BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

ដំណើរទស្សនកិច្ចរបស់រដ្ឋមន្រ្តីការបរទេសអូស្រ្តាលីមកកម្ពុជា គឺដើម្បីសុំការគាំទ្រពីកម្ពុជាចំពោះសម្ព័ន្ធមិត្តរបស់ខ្លួន

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ក្នុងដំណើរទស្សនកិច្ច របស់រដ្ឋមន្រ្តីការបរទេស និងជារដ្ឋមន្រ្តីក្រសួងកិច្ចការនារីរបស់អូស្រ្តាលីមកប្រទេសកម្ពុជា នាពេលនេះ គឺដើម្បីចង់ពន្យល់ដល់កម្ពុជា និងស្វែងរកការគាំទ្រពីកម្ពុជា ចំពោះភាពជាដៃគូសន្តិសុខត្រីភាគីរបស់ខ្លួន ដែលមានប្រទេសអូស្ត្រាលី ចក្រភពអង់គ្លេស និងសហរដ្ឋអាមេរិក។ថ្លែងនៅក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវអគារថ្មីនៃក្រសួងរៀបចំដែនដីនគរូបនីយកម្ម និងសំណង់ នាព្រឹកថ្ងៃទី៨ ខែវិច្ឆិកា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ថា សម្តេច នឹងជួបពិភាក្សាការងារជាច្រើនជាមួយលោកជំទាវ ម៉ារីស ផេន ប៉ុន្តែសម្តេចអាចនិយាយបានថាក្នុងដំណើរ ទស្សនកិច្ចរបស់លោកជំទាវមកកម្ពុជានេះ គឺមានគោលបំណងធំតែមួយគាត់ ដូចនិងរដ្ឋមន្រ្តីក្រសួងការបរទេសអង់គ្លេសយ៉ាងដូច្នេះដែរ គឺដើម្បីពន្យល់ និងសុំការគាំទ្រពីកម្ពុជាចំពោះសម្ព័ន្ធមិត្តរបស់ខ្លួនតែប៉ុណ្ណោះ មិនមែនជាការមកគាប់សង្កត់ដល់រាជរដ្ឋាភិបាលកម្ពុជានោះឡើយ។សូមបញ្ជាក់ថា លោកជំទាវ ម៉ារីស ផេន រដ្ឋមន្រ្តីក្រសួងការបរទេស និង រដ្ឋមន្រ្តីក្រសួងកិច្ចការនារីរបស់អូស្រ្តាលីន បានកំពុងធ្វើទស្សនកិច្ចនៅប្រទេសកម្ពុជាចំនួនពីរថ្ងៃ គឺចាប់ពីថ្ងៃទី៧ ដល់ថ្ងៃទី៨ ខែវិច្ឆិកា ឆ្នាំ២០២១នេះ ខណៈដំណើរទស្សនកិច្ចនេះ គឺមានគោលបំណងពង្រឹងកិច្ចសហប្រតិបត្តិការទ្វេភាគី និងពហុភាគីជាមួយកម្ពុជាឲ្យកាន់តែល្អប្រសើបន្ថែមទៀត ដើម្បីគុណប្រយោជន៍របស់ប្រជាជន និងប្រទេស ទំាងពីរ(កម្ពុជា-អូស្រ្តាលី)។ក្នុងអំឡុងពេលដំណើរទស្សនកិច្ចរយៈពេលពីរថ្ងៃនេះ លោកជំទាវ នឹងជួបពិភាក្សាការងារជាមួយ សម្តេចតេជោ ហ៊ុន សែន នាយករដ្ឋមន្រ្តី ជួបជាមួយប្រមុខការទូតកម្ពុជា និងជំនួបទ្វេភាគីជាមួយលោកជំទាវ អ៊ឹង គន្ថាផាវី រដ្ឋមន្រ្កីក្រសួងកិច្ចការនារីរបស់កម្ពុជាផងដែរ៕អត្ថបទ ៖ បាន ចក់

សម្ដេចតេជោ៖ «កុំខ្វល់ពីរឿងការរិះគន់ចំពោះការអភិវឌ្ឍ […] ក្រុមអ្នករិះគន់គឺជាពួកច្រណែនប៉ុណ្ណោះ យើងត្រូវបន្តអភិវឌ្ឍបន្ថែមទៀត»

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះគឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។សម្ដេចតេជោ បានថ្លែងបែបនេះក្នុងឱកាសដែលសម្ដេចអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារទីស្តីការក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី០៨ ខែវិច្ឆិកា ឆ្នាំ២០២១នេះ។សម្តេចតេជោ ហ៊ុន សែន បានមានប្រសាសន៍ដែរថា អគារក្រសួងរៀបចំដែនដី នគរូបនីយកម្មនិងសំណង់ ជាសមិទ្ធផលមួយ ដែលបង្ហាញពីគុណតម្លៃ នៃការដឹកនាំរបស់រាជរដ្ឋាភិបាលកម្ពុជា ក្នុងការលើកម្ពស់តម្លៃស្ថាបត្យកម្ម ដែលជាស្នាដៃផ្ទាល់របស់កូនខ្មែរ ហើយក៏បានបង្ហាញនូវសមត្ថភាពរបស់រាជរដ្ឋាភិបាលលើការគ្រប់គ្រង និងប្រើប្រាស់ថវិកាជាតិ ដើម្បីបង្កើតនូវសមិទ្ធផលជាទីមោទនភាពសម្រាប់ជាតិផងដែរ។សម្តេចតេជោ ហ៊ុន សែន បានប្រកាសថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះ គឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។

សម្តេចតេជោ អំពាវនាវគ្រប់ក្រសួងស្ថាប័នពាក់ព័ន្ធបង្កើនការខិតខំ ដើម្បីអនុវត្តផែនការសកម្មភាពអាទិភាពនានា

