BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

អនីតិជនល្មើសច្បាប់នឹងផ្ទេរពីពន្ធនាគារមកមណ្ឌលយុវនីតិសម្បទា នៅដើមខែធ្នូ ខាងមុខ

ភ្នំពេញ ៖ អនីតិជនល្មើសច្បាប់ ដែលមានអាយុក្រោម១៨ ឆ្នាំ នឹងត្រូវផ្ទេរចេញពីពន្ធនាគារ មកស្នាក់នៅទទួលការអប់រំ បណ្ដុះបណ្ដាល នៅទីតាំងមណ្ឌលយុវនីតិសម្បទា នៅដើមខែធ្នូឆ្នាំ ២០២១ខាងមុខនេះ។ក្នុងដំណាក់ដំបូងនេះ គឺនឹងផ្ទេរយុវជនល្មើសច្បាប់ប្រមាណ៥០នាក់មកពីពន្ធនាគារ ខេត្តកណ្ដាល សម្រាប់ការសាកល្បង។មណ្ឌលយុវនីតិសម្បទាជាទីតាំងមណ្ឌលដែលទើបបានបញ្ចប់ការសាងសង់ស្ថិតក្នុងភូមិសាស្រ្ត ឃុំបាគូរ ស្រុកកណ្ដាលស្ទឹង ខេត្តកណ្ដាល ។ មណ្ឌលយុវនីតិសម្បទានេះ សាងសង់ឡើងដើម្បីផ្ទេរអ្នកល្មើសច្បាប់ដែលមានអាយុក្រោម ១៨ឆ្នាំ ចេញពីពន្ធនាគារមកស្នាក់ទទួលការអប់រំ បណ្ដុះបណ្ដាលនៅទីតាំងមណ្ឌលនេះជំនួសវិញ។ ក្រោយបញ្ចប់ការសាងសង់នៅថ្ងៃនេះ ក៏មានវត្តមានរបស់ឯកឧត្តម វង សូត រដ្ឋមន្រ្តីក្រសួងសង្គមកិច្ច និងវត្តមានរបស់អភិបាលខេត្តកណ្ដាល ចុះមកត្រួតពិនិត្យដើម្បីរៀបចំពិធីសម្ពោធនៅចុងឆ្នាំ ២០២១ ខាងមុខផងដែរ។ចំពោះការចាប់ផ្ដើមដំណើរការ លោក ភា វណ្ណៈ ជាប្រធានមណ្ឌលយុវនីតិសម្បទា បញ្ជាក់ថា ក្នុងដំណាក់កាលដំបូងជាការសាកល្បង គឺនឹងផ្ទេរអ្នកល្មើសច្បាប់អាយុក្រោម ១៨ ឆ្នាំប្រមាណ ៥០ នាក់ពីពន្ធនាគារខេត្តកណ្ដាល មកទីតាំងនេះ។ លោកបន្តថា សម្រាប់មណ្ឌលទាំងមូលអាចមានលទ្ធភាពផ្ទុករហូតដល់ជាង ១០០០នាក់ ដោយមណ្ឌលនឹងចាប់ផ្ដើមទទួលយកអ្នកល្មើសច្បាប់អាយុចាប់ពី ១៤ ដល់ក្រោម ១៨ឆ្នាំពីពន្ធនាគារផ្សេងៗបន្ថែមទៀតក្នុងដំណាក់កាលបន្ទាប់។ប្រធានមណ្ឌលរូបដដែលបន្ថែមថា ការផ្ទេរមកស្នាក់នៅមណ្ឌលនេះ គឺនឹងមានការអប់រំ បណ្ដុះបណ្ដាលវិជ្ជាជីវៈមួយចំនួន សម្រាប់ពួកគាត់ អាចមានចំណេះជំនាញ ប្រកបរបរជីវិតត្រឹមត្រូវក្រោយបញ្ចប់ការទទួលទោសទ័ណ្ឌ។ចំពោះការស្នាក់នៅទីតាំងមណ្ឌលយុវនីតិសម្បទានេះ គឺមានរយៈពេលកំណត់ច្បាស់លាស់ ដោយកំណត់ឱ្យអនីតិជនល្មើសច្បាប់ ស្នាក់នៅត្រឹម២៤ឆ្នាំប៉ុណ្ណោះ។ ករណីដែលបុគ្គលនោះមានអាយុលើសពី ២៤ឆ្នាំ ហើយត្រូវបន្តទោសទណ្ឌគឺនឹងមានការបញ្ជូនបុគ្គលនោះទៅពន្ធនាគារវិញ៕អត្ថបទ៖ គឹមហុក

