បានឲ្យដឹងផងដែរថា កន្លងមកអាជ្ញាធរខណ្ឌតែងតែចុះរៀបចំសណ្ដាប់ធ្នាប់ក្នុងមូលដ្ឋានជាប្រចាំ ជាពិសេសសណ្ដាប់ធ្នាប់តាមដងផ្លូវ ដើម្បីរំដោះចិញ្ជើមផ្លូវរក្សាទុកជូនបងប្អូនអ្នកធ្វើដំណើរដោយថ្មើរជើង ឬជនពិការភាពធ្វើដំណើរ និងដើម្បីកាត់បន្ថយការកកស្ទះចរាចរណ៍ផងដែរ។ បន្ថែមទៀតនោះលោក អភិបាលខណ្ឌបានដឹកនាំកម្លាំងគណៈបញ្ជាការឯកភាពខណ្ឌចុះបាញ់ទឹកលាងសម្អាតរបាំងថ្មពុះចែកទ្រូងផ្លូវព្រោះរបាំងថ្មពុះចែកទ្រូងផ្លូវ មានសភាពប្រឡាក់ រលប់ចំណាំងផ្លាត ធ្វើឲ្យបងប្អូនអ្នកបើកបរធ្វើដំណើរពេលយប់លំបាកក្នុងការបើកបរងាយនិងបង្កគ្រោះថ្នាក់ចរាចរណ៍។ជាចុងក្រោយ អាជ្ញាធរខណ្ឌ អំពាវនាវដល់បងប្អូនប្រជាពលរដ្ឋចូលរួមទាំងអស់គ្នាធ្វើ អនាម័យ បរិស្ថាន ឲ្យបានគ្រប់គ្នា ដើម្បីបរិស្ថានស្អាត ទីក្រុងស្អាត ៕អត្ថបទ៖ កុម្ភះ

កម្ពុជារកឃើញមនុស្ស៨២២នាក់ទៀតឆ្លងកូវីដ-១៩ ជាតួលេខឆ្លងខ្ពស់បំផុតមិនធ្លាប់មានក្នុងរយៈពេល២ខែចុងក្រោយ

ភ្នំពេញ៖ កម្ពុជាបានរកឃើញមនុស្សរហូតដល់ ៨២២នាក់បន្ថែមទៀត បានឆ្លងមេរោគកូវីដ-១៩ ដែលនេះគឺជាតួលេខកើនខ្ពស់បំផុតមិនធ្លាប់មាននៅក្នុងរយៈពេល ២ខែចុងក្រោយមកនេះ។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាលបានបញ្ជាក់ថា មនុស្ស ៨២២នាក់បន្ថែមទៀត ត្រូវបានរកឃើញឆ្លងកូវីដ-១៩កាលពីថ្ងៃម្សិលមិញនេះ ក្នុងនោះករណីឆ្លង ១០៦នាក់ គឺជាករណីនាំចូល។បើតាមតួលេខក្រសួងសុខាភិបាល នេះជាលើកដំបូងហើយដែលកម្ពុជាបានកត់ត្រាករណីឆ្លងច្រើនបែបនេះនៅក្នុងរយៈពេល ២ខែចុងក្រោយនេះ។កម្ពុជាបានកត់ត្រាករណីឆ្លងជំងឺកូវីដ-១៩លើស ៨០០ករណីជាលើកចុងក្រោយកាលពីថ្ងៃទី២៦ ខែកក្កដាកន្លងមកនេះ ហើយតួលេខឆ្លងបានធ្លាក់ចុះមកនៅត្រឹមចន្លោះ ៤០០ ទៅក្រោម ៧០០ករណីប៉ុណ្ណោះនៅក្នុងរយៈពេលជាច្រើនសប្ដាហ៍មកហើយ។ក្រសួងសុខាភិបាលបានឱ្យដឹងទៀតថា មនុស្ស ២២នាក់បន្ថែមទៀត ក៏បានស្លាប់ដោយសារជំងឺកូវីដ-១៩ផងដែរ ដែលនាំឱ្យតួលេខអ្នកស្លាប់សរុបឡើងដល់ ២ ១៩៧នាក់ហើយគិតត្រឹមថ្ងៃនេះ។បើតាមក្រសួងសុខាភិបាល មនុស្សសរុប ១០៧ ៤៤១នាក់ហើយ ត្រូវបានរកឃើញឆ្លងកូវីដ-១៩នៅទូទាំងប្រទេសកម្ពុជាគិតចាប់តាំងពីចុងខែមករាឆ្នាំមុនមក។ប៉ុន្តែ ក្រសួងបញ្ជាក់ថា អ្នកជំងឺកូវីដ-១៩សរុប ៩៩ ៦២៨នាក់ ត្រូវបានព្យាបាលជាសះស្បើយឡើងវិញ ក្នុងនោះមានទាំងអ្នកជាសះស្បើយថ្មីចំនួន ៤៩៤នាក់ ដែលក្រសួងប្រកាសនៅថ្ងៃនេះផងដែរ៕

