BTV NEWS

នាវាទេសចរណ៍បរទេសមួយគ្រឿងដឹកភ្ញៀវទេសចរ និងនាវិកជិត១ពាន់នាក់ចូលទស្សនកិច្ចនៅកំពង់ផែព្រះសីហនុ

អត្តពលិក ៥០ប្រទេស ត្រៀមចូលរួមព្រឹត្តិការណ៍រត់ចម្ងាយឆ្ងាយលើទឹកដីអង្គរ នាចុងសប្ដាហ៍នេះ

ឯកឧត្តម ហួត ហាក់ ដឹកនាំគណៈប្រតិភូចូលរួមវេទិកាទេសចរណ៍អាស៊ានឆ្នាំ២០២៥ កិច្ចប្រជុំថ្នាក់រដ្ឋមន្រ្តីទេសចរណ៍អាស៊ាន លើកទី២៨ នៅម៉ាឡេស៊ី

ព្រឹត្តិការណ៍សំណេរអង្គរលើកទី២ មានបេក្ខជនសរុប ១២០០នាក់ ខណៈមានបេក្ខជនអាយុតិចជាងគេ ៦ឆ្នាំ និងវ័យចាស់ជាងគេ ៨១ឆ្នាំ

វប្បធម៌ និងទេសចរណ៍

នៅដើមឆ្នាំនេះ កម្ពុជាទទួលគម្រោងវិនិយោគថ្មីចំនួន៣២ មានទុនវិនិយោគជាង ១៨៧ លានដុល្លារ

ក្នុងរយៈពេល១ខែ ដើមឆ្នាំ ២០២៤ នេះ, ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគថ្មីចំនួន៣២ មានទំហំទុនវិនិយោគប្រមាណជាង ១៨៧លានដុល្លារអាមេរិក និងបង្កើតការងារបានជិត ២៩ពាន់កន្លែង បន្ថែមលើកម្លាំងពលកម្មដែលមានស្រាប់។ក្រុមប្រឹក្សាអភិវឌ្ឍន៍កម្ពុជា (CDC) ចេញសេចក្តីប្រកាសព័ត៌មាន នៃសំណើសុំវិនិយោគរបស់ក្រុមហ៊ុន ក្នុងនោះគិតក្នុងរយៈ ពេល ១ ខែ ដើមឆ្នាំ ២០២៤ នេះ ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ នៃគម្រោង ពង្រីកផលិតកម្មចំនួន ៣២ គម្រោង មានទុនវិនិយោគសរុបប្រមាណជាង ១៨៧ លានដុល្លារអាមេរិក គម្រោងទាំងនេះអាចបង្កើតការងារកម្លាំងពលកម្មថ្មី បានប្រមាណជិត ២៩ ពាន់កន្លែង បន្ថែមលើកម្លាំងពលកម្មដែលមានស្រាប់ ដែលជាការចូលរួមចំណែកក្នុងវិស័យការងារនៅកម្ពុជា។ជាការកត់សម្គាល់ សម្រាប់គម្រោងវិនិយោគដែលមានភាពលេចធ្លោជាងគេប្រចាំខែមករា ឆ្នាំ ២០២៤ នេះរួមមាន៖ គម្រោង បង្កើតរោងចក្រផលិតគ្រឿងអេឡិចត្រូនិកនៅស្រុកសំរោង ខេត្តតាកែវ, គម្រោងបង្កើតរោងចក្រផ្គុំ ដំឡើងម៉ូតូ កង់ រ៉ឺម៉ក (អគ្គិសនី) និងឧបករណ៍បញ្ចូល ឬសាកថ្ម នៅស្រុកកៀនស្វាយ ខេត្តកណ្តាល, គម្រោងបង្កើតរោងចក្រកែច្នៃអាលុយមីញ៉ូម ដែក និងទង់ដែង នៅស្រុកគងពិសី ខេត្តកំពង់ស្ពឺ, និងគម្រោងបង្កើតរោងចក្រតម្បាញក្រណាត់ និងកាត់ដេរសម្លៀកបំពាក់នៅស្រុកកំពង់សីលា ខេត្តព្រះសីហនុ ក្នុងនោះទុនវិនិយោគប្រមាណជាង ៧៨% មានប្រភពមកពីប្រទេសចិន, ៩,៦៥% មកពីប្រទេសសិង្ហបុរី, ៥,៣៤% មកពីសហរដ្ឋអាមេរិក, ៣,៥៥% មកពីសាធារណរដ្ឋកូរ៉, និង ២,៧៣% មកពីប្រភពក្នុងស្រុក។សូមបញ្ជាក់ថា នៅក្នុងឆ្នាំ ២០២៣ កន្លងមកនេះ កម្ពុជាបានអនុម័តគម្រោងវិនិយោគចំនួន ២៦៨ មានទុនវិនិយោគសរុបប្រមាណ ជិត ៤,៩ ពាន់លានដុល្លារអាមេរិក ក្នុងនោះបានអនុម័តគម្រោងថ្មីចំនួន ២៤៧ និងគម្រោងពង្រីកផលិតកម្មចំនួន ២១ និងគម្រោង វិនិយោគ ចំនួន ៧១ បានបណ្តាក់ទុនវិនិយោគនៅក្នុងតំបន់សេដ្ឋកិច្ចពិសេស ដោយគម្រោងវិនិយោគទាំងអស់នេះ និងអាចបង្កើត ការងារបានប្រមាណជាង ៣០ ម៉ឺនកន្លែង៕ អត្ថបទ៖ សុន រ៉ាឌី

