BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

គ្រូពេទ្យអំពាវនាវដល់ពលរដ្ឋ សូមរួសរាន់ទៅចាក់វ៉ាក់សាំងដូសទី៣ ខណៈយុទ្ធនាការនឹងបញ្ចប់ឆាប់ៗនេះ

ភ្នំពេញ ៖ ខណៈយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនពលរដ្ឋអាយុ១៨ឆ្នាំឡើង ក្នុងរាជធានីភ្នំពេញ គ្រោងបញ្ចប់ឆាប់ៗនេះ គ្រូពេទ្យចាក់វ៉ាក់សាំង បានអំពាវនាវដល់ប្រជាពលរដ្ឋ សូមរួសរាន់ទៅចាក់វ៉ាក់សាំងឲ្យបានគ្រប់ៗគ្នា។លោកស្រីវេជ្ជបណ្ឌិត ទេព ចិន្តា អនុប្រធានមន្ទីរពេទ្យបង្អែកចតុមុខ ក្នុងរាជធានីភ្នំពេញ បានឲ្យ ដឹងថា តាមការគ្រោងទុក យុទ្ធនាការចាក់វ៉ាក់សាំងដូសទី៣ នឹងបញ្ចប់ក្នុងសប្តាហ៍នេះ ដូច្នេះលោកស្រី បានអំពាវនាវដល់ពលរដ្ឋ ឱ្យរួសរាន់ទៅទទួលការចាក់វ៉ាក់សាំងឲ្យបានមុនការបិទបញ្ចប់យុទ្ធនាការ។ ហើយត្រូវបន្តអនុវត្តវិធានការ ៣កុំ ៣ការពារ ទោះបានចាក់វ៉ាក់សាំងរួចក្តី។ពលរដ្ឋរស់នៅក្នុងខណ្ឌដូនពេញ រាជធានីភ្នំពេញ នៅថ្ងៃទី០៨ ខែ វិច្ឆិកានេះ បន្តទៅទទួលការ ចាក់វ៉ាក់សាំងបង្ការជំងឺកូវីដ-១៩ ដូសទី៣ នៅមន្ទីរពេទ្យបង្អែកចតុមុខ ដោយក្ដីរំពឹងថា ការចាក់វ៉ាក់សាំង ដូសទី៣នេះ គឺអាចការពារកុំឲ្យរងគ្រោះដោយសារមេរោគកូវីដ-១៩ បំប្លែងខ្លួនថ្មី និងងាយស្រួលចូលក្នុងសង្គម ដែលត្រូវបានតម្រូវឱ្យរស់នៅតាមបែបគន្លងថ្មី នៃបរិបទជំងឺកូវីដ-១៩នេះ។ ពួកគេ បានអគុណ ចំពោះរាជរដ្ឋាភិបាល ស្វះស្វែងរកវ៉ាក់សាំងចាក់ជូនប្រជាពលរដ្ឋ ជៀសឆ្ញាយពីជំងឺកូវីដ។តាមការគ្រោងទុកយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី៣ ជូនពលរដ្ឋអាយុ១៨ឆ្នាំ ឡើង នៅខណ្ឌចំនួនបីចុងក្រោយគេបង្អស់ ក្នុងរាជធានីភ្នំពេញ គឺខណ្ឌដូនពេញ ខណ្ឌជ្រោយចង្វា និង ខណ្ឌព្រែកព្នៅ គ្រោងនឹងបញ្ចប់នៅថ្ងៃទី១២ ខែវិច្ឆិកានេះ។ បើទោះបីយុទ្ធនាការត្រូវបានបញ្ចប់ តែពលរដ្ឋ អាចបន្តទៅចាក់វ៉ាក់សាំងបាន នៅទីតាំងសុខាភិបាលសាធារណៈ ក្នុងមូលដ្ឋានរស់នៅរបស់ពួកគេ ចាប់ពី ដូសទី១ រហូតដូសទី៣ ៕អត្ថបទ៖ ទូច សោភ័ណ