កម្ពុជាបន្ដរកឃើញមនុស្ស ៦៣៨នាក់ឆ្លងកូវីដ-១៩ ខណៈអ្នកជំងឺ៤៧៩នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦៣៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៧៩នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥២៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១៣នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស២២នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ១៧៦នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៩ ១៣៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០៦ ៦១៩នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្ដរកឃើញមនុស្ស ៦៣៧នាក់ឆ្លងកូវីដ-១៩ ខណៈអ្នកជំងឺ៤៦៩នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦៣៧នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៦៩នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥៣៩នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៩៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ១៥៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៨ ៦៥៥នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០៥ ៩៨១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ស្នងការរាជធានីភ្នំពេញ ត្រៀមកម្លាំងជិត២០០០នាក់ ក្នុងការការពារសន្តិសុខសណ្ដាប់ធ្នាប់សាធារណៈ ក្នុងឱកាសពិធីកាន់បិណ្ឌ និងភ្ជុំបិណ្ឌ

ភ្នំពេញ ៖ ស្នងការនគរបាលរាជធានីភ្នំពេញ នឹងប្រើប្រាស់កម្លាំងសរុបជិត ២០០០នាក់ ដើម្បីការពារសន្តិសុខសណ្ដាប់ធ្នាប់សាធារណៈ ក្នុងឱកាសពិធីកាន់បិណ្ឌ ភ្ជុំបិណ្ឌ ប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃពុធទី២២ ខែកញ្ញា ឆ្នាំ២០២១នេះតទៅ ។លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានមានប្រសាសន៍ថា ក្នុងឱកាសពិធីកាន់បិណ្ឌ បុណ្យភ្ជុំបិណ្ឌឆ្នាំនេះ កម្លាំងសមត្ថកិច្ចរបស់រាជធានីភ្នំពេញ នឹងប្រើប្រាស់កម្លាំងចំនួន១៩២១នាក់ ឈរជើងនៅតាមគោលដៅសំខាន់ៗមួយចំនួននៅក្នុងរាជធានីភ្នំពេញ ជាពិសេសឈរជើងនៅតាមបណ្តាវត្តអារាមទាំង១៥១វត្ត និងនៅតាមច្រកចេញចូលរាជធានីភ្នំពេញ ដើម្បីសម្រួលចរាចរណ៍ជូនប្រជាពលរដ្ឋ ក្នុងឱកាសដែលបងប្អូនប្រជាពលរដ្ឋធ្វើដំណើរទៅវត្តអារាម ក៏ដូចជា ចាកចេញពីរាជធានីភ្នំពេញ ទៅបណ្ដាខេត្តនានា។លោកឧត្តមសេនីយ៍ ស ថេត បានបន្ថែមថា ក្នុងចំនួនសមត្ថកិច្ចប៉ូលិសជិត២០០០ នាក់នេះ យើងចែកចេញជាផែនសម្រួលសណ្ដាប់ធ្នាប់ ចរាចរអន្តរាគមន៍ អគ្គិភ័យ ល្បាត និងបង្ក្រាបបទល្មើសផ្សេងៗ នៅក្នុងមូលដ្ឋាន ដើម្បីកាត់បន្ថយនូវអំពើចោរកម្ម លួច ឆក់ ប្លន់ គ្រឿងញៀន និងគាស់ផ្ទះជាដើម...។ បន្ថែមពីនេះទៀត យើងក៏ប្រើប្រាស់សមត្ថកិច្ចប៉ូលិស នៃអធិការដ្ឋាននគរបាលខណ្ឌទាំង១៤ ចុះការពារសន្តិសុខសណ្ដាប់ធ្នាប់នៅក្នុងមូលដ្ឋានរបស់ខ្លួនផងដែរ សំដៅធ្វើយ៉ាងណាឲ្យប្រជាពលរដ្ឋមានភាពកក់ក្តៅ និងមានជំនឿទុកចិត្តមកលើសមត្ថកិច្ចរបស់យើង។សូមជម្រាបជូនឲ្យដឹងថា ខ្លឹមសារទាំងនេះ គឺជាលើកឡើងរបស់លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ នៅក្នុងកិច្ចប្រជុំតាមរយៈការបញ្ជូនរូបភាព និងសម្លេង ( Video Conference ) របស់គណៈបញ្ជាការឯកភាពរាជធានីភ្នំពេញ កាលពីល្ងាចថ្ងៃទី២០ ខែកញ្ញាឆ្នាំ២០២១ ម្សិលមិញ ដើម្បីពិភាក្សាលើការពង្រឹងសន្តិសុខសណ្តាប់ធ្នាប់ ការអនុវត្តឲ្យបានម៉ឺងម៉ាត់បំផុត ជុំវិញវិធានការការពារជំងឺកូវីដ-១៩ នៅក្នុងពិធីបុណ្យដាក់បិណ្ឌ និងភ្ជុំបិណ្ឌ ៕អត្ថបទ ៖ តារាវុទ្ធី