ទេសចរអន្តរជាតិភាគច្រើនប្រើប្រាស់ប្រាក់រៀលពេលមកកម្សាន្តនៅប្រទេសកម្ពុជា

បណ្តាភ្ញៀវទេសចរអន្តរជាតិ ដែលមកទស្សនាកម្សាន្តនៅប្រទេសកម្ពុជា ភាគច្រើនបានប្តូរប្រាក់ប្រទេសរបស់ខ្លួនមកប្រើប្រាស់ប្រាក់រៀល ក្នុងការទូទាត់ចំណាយចាយវាយទិញទំនិញ និងសេវាកម្មនានា នៅលើទីផ្សារកម្ពុជា។បណ្តាទេសចរអន្តរជាតិមកទស្សនារាជធានីភ្នំពេញបានថ្លែងប្រាប់ BTV នៅថ្ងៃទី១ ខែកុម្ភៈ ថា ជាទូទៅ នៅពេលពួកគេធ្វើដំណើរមកដល់ប្រទេសកម្ពុជា គឺបានប្តូរប្រាក់របស់ខ្លួនមកប្រើប្រាស់ប្រាក់រៀលវិញ ដើម្បីទូទាត់ចាយវាយទិញទំនិញ និងសេវាកម្មនៅលើទីផ្សារ និងការចំណាយលើមធ្យោបាយធ្វើដំណើរនៅក្នុងប្រទេសកម្ពុជា។ ទេសចរបរទេសលើកឡើងថា ការទូទាត់ចាយប្រាក់រៀលធ្វើឲ្យពួកគេទទួលបានអនុស្សាវរីយ៍ ចំណេះដឹង បទពិសោធន៍ការប្រើប្រាស់ប្រាក់រៀល និងចង់រួមចំណែកលើកកម្ពស់ការប្រើប្រាស់ប្រាក់រៀលរបស់ប្រទេសកម្ពុជាផងដែរ។អាជីវករផ្សារធំថ្មី និងអ្នកបម្រើការងារនានាក្នុងវិស័យទេសចរណ៍អះអាងថា ជាទូទៅភ្ញៀវទេសចរអន្តរជាតិ ដែលមកកម្ពុជា ពួកគេទិញទំនិញ និងសេវាកម្មនានាស្ទើរ ៩០% បានប្រើប្រាស់ប្រាក់រៀល ក្នុងការទូទាត់ ចំណាយលើការទិញទំនិញ និងសេវាកម្ម។ លោកជំទាវ ជា សេរី ទេសាភិបាលធនាគារជាតិកម្ពុជា ក្នុងពេលថ្មីៗនេះបានអំពាវនាវឲ្យមហាជនទូទៅរួមគ្នា ប្រើប្រាស់ប្រាក់រៀលខ្មែរ និងបើកគណនីធនាគារដាក់ជាប្រាក់រៀលខ្មែរ ដើម្បីទូទាត់ ចំណាយចាយវាយផ្សេងៗនៅលើទីផ្សារកម្ពុជា ខណៈការប្រើប្រាស់ប្រាក់រៀលនេះពិតជាមានតម្លៃខ្លាំងណាស់ សម្រាប់ប្រទេសជាតិទាំងមូល ជាពិសេស ការលើកតម្កើងមុខមាត់ប្រទេសជាតិ រក្សាស្ថេរភាពថ្លៃ ការពារការឡើងថ្លៃទំនិញនៅលើទីផ្សារ រក្សាឧត្តមភាពប្រកួតប្រជែងស្មើភាពនៅលើទីផ្សារអន្តរជាតិ និងធនារក្សាជំរុញកំណើនសេដ្ឋកិច្ចជាតិមានភាពរឹងម៉ាំ៕ អត្ថបទ៖ ស៊ុម សុខជា

ឯកឧត្តម ថោង ខុន និងគណៈកម្មការរៀបចំទិវារត់ប្រណាំង Angkor Ultra Trail រំពឹងឆ្នាំក្រោយ មានអ្នកចូលរួមទ្វេដង

ឯកឧត្តមបណ្ឌិត ថោង ខុន ទេសរដ្ឋមន្ដ្រី និងជាប្រធានគណៈកម្មាធិការជាតិអូឡាំពិកកម្ពុជា(NOCC) និងថ្នាក់ដឹកនាំក្រុមហ៊ុន Phoenix Voyages រំពឹងទិវារត់ប្រណាំងចម្ងាយឆ្ងាយ Angkor Ultra Trail ឆ្នាំក្រោយ នឹងមានកំណើនអ្នកចូលរួមទ្វេដង ក្រោយទទួលបានអ្នកចូលរួមតាមការគ្រោងទុក ក្នុងព្រឹត្តិការណ៍ Angkor Ultra Trail លើកទី៧ នៅតំបន់ឧទ្យានអង្គរ នៅថ្ងៃទី២៧ ខែមករា ឆ្នាំ២០២៤។ថ្លែងក្នុងពិធីប្រគលរង្វាន់ជយលាភី នៅក្នុងបរិណព្រះលានជល់ដំរី ឯកឧត្តមទេសរដ្ឋមន្ដ្រី មានប្រសាសន៍ថា ទិវារត់ប្រណាំងបែបផ្សងព្រេងឆ្នាំនេះ គឺជាជោគជ័យថ្មីមួយ ក្រោមកិច្ចសហការរួមគ្នារវាងគណៈកម្មាធិការជាតិអូឡាំពិកកម្ពុជា និងក្រុមហ៊ុន Phoenix Voyages ដោយទទួលបានអ្នកចុះឈ្មោះចូលរួមសរុបចំនួន ១,៥០០នាក់ មកពី ៥១ប្រទេស កើនឡើង ២៥% បើធៀបនឹងកាលពីឆ្នាំ២០២៣ កន្លងទៅ។ឯកឧត្តមបណ្ឌិត ថោង ខុន បន្ដថា កំណើនអ្នកចូលរួមនេះ ស្របពេលរាជរដ្ឋាភិបាលកម្ពុជា បានយកចិត្តទុកដាក់ខ្ពស់ លើការរៀបចំហេដ្ឋារចនាសម្ព័ន្ធ និងមធ្យោបាយធ្វើដំណើរចូលរួមកាន់តែងាយស្រួល ជាក់ស្ដែងការបើកដំណើរការជើងហោះហើរត្រង់ផ្លូវឆ្ងាយមកកាន់ទឹកដីសៀមរាបអង្គរ និងការសិក្សាគម្រោងអភិវឌ្ឍន៍ផ្លូវរថភ្លើងធុនស្រាលតភ្ជាប់ពីអាកាសយានដ្ឋានអន្ដរជាតិសៀមរាប-អង្គរថ្មី និងផ្លូវល្បឿនលឿន ភ្នំពេញ-សៀមរាប ឯកឧត្ដមសង្ឃឹមថា ព្រឹត្តិការណ៍ Angkor Ultra Trail ឆ្នាំក្រោយៗ នឹងមានអ្នកចុះឈ្មោះចូលរួមកាន់តែច្រើន ។លោក Edouard George ប្រធានក្រុមហ៊ុន Phoenix Voyages បានសម្ដែងក្ដីរីករាយ ដែលរាជរដ្ឋាភិបាលកម្ពុជា តាំងពីសម្ដេចតេជោ ហ៊ុន សែន អតីតនាយករដ្ឋមន្ដ្រីនៃកម្ពុជា រហូតដល់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ដែលនៅតែបន្ដការគាំទ្រឲ្យរៀបចំព្រឹត្តិការណ៍ Angkor Ultra Trail ជារៀងរាល់ឆ្នាំ។ ដោយមានការកិច្ចសហការល្អពីអាជ្ញាធរពាក់ព័ន្ធ ពិសេសថ្នាក់ដឹកនាំគណៈកម្មាធិការជាតិអូឡាំពិកកម្ពុជា បានជំរុញឲ្យព្រឹត្តិការណ៍នេះ ទទួលបានជោគជ័យកាន់តែខ្លាំង ហើយលោកសង្ឃឹមថា ឆ្នាំក្រោយ នឹងមានអ្នកចូលរួមទ្វេដង ។គួរដឹងថា ព្រឹត្តិការណ៍ Angkor Ultra Trail រៀបចំឡើងក្នុងគោលបំណងជំរុញការផ្សព្វផ្សាយ និងអភិវឌ្ឍចលនាកីឡា, ជំរុញ និងបង្កើនការអភិវឌ្ឍសេដ្ឋកិច្ចក្រៅប្រព័ន្ធ, ផ្សព្វផ្សាយ និងលើកកម្ពស់បរិស្ថានតំបន់បេតិកភណ្ឌ និងជំរុញការផ្សព្វផ្សាយទាក់ទាញភ្ញៀវទេសចរ ។ ម្យ៉ាងព្រឹត្តិការណ៍នេះក៏បានបង្ហាញយ៉ាងច្បាស់ទៅកាន់ភ្ញៀវទេសចរណ៍អន្តរជាតិ និងពិភពលោកថា កម្ពុជាពោរពេញទៅដោយសុខសន្ដិភាព និងមានលក្ខណៈស្រស់បំព្រងទាំងធម្មជាតិ និងប្រជាជនប្រកបដោយភាពរួសរាយរាក់ទាក់ផងដែរ ។បន្ទាប់ពីវិញ្ញាសាខ្លះ រត់ពីព្រឹកព្រលឹម រហូតដល់យប់ជ្រៅនេះដែរ សម្រាប់រត់ចម្ងាយ ១០០គីឡូម៉ែត្រ លេខ១ បានទៅកីឡាករ Ni Yusheng មកពីចិន និងផ្នែកនារី លេខ១ បានទៅកីឡាការិនីចិនដូចគ្នា គឺកីឡាការិនី Wei Xinshuang ។ វិញ្ញាសារត់ ៦៤គីឡូម៉ែត្រ លេខ១ ផ្នែកបុរស បានទៅកីឡាករស្វីស Pagani Livio និងលេខ១ ផ្នែកនារី បានទៅកីឡាការិនី Gaardhoim Mari Kittel មកពីប្រទេសណ័រវ៉េ ។ ក្រៅពីនេះ ក៏មានការផ្ដល់ជយលាភីជូនអ្នករត់ចម្ងាយ ៤២គីឡូម៉ែត្រ, ៣២គីឡូម៉ែត្រ, ១៨គីឡូម៉ែត្រ និង ៨គីឡូម៉ែត្រផងដែរ៕ អត្ថបទ៖ លី ឈុនឡា

