BTV NEWS

គណៈបញ្ជាការឯកភាពរាជធានី បន្តប្រតិបត្តិការបង្ក្រាបទីតាំង Online Scams ឃាត់ជនបរទេសជាង៣០០នាក់ នៅខណ្ឌដូនពេញ

ឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត

នគរបាលរាជធានីបង្ហាញមុខជនសង្ស័យ ៣៥នាក់ពាក់ព័ន្ធ ១០ករណីផ្សេងគ្នា

ជនជាតិចិនចំនួន៣៣៩នាក់ ពាក់ព័ន្ធករណី Online Scams ត្រូវបានបណ្ដេញចេញពីកម្ពុជា

សន្តិសុខ និង សង្គម

បន្ទាយមានជ័យ រកឃើញអ្នកឆ្លងវីរុសបំប្លែងថ្មី Delta ចំនួន២៣០នាក់ មានទាំងពលករ និងក្នុងសហគមន៍

ភ្នំពេញ៖ អាជ្ញាធរខេត្តបន្ទាយមានជ័យ និងមន្ត្រីសុខាភិបាលខេត្ត បានរកឃើញអ្នកវិជ្ជមានកូវីដ ១៩ ប្រភេទបំប្លែងថ្មីដែលតា (Detla) ចំនួន២៣០ករណី ដែលតួលេខនេះគឺឈរនៅលេខរៀងទី២ បន្ទាប់ពីរាជធានីភ្នំពេញ ដែលបានរកឃើញរហូតដល់ចំនួន ៣៧៥ករណី នេះបើគិតត្រឹមថ្ងៃទី២៤ ខែសីហា ឆ្នាំ២០២១ ។ឯកឧត្តម អ៊ុ រាត្រី អភិបាលខេត្តបន្ទាយមានជ័យ នៅថ្ងៃទី២៤ ខែសីហានេះ បានថ្លែងថា ចំពោះការរកឃើញអ្នកឆ្លងវីរុសបំប្លែងថ្មី Delta នៅក្នុងខេត្តបន្ទាយមានជ័យនេះ មានទាំងពលករត្រឡប់មកពីប្រទេសថៃ និងឆ្លងក្នុងសហគមន៍ ដោយអ្នកជំងឺកូវីដ១៩ បំប្លែងថ្មីនេះ ត្រូវបានដាក់ឲ្យសម្រាកព្យាបាល ដាច់ដោយឡែកពីអ្នកជំងឺកូវីដ១៩ ប្រភេទធម្មតា ។ឯកឧត្តមបន្តថា ដោយសារកំណើនអ្នកជំងឺកូវីដ១៩ បានរកឃើញជាបន្តបន្ទាប់ អាជ្ញាធរខេត្ត បានរៀបចំនូវកន្លែងព្យាបាលធំថ្មី គឺមណ្ឌលព្យាបាល ហ៊ុន សែនខ្លាកូន ស្ថិតក្នុងក្រុងសិរីសោភ័ណ ដោយដាក់អ្នកជំងឺអាការៈស្រាលចូលហើយ គឺបានចំនួនប្រមាណ២០០០នាក់ អ្នកជំងឺជាពលករសុទ្ធ ។ឯកឧត្តមអភិបាលខេត្ត បានបន្ថែមថា ក្រៅពីនោះអាជ្ញាធរកំពុងរៀបចំជិតរួចហើយ ទីតាំងព្យាបាលមួយទៀតនៅមណ្ឌលផ្សារ អឹងវណ្ណម៉ៅ ស្ថិតក្នុងស្រុកមង្គលបូរីសម្រាប់ដាក់អ្នកជំងឺឆ្លងក្នុងសហគមន៍ ហើយកំពុងរៀបចំមណ្ឌលចត្តាឡីសក្តមួយទៀត នៅសង្កាត់និមិត្ត ក្រុងប៉ោយប៉ែត អាចដាក់ពលករបានចំនួន ៣០០០នាក់ ។ឯកឧត្តម អ៊ុ រាត្រី បានបញ្ជាក់ថា ចំពោះការវិធានការ អាជ្ញាធរបានរៀបចំអ្នកជំងឺប្រភេទបំប្លែងថ្មី Detla នៅមណ្ឌលដាច់ដោយឡែកពីអ្នកជំងឺផ្សេង, បន្តស្វែងរកអ្នកពាក់ព័ន្ធផ្ទាល់ និងប្រយោល ឲ្យធ្វើចត្តាឡីសក្តតាមការណែនាំ, បន្តអប់រំផ្សព្វផ្សាយអំពីផលប៉ះពាល់ និងវិធានការបង្ការលើការរីករាលដាល, បន្តអនុវត្តបំរាមគោរចរ និងហាមការជួបជុំ និងរឹតបន្តឹងការអនុវត្តវិធានការរដ្ឋបាល ៕

អគ្គីភ័យឆាប់ឆេះ មន្ទីរពេទ្យសុខលាភមេត្រី ខណ្ឌបឹងកេងកង បានបង្កការភ្ញាក់ផ្អើលដល់អ្នកជំងឺនិងបុគ្គលិកពេទ្យ