សាលាជំនាញទេសចរណ៍ធំៗបីកន្លែងបើកដំណើរការ ខណៈសាលា១៧ទៀត ត្រៀមស្នើបើកដែរ

ភ្នំពេញ ៖ មកដល់ពេលនេះ មានសាលាបណ្តុះបណ្តាលជំនាញវិជ្ជាជីវៈទេសចរណ៍ធំៗ ចំនួនបីកន្លែងដែលគ្រប់គ្រងជនជាតិបរទេស គឺបានបើកដំណើរឡើងវិញ ហើយសាលាទាំងបីនោះ រួមមាន ៖ សាលាបដិសណ្ឋារកិច្ច និងទេសចរណ៍នៃអង្គការ PSE វិទ្យាស្ថានម្ហូបអាហារកម្ពុជា ACAC និងសាលាសណ្ឋាគារ និងទេសចរណ៍ប៉ូល ឌុយប្រ៊ូល នៅខេត្តសៀមរាប ការបើកនេះ ចាប់ផ្តើមដោយមានយុវជនជាច្រើន បានចូលរៀនវិញ និងបានអនុវត្តយ៉ាងល្អតាមស្តង់ដារ SOP។លោស្រី Christine Uy ព្រឹទ្ធនារីនៃសាលាបដិសណ្ឋារកិច្ច និងទេសចរណ៍ ថ្លែងថា PSE ជាអង្គការជំនួយសប្បុរសធម៌អន្តរជាតិ ហើយដើម្បីជួយលើកកំពស់ធនធានមនុស្សក្នុងទេសចរណ៍ក្រោយវិបត្តិកូវីដ១៩ អង្គការបានបង្កើនផ្តល់ការបណ្តុះបណ្តាលជំនាញវិជ្ជាជីវៈទេសចរណ៍ជាច្រើនរួមមាន ៖ ជំនាញការិយាល័យជួរមុខ ជំនាញអាហារ និងភេសជ្ជៈ និងជំនាញដុតនំ ជំនាញគេហកិច្ចក្នុងសណ្ឋាគារ និងផ្ទះស្នាក់ ជំនាញបោកអ៊ុត និងជំនាញស្ប៉ា ម៉ាស្សា ជាដើម ដែលមានយុវជនយើងជាច្រើន បានចាប់អារម្មណ៍មកទទួលការបណ្តុះបណ្តាលជំនាញទេសចរណ៍។លោកស្រី Christine Uy បញ្ជាក់ថា សម្រាប់ការសិក្សានៅក្នុងអំឡុងពេលចាប់ផ្តើមបើកឡើងវិញនេះ គឺយើងទទួលសិស្ស និងយុវជន ដែលត្រូវរៀនអនុវត្តផ្ទាល់ ហើយដោយឡែកការរៀនទ្រឹស្តី គឺយើងកំពុងបន្តបង្រៀន និងរៀនតាមអនឡាញធម្មតា ហើយនៅក្នុងឆ្នាំសិក្សាថ្មីនេះ PSE ក៏បានត្រៀមបើកការទទួលសិស្សថ្មីចូលសិក្សាប្រមាណជាង២០០នាក់ បន្ថែមទៀតដែរ។សម្រាប់សិស្ស និងយុវជនដែលចង់រៀនជំនាញទេសចរណ៍ ភាគច្រើនគឺគេចង់ជំរុញលើកកម្ពស់វិស័យទេសចរណ៍ និងការផ្តល់សេវាទេសចរណ៍ប្រកបគុណភាព និងភាពទាក់ទាញ នៅតាមអាជីវកម្មទេសចរណ៍នានា ជាពិសេសទេសចរណ៍ក្រោយវិបត្តិកូវីដ១៩ ហើយពេលបន្ទាប់ពួកគេនឹងធ្វើការអភិវឌ្ឍន៍ខ្លួន ដោយយកជំនាញនេះទៅប្រើប្រាស់ដើម្បីបើកអាជីវកម្មប្រកបរបរដោយខ្លួនឯងទៅថ្ងៃអនាគតផងដែរ។លោក មាន វណ្ណដេត ប្រធាននាយកដ្ឋានបណ្ដុះបណ្ដាជំនាញវិជ្ជាជីវៈទេសចរណ៍ នៃក្រសួងទេសចរណ៍ ថ្លែងថា បច្ចុប្បន្ន មន្ត្រីជំនាញក្រសួងទេសចរណ៍ បាននិងកំពុងពិនិត្យសំណើរនិងចុះវាយតម្លៃ ការអនុវត្តនីតិវិធីប្រតិបត្តិស្តង់ដារអប្បបរមា SOP លើសាលាបណ្តុះបណ្តាលវិជ្ជាជីវៈទេសចរណ៍ចំនួនប្រមាណជាង ១៧សាលាទៀត ដែលបានស្នើសុំការអនុញ្ញាតបើកដំណើរសាលាទេសចរណ៍ឡើងវិញ នៅពេលឆាប់ៗ បន្តបន្ទាប់ទៀតនេះ៕អត្ថបទ ស៊ុម សុខជា