បង្ក្រាបទីតាំងខារ៉ាអូខេលួចបើកល្មើសវិធានការរដ្ឋបាល រកឃើញបុគ្គលិកនារីខារ៉ាអូខេចំនួន៥នាក់ នឹងចុងភៅម្នាក់ វិជ្ជមានកូវីដ១៩

ភ្នំពេញ ៖ ទីតាំងខារ៉ាអូខេ លួចបើកបំពាននឹងបំរាមរបស់ក្រសួងសុខាភិបាល និងវិធានការរបស់រដ្ឋបាលរាជធានីភ្នំពេញ ត្រូវបានកម្លាំងគណៈបញ្ជាការឯកភាពខណ្ឌពោធិសែនជ័យ ចុះបង្ក្រាបឃាត់ខ្លួនបុគ្គលិកហាងខារ៉ាអូខេ នឹងភ្ញៀវចំនួន៤៣នាក់ ធ្វើតេស្ដសំណាក់រកជំងឺកូវីដ១៩ ដោយរកឃើញមានវិជ្ជមាន៦នាក់ផងដែរ។ ប្រតិបត្តិការនេះធ្វើឡើង កាលពីវេលាម៉ោង៩នឹង១០នាទីយប់ថ្ងៃទី២០ខែកញ្ញាឆ្នាំ២០១៩ នៅភោជនីយដ្ឋាន ម្ហូប ធម្មជាតិថុន វាសនា ដែលស្ថិតនៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។ តាមប្រភពព័ត៌មានពី មន្រ្តីនៃគណ:បបញ្ជារការឯកភាពខណ្ឌពោធិ៍សែនជ័យ បានឲ្យដឹងថា មុនឈានដល់ការចុះបង្ក្រាប ទីតាំងខារ៉ាអូខេនឹងភោជនីយដ្ឋាន ម្ហូប ធម្មជាតិ គឺកម្លាំងគណៈបញ្ជាការឯកភាពខណ្ឌ ចុះល្បាតក្នុងមូលដ្ឋាន ក៏ប្រទះឃើញទីតាំងបានបើកលួចលាក់ខុសច្បាប់ ដែលបំពានបម្រាមរបស់ក្រសួងសុខាភិបាល ហើយត្រូវបានគណៈបញ្ជាការខណ្ឌពោធិ៍សែនជ័យ ចុះឃាត់ខ្លួនបុគ្គលិក និងភ្ញៀវដែលបានចូលផឹកស៊ី ធ្វើតេស្ដរកជំងឺកូវីដ១៩ផងដែរ។តាមប្រភពព័ត៌មាន បានបន្តទៀតថា បន្ទាប់ពីធ្វើតេស្ដ បានរកឃើញអ្នកផ្ទុកជំងឺកូវីដ១៩ ជាបុគ្គលិកហាងខារ៉ាអូខេ និងភោជនីយដ្ឋានម្ហូបធម្មជាតិ ចំនួន៦នាក់ ក្នុងនោះ បុគ្គលិកនារីខារ៉ាអូខេចំនួន៥នាក់ នឹងបុរសជាចុងភៅម្នាក់ ដើម្បីយកទៅព្យាបាលភ្លាមៗផងដែរ៕ ក្រោយប្រតិបត្តិការអាជ្ញាធរខណ្ឌពោធិ៍សែនជ័យ ឃាត់មេការ ខារ៉ាអូខេ និងភោជនីយដ្ឋានយកទៅសួរនាំ ដើម្បីឲ្យថៅកែចូលខ្លួនចេញមុខដោះស្រាយតាមនីតិវិធី៕អត្ថបទ៖ កុម្ភះ