ភ្នំពេញ៖ អគ្គីភ័យឆាប់ឆេះមន្ទីរពេទ្យពហុព្យាបាល «សុខលាភមេត្រី» ជាន់ផ្ទាល់ដីបណ្ដាលឲ្យខូចខាតសម្ភារៈប្រើប្រាស់ក្នុងមន្ទីរពេទ្យ និងបង្កការភ្ញាក់ផ្អើលដល់បុគ្គលិកពេទ្យរត់ចេញផងដែរ តែសំណាងល្អមិនបណ្ដាលឲ្យរាលដាលដល់ផ្ទះប្រជាពលរដ្ឋជិតខាងឡើយ។ហេតុការណ៍នេះ កើតឡើងកាលពីវេលាម៉ោង ១០និង១៥នាទីព្រឹកថ្ងៃទី២៥ ខែសីហា ឆ្នាំ២០២១ នៅចំណុចមន្ទីរពហុព្យាបាល និងសម្ភារៈសុខលាភ មេត្រី ផ្ទះលេខ៤៧D ផ្លូវលេខ៣៦០ ភូមិ១ ក្រុម៤ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។នគរបាលបានឲ្យដឹងថា ម្ចាស់មន្ទីរពេទ្យឈ្មោះ សុខ វិសាលគន្ធ ភេទប្រុស អាយុ ២៥ឆ្នាំ មុខរបរ ម្ចាស់គ្លីនិក។តាមប្រភពដដែល បានបន្ដថា នៅមុនពេលកើតហេតុឃើញមានផ្សែងហ៊ុយចេញពីបន្ទប់ផ្ទាល់ដី ស្រាប់តែបង្កជាអណ្ដាតភ្លើង បុគ្គលិកពេទ្យបានយកបំពង់ពន្លត់អគ្គីភ័យបាញ់ពន្លត់តែមិនរលត់ បានរាយការណ៍ទៅអាជ្ញាធរមូលដ្ឋាន ទាក់ទងទៅកម្លាំងនគរបាលជំនាញចេញរថយន្តពន្លត់អគ្គីភ័យចេញជួយអន្តរាគមន៍បាញ់ពន្លត់ជាច្រើនគ្រឿង បានទាន់ពេលវេលា។លោកវរះសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងថា ដើមចមនៃការឆាបឆេះនេះបានកើតឡើងដោយមូលហេតុឆ្លងចរន្តអគ្គិសនី នៅបន្ទប់វះកាត់តូចនៅបន្ទប់ផ្ទាល់ដី។ទីតាំងឆាបឆេះប្រភេទសំណង់ ថ្មបេតុង ទំហំ១២ម៉ែត្រគុណ២០ម៉ែត្រ។ ខូចខាតសម្ភារៈ មានម៉ាស៊ីនត្រជាក់,តុ ទូ ដាក់សម្ភារៈប្រើប្រាស់មួយចំនួន នឹងពុំបណ្ដាលឲ្យឆេះរាលដាលដល់ផ្ទះអ្នកជិតខាងឡើយ។លោកនាយការិយាល័យ បានបញ្ជាក់ឲ្យដឹងថា ក្នុងរង្វង់ប្រតិបត្តិការនេះ រថយន្តពន្លត់អគ្គីភ័យបានមកដល់ទីតាំងកើតហេតុចំនួន៧គ្រឿង ប្រើប្រាស់ចំនួន៥គ្រឿង រួមមាន រថយន្តការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញចំនួន ៥គ្រឿង ប្រើប្រាស់ទឹកចំនួន ៥ឡាន ស្មើនឹង២០ម៉ែត្រគូប និងរថយន្តក្រសួងមហាផ្ទៃ ចំនួន ២គ្រឿង ពុំបានប្រើប្រាស់ទឹកទេ។មន្រ្តីជំនាញ បានបញ្ជាក់ឲ្យដឹងផងដែរថា ខណៈអគ្គីភ័យកំពុងឆាបឆេះ ធ្វើអោយបុគ្គលិកនៃមន្ទីរពេទ្យមិនអាចបញ្ជូនអ្នកជំងឺចេញមកខាងក្រៅបានឡើយ ដោយជញ្ជូនអ្នកជំងឺឡើងទៅជាន់ទី៧ ដើម្បីជៀសវាងគ្រោះថ្នាក់ដល់អ្នកជំងឺកំពុងសម្រាកព្យាបាលជំងឺ ព្រោះការឆាបឆេះស្ថិតនៅជាន់ផ្ទាល់ដីប៉ុណ្ណោះ៕អត្ថបទ៖ កុម្ភះ

កម្ពុជាបន្ដរកឃើញមនុស្ស៤២៨នាក់ឆ្លងកូវីដ-១៩ ខណៈអ្នកជំងឺ៥៧២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤២៨នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៧២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៣១១នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១៧នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៤នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៨៣៥នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨៦ ៧០២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៩០ ៥៣៥នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បុរសម្នាក់បន្លំធ្វើសមត្ថកិច្ចដាក់កុងត្រូលជជុះ ទារលុយពីអ្នកដឹកបន្លែ ស្ថិតក្នុងដំណាក់កាលចៅក្រមស៊ើបសួរបន្តតាមនីតិវិធី