ពលរដ្ឋអរគុណកងទ័ពដែលតែងជួយប្រជាជនគ្រប់គ្រាលំបាក ជាពិសេសក្នុងអំឡុងកូវីដ-១៩

ភ្នំពេញ ៖ នៅថ្ងៃស្អែកនេះ គឺជាខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ ហើយក៏ជាថ្ងៃខួបកំណើតកងយោធពលខេមរភូមិន្ទ ៩ វិច្ឆិកា ឆ្នាំ១៩៥៣ ឆ្នាំ២០២១។ នៅក្នុងឱកាសថ្ងៃកំណើតកងទ័ពនេះ ប្រជាពលរដ្ឋ បានថ្លែងអំណរគុណដល់កងទ័ពកម្ពុជា ដែលបានចូលរួមយ៉ាងសកម្មក្នុងការទប់ស្កាត់ការរាលដាលជំងឺកូវីដ១៩ ដែលជាចំណែកធ្វើឲ្យស្ថានភាពជំងឺកូវីដនៅកម្ពុជាមានភាពធូរស្រាល។ប្រជាពលរដ្ឋ បានមើលឃើញថា ក្នុងអំឡុងពេលកូវីដនេះ កងទ័ពកម្ពុជា បានចូលទៅតំបន់ក្រហមនានា ដែលមានការភ័យខ្ពស់នៃការរាតត្បាតមេរោគកូវីដ១៩ ដើម្បីចាក់វ៉ាក់សាំងជូនពលរដ្ឋ ជាពិសេសជាងនេះទៀត កងទ័ពក៏បានចូលរួមចំណែកជួយព្យាបាលអ្នកជំងឺកូវីដ១៩ និងការអប់រំផ្សព្វផ្សាយពីបញ្ហាកូវីដ១៩ ជាដើម រហូតធ្វើឲ្យស្ថានភាពកូវីដ១៩ មានការធូរស្រាលខ្លាំងរហូតមកដល់បច្ចុប្បន្ន។ពលរដ្ឋ ថ្លែងថា ក្រៅពីការចូលរួមពន្លឿនការចាក់វ៉ាក់សាំងដើម្បីពង្រឹងភាពស៊ាំរបស់ប្រជាពលរដ្ឋជាមួយ នឹងមេរោគកូវីដ១៩ នៅក្នុងសហគមន៍ កងទ័ពកម្ពុជា ក៏បានចូលរួមចំណែកអភិវឌ្ឍន៍ប្រទេសជាតិ ការពាររាជរដ្ឋាភិបាល ការពារសន្តិសុខសណ្តាប់ធ្នាប់សង្គម ជាពិសេសជួយប្រជាពលរដ្ឋនៅតាមតំបន់ជួបគ្រោះទឹកជំនន់ និងគ្រោះធម្មជាតិនានាទៀតដោយមិនគិតការនឿយហត់។សូមបញ្ជាក់ថា ពេលបច្ចុប្បន្ន ក្រុមពេទ្យកងទ័ព បាននិងកំពុងដំណើរការយុទ្ធនាការចាក់វ៉ាក់សាំងការពារកូវីដ១៩ ដូសជំរុញ ឬដូសទី៣ ជូនពលរដ្ឋនៅក្នុងរាជធានីភ្នំពេញ ហើយនៅថ្ងៃទី ១៥ ខែវិច្ឆិកា ឆ្នាំ ២០២១ ខាងមុខ កងទ័ពក៏នឹងចុះទៅចាក់វ៉ាកសាំងដូសទី ៣ ដល់ប្រជាពលរដ្ឋនៅតាមបណ្តាខេត្តចំនួន ៨ ទៀត មានដូចជា ខេត្តតាកែវ កំពង់ស្ពឺ កោះកុង និងខេត្តព្រះសីហនុ ជាដើម៕អត្ថបទ ៖ ស៊ុម សុខជា

សម្តេចតេជោ ៖ ក្រុមប្រឆាំងមានភាពច្រណែន ក្នុងការអភិវឌ្ឍនៅរាជធានីភ្នំពេញ ទើបពួកគេវាយប្រហារលើទឹកជនន់