ភ្នំពេញ ៖ ក្នុងឱកាសនៃការប្រារព្ធទិវាជាតិអាហារូបត្ថម្ភលើកទី៨ ថ្ងៃទី៦វិច្ឆិកា ក្រោមប្រធានបទ “ការពង្រឹងប្រព័ន្ធស្បៀង ដើម្បីការអភិវឌ្ឍប្រកបដោយចីរភាព សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវដល់គ្រប់ក្រសួងស្ថាប័នពាក់ព័ន្ធរដ្ឋបាលថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងប្រជាពលរដ្ឋគ្រប់រូប សូមចូលរួមជាមួយនឹងរាជរដ្ឋាភិបាល ដោយបង្កើនការខិតខំប្រឹងប្រែងរួមគ្នា ដើម្បីអនុវត្តផែនការសកម្មភាពអាទិភាពនានា ។សម្តេចតេជោ បានមានប្រសាសន៍ថា ស្ថិតក្នុងបរិបទនៃវិបត្តិកូរីដ-១៩ នេះ កម្ពុជាមិនត្រឹមតែអាចបញ្ចៀសបាននូវវិបត្តិស្បៀងអាហារប៉ុណ្ណោះទេ ប៉ុន្តែកម្ពុជាថែមទាំងបានចាប់យកឱកាសនេះ ដើម្បីពង្រឹងប្រព័ន្ធស្បៀង តាមរយៈការដាក់ចេញវិធានការ ជាបន្តបន្ទាប់ ដើម្បីផលិតនិងផ្គត់ផ្គង់ផលិតផលកសិកម្ម និងស្បៀងអាហារប្រកបដោយគុណភាព និង សុវត្ថិភាពទៅទីផ្សារក្នុងតំបន់និងពិភពលោកទៀតផង។រាជរដ្ឋាភិបាលមានការប្ដេជ្ញាចិត្តខ្ពស់ ដោយឈរលើ កត្តាសន្តិភាពនិងស្ថិរភាពនយោបាយ ដែលបង្កើតបាននូវបរិយាកាសមួយដ៏រឹងមាំឈានទៅសម្រេចបាន ចក្ខុវិស័យស្តីពីប្រព័ន្ធស្បៀងឆ្នាំ២០៣០ ។រាជរដ្ឋាភិបាលបាននិងកំពុងចូលរួមយ៉ាងសកម្មនៅក្នុងក្របខ័ណ្ឌ កិច្ចសហប្រតិបត្តិការក្នុងតំបន់និងពិភពលោក ដូចជា៖ ការដាក់ចេញសេចក្តីថ្លែងការណ៍រួមស្តីពីអាហារូបត្ថម្ភ ក្នុងបរិបទនៃការរាតត្បាតជាសកលនៃជំងឺកូវីដ-១៩ ការចូលរួមអនុវត្តផែនទីបង្ហាញផ្លូវផែនការសកម្មភាព សកលដើម្បីឆ្លើយតបចំពោះបញ្ហាស្គមស្គាំងរបស់កុមារ ការចូលជាសមាជិកនៃចលនាបង្កើនអាហារូបត្ថម្ភ ពិភពលោក (Global SUN Movement) អាហារូបត្ថម្ភដើម្បីការលូតលាស់ និងកំណើន (Nutrition for Growth) កិច្ចសន្ទនាស្តីពីប្រព័ន្ធស្បៀង និងការអនុវត្តនូវគំនិតផ្តួចផ្តើម ស្តីពីការកាត់បន្ថយភាពអត់ឃ្លានឱ្យ ដល់កម្រិតសូន្យរបស់អង្គការសហប្រជាជាតិ។ ក្នុងនាមជាប្រធានអាស៊ាននៅឆ្នាំ២០២២ រាជរដ្ឋាភិបាលនឹង បន្តជំរុញដំណើរការកសាងសហគមន៍អាស៊ាន និងថែរក្សាតួនាទីរបស់អាស៊ានដែលជាតំបន់ដ៏មានសារៈសំខាន់ មួយសម្រាប់ពាណិជ្ជកម្ម ការវិនិយោគ និងខ្សែច្រវាក់ផ្គត់ផ្គង់របស់ពិភពលោក។ រាជរដ្ឋាភិបាលនឹងបន្តខិតខំ ពង្រឹងកិច្ចសហប្រតិបត្តិការជាមួយនឹងប្រទេសនានា ដើម្បីលើកកម្ពស់ប្រព័ន្ធស្បៀងឱ្យកាន់តែមានភាពរឹងមាំ ធន់នឹងភាពងាយរងគ្រោះវិបត្តិ និងបញ្ហាផ្សេងៗ ការពារបរិស្ថាននិងជួយកាត់បន្ថយផលប៉ះពាល់នៃការប្រែប្រួលអាកាសធាតុ តាមរយៈការជំរុញឱ្យប្រព័ន្ធស្បៀងឆ្ពោះទៅរកការអភិវឌ្ឍបៃតង៕អត្ថបទ ៖ មុត សុទ្ធ

អ្នកនាំពាក្យសុខាភិបាល ព្រមានចាត់វិធានការអ្នកលក់ Molnupiravir ខណៈក្រសួងពុំទាន់ទទួលការស្នើនាំចូល