ភ្នំពេញ ៖ បន្ទាប់ពីតំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី២៤ ខែសីហា ឆ្នាំ២០២១ បានបើកការស៊ើបសួរជនត្រូវចោទ ម្នាក់ពាក់ព័ន្ធករណីបន្លំធ្វើសមត្ថកិច្ច ដាក់កុងត្រូលជជុះ ចាំទារលុយពីអ្នកដឹកបន្លែ ពេលនេះតំណាងអយ្យការចោទប្រកាន់ហើយ។នៅព្រឹកថ្ងៃទី២៥ ខែសីហា ឆ្នាំ២០២១នេះ លោក ប្លង់ សុផល ព្រះរាជអាជ្ញារង និង ជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ឲ្យដឹងថា បន្ទាប់ពីតំណាងអយ្យការអមសាលាដំបូងរាជធានីភ្នំពេញ ត្រូវបានចោទប្រកាន់ជនត្រូវចោទពីបទគំរាមកំហែងដោយមានបញ្ជាឲ្យបំពេញលក្ខខណ្ឌអ្វីមួយ តាមមាត្រា ២៣២ នៃក្រមព្រហ្មទណ្ឌ និងបញ្ជូនទៅឲ្យចៅក្រមបន្តការស៊ើបសួរបន្តតាមនីតិវិធី។សមត្ថកិច្ច បានឲ្យដឹងថា ជនសង្ស័យមានឈ្មោះ ចិន គោ ភេទប្រុស អាយុ៣៥ ឆ្នាំ មុខរបរ មិនពិតប្រាកដ មានស្រុកកំណើត នៅភូមិកំពង់ត្រាច ស្រុករមាសហែក ខេត្តស្វាយរៀង ។គួរបញ្ជាក់ផងដែរ នារសៀលថ្ងៃទី២៣ ខែសីហា ឆ្នាំ២០២១ សមត្ថកិច្ចជំនាញនៃការិយាល័យប្រឆាំងបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ០១នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណី ក្លែងបន្លំជាសមត្ថកិច្ចដាក់កុងត្រូជជុះឃាត់រថយន្តដឹកបន្លែរបស់ពលរដ្ឋ ដើម្បីសំឡុតគំរាមកំហែងទារប្រាក់។ បន្ទាប់ពីទទួលបានបណ្តឹងពីប្រជាពលរដ្ឋ កម្លាំងមូលដ្ឋានអាវុធហត្ថខណ្ឌដង្កោបានជិះល្បាតក្នុងភូមិសាស្រ្តរបស់ខ្លួនក៏ប្រទះឃើញមានករណីនេះកើតមានពិតប្រាកដមែន ភ្លាមនោះកម្លាំងល្បាតធ្វើការបង្ក្រាបបានជាក់ស្តែង នៅវេលាម៉ោង១២និង៤០នាទីយប់ ថ្ងៃទី២១ ខែសីហា ឆ្នាំ២០២១ ចំណុចមុខការដ្ឋានផ្ទះល្វែង ផ្លូវជាតិលេខ៣ ក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ព្រមទាំងដកហូតវត្ថុតាងរួមមាន រថយន្តម៉ាកford ចង្កូតស្តាំមួយគ្រឿង ពណ៌ទឹកសមុទ្ររួមនឹងវត្ថុតាងមួយចំនួនទៀត។ជនសង្ស័យបានសារភាពថា ខ្លួននិងបក្ខពួកម្នាក់ទៀត ពិតជាបានឃាត់រថយន្តហ៊ីយ៉ានដាយដឹកបន្លែមួយគ្រឿង ដោយខ្លួនអះអាងប្រាប់តៃកុងឡានថា ខ្លួនជាសមត្ថកិច្ច និងបានគំរាមកំហែងទារប្រាក់ពីតៃកុងឡាន ពិតប្រាកដមែន៕អត្ថបទ៖ កុម្ភះ

រថយន្តធន់ធំជាច្រើនគ្រឿងដឹកខ្សាច់ធ្លាក់តាមបណ្ដោយផ្លូវជាតិលេខ៦A កំពុងបង្កផលប៉ះពាល់ដល់ពលរដ្ឋធ្វើដំណើរជួបគ្រោះថ្នាក់ចរាចរណ៍ជាញឹកញាប់