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រី បានថ្លែងថា ក្រុមអគតិមួយចំនួន ជាពិសេសគឺក្រុមប្រឆាំងដែលកំពុងនីរទេសខ្លួននៅក្រៅប្រទេស មានភាពច្រណែនឈ្នានីស ពីការអភិវឌ្ឍនៅរាជធានីភ្នំពេញ នាពេលបច្ចុប្បន្ន ទើបពួកគេបាននាំគ្នាវាយប្រហារម្តងហើយម្តងទៀត ដល់រាជរដ្ឋាភិបាលថា បានមកពីធ្វើការលុបបឹងអ្វីទាំងនោះហើយបានមានទឹកជំនន់លិចលង់ទីក្រុងភ្នំពេញ។នៅក្នុងពិធីសម្ពោធទីស្តីការថ្មី នៃអគារក្រសួងរៀបចំដែនដីនគររូបនីយកម្ម និងសំណង់ នាថ្ងៃទី៨ ខែវិច្ឆិកា ឆ្នាំ២០២១នេះ សម្ដេចតេជោ ហ៊ុន សែន បានមានប្រសាសន៍ថា បច្ចុប្បន្នបឹងមួយចំនួននៅរាជធានីភ្នំពេញ បានក្លាយជាអគារធំៗ ហើយសម្ដេច បានរំលឹកថា កាលពីជំនាន់មុន ដី១ហិកតា មានសំណង់ត្រឹមតែ៥ពាន់ម៉ែត្រការ៉េតែប៉ុណ្ណោះ ប៉ុន្ដែឥឡូវនេះ ដី១ហិកតាដដែលមានសំណង់ឡើងដល់ ៥ម៉ឺនម៉ែត្រការ៉េ ខណៈដីដែលសម្តេចធ្លាប់ទៅបេះម្អមប្រែក្លាយទៅជាដីមានសំណង់អគារធំៗ និងខ្ពស់ៗជាដើម។ជាមួយគ្នានោះដែរ សម្តេចតេជោ ហ៊ុន សែន ក៏បានរំលឹកផងដែរថា កាលពីឆ្នាំទសវត្សន៍៩០ គ្រានោះ កម្ពុជាមានទឹកជំនន់ ខណៈកាលនោះកម្ពុជាក៏មិនទាន់អភិវឌ្ឍន៍អ្វីដែរ ហើយមិនតែប៉ុណ្ណោះ ទឹកជំនន់នេះមិនមែនមាននៅកម្ពុជាតែមួយទេ បណ្ដាប្រទេសមួយចំនួននៅលើពិភពលោក ដូចជាប្រទេស បារាំង អ៊ីតាលី និងប្រទេសជាច្រើនទៀតក៏មានដែរ ខណៈគ្រាន់តែរាជធានីភ្នំពេញលិចទឹកម្តងៗពួកគេ ជាពិសេសពួកប្រឆាំងនៅក្រៅប្រទេសនោះជេរតិះដៀលថាអភិបាលរាជធានីភ្នំពេញ គ្រប់គ្រងមិនបានល្អ ហើយមកពីការលក់បឹង និងលុបបឹងលុបបួរជាដើម៕អត្ថបទបាន ចក់

អន្តរកាលកូវីដ-១៩ មិនបង្អាក់ដំណើរការក្នុងការផលិតទម្រង់សិល្បៈវប្បធម៌

ភ្នំពេញ ៖ បរិបទកូវីដ-១៩ ទាំងការសម្តែង និងការជួបជុំគ្នាដោយផ្ទាល់ ត្រូវបានហាមឃាត់។ ដូច្នេះទម្រង់សិល្បៈនានា ដែលត្រូវផ្សព្វផ្សាយអប់រំនេះ គឺត្រូវធ្វើការថតទុក និងផ្សព្វផ្សាយ (Media) ជូនមហាជនតាមប្រព័ន្ធអនឡាញ។ នេះបើតាមការបញ្ជាក់របស់លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្បៈ ប្រាប់BTV ព័ត៌មាននៅថ្ងៃនេះ។លោក ប៉ុក បូរក្ស បានបន្តទៀតថា កន្លងមកគ្រប់ព្រឹតិ្តការណ៍ទាំងអស់ ថ្នាក់ដឹកនាំបានខិតខំ និងផលិតផ្សព្វផ្សាយជូនគ្រប់ព្រឹតិ្តការណ៍បុណ្យជាតិនានា ដើម្បីអបអរសាទរក្នុងពិធីបុណ្យជាតិ ដូចជា៖ព្រះរាជពិធីបុណ្យចម្រើនព្រះជន្មសម្តេចព្រះមហាក្សត្រីនរោត្តម មុនិនាថ សីហនុ , អបអរសាទរខួប លើកទី៣០ នៃការចុះហត្ថលេខាលើកិច្ចព្រមព្រៀង ស្តីពីដំណោះស្រាយនយោបាយរួម នៃជម្លោះកម្ពុជា ហៅកាត់ថា «កិច្ចព្រមព្រៀងសន្តិភាព ទីក្រុងប៉ារីស» ថ្ងៃ២៣ តុលា ១៩៩១ និងអបអរសាទរទិវាបុណ្យនៃការឡើងគ្រងរាជព្រះបរមរាជសម្បតិ្តរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។លោក បានបញ្ជាក់ទៀតថា ក្នុងកាលៈទេសៈដ៏លំបាកនេះ អ្វីៗទាំងអស់ត្រូវផ្សព្វផ្សាយតាមប្រព័ន្ធពីចម្ងាយ។ ដូច្នេះគ្រប់ស្នាដៃសិល្បៈវប្បធម៌ទាំងអស់ យើងធ្វើការថតទុក ហើយស្នាដៃដែលយើងផលិតសម្រាប់ផ្សព្វផ្សាយវប្បធម៌ប្រពៃណី ក្នុងនោះការងារផ្សព្វផ្សាយជាអន្តរជាតិ មានចំនួន ៦ស្នាដៃដែលយើងបានរៀបចំ ។ ក្នុងនោះស្ព័តទាក់ទងនឹងខេត្តសៀមរាប ព្រមទាំងសហការជាមួយសហគមន៍អឺរ៉ុប ផលិតស្ព័ត ក្នុងការរៀបចំមហោស្រពវប្បធម៌ អាស៊ី និងអឺរ៉ុប និងការងារទាក់ទងវប្បធម៌អរូបីរបស់អង្គការយូណេស្កូ ដែលផលិតឡើងក្នុងក្របខណ្ឌ អាយ ខាប់ (ភាគីកូរ៉េ សហការជាមួយកម្ពុជា) រួមមានឯកសារកុលាលភាជន៍ ចម្លាក់ប្រាក់ខ្មែរ និងទម្រង់ប្រពៃណីបុរាណ ប្រជាប្រិយជាច្រើន ដើម្បីផ្សព្វផ្សាយ និងបានរួមចំណែកក្នុងការថែរក្សាការពារ ពង្រឹងនូវអត្តសញ្ញាណជាតិ លើកកម្ពស់វប្បធម៌ ប្រពៃណី និងទំនៀមទំលាប់ជាតិ សំដៅប្រែក្លាយព្រះរាជាណាចក្រកម្ពុជា ជាព្រះរាជាណាចក្រនៃវប្បធម៌៕ អត្ថបទ៖ រដ្ឋា