ក្រសួងវប្បធម៌នឹងសម្ពោធបើកកម្មវិធីបណ្តុះបណ្តាលជំនាញវិជ្ជាជីវៈដូនតានៅដើមខែកុម្ភៈខាងមុខនេះ

នៅដើមខែកុម្ភៈ ឆ្នាំ២០២៤ខាងមុខនេះ ក្រសួងវប្បធម៌ និងវិចិត្រសិល្បៈ នឹងសម្ពោធបើកដំណើរការកម្មវិធីបណ្តុះបណ្តាលជំនាញវិជ្ជាជីវៈដូនតា ដែលមានចំនួន១៣ទីតាំង ក្នុងរាជធានី-ខេត្ត៨។ក្រសួងវប្បធម៌ រៀបចំកម្មវិធីបណ្តុះបណ្តាលជំនាញវិជ្ជាជីវៈដូនតា ឆ្នាំ២០២៤នេះ រៀនដោយមិនបង់ថ្លៃលើជំនាញ៖ ខ្មុកស្មាច់, ចម្លាក់ប្រាក់/ស្ពាន់, ចម្លាក់ស្បែក, ចម្លាក់ថ្ម, តម្បាញក្រមាត្រុំ, ស្មូនឆ្នាំង, ផលិតឧបករណ៍ភ្លេង, តម្បាញសូត្រ, គំនូរពណ៌, គំនូរបុរាណ និងចម្លាក់ស្មិត។ ចំពោះសិស្សមកពីគ្រួសារក្រីក្រ (មានបណ្ណ) និងគ្រួសារងាយរងហានិភ័យ (មានបណ្ណ) នឹងទទួលបានប្រាក់ឧបត្ថម្ភចំនួន ២៨ម៉ឺនរៀល ក្នុងមួយខែ តែត្រូវបំពេញលក្ខខណ្ឌសិក្សាឲ្យបានត្រឹមត្រូវ។ ឯកឧត្តម ហាប់ ទូច រដ្ឋលេខាធិការក្រសួងវប្បធម៍ និងវិចិត្រសិល្បៈ បានថ្លែងប្រាប់ BTV នៅថ្ងៃទី២៥ ខែមករា ឆ្នាំ២០២៤នេះថា មកដល់ពេលនេះមន្ត្រីជំនាញបានធ្វើការយ៉ាងជិតស្និតជាមួយក្រសួងការងារ និងបណ្តុះបណ្តាលវិជ្ជាជីវៈ ហើយការបណ្តុះបណ្តាលវិជ្ជាជីវៈដូនតានេះ គឺជាកម្មវិធីអាទិភាពទាំង ៦ ចំណុច របស់រាជរដ្ឋាភិបាលបានផ្តល់អាទិភាពមកក្រសួងវប្បធម៌ និងវិចិត្រសិល្បៈ រៀបចំកម្មវិធីបណ្តុះបណ្តាលវិជ្ជាជីវៈដូនតា ដែលក្នុងកម្មវិធីនេះ រាជរដ្ឋាភិបាលបានអនុញ្ញាតឲ្យ ២% ទៅ៤% នៃចំនួន១លាន៥សែននាក់ ជាពិសេសនៅដើមខែកុម្ភះ ក្រសួងវប្បធម៌ និងសម្ពោធកម្មវីធីនេះជាផ្លូវការ ក្នុងនោះមានយុវជនមកពីគ្រួសារក្រីក្រ និងគ្រួសារងាយរងហានិភ័យ ជាកម្មវិធីដំបូងប្រហែលជា៣០០នាក់ ដែលមានចំនួន១៣ទីតាំង ក្នុងរាជធានី-ខេត្ត ទាំង៨ បានមកទទួលវគ្គបណ្តុះបណ្តាលវិជ្ជាជីវៈដូនតា។ក្រសួងវប្បធម៌និងវិចិត្រសិល្បៈនឹងរៀបចំកម្មវិធីបណ្តុះបណ្តាលជំនាញ វិជ្ជាជីវៈដូនតា ឆ្នាំ២០២៤ ដោយឥតគិតថ្លៃ នៅ១៣ទីតាំង នៅ៨រាជធានី-ខេត្តទូទាំងប្រទេស ដែលជំនាញទាំងនោះរួមមាន៖១-ខេត្តសៀមរាប៖ ជំនាញតម្បាញ ចម្លាក់ថ្ម គំនូរ ចម្លាក់ ចម្លាក់ស្បែក, ២-ខេត្តកំពង់ឆ្នាំង៖ ជំនាញស្មូនឆ្នាំង, ៣-ខេត្តកំពង់ស្ពឺ៖ ជំនាញធ្វើឧបករណ៍ភ្លេងបុរាណ, ៤-ខេត្តតាកែវ៖ ជំនាញតម្បាញសូត្រ, ៥-ខេត្តរតនគិរី៖ ជំនាញស្មូនឆ្នាំង, ៦-ខេត្តកំពង់ចាម៖ ជំនាញតម្បាញក្រមត្រុំ, ៧-រាជធានីភ្នំពេញ៖ ជំនាញគំនូរពណ៌ គំនូរបុរាណ ចម្លាក់ស្មិត និងធ្វើឧបករណ៍ភ្លេងបុរាណ, ៨-ខេត្តកណ្តាល៖ ជំនាញខ្មុកស្មាច់ ចម្លាក់ស្មិត៕ អត្ថបទ៖ រដ្ឋា