ភ្នំពេញ ៖ រថយន្តធន់ធំជាច្រើនគ្រឿងដឹកខ្សាច់មិនបានគ្របឲ្យបានត្រឹមត្រូវ ធ្វើដីខ្សាច់ធ្លាក់រាយប៉ាយតាមបណ្ដោយផ្លូវជាតិលេខ៦A អភិបាលនៃគណៈអភិបាលខណ្ឌជ្រោយចង្វារលោក ឃ្លាំង ហួត មិនបានយកចិត្តទុកដាក់ និងអនុវត្តតាមការណែនាំរបស់សាលារាជធានីភ្នំពេញនៅឡើងទេ បណ្ដោយឲ្យរថយន្តធន់ធំដឹកខ្សាច់ធ្លាក់ និងទឹកខួរអណ្តែងចេញពីរថយន្តប្រឡាក់ពេញផ្លូវសាធារណៈ របស់រដ្ឋ។គួរបញ្ជាក់ថា កន្លងមករហូតដល់បច្ចុប្បន្ននេះ រដ្ឋបាលរាជធានីភ្នំពេញ នៅតែបន្តបានយកចិត្តទុកដាក់យ៉ាងខ្លាំង ចំពោះបញ្ហាតាមដងផ្លូវ ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋ ទោះជាយក្រុង ឬទីប្រជុំជនជាពិសេសរក្សាចិញ្ជើមផ្លូវទុកសម្រាប់អ្នកថ្មើជើង ឬជនពិការភាពធ្វើដំណើរ ។ជាក់ស្ដែងនៅតាមបណ្ដោយផ្លូវជាតិលេខ៦A ម្ដុំចំណុចស្ពានទី៧ និងទី៨ មូលដ្ឋានសង្កាត់បាក់ខែង ខណ្ឌជ្រោយចង្វារ មានទីតាំងដេប៊ូខ្សាច់ជាច្រើនកន្លែង រថយន្តដឹកដីខ្សាច់ធំៗ ចេញពីដេប៊ូខ្សាច់ បានដឹកខ្សាច់មិនគោរពតាមការណែនាំរបស់អាជ្ញាធរ កំពុងតែប្រឈមនឹងគ្រោះថ្នាក់ដល់អ្នកធ្វើដំណើរជាយថាហេតុ បណ្ដាលមកពីរថយន្តដឹកខ្សាច់រាប់សិបគ្រឿងតែងតែបើកប្រដេញបន្តកន្ទុយគ្នាជាខ្សែ និងដឹកដីខ្សាច់មិនមានការគ្របឲ្យបានត្រឹមត្រូវធ្វើធ្លាក់ដីប្រឡាក់ពេញផ្លូវ។បងប្អូនប្រជាពលរដ្ឋ ដែលមានទីលំនៅអមសងខាងផ្លូវជាតិលេខ៦A បានត្អូញត្អែរពីសកម្មភាពរបស់ក្រុមរថយន្តដឹកខ្សាច់ចេញពីដេប៉ូទាំងនោះ ដឹកផ្ទុកគ្មានសណ្តាប់ធ្នាប់ ហូរហៀរទឹក ធ្លាក់ខ្សាច់មកលើផ្លូវបង្កឲ្យកើតមានគ្រោះថ្នាក់ចរាចរណ៍ជាញឹកញាប់ ជាពិសេសជាងនេះទៅទៀតនោះ ធ្វើឲ្យហុយមកចូលផ្ទះសម្បែងពួកគាត់ បង្កឲ្យការរស់នៅរបស់ពួកគាត់ប្រឈមគ្រោះថ្នាក់ជាច្រើនដោយសារដេប៉ូខ្សាច់ទាំងនេះ ។ប្រជាពលរដ្ឋបានបន្តទៀតថា ការរស់នៅរបស់ពួកគាត់សព្វថ្ងៃប្រៀប ដូចជារស់នៅលើគំនរខ្សាច់ ព្រោះរថយន្តដឹកខ្សាច់ចេញពីដេប៉ូហៀរហូរធ្លាក់គរពេញផ្លូវ នៅខាងមុខផ្ទះគាត់កើបមិនអស់ ចំណែកអ្នកធ្វើដំណើរដោយម៉ូតូជួបនូវផលវិបាកប្រឈមនឹងគ្រោះថ្នាក់រអិលដួល បើមិនដូច្នេះគឺហុយងងិតអួរអ័ព្វ ហុយចូលបាយសម្លរចូលផ្ទះសម្បែងប៉ះពាល់ដល់មុខរបររកស៊ីរបស់ពួកគាត់ជាពិសេសសុខភាពរស់នៅប្រចាំថ្ងៃ។ជាចុងក្រោយពលរដ្ឋសំណូមនិងស្នើសុំទៅដល់អាជ្ញាធរ ដែលពាក់ព័ន្ធមេត្តាជួយចុះពិនិត្យមើលដងផ្លូវជាតិលេខ៦A ផងចាប់ពីចំណុចស្ពានទី៨ មូលដ្ឋានសង្កាត់បាក់ខែង រហូតដល់ផ្លូវបត់ចូលមហាវិថីឈ្នះឈ្នះនេះផង ព្រោះពលរដ្ឋអ្នករស់នៅអមសងខាងផ្លូវ រួមទាំងអ្នកធ្វើដំណើរ ជួបការលំបាកជាខ្លាំងណាស់៕អត្ថបទ ៖ កុម្ភះ

កម្ពុជាបន្ដរកឃើញមនុស្ស៤៦៦នាក់ឆ្លងកូវីដ-១៩ ខណៈអ្នកជំងឺ៥១២នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤៦៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥១២នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៣៧២នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ៩៤នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៣នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៨២១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨៦ ១៣០នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៩០ ១០៧នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ស្ថានភាពកូវី១៩ ខេត្តបន្ទាយមានជ័យមិនទាន់ធូរស្បើយ អាជ្ញាធរសម្រេចដាក់ទីតាំងមួយចំនួនជាតំបន់ក្រហម