ភ្នំពេញ ៖ លោកជំទាវវេជ្ជបណ្ឌិត ឱ វណ្ណឌីន អ្នកនាំពាក្យក្រសួងសុខាភិបាល បានធ្វើការព្រមានចាត់វិធានការច្បាប់ ចំពោះបុគ្គលណាលក់ឱសថ Molnupiravir សម្រាប់ព្យាបាលជំងឺកូវីដ១៩ ដោយមិនបានស្នើច្បាប់ត្រឹមត្រូវ ខណៈមកទល់ពេលនេះក្រសួងពុំទាន់ទទួលបានការស្នើសុំនាំចូលឱសថនេះនៅឡើយទេ។ថ្លែងប្រាប់BTVតាមទូរស័ព្ទ នៅថ្ងៃទី៦ ខែវិច្ឆិកា ឆ្នាំ២០២១នេះ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានឲ្យដឹងថា បន្ទាប់ពីក្រសួងសុខាភិបាលបានអនុញ្ញាតឱ្យប្រើប្រាស់ឱសថ Molnupiravir សម្រាប់ព្យាបាលជំងឺកូវីដ-១៩ ក្នុងលក្ខខណ្ឌបន្ទាន់ កាលពីថ្ងៃទី៣ ខែវិច្ឆិកានេះ គឺជាការប្រកាសឲ្យប្រើប្រាស់ក្នុងករណីបន្ទាន់ស្របតាមច្បាប់នៃការគ្រប់គ្រងឱសថរបស់ព្រះរាជាណាចក្រកម្ពុជា ហើយចំពោះអ្នកមានបំណងនាំចូលឱសថនេះដើម្បីដាក់លក់ត្រូវតែស្នើតាមច្បាប់សំដៅត្រួតពិនិត្យឲ្យបានត្រឹមត្រូវ ក៏ដូចជាបញ្ចៀសការក្លែងបន្លំឱសថ។ ឆ្លើយតបចំពោះមានការផ្សព្វផ្សាយលក់ឱសថ Molnupiravirនេះ លោកជំទាវ ឱ វណ្ណឌីន បានបញ្ជាក់ថា មកទល់ពេលនេះមិនទាន់មានបុគ្គលណាស្នើសុំនាំចូលលក់ឱសថនេះនៅឡើយទេ។ ក្នុងនោះ លោកជំទាវ ឱ វណ្ណឌីន បានសង្កត់ធ្ងន់ ដោយធ្វើការព្រមានចាត់វិធានការច្បាប់ចំពោះបុគ្គលណាមិនគោរពតាមច្បាប់ និងផ្សព្វផ្សាយលក់ឱសថដោយគ្មានការស្នើសុំផងដែរ។ដើម្បីរួមចំណែកទប់ស្កាត់ការលក់ឱសថមិនត្រឹមត្រូវ និងមិនមានការពិនិត្យអំពីគុណភាព និងសុវត្ថិភាព លោកជំទាវ ឱ វណ្ណឌីន បានស្នើដល់អាជ្ញាធរមានសមត្ថកិច្ចសហការទប់ស្កាត់ និងបង្ក្រាបឲ្យបាន ក្នុងការបញ្ឈប់ការចរាចរណ៍ផលិតផលឱសថដែលមិនមានការស្នើច្បាប់ត្រឹមត្រូវដែលមានជាធរមាន។បន្ថែមលើសពីនេះ លោកជំទាវ ឱ វណ្ណឌីន បានអំពាវនាវបងប្អូនប្រជាពលរដ្ឋសូមកុំជឿទុកចិត្តទាំងស្រុងទៅតាមការផ្សព្វផ្សាយនោះទេ ដោយសារក្នុងករណីផលិតផលនោះត្រឹមត្រូវពិតប្រាកដមែននឹងមានការប្រើប្រាស់ ឬដាក់លក់គ្រប់តាមបណ្តាឱសថស្ថាននានា។គួរបញ្ជាក់ថា ឱសថ Molnupiravir ជាប្រភេទឱសថគ្រាប់ ប្រើលេបតាមមាត់ ដើម្បីប្រឆាំងនឹងមេរោគកូវីដ-១៩ ដែលមានសុវត្ថិភាព និងប្រសិទ្ធភាពខ្ពស់ សម្រាប់ព្យាបាលជំងឺកូវីដ-១៩ ខណៈឱសថនេះផលិតដោយក្រុមហ៊ុន MyLan Laboratories Limited ដែលមកពីប្រទេសឥណ្ឌា៕អត្ថបទ ៖ សេក ឧត្តម