នាវា WESTERDAM នាំភ្ញៀវទេសចរជាង ២ពាន់នាក់ ចូលចតធ្វើទស្សនកិច្ចខេត្តព្រះសីហនុ ជាថ្មីម្ដងទៀត នៅព្រឹកនេះ

ព្រះសីហនុ៖ នៅថ្ងៃទី២៥ ខែមករា ឆ្នាំ២០២៤ នាយនគរបាលប៉ុស្តិ៍ច្រកទ្វារកំពង់ផែស្វយ័តអន្តរជាតិក្រុងព្រះសីហនុ ប្រាបថា មាននាវាទេសចរណ៍ខ្នាតយក្ស មួយគ្រឿង ឈ្មោះ WESTERDAM សញ្ជាតិ NETHER LAND ផ្ទុកអ្នកដំណើរ ២.៦៤៩នាក់ ក្នុងនោះមាននាវិកចំនួន ៧៧៦នាក់ មកពីប្រទេសថៃ បានចូលចតនៅកំពង់ផែស្វយ័តអន្តរជាតិក្រុងព្រះសីហនុ ហើយបន្តដំណើរទៅទៅប្រទេសវៀតណាមនៅយប់ថ្ងៃដដែល។

ប្រជាពលរដ្ឋសប្បាយរីករាយ ក្រោយពេលអាជ្ញាធរជាតិអប្សរា ធ្វើការសម្អាត និងអភិរក្សនៅទីតាំងទួលប្រាសាទគោកបល្ល័ង្គឡើងវិញ

កាលពីអំឡុងដើមខែមករា ឆ្នាំ២០២៤ថ្មីៗនេះ អាជ្ញាធរជាតិអប្សរា ដោយមានកិច្ចសហការជាមួយអាជ្ញាធរមូលដ្ឋាន បានចុះសម្អាតព្រៃជុំវិញទីតាំងបុរាណដ្ឋាន ប្រាសាទគោកបល្ល័ង្គ បន្ទាប់មកកាយយកអាចម៍ដីដែលចាក់លុប ចេញពីទីតាំងកសិន្ធុ ស្ថិតនៅភូមិបឹង សង្កាត់ជ្រាវ ក្រុងសៀមរាប ដើម្បីកិច្ចការងារអភិរក្ស ការងារនេះធ្វើឱ្យបងប្អូនប្រជាពលរដ្ឋរស់នៅជុំវិញនោះបង្ហាញការគាំទ្រ និងសប្បាយរីករាយជាខ្លាំង។លោក ឈុន ឈឿន ប្រជាការពារក្នុងភូមិបឹង បានឱ្យដឹងថា លោកសូមគាំទ្រ និងចូលរួមជួយគ្រប់សកម្មភាពដែលអាជ្ញាធរជាតិអប្សរា បានចុះមកធ្វើការសម្អាតព្រៃ និងស្តារកសិន្ធុទឹក នៅទីតាំងបុរាណដ្ឋាននៃប្រាសាទគោកបល្ល័ង្គនេះ។ លោកថា កាលដើមឡើយធ្លាប់បានឭការដំណាលរបស់ឪពុកម្តាយ អំពីទីទួលប្រាសាទនេះនៅមានរូបរាងខ្លះៗ ប៉ុន្តែជាបន្តបន្ទាប់មក បានរងការខូចខាតទ្រុឌទ្រោមស្ទើរតែបាត់បង់រូបរាងអស់ជាច្រើនឆ្នាំមកហើយ ដោយកត្តាផ្សេងៗជាច្រើន។ ក្នុងនាមប្រជាពលរដ្ឋមួយរូប លោកឈុន ឈឿន ពិតជាសប្បាយរីករាយណាស់នៅពេលបានឃើញអាជ្ញាធរជាតិអប្សរា គិតគូរខ្ពស់ទៅលើទីទួលបុរាណដ្ឋាន ដោយបានមកសម្អាត កាប់ឆ្ការព្រៃ ដែលដុះស៊ុបត្រុប និងបានកាយយកអាចម៍ដីដែលប្រជាពលរដ្ឋចាក់លុបទៅលើកសិន្ធុ ព្រមទំាងការស្តារកសិន្ធុទឹកឡើងវិញ ដើម្បីកិច្ចការងារអភិក្សទីទួលបុរាណរបស់ពលរដ្ឋគោរពបូជាចៀសវាងបាត់បង់កេរដំណែលដូនតាខ្មែរដែលបានបន្សល់ទុក។ ក្រោយពេលស្តារកសិន្ធុទឹក និងសម្អាតបានស្អាតហើយនោះ លោកឈុន ឈឿន បានសំណូមពរដល់បងប្អូនប្រជាពលរដ្ឋរស់នៅជុំវិញនោះ សូមចូលរួមថែរក្សា ដោយមិនត្រូវយកសំរាមមកចាក់ចោល នៅទីទួលបុរាណនេះតទៅទៀតឡើយ។ចំណែកលោក ចេង ណេរ៉ូស ប្រជាពលរដ្ឋខ្មែររស់នៅលើទឹកដីសហរដ្ឋអាមេរិកជាយូរឆ្នាំ និងមានលំនៅឋានបច្ចុប្បន្នក្បែរទីទួលបុរាណដ្ឋាននៃប្រាសាទគោកបល្ល័ង្គ បានឱ្យដឹងថា លោកពិតជាសប្បាយរីករាយណាស់ នៅពេលបានឃើញអាជ្ញាធរជាតិអប្សរា ធ្វើការអភិរក្សនៅលើទីតាំងបុរាណដ្ឋាននៃប្រាសាទគោកបល្ល័ង្គ ដើម្បីទុកជាកេរដំណែលឱ្យកូនខ្មែរជំនាន់ក្រោយបានស្គាល់ទីតាំងបុរាណដ្ឋានមួយនេះ។ លោកបន្តថា ក្នុងនាមលោកជាប្រជាពលរដ្ឋមួយរូបសូមធ្វើការគាំទ្រចំពោះការងារនេះ។សូមជម្រាបថា ចាប់តាំងពីថ្ងៃទី០២ ខែមករា ឆ្នាំ២០២៤មក ក្រុមការងារ នាយកដ្ឋានអភិរក្សប្រាសាទ និងបុរាណវិទ្យានៃអាជ្ញាធរជាតិអប្សរា បានចុះមកកាន់ទួលប្រាសាទគោកបល្ល័ង្គ បន្ទាប់ពីមានកិច្ចសហការពីអាជ្ញាធរមូលដ្ឋាន និងប្រជាពលរដ្ឋនៅក្បែរៗនោះ បានរាយការណ៍អំពីការរំលោភបំពានដោយចាក់ដីលុបទៅលើកសិន្ធុទឹកជាប់នឹងទួលនៃប្រាសាទ។ ក្រុមការងារដែលមានសមាជិកជាង២០នាក់ បានត្រួសឆ្ការព្រៃដុះស៊ុបត្រុបសម្អាតនៅជុំវិញទីតាំងទួលបុរាណ កាយយកអាចម៍ដីដែលចាក់លុប ចេញពីទីតាំងកសិន្ធុ ព្រមទាំងបានស្តារកសិន្ធុទឹកឡើងវិញ ដើម្បីកិច្ចការងារអភិរក្ស ចៀសវាងបាត់បង់កេរដំណែលដូនតាខ្មែរដែលបានបន្សល់ទុក សម្រាប់កូនចៅជំនាន់ក្រោយ៕