សម្តេចអគ្គមហាពញាចក្រី ហេង សំរិន អញ្ជើញជាអធិបតីភាពដ៏ខ្ពង់ខ្ពស់ក្នុងពិធីបញ្ចុះសពឯកឧត្តមកិត្តិនីតិកោសលបណ្ឌិត ងួន ញ៉ិល

ភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបញ្ចុះសព ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១ រដ្ឋសភា នៅព្រឹកថ្ងៃសុក្រទី៨ ខែវិច្ឆិកា ឆ្នាំ២០២១ ស្ថិតនៅភូមិត្រពាំងស្វាយ ឃុំបល្ល័ង្គ ស្រុកបារាយណ៍ ខេត្តកំពង់ធំ ដែលជាស្រុកកំណើតផ្ទាល់របស់សព ឯកឧត្តមកិត្តិនីតិកោសលបណ្ឌិត។ពិធីបញ្ចុះសពបានប្រារព្ធធ្វើ តាមបែបព្រះពុទ្ធសាសនា ដោយមានការនិមន្តចូលរួមពីសំណាក់ព្រះសង្ឃ និងការអញ្ជើញចូលរួមពីឥស្សរជនជាតិជាន់ខ្ពស់ សមាជិក សមាជិការដ្ឋសភា ព្រឹទ្ធសភា រាជរដ្ឋាភិបាល ក្រសួងស្ថាប័ន អាជ្ញាធរខេត្ត មន្រ្តីរាជការ និងប្រជាពលរដ្ឋយ៉ាងច្រើនកុះករ ក្នុងសេចក្តីក្តុកក្តួលរំជួលចិត្ត ក្រៀមក្រំឥតឧបមា។ទំាងសម្តេចប្រធានរដ្ឋសភា និងអ្នកបានចូលរួមទំាងអស់មានសេចក្តីក្តុកក្តួលរំជួលចិត្តជាខ្លំាងចំពោះការបាត់បង់ រូបឯកឧត្តមកិត្តិនីតិកោសលបណ្ឌិត ងួន ញ៉ិល គឺជាការបាត់បង់នូវលោកឪពុក លោកឪពុកក្មេក និងជីតា ប្រកបដោយសង្គហធម៌ ព្រហ្មវិហារធម៌ ពិសេសក៏ជាការបាត់បង់ដ៏ធំធេងនូវឥស្សរជននយោបាយខ្មែរដ៏ឆ្នើមមួយរូប ដែលពោរពេញដោយឆន្ទៈមនសិកាក្នុងការបម្រើបុព្វហេតុជាតិ ជាតិ សាសនា ព្រះមហាក្សត្រ គ្រប់កាលៈទេសៈ ព្រមទាំងបានរួមចំណែកយ៉ាងសកម្មក្នុងការលើកកម្ពស់តម្លៃនៃនីតិរដ្ឋ ប្រកបដោយឧត្តមគតិខ្ពង់ខ្ពស់ជាអនេកប្បការ ជារហូតមក។ឯកឧត្តមកិត្តិនីតិកោសលបណ្ឌិត ងួន ញ៉ិល បានទទួលមរណភាព នៅថ្ងៃសុក្រ ១ កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែវិច្ឆិកា ឆ្នាំ២០២១ វេលាម៉ោង ១០:៣៦ នាទីព្រឹក ក្នុងជន្មាយុ ៧៩ឆ្នាំ ដោយរោគាពាធ។សូមឧទ្ទិសបួងសួងជូនដួងវិញ្ញាណក្ខន្ធសពឯកឧត្តមកិត្តិនីតិកោសលបណ្ឌិត ងួន ញ៉ិល បានទៅសោយសុខក្នុងឋានសុគតិភពជានិច្ចនិរន្តកុំបីឃ្លៀងឃ្លាតឡើយ៕