បន្ទាយមានជ័យ ៖ ស្ថានភាពការឆ្លងរាលដាលជំងឺកូវីដ១៩ នៅក្នុងខេត្តបន្ទាយមានជ័យ មិនទាន់មានការធូរស្បើយនៅឡើយទេ ក្នុងរយៈពេលចុងក្រោយនេះ ដោយអាជ្ញាធរនៅបន្តរកឃើញអ្នកមានវិជ្ជមាន ក្នុងចំនួនច្រើនករណីជារៀងរាល់ថ្ងៃ និងទីតាំងពាក់ព័ន្ធមួយចំនួន ត្រូវបានធ្វើការបិទខ្ទប់ និងដាក់ជាតំបន់ក្រហមផងដែរ ។យោងតាមសេចក្តីប្រកាសព័ត៌មាន របស់រដ្ឋបាលខេត្តបន្ទាយមានជ័យ បង្ហាញថា កាលពីថ្ងៃទី២៣ ខែសីហា ឆ្នាំ២០២១ អាជ្ញាធរបានរកឃើញអ្នកវិជ្ជមានកូវីដ១៩ រហូតដល់ចំនួន ១៩៩នាក់ ដោយធ្វើសំណាកតាមរយៈឧបករណ៍តេស្តរហ័ស ដែលភាគច្រើនអ្នកពាក់ព័ន្ធព្រឹត្តការណ៍សហគមន៍២០កុម្ភៈ និងពលករទើបត្រឡប់មកពីប្រទេសថៃ ហើយនៅថ្ងៃដូចគ្នានេះ មានអ្នកជាសះស្បើយចំនួន ១០៥នាក់ ។ពាក់ព័ន្ធការឆ្លងកូវីដ១៩ មិនទាន់ថមថយនេះ អាជ្ញាធរខេត្តបន្ទាយមានជ័យ ក៏បានធ្វើការបិទខ្ទប់ និងដាក់ជាតំបន់ក្រហមនូវទីតាំងមួយចំនួន គឺកាលពីថ្ងៃទី២៣ ខែសីហា ផ្សារចក្រី ស្ថិតក្នុងភូមិចក្រី ឃុំជប់វ៉ារី ស្រុកព្រះនេត្រព្រះ ដោយបានធ្វើការបិទខ្ទប់រយៈពេល៧ថ្ងៃ គឺចាប់ពីថ្ងៃទី២៤ ដល់ថ្ងៃទី៣០ ខែសីហា ដោយអាជ្ញាធរចាត់ទុកថា ផ្សារនេះមានការឆ្លងរាលដាលច្រើន ។កាលពីម្សិលមិញនោះដែរ រដ្ឋបាលខេត្ត ក៏បានសម្រេចកំណត់ភូមិសាស្ត្រមួយចំនួនទៀត ក្នុងសង្កាត់ទឹកថ្លៃ និងសង្កាត់កំពង់ស្វាយ ក្រុងសិរិសោភ័ណ ជាតំបន់ក្រហម ដោយសារតំបន់ទាំងនោះ មានការឆ្លងរាលដាលនៃជំងឺកូវីដ១៩ ធ្ងន់ធ្ងរ និងគួរឲ្យព្រួយបារម្ភ ។ក្នុងសេចក្តីសម្រេចបន្តថា សម្រាប់តំបន់មួយចំនួនក្នុងក្រុងសិរិសោភ័ណ ត្រូវបានដាក់ជាតំបន់ក្រហមនោះ មានបរិវេណផ្សារទឹកថ្លៃ វត្តភ្នំជញ្ជាំង ខាងកើតឈាងខាងជើងវត្តទឹកថ្លា ទីតាំងទាំង៣នេះ ស្ថិតក្នុងសង្កាត់ទឹកថ្លា និងបរិវេណផ្សារពង្រ ស្ថិតក្នុងសង្កាត់កំពង់ស្វាយ ។គួរបញ្ជាក់ថា បច្ចុប្បន្នសកម្មភាព នៃការធ្វើដំណើរឆ្លងដែនរបស់ពលករ មកពីប្រទេសថៃ តាមច្រកនានាជាប់ខេត្តបន្ទាយមានជ័យ នៅតែមានចំនួនច្រើន ដោយក្នុងមួយថ្ងៃៗគឺចាប់ពី៤០០ ទៅ៥០០នាក់ ដោយពលករក្នុងចំណោមទាំងអស់នេះ ត្រូវបានមន្ត្រីសុខាភិបាល ធ្វើសំណាករកឃើញថា មានប្រមាណ១០ភាគរយ មានវិជ្ជមានកូវីដ១៩ ហើយបច្ចុប្បន្នខេត្តមួយនេះ បានរកឃើញអ្នកវិជ្ជមានកូវីដ១៩ ប្រភេទបំប្លែងថ្មីដែលតា (Delta) ចំនួន១៤៦នាក់ហើយ ៕

កម្ពុជាបន្ដរកឃើញមនុស្ស៤១០នាក់ឆ្លងកូវីដ-១៩ ខណៈអ្នកជំងឺ៥៣៧នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន ៤១០នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ៥៣៧នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន២៧៨នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៣២នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស១៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់១ ៨០៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ៨៥ ៦១៨នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ៨៩ ៦៤១នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