សិស្សថ្នាក់ទី១២គាំទ្រ កាលបរិច្ឆេទប្រប្រឡងថ្មី ព្រោះអាចមានពេលវេលាសិក្សាបន្ថែម

ភ្នំពេញ ៖ ក្រសួងអប់រំ កាលពីម្សិលម៉ិញ បានសម្រេចប្ដូរកាលបរិច្ឆេទប្រឡងបាក់ឌុប ពីថ្ងៃទី ៦ខែធ្នូ ទៅថ្ងៃទី ២៧ ខែធ្នូឆ្នាំ ២០២១វិញ។ ការសម្រេចបែបនេះ គឺជាដំណឹងល្អរបស់សិស្សត្រៀមប្រឡង ព្រោះពួកគាត់មានពេលវេលាបន្ថែមទៀត ដើម្បីសិក្សាត្រៀនសម្រាប់ការឡងនោះ។ក្រសួងអប់រំ បានសម្រេចជាផ្លូវការ ផ្លាស់ប្ដូរកាលបរិច្ឆេទប្រឡងបាក់ឌុប ពីថ្ងៃទី ៦ខែធ្នូ មកថ្ងៃទី ២៧ ខែធ្នូឆ្នាំ ២០២១ជំនួសវិញ។ ការប្រឡងនេះ ត្រូវរៀបចំតាមទម្រង់ដូចរាល់ឆ្នាំកន្លង។ការសម្រេចប្ដូរកាលបរិច្ឆេទប្រឡងបាក់ឌុបថ្មីនេះ ធ្វើឡើងក្រោយ ថ្នាក់ដឹកនាំក្រសួងអប់រំ យុវជន និងកីឡា បានប្រជុំវាយតម្លៃស្ថានការណ៍ ដើម្បីបន្តរៀបចំការប្រឡងបាក់ឌុប។ចំពោះការកំណត់ពេលវេលាប្រឡងថ្មីនេះ សិស្សថ្នាក់ទី ១២ ក៏បង្ហាញការគាំទ្រ សប្បាយចិត្ត និងថ្លែងអំណរគុណដល់ក្រសួងអប់រំផងដែរ។ ពួកគាត់បញ្ជាក់ថា នឹងមានពេលវេលាបន្ថែមទៀត ក្នុងការសិក្សា ស្វ័យសិក្សា ធ្វើលំហាត់បន្ថែម ដើម្បីសម្រេចជោគជ័យ ក្នុងការប្រឡង។ចំពោះការប្រឡងបាក់ឌុបក្នុងឆ្នាំនេះ ក្រសួងអប់រំនៅតែ បន្តអនុវត្តន៍គោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព។សម្រាប់សិស្សថ្នាក់ទី ៩ និងទី ១២ មួយចំនួន បានចូលសិក្សាជាថ្មីនៅកំឡុងខែ កញ្ញាកន្លងទៅ។ ចំពោះការបើកដំណើរការសិក្សាគ្រប់កម្រិតសិក្សាទូទាំងរាជធានី-ខេត្ត ទើបតែបានចាប់ផ្ដើមអនុញ្ញាត នៅថ្ងៃទី ១ វិច្ឆិកាឆ្នាំ ២០២១នេះប៉ុណ្ណោះ ស្របពេលដែលរាជរដ្ឋាភិបាលប្រកាសបើកប្រទេសគ្រប់វិស័យឡើងវិញនៅថ្ងៃតែមួយ៕អត្ថបទ ៖ គឹមហុក

សម្តេចអគ្គមហាពញាចក្រី ហេង សំរិន អញ្ជើញគោរពវិញ្ញាណក្ខន្ធសព ឯកឧត្តមកិត្តិនីតិកោសលបណ្ឌិត ងួន ញ៉ិល

ភ្នំពេញ ៖ សម្តេចអគ្គមហាពញាចក្រីហេង សំរិន ប្រធានរដ្ឋសភា បានអញ្ជើញគោរពវិញ្ញាណក្ខន្ធសព ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១ នៃរដ្ឋសភា ដែលបានតម្កល់ធ្វើបុណ្យទក្ខិណានុប្បទានតាមប្រពៃណី ពុទ្ធសាសនា នៅគេហដ្ឋាននៃសព ក្នុងភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ នៅព្រឹកថ្ងៃទី៦ ខែវិច្ឆិកា ឆ្នាំ២០២១។សម្តេចប្រធានរដ្ឋសភា បានសម្តែងការសោកស្តាយជាទីបំផុតជាមួយក្រុមគ្រួសារសព។ មរណភាពរបស់ ឯកឧត្តមកិត្តិនីតិកោសលបណ្ឌិត ងួន ញ៉ិល មិនត្រឹមជាការបាត់បង់លោកឪពុក លោកឪពុកក្មេក និងជីតា ប្រកបដោយព្រហ្មវិហារធម៌ និងជាទីគោរពស្រឡាញ់យ៉ាងខ្លំាងបំផុតនោះទេ តែជាការបាត់បង់នូវ ធនាធានមនុស្សដ៏គំរូមួយរូបជាឥស្សរជនដ៏ឆ្នើមមួយរូប ដែលបានលះបង់កម្លំាងកាយចិត្ត ធនធាន និងបញ្ញាស្មារតី ក្នុងការបម្រើប្រទេសជាតិ មាតុភូមិ ដោយពុំខ្លាចនឿយហត់ជារៀងរហូតមក។ឯកឧត្តមកិត្តិនីតិកោសលបណ្ឌិត ងួន ញ៉ិល បានទទួលមរណភាព នៅថ្ងៃសុក្រ ១កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី៥ ខែវិច្ឆិកា ឆ្នាំ២០២១ វេលាម៉ោង ១០:៣៦ នាទីព្រឹក ក្នុងជន្មាយុ ៧៩ឆ្នាំ ដោយរោគាពាធ។ សពឯកឧត្តមកិត្តិនីតិកោសលបណ្ឌិត បានតម្កល់ធ្វើបុណ្យទក្ខិណានុប្បទានតាមប្រពៃណី ពុទ្ធសាសនា នៅគេហដ្ឋាននៃសព ភូមិអូរអណ្តូង សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។សូមឧទ្ទិសបួងសួងឲ្យវិញ្ញាណក្ខន្ធ ឯកឧត្តមកិត្តិនីតិកោសលបណ្ឌិត ងួន ញ៉ិល បានទៅសោយសុខក្នុងឋានសុគតិភពជានិច្ចនិរន្តកុំបីឃ្លៀងឃ្លាតឡើយ៕

របាំបុរាណខ្មែរក្នុងបញ្ជីបេតិកភណ្ឌវប្បធម៌អរូបី នឹងលើកមកសម្តែងក្នុងពិធីបើកមហោស្រពវប្បធម៌អាស៊ីនិងអឺរ៉ុប