កម្ពុជាបន្ដរកឃើញមនុស្ស ៦២៨នាក់ឆ្លងកូវីដ-១៩ ខណៈអ្នកជំងឺ៤៨៦នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦២៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៨៦នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៥០៧នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១២១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ១៤០នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៨ ១៨៦នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០៥ ៣៤៤នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បញ្ជូននារីជនជាតិចិន បើករថយន្តបុកមនុស្សស្លាប់ម្នាក់ និងរេចង្កូតបុករះរថយន្ត៤គ្រឿងបន្ថែមទៀត ទៅតុលាការនៅព្រឹកនេះ

ភ្នំពេញ ៖ នារីជនជាតិចិន បើករថយន្តខ្វះការប្រុងប្រយ័ត្នជ្រុលបុកមនុស្សដើរថ្មើជើងស្លាប់ម្នាក់ និងរេចង្កូតបុករះរថយន្ត៤គ្រឿង ត្រូវបានកម្លាំងជំនាញការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បញ្ជូនទៅកាន់សាលាដំបូងរាជធានីភ្នំពេញ បើកការស៊ើបសួរតាមនីតិវិធី នាព្រឹកថ្ងៃទី២១ ខែកញ្ញា ឆ្នាំ២០២១នេះ។គួររំលឹកថា កាលពីវេលាម៉ោង១០និង៥០នាទីព្រឹកថ្ងៃទី១៩ ខែកញ្ញា ឆ្នាំ២០២១ នារីជនជាតិចិនម្នាក់ បានបើករយថន្តស៊េរីទំនើបម៉ាកRANG ROVER ពណ៌សពាក់ស្លាកលេខភ្នំពេញ2AL-2013 ធ្វើដំណើរតាមបណ្ដោយមហាវិថីព្រះមុនីវង្ស ទិសដៅពីជើងទៅត្បូង ក្នុងល្បឿនលឿន ខណៈមកដល់ចំណុចកើតហេតុ បានជ្រុលល្បឿនទៅបុកមនុស្សដើរជើងម្នាក់បណ្ដាលឲ្យបោកក្បាលស្លាប់ភ្លាមៗ នៅនឹងកន្លែងកើតហេតុ រួចរថយន្តរេចង្កូតទៅបុករះរថយន្ត៤គ្រឿងដែលចតនៅចិញ្ចើមផ្លូវរងការខូចខាតបន្ថែមទៀត នៅចំណុចក្បែរក្រសួងអភិវឌ្ឍន៍ជនបទថ្មី តាមបណ្ដោយមហាវិថីព្រះមុន្នីវង្ស មូលដ្ឋានសង្កាត់បឹងត្របែក ខណ្ឌចំការមន រាជធានីភ្នំពេញ។ បច្ចប្បន្ននារីជនជាតិចិនរូបនេះ កំពុងស្ថិតក្នុងដំណាក់កាលតំណាងអយ្យការបើកការស៊ើបសួរ៕អត្ថបទ៖ កុម្ភៈ