CMAC បន្តផ្ដល់ឱកាសដល់កូនៗអតីតកងកម្លាំងចូលរួមការងារបោសសំអាតមីន

កំពង់ឆ្នាំង ៖ រាជរដ្ឋាភិបាលកម្ពុជាតាមរយៈអង្គភាពមជ្ឈមណ្ឌល សកម្មភាពកំចាត់មីនកម្ពុជា (CMAC) បន្តផ្ដល់ឱកាសដល់កូនៗរបស់អតីតកងកម្លាំងស៊ីម៉ាក់ ដែលបានចូលនិវត្តន៍ ដើម្បីបានចូលរួមបម្រើការងារបោសសំអាតមីន ដោយមិនបានបោះបង់ពួកគេឡើយ ។ក្នុងឱកាសអញ្ជើញបិទវគ្គហ្វឹកហ្វឺនបច្ចេកទេសបោសសំអាតមីននៅថ្ងៃទី១៧ ខែវិច្ឆិកា ឆ្នាំ២០២១ នាវិទ្យាស្ថានបច្ចេកទេសសកម្មភាពសំអាតមីន ខេត្តកំពង់ឆ្នាំង ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា មានប្រសាសន៍ថា រយៈពេល៥ឆ្នាំហើយ ដែល CMAC បានអនុញ្ញាតឲ្យកូនៗរបស់អតីតកងកម្លាំងស៊ីម៉ាក់ មានឱកាសចូលបម្រើការងារបោសសំអាតមីន ដោយពួកគេមួយចំនួន មានជីវភាពខ្វះខាត និងសិក្សាបានតិចតួច ហើយការចូលនេះ គឺឆ្លងកាត់តាមរយៈការប្រឡង ។ឯកឧត្តម បន្តថា ទោះកម្រិតវប្បធម៌ពួកគេសិក្សាមិនសូវបានខ្ពង់ខ្ពស់ ប៉ុន្តែការហ្វឹកហ្វឺន គឺបានល្អ រួមទាំងការអនុវត្តការងារក៏បានល្អ ហើយជំនាន់ក្រោយជាបន្តបន្ទាប់ ពួកគេសិក្សានៅតាមសាលាសាធារណៈក៏ខ្ពស់ជាងមុន ហើយពេលចូលរៀនជំនាញបោសសំអាតមីនកាន់តែមានភាពល្អប្រសើរ ។សិក្ខាកាមជាយុវជនបន្តវេន បានលើកឡើងថា ជាការល្អប្រសើរខ្លាំងណាស់ ដែលរាជរដ្ឋាភិបាល និងស៊ីម៉ាក់ បានអនុញ្ញាតឲ្យពួកគេ ជាកូនរបស់អតីតកងកម្លាំងបោសសំអាតមីន បានចូលរួមក្នុងការងារនេះ ព្រោះនេះ ជាការយកចិត្តទុកដាក់ ចំពោះពួកគេ និងគ្រួសារ ក្នុងការងារបម្រើប្រទេសជាតិ ឲ្យមានសុវត្ថិភាពលើវិស័យមីន ដែលតែងផ្ដល់គ្រោះថ្នាក់ដល់ពលរដ្ឋជារៀងរាល់ឆ្នាំ ។ គួរបញ្ជាក់ថា សម្រាប់សិក្ខាកាមហ្វឹកហ្វឺនជំនាន់ទី១៤១នេះ មានចំនួន៨៣នាក់ ដោយពួកសិក្សារយៈពេល១៨១ថ្ងៃ ដោយសិក្សាលើការងារបច្ចេកទេសបោសសំអាតមីន ការទុកដាក់ឯកសារជាដើម ៕អត្ថបទ ៖ បាន សុខរិទ្ធិ

អ្នកជាពីជំងឺកូវីដ-១៩ រួសរាន់ទៅទទួលការចាក់វ៉ាក់សាំងតាមការណែនាំរបស់គ្រូពេទ្យ

ភ្នំពេញ ៖ដោយគោរពទៅតាមការណែនាំរបស់គ្រូពេទ្យ អ្នកជាពីជំងឺកូវីដ-១៩ រស់នៅរាជធានីភ្នំពេញ បានរួសរាន់នាំគ្នាទៅទទួលវ៉ាក់សាំងបង្ការជំងឺកូវីដ-១៩ ក្រោយជាពីជំងឺក្នុងរយៈពេលចាប់ពី៤ខែឡើងទៅ។អ្នកជាពីជំងឺកូវីដ-១៩ រស់នៅរាជធានីភ្នំពេញ នៅថ្ងៃទី១៧ ខែវិច្ឆិកានេះ បានប្រាប់BTVឲ្យដឹងថា ការចាក់វ៉ាក់សាំងបង្ការជំងឺកូវីដ-១៩ ពិតជារឿងសំខាន់ ព្រោះអាចការពារកុំឲ្យឆ្លងជំងឺកូវីដ-១៩ម្តងទៀត បន្ទាប់ពីជាស្បះស្បើយពីជំងឺនេះ។ លើសពីនេះ ពួកគេបានបង្ហាញអារម្មណ៍នៅពេលកើតជំងឺកូវីដ-១៩ យ៉ាងដូច្នេះថា ពេលដឹងថាខ្លួនមានជំងឺកូវីដ-១៩ ដំបូងឡើយមានអារម្មណ៍បាក់ទឹកចិត្ត ខ្លាចឆ្លងទៅអ្នកជុំវិញខ្លួន ជាពិសេសកូន និងឪពុកម្តាយ ប៉ុន្តែអារម្មណ៍នេះ បានបាត់ទៅវិញបន្ទាប់ពីបានចូលមណ្ឌលព្យាបាល ដោយក្រុមគ្រូពេទ្យពន្យល់ណែនាំ និងលើកទឹកចិត្ត។បើតាមសេចក្តីជូនដំណឹងរបស់ក្រសួងសូខាភិបាល បានបញ្ជាក់ថា អ្នកដែលបានព្យាបាលជាស្បះ ស្បើយពីជំងឺកូវីដ-១៩ មានរយៈពេលចាប់ពី៤ខែឡើងទៅ អាចទៅទទួលការចាក់វ៉ាក់សាំងបាន ដោយភ្ជាប់ទៅជាមួយលិខិតបញ្ជាក់របស់គ្រូពេទ្យព្យាបាលកូវីដ-១៩ និងឯកសារពាក់ព័ន្ធមួយចំនួនទៀត។ ហើយដំណើរការចាក់វ៉ាក់សាំងធ្វើឡើងនៅទីតាំងសុខាភិបាលសាធារណៈក្នុងមូលដ្ឋានរស់នៅរបស់ប្រជាពលរដ្ឋ។នៅកម្ពុជាការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំ បាច់ដទៃទៀត ដែលនឹងបង្ការការរាតត្បាតការចម្លង និងកាត់បន្ថយផលប៉ះពាល់ នៃជំងឺកូវីដ-១៩ ទៅលើវិស័យសេដ្ឋកិច្ច និងសង្គម។ បច្ចុប្បន្នកម្ពុជា បានបើកដំណើរការប្រទេសឡើងវិញតាមបែបគន្លងថ្មី បន្ទាប់ ពីទទួលបានជោគជ័យលើនយោបាយចាក់វ៉ាក់សាំងកូវីដ-១៩ ជូនពលរដ្ឋបានជាង១៤លាននាក់ ក្នុងចំណោមប្រជាពលរដ្ឋសរុបចំនួន១៦លាននាក់៕អត្ថបទ៖ ទូច សោភ័ណ