ស្ពានផ្លូវកង់ប្រាសាទតាកែវបង្កើតបរិយាកាសថ្មី សម្រាប់អ្នកជិះកង់

អាជ្ញាធរជាតិអប្សរា បានសាងសង់ស្ពានផ្លូវកង់ស្របតាមស្ពានប្រាសាទតាកែវ ដើម្បីសម្រួលដល់ការជិះកង់របស់ភ្ញៀវទេសចរ ក្នុងរមណីយដ្ឋានអង្គរឱ្យកាន់តែងាយស្រួល។ លោក សុខ សូសិលា អនុប្រធាននាយកដ្ឋានទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរាបានឱ្យដឹងថា អាជ្ញាធរជាតិអប្សរាបានចាប់ផ្តើមសង់ផ្លូវកង់ក្នុងរមណីយដ្ឋានអង្គរនៅឆ្នាំ២០២០ ដើម្បីសម្រួលដល់ភ្ញៀវទេសចរដែលនិយមជិះកង់កម្សាន្ត។ ផ្លូវកង់ក្នុងរមណីយដ្ឋានអង្គរប្រវែងសរុបជាង ២៣គីឡូម៉ែត្រ ហើយក្នុងនោះក៏មានឆ្លងស្ទឹងចំនួន ៤ទីតាំងផងដែរ។ ស្ពានផ្លូវកង់ប្រាសាទតាកែវ គឺជាទីតាំងមួយក្នុងចំណោម ៤ទីតាំងខាងលើ ដែលអាជ្ញាធរជាតិអប្សរាសាងសង់សម្រួលដល់អ្នកជិះកង់ ដោយចង់បែងចែកឱ្យដាច់រវាងផ្លូវ ឬស្ពានធ្វើដំណើរទូទៅ និងផ្លូវកង់។ ស្ពាននេះមាន ទទឹង២.៥ម៉ែត្រ និងបណ្ដោយ៦៥ម៉ែត្រ។ ចំណែកស្ពានកង់៣ទីតាំងទៀត រួមមាន ស្ពានអង្គរ ស្ពានក្រាំងក្រូច និងស្ពាននាគព័ន្ធ។ ក្រៅពីនេះ ក៏មានស្ពានខ្នាតតូចឆ្លងកាត់២ទីតាំងទៀត ដូចជាកសិន្ធុយសោធរ និងអតីតទ្វារទឹកនាគព័ន្ធ។ គោលបំណងសំខាន់នៃការបង្កើតផ្លូវកង់ក្នុងរមណីយដ្ឋានអង្គរ គឺការចង់បែងចែកឱ្យដាក់ពីគ្នារវាងផ្លូវ ចរាចរណ៍ធម្មតា និងផ្លូវកង់ ដើម្បីលើកកម្ពស់កីឡាជិះកង់ ការកាត់បន្ថយគ្រោះថ្នាក់នៅលើដងផ្លូវរវាងអ្នកជិះយានយន្ត និងអ្នកជិះកង់ ពិសេសកាត់បន្ថយផ្សែងយានយន្តដែលប៉ះពាល់ដល់ថ្មប្រាសាទ។ ចំពោះរចនាបថនៃការសង់ស្ពានកង់នេះ លោក សុខ សូសិលា បញ្ជាក់ថា បានជ្រើសរើសការរៀបចំបែបសាមញ្ញស្រដៀងនឹងធម្មជាតិជុំវិញ ដោយមិនបង្កើតអ្វីដែលថ្មីលេចធ្លោពេកទេ គឺស្របតាមគោលគំនិតរបស់ថ្នាក់ដឹកនាំថា ការអភិរក្សដើរស្របនឹងការអភិវឌ្ឍ។ ជាមួយគ្នានេះ លោក សុខ សូសិលា សំណូមពរឱ្យភ្ញៀវទេសចរ ចូលរួមលើកតម្កើងការជិះកង់ ឱ្យបានកាន់តែច្រើននៅក្នុងតំបន់រមណីយដ្ឋានអង្គរ ក្នុងបំណងដើម្បីសុខភាព ប្ដូរបរិយាកាសថ្មី ព្រោះថាការជិះកង់ធ្វើឱ្យយើងមានពេលគ្រប់គ្រាន់សម្រាប់ការទស្សនា ឬសិក្សាពីធម្មជាតិនៅជុំវិញ ពិសេសលុបបំបាត់ផ្សែងពុលដែលបង្កគ្រោះថ្នាក់ដល់ការអភិរក្សប្រាសាទ៕ អត្ថបទ៖ ឈិត សាវី

សារមន្ទីរព្រះនរោត្តមសីហនុ-អង្គរ នឹងតាំងពិព័រណ៍បង្ហាញវត្ថុសិល្បៈក្វាតជិត ៧០០០គ្រាប់