ភ្នំពេញ ៖ នាឱកាសដែលក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ទទួលបន្ទុករៀបចំមហោស្រពវប្បធម៌អាស៊ី-អឺរ៉ុប ក្រោមប្រធានបទ «អាស៊ី និង អឺរ៉ុប៖ ចំណងវប្បធម៌» “Asia and Europe: Cultures Connect” ដែលជាព្រឹត្តិការណ៍អមនៃកិច្ចប្រជុំកំពូលអាស៊ី-អឺរ៉ុប លើកទី១៣ឆ្នាំ២០២១ នឹងមានទស្សនីយភាពសិល្បៈច្រើនទម្រង់ ដើម្បីបង្ហាញជូនភ្ញៀវអន្តរជាតិ ។ ក្នុងនោះក៏រួមមានរបាំព្រះរាជទ្រព្យ និងរបាំជាច្រើនទំរង់ផ្សេងទៀត ដែលសុទ្ធសឹងចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ លើកមកសំដែងក្នុងពិធីបើកមហោស្រពផងដែរ។នេះបើយោងតាមការបញ្ជាក់របស់ឯកឧត្តម បណ្ឌិត គឹម ពីនន់ អនុរដ្ឋលេខាធិការក្រសួងវប្បធម៌ និងវិចិត្រសិល្បៈ និងជាអនុប្រធានគណៈកម្មការជាតិរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ និងជាអនុប្រធាន អនុគណៈកម្មការសម្របសម្រួលការរៀបចំព្រឹតិ្តការណ៍ក្រៅកិច្ចប្រជុំកំពូល, ប្រាប់BTV ព័ត៌មាននាព្រឹកថ្ងៃទី៥ ខែវិចិ្ឆកា ឆ្នាំ២០២១នេះ។ ឯកឧត្តម បណ្ឌិត បានបន្តទៀតថា មហោស្រពវប្បធម៌អាស៊ី-អឺរ៉ុប ក្រោមប្រធានបទ «អាស៊ី និងអឺរ៉ុប ៖ ចំណងវប្បធម៌» “Asia and Europe: Cultures Connect” ជាព្រឹត្តិការណ៍មួយដ៏សំខាន់សម្រាប់កម្ពុជា ទាំងសេដ្ឋកិច្ច វប្បធម៌ និងទេសចរណ៍។ គឺជាច្រកទ្វារថ្មីសម្រាប់កម្ពុជា ដើម្បីរិតចំណងសាមគ្គីភាព មិត្តភាពរវាងអឺរ៉ុប និងអាស៊ី ក៏ជាការទាក់ទាញវិនិយោគិន ឲ្យចូលមកវិនិយោគនៅក្នុងព្រះរាជាណាចក្រកម្ពុជា និងទេសចរណ៍ ដែលកម្ពុជាកំពុងត្រៀមបើកទេសចរណ៍ (ទទួលភ្ញៀវអន្តរជាតិ) ឡើងវិញនាពេលខាងមុខនេះ។ ហើយក្រសួងវប្បធម៌បានត្រៀមសម្រាប់ការរៀបចំការធ្វើជាម្ចាស់ផ្ទះនៃមហោស្រពវប្បធម៌អាស៊ី អឺរ៉ុប ដោយមានសកម្មភាព៣សំខាន់ៗ ក្នុងនោះ មានការសម្តែងសិល្បៈទស្សនីយភាពផងដែរ។ព្រឹត្តិការណ៍ដ៏មានសារៈសំខាន់នេះនឹងប្រព្រឹត្តទៅពីថ្ងៃទី២២-២៦ ខែវិច្ឆិកា ឆ្នាំ២០២១ តាមប្រព័ន្ធអនឡាញ ព្រមទាំងមានការរៀបចំតាំងពិព័រណ៍វប្បធម៌ដោយផ្ទាល់នៅសារមន្ទីរជាតិ ដោយធ្វើការបើកសម្ពោធ និងអនុញ្ញាតឲ្យភ្ញៀវជាតិ និងភ្ញៀវអន្តរជាតិ ចូលទស្សនាដោយសេរី និងការបញ្ចាំងខ្សែភាពយន្តនៅរោងភាពយន្តមេជើរស៊ីនេផ្លិច សាខាអ៊ីអន១ ក្នុងរាជធានីភ្នំពេញ។ ក្នុងនោះឯកឧត្តម បណ្ឌិត គឹម ពីនន់ បានបញ្ជាក់ថា នៅថ្ងៃទី២៦ ខែវិចិ្ឆកា ដែលជាថ្ងៃបិទមហោស្រព លោកជំទាវ បណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ នឹងថ្លែងសន្ទរកថាបិទ ដោយមានការសម្តែងរបាំទេពមនោរម្យ ដែលដំឡើងថ្មី និងមានរយៈពេល៨នាទី ដើម្បីចូលរួមសម្តែងក្នុងពិធីបិទនេះផងដែរ។ ទាំងអស់នេះ ជាសកម្មភាពធំៗ របស់ក្រសួងវប្បធម៌ ក៏ដើម្បីបង្ហាញអត្តសញ្ញាណជាតិខ្មែរ ទន្ទឹមនឹងនោះអឺរ៉ុប ក៏បង្ហាញពីអត្តសញ្ញាណចម្រុះជាតិសាសន៍ រវាងប្រជាជននិងប្រជាជន ការចែករំលែកបទពិសោធន៍ និងការយល់ដឹងអំពីភាពផ្សេងៗគ្នា នៃវប្បធម៌ ដែលនាំមកនូវសុខដុមភាព ការអភិវឌ្ឍ និងកិច្ចសន្ទនាកាន់តែប្រសើរឡើងរវាងទ្វីបទាំងពីរ៕អត្ថបទ រដ្ឋា

ពលរដ្ឋចាប់ផ្តើមធ្វើដំណើរកំសាន្តឡើងវិញ និងកក់សេវារថយន្ត សម្រាប់ថ្ងៃឈប់សម្រាកនាពេលខាងមុខ