ពលករចូលតាមច្រកបន្ទាយមានជ័យ ប្រចាំថៃ្ង៤០០ទៅ៥០០នាក់ និងមាន១០ភាគរយ រកឃើញវិជ្ជមាន

ភ្នំពេញ៖ ការវិលត្រឡប់របស់ពលករខ្មែរពីប្រទេសថៃ តាមច្រកនានាជាប់ខេត្តបន្ទាយមានជ័យ ជាប្រចាំថ្ងៃនៅតែបន្តមាន ក្នុងរង្វង់ចាប់ពី៤០០ទៅ៥០០នាក់ ហើយត្រូវបានមន្ត្រីសុខាភិបាលខេត្ត ធ្វើសំណាកតាមរយៈឧបករណ៍តេស្តរហ័ស ដើម្បីរកវីរុសកូវីដ១៩ ជាលទ្ធផលមានប្រមាណ ១០ភាគរយ នៃពលករទាំងនោះ មានវិជ្ជមានកូវីដ១៩ ។ឯកឧត្តម អ៊ុ រាត្រី អភិបាលខេត្តបន្ទាយមានជ័យ មានប្រសាសន៍ថា ចាប់តាំងពីមានការបើកព្រំដែនជាមួយប្រទេសថៃ ក្នុងការឲ្យពលករខ្មែរត្រឡប់មកស្រុកកំណើតវិញ នៅថ្ងៃទី១៣ ខែសីហា ឆ្នាំ២០២១ មានពលករខ្មែរចូលតាមច្រកខេត្តបន្ទាយមានជ័យ នៅតែមានចំនួនច្រើន និងមាន១០ភាគរយ នៃពលករទាំងអស់នោះ វិជ្ជមានកូវីដ១៩ ហើយត្រូវបញ្ជូនទៅសម្រាកព្យាបាល តាមមណ្ឌលនានា ដែលមាននៅក្នុងខេត្តសរុបចំនួនជិត ២០កន្លែង ។ឯកឧត្តម បានបន្តថា ដោយកំណើនមកជាបន្តបន្ទាប់នេះ អាជ្ញាធរខេត្តបានរៀបចំមណ្ឌលចត្តាឡីស័ក នៅក្នុងក្រុងសិរីសោភ័ណ និងតាមបណ្ដាស្រុកមួយចំនួន រហូតដល់ចំនួន ២២កន្លែង និងបច្ចុប្បន្នមានអ្នកកំពុងធ្វើចត្តាឡីស័ក តាមមណ្ឌលនានាចំនួន ៦ ៦២៧នាក់ ។ឯកឧត្តមអភិបាលខេត្ត បន្ថែមថា ទន្ទឹមនឹងការរកឃើញអ្នកវិជ្ជមានកូវីដ១៩ អាជ្ញាធរ និងមន្ត្រីសុខាភិបាលខេត្ត បាននិងកំពុងពន្លឿនក្នុងការចាក់វ៉ាក់សាំង ជូនប្រជាពលរដ្ឋនៅទូទាំងខេត្ត ដោយរហូតមកដល់ពេលនេះ អ្នកមានអាយុចាប់ពី ១៨ឆ្នាំឡើង ចាក់បានជាង ៣០ម៉ឺននាក់ និងនៅថ្ងៃទី២៣ ខែសីហានេះ ចាប់ផ្ដើមយុទ្ធនាការចាក់វ៉ាក់សាំងដល់កុមារ និងយុវវ័យ ចាប់ពីអាយុ១២ឆ្នាំ ទៅដល់ក្រោម១៨ឆ្នាំ ដែលគម្រោងត្រូវចាក់ចំនួន ១០៩ ០០០នាក់ នៅមណ្ឌលសុខភាពក្នុងខេត្តចំនួន ៦៨ទីតាំង ។ឯកឧត្តម អ៊ុ រាត្រី បញ្ជាក់ថា ពុំមានករណីយុវជននៅមណ្ឌលបន្សាប់គ្រឿងញៀន រត់ចេញពីមណ្ឌលនោះ គឺគ្រាន់តែពួកគេពេលដឹងថា មានករណីវិជ្ជមានកូវីដ១៩ ហើយនោះ ចង់ស្វែងរកទីតាំងព្យាបាល ប៉ុន្តែបច្ចុប្បន្នអាជ្ញាធរបានសម្រួលឲ្យពួកគេ បានទៅមណ្ឌលព្យាបាលខាងក្រៅចំនួន ១៥០នាក់ និងក្រៅពីនោះព្យាបាលនៅក្នុងមណ្ឌលបន្សាប់គ្រឿងញៀន ។កាលពីថ្ងៃទី២២ ខែសីហា ឆ្នាំ២០២១ អាជ្ញាធរខេត្តបានរកឃើញអ្នកវិជ្ជមានកូវីដ១៩ ចំនួន២៨២នាក់ និងជាសះស្បើយចំនួន ១៦៨នាក់ ។ រហូតមកដល់ពេលនេះ នៅខេត្តបន្ទាយមានជ័យ ក្រសួងសុខាភិបាលបានរកឃើញអ្នកវិជ្ជមានវីរុសបំប្លែងថ្មីដែលតា (Delta) ចំនួន១៤៦នាក់ និងសរុបនៅទូទាំងប្រទេសកម្ពុជា គឺបានរកឃើញអ្នកវិជ្ជមានវីរុសនេះ ចំនួន៩៩៩នាក់ ប៉ះពាល់លើរាជធានី និងខេត្តសរុបចំនួន២៣ លើកលែងខេត្តកែប និងខេត្តក្រចេះ ៕អត្ថបទ បាន សុខរិទ្ធ