អាជ្ញាធរខេត្តសៀមរាប បង្កើតក្រុមដឹកជញ្ជូន២២៣នាក់ សម្រាប់ដឹកស្បៀងអាហារនៅតំបន់ក្រហម

សៀមរាប ៖ អាជ្ញាធរខេត្ដសៀមរាប បានបង្កើតក្រុមដឹកជញ្ជូន ស្បៀងអាហារ ដោយមិនគិតថ្លៃ ជូនប្រជាពលរដ្ឋ នៅក្នុងតំបន់ក្រហម ក្រុងសៀមរាប ចាប់ពីថ្ងៃទី២១ខែកញ្ញាឆ្នាំ២០២១នេះ បន្ទាប់ពីរដ្ឋបាលខេត្តសម្រេចកំណត់ជា តំបន់ក្រហម និងតំបន់លឿងទុំ នៅក្នុងភូមិសាស្ដ្រនៃក្រុងទេសចរណ៍អង្គរមួយនេះ ។ ការបង្កើតក្រុមដឹកជញ្ជូនទំនិញនេះ ធ្វើឡើងនៅថ្ងៃទី២១ ខែកញ្ញាឆ្នាំ២០២១នេះ ។ឯកឧត្ដម ទៀ សីហា អភិបាលខេត្ដសៀមរាប មានប្រសាសន៍ថា ការរៀបចំនេះ គឺជាសម្របសម្រួលដល់បងប្អូនប្រជាពលរដ្ឋដែលរស់នៅតំបន់ក្រហមងាយស្រួលក្នុងបញ្ជាទិញ និងការដឹកជញ្ជូនដល់គេហដ្ឋានផងដែរ ជៀសវាងបងប្អូនចេញពីលំនៅដ្ឋាន ដែលធ្វើឱ្យការឆ្លងកាន់តែរាលដាលទៅៗ។ ឯកឧត្ដម បន្ដថា រដ្ឋបាលខេត្ត នឹងបន្តធ្វើតេស្តបន្តទៀត ចំពោះដែលសេសសល់ និងមានផែនការធ្វើតេស្តតាមរយៈពេលកំណត់ណាមួយសម្រាប់អ្នកដឹកជញ្ជូន ឧទាហរណ៍ អាចតម្រូវឱ្យធ្វើតេស្ត ៧ថ្ងៃ ១០ ថ្ងៃម្តង ឬ១៥ថ្ងៃម្តងជាដើម អាស្រ័យលើបច្ចេកទេស ឬការកំណត់របស់សុខាភិបាល។ជាមួយគ្នានេះ រដ្ឋបាលខេត្តក៏បានរៀបចំក្រុមការងារ ដើម្បីសម្របសម្រួលក្នុងការដឹកជញ្ជូនដោយឥតគិតថ្លៃដល់គេហដ្ឋានប្រជាពលរដ្ឋ ដោយការចំណាយជាបន្ទុករបស់រដ្ឋបាលខេត្ត។ឯកឧត្ដម បន្ដថា អ្នកដែលត្រូវបានអនុញ្ញាតឱ្យដឹកជញ្ជូន គឺត្រូវធ្វើតេស្តរកមេរោគកូវីដ-១៩។ឯកឧត្ដមបញ្ជាក់ថា មកទល់ពេលនេះ មានអ្នកដឹកជញ្ជូនចំនួន ២២៣នាក់ បានធ្វើតេស្តរកកូវីដ-១៩ ទទួលបានបានលទ្ធផលអវិជ្ជមាន ។ ទន្ទឹមនឹងនេះ ឯកឧត្ដមសូមការយោគយល់ពីបងប្អូនប្រជាពលរដ្ឋផងដែរចំពោះការបិទខ្ទប់នេះ ហើយការបិទខ្ទប់នេះ ដើម្បីកាត់ផ្តាច់ខ្សែចម្លងចេញពីសហគមន៍យើង។ម្យ៉ាងទៀតសូមបងប្អូនបន្តអនុវត្តវិធានការរបស់ក្រសួងសុខាភិបាល ក៏ដូចវិធានការរដ្ឋបាលខេត្ត ពិសេសបន្តអនុវត្ត៣ការពារ និង៣កុំឱ្យបានខ្ជាប់ខ្ជួន។សូមជម្រាបថា សង្កាត់ចំនួន១២សង្កាត់ ក្នុងក្រុងសៀមរាបត្រូវបានបិទខ្ទប់ និងដាក់កំណត់ជាតំបន់លឿងទុំ និងកំណត់ជាតំបន់ក្រហម រយៈពេល៧ថ្ងៃ ជាបណ្ដោះអាសន្ន រយៈពេល១សប្តាហ៍ គិតចាប់ពីថ្ងៃទី១៧ ខែកញ្ញា រហូតដល់ថ្ងៃទី ២៣ ខែកញ្ញា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងភូមិសាស្ត្រខេត្តសៀមរាប។ ការកំណត់តំបន់ក្រហម ស្ថិតនៅក្នុងភូមិសាស្ត្រសង្កាត់ស្លក្រាម សង្កាត់ស្វាយដង្គំ សង្កាត់គោកចក សង្កាត់ជ្រាវ ភូមិតាវៀន សង្កាត់សាលាកំរើក និងភូមិព្រៃធំ ភូមិស្រង៉ែ សង្កាត់ស្រង៉ ក្រុងសៀមរាប ខេត្តសៀមរាប និង "តំបន់លឿងទុំ" នៅក្នុងភូមិសាស្ត្រសង្កាត់សាលាកំរើក សង្កាត់នគរធំ សង្កាត់សៀមរាប សង្កាត់ស្រង៉ែ សង្កាត់ទឹកវិល សង្កាត់ក្របីរៀល សង្កាត់ចុងឃ្លៀស និងសង្កាត់សំបួរ ក្រុងសៀមរាប ខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ការបិទខ្ទប់ក្រោយពេលរកឃើញថា ក្រុងទេសចរណ៍ដ៏មានប្រជាប្រិយមួយនេះ មានការរីករាលដាលនូវជំងឺកូវីដ១៩ យ៉ាងធ្ងន់ធ្ងរគួរឲ្យព្រួបារម្ភក្នុងមួយរយៈចុងក្រោយនេះ ៕អត្ថបទ ៖ សាវី