សារមន្ទីរព្រះនរោត្តមសីហនុ-អង្គរ គ្រោងនឹងតាំងពិព័រណ៍វត្ថុសិល្បៈក្វាត ចំនួន៦៩៥៦គ្រាប់ ដែលបានពីកំណាយស្រាវជ្រាវ ដើម្បីឱ្យសាធារណជនបានស្គាល់ និងទស្សនាចាប់ពីថ្ងៃទី១៦ ខែមករា ឆ្នាំ២០២៤ ខាងមុខនេះ។ ក្រុមអ្នកស្រាវជ្រាវ នៃអាជ្ញាធរជាតិអប្សរា បានប្រទះឃើញវត្ថុសិល្បៈបុរាណក្វាត ចំនួន ៦៩៥៦គ្រាប់នេះ នៅឯប្រាសាទកណ្តាលស្រះស្រង់ កាលពីឆ្នាំ២០២០កន្លងទៅ។មគ្គុទេសក៍សារមន្ទីរព្រះនរោត្តមសីហនុ-អង្គរ លោក គុន ផល្លី មានប្រសាសន៍ថា វត្ថុសិល្បៈបុរាណក្វាត ទាំងនេះ នឹងដាក់តាំងពិពរណ៍ជាអចិន្ត្រៃយ៍ក្នុងសាលពិព័រណ៍សារមន្ទីរ។ វត្ថុសិល្បៈនេះ មានបីប្រភេទ គឺពណ៌ស្វាយ(កែវណាំហ្វាន)Amethyst ពណ៌លឿង(ស៊ីទ្រីន)Citine និងពណ៌សថ្លា(គ្រីស្តាល់)Crystal។ ក្រៅពីការដាក់តាំងក្វាតនេះ ក៏មានការដាក់តាំងបង្ហាញនូវវត្ថុមួយចំនួនទៀត ដែលបានមកពីកន្លែងតែមួយនៅប្រាសាទកណ្ដាលស្រះស្រង់ដែរដូចជា រូបអណ្ដើកថ្ម អាវុធត្រីសូល៍ អាវុធបញ្ចសូល៍ និងចតុសូល៍ជាដើម។ លោកឱ្យដឹងទៀតថា ការតាំងបង្ហាញពិព័រណ៍ជាអចិន្ត្រៃយ៍នេះ ក្នុងគោលបំណងបង្ហាញជូនសាធារណជនជាតិ អន្តរជាតិ អ្នកស្រាវជ្រាវ និងសិស្សានុសិស្សឱ្យមកទស្សនាសិក្សាស្វែងយល់អំពីវត្ថុសិល្បៈ វត្ថុសក្ការៈសម្រាប់បញ្ចុះនៅគ្រឹះប្រាសាទកាលពីសម័យបុរាណ ព្រមទាំងដឹងពីប្រវត្តិសាស្ត្រ វប្បធម៌ សាសនា និងទំនៀមទម្លាប់របស់ជាតិខ្មែរផង។ជារៀងរាល់ថ្ងៃសៅរ៍ដើមខែនីមួយៗ សារមន្ទីរព្រះនរោត្តមសីហនុ-អង្គរ តែងតែបើកឱ្យភ្ញៀវជាតិ ចូលទស្សនាដោយមិនគិតថ្លៃ ដែលនេះ គឺជាចំណុចមួយដ៏ពិសេស សម្រាប់លើកទឹកចិត្តដល់ភ្ញៀវជាតិ អន្តរជាតិ សាធារណជន អ្នកស្រាវជ្រាវ និងសិស្សានុសិស្ស ចូលទស្សនាសារមន្ទីរឱ្យបានកាន់តែច្រើន៕

នាវាទេសចរណ៍បរទេស ផ្ទុកអ្នកដំណើរជិត ១០០០នាក់ ចូលចតធ្វើទស្សនកិច្ចក្នុងខេត្ដព្រះសីហនុ

ព្រះសីហនុ៖ នាវាទេសចរណ៍បរទេសខ្នាតយក្ស ផ្ទុកអ្នកដំណើរបម្រុះជាតិសាសន៍ ៩៧៧នាក់ ចូលចតនៅកំពង់ផែស្វយ័តអន្ដរជាតិក្រុងព្រះសីហនុ ថ្ងៃទី១១ ខែមករា ឆ្នាំ២០២៤ ដើម្បីធ្វើទស្សនកិច្ចនៅខេត្ដព្រះសីហនុ រយៈពេល ១ថ្ងៃ ហើយចេញដំណើរបន្ដទៅប្រទេសវៀតណាមនៅយប់ថ្ងៃដដែលនេះ។ នាយនគរបាលអន្ដោប្រវេសន៍ច្រកទ្វារកំពង់ផែស្វយ័តអន្ដរជាតិក្រុងព្រះសីហនុ ប្រាប់ថា បន្ទាប់ពីវិបត្ដិជំងឺកូវីដ-១៩ មាននាវាទេសចរណ៍បរទេសខ្នាតយក្ស ផ្ទុកអ្នកដំណើររាប់រយ រាប់ពាន់នាក់ ចូលចតជាបន្ដបន្ទាប់នៅកំពង់ផែស្វយ័តអន្ដរជាតិក្រុងព្រះសីហនុ ដើម្បីធ្វើទស្សនកិច្ចក្នុងខេត្ដព្រះសីហនុ និងក្នុងព្រះរាជាណាចក្រកម្ពុជា។ នាវាដែលចូលចតថ្ងៃនេះ មានឈ្មោះ SEA BOURN ENCORE សញ្ជាតិ BAHAMAS បានធ្វើដំណើរមកពីប្រទេសថៃ ដែលមានផ្ទុកអ្នកដំណើរចម្រុះជាតិសាសន៍សរុបចំនួន ៩៧៧នាក់ ក្នុងនោះ មាននាវិកសរុបចំនូន ៤២៥នាក់ ជាតិសាសន៍ដែលច្រើនជាងគេបង្អស់ គឺសញ្ជាតិអាមេរិក នាវានេះ នឹងចាកចេញពីកំពង់ផែស្វយ័តអន្ដរជាតិក្រុងព្រះសីហនុ បន្ដដំណើរទេសចរណ៍ទៅកាន់ប្រទេសវៀតណាម នៅយប់ថ្ងៃនេះដដែល។ លោកវរសេនីយ៍ បន្ដថា ការចូលចតនាវាទេសចណ៍ បានផ្ដល់ឱកាសឱ្យភ្ញៀវទេសចរចម្រុះជាតិសាសន៍បានទស្សនាពីវឌ្ឍនភាពខេត្ដព្រះសីហនុ និងបានស្វែងយល់ពីវប្បធម៌រស់នៅរបស់ប្រជាពលរដ្ឋខ្មែរ ជាមួយនិងធនធានធម្មជាតិដ៏សម្បូរបែបរបស់ខេត្ដព្រះសីហនុ។ ទាំងនេះ បានបញ្ជាក់យ៉ាងច្បាស់ថា សេដ្ឋកិច្ចពិភពលោកបានដំណើរការឡើងវិញ ក្រោមដំបូលសុខសន្ដិភាពនៅព្រះរាជាណាចក្រកម្ពុជា នឹងអាចឱ្យភ្ញៀវទេសចរ បន្ដផ្សព្វផ្សាយពីខេត្ដព្រះសីហនុ ក៏ដូចជាប្រទេសកម្ពុជា ក្នុងការទាក់ទាញភ្ញៀវទេសចរ សម្រាប់លើកកម្ពស់វិស័យទេសចរណ៍នៅកម្ពុជា។ ម្យ៉ាងវិញទៀត ការចូលចតនេះ បានផ្ដល់អត្ថប្រយោជន៍មួយចំនួន ដល់ប្រជាពលរដ្ឋខេត្ដព្រះសីហនុ ដែលជាអ្នកលក់ផលិតទេសចរណ៍ ពិសេសអ្នករត់តាក់ស៊ី ឬម៉ូតូកង់បី និងម៉ូតូឌុប ។ល។