សម្តេចតេជោ ៖ អ្នកចង់សើរើកិច្ចព្រមព្រៀងសន្តិភាពក្រុងប៉ារីស ស្មើចង់ឱ្យបរទេសមកត្រួតត្រាកម្ពុជាជាថ្មី

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងថា អ្នកដែលចង់សើរើ កិច្ចព្រមព្រៀងសន្តិភាពទីក្រុងប៉ារីសឡើងវិញ គឺស្មើនឹងចង់នាំបរទេសមកត្រួតត្រាកម្ពុជាសារជាថ្មី។សម្តេចតេជោ ហ៊ុន សែន ខណៈអញ្ជើញជាអធិបតីដ៏ខ្ពង់ខ្ពស់សម្ពោធអគារទីស្តីក្រសួងរៀបចំដែន ដី នគរូបនីយកម្ម និងសំណង់ នៅព្រឹកថ្ងៃទី៨ វិច្ឆិកានេះ បានបញ្ជាក់ថា កិច្ចព្រមព្រៀងសន្តិភាពទីក្រុងប៉ារីស ត្រូវបានរកនិងរក្សាបានរហូតមកដល់សព្វថ្ងៃ ត្រឡប់ជាមានក្រុមមនុស្សមួយចំនួន តែងតែលើកឡើង ចង់ឱ្យធ្វើការសើរើឡើងវិញ ខណៈអ្នកទាំងនោះ មិនទាំងយល់ច្បាស់ពីកិច្ចព្រមព្រៀងនេះផងទេ។សម្តេចតេជោ បានរម្លឹកពីសារបាននៃកិច្ចព្រមព្រៀង ដែលមានរឿងរ៉ាវជាច្រើនបានចាប់ផ្តើមឡើង ពីទីនោះ ។សម្ដេចតេជោ ហ៊ុន សែន បានបញ្ជាក់ទៀតថា ការដែលសម្តេចរម្លឹកពីកិច្ចព្រមព្រៀងសន្តិភាពទី ក្រុងប៉ារីសជាថ្មីម្តងទៀតនេះ ដោយសារមានក្រុមមនុស្សមួយចំនួន តែងតែទាមទាឱ្យមានការសើរើនូវកិច្ច ព្រមព្រៀងនេះឡើងវិញ ដែលជាហេតុនឹងនាំឱ្យមានការបែកបាក់បំផ្លិចបំផ្លាញជាតិសារជាថ្មីនោះ៕អត្ថបទ៖ មុត សុទ្ធ

ពិធីមង្គលការត្រូវបានកំណត់អ្នកចូលរួមត្រឹម២០០នាក់ ខណៈKTVគ្រោងនឹងអនុញ្ញាតឱ្យបើកខែក្រោយ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យប្រជាពលរដ្ឋ រៀបចំពិធីមង្គលការឡើងវិញហើយ ប៉ុន្តែត្រូវកំណត់ឱ្យមានភ្ញៀវចូលរួមត្រឹម២០០នាក់ប៉ុណ្ណោះ។សម្តេចតេជោ ហ៊ុន សែន ក្នុងពេលអញ្ជើញជាអធិតីដ៏ខ្ពង់ខ្ពស់សម្ពោធដាក់ឱ្យប្រើប្រាស់អគារ ទីស្តី ការក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី០៨ ខែវិច្ឆិកានេះ ដំណាក់កាលដំបូង នៃការអនុញ្ញាតឱ្យរៀបចំពិធីមង្គលការឡើងវិញនេះ ត្រូវតែកំណត់ចំនួនអ្នកចូលរួមសិន ដោយសម្តេចនឹងតាមដានស្ថានភាពបន្តទៀត ដែលថ្ងៃខាងមុខអាចនឹងបើកឱ្យមានភ្ញៀវចូលរួមមង្គលការច្រើនជាងនេះ។រាជរដ្ឋាភិបាលកម្ពុជា បានប្រកាសបើកដំណើរការប្រទេសពេញលេញឡើងវិញលើគ្រប់វិស័យ និង ការរស់នៅជាមួយកូវីដ១៩ តាមបែបគន្លងថ្មី ចាប់ពីថ្ងៃទី០១ ខែវិច្ឆិកានេះតទៅ បន្ទាប់ពីការរីករាលដាលជំងឺកូវីដ-១៩នៅក្នុងប្រទេស បានធ្លាក់ចុះ ហើយពលរដ្ឋស្ទើរគ្រប់គ្នា បានចាក់វ៉ាក់សាំង។ ការបើកប្រទេសនេះ គឺអាជីវកម្មស្ទើរតែទាំងអស់ លើកលែងតែខារ៉ាអូខេ នឹងបើកនៅខែក្រោយ៕អត្ថបទ៖ មុត សុទ្ធ