ទ័ពមួកខៀវកម្ពុជា៧៣រូប ចេញទៅបំពេញបេសកកម្មរៀបចំសណ្តាប់ធ្នាប់ នៅប្រទេសស៊ូដង់ខាងត្បូង

ភ្នំពេញ ៖ កាលពីល្ងាចថ្ងៃទី១៦ ខែវិច្ឆិកា កងទ័ពមួកខៀវកម្ពុជាលេខ៧៣៩ មានកម្លាំងសរុប ៧៣នាក់ ក្នុងនោះមាននារី៣៤នាក់ បានប្តូរវេនទៅបំពេញបេសកកម្មថែរក្សាសន្តិភាព អង្គសហប្រជាជាតិ នៅប្រទេសស៊ូដង់ខាងត្បូង ដើម្បីបន្តបេសកកម្មជាកម្លាំងអាវុធហត្ថ ថែរក្សាសន្តិភាពការពារសន្តិសុខ សណ្តាប់ធ្នាប់ជូនថ្នាក់ដឹកនាំប្រតិភូជាន់ នៅក្នុងតំបន់កំពុងមានជម្លោះ។នាយឧត្តមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិគ្រប់គ្រងកម្លាងរក្សាសន្តិភាពក្នុងឱកាសជូនដំណើរកងកម្លាំងថា សម្រាប់ឆ្នាំ២០២១ គឺជាឆ្នាំទី១០ ដែលកម្ពុជាយើងបានបញ្ជូនកងទ័ពមួកខៀវចូលរួមបេសកកម្មថែររក្សាសន្តិភាពនៅសាធារណរដ្ឋស៊ូដង់ខាងត្បូង (UNMISS) ដែលសរុបមានចំនួន ៧៣០ នាក់ ក្នុងនោះមាននារី ១២៤ នាក់។ឯកឧត្តម បន្តថា នៅក្នុងតំបន់បេសកកម្មរក្សាសន្តិភាពនៅប្រទេសស៊ូដង់ខាងត្បូងនោះ កងទ័ពមួកខៀវកម្ពុជា បានទទួលឈរជើងបំពេញបេសកកម្មចំនួន៦តំបន់ មានភារកិច្ចទទួលខុសត្រូវលើការងារធំចំនួន៣ធំៗរួមមាន ៖ ទី១ ពង្រឹងការអនុវត្តវិន័យសណ្តាប់ធ្នាប់ល្អ លើកងកម្លាំងរក្សាសន្តិភាពទាំងអស់របស់UNសរុបជិត១៥០០០នាក់ ទី២ ការពារការរំលោភបំពានច្បាប់របស់សាមីប្រទេស និងសិទ្ធិរបស់ប្រជាជនដោយធានាអោយបានការគោរពច្បាប់រដ្ឋរបស់ស៊ូដង់ខាងត្បូង និងទី៣ ដើរតួលើប្រតិបត្តិការស៊ើបអង្កេតករណីចោទប្រកាន់ និងពាក់ព័ន្ធកងកម្លាំងរក្សាសន្តិភាព។ឯកឧត្តម នាយឧត្តមសេនីយ សែម សុវណ្ណនី បន្តថា ក្រៅពីបំពេញភារកិច្ចស្នូល ទ័ពមួកខៀវកម្ពុជា ក៏បានទទួលបទបញ្ជាបន្ថែមផងដែរ លើការដើរតួជាអង្គភាពសំខាន់ក្នុងពង្រឹងការអនុវត្តវិធានការការពារជំងឺឆ្លងរាតត្បាតកូវីដ១៩ នៅក្នុងតំបន់បេសកកម្មទាំងមូលផងដែរ។សូមបញ្ជាក់ នៅក្នុងតំបន់បេសកកម្មដែលទ័ពមួកខៀវកម្ពុជា បានឈរជើងបំពេញបេសកកម្មចំនួន៦តំបន់នោះ បច្ចុប្បន្នតំបន់នោះគឺមានស្ថានភាពជួបរងការគំរាមកំហែងខ្លាំងពីសំណាក់ក្រុមប្រដាប់អាវុធ ដែលមានតួអង្គមិនមែនរដ្ឋ និងជាក្រុមកុលសម្ព័ន្ធតាមសហគមន៍នានា ដែលតែងតែពួនស្ទាក់ វាយឆ្មក់ បាញ់មកលើក្រុមកម្លាំងបុគ្គលិកមនុស្សធម៌ និងការសម្លាប់សងសឹកគ្នារវាងសហគមន៍មួយ និងសហគមន៍មួយទៀត៕អត្ថបទ ស៊ុម សុខជា

អ្នកដំណើរជាតិ និងអន្តរជាតិផ្តើមធ្វើដំណើរទៅកម្សាន្តតាមខេត្តនានា ក្នុងឱកាសព្រះរាជពិធីបុណ្យអុំទូក