ក្រសួងបរិស្ថានប្រកាសអនុវត្ត វិធានប្រតិបត្តិ មាត្រា៦ នៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា កាលពីពេលថ្មីៗនេះ បានគាំទ្រនិងអនុម័ត វិធានប្រតិបត្តិ មាត្រា៦ នៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ។ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងសាទរចំពោះការដឹកនាំដ៏ឈ្លាសវៃនៃប្រមុខរាជរដ្ឋាភិបាលកម្ពុជា ដែលបានគិតគូរអាទិភាពលើវិស័យបរិស្ថាន ក្នុងយុទ្ធសាស្រ្តបញ្ចកោណ ដំណាក់កាលទី១ ដែលបានរៀបចំឡើង ដើម្បីកំណើន ការងារ សមធម៌ ប្រសិទ្ធភាព និងចីរភាព សំដៅកសាងមូលដ្ឋានគ្រឹះឆ្ពោះទៅ សម្រេចបានចក្ខុវិស័យកម្ពុជា ឆ្នាំ២០៥០។ ការគាំទ្ររបស់ប្រមុខរាជរដ្ឋាភិបាល ចំពោះវិធានប្រតិបត្តិនេះ បានជំរុញ និងលើកទឹកចិត្តដល់កម្ពុជា ក្នុងការធ្វើអាជីវកម្មកាបូនប្រកបដោយតម្លាភាព គណនេយ្យភាព និងស្របតាមស្តង់ដាអន្តរជាតិ។ឯកឧត្តមបណ្ឌិត អ៊ាង សុផល្លែត បានបញ្ជាក់ថា វិធានប្រតិបត្តិមានប្រយោជន៍ខ្លាំងណាស់សម្រាប់កម្ពុជាផង ហើយក៏ជាការចូលរួមចំណែកសំខាន់របស់កម្ពុជា ជាមួយពិភពលោក ក្នុងការកាត់បន្ថយការកើនឡើងកម្តៅលើភពផែនដី និងការប្រែប្រួលអាកាសធាតុ ដែលជាបញ្ហាសកល។ ឯកឧត្តមរដ្ឋមន្រ្តីក្រសួងបរិស្ថាន បានបន្ថែមថា កន្លងមកកម្ពុជាបានអនុវត្តអាជីវកម្មកាបូន តាមរយៈការស្មគ្រចិត្ត។ តាមរយៈមាត្រា៦ នៃកិច្ចព្រមព្រៀងទីក្រុងប៉ារីស គឺអនុញ្ញាតឲ្យកម្ពុជាកាន់តែពង្រឹងខ្លួនបានខ្លាំងថែមទៀត លើការធ្វើពាណិជ្ជកម្មទ្វេភាគីរវាងរដ្ឋាភិបាលនិងរដ្ឋាភិបាល ស្របនឹងលក្ខខ័ណ្ឌនៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ ហើយក៏ឆ្លុះបញ្ចាំងពីការប្តេជ្ញាចិត្តខ្ពស់របស់កម្ពុជា និងអំពីតម្លាភាព ដែលកម្ពុជាយើងអនុវត្តបានយ៉ាងខ្ជាប់ខ្ជួន នៃកិច្ចព្រមព្រៀងផងដែរ។ជាមួយគ្នានេះដែរ វិទ្យាស្ថានកំណើនបៃតងសកល (GLOBAL GREEN GROWTH INSTITUTE - GGGI) បង្ហាញទស្សនៈវិជ្ជមានចំពោះកម្ពុជា ដែលកំពុងមាននិន្នាការលើការអភិវឌ្ឍ ក្នុងលក្ខខណ្ឌគិតគូរពីបរិស្ថាន ដែលប្រកបដោយចីរភាព។ កញ្ញា Shomi Kim តំណាង GGGI ប្រចាំកម្ពុជា បានលើកឡើងថា កម្ពុជាជាប្រទេសទី១ នៃសមាជិក GGGI ដែលបានគាំទ្រវិធានប្រតិបត្តិ មាត្រា៦ នៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ។ កម្ពុជាបានប្រកាសទៅកាន់ពិភពលោកថា កម្ពុជា បានរៀបចំខ្លួនរួចរាល់ហើយក្នុងការធ្វើពាណិជ្ជកម្មកាបូន។ កម្ពុជាជារដ្ឋភាគីនៃក្របខ័ណ្ឌអនុសញ្ញាស្តីពីការប្រែប្រួលអាកាសធាតុ ដែលមានប្រទេសចំនួន១៩៧។ កិច្ចព្រមព្រៀងទីក្រុងប៉ារីសស្តីពីការប្រែប្រួលអកាសធាតុ ត្រូវបានអនុម័ត នៅក្នុងថ្ងៃទី១២ ខែធ្នូ ឆ្នាំ២០១៥ នាកិច្ចប្រជុំកំពូលស្តីពីការប្រែប្រួលអាកាសធាតុ COP25 នៅទីក្រុងប៉ារីសប្រទេសបារាំង។ ឯកឧត្តម ជួប ប៉ារីស៍ រដ្ឋលេខាធិការក្រសួងបរិស្ថាន បានឱ្យដឹងថា កិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ មាន វិធានប្រតិបត្តិចំនួន២៩ប្រការ ក្នុងនោះប្រការទី៦ បានសង្កត់ធ្ងន់លើពាណិជ្ជកម្មកាបូន(Carbon Trading) ដើម្បីចូលរួមកាត់បន្ថយ និងបន្ស៉ាំនៃការប្រែប្រួលអាកាសធាតុ។ សូមបញ្ជាក់ថា កម្ពុជាបានដាក់ចេញនូវផែនការជាក់លាក់ក្នុងយុទ្ធសាស្រ្តាចក្រា ដែលផ្តោតលើមុំអាទិភាពចំនួន៣ គឺស្អាត បៃតង និងចីរភាព ដែលក្នុងនោះមុំទី២ ផ្តោតលើភាពបៃតង គឺការអភិរក្ស និងគ្រប់គ្រងព្រៃឈើ ដោយនិរន្តរភាព ក្នុងក្រសួងបរិស្ថាន បានដាក់ចេញវិធានការអាទិភាពចំនួន៤ ទប់ស្កាត់បទល្មើសព្រៃឈើ ដោយអនុវត្តតាមច្បាប់មិនលើកលែង និងយុទ្ធនាការផ្តល់កូនឈើ ចំនួន១លានដើម ជូនប្រជាពលរដ្ឋដាំ ដោយឥតថ្លៃ ចាប់ពីឆ្នាំ២០២៤នេះ ដើម្បីបង្កើនគម្របព្រៃឱ្យបាន៦០% នៅឆ្នាំ២០៥០។ ជាមួយគ្នានេះ កម្ពុជាមានសុទិដ្ឋិនិយមក្នុងការអនុវត្តកិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ កាត់បន្ថយការបញ្ចេញកាបូន ពីវិស័យថាមពលនិងឧស្សាហកម្ម ការជំរុញប្រសិទ្ធភាពថាមពល ការដឹកជញ្ជូននិរន្តរភាព ការគ្រប់គ្រងនិងកែច្នៃសំណល់ ការអនុវត្តកសិកម្ម ដែលបញ្ចេញកាបូនទាប ក៏ដូចជាការកៀរគរហិរញ្ញប្បទានបៃតងនិងនវានុវត្តន៍៕