ភ្នំពេញ ៖ វិស័យដឹកជញ្ជូនអ្នកដំណើរ ដែលបម្រើដល់វិស័យទេសចរណ៍ ចាប់ផ្ដើមមានភាពមមាញឹកជាថ្មី ជាពិសេសក្រោយពេលដែលរាជរដ្ឋាភិបាលប្រកាសបើកប្រទេសឡើងវិញលើគ្រប់វិស័យ។ ជាក់ស្ដែងសម្រាប់ថ្ងៃឈប់សម្រាក ក្នុងព្រះរាជពិធីបុណ្យអុំទូកខាងមុខនេះ ប្រជាពលរដ្ឋជាច្រើនរស់នៅរាជធានីភ្នំពេញ បានធ្វើការកក់សេវារថយន្តរួចរាល់ ដើម្បីចេញទៅកំសាន្តនៅទីខេត្តគោលដៅទេសចរណ៍។ បច្ចុប្បន្នការធ្វើដំណើរកំសាន្តក្នុងស្រុករបស់ប្រជាពលរដ្ឋកម្ពុជា ចាប់ផ្ដើមមានភាពសកម្មមមាញឹកជាថ្មី ក្រោយមានភាពស្ងប់ស្ងាត់អស់រយៈពេលជាច្រើនខែ ដោយសារតែកូវីដ-១៩។ការកើនឡើងនៃសកម្មដំណើរកំសាន្តផ្ទៃក្នុងនេះ ក៏ជម្រុញឲ្យក្រុមហ៊ុនដឹកជញ្ជូនអ្នកដំណើរ បន្ថែមម៉ោងចេញដំណើរផងដែរ។ ជាក់ស្ដែងសម្រាប់ក្រុមហ៊ុនដឹកអ្នកអ្នកដំណើរ ឡារីតា បានបន្ថែមម៉ោងធ្វើដំណើរចាប់ពីម៉ោង ៦.៣០ នាទីព្រឹក រហូតដល់ម៉ោង ៦.៣០ ល្ងាចឡើងវិញ រៀងរាល់កន្លះម៉ោងម្ដង សម្រាប់ខេត្តគោលដៅសៀមរាប និងព្រះសីហនុ។ស្របពេលដែលព្រះរាជពិធីបុណ្យយអុំទូកនឹងចូលមកដល់ថ្ងៃទី ១៨ដល់ថ្ងៃទី ២០ វិច្ឆិកាខាងមុខនេះ ក្រុមហ៊ុនក៏ទទួលការកក់សំបុត្រជាច្រើន ស្ទើរពេញចំនួនរថយន្តទាំង ៤០គ្រឿង របស់ក្រុមហ៊ុនទៅហើយគិតត្រឹមថ្ងៃនេះ។ នេះជាការលើកឡើងរបស់លោក មឿន សម្បតិ្ត ជាអ្នកចាត់ការទូទៅ។ លោកក៏បានបន្ថែមដែរថា សម្រាប់ថ្ងៃឈប់សម្រាកខាងមុខនេះ ក្រុមហ៊ុនក៏នឹងបន្ថែមរថយន្ត ៤៥កៅអី ចំនួន១០គ្រឿងទៀត ដើម្បីបំពេញតម្រូវការប្រជាពលរដ្ឋ។ ចំពោះការធ្វើដំណើរក្នុងកាលទេសៈនេះ ក្រុមហ៊ុននៅតែអនវត្តវិធានការការពារ ដើម្បីសុវត្ថិភាពបុគ្គលិក ក៏ដូចជាសុវត្ថិភាពអ្នកធ្វើដំណើរ។ ជាក់ស្ដែងគឺធ្វើតេស្តលើបុគ្គលិកជាប្រចាំខែ និងតម្រូវឲ្យអ្នកធ្វើដំណើរទាំងអស់ត្រូវបង្ហាញកាតចាក់វ៉ាក់សាំង។សម្រាប់អ្នកធ្វើដំណើរវិញ ពួកគាត់យល់ឃើញថា ការបើកប្រទេសឡើងវិញលើគ្រប់វិស័យនាពេលនេះ ធ្វើអោយការរស់នៅការធ្វើដំណើរ ការប្រកបអាជីវកម្មផ្សេងៗមានភាពងាយស្រួលជាងមុន។ សម្រាប់កម្ពុជា ប្រមុខរាជរដ្ឋាភិបាលកាលពីថ្ងៃទី១ ខែវិច្ឆិកា ឆ្នាំ២០២១ បានប្រកាសបើកប្រទេសឡើងវិញលើគ្រប់វិស័យ ខណៈដែលកម្ពុជា សម្រេចបានជោគជ័យល្អប្រសើរលើការចាក់វ៉ាក់សាំងជូនប្រជាពលរដ្ឋ។ ទន្ទឹមការបើកប្រទេសឡើងវិញនេះ ក្រសួងទេសចរណ៍ ក៏បានជម្រុញទេសចរណ៍ផ្ទៃក្នុង រួមទាំងប្រកាសទទួលទេសចរណ៍វ៉ាក់សាំងចាប់ពីថ្ងៃទី៣០ វិច្ឆិកាផងដែរ៕អត្ថបទ ៖ គឹមហុក

រដ្ឋបាលខេត្តត្បូងឃ្មុំ ពិធីបញ្ចុះបឋមសិលាសាសង់រង្វង់មូល "រូបសំណាក់ហ្លួងព្រះស្ដេចកន" ដើម្បីលើកកម្ពស់សោភណភាព និងរំលឹកពីប្រវត្តិសាស្ត្រ