ដំណើរទស្សនកិច្ចរបស់រដ្ឋមន្រ្តីការបរទេសអូស្រ្តាលីមកកម្ពុជា គឺដើម្បីសុំការគាំទ្រពីកម្ពុជាចំពោះសម្ព័ន្ធមិត្តរបស់ខ្លួន

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្រ្តី បានថ្លែងថា ក្នុងដំណើរទស្សនកិច្ច របស់រដ្ឋមន្រ្តីការបរទេស និងជារដ្ឋមន្រ្តីក្រសួងកិច្ចការនារីរបស់អូស្រ្តាលីមកប្រទេសកម្ពុជា នាពេលនេះ គឺដើម្បីចង់ពន្យល់ដល់កម្ពុជា និងស្វែងរកការគាំទ្រពីកម្ពុជា ចំពោះភាពជាដៃគូសន្តិសុខត្រីភាគីរបស់ខ្លួន ដែលមានប្រទេសអូស្ត្រាលី ចក្រភពអង់គ្លេស និងសហរដ្ឋអាមេរិក។ថ្លែងនៅក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវអគារថ្មីនៃក្រសួងរៀបចំដែនដីនគរូបនីយកម្ម និងសំណង់ នាព្រឹកថ្ងៃទី៨ ខែវិច្ឆិកា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ថា សម្តេច នឹងជួបពិភាក្សាការងារជាច្រើនជាមួយលោកជំទាវ ម៉ារីស ផេន ប៉ុន្តែសម្តេចអាចនិយាយបានថាក្នុងដំណើរ ទស្សនកិច្ចរបស់លោកជំទាវមកកម្ពុជានេះ គឺមានគោលបំណងធំតែមួយគាត់ ដូចនិងរដ្ឋមន្រ្តីក្រសួងការបរទេសអង់គ្លេសយ៉ាងដូច្នេះដែរ គឺដើម្បីពន្យល់ និងសុំការគាំទ្រពីកម្ពុជាចំពោះសម្ព័ន្ធមិត្តរបស់ខ្លួនតែប៉ុណ្ណោះ មិនមែនជាការមកគាប់សង្កត់ដល់រាជរដ្ឋាភិបាលកម្ពុជានោះឡើយ។សូមបញ្ជាក់ថា លោកជំទាវ ម៉ារីស ផេន រដ្ឋមន្រ្តីក្រសួងការបរទេស និង រដ្ឋមន្រ្តីក្រសួងកិច្ចការនារីរបស់អូស្រ្តាលីន បានកំពុងធ្វើទស្សនកិច្ចនៅប្រទេសកម្ពុជាចំនួនពីរថ្ងៃ គឺចាប់ពីថ្ងៃទី៧ ដល់ថ្ងៃទី៨ ខែវិច្ឆិកា ឆ្នាំ២០២១នេះ ខណៈដំណើរទស្សនកិច្ចនេះ គឺមានគោលបំណងពង្រឹងកិច្ចសហប្រតិបត្តិការទ្វេភាគី និងពហុភាគីជាមួយកម្ពុជាឲ្យកាន់តែល្អប្រសើបន្ថែមទៀត ដើម្បីគុណប្រយោជន៍របស់ប្រជាជន និងប្រទេស ទំាងពីរ(កម្ពុជា-អូស្រ្តាលី)។ក្នុងអំឡុងពេលដំណើរទស្សនកិច្ចរយៈពេលពីរថ្ងៃនេះ លោកជំទាវ នឹងជួបពិភាក្សាការងារជាមួយ សម្តេចតេជោ ហ៊ុន សែន នាយករដ្ឋមន្រ្តី ជួបជាមួយប្រមុខការទូតកម្ពុជា និងជំនួបទ្វេភាគីជាមួយលោកជំទាវ អ៊ឹង គន្ថាផាវី រដ្ឋមន្រ្កីក្រសួងកិច្ចការនារីរបស់កម្ពុជាផងដែរ៕អត្ថបទ ៖ បាន ចក់

សម្ដេចតេជោ៖ «កុំខ្វល់ពីរឿងការរិះគន់ចំពោះការអភិវឌ្ឍ […] ក្រុមអ្នករិះគន់គឺជាពួកច្រណែនប៉ុណ្ណោះ យើងត្រូវបន្តអភិវឌ្ឍបន្ថែមទៀត»