បណ្ដាញសង្គម

ព័ត៌មានថ្មីៗ

ក្រុមប្រឹក្សាគណៈវិស្វករកម្ពុជា ប្រជុំបូកសរុបការងារឆ្នាំ២០២៤ និងលើកទិសដៅការងារបន្ត ឆ្នាំ២០២៥

លោក Medvedev ៖ ពលរដ្ឋរុស្ស៊ី ៤៥ម៉ឺននាក់ ចុះហត្ថលេខាលើកិច្ចសន្យាបម្រើកងទ័ពក្នុងឆ្នាំ ២០២៤

នគរបាលអេស្ប៉ាញ អូសនាវាមុជទឹកសង្ស័យដឹកគ្រឿងញៀន មកកាន់កំពង់ផែ

ការប្រយុទ្ធគ្នាដោយអាវុធ បានផ្ទុះឡើងនៅជិតរថយន្តដឹកជំនួយខូច ក្នុងទីក្រុង Rafah តំបន់ហ្កាហ្សា

ក្រុមការងារអាហារូបករណ៍ អ.ម.ត ខេត្តកោះកុង ដឹកនាំនិស្សិតអាហារូបករណ៍ អ.ម.ត ធ្វើសកម្មភាពសប្បុរសធម៌

ចំនួនអ្នកស្លាប់ដោយសារបំណាក់ដីនៅឥណ្ឌូនេស៊ី កើនឡើងដល់ ២៥នាក់ ខណៈអាកាសធាតុអាក្រក់រារាំងដល់ការជម្លៀស

UN៖ ជនប៉ាឡេស្ទីនយ៉ាងហោច ១២នាក់ ត្រូវបានសម្លាប់នៅតំបន់វ៉េសប៊ែងចាប់តាំងពីថ្ងៃអង្គារ

KOICA សន្យាផ្តល់ហិរញ្ញប្បទានចំនួន ១១,៧លានដុល្លារ សម្រាប់កំណែទម្រង់អភិបាលកិច្ច និងការកសាងសមត្ថភាពនៅសាលាភូមិន្ទរដ្ឋបាលកម្ពុជា

សម្ដេចធិបតីលើកទឹកចិត្តឱ្យបន្តរៀបចំព្រឹត្តិការណ៍«សាទរកម្ពុជា» ដើម្បីផ្សព្វផ្សាយអរិយធម៌ខ្មែរ និងទាក់ទាញទេសចរ

មនុស្ស ៨នាក់ស្លាប់ក្នុងហេតុការណ៍ផ្ទុះរោងចក្រយុទ្ធភ័ណ្ឌនៅភាគខាងលិចប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

វប្បធម៌ និងទេសចរណ៍

នៅដើមឆ្នាំនេះ កម្ពុជាទទួលគម្រោងវិនិយោគថ្មីចំនួន៣២ មានទុនវិនិយោគជាង ១៨៧ លានដុល្លារ

ទេសចរអន្តរជាតិភាគច្រើនប្រើប្រាស់ប្រាក់រៀលពេលមកកម្សាន្តនៅប្រទេសកម្ពុជា

ឯកឧត្តម ថោង ខុន និងគណៈកម្មការរៀបចំទិវារត់ប្រណាំង Angkor Ultra Trail រំពឹងឆ្នាំក្រោយ មានអ្នកចូលរួមទ្វេដង

ក្រសួងវប្បធម៌នឹងសម្ពោធបើកកម្មវិធីបណ្តុះបណ្តាលជំនាញវិជ្ជាជីវៈដូនតានៅដើមខែកុម្ភៈខាងមុខនេះ

នាវា WESTERDAM នាំភ្ញៀវទេសចរជាង ២ពាន់នាក់ ចូលចតធ្វើទស្សនកិច្ចខេត្តព្រះសីហនុ ជាថ្មីម្ដងទៀត នៅព្រឹកនេះ

ស្ពានផ្លូវកង់ប្រាសាទតាកែវបង្កើតបរិយាកាសថ្មី សម្រាប់អ្នកជិះកង់

សារមន្ទីរព្រះនរោត្តមសីហនុ-អង្គរ នឹងតាំងពិព័រណ៍បង្ហាញវត្ថុសិល្បៈក្វាតជិត ៧០០០គ្រាប់

នាវាទេសចរណ៍បរទេស ផ្ទុកអ្នកដំណើរជិត ១០០០នាក់ ចូលចតធ្វើទស្សនកិច្ចក្នុងខេត្ដព្រះសីហនុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

វប្បធម៌ និងទេសចរណ៍

នៅដើមឆ្នាំនេះ កម្ពុជាទទួលគម្រោងវិនិយោគថ្មីចំនួន៣២ មានទុនវិនិយោគជាង ១៨៧ លានដុល្លារ

ទេសចរអន្តរជាតិភាគច្រើនប្រើប្រាស់ប្រាក់រៀលពេលមកកម្សាន្តនៅប្រទេសកម្ពុជា

ឯកឧត្តម ថោង ខុន និងគណៈកម្មការរៀបចំទិវារត់ប្រណាំង Angkor Ultra Trail រំពឹងឆ្នាំក្រោយ មានអ្នកចូលរួមទ្វេដង

ក្រសួងវប្បធម៌នឹងសម្ពោធបើកកម្មវិធីបណ្តុះបណ្តាលជំនាញវិជ្ជាជីវៈដូនតានៅដើមខែកុម្ភៈខាងមុខនេះ

នាវា WESTERDAM នាំភ្ញៀវទេសចរជាង ២ពាន់នាក់ ចូលចតធ្វើទស្សនកិច្ចខេត្តព្រះសីហនុ ជាថ្មីម្ដងទៀត នៅព្រឹកនេះ

ស្ពានផ្លូវកង់ប្រាសាទតាកែវបង្កើតបរិយាកាសថ្មី សម្រាប់អ្នកជិះកង់

សារមន្ទីរព្រះនរោត្តមសីហនុ-អង្គរ នឹងតាំងពិព័រណ៍បង្ហាញវត្ថុសិល្បៈក្វាតជិត ៧០០០គ្រាប់

នាវាទេសចរណ៍បរទេស ផ្ទុកអ្នកដំណើរជិត ១០០០នាក់ ចូលចតធ្វើទស្សនកិច្ច​ក្នុងខេត្ដព្រះសីហនុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នាវាទេសចរណ៍បរទេស ផ្ទុកអ្នកដំណើរជិត ១០០០នាក់ ចូលចតធ្វើទស្សនកិច្ចក្នុងខេត្ដព្រះសីហនុ