ត្បូងឃ្មុំ ៖ នៅព្រឹកថ្ងៃទី០៥ ខែវិច្ឆិកា ឆ្នាំ២០២១នេះ រដ្ឋបាលខេត្តត្បូងឃ្មុំ បានប្រារព្ធពិធី បញ្ចុះបឋមសីលាសាងសង់រង្វង់មូល "រូបសំណាក់ហ្លួងព្រះស្ដេចកន" នៅចំណុចផ្លូវចូលតំបន់រដ្ឋបាលខេត្ត លើកំណាត់ផ្លូវជាតិលេខ ៧ ត្រង់គីឡូម៉ែត្រ ១៥៧+២១០ និងផ្លូវប្រភេទ “ក”នៅទីតាំង"វាលឥន្ទចក្រី" ចន្លោះខាងត្បូងភូមិត្រពាំងគូរ ខាងជើងភូមិត្របុស្ស និងភូមិប្រធាតុ ឃុំស្រឡប់ ស្រុកត្បូងឃ្មុំ ទីរួមខេត្តត្បូងឃ្មុំ។ពិធីនេះ ក្រោមវត្ដមានឯកឧត្តម ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ និងឯកឧត្តមស៊ាក ឡេង ប្រធានក្រុមប្រឹក្សាខេត្ត រួមទាំងថ្នាក់មន្ត្រីរាជការជុំវិញខេត្តផងដែរ។សូមបញ្ជាក់ថា រង្វង់មូលរូបសំណាកហ្លួងព្រះស្ដេចកន មានអង្កត់ផ្ចិត ៣៦ម៉ែត្រ និងមានផ្ទៃក្រឡា ១,០១៧ម៉ែត្រការ៉េ ដោយចាប់ផ្តើមដំណើរការសាងសង់នៅថ្ងៃ០៥ ខែវិច្ឆិកា ឆ្នាំ២០២១នេះ និងគ្រោងបញ្ចប់ការសាងសង់ នាអំឡុងចុងឆ្នាំ២០២២៕

អង្គភាពព័ត៌មាន និងប្រតិកម្មរហ័ស៖ «ជោគជ័យលើសមរភូមិវ៉ាក់សាំងជាសរសគ្រឹះសម្រាប់ការបើកប្រទេសឡើងវិញ»

នៅថ្ងៃទី៥ ខែវិច្ឆិកា ឆ្នាំ២០២១នេះ អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បានបញ្ចេញផ្សាយវីដេអូថ្មីមួយទៀត ក្រោមចំណងជើងថា «ជោគជ័យលើសមរភូមិវ៉ាក់សាំងជាសរសគ្រឹះសម្រាប់ការបើកប្រទេសឡើងវិញ» ។វីដេអូនេះ បានរំលេចឱ្យឃើញនូវជោគជ័យដ៏ធំធេងនៃនយោបាយវ៉ាក់សាំង ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា បន្ទាប់ពីសម្តេតេជោ បានប្រកាសបើកប្រទេសជាតិរបស់ខ្លួនឡើងវិញលើគ្រប់វិស័យ និងគ្រប់ផ្នែកជាបណ្តើរៗ ចាប់តាំងពីថ្ងៃទី១ ខែវិច្ឆិកា ឆ្នាំ២០២១ តទៅ បន្ទាប់ពីអាចគ្រប់គ្រងបានយ៉ាងល្អប្រសើរនូវជំងឺរាតត្បាត កូវីដ-១៩ ក្នុងរយៈពេលជិត២ឆ្នាំកន្លងមកនេះ ដោយឆ្លងកាត់នូវការលំបាក និងឧបសគ្គគ្រប់បែបយ៉ាងដែលកើតមាននៅក្នុងដំណាក់កាលទាំង៤ នៃការរាតត្បាតនៃជម្ងឺដ៍កាចសាហាវឥតស្រមោលនេះទាំងប្រភេទចាស់និងប្រភេទថ្មី។ កត្ដាដ៍សំខាន់បំផុតរបស់កម្ពុជាក្នុងការគ្រប់គ្រងជំងឺនេះបានល្អប្រសើរនោះ គឺជោគជ័យលើសមរភូមិវ៉ាក់សាំងដែលរហូតមកត្រឹមដំណាច់ខែតុលា ឆ្នាំ២០២១នេះ គឺមានប្រជាជន ៨៥.៦៨%នៃចំនួនប្រជាជន១៦នាក់បានទទួលការចាក់វ៉ាក់សាំងរួចរាល់ហើយ ដែលបង្កើតបាននូវភាពសាំក្នុងសហគមន៍យ៉ាងរឹងមាំនៅទូទាំងប្រទេស។ កម្ពុជាជាប្រទេសមួយក្នុងចំណោមប្រទេសដែលបានចាក់វ៉ាក់សាំងបង្ការវីរុសCovid-19 ដល់ប្រជាជនរបស់ខ្លួនបានច្រើនជាងគេបំផុតនៅក្នុងពិភពលោកដោយសារជំនួយពីបណ្តាប្រទេសជាមិត្តនិងដៃគូអភិវឌ្ឍ ជាពិសេសគឺប្រទេសចិន។ ប្រទេសកម្ពុជាបានធ្វើឲ្យមានការប្រែប្រួលដោយនឹកស្មានមិនដល់ ដោយសារតែព្រះរាជាណាចក្រកម្ពុជាមានអត្រាចាក់វ៉ាក់សាំងច្រើនជាងបណ្ដាប្រទេសអ្នកមានមួយចំនួនទៅទៀត រាប់ទាំងសហរដ្ឋអាមេរិកនិងចក្រភពអង់គ្លេសផង»។ដោយសារតែចំណុចពិសេសនេះហើយ ដែលធ្វើឲ្យសកម្មភាពសង្គមនិងសេដ្ឋកិច្ចកម្ពុជាអាចចាប់ផ្តើមដំណើរការឡើងវិញបានក្នុងទម្រង់នៃជីវភាពប្រក្រតីបែបថ្មីក្នុងបរិការនៃជំងឺកូវីដ- ១៩។ កម្ពុជា ត្រូវបានគេកោតសរសើរអំពីការឆ្លើយតបយ៉ាងលឿនរហ័សចំទិសដៅ និងប្រកបដោយប្រសិទ្ធភាពខ្ពស់ក្នុងការប្រយុទ្ធប្រឆាំងជាមួយសត្រូវឥតស្រមោលប្រចាំសតវត្សរ៍ទី២១ នេះ។ ម៉្យាងវិញទៀត វ៉ាក់សាំងពិតជាមានប្រសិទ្ធិភាពអាចបញ្ចៀសអ្នកឆ្លងពីការធ្លាក់ខ្លួនឈឺធ្ងន់ធ្ងរ និងស្លាប់បាត់បង់ជីវិត។ ជាក់ស្តែងយោងតាមរបាយការណ៍ប្រចាំថ្ងៃរបស់ក្រសួងសុខាភិបាលស្តីពីស្ថានភាពជំងឺកូវីដ-១៩ នៅកម្ពុជាបានបង្ហាញថា តួលេខអ្នកជំងឺកូវីដ-១៩ ដែលស្លាប់ភាគច្រើនគឺអ្នកដែលមិនបានចាក់វ៉ាក់សាំង។កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ពិតជាបាននិងកំពុងជួយកម្ពុជាក្នុងកាម៉្យាងវិញទៀត វ៉ាក់សាំងពិតជាមានប្រសិទ្ធិភាពអាចបញ្ចៀសអ្នកឆ្លងពីការធ្លាក់ខ្លួនឈឺធ្ងន់ធ្ងរ និងស្លារបើកដំណើការសង្គម និងសេដ្ឋកិច្ចឡើងវិញ ជាពិសេសការឈានទៅបើកប្រទេសឡើងវិញលើគ្រប់វិស័យបានឆាប់រហ័សជាង និងសុវត្ថិភាពប្រកបដោយភាពរឹងមាំ និងការជឿជាក់ ជាងបណ្តាប្រទេសផ្សេងៗជាច្រើន ពោលគឺកម្ពុជាបាននិងកំពុងចាកចេញពីជម្ងឺរាតត្បាតដោយភាពជឿជាក់ និងរឹងមាំ។ ប្រជាពលរដ្ឋខ្មែរ ពិតជាមានមោទនភាពយ៉ាងខ្លាំងដែលបានឃើញប្រទេសរបស់ខ្លួនឈរនៅលើកំពូលតារាងក្នុងចំណោម ប្រទេសដែលទទួលបានជោគជ័យក្នុងការការពារអាយុជីវិតពលរដ្ឋរបស់ខ្លួនចេញពីជំងឺឆ្លងសាកលដ៏កាចសាហាវប្រចាំសតវត្សរ៍។ នេះជាកិត្តិយស ដ៏ធំធេងសម្រាប់ជាតិសាសន៍ខ្មែរទាំងមូល។ ការបើកប្រទេសឡើងវិញនេះ គឺជាក្តីសង្ឃឹមយ៉ាងមុតមាំថា សង្គមនិងសេដ្ឋកិច្ចកម្ពុជា ក៏ដូចជាជីវភាពរបស់ប្រជាពលរដ្ឋខ្មែរទូទៅនឹងស្ទុះងើបឡើងវិញយ៉ាងឆាប់រហ័ស ក្រោមម្លប់នៃសុខសន្តិភាព៕សូមទស្សនាវីដេអូ៖