ភ្នំពេញ ៖ មុនមួយថ្ងៃឈប់សម្រាកព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មានអ្នកដំណើរជាតិ និងអន្តរជាតិជាច្រើននាក់ចាប់ផ្តើមចេញពីរាជធានីភ្នំពេញ ធ្វើដំណើរទៅកម្សាន្ត តាមបណ្តាខេត្តជាបន្តបន្ទាប់។ក្នុងពេលត្រៀមចេញទៅកម្សាន្តតាមបណ្តាខេត្ត ដើម្បីចូលរួមឈប់សម្រាកក្នុងព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មអ្នកដំណើរជាតិ និងអន្តរជាតិ បានប្រាប់ BTV ឲ្យដឹងថា ពួកគាត់សម្តែងក្តីសប្បាយចិត្តរីករាយ ដោយសារកាលពីដើមខែវិច្ឆិកានេះ ប្រមុខរាជរដ្ឋាភិបាលបានប្រកាសបើកប្រទេសឡើងវិញ និងអាចឲ្យប្រជាពលរដ្ឋអាចធ្វើដំណើរបានដោយមានទំនុកចិត្ត និងសុវត្ថិភាពក្នុងឱកាសឈប់សម្រាកនាពេលខាងមុខ ពិសេសគឺការរៀបចំដំណើរកម្សាន្តទៅតាមបណ្តាខេត្តជួបជុំក្រុមគ្រួសារ និងបានទស្សនារមណីយដ្ឋាននានាដែលពួកគេ បានខកខានដើរកម្សាន្តរយៈពេលជាច្រើនខែមកហើយ។អ្នកដំណើរជាតិ និងអន្តរជាតិ បានលើកឡើងថា ការធ្វើដំណើររកម្សាន្តរបស់ពួកគាត់នាពេលនេះ ដោយសារកត្តាថយចុះអ្នកឆ្លងជំងឺកូវីដ១៩ និងប្រជាពលរដ្ឋទាំងអស់បានចាក់វ៉ាក់សាំង ទើបពួកគាត់យល់ថា ការឈប់សម្រាកនាឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែមិនមានហានិភ័យខ្ពស់ឡើយ។ ពួកគាត់ បានបញ្ជាក់ថា ទោះជាករណីឆ្លងកូវីដ១៩ ថយចុះ តែយើងត្រូវតែអនុវត្តចាំបាច់វិធានការការពារជាប់ជាប្រចាំទាំងអស់ ពិសេសពេលធ្វើដំណើរតាមរថយន្តដឹកជញ្ជូនដោយពាក់ម៉ាស បាញ់អាល់កុល។ជាមួយគ្នានេះ លោក មឿន សម្បត្តិ អ្នកគ្រប់គ្រងទូទៅក្រុមហ៊ុនដឹកអ្នកដំណើរឡារីតា បានឲ្យដឹងថា អំឡុងប្រទេសបើកឡើងវិញនេះ មានសន្ទុះអ្នកដំណើរទៅតាមបណ្តាជាបន្តបន្ទាប់ ប៉ុន្តែជាការកត់សម្គាល់មុនថ្ងៃឈប់សម្រាកមួយថ្ងៃមានអ្នកដំណើរបានទិញ និងកក់សំបុត្រចេញទៅតាមបណ្តាខេត្តកើនឡើងចំនួន១ពាន់នាក់ តាមរយះប្រព័ន្ធស្វ័យប្រវត្តិ ដើម្បីកាត់បន្ថយហានិភ័យរបស់អ្នកដំណើរ។ ក្នុងនោះ លោក បន្តថា អ្នកដំណើរភាគច្រើនកំពុងសម្រុកចេញទៅខេត្តសៀមរាប និងព្រះសីហនុ ខណៈក្រុមហ៊ុនរបស់លោកមិនមានការតម្លើងតម្លៃសំបុត្រឡើយ។ឯកឧត្តម បណ្ឌិត ថោង ខុន រដ្ឋមន្រ្តីក្រសួងទេសចរណ៍ បានណែនាំដល់ រមណីយដ្ឋានទេសចរណ៍ នានាអនុវត្តវិធានសុវត្ថិភាពទេសចរណ៍ និងនីតិវិធីប្រតិបត្តិស្តង់ដាអប្បបរមា (SOP) ឲ្យបានត្រឹមត្រូវ ពិសេសបងប្អូនប្រជាពលរដ្ឋត្រូវអនុវត្តខ្ជាប់ខ្ជួននូវវិធានការការពារពីជំងឺកូវីដ១៩ ដើម្បីជំរុញចលនាទេសចរណ៍ផ្ទៃក្នុងឲ្យកាន់តែមានការអភិវឌ្ឍន៍ល្អ និងខ្លាំងខ្លាស្របពេលប្រទេសបើកដំណើរការឡើងវិញ៕អត្ថបទ ៖ សេក ឧត្តម