ការអនុវត្តបំរាមគោចរជាង២០ថ្ងៃ ឃាត់មនុស្សពិន័យ អប់រំជាង៣៧០០០នាក់ និងបញ្ជូន៩៥នាក់ទៅតុលាការ

ភ្នំពេញ៖ ការអនុវត្តរឹតបន្តឹងបំរាមគោចរ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ក្នុងរយៈពេលជាង ២០ថ្ងៃ ក្នុងនោះសមត្ថកិច្ចនៅតាមគោលដៅអនុវត្តវិធានការនានា បានឃាត់អ្នកល្មើសនឹងបំរាមគោចរបានចំនួនជាង ៣៧០០០នាក់ ធ្វើការអប់រំនិងពិន័យ ខណៈមានអ្នកល្មើសធ្ងន់ធ្ងរចំនួន ៩៥នាក់ទៀត ត្រូវបានបញ្ជូនទៅតុលាការចាត់ការនីតិវិធី ។យោងតាមសេចក្តីជូនដំណឹងរបស់គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ បានឲ្យដឹងថា ចាប់ពីថ្ងៃទី២៩ ខែកក្កដា រហូតដល់ថ្ងៃទី២២ ខែសីហា ឆ្នាំ២០២១ ការអនុវត្តវិធានការច្បាប់ពាក់ព័ន្ធនឹងបំរាមគោចរបានចំនួន ១៩ ២១០ករណី ដោយឃាត់ខ្លួនអ្នកល្មើស ដើម្បីធ្វើការពិន័យ និងអប់រំចំនួន ៣៧ ៨៣៤នាក់ ក្នុងនោះ ជនបរទេសចំនួន ២១៩នាក់ ។សេចក្តីជូនដំណឹង បានបន្តថា ការអនុវត្តនេះ បានឃាត់យានយន្តចំនួន១៦ ៤៣៧គ្រឿង និងបានថវិកាបានចំនួន ៧៤១ ៦០០ ០០០រៀល និងបិទទីតាំងអាជីវកម្ម ដែលល្មើសនឹងបំរាមចំនួន ៥ទីតាំង ។ចំពោះការល្មើសបំរាមគោចរ នារយៈពេលចុងក្រោយនេះ បានថយចុះច្រើន ជាក់ស្ដែងនៅយប់ថ្ងៃទី២២ ខែសីហា ឆ្នាំ២០២១ សមត្ថកិច្ចអនុវត្តវិធានការច្បាប់ចំនួន ២២២ករណី ឃាត់មនុស្សបានចំនួន ៤១១៤នាក់ ដើម្បីធ្វើការអប់រំ និងពិន័យជាប្រាក់បានចំនួន ៤ ២០០ ០០០រៀល និងឃាត់រថយន្ត ៦៨គ្រឿង និងម៉ូតូ ១២៦គ្រឿង ។ពាក់ព័ន្ធការអនុវត្តរឹតបន្តឹងបំរាមគោចរនេះ សម្រាប់រាជធានីភ្នំពេញ និងបន្តអនុវត្តរហូតដល់ថ្ងៃទី២៦ ខែសីហា ឆ្នាំ២០២១ ខណៈនៅតាមបណ្ដាខេត្តមួយចំនួន ក៏មានការធូរស្បើយ នៃការរកឃើញអ្នកវិជ្ជមានកូវីដ១៩ ហើយមានការបើកផ្សារ ឲ្យក្រុមអាជីវករលក់ដូរឡើងវិញ ។ប៉ុន្តែយ៉ាងណាក៏ដោយ ក្រសួងសុខាភិបាល ក៏បានចេញសេចក្តីជូនដំណឹងដល់ខេត្តចំនួន១៥ ពិសេសខេត្តនៅជាប់ព្រំដែន ត្រូវបន្តបំពេញកាតព្វកិច្ចពាក់ម៉ាស់ រក្សាគម្លាតសុវត្ថិភាព ដើម្បីទប់ស្កាត់ការឆ្លងរាលដាលនៃជំងឺកូវីដ១៩ ពិសេសប្រភេទបំប្លែងថ្មីដែលតា ខណៈកម្ពុជា បានរកឃើញអ្នកឆ្លងវីរុសថ្មីនេះ មានជិតចំនួន ១០០០ករណី ៕អត្ថបទ ៖ សុខរិទ្ធ

បណ្ដាញសង្គម

ព័ត៌មានថ្មីៗ

ពីរថ្ងៃដំបូងនៃពិធីបុណ្យចូលឆ្នាំថ្មី រាជធានីភ្នំពេញ ទាក់ទាញទេសចរជាតិ-អន្តរជាតិ ជិត២,៦លាននាក់

សហរដ្ឋអាមេរិកកំណត់គោលដៅលើហេដ្ឋារចនាសម្ព័ន្ធដឹកជញ្ជូនប្រេងរបស់អ៊ីរ៉ង់ជាមួយនឹងទណ្ឌកម្ម

លោក STARMER នឹងមិនចុះចាញ់ ចំពោះការគំរាមកំហែងសង្គ្រាមមជ្ឈិមបូព៌ារបស់លោក TRUMP ទេ

ក្រុមហេសបូឡាយល់ព្រមឈប់បាញ់ជាមួយអ៊ីស្រាអែល ប៉ុន្តែនៅតែប្រុងប្រយ័ត្នចំពោះការអនុវត្ត