បណ្ដាញសង្គម

ព័ត៌មានថ្មីៗ

ព្រែកជីកប៉ាណាម៉ា នឹងចាប់ផ្តើមដេញថ្លៃសម្រាប់ការសាងសង់ និងប្រតិបត្តិការកំពង់ផែចំនួនពីរ

គណៈកម្មការ UN៖ ទំនងជាមានការប្រព្រឹត្តិឧក្រិដ្ឋកម្មសង្គ្រាម អំឡុងការសម្លាប់រង្គាល នៅឆ្នេររបស់ស៊ីរី

EU ជំរុញឲ្យអ៊ីស្រាអែល «បោះបង់» ផែនការសាងសង់ទីលំនៅ ក្នុងតំបន់ West Bank

នាយករដ្ឋមន្ត្រីជប៉ុន បង្ហាញ «ការសោកស្ដាយ» ក្នុងសម័យសង្រ្គាម តែដើរតាមនយោបាយស្ដាំនិយម

នាយករដ្ឋមន្ត្រីឥណ្ឌា ប្តេជ្ញាការពារកសិករ និងជំរុញការពឹងលើខ្លួនឯង ស្របពេលមានភាពតានតឹងផ្នែកពន្ធគយជាមួយអាមេរិក

រដ្ឋមន្ត្រី៖ មន្ត្រីនគរបាលយ៉ាងតិច ៤២នាក់ រងរបួស និងមនុស្ស ៣៧នាក់ត្រូវឃាត់ខ្លួន អំឡុងពេលកុបកម្មនៅស៊ែរប៊ី

មនុស្សម្នាក់ ស្លាប់និង១០នាក់ រងរបួស ក្នុងការវាយប្រហារដោយដ្រូនរបស់អ៊ុយក្រែន ទៅលើតំបន់Kursk របស់រុស្ស៊ី

រយៈពេល ២០ឆ្នាំ បន្ទាប់ពីដកកងទ័ពចេញពីហ្កាហ្សា អ៊ីស្រាអែលកំពុងជាប់ក្នុងសង្គ្រាមជិត ២ឆ្នាំ ជាមួយក្រុមហាម៉ាស

មន្រ្តីវិមានក្រឹមឡាំង៖ ជំនួបលោក Putin-Trump នៅថ្ងៃសុក្រនេះ ផ្ដោតលើការដោះស្រាយវិបត្តិអ៊ុយក្រែន

នាយឧត្តមសេនីយ៍ ស ថេតរំលឹកឲ្យកម្លាំងបង្កើនការយកចិត្តទុកដាក់ទប់ស្កាត់ និងបង្ក្រាបបទល្មើសគ្រឿងញៀន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