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងស្នើសុំមិត្តចិនផលិតវ៉ាក់ សាំងនៅក្នុងប្រទេសកម្ពុជាផ្ទាល់តែម្តង។ក្នុងឱកាសអញ្ជើញទទួលជំនួយវ៉ាក់សាំងពីមិត្តចិន ចំនួនពីរលានដូសបន្ថែមទៀត នៅអាកាស យានដ្ឋានអន្តរជាតិភ្នំពេញ នៅព្រឹកថ្ងៃទី១៧ ខែវិច្ឆិកានេះ ក្នុងពិធីអបអសាទរការផ្តល់វ៉ាក់សាំងដោយជោគជ័យរបស់រដ្ឋាភិបាល និងប្រជាជនចិន ចំពោះយុទ្ធនាការចាក់ជុំទីមួយ របស់រាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់ថា ការមានគម្រោងស្នើសុំមិត្តចិនផលិតវ៉ាក់សាំងនៅក្នុងប្រទេស ផ្ទាល់តែម្តង ដើម្បីងាយស្រួលបំពេញតម្រូវការទៅមុខជាបន្តទៀត។ប្រទេសចិន បានជាប្រទេសឈានមុខគេ ក្នុងការផ្គត់ផ្គង់វ៉ាក់សាំងបង្ការជំងឺកូវីដ-១៩ មកដល់ ប្រទេសកម្ពុជា ហើយក៏ជាប្រទេស ដែលបានផ្តល់ជំនួយវ៉ាក់សាំងមុនគេមកកម្ពុជា គឺបានផ្តល់មកដល់ដំបូង នៅថ្ងៃទី០៧ ខែកុម្ភៈ ឆ្នាំ២០២១ ហើយគិតមកដល់ពេលនេះ ចិនបានផ្តល់វ៉ាក់សាំងដល់កម្ពុជាជិត ៣៩លានដូសហើយ។តាមរយៈវ៉ាក់សាំងដែលទទួលបានជាបន្តបន្ទាប់ រួមទាំងពីបណ្តាប្រទេសជាមិត្តមួយចំនួនទៀត បើតាមរបាយការណ៍របស់ក្រសួងសុខាភិបាល បានបង្ហាញថា កំណើនអត្រាចាក់វ៉ាក់សាំងកូវីដ-១៩ នៅកម្ពុជាគិតត្រឹមថ្ងៃទី១៦ ខែវិច្ឆិកានេះ គឺសម្រេចបានចំនួនជាង១៤លាននាក់ ស្មើនឹងជិត៨៨ភាគរយ ធៀបនឹងចំនួនប្រជាជនសរុប១៦លាននាក់៕អត្ថបទ៖ មុត សុទ្ធ

វ៉ាក់សាំងបង្ការជំងឺកូវីដ-១៩ចំនួន ២លានដូសទៀតដែលជាជំនួយរបស់ចិនបានមកដល់កម្ពុជានៅព្រឹកថ្ងៃនេះ

ភ្នំពេញ៖ វ៉ាក់សាំងបង្ការជំងឺកូវីដ-១៩ចំនួន ២លានដូសបន្ថែមទៀត ដែលជាជំនួយរបស់ប្រទេសចិនមកឱ្យរាជរដ្ឋាភិបាលកម្ពុជា ត្រូវបានដឹកជញ្ជូនមកដល់ប្រទេសកម្ពុជាហើយនៅព្រឹកថ្ងៃនេះ។វ៉ាក់សាំងចំនួន ២លានដូសនេះ ត្រូវបានប្រគល់ជូនមកកម្ពុជានៅព្រឹកថ្ងៃនេះផងដែរ ដោយសម្ដេចតេជោ ហ៊ុន សែន បានទៅទទួលវ៉ាក់សាំងនេះដោយផ្ទាល់នៅឯអាកាសយានដ្ឋានអន្តរជាតិភ្នំពេញ។ប្រទេសចិនបានចាប់ផ្ដើមផ្ដល់វ៉ាក់សាំងរបស់ខ្លួនមកកម្ពុជាកាលពីថ្ងៃទី១០ ខែកុម្ភៈកន្លងមកនេះ ហើយក៏បានក្លាយជាប្រទេសផ្ដល់ជំនួយវ៉ាក់សាំងច្រើនបំផុតមកកម្ពុជាផងដែរ។គិតត្រឹមថ្ងៃនេះ កម្ពុជាបានផ្ដល់វ៉ាក់សាំងបង្ការជំងឺកូវីដ-១៩ដល់ប្រជាជនរបស់ខ្លួនរហូតដល់ជាង ១៤លាននាក់ហើយ ឬប្រហែល ៨៨ភាគរយនៃចំនួនពលរដ្ឋសរុបខ្ទង់ ១៦លាននាក់។សន្ទុះនៃការចាក់វ៉ាក់សាំងដល់ប្រជាពលរដ្ឋខ្លួនបែបនេះ នាំឱ្យកម្ពុជាត្រូវបានចាត់ទុកជាប្រទេសឈានមុខគេមួយនៅលើពិភពលោក ដែលបានសម្រេចការចាក់វ៉ាក់សាំងដល់ប្រជាជនខ្លួនមានអត្រាគ្របដណ្ដប់ខ្ពស់៕