កម្ពុជាបន្ដរកឃើញមនុស្ស ៦២២នាក់ឆ្លងកូវីដ-១៩ ខណៈអ្នកជំងឺ៤៧៣នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៦២២នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៤៧៣នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៤៤៤នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៧៨នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ១២៣នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៩៧ ៧០០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១០៤ ៧១៦នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បណ្ដាញសង្គម

ព័ត៌មានថ្មីៗ

ស្នងការ៖ស្ថានភាពសន្តិសុខក្នុងព្រឹត្តិការណ៍នគរសង្ក្រាន្តមានភាពល្អប្រសើរមិនមានបាតុភាពណាមួយកើតឡើងទេ

ក្រុមការងារគោលដៅបាសាក់លែន អំពាវនាវទេសចរជាតិ អន្តរជាតិមកចូលរួមលេងកម្សាន្តឱ្យបានច្រើន

ក្រុមគ្រូពេទ្យជាង ១ពាន់នាក់ និងស្តង់សុខភាពប្រចាំការ ត្រៀមសង្រ្គោះបឋម ជូនភ្ញៀវជាតិ និងអន្តរជាតិ ចូលមកកម្សាន្តក្នុងព្រឹតិ្តការណ៍នគរសង្រ្កាន្ត

អភិបាលរាជធានីភ្នំពេញ៖ ការការពារសន្តិសុខជូនពលរដ្ឋក្នុងព្រឹត្តិការណ៍ «នគរសង្ក្រាន្ត» គឺជាការងារចម្បងរបស់រដ្ឋបាលរាជធានីភ្នំពេញ

ភ្ញៀវទេសចរជាច្រើននាំគ្នាទៅលេងកម្សាន្តនៅតំបន់រមណីយដ្ឋានទឹកឈូច្រើនក្នុងឱកាសចូលឆ្នាំថ្ងៃទីពីរ