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់ថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះគឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។សម្ដេចតេជោ បានថ្លែងបែបនេះក្នុងឱកាសដែលសម្ដេចអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារទីស្តីការក្រសួងរៀបចំដែនដី នគរូបនីយកម្ម និងសំណង់ នៅព្រឹកថ្ងៃទី០៨ ខែវិច្ឆិកា ឆ្នាំ២០២១នេះ។សម្តេចតេជោ ហ៊ុន សែន បានមានប្រសាសន៍ដែរថា អគារក្រសួងរៀបចំដែនដី នគរូបនីយកម្មនិងសំណង់ ជាសមិទ្ធផលមួយ ដែលបង្ហាញពីគុណតម្លៃ នៃការដឹកនាំរបស់រាជរដ្ឋាភិបាលកម្ពុជា ក្នុងការលើកម្ពស់តម្លៃស្ថាបត្យកម្ម ដែលជាស្នាដៃផ្ទាល់របស់កូនខ្មែរ ហើយក៏បានបង្ហាញនូវសមត្ថភាពរបស់រាជរដ្ឋាភិបាលលើការគ្រប់គ្រង និងប្រើប្រាស់ថវិកាជាតិ ដើម្បីបង្កើតនូវសមិទ្ធផលជាទីមោទនភាពសម្រាប់ជាតិផងដែរ។សម្តេចតេជោ ហ៊ុន សែន បានប្រកាសថា ពេលនេះកុំខ្វល់អំពីរឿងការរិះគន់ចំពោះការអភិវឌ្ឍ ជាពិសេសគឺនៅក្នុងរាជធានីភ្នំពេញតែម្តង ខណៈក្រុមអ្នកដែលរិះគន់នោះ គឺជាពួកច្រណែនតែប៉ុណ្ណោះ ដូច្នេះយើងនាំ គ្នាបន្តអភិវឌ្ឍន៍បន្ថែមទៀត ដើម្បីភាពរីកចំរើនរបស់ជាតិនោះ។

សម្តេចតេជោ អំពាវនាវគ្រប់ក្រសួងស្ថាប័នពាក់ព័ន្ធបង្កើនការខិតខំ ដើម្បីអនុវត្តផែនការសកម្មភាពអាទិភាពនានា

ភ្នំពេញ ៖ ក្នុងឱកាសនៃការប្រារព្ធទិវាជាតិអាហារូបត្ថម្ភលើកទី៨ ថ្ងៃទី៦វិច្ឆិកា ក្រោមប្រធានបទ “ការពង្រឹងប្រព័ន្ធស្បៀង ដើម្បីការអភិវឌ្ឍប្រកបដោយចីរភាព សម្តេចតេជោ ហ៊ុន សែន នាយករដ្ឋមន្ត្រី បានអំពាវនាវដល់គ្រប់ក្រសួងស្ថាប័នពាក់ព័ន្ធរដ្ឋបាលថ្នាក់ក្រោមជាតិ ដៃគូអភិវឌ្ឍន៍ អង្គការសង្គមស៊ីវិល វិស័យឯកជន និងប្រជាពលរដ្ឋគ្រប់រូប សូមចូលរួមជាមួយនឹងរាជរដ្ឋាភិបាល ដោយបង្កើនការខិតខំប្រឹងប្រែងរួមគ្នា ដើម្បីអនុវត្តផែនការសកម្មភាពអាទិភាពនានា ។សម្តេចតេជោ បានមានប្រសាសន៍ថា ស្ថិតក្នុងបរិបទនៃវិបត្តិកូរីដ-១៩ នេះ កម្ពុជាមិនត្រឹមតែអាចបញ្ចៀសបាននូវវិបត្តិស្បៀងអាហារប៉ុណ្ណោះទេ ប៉ុន្តែកម្ពុជាថែមទាំងបានចាប់យកឱកាសនេះ ដើម្បីពង្រឹងប្រព័ន្ធស្បៀង តាមរយៈការដាក់ចេញវិធានការ ជាបន្តបន្ទាប់ ដើម្បីផលិតនិងផ្គត់ផ្គង់ផលិតផលកសិកម្ម និងស្បៀងអាហារប្រកបដោយគុណភាព និង សុវត្ថិភាពទៅទីផ្សារក្នុងតំបន់និងពិភពលោកទៀតផង។រាជរដ្ឋាភិបាលមានការប្ដេជ្ញាចិត្តខ្ពស់ ដោយឈរលើ កត្តាសន្តិភាពនិងស្ថិរភាពនយោបាយ ដែលបង្កើតបាននូវបរិយាកាសមួយដ៏រឹងមាំឈានទៅសម្រេចបាន ចក្ខុវិស័យស្តីពីប្រព័ន្ធស្បៀងឆ្នាំ២០៣០ ។រាជរដ្ឋាភិបាលបាននិងកំពុងចូលរួមយ៉ាងសកម្មនៅក្នុងក្របខ័ណ្ឌ កិច្ចសហប្រតិបត្តិការក្នុងតំបន់និងពិភពលោក ដូចជា៖ ការដាក់ចេញសេចក្តីថ្លែងការណ៍រួមស្តីពីអាហារូបត្ថម្ភ ក្នុងបរិបទនៃការរាតត្បាតជាសកលនៃជំងឺកូវីដ-១៩ ការចូលរួមអនុវត្តផែនទីបង្ហាញផ្លូវផែនការសកម្មភាព សកលដើម្បីឆ្លើយតបចំពោះបញ្ហាស្គមស្គាំងរបស់កុមារ ការចូលជាសមាជិកនៃចលនាបង្កើនអាហារូបត្ថម្ភ ពិភពលោក (Global SUN Movement) អាហារូបត្ថម្ភដើម្បីការលូតលាស់ និងកំណើន (Nutrition for Growth) កិច្ចសន្ទនាស្តីពីប្រព័ន្ធស្បៀង និងការអនុវត្តនូវគំនិតផ្តួចផ្តើម ស្តីពីការកាត់បន្ថយភាពអត់ឃ្លានឱ្យ ដល់កម្រិតសូន្យរបស់អង្គការសហប្រជាជាតិ។ ក្នុងនាមជាប្រធានអាស៊ាននៅឆ្នាំ២០២២ រាជរដ្ឋាភិបាលនឹង បន្តជំរុញដំណើរការកសាងសហគមន៍អាស៊ាន និងថែរក្សាតួនាទីរបស់អាស៊ានដែលជាតំបន់ដ៏មានសារៈសំខាន់ មួយសម្រាប់ពាណិជ្ជកម្ម ការវិនិយោគ និងខ្សែច្រវាក់ផ្គត់ផ្គង់របស់ពិភពលោក។ រាជរដ្ឋាភិបាលនឹងបន្តខិតខំ ពង្រឹងកិច្ចសហប្រតិបត្តិការជាមួយនឹងប្រទេសនានា ដើម្បីលើកកម្ពស់ប្រព័ន្ធស្បៀងឱ្យកាន់តែមានភាពរឹងមាំ ធន់នឹងភាពងាយរងគ្រោះវិបត្តិ និងបញ្ហាផ្សេងៗ ការពារបរិស្ថាននិងជួយកាត់បន្ថយផលប៉ះពាល់នៃការប្រែប្រួលអាកាសធាតុ តាមរយៈការជំរុញឱ្យប្រព័ន្ធស្បៀងឆ្ពោះទៅរកការអភិវឌ្ឍបៃតង៕អត្ថបទ ៖ មុត សុទ្ធ