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ភ្នំពេញ ៖ ឯកអគ្គរដ្ឋទូតចិនប្រចាំនៅកម្ពុជា លោក វ៉ាង វិនធៀន បានអះអាងថា អត្រាចាក់វ៉ាក់សាំងកូវីដ-១៩ ដល់ប្រជាជននៅប្រទេសកម្ពុជា បានឈានមុខគេនៅលើពិភពលោក ខណៈយុទ្ធនាការចាក់វ៉ាក់សាំងរបស់ រាជរដ្ឋាភិបាលកម្ពុជានេះ ពុំបានគិតថ្លៃ ហើយក៏ជាយុទ្ធសាស្រ្តដ៏ត្រឹមត្រូវបំផុត សម្រាប់ការពារសុខុមាលភាព របស់ប្រជាពលរដ្ឋខ្លួន។នៅក្នុងឱកាសផ្តល់ និងទទួលជំនួយវ៉ាក់សាំងពីមិត្តចិនចំនួនពីរលានដូសបន្ថែមទៀតដល់កម្ពុជា និងពិធីអបអសាទរការផ្តល់វ៉ាក់សាំងដោយជោគជ័យរបស់រដ្ឋាភិបាល និងប្រជាជន នៃសាធារណរដ្ឋប្រជាមានិតចិន ចំពោះយុទ្ធនាការចាក់វ៉ាក់សាំងជុំទី១ របស់រាជរដ្ឋាភិបាល នៃព្រះរាជាណាចក្រកម្ពុជា នាព្រឹកថ្ងៃទី១៧ ខែវិច្ឆិកានេះ នៅព្រលានយន្តហោះអន្តរជាតិភ្នំពេញ លោក វ៉ាង វិនធៀន បានលើកឡើងថា រដ្ឋាភិបាលចិន ពិតជាមានការកោតសរសើរចំពោះយុទ្ធនាការចាក់វ៉ាក់សាំងរបស់រាជរដ្ឋាភិបាលកម្ពុជា ដល់ប្រជាជនរបស់ខ្លួន ដោយរហូតមកដល់ពេលនេះ បានចំនួនជិត៨៨ភាគរយហើយចំពោះប្រជាជនសរុប ១៦លាននាក់។ឯកអគ្គរដ្ឋទូតចិនប្រចាំនៅកម្ពុជា ក៏បានថ្លែងកោតសរសើរចំពោះភាពដឹកនាំរបស់រាជរដ្ឋាភិបាល កម្ពុជា ជាពិសេសសម្តេចតេជោ ហ៊ុន សែន នាយករដ្ឋមន្រ្តីតែម្តង ដែលបានប្រើយុទ្ធសាស្ត្រដ៏ត្រឹមត្រូវ និងលឿនបំផុតក្នុងការបង្ការ និងទប់ស្កាត់ការរីរាលដាលនៃជំងឺកូវីដ-១៩ ដោយគិតបាន ខ្ពស់បំផុតចំពោះ សុខុមាលភាព និងអាយុជីវិតរបស់ប្រជាជនខ្លួននោះ។លោកទូតក៏បានបានញ្ជាក់ផងដែរថា រហូតមកដល់ពេលនេះ ចិនបានផ្តល់នូវវ៉ាក់សាំងឲ្យរាជរដ្ឋាភិបាល និងប្រជាជនកម្ពុជា ជិត៤០លានដូសហើយ ដែលនាំឱ្យកម្ពុជា មានលទ្ធភាពចាក់ជូនប្រជាពលរដ្ឋ ចាប់តាំងពីអាយុ៥ឆ្នាំឡើង ទៅបានប្រមាណ១៤លាននាក់ហើយ ធៀបនឹងចំនួន១៦លាននាក់៕អត្ថបទ៖ បាន ចក់

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

សៀមរាប ៖ ក្រុមការងារនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ កំពុងបង្ហើយការងារដែលនៅសេសសល់ក្នុងការដ្ឋានជួសជុលស្ពានហាលប្រាសាទអង្គរវត្ត ហើយផែនការគ្រោង នឹងបញ្ចប់ទាំងស្រុងនៅចុងឆ្នាំ២០២១នេះ។លោក អន សុភាព បុរាណវិទូ និងជាប្រធានក្រុមការងារជួសជុលស្ពានហាលអង្គរវត្ត មានប្រសាសន៍ថា គិតត្រឹមពាក់កណ្ដាល ខែវិច្ឆិកានេះ គម្រោងជួសជុលស្ពានហាលអង្គរវត្តសម្រេចបានជិត ១០០ភាគរយហើយ។ លោក បន្ថែមថា ការងារនៅផ្នែកខាងលើនៃកម្រាលស្ពានសម្រេច៩៩ភាគរយហើយ ចំណែកនៅផ្នែកខាងក្រោមនៃជញ្ជាំងថ្មបាយក្រៀមសម្រេចបានប្រមាណ ៨០ភាគរយ ហើយអាចនឹងបញ្ចប់ទាំងស្រុងនៅចុងឆ្នាំ២០២១នេះ។ដោយឡែក ចំពោះការងារជួសជុលកំពង់ទឹកនៅផ្នែកខាងជើងនឹងត្រូវបន្ត ដែលគម្រោងនេះអាចនឹងប្រើពេលមួយឆ្នាំទៀតដើម្បីជួសជុលរួច។សូមបញ្ជាក់ថា គម្រោងជួសជុលស្ពានហាលអង្គរវត្តប៉ែកខាងជើងដំណាក់កាលទី២ មានប្រវែងសរុប ៩៤ម៉ែត្រ បានចាប់ផ្តើមដំណើរការពីឆ្នាំ២០១៦មក ដែលជាគម្រោងកិច្ចសហប្រតិបត្តិការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ាប្រទេសជប៉ុន៕

បណ្ដាញសង្គម

ព័ត៌មានថ្មីៗ

នគរបាលនិយាយថា សិស្ស១៦នាក់ស្លាប់ក្នុងអគ្គិភ័យឆាបឆេះនៅសាលារៀនរបស់ប្រទេសកេនយ៉ា

ហេសបូឡា៖ មានការវាយប្រហារ ៣៧លើក ដោយផ្តោតលើកងកម្លាំងអ៊ីស្រាអែល និងជើងទម្រ Iron Dome

ត្រីនៅកន្លែងអភិរក្សតាមោក ក្នុងខេត្តសៀមរាប ងាប់អស់ប្រមាណពីរតោន ដោយសារអាកាសធាតុក្ដៅខ្លាំង