ពលករ និងសហគមន៍ខ្មែរនៅប្រទេសម៉ាឡេស៊ីជួបជុំរៀបចំពិធីបុណ្យចូលឆ្នាំថ្មីប្រពៃណីខ្មែរយ៉ាងសប្បាយរីករាយដើម្បីបង្ហាញពីវប្បធម៌ប្រពៃណីជាតិដ៏ផូរផង់

កម្ពុជា បដិសេធចំពោះការផ្សាយរបស់សារព័ត៌មានថៃថា «កម្ពុជាស្នើឱ្យបើកច្រកដឹកជញ្ជូនទំនិញសង្គ្រោះបន្ទាន់» ដែលនេះជាព័ត៌មានក្លែងក្លាយ

រដ្ឋមន្ត្រីក្រសួងទេសចរណ៍ អញ្ជើញចូលរួម ព្រឹត្តិការណ៍លៀសហាល ចំនួន ៥តោន ជាមួយថ្នាក់ដឹកនាំ និងប្រជាពលរដ្ឋខេត្តកំពង់ចាម

នាវាដឹកប្រេងចិនរងទណ្ឌកម្មអាមេរិក ធ្វើដំណើរឆ្លងកាត់ច្រកសមុទ្រ Hormuz

ធានាធិបតីកូរ៉េខាងត្បូង ព្រមានថាជម្លោះមជ្ឈិមបូព៌ានឹងធ្វើឲ្យតម្លៃប្រេងនៅតែហក់ឡើងខ្ពស់ប្រធ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

អាជ្ញាធរខណ្ឌបឹងកេងកង ចុះបាញ់ទឹកលាងសម្អាតរបាំងថ្មពុះចែកទ្រូងផ្លូវ មានសភាពប្រឡាក់ រលប់ចំណាំងផ្លាត

កម្ពុជារកឃើញមនុស្ស៨២២នាក់ទៀតឆ្លងកូវីដ-១៩ ជាតួលេខឆ្លងខ្ពស់បំផុតមិនធ្លាប់មានក្នុងរយៈពេល២ខែចុងក្រោយ

កម្ពុជាបន្ដរកឃើញមនុស្ស ៦៣៨នាក់ឆ្លងកូវីដ-១៩ ខណៈអ្នកជំងឺ៤៧៩នាក់ទៀត ត្រូវបានព្យាបាលជាសះស្បើយ

កម្ពុជាបន្ដរកឃើញមនុស្ស ៦៣៧នាក់ឆ្លងកូវីដ-១៩ ខណៈអ្នកជំងឺ៤៦៩នាក់ទៀត ត្រូវបានព្យាបាលជាសះស្បើយ

កម្ពុជាបន្ដរកឃើញមនុស្ស ៦២៨នាក់ឆ្លងកូវីដ-១៩ ខណៈអ្នកជំងឺ៤៨៦នាក់ទៀត ត្រូវបានព្យាបាលជាសះស្បើយ

អាជ្ញាធរខេត្តសៀមរាប បង្កើតក្រុមដឹកជញ្ជូន២២៣នាក់ សម្រាប់ដឹកស្បៀងអាហារនៅតំបន់ក្រហម

កម្ពុជាបន្ដរកឃើញមនុស្ស ៦២២នាក់ឆ្លងកូវីដ-១៩ ខណៈអ្នកជំងឺ៤៧៣នាក់ទៀត ត្រូវបានព្យាបាលជាសះស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

អាជ្ញាធរខណ្ឌបឹងកេងកង ចុះបាញ់ទឹកលាងសម្អាតរបាំងថ្មពុះចែកទ្រូងផ្លូវ មានសភាពប្រឡាក់ រលប់​ចំណាំង​ផ្លាត

អាជ្ញាធរខេត្តសៀមរាប បង្កើតក្រុមដឹកជញ្ជូន២២៣នាក់ សម្រាប់ដឹកស្បៀងអាហារនៅតំបន់ក្រហម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

អាជ្ញាធរខណ្ឌបឹងកេងកង ចុះបាញ់ទឹកលាងសម្អាតរបាំងថ្មពុះចែកទ្រូងផ្លូវ មានសភាពប្រឡាក់ រលប់ចំណាំងផ្លាត