របាយការណ៍៖ នាវាជាច្រើនគ្រឿងបំពានការបិទផ្លូវរបស់សហរដ្ឋអាមេរិកលើកំពង់ផែអ៊ីរ៉ង់

សារព័ត៌មាន FT៖ អ៊ីរ៉ង់បានប្រើប្រាស់ផ្កាយរណបចារកម្មចិន ដើម្បីកំណត់គោលដៅមូលដ្ឋានទ័ពអាមេរិក

រយៈពេលពីរថ្ងៃនៃពិធីបុណ្យចូលឆ្នាំប្រពៃណីជាតិខ្មែរខេត្តបាត់ដំបង ទាក់ទាញភ្ញៀវបានជាង៦៦ម៉ឺននាក់

រុស្ស៊ី៖ ការផលិតយានដ្រូនរបស់អឺរ៉ុបសម្រាប់អ៊ុយក្រែន ប្រឈមនឹងហានិភ័យនៃជម្លោះកាន់តែធ្ងន់ធ្ងរឡើង

UN៖ មនុស្សជាង ២៧៧.000នាក់ បានភៀសខ្លួនពីលីបង់ចូលទៅស៊ីរី ស្របពេលមានអរិភាពកាន់តែខ្លាំងឡើង

ស្នងការ៖ស្ថានភាពសន្តិសុខក្នុងព្រឹត្តិការណ៍នគរសង្ក្រាន្តមានភាពល្អប្រសើរមិនមានបាតុភាពណាមួយកើតឡើងទេ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

បន្ទាយមានជ័យ រកឃើញអ្នកឆ្លងវីរុសបំប្លែងថ្មី Delta ចំនួន២៣០នាក់ មានទាំងពលករ និងក្នុងសហគមន៍

អគ្គីភ័យឆាប់ឆេះ មន្ទីរពេទ្យសុខលាភមេត្រី ខណ្ឌបឹងកេងកង បានបង្កការភ្ញាក់ផ្អើលដល់អ្នកជំងឺនិងបុគ្គលិកពេទ្យ

កម្ពុជាបន្ដរកឃើញមនុស្ស៤២៨នាក់ឆ្លងកូវីដ-១៩ ខណៈអ្នកជំងឺ៥៧២នាក់ទៀត ត្រូវបានព្យាបាលជាសះស្បើយ

កម្ពុជាបន្ដរកឃើញមនុស្ស៤៦៦នាក់ឆ្លងកូវីដ-១៩ ខណៈអ្នកជំងឺ៥១២នាក់ទៀត ត្រូវបានព្យាបាលជាសះស្បើយ

ស្ថានភាពកូវី១៩ ខេត្តបន្ទាយមានជ័យមិនទាន់ធូរស្បើយ អាជ្ញាធរសម្រេចដាក់ទីតាំងមួយចំនួនជាតំបន់ក្រហម

កម្ពុជាបន្ដរកឃើញមនុស្ស៤១០នាក់ឆ្លងកូវីដ-១៩ ខណៈអ្នកជំងឺ៥៣៧នាក់ទៀត ត្រូវបានព្យាបាលជាសះស្បើយ

ពលករចូលតាមច្រកបន្ទាយមានជ័យ ប្រចាំថៃ្ង៤០០ទៅ៥០០នាក់ និងមាន១០ភាគរយ រកឃើញវិជ្ជមាន

ការអនុវត្តបំរាមគោចរជាង២០ថ្ងៃ ឃាត់មនុស្សពិន័យ អប់រំជាង៣៧០០០នាក់ និងបញ្ជូន៩៥នាក់ទៅតុលាការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

បន្ទាយមានជ័យ រកឃើញអ្នកឆ្លងវីរុសបំប្លែងថ្មី Delta ចំនួន២៣០នាក់ មានទាំងពលករ និងក្នុងសហគមន៍

ស្ថានភាពកូវី១៩ ខេត្តបន្ទាយមានជ័យមិនទាន់ធូរស្បើយ អាជ្ញាធរសម្រេច​ដាក់ទីតាំង​មួយចំនួន​ជាតំបន់ក្រហម

ពលករចូលតាមច្រកបន្ទាយមានជ័យ ប្រចាំថៃ្ង៤០០ទៅ៥០០នាក់ និងមាន១០ភាគរយ រកឃើញវិជ្ជមាន

ការអនុវត្តបំរាមគោចរជាង២០ថ្ងៃ ឃាត់មនុស្សពិន័យ អប់រំជាង៣៧០០០នាក់ និងបញ្ជូន៩៥នាក់​ទៅ​តុលាការ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ស្ថានភាពកូវី១៩ ខេត្តបន្ទាយមានជ័យមិនទាន់ធូរស្បើយ អាជ្ញាធរសម្រេចដាក់ទីតាំងមួយចំនួនជាតំបន់ក្រហម

ការអនុវត្តបំរាមគោចរជាង២០ថ្ងៃ ឃាត់មនុស្សពិន័យ អប់រំជាង៣៧០០០នាក់ និងបញ្ជូន៩៥នាក់ទៅតុលាការ