លោកអភិបាលខណ្ឌដូនពេញ ជំរុញដល់គណៈគ្រប់គ្រងសាលាបឋមសិក្សា បន្តអនុវត្តបង្រៀនឲ្យបានល្អនិងស្ដង់ដាល្អជាគំរូ

IEA៖ សង្គ្រាម នៅមជ្ឈិមបូព៌ា កំពុងធ្វើឲ្យមានការកែប្រែយុទ្ធសាស្ត្រថាមពលជាតិឡើងវិញ

របាយការណ៍៖ សីតុណ្ហភាពសកល នឹងឡើងដល់កម្រិតខ្ពស់បំផុត ក្នុងរយៈពេល ៥ឆ្នាំខាងមុខ

ការសិក្សា៖ ជម្លោះណាមួយ ពាក់ព័ន្ធតៃវ៉ាន់ នឹងប្រឈមមានភាពតានតឹងអាវុធនុយក្លេអ៊ែរ រវាងអាមេរិក និងចិន

ក្រុមសិប្បករកំពុងបង្កើនសមត្ថភាពផលិត ឆ្លើយតបតម្រូវការទីផ្សារក្រោយមានសន្ទុះគាំទ្រច្រើនពីពលរដ្ឋ

រុស្ស៊ីព្រមានអាមេនី ជុំវិញការប៉ុនប៉ងចូល EU ខណៈលោក Trump គាំទ្រលោកនាយករដ្ឋមន្ត្រី Pashinyan

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អនីតិជនល្មើសច្បាប់នឹងផ្ទេរពីពន្ធនាគារមកមណ្ឌលយុវនីតិសម្បទា នៅដើមខែធ្នូ ខាងមុខ

សាលាជំនាញទេសចរណ៍ធំៗបីកន្លែងបើកដំណើរការ ខណៈសាលា១៧ទៀត ត្រៀមស្នើបើកដែរ

CMAC បន្តផ្ដល់ឱកាសដល់កូនៗអតីតកងកម្លាំងចូលរួមការងារបោសសំអាតមីន

អ្នកជាពីជំងឺកូវីដ-១៩ រួសរាន់ទៅទទួលការចាក់វ៉ាក់សាំងតាមការណែនាំរបស់គ្រូពេទ្យ

ទ័ពមួកខៀវកម្ពុជា៧៣រូប ចេញទៅបំពេញបេសកកម្មរៀបចំសណ្តាប់ធ្នាប់ នៅប្រទេសស៊ូដង់ខាងត្បូង

អ្នកដំណើរជាតិ និងអន្តរជាតិផ្តើមធ្វើដំណើរទៅកម្សាន្តតាមខេត្តនានា ក្នុងឱកាសព្រះរាជពិធីបុណ្យអុំទូក

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

វ៉ាក់សាំងបង្ការជំងឺកូវីដ-១៩ចំនួន ២លានដូសទៀតដែលជាជំនួយរបស់ចិនបានមកដល់កម្ពុជានៅព្រឹកថ្ងៃនេះ

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អនីតិជនល្មើសច្បាប់នឹងផ្ទេរពីពន្ធនាគារមកមណ្ឌលយុវនីតិសម្បទា នៅដើមខែធ្នូ ខាងមុខ

សាលាជំនាញទេសចរណ៍ធំៗបីកន្លែងបើកដំណើរការ ខណៈសាលា១៧​ទៀត​ ត្រៀម​ស្នើបើកដែរ

CMAC បន្តផ្ដល់ឱកាសដល់កូនៗអតីតកងកម្លាំងចូលរួមការងារបោសសំអាតមីន

អ្នក​ជាពីជំងឺកូវីដ-១៩ រួសរាន់ទៅទទួលការចាក់វ៉ាក់សាំងតាមការណែនាំរបស់គ្រូពេទ្យ

ទ័ពមួកខៀវកម្ពុជា៧៣រូប ចេញទៅបំពេញបេសកកម្មរៀបចំសណ្តាប់ធ្នាប់ នៅប្រទេសស៊ូដង់ខាងត្បូង

អ្នកដំណើរជាតិ និងអន្តរជាតិផ្តើមធ្វើដំណើរទៅកម្សាន្តតាមខេត្តនានា ក្នុងឱកាស​ព្រះរាជ​ពិធី​បុណ្យ​អុំទូក

សម្តេចតេជោ ស្នើមិត្តចិនផលិតវ៉ាក់សាំងនៅក្នុងប្រទេសកម្ពុជា

ចិនអះអាងថា អត្រាចាក់វ៉ាក់សាំងនៅប្រទេសកម្ពុជា បានឈានមុខគេនៅលើពិភពលោក

ស្ពានហាលអង្គរវត្តគ្រោង នឹងបញ្ចប់ការជួសជុលនៅចុងឆ្នាំ២០២១នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សាលាជំនាញទេសចរណ៍ធំៗបីកន្លែងបើកដំណើរការ ខណៈសាលា១៧ទៀត ត្រៀមស្នើបើកដែរ

អ្នកជាពីជំងឺកូវីដ-១៩ រួសរាន់ទៅទទួលការចាក់វ៉ាក់សាំងតាមការណែនាំរបស់គ្រូពេទ្យ

អ្នកដំណើរជាតិ និងអន្តរជាតិផ្តើមធ្វើដំណើរទៅកម្សាន្តតាមខេត្តនានា ក្នុងឱកាសព្រះរាជពិធីបុណ្យអុំទូក