បណ្ដាញសង្គម

ព័ត៌មានថ្មីៗ

ក្រុមសង្គ្រោះបន្តតាមរកមនុស្ស២នាក់ទៀត ក្រោយរកឃើញ៥នាក់នៅមានជីវិត ពីការជាប់ខ្លួនក្នុងរូងភ្នំនៅឡាវ

យានដ្រូនអ៊ុយក្រែន ដែលវង្វេងគន្លងបានបង្កើនភាពតានតឹងលើដែនអាកាសនៅភាគខាងកើតរបស់ប្រទេសសមាជិកណាតូ

ទូតកម្ពុជានៅជប៉ុន ប្រាប់អនុរដ្ឋមន្ត្រីការបរទេសជប៉ុនពីការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការប្រយុទ្ធប្រឆាំង Online Scams នឹងឧក្រិដ្ឋកម្មឆ្លងដែនគ្រប់ទម្រង់

លោក Trump៖ លោកអាចរង់ចាំអ៊ីរ៉ង់យូរជាងនេះ និងបានច្រានចោលសម្ពាធបោះឆ្នោតពាក់កណ្តាលអាណត្តិ

អង្គការ WHO ព្រមានអំពី «ផលប៉ះពាល់ធ្ងន់ធ្ងរ» នៃជំងឺអេបូឡានិងសង្គ្រាម នៅកុងហ្គោ

មន្ត្រី៖ អាមេរិក ធ្វើការវាយប្រហារថ្មីនៅអ៊ីរ៉ង់ទៅលើទីតាំងយោធា និងយានដ្រូន

មេដឹកនាំអ៊ុយក្រែន បានផ្ញើលិខិតស្នើសុំគ្រាប់រំសេវការពារដែនអាកាស Patriot ពីលោក Trump

អ៊ីស្រាអែលចេញបញ្ជាជម្លៀសប្រជាជនចេញពីតំបន់ភាគខាងត្បូងលីបង់ និងប្រកាសជាតំបន់ប្រយុទ្ធ

លោក Trump និយាយថាអាមេរិក «មិនទាន់ពេញចិត្ត» ជាមួយកិច្ចព្រមព្រៀងអ៊ីរ៉ង់នៅឡើយទេ

ប៉ូលិសកម្ពុជាបញ្ជាក់ពីការចាប់ជនជាតិសាម៉នពីរនាក់បាញ់ប្រហារលើជនជាតិអូស្ត្រាលីពីរនាក់នៅទីក្រុងហូជីមិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

គ្រូពេទ្យអំពាវនាវដល់ពលរដ្ឋ សូមរួសរាន់ទៅចាក់វ៉ាក់សាំងដូសទី៣ ខណៈយុទ្ធនាការ​នឹង​បញ្ចប់​ឆាប់ៗ​